<a href="https://kyzylorda-news.kz/">Kyzylorda-news.kz</a> Азық-түлік өнімдері мен ауыл шаруашылығы тауарларының&nbsp;қазақстандық&nbsp;тұтынушылар үшін қауіпсіздігін қамтамасыз ету үшін олардың импортын бақылауды арттыруға қатысты өзекті міндеттер AMANAT партиясының&nbsp;Аграрлық-өнеркәсіптік кешен (АӨК) жөніндегі кеңесінің 2025 жылға арналған жұмыс жоспарына енгізіледі.Жоғарыдағы&nbsp;мәселелерҚР тамақ секторы салалық одақтарының бастамасымен өткен AMANAT партиясыныңАӨК кеңесінің кезекті отырысы барысында талқыланды. ОтырысқаҚР Ауыл шаруашылығы министрлігі Ветеринариялық бақылау және қадағалау комитетінің және Денсаулық сақтау министрлігі&nbsp;Санитариялық-эпидемиологиялық бақылау комитетінің өкілдері, ҚР Мәжілісінің депутаттары және AMANAT партиясының сарапшылары қатысты.Талқылау барысында салалық одақтар бүгінде Қазақстанның шекарасы қазақстандық заңнамалық талаптарға, атап айтқанда, тамақ өнімдерінің қауіпсіздігі жөніндегі талаптарға сәйкес келмейтін азық-түлік өнімдерін әкелуден толықтай шектелмегенін, біздің елімізге тамақ өнімдерін өткізуді бақылауды жүзеге асыратын мемлекеттік ведомстволардың міндеттері мен функцияларында сәйкессіздіктердің барын мәлімдеді. Атап айтқанда, бұл жағдай мемлекеттік органдар әртүрлі бағдарламалар мен мәліметтер базасын қолданатындықтан туындайды, мысалы, Шекара қызметі Ветеринарлық бақылау қызметіне азық-түлік тауарлары тиелгенжүктіңшекарадан өтетіндігі туралы әрдайым хабарлауға мүмкіндігі бола бермейді. Сондықтан Ветеринариялық бақылау азық-түлік және ауылшаруашылық тауарлары бар жүктердің барлық партияларын қауіпсіздік нормалары мен жергілікті заңнамалық талаптарға сәйкестігін бақылай алмайды. Нәтижесінде тексерілмеген және бақылаусыз өнімдердің үлкен легі шекарадан өтіп, тікелей жергілікті базарлар мен көтерме сауда орындарына түседі.Салалық кәсіподақтардың болжамды бағалауы бойынша азық-түлік тауарларының әртүрлі санаттары бойынша нарықтың 40%-ға дейінгі бөлігін Қазақстанға «сұр» схема бойынша әкелінетін импорттық өнімдер алып отыр.Бұл тауарлардан бүгінде салық түсімдерін қажет ететін мемлекеттік бюджетке ешкім салық төлемейді, сонымен қатар бұл тауарлар тұтынушылар үшін олардың қауіпсіздігі&nbsp;тұрғысынан тексерілмейді. Осылайша,&nbsp;қазақстандықтардың дастарханына жарамдылық мерзімі өтіп кеткен, суық тізбекті сақтамай, тиісті емес жағдайларда сақталған, мемлекеттік тілде таңбаланбаған және басқа да бұзушылықтармен көптеген өнімдер тікелей түседі.Бұл әдетте төмен сортты және сапасы күмән тудыратынимпортталғанөнімдер ең төменгі бағамен сатылады, сондықтан оларды сатып алушылар белсенді түрде алады. Ал барлық инстанциялармен тексерілген, барлық салықтар төленген сапалы қазақстандық өнімдер талап етілмеген күйінде қалып отыр.Отандық азық-түлік өндірушілері бұны импорттың әділетсіз бәсекелестігінің айқын фактісі деп санайды және мемлекеттен осы жағымсыз тәжірибені өзгертуді талап етеді. Салалық одақтар альянсы сапасыз және бүлінген шетелдік өнімдерге тосқауыл қоюға, барлық импорттаушыларды электронды түрде есепке алуға мүмкіндік беріп,&nbsp;оларды Қазақстанда салық төлеуге және жергілікті заңдарды, сондай-ақ тамақ қауіпсіздігі талаптарын сақтауға мәжбүрлеуге арналған ұсыныстар пакетін дайындады.AMANAT партиясының АӨК жөніндегі кеңесінің отырысында осы ұсыныстарға оң баға беріліп, оларды тартылған мемлекеттік ведомстволардың өкілдерімен&nbsp;бірлесіппрактикалық талқылау&nbsp;жасады. Барлық ұсыныстар қазір&nbsp;Ауыл шаруашылығы министрлігіндедайындалып жатқан«Ветеринария туралы» заң жобасына енгізіледі деп шешілді.Құжат жақын арада депутаттарға ұсынылады және одан әрі жұмыс істеу үшін Парламент Мәжілісіне тапсырылады деп жоспарлануда.