<a href="https://kyzylorda-news.kz/">Kyzylorda-news.kz</a> &nbsp;Қоғамды кемел оймен, жүйелі сөзбен, еркін пікірмен дамытудың маңызы зор.&nbsp;Елдің ғылымы мен мәдениеті, инновациясы мен рухани қуаты – ой еркіндігі бар ортада ғана қалыптасады. Конституциялық реформа жөніндегі комиссияның алғашқы отырысында Мәжіліс депутаты Мұрат Әбенов осындай ұсынысын жеткізді.Оның айтуынша,&nbsp;шығармашылық, ғылыми және инновациялық жобаларға қолдау нақты құқықтық және институционалдық тетіктер арқылы жүзеге асуы тиіс.<blockquote>«Бүгінгі таңда біз бір маңызды мәселеге бетпе-бет келіп отырмыз. Қоғамға пайдалы, салмақты, жауапты пікір айтатын азаматтардың ойы кейде тасада қалып, ал жеңіл-желпі сөздер мен жалған ақпарат тез таралып кететін жағдайлар бар. Бұл – қоғамның интеллектуалдық дамуына кері әсер ететін құбылыс.&nbsp;Сондықтан Конституциялық реформа аясында шығармашылық еркіндікті тек жариялап қана қоймай, оны нақты қорғайтын және қолдайтын нормаларды бекіту қажет деп есептеймін», – деп атап өткен Мұрат Әбенов бірқатар ұсыныстарын ортаға салды.</blockquote>Ең алдымен,&nbsp;Конституцияда сөз бостандығы мен шығармашылық еркіндіктің мазмұнын нақтылап көрсету қажет&nbsp;екенін.Әбеновтің пікірінше, ол сын-пікір айтуға, жаңа идея ұсынуға, қоғамдық пікір білдіруге құқықтық негіз болады.<blockquote>«Конституция деңгейінде зияткерлік меншік құқығын қорғауды күшейту қажет. Шығармашылық еңбек – нақты экономикалық және қоғамдық құндылық екені Конституциялық деңгейде танылуы тиіс.Сонымен қатар,&nbsp;мемлекет шығармашылық және ғылыми қызметке жағдай жасауға міндетті деген қағидатты бекіту маңызды.&nbsp;Оған қоса,&nbsp;қоғамдық маңызы бар ой-пікірлерді қолдайтын, сапалы контентті ынталандыратын жүйені қалыптастыру қажет. Бұл – жалған ақпаратқа қарсы күрестің де ең тиімді жолы», – деді ол.</blockquote>Шығармашылық еркіндікке нақты кепілдік берілген елдерде ғылым&nbsp;мен&nbsp;мәдениет, сонымен қатар,&nbsp;экономика да қарқынды дамып жатқанын мысалға келтірген Мұрат&nbsp;Әбенов жастардың идеялары ел дамуына нақты үлес қосуы қажет екеніне тоқталды.<blockquote>«Шығармашылық еркіндік пен зияткерлік меншікті қорғау Конституциялық реформаның маңызды өзегіне айналуы тиіс.&nbsp;Сондықтан бұл мәселе – тек құқықтық емес, елдің интеллектуалдық қауіпсіздігі мен болашағына тікелей қатысты», – деп атап өтті депутат.</blockquote>

Елдің ғылымы мен мәдениеті, инновациясы мен рухани қуаты – ой еркіндігі бар ортада ғана қалыптасады

