<a href="https://kyzylorda-news.kz/">Kyzylorda-news.kz</a> Қазақстан Республикасы Президентінің «Әкімдердің халықпен кездесулерін өткізу туралы» №826 Жарлығына сәйкес Сырдария ауданы әкімі Берік Әбдіғаппарұлының кент және ауылдық округ тұрғындарымен кездесуі Бесарық, Қоғалыкөл және Шіркейлі ауылдарында жалғасты.Кездесуге мәслихат депутаттары, дербес бөлім және сала басшылары қатысты.Жиын барысында аудан басшысы өңірдегі әлеуметтік-экономикалық даму көрсеткіштері мен жүзеге асырылып жатқан жобаларға тоқталды.<blockquote>– Мемлекет басшысының тапсырмасына сәйкес, халықпен тұрақты кері байланыс орнату – басты міндеттердің бірі. Әрбір елді мекеннің өзекті мәселелері кезең-кезеңімен шешімін табуы тиіс. Ауылдардың инфрақұрылымын дамыту, тұрғындардың өмір сүру сапасын арттыру бағытындағы жұмыстар алдағы уақытта да жалғасады. Тұрғындардың ұсыныс-пікірлері әрдайым назарда болады, – деді Берік Әбдіғаппарұлы.</blockquote>Бүгінде аудан көлемінде елді мекендердің инженерлік-инфрақұрылымдық әлеуетін арттыру бағытында жүйелі жұмыстар атқарылуда. Атап айтқанда, Қоғалыкөл ауылын газдандыру жұмыстарын бастауға 320 млн теңге, ал Шіркейлі ауылын газдандыру жұмыстарын бастауға 400 млн теңге қаржы бөлініп, тиісті дайындық жұмыстары жүргізілуде. Аталған жобаларды жүзеге асыру тұрғындарды табиғи газбен қамтамасыз етуге, ауылдардың әлеуметтік-тұрмыстық жағдайын жақсартуға және өңірдің инфрақұрылымдық дамуына оң әсерін тигізетін болады.Сонымен қатар, аудан басшысы аталған елді мекен тұрғындарының ұсыныс-пікірлерін тыңдап, азаматтарды жеке мәселелері бойынша қабылдады. Көтерілген мәселелерге байланысты тиісті сала басшыларына нақты тапсырмалар жүктеді.Фото: Сырдария ауданы әкімінің баспасөз қызметі

Бесарық, Қоғалыкөл және Шіркейлі ауылдарында аудан әкімінің тұрғындармен кездесуі өтті

