<a href="https://kyzylorda-news.kz/ru">Kyzylorda-news.kz.</a> Аймағымызда нәсібін берекелі кәсіптен тауып, шаруасын дөңгелеткен еңбек адамдары жетерлік. Олардың қай-қайсысын алып қарасаң да, талай жылдық тәжірибесі, кәсіп бастаудағы табандылығы көпке үлгі. Бұл қатарда Сырдария ауданы, Нағи Ілиясов ауылының тұрғыны Роллан Олинов те бар. Маңдай тері мен адал еңбегін омарта шаруашылығына арнаған оның бизнесі берекелі, шаруасы оңды.&nbsp;Соңғы жылдары Сырдария ауданында мемлекет ұсынған мүмкіндіктерді пайдаланып, кәсіп бастаған тұрғындар қатары артқан. Қайтарымсыз немесе жеңілдетілген несие алып, бизнес саласына қадам жасаған олар табыс табумен қатар, аудандағы жұмыссыздық мәселесінің шешілуіне ықпал етуде.«Жания» ЖК басшысы Роллан Олинов 2019 жылы Өңірлік инвестициялық орталығынан «Еңбек. Нәтижелі жұмыспен қамту және жаппай кәсіпкерлікті қолдау» бағдарламасы арқылы 1,5 миллион теңге несие алған. Ал 2020 жылы мемлекет тарапынан 2 миллион теңге қайтарымсыз грант ұтып алуы омарташы кәсібінің көкжиегін кеңіткен.Бүгінде бал өндірудің қыр-сырын жіті меңгерген Роллан Нұрланұлы 80 ұяшықта бал арасын бағуда. Жылына 3,5 тонна өнім өндіруді мақсат еткен жеке кәсіпкер балдың түр-түрін Қызылорда қаласы мен аудан тұрғындарына өткізуде. Айта кетейік, омарташының тұрақты тұтынушылары қалыптасып үлгерген. Балдың жоғары сапасына орай сұраныс та артып келеді.<blockquote>– Кәсіппен айналысушыларға мемлекет тарапынан бағытталып жатқан қолдау көп. Тек ізденіс пен еңбек керек. Сондай-ақ жаңаны үйренуден жалықпау қажет. Сонда ғана кәсіптің берекесі болады. Менің мақсатым – алдағы уақытта омарта шаруашылығын отбасылық бизнес ретінде дамыту. Бал өндірісінде пайда мен береке бар, сұраныс көлемі де жыл санап артып келеді. Балдың денсаулыққа пайдалы екенін тұрғындар жақсы біледі. Сондықтан тұрақты тұтынушыларым да бар, – дейді жеке кәсіпкер Роллан Олинов.</blockquote>Зерттеулерге сүйенсек, бір омартадан ондаған килограмм бал алынады. Бір келі балға айналатын гүл шырынын жинау үшін бал арасы 300 мың шақырым ұшып, сол уақыт аралығында 19 миллион гүлге қонуы керек екен.Бір бал арасы сағатына 6,5 км жылдамдықпен ұшып, бір жұмыс күнінің ішінде шамамен 7 мың гүлге қонады. Осы дерекке қарап-ақ, бал арасының еңбекқор жаратылыс екенін түсінуге болады. Ал бал арасының бабын тапқан омарташының әр күні қаншалықты бейнетке толы екені айтпаса да түсінікті. Алайда таңмен таласа тұрып, бел жазбай тірлік жасайтын еңбек адамының әр күні берекелі болатыны рас. Содан болар халқымыз «еңбек &nbsp;̶ &nbsp;ырыстың қазығы» деп шаруа адамын көпке насихаттаған. Бүгінде еңбегін ел таныған Роллан Нұрланұлы да ауыл тұрғындарына жақсылықты үлгі етіп келеді.

