<a href="https://kyzylorda-news.kz/">Kyzylorda-news.kz</a>&nbsp;Қармақшы ауданы әкімінің тапсырмасына сәйкес, «Руханият» орталығында бұқаралық ақпарат құралдарының қатысуымен баспасөз брифингі өтті.Брифинг барысында ҚР Ауыл шаруашылығы министрлігі Ветеринариялық бақылау және қадағалау комитетінің Қармақшы аудандық аумақтық инспекциясының басшысы Спартак Күзембаев және Қармақшы ауданы Төтенше жағдайлар бөлімі бастығының міндетін атқарушы, азаматтық қорғау капитаны Данияр Байрахметов 2026 жылдың алғашқы жартыжылдығында атқарылған жұмыстардың қорытындысы туралы баяндады.<img src="https://knadmin.beoblood.kz/uploads/arma_shy_audany_zhiyn_3_e28313d122.jpg" alt="Қармақшы ауданы жиын 3.jpg">Спартак Қожантайұлы аудан аумағында ветеринариялық қауіпсіздікті қамтамасыз ету мақсатында жүргізілген профилактикалық іс-шараларға тоқталды. Бүгінде жануарлардың аса қауіпті жұқпалы ауруларының алдын алу бағытындағы жоспарлы вакцинациялау және зертханалық тексерулер толық көлемде орындалған. Сонымен қатар ауыл шаруашылығы жануарларын бірдейлендіру, ветеринариялық-санитариялық талаптардың сақталуын бақылау, ішкі сауда нысандарындағы ветеринариялық бақылау және тұрғындарға түсіндіру жұмыстары жүйелі түрде жүргізіліп келеді.Ал Данияр Әлімжанұлы аудан аумағындағы төтенше жағдайлардың ахуалы, өрт қауіпсіздігі және азаматтық қорғау саласында атқарылған жұмыстар жөнінде баяндады. Ол өрттердің алдын алу, бақылау-профилактикалық тексерулер жүргізу, су айдындарындағы қауіпсіздікті қамтамасыз ету, шомылу маусымындағы рейдтік жұмыстар, сондай-ақ «Ауыл құтқарушылары» бағдарламасы аясында жүзеге асырылып жатқан жобалар туралы толық мәлімет берді.Брифинг барысында БАҚ өкілдерінің сауалдарына жауап беріліп, тұрғындардың қауіпсіздігін қамтамасыз ету бағытындағы жұмыстар жалғасатынын атап өтті.<img src="https://knadmin.beoblood.kz/uploads/arma_shy_audany_zhiyn_2_27b15c33ea.jpg" alt="Қармақшы ауданы жиын 2.jpg">

Биылғы жылдың алғашқы жартыжылдығында атқарылған жұмыстардың қорытындысын баяндады

<a href="https://kyzylorda-news.kz/">Kyzylorda-news.kz</a>&nbsp;Бүгін облыстық мәслихаттың кезекті XXXIV сессиясына қатысқан облыс әкімі Мұрат Ергешбаев күшіне енген жаңа Ата Заңда азаматтардың құқықтары мен бостандықтарын қорғау, заң үстемдігін қамтамасыз ету, әділетті қоғам құру басты мақсат ретінде белгіленгенін атап өтті.<blockquote>«Жаңа Преамбулада байырғы қазақ жерінде мемлекеттілікті нығайта отырып, Ұлы Даланың мыңжылдық тарихи сабақтастығын сақтау басты қағидат ретінде бекітілген. Билік тармақтарының тепе-теңдігі нығайтылып, басқару жүйесі заман талабына сай жаңғыртылды. Бұл – мемлекетіміздің тұғырын нығайтып, қоғамдық келісім мен тұрақтылықты сақтауға негіз болатын маңызды құжат. Мұның барлығы –Қазақстанды демократиялық, құқықтық және әлеуметтік мемлекет ретінде дамытуға бағытталған жүйелі қадамдар. Жаңа Ата Заңымыз күшіне енгеннен кейін Президентіміз 23 тамызда Құрылтай сайлауын өткізу туралы Жарлыққа қол қойды. Ұлтымыздың тарихына алтын әріппен жазылатын саяси кезеңде баршаңызды елдік мүдде жолындағы маңызды іске белсенді қатысуға шақырамын», – деді Мұрат Нәлқожаұлы.</blockquote>Жиында бірқатар азаматқа Мемлекет басшысы Қасым-Жомарт Кемелұлының жаңа Конституцияның күшіне енуіне орай жолдаған Құттықтау хаты және Конституцияның арнайы басылымы табыс етілді.<img src="https://knadmin.beoblood.kz/uploads/Eldik_m_dde_zholynda_y_ma_yzdy_keze_dd640154a7.jpg" alt="Елдік мүдде жолындағы маңызды кезең.jpg">

