<a href="https://kyzylorda-news.kz/">Kyzylorda-news.kz</a> «ДАУЫС» қоғамдық байқаушылар коалициясы Құрылтай депутаттарын сайлауға жүргізілген мониторингтің алдын ала қорытындысын жариялады. Сайлау күні ел бойынша коалицияның 25 мыңнан астам байқаушысы жұмыс істеген.Коалиция төрағасы Төлеген Күнәділовтің айтуынша, сайлау процесі жалпы алғанда тыныш жағдайда өткен. Учаскелердің басым бөлігінде белгіленген рәсімдер сақталып, сайлау комиссиялары мен қоғамдық байқаушылардың өзара жұмысы талапқа сай жүргізілген.<blockquote>«Жүйелі дайындық қоғамдық байқауға бірыңғай кәсіби көзқарас қалыптастыруға мүмкіндік берді. Байқаушылар өз өкілеттіктерін түсініп, учаскелердегі ахуалды объективті түрде тіркей алды. Ерекше назар аударуды қажет ететін немесе осы науқанның әділ әрі ашық өтуіне күмән келтіретін заң бұзушылықтар болған жоқ», – деді Төлеген Күнәділов.</blockquote>Байқаушылар күн бойы сайлаушылардың тұрақты легін тіркеген. Коалиция өкілдері дауыс беруге жастардың белсенді қатысқанын ерекше атап өтті.<blockquote>«Сайлаушылар арасында жастардың көп болғаны назар аудартады. Бұл олардың елдің қоғамдық-саяси өміріне қызығушылық танытып, Қазақстанның болашағын қалыптастыруға қатысуға дайын екенін көрсетеді», – деді коалиция төрағасы.</blockquote>Сайлауға дейін байқаушылар бір ай бойы арнайы дайындықтан өткен. Оларға сайлау заңнамасы, құқықтары мен міндеттері, дауыс беру және дауыстарды санау тәртібі түсіндірілген.Мониторинг барысында учаскелердің мүгедектігі бар және жүріп-тұруы шектеулі азаматтар үшін қолжетімділігі де бағаланды. Байқаушылар пандустардың, арнайы кабиналар мен ақпараттық материалдардың болуына назар аударған.Қазір коалиция өңірлерден түскен мәліметтерді жинақтап жатыр. Материалдар толық өңделгеннен кейін қоғамдық байқаудың қорытынды талдамалық есебі жарияланады.

«ДАУЫС» коалициясы Құрылтай сайлауындағы қоғамдық байқаудың алдын ала қорытындысын жариялады