Сырдариялық омарташы мемлекет ұсынған мүмкіндікті пайдалануда

<a href="https://kyzylorda-news.kz/ru">Kyzylorda-news.kz.</a> Қазір үйден аттап баспай-ақ, әлеуметтік желіні бір шолып шықсаңыз, саяхатқа қызығатындар да, тиімді қызмет ұсынатын туристік агенттіктер де көп. Стамбулдың тұрғынына айналған Гүлайым Сейітжанова – «Sayahatmood» турагенттігінің ұйымдастырушысы. Қызылордада туып, саяхат үшін қыр асқан кейіпкерімізбен саяхаттау тәжірибесі, турагенттіктің тиімді тұстары мен түріктердің түн ұйқысын бұзған жер сілкінісі жөнінде сұқбаттасқан едік.– Турагенттік ашу идеясы қалай келді?– Өзім Қызылордадағы қазақ-түрік лицейінде оқып, білім алдым, бірнеше тіл меңгердім. Мектеп бітірген соң Алматыдағы СДУ-ға IT мамандығы бойынша грантқа түстім. Оны тәмамдаған соң бухгалтерия, IT, тендер сынды бірнеше салада жұмыс істеп көрдім. Оқу орталығының жұмысында да тәжірибем бар. Осылай уақыт өте берді.2020 жылы Стамбулға көшуге шешім қабылдадым. Неге дерсіз? Содан аз уақыт бұрын еуротур жасаған едім. Италия, Испания, Франция, Мальт аралдарында болып қайттым. Саяхаттау барысында шетелде өмір сүру туралы ой келді. Сондықтан өзімізге менталитеті жақын түркітілдес елдің астанасы ретінде осында келдім. Қыркүйек айында барғандықтан, күн жылы болды. Күн сайын қыдыратынмын, жаңа жерлермен танысудан жалықпадым. Бірақ ауа райы салқын тартып, қыс болғанда жаңбыр, қар жауып, қолайсыздық туындады. Сол жақтағы еуропалық компанияға бухгалтер болып орналасып, сонда да жұмыстан соң жаңа жерлерін аралайтынмын. Әр жаңа жерден фото, видеоконтентті инстаграм желісіне жүктеп отырамын. Осылайша аудитория жинала бастады. «Тур ұйымдастырыңызшы», «Түркияны сізден артық білетін жан жоқ» деген секілді пікір көбейді. 2021 жылы тамыз айында алғаш рет Қазақстаннан Түркияға тур ұйымдастырдым. Turkish Airlans авиакомпаниясымен жұмыс істедім. Турагенттік бойынша тәжірибе жоқ еді. Ешкімнен курс алып оқымадым. Жақындарымнан кеңес сұрап, тәуекел деп бастап кеттім.Алғашқы тур жақсы өтті. Осылайша жыл мезгілдеріне қарай тұрақты түрде тур жасалды. Наурыз айынан бастап қарашаға дейін айына 2 реттен ұйымдастырылуда. 1 топқа 10 адам ғана қабылданады. Авторлық тур жасап, келу-кетуіне, бір апталық демалысқа, қауіпсіздікке өзім жауап беретінмін. Кейін турагенттік ашып, бұл жобаны кеңейткім келді. Ресми түрде агенттік ретінде тіркелген соң қазіргі таңда тек Түркияға емес, Араб әмірліктеріне, Египет, Грузия, Тайландқа жеке турпакетті сатылымға шығарудамыз. Турпакетте қонақ үй, келу-кетуі, баратын жерлер, тамақтануы ұйымдастырылады. Яғни, туристің қасында гид жүрмейді.– Түркі елінде орын алған жер сілкінісінің салдарынан мыңдаған адам қаза тапты, ғимараттар қирады, қалалар құрдымға ұшырауда. Қазіргі жағдай қандай?– Иә, Түркияның оңтүстік-шығысындағы 10 қалада жер сілкінісі болды. 7,4 балдан жоғары көрсеткіште тұр. Өкінішке қарай адам шығыны көп. Қазір апат орын алған қалаларға басқа қаладан барып, ерікті ретінде көмектесіп жатқандар аз емес. Ең қажетті деген азық-түліктер жіберілуде. Ел Президенті Қасым Жомарт-Тоқаев та бауырлас түрік ағайынға көмектесу мақсатында медицина мамандарын жіберіп жатыр. Әзірбайжан, Еуропа елдері де көмектесуде. Түркияда қазір осы табиғи апаттан қаза болғандарды аза тұту үшін 7 күн жарияланды. Жұмыс орындары жабық, халықтың көңіл-күйі жоқ. Жағдай өте қиын. Материалдық жағынан мемлекетке қанша шығын келгені әлі жарияланған жоқ.– 2023 жылы қазақстандықтарға қай елге саяхаттаған дұрыс? Шетелге турмен барудың артықшылығы неде?– Қазақстан азаматтары ең алдымен визасыз баратын елдерді қарастырады. Сол жағынан қарасақ, Түркия, БАӘ, Грузия, Әзербайжан, Египет елдері қазақстандық туристер үшін сұраныста болып тұр. Тайландқа барудың шығыны көптеу. Бірақ бұл жақты да туристер жиі таңдайды. Себебі табиғаты бөлек, экзотика бар. Түркия мен Дубайды көргендер басқа елдерге барғысы келеді.Негізі саяхаттауды әдетке айналдырып, жылына бірнеше рет шетелге шығатындардың қайта-қайта барудан жалықпайтын жері – Түркияның Стамбул қаласы. Бізде көктем мен жаз айларында туристер көп болатын. Қыста жол жүретіндер аз еді. Биыл мұндағы мешіттерге кіруге кезекке тұрған туристердің тобы дәл жаздағыдай. Шетелдіктер көп. Сәйкесінше, кезек те артқан. Әрине, жыл сайын Түркияға келетіндер саны артпаса, азайған емес.– Турмен барудың артықшылығы неде?– Мысалы, сіз шетелге 1 аптаға саяхаттауға шықтыңыз делік. Турмен барсаңыз, сол жақтың тілін, дінін, халқының менталитетін білетін, сұраныстағы әдемі жерлерді ұсынатын гид жаныңызда жүреді. Тіптен сізге тіл білудің де керегі жоқ. Бұл – ең басты артықшылығы. Яғни, ештеңеге бас қатырмайсыз, алаяқтарға алданамын деп қорықпайсыз. Әуежайдан түскеннен бастап қонақүйге жеткенге дейін, бір апта қыдырып, қайтадан ұшаққа мінгенше сіздің қауіпсіздігіңізге жауапты арнайы маман болады. Туристер үшін қауіпсіздік бірінші орында.– Жұмысыңызға сәттілік!

Қызылордалық жас турагентігімен саяхаттаудың тиімділігін айтты

<a href="https://kyzylorda-news.kz/ru">Kyzylorda-news.kz.</a> Бала күнінде ұшуды армандамаған бала кемде-кем. Бірақ өмірдің әр бағытына бет алған тұста бұл мамандыққа деген махаббат бәсеңдей түседі. Себебі аталған саланың болашақ маманға қояр талабы оңай емес. «Qazaq Air» компаниясының ұшқышы, жерлесіміз Қуаныш Наурызалиевтің айтуынша, олар тез шешім қабылдай білу қажет. Себебі әуе жолында әртүрлі жағдай болуы мүмкін. Ал адам өмірі үшін әр секунд маңызды.‒ Қуаныш, әңгімемізді авиация саласына келген уақыттан бастайықшы. Ең алғаш көкке көтерілген сәт әлі де есіңізде болар… Қандай ұшақпен, қай кезде, қанша уақыт ұштыңыз?− Әр ұшқыштың бірінші рет көкке көтерілген сәті есте қалады. Мен ең алғаш рет Литваның Шедува ауылында екі адамдық ұшу жаттығуына арналған Cessna 150 ұшағымен жарты сағаттай ұштым. Естен кетпес, өте керемет әсер алдым.‒ Авиация саласына келмес бұрын түлектер үш деңгей бойынша сыналады екен. Осы жайында кеңірек айтып беріңізші… Студенттер үшін қай кезеңнен өту қиын соғады?− Студенттер үшін бұл саланың әр кезеңі ауыр. Сондықтан барлық сәтте еңбектену керек. Ең алдымен теория оқып, емтихан тапсыруды талап етеді. Одан кейін ұшу практикасын үйрену қажет. Сондай-ақ авиация саласына қажетті ағылшын тілін меңгеру керек. Ұшқыш болуға ұмтылған талапкер үшін соңғы кезең, жұмысқа орналасу уақыты − ең қиын, жауапты сәт деп ойлаймын. Өйткені бұл ортада бәсекелес көп. Қатарыңыздан алда болмасаңыз, жұмыс табу да қиын.‒ Осы салаға келген сәтте сізді не таң қалдырды? Авиацияның біз білмейтін беймәлім тұстарымен бөлісіңізші…− Бастапқыда мені ұшқыш пен борт-серікке алпыс күн еңбек демалысы берілетіні таң қалдырды. Көп жұмыс орнында еңбек демалысы 24 күн, бірақ экипаж мүшелері екі айға жуық демалыс ала алады. Бұл − жұмыстың ауырлығына, ұшу сағатының көптігіне орай берілетін мүмкіндік. Тағы бір айта кететін жайт, кейбір адамдар ұшақтағы турбуленттіліктен қорқады, алайда оған алаңдаудың қажеті жоқ. Турбуленттілік − ауа ағынының, желдің өзгеруінен туындайтын табиғи құбылыс. Кез келген ұшақ аталған жағдайға бейімделіп жасалған. Алайда борт-серіктер белдікті тағуды сұраса, немқұрайлы қарамаған жөн, себебі сіздің ұшақтағы қауіпсіздігіңіз маңызды.‒ Әуе жолында кәдімгі көлік жүретін көшелер тәрізді ұшақтың да өзіндік жолы болатыны айтылады. Осы жөнінде кеңірек айтып берсеңіз…− Иә, аспанда көптеген координатпен бекітілген нүктелер бар. Олардың әрқайсына бес әріптен тұратын атау беріледі. Борттағы компьютерге алдын ала бір нүктеден келесі нүктеге ұшу туралы ақпарат енгізіледі. Ол спутник көмегімен жүзеге асады.‒ Осы саладағы ережеге сүйенсек, бір ұшақты тізгіндеген адам екінші ұшаққа отыра алмайды.&nbsp;– Өйткені екінші ұшақтағы жүйе мүлде басқа болады. Жалпы бір ұшақты толық меңгеру қанша уақытқа созылады? Өзге де ұшақтың тілін білу үшін арнайы курстан өту керек пе?− Ұшқыштар басқа ұшаққа ауысатын болса, арнайы Type rating курсынан өтеді. Ол − жаңа ұшақтың типін толыққанды оқу, яғни ұшқыш сол типті толық меңгеру керек. Бұл шамамен бір-екі айға созылады. Соңында алған білімі бойынша емтихан тапсырады.‒ Ұшқыштың шеберлігі оның дер кезінде шешім қабылдаған сәтімен және ұшу сағаты бойынша сыналады. Оқу орнында, тәжірибе алмасу барысында студенттерге қанша сағат ұшу міндеттеледі?− Негізінде біз әр ұшқан сайын тәжірибе жинаймыз. Себебі әр рейсте ауа-райы әртүрлі, әуежайлар да бір-біріне ұқсамайды. Ұшу аймағына байланысты ұшқыш жаңа дүниені үйреніп, өзіне сенімді бола бастайды. Студенттерге шамамен 200-250 сағат ұшу межесі беріледі.− Сұхбатыңызға рақмет!&nbsp;

