<a href="https://kyzylorda-news.kz/">Kyzylorda-news.kz</a>&nbsp; Қызылорда облысының Өңірлік коммуникациялар қызметінде өткен баспасөз конференциясында өңірдегі су айдындарындағы қауіпсіздік шаралары, шомылу маусымына дайындық барысы және сүңгуір-құтқару қызметінің жұмысы жан-жақты баяндалды.Брифинг барысында облыстық Төтенше жағдайлар департаменті Жедел-құтқару жасағының басшысы Бақтияр Тұрманов салада атқарылып жатқан жұмыстар мен алдағы міндеттерге тоқталды.<blockquote>– &nbsp;Облыстық ТЖД Жедел-құтқару жасағында 75 қызметкер жұмыс істейді, оның 55-і - сүңгуір мамандар. Сүңгуір-құтқарушылар тәулік бойы үздіксіз қызмет атқарады және кез келген жағдайда жедел әрекет етуге дайын. Басты мақсатымыз су айдындарында қауіпсіздікті қамтамасыз ету және тұрғындар арасында алдын алу жұмыстарын күшейту. Осы бағытта түсіндіру шаралары тұрақты жүргізілуде. Шомылу маусымы кезінде белгіленген жағажайларда барлық қажетті жағдайлар жасалып, қауіпсіздік талаптары қатаң сақталады. Сонымен қатар, қауіпті аймақтарда ескерту белгілері орнатылып, мобильді бақылау бекеттері жұмыс істеуде. Құтқарушылар заманауи құрал-жабдықтармен қамтамасыз етіліп, кәсіби дайындықтарын үнемі жетілдіріп келеді. Бұл кез келген жағдайға жедел әрі тиімді әрекет етуге мүмкіндік береді, - деді Бақтияр Маханбетжанұлы. &nbsp;</blockquote>Спикердің айтуынша, биыл өңірде ресми түрде белгіленген 7 жағажай халық игілігіне қызмет етеді. Бұл орындарда демалушылар үшін қауіпсіз әрі қолайлы жағдайлар қарастырылған.