<a href="https://kyzylorda-news.kz/">Kyzylorda-news.kz</a> ҚР&nbsp;Парламенті Сенаты Төрағасының орынбасары&nbsp;Жақып Асанов Конституциялық реформа жөніндегі комиссияның алғашқы отырысында жеке деректерді қорғау мәселесіне ерекше тоқталды. Оның айтуынша, бүгінгі цифрлық әлемде азаматтардың құқығы қағаз жүзінде ғана емес, нақты әрі тиімді қорғалуы тиіс.Асанов атап өткендей, «көше қылмысы» соңғы 10 жылда тоғыз есе төмендегенімен,&nbsp;мүлікті тонауцифрлық кеңістікке көшкен. Сөз басын ол мысал ретінде жуырда Ақмола облысында болған оқиғадан бастады.<blockquote>«Өмірден бір кейс. Жуырда Ақмола облысында 25 адамнан тұратын ұйымдасқан қылмыстық топ ұсталды. Сонда не істеді? 348 азаматтың жеке деректерін ұрлап, солардың атынан 4 млрд теңгедей кредит алды. Сөйтіп соншама адам банкке бармай, еш құжатқа қол қоймай, ойламаған жерде қаржылық тұзаққа түсіп, қарызға батты…Біз шынайы өмірмен қатар цифрлық әлемде де күн сайын өмір сүріп жүрміз. Бірақ сол өмірде қандай қауіптер бар&nbsp;–&nbsp;соны біле бермейміз», –&nbsp;деді Конституциялық реформа жөніндегі комиссияның мүшесі Жақып Асанов.</blockquote>Спикер цифрлық дәуірде жеке өмірді қорғау бұрынғыдай қағаздағы құжаттар мен көшедегі қауіпсіздікпен шектелмейтінін айтты. Смартфон мен интернетке тәуелді өмірімізде азаматтардыңдеректері алаяқтардың қолына&nbsp;түсіп, заңсыз әрекеттердің нысанына айналып отыр. Конституциялық кепілдік тек қағазда қалмауы тиіс – ол цифрлық кеңістікте де толық сақталуы қажет. Мемлекет үшін бұл – халыққа деген сенімді сақтау және шынайы қауіпсіздікті қамтамасыз ету міндеті.<blockquote>«Осы тұста заңды сұрақ туады: азаматтарымыздың құқығын цифрлық әлемде қалай қорғаймыз? Интернеттегі қылмыскерлерден қалай сақтанамыз? Конституцияда жеке өмірге қол сұқпау туралы 18-ші бап бар. Бірақ ол қабылданған кезде цифрлық әлем қазіргідей дамымаған-тұғын. Интернетте бүгінгідей өмір сүрген жоқпыз. Тек шынайы әлемде жүріп жаттық. Құжаттарымыз да, ақшамыз да қағаз түрінде қалтамызда жүретін. Ал бүгін өміріміздің біраз бөлігін желіде өткіземіз. Телефон деген өміріміздің ажырамас бөлігіне айналды. Бірақ дәл осы кеңістікте біз қатты осалмыз. Үйде де, көшеде де жүргенде заң қорғаса, ал смартфонда ондай деңгейдегі қорғаныс жоқ. Жеке дерек қолдан қолға өтіп, азамат алаяқтың жемі болып жатқанын күнде көреміз. Әр адам қайда жүрсе де – көше болсын, интернет болсын, өзінің&nbsp;қорғалғанын сезінуі тиіс. Бұл мемлекеттің тура міндеті»,- деді ҚР Парламенті Сенаты Төрағасының орынбасары Жақып Асанов.</blockquote>Асанов сөз соңында&nbsp;Конституциялық реформа аясында жеке деректерді қорғауды арнайы қарастыру қажеттігін атап, бұл халықтың мемлекетке деген сеніміне тікелей әсер ететінін жеткізді.Фото: kaz.365info.kz

Жақып Асанов: жеке деректердің қорғалмауы – мемлекетке тікелей қауіп

<a href="https://kyzylorda-news.kz/">Kyzylorda-news.kz</a> Республикалық адвокаттар алқасының төрағасы Мәди Мырзағараев Конституциялық реформа жөніндегі комиссияның бірінші отырысында сот санкциясынсыз ұстау мерзімін қысқарту және адвокатура институтының конституциялық мәртебесін бекіту қажеттігін айтты.&nbsp;Спикердің айтуынша, жеке бас бостандығы – барлық құқықтың негізі және бұл қағидат Конституцияда нақты тетіктермен бекітілуі тиіс. Қазіргі қылмыстық процесте уақытша ұстаудың ұзақтығы адам құқығына тікелей қатер төндіреді. Мәди Мырзағараев технологиялық мүмкіндіктерді алға тарта отырып, бұл тәжірибені түбегейлі қайта қарау қажеттігін атап өтті.<blockquote>«Уақытша ұстау – бұл тергеудің алғашқы кезеңіндегі мәжбүрлі, айрықша шара. Бірақ осы уақытша шараның өзі мейлінше қысқа мерзімге ғана қолданылуы тиіс. Ең бастысы – сот қарауына тез арада жеткізу. Технологиялар дамыған бүгінгі заманда материалдарды сотқа ұсыну үшін ұзақ уақыттың қажеті жоқ. Негізгі тергеу әрекеттері алғашқы тәулікте-ақ атқарылады. Сот бақылауын ертерек іске қосу азаматқа ғана емес, мемлекетке де тиімді. Сот санкциясы – тергеу заңдылығының басты кепілі және қоғам сенімінің тірегі. Осы ретте, халықаралық озық тәжірибені ескере отырып, Конституцияда сот санкциясынсыз ұстау мерзімін 72 сағаттан 48 сағатқа дейін қысқартуды ұсынамын»,- деді Мәди Мырзағараев.</blockquote>Сонымен қатар,&nbsp;спикер халықаралық деңгейде мойындалған «Миранда қағидасы» – құқықтық мемлекеттің мызғымас өлшемі екенін баса айтты. Соған сәйкес, азамат өз құқығын тағдыры таразыға түскен алғашқы минуттан бастап білуге тиіс. Ал сол құқықтардың ішіндегі ең маңыздысы – кәсіби адвокаттың көмегіне жүгіну құқығы. Сондықтан Мырзағараев өз сөзінде адвокатура институтының қазіргі құқықтық жағдайына тоқталды. Ол Конституцияда білікті заң көмегіне құқық бекітілгенімен, сол көмекті қамтамасыз ететін негізгі институттың мәтінде нақты аталмағанын айтты. Мәди Мырзағараев Қазақстанда адвокатураның бұрын конституциялық мәртебесі болғанын еске салып, тарихи олқылықты қайта жасамауға шақырды.<blockquote>​«Адвокатура – тек кәсіби қауымдастық емес, құқықтық мемлекеттің ажырамас тірек институты. Дәл осы рөл оның мәртебесін жалпы заң деңгейінде ғана емес, Конституция деңгейінде танудың табиғи қисындылығын&nbsp;көрсетеді. Қазақстан аумағында адвокатураның конституциялық мәртебесі бұрын болған. Тәуелсіздіктің алғашқы жылдарындағы реформалар барысында адвокатураның Ата Заң мәтінінен тыс қалуы – тарихи олқылық. Нәтижесінде, Конституцияда білікті заң көмегіне құқық бекітілгенімен, сол көмекті тарихи түрде көрсетіп келе жатқан негізгі институттың өзі Конституция мәтінінде аталмай қалды»,- деді Мәди Мырзағараев.&nbsp;</blockquote>Сөз барысында Мәди Мырзағараев қазіргі конституциялық реформаны адвокатураның мәртебесін орнына келтіретін тарихи мүмкіндік деп атап өтті. Ол Конституцияда адвокатураның құқықтық мәртебесін бекіту мемлекеттің жариялаған бағытына, Президент айқындаған стратегиялық бағдарға және қоғамның сұранысына толық сәйкес келетінін баса айтты.Фото: aikyn.kz

Республикалық адвокаттар алқасының төрағасы Конституцияда «Миранда қағидасын» бекітуді ұсынды

<a href="https://kyzylorda-news.kz/">Kyzylorda-news.kz</a> «Ақ жол» демократиялық партиясы Мемлекет басшысы Ата заңға&nbsp;енгізуді&nbsp;ұсынған концептуалды өзгерістерді қолдайды. Бұл туралы партияның фракциясын басқаратын Мәжіліс депутаты Азат Перуашев Конституциялық реформа жөніндегі комиссияның алғашқы отырысында мәлімдеді.Ол&nbsp;күні-кеше&nbsp;партияның Ұлттық кеңесінің пленумы өтіп, онда V Ұлттық Құрылтайдың қорытындылары мен ҚР Президенті Қасым-Жомарт Тоқаевтың Конституциялық реформа жөніндегі бастамалары талқыланғанын хабарлады.<blockquote>«Осы ретте партия төрағасы ретінде маған&nbsp;Конституциялық комиссия мүшелеріне «Ақ жол» Мемлекет басшысы ұсынған Конституцияның тұжырымдамалық өзгерістерді қолдайтынын баяндау тапсырылды», – деді Азат Перуашев.</blockquote>Сонымен қатар ол ұлттық бизнес пен өнеркәсіппен айналысатындардың мүдделерін білдіре отырып, «Ақ жол» азаматтар мен кәсіпкерлердің заңды мүдделерін қорғаудың конституциялық кепілдіктерін күшейту қажеттігіне ерекше назар аударуды ұсынады.<blockquote>«Мысалы, банк операциялары мен салымдардың құпиясын бұзу жағдайлары алаңдаушылық туғызады. Біздің ойымызша, осылайша азаматтар мен бизнестің қаржылық жағдайы туралы дербес деректердің жеткіліксіз қорғалуы байқалады, бұл жаппай цифрландыру және деректердің тарап кетуі дәуірінде өте қолайсыз болып отыр», – деп атап өтті Азат Перуашев.</blockquote>Оның айтуынша, конституциялық құқықта кәсіпкерлік кепілдіктер мен бостандықтар мәселелерін шешуге кешенді көзқарас қажет. Бұл сондай-ақ Мемлекет басшысының бизнесті қолдауды күшейту және өткен жылдың қыркүйек айында халыққа Жолдауында айтылған инвестицияларды қорғау жөніндегі арнайы комитет құру жөніндегі тапсырмаларымен үндеседі.<blockquote>«Ақ жол» демократиялық партиясы банктік құпияны, жеке және іскерлік келіссөздерді, сондай-ақ цифрлық технологияларды қоса алғанда, кез келген байланыс құралдарымен берілетін хат-хабарларды конституциялық қорғауды күшейтуді ұсынады. Бұл азаматтар мен&nbsp;бизнестің жеке меншік құқығын қорғаудың конституциялық кепілдіктерін күшейтудің маңызды элементі болады», – деп түйіндеді Азат Перуашев.</blockquote>Фото: smi24.kz

«Ақ жол» партиясы ҚР Конституциясына Президент ұсынған өзгерістерді қолдады

<a href="https://kyzylorda-news.kz/">Kyzylorda-news.kz</a> Аймақ басшысы Нұрлыбек Нәлібаевтың тапсырмасына сәйкес, облыс әкімінің орынбасары Бахыт Жаханов, Қызылорда қаласының әкімі Нұржан Ахатов коммуналдық мекемелер қызметкерлерімен кездесті.Кездесуге «Қызылорда электр тарату тораптары», «Қызылорда жылу электр орталығы», «Қызылорда су жүйесі», «Қызылорда тазалығы», «Қызылорда автобус паркі», «Қорқыт ата әуежайы» мекемелерінің, «Qazaqgaz» ұлттық компаниясының, «Қазсушар» ШЖҚ РМК «Сыр суы» филиалдарының, Қызылорда облыстық орман шаруашылығы және жануарлар дүниесі аумақтық инспекциясының қызметкерлері қатысты.Онда коммуналдық инфрақұрылымды жаңғыртуда атқарылған ауқымды жұмыстар сөз болды. Қаладағы қалыпты тіршілікті қамтамасыз етуде аянбай еңбек етіп, тәулік бойы жұмыс істейтін, V Ұлттық құрылтайдың өтуіне атсалысқан қызметкерлер, еңбек адамдары облыс әкімінің Алғыс хатымен марапатталды.Фото: Қызылорда облысы әкімінің баспасөз қызметі

Коммуналдық мекемелер қызметкерлері марапатталды

<a href="https://kyzylorda-news.kz/">Kyzylorda-news.kz</a>&nbsp; Қазіргі уақытта Жұмыс тобының мүшелерінен бөлек, азаматтардан екі мыңнан астам ұсыныс келіп түскенін ерекше атап өткен жөн.Кеңейтілген құрамдағы Конституциялық комиссияның құрылуы осы уақытқа дейін атқарылған жұмыстың қисынды жалғасы, сондай-ақ бірнеше айға ұласқан пікірталастар барысында қалыптасқан ауқымды қоғамдық сұранысқа берілген жауап болды.Президент ұсынған мемлекеттік билікті бір палаталы Парламентке – Құрылтайға өткізу, Халық кеңесін құру, Вице-Президент лауазымын енгізу және басқа да мәселелер жан-жақты әрі кешенді түрде зерделеп, пысықтауды қажет етеді.Қазақстан Республикасы саяси жаңғырудың жаңа кезеңіне қадам басуда. Мемлекет басшысы әрі қарайғы дамудың институционалдық тепе-теңдікті нығайту, заң шығарушы биліктің тиімділігін арттыру, тежемелік тепе-теңдік жүйесін күшейту, сондай-ақ қоғамның мемлекеттік басқаруға қатысуын қамтамасыз ететін конституциялық механизмдерді жаңарту арқылы ғана мүмкін екенін айқын атап көрсетті.

Эльвира Азимова Конституциялық реформаның басты мақсаты мен міндеттерін атады

<a href="https://kyzylorda-news.kz/">Kyzylorda-news.kz</a> Сырдария ауданының әкімі Берік Сәрменбаев аудандық мәслихат төрағасы Ержан Әжікеновпен және аудандық мәслихат депутаты Марат Бисеновпен бірге Ақжарма ауылындағы газдандыру жұмыстарының барысын бақылады.<blockquote>– Мемлекет басшысы Қасым-Жомарт Кемелұлы Тоқаевтың газбен қамтылған елді мекендердің санын арттыру және газ желілерін жаңғырту жөніндегі міндеттеріне сәйкес, өңірлерде жүйелі жұмыстар жүргізіліп, облыс әкімі Нұрлыбек Машбекұлы Нәлібаевтың тапсырмасымен аймақта газдандыру деңгейі 83 пайызға жетті. Ауданда бұл бағыттағы жұмыстар жүйелі түрде жүргізілуде. Өткен жылы Н.Ілиясов пен Шаған ауылы табиғи газға қосылса, биыл Ақжарма ауылында газдандыру жүргізілуде. Құрылыс-монтаждау жұмыстарының сапасы мен уақытында аяқталуы қатаң бақылауда болады, – деді Берік Әбдіғаппарұлы.</blockquote>Жалпы жоба құны 1,8 млрд. теңгені құрайтын газдандыру жұмыстарын «Алия Сервис» ЖШС атқаруда. Қазіргі таңда елді мекен ішіне газ құбырларын тарту жұмыстары жүргізіліп жатыр.Аудан басшысы газ құбырларын жүргізу барысында асфальт жолға зақым келтірмеуді қатаң ескертіп, тиісті сала басшыларына тапсырмалар жүктеді.Фото: Сырдария ауданы әкімі баспасөз қызметі

Ақжарма ауылын газдандыру жұмыстары жүргізілуде

<a href="https://kyzylorda-news.kz/">Kyzylorda-news.kz</a> 2025 жылы Жалағаш ауданының әлеуметтік-экономикалық дамуында оң динамика қалыптасты. Негізгі макроэкономикалық көрсеткіштер өсіммен орындалып, инвестициялық белсенділік пен кәсіпкерлік қарқыны артты. Өңірлік коммуникациялар қызметінің ақпарат алаңында Жалағаш ауданының әкімі Ардақ Ибраимов ауданда өткен жылы атқарылған жұмыстарды баяндады.<blockquote>– Өткен жылы аудан экономикасының негізгі салалары тұрақты өсім көрсетті. Өнеркәсіп өнімінің көлемі 102,3 пайызға, өңдеу өнеркәсібі 108,2 пайызға жетті. Инвестициялар тарту 101,3 пайызды, бөлшек сауда 100,2 пайызды құрады. Ауыл шаруашылығының жалпы өнімі 100 пайызға орындалып, тұрғын үй көлемі 104,3 пайызға, құрылыс жұмыстары 115,1 пайызға артты. Аудан бюджеті 9,2 млрд теңге болып бекітіліп, жыл соңында 9,5 млрд теңгеге нақтыланып, толық игерілді. Өз кірістеріміз 2,6 млрд теңгені құрап, 116,8 пайызға орындалды. Қазіргі таңда ауданда шағын және орта кәсіпкерлікті дамыту бағытында 2 806 кәсіпкерлік субъектісі тіркелген. Мемлекет басшысының тапсырмасына сәйкес жүзеге асырылып жатқан «Ауыл Аманаты» жобасы аясында 166,5 млн теңгеге 33 жоба қаржыландырылып, 35 жаңа жұмыс орны ашылды. Сонымен қатар, Ұлттық цифрлық инвестициялық платформа арқылы жалпы құны 1 млрд теңгені құрайтын 4 инвестициялық жоба іске асырылып, өңдеу саласында жаңа өндірістер ашылды. Бұдан бөлек, құны 51 млрд теңге болатын «Harvest Agro Holding» компаниясының ірі инвестициялық жобасы қолға алынды. Бұл аудан үшін тәуелсіздік жылдарындағы ең ауқымды инвесторлық жоба болмақ, – деді Ардақ Ибраимов.</blockquote>Жалағаш ауданы экономикасында ауыл шаруашылығы жетекші салалардың бірі. Аймақтың табиғи-климаттық және топырақ ерекшеліктеріне сай ауданда ауыл шаруашылығы негізінен суармалы егіншілікке, оның ішінде күріш өсіруге бейімделген. Мемлекеттік қолдау шаралары мен заманауи агротехнологияларды енгізу нәтижесінде су тапшылығына қарамастан егін және мал шаруашылығы бағыттарында нақты нәтижелерге қол жеткізуде.<blockquote>– Бүгінде аудан аумағында 338 ауыл шаруашылығы құрылымы жұмыс істейді. Оның 202-сі егін шаруашылығымен, 136-сы мал шаруашылығымен айналысады. Өткен жылы 209 шаруашылық 36 712 гектар алқапқа егіс орналастырса, оның 19 357 гектары күріш өнімі болды. Су тапшылығына қарамастан, егін жинау жұмыстары толық аяқталып, орташа өнімділік гектарына 60,1 центнерден айналып, 116 331 тонна өнім жиналды. Осы көрсеткіштердің нәтижесінде аудан «Ауыл шаруашылығы саласына инвестиция тарту бойынша озат аудан» атанды. Сонымен қатар, шаруашылықтар өздерінің материалдық-техникалық базасын нығайтуға басымдық беріп 27 жаңа ауыл шаруашылығы техникасын сатып алды. Айта кету керек, биыл аудан бойынша 36 678 гектар алқапқа ауыл шаруашылығы дақылдарын орналастыру жоспарланып отыр. Сондай-ақ, бізде мал шаруашылығы саласы да тұрақты даму үстінде. Қазіргі таңда ауданда 32 687 бас мүйізді ірі қара, 24 231 бас уақ мал, 33 763 бас жылқы, 765 бас түйе және 10 251 бас құс өсірілуде. Бұдан бөлек, жер ресурстарын тиімді пайдалану бағытында пайдаланылмай жатқан немесе заң талаптарын бұза отырып қолданылған жалпы көлемі 11 624 гектарды құрайтын 24 жер учаскесі мемлекет меншігіне қайтарылды. Ал ауыл шаруашылығы мақсатындағы 31 908 гектар жер қайта айналымға енгізіліп, жеке және заңды тұлғаларға берілді, – деді Ардақ Ибраимов.</blockquote>Аймақ басшысының қолдауымен Жалағаш ауданында жол, ауыз су, электр және газ инфрақұрылымын дамыту бағытында кешенді жұмыстар жүргізілуде. Елді мекендердің инженерлік желілерін жаңғырту мен тұрғындардың тұрмыс сапасын арттыруға басымдық берілген.<blockquote>– Өткен жылы аудан аумағында жол саласын дамытуға бюджеттен 2 млрд теңге бөлінді. Нәтижесінде, аудандық маңызы бар 1 автомобиль жолы мен кент және ауылдық округтердегі 37 ішкі көше күрделі жөндеуден өткізіліп, 8 көшеге тас төсеу жұмыстары жүргізілді. Қазіргі таңда елді мекендерге бағытталған негізгі күре жолдардың барлығы толық күрделі жөндеуден өткен. Ел Президентінің, Үкімет басшысының және облыс әкімінің қолдауымен ауданаралық жолдарға қатысты мәселелер толық шешімін тапты. Сонымен қатар, жол саласын одан әрі дамыту мақсатында 13 жобаға бюджеттік өтінім жолданды. Аймақ басшысының шеткері елді мекендерді дамыту жөніндегі тапсырмасына сәйкес, Жаңадария және Аққыр ауылдарындағы 5 көшені күрделі жөндеуден өткізуге ағымдағы жылы бюджеттен тиісті қаржы бөлінді. Бұл жұмыстар аталған ауылдардағы көше жолдары мәселесін толық шешуге мүмкіндік береді, – деді Ардақ Ибраимов.</blockquote>Сондай-ақ, аудан халқын ауыз сумен қамту мәселесінде де нақты нәтижелер орындалып, электр желілерін жаңарту бағытында да бірқатар жобалар әзірленген.<blockquote>– Бүгінгі таңда аудан тұрғындары 100 пайыз орталықтандырылған ауыз сумен қамтылған. Өткен жылы Есет батыр елді мекенінде ауыз су жүйесін қайта жаңғырту жобасы аясында тиісті қаржы, құрылыс-монтаждау жұмыстары басталды. Аудан бойынша электр желілерінің жалпы ұзындығы 457,5 шақырымды құрайды, орташа тозу деңгейі – 32,5 пайыз. Жалағаш кенті, Еңбек және М.Шәменова ауылдарының электр желілерін жөндеу үшін демеушілер есебінен жобалау-сметалық құжаттама әзірленіп, бюджетке ұсынылды. Одан бөлек, аудан халқының 50 пайызы көгілдір отынмен қамтылған. Өткен жылдың қараша айында Қаракеткен және Далдабай елді мекендерін газдандыру үшін облыстық бюджеттен қаржы бөлініп, құрылыс жұмыстары басталды. Сонымен қатар, Бұқарбай батыр елді мекенін газдандыру мақсатында жобалау-сметалық құжаттама әзірленіп, салалық министрлікке бюджеттік өтінім жолданды,- деді Ардақ Әбдіғаппарұлы.</blockquote>Жалағаш ауданында халықтың өмір сүру сапасын арттыру, әлеуметтік тұрақтылықты қамтамасыз ету және адами капиталды дамыту бағытында кешенді жұмыстар жүзеге асырылуда. Жұмыспен қамту, білім беру мен денсаулық сақтау салалары – өңірдің орнықты дамуының негізгі тіректерінің бірі.<blockquote>– Әлеуметтік салада айтарлықтай оң нәтижелерге қол жеткіздік. Халықты жұмыспен қамту, жаңа жұмыс орындарын ашу – басты міндеттеріміздің бірі. Өткен жылы аудан бойынша жалпы жұмыссыздық деңгейі 5,1 пайызды, ал жастар арасындағы жұмыссыздық 3,8 пайызды құрады. Ұлттық жоба аясында 16 жоба бойынша 175 адамды жұмыспен қамту жоспарланған болса, нақты 183 адам жұмыспен қамтылып, жоспар 105,1 пайызға орындалды. Сонымен қатар, әлеуметтік жағынан осал отбасыларға қолдау көрсету мақсатында жыл басынан бері 60 млн теңгеге жуық қайырымдылық көмегі көрсетілді. Жұмыссыздықты төмендету үшін кәсіпкерлікті дамытуға, жаңа бизнес бастамаларды қолдауға басымдық беріліп отыр, – деді Ардақ Әбдіғаппарұлы.</blockquote>Әлеуметтік саладағы оң өзгерістер білім беру жүйесінде де нақты нәтижелермен көрініс табуда.<blockquote>– 2024–2025 оқу жылын ауданымыздағы 20 мектепте 6 603 оқушы аяқтады. Оның ішінде 450 түлек мектеп бітіріп, үлкен өмірге қадам басты. «Алтын белгі» иегерлері – 16 түлек, үздік аттестат алғандар саны – 48. Алдағы 2025–2026 оқу жылына дайындыққа 262,5 млн теңге бөлініп, 5 мектепке жөндеу жүргізілді, 3 мектеп жанынан жаңа спорт алаңдары салынды, 2 мектептің спорт алаңдары күрделі жөндеуден өтті. Оқушылардың қауіпсіздігін қамтамасыз ету мақсатында барлық білім беру ұйымдары 100 пайыз бейнебақылау жүйесімен қамтылып, полиция бөлімдерімен толық интеграцияланды, – деді Ардақ Ибраимов.</blockquote>Денсаулық сақтау саласында да инфрақұрылымды жаңғырту мен медициналық қызмет сапасын арттыруға бағытталған нақты қадамдар жасалуда.<blockquote>– Ауданда жаңа аурухана мен заманауи емхананың пайдалануға берілуі халыққа көрсетілетін медициналық қызметтің сапасын айтарлықтай жақсартты. Республикалық бюджеттен қаржы бөлініп, Қаракеткен ауылдық округінде дәрігерлік амбулатория салынды. Сонымен қатар, аудандық аурухананың материалдық-техникалық базасын нығайту мақсатында лизинг арқылы 62,4 млн теңгеге заманауи ультрадыбыстық диагностикалық аппарат алынды. Бұдан бөлек, рентген-маммографиялық және стационарлық цифрлық рентген-флюорографиялық аппараттар сатып алынып, медициналық қызметке енгізілді, – деді Ардақ Әбдіғаппарұлы.</blockquote>

Жалағаш ауданында экономикалық көрсеткіштерінде өсім бар

<a href="https://kyzylorda-news.kz/">Kyzylorda-news.kz</a> Кадр қызметі Ішкі істер органдары жүйесінде маңызды болып табылады. Себебі кадр даярлау ісі мұқияттылықты талап етеді.Қызылорда қаласы Полиция басқармасы жеке құраммен жұмыс жөніндегі бөлімшесі қызметкерлерді іріктеу, дайындау, жеке құрамның кәсіби деңгейін арттыру, қызметкерлерді патриоттық рухта тәрбиелеу, олардың рухани дүниесін жан-жақты жетілдіру мақсатында атқарылып жатқан жұмыстары ауқымды.Бүгін, басқарманың жеке құрамының кәсіби қызметтік және жауынгерлік даярлық сабағында 2-тақырып бойынша қаралды. Жеке құрам арасындағы тәртіп пен заңдылықтың жай күйі. Мемлекет басшысы Қасым-Жомарт Тоқаевтың 2026 жылғы 5 қаңтардағы “Turkistan” газетіне “Қазақстан жаңғырудың жаңа кезеңінде қадам басты” тақырыбында берген сұхбатына түсіндірме жұмыстарын жүргізу.Сонымен қатар, барлық жеке құрам күшейтілген тәртіпте қаланың тыныштығын қамтамасыз етіп, қызмет атқаратындығын атап өтті.Қала орталығында қызмет атқарып жүрген қызметкерлердің жұмыстары, олардың азаматтармен дұрыс қарым-қатынасты болуы барлық басшылық тарапынан және басқарманың кадр бөлімшесімен қатаң бақылауға алынған.

Қызылордалық полицейлері арасында қызметтік тәртіпті нығайту жұмыстарын жалғастыруда

<a href="https://kyzylorda-news.kz/">Kyzylorda-news.kz</a> Облыс әкімінің орынбасары Зебешев Ардақ Темірханұлы өңірдегі іске асырылып жатқан инвестициялық жобаларды аралап, өндіріс орындарының қазіргі жағдайымен танысты. Нысандарды аралау барысында кәсіпорындардың жұмыс барысы бағаланып, алдағы даму жоспарлары талқыланды.Алдымен облыс әкімінің орынбасары жеке кәсіпкер «Достық» ЖШС-нің қапталған шыны өндіру цехында болды. Кәсіпорында заманауи технологияларды қолдану арқылы шығарылатын өнімнің көлемі мен сапасына ерекше назар аударылды. Қазіргі таңда кәсіпорын тәулігіне 500 шаршы метр дайын өнім шығарады. Алдағы уақытта компания шыңдалған шыны өндіру цехын ашуды жоспарлап отыр. Бұл толық өндірістік цикл қалыптастырып, нарыққа қолжетімді әрі сапалы өнім ұсынуға мүмкіндік береді.&nbsp;Одан кейін, «Айна гласс» ЖШС-нің айна шығару зауытына барды. Зауыттың құрылыс және тұрмыстық салаларға қажетті өнім өндірудегі үлесі ерекше атап өтілді. Инвестиция көлемі - 1,5 млрд теңге, жылына 720 мың шаршы метр айна өндіреді. Өнімдер Алматы, Шымкент қалаларына және Түркістан облысына табысты жөнелтілуде.&nbsp;Сонымен қатар, жоба бастамашысы алдағы уақытта жергілікті шыны зауытының шикізатын пайдалана отырып, жоғары сапалы екі камерлі терезелер мен шыны пакеттер өндіру жобасымен іске асыруды жоспарлауда. Жоба қуаттылығы - жылына 22,6 мың шаршы метр шыңдалған шыны шығару. Жоба құны - 5,5 млрд теңге.Келесі, «Мелиоратор» ЖШС-нің газоблок шығару зауытына «Дезинфекция» ЖШС-нің қайталама шикізатты қайта өңдеу зауытының құрылыс басына барып, жұмысымен танысты. Бұл нысандарда жергілікті шикізатты пайдалану, өнім сапасын арттыру және өндіріс көлемін ұлғайту мәселелері талқыланды.Сондай-ақ, «Абзал и К» ТС-нің күріш ақтау және «Алтын орда» ЖШС-нің ас тұзын өндіру зауыттарының жұмысымен танысты. Аталған жобалар облыс әкімі Нұрлыбек Нәлібаевтың 2025 жылғы ақпан айында Қытай Халық Республикасына жасаған іс-сапары барысында қол қойылған келісімдер аясында жүзеге асырылуда.Нысандарды аралау нәтижесінде Зебешев Ардақ Темірханұлы өңір экономикасын дамытуда өнеркәсіп кәсіпорындарының маңыздылығын атап өтіп, инвестициялық жобаларға мемлекеттік қолдау алдағы уақытта да жалғасатынын жеткізді.