<a href="https://kyzylorda-news.kz/">Kyzylorda-news.kz</a> Қызылорда облысының әкімі Мұрат Ергешбаев Аризона (АҚШ) геномика институтының директоры, профессор Род Вингпен кездесті. Кездесуге Парламент Мәжілісінің депутаты Мұрат Әбенов, Қазақстанның Еңбек Ері Абзал Ералиев, М. Қозыбаев атындағы Солтүстік Қазақстан университеті Басқарма төрағасы – ректор Ербол Искаков қатысты.Басқосуда аграрлық геномиканы дамыту және күріш шаруашылығына заманауи геномдық технологияларды енгізу мәселелері талқыланды.<blockquote>«Қазір облыста ауыл шаруашылығы құрылымдарын жоғары репродукциялы күріш тұқымымен қамтамасыз ететін, аттестатталған 5 тұқым шаруашылығы жұмыс істейді.Аймақта егілетін күріш дақылының 2,7 пайызы ғана – отандық, қалған 97,3 пайызы – шетелдік сорттар.Күріш селекциясын дамыту, Ресей, Қытай, Иран, Өзбекстан, Вьетнам, Түркиядан жаңа сорттарды жерсіндіру бағытында сынақ тәжірибелері жүргізілді.Ы.Жақаев атындағы Қазақ күріш шаруашылығы ғылыми-зерттеу институты ғалымдарының «Сыр сұлуы», «Айсара» сорттары мемлекеттік сорт сынағынан өтуде. Тұқым шаруашылығын дамытуға мемлекет жыл сайын субсидия береді.Бүгінде құрғақшылық пен топырақ тұздылығына бейімделген дақылдардың, вегетациялық мерзімі қысқа сорттардың егіс көлемін ұлғайту баста назарда.Жұмыс сапарыңызға сәттілік тілеймін. Күріш селекциясын дамыту жолындағы еңбегіңіз әрдайым нәтижелі болсын», – деді Мұрат Ергешбаев.</blockquote>Профессор былтырдан бері Kozybayev University жанындағы Агрокомпетенция орталығымен бірлесіп жұмыс жүргізіп келеді. Қазіргі уақытта тараптар Қызылорда облысындағы күріш шаруашылығына геномдық технологияларды енгізу бағытындағы ынтымақтастықты дамытуда. Сапар барысында профессор Қорқыт Ата атындағы Қызылорда университетіне барып, оқу орнының ғылыми-зерттеу әлеуетімен және заманауи зертханалар жұмысымен танысады. Бұдан бөлек, «Абзал и К» ЖШС күріш өңдеу зауытына, Нағи Ілиясов ауылына және «Мағжан и К» серіктестігінің егіс алқаптарына барады.​Айта кету керек, өңірде 270 мың гектар суармалы жер бар. Оның 179 мың гектарға жуығы – алты массивте орналасқан, инженерлік жүйеге келтірілген ауыспалы егіс алқаптары.Жыл сайын вегетациялық кезеңге 3,2-3,6 млрд текше метр көлемінде суармалы су лимиті бекітіледі. Осы лимитке сәйкес 185-190 мың гектар жерге ауыл шаруашылығы дақылдары егіледі.Сыр өңірінің негізгі дақылы саналатын күріш жыл сайын 85-90 мың гектар алқапқа себіліп келген. Алайда кейінгі жылдары суармалы су тапшылығына байланысты күріш егісінің көлемін 70 мың гектарға дейін қысқарту жоспарлануда. Өңірде республикадағы жалпы күріш көлемінің 90 пайызы өндіріліп, өнімнің 35-40 пайызы экспортқа шығарылады.Фото: Қызылорда облысы әкімінің баспасөз қызметі

Облыс әкімі Аризона геномика институтының директоры Род Вингпен кездесті

<a href="https://kyzylorda-news.kz/">Kyzylorda-news.kz</a> Облыс әкімі Мұрат Ергешбаев, Парламент Сенатының депутаты Руслан Рүстемов және облыстық мәслихат төрағасы Мұрат Тлеумбетов «Қайсар- Аренада» өткен қостанайлық “Тобыл” мен жергілікті “Қайсар” футбол клубтары арасындағы Қазақстан Премьер-лигасының матчын тамашалады.Ойын алдында аймақ басшысы жергілікті футболшылармен кездесіп, ізгі тілегін білдірді.Қайсарлықтар Мұрат Нәлқожаұлына қолдауы үшін алғыс айтып, клуб атынан естелік сый-сияпат табыстады.Тартысты матч нәтижесі 2:1 есебімен аяқталып, “Қайсар” футбол клубы Қазақстан Премьер-Лигасында алғаш рет жеңіске жетті.Еске салсақ, Мемлекет басшысының тапсырмасына сәйкес, былтыр жыл соңында “Қайсар” футбол клубы жеке басқаруға берілген болатын. Клубтың жаңа иесі - белгілі кәсіпкер Исламғали Қозбақов. Өңір спортын дамыту, әсіресе футболды ілгерілету мақсатында инвестор демеушілігімен 20 млрд теңгеге «Қайсар» балалар академиясының құрылысы салынып жатыр. Онда 6 футбол алаңы, жабық манеж және медициналық орталық қарастырылған, 2027 жылдың соңына дейін пайдалануға берілмек.Облыста 2022 жылдан бері 24 заманауи спорт кешені ел игілігіне табысталды. Биыл елді мекендерде соңғы үлгідегі 3 спорт нысаны іске қосылады.Фото: Қызылорда облысы әкімінің баспасөз қызметі

