Жаңақорған кентінің «Prime Park» орталық саябағында ұйымдастырылған ерекше форматтағы мерекелік шараға тұрғындар мен қонақтар алдымен «Қазағымның дастаны – Домбыра» атты тақырыптық көрмені тамашалап, ұлттық мұрамыздың тарихы мен тағылымын танытатын құнды жәдігерлермен танысты.Мерекелік кеш «Қос ішектегі – қазақтың ғұмыры» атты театрландырылған прологпен ашылды.Тағылымды шараға жиналған аудан тұрғындары мен жас буын ұлттық құндылығымыз – домбыраны ұлықтап, күй күмбірін бірге шертіп, ұлттық өнерге деген құрметтерін паш етті.Шара барысында аудан өнерпаздары ән мен күйден шашу шашып, ұлттық өнердің мерейін асқақтатқан концерттік бағдарламасын ұсынып, тұрғындарға көтеріңкі көңіл күй сыйлады.<img src="https://knadmin.beoblood.kz/uploads/IMG_20260705_WA_0001_8152eb7499.jpg" alt="IMG-20260705-WA0001.jpg">

Жаңақорған ауданында Ұлттық домбыра күніне арналған іс-шара өтті 

Қазалы ауданының әкімі Алмасбек Есмаханов ауданның білім саласының дамуына зор үлес қосқан ардагер ұстаз, Қазақстан Журналистер одағының мүшесі Қадірбек Бекетұлын қабылдап, 80 жас мерейтойымен құттықтады.Аудан әкімдігінің мәжіліс залында өткен басқосуға білім саласының ардагерлері мен қызметкерлері, мерейтой иесінің замандас достары қатысты.Аудан басшысы мерейтой иесінің ауданның білім саласы мен ел руханиятының дамуына, ұрпақ тәрбиесіне қосқан үлесі жайында сөз қозғап, аудан жұртшылығының атынан ізгі тілегін жеткізді.Қасиетті Қазалы – тарихы терең, тағылымы мол, талай дара тұлғаны түлеткен қасиетті мекен. Бұл өңірдің өсіп-өркендеу жолында әр кезеңде елдің амандығы мен жердің тұтастығын, халықтың әл-ауқатын басты мұрат еткен азаматтар аянбай еңбек етіп келген. Сондай азаматтардың бірі – ардагер ұстаз Қадірбек Бекетұлы. Ағамыз Еңбек жолын 1972 жылы Жамбыл Жабаев атындағы №234 мектепте тарих пәнінің мұғалімі ретінде бастаған. Әр жылдары оқу ісінің меңгерушісі, 2 мәрте Лақалы сегіз жылдық мектептің директоры, Тасөткел бастауыш мектебінің меңгерушісі, Ойынды бастауыш мектебінің меңгерушісі қызметін абыроймен атқарған. Ұстаздық қызметпен қатар, қоғамдық жұмыстарда да белсенділік танытып, қаламгерлік қырымен ауданның рухани өміріне үлес қосты. Газет-журналдардағы тағылымды мақалалары, ғылыми еңбектері мен кітаптары — ағамыздың парасат-пайымыңыздың айқын көрінісі. Сіздің ұзақ жылдар бойы туған өлке игілігі жолында атқарған еңбегіңіз, халыққа сіңірген адал қызметіңіз – шынайы құрметке лайық. Мерейтойыңызбен шын жүректен құттықтай отырып, деніңізге саулық, отбасыңызға амандық тілейміз, - деді аудан әкімі Алмасбек Әбілқасымұлы.Жиында аудан басшысы мерейтой иесіне мерекелік Құттықтауын табыстап, дәстүрге сай иығына шапан жауып, сый-құрмет көрсетті.Игі шарада Қазалы аудандық «Білім беру саласы ардагерлер ұйымы» қоғамдық бірлестігінің төрағасы, Қазақстан Республикасы білім беру ісінің үздігі және Құрметті қызметкері, Қазалы ауданының Құрметті азаматы Серік Қуанышбай, білім саласының ардагерлері Айжахан Ысқақ пен Есет Аманбай сөз сөйлеп, Қадірбек Бекетұлын мерейлі 80 жасымен құттықтап, ыстық лебіздерін жеткізді.Жиын соңында мерейтой иесі арнайы қабылдап құрмет көрсетіп жатқан барша жерлестері мен аудан басшысына шынайы алғысын жеткізді.Қадірбек Бекетұлы зейнеткерлікке шыққаннан кейін де түрлі қоғамдық жұмыстарға белсене араласып, аудандық «Қазалы», «Тұран Қазалы» газеттерінде тәрбиелік мәні бар мақалалар жариялап келеді. Еңбек жолында Қазақстан Республикасы Тәуелсіздігінің 20 жылдығы мен Әлихан Бөкейханның 145 жылдығына арналған «Алаш мұраты» және «Тәуелсіз Қазақстан» атты ғылыми конференциялардың жеңімпазы атанған. 2017 жылы Басықара батырдың 260 жылдығына орай «Басықара батыр, әрі би» атты кітабы жарық көрді. Әр жылдары білім саласына сіңірген еңбегі үшін Алғыс хаттарымен және Қазалы ауданының Құрмет грамотасымен марапатталды.