Облыс әкімінің орынбасары бірқатар нысандарды аралады

<a href="https://kyzylorda-news.kz/">Kyzylorda-news.kz</a> «Достық үйінде» облыстық ардагерлер кеңесінің кезекті IX конференциясы өтті. Оған облыс әкімінің орынбасары Мейрамбек Шермағанбет, облыстық ардагерлер кеңесінің төрағасы Серік Дүйсенбаев, қалалық, аудандық ардагерлер кеңесінің төрағалары &nbsp;және қоғамдық ұйым өкілдері қатысты.Күн тәртібінде облыстық ардагерлер кеңесінің атқарған жұмыстары мен алдағы міндеттері, кеңестің тексеру комиссиясының есебі, сайлау мәселелері қаралды.Жиында облыс әкімнің орынбасары Ұлттық құрылтайдың V отырысында көтерілген маңызды бастамаларға тоқталып, ардагерлерге көрсетілетін тұрақты қолдаулар жайлы айтты.«Ұлттық құрылтайдың V отырысында Мемлекет басшысы Қасым-Жомарт Кемелұлы: «Соңғы жылдары Қызылорда облысы заман талабына сай өсіп-өркендеп жатыр. Былтыр аймақтың ішкі жалпы өнімі 6,5 пайызға өсті. Үш жылда 2 триллион теңгеге жуық инвестиция тартылды. Былтыр 27 инвестициялық жоба жүзеге асырылды» деп, өңіріміз үшін айрықша мәнге ие маңызды бастамаларды атап өтті. Қызылорда қаласында драма театрдың жаңа ғимаратының, тәулік бойы жұмыс істейтін Президенттік кітапхананың құрылысы басталатыны белгілі болды. «Батыс Еуропа – Батыс Қытай» халықаралық автодәлізінің «Қызылорда – Ақтөбе» бағытындағы бөлігін кеңейту, «Бейнеу – Сексеуіл» автомобиль жолының құрылысын бастау – көлік-логистикалық инфрақұрылымды дамытудағы аса ауқымды жобалар. Күні кеше Ұлттық құрылтайдың қорытындысы бойынша Олжас Абайұлының төрағалығымен Үкімет отырысы өтті. Жиында біздің облысқа қатысты мәселелер қозғалып, салалық министрліктерге нақты тапсырмалар берілді. Мемлекет басшысы мен Үкіметтің ерекше қолдауы бізді жаңа жетістіктерге жетелейді, еселенген жауапкершілік жүктейді», – деді М.Шермағанбет.Басқосуда Қазақстан Республикасы ардагерлер ұйымының ІХ съезіне бекітілген квота бойынша 4 делегат сайланды. Өңірдің әлеуметтік-экономикалық дамуына үлес қосқан &nbsp;кеңестің белсенді мүшелері облыс әкімінің Алғыс хатымен марапатталды.Аймақта қарттарды әлеуметтік қолдау мен медициналық қызмет сапасын арттыруда жүйелі жұмыс жүргізілуде. Соңғы үш жылда Ұлы Отан соғысының ардагерлеріне жыл сайынғы бір реттік әлеуметтік көмек 1,5 млн теңгеден 5 млн теңгеге, ал оларға теңестірілгендерге және тыл ардагерлеріне 90 мыңнан 196 мың теңгеге дейін артты.Өткен жылы 1 700-ге жуық ардагерге бір реттік көмек көрсетілді. Бірнеше жылдан бері «Сыр мейірімі» жобасы аясында 225 жалғызбасты қарт, әлеуметтік осал топтағы азаматтар күнделікті ыстық тамақпен қамтылады.Сонымен қатар, меценаттардың қолдауымен 130-дан астам ардагер еліміздің түрлі шипажайларында демалды. Жыл сайын 2 мыңнан астам егде жастағы азаматқа арнаулы әлеуметтік қызмет көрсету үшін бюджеттен 2,9 млрд теңге бөлінді.<img src="https://knadmin.beoblood.kz/uploads/Ardagerler_ke_esi_konferencziya_a88ad50bed.jpg" alt="Ардагерлер кеңесі конференция.jpg">

Ардагерлер кеңесінің кезекті IX конференциясы өтті

<a href="https://kyzylorda-news.kz/">Kyzylorda-news.kz</a> Жалағаш ауданының әкімі Ардақ Ибраимов жеке тұрғын үйден өрт шығуына байланысты баспанасы тұруға жарамсыз күйге түскен отбасының жағдайымен танысты.Кездесуде аудан әкімі отбасы мүшелерімен тілдесіп, қажетті қолдау шаралары туралы пікір алмасты.Сондай-ақ жан-жақты материалдық көмек көрсету, алдағы уақытта баспанамен қамтамасыз ету мәселесін зерделеу бойынша жауапты сала басшыларына нақты тапсырмалар берді.Айта кетейік, қазіргі таңда отбасыға кент аумағынан уақытша тұру үшін баспана берілді. Аталған мәселе аудан әкімінің тікелей бақылауында.

Қазақстан және Қызылорда облысының жаңалықтары