<a href="https://kyzylorda-news.kz/">Kyzylorda-news.kz</a> Міндетті әлеуметтік медициналық сақтандыру пакетіне диспансерлік есепте тұрған азаматтардың бірқатар созылмалы аурулары бойынша бақылау мен емдеу енгізілді.Бұл тізімге келесі ауру түрлері кірді:&nbsp;<ul><li style="text-align:justify;">қант диабеті;</li><li style="text-align:justify;">балалардың церебралды сал ауруы;</li><li style="text-align:justify;">дәнекер тіннің жүйелі аурулары;</li><li style="text-align:justify;">ревматизм;</li><li style="text-align:justify;">артериялық гипертония;</li><li style="text-align:justify;">жүректің ишемиялық ауруы және өзге де жүрек аурулары (жүрек жеткіліксіздігі, жүрек ырғағының бұзылыстары);</li><li style="text-align:justify;">төменгі тыныс жолдарының созылмалы аурулары.</li></ul>Бүйрек аурулары, оның ішінде гломерулярлық аурулар, созылмалы бүйрек ауруы;&nbsp;<ul><li style="text-align:justify;">ас қорыту жүйесінің аурулары;</li><li style="text-align:justify;">сүйек-бұлшықет жүйесі мен дәнекер тін аурулары.</li></ul>Бұл диагноздары бар адамдарға амбулаториялық және стационарлық жағдайларда, соның ішінде дәрі-дәрмекпен қамтамасыз етуді, қымбат дәрі-дәрмектерді қоса алғанда, барлық қажетті ем түрлерін алуға мүмкіндік береді.

МӘМС пакетіне қандай созылмалы аурулар кіреді?

<a href="https://kyzylorda-news.kz/">Kyzylorda-news.kz</a> Сырдария ауданындағы жұмыс сапары барысында ҚР Парламенті Мәжілісінің депутаттары,"AMANAT" &nbsp;партиясы фракциясының мүшелері &nbsp;Мұрат Ергешбаев пен Мархабат Жайымбетов аудан ардагерлерімен кездесті.Кездесу барысында халық қалаулылары ардагерлерді Жаңа жылмен құттықтап, елдегі азаматтардың жағдайын көзбен көру, ауылдық елді мемекендерді дамыту, азаматтарды әлеуметтік қолдау бағытында мемлекет тарапынан жасалып отырған жұмыстардың жүзеге асырылу барысымен танысу мақсатында жұмыс сапарымен келгендерін атап өтті. Сонымен бірге, ашық пікір алмасу арқылы жергілікті жерлердегі негізгі проблемалық мәселелерді анықтап, оларды заңнамалық тұрғыда жүзеге асуына қолдау білдіру екенін айтып, алдағы жоспарларымен бөлісті.Өз кезегінде аудан ардагерлері Сыр өңірінде, оның ішінде ауданда атқарылып жатқан жұмыстарға ризашылықтарын білдірді. Сондай-ақ, депутаттарға ұсыныс-пікірлерін жеткізді.Халық қалаулылары ұсыныстарды назарға алып, сол бағытта жұмыстар жүргізілетінін атап өтті.

"AMANAT": Сырдариялық ардагерлермен кездесті

Мемлекет басшысы Қасым-Жомарт Тоқаев Қазақстандағы православ христиандарды Рождество мерекесімен құттықтады.Құрметті отандастар!Қазақстанның барша православ христиандарын Рождество мерекесімен құттықтаймын!Бұл жарқын мейрам адамдардың жүрегіне сенім мен үміт ұялатып, барша адамзатқа сүйіспеншілікпен қарауға үндейді. Әділдік, ізгілік, шынайылық, жауапкершілік, мейірімділік, үйлесімділік сияқты мәңгілік рухани құндылықтар христиан діні мен басқа да әлемдік дәстүрлі діндердің арқауы саналады.Православ христиандары еліміздегі конфессияаралық келісімді нығайтуға, өскелең ұрпақты отаншылдық пен еңбекқорлыққа баулуға және олардың бойына отбасы құндылықтарын сіңіруге елеулі үлес қосып келеді. &nbsp;Бірлік, тілектестік, өзара қолдау қағидаттары – мемлекеттік саясатымыздың ажырамас бөлігі, барлық жетістіктеріміздің мызғымас негізі. Жұртымыз бір-біріне құрмет көрсетіп, сенім мен жанашырлық таныта отырып, әділдік және өсіп-өркендеу жолында алға қарай нық қадам жасай береді.Православ азаматтарға және барша халқымызға шын жүректен зор денсаулық, толағай табыс тілеймін!Әр үй құт-берекеге толсын!Фото: Ақорда

Мемлекет басшысы православ христиандарын Рождество мерекесімен құттықтады 

Бүгін «AMANAT» партиясы Қызылорда облыстық филиалының атқарушы хатшысы Төрешова Ләйлә Бегалықызының 60 жас мерейтойына арналған салтанатты құттықтау кеші өтті.Қуаныш иесін ҚР Парламенті Сенатының депутаттары Наурызбай Байқадамов, Руслан Рүстемұлы және партияның Ақтөбе, Қызылорда облыстық филиалының төрағалары, фракция мүшелері, басқарма басшылары, облыстық филиал жанындағы аймақтық кеңестердің төрағалары, қоғам белсенділері мен аумақтық филиалдардың атқарушы хатшылары құттықтап, оның көпжылдық қажырлы еңбегіне, ел мен партия дамуына қосқан сүбелі үлесіне жоғары баға берді.Ләйлә Бегалықызы – кәсіби біліктілігімен, ұйымдастырушылық қабілетімен, адами қасиеттерімен көпке үлгі бола білген тұлға.Іс-шара барысында жүрекжарды лебіздер айтылып, сый-сияпаттар табысталды. Мерейтой иесіне арнайы “AMANAT” партиясының Атқарушы хатшысы Дәулет Кәрібектің, аймақ басшысы &nbsp;Нұрлыбек Нәлібаевтың құттықтау хаттары мен облыстың “Құрмет грамотасы” табысталды.Ләйлә Бегалықызын мерейлі жасымен құттықтай отырып, зор денсаулық, отбасына амандық, қызметіне толағай табыс пен ұзақ ғұмыр тілейміз!<img src="https://knadmin.beoblood.kz/uploads/FB_IMG_1767752248552_ffbd0b5103.jpg" alt="FB_IMG_1767752248552.jpg">

Парасат пен тәжірибе белесі

ҚР Парламенті Мәжілісіндегі «AMANAT» партиясы фракциясының мүшелері Мархабат Жайымбетов пен Мұрат Ергешбаев «ҚЭТТК» АҚ қызметкерлерімен кездесті.Өңір әлеуетін дамыту жолында энергетика саласы өкілдерінің еңбегі ерекше. Себебі Қызылорда облысында инженерлік-инфрақұрылымдық жүйелерді жаңғырту және дамыту бағытында бірқатар маңызды жобалар іске асырылуда.Мемлекет басшысының қолдауымен түрік инвесторы «Aksa Energy» компаниясы Қызылорда қаласында қуаттылығы 240 мегаватттық жаңа жылу-электр орталығын салды. Бұл – Тәуелсіздік жылдарында инвестор қаражаты есебінен жүзеге асқан ең ірі энергетикалық жобалардың бірі. Жаңа орталықта 240 мегаватт электр энергиясы және 277 гигакалория жылу энергиясы өндіріледі. Аталған нысан өңірді электр қуатымен толық қамтамасыз етіп қана қоймай, өндірілген энергияның бір бөлігін басқа аймақтарға жеткізуге мүмкіндік береді.Қала тұрғындарын жылумен қамтамасыз ету үш негізгі жылу-энергия көзі арқылы жүзеге асырылады. Қазіргі уақытта жылу-электр орталығында №2 және №3 газтурбиналық қондырғылар, №6 бу қазандығы тұрақты жұмыс істеп тұр. Оңтүстік қазандықта №1, №2 және №4 бу қазандықтары пайдаланылуда. Сонымен қатар, қала аумағындағы шағын аудандарда орналасқан 18 автономды қазандық үздіксіз жұмыс атқаруда.Қолданыстағы жылу-электр орталығы бүгінде 67 мегаватт электр энергиясы мен 355 гигакалория жылу энергиясын өндіреді. Ал оңтүстік жылу қазандығы қаланың оңтүстік бөлігін жылумен қамтамасыз етеді. Жылу жүйелерін жаңғырту аясында «Bono Energia» маркалы бу қазандықтарын қайта жаңалау жұмыстары жүргізілуде. Қазіргі таңда бір қазандық іске қосылып, қалған екі қондырғыны пайдалануға беру бағытында жұмыстар жалғасуда. Жоба толық іске асқаннан кейін сағатына 37 гигакалория жылу энергиясы өндіріліп, тұрғындарды тұрақты жылумен қамту қамтамасыз етіледі.Сонымен қатар, электр энергетикасы саласында да жүйелі жұмыстар атқарылуда. «Қызылорда электр тарату тораптары компаниясы» акционерлік қоғамы облыс аумағындағы электр желілері мен қосалқы станцияларға жоспарланған жөндеу жұмыстарын толық аяқтады. Жылу маусымына қажетті апаттық қор барлық аудандарда жинақталып, инженерлік инфрақұрылымның үздіксіз жұмыс істеуіне жағдай жасалды.Өңірде атқарылған жұмыстарға кеңінен тоқтаған фракция мүшелері сала мамандарымен пікір алмасып, лайықты еңбектері үшін алғысын жеткізді.<img src="https://knadmin.beoblood.kz/uploads/FB_IMG_1767751957234_c1c7a73302.jpg" alt="FB_IMG_1767751957234.jpg">

Еңбек ұжымымен кездесті 

Мемлекет басшысы Қасым-Жомарт Тоқаев өткен жылдың соңында өткен құқық қорғау органдарының кеңейтілген отырысында: «Заң – қысым көрсетуге немесе қудалауға арналған құрал емес. Заң – әр адамның құқығы мен бостандығының қорғаны. Біз осы ақиқатты терең түсінетін азаматтық және мәдени орта қалыптастыруымыз қажет. Тәртіп жалпыға ортақ құндылыққа, ал заңға бағыну әркімнің өмір салтына айналуға тиіс. Мемлекеттік аппарат пен бүкіл қоғам жұмылып жұмыс істесе, еліміз көздеген мақсатына жетеді. Озық ойлы ұлт болу үшін әдептілік, өзара құрмет, ұстамдылық, сыпайылық сияқты қасиеттерді барынша дәріптеген жөн деген болатын.Бүгін өңірде жұмыс сапарымен болған Қазақстан Республикасы Парламенті Сенаты және Мәжілісі депутаттары Наурызбай Байқадамов, Руслан Рүстемұлы, Мұрат Әбенов, Мархабат Жайымбетов пен Мұрат Ергешбаев облыстық прокуратура ұжымымен кездесіп, заң мен тәртіп қағидаттарының орындалуы мәселелері бойынша пікір алмасты.Кездесу барысында құқықтық нормалардың сақталуы, заңдылықты нығайту және азаматтардың құқықтарын қорғау бағытындағы өзекті мәселелер талқыланып, өңірде атқарылған жұмыстармен танысты.Халық қалаулылары атқарылып жатқан жұмыстарға ризашылықтарын білдіріп, құқық қорғау органдары мен заң шығарушы биліктің өзара іс-қимылын күшейтудің маңыздылығын атап өтті. Сондай-ақ алдағы уақытта бірлескен жұмысты жалғастыруға дайын екендерін білдірді.Жиын барысында облыс прокуроры Ризабек Ожаров депутаттарды &nbsp;құқықтық нормалардың сақталуы, заңдылықты нығайту бағытындағы &nbsp;бірлескен жұмыстарға ризашылығын білдіріп, арнайы Алғыс хатпен марапаттады.<img src="https://knadmin.beoblood.kz/uploads/FB_IMG_1767751661421_4c51a06e1c.jpg" alt="FB_IMG_1767751661421.jpg">

Заң мен тәртіп – қоғам дамуының негізгі 

<a href="https://kyzylorda-news.kz/">Kyzylorda-news.kz</a> Қармақшы ауданы әкімдігінің мәжіліс залында аудан әкімі Жандос Еркінбектің төрағалығымен облыс әкімінің мәжілісінен кейінгі жиын өтті.Мәжілісте Мемлекет басшысының тапсырмаларына сәйкес цифрландыру және жасанды интеллект бағытындағы жұмыстарды аудан деңгейінде жүйелі ұйымдастыру мәселелері талқыланды. Сонымен қатар 2026 жыл елімізде Цифрландыру және жасанды интеллект жылы болып жарияланды. Бұл туралы Жандос Еркінбек:<blockquote>- Цифрландыру мен жасанды интеллектті енгізу азаматтарға көрсетілетін қызметтердің сапасын жақсартып, уақыт пен ресурсты үнемдеуге және жастардың білімін жетілдіріп, ақпараттық технология саласында жаңа жұмыс орындарының ашылуына мүмкіндік береді. Сондықтан, цифрландыру мен жасанды интеллект мүмкіндіктерін пайдалану үшін тұрғындарды кеңінен оқыту, насихаттау жұмыстарын жүргізу қажет,- деп атап өтті.</blockquote>Осыған орай аудан көлемінде цифрландыру және жасанды интеллект бағытында білім беру және оқыту орталықтарын ашу мүмкіндіктері, жастар арасында насихаттау жұмыстарын күшейту мәселелері бойынша тиісті сала басшыларына тапсырмалар берілді.Сондай-ақ жиында 2025 жылғы аудан бюджетінің игерілу қорытындысы да қаралды. Қазіргі таңда аудан бюджеті 100 пайызға жуық орындалып отыр. Бұл жұмыстардың толық орындалуы үшін жауапты сала басшыларына бақылауды күшейту тапсырылды.Мәжіліс қорытындысы бойынша аудан әкімі барлық тапсырмалардың уақытылы әрі сапалы орындалуын қатаң бақылауда ұстауды тапсырды.

Цифрландыру бағыты бойынша бірқатар тапсырма берді

<a href="https://kyzylorda-news.kz/">Kyzylorda-news.kz</a> Ұлттық бірыңғай тестілеу мазмұнын өзгерту жоспарланған. Бұл туралы Ғылым және жоғары білім министрлігі Жоғары және жоғары оқу орнынан кейінгі білім комитетінің төрағасы Гүлжан Жарасова айтты, – деп хабарлайды <a href="https://kaz.inform.kz/news/2027-zhili-ubt-tapsirmalari-halikaralik-standarttarga-beymdeled-77795b/">Қазақпарат.</a>Оның айтуынша, биыл Ұлттық бірыңғай тестілеу өзгермейді. Алайда 2027 жылдан бастап ҰБТ тапсырмалары талапкерлердің дағдысын бағалау үшін халықаралық стандартталған тестіге бейімделеді.<blockquote>- Биыл ҰБТ өзгермейді. Келесі жылдан бастап тапсырмалар мазмұны талапкерлеріміздің дағдысын айқындауға мүмкіндік беретін халықаралық стандартталған тестіге бейімделетін болады. Осы орайда бұл талапкерлерімізге қосымша жүктеме болмайтынын, керісінше олардың қаншалықты білімді екенін, оларды білім алу барысында қалай қолдана алатынын анықтауға мүмкіндік беретіндігін тағы да атап өткім келеді, - деді комитет төрағасы.</blockquote>Фото: Нұрболат Нұржаубай

ҰБТ тапсырмалары халықаралық стандарттарға бейімделеді 

<a href="https://kyzylorda-news.kz/">Kyzylorda-news.kz</a> Бүгін ҚР Парламенті Мәжілісіндегі «AMANAT» партиясы фракциясының мүшелері Мархабат Жайымбетов, Мұрат Әбенов және Мұрат Ергешбаев қала тұрғындарын жеке мәселелері бойынша қабылдады.Қабылдау барысында әлеуметтік, инфрақұрылымдық және қоғамдық маңызы бар бірқатар мәселелер көтерілді. Атап айтқанда, қала тұрғыны Исахаева Г. кәмелет жасынан асқан мүгедектігі бар екі баласын электронды арбамен қамтамасыз етуге жәрдем көрсетуді сұрады. Бұл мәселе бойынша фракция мүшесі Мұрат Нәлқожаұлы жауапты сала басшыларымен бірлесе зерделеу жүргізіп, кәсіпкерлік демеушілік тетіктері арқылы өтінішті шешу жолдарын қарастыруды ұсынды.<img src="https://knadmin.beoblood.kz/uploads/Amanat_t_r_yndarmen_kezdesu_2_389e9454e6.jpg" alt="Аманат тұрғындармен кездесу 2.jpg">Сонымен қатар, қала тұрғыны Қоюпов Т. фракция мүшесі Мархабат Жайымбетовке қоғамдық көлікте соғыс, қарулы қақтығыстар және Семей ядролық полигонының қатысушыларына тегін жол жүру мүмкіндігін қарастыру мәселесі бойынша сауал жолдады. Аталған мәселе қолданыстағы заңнама аясында тиісті органдармен пысықталатын болды.Ал фракция мүшесі Мұрат Әбеновке қала тұрғыны Мақашов Ә. аймақта қолжетімді медициналық экожүйе құруға бағытталған жобасын таныстырып, оны жүзеге асыру үшін инвестор тарту мәселесін көтерді. Ұсыныс назарға алынып, қосымша зерделеу қажеттігі айтылды.<img src="https://knadmin.beoblood.kz/uploads/Amanat_t_r_yndarmen_kezdesu_3_9b8166c399.jpg" alt="Аманат тұрғындармен кездесу 3.jpg">Бұдан бөлек, қабылдау барысында азаматтар тарапынан қаржылай көмек көрсету, көшелерді электр қуатымен және ауыз сумен қамтамасыз ету, алаяқтық деректеріне қатысты және өзге де тұрмыстық-әлеуметтік мәселелер бойынша өтініштер түсті. Барлық көтерілген мәселелер заң аясында қаралып, тиісті мемлекеттік органдарға жолданатын болды.

«AMANAT»: Фракция мүшелері тұрғындардың талап-тілегін тыңдады

<a href="https://kyzylorda-news.kz/">Kyzylorda-news.kz</a> Мемлекет басышысы Цифрландыру және жасанды интеллект жылын жариялау туралы Жарлыққа қол қойды.<blockquote>Цифрландыруды одан әрі дамыту және жасанды интеллектіні жаппай ендіру мақсатында ҚАУЛЫ ЕТЕМІН:1. 2026 жыл Цифрландыру және жасанды интеллект жылы деп жариялансын.2. Қазақстан Республикасының Үкіметі Цифрландыру және жасанды интеллект жылын өткізу бойынша қажетті шараларды қабылдасын.3. Осы Жарлықтың орындалуын бақылау Қазақстан Республикасы Президентінің Әкімшілігіне жүктелсін.4. Осы Жарлық қол қойылған күнінен бастап қолданысқа енгізіледі.Қазақстан РеспубликасыныңПрезиденті &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp;Қ.ТоқаевАстана, Ақорда, 2026 жылғы 6 қаңтар&nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; № 1151</blockquote>Фото: Ақорда

Президент 2026 жылды цифрландыру және жасанды интеллект жылы деп жариялау туралы Жарлыққа қол қойды 

<a href="https://kyzylorda-news.kz/">Kyzylorda-news.kz</a> Президент Қасым-Жомарт Тоқаев Мемлекеттік кеңесші Ерлан Қаринмен және Президенттің құқықтық мәселелер жөніндегі көмекшісі Ержан Жиенбаевпен жұмыс кеңесін өткізді. Бұл туралы Ақорданың баспасөз қызметі хабарлады.Ерлан Қарин Мемлекет басшысына Парламенттік реформа жөніндегі жұмыс тобы қызметінің аралық нәтижелері туралы мәлімет берді.Мәселен, e-Otinish мемлекеттік платформасы мен Egov сервисінің «Парламенттік реформа» арнайы бөлімі іске қосылғаннан бері 500-ге жуық ұсыныс келіп түскен. Халық арасынан, сарапшылардан және қоғамдық ұйымдардан жолданған ұсыныстар мен бастамаларды талдау, жүйелеу жұмыстары жалғасып жатыр.Парламенттік реформа жөніндегі жұмыс тобының бұған дейінгі отырыстарында бір палаталы Парламентті қалыптастыру және оның заңнамалық функцияларын жүзеге асыру мәселелері талқыланды.&nbsp;9 қаңтарға жоспарланған Жұмыс тобының кезекті жиынында қалған бағыттар бойынша ұсыныстар егжей-тегжейлі қаралады.&nbsp;Сонымен қатар Мемлекеттік кеңесші Президентке Ұлттық құрылтайдың жұмыс секциялары бойынша желтоқсан айында өткен отырыстың қорытындылары және Құрылтайдың алдағы бесінші басқосуына дайындық барысы туралы баяндады.Қасым-Жомарт Тоқаев Парламентті реформалау саяси жүйені трансформациялау үдерісінде ерекше рөл атқаратынын атап өтіп, алда ауқымды өзгерістер күтіп тұрғанына назар аударды. Сондай-ақ барлық бастаманы жан-жақты саралап, оның негізінде конституциялық реформаның базалық тәсілдерін әзірлеуді тапсырды.Фото: Ақорда

Мемлекет басшысы Парламенттік реформа жөніндегі жұмыс кеңесін өткізді 

<a href="https://kyzylorda-news.kz/">Kyzylorda-news.kz</a> Бүгін ҚР Парламенті Мәжілісіндегі «AMANAT» партиясы фракциясының мүшесі Мархабат Жайымбетов Қызылорда қаласы, Тасбөгет кентінде орналасқан жеке кәсіпкер «Baukin» цехының жұмысымен танысты.Аталған кәсіпкер Бауыржан Сәрсенов 2024 жылдың желтоқсан айында Мемлекет басшысы Қасым-Жомарт Тоқаевтың бастамасымен жүзеге асып жатқан «Ауыл аманаты» бағдарламасы аясында 2,5 пайыздық мөлшерлемемен 7,0 млн теңге көлемінде қаржылай қолдауға ие болған. Қаражат жиһаз жасау және оны құрастыруға арналған заманауи құрал-жабдықтар алуға бағытталған.Жеке кәсіпкер жиһаз өндірісімен 2020 жылдан бері айналысып келеді. Қазіргі таңда цехта 5 адам тұрақты жұмыспен қамтылған. Кәсіпорынның жылдық айналым қаражаты 35–40 млн теңгені құрайды.Бүгінде өндіріс орнында тұрғын үй мен кеңсеге арналған жиһаздар, сондай-ақ сауда орындарына қажетті бұйымдар тапсырыс негізінде дайындалады. Ай сайын 15–20 ірі көлемдегі және 100-ге жуық шағын өнім шығарылып, жергілікті нарық сұранысын қамтамасыз етіп отыр.Кездесу барысында фракция мүшесіне өндірістің мүмкіндіктері, мемлекеттік қолдаудың тиімділігі және кәсіпорынның алдағы даму жоспарлары таныстырылды.Айта кетерлігі, Мемлекет басшысы Қасым-Жомарт Тоқаевтың бастамасымен жүзеге асып жатқан «Ауыл аманаты» жобасы Сыр өңірінде шағын және орта кәсіпкерлікті дамытуға, жаңа жұмыс орындарын ашуға және халықтың табысын арттыруға нақты серпін беріп келеді.

Қазақстан және Қызылорда облысының жаңалықтары