<a href="https://kyzylorda-news.kz/">Kyzylorda-news.kz</a> Қызылорда қаласында қоғамдық диалогты ақпараттық сүйемелдеу және журналистикадағы заманауи тәсілдер мәселелеріне арналған Журналистер клубының кеңейтілген отырысы өтті.Іс-шараға Журналистер клубының мүшелері, этностық бұқаралық ақпарат құралдарының өкілдері, өңірлік «Қоғамдық келісім» мекемелерінің баспасөз қызметкерлері, журналистер, медиа-сарапшылар, медиаменеджерлер және блогерлер қатысты.Отырыс барысында қатысушылар қазіргі журналистиканың өзекті мәселелерін, қоғаммен ашық әрі сындарлы диалог қалыптастырудағы медианың рөлін, сондай-ақ қоғамдық маңызы бар үдерістерді ақпараттық сүйемелдеудің заманауи тәсілдерін талқылады.Іс-шарада Журналистер клубының төрағасы, қоғам қайраткері Әлішер Сатвалдиев, Қызылорда облысының қоғамдық даму басқармасының басшысы Руслан Каюпов және «Қоғамдық келісім» РММ директорының орынбасары Әсел Артакшинова сөз сөйледі.Отырыстың практикалық бөлімі журналистік және ақпараттық жұмыстың заманауи құралдарына арналды. Журналистер клубының төрағасы Әлішер Сатвалдиев қоғамдық-саяси үдерістерді ақпараттық сүйемелдеу мәселелері бойынша тренинг өткізді. Облыстық Журналистер және сарапшылар клубының төрайымы, PR-менеджер Елена Рыбина «Медиа, PR және қоғам: ашық диалог мәдениеті» тақырыбында сөз сөйледі.ҚР Энергетика министрлігінің ресми өкілі, PR және коммуникациялар саласының маманы Әсел Серікпаева баспасөз қызметтерінің жұмысына қатысты заманауи тәсілдер туралы айтып берді.Бағдарламаның екінші бөлігінде «Қоғамдық келісім» РММ сарапшылары, Журналистер клубының мүшелері Думан Мұхаметқалиев пен Ақнұр Сәмбет өңірлік баспасөз қызметтерінің ақпараттық жұмысына сараптама жүргізді.Медиатренер, Halyqline.kz ақпарат агенттігінің журналисі әрі редакторы, Қазақстан Журналистер одағының мүшесі Ердәулет Калиев «Шешімдер журналистикасы. Өңірлік медиадан қоғамдық маңызы бар материалға дейін» тақырыбын таныстырып, мазмұнды әрі аудитория сұранысына ие контент жасаудың заманауи тәсілдеріне тоқталды.Сонымен қатар қатысушылар Журналистер клубын одан әрі дамыту, оның тәжірибе алмасуға арналған кәсіби алаң ретіндегі рөлін арттыру, сондай-ақ журналистер, баспасөз қызметтері мен медиа-сарапшылар арасындағы өзара іс-қимылды жетілдіру мәселелерін талқылады.Кездесу ашық пікірталас және сұрақ-жауап сессиясымен қорытындыланды. Қатысушылар практикалық тәжірибелерімен бөлісіп, ақпараттық жұмыстың өзекті мәселелерін талқылады және одан әрі кәсіби өзара іс-қимыл бағыттарын айқындады.Журналистер клубының кеңейтілген отырысы кәсіби диалог орнатуға, тәжірибе алмасуға және қарқынды өзгеріп отырған ақпараттық ортадағы жұмыстың заманауи құралдарын талқылауға арналған маңызды алаңға айналды.&nbsp;