Қызылордада шомылу маусымына дайындық күшейтілді

<a href="https://kyzylorda-news.kz/">Kyzylorda-news.kz</a> Мамырдан қазанға дейін Қазақстанда мерзімді әскери қызметке шақыру және әскери жиындар өтеді. Биыл 21 мыңнан астам әскери міндетті азаматты шақыру жоспарланып отыр, және олардың көпшілігінде заңды сұрақ туындайды: қызмет барысында кредиттермен не болады?Бүгінде бұл мәселе заңнамалық деңгейде реттелген және шешім әскерге шақырылушылардың пайдасына қабылданған. Қызмет кезеңінде олар үшін қаржылық қорғау шаралары қарастырылған, бұл қосымша кредиттік жүктемеге тап болмай, әскери қызметті алаңсыз өтеуге мүмкіндік береді.Кредиттер автоматты түрде «үзіліске» қойылады2024 жылғы тамыздан бастап Қазақстанда мерзімді әскери қызметшілерге кредиттер бойынша кейінге қалдыруды көздейтін түзетулер күшіне енді. Бұл шешім жастардың қызмет кезеңіндегі қаржылық жүктемесін азайтуға және әскери қызметтің тартымдылығын арттыруға бағытталған.Тетігі қарапайым: қызмет уақытына кредит төлемдері уақытша тоқтатылады. Осы кезеңде пайыздар, айыппұлдар және өсімпұлдар есептелмейді, яғни берешек ұлғаймайды.Қосымша ретінде, кейінге қалдыру қызмет аяқталғаннан кейін тағы 60 күн бойы сақталады. Бұл асықпай қалыпты төлем кестесіне қайта оралып, қаржылық жағдайды тұрақтандыруға мүмкіндік береді.Маңызды артықшылық — автоматты формат. Әскери қызметшіге банкке жүгінудің немесе қосымша құжаттар рәсімдеудің қажеті жоқ: барлық рәсім тиісті деректер негізінде автоматты түрде жүзеге асырылады.2026 жылғы мамырдағы жағдай бойынша 36,5 мың әскери қызметші жалпы сомасы 7,7 млрд теңге болатын кредиттер бойынша кейінге қалдыру мүмкіндігін пайдаланды.Берешекті өндіріп алу да қызмет кезеңінде тоқтатыладыБерешекті өндіріп алу сатысына өткен жағдайлар үшін де жеке қорғаныс шаралары қарастырылған. Бұл дегеніміз, егер шақырылғанға дейін қарыз мәселесі күрделі болған болса да, қызмет кезеңінде ол «тоқтатылады».Егер Берешек бойынша сот шешімі шыққан болса, атқарушылық жазба ресімделсе немесе берешекті өтеу туралы келісім жасалса, бұл процестердің барлығы қызмет кезеңінде уақытша тоқтатылады.Бұл шара өндіріп алу жалғасып, әскери қызметшіге немесе оның отбасына қаржылық қысым сақталатын жағдайлардың алдын алуға мүмкіндік береді. Яғни мемлекет барлық міндеттемелерді уақытша «үзіліске» қойып, оларды қызмет аяқталғаннан кейін шешуге мүмкіндік береді.Мерзімді қызметшілерге кредит рәсімдеуге тыйым салынған2025 жылғы 31 тамыздан бастап Қазақстанда тағы бір маңызды ереже енгізілді: мерзімді әскери қызметшілерге жаңа кредиттер рәсімдеуге тыйым салынады.Енді банктер мен микроқаржы ұйымдары клиенттің мәртебесін кредиттік бюролар (ГКБ және ПКБ) арқылы тексеруге міндетті. Егер адам қызметте болса, кредит өтінімі мақұлданбайды.Бұл адамның қаржысын басқару мүмкіндігі шектеулі кезеңде жаңа қарыздардың жиналуына жол бермеу үшін жасалған. Іс жүзінде жүйе әскери қызметшілерді қосымша қаржылық тәуекелдерден алдын ала қорғайды.Неліктен бұл маңыздыБұрын көптеген шақырылушылар қиын жағдайға тап болатын: кредиттер «өз бетінше» жалғасып, төлемдер, пайыздар және айыппұлдар есептеле беретін, ал міндеттемелерді көбіне туыстары орындауға мәжбүр болатын.Нәтижесінде берешек өсіп, айыппұлдар мен өсімпұлдар көбейіп, адамның өзі қаржысын бақылауға физикалық мүмкіндігі болмаса да, кредиттік тарихы нашарлайтын.Бүгінде бұл жүктеме іс жүзінде алынып тасталды. Жаңа ережелердің арқасында қызмет кезеңінде қаржылық «үзіліс» енгізіледі: міндеттемелер жиналмайды, демек адам қызметті аяқтағаннан кейін бірден қарыздармен бетпе-бет келу қаупінсіз әскери борышын өтей алады.Қызметтен кейін нені ескеру керекБерілген жеңілдіктерге қарамастан, кредит жойылмайды — ол тек қызмет кезеңіне уақытша тоқтатылады.Демобилизациядан кейін өтпелі кезең қолданылады: 60 күн ішінде кейінге қалдыру сақталады, бірақ одан кейін төлемдер қайта басталып, белгіленген кестеге оралу қажет.Сондықтан алдын ала дайындалған дұрыс: қаржылық жағдайды бағалап, қажет болса банкпен байланысып, төлемдерді жоспарлау керек. Бұл міндеттемелерді кешіктірмей, бірқалыпты қалпына келтіруге көмектеседі.Қосымша кепілдіктерМерзімді әскери қызмет кезеңінде мемлекет кредиттер бойынша жеңілдіктермен қатар базалық әлеуметтік кепілдіктерді де қамтамасыз етеді.Шақырылушының жұмыс орны сақталады, бұл қызметтен кейін еңбек қызметіне қайта оралуға мүмкіндік береді. Сонымен қатар мемлекет әскери қызметшілерді тамақпен, тұрумен және медициналық қызметпен қамтамасыз етіп, негізгі шығындарды өз мойнына алады.Жалпы алғанда, бұл шаралар қызмет кезеңіндегі қаржылық және тұрмыстық жүктемені азайтуға мүмкіндік береді.Қызметке қалай дайындалып, қаржылық қиындықтарға тап болмауға боладыҚызметке дейін және одан кейін қаржылық қиындықтардың алдын алу үшін өз міндеттемелеріңізді алдын ала ойластырып, өзгерістерге дайындалу маңызды.Ең алдымен, қолданыстағы кредиттер мен берешектердің бар-жоғын тексеріп, қаржылық жағдайдың толық көрінісін түсіну қажет.Сондай-ақ банктерде өзектi байланыс деректерiңiздiң көрсетілгеніне көз жеткізу маңызды — бұл хабарламалар мен маңызды ақпаратты өткізіп алмауға көмектеседі.Әскерге шақырылар алдында аса қажеттілік болмаса, жаңа кредит рәсімдеуден бас тартқан жөн.Қызмет аяқталғаннан кейін төлемдерге қайта оралуды алдын ала жоспарлау қажет, бұл қалыпты кестеге біртіндеп және кешіктірмей өтуге мүмкіндік береді.Бүгінде мерзімді әскери қызметке шақыру бұрынғыдай қаржылық тәуекелдермен байланысты емес. Қызмет кезеңінде кредиттер тоқтатылып, пайыздар мен айыппұлдар есептелмейді, ал жаңа қарыздар берілмейді. Егер өндіріп алу процестері болса, олар да уақытша тоқтатылады.<img src="https://knadmin.beoblood.kz/uploads/whatsapp_image_2026_05_06_at_151228_1_6261053ca8.jpeg" alt="Fingramota.kz ">Бұл әскери қызметті қаржылық міндеттемелерге алаңдамай, толыққанды өтеуге және демобилизациядан кейін оларды сабырмен қайта жалғастыруға мүмкіндік береді.Фото: fingramota.kz

Әскерге шақыру басталды: қызмет кезеңінде қазақстандықтардың кредиттерімен не болады?