«Біз мемлекеттік органдардың шекарадан өтетін барлық тауарлар туралы мағұлматты қамтитын бірыңғай электрондық базасы жоқ екенін көріп отырмыз. Сондықтан Қазақстанға келетін азық-түлік пен ауыл шаруашылығы тауарларының бір бөлігі мемлекеттің бақылауынан тыс&nbsp;қалып, тұтынушылардың денсаулығына қауіп төндіретін және адал отандық өндірушілер үшін әділетсіз бәсекелестік тудыратын нарықтарға түседі. Біз осындай тауарларға тосқауыл қоюымыз керек деген оймен,&nbsp;Салалық одақтар&nbsp;альянсы әзірлеген түзетулерді қолдап, оларды қазіргі таңда дайындалып жатқан&nbsp;«Ветеринария туралы» жаңа заң шеңберіңдеталқылау туралы шешім қабылданды, - деп атап өтті AMANAT партиясының АӨК жөніндегі республикалық кеңесінің төрағасы, ҚР Мәжілісінің депутаты Нұржан Әшімбетов.Бұған дейін Қазақстанда көлік құралдарының тамақ өнімдерін тасымалдау кезінде қауіпсіздік шарттарын сақтауға дайын екендігін тану тәртібін регламенттейтін ережелер қолданылған, ал бұл көлік үшін жарамдылығын растайтын құжат – көлік құралына санитарлық паспорт болған. Яғни, уәкілетті орган тасымалдаушының тамақ өнімдерінің қауіпсіздігі нормаларының талаптарын сақтау үшін көліктің шынымен техникалық қамтамасыз етілгеніне көз жеткізді. Қазіргі уақытта мұндай ережелер жойылды және тасымалдау шарттарын қамтамасыз ету жөніндегі нормалардың сақталуы бұдан былай бақыланбайды және импорттаушының/тасымалдаушының адалдығы мәселесіне жатқызылады.Жоғарыда аталған ережелер негізінен тасымалдаушыларды бақылаудың мүмкін&nbsp;еместігіне байланысты жойылғандықтан, салалық одақтар импорттаушыларға ғана қатысты импорттық өнімдер мен жануарлардан алынатын шикізаттың әкелінуіне ветеринариялық бақылауды қамтамасыз ететін ережелерді заңнамалық түрде енгізуді ұсынды, өйткені олар тасымалдаушыларды іріктеуді жүзеге асырады және сәйкесінше импорттаушы тасымалдау кезінде қауіпсіздік нормаларының сақталуына жауап береді. Бұл ұсыныс отандық өнімді де бақылаудың ұқсас талаптарын белгілейді.Әкелінетін тамақ өнімдері мен жануарлардан алынатын шикізатты тіркеу халықтың азық-түлік қауіпсіздігін және оның денсаулығын сақтауды қамтамасыз етіп қана қоймай, еркін сауда қағидаттарын бұзбайды.<blockquote>"Отандық өндіріс үшін&nbsp;«сұр» схемалар бойынша әкелінген азық-түлік тауарларының болуы өзекті мәселе. Бұл тауарлардың барлығы ресми статистикада есепке алынбайды және мемлекеттік органдардың қандай да бір есептеріне кірмейді. Осылайша, істің нақты жағдайы бұрмаланады және көбінесе мемлекеттік органдар біздің нарықтағыимпорт жағдайы туралы объективті ақпараттан алыс. Олар контрабандалық және&nbsp;«сұр»&nbsp;схемалар бойынша әкелінген тауарларды есепке алмайтые ірі сауда желілерінің деректерін басшылыққа алады, сондықтан бізде қазақстандық өндірістің азық-түлік өнімдері сөзсіз басым болып көрінеді. Бірақ егер жағдайды тұтастайалсақ, көптеген базарлар мен көтерме сауда орындарындағы заңсыз көлемді қоса алғанда, Қазақстан нарығында отандық өнімдерден гөрі импорттық азық-түлік өнімдерінің көп екені белгілі болады. Біз оның көп бөлігі&nbsp;«сұр» схемаларға сәйкес келетінін түсінеміз және онымен күресті жандандыру керек. Әрине, салалық одақтар өздерінің ұсыныстарын&nbsp;«Ветеринария туралы» жаңа заңға енгізу туралы шешімді құптайды, -&nbsp;деді&nbsp;«Қазақстанның Сүт одағы»&nbsp;директоры Владимир Кожевников.</blockquote>Отандық өндірушілер&nbsp;«Ветеринария туралы» жаңа заңның олардың ұсыныстарын ескере отырып, жақын арада қабылданытынына және Қазақстандағы қауіпті азық-түліктің&nbsp;«сұр»импорты ақыры жойылатынына сенеді. Сондай-ақ, мемлекетте азық-түлік өнімдерін әкелуді, олардың тұтынушылар үшін толық қауіпсіздігін қамтамасыз етуді бақылаудың тиімді жүйесі құрылып, қазақстандықтардың денсаулығы үшін осы күрделі, бірақ өте маңызды міндетті шешу үшін барлық бейінді мемлекеттік органдарға қажетті ресурстар бөлінетін болады.&nbsp;