Қызылордада журналистер клубының кеңейтілген отырысы өтті

<a href="https://kyzylorda-news.kz/">Kyzylorda-news.kz</a> Бүгін 29 тамыз – Семей ядролық сынақ полигонының жабылған күніне орай «Семей полигоны: тарихи тағылым мен ұрпақ аманаты» атты тарихи-танымдық кездесу өтті.Іс-шараға аудан әкімінің орынбасары Н. Бохаев төрағалық етіп, Семей ядролық сынақ полигонының тарихы, оның халыққа және қоршаған ортаға тигізген зардаптары, сондай-ақ ядролық сынақтарға қарсы қоғамдық қозғалыстың маңызы туралы сөз қозғады.Кездесудің негізгі мақсаты – Семей ядролық сынақ полигонының тарихын кейінгі ұрпаққа жеткізу, сол кезеңнің куәгерлері мен ардагерлерінің естеліктерін тыңдау, аға буынның азаматтық ұстанымын дәріптеу және бейбітшілік құндылығын насихаттау.Кездесу барысында «Семей ядролық сынақ полигоны және Халықаралық невада-семей қоғамдық ұйымының» аудандағы төрағасы С.Өтебалиев, Семей полигонының ардагері Т.Тиышов және Б.Қуатов өз естеліктерімен бөлісіп, тарихи кезеңнің тағылымы жөнінде ой-пікірлерін ортаға салды.Іс-шара барысында Семей ядролық сынақ полигонының ардагерлеріне аудан әкімігің Алғыс хаты мен естелік сыйлықтар табысталды.Айта кетейік, 1991 жылғы 29 тамызда Семей ядролық сынақ полигонының ресми түрде жабылуы – Қазақстанның ядролық қарусыздану жолындағы тарихи шешімі әрі халқымыздың бейбітшілікке деген берік ұстанымының айқын көрінісі болды. Тағылымды кездесу концерттік бағдарламамен жалғасты.

 «Семей полигоны: Тарихи тағылым мен ұрпақ аманаты

<a href="https://kyzylorda-news.kz/">Kyzylorda-news.kz</a> Бүгін Қызылордада Сырдария өзені арқылы өтетін жаяу жүргіншілер көпірінің капсуласын салу рәсімі өтті. Оған облыс әкімі Мұрат Ергешбаев, зиялы қауым өкілдері мен ел ағалары қатысты.Іс-шарада аймақ басшысы Сыр елінің бас шаһарының дамуына серпін беретін жобаларға тоқталды. Соның бірі – Сырдария өзені арқылы өтетін жаяу жүргіншілер көпірінің құрылысы. «Астана» шағын ауданы мен Президент саябағын жалғайтын, қаламыздың жаңа сәулеттік келбетін айшықтайтын маңызды инфрақұрылымдық жоба Нұрлыбек Машбекұлының бастамасы болатын.<blockquote>​«Жаңа көпір &nbsp;құрылысын тәжірибесі мол «Әлем Құрылыс» компаниясы жүргізеді. Ұзындығы – 319,4 метр, ені – 12 метр, жалпы құны 13 млрд теңгеге жуықтайды. Ені 3 метр жаяу жүргіншілер жолы және көпір бойында әрқайсысының ені бір жарым метр болатын екі веложолақ салынады. Биыл Қызылорда қаласының жол-көлік инфрақұрылымын дамыту үшін 38 млрд. теңгенің 23 жобасы іске асырылуда, 71 көше күрделі жөндеуден, қайта жаңғыртудан өтіп жатыр. Мәселен, «Бәйтерек» тұрғын ауданындағы оңтүстік магистралды канал арқылы өтетін жаңа көпір құрылысы толық біткенде, көлік қатынасы реттеледі. Торайғыров көшесінен «Қызылорда-Құмкөл» автожолына дейінгі Сағымбаев көшесіндегі қайта жаңғырту жұмыстары да аяқталуға жақын. Осылайша, жаңа көпір мен жаңартылған Сағымбаев көшесі «Батыс Еуропа-Батыс Қытай» халықаралық дәлізі мен Астана қаласынан келетін жолды түйістіретін үлкен әрі заманауи қақпаға айналады. Бұдан бөлек, Назарбаев даңғылы мен негізгі көшелер қайта жаңғыртылды. Тасбөгет кентіндегі Иманов, Бозғұл-1, Наурыз, Есенов көшелері кеңейді. &nbsp; Бұл игіліктер Президентіміз бен Үкіметтің қолдауының арқасында жүзеге асуда. Баршаңыздың ел дамуы, тұрғындарымыздың жайлы тұрмысы мен өскелең ұрпақтың жарқын болашағы жолындағы өрелі жұмыстарыңызға сәттілік тілеймін!», – деді Мұрат Нәлқожаұлы.</blockquote>Іс-шарада облыстық ардагерлер кеңесінің төрағасы Серік Дүйсенбаев сөз сөйлеп, құрылыстың капсуласы салынды. Бүгінде өңірді дамытудағы ілкімді істер жүйелі жүзеге асырылуда.Мемлекет басшысының «Таза Қазақстан» бағдарламасы аясында Президент саябағы жаңа кейіпке енді. Осы аумаққа келушілердің қауіпсіздігі мен жайлылығы үшін автожол және автотұрақ салынды.Сырдария өзенінің қорғаныс бөгеттерін нығайту жұмыстары да қарқын алды. Дария жағалауына екі жолақты жаяу жүргінші және велосипед жолдары түсуде.Бұдан бөлек, жыл бойы үздіксіз қызмет көрсететін «Aй-Керім» оқу-сауықтыру орталығы ашылып, жерлестеріміздің қуанышы еселенді. Лагерь жанынан Ботаникалық бақ пайдалануға берілді. Бақ жасыл желектің бірегей түрлері өсетін, экологиялық мәдениеттің, білім берудің және ішкі туризмнің дамуына қызмет ететін, аймақ тұрғындары мен қонақтары жиі бас қосатын орынға айналды.Саябақты жалғайтын тоғыз қабатты 15 тұрғын үй кешені жақын арада пайдалануға беріледі. Тұрғын үй кешенінің жанынан бес жұлдызды және «Ибис» қонақ үйлері, 200 орындық перинаталдық орталық бой көтеріп келеді.Мемлекет басшысының тапсырмасына сәйкес Президенттік кітапхана мен драма театрдың іргетасы қаланып, құрылысы жүргізілуде.<img src="https://knadmin.beoblood.kz/uploads/Zhayau_zh_rginshiler_k_piri_kapsula_2_22482bff52.jpg" alt="Жаяу жүргіншілер көпірі капсула 2.jpg">