Аймақ басшысы жергілікті «Қайсар» футбол клубына қолдау көрсетті

<a href="https://kyzylorda-news.kz/">Kyzylorda-news.kz</a> Қызылорда облысы Полиция департаменті Есірткі қылмысына қарсы іс-қимыл басқармасының ұйымдастыруымен жастар арасында есірткінің зиянын түсіндіру және салауатты өмір салтын насихаттау мақсатында, есірткіге қарсы комикс әзірлеу байқауы өткізілді. Аталған байқау жасөспірімдердің шығармашылық қабілетін дамытуға, құқықтық сауаттылығын арттыруға және қоғамдағы зиянды әдеттердің алдын алуға бағытталды.Байқауға Қызылорда облысының білім беру ұйымдарының оқушылары мен студенттері белсене қатысып, есірткіге қарсы тақырыптағы мазмұнды әрі көркемдік тұрғыдан жоғары деңгейдегі комикс жұмыстарын ұсынды. Қатысушылар өз туындылары арқылы жастарды салауатты өмір салтын таңдауға, зиянды әдеттерден аулақ болуға, өмір мен денсаулықтың құндылығын бағалауға шақырды. Сонымен қатар жұмыстарда қоғам үшін өзекті болып отырған мәселелер көркем сюжеттер арқылы ашық көрсетілді.Байқау қорытындысы бойынша жеңімпаздар анықталды: І орынды – Қызылорда қаласы №215 орта мектеп оқушысы Зейнулла Аян мен Жалағаш ауданы №116 орта мектеп оқушысы Әди Дидар иеленді; ІІ орын – Шиелі ауданы №45 мектеп-гимназиясының оқушысы Асқарова Айару және №127 мектеп-лицей оқушысы Тұрсынбай Сабинаға бұйырды; ІІІ орын – Қызылорда қаласы №296 орта мектеп оқушысы Ертай Каусар, №176 орта мектеп оқушысы Өтеген Дарын, Жалағаш ауданы №203 орта мектеп оқушысы Тасжарғанова Қарлығаш, №118 орта мектеп оқушысы Аманкелдіқызы Кәусар, Қармақшы ауданы №27 орта мектеп оқушысы Бағдатұлы Мансұр, М.Мәметова атындағы Қызылорда педагогикалық жоғары колледж студенті Жеткереген Жанна, Қазалы ауданы №226 мектеп-гимназия оқушысы Әлиханов Бекхан, Арал ауданы №14 орта мектеп оқушысы Қосанов Еркебұланға берілді.Ұйымдастырушылар мұндай байқаулар жасөспірімдер арасында құқық бұзушылықтың алдын алуға, шығармашылық белсенділікті арттыруға және салауатты өмір салтын қалыптастыруға оң ықпал ететінін атап өтті.

Сурет арқылы санаға әсер: есірткіге қарсы комикс байқауы

<a href="https://kyzylorda-news.kz/">Kyzylorda-news.kz</a> Қармақшы аудандық жастар ресурстық орталығының ұйымдастыруымен Қармақшы ауданы, Ақтөбе ауылында жастар ұйымдары мен жастар қызметкерлері арасында шағын футболдан аудан әкімінің кубогы үшін облыстық турнир өтті.Турнирдің ашылу салтанатына «AMANAT» партиясы облыстық филиалының төрағасы Жандос Базартай қатысып, қатысушыларға сәттілік тіледі.Өз сөзінде ол партия тарапынан бұқаралық спортты дамыту және спорт саласын қолдау бағытында атқарылып жатқан жұмыстарға тоқталды. Сондай-ақ, партияның сайлауалды бағдарламасы аясында барлық аудандарда спорттық-сауықтыру кешендері салынып жатқанын атап өтті.<blockquote>«Жастардың спортпен тұрақты айналысуына жағдай жасау – біздің басты міндеттеріміздің бірі. Осындай жарыстар жастар арасындағы достықты нығайтып, саламатты өмір салтын насихаттайды», – деді&nbsp;AMANAT» партиясы облыстық филиалының төрағасы Жандос Базартай.</blockquote>Тартысты өткен турнирге облыс көлемінен 8 команда қатысып, өзара бақ сынасты.Нәтижесінде «AMANAT» партиясы жанындағы «Жастар Рухы» ЖҚ Қызылорда облыстық филиалының командасы жеңімпаз атанды.&nbsp;Айта кетейік, спорттық шаралар алдағы уақытта да жалғасын табатын болады.&nbsp;