Астанада қауіпсіздік шаралары мен азық түлік импортын бақылауды күшейту мәселесі талқыланды

<a href="https://kyzylorda-news.kz/">Kyzylorda-news.kz</a> «AMANAT» партиясы Қызылорда облыстық филиалының жанындағы «Әйелдер қанатының» психологиялық бағыты бойынша «Психологиялық қызмет: заманауи көзқарас және кәсіби дағдыдан шеберлікке» тақырыбында тренинг өтті. Басқосуға қаладағы білім ордаларының психолог мамандары қатысты.&nbsp;Шара шымылдығын «Әйелдер қанатының» облыс бойынша жетекшісі Алтынай Молжанова ашып, тренингке қатысушыларға сәттілік тіледі.&nbsp;Тренинг барысында Phd doctor Philosophy, тәжірибелі психолог, Еуропалық гештальт терапия қауымдастығының (EAGT) аккредитациялық талаптарына сәйкес сертификатталған Гештальт терапевт, Қазақстан Психологтар Одағының төрайым орынбасары Асанова Салтанат Сайлауқызы, Қазақстан Республикасы Президентінің жанындағы Мемлекеттік басқару академиясының Қызылорда облысы бойынша филиалының доценті, психол. ғ.к., «AMANAT» партиясының облыстық филиалы бойынша Қоғамның әл-ауқатын қолдау мақсатында психологиялық қызмет институтын дамытуға жәрдемдесу бағытының жетекшісі Аяғанова Алмагүл Жанділдақызы және Анаға тағзым орталығының Психолог маманы Ергеш Аруна Асылбекқызы қажетті білім дағдыларымен бөлісті.

 «Әйелдер қанаты»: Психологтарға арналған тренинг өтті

<a href="https://kyzylorda-news.kz/">Kyzylorda-news.kz</a> Қазақстан Республикасының Мемлекеттік кеңесшісі Ерлан Қариннің төрағалығымен Шетелде кадрлар даярлау жөніндегі республикалық комиссияның кезекті отырысы өтті. Бұл туралы Ақорданың баспасөз қызметі <a href="https://kaz.inform.kz/news/271-azamatka-bolashak-halikaralik-stipendiyasin-tagayindau-turali-sheshm-kabildandi-954395/">хабарлады.</a>Жиын барысында 271 азаматқа «Болашақ» халықаралық стипендиясын тағайындау туралы шешім қабылданды. Стипендия иегерлерінің 136-сы – магистратура, 8-і докторантурада оқиды. Сондай-ақ 127 азамат әлемнің ең үздік университеттері мен орталықтарында тағылымдамадан өтеді.Комиссия мүшелері басымдық беріліп отырған мамандықтарға ерекше назар аударды. Яғни стипендия иегерлерінің 65 пайызы – жаратылыстану-техникалық, ал 35 пайызы әлеуметтік-гуманитарлық бағыттар бойынша білімін жетілдіреді.Сонымен қатар 170 азамат шетелдің жетекші ғылыми-зерттеу орталықтарында ғылыми тағылымдамадан өтуге стипендия алды.Ерлан Қарин биыл былтырға қарағанда тағылымдамадан өтуге екі есе, инженерлік-техникалық мамандықтар бағытына алты есе көп өтініш түскенін атап өтті. Бұл Мемлекет басшысының инженерлік-техникалық білім беруді дамытуға және қолдауға бағытталған бастамасының өзекті әрі заман талабына сай екенін көрсетеді.Фото: Ақорда

271 азаматқа «Болашақ» халықаралық стипендиясын тағайындау туралы шешім қабылданды 

<a href="https://kyzylorda-news.kz/">Kyzylorda-news.kz</a> Кеше А.Тоқмағамбетов атындағы қалалық мәдениет үйінде №1 облыстық олимпиадалық резервтің мамандандырылған балалар-жасөспірімдер спорт мектебінің ұйымдастыруымен жыл көлемінде үлкен жетістіктерге қол жеткізген үздік спортшыларды, жаттықтырушылар мен қызметкерлерді марапаттауға арналған мерекелік іс-шара өтті.Салтанатты шараға облыстық дене шынықтыру, спорт және туризм басқармасының басшысы Бахтияр Артаев, облыстық мәслихат депутаты, «Құрмет» орденінің иегері Садық Мұстафа және спортшылар мен БАҚ өкілдері қатысты. Бұл туралы Қызылорда облысының дене шынықтыру, спорт және туризм басқармасы хабарлады.Шарада алғы сөз алған басқарма басшысы Бахтияр Ғарифоллаұлы аталған спорт мектебінің үздік атануымен құттықтап, спортшыларға үнемі қолдау көрсетілетінін жеткізді. Сондай-ақ, алдағы уақытта Сыр спортшыларының биік шыңдарды бағындыруына үлкен сенім білдірді. Өз кезегінде басқарма басшысы ең үздік спортшыларды, жаттықтырушыларды және ең үздік спорт бөлімдерін марапаттап, арнайы алғысхат табыстады.Сонымен қатар мерекелік шарада Садық Шоңмұрынұлы үздік нәтиже көрсеткен бірқатар бапкерлерді марапаттаса, спорт мектебінің директоры Берік Қасымбеков жоғары деңгейде өнер көрсетіп жүрген жыл үздіктерін және спорт саласының дамуына зор үлес қосып жүрген қызметкерлерді марапаттап, құрмет көрсетті.Мерекелік шара соңы концерттік бағдарламаға ұласып, әуелеген әннен шашу шашылды.Айта кетейік, қаладағы №1 облыстық олимпиадалық резервтің мамандандырылған балалар-жасөспірімдер спорт мектебінде 16 спорт түрінен 1 576 спортшы қамтылған.Биыл аталған спорт мектебінде 121 - спорт шеберіне кандидат, 7 -ҚР спорт шебері, 1 - халықаралық дәрежедегі спорт шебері дайындалды.Қазіргі таңда онда 53 жаттықтырушы спортшыларды кәсіби бағытта жаттықтыруда.