<a href="https://kyzylorda-news.kz/">Kyzylorda-news.kz</a> Орталық сайлау комиссиясы Қазақстан Республикасы Құрылтайы депутаттарын сайлаудың алдын ала нәтижелерін жариялады. Бұл туралы ОСК төрағасы Нұрлан Әбдіров мәлімдеді, деп хабарлайды&nbsp;<a href="https://baq.kz/quryltay-saylauynyn-aldyn-ala-natizheleri-zhariyalandy-320041049/"> BAQ.KZ</a> тілшісі.Нұрлан Әбдіровтің айтуынша, дауыс беру аяқталғаннан кейін аумақтық сайлау комиссиялары дауыс беру нәтижелері туралы хаттамалардың электрондық көшірмелерін Орталық сайлау комиссиясына ұсынған.<blockquote>Өз сайлау учаскелерінде дауыс беру және дауыстарды санау аяқталды. Қазіргі уақытта аумақтық сайлау комиссиялары дауыс беру нәтижелері туралы хаттамалардың электрондық көшірмелерін ұсынды. Осылайша, Құрылтай депутаттарын сайлаудың алдын ала нәтижелерін жариялауға мүмкіндік бар, – деді ОСК төрағасы.</blockquote>Оның мәліметінше, сайлаушылардың нақтыланған тізіміне сәйкес, Қазақстандағы сайлаушылардың жалпы саны 12 млн 623 мың 289 адамды құрады.Оның ішінде цифрлық үкімет порталы мен азаматтардың тіркелген жері туралы мәліметтерді тексеру және дауыс беру учаскелерінің мекенжайлары бойынша тіркеу онлайн сервистері арқылы 9 865 азамат тізімге енгізілген.Сайлауға 9 млн 351 мың 539 адам қатысты.ОСК төрағасы Құрылтай депутаттарын сайлау бойынша бюллетеньге саяси партиялардың атаулары мен «Бәріне қарсы» деген жол енгізілгенін атап өтті.Алдын ала мәлімет бойынша, сайлаушылардың дауысы былай бөлінді:<ul><li style="text-align:justify;">Әділет» партиясы – 6 528 948 дауыс, 71,17%</li><li style="text-align:justify;">Жалпыұлттық социал-демократиялық партия – 469 058 дауыс, 5,11%</li><li style="text-align:justify;">«Байтақ» Қазақстанның жасылдар партиясы – 97 751 дауыс, 1,07%</li><li style="text-align:justify;">Қазақстан Халық партиясы – 285 395 дауыс, 3,11%</li><li style="text-align:justify;">«Ауыл» партиясы – 574 621 дауыс, 6,26%</li><li style="text-align:justify;">«Ақ жол» Қазақстан демократиялық партиясы – 478 083 дауыс, 5,21%</li><li style="text-align:justify;">Respublica партиясы – 509 631 дауыс, 5,56%</li><li style="text-align:justify;">«Бәріне қарсы» – 2,51%.</li></ul>Нұрлан Әбдіров сайлау күні дауыс беру рәсімдерін бақылауға 51 мыңнан астам отандық байқаушы жұмылдырылғанын айтты.Сондай-ақ сайлау барысын қазақстандық және шетелдік бұқаралық ақпарат құралдарының өкілдері жариялады. Оның ішінде қазақстандық БАҚ-тың 1 852 өкілі, сондай-ақ 117 шетелдік аккредиттелген журналист жұмыс істеген.Ұлттық және халықаралық байқаушыларға, қоғамдық бірлестіктер мен бұқаралық ақпарат құралдарының өкілдеріне сайлау процесінің ашықтығы мен жариялылығын қамтамасыз етуге жәрдемдескені үшін алғысымызды білдіреміз, – деді Нұрлан Әбдіров.Сурет: ChatGPT

Құрылтай сайлауының алдын ала нәтижелері жарияланды

<a href="https://kyzylorda-news.kz/">Kyzylorda-news.kz</a> Ішкі істер министрлігі жаңа оқу жылы қарсаңында балалардың қауіпсіздігін қамтамасыз ету шаралары күшейтілгенін мәлімдеді, деп хабарлайды <a href="https://kaz.nur.kz/society/2417219-zhanga-oqu-zhyly-iim-balalardyng-qauipsizdigin-qamtamasyz-etu-sharalaryn-kusheitti/">KAZ.NUR.KZ.</a>ІІМ жаңа оқу жылына санаулы күндер қалғанын, осыған байланысты полиция балалардың қауіпсіздігін қамтамасыз ету жұмыстарын күшейткенін еске салды.Оқу жылы басталар алдында мектептер мен білім беру ұйымдарының маңында бақылау күшейтіледі.<blockquote>"Полицияның міндеті&nbsp;– балалардың жолдағы қауіпсіздігін қамтамасыз ету. Ішкі істер министрлігі жүргізушілерді жылдамдықты асырмай, жол қозғалысы ережелерін қатаң сақтауға және көлік тізгінінде барынша мұқият болуға шақырады. Әсіресе, балалардың жолға күтпеген жерден шығып қалуы мүмкін екенін әрдайым ескерудің маңызы зор", - деп мәлімдеді ІІМ.</blockquote>Қазіргі уақытта мектеп маңындағы жаяу жүргіншілер өткелдері, жол белгілері мен жол таңбаларының жай-күйі тексеріләп жатыр. Сонымен қатар мектеп автобустары мен балаларды тасымалдаудың қауіпсіздігі де бақылауға алынған.Тексеру қорытындысы бойынша білім беру ұйымдарының жол инфрақұрылымына қатысты 548 нұсқама берілген.ІІМ ата-аналарды балаларға қауіпсіздік ережелерін күн сайын еске салып отыруға шақырады.Сурет: ҚР ІІМ

Жаңа оқу жылы: ІІМ балалардың қауіпсіздігін қамтамасыз ету шараларын күшейтті

<a href="https://kyzylorda-news.kz/">Kyzylorda-news.kz</a> Мектеп бітірген ұл-қызы мемлекеттік білім грантына ілінбей қалған қызылордалықтар үшін облыс әкімінің гранты үлкен қолдау еді. Алайда биыл ол берілмейтін болды, – деп хабарлайды <a href="https://kaz.inform.kz/news/kizilordalik-tulekterge-arnalgan-akm-granti-berlmeytn-boldi-42014630">Қазақпарат.</a>Облыстық жұмыспен қамтуды үйлестіру және әлеуметтік бағдарламалар басқармасы мәлімдегендей, биыл Қорқыт ата атындағы Қызылорда университетінде 160 грант пен жеңілдік (оның ішінде 100% — 20, 50% — 10, 25% — 60, 10% — 70) және «Қазақстан халқына» қорынан 12 грант қарастырылған.<blockquote>— Мұндай гранттар республикадағы жоғары оқу орындарындағы талапкерлер үшін де қарастырылған. Атап айтқанда, ректор гранттары бөлініп, «Қазақстан халқына» қоры тарапынан қажет мамандықтар бойынша жоғары оқу орындарына білім гранттары ұсынылып келеді. Осыған байланысты әлеуметтік қолдау шараларын біріздендіру нәтижесінде облыс әкімінің әлеуметтік осал санаттағы мектеп түлектеріне арналған білім гранты биылдан бастап тоқтатылды, — делінген хабарламада.</blockquote>Басқарма гранттар мен жеңілдіктердің талабы туралы толық ақпарат алу үшін жоғары оқу орындарының қабылдау комиссияларына жүгінуге шақырды.Сурет: Нұрболат Нұржаубай

Қызылордалық түлектерге арналған әкім гранты берілмейтін болды

<a href="https://kyzylorda-news.kz/">Kyzylorda-news.kz</a> Қызылорда облысында халықтық селекция нәтижесінде пайда болған бірнеше қауын сорты жойылып кетудің сәл-ақ алдында тұр. Ғалымдар бұл мәселені ұзақ жылдан бері көтеріп келе жатқанымен, еш өзгеріс жоғын айтып, дабыл қақты, – деп хабарлайды <a href="https://kaz.inform.kz/news/kizilordanin-damd-kauin-sorttarizhoyiludin-aldinda-tur-galim-a7505644">Қазақпарат.</a>Қауын&nbsp;— айқас тозаңданатын дақыл. Халықтық селекция&nbsp;— диқандардың ғасырлар бойы ең жақсы қауын дәндерін іріктеп, өсіруі нәтижесінде пайда болған тәсіл.Әлихан Бөкейхан атындағы Қазақ орман шаруашылығы ғылыми зерттеу институты Қызылорда филиалының директоры, ауыл шаруашылығы ғылымдарының кандидаты, қауымдастырылған профессор Самалбек Қосановтың сөзінше, бұл жолмен әміре, қара күләбі, қалайсан сияқты тәтті әрі құнды сорттар пайда болған. Олар қанша жерден өзгеріске ұшыраса да, генетикалық қасиетін сақтап қалған.<blockquote>– Қауынның ғылымның араласуынсыз, табиғи жолмен будандасу арқылы шыққан жаңа түрлерін кездестіруге болады. Оған халық өзі «гибрид», «лимонка», «бакинка», «көктырна» деп ат қойып алған. Бұл елімізде тұқым селекциясының ақсап тұрғанын көрсетеді. Пайдалы тұсы — ғалымдар үшін жаңа материал. Дегенмен, тұқым шаруашылығын жолға қоймай қауынымыздың дәмділігі қияр мен бананның дәмінен әрі аспауы мүмкін. Біздің осал тұсымызды Қытай, Нидерланд сияқты шет мемлекеттер ұтымды пайдаланып отыр. Біз олардың тұқымына тәуелдіміз, — дейді Самалбек Қосанов.</blockquote><img src="https://knadmin.beoblood.kz/uploads/61abc61b_c351_429b_b904_75b31fc135b5_d725470239.jpg" alt="ученый Фото из&nbsp;личного архива Самалбека Косанова">Орталық Азияда қауын өсіретін үштік&nbsp;бар. Олар&nbsp;— Өзбекстанның Хорезм облысы, Түркіменстанның бұрынғы Шаржау қаласы (қазіргі Түрікменабат&nbsp;— авт.), Қазақстандағы Қызылорда облысы.Ғалымның айтуына қарағанда, алғашқы екеуінде қауын сорттарының дәмін сақтау бағытында селекциялық жұмыс, тұқым шаруашылығы, жеке шаруалардың өзара байланысы және диқан әулеттерінде ұрпақтар сабақтастығы жақсы жолға қойылған.<blockquote>— Өкінішке қарай, елімізде тұқым шаруашылығымен айналысатын бірде-бір мекеме жоқ. Алматыдағы картоп және көкөніс институтында бақша дақылдарының селекциясы және тұқым шаруашылығы жөніндегі бөлім бар, бірақ оның жағдайы мәз емес. Қазақстанда бақша шаруашылығы, оның ішінде қауын селекциясы мен тұқым шаруашылығының орталығы Қызылорда болуы керек. Жергілікті сорттарды қалпына келтіру үшін міндетті түрде бірінші реттік тұқым шаруашылығын ұйымдастыру қажет. Климаттың өзгеруіне байланысты бүгінде түрлі ауру пайда болды. Бұл диқандардың жұмысына кедергі келтіреді. Тағы бір қапаланатын жайт — қауын-қарбыз егу отбасылық кәсіптен әрі аспай тұр. Техниканы жаңартып, жер көлемін ұлғайтып, оны ұжымдық бизнес ретінде дамытуға ден қоятындар аз. Бақша дақылдарын өсіретін диқандар бірқатар мәселемен жалғыз арпалысып отыр. Мемлекеттен қолдау жоқ. Тұқым, тыңайтқыш бойынша ешкім көмектеспейді. Ең өзекті проблема — өнімді сату. Алыпсатарлардың табысы диқандардың пайдасынан 1,5-2 есе асып түседі, — дейді ғалым.</blockquote>Сурет: Magnific/Самалбек Қосановтың жеке архивінен

Қызылорданың дәмді қауын сорттары жойылудың сәл-ақ алдында тұр — ғалым

<a href="https://kyzylorda-news.kz/">Kyzylorda-news.kz</a> Синоптиктер 24 тамызға арналған Қазақстан аумағындағы синоптикалық жағдай мен қауіпті ауа райы құбылыстарының болжамын жариялады.Болжам бойынша, күндіз республиканың үш өңірінде қатты ыстық болады деп күтілуде:<ul><li style="text-align:justify;">Батыс Қазақстан облысында – +35+38°С дейін</li><li style="text-align:justify;">Атырау облысында – +34 + 39°С дейін.</li><li style="text-align:justify;">Маңғыстау облысында +37+42°С дейін.</li></ul><blockquote>"Атмосфералық фронтальды бөлімдердің өтуімен Қазақстан аумағының басым бөлігінде ауа райының тұрақсыз сипаты сақталады. Найзағай аралас жаңбыр жауады, бұршақ жаууы, қатты жел соғуы мүмкін, солтүстікте, орталықта, шығыста, елдің оңтүстік-шығысындағы таулы аудандарда қатты жаңбыр күтіледі",-деп хабарлайды "Қазгидромет"РМК баспасөз қызметі.</blockquote>Жауын-шашынсыз ауа райы республиканың батысында, оңтүстік-батысында ғана болады.<blockquote>"Қазақстан бойынша желдің күшеюі болжануда, оңтүстікте-шаңды дауылмен, түнде және таңертең солтүстікте, солтүстік-батыста, орталықта тұман", - деп атап өтті ведомствода.</blockquote>Қызылорда облысында 24-26 тамызда төтенше өрт қаупі сақталуы мүмкін.Сурет: Жасанды интеллект

Қазгидромет ауа райына байланысты ескерту жасады

<a href="https://kyzylorda-news.kz/">Kyzylorda-news.kz</a> Kurs.kz мәліметінше, қазіргі уақытта елорданың ақша айырбастау пункттерінде:<ul><li style="text-align:justify;">доллар 456,00 теңгеден сатып алынады, 463,00 теңгеден сатылады;</li><li style="text-align:justify;">еуро: сатып алу - 529,00 теңге, сату - 539,00 теңге;</li><li style="text-align:justify;">рубль: сатып алу - 5,26 теңге, сату - 5,90 теңге;</li><li style="text-align:justify;">юань 68,42 теңгеден сатып алынады, 72,54 теңгеден сатылады.</li></ul>Алматының ақша айырбастау пункттерінде:<ul><li style="text-align:justify;">доллар: сатып алу - 458,99 теңге, сату - 461,75 теңге;</li><li style="text-align:justify;">еуро: сатып алу - 532,94 теңге, сату - 538,56 теңге;</li><li style="text-align:justify;">рубль 5,31 - 5,44 теңге аралығында саудаланады.</li><li style="text-align:justify;">юань 68,44 - 70,89 теңге аралығында саудаланып жатыр.</li></ul>Сурет: freepik.com

Бүгінгі доллар бағамы қандай?

23 тамыз - Құрылтай сайлауы күні Медицина саласына үлес қосқан Артықовтар әулеті №335 сайлау учаскесіне келіп дауыс берді.Бұл әулеттің медицина саласындағы еңбек жолы 1930 жылдан бастау алады.Содан бері бірнеше буын өкілдері ақ халатты абзал жандар қатарында қызмет етіп, ел денсаулығын сақтау ісіне өз үлестерін қосып келеді. Бүгінде әулеттен 10-нан астам дәрігер шығып, олардың әрқайсысы медицина саласында абыройлы еңбек етіп жүр.Сайлау күні Артықовтар әулетінің мүшелері азаматтық белсенділіктерін танытып, елдің болашағына қатысты маңызды таңдауға өз үлестерін қосты.<blockquote>«Біздің әулет үшін елге қызмет ету ұрпақтан-ұрпаққа жалғасқан дәстүр. Бүгінгі таңдауды да еліміздің болашағы үшін маңызды қадам деп білеміз», – дейді әулет өкілдері.</blockquote>

Дәрігерлер әулеті таңдау жасап, дауыс берді

Құрылтай сайлауы өткен күні Жаңақорған ауданында 3 сәби дүние есігін ашты. Оның ішінде 1 ұл және 2 қыз бала бар.Қазіргі уақытта жаңа босанған аналар мен нәрестелердің жағдайы жақсы. Оларға дәрігерлер тарапынан қажетті медициналық көмек көрсетіліп, тиісті бақылау жүргізілуде.Жаңа туған сәбилердің өмірі ұзақ, дені сау, болашағы жарқын болсын!Айта кету керек, Құрылтай сайлауында аудандық ауруханада ем алып жатқан науқастардың дауыс беруіне барлық жағдай жасалған. Арнайы ұйымдастырылған тәртіппен науқастар сайлауға қатысып, өз таңдауларын жасауға мүмкіндік алуда.

Жаңақорғанда Құрылтай сайлауы күні 3 сәби дүниеге келді

Қармақшы ауданында Құрылтай сайлауында алғаш рет дауыс беретін жастар үшін ерекше әрі есте қаларлық сәттер орын алды. Кәмелет жасына толып, алғаш рет сайлау учаскесіне келген жас азаматтар өздерінің алғашқы азаматтық таңдауын жасады.Олардың қатарында студенттер, жас мамандар, жұмысшы жастар және әртүрлі салада еңбек етіп жүрген азаматтар бар.Алғаш рет дауыс берген жастардың арасында сайлау учаскесіне достарымен, отбасымен және құрдастарымен бірге келгендер де болды. Олардың белсенділігі жастардың қоғамдық өмірге деген қызығушылығының артып келе жатқанын көрсетті.Кейбір жас сайлаушылар үшін бұл күн ерекше естелікке айналды. Алғашқы дауыс беру сәтін олар суретке түсіріп, әлеуметтік желілерде бөлісті.

Жастардың алғашқы таңдауы – ел болашағына жасалған маңызды қадам 

Қазақ күресінен спорт шебері, спорт саласының ардагері Берікқазы Әуесбаев Жалағаш кентіндегі №132 сайлау учаскесіне келіп, Құрылтай сайлауында өз таңдауын жасады.Ұлттық спортты дамытуға және өскелең ұрпақты отансүйгіштікке тәрбиелеуге елеулі үлес қосқан ардагер де маңызды қоғамдық-саяси науқанға белсенді қатысты.&nbsp;Спорт саласында талай жыл еңбек етіп, жас буынға бағыт-бағдар берген Берікқазы Әуесбаев үшін елдің болашағы мен ұрпақ тәрбиесі қашанда маңызды.Оның пайымынша, мемлекеттің ертеңі бүгінгі қоғамның бірлігіне, азаматтардың белсенділігіне және ел тағдырына деген жауапкершілігіне тікелей байланысты.«Елдің ертеңі бүгінгі ұрпақтың қолында. Әсіресе жастардың білімді, тәрбиелі, отансүйгіш болып қалыптасуы мемлекетіміздің болашағы үшін аса маңызды. Біз спортта шәкірттерімізге жеңіске жетудің жолын ғана емес, тәртіп пен жауапкершілікті, ел намысын биік қоюды үйреттік. Осы құндылықтар қоғамның барлық саласында орнығуы қажет», – дейді спорт ардагері.Берікқазы Әуесбаевтың азаматтық белсенділігі елдік іске бейжай қарамайтын, қоғамның дамуына өз үлесін қосуды маңызды санайтын азаматтардың ұстанымын айқындайды.

Спорт саласының ардагері өз таңдауын жасады

<a href="https://kyzylorda-news.kz/">Kyzylorda-news.kz</a> Құрылтай депутаттарын сайлауында дауыс берушілер тізіміне енгізілген 8 млн 240 мың адам таңдау жасады. Бұл туралы Орталық сайлау комиссиясының мүшесі Әсел Жанәбілова айтты, – деп хабарлайды <a href="https://kaz.inform.kz/news/kuriltay-2026-8-mln-nan-astam-saylaushi-dauis-berd-19abdd3a">Қазақпарат.</a>Оның мәліметінше, астананың, облыстардың, республикалық маңызы бар қалалардың аумақтық сайлау комиссиялары ұсынған деректерге сәйкес, сағат 16:00–дегі жағдай бойынша өңірлерде сайлаушылардың дауыс беруге қатысуы мынадай:1. Астана қаласы бойынша — 46,38%.2. Абай облысы бойынша&nbsp;— 71,18%.3. Ақмола облысы бойынша&nbsp;— 73,69%.4. Ақтөбе облысы бойынша&nbsp;— 75,63%.5. Алматы облысы бойынша&nbsp;— 67,23%.6. Атырау облысы бойынша&nbsp;— 63,37%.7. Батыс Қазақстан облысы бойынша&nbsp;— 61,81%.8. Жамбыл облысы бойынша&nbsp;— 69,11%.9. Жетісу облысы бойынша&nbsp;— 77,03%.10. Қарағанды облысы бойынша&nbsp;— 70,91%.11. Қостанай облысы бойынша&nbsp;— 70,09%.12. Қызылорда облысы бойынша&nbsp;— 81,38%.13. Маңғыстау облысы бойынша&nbsp;— 65,86%.14. Павлодар облысы бойынша&nbsp;— 67,06%.15. Солтүстік Қазақстан облысы бойынша&nbsp;— 63,94%.16. Түркістан облысы бойынша&nbsp;— 76,73%.17. Ұлытау облысы бойынша&nbsp;— 64,29%.18. Шығыс Қазақстан облысы бойынша&nbsp;— 79,33%.19. Алматы қаласы бойынша&nbsp;— 36,65%.20. Шымкент қаласы бойынша&nbsp;— 67,92%.<blockquote>— Жалпы, еліміз бойынша сағат 16:00–де 8 240 336 сайлаушы бюллетень алды. Ол тізімге енгізілген азаматтардың 65,37 пайызын құрайды. Сайлаушылардың дауыс беруге қатысуы туралы келесі ақпарат сағат 18:00–де беріледі, — деді ол.</blockquote><img src="https://knadmin.beoblood.kz/uploads/ryltaj_sajlauy_2026_295e1ff11c.jpg" alt="Құрылтай сайлауы-2026.jpg">Сурет: ChatGPT

Қазақстан және Қызылорда облысының жаңалықтары