<a href="https://kyzylorda-news.kz/">Kyzylorda-news.kz</a> Қызылорда облысы Полиция департаменті жол қауіпсіздігін қамтамасыз ету бағытында ауқымды жұмыстар атқаруда. Биылғы жылдың жетістігі деп жол-көлік оқиғаларын болдырмау мақсатында құқық бұзушылықтарды автоматты түрде анықтайтын 124 дана құрылғылар штаттық режимде жұмыс жасауын айтуға болады. “Үнсіз күзетші” бүгінге дейін 7 мыңға жуық құқық бұзушылықтарды анықтаған. Бұл туралы Қызылорда облысы Полиция департаментінің Әкімшілік полиция басқармасы бастығының орынбасары Нүркен Бақтияров мәлімдеді.<img src="https://knadmin.beoblood.kz/uploads/nsiz_k_zetshi_zholda_y_t_rtip_k_shejdi_30f23fafcb.jpg" alt="“Үнсіз күзетші” жолдағы тәртіп күшейді.jpg"><blockquote>- Қызылорда қаласынан - Ақтөбе облысының шекарасына дейінгі аралықта орналасқан 6 дана стационарлық бақылау аркаларға орташа жылдамдықты өлшеу құрылғылары іске қосылды. Сонымен қатар, республикалық маңызы бар автомобиль жолдарында бақылауды күшейту мақсатында жақын орналасқан 32 елді мекеннің учаскелік полиция инспекторлары қызметтік автокөліктерімен күн сайын сағат 12:00–13:00 және 19:00–22:00 аралығында қосымша күш ретінде кезекшілікке бекітілді. Республикалық маңызы бар автожолдардың бойында үй жануарларының қатысуымен орын алатын жол-көлік оқиғаларының алдын алу мақсатында жергілікті атқарушы органдарымен бірлесіп, бақташылардың санын және үй жануарларын уақытша қамауға арналған орындарды көбейтіп, одан бөлек үй жануарларына жарық қайтарғыш алқаларын тағу мақсатында иелерімен жиналыстар жүргізілуде. Сондай-ақ, республикалық маңызы бар автомобиль жолдарының бойында жүргізушілерді ескерту мақсатында қауіпті аймақтар мен үй жануарлары шығуы мүмкін 51 аумақ бойынша мәліметтерді «Яндекс» навигациялық қосымшасына енгізу жөнінде ұсыныс берілді.Автожолдың бойында өрескел құқық бұзушылықтарды анықтау яғни, жолдың қарсы бағытына шығудың, маневр ережелерін бұзудың және басқа да құқық бұзушылықтарды анықтау мақсатында департамент теңгеріміндегі 4 дана және одан бөлек қосымша «Қазақтелеком» мекемесінің қолдауымен 2 дана ұшқышсыз ұшу аппараттарын қолданысқа беріліп, жұмыстар жүргізілуде,- деді Нүркен Пралиұлы.</blockquote>&nbsp;Фото: Polisia.kz

“Үнсіз күзетші”: жолдағы тәртіп күшейді

<a href="https://kyzylorda-news.kz/">Kyzylorda-news.kz</a> “AMANAT” партияның облыстық филиалы жанындағы Партиялық бақылау комиссиясының кезекті отырысы өтті. Жиынның күн тәртібінде аймақтың көктемгі су тасқыны кезеңіне дайындық жұмыстары көтеріліп, жауапты органдардың бұл жұмыстарға әзірлігі, қауіпті учаскелердегі ахуал, күш пен техниканың дайындығы, өзара іс-қимыл алгоритмдері жан-жақты қаралды.&nbsp;Отырысқа облыстық мәслихаттағы депутаттық фракция жетекшісі, су маманы Жорабек Нұрымбетов және жауапты сала, мемлекеттік органдар басшылары қатысты.&nbsp;Жалпы Қызылорда облысы аумағынан ағып өтетін Сырдария өзенінің жалпы ұзындығы 1 274 шақырымды құрайды. Өзеннің оң жағалауында 380,37 шақырым, сол жағалауында 244,75 шақырым, барлығы 625,12 шақырым қорғаныс бөгеті бар. Өзен облыстың барлық 7 ауданы, 4 қаласын және 230 ауылдық елді мекенін қамтығандықтан 31 ықтимал су басу аймағы белгіленген. Бұл аймақтарда 83 668 тұрғын, 16 527 тұрғын үйі бар 36 елді мекен орналасқан. Бүгінгі күні ықтимал су тасқынының алдын алу бойынша кешенді шаралар жүргізілуде.Жиында хабарлама жасаған облыстық жұмылдыру дайындығы, аумақтық және азаматтық қорғаныс басқармасының басшысы Марат Құрманбаев бұл жұмыстарға 268 арнайы техника және 1 195 адам күшін құрайтын 101 жауапты мекеме бекітілгенін, су тасқынына қарсы жұмыстарға пайдаланылатын материалдық-техникалық қордың жеткілікті және қажет болған жағдайда тұрғындарды қауіпсіз жерге көшіру мақсатында 59 жинақтау және 70 қабылдау эвакуациялық пунктері дайын. Сонымен қатар, су тасқыны кезеңінде өзен бойына мониторинг жұмыстарын жүргізу мақсатында тікұшақ қызметін пайдалануға, мұз жару жұмыстарын жүргізуге және өзге де қажетті материалдарға &nbsp;бюджеттен қаржы бөлінгендігін атап өтті.&nbsp;Отырыста күн тәртібіндегі мәселеге қатысты кеңес мүшелері тарапынан бірқатар ұсыныстар көтеріліп, жауапты сала өкілдерімен оны жүзеге асырудың жолдары пысықталды.&nbsp;Комиссия &nbsp;төрағасы Нұркен Бақытбекұлы бұл мәселе тек өңірлік деңгейде ғана емес, республикалық деңгейде де қаралатынын атап өтіп, су тасқынына дайындық барысы «AMANAT» партиясының үнемі бақылауында болатындығын жеткізді. &nbsp;«Күн тәртібінде қаралған мәселе – тек маусымдық сипаттағы жұмыс емес, бұл – аймақ қауіпсіздігіне тікелей қатысты стратегиялық бағыт. 2024 жылғы көктемгі су тасқыны еліміз үшін үлкен сабақ болды. Сондықтан біз төтенше жағдайдың алдын алу бағытындағы жұмыстарды формалды түрде емес, нақты тәуекелдерді ескере отырып ұйымдастыруымыз қажет. Сырдария өзені – өңірдің тіршілік көзі. Оның арнасындағы гидротехникалық құрылыстардың жағдайы, қорғаныс бөгеттерінің беріктігі, халықты уақытылы хабардар ету жүйесінің дайындығы – барлығы да қатаң бақылауда болуы тиіс.Партиялық бақылау комиссиясы бұл мәселені тұрақты назарда ұстайды. Егер заңнамалық өзгерістер қажет болса, ұсыныстарды Парламент Мәжілісіндегі партия фракциясы арқылы көтеруге дайынбыз. Ал бюджеттен қаражат бөлу мәселесінде мәслихаттағы фракцияларымыз тиісті қолдау көрсетеді. Ең бастысы – жауапты органдардың үйлесімді жұмысы мен нақты мерзімге бағытталған іс-қимыл жоспары болуы керек. Былтыр көтерілген мәселелер биыл қайталанбауы тиіс.Біз үшін басты мақсат – аймақ халқының қауіпсіздігін қамтамасыз ету және ықтимал қауіптің алдын алу», – деді комиссия төрағасы.Жиын қорытындысында жауапты мекемелерге бірқатар міндеттер жүктеліп, нақты тапсырмалар берілді. Партиялық бақылау комиссиясы су тасқынының алдын алу шараларын тұрақты бақылауда ұстайтын болады.

Көктемгі су тасқыны кезеңіне дайындық жұмыстары  пысықталды

<a href="https://kyzylorda-news.kz/">Kyzylorda-news.kz</a> Қасым-Жомарт Тоқаев Конституциялық комиссия төрағасы – Конституциялық сот төрағасы Эльвира Әзімованы, Конституциялық комиссия төрағасының орынбасары – Мемлекеттік кеңесші Ерлан Қаринді және Конституциялық комиссия мүшесі – Президенттің құқықтық мәселелер жөніндегі көмекшісі Ержан Жиенбаевты қабылдады.Мемлекет басшысына Комиссияның жаңа Конституция жобасы бойынша атқарған жұмысы туралы мәлімет берілді.Эльвира Әзімова Комиссияның осыған дейін өткен он екі отырысының нәтижесінде жаңа Ата Заңның қорытынды жобасы әзірленгенін баяндады.Жаңа Конституция мәтіні азаматтар мен сарапшылардың былтыр қазан айынан бастап eGov және e-Otinish порталдарына жолдаған бастамалары негізінде дайындалды. Сондай-ақ жобада Парламенттік реформа жөніндегі жұмыс тобы қазан-қаңтар айлары аралығында жинақтаған тәсілдер де ескерілді.Эльвира Әзімова Конституциялық комиссия талқылау қорытындысы бойынша жаңа Конституция жобасын жалпыхалықтық референдумға шығаруды ұсынатынын жеткізді.Мемлекет басшысы Конституциялық комиссияның өте ауқымды әрі маңызды жұмыс атқарғанын атап өтті. Президенттің пікірінше, жаңа Конституция ережелері мемлекетіміздің институционалдық негізін трансформациялау үдерісі толығымен аяқталып, мүлде жаңа конституциялық үлгіге көшетінін көрсетеді.Қасым-Жомарт Тоқаев жаңа Ата Заң жобасы қоғамдағы өзекті құндылықтар мен мемлекеттік саясат қағидаттарын айқындап қана қоймай, Қазақстанның одан әрі прогрессивті дамуына негіз қалайтынын айтты.Президент маңызды жұмысты кәсіби тұрғыда атқарған Конституциялық комиссия мүшелеріне ризашылығын білдірді. Сондай-ақ Комиссия мүшелерінің жаңа Конституция жобасын тікелей эфирде талқылауы қоғамдық диалогтің жоғары деңгейін танытқанына назар аударды.Бұдан бөлек, Мемлекет басшысы жобаны әзірлеу мен талқылауға мыңдаған азаматтың белсене атсалысқанына тоқталып, бұл «Халық үніне құлақ асатын мемлекет» тұжырымдамасына сай келетінін және жаңа Конституцияның шынайы халықтық сипатын көрсететінін атап өтті.Қасым-Жомарт Тоқаев таяу арада жаңа Конституцияны қабылдау бойынша республикалық референдум өткізу туралы Жарлыққа қол қоятынын мәлімдеді.Фото: Ақорда

Конституциялық комиссия Мемлекет басшысына жаңа Конституцияның қорытынды жобасын ұсынды

<a href="https://kyzylorda-news.kz/">Kyzylorda-news.kz</a> Премьер-министр Олжас Бектенов 10 ақпанда өткен Қазақстан Республикасы Үкіметінің кеңейтілген отырысында Мемлекет басшысы берген тапсырмаларды жүзеге асыру мәселелері бойынша кеңес өткізді.Кеше Мемлекет басшысы жаңа Конституция жобасының мән-маңызына тоқталды. Өзгерістердің ауқымы мен маңыздылығы, талқылау процесінің ашық жүргізілуі ел тарихында бұрын-соңды болмаған.<blockquote>Президентіміз атап өткендей, жаңа Конституция жобасында “адам мемлекет үшін емес, мемлекет адам үшін” қағидаты айқындала түскен. Конституциялық реформаның көздеген мақсаты да осы – ауқымды саяси жаңғырумен қатар, экономиканың сапалы өсу қарқынын арттыра түсуге бағытталып отыр. Яғни, бірінші кезекте, халықтың табысы мен әл-ауқатын арттыруға басымдық берілуге тиіс. Бұл – біздің алдымызда тұрған аса маңызды міндет, — деп атап өтті Олжас Бектенов.</blockquote>Фото: Ақорда

Олжас Бектенов Президент тапсырмасын жүзеге асыру жөнінде кеңес өткізді

<a href="https://kyzylorda-news.kz/">Kyzylorda-news.kz</a> Қызылорда қаласына Индонезия Республикасының Қазақстандағы Төтенше және Өкілетті Елшісі Мохамад Фаджрул Рахман бастаған делегация ресми сапармен келді. Сапар аясында меймандар Достық үйінде болып,оның қызметімен танысты.Кездесу барысында шетелдік меймандарға Достық үйінің негізгі мақсат-міндеттері таныстырылып, өңірдегі қоғамдық келісімді сақтау және этносаралық татулықты нығайту бағытында атқарылып жатқан жұмыстар туралы ақпарат берілді.&nbsp;Елші бастаған делегация этномәдени орталықтардың жұмысымен танысып, түрлі этностардың мәдениеті мен дәстүрін сақтауға жасалған жағдайларды оң бағалады.<img src="https://knadmin.beoblood.kz/uploads/K_sipkerlik_3_0198dcbb06.jpg" alt="Кәсіпкерлік 3.jpg">

Екі ел өңірлері арасындағы ынтымақтастыққа жаңа серпін

<a href="https://kyzylorda-news.kz/">Kyzylorda-news.kz</a> Қызылорда қаласындағы «Мұз айдыны» спорт кешенінде қысқы спорт түрі шорт-тректен кіші жасөспірімдер арасында Қазақстан Республикасының чемпионатының ашылу салтанаты өтті.&nbsp;Салтанатты шараға Қызылорда облысының дене шынықтыру, спорт және туризм басқармасының басшысы Бахтияр Ғарифоллаұлы қатысушыларға сәттілік пен жеңіс тілеп, спортшыларға жылы лебізін білдірді. &nbsp;<blockquote>– Ең алдымен баршаңызды қысқы спорттың ерекше түрі шорт-тректен ел біріншілігінің ашылуымен шын жүректен құттықтаймын! Өздеріңіз білетіндей, қазір Италия елінің Милан қаласында 25-ші Қысқы Олимпиада ойындары өтуде. Осы ретте, еліміздің намысын әлемдік аренада қорғап жүрген отандық спортшыларымызға сәттілік пен жеңіс тілейміз! Бүгінде өңірімізде спорттың барлық түрі қарқынды түрде дамып келеді. Соның ішінде қысқы спорт түрлерін дамытуға ерекше басымдық берілуде. Нәтижесінде облысымызда 100-ден астам спортшы қысқы спорт түрлерімен жүйелі түрде айналысып, жоғары жетістіктерге қол жеткізіп жүр. Атап айтқанда, мәнерлеп сырғанаудан халықаралық турнирлердің бірнеше дүркін чемпиондары Артур Смағұлов пен Темірлан Якияев, сондай-ақ шорт-тректен ел біріншілігінің бірнеше дүркін чемпиондары Шахмардан Қалданов пен Төребек Қасиет сынды Сыр спортшыларын мақтан тұтамыз. Осы орайда мұз айдынында бақ сынайтын сайыпқырандарға сәттілік тілеймін! Жеңіс мықтыларға бұйырсын! – деді басқарма басшысы.</blockquote>Бүгінгі байрақты бәсекеге Астана, Алматы, Шымкент қалалары мен еліміздің өзге де өңірлерінен 12 команда, 170-ке жуық спортшы қатысуда.Үш күнге созылатын жарыстың қорытындысы 13 ақпанда белгілі болады. Жеңімпаздар арнайы дипломдармен және медальдармен марапатталады.<img src="https://knadmin.beoblood.kz/uploads/Short_trek_02e1b0ecd2.jpg" alt="Шорт-трек.jpg">

Қызылордада шорт-тректен жасөспірімдер арасында ел біріншілігі бастау алды

<a href="https://kyzylorda-news.kz/">Kyzylorda-news.kz</a>&nbsp;Бүгінде Қазалы ауданында аймақ басшысының тапсырмасына сәйкес жастар арасындағы құқық бұзушылықтардың алдын алу, қоғамдық тәртіпті қамтамасыз ету мақсатында түнгі рейд жұмыстары тұрақты түрде ұйымдастырылып келді.&nbsp;Қазіргі таңда жасөспірімдерді тәртіпке шақыруды көздеген рейд жұмыстары өз нәтижесін беріп келеді. Бұл жолы аудан әкімінің орынбары Дәурен Тлеумбетов бастаған кезекті рейдтік топ аудан орталығы - Әйтеке би кентіндегі ойын алаңдары, саябақ, ойын-сауық орталықтары мен компьютер клубтарын аралап түсіндірме жұмыстарын жүргізді. Қоғамдық тәртіпті бақылау барысында кәмелет жасқа толмаған оқушыларға түсіндірме, ата-анасына ескерту жасалды.&nbsp;Дәурен Оңғарбайұлы бастаған құрам қатарында аудандық білім бөлімінің басшысы Әділхан Жөлекешов, аудандық полиция бөлімінің инспекторлары және мектеп директорлары болды.&nbsp;Айта кетейік, бұған дейін қоғамдық тәртіпті бақылап келген рейд алдағы уақытта бей-берекет тасталған қоқыстарды, шет аймақтарға төгілген кәріз суларын, заңсыз жер қойнауын пайдаланушыларды анықтау үшін де жұмыс жасайтын болады.&nbsp;

Рейд жұмыстары әркез бақылауда

<a href="https://kyzylorda-news.kz/">Kyzylorda-news.kz</a>&nbsp;«Достық» үйінің мәжіліс залында үкіметтік емес ұйымдар төрағалары мен облыстық басқармалар басшыларының қатысуымен мазмұнды басқосу өтті.Басқосудың басты мақсаты – азаматтық қоғам институттары мен мемлекеттік органдар арасындағы өзара ынтымақтастықты нығайту, сондай-ақ өңірдегі өзекті әлеуметтік мәселелерді ашық әрі сындарлы форматта талқылау.Іс-шараға Қызылорда облысының қоғамдық даму басқармасы басшысының орынбасары Уалихан Ибраев, облыстық табиғи ресурстар және табиғат пайдалануды реттеу басқармасының басшысы Ғалымжан Еркебай, облыстық денсаулық сақтау басқармасы басшысының орынбасары Жаңыл Абубакирова, облыстық жұмыспен қамтуды үйлестіру және әлеуметтік бағдарламалар басқармасы басшысының орынбасары Азамат Мыңбаев, облыстық ауыл шаруашылығы және жер қатынастары басқармасы басшысының орынбасары Рысбек Шайхиев, сондай-ақ үкіметтік емес ұйымдардың жетекшілері мен өкілдері қатысты.Жиынды «Қызылорда облысының Үкіметтік емес ұйымдарының Альянсы Ассоциациясы» заңды тұлғалар бірлестігінің төрайымы Анар Ізден жүргізіп, пікір алмасудың жүйелі әрі ашық өтуіне ықпал етті.Кездесу барысында облыстық қоғамдық даму басқармасы басшысының орынбасары Уалихан Ибраев өңірде үкіметтік емес ұйымдармен өзара іс-қимыл және серіктестік аясында атқарылып жатқан жұмыстарға тоқталып, азаматтық сектордың әлеуметтік-экономикалық даму үдерісіндегі маңызды рөлін атап өтті.&nbsp;Сондай-ақ, сала бойынша жауапты облыстық басқарма басшылары мен орынбасарлары өз бағыттары аясында баяндама жасап, атқарылып жатқан жұмыстар мен алдағы жоспарлар туралы ақпарат берді.Сонымен қатар, ҮЕҰ жетекшілері басқарма басшыларына еркін форматта сауалдар қойып, көтерілген мәселелер бойынша нақты әрі жан-жақты жауаптар алды. Атап айтқанда, мемлекеттік әлеуметтік маңызы бар жобалардың тізбесін жаңарту, табиғи ресурстар мен ауыл шаруашылығын дамыту бағытындағы бастамаларды іске асыру мәселелері кеңінен талқыланды.Бұдан бөлек, ұрыс даласы оқиғаларының ардагерлері мен ерекше баласы бар ата-аналар одағы өкілдері денсаулық сақтау, жұмыспен қамту және әлеуметтік қорғау салаларына қатысты бірқатар ұсыныстарын білдірді. Атап айтқанда, мүмкіндігі шектеулі жандарды курорттық-санаторлық емдеумен қамту, ерекше балалардың ата-аналарына арналған тұрақты жұмыс орындарын ашу мәселелері көтеріліп, қатысушылар арасында мазмұнды пікір алмасу өтті.

Азаматтық қоғам институттарымен өзара ынтымақтастықты дамыту мәселелері қаралды

<a href="https://kyzylorda-news.kz/">Kyzylorda-news.kz</a> &nbsp;Облыс әкімінің тапсырмасына сәйкес, қала көлемінде кәмелетке толмағандар арасындағы құқықбұзушылықтың алдын алу, қоғамдық тәртіпті сақтау бағытында түнгі рейдтік іс-шаралар жүйелі түрде ұйымдастырылып келеді.Аралау барысында саябақтар, компьютерлік клубтар, ойын-сауық, қоғамдық тамақтану нысандары мен көпшілік жиналатын орындар қамтылды. Кәсіпкерлік нысан иелеріне алкогольдік өнімдерді сатудың заңдылықтары, тұрғындарға санитарлық тазалықты сақтау мәселесі және кәмелетке толмағандарға арналған шектеулер кеңінен түсіндірілуде.<img src="https://knadmin.beoblood.kz/uploads/V_Kyzylorde_provodyat_profilakticheskie_nochnye_rejdy_3a02a5898d.jpg" alt="В Кызылорде проводят профилактические ночные рейды.jpg">Айта кету керек, аталған рейдке қала әкімінің орынбасары Ділмұхамед Абызов, прокуратураның, қалалық полиция басқармасының, білім бөлімінің қызметкерлері, қалалық мәслихаттың депутаттары, жастар, бұқаралық ақпарат құралдары өкілдері мен белсенді ата-аналар жұмылдырылған.

Қызылордада түнгі профилактикалық рейдтер жүргізілуде

<a href="https://kyzylorda-news.kz/">Kyzylorda-news.kz</a> Астанадағы ХҚКО тұрғындарға мемлекеттік қызмет көрсетумен қатар, цифрлық сауаттылықты арттыруға бағытталған оқыту алаңы ретінде жұмыс істей бастады. «Азаматтарға арналған үкімет» Мемлекеттік корпорациясы Астанада азаматтарға мемлекеттік қызметтерді онлайн рәсімдеуді үйрететін және цифрлық қызметтерді қолдану қабілетін дамытуға бағытталған тегін офлайн оқытуды іске қосты. &nbsp;Оқыту Мемлекеттік корпорацияның «Таным» оқу орталығы мен «Ұлттық ақпараттық технологиялар» АҚ-ның қатысуымен ұйымдастырылды және практикалық форматта өтеді. Мамандар азаматтарға «Электрондық үкімет» порталы мен мемлекеттік органдардың интернет-ресурстарының біріңғай платформасын, &nbsp;«ЦОН» және «eGov Mobile» қосымшаларын қалай қолдану керегін көрсетіп, қажетті қызметтерді онлайн алу жолдарын үйретеді. Оқыту бағдарламасы азаматтар тарапынан жиі түсетін сұрақтар мен сұраныстарға сәйкес әзірленеді.Бұл бастама Мемлекет басшысының Жолдауында белгіленген цифрландыру бастамалары аясында жүзеге асырылып жатыр. Сонымен қатар, оқыту халыққа қызмет көрсетудің жаңа форматы – «Цифрлық халық кеңсесі» үлгісін енгізуге бағытталған. «Apple Store» үлгісіндегі бұл формат азаматтарға қызметтерді жылдам алуға және оларды онлайн түрде өз бетінше рәсімдеуді меңгеруге көмектеседі.Айта кетейік, жоба әзірге пилоттық форматта жұмыс істейді: бірінші тоқсанда оқыту Астанада өтсе, екінші тоқсанда бұл тәжірибені өңірлерге кеңейту жоспарланған.Оқыту тегін әрі тұрақты түрде өткізіледі. Іс-шара әр сәрсенбі және жұма күндері Астана қаласындағы ХҚКО-ның «Нұра» ауданы бөлімінде (Керей мен Жәнібек хандар көшесі, 4) сағат 10:00-ден 12:00-ге дейін өтеді. Кіру тегін.

Астанада ХҚКО-да цифрлық сауаттылыққа арналған тегін оқыту жүріп жатыр

<a href="https://kyzylorda-news.kz/">Kyzylorda-news.kz</a> Шиелі ауданы әкімдігінің мәжіліс залында «Конституцияның жаңа жобасын ақпараттандыру және сүйемелдеу бойынша атқарылып жатқан жұмыстар туралы» тақырыпта жиын өтті.Жиынға&nbsp;Шиелі&nbsp;ауданының әкімі Айтбай Жандарбеков төрағалық етті.Жиын барысында аудан әкімі Мемлекет басшысы Қасым-Жомарт Тоқаевтың бастамасымен жүзеге асырылып жатқан Конституциялық реформаның маңызына тоқталып, жаңа Ата Заң жобасын халық арасында кеңінен түсіндіру, азаматтардың ұсыныс-пікірлерін жинақтау және қоғамда құқықтық мәдениетті арттыру бағытында атқарылып жатқан жұмыстарды атап өтті.Өз сөзінде аудан әкімі Конституция – елдің құқықтық негізі, мемлекеттің басты тірегі екенін, ал жаңа жоба адам құқықтарын қорғауды күшейтуге, әділетті қоғам қалыптастыруға және заң үстемдігін нығайтуға бағытталғанын жеткізді. Сонымен қатар тұрғындармен кері байланысты күшейтіп, жаңа Конституция жобасын талқылау жұмыстарына барлық мекемелер мен қоғамдық ұйымдарды белсенді қатысуға шақырды.Алқалы жиында, аудандық мәслихат төрағасы Мұрат Тұрабаев Конституцияның жаңа жобасы бойынша жүргізіліп жатқан ақпараттық-түсіндіру жұмыстары туралы баяндама жасап, алдағы кезеңге арналған жоспарларымен бөлісті.Сондай-ақ аудандық ардагерлер кеңесінің төрағасы Өркен Исмайл сөз сөйлеп, Конституциялық реформаның тарихи маңызын атап өтіп, қоғамның барлық буыны, әсіресе ардагерлер мен зиялы қауым өкілдері халық арасында түсіндіру жұмыстарын күшейтуге дайын екенін жеткізді.Жиын қорытындысында қатысушылар жаңа Конституция жобасын түсіндіру бағытындағы жұмыстарды жүйелі түрде жалғастыру, тұрғындармен ашық диалог орнату және халықтың ұсыныстарын тиісті органдарға жолдау жөнінде ортақ пікірге келді.

Конституциялық реформаны ақпараттандыру мәселелері қаралды

<a href="https://kyzylorda-news.kz/">Kyzylorda-news.kz</a> &nbsp;Қорқыт ата атындағы Қызылорда университетінде жастардың құқықтық сауаттылығын арттыру және сыбайлас жемқорлықтың алдын алу мақсатында “Сыбайлас жемқорлыққа қарсы мәдениет – жаңа Қазақстанның негізі” атты танымдық кездесу өтті.Іс-шараның модераторы университеттің комплаенс офицері Алибек Жаппасбаев алғысөз сөйлеп, өз сөзінде жастар арасында құқықтық сауаттылықты арттыру мен сыбайлас жемқорлыққа қарсы мәдениетті нығайтудың маңыздылығын атап өтті.Жиынға Қазақстан Республикасының Мемлекеттік қызмет істері агенттігінің Қызылорда облысы бойынша департаменті басшысының орынбасары Мирамкүл Бибітова, агенттік қызметкерлері мен студенттер қатысты.&nbsp; Кездесу барысында қатысушыларға сыбайлас жемқорлыққа қарсы мәдениетті қалыптастырудың маңызы мен қоғамдағы парақорлық көріністерінің алдын алу жолдары жөнінде жан-жақты ақпарат берілді.&nbsp; Сондай-ақ, мемлекеттік қызметке орналасу тәртібіне енгізіліп жатқан жаңа өзгерістер талқыланды.Мирамкүл Бибітова өз сөзінде сыбайлас жемқорлықтың қоғам дамуына тигізер кері әсерін атап өтіп, жастарды адалдық пен әділдік құндылықтарын ұстануға шақырды.&nbsp; Шара соңында студенттер мамандарға өздерін қызықтырған сұрақтарын қойып, мемлекеттік қызмет саласындағы жаңашылдықтар мен сыбайлас жемқорлыққа қарсы іс-қимылдар туралы кеңінен мағлұмат алды.

Қазақстан және Қызылорда облысының жаңалықтары