Елдік мүдде жолындағы маңызды кезең

<a href="https://kyzylorda-news.kz/">Kyzylorda-news.kz</a>&nbsp;Бүгін облыс әкімі Мұрат Ергешбаевтың қатысуымен облыстық мәслихаттың кезекті XXXIV сессиясы өтті. Оған облыстық мәслихат төрағасы Мұрат Тлеумбетов, құқық қорғау саласының басшылары, депутаттар мен жауапты сала өкілдері қатысты. Күн тәртібінде 10 негізгі мәселе қаралды.&nbsp;2025 жылға арналған облыстық бюджеттің атқарылуы жөнінде баяндама жасаған облыс әкімі ең өзекті деген мәселелерді шешуде, тұрғындардың өмір сүру сапасын жақсартуда атқарылған жұмысты, ауқымды инфрақұрылымдық жобаларды атап өтті.Негізгі макроэкономикалық көрсеткіштерге талдау жасап, өткен бес айдың қорытындысына тоқталды.&nbsp;<blockquote>«2022 жылдан бері өңірге 2,4 трлн. теңгеге жуық инвестиция тартылды. Биылға 790 млрд теңгеге жуық инвестиция жоспарланса, оның 261 млрд теңгесі орындалды. &nbsp;Экономиканы әртараптандыру үшін алдағы үш жылға 1 трлн. 900 млрд. теңгенің &nbsp;48 инвестициялық жобасын іске асыру, 10 мыңнан аса жаңа жұмыс орнын ашу межесі бар. Биыл 14 ірі жобаның құрылысы басталады, қазір 4-еуінің &nbsp;құрылысы жүріп жатыр, 2 жобаның капсуласы салынды. Жақын күндері 2 жылыжай кешені қолға алынады. Жыл соңына дейін қалған 6 жобаны бастау жоспарланған», – деді облыс әкімі.&nbsp;</blockquote>Президенттің, Үкіметтің ерекше қолдауымен биыл 300 орындық көпбейінді аурухана және «Қызылорда - Арена» көпфункционалды спорт кешені іске қосылады. Бұдан бөлек, екі емхана, жаңа перинаталдық орталық салынып жатыр. Президенттік кітапхананың, жаңа драма театрдың капсуласы қаланды.&nbsp;«Батыс-Еуропа-Батыс Қытай» халықаралық дәлізіндегі Қызылорда-Ақтөбе бағытын төрт жолақты етіп кеңейтудің бірінші кезеңі басталды. «Бейнеу - Сексеуіл» жолының да басталатын күні жақын қалды.&nbsp;Облыс тұрғындарын сапалы инфрақұрылыммен қамтамасыз ету – күн тәртібіндегі тұрақты мәселе. Жыл соңына дейін 10 елді мекен газдандырылып, өңірді көгілдір отынмен қамту деңгейі 85 пайызға жеткізілмек. Сондай-ақ, үй кезегінде тұрған азаматтарды баспанамен қамту мақсатында биыл 2400 пәтер беру жоспарланған.&nbsp;Сессияның күн тәртібіндегі бірінші мәселе бойынша облыстық экономика және қаржы басқармасының басшысы Сәкен Мырзабек, облыс бойынша тексеру комиссиясының төрағасы Мұса Қалдарбеков, облыстық мәслихаттың тұрақты комиссия төрағасы Балжан Шәменова қосымша хабарлама жасады.&nbsp;Сессияда облыстық бюджетке, даму жоспарына өзгерістер енгізу туралы мәселе қаралып, ветеринария, қоғамдық даму, дене шынықтыру және спорт басқармасы басшыларының есебі тыңдалды. Облыс әкімдігі жанындағы құқықбұзушылық профилактикасы жөніндегі ведомствоаралық комиссияның құрамын толықтыру, «Таза Қазақстан» тұжырымдамасын іске асыру жөніндегі өңірлік жоспарға өзгеріс енгізу, тағы басқа мәселелер талқыланды.<img src="https://knadmin.beoblood.kz/uploads/Ajma_ty_leumettik_ekonomikaly_leueti_2_c0176ad631.jpg" alt="Аймақтың әлеуметтік-экономикалық әлеуеті 2.jpg">

Аймақтың әлеуметтік-экономикалық даму көрсеткіштері сараланды 

<a href="https://kyzylorda-news.kz/">Kyzylorda-news.kz</a> &nbsp;Бүгін Премьер-министр Олжас Бектеновтің төрағалығымен ҚР Президенті жанындағы «Жасыл экономикаға» көшу жөніндегі кеңестің отырысы өтті. Күн тәртібінде қалдықтарды басқару, «Таза Қазақстан» тұжырымдамасын іске асыру, өнеркәсіп пен құрылыс салаларындағы энергия тиімділігін арттыру мәселелері қаралды. Кеңеске облыс әкімі Мұрат Ергешбаев селекторлық режим арқылы қатысты.Өңірде «Жасыл экономикаға» көшу тұжырымдамасы аясында энергия тиімділігін арттыру және қоршаған ортаға түсетін жүктемені азайтуда жүйелі жұмыс жүргізіліп келеді.Өткен жылы 280 шақырым электр желісі мен 87 қосалқы станцияға энергия үнемдейтін заманауи технологиялар енгізілді. Биыл 605 шақырым электр желісі мен 190 қосалқы станцияны жаңғырту жалғасуда. Сондай-ақ 8,7 шақырым жылу желісі жаңартылып, арнайы оқшаулағыш материалдармен қапталды. Бұл жылу беру жүйесіндегі шығынды едәуір қысқартты.Аймақта жаңартылатын энергия көздерін дамытуға да басымдық берілген. Қазір жалпы қуаттылығы 148 мегаватт болатын бес күн электр станциясы жұмыс істейді. Алдағы уақытта бір жел және үш күн электр станциясын іске қосу жоспарланып отыр.Қалдықтарды басқаратын 17 кәсіпорын биылғы бірінші тоқсанда 67 мың тонна қатты тұрмыстық қалдық жинап, оның 23 мың тоннасын қайта өңдеді. «Жасыл даму» АҚ қаржыландыруымен қалдықтарды сұрыптау, өңдеу және кәдеге жаратуға бағытталған 9 жоба жүзеге асырылуда.Салаға инвестиция тарту және озық технологияларды енгізу үшін халықаралық компаниялардың қатысуымен екі ірі инвестициялық жоба қолға алынған. Атап айтқанда, Оңтүстік Корея технологиясымен жылына 300 мың тонна қатты тұрмыстық қалдықтарды сұрыптау, өңдеу және кәдеге жарату зауыты, Германия технологиясымен жылына 240 млн дана шыны ыдыс шығаратын зауыт салынуда. Бұл – қалдықтарды қайта өңдеу үлесін арттырып, импортты алмастыруға және өңірдің экологиялық жағдайын жақсартуға ықпал ететін бастамалар.Фото: Қызылорда облысы әкімінің баспасөз қызметі&nbsp;

Энергия тиімділігін арттыру мәселесі қаралды

<a href="https://kyzylorda-news.kz/">Kyzylorda-news.kz</a> ҚР Мемлекеттік қызмет істері агенттігінің Қызылорда облысы бойынша департаментінің бас мамандары&nbsp;Қозбағарова Жанар мен Мұхамбетжанова Жұлдыз Әлеуметтік медициналық сақтандыру қорының Қызылорда облысы бойынша филиалының қызметкерлерімен кездесу өткізді.Аталған іс-шарада департамент қызметкерлері сыбайлас жемқорлықтың алдын алу тетіктері, тәуекелдерді азайту жолдары, сондай-ақ заңнама талаптарын ұстанудың маңыздылығы жөнінде баяндама жасап, сыбайлас жемқорлыққа қарсы шектеулер мен оның жауапкершілігі, азаматтардың құқықтары мен заңды мүдделерін қорғау мәселелері кеңінен түсіндіріп, сыбайлас жемқорлық құқық бұзушылықтарының алдын алу бағытында қабылданып жатқан шаралар мен қолданыстағы заңнама талаптары бойынша ақпарат берді.Сонымен қатар,&nbsp;квазимемлекеттік сектордағы сыбайлас жемқорлыққа қарсы іс-қимылдың жүйелі шараларының бірі ретінде сыбайлас жемқорлыққа қарсы мәдениетті қалыптастыру жөнінде түсіндірме берді, сондай-ақ қылмыстық немесе әкімшілік жауапкершілік көзделгендін назарға салды.Іс-шара соңында қатысушылар тарапынан қойылған сұрақтарға жауаптар беріліп, сыбайлас жемқорлықтың алдын алу бағытындағы түсіндіру жұмыстарын тұрақты түрде жүргізудің маңыздылығы атап өтті.

Сыбайлас жемқорлықтың алдын алу мәселелері талқыланды

<a href="https://kyzylorda-news.kz/">Kyzylorda-news.kz</a> Арал ауданының әкімі Аманжол Оңғарбаевтың төрағалығымен Қазақстан Республикасының жаңа Конституциясының қолданысқа енгізілуіне арналған аудан активінің кеңейтілген отырысы өтті.Жиынға аудандық мәслихат депутаттары, құқық қорғау органдарының басшылары, мемлекеттік мекемелер мен ұйымдардың жетекшілері, ардагерлер, қоғамдық кеңес мүшелері, үкіметтік емес ұйымдар мен бұқаралық ақпарат құралдарының өкілдері қатысты.Актив отырысында жаңа Конституцияның тарихи маңызы, елдің саяси-құқықтық дамуындағы орны және Мемлекет басшысы Қасым-Жомарт Кемелұлы Тоқаев айқындаған реформаларды жүзеге асырудағы негізгі міндеттер жан-жақты талқыланды.Аудан әкімі өз сөзінде жаңа Конституция – елдің құқықтық жүйесін жаңғыртып қана қоймай, мемлекет пен қоғам арасындағы жауапкершіліктің жаңа деңгейін қалыптастыратын маңызды құжат екенін атап өтті.Шын мәнінде жаңа Ата Заңның қабылдануы Жаңа Қазақстанды құру жолындағы тарихи қадам. Құжатты әзірлеу барысында саяси партиялар, ғалымдар, сарапшылар, қоғамдық ұйымдар мен белсенді азаматтардың ұсыныстары ескеріліп, қоғам сұранысына сай жан-жақты сараланды.Жаңа Конституцияда алғаш рет адам құқықтары мен бостандықтары мемлекеттің ең жоғары құндылығы ретінде айқындалып, заң үстемдігі, әділеттілік, қоғамдық келісім, ұлтаралық және дінаралық татулық, табиғатқа жанашырлық, азаматтардың өзара жауапкершілігі сияқты қағидаттар конституциялық деңгейде бекітілді.Сонымен қатар, Қазақстанның егемендігі, тәуелсіздігі және аумақтық тұтастығы өзгермейтін ұлттық құндылықтар ретінде нақты айқындалды. Мемлекеттік биліктің бірден-бір бастауы – Қазақстан халқы екендігі тағы бір мәрте бекітілді және азаматтардың құқықтары мен бостандықтарын қорғаудың құқықтық тетіктері күшейтілді. Мемлекеттік басқару жүйесінің тиімділігін арттыруға да бағытталған жаңа құқықтық негіздер қалыптастырылды.Конституция – тек заңдар жинағы ғана емес. Ол – мемлекетіміздің даму бағытын айқындайтын, ел бірлігі мен тұрақтылығының, қоғамдық келісім мен заң үстемдігінің басты кепілі.Жиын барысында аудандық мәслихат төрағасы Б.Төрахметов, аудан прокуроры Д.Әбіш Конституция талаптарын іске асыру, құқықтық мәдениетті арттыру бағытындағы негізгі басымдықтарға тоқталса, аудан прокурорының көмекшісі Р.Жанаев қолданысқа енген жаңа Ата Заңның жаңашылдықтары мен маңызы жөнінде баяндама жасады.Мұнан өзге аудандық білім бөлімінің басшысы С.Жанназарова мен аудандық «Толқын» газетінің бас редакторы А.Сайлауов сөз сөйлеп, жаңа Конституция талаптарын іске асыру бағытында мемлекеттік саясатты халыққа кеңінен түсіндіру бойынша алдағы міндеттерге тоқталды.Аудандағы зиялы қауым өкілдері тарапынан медицина саласының ардагері, Арал ауданының құрметті азаматы А.Асанбаев қолданысқа енген жаңа Конституция жайында өз ойын ортаға салды.Жиын қорытындысында аудан әкімі жауапты мекемелерге бірқатар нақты міндеттер жүктеді. Атап айтқанда, жаңа Конституцияның нормаларын тұрғындар арасында кеңінен түсіндіру, Президент айқындаған стратегиялық реформаларды сапалы жүзеге асыру, инвестиция тарту, цифрлық технологиялар мен жасанды интеллектіні енгізу, кәсіпкерлікті қолдау, жаңа жұмыс орындарын құру, тұрғын үй құрылысын дамыту, әлеуметтік инфрақұрылымды жаңғырту, сондай-ақ «Адал азамат», «Таза Қазақстан» және «Заң мен тәртіп» қағидаттарын қоғамда орнықтыру бағытындағы жұмыстарды жүйелі жалғастыру тапсырылды.Әрбір азаматтың Ата Заңды құрметтеуі, оның қағидаттарын күнделікті өмірде басшылыққа алуы елдің тұрақты дамуы мен кемел келешегінің маңызды кепілі.&nbsp;

Жаңа ата заң – әділетті Қазақстанның жаңа құқықтық негізі

<a href="https://kyzylorda-news.kz/">Kyzylorda-news.kz</a> &nbsp; 1-3 шілде аралығында қала көлемінде өткізіліп жатқан "Нүктелік пысықтаулар" жедел-профилактикалық іс-шарасы аясында 1 шілде күні "Ай-Керім" жазғы лагерінде құқықтық түсіндіру кездесуі ұйымдастырылды.&nbsp;Іс-шараны Қызылорда қаласы полиция басқармасының ювеналды полиция бөлімшесінің қызметкерлері өткізіп, кәмелетке толмағандар арасында құқық бұзушылықтың алдын алу және олардың құқықтық сауаттылығын арттыру бағытында түсіндіру жұмыстарын жүргізді. Кездесу барысында жасөспірімдерге заң талаптарын сақтау, қоғамдық орындардағы тәртіп қағидалары, құқықтары мен міндеттері, интернеттегі қауіпсіздік, сондай-ақ құқық бұзушылықтың құқықтық салдары туралы жан-жақты ақпарат берілді.&nbsp;Сонымен қатар қатысушылар өздерін қызықтырған сұрақтарын қойып, полиция қызметкерлерінен нақты жауаптар алды. Мұндай профилактикалық кездесулер жасөспірімдердің құқықтық мәдениетін қалыптастыруға, құқық бұзушылықтың алдын алуға және қауіпсіз қоғамдық ортаны нығайтуға бағытталған. Қызылорда қаласы полиция басқармасы құқықтық түсіндіру жұмыстарын алдағы уақытта да жүйелі түрде жалғастырады.

Қызылорда облысында полиция жазғы лагерьде құқықтық түсіндіру кездесуін өткізді 

<a href="https://kyzylorda-news.kz/">Kyzylorda-news.kz</a> &nbsp;Өңдеуші өнеркәсіпті дамыту, мемлекеттік сатып алу жүйесін жетілдіру, ішкі нарықты қорғау және отандық өндірушілерге қолдау көрсету шаралары «Әділет» партиясы Іскерлік кеңесі отырысының негізгі тақырыптарына айналды. Айбек Дәдебайдың төрағалығымен өткен жиында бизнестің, салалық қауымдастықтардың және мемлекеттік органдардың өкілдері қазақстандық өндірісті дамытуға қажет жүйелі өзгерістерді талқылады. Бұл туралы партияның баспасөз қызметі мәлім <a href="https://kaz.inform.kz/news/adlet-partiyasi-biznes-pen-memleket-dialogin-kusheytud-kozdeyd-6441e8a6">етті.</a>Отырысты ашқан Айбек Дәдебай жаңа Конституцияның заңды күшіне енуімен мемлекет дамуының жаңа кезеңі басталғанын атап өтті. Оның айтуынша, Ата Заңда бекітілген қағидаттар жаңа өндірістерді іске қосу, жұмыс орындарын ашу және отандық бизнестің дамуына қолайлы жағдай жасау арқылы экономикада нақты көрініс табуы тиіс. Кейінгі он&nbsp;жылда өңдеуші өнеркәсіптегі өндіріс көлемі шамамен 50 пайызға өсіп, ал&nbsp;оның жалпы ішкі өнімдегі үлесі 10,2 пайыздан 13 пайызға дейін артты. Келесі кезеңнің міндеті&nbsp;— үстінен қосылатын құны жоғары өнім өндіретін өндірістерді дамыту.<blockquote>— Қосылған құн — XXI ғасырдың жаңа мұнайы. Сондықтан өңдеуші өнеркәсіп туралы әңгіме — Қазақстанның экономикалық дербестігі туралы әңгіме деген сөз. Интеллектіні, технологияны және дайын өнімді экспорттайтын мемлекет әрдайым өз болашағын өзі айқындау ісінде әлдеқайда көп мүмкіндікке ие, — деді Айбек Дәдебай.</blockquote>Күн тәртібіндегі маңызды мәселенің бірі&nbsp;— мемлекеттік сатып алу жүйесін жетілдіру. Іскерлік кеңеске қатысушылардың пікірінше, бұл жүйе отандық өндірісті дамыту ісін ынталандыруы тиіс. Бұл&nbsp;— жаңа жұмыс орындарын ашу және жергілікті өнім өндірісін жолға қою деген сөз. Мәселен, Саяси кеңес бюросының мүшесі, «Универсал» компаниясының басшысы Замира Кузиева жеткізушілерді тек тауардың шығу тегіне қарай емес, олардың Қазақстан экономикасына қосқан үлесіне қарай бағалауды ұсынды.<blockquote>— Мемлекеттік сатып алу жүйесі тек тауарлар мен қызметтерді сатып алу тетігіне емес, сонымен бірге отандық өнеркәсіпті дамыту құралына айналуға тиіс, — деді ол.</blockquote>Ал «Каустик» АҚ-ның бас директоры Ермек Тоқмағамбетов қолдау шараларын толықтыруды ұсынды.Оның айтуынша, кәсіпорын отандық шикізатты өңдейді, өнімдегі локализация деңгейі 95 пайыздан асады, ал&nbsp;өндірісті дамытуға салынған инвестиция көлемі 100 миллион АҚШ долларынан асып отыр.<blockquote>— Елішілік құндылықтар деңгейін ескере отырып, өндірушілерді санаттарға бөлу жүйесін енгізу, сондай-ақ локализация деңгейі жоғары кәсіпорындарға мемлекет тарапынан қолдау көрсету шараларын басымдықпен ұсыну қадамдарын қарастыру қажет, — деді Ермек Тоқмағамбетов.</blockquote>Қатысушылар ішкі нарықты тиімді қорғап алмайынша, локализацияға қолдау көрсету мүмкін емес екенін жеткізді. Қазақстандағы цемент және бетон өндірушілер қауымдастығының басшысы Ғылымхан Қали ұлттық стандарттарды жаңарту қадамы сапасыз цемент импортының көлемін қысқартуға мүмкіндік бергенін атап өтті.Ал «Адал Тауар» қауымдастығының төрағасы Гүлмира Уахитова былтыр Қазақстанда 205 мыңнан астам контрафактілік өнім бірлігі анықталып, заңсыз айналымдағы 8,6 миллион қорап темекі өнімі тәркіленгенін мәлімдеді.<blockquote>— Адал еңбек ететін бизнес заңды қасақана бұзатындармен бәсекелесуге мәжбүр болып отыр Ең негізгі мәселе — осы, — деді Гүлмира Уахитова. Іскерлік кеңес барысында айтылған барлық ұсыныс іс жүзінде жалғасын табуы тиіс.</blockquote>Айбек Дәдебайдың айтуынша, әрбір өнеркәсіптік жобаның артында кәсіпкерлер, инженерлер, жұмысшылар және олардың отбасылары тұр. Сондықтан отандық өндірісті дамыту қадамы еліміздің әрбір өңірінде нақты нәтиже беруі қажет.<blockquote>– Конституция нормаларын кәсіпкерлер, инженерлер, жұмысшылар, инвесторлар және әрбір қазақстандық отбасы нақты сезінетін шешімдерге айналдыру маңызды, — деді партия Төрағасы.</blockquote>Ол QR-код арқылы онлайн форматта қазақстандықтар өз бастамаларын ұсынып, мәселелері туралы хабарлай алатынын еске салды. «Әділет» партиясы Іскерлік кеңесі мүшелерінің барлық ұсынысы алдағы уақытта жүйелі жұмыс жүргізу мақсатында Қазақстанның өнеркәсіптік саясатының Ақ кітабына (White Paper) біріктіріледі. Құжатқа бизнес өкілдерінің бастамалары, сарапшылардың ұсынымдары және оларды кезең-кезеңімен жүзеге асыру жоспары енгізіледі.Фото: «Әділет» партиясы

«Әділет» партиясы бизнес пен мемлекет диалогын күшейтуді көздейді

<a href="https://kyzylorda-news.kz/">Kyzylorda-news.kz</a> &nbsp;Есірткі – адамның денсаулығына ғана емес, оның өміріне, отбасы мен қоғамдағы орнына орасан зор зиян келтіретін қауіпті кесел. Ол адамды тәуелділікке ұрындырып, құқық бұзушылық пен қылмыс жасауға итермелейді. Сондықтан есірткіге қарсы күрес – қоғамның ортақ міндеті.Осы бағытта №37 мекемесінде жазасын өтеушілердің құқықтық сауаттылығын арттыру және қолданыстағы заңнама талаптарын түсіндіру мақсатында есірткі қылмысына қарсы іс-қимыл басқармасының қызметкерлерімен кездесу ұйымдастырылды. Іс-шара "Есірткіге жол жоқ" тақырыбында өтіп, оған мекемеде жазасын өтеп жатқан азаматтар қатысты.&nbsp;Кездесу барысында басқарма қызметкерлері есірткі құралдарының заңсыз айналымына қатысты заңнама талаптарын, мұндай қылмыстар үшін көзделген жауапкершілікті, сондай-ақ есірткінің адам денсаулығына, психологиялық жай-күйіне және қоғамға тигізетін кері әсерін жан-жақты түсіндірді.&nbsp;Сонымен қатар сотталғандарды салауатты өмір салтын ұстануға, заң талаптарын сақтауға және қоғамға пайдалы азамат болып қалыптасуға үндеді.&nbsp;Іс-шара барысында жазасын өтеушілер өздерін толғандырған сұрақтарын қойып, мамандардан жан-жақты жауап алды. Ашық форматта өткен кездесу қатысушылардың құқықтық сауатын арттырып, есірткі қылмысының ауыр зардаптарын тереңірек түсінуге мүмкіндік берді.

"Есірткіге жол жоқ" тақырыбында кездесу өтті

<a href="https://kyzylorda-news.kz/">Kyzylorda-news.kz</a> &nbsp;Қазалы ауданының әкімі Алмасбек Есмаханов Әйтеке би кенті мен Қожабақы ауылында салынып жатқан спорт кешендерін көрді. Қазіргі таңда екі нысанның да негізгі құрылыс жұмыстары толықтай аяқталып, кешендерді пайдалануға беруге дайындық жұмыстары жүргізілуде.«Ауыл – Ел бесігі» бағдарламасы аясында жүзеге асырылып жатқан жобалардың бірі – Әйтеке би кентіндегі Қазалы мәдени-демалыс кешені аумағында бой көтерген спорт кешені. Құны 628 млн теңгені құрайтын нысанның құрылысын «Болашақ» ЖШС мердігер мекемесі жүргізуде. Ал Қожабақы ауылындағы құны 537,1 млн теңгені құрайтын спорт кешенінің құрылысын «Намыс-Құрылыс» ЖШС жүзеге асыруда.<img src="https://knadmin.beoblood.kz/uploads/737046181_941194618933097_8960912085689978450_n_17835cce41.jpg" alt="737046181_941194618933097_8960912085689978450_n.jpg">Қазіргі таңда екі кешеннің құрылыс жұмыстары аяқталып, нысан аумақтарын абаттандыру, ішкі сыртқы әрлеу мен тазалық жұмыстары жүргізілуде.Нысандарды аралау барысында аудан әкімі құрылыс сапасына ерекше назар аударып, барлық жұмыстардың талапқа сай әрі сапалы орындалуы керектігін атап өтті. Мердігер мекемелер мен құрылысқа жауапты сала басшыларына бірқатар кемшіліктерді атап көрсетіп, анықталған кемшіліктерді шұғыл түрде қалпына келтіріп, кешендерді ел игілігіне сапалы әрі мерзімінде беру қажеттігін ескертті.Айта кетейік, аталған екі спорт кешенінен бөлек, биыл жыл басында «Ауыл – Ел бесігі» бағдарламасы аясында Бекарыстан би ауылында да осындай заманауи спорт кешені пайдалануға беріліп, ауыл тұрғындарының игілігіне табысталған болатын.