Қуаныш Наурызалиев: Ұшқыш әр ұшқан сайын тәжірибе жинайды

<a href="https://kyzylorda-news.kz/ru">Kyzylorda-news.kz.</a> «Әзілің жарасса, атаңмен ойна» деген қазақтың қағытпа қалжыңға құрметі ерекше. Әзіл арқылы қоғамның «жарасын» жалпыға көрсетіп, емдеп алуға да, ақтарылып, айқайлай күлуге де, сырың мен шыныңды бөлісуге мүмкіндік бар. Махаббат Сәрсәмбаева – алматылық «Желтоқсан» стендап клубының стендап комигі. Әзілді терапия деп танитын кейіпкерімізбен қазақстандық стендап индустриясының бүгіні, қыздардың «қалжыңы» мен жеке шығармашылығы жөнінде тілдескен едік.– Махаббат, әзілге деген қызығушылығыңыз қалай басталды? Балалық шаққа оралсақ…– Кішкентай кезіме келер болсақ, мектептен тыс кезде бос уақыты болмаған баламын. Музыкалық мектепте скрипка аспабы бойынша 7 жыл оқыдым. Жалпы 1 сыныптан 11 сыныпқа дейін менде үздіксіз үйірмелер, қосымша айналысатын хоббилар болды. Скрипка, сурет өнері сынды қосымшаларға неге көп қатысқанымды білмеймін. Бірақ соның арқасында өзіме не ұнайтынын түсіндім.9 сынып оқып жүргенде маған сыныптастарым «Сен күлкілісің, күшті әзілдейсің» деп айта бастады. «Мүмкін, комеди клабқа барарсың» деп әзілдейтін. Олардың сөзін шынайы қабылдамаппын. Осылай уақыт өте берді. 9 сынып оқып жүргенімде анам: «Дизайнерлікке тапсырып көрерсің? ЖОО-да жүріп қосымша «КВН» ойнауға да мүмкіндік болады» деді. Ол кезде әлі де суретпен айналысатынмын. Осылайша архитектор мамандығына тапсырдым. Маған әзілдеу де, әзіл өнері де қатты ұнайтын. Сондықтан университетте қосымша «КВН» ойындарына қатысып жүріп, командадан бөлек жеке өнер көрсеткім келетінін түсіндім. Осылайша стендапқа келдім.Үйде әкем мен әжем үнемі әзілдесіп, қалжыңдасып отырады. Әкем – көпті аузына қаратып сөйлейтін, үнемі көпшілікті күлдіріп отыратын адам. Қонаққа барсақ та, бірдеңені әңгімелегенді, әзілдескенді жақсы көреді. Әзілге деген қызығушылығым әкем мен әжемнен келген шығар. Менің ойымша, әр адам әзілдей алуы керек.– Әзіл әйелдердің ісі емес… Алайда стендап комик әйелдер қатары көбеюде. Сонда әзіл әлеміндегі қыздарды қоғам мойындамай ма?– Мен осы жаттанды, таптаурын түсінікке қарсымын. Дұрысы әр стендап комиктің өз көрермені бар. «Әйелдер әзілдей алмайды, әзіл жаза алмайды» деген жаттанды ойды қоғамға кім таңып қойғанын білмеймін. Алайда команданың әзілін жазатын мен едім. Байқап қарасаңыз, квн командаларында бірнеше ұл мен бір қыз болады. Онда да не ерекше сұлу, не артық салмақтағы, денесі ірілеу, не өзін ұлдар сияқты ұстайтын қызды таңдап алатын. Басқа рөлдерге қыздарды алмайды. Себебі қыздарға сенбейтін. Неге екенін білмеймін. Тек қана қыздардан құралған команда болса, оның әзілдерін өткізбейтін.Меніңше, әзілдеу адам табиғатына байланысты. Әзілді түсінбейтін қыздар да, жігіттер де бар. Сондықтан жалпылама баға берудің қажеті жоқ. Бірақ қазір қазақстандық стендапта қыздардың саны да, сапасы да көбеюде. Көрермен де артып келеді. Мәселен, менің көрерменім тек қыздар дей алмаймын. Арасында жігіттер де бар. Ресейлік стендап индустриясын қарасаңыз, көрерменді ұстап тұрған қыздардың әзілі десек болады.– Қалай ойлайсыз, әзіл өнері өміріңіздің соңына дейін сүйікті ісіңіз болып қала ма?– Әрине, әзіл мен үшін бірінші орында. Өмірімнің соңына дейін сүйікті ісім боп қалады. Оған ешқандай күмәнім жоқ. Өйткені әзілсіз өткен күнім жоқ. Адамдар әзілдесе алуы қажет. Қалжыңды қабылдай білуі керек. Яғни, әзіл өмір сүруі керек. Себебі сөз арқылы өмірдегі ең қиын сәттерді де әзілдеуге мүмкіндік бар. Мен стендапта әзілдің бәрін өз өмірімнен аламын. Басымнан өткен қандайда бір жағдай, шарасыз сәттер, іштегі уайымымды әзілге айналдырып, сахнада көрерменмен бөліскеннен кейін рахаттанып қаламын. Сол болған оқиғаға жеңіл қарай бастаймын. Яғни, әзіл – менің жанымның терапиясы.– Стендап форматы жағынан квн ойындары мен «Жайдарманды» алмастыра бастағандай…– Жайдарманды білмеймін, бірақ «КВН» ойындарына ешкім бармайтын сияқты. Ол жерде алдын ала дайындалады, командамен шығады, сценарий бар. Яғни сахнада ойын ойнайды, кішкене шынайылық жетіспейтін секілді. Ал стендапта дәл сол сәттегі ішкі күйді, адамның жанын сезінуге болады. Шынайылық бар. Неге стендапқа келетіндер көбеюде? Себебі комиктердің әңгімесі, әзілдерінен өз өмірін, өзін көреді.Алматының өзінде бір жыл бұрын стендаптың даму жағдайы басқаша еді. Қазір ай сайын жаңаруда. Менің ойымша әзіл өлмейді. Қазақстандық стендап енді ғана өз өмірін бастады. Болашағы да, өзгерістер де әлі алда. Тіпті, жақын арада шетелдерге шығып, сұранысқа ие болады деп ойлаймын. ТМД елдерінде танымал болуға мүмкіндігі бар.– Сұқбат үшін рақмет, Махаббат!

Махаббат Сәрсәмбаева: Әзіл мен үшін бірінші орында

<a href="https://kyzylorda-news.kz/">Kyzylorda-news.kz.</a> &nbsp;Арал ауданының әкімі Серік Сермағамбетов жұмыс сапарымен бірнеше ауылдарды аралады. Аудан басшысы алдымен Аманөткел ауылдық округінде болып, жаңадан бой көтеріп жатқан екі қабатты балабақшаның құрылысымен танысты. Аудан басшысы өз қаражаты есебінен салып жатқан жеке кәсіпкерге құрылыс жұмыстарына сәттілік тілеп, елдімекенде жаңа бөбекжайдың қажеттілігі күн тәртібіндегі мәселенің бірі екенін атап өтті.Одан соң, Серік Сағитжанұлы Аманөткел ауылының халқымен кездесіп, жыл баcынан бері атқарылып жатқан жұмыстар барысына тоқталды.<blockquote>«Ауданымызда соңғы екі жыл көлемінде жол жөндеу жұмыстарына ерекше назар аударылып, өткен жылдың сәйкес кезеңімен салыстырғанда автожолдарды жөндеуге бюджеттен 6,7 млрд. теңгеге жуық қаржы қаралып отыр. Өздеріңіздің ауылдарыңызда «Ауыл-Ел бесігі» бағдарламасы аясында 3 көшенің орташа жөндеу жұмыстары қарқынды түрде жүргізілуде. Сондай-ақ, келесі жылдың өзіне құны 827 млн. теңгені құрайтын 14 көшені бастайтын боламыз. Бүгінде «Аманөткел-Жаңақұрылыс», Аққұлақ елдімекеніне кіре беріс автожолдарының, Хан елді мекені тұсындағы қалқымалы көпірді қайта жаңғырту жұмыстары өз жалғасын табуда. 2024 жылы жоба құны 453 млн. теңгеге электр бағаналарын толығымен ауыстыратын боламыз. Ретімен бәрі жасалады»-деді, аудан әкімі.&nbsp;</blockquote>Ауыл ақсақаладары ел үшін жасалып жатқан барша істерге ризашылығын білдіріп, Ақшатау ауылына мектеп салу мәселесін сұрады. Өз кезегінде аудан басшысы мектеп құрылысының жобасы дайын екенін және биыл бастап кетуге күш салатынын жеткізді.Кездесуде Серік Сағитжанұлы ауылда орташа жөндеу жұмыстарын жүргізіп жатқан «Қазалы Жолшы» ЖШС мекемесінің мердігеріне жолды сапалы әрі уақытылы аяқтауды тапсырып, су жиналатын жерлерді көтеріп салуға мән беру қажеттігін айтты.Сапар барысында аудан басшысы ауыл тұрғындарының егістік алқабы мен «Camel Pro» шаруа қожалығының 100 гектар егістігінің жұмыстарымен танысты. 15 гектар аумақты қамтитын елдімекен халқының алқабында бүгінде бау бақша және асқабақ, картоп өнімдері егіліп, жақын күндері бірінші жемісін бермек. Тұрғындар шамамен биыл 25-30 қап картоп өнімін жинайтынын айтты. Аудан әкімі диханшыларға жергілікті өнімнің маңыздылығын айтып, ауылдықтардың бастамаларына сәттілік тіледі.

«Ауыл-Ел бесігі»: Ауыл көшелерін жөндеу жұмыстары қарқынды жүргізіліп жатыр 

<a href="https://kyzylorda-news.kz/ru">Kyzylorda-news.kz.</a> Микробиология және вирусология саласындағы ғылыми зерттеулердің өрісі кең, ол – қазіргі заманның барлық талаптарына толығымен жауап береді. Атап айтқанда, Алматы қаласында орналасқан ғылым мен техника саласындағы екі мәрте мемлекеттік сыйлықтың лауреаты, биология ғылымдарының докторы, академик Саданов Аманкелді Құрбанұлы басқаратын микробиология және вирусология ғылыми-зерттеу орталығы ғалым-микробиологтары микробиологиялық технологиялардың көмегімен ауылшаруашылығы өндірісін дамытуға, медицина, тамақ өнеркәсібі мен қоршаған ортаны қорғауға арналған жаңа микробтық биопрепараттар әзірлеп, өндіріске енгізуде.Сонымен қатар, орталық жоғары оқу орындарымен де тығыз байланысты. Оның дәлелі 2022 жылдың желтоқсан айында Қорқыт Ата атындағы Қызылорда университетінің «Биология, география және химия» кафедрасында ашылған Саданов Аманкелді Құрбанұлы атындағы микробиология ғылыми-зерттеу орталығы.&nbsp;Аманкелді Құрбанұлы – Қоқыт ата атындығы Қызылода университетінің түлегі. Инститтутты бірген соң Ленин атындағы Бүкілодақтық ауыл шаруашылығы ғылымдары академиясының Шығыс бөліміне қарасты В.Р.Вильямс атындағы Қазақ егіншілік ғылыми-зерттеу институтының аспирантурасын, М.В.Ломоносов атындағы Мәскеу мемлекеттік университетінің топырақ биологиясы кафедрасының докторантурасын бітірген. Тынымсыз еңбектің нәтижесінде ғалым 1984 жылы ғылым кандидатты, 1995 жылы ғылым докторы атағын иеленді.Ғылыми орталық білім алушылардың ғылыми-зерттеу жұмыстарымен айналысуы үшін оптикалық құралдардан түрлі заманауи микрокоскоптар, термиялық аспаптардан – термостаттар, автоклав, центрифуга, кептіру шкафы, ал хирургиялық аспаптардан – скальпельдер, пинцеттер, қысқыштар және де Петри табақшасы, таразы, заттық, жабын шыныларымен жабдықталған. Сондай-ақ, орталық оқу үдерісіне пайдаланылатын академик Аманкелді Садановтың оқулық, оқу-құралдары, монографиялары және тағы басқа көптеген ғылыми еңбектермен толықтырылған. &nbsp;Бұл орталықта 5В01517-Биология, 5В01516-Химия-Биология бакалавр, магистратура, докторантура білім беру бағдарламарының көптеген пәндері, атап айтқанда молекулалық биология, өсімдіктер физиологиясы, биотехнология, микробиология және вирусология пәндерінің дәріс сабақтары мен зертханалық сабақтары, соның ішінде микробиология және вирусология пәнінен «Топырақтағы микроорганизмдердің санын микроскопта анықтау», «Бактерияларға қоректік орта дайындау», «Бактерияларды қолда өсіру» сияқты тақырыптардан жұмыстар жүргізуде.&nbsp;Қазіргі таңда 5B01517 – Биология білім бағдарламасының бакалавр, магистратура, докторантура бойынша білім алушылары және «Bioclub» үйірмесінің мүшелері ғылыми – зерттеу орталығында түрлі ғылыми жұмыстар жүргізіп, ғылыммен айналысуда. Атап айтқанда, магистратура бойынша Жасұлан Ысқақбай «Қазақстандағы экономикалық маңызы бар өсімдіктердің патогендері– саңырауқұлақтарды зерттеу нәтижелерін оқу үрдісінде пайдалану», Фариза Балмағанбет «Мектептегі биология курсында тірі ағзаларды жүйелеуді оқыту әдістемесі» тақырыбындағы диссертациялық жұмыстарына зерттеу жұмысын осы орталықта жүргізуде.&nbsp;Алдағы, 2023-2024 оқу жылынан бастап бұл орталықтың жұмысын Алматы қаласындағы микробиология және вирусология ғылыми-зерттеу институтының филиалы ретінде жүргізу жоспарлануда.Еліміздегі алдыңғы қатарлы дамып жатқан ғылыми мекемелердің бірі, Алматы қаласында орналасқан ғылым мен техника саласындағы екі мәрте мемлекеттік сыйлықтың лауреаты, биология ғылымдарының докторы, академик Саданов Аманкелді Құрбанұлы басқаратын микробиология және вирусология ғылыми-зерттеу орталығы.<blockquote>– Академик Аманкелді Құрбанұлы біздің студенттерге оқу процесі мен тәжірибелік тарпынан да әрдайым көмегін аямайды. Оқу процесінде ол кісінің монографиялары мен дайындалған әзірлемелерін қолданудамыз. Атап айтқанда, биотехнологияның негізі болып табылатын өндірістік құнды микроорганизмдер туралы ғылыми еңбектерімен қатар, құрал жабдықтармен де қамтамсыз етті. Біз дәріс беру барысында өндірістік микроорганизмдердің физиологиясын, әсер ету механизмдерін, биопрепараттарды әзірлеу және қолдану тәсілдерін осы зертханада теориядан бастап тәжірибеге дейін студенттерге таныстырамыз, – дейді «Биология, география және химия» кафедрасының меңгерушісі, философия ғылымдарының докторы (PhD) Гүлжас Тоқтағанова.</blockquote>Гүлжас Тоқтағанованың айтуынша, 2022 жылдың желтоқсан айынан бастап «Биология, география және химия» кафедрасында Саданов Аманкелді Құрбанұлы атындағы микробиология ғылыми-зерттеу орталығы жұмыс жасайды. Бұл орталықта микробиология және вирусология, молекулалық биология, өсімдіктер физиологиясы пәндерінің дәріс сабақтары мен зертханалық сабақтары жүргізіледі.&nbsp; Ғылыми-зерттеу орталығы академик Амангелді Садановтың кітап қорымен толықтырылған. Сонымен қатар, білім алушыларға ғылыми-зерттеу жұмысымен айналысу үшін оптикалық құралдардан түрлі заманауи микрокоскоптар, термиялық аспаптардан – термостаттар, автоклав, центрифуга кептіру шкафы, ал хирургиялық аспаптардан – скальпельдер, пинцеттер, қысқыштар және деПетри табақшасы, таразы, заттық, жабын шыныларымен жабықталған.&nbsp;Қазіргі таңда 5B01517 – Биология білім бағдарламасының студенттерінен құралған «Bioclub» үйірмесінің мүшелері осы ғылыми – зерттеу орталығында түрлі жұмыстар жүргізіп, ғылыммен айналысуда.&nbsp;Ғалым жаңа ғылыми бағыттардың бірі топырақ биотехнологиясы мен топырақ микробиологиясын зерттейтін ғалымдарды біріктірді. Сонымен қатар, биологиялық және медициналық препараттар шығаратын «Өнеркәсіптік микробиология» зауытын ашты. Одан шығарылған препараттар халық денсаулығын жақсартуда қолданылып келді. Бұдан бөлек, ауыл шаруашылығы, қоршаған ортаны қорғау, ветеринария салаларына арналған 8 жаңа отандық биопрепарат технологиясы әзірленіп, өндіріске ұсынылды. Зауыттан жылына 80-90 тонна әртүрлі биопрепараттар шығарылып, сатылымға жіберіліп отыр.<blockquote>«Профессор Қорқыт ата университетінің ғалымдарымен ғылым саласында жаңашыл бастамаларымен бөлісіп, үлкен ғылыми жобаларды бірге жүзеге асырып келеді. Осындай толағай еңбектерінің жемісінде «Саданов мектебі» қалыптасты. Біз ғылымдағы осындай тұлғалы ұстаздарымызды мақтаныш етеміз», – деді биология ғылымдарының докторы, профессор Салтанат Ибадуллаева.</blockquote>– Аманкелді Құрбанұлы өзі білім алған қара шаңырақ Қорқыт Ата атындағы Қызылорда университетінің өркендеп дамуына зор үлес қосып келеді. Оның ішінде бірлескен ғылыми жобаларды жүзеге асыру, ғылыми кадрлар даярлау, университетіміздің оқытушы-профессорларын тағлымдамадан өткізу, сондай-ақ «Микробиологиялық ғылыми-зерттеу орталығын» жабдықтап, өскелең ұрпақтың сапалы білім алуы үшін қажырлы еңбек етуде, – дейді Биология ғылымдарының кандидаты, доцент Айнұр Байкенжеева.Аманкелді Садановтың ғылыми-зерттеу нәтижелері бойынша 1036 ғылыми еңбегі жарық көрген. Оның ішінде 620 ғылыми мақала, 24 монография, жоғары оқу орындарына арналған 39 әдістемелік құралы мен оқулығы даярланып, 155 авторлық куәлік пен патент, тауар белгілері алынды. Ғалымның жетекшілігімен 40 ғылым кандидаты және 17 ғылым докторы дайындалып, бүгінде ұстаздың шәкірттері алыс-жақын шетелдерде, еліміздің түкпір-түкпірінде қызмет етуде.Аманкелді Құрбанұлының қажырлы еңбегіне мемлекет тарапынан да жоғары баға берілді. Атап айтсақ, Ғылым мен техника саласы бойынша екі мәрте Қазақстан Республикасының Мемлекеттік сыйлығының лауреаты, «Қазақстанның еңбек сіңірген қайраткері», «Құрмет» және «Парасат» ордендерінің иегері, «Білім беру ісінің үздігі» төсбелгісінің иегері атанған. &nbsp;<figure class="image"><img src="https://knadmin.beoblood.kz/uploads/8388da07_f228_4876_bcaf_f724d2989767_af5ccd3622.jpg" alt="8388da07-f228-4876-bcaf-f724d2989767.jpg"></figure>

Ғылыми зерттеу орталығында кітап қоры жеткілікті

<a href="https://kyzylorda-news.kz/">Kyzylorda-news.kz.</a> Қызылорда облысы полиция департаментінің Есірткі қылмысына қарсы іс-қимыл басқармасы жасөспірімдерді нашақорлық мәселесі жайлы спектакль көруге шақырды.Көрермендер студенттер мен жоғары сынып оқушылары болды. Олар Нартай Бекежанов атындағы драма театрының қойылымындағы «Нашақордың өмірі жайлы новелла» трагедиясын тамашалады.Спектакль он жыл бойы көрсетіліп келеді, дегенмен көрсетілген қойылым үлкен сұранысқа ие болғандықтан, жаңартылған, спектакльдің бұрынғы атау «Қандыөзек» болған.Қойылымда біздің заманымыздың ауыр тақырыбы көтерілген. «Нашақордың өмірі жайлы новелла» жастардың нақты тағдырына негізделген. Спектакльде орын алған трагедия ескерту болып табылады.Мұның бәрі әкесі мен анасының қалыңдықты таныстыруға әкелген ұлымен кездесу көрінісінен басталады. Бірақ кенеттен жігітке қоңырау шалады, оның «достары» оған қарыз ақшаны әкелуін талап етеді. &nbsp;Алайда, «достар» нашақор болып шығады және ол есірткі притонына түседі, онда оны «инеге» отырғызады. Пьеса кейіпкерін есірткіні сол бірінші рет қабылдағаны, өмірдің түбіне апарады және ол құлдыраған нашақорға айналады. Араңдатушы - есірткі сатушы әйел, &nbsp;жігіт кейіннен осы әйелмен &nbsp;тегін доза мен тамағы үшін бірге тұрады. Алайда, есірткі сатушы әйелдің өз мақсаттары бар: ол ата-анасының пәтері мен көлігін өз атына аударуды талап етеді және оның жоспары сәтсіз болғанын білгенде, жігітті қуып шығады. Ата-анасы қайтыс болады, ол түрмеге түседі. Түрмеден шыққаннан кейін өзінің бұрынғы қалыңдығымен кездеседі және оның сегіз жасар ұлы бар екенін біледі.Қойылым хеппи-эндпен аяқталады. Қалыңдық оны кешіреді, ол адам болып, онымен және ұлымен бірге болуға уәде береді.Спектакль аяқталды, көрермендер әртістерге ұзақ қошемет көрсетіп, естелік суретке түсті. Көптеген жасөспірімдер залдан ойлы шықты. Олар өмір түбіне қалай бір сәтте түсіп кетуге болатынын көрді.Іс-шара «Халықаралық нашақорлыққа қарсы күрес күніне» орайластырылған айлық аясында өткізілді.<img src="https://knadmin.beoblood.kz/uploads/Whats_App_Image_2023_05_28_at_16_25_43_fa3a826bc2.jpeg" alt="WhatsApp Image 2023-05-28 at 16.25.43.jpeg"><img src="https://knadmin.beoblood.kz/uploads/Whats_App_Image_2023_05_28_at_16_25_44_a469035bc9.jpeg" alt="WhatsApp Image 2023-05-28 at 16.25.44.jpeg"><img src="https://knadmin.beoblood.kz/uploads/Whats_App_Image_2023_05_28_at_16_25_45_c6ff1e45cb.jpeg" alt="WhatsApp Image 2023-05-28 at 16.25.45.jpeg">

Қызылордалық жастар «Нашақордың өмірі жайлы новелла» трагедиясын тамашалады

<a href="https://www.google.com/url?sa=i&amp;url=https%3A%2F%2Finbusiness.kz%2Fkz%2Flast%2Felordada-mumkindigi-shekteuli-zhandarga-bolingen-10-koliktin-kajda-ketkeni-belgisiz&amp;psig=AOvVaw3kHllACLWMqfjJXu7kiYxp&amp;ust=1685348737795000&amp;source=images&amp;cd=vfe&amp;ved=0CBAQjhxqFwoTCKji1LnLl_8CFQAAAAAdAAAAABAD">ФОТО</a><a href="https://kyzylorda-news.kz/">Kyzylorda-news.kz.</a> «Қазақстанда мүгедектігі бар адамдардың құқықтарын қамтамасыз ету және тұрмыс сапасын жақсарту жөніндегі 2025 жылға дейінгі ұлттық жоспары» көпшілік талқыға шығарылды, деп хабарлайды ҚазАқпарат.<blockquote>«Осы бұйрықтың қосымшасына сәйкес, Қазақстанда мүгедектігі бар адамдардың құқықтарын қамтамасыз ету және тұрмыс сапасын жақсарту жөніндегі 2025 жылға дейінгі ұлттық жоспары бекітілсін», - делінген <a href="https://legalacts.egov.kz/npa/view?id=14584735">Ашық НҚА</a> портылында жарияланған Еңбек және халықты әлеуметтік қорғау министрінің бұйрық-жобасында.</blockquote>Құжатта жазылғандай, ұлттық жоспар аясында мына жұмыстар қолға алынады:- Мүгедектікке әкелетін туа біткен даму дерттерді және тұқым қуалайтын ауруларды анықтау тұрғысынан балаларды ерте скринингтен өткізу - қамту үлесін биылғы 92%-дан 2024 жылы 93%-ға жеткізу;- Барлық 3 кезеңде (амбулаториялық, стационарлық, санаторий-курорттық) оңалту көмегінің сабақтастығы мен үздіксіздігін қамтамасыз ету - көрсетілген көмектің үлесін биылғы 45%-дан 2024 жылы 50%-ға жеткізу;- Ерекше білім беруді қажет ететін балаларға білім беру процесін материалдық-техникалық сүйемелдеудің орындалуын мониторингтеу;- Өңірлер бөлінісінде ерекше білім беруді қажет ететін балалар саны бойынша статистикалық деректерді қалыптастыру;- Мүгедектігі бар адамдарды заманауи протездік-ортопедиялық құралдармен қамтамасыз ету бойынша ұсыныстар әзірлеу;- Мүгедектігі бар адамдарға арналған оңалту орталықтарының желісін дамыту мәселесін пысықтау;- Азаматтарды өмірдегі қиын жағдайда жүрген адамдардың санаттарына жатқызу өлшемшарттарын және мұқтаж азаматтарға, оның ішінде адам саудасы және отбасылық-тұрмыстық зорлық-зомбылық бойынша құқық бұзушылықтардан зардап шеккен адамдарға көрсетілетін мемлекеттік қолдауды күшейту мақсатында мемлекет кепілдік берген арнаулы әлеуметтік көрсетілетін қызметтер тізбесін өзектілендіру;- Үйде қызмет көрсетілетін адамдар үшін жан басына шаққандағы қаржыландыруды қалыптастыру бойынша ұсыныстар әзірлеу;- Балалар-жасөспірімдер спорт мектептерінде, жоғары спорт шеберлігі мектептерінде, олимпиадалық дайындық орталықтарында және олимпиадалық резервті даярлау орталықтарында мүгедек спортшыларға жаттығу процесін ұйымдастыруды қамтамасыз ету;- Мүгедектігі бар адамдардың флюорографиялық, маммографиялық зерттеулермен қамтылуын және олардың қолжетімділігін мониторингтеу.Бұйрық 9 маусымға дейін көпшілік талқылауда болады.

Мүмкіндігі шектеулі жандардың тұрмысын жақсартуға арналған ұлттық жоспар бекітіледі

<a href="https://kyzylorda-news.kz/">Kyzylorda-news.kz.</a> Өткен жылдан бастап Жаңақорған ауданындағы жергілікті ақын жазушылардың туған жеріндегі оқырман кауыммен қауыштыру, олардың шығармашылығын насихаттау мақсатында, аймағымызда "Елге сәлем" жобасы жүзеге асып келеді.Осы жоба аясында, А.Сопыбеков атындағы аудандық кітапханасының үйлестірумен жерлестерімізді Ф.Сахиев, Б.Үсейнова, Н.Жапеков, Е.Мұстафаев сынды танымал ақындардың қатысуымен "Қаламгер - руханият шырақшысы" тақырыбында кездесу кеші болып өтті. Шараға облыстық кітапхананың кызметкерлері, ауданның ардагер ақсақалдары С.Ыдырысов, П.Айнақожаев және кітапхананың қызметкерлері мен колледж студенттері қатысты. Кешті ақын Ф.Сахиев ашып, ақындардың өмірінен сыр шертетін бейнеролик көрсетілді. Колледж студенті Ф.Сахивтің "Менің Қазақстаным" атты өлеңін оқыды. Е.Мұстафаевтің сөзіне жазылған "Анаға сәлем " атты әнін мәдениет үйінің әншісі Қ.Әлиева орындады.Сондай-ақ Б.Үсейнованың "Асыл анам" монологын оқыса, ауданның жас ақындары А.Бидашов пен М.Әбибулаев суырып салма ақындық өнерлерін паш етіп кешті қызықтыра түсті. Жыр сүйер қауым ақындарымызға көкейіндегі сұрақтарды қойып, жауабын алды. Ақындар сиясы кетпеген бір-бір өлеңдерін оқып оқырмандарға тарту етті. Шара соңында А.Сопыбеков атындағы кітапхананың директоры А.Тилеубергеноваға және Қызылорда Облыстық Ә.Тәжібаев атындағы кітапхананың әдіскері Мадина апайға сөз берілді. Шараның негізгі әрі бірегей кейіпкерлерін әр бір тұлға - бір театр болатындай азамат пен азаматша екендігін айта кетті.Жобаның мақсаты негізгі мақсаты осы Жаңақорған аудандық жергілікті жердегі ақын-жазушыларды, өлке тұлғаларын дәріптеу, насихаттау жастарға үлгі ету.

Жаңақорғандағы қаламгерлерге арналған жоба жалғасын тапты

<a href="https://kyzylorda-news.kz/">Kyzylorda-news.kz.</a> Жалағаш ауданының әкімі Асқарбек Темірбекұлы Жалағаш кентіндегі Қ.Сәтбаев көшесінің тұрғындарымен кездесіп, тұрғындар тарапынан көтерілген мәселелердің шешілуіне жұмыстар жасалатындығын жеткізді.Аталған көше тұрғындары қосымша жөнделіп жатқан жолдарға, құрылысы басталған аспалы көпір мен жаңадан салынған балалар ойын алаңы үшін өз алғыстарын білдірді.Асқарбек Темірбекұлы Қ.Сәтбаев көшесіне күрделі жөндеу жұмыстарын жүргізу үшін құжаттар әзірлеуді және кент көшелерінің тазалығын қатаң сақтауды тиісті сала басшыларына тапсырды.Сондай-ақ, спорт кешенін салу үшін бос жерлерді зерттеп, ақпарат ұсыну қажеттігін айтты.Атап өту керек, аудан бойынша 1,3 млрд. теңгеге Жалағаш кенті және 4 елді мекеннің 16 көшесіне жөндеу жұмыстары жүргізіледі.«АҚПАН БАТЫР» АТЫНА КӨШЕ БЕРІЛДІЖалағаш ауданының әкімі Асқарбек Темірбекұлы Жалағаш кентінде Ақпан батыр Жұмырұлының атындағы көшенің ашылу салтанатына қатысты.Ақпан Жұмырұлы XVIII ғасырдың орта шенінде Сырдың төменгі ағысында, қазіргі Жалағаш ауданының Жаңаталап ауылында ғұмыр кешкен. Қалмақ, жоңғар шапқыншылығы кезінде атқа қонып, елді, жерді жаудан қорғаған қайраткер тұлға.Аудан басшысы «Батырдың өткен жолын зерделеп, құрметтеп, кейінгі ұрпаққа насихаттау – үлкен игілікті іс. Осы ретте Ақпан батыр Жұмырұлы жайлы деректерді жинақтап, кітап шығарған батырдың ұрпағы Өтеген Нұғыманұлына алғыс білдірді.Сондай-ақ, батыр баба есімінің аудан орталығындағы бір көшеге берілуі - сол өткенді құрметтеудің бір парасы екендігін атап, игілікті де сауапты істеріңіз кейінгі өсіп келе жатқан ұрпаққа үлгі болып, елді, туған жерді осы батыр бабасындай қорғайтын болсын деп тілек білдірді.<img src="https://knadmin.beoblood.kz/uploads/348959959_643737477165150_9086721616572045722_n_43125a030a.jpg" alt="348959959_643737477165150_9086721616572045722_n.jpg">

Жалағаш ауданының әкімі тұрғындардың талап-тілегін тыңдады

<a href="https://kyzylorda-news.kz/">Kyzylorda-news.kz.</a> Нарықтық заманда өзгеге алақан жаймай, кәсіптің көзін тауып, берекелі істің игілігін көру әрине құптарлық жайт. Уақыт көшіне ілесіп, ата кәсіпті дамытып, тыңнан түрен салуды көздеген жастарымыз бүгінде ауданда жетерлік. Соның бірі – Қармақшы ауданына қарасты Ақжар ауылындағы Әлия Орынбасарова. Ол осындағы қыз-келіншектерге әдемілік сыйлайтын сән салонын ашып, түрлі қызмет түрлерін көрсетуде.Ауылға барған сапарымызда жас кәсіпкердің салонына бас сұғып, тыныс-тіршілігімен таныстық. Ашылғанына біраз уақыт болған нысан өз тұтынушыларын жинап та үлгерген. Іші жинақы, шағын болса да шашаусыз, жиһаздармен ерекше талғаммен орналастырылған. &nbsp;Әлия Қуаңдария ауылының тумасы. Ол бала күнінен осы іспен айналысуды мақсат тұтқан. Мектепті бітірген соң қаладағы Қызмет колледжіне оқуға түсіп, «Шаштараз және сәндік косметика» мамандығын алып шығады. Сөйтіп одан әрі мамандығын шыңдау үшін сол жақта үш ай жұмыс істейді. Кейін болашақ жарын жолықтырып, Ақжар ауылына тұрмысқа шығады.&nbsp;<blockquote>«Еңбектің көзін тапсаң, байлықтың өзін табарсың» дегендей, тіршілік істеймін деген адамға жұмыс көп. Тек ынта мен ықылас, талап қажет. Жыраққа кетпей өз жеріңде еңбек ету де – бір бақыт. Ауылға тұрмыс құрғанымда кәсібім бір-екі жыл тұралап қалғаны болмаса, одан қол үзгенім жоқ, кейін қайта қолға алдым», – деді ол сөзін әріден бастап.</blockquote>Кешегіге дейін ауылдағы сұлулыққа құмар қыз келіншектер ауданға жол тартып, қалаған шаш үлгісін сонда жасатып келгені рас. Енді олар табан тоздырып, алысқа бармайды. Кәсіпкер ауыл орталығынан сән салонын ашып, шаш, кірпік, макияж, маникюр мен косметология бойынша қызмет көрсетеді.<blockquote>«Әйелдерге сұлулық сыйлау – бір ғанибет. Осы орайда жеке ісімді дөңгелету үшін қаржы жинап сұлулық салонын аштым. Былтыр «Бастау Бизнес» кәсіпкерлік курсынан өтіп, қайтарымсыз несие алдым. Сөйтіп сән салонымның ішін керек құралдар мен жиһаздарға толықтырдым. Жалпы кішкентайымнан алдыма қойған мақсатыма жетіп тынбайтын мінезім бар. Бір іске талаптансам, соған қамға кірісемін. Жолдасым мен үйдегі әжем әркез қолдап отырады. Тұрақты тұтынушыларым да бар. Оларды әр уақытқа жазып қойып, сол бойынша қызмет көрсетемін. Қолға алған ісім жақсы нәтиже беріп жатса, кейін үлкейту ойда бар», – дейді Әлия Жанабілқызы.</blockquote>Кәсіпкердің қызметіне ең бастысы ауыл тұрғындары риза. Әлгі айтқандай олар алысқа шауып сабылмайды. Ауылда ашылған бастамаға қолдау көрсетіп отырса, кәсіптіңде дөңгелейтіні сөзсіз.

Ауылдағы сұлулық салоны – сұраныстың сәні

<a href="https://kyzylorda-news.kz/">Kyzylorda-news.kz.</a> Бөдене жұмыртқасынан дайындалған тағамды тұтынатын адамдарда радиациялық аурулар жеңіл түрде болатыны дәлелденген. Демікпе, созылмалы өкпе ауруын, туберкулезді, созылмалы гастрит, асқазан ауруын, өт іріктелетін қалта ауруы мен өт жолдарын, жүрек-қан тамырларының жетіспеушілігін, рахит, қан аздық, сәуле ауруларын емдеуде қолданады. Бөдене жұмыртқаларын жүйелі пайдалану ағзадағы түрлі ауруларға, оның ішінде туберкулезге қарсы күресуін жоғарылатады. Бөдене үйде де ұсталады. &nbsp;&nbsp;Жосалы кентінің тұрғыны Бердібек Төлепбергенов &nbsp;бөдененің емдік қасиетіне қанығып, оны кәсіп еткеніне 5 жылдың жүзі болды. Ол ерекше құстарды &nbsp;ауласындағы шағын сарайда өсіруде. Балапандарынан бөлек бөдененің 200-ден астам «Финикс» тұқымын өсіруде.&nbsp;<blockquote>«Бала кезімде құс өсіруге құштар болдым. Кептер, тауық, қаз, үйрек дегендерді көп өсірдім. Олардың етін, жұмыртқасын сатып, ата-анама қолғабыс еттім. Ұмытпасам &nbsp;осы кәсіпке келуіме осыдан 5 жыл бұрын зайыбым Рима себепкер болып, оның қолдауымен оны меңгеруді қолға алдым. &nbsp;Алғашқы кезде 13 данасын сатып алып, өсіруден бастадым. Күндер өте олардың саны көбейіп, жұмыртқа сала бастады. Әрі қызық, әрі үйге &nbsp;аз да болса табыс та келе бастады. Алматы, Шымкент, Ақөбе қалаларынан бөдене кәсібімен айналысатындармен танысып, тәжірибе алмастым. Қазір кәсібімді кеңейтуді мақсат етіп, бүгінде сол жоспарымды жүзеге асырып жатқан жайым бар. Бағымымдағы бөдене саны 200-ден асты, балапандары да жетерлік. Күніне 60-тан астам жұмыртқа аламын. Жұмыртқасын нарық бағасынан едәуір арзан бағаға сатудамын. Қаншамасын науқастарға, кәсіп ретінде асырауға ниет білдіргендерге &nbsp;саттым. Олар әлі де хабарласуда. Әсіресе, денсаулығын реттеймін дегендерден &nbsp;сұраныс көп. Олар хабарласып, қалай тамақтандыру керек, қалай күтім жасау керек дегендей, кеңес сұрап &nbsp;жатады. Әлбетте, мен қолдан келген көмегімді көрсетіп, кеңесімді беремін. Әзірге ауданда &nbsp;бөдене өсіру кәсібімен айналысатын жалғыз менмін. Осы кәсіппен айналысқысы келетіндерге мен әркез көмектесуге дайынмын. Бөденінің түрлі науқастыққа емі бар. Аналығы мен еркегінің және балапандарының &nbsp;жемі екі түрлі. Бұл жақта оның жемі жоқтың қасы. Мен оларды Алматы, Ақтөбе қалаларынан арнайы тапсырыспен алдырамын. Бағасы да &nbsp;қымбат. Өйткені, бөдене ерекше құс. Ол тағамды талғап жейді. Бұл кәсіптен басқа аулалық бақшалығымда түрлі жеміс ағаштарын баптап өсірудемін. Олар да жемісін беруде», – дейді бөдене баптаған Бердібек.</blockquote>

Архив