 Жыл үздігі – 2024: Үздік Сыр спортшылары құрмет төрінде

<a href="https://kyzylorda-news.kz/">Kyzylorda-news.kz</a> Биыл 1 қыркүйектен бастап барлық өңірде «Әлеуметтік әмиян» шеңберінде оқушылардың жекелеген санаттарына тегін және жеңілдікпен тамақтануды ұсыну жобасын кеңейтіп тарату басталды.Өңірде әлеуметтік әмиянды енгізуге арналған жол картасы аясында бірінші кезекте, оқушы мен қызметкер саны 700-ден асатын білім беру ұйымдарында аппаратық-бағдарлама кешенін орналастыру жұмыстары жүргізілуде.<blockquote>– Облыста оқушылар саны 700-ден асатын 125 мектеп бар. Биыл жоспарлы 87 мектепке аппараттық-бағдарламалық кешен орнатылуда. Аталған кешен оқушының мектепте сабаққа қатысуын, тамақтану және цифрлық білім беру ресурстарымен байланысты бақылау үшін қажет. Бұдан бөлек, ыстық тамақ ұйымдастырылған. Алайда аппараттық-бағдарламалық кешен орнатылмаған 163 мектепте тамақ беруді ұйымдастыру «Бизнес әмиян» қосымшасы арқылы жүргізілетін болады, - деді облыстық білім басқармасы басшының орынбасары Бағдат Бердәулетов.</blockquote>Сонымен қатар, медициналық ұйымдар да «Әлеуметтік әмиян» арқылы дәрі-дәрмектерді электрондық түрде беру жобасына қатысуда.<blockquote>– Аталған жобаны кеңінен тарату жөніндегі жол картасы бекітілді. Осы орайда, жыл аяғына дейін жалпы босатылған рецепттердің 10 пайызы «Әлеуметтік әмиян» жобасы аясында берілуі тиіс. Бүгінде жоба аясында облысымыздың медициналық ұйымдарымен 40 мыңға жуық рецепт «EGOV mobile» қосымшасы арқылы берілді, - деді облыстық денсаулық сақтау басқармасы басшының орынбасары Жаңыл Әбубәкірова.</blockquote><img src="https://knadmin.beoblood.kz/uploads/irde_leumettik_miyan_zhobasy_zh_zege_asyryluda_84d30080a9.jpg" alt="Өңірде «Әлеуметтік әмиян» жобасы жүзеге асырылуда.jpg">Фото: gov.kz

Өңірде «Әлеуметтік әмиян» жобасы жүзеге асырылуда

<a href="https://kyzylorda-news.kz/">Kyzylorda-news.kz</a> Бүгін облыс әкімінің бірінші орынбасары Жаналинов Данияр Еренғалиұлының төрағалығымен құқық қорғау органдарының жауапты өкілдері, тиісті салалық басқарма басшылары қатысқан жиын өтіп, «Артспорт» бағдарламасын зерделеу барысы пысықталды.Аймақ басшысының тапсырмасына сәйкес облыстық прокуратура жанындағы құрамында құқық қорғау органдары бар жұмысшы тобы «Артспорт» бағдарламасымен жұмыс жасайтын өнім берушілерді тексеруде.Бүгінде жұмысшы топ 19 субъектінің жұмысын саралап, 127,2 млн.теңге қаражатты заңсыз иемдену фактілерін анықтаған. Анықталған бұзушылықтардың 106,1 млн. теңгесі мәдениет саласына, 21,1 млн.теңгесі спорт саласына тиесілі.Тиісті басқармалармен қатар, жергілікті атқарушы органдардың, қала және аудан әкімдіктерінің көмегімен «Даму бала» платформасына тіркелгендер арасынан ата-аналары 5740 баланың шын мәнінде шығармашылық үйірмелер мен спорттық секцияларға қатыспайтынын растап отыр.Күшейтілген зерделеуден соң өнім берушілер жалған тізімге тіркелген 13 731 баланы алып тастаған.Облыс әкімінің бірінші орынбасары Д.Жаналинов осы бағыттағы жұмысты тиісті мамандарды жұмылдырып күшейтуді және жеделдетуді тапсырды.Айта кету керек, мәдениет және спорт басқармалары зерделеу қорытындысы шыққан соң, 125 кәсіпкермен келісім-шартты біржақты бұзған. Оның ішінде 55 кәсіпкер өз еркімен жұмысын тоқтатқан. Қазір 16 кәсіпкер заңсыз иемденген қаражатын өз еркімен бюджетке қайтаруда, бұл бағыттағы жұмыс әлі де жүруде.Облыс әкімінің тапсырмасымен жыл көлемінде жүргізілген мониторинг нәтижесінде бұл мақсатқа қаралған қаржының 3 млрд теңгеден астамы бюджетке қайтарылды. «Артспорт» бағдарламасын зерделеу барысы облыс әкімдігінде апта сайын тұрақты қаралатын болады.<img src="https://knadmin.beoblood.kz/uploads/Artsport_ba_darlamasyn_zerdeleu_barysy_pysy_taldy_2_32edac236f.jpg" alt="«Артспорт» бағдарламасын зерделеу барысы пысықталды 2.jpg"><img src="https://knadmin.beoblood.kz/uploads/Artsport_ba_darlamasyn_zerdeleu_barysy_pysy_taldy_1_ae829471f1.jpg" alt="«Артспорт» бағдарламасын зерделеу барысы пысықталды 1.jpg">

«Артспорт» бағдарламасын зерделеу барысы пысықталды 

<a href="https://kyzylorda-news.kz/">Kyzylorda-news.kz</a> Қызылорда қаласы бойынша Қылмыстық-атқару жүйесі департаментіне қарасты №60 мекемесінде сотталған азаматтарды өмірге деген көзқарасын өзгерту, жақсарту мақсатында мекемеде жазасын өтеушілерді жұмыспен қамту арқылы еңбегін ұйымдастыру жұмыстары жүргізілуде.Өндірістік аймақта бос ғимараттарды сенімгерлік басқаруға беріледі. Нысанды жалға беру 0%-ды құрайды. Жалға алған өндірістік белгіленген орынға ғана коммуналдық жүйеге су, жарық үшін төлем төйлейді. Сондай-ақ, өндіріске күзетші жалдаудың қажеті жоқ. Сотталғандар арасында дайын білікті жұмысшылар жетерлік. Ал, айлық жалақы бойынша мөлшерлеме белгіленген.Қылмыстық-атқару кодексінің 119-бабының 1 бөлімінде көрсетілгендей олар жұмыс істеуге құқылы. Осы баптарды іске асыру барысында мекеменің өндірістік аумағын жалға алып, кәсібін дөңгелетіп отырған 12 жеке және ЖШС сотталғандарды жұмыспен қамтып отыр. Солардың бірі – "Еңбек" РМК, "Еңбек-Қызылорда" филиалы мекеменің өндірістік аумағында газаблок, пескаблок, бетон, дәнекерлеу, тігін, қолөнер цехтары бойынша жұмыстарын атқаруда.<blockquote>"Сотталғандарды жұмысқа орналастыру кезінде олардың жасына, денсаулық жағдайына, еңбекке қабілеттілігіне қарай жұмысқа орналастырамыз. Қәзіргі таңда мекеменің өндірістік аймағының жұмыспен қамту орталығында 463 сотталған азамат еңбек етіп, жалақыларын уақытылы алып отыр дейді", – сотталғандардың еңбегін ұйымдастыру бөлімінің аға инспекторы, әділет капитаны А. Абдреймова</blockquote>Жалпы, түзеу мекемелерінде жазасын өтеп жатқан сотталғандардың ақылы жұмыспен қамтылуы тек сот шығындарын өтеу, отбасыларға жалақы бағытында қолдау көрсету ғана емес, сонымен қатар жазасын өтеушілердің түзету жолына түсуіне ықпал етеді.<img src="https://knadmin.beoblood.kz/uploads/e3b0b992_1ef3_4d28_a228_13b0023a4aa3_eb9fe807c8.jpg" alt="e3b0b992-1ef3-4d28-a228-13b0023a4aa3.jpg">

Сотталғандарды жұмыспен қамту жүйелі жүргізілуде

<a href="https://kyzylorda-news.kz/">Kyzylorda-news.kz</a> Ағымдағы жылдың 1 қыркүйегі мен 30 қарашасы аралығында еліміздің медициналық-санитарлық алғашқы көмек көрсету (бұдан әрі – МСАК) ұйымдары арасында «МСАК көшбасшысы» байқауы өтті. Байқау Әлеуметтік медициналық сақтандыру қорының бастамасымен ұйымдастырылды.Мақсат – міндетті әлеуметтік медициналық сақтандыру жүйесінің артықшылықтарын кеңінен насихаттау және МСАК ұйымдарының жұмысын жандандыру.Облыстық байқауға аймақтың, Әлеуметтік медициналық сақтандыру қоры филиалымен шарт жасасқан қызмет ұсынушылар қатарынан, 22 медициналық ұйымы қатысты. Байқау ережесіне сәйкес, медициналық ұйымдар &nbsp;бес индикаторлық көрсеткіштер бойынша бағаланды. Атап айтқанда:1. МӘМС жүйесінен тыс қалған азаматтардың санын азайту; 2. Пациенттерді қолдау және ішкі бақылау қызметінің жұмысы туралы ақпараттық материалдар мен түсіндірмелер саны; 3. МӘМС мүмкіндіктері жайлы өз парақшаларындағы, БАҚ-дағы жарияланымдары; 4. Қор филиалына МСАК ұйымына түскен шағымдардың саны; 5. Тәуліктік стационарларға шұғыл түрде жатқызылған диспансерлік есепте тұратын пациенттердің үлес салмағын азайту;Жеңімпаздарды марапаттау рәсімінде Қор филиалының директоры Жақсылық Абдусаметов міндетті әлеуметтік медициналық сақтандыру жүйесінің артықшылықтарын тұрғындар арасында насихаттаудың, сақтандырылмаған азаматтардың жүйеге тартылуы үшін ақпараттық-насихаттық жұмыстар мен медицина ұйымдарының пациенттермен кері байланысының маңыздылығын атап өтті.&nbsp;Сайыстың нәтижесі Қор филиалының, Денсаулық сақтау басқармасының, Медициналық және фармацевтикалық бақылау комитетінің және «Денсаулық сақтау жүйесі қызметкерлерінің «SENIM» салалық кәсіподақ ұйымы» филиалы өкілдерінен тұратын комиссия құрамымен қаралып, қорытындыланғанын жеткізді.Қазақстан Республикасының Тәуелсіздік күні қарсаңында өткен, байқаудың қорытындысымен бірінші жүлделі орынды «ALEXEY SULTAN-AKHMET» ЖШС-гі, екінші орынды «№3 қалалық емхана» және үшінші орынды «Қазалы темір жол ауруханасы» ЖШС-гі иеленді.&nbsp;Жеңімпаздар дипломдармен марапатталып, демеушілер күшімен, гүл шоқтары мен естелік сыйлықтар табысталды.<img src="https://knadmin.beoblood.kz/uploads/lider_3_emhana_7ebd1121ed.jpg" alt="лидер 3 емхана.jpg"><img src="https://knadmin.beoblood.kz/uploads/lider_2_emhana_7c3ceb603a.jpg" alt="лидер 2 емхана.jpg"><img src="https://knadmin.beoblood.kz/uploads/lider_kazaly_zhd_1e69cfa0c6.jpg" alt="лидер казалы жд.jpg">

«МСАК көшбасшысы»: байқау жеңімпаздары марапатталды

<a href="https://kyzylorda-news.kz/">Kyzylorda-news.kz</a> Семейде шыршаны безендіру кезінде мұғалім биіктен құлаған болатын. Осы жайттан соң қаланың білім бөлімінің басшысы қызметінен кетті, деп хабарлайды&nbsp;<a href="https://el.kz/mugalim-shyrsha-bezendiremin-dep-qulady-bilim-boliminin-basshysy-qyzmetinen-ketti_400006985/">El.kz</a> ақпарат агенттігі.Облыстық білім басқармасының басшысы Нұржан Ахметқалиев Семей қаласының білім бөлімінің басшысы жұмыстан босатылғанын хабарлады.<blockquote>Қызметтік тергеу барысында қаланың үш мектебінің мұғалімдері жаңа жылдық шыршаны орнатуға тартылғаны анықталды. Тексеру қорытындысы бойынша осы мектептердің директорлары тәртіптік жауапкершілікке тартылды. Білім бөлімінің басшысы қызметінен босатылды. Мәселе облыс әкімі мен білім министрінің бақылауында, - деп атап өтті Ахметқалиев.</blockquote>Бұған дейін шырша тұрғызуға жәрдемдескен мұғалім Қуат Айтқалиев қазіргі уақытта жансақтау бөлімінде жатқаны, оның жағдайы тұрақты екені айтылған. Ол ауруханаға 21 желтоқсан сағат 10:30 шамасында жеткізілген. Науқасты ертең жалпы бейінді бөлімшеге ауыстыру жоспарлануда.Фото: ©<a href="https://el.kz/mugalim-shyrsha-bezendiremin-dep-qulady-bilim-boliminin-basshysy-qyzmetinen-ketti_400006985/">El.kz</a>/Ербол БЕКБОЛАТ/Midjourney

Мұғалім шырша безендіремін деп құлады: білім бөлімінің басшысы қызметінен кетті

<a href="https://kyzylorda-news.kz/">Kyzylorda-news.kz</a> Primeminister.kz сайтыны еліміздің 2024 жылғы даму қорытындылары туралы жарияланымдар сериясын жалғастырады.Мемлекет басшысы Қасым-Жомарт Тоқаевтың бастамасымен биылғы сәуір айынан бастап республикалық «Таза Қазақстан» экологиялық акциясы бастау алды. Іс-шара еліміздегі экологиялық ахуалды жақсартуға, халықтың экологиялық мәдениеті деңгейін арттыруға және азаматтарды қоршаған ортаны қорғау мәселелеріне тартуға бағытталған. Акция еліміздің барлық өңірін қамтып, тұрақты экологиялық болашақ негізін қалады.<img src="https://knadmin.beoblood.kz/uploads/Zhyl_orytyndysy_Taza_aza_stan_ekologiya_bolasha_y_shin_milliondardy_biriktirdi_6c9cbbd79a.jpg" alt="Жыл қорытындысы «Таза Қазақстан» экология болашағы үшін миллиондарды біріктірді.jpg">Осы жылдың наурыз-қараша айлары аралығында ұйымдастырылған акция 5,83 млн-нан астам адамның басын біріктірді, бұл – ел халқының едәуір бөлігін құрайды. Іс-шаралар аясында жаппай сенбіліктер өткізілді, олардың барысында 1,1 млн тоннадан астам қоқыс жиналып, 1,6 млн-нан астам ағаш отырғызылды. Мемлекеттік құрылымдар деңгейінде де, еріктілер мен жеке ұйымдарды қоса алғанда, жұртшылық арасында да белсенді түрде жұмыс жүргізілді.&nbsp;<img class="image_resized" style="width:2428px;" src="https://primeminister.kz/assets/media/02-4_1.jpg" alt="">Рұқсат етілмеген қоқыс үйінділерімен және ауаның ластануымен күрес&nbsp;«Таза Қазақстан» акциясы аясында заңсыз қоқыс үйінділерін анықтау бойынша рейдтер жүргізілді. Аумақтық экология департаменттерімен және жергілікті билік органдарымен бірлесіп көптеген қоқыс орны жойылды.&nbsp;«Таза ауа» рейдтері барысында 482 автокөлік тексеріліп, экологиялық стандарттарды бұзудың 105 фактісі анықталды. 96 жүргізушіге айыппұл мен ескерту түріндегі әкімшілік сипаттағы шаралар қолданылды. Бұл шаралар экологиялық нормаларды сақтаудың маңызды екенін көрсетеді, жол қозғалысына қатысушылардың жауапкершілігін арттырды.&nbsp;Экологияны цифрлық қолдау&nbsp;Жобаның ерекше жетістігі – азаматтарға экология саласындағы проблемалар туралы хабарлауға және оларды шешуге қатысуға мүмкіндік беретін @TazaQazBot цифрлық платформасының құрылуы болды.Осылайша, бір жыл ішінде чат-бот арқылы 7 929 өтінім келіп түсті. Олардың ішінде 7 061 өтінім орындалды, 168-і орындалу сатысында, 23-і өңделуде және 674 өтінім жойылды.&nbsp;Олардың арасында ең жиі келіп түскен өтінімдер: аумақтарды тазалау – 2 142 өтінім, тұрмыстық қоқысты шығару – 668 өтінім, көшелерді абаттандыру – 648 өтінім, жолдарды жөндеу бойынша – 595 өтінім.&nbsp;Өңірлер арасында Алматы көш бастап тұр – 2 014 өтінім. Одан кейінгі орында Астана тұр – 1 587 өтінім. Үшінші орында Қарағанды облысы – 757 өтінім.&nbsp;Чат-бот экологиялық мәселелерді жедел шешуге ықпал ете отырып, азаматтар мен мемлекет арасындағы диалогтың тиімді құралына айналды.&nbsp;Халықтың экологиялық мәдениетін дамыту тұжырымдамасы&nbsp;Қол жеткізілген нәтижелерді нығайту және экологиялық сананы ұзақмерзімді перспективада қалыптастыру мақсатында «Халықтың экологиялық мәдениетін дамытудың 2024-2029 жылдарға арналған тұжырымдамасы» бекітілді. Бұл құжат экологиялық саясаттың негізгі бағыттарын айқындайды.&nbsp;Тұжырымдаманың басымдықтарының бірі – жастарды экологиялық жобаларға тарту болды. Жыл бойы лекциялар, эко-сағаттар және экологиялық зертханаларға экскурсиялар ұйымдастырылды. Осылайша, биыл 90 мыңнан астам ерікті азамат абаттандыру және көгалдандыру акцияларына қатысты.&nbsp;Халықтың экологиялық сауатын арттыру мақсатында қалдықтарды қайта өңдеу, ластану деңгейіне мониторинг жүргізу тақырыптарын жария ету, абаттандыру және эковолонтерлікті дамыту жөнінде конкурстар өткізу жұмыстары жүргізіліп жатыр.&nbsp;Сондай-ақ Тұжырымдаманың негізгі бағыты – азаматтардың белсенді қатысуына жағдай жасау. Өз тиімділігін дәлелдеген @TazaQazBot секілді цифрлы платформаларды дамытуға ерекше көңіл бөлінген. Одан бөлек, экологиялық нормалардың сақталуына және экологиялық стандарттардың енгізілуіне бақылау күшейтілуде.&nbsp;Сонымен қатар келесі жылы тұрақты экологиялық басқару жүйесін құру үшін тұрақтандыру қорларының жұмысын күшейту көзделген. Аумақтарды көгалдандыру және абаттандыру бойынша ауқымды республикалық акциялар өткізу жоспарланған.&nbsp;Бұған қоса, шығарындылар көлемін азайту және экологиялық стандарттарды бақылау үшін ведомствоаралық өзара іс-қимыл күшейтіледі. Цифрлы технологиялар мен медиа ресурстарды қоса алғанда, халыққа экологиялық білім беру бағдарламаларын дамыту көзделген.&nbsp;«Таза Қазақстан» бастамасы аумақтарды тазалаудан әлдеқайда ауқымды міндеттерді қамтиды. Бұл – азаматтардың, бизнестің, мемлекеттік құрылымдар мен қоғамдық ұйымдардың күш-жігерін біріктіретін, экологиялық тұрғыдан саналы өмір салтын насихаттайтын қозғалыс.Кешенді шаралар мен инновациялық технологияларды енгізудің арқасында Қазақстан экологиялық саулыққа, орнықты дамуға және болашақ ұрпақ үшін қолайлы орта құруға маңызды қадамдар жасап отыр.

Жыл қорытындысы: «Таза Қазақстан» экология болашағы үшін миллиондарды біріктірді 

<a href="https://kyzylorda-news.kz/">Kyzylorda-news.kz</a> Биыл Қызылорда облысында жол саласында ауқымды жұмыстар атқарылды. Жол инфрақұрылымын жақсартуға қыруар қаржы қаралып, әсіресе ауыл-аймақтың біраз көшелеріне асфальт түсті. Өңірдегі елдімекендерде 69 жоба қолдау тауып, 99 көше жөндеуден өткен.Мемлекет қаржысына салынған жолдардың сапасы талапқа сай болуы жол құрылысына жауапты техникалық қадағалаушының басты міндеті. Бірақ, өкінішке орай кейбір мамандар өз ісіне салғырт қарап, асфальт төсеу жұмыстарына тиісті бақылау жүргізбейді. Мәселен, Жол активтері сапасының ұлттық орталығы мамандары биыл аудандық жолдарға тексеру жүргізіп, зертханалық зерделеу барысында 171 олқылық анықтаған. Филиал өрескел кемшіліктерге жол берген 12 нысан бойынша мердігер мен техникалық қадағалаушыға шара көру туралы құзырлы мекемеге ұсыныс берді.<blockquote>«Жасыратыны жоқ, жол құрылысы кезінде жоба бойынша бекітілген кейбір техникалық қадағалаушылар мүлдем бақылау жүргізбей, тіпті басы-қасында болмайды. Осыдан кейін ешқандай талап сақталмайтыны анық. Біз жыл басынан бері құзырлы мекемеге 12 ұсыныс бердік. Соның бесеуі әлі қаралып жатыр. Ал үш сын-ескертпеміз ескерілді. Өз ісіне жауапсыздық танытқан екі техникалық қадағалаушыға 180 АЕК айыппұлдан салынып, 6 айға лицензиясынан айырылды. Сондай-ақ, мердігер компания да 738&nbsp;400 тг көлемінде айыппұл төлеп, жергілікті бюджетке өндірілді», – дейді филиалдың бөлім басшысы Ержан Усманов.</blockquote>Фото: kostanaytany.kz

Жол құрылысына немқұрайлы қараған екі техникалық қадағалаушы лицензиясынан айырылды

<a href="https://kyzylorda-news.kz/">Kyzylorda-news.kz</a> Сыбайлас жемқорлыққа қарсы іс-қимыл агенттігінің Қызылорда облысы бойынша департаменті мен «Атамекен» өңірлік кәсіпкерлер палатасы бірлесіп бизнестің заңды құқығын қорғау мақсатында «Бизнеске жол» жобасы аясында жүйелі жұмыстар жүргізілуде. Жоба аясында жыл басынан бері 1 850 кәсіпкерлік субъектісінің құқығы қорғалды.Департаментінің &nbsp;ақпаратына сәйкес жыл басынан бері «Атамекен» өңірлік кәсіпкерлер палатасымен бірлесіп өңір кәсіпкерлерімен 10 кездесу өткізілген.<blockquote>– &nbsp;Сыбайлас жемқорлыққа қарсы іс-қимыл агенттігінің Қызылорда облысы бойынша департаментінің қызметі халықтың әлеуметтік және экономикалық жағдайын көтеруге, облыс тұрғындарын толғандыратын жүйелі проблемалық мәселелерін шешуге бағытталған. Негізінен кәсіпкерлердің тарапына әкімшілік кедергілер мемлекеттік сатып алу, гранттар беру, сұйытылған газды бөлу, құрылыс, жер қатынастары және сәулет салалары бойынша шағымданады. Мұндай жағдайларда департамент уәкілетті органға тиісті ұсыныстар жолдайды. Нәтижесінде кәсіпкерлердің өтініші оң шешімін тауып, тиісті қаражаттары толық аударылады, – деді Сыбайлас жемқорлыққа қарсы іс-қимыл агенттігі Қызылорда облысы бойынша департаментінің басшысы Қуаныш Ахметқалиев.</blockquote><img src="https://knadmin.beoblood.kz/uploads/yzylordada_2_my_a_zhuy_k_sipkerdi_y_y_or_aldy_11e9908e65.jpg" alt="Қызылордада 2 мыңға жуық кәсіпкердің құқығы қорғалды.jpg">Фото: <span style="background-color:rgb(246,246,249);color:rgb(102,102,135);font-family:-apple-system, BlinkMacSystemFont, &quot;Segoe UI&quot;, Roboto, Oxygen, Ubuntu, Cantarell, &quot;Open Sans&quot;, &quot;Helvetica Neue&quot;, sans-serif;">openbusiness.ru.jpg

Қазақстан және Қызылорда облысының жаңалықтары