Ардагер ұстаз Қадірбек Бекетті 80 жас мерейтойымен құттықтады

Қазалы ауданында шілде айының алғашқы жексенбісі - Ұлттық домбыра күні мерекесіне орай «Күймен жеткен жүрекке» атты мерекелік мәдени-шара өтті.Әйтеке би кенттік мәдениет үйінде өткен мерекелік шараға аудан әкімі Алмасбек Есмаханов қатысып, жиылғандарды мерекемен құттықтады.-Биылғы Ұлттық домбыра күні ерекше тарихи кезеңмен тұспа-тұс келіп отыр. Себебі, халқымыздың рухани болмысын айшықтайтын бұл мереке еліміздің қоғамдық-саяси өміріндегі аса маңызды оқиға 1 шілде — Қазақстан Республикасының жаңа Конституциясының күшіне ену кезеңімен қатар келуде. Бұл — ұлттық рух пен мемлекетшілдіктің, салт-дәстүр мен жаңғырудың үндескен тағылымды көрінісі. Домбыра — қазақтың жаны. Домбыра — халқымыздың үні. Домбыра — сан ғасырлық тарихымыздың, тағдырымыздың, мұңымыз бен қуанышымыздың үнін бүгінге жеткізген қасиетті мұра. Мемлекет басшысы Қасым-Жомарт Тоқаев «Домбыра – ұлтымыздың болмысы, халқымыздың баға жетпес қазынасы» деп ерекше атап өтті. Бұл — қасиетті қара домбыраның халқымыз өміріндегі орнын дәл айқындайтын терең тұжырым. Ұлттық құндылықтар мен заманауи жаңғыру қатар жүргенде ғана мемлекет қуатты болады. Рухы биік елдің болашағы да жарқын болады. Бабалардан аманат болған асыл мұрамызды көздің қарашығындай сақтап, кейінгі ұрпаққа табыстау — бәріміздің қасиетті борышымыз. Қасиетті домбыраның күмбірі әр шаңырақтан естілсін! Ұлттық рухымыз асқақ, Тәуелсіз еліміздің тұғыры биік болсын, - деді аудан басшысы.Кенттік мәдениет үйінде өткен шарада аудан өнерпаздары, жыршы-термешілер қазақ музыка өнерінің алыптары — Құрманғазы Сағырбайұлы, Тәттімбет Қазанғапұлы, Дина Нұрпейісова сынды дара тұлғалардың күйлерін шырқап, жиылған көрерменге мерекелік көңіл-күй сыйлады.Мұнан бөлек мәдениет үйінің фоесінде мерекеге орай арнайы көрме ұйымдастырылды.Айта кетейік, ауданымызда мәдениет саласын дамыту, ұлттық өнерді насихаттау, жас таланттарға қолдау көрсету бағытында жүйелі бастамалар жалғасып келеді. Бүгінде аудандағы мәдениет үйлері мен клубтарда 20-ға жуық жыр-терме, домбыра үйірмесі жұмыс жасап, оларда 250-ден астам балалар мен жасөспірімдер дәстүрлі өнерге тәрбиеленуде.

Қазалы ауданында ұлттық домбыра күніне орай мерекелік шара өтті

Аралда &nbsp;Балықшылар аллеясында Ұлттық домбыра күніне арналған «Домбыра – ұлттың асыл мұрасы» атты мерекелік кеш өтті.Ұлттық өнердің алтын қазығы саналатын қасиетті қара домбыраны ұлықтау, күй өнері мен халықтық музыкалық мұраны насихаттау, ұлттық құндылықтарға деген құрметті арттыру мақсатында өткен шараға аудан әкімінің орынбасары Н.Бохаев және бірқатар зиялы қауым өкілдерімен қатар қала тұрғындары қатысты.Іс-шара барысында осы жылдың 1 шілдеден бастап күшіне енген жаңа Конституцияның негізгі қағидаттарын халыққа кеңінен түсіндіруге арналған бірқатар шаралар жұртшылық назарына ұсынылды. Мерекелік кеште «Әділетті Қазақстан», «Заң мен тәртіп», «Адал азамат» және «Таза Қазақстан» бағыттары бойынша Конституцияда айқындалған азаматтық жауапкершілік, заң үстемдігі, адал еңбек пен қоршаған ортаны қорғау құндылықтары кеңінен насихатталды.Мерекелік кеш барысында ұлттық өнердің мәйегі саналатын күй, жыр, терме және халық әндері аудан өнерпаздары тарапынан кеңінен насихатталып, көрермендерге ерекше рухани әсер сыйлады.Ұлттық домбыра күні – халқымыздың төл өнеріне тағзым етіп, ұлттың рухани мұрасын ұлықтайтын тағылымды мереке. Қасиетті қара домбыраның күмбірі әрдайым халқымыздың рухын асқақтатып, ұлттық өнеріміздің мәңгілік символы болып қала бермек.Фото: Аудан әкімдігінің баспасөз қызметі

Ұлттық домбыра күні аталып өтілді

Қармақшы ауданы әкімінің тапсырмасымен Төретам кентіндегі Д.Байтөреев көшесінде балаларға арналған жаңа ойын алаңының салтанатты ашылу рәсімі өтті.Іс-шараға аудан әкімінің орынбасары Самат Смағұлов, кент әкімі, ардагерлер мен елді мекен тұрғындары қатысты.Салтанатты жиында сөз сөйлеген Самат Қыдырбекұлы азаматтарды жаңа нысанның ашылуымен құттықтап, бұл ойын алаңы балалардың бос уақытын тиімді өткізуіне, сондай-ақ олардың дене шынықтырумен айналысуына және қауіпсіз ортада демалуына мүмкіндік беретінін атап өтті.Тағылымды шара барысында аға буын ардагерлер өздерінің ақ батасын беріп, сонымен қатаи жаңа ойын алаңының лентасы қиылып, нысан тұрғындар игілігіне пайдалануға берілді.Бұл жоба аудан әкімінің қолдауымен кент тұрғындарының сұранысы негізінде салынып, бүгінде балалардың қуанышты демалыс орнына айналмақ.Фото: Қармақшы ауданы әкімінің баспасөз қызметі

Төретам кентінде балалар ойын алаңы пайдалануға берілді

<a href="https://kyzylorda-news.kz/">Kyzylorda-news.kz</a> Бүгін «Әділет» партиясы Қызылорда облыстық филиалының басшысы Жандос Базартай Қорқыт ата атындағы Қызылорда университетінде &nbsp;Педагогика және дәстүрлі өнер институтының 2026 жылғы түлектеріне диплом табыстау салтанатты рәсімен қатысты.&nbsp;Биыл Педагогика және дәстүрлі өнер институтын тәмамдаған 43 жас маман үздік диплом иегері атанды. Бұдан бөлек, 10 студент Қазақстан Республикасы Президентінің стипендиясына ие болды. Институт студенттері халықаралық академиялық ұтқырлық бағдарламасы аясында Азия, Еуропа және Таяу Шығыстағы жетекші жоғары оқу орындарында білімін жетілдіріп, кәсіби тәжірибе жинақтады.Жиында сөз алған «Әділет» партиясы Қызылорда облыстық филиалының басшысы Жандос Базартай бүгінгі түлектер елдің интеллектуалдық әлеуетін қалыптастыратын жаңа буын екенін атап өтті.<blockquote>«Бүгін қолдарыңызға алып отырған диплом – тек білімнің куәлігі ғана емес, қоғам алдындағы жауапкершіліктің бастауы. Сіздер ертең мектепте, мәдениет саласында, қоғамдық ортада еңбек етіп, елдің дамуына үлес қосатын мамандарсыздар. Қай салада қызмет етсеңіздер де, адалдық пен кәсібилікті басты ұстаным етіңіздер. Әділет партиясының негізгі құндылықтары – әділеттілік, патриотизм, еңбекқорлық, жауапкершілік және прогресс. Біз осы қағидаттарға сүйене отырып, білімді, бастамашыл және жаңашыл жастардың әлеуетін қолдауды маңызды міндет санаймыз. Себебі әділетті қоғамды да, қуатты мемлекетті де білімді әрі жауапты азаматтар қалыптастырады. Сіздердің табыстарыңыз – еліміздің табысы. Сондықтан ешқашан ізденуден, үйренуден және өз армандарыңызға ұмтылудан тоқтамаңыздар», – деді Жандос Базартай.</blockquote>Диплом табыстау рәсімі – студенттік өмірдің қорытындысы ғана емес, жас мамандардың үлкен еңбек жолына жасаған алғашқы сенімді қадамы. Мерекелік жиынға қатысқан қонақтардың барлығы түлектерге кәсіби биіктерді бағындырып, ел игілігі жолында жемісті еңбек етулеріне тілектестік білдірді.

Әділетті қоғамды білімді әрі жауапты жастар қалыптастырады

<a href="https://kyzylorda-news.kz/">Kyzylorda-news.kz</a> Қазақстан қор биржасындағы (KASE) сауда-саттық қорытындысы бойынша доллар бағамы арзандады, – деп хабарлайды <a href="https://kaz.inform.kz/news/kor-nariginda-dollar-bagami-472-tengege-deyn-arzandadi-dcf50698">Қазақпарат.</a>Күндізгі сауда-саттық қорытындысы бойынша доллардың орташа бағамы 2,39 теңгеге түсіп, 472,03 теңге болды. Ұлттық банктің ресми бағамы — 474,47 теңге.Kurs.kz мәліметіне сәйкес, елорданың ақша айырбастау орындарында:<ul><li style="text-align:justify;">доллар 471,97 теңгеден сатып алынады, 478,97 теңгеден сатылады;</li><li style="text-align:justify;">еуро: сатып алу&nbsp;— 539,93 теңге, сату&nbsp;— 549,93 теңге;</li><li style="text-align:justify;">рубль: сатып алу&nbsp;— 5,80 теңге, сату&nbsp;— 6,10 теңге.</li><li style="text-align:justify;">юань: сатып алу&nbsp;— 69,31 теңге, сату&nbsp;— 74,18 теңге.</li></ul>Алматының ақша айырбастау пункттерінде доллар орта есеппен 473,29 теңгеден сатып алынады, 475,45 теңгеден сатылады. Еуро 540,80&nbsp;— 546,25 теңге, ал&nbsp;рубль 5,84&nbsp;— 5,98 теңге аралығында саудаланады. Ал&nbsp;юань 71,07 теңгеден сатып алынады, 73,50 теңгеден сатылады.Сурет: &nbsp;freepik.com

Қор нарығында доллар бағамы арзандады 

<a href="https://kyzylorda-news.kz/">Kyzylorda-news.kz</a>&nbsp;"Руханият" орталығында аудан әкімі Берік Сәрменбаевтың қатысуымен «Домбыра – ұлттың мәңгілік үні» атты мерекелік іс- шара өтті. Мерекелік шараға Қызылорда облыстық тарихи-өлкетану музейінің директоры Нұрмат Мансұр, зиялы қауым өкілдері, барлық сала ардагерлері және аудан тұрғындары қатысты.Іс-шара барысында арнайы ұлттық қолөнер көрмесі ұйымдастырылып, онда жергілікті қолөнер шеберлерінің туындылары көпшілік назарына ұсынылды.Аудан басшысы жиналған қауымды Ұлттық домбыра күнімен құттықтап, домбыраның қазақ халқының рухани болмысын айқындайтын, ұлттық құндылықтар мен мәдени мұраны ұрпақтан-ұрпаққа жеткізетін қасиетті аспап екенін атап өтті.<blockquote>– Домбыра – халқымыздың жаны, ғасырлар бойы ұрпақтан ұрпаққа жалғасқан асыл мұра. Қос ішектен төгілген күй – ел тарихының шежіресі, халықтың қуанышы мен қайғысы, ерлігі мен елдігі. Бабаларымыз айтқандай, «Нағыз қазақ – қазақ емес, нағыз қазақ – домбыра». Бұл мереке –өнер мерекесі ғана емес, ол – ұлттық сананы жаңғыртатын, елдік рухты көтеретін, жас ұрпақты отансүйгіштікке тәрбиелейтін маңызды рухани күн. Мемлекет басшысы халқымыздың мызғымас құндылықтарына, бай тарихы мен мәдени мұрасына арқа сүйеу қажеттігін ерекше атап өтіп келеді. &nbsp;Домбыра – халқымыздың рухани коды, ұрпақтар сабақтастығын жалғаған қасиетті мұра,– деді Берік Әбдіғаппарұлы.</blockquote>Іс-шара барысында ұлттық өнер мен мәдениетті дамытуға үлес қосып жүрген бірқатар азаматтарға және жас домбырашыларға аудан әкімінің "Алғыс хаты" табысталды.Сонымен қатар, Қызылорда облыстық тарихи-өлкетану музейінің директоры Нұрмат Мансұр сөз сөйлеп, барша аудан тұрғындарын Ұлттық домбыра күнімен құттықтады. Ол домбыраның қазақ халқының рухани мұрасы мен ұлттық болмысын айқындайтын қастерлі аспап екенін атап өтіп, төл өнерді дәріптеу – баршаға ортақ міндет екенін жеткізді. Іс-шара барысында ұлттық өнерге қызығушылық танытып жүрген жас домбырашыға ізгі тілекпен домбыра сыйға тартып, оның шығармашылық жолына сәттілік тіледі.Мерекелік шара күй күмбірі мен ұлттық өнерді ұлықтаған концерттік бағдарламамен жалғасып, көрермендерге көтеріңкі көңіл күй сыйлады.

«Домбыра – ұлттың мәңгілік үні» атты мерекелік іс–шара өтті

<a href="https://kyzylorda-news.kz/">Kyzylorda-news.kz</a>&nbsp;Қармақшы ауданы әкімінің тапсырмасына сәйкес, «Руханият» орталығында бұқаралық ақпарат құралдарының қатысуымен баспасөз брифингі өтті.Брифинг барысында ҚР Ауыл шаруашылығы министрлігі Ветеринариялық бақылау және қадағалау комитетінің Қармақшы аудандық аумақтық инспекциясының басшысы Спартак Күзембаев және Қармақшы ауданы Төтенше жағдайлар бөлімі бастығының міндетін атқарушы, азаматтық қорғау капитаны Данияр Байрахметов 2026 жылдың алғашқы жартыжылдығында атқарылған жұмыстардың қорытындысы туралы баяндады.<img src="https://knadmin.beoblood.kz/uploads/arma_shy_audany_zhiyn_3_e28313d122.jpg" alt="Қармақшы ауданы жиын 3.jpg">Спартак Қожантайұлы аудан аумағында ветеринариялық қауіпсіздікті қамтамасыз ету мақсатында жүргізілген профилактикалық іс-шараларға тоқталды. Бүгінде жануарлардың аса қауіпті жұқпалы ауруларының алдын алу бағытындағы жоспарлы вакцинациялау және зертханалық тексерулер толық көлемде орындалған. Сонымен қатар ауыл шаруашылығы жануарларын бірдейлендіру, ветеринариялық-санитариялық талаптардың сақталуын бақылау, ішкі сауда нысандарындағы ветеринариялық бақылау және тұрғындарға түсіндіру жұмыстары жүйелі түрде жүргізіліп келеді.Ал Данияр Әлімжанұлы аудан аумағындағы төтенше жағдайлардың ахуалы, өрт қауіпсіздігі және азаматтық қорғау саласында атқарылған жұмыстар жөнінде баяндады. Ол өрттердің алдын алу, бақылау-профилактикалық тексерулер жүргізу, су айдындарындағы қауіпсіздікті қамтамасыз ету, шомылу маусымындағы рейдтік жұмыстар, сондай-ақ «Ауыл құтқарушылары» бағдарламасы аясында жүзеге асырылып жатқан жобалар туралы толық мәлімет берді.Брифинг барысында БАҚ өкілдерінің сауалдарына жауап беріліп, тұрғындардың қауіпсіздігін қамтамасыз ету бағытындағы жұмыстар жалғасатынын атап өтті.<img src="https://knadmin.beoblood.kz/uploads/arma_shy_audany_zhiyn_2_27b15c33ea.jpg" alt="Қармақшы ауданы жиын 2.jpg">

Биылғы жылдың алғашқы жартыжылдығында атқарылған жұмыстардың қорытындысын баяндады

<a href="https://kyzylorda-news.kz/">Kyzylorda-news.kz</a>&nbsp;Бүгін облыстық мәслихаттың кезекті XXXIV сессиясына қатысқан облыс әкімі Мұрат Ергешбаев күшіне енген жаңа Ата Заңда азаматтардың құқықтары мен бостандықтарын қорғау, заң үстемдігін қамтамасыз ету, әділетті қоғам құру басты мақсат ретінде белгіленгенін атап өтті.<blockquote>«Жаңа Преамбулада байырғы қазақ жерінде мемлекеттілікті нығайта отырып, Ұлы Даланың мыңжылдық тарихи сабақтастығын сақтау басты қағидат ретінде бекітілген. Билік тармақтарының тепе-теңдігі нығайтылып, басқару жүйесі заман талабына сай жаңғыртылды. Бұл – мемлекетіміздің тұғырын нығайтып, қоғамдық келісім мен тұрақтылықты сақтауға негіз болатын маңызды құжат. Мұның барлығы –Қазақстанды демократиялық, құқықтық және әлеуметтік мемлекет ретінде дамытуға бағытталған жүйелі қадамдар. Жаңа Ата Заңымыз күшіне енгеннен кейін Президентіміз 23 тамызда Құрылтай сайлауын өткізу туралы Жарлыққа қол қойды. Ұлтымыздың тарихына алтын әріппен жазылатын саяси кезеңде баршаңызды елдік мүдде жолындағы маңызды іске белсенді қатысуға шақырамын», – деді Мұрат Нәлқожаұлы.</blockquote>Жиында бірқатар азаматқа Мемлекет басшысы Қасым-Жомарт Кемелұлының жаңа Конституцияның күшіне енуіне орай жолдаған Құттықтау хаты және Конституцияның арнайы басылымы табыс етілді.<img src="https://knadmin.beoblood.kz/uploads/Eldik_m_dde_zholynda_y_ma_yzdy_keze_dd640154a7.jpg" alt="Елдік мүдде жолындағы маңызды кезең.jpg">

Елдік мүдде жолындағы маңызды кезең

<a href="https://kyzylorda-news.kz/">Kyzylorda-news.kz</a>&nbsp;Бүгін облыс әкімі Мұрат Ергешбаевтың қатысуымен облыстық мәслихаттың кезекті XXXIV сессиясы өтті. Оған облыстық мәслихат төрағасы Мұрат Тлеумбетов, құқық қорғау саласының басшылары, депутаттар мен жауапты сала өкілдері қатысты. Күн тәртібінде 10 негізгі мәселе қаралды.&nbsp;2025 жылға арналған облыстық бюджеттің атқарылуы жөнінде баяндама жасаған облыс әкімі ең өзекті деген мәселелерді шешуде, тұрғындардың өмір сүру сапасын жақсартуда атқарылған жұмысты, ауқымды инфрақұрылымдық жобаларды атап өтті.Негізгі макроэкономикалық көрсеткіштерге талдау жасап, өткен бес айдың қорытындысына тоқталды.&nbsp;<blockquote>«2022 жылдан бері өңірге 2,4 трлн. теңгеге жуық инвестиция тартылды. Биылға 790 млрд теңгеге жуық инвестиция жоспарланса, оның 261 млрд теңгесі орындалды. &nbsp;Экономиканы әртараптандыру үшін алдағы үш жылға 1 трлн. 900 млрд. теңгенің &nbsp;48 инвестициялық жобасын іске асыру, 10 мыңнан аса жаңа жұмыс орнын ашу межесі бар. Биыл 14 ірі жобаның құрылысы басталады, қазір 4-еуінің &nbsp;құрылысы жүріп жатыр, 2 жобаның капсуласы салынды. Жақын күндері 2 жылыжай кешені қолға алынады. Жыл соңына дейін қалған 6 жобаны бастау жоспарланған», – деді облыс әкімі.&nbsp;</blockquote>Президенттің, Үкіметтің ерекше қолдауымен биыл 300 орындық көпбейінді аурухана және «Қызылорда - Арена» көпфункционалды спорт кешені іске қосылады. Бұдан бөлек, екі емхана, жаңа перинаталдық орталық салынып жатыр. Президенттік кітапхананың, жаңа драма театрдың капсуласы қаланды.&nbsp;«Батыс-Еуропа-Батыс Қытай» халықаралық дәлізіндегі Қызылорда-Ақтөбе бағытын төрт жолақты етіп кеңейтудің бірінші кезеңі басталды. «Бейнеу - Сексеуіл» жолының да басталатын күні жақын қалды.&nbsp;Облыс тұрғындарын сапалы инфрақұрылыммен қамтамасыз ету – күн тәртібіндегі тұрақты мәселе. Жыл соңына дейін 10 елді мекен газдандырылып, өңірді көгілдір отынмен қамту деңгейі 85 пайызға жеткізілмек. Сондай-ақ, үй кезегінде тұрған азаматтарды баспанамен қамту мақсатында биыл 2400 пәтер беру жоспарланған.&nbsp;Сессияның күн тәртібіндегі бірінші мәселе бойынша облыстық экономика және қаржы басқармасының басшысы Сәкен Мырзабек, облыс бойынша тексеру комиссиясының төрағасы Мұса Қалдарбеков, облыстық мәслихаттың тұрақты комиссия төрағасы Балжан Шәменова қосымша хабарлама жасады.&nbsp;Сессияда облыстық бюджетке, даму жоспарына өзгерістер енгізу туралы мәселе қаралып, ветеринария, қоғамдық даму, дене шынықтыру және спорт басқармасы басшыларының есебі тыңдалды. Облыс әкімдігі жанындағы құқықбұзушылық профилактикасы жөніндегі ведомствоаралық комиссияның құрамын толықтыру, «Таза Қазақстан» тұжырымдамасын іске асыру жөніндегі өңірлік жоспарға өзгеріс енгізу, тағы басқа мәселелер талқыланды.<img src="https://knadmin.beoblood.kz/uploads/Ajma_ty_leumettik_ekonomikaly_leueti_2_c0176ad631.jpg" alt="Аймақтың әлеуметтік-экономикалық әлеуеті 2.jpg">

Аймақтың әлеуметтік-экономикалық даму көрсеткіштері сараланды 

<a href="https://kyzylorda-news.kz/">Kyzylorda-news.kz</a> &nbsp;Бүгін Премьер-министр Олжас Бектеновтің төрағалығымен ҚР Президенті жанындағы «Жасыл экономикаға» көшу жөніндегі кеңестің отырысы өтті. Күн тәртібінде қалдықтарды басқару, «Таза Қазақстан» тұжырымдамасын іске асыру, өнеркәсіп пен құрылыс салаларындағы энергия тиімділігін арттыру мәселелері қаралды. Кеңеске облыс әкімі Мұрат Ергешбаев селекторлық режим арқылы қатысты.Өңірде «Жасыл экономикаға» көшу тұжырымдамасы аясында энергия тиімділігін арттыру және қоршаған ортаға түсетін жүктемені азайтуда жүйелі жұмыс жүргізіліп келеді.Өткен жылы 280 шақырым электр желісі мен 87 қосалқы станцияға энергия үнемдейтін заманауи технологиялар енгізілді. Биыл 605 шақырым электр желісі мен 190 қосалқы станцияны жаңғырту жалғасуда. Сондай-ақ 8,7 шақырым жылу желісі жаңартылып, арнайы оқшаулағыш материалдармен қапталды. Бұл жылу беру жүйесіндегі шығынды едәуір қысқартты.Аймақта жаңартылатын энергия көздерін дамытуға да басымдық берілген. Қазір жалпы қуаттылығы 148 мегаватт болатын бес күн электр станциясы жұмыс істейді. Алдағы уақытта бір жел және үш күн электр станциясын іске қосу жоспарланып отыр.Қалдықтарды басқаратын 17 кәсіпорын биылғы бірінші тоқсанда 67 мың тонна қатты тұрмыстық қалдық жинап, оның 23 мың тоннасын қайта өңдеді. «Жасыл даму» АҚ қаржыландыруымен қалдықтарды сұрыптау, өңдеу және кәдеге жаратуға бағытталған 9 жоба жүзеге асырылуда.Салаға инвестиция тарту және озық технологияларды енгізу үшін халықаралық компаниялардың қатысуымен екі ірі инвестициялық жоба қолға алынған. Атап айтқанда, Оңтүстік Корея технологиясымен жылына 300 мың тонна қатты тұрмыстық қалдықтарды сұрыптау, өңдеу және кәдеге жарату зауыты, Германия технологиясымен жылына 240 млн дана шыны ыдыс шығаратын зауыт салынуда. Бұл – қалдықтарды қайта өңдеу үлесін арттырып, импортты алмастыруға және өңірдің экологиялық жағдайын жақсартуға ықпал ететін бастамалар.Фото: Қызылорда облысы әкімінің баспасөз қызметі&nbsp;

Қазақстан және Қызылорда облысының жаңалықтары