Қармақшы: Шағын футболдан облыстық турнир өтті 

<a href="https://kyzylorda-news.kz/">Kyzylorda-news.kz</a> Облыс әкімі Мұрат Ергешбаев, ҚР Парламенті Сенатының депутаты Руслан Рүстемов, облыстық мәслихат төрағасы Мұрат Тлеумбетовпен бірге Шиелі ауданына жұмыс сапарымен барды.Аймақ басшысының сапары қайта жаңғыртудан өткен Оқшы ата кесенесін аралаудан басталды. Оқшы ата кесенесі – Шиелі ауданының Жөлек ауылынан 7 шақырым қашықта орналасқан, IX-X ғасырда салынған көне архитектуралық ескерткіштердің бірі. Облыс әкімі тарихи нысанда жүргізілген қайта қалпына келтіру жұмыстарымен танысып, аумағын абаттандыру бойынша бірқатар тапсырма берді.Одан кейін Алғабас ауылындағы «Жер – Жомарт Д» шаруа қожалығының егістік алқабына барды. 2014 жылы құрылған шаруашылық негізінен күріш және бау-бақша өнімдерін өсіруге басымдық береді.<img src="https://knadmin.beoblood.kz/uploads/FB_IMG_1779031274535_5c4608ba08.jpg" alt="FB_IMG_1779031274535.jpg">Биыл шаруалар 1256 гектар жерге егін екті. Оның &nbsp;214 гектары - күріш, 175 гектары - &nbsp;бау-бақша, 80 гектары - жоңышқа, 17 адам тұрақты жұмыспен қамтылған. Аймақ басшысы егін алқабында шаруалармен аграрлық саланы дамыту бағытында атқарылатын жұмыстар туралы пікір алмасты.Ал тұрғындармен кездесу Шиелі кентіндегі «Руханият орталығында" өтті. Онда ауданның әлеуметтік-экономикалық даму барысы, елді мекендердің инфрақұрылымын жетілдірудегі мәселелер талқыланды.Мұрат Нәлқожаұлы елдің бірлігі мен тұрақтылығын нығайтуда жұртшылықтың, ел ағаларының ақыл-кеңесі мен ұсыныс-пікірлері &nbsp;маңызды екенін атап өтті.&nbsp; Басқосуға жиналған көпшілік қолға алынған бастамалардың, алдағы жоспарлардың жемісті болуына тілек білдірді. &nbsp; &nbsp;Жұмыс сапары соңында аймақ басшысы 836 млн теңгеге күрделі жөндеуден өткен Шиелі теміржол вокзалында болды. Ғасырдан астам тарихы бар вокзалдан &nbsp;тәулігіне 200-ге дейін жолаушы сапарға шығады. &nbsp;Ғимараттың жалпы ауданы – 637 шаршы метр, бүгінде ауданның сәулетті нысандарының біріне айналды.&nbsp;Аймақ басшысы жұмыс сапарының қорытындысында жауапты сала жетекшілеріне кент және елді мекендерді дамыту бағытында нақты тапсырмалар берді.<img src="https://knadmin.beoblood.kz/uploads/FB_IMG_1779031254106_bafbd8a053.jpg" alt="FB_IMG_1779031254106.jpg">

Аймақ басшысы жұмыс сапарымен Шиелі ауданына барды 

Күрделі мәселенің күрмеуін шешуге күш салған артық етпейді. Әсіресе, күн тәртібінен түспейтін жемқорлықпен күресті бәсеңдетуге болмас. ҚАЖ департаментіне қарасты №68 мекемесінде сыбайлас жемқорлықты алдын алу тақырