<a href="https://kyzylorda-news.kz/">Kyzylorda-news.kz</a>&nbsp; Оқу-ағарту министрлігі Назарбаев зияткерлік мектебінен&nbsp;оқу жылының аяқталуына екі күн қалғанда&nbsp;шығып қалған&nbsp;11-сынып оқушысының жағдайына қатысты пікір білдірді.&nbsp;Бұл туралы&nbsp;<a href="https://stan.kz/news-418454/">Stan.kz</a>&nbsp;ақпарат агенттігі хабарлады.Министрлік ресми мәлімдеме жасап, Қазақстанда мұғалім мәртебесі заңмен бекітілгенін және оның қоғамдағы ерекше рөлін&nbsp;атап өтті.<blockquote>"Ата-аналар мен оқушылар ұстаздарды құрметтеуге&nbsp;тиіс, өйткені білім беру жүйесіне деген сенім ұстаздарға деген сенімнен басталады. Оқу-ағарту министрлігі олардың мәртебесіне нұқсан келтіретін кез келген әрекетті айыптайды. НЗМ тек ішкі тәртіп ережелеріне емес, адамгершілік пен кәсібилік қағидаттарына негізделген шешім қабылдайды деп сенеміз", – делінген хабарламада.</blockquote>Фото: Нұрболат Нұржаубай

"Ұстаздарды құрметтеу керек": Оқу-ағарту министрлігі Назарбаев мектебінен шығып қалған оқушының дауына қатысты пікір білдірді

<a href="https://kyzylorda-news.kz/">Kyzylorda-news.kz</a> Қазіргі заманғы білім беру жүйесінде ғылыми-техникалық прогресс пен еңбек нарығының қажеттіліктеріне бейімделген жоғары оқу орындарының рөлі артып келеді. Қазақстанның инновациялық даму стратегиясына сәйкес, жоғары білім беру саласын жаңғыртуда ғылыми-зерттеу жұмыстары мен халықаралық серіктестікті кеңейтудің маңызы зор. Осы тұрғыдан алғанда, Халықаралық инженерлік-технологиялық университеті (МИТУ) еліміздегі техникалық және экономикалық мамандарды даярлайтын жетекші жоғары оқу орындарының бірі болып табылады.МИТУ 2001 жылы "Қазақстан инженерлік-технологиялық университеті" ретінде құрылып, бүгінгі таңда білім беру бағдарламаларының кең ауқымын қамтиды. Университет төмендегі бағыттар бойынша жоғары білікті мамандар даярлайды:<ul style="list-style-type:disc;"><li style="text-align:justify;">Инженерлік-техникалық мамандықтар: ақпараттық-коммуникациялық технологиялар, бағдарламалық қамтамасыз ету, радиотехника және электроника, энергетика, технологиялық машиналар мен жабдықтар, стандарттау және сертификаттау, тіршілік қауіпсіздігі.</li><li style="text-align:justify;">Биотехнология және ауыл шаруашылығы: биоинформатика, биотехнология, бау-бақша және агроөнеркәсіптік кешен, топырақтану, химиялық технологиялар.</li><li style="text-align:justify;">Экономика және бизнес: қаржы, есеп және аудит, маркетинг, туризм, экономикадағы инновациялық технологиялар.</li></ul>Университет бакалавриат, магистратура және PhD докторантура бағдарламалары аясында мемлекеттік гранттар негізінде және ақылы бөлімдерде білім беру қызметін жүзеге асырады. Білім беру бағдарламалары халықаралық аккредитация агенттіктерімен сертификатталған, бұл олардың сапа стандарттарына сәйкестігін дәлелдейді.МИТУ ғылыми-зерттеу қызметіне ерекше назар аударады. Университет қабырғасында заманауи технологияларды дамытуға бағытталған бірқатар зерттеу жобалары жүзеге асырылып келеді. Ғылыми зерттеулердің нәтижелері Қазақстанның әлеуметтік-экономикалық дамуына үлес қосып, ұлттық және халықаралық деңгейде мойындалуда. Университет жас ғалымдарды қолдау мақсатында ғылыми-зерттеу гранттарын ұсынуда, бұл студенттер мен докторанттар үшін үлкен мүмкіндік.Университет халықаралық байланыстарды дамытуға белсенді қатысады. Қазақстан мен Қытай арасында өнеркәсіп пен білім беруді интеграциялау мақсатында Цзинши институты ашылды. Бұл жоба HUATEC өнеркәсіптік компаниясының және Шыңжаң қолданбалы технология институтының қатысуымен жүзеге асырылуда. Мұндағы негізгі мақсат – Қытай мен Қазақстан арасындағы академиялық және технологиялық алмасуды дамыту. Цзинши институты "Мұнай-химиялық технология" бағыты бойынша мамандар даярлайды. Институт студенттері Қытай мен Қазақстан университеттерінің ресурстарын пайдалана отырып, заманауи технологиялар мен өндірістік процестер туралы жан-жақты білім алады. Бағдарлама халықаралық деңгейдегі стандарттарға сәйкес әзірленген және студенттерге екі елдің жетекші сарапшыларынан білім алуға мүмкіндік береді.Сонымен қатар, университетте шетелдік сарапшылардың қатысуымен арнайы дәрістер өткізіледі. Глазго университетінің (Ұлыбритания) Adam Smith Business School жоғары оқу орнының аға оқытушысы Ramona Blanes студенттерге "Қаржы технологиялары және олардың саланы дамытуға әсері" тақырыбында дәріс оқыды. Бұл дәріс қаржы технологияларының қазіргі даму тенденцияларын талқылауға мүмкіндік берді. Ramona Blanes дәріс барысында FinTech индустриясының эволюциясын, қаржылық технологияларды енгізудің қиындықтарын, олардың бизнес модельдері мен тиімділігін егжей-тегжейлі қарастырды. Студенттер FinTech-тің болашағы мен оның экономикалық даму үдерісіне ықпалы туралы құнды ақпарат алып, өздерінің сұрақтарын қою мүмкіндігіне ие болды. Сондай ақ, студенттерге қаржылық технологиялар мен олардың бизнеске ықпалы туралы жан-жақты білім алуға мүмкіндік берді.Сонымен бірге, Suleyman Demirel University (Түркия) профессоры Omer Faruk Acar бизнес және кәсіпкерлік саласы бойынша маңызды дәрістер циклын өтті. Оның алғашқы "Бизнеске кіріспе" тақырыбындағы дәрісі студенттерді кәсіпкерліктің негізгі қағидалары мен тұжырымдамаларымен таныстырды. Дәріс барысында ол бизнес ортасының дамуы, басқару стратегиялары, экономикалық үрдістер және кәсіпкерлік қызметтің ерекшеліктері туралы кеңінен баяндады. Сонымен қатар, дәріс интерактивті форматта өтіп, студенттерге нақты бизнес-кейстерді талқылауға және кәсіпкерлік дағдыларын дамытуға мүмкіндік берді. Omer Faruk Acar-дың дәрістері студенттердің халықаралық тәжірибемен танысуына және заманауи бизнес-үрдістерді түсінуге зор ықпал етеді.МИТУ сонымен қатар Еуропа, Азия және АҚШ-тың жетекші университеттерімен академиялық серіктестік орнатқан. Оқу орны Erasmus+ бағдарламасы аясында студенттерге шетелде білім алу мүмкіндігін ұсынып, екі дипломдық бағдарламаларды іске асыруда. Бұл білім алушыларға халықаралық деңгейде бәсекеге қабілетті маман атануға жол ашады.МИТУ студенттік өзін-өзі басқаруды дамытуға және ғылыми іс-шараларды ұйымдастыруға ерекше көңіл бөледі. Университет қабырғасында келесі маңызды ғылыми-тәжірибелік шаралар өткізілді:2025 жыл университетте "Өзін-өзі басқару жылы" деп жарияланып, студенттердің бастамаларына қолдау көрсетуге бағытталған жаңа жобалар іске қосылды. Бұл бастама Қазақстан Президенті Қасым-Жомарт Тоқаевтың 2025 жылды "Жұмысшы мамандықтары жылы" деп жариялауын қолдауға бағытталған.&nbsp;Осы бағытта университетте еңбек адамдарын қолдау және студенттердің бастамасына демеу көрсету мақсатында, "Жаһандық студенттік көшбасшылық: дамуы, әсері, әрекеті" халықаралық форумы, онда студенттердің көшбасшылық қабілеттерін жетілдіруге арналған пікірталастар ұйымдастырылды. Форум әртүрлі елдерден келген белсенділерді, жас көшбасшыларды және студенттік ұйым өкілдерін бір алаңға жинады. Форум қонақтары АҚШ, Ұлыбритания, Түркия, Қытай, Ресей мемлекеттерінен қатысуда. Сонымен қатар METU-де Египет, Монғолия, Қытай, Түркия, Ресей, Марокко, Өзбекстан, Қырғызстан және т.б., әлемнің он бес елінен келіп білім алып жатқан шетел студенттері де Студенттік өзін-өзі басқару жылына арналған халықаралық форумға қатысты. Форумда жаһандық білім, рухани құндылықтар және технологиялардың дамуы мен экологияның сақталуы арасындағы баланс мәселелеріне ерекше назар аударылды. Пленарлық сессияларда «Болашақ біліміндегі жаһандық лидерлік», «Бәсекеге қабілетті түлектің атрибуттары» және ғылым мен технологиядағы инновациялық тәсілдер сияқты тақырыптар талқыланды.Университет студенттерінің белсенділігі нәтижесінде бірқатар әлеуметтік жобалар жүзеге асырылуда, олардың ішінде кәсіпкерлік бастамаларды дамыту және жастарды еңбек нарығына бейімдеу шаралары ерекше орын алады.Іс-шара барысында қатысушылар студенттік өзін-өзі басқарудың дамуы, тәжірибе алмасу және жастар көшбасшылығы саласындағы табысты бастамалар тақырыптарын талқылады."Қазіргі заманның әлеуметтік-экономикалық мәселелері: теория және практика" ғылыми-тәжірибелік конференциясы, бұл іс-шара экономикалық даму мәселелері бойынша ғылыми пікір алмасудың маңызды алаңына айналды."Инженерлік-технологиялық инновациялар" халықаралық конференциясы, онда жетекші ғалымдар мен сарапшылар инженерлік ғылымдағы заманауи жетістіктерді талқылады."Жас ғалымдар және болашақ технологиялар" халықаралық симпозиумы, бұл форум аясында студенттер мен жас зерттеушілер өздерінің ғылыми жаңалықтарын ұсынды.МИТУ студенттеріне сапалы білім алумен қатар, қолайлы инфрақұрылым ұсынады. 2019 жылы жаңа заманауи студенттер үйі (жатақхана) пайдалануға берілді. Онда студенттердің жайлы өмір сүруі үшін барлық қажетті жағдайлар жасалған: тегін Wi-Fi, фуршет алаңы, конференц-зал, кір жуу орны және тәулік бойы қауіпсіздік жүйесі.МИТУ студенттік ұйымдары белсенді жұмыс істейді. Олардың қатарына ғылыми-зерттеу клубтары, кәсіпкерлік үйірмелер, шығармашылық студиялар және спорт секциялары кіреді. Университет талантты студенттерді қолдау мақсатында жыл сайын стартап-жобалар конкурстарын өткізіп, инновациялық идеяларды қаржыландырады.Халықаралық инженерлік-технологиялық университеті Қазақстандағы жоғары білім беру саласында көшбасшылық орынға ие. Ол тек техникалық білім беріп қана қоймай, сонымен қатар ғылыми-зерттеу қызметін дамытуға, халықаралық серіктестікті кеңейтуге және білім алушылардың кәсіби және тұлғалық дамуына жағдай жасауға ерекше мән береді. Университет түлектері Қазақстан мен әлемнің әртүрлі салаларында жоғары сұранысқа ие мамандар ретінде танылып, ел экономикасының дамуына айтарлықтай үлес қосуда. Болашақта МИТУ өзінің ғылыми-инновациялық әлеуетін одан әрі арттырып, жаһандық білім беру кеңістігінде беделін нығайтуға ұмтылады.&nbsp;Дильдебаева Жулдуз Турсуновна,&nbsp;«Экономика және бизнес»кафедрасының меңгерушісі,экономика ғылымдарының кандидаты,қауымдастырылған профессор&nbsp; &nbsp; &nbsp; &nbsp; &nbsp;Бердімұратова Құралай Қадырқұлқызы,&nbsp;«Экономика және бизнес»кафедрасының аға оқытушысы

Халықаралық инженерлік-технологиялық университет: Инновациялар мен білімнің тоғысуы

<a href="https://kyzylorda-news.kz/">Kyzylorda-news.kz</a> 2025 жылғы мамырдан бастап OpenAI компаниясы Қазақстанда шартты түрде тіркеліп, қосылған құн салығын (ҚҚС) төлей бастады. Енді ChatGPT Қазақстан азаматтарына қызмет көрсеткені үшін еліміздің салық заңнамасына сай ресми түрде төлем жүргізеді, деп хабарлайды <a href="https://baq.kz/chatgpt-qazaqstanda-salyq-toley-bastady-200014281/">BAQ.KZ.</a>Бұл туралы Қаржы министрлігінің Мемлекеттік кірістер комитеті мәлімдеді. Комитет өкілдерінің айтуынша, OpenAI Қазақстандағы цифрлық қызметтер көрсетушілерінің қатарына қосылып, заң бойынша ҚҚС төлеуші мәртебесін алды. Бұл шешім қазақстандық пайдаланушылар үшін қызметтердің заңды және ашық ұсынылуына жол ашады.ChatGPT – жасанды интеллектке негізделген әлемдегі ең танымал чат-боттардың бірі. Ол виртуалды көмекші, кеңесші, мәтін жазу құралы, сұхбаттасушы ретінде кеңінен қолданылады. Қазақстанда бұл сервис әсіресе студенттер, журналистер, кәсіпкерлер мен ІТ мамандар арасында сұранысқа ие.Мемлекеттік кірістер комитеті OpenAI-дің салық төлеуге келісім беруін оң қадам деп бағалап отыр. Өйткені бұл ел бюджетіне қосымша түсімдер алып келеді және цифрлық нарықтағы әділ бәсекелестікті қамтамасыз етеді.Фото: pexels

ChatGPT Қазақстанда салық төлей бастады

<a href="https://kyzylorda-news.kz/">Kyzylorda-news.kz</a>&nbsp; Аталған жағдай бойынша құқық қорғау органдары қылмыстық іс қозғап, тергеу амалдарын жүргізіп жатыр.Оқиға Сайрам ауданында болды. Теспе ауылындағы «Нарымбет ата» ЖШС-не қарасты бөбекжай-балабақшада 26 адам тағамнан уланды. Уланғандардың ішінде 24 бала мен 2 қызметкер бар деп хабарлады<a href="https://kaz.inform.kz/news/turkstan-oblisinda-balabakshadagi-24-bala-tagamnan-ulandi-1d0f9e/"> kaz.inform.kz&nbsp;</a>Облыстық санитариялық-эпидемиологиялық бақылау департаментінің мәліметінше, балабақшада жүргізілген жоспардан тыс тексеру барысында санитариялық талаптардың өрескел бұзылғаны анықталған. Азық-түлік өнімдері мен қызметкерлерден алынған сынамалардан оң нәтижелер шыққан.<blockquote>–&nbsp;Барлық науқастарға алғашқы медициналық көмек көрсетіліп, үйлеріне қайтарылды.Тағамнан улануға асханада технологиялық процестердің бұзылуы, өнімдердің дұрыс сақталмауы және қызметкерлер тарапынан жеке бас гигиенасының сақталмауы себеп болған. Аталған жағдай бойынша құқық қорғау органдары қылмыстық іс қозғап, тергеу амалдарын жүргізіп жатыр,&nbsp;– делінген облыстық санитариялық-эпидемиологиялық бақылау департаменті тарапынан ұсынылған ақпаратта.</blockquote>Фото pixabay.com

Түркістан облысында балабақшадағы 24 бала тағамнан уланды 

<a href="https://kyzylorda-news.kz/">Kyzylorda-news.kz</a> Қазақстан Республикасы Президентінің жанындағы Мемлекеттік басқару академиясының Қызылорда облысы бойынша филиалында «Мемлекеттік мекемелердегі бухгалтерлік есеп» тақырыбындағы семинар тыңдаушыларына сыбайлас жемқорлықтың алдын алу мақсатында түсіндірме жұмыстары жүргізілді.Аталған шарада сыбайлас жемқорлыққа қарсы іс-қимыл агенттігінің Қызылорда облысы бойынша Департаментінің Превенция басқармасы басшысының орынбасары Ж.Жүсіпәлиев дәріс оқып, мемлекеттік қызметшілердің кәсіби әдеп нормалары, сыбайлас жемқорлықтың алдын алу тетіктері мен құқықтық жауапкершілік мәселелері бойынша кеңінен ақпарат берді.Шараның мақсаты – мемлекеттік қызметшілердің сыбайлас жемқорлыққа қарсы мәдениетін қалыптастыру, этикалық қағидаларды сақтау және кәсіби жауапкершілікті арттыру бойынша білімдері мен дағдыларын дамыту.Семинар соңында қатысушылар тақырып аясында өзара пікір алмасып, бейнероликтер арқылы сыбайлас жемқорлыққа төзбеушілік ұстанымын нығайту жолдарын талқылады. Сонымен қатар, қатысушылардың сұрақтарына тиісті жауаптар берілді.

Мемлекеттік мекеме есепшілеріне сыбайлас жемқорлықтың алдын алу туралы түсіндірме жұмыстары жүргізілді

<a href="https://kyzylorda-news.kz/">Kyzylorda-news.kz</a> ҚР Сыбайлас жемқорлыққа қарсы қызметінің Қызылорда облысы бойынша департаменті басшысы Қуаныш Ахметқалиевтің қатысуымен өңірлік коммуникациялар қызметінде брифинг өтті.Қызылорда облысының картасына агроөнеркәсіптік кешен, жер, жолдар және инфрақұрылым, әлеуметтік сала, бизнес, сейсмикалық қауіпсіздік және т.б. салалар енгізілген.Ағымдағы жылғы Департаментпен&nbsp; сыбайлас жемқорлық тауекелдерін анықтау мақсатында &nbsp;2 сыртқы талдау және 3 мониторинг жүргізілді, олардың нәтижесі бойынша 42 ұсыныс енгізілді.Қуаныш Ахметқалиев картада көрсетілген әрбір сала бойынша Департамент тарапынан атқарылған жұмыстарға тоқталып өтті.Департаментпен&nbsp; тұрғын үй сатып алу саласына сыртқы талдау жүргізіліп, нәтижесімен бірқатар сыбайлас жемқорлық тәуекелдері анықталған.Атап айтқанда, Қызылорда қалалық құрылыс бөлімімен таза әрлеу жұмыстары аяқталмаған пәтерлерді мемлекеттік сатып алу туралы шарттары негізінде сатып алу фактілері анықталып, нәтижесінде 16 әкімшілік хаттама толтырылды. Мердігер ұйым мен авторлық қадағалау сарапшысына 2,4 млн теңге, ал тапсырыс берушіге 530 820 теңге көлемінде айыппұл салынды.Департаментің әкімдікпен бірлесе жүзеге асырылған алдын алу шараларының нәтижесінде Сырдария ауданы, Бесарық ауылында, Қармақшы ауданы Ақай ауылында және Жалағаш кентінде дене шынықтыру-сауықтыру кешендері салынып, толықтай пайдалануға берілді. Бұл өз кезегінде 700-ден астам баланың заманауи спорт үйірмелеріне қатысуына мүмкіндік жасады.Сонымен қатар, ағымдағы жылы «Біріңғай сатып алу терезесі» порталына жүргізілген мониторинг мониторинг жүргізу арқылы 680 млн. теңгеден астам бюджет қаражатын үнемдеді. Мысалы, Қармақшы ауданында спорт кешеніне арналған суық ангарды сатып алу жоспары қайта қаралып, 134,5 млн. теңге көлеміндегі қаржы үнемделді.Антикор өз қызметін басқа да мемлекеттік органдармен, қоғаммен және халықпен бірлесіп жалғастыратын болады.1424 Call-орталығымыз азаматтарға тегін ақпараттық– констультациялық қолдау көрсетеді.

Антикор 3 айда мемлекеттік сатып алуларды бақылау арқылы 680 млн теңге үнемдеді

<a href="https://kyzylorda-news.kz/">Kyzylorda-news.kz</a> &nbsp;Қазақстан Республикасы Үкіметінің 2022 жылы 31 желтоқсандағы №1147 қаулысымен бекітілген «Әртүрлі нысаналы топтар деңгейінде декомпозицияланған ақпараттық жұмыс жүргізу жөніндегі іс-шаралар жоспарында» «Сыбайлас жемкорлыққа қарсы тақырыпта театрландырылған қойылымдар жасау және өткізу» қаралған.Осы орайда, өңірлік Антикордың ұйымдастыруымен сыбайлас жемқорлықтың алдын алу жұмыстары аясында Н.Бекежанов атындағы Қызылорда облыстық музыкалық драма театрында «Тоқалдың тендері» атты қойылымы өтті.Қойылымның басты мақсаты – сыбайлас жемқорлыққа қарсы мәдениетті қалыптастыру және нығайту, жемқорлықтың алдын-алу, сыбайлас жемқорлыққа қарсы мінез-құлық дағдыларын және патриоттық сезімдерін дамыту. Бұл туынды көрермендерді сыбайлас &nbsp;жемқорлықтан бас тартуға тәрбиелеп, батыл, адал болуға шақырады.Аталған қойылымда сыбайлас жемқорлықтың билік пен қоғам арасындағы сенімге қалай зиян тигізетіні көркем түрде көрсетілген.Бұл бағыттағы жұмыстар жалғасатын болады.

Қызылордада сыбайлас жемқорлыққа қарсы тақырыпта театрландырылған қойылым көрсетілді

<a href="https://kyzylorda-news.kz/">Kyzylorda-news.kz</a> Қызылорда облыстық неміс этномәдени бірлестігінің онкүндігі аясында №5 мектеп оқушыларының қатысуымен неміс этносының ұлттық мерекелеріне арналған шеберлік сабағы өтті.Достық үйінің би залында ұйымдастырылған шараға 6 «Д», 6 «Е» сынып оқушылары және «Почемучка» дайындық тобы қатысты. &nbsp;Шеберлік сабағы барысында балалар неміс этносының егін жинау мерекесі, Рождество және Пасха сияқты дәстүрлі мейрамдарын бейнелейтін пластилиннен түрлі мүсіндер жасап, бұл мерекелердің тарихи және мәдени маңызын ашып көрсетті. Шара шығармашылықпен қатар тәрбиелік мәнге де ие болды.– Бүгінгі шара – тек шығармашылықты дамытатын сабақ емес, сонымен қатар балалардың түрлі этностардың мәдениетіне деген қызығушылығын арттырып, өзара достықты нығайтуға бағытталған бастама, – деді неміс орталығының төрағасы Ирина Шек.Іс-шара соңында барлық қатысушы оқушыларға дипломдар мен тәттілер табысталды.

ҚХА: Онкүндік аясында шеберлік сабағы өтті

<a href="https://kyzylorda-news.kz/">Kyzylorda-news.kz</a> Бүгін Ауыл шаруашылығы министрі Айдарбек Сапаровтың қатысуымен шегіртке зиянкестеріне қарсы күрес жөніндегі республикалық штаб отырысы өтті. Оған облыс әкімі Нұрлыбек Нәлібаев пен жауапты сала басшылары қатысты.Басқосуда Ақтөбе және Қызылорда облыстарының &nbsp;шегірткеге қарсы күрес жүргізу барысы талқыланып, облыс әкімінің орынбасары Бахыт Жаханов атқарылған жұмыстар мен алдағы міндеттерді баяндады.<blockquote>"Былтырғы зерттеу жұмыстары нәтижесімен &nbsp;облыс бойынша 115 418 гектарға фитосанитариялық іс-шаралар жүргізу жоспарланған. Оның ішінде италиялық прусқа қарсы 24 702 гектарды, азиялық шегірткеге қарсы 35 322 гектарды, саяқ шегірткеге қарсы 55 394 гектарды қамту межеленген. Ерекше қауіпті шегірткеге қарсы өңделуі тиіс 60 024 гектардың 33 476 гектары аса жеңіл ұшақпен, 15 434 гектары ұшақпен, 7 152 гектары жер агрегатымен, 3 962 гектары дронмен республикалық бюджет есебінен атқарылуда. Ел аумағында рұқсат етілген "Ацет" және "Карат Супер 100" инсектицидтері қолданылуда. Италиялық прусқа қарсы 448,3 мың гектар жер зерттеліп, экономикалық зиянды шегінен асқан 19 мың гектардың 12,2 мың гектары өңделді. Ал азиялық шегірткеге қарсы 58,8 мың гектар зерттеліп, 3,2 мың гектар залалданғаны белгілі болды. Экономикалық зиянды шегінен асқаны - 2,5 мың гектар, өңделгені - 1,0 мың гектар. Арал ауданында италиялық прусқа қарсы 124,6 мың гектар жерге мониторинг жүргізіліп, экономикалық зиянды шегінен асқан 11,0 мың гектарына химиялық өңдеу жұмыстары жүргізілді. Саяқ шегірткеге қарсы күреске 12 арнайы жер агрегатын және 3 әуе ұшағын қатыстыру жоспарланып, барлығы облысқа жеткізілді. Химиялық өңдеу жұмыстары 6 арнайы жер агрегаты және 1 ұшақпен атқарылуда. Арал ауданында анықталған экономикалық зиянды шегінен асқан 1,5 мың гектар алқап 3 күн ішінде өңделеді. Алдағы уақытта зиянды және ерекше қауіпті зиянды организмдерге қарсы фитосанитариялық &nbsp;іс-шаралар мерзімінде, сапалы және өз деңгейінде жүргізіледі", - деді Б.Жаханов.</blockquote><img src="https://knadmin.beoblood.kz/uploads/Auylsharuashyly_ministri_2_60ba9a3780.jpg" alt="Ауылшаруашылық министрі 2.jpg">Министр жергілікті атқарушы органдар мен облыстық аумақтық инспекцияларға тапсырмалар жүктеп, алдағы жұмыстарды айқындады. &nbsp;Облыста шегірткеге қарсы жүргізілетін іс-шаралар жоспарының орындалуы қатаң бақылауда болады. Шегіртке тектестерге қарсы күресті уақытылы және сапалы ұйымдастыру үшін &nbsp;зерттеу &nbsp;жүргізіледі. Су көздері анықталып, құдық иелерінен су алу және басқа да ұйымдастыру іс –шараларына жәрдем көрсетіледі. Күтпеген жағдай туындаса, арнайы бүріккіш техникалармен қамтамасыз ету, шегіртке дернәсілдерін жедел химиялық өңдеу тапсырылды.Еске салайық, ерекше қауіпті шегіртке зиянкестеріне қарсы химиялық өңдеу жұмыстарына облыста 4 арнайы жер агрегаты, 2 аса жеңіл ұшақ және 1 ұшақ қатыстыру бекітілген.Қазіргі күні 14 арнайы жер агрегаты, 4 ұшақ, 2 аса жеңіл ұшақ, 5 дрон және 45 ранс аппараты іске қосылған. Бұдан басқа, аудандар мен қалада &nbsp;«2025 жылы Қызылорда облысында шегіртке зиянкестерімен күрес шараларының іс-жоспары» жасалды.Жол картасына сәйкес, маусымдық кезеңде &nbsp;шегіртке зиянкестерімен күрес шараларын ұйымдастыру-үйлестіруге 4 жұмысшы топ жұмылдырылуда.&nbsp;Өңдеу жүргізілетін әр ауылдық округтен техникалар, зерттеушілер мен жауапты мамандар бекітілді. Жалпы &nbsp;үйірлі шегірткеге қарсы күреске 324 адам қатыстыру жоспарланған. &nbsp;Жергілікті бюджет есебінен маусымдық жұмысқа 230 зерттеуші маман тартылады.<img src="https://knadmin.beoblood.kz/uploads/Auylsharuashyly_ministri_3_49fbd85fe9.jpg" alt="Ауылшаруашылық министрі 3.jpg">Фото: Қызылорда облысы әкімінің баспасөз қызметі

Шегіртке зиянкестеріне қарсы күрес жөніндегі штаб отырысы өтті

<a href="https://kyzylorda-news.kz/">Kyzylorda-news.kz</a> Қызылорда қаласында өтіп жатқан «Елдесу және татуласу» жобасы аясындағы этномедиация бағыты бойынша оқыту семинары жалғасын тапты.Семинардың екінші бөлмінде қатысушылар қақтығысты жағдайда келіссөздер жүргізудің тиімді әдістерін үйреніп, нақты кейстерді талдау арқылы тәжірибелерін бекітті. Гарвард келіссөз әдісі мен «Декарт координаттары» тәсілі негізінде келіссөз стратегияларын қалыптастыру жолдарын қарастырды.Сонымен қатар, этномедиация процедурасы, оның кезеңдері, жеке кездесулер тәртібі және медиация жүргізудің нақты ережелері жан-жақты түсіндірілді. Қатысушылар арнайы тестілеуден өтіп, этномедиация жүргізуге қажетті дағдыларын шыңдады.Семинарды халықаралық деңгейдегі медиатор-тренер, Түркі әлемі медиаторлар қауымдастығының Вице-президенті Жанділдә Жакупов жүргізді.Жиын соңында қатысушыларға бірқатар тапсырмалар беріліп, дайындық жұмыстарын жүргізді.

Этномедиация бағыты бойынша оқыту семинары жалғасуда

<a href="https://kyzylorda-news.kz/">Kyzylorda-news.kz</a> Жылжымалы медициналық кешен Қызылорда облысының денсаулық сақтау басқармасының ұйымдастыруымен Қызылорда облысы бойынша ҚАЖ департаментінің №60 мекемесінде жазасын өтеп жатқан азаматтардың денсаулық жағдайы бойынша кешенді тексеріс жұмыстарын жүргізді.№60 мекемесінің бастығы әділет подполковнигі Мақсұт Өтегенұлы жазасын өтеуші азаматтардың денсаулығы аса маңызды екенін және алдағы уақытта тағы да осындай тексеру жұмыстары болатынын атап өтті.Кешенді тексеру барысында мамандар 100-ге жуық сотталған азаматтарды қабылдап, 20-ға жуық жазасын өтеушілілерге тиісті медициналық ем ұсынды.Сонымен қатар жылжымалы кешеннің көмегімен ультрадыбыстық зерттеу жүргізіліп және флюорографиялық тексеруден өтті.<img src="https://knadmin.beoblood.kz/uploads/Whats_App_Image_2025_05_27_at_17_52_44_1_dbf9d55bfc.jpeg" alt="WhatsApp Image 2025-05-27 at 17.52.44 (1).jpeg">

Жазасын өтеушілер медициналық тексеруден өтті

<a href="https://kyzylorda-news.kz/">Kyzylorda-news.kz</a>&nbsp; Белгілі кәсіпкер, продюсер Баян Алагөзованың жұбайы Тұрсынғали Алагөзов қызметкерлеріне бұрын-соңды болмаған ерекше сый жасады.Ол өз компаниясында еңбек ететін 100 қызметкерге Алматы қаласынан жаңа пәтерлердің кілтін тапсырды, деп хабарлайды <a href="https://www.facebook.com/ertenmedia?__cft__[0]=AZXEj4POzn5QAdJB1zhgzTrmYRXN1AuJHnu2Bn8ldZo41c6P70uq72JuaI3xomJapUD3u5UAOJbeulZBIBot2K4DPDj8bhm4wh3If2RPQbMukixrXpqUOEoZNizq9XniG3TlKblokqAV1m4amd2_M6QiGsEtw94DshxXbpvc952dv8Zwk55ZfwUWceG3F-9-gJU&amp;__tn__=-]K-R">Ertenmedia</a>.Кәсіпкердің айтуынша, мұндай ауқымды әлеуметтік бастама туралы идея 2024 жылы пайда болған.<blockquote>«Олар ұзақ жылдар бойы жанымда еңбек еткен қарапайым жұмысшылар. Арнайы комиссия құрылып, мұқтаж қызметкерлерді анықтады. Көпшілігінің өмір бойы өз баспанасы болмаған», – деді Алагөзов.</blockquote>Пәтерлер қарапайым еңбек адамдарына – еден жуушыларға, жүк тасушыларға, жүргізушілер мен техникалық қызметкерлерге берілген. Баспаналы болғандардың басым бөлігі компанияда 20 жылдан астам уақыт еңбек еткен. Ал басшылық қызметтегі адамдардың үлесі 3-4 пайыздан аспайды.Тұрсынғали Алагөзов қызметкерлерінің күн сайын ауыр еңбек атқаратынын және олардың адалдығы мен еңбегін бағалау үшін осы қадамға барғанын ерекше атап өтті.Бастаманы кәсіпкердің отбасы мүшелері де растады. Продюсер Баян Алагөзова әлеуметтік желіде күйеуінің шешімін құптап, оған алғысын жеткізді және бұл қадамына мақтанатынын айтты.Фото: Ertenmedia

Қазақстан және Қызылорда облысының жаңалықтары