Қызылордада Сырдария өзені арқылы өтетін жаяу жүргіншілер көпірінің капсуласы салынды

Президенттің «Әділетті қоғамға – шыншыл сөз» атты кітабын талқылауға арналған жиын өтті

<a href="https://kyzylorda-news.kz/">Kyzylorda-news.kz</a> Қазақ елінде жүргізіліп жатқан реформалардың күн тәртібінде қазіргі, тіпті келешектегі ықтимал жаһандық сын-қатерлер толық мейлінше ескерілген. Бұл туралы ҚР Құрылтайының бірінші сессиясының ашылуында Мемлекет басшысы Қасым-Жомарт Тоқаев мәлім етті, – деп хабарлайды <a href="https://kaz.inform.kz/news/tokaev-aukimdi-reformalar-turali-artka-shegner-zhol-zhok-6b88a5f1">Қазақпарат.</a><blockquote>– Әлемде жаңа тәртіп қалыптасып жатыр. Ол кереғар сипатқа ие: бір жағынан — қауіпті, зиянды, келешегі бұлыңғыр, ал екінші жағынан — прогрессивті, технологиялық, перспективті әрі адамзат тарихындағы елеулі бетбұрыс саналады. Мұндай жағдайда экономика, ғылым, әскери-дипломатия салаларында өзінің егемендігін нақты іспен қорғап, нығайтуға қауқарлы, ең маңыздысы, адам әлеуетін дамытатын мемлекеттер ғана жаңа дәуірге бейімделетіні баршаға түсінікті. Дәл осы себепті мемлекетімізді жан-жақты жаңғырту стратегиялық тұрғыдан маңызды. Мақтангершілік емес, әділін айтсақ, біз жүргізіп жатқан ауқымды реформалардың қарқыны алдағы уақытта үдей түспесе, бәсеңдемейді. Қарапайым тілмен айтқанда, артқа шегінер жол жоқ. Бұл — елеулік жетістік, – деді Қасым-Жомарт Тоқаев.</blockquote>Президенттің айтуынша, Қазақ елінде жүргізіліп жатқан реформалардың күн тәртібінде қазіргі, тіпті келешектегі ықтимал жаһандық сын-қатерлер толық мейлінше ескерілген.<blockquote>–&nbsp;Бұл&nbsp;— аса маңызды. Басқаша айтқанда, сол сынақтарды еңсеру үшін алдын алу шаралары қабылданады,&nbsp;– деді Мемлекет басшысы.</blockquote>Сурет: Ақорда