Қазалы ауданында жуық арада екі спорт кешені пайдалануға берілмек

<a href="https://kyzylorda-news.kz/">Kyzylorda-news.kz</a> Облыс әкімі Мұрат Ергешбаев, Қорқыт ата атындағы Қызылорда университетінің Басқарма төрағасы-ректор Наурызбай Байқадамовтың қатысуымен Қорқыт ата атындағы Қызылорда университетінің магистратура бағдарламасын тәмамдаған түлектерге диплом табыстау рәсімі өтті.Жаңа Конституцияның қолданысқа енуі аясында өткен магистранттармен кездесуде Мұрат Нәлқожаұлы білімді, бәсекеге қабілетті ұрпақ тәрбиелеудің маңызына тоқталды.Диплом иегерлері білімі мен кәсіби біліктілігін ел игілігіне бағыттап, қоғам дамуына үлес қосатынына сенім білдірді.Өңірдегі жоғары білім мен ғылымның қарашаңырағы саналатын оқу орнын биыл 2600-ден астам түлек бітірді.<blockquote>«Еліміздің ертеңі мен тірегі – Сіздер секілді жалынды жастарға үлкен жауапкершілік жүктеледі. Әділетті Қазақстанды құрудың басты қозғаушы күші де, оның жаңа белестерін бағындыратын жасампаз қуаты да – өздеріңіз. Президентіміз Қасым-Жомарт Кемелұлы: «Біздің басты стратегиялық мақсатымыз – жоғары конституциялық қағидаттарды іске асыра алатын білімді, дені сау, зияткер әрі озық ойлы ұрпақ тәрбиелеу» деген болатын.Сіздер жастық жігерді Тәуелсіздігіміздің тұғырын одан әрі биіктете түсуге жұмсайтындарыңызға сенемін. Бүгінде облысымызда жаңа өндіріс орындары ашылуда, цифрландыру үдерісі жедел енгізіліп, әлеуметтік сала жаңғыртылып жатыр. Жаһандану дәуірінде креативті, жаңашыл әрі тың көзқарасы бар мамандар аса қажет.Баласының бағын тілеген ата-ананың қуанышында шек жоқ екенін көріп тұрмын. Сіздерге көп рақмет! Ал шәкіртін шыңға шығарған профессор-оқытушыларға аймақ халқының атынан ерекше алғысымды білдіремін. Сіздер облысымыздың басты байлығы – адами капиталды қалыптастырып келесіздер.Бойларыңыздағы білім мен өнегені Отанымыз – Қазақстанның, туған жеріміз – Сыр өңірінің игілігіне жұмсай беріңіздер», – деді Мұрат Нәлқожаұлы.</blockquote>Тоқсан жылға жуық тарихы бар университет озық идеялардың жаршысы ретінде ғылымға инновациялық жаңашылдықтарды енгізіп, бәсекеге қабілетті маман даярлау бағытындағы жұмысын табысты жалғастырып келеді.«Қазақстан Республикасы жоғары оқу орындары сұранысының тәуелсіз рейтингі – 2026» қорытындысыменеліміздегі көпсалалы жоғары оқу орындары арасында 7-орынға ие болды.Оқу орнының 31 білім беру бағдарламасы республикадағы үздік үштік қатарынан көрінді.Айта кетейік, биыл университеттің бакалавриат бағдарламасын 630, ал магистратура бағдарламасын 79 түлек тәмамдады.Фото: Қызылорда облысы әкімінің баспасөз қызметі

Магистратура түлектеріне диплом табысталды

<a href="https://kyzylorda-news.kz/">Kyzylorda-news.kz</a> Асқазан-ішек жолы ауруларын анықтаудың ең ақпараттық әдістерінің бірі&nbsp;- фиброгастродуоденоскопия (ФГДС). Бүгінде бұл зерттеуден «МедАрт» клиникасында міндетті әлеуметтік медициналық сақтандыру жүйесі аясында ауыртпалықсыз өтуге болады.Медициналық орталықта мұрын қуысы немесе ауыз арқылы енгізілетін диаметрі небәрі 4,2 мм болатын өте жұқа зонды бар заманауи жапон эндоскопы қолданылады. Құрылғының жұқалығының арқасында тексеру барынша жайлы өтеді. Пациенттерде құсу рефлексі мен тамақтағы жағымсыз сезімдер болмайды.<blockquote>«Эндоскоп мұрын-жұтқыншақ арқылы ешқандай жайсыздық тудырмай оңай өтеді. Тексеру барысында асқазанның жағдайын қарады, полиптің өскені анықталды. Диагностикалық тексеруге жергілікті емхана жолдады, енді емімді жалғастырамын. МӘМС аясында қажетті медициналық қызметтерді уақытылы алуға мүмкіндік бар», — деді Қызылорда қаласының тұрғыны Сауле Оспанова.</blockquote>Процедура бірнеше минутты алады. Осы уақыт ішінде мамандар өңеш пен асқазанның шырышты қабатының жағдайын бағалайды және қажет болған жағдайда әрі қарай гистологиялық зерттеу үшін тіндерден сынама алынады.<blockquote>«ФГДС NBI - тар жолақты бейнелеу технологиясын қолдану арқылы жүзеге асырылады. Бұл жағдайда шырышты қабаттағы қан тамырлары мен капиллярлардың контрастылығын арттыратын көк және жасыл түсті жарық қолданылады.&nbsp;Мұндай&nbsp;әдіс тіпті&nbsp;кішігірім өзгерістерді, соның ішінде&nbsp;қатерлі ісікке дейінгі&nbsp;жағдайларды анықтауға мүмкіндік береді. Заманауи диагностикалық әдістердің арқасында&nbsp;әртүрлі патологияларды анықтау көрсеткіші айтарлықтай артты. Бұл МӘМС жүйесінің тиімділігін көрсететін мысалдардың бірі», - деді «Клиники МедАрт» ЖШС директоры, дәрігер-гастроэнтеролог Бақыт Калиев.</blockquote>Клиника мамандары күн сайын шамамен 30 пациент қабылдайды. Ағымдағы жылы Әлеуметтік медициналық сақтандыру қорымен жасалған&nbsp;шарт аясында медициналық ұйымға халыққа қызмет көрсету үшін шамамен 33 миллион теңге бөлінді.

Қазақстан және Қызылорда облысының жаңалықтары