<a href="https://kyzylorda-news.kz/">Kyzylorda-news.kz</a> Ішкі істер министрлігі көлік жүргізуге медициналық қарсы көрсетілімдері бар тұлғалар туралы ақпарат алатын болады. Тиісті норма жол қозғалысы қауіпсіздігін цифрландыру мәселелері жөніндегі заң жобасына <a href="https://kaz.inform.kz/news/tolenbegen-ayippuldari-bar-zhurgzushlerge-memlekettk-kizmetter-shektelu-mumkn-b3c2d098">енгізілген.</a>Атап айтқанда, заң жобасында медициналық деректерді ІІМ-нің автоматтандырылған жүйесіне біріктіру ұсынылады. Бұл көлік құралдарын басқаруға медициналық қарсы көрсетілімдері бар адамдарды жібермеу мақсатында қолға алынбақ. Мұндай жағдайларда тиісті диагноз қойылған сәттен бастап жүргізуші куәлігінің күші уақытша тоқтатылады.Сонымен қатар жол қозғалысы қауіпсіздігі саласында төленбеген айыппұлдар немесе оларды төлеу туралы нұсқамалар болған жағдайда бірқатар мемлекеттік қызметтерді алу шектеледі.Бұдан бөлек, заң жобасы құқық бұзушылықтарды автоматты түрде тіркеу жүйесін кеңейтуді көздейді. Бұл автожолдарда және мемлекеттік органдардың көліктерінде, жедел жәрдем қызметінде, сондай-ақ тұрақты жолаушылар тасымалын жүзеге асыратын тасымалдаушыларда орнатылатын техникалық құралдар арқылы жол қозғалысы қауіпсіздігін бақылауды күшейтуге бағытталған.Айта кетейік, елімізде жол-көлік оқиғаларының алдын алу және жолдағы тәртіпті күшейту мақсатында жоспарлы түрде ауқымды профилактикалық рейдтік шаралар тұрақты түрде өткізіліп келеді.Фото: Polisia.kz

Төленбеген айыппұлдары бар жүргізушілерге мемлекеттік қызметтер шектелуі мүмкін   

<a href="https://kyzylorda-news.kz/">Kyzylorda-news.kz</a> Қызылорда қаласында облыс әкімінің орынбасары Б. Жахановтың төрағалығымен ерекше қауіпті шегіртке зиянкестері мен карантиндік объектілерге қарсы жүргізілетін фитосанитариялық іс-шараларды ұйымдастыру және химиялық өңдеу жұмыстарын атқаратын техникалардың дайындығына арналған облыстық &nbsp;семинар отырысы өтті.Жиын барысында 2026 жылға жоспарланған фитосанитариялық іс-шаралардың негізгі бағыттары мен дайындық деңгейі жан-жақты талқыланды. Атап айтқанда, биыл Азиялық шегірткеге қарсы – 33 350 гектар, италиялық прусқа қарсы – 31 830 гектар, саяқ шегірткеге қарсы – 55 540 гектар аумақта химиялық өңдеу жұмыстарын жүргізу жоспарланып отыр.Семинар отырысында зиянкестерге қарсы күрес шараларын тиімді ұйымдастыру үшін тартылатын техникалардың дайындығы да қаралды. Биылғы науқанда 6 арнайы жер агрегаты, 2 жеңіл ұшақ, 1 аса жеңіл ұшақ, 6 пилотсыз авиация құралы (дрон) және 1 аэрозольды генераторды пайдалану көзделуде.<img src="https://knadmin.beoblood.kz/uploads/Whats_App_Image_2026_05_06_at_17_58_20_5ed46e0267.jpeg" alt="Шегіртке зиянкестеріне қарсы жиын.jpeg">Күн тәртібіндегі мәселелер бойынша бірқатар сала басшылары баяндама жасады. Облыстық аумақтық инспекция басшысы М. Оразбаев ерекше қауіпті зиянды организмдер мен карантиндік объектілерге қарсы жүргізілетін фитосанитариялық іс-шаралар туралы мәлімет берді.Ал облыстық ауыл шаруашылығы және жер қатынастары басқармасының басшысы Т. Дүйсебаев зиянды организмдерге қарсы жүргізілетін жұмыстардың ұйымдастырылуы мен жоспарлары жөнінде баяндады.«Республикалық фитосанитарлық диагностика және болжамдар әдістемелік орталығы» мемлекеттік мекемесінің Қызылорда облыстық филиалының басшысы А.Айтбаев өңір аумағындағы зиянды және ерекше қауіпті организмдерге қатысты жүргізіліп жатқан зерттеу жұмыстарының барысына тоқталды.Сонымен қатар, фитосанитариялық іс-шараларды жүзеге асыратын мердігер мекемелердің техникалық дайындығы да кеңінен қаралды. Бұл бағытта «АВИАКОМПАНИЯ «ДЕЛЬТА-ЮГ» ЖШС өкілі А. Уалиханов, «Бағжан» ЖК және «Защита растений-К» мекемесінің облыс бойынша өкілі Т. Қалшораев, сондай-ақ «Фитосанитария» республикалық мемлекеттік кәсіпорнының Қызылорда облыстық филиалының директоры Ж. Дүзелбаева тиісті баяндамаларын ұсынды.Жиын қорытындысында алдағы фитосанитариялық науқанды сапалы әрі уақытылы жүргізу, техникалардың толық дайын болуын қамтамасыз ету және жауапты мекемелердің өзара үйлесімді жұмысын күшейту қажеттігі атап өтілді.<img src="https://knadmin.beoblood.kz/uploads/Whats_App_Image_2026_05_06_at_17_58_20_1_d4dac13c77.jpeg" alt="Шегіртке зиянкестеріне қарсы жиын.jpeg">

Шегіртке зиянкестеріне қарсы күрес жұмыстарының дайындық барысы қаралды

<a href="https://kyzylorda-news.kz/">Kyzylorda-news.kz</a> Ұлы Жібек жолының бойында қарқынды жүргізіліп жатқан жобалардың бірі – «Алаш Метан» ЖШС-нің метан газ құю бекеті.&nbsp;Арал ауданының әкімі Аманжол Сақыпұлы жұмыс сапары барысында мердігер мекеменің өкілдерімен нысан басында кездесіп, жұмыс барысымен танысты.Қазіргі уақытта метан газ құю қондырғылары орнатылып, қосымша ғимарат құрылысы жүргізілуде. Жобаның жалпы құны – 600 млн теңге. Іске қосылған кезде 10 адамды тұрақты жұмыспен қамту жоспарланған. Бекет тәулігіне 200 автокөлікке қызмет көрсетуге қауқарлы және осы жылы пайдалануға беріледі деп күтілуде.Айта кетейік, мұнан бөлек «Эко Энерджи Плюс» ЖШС-нің «Арал ауданында автомобиль газ толтыру компрессорлық станциясы бар көпфункционалды жол бойындағы кешен салу» жобасының бірінші кезеңі сәтті іске қосылып, бүгінде жолаушыларға сапалы қызмет көрсетуде.«Эко Энерджи Плюс» ЖШС жүзеге асырып жатқан көпфункционалды кешен тек газ құю қызметімен шектелмей, жүргізушілер мен жолаушыларға кешенді қызмет көрсетуді көздейді. Мұнда демалыс орындары, тамақтану нүктелері және техникалық қызмет көрсету аймақтары қарастырылған. Бұл өз кезегінде жол бойындағы мәдениетті сервистің дамуына серпін береді.Жалпы, аудан аумағында қолға алынған мұндай ірі жобалар өңірдің экономикалық әлеуетін арттырып, көлік-логистика саласының дамуына жаңа серпін бермек. Алдағы уақытта да инфрақұрылымды жетілдіру, инвестиция тарту және халықтың өмір сүру сапасын арттыру бағытындағы жұмыстар жүйелі түрде жалғасын табады.<img src="https://knadmin.beoblood.kz/uploads/Aral_gaz_yu_beketi_2_edf515e53c.jpg" alt="Арал газ құю бекеті 2.jpg">

Арал: Газ құю бекеті қарқынды қолға алынуда

<a href="https://kyzylorda-news.kz/">Kyzylorda-news.kz</a> Қазақстан Республикасы Ұлттық экономика министрлігі Табиғи монополияларды реттеу комитетінің Қызылорда облысы бойынша департаменті «Қазсушар» ШЖҚ РМК «Сыр суы» филиалының суды магистральдық құбыр жолдары және таратушы желілер арқылы беру, сарқынды суды бұру қызметтері бойынша бекітуге берілген тарифтерінің жобасын талқылау жиыны 2026 жылғы 12 мамыр сағат 16-00-де Қызылорда қаласы, Әли Мүслимұлы көшесі 10, Кәсіпкерлер палатасының конференция залы мекенжайында өтетінін хабарлайды.Жария тыңдауға депутаттар, жергілікті атқарушы және мемлекеттік органдардың өкілдері, бұқаралық ақпарат құралдары, үкіметтік емес ұйымдар, тәуелсіз сарапшылар мен тұтынушылар шақырылады.Сонымен қатар, барлық аудандардың тұрғындары мен өзге де мүдделі тұлғалар онлайн режимінде де Facebook әлеуметтік желісіндегі Департаменттің ресми парақшасында жария тыңдауға қатыса (https://www.facebook.com/share/1FeaGKChEW/?mibextid=wwXlfr&amp;wa_status_inline=true) алады.Әрбір тілек білдіруші онлайн режимде өз сұрақтарын қойып, оларға жауап ала алады. &nbsp;Қосымша сұрақтар бойынша мына телефондарға хабарласуға болады: 8 (7242) 26-23-67, 27-79-74.Фото: freepik.com

Кәріз жүйесі: Тарифтер жобасын бекітуге арналған жиын өтеді

<a href="https://kyzylorda-news.kz/">Kyzylorda-news.kz</a> Отан алдындағы қасиетті борышты өтеу – әрбір азаматтың парызы. Осындай жауапты сәттердің бірі ретінде бүгін ауданымыздың «Руханият» орталығында жас сарбаздарды әскер қатарына салтанатты түрде шығарып салу рәсімі өткізілді. Жиынға аудан әкімінің орынбасары Диас Молдабаев қатысты.<blockquote>«Отанға адал қызмет ету, тәртіп пен жауапкершілікті жоғары ұстау – басты міндет. Осы жолда Сіздер табандылық танытып, ерлік пен батылдықтың үлгісін көрсетеді деп сенеміз. Сондай-ақ ата-аналарыңыз бен жақындарыңыз сіздерді зор үмітпен, мақтанышпен шығарып салып отыр. Олардың сенімін ақтап, абыроймен оралатындарыңызға сенім білдіремін Сапарларыңыз сәтті, қызметтеріңіз абыройлы болсын»,-деп жылы лебізін білдірді.</blockquote>Сондай-ақ Қармақшы аудандық қорғаныс істері жөніндегі бөлімінің бастығы Жандос Бекмұрзаев, аудандық қоғамдық кеңес төрағасы Әбдірахман Құлдүйсенов, ауған соғысының ардагері Асқар Ерманов жас сарбаздарға сәттілік тілеп, ел тыныштығы мен қауіпсіздігін қорғау – үлкен жауапкершілік екенін атап өтті.&nbsp;Іс-шара барысында әскери қызметке аттанғалы отырған азаматтарға құрмет көрсетіліп, ата-аналарына «Алғыс хат» табыс етілді.Ардагерлер жас сарбаздарға батасын беріп, Отан алдындағы борышты абыроймен атқаруға сенім білдірді. Сондай-ақ салтанатты жиын патриоттық әндер мен концерттік бағдарламамен жалғасын тапты.

Әскер қатарына жолданатын азаматтарды шығарып салу рәсімі өтті

<a href="https://kyzylorda-news.kz/">Kyzylorda-news.kz</a> Жеңіс күні қарсаңында «AMANAT» партиясы Қызылорда облыстық филиалының төрағасы Жандос Базартай сұрапыл соғыс жылдарында тынымсыз еңбек етіп, ауыртпалықты еңсерген Қазалы ауданындағы бірқатар тыл еңбеккерлерінің шаңырағына арнайы барып, сый-құрмет көрсетті.Алдымен ол батыр ана Маржанкүл Жүсіпованың үйінде болды. 1933 жылы дүниеге келген Маржанкүл Жүсіпова балалық шағын соғыс жылдарымен қатар өткізіп, тылда еңбек етті. Ол тігін ісімен айналысып, елге қолдау көрсетті. Соғыстан кейін де ауыл шаруашылығы саласында еңбек етіп, ел дамуына өз үлесін қосты. Облыстық партия филиалының төрағасы батыр ананың еңбегін ерекше атап өтіп, Отанға адал қызметі үшін алғысын білдірді. Партияның арнайы құттықтау хатын табыстап, сый-сияпат көрсетті. Өз кезегінде абыз ана көрсетілген құрмет үшін ризашылығын білдіріп, ақ батасын берді.Мұнан кейін Ертас Сәдуақасовтың шаңырағына барып, ардагердің өмір жолы мен соғыс жылдарындағы естеліктерін тыңдады. 1938 жылы Қазалы ауданында дүниеге келген Ертас Сәдуақасов жастайынан ауыл шаруашылығы саласына араласып, мал шаруашылығының дамуына зор үлес қосты. Ол Бозкөл колхозында қой шаруашылығына қажетті жем-шөпті тасымалдау жұмыстарына белсене қатысып, ел игілігі үшін еңбек етті.<blockquote>«Соғыс жылдарының ауыртпалығын тылда жүріп еңсердік. Бейбіт күннің оңай келмегенін жақсы білемін. Бүгінгі ең үлкен байлығымыз – еліміздің тыныштығы мен бірлігі. Жастар осыны әрдайым қадірлеуі керек. Отанымыздың аспаны ашық болсын», – деді тыл ардагері.</blockquote>Жандос Нұртайұлы ардагерге мерекелік сыйлық табыстап, тыл еңбеккерлеріне көрсетілетін құрметтің мәні терең екенін атап өтті.<blockquote>«Сіздер – Жеңіс жолында аянбай еңбек еткен, елдің еңсесін көтерген ардақты жандарсыздар. «AMANAT» партиясы ардагерлерге қолдауды тұрақты түрде жалғастырып келеді. «Ардагерлерді ардақтайық» жобасы аясында нақты көмек көрсетіліп, белсенді ұзақ өмір сүру орталықтары дамытылуда. Жастарды тарихты құрметтеуге, өткенді бағалауға үндеп келеміз. Ерен еңбектеріңіз үшін зор алғыс айтамыз», – деді ол.</blockquote><img src="https://knadmin.beoblood.kz/uploads/Tyl_e_bekkerlerine_rmet_k_rsetti_2_6c5dd824ba.jpg" alt="Тыл еңбеккерлеріне құрмет көрсетті 2.jpg">

Жеңіс күні қарсаңында тыл еңбеккерлеріне құрмет көрсетті

<a href="https://kyzylorda-news.kz/">Kyzylorda-news.kz</a> Мемлекет басшысы – Қазақстан Қарулы Күштері Жоғарғы Бас Қолбасшысы Қасым-Жомарт Тоқаев сардарлар мен сарбаздарды, жиынға қатысушыларды Отан қорғаушы күнімен және Жеңіс күнімен құттықтады.<blockquote>– Қос мерекенің мән-мазмұны – үндес, тағылымы – ортақ. Осы мейрамдарда еліміздің ерлік дәстүрі кеңінен дәріптеледі. Біз бұл күндері жұртымызға қорған болып жүрген ерлерге құрмет көрсетеміз. Сондай-ақ сұрапыл соғыста Отан үшін от кешкен батырлардың рухына тағзым етеміз. Қазақ – шекарасын ақ найзаның ұшымен, ақ білектің күшімен бекемдеген қаһарман халық, ержүрек ұлт. Батыр бабаларымыз ел тағдыры сынға түскен сәтте бір Тудың астына жиналған. Бірлігін нығайтып, жұртын жаудан қорғаған. Байтақ даланы көздің қарашығындай сақтап, ұрпаққа аманат еткен. Осы аманатқа адал болу – біздің қастерлі борышымыз. Біртұтас Қазақстан халқы мұны жақсы түсінеді. Наурыз айындағы конституциялық реформа – соның айқын дәлелі. Саяси науқан кезінде біз ең алдымен өскелең ұрпақ алдындағы жауапкершілікті терең сезіне отырып, тарихи таңдауымызды жасадық. Бәріміз бір ел болып, жаңа Конституцияны қабылдадық. Мұны ұлт болашағына тікелей ықпал ететін аса маңызды шешім десек, қате болмайды, – деді Президент.</blockquote>Қасым-Жомарт Тоқаев Конституция мемлекеттігіміз бен егемендігіміздің мызғымас кепілі екенін атап өтті.<blockquote>– Бас құжатта халқымыздың мүддесі, мақсат-мұраты мен бірегей құндылықтары көрініс тапты. Жаңа Ата заңда Егемендік пен Тәуелсіздікті қорғау, азаматтардың құқықтары мен бостандықтарын сақтау, халқымыздың әл-ауқатын арттыру, бірлігін күшейту бұлжымас қағидат ретінде айқындалды. Адам капиталын, білім-ғылымды, инновацияны дамыту мемлекет қызметінің стратегиялық бағыты ретінде бекітілді. Осылайша, біз Заң мен тәртіп үстемдік құратын, баршаға бірдей мүмкіндік берілетін, Әділетті, Қуатты, Өркениетті мемлекет құру жолына бет алдық. Қазақстанның мақсаты – биік, бағдары – айқын. Ырысты ынтымағымызды және берекелі бірлігімізді сақтай білсек, осы мұратымызға жетеміз, – деді Мемлекет басшысы.&nbsp;</blockquote>

Президент мемлекеттік марапат және әскери шен тапсыру рәсімінде сөз сөйледі

<a href="https://kyzylorda-news.kz/">Kyzylorda-news.kz</a> Өткен жылы Қазалы ауданының орталығындағы 120 жылдық тарихы бар Қазалы теміржол вокзалына күрделі жөндеу жұмыстары жүргізіліп, тарихи ғимарат қайта жаңғыртылған болатын. Бүгінде вокзал ғимаратындағы күрделі жөндеу жұмыстары аяқталып, жуық арада тұрғындар игілігіне пайдалануға берілмек. Сонымен қатар вокзал аумағындағы жаяу жүргіншілер жолы жөнделіп, заманауи үлгіге сай, ерекше көрік беретін қоршаулар, аялдамалар орнатылып, абаттандыру жұмыстары қолға алынған болатын.Қазалы ауданының әкімі Алмасбек Есмаханов тиісті сала басшыларымен бірге теміржол вокзалы аумағындағы атқарылып жатқан жұмыстарды көріп, жұмыс сапасын бақылады.Теміржол вокзалы – ауданның айнасы, өңірдің келбетін айқындайтын маңызды нысан екенін атап өткен аудан басшысы, мұнда тазалық пен тәртіпке, абаттандыру жұмыстарының сапасына ерекше мән берілуі керектігін айтты.&nbsp;Осыған сәйкес вокзал аумағындағы жоспарланған жұмыстарды тезірек әрі сапалы етіп аяқтау керектігін ескертті. Перрон бойындағы кәсіпкерлік нысандардың сыртқы келбетін біріздендіру, талапқа сай қалыпқа келтіру және анықталған кемшіліктерді шұғыл жөндеу мәселелері бойынша да тиісті сала басшыларына нақты міндеттер жүктеді.Қазалы ауданының басшысы вокзал жанындағы Оқушылар үйінің алдындағы аумақты да көріп, жасыл желектерді көбейту, ретсіз өскен шөптерді шабу, қоршаулар мен орындықтарды сырлау, сыртқы келбетті ретке келтіру және тұрғындар үшін жайлы орта қалыптастыру жөнінде Әйтеке би кентінің әкімі мен Оқушылар үйінің дирекорына теміржол мекемелерінің басшыларымен бірге бірлесе жұмыс жасауды тапсырды.<img src="https://knadmin.beoblood.kz/uploads/azaly_temirzhol_vokzaly_2_aa5cd69dd5.jpg" alt="Қазалы теміржол вокзалы 2.jpg">

Теміржол вокзалы – өңірдің келбетін айқындайтын маңызды нысан

<a href="https://kyzylorda-news.kz/">Kyzylorda-news.kz</a> Бүгін Отан қорғаушылар күні қарсаңында қала әкімі Нұржан Ахатовтың қатысуымен сол жағалаудағы 240 пәтерлік 6 көпқабатты тұрғын үй кешенін иелеріне табыстау рәсімі өтті. Оған мәслихат депутаттары және зиялы қауым өкілдері, ел ағалары қатысты.<blockquote>«Президент өз Жолдауында: «Елімізде бірыңғай тұрғын үй саясатын әзірлеу қажет. Негізгі қағидат – тұрғындар, әсіресе, әлеуметтік тұрғыдан әлсіз топтар үшін баспананың қолжетімділігін арттыру» деген болатын.Мемлекет басшысының, Үкіметтің тұрақты қолдауының арқасында, облыс әкімінің үйлестіруімен бұл бағыттағы жобалар сәтті жүзеге асырылып келеді. Соның нәтижесінде шаһарымызда жыл басынан бері 655 отбасы қоныс тойын тойлады. Жыл соңына дейін тағы 1 581 пәтер пайдалануға беріледі. Биылдың өзінде бюджеттен тұрғын үй құрылысына 58 млрд. теңгеге жуық қаражат бөлініп отыр. Бұл қаражатқа 31 көпқабатты үй салынады. Оның 945 пәтері ипотекалық, 1336 пәтері әлеуметтік осал топтарға арналған. Ерекше атап өтуіміз қажет, кейінгі жылдары қаламызда заманауи жаңа дизайнмен жеті, тоғыз және он екі қабатты тұрғын үйлер бой көтеруде.Бүгін міне, Өздеріңізбен бірге айтулы мерекелер қарсаңында 6 көпқабатты тұрғын үй кешенін пайдалануға беру үшін жиналдық. 4 млрд. 500 млн. теңгеге салынған бұл кешеннің аумағы 15 600 шаршы метр, құрылысты Сыр өңірінде талай жылдан бері қолтаңбасы қалған мердігер мекемелер салды.Қоныстарыңыз құтты болсын! Шаңырақтарыңыз жылулық пен мейірімге, балалардың шат күлкісіне толсын. Сіздерге жақсылық, ынтымақ пен бірлік, амандық тілейміз. Елдігіміз еңселі, Тәуелсіздігіміз тұғырлы болғай!», – деді қала әкімі.</blockquote>Фото: Қызылорда облысы әкімінің баспасөз қызметі

Қызылордада 240 пәтерлік 6 көпқабатты тұрғын үй пайдалануға берілді

<a href="https://kyzylorda-news.kz/">Kyzylorda-news.kz</a> Қызылорда облысында Қазақстан Республикасының Ұлттық Ғылым академиясы Президиумының көшпелі отырысы басталды. Екі күнге жоспарланған отырыстың алғашқы күні «Өңірлік дамудың басым бағыттары» тақырыбында ғылыми сессия ұйымдастырылды.Сессияға Ұлттық ғылым академиясының басшылығы, еліміздің жетекші және жергілікті ғылыми-зерттеу ұйымдарының және жоғары оқу орындарының ғалымдары, сондай-ақ өндіріс және бизнес құрылымдарының өкілдері қатысты.Іс -шараның мақсаты өңірдің әлеуметтік-экономикалық дамуына серпін беретін ғылыми шешімдер мен инновациялық технологияларды талқылау, сондай-ақ ғылым мен өндіріс арасындағы байланысты нығайту.Сессияны ашқан Қызылорда облысы әкімінің орынбасары А.Зебешев кіріспе сөз сөйлеп, өңір дамуының ғылыммен тікелей байланысты екенін атап өтіп, табиғи ресурстарды тиімді пайдалану, экологиялық мәселелерді шешу және экономиканы әртараптандыруда ғылыми қауымдастықпен тығыз ынтымақтастықтың маңызын айтты.Ғылыми сессия барысында өңірлік дамудың өзекті мәселелеріне арналған баяндамалар ұсынылды. ҚР Президентінің жанындағы Ұлттық ғылым академиясының вице-президенті Е. Шевченко Қазақстандағы ғылымның форсайттық дамуы мен өңірлік форсайт-желілерді қалыптастырудың маңызына тоқталды.Қорқыт ата атындағы Қызылорда университеті ғылыми жұмыстар және халықаралық байланыстар жөніндегі проректоры М. Бөрібаева жаһандық мәселелерге бағытталған жергілікті шешімдерімен таныстырды.Экологиялық ахуал, әсіресе Арал өңіріндегі жағдай, ғылыми сессияның негізгі талқылау тақырыптарының бірі болды.«География және су қауіпсіздігі институты» АҚ ғалымы М. Цхай Арал теңізі өңірінің экологиялық дағдарыс аймағы ретіндегі өзекті проблемаларын көтерді. Ал Satbayev University ғылыми қызметкері У. Жантикеев суды тазарту және топырақты биоремедиациялаудың заманауи интеграцияланған технологияларын ұсынды.Бұл бағыттар өңірдің экологиялық тұрақтылығын арттыруға және халықтың өмір сүру сапасын жақсартуға ықпал етеді.«Қазақ қайта өңдеу және тамақ өнеркәсібі ғылыми-зерттеу институты» ЖШС-нің бас ғылыми қызметкері Д. Даутканова астықты өнеркәсіптік өңдеудің мультипликативтік әсеріне тоқталса, «Полимерлік материалдар және технологиялар институты» директорының орынбасары М. Сағындықов пен институттың ғылыми қызметкері И. Гусенов кен орындарын тиімді игеру және су ағындарын басқару бағытындағы инновациялық тәсілдерді таныстырды.Сондай-ақ, «Балық шаруашылығы ғылыми-өндірістік орталығы» ЖШС бас директорының орынбасары Т. Барақбаев Арал-Сырдария бассейнінде тауарлы балық өсіру технологияларын жетілдірудің ғылыми негіздерін баяндады.Аграрлық ғылымның басым бағыттары туралы «Ы. Жахаев атындағы Қазақ күріш шаруашылығы ғылыми-зерттеу институты» ЖШС Басқарма төрағасының орынбасары Ж.Байманов баяндама жасап, ауыл шаруашылығын дамытуға бағытталған жобалармен таныстырды.Су ресурстарын ұтымды пайдалану мәселесі сессия барысында айрықша назарға алынды.Қызылорда қаласын жер асты сулары арқылы сумен қамтамасыз ету мүмкіндіктері туралы У. Ахмедсафин атындағы Гидрогеология және геоэкология институтының ғалымы Д. Сапарғалиев баяндап өтті.Әл-Фараби атындағы Қазақ ұлттық университетінің департамент директоры Қ. Тастамбек Қызылорда қаланың тұрақты дамуына арналған ғылыми-инновациялық ұсыныстарымен бөлісті. Бұл жобалар өңірдің су ресурстарын тиімді пайдалануға және ұзақ мерзімді тұрақты дамуын қамтамасыз етуге ықпал ететін болады.Өнеркәсіп саласына қатысты «Фирма Балауса» ЖШС бас директоры А.Кузнецов Қазақстанда жаңа технология бойынша ірі ванадий өндірісін құру перспективаларын таныстырды. «ПетроҚазақстан Құмкөл Ресорсиз» АҚ менеджері Д. Қасенов кен орындарын игеру тиімділігін арттырудың ғылыми негізделген тәсілдеріне тоқталды.Сессия соңында қатысушылар арасында ашық пікірталас өтіп, ұсынылған ғылыми жобалар мен бастамаларды өңірде жүзеге асыру жолдары талқыланды. Ғалымдар ғылым мен өндіріс арасындағы байланысты нығайту, инновацияларды енгізу және экологиялық тұрақтылықты қамтамасыз ету бағытында нақты ұсыныстарын білдірді.Ұлттық ғылым академиясы Президиумының пленарлық отырысы ертең жалғасып, өңірдің ғылыми-инновациялық әлеуетін дамытуға бағытталған бірқатар маңызды мәселелер қаралатын болады.

Қазақстан және Қызылорда облысының жаңалықтары