Президент ауқымды реформалар туралы сөз қозғады

<a href="https://kyzylorda-news.kz/">Kyzylorda-news.kz</a> Байқаушылардың көпшілігі партиялардың арасында ашық бәсеке болғанын айтты. Бұл туралы ҚР Құрылтайының бірінші сессиясының ашылуында Мемлекет басшысы Қасым-Жомарт Тоқаев мәлім етті. – деп хабарлайды <a href="https://kaz.inform.kz/news/partiyalardin-bilk-zhuyesndeg-ikpali-dakusheye-tused-tokaev-88a99a5a">Қазақпарат.</a><blockquote>– Жалпы, бұл сайлаудың мәні де, мазмұны да өзгеше болды. Себебі өткен сайлау ең алдымен Қазақстандағы саяси алуандықтың жаңа сапалы деңгейге көтерілгенін байқатты. Партиялар өзінің әлеуетін толық көрсетті. Өз бағдарламасын жұртшылыққа жан-жақты түсіндіріп, жеткізе білді. Науқанға қатысқан барлық партияның ұсыныстары жұртшылықтың назарын аударды, қоғамдық өмірге үлкен серпін берді. Көптеген байқаушылар партиялардың арасында ашық бәсеке болғанын айтты. Шын мәнінде, әр партияның өз бағдары, ұстанымы және идеологиясы бар. Науқан барысында олардың қоғамдағы рөлі, саяси жүйедегі орны айқындала түсті. Мұны Құрылтай сайлауының негізгі жетістігі деп бағалауға болады. Осындай оң өзгерістердің арқасында Қазақстандағы саяси-қоғамдық мәдениет үнемі дамып, жетіліп отырады, – деді Қасым-Жомарт Тоқаев.</blockquote>Осы орайда Президент болашақта партиялардың билік жүйесіндегі ықпалы да күшейе түсетінін атап өтті. Әр науқан сайын олардың рөлі арта бермек.<blockquote>– Сондықтан партиялар алған бағыттарынан таймай, сайлаушылармен жұмысты жалғастыра беруі керек. Сонда ғана саяси ұйымдардың беделі күшейе түседі. Осы мүмкіндікті пайдалана отырып, партиялар ұсынған бағдарламалардың мазмұнына ерекше тоқталғым келеді. Бұл құжаттарда тың идеялар, тиімді ұсыныстар бар. Оның бәрі де алдағы жұмыс барысында мұқият сараланады, – деді Мемлекет басшысы.</blockquote>Сурет: Ақорда

Партиялардың билік жүйесіндегі ықпалы да күшейе түседі – Тоқаев

<a href="https://kyzylorda-news.kz/">Kyzylorda-news.kz</a> Құрылтай сайлауына шетел азаматтарының қызығушылығы өте жоғары болды. Бұл туралы бірінші шақырылымдағы Құрылтайдың бірінші сессиясын ашқан Мемлекет басшысы Қасым-Жомарт Тоқаев айтты, – Қазақпарат.<blockquote>— Азаматтар елімізде жүзеге асып жатқан ауқымды өзгерістерді жаппай қолдауда. Мұны Құрылтай сайлауы айқын аңғартты. Осы науқанға азаматтарымыздың 74 пайыздан астамы қатысып, дауыс берді. Халқымыз ел тағдырына әсер ететін тарихи таңдауын жасады. Жұртымыз бұл іске зор жауапкершілікпен қарап, қоғамымыздың ауызбіршілігін паш етті. Осылайша, ел бірлігінің мызғымас тірегіне айналған «Әралуан пікір — біртұтас ұлт» қағидаты нақты жүзеге асты, — деді Президент.</blockquote>Мемлекет басшысының атап өтуінше, Құрылтай сайлауына шетел азаматтарының қызығушылығы өте жоғары болды.Қазақстанға беделді халықаралық ұйымдар мен шет мемлекеттен 800-ге жуық байқаушы келді. Бұл — ұлттық парламентаризм тарихындағы ең жоғары көрсеткіш.<blockquote>— Сайлау ашық әрі әділ өтті, өте жоғары деңгейде ұйымдастырылды. Бүгінде азаматтарымыз саясатқа оң көзбен қарап, қоғамдық істерге белсене араласатын болды. Бұл — жақсы үрдіс. Мұны жұртшылықтың депутаттарға қоятын талабы әрдайым жоғары болады деп түсінген жөн. Қазіргі заман құр уәденің, жалған сөз бен жалаң ұранның уақыты емес. Біздің қоғам кемелдене бастады. Ел ішінде кәсіби Парламентке деген сұраныс артқанын көріп отырмыз. Құрылтайға білікті мамандардың келуі — осының айқын дәлелі. Әрине, бәсекенің аты — бәсеке. Біреу ұтады, біреу ұтылады. Алайда елімізде өз пікірін білдіруге, өз көзқарасын айтуға неше түрлі тетік бар. Заңымызға сай келетін түрлі мардымды пікірлер, ұсыныстар неғұрлым көп айтылса, елімізге де соғұрлым тиімді болады, нақты пайдасы тиеді, — деді Қасым-Жомарт Тоқаев.</blockquote>Сурет: Ақорда

Қазіргі заман құр уәденің, жалған сөз бен жалаң ұранның уақыты емес — Президент

<a href="https://kyzylorda-news.kz/">Kyzylorda-news.kz</a> Құрылтайдың бірінші шақырылымының депутаты болу – ең алдымен, ерекше сәт. Бұл туралы бірінші шақырылымдағы Құрылтайдың бірінші сессиясын ашқан Мемлекет басшысы Қасым-Жомарт Тоқаев айтты, – деп хабарлайды <a href="https://kaz.inform.kz/news/kuriltay-bilk-zhuyesn-tubegeyl-zhangirtadi-93db1683">Қазақпарат.</a><blockquote>– Баршаңызға бірінші шақырылымдағы Құрылтайдың бірінші сессиясының ашылуы құтты болсын! Бүгін еліміз өзінің даму жолында аса маңызды кезеңге аяқ басты. Бұл – мемлекетіміз үшін мән-мағынасы айрықша оқиға, тарихи сәт. Біз ұлт жылнамасының жаңа парағын ашып отырмыз. Бүгін жалпыұлттық референдум кезінде Қазақстан халқы қолдаған жаңа Конституцияға сәйкес еліміздің бір палаталы заң шығарушы органы – Құрылтай ресми түрде өз жұмысына кіріседі. Бұл – мемлекетіміздің саяси жүйесінің жаңару үдерісі дәл осы күннен бастау алады деген сөз, – деді Президент.&nbsp;</blockquote>Мемлекет басшысы төл тарихымызда Құрылтайда мемлекеттік маңызы бар мәселелер кеңінен талқыланып, ортақ шешімдер қабылданғанын атап өтті.<blockquote>– Бұл институттың жаңа кезеңде де жөні бөлек болары анық. Себебі Құрылтай билік жүйесін түбегейлі жаңғыртады, бүкіл мемлекеттік аппараттың жұмысына тың серпін береді. Құрылтай ұлттық заңнама сапасын арттыру арқылы еліміздің құқықтық негізін нығайта түседі. Осы тарихи миссияны атқару сіздерге жүктеліп отыр. Құрылтайдың бірінші шақырылымының депутаты болу – ең алдымен, ерекше сәт. Бұл – үлкен бақыт деп айтсақ, қате болмас. Осы аса абыройлы атқа сай лайықты қызмет етесіздер деп сенемін! – деді Қасым-Жомарт Тоқаев.</blockquote>Сурет: Ақорда

Құрылтай билік жүйесін түбегейлі жаңғыртады

<a href="https://kyzylorda-news.kz/">Kyzylorda-news.kz</a> Мемлекет басшысы Қасым-Жомарт Тоқаев «Қазақстан Республикасының Үкіметі туралы» жарлыққа қол қойды, – деп хабарлайды <a href="https://kaz.inform.kz/news/prezident-ukmettn-oklettgn-dogaruina-baylanisti-zharlikka-kol-koydi-1c7f381c">Қазақпарат.</a>Жарлыққа сәйкес, жаңадан сайланған Қазақстан Республикасы Құрылтайының алдында Үкіметтің өкілеттігін доғаруына байланысты қазіргі Үкімет жаңа құрам бекітілгенге дейін өз міндеттерін атқара береді.<blockquote>–&nbsp;Қазақстан Республикасы Конституциясының 69-бабының 1-тармағына, «Қазақстан Республикасының Үкіметі туралы» Қазақстан Республикасы Конституциялық заңының 4-бабына сәйкес жаңадан сайланған Қазақстан Республикасы Құрылтайының алдында Қазақстан Республикасы Үкіметінің өкілеттігін доғаруына байланысты&nbsp;ҚАУЛЫ ЕТЕМІН:Қазақстан Республикасы Үкіметінің жаңа құрамы бекітілгенге дейін Қазақстан Республикасының Үкіметі өз міндеттерін атқаратын болсын, — делінген құжатта.</blockquote>Жарлық қол қойылған күнінен бастап күшіне енді.Сурет: &nbsp;primeminister.kz

Үкімет жаңа құрам жасақталғанша өз міндетін атқарады

<a href="https://kyzylorda-news.kz/">Kyzylorda-news.kz</a> Президент Қасым-Жомарт Тоқаев Бірінші сессия отырысында Құрылтайдың ел болашағы үшін маңызы зор екенін айтты.<blockquote>«Реформаның арқасында тарихи тамыры тереңде жатқан Құрылтай ұғымы қайта жаңғырды. Ата-бабамыз ел тағдыры шешілетін сындарлы сәттерде Құрылтай шақырған. Мысалы, Талас құрылтайы алып империя – Алтын орданың құрылуына себепкер болды. Ал Ордабасы құрылтайы қиын-қыстау кезеңде барша қазақты бір байрақтың астына жинады. Бұл ұғым Ұлы даладағы парламентаризм институтының жылнамасы тереңде екенін айғақтайды. Сондықтан заң шығарушы органға Құрылтай деген атау бердік. Бұл – өткенді көксеу емес. Бұл – тарихи сабақтастықты сақтау, саяси дәстүрді заманауи басқару жүйесімен ұштастыру деген сөз. Құрылтай ұғымы халқымыздың өткенін, бірегей болмысын және жарқын болашаққа деген ұмтылысын айшықтайды. Біз өскелең ұрпақтың игілігі үшін ынтымағы жарасқан, Заң мен тәртіп үстемдік құрған Әділетті, Қауіпсіз, Таза және Күшті Қазақстанды құрып жатырмыз. Алда ауқымды жұмыс күтіп тұр. Сіздер осы миссияны іске асыруға белсене атсалысып, ең алдымен ұлттың, жалпы халықтың мүддесіне адал қызмет етесіздер деп сенемін», – деді.</blockquote>Сурет: Ақорда

Мемлекет басшысы: «Ең алдымен ұлттың, жалпы халықтың мүддесіне адал қызмет етесіздер деп сенемін»

<a href="https://kyzylorda-news.kz/">Kyzylorda-news.kz</a> Мемлекет басшысы Бірінші шақырылымдағы Қазақстан Республикасы Құрылтайының бірінші сессиясында сөз сөйлеп, депутаттарға артылатын жүктің ауыр екенін жеткізді.<blockquote>«Жалпы, Құрылтайдың алғашқы құрамына айрықша жауапкершілік жүктеледі. Депутаттар халықтың аманатына адал болып, мемлекет мүддесіне қызмет етуі керек. Бұл – анық ақиқат. Мұны ешқашан естен шығармау қажет. Қазіргі таңда еліміз дамудың даңғыл жолына түсті. Қазақстан жаңа өрлеу кезеңіне қадам басты. Биыл еліміздің болашағы үшін мән-маңызы зор көптеген тарихи оқиғалар болды. Халқымыз аз уақыт ішінде бір ұлт болып көп жұмыс атқарды. Елімізде жалпыұлттық референдум арқылы ауқымды конституциялық реформа табысты жүзеге асырылды. Осылайша, біз нағыз Халық Конституциясын қабылдадық. Жаңа Конституцияның өз күшіне енуін төл тарихымыздағы аса маңызды бетбұрыс деп бағалауға болады. Соның нәтижесінде өсіп-өркендеуімізге жол ашатын мықты заңды негіз қалыптасты. Қазіргі заманның сын-қатерлеріне төтеп бере алатын мүлде жаңа саяси-құқықтық жүйенің іргетасы қаланды. Бұл жүйе мемлекет құрылымын толық жаңғыртып, билік институттарының тиімділігін арттырады, сондай-ақ, азаматтарымыздың ел басқару ісіне атсалысуына нақты мүмкіндік береді», – деді Президент.</blockquote>Сурет: Ақорда

Президент: «Құрылтайдың алғашқы құрамына айрықша жауапкершілік жүктеледі»

<a href="https://kyzylorda-news.kz/">Kyzylorda-news.kz</a> Бүгін Астанада Мемлекет басшысы Қасым-Жомарт Тоқаевтың қатысуымен бірінші шақырылымдағы ҚР Құрылтайының бірінші сессиясы ашылды.Атап айтқанда, жақыда Орталық сайлау комиссиясында 2026 жылғы 23 тамызда өткен Қазақстан Республикасы Құрылтайының депутаттарын сайлаудың қорытындылары жарияланды.&nbsp;Бюллетеньдерді санау қорытындысы бойынша сайлаушылардың дауыстары төмендегідей бөлінді:<ul><li style="text-align:justify;">«Әділет» партиясы — 6 528 948 дауыс немесе 71,17%;</li><li style="text-align:justify;">Жалпыұлттық социал-демократиялық партия — 469 058 дауыс немесе 5,11%;</li><li style="text-align:justify;">Қазақстанның «Байтақ» жасылдар партиясы — 97 751 дауыс немесе 1,07%;</li><li style="text-align:justify;">Қазақстан Халық партиясы — 285 395 дауыс немесе 3,11%;</li><li style="text-align:justify;">«Ауыл» партиясы — 574 621 дауыс немесе 6,26%;</li><li style="text-align:justify;">«Ақ жол» Қазақстанның демократиялық партиясы — 478 083 дауыс немесе 5,21%;</li><li style="text-align:justify;">«Respublica» партиясы — 509 631 дауыс немесе 5,56%;</li><li style="text-align:justify;">«Бәріне қарсымын» — 230 446 дауыс немесе 2,51%.</li></ul>Бұл ретте, сайлау заңнамасының талаптарына сәйкес сайлаушылардың 5 және одан да көп пайыз дауысын жинаған бес саяси партия арасында депутаттық мандаттар айқындалды. Осыған байланысты Қазақстан Республикасы Құрылтайы депутаттарының 145 мандаты төмендегідей бөлінді:<ul><li style="text-align:justify;">«Әділет» партиясы — 110 мандат;</li><li style="text-align:justify;">Жалпыұлттық социал-демократиялық партия — 8 мандат;</li><li style="text-align:justify;">«Ауыл» партиясы — 10 мандат;</li><li style="text-align:justify;">«Ақ жол» Қазақстанның демократиялық партиясы — 8 мандат;</li><li style="text-align:justify;">«Respublica» партиясы — 9 мандат.</li></ul>Сурет: Ақорда

Қазақстан және Қызылорда облысының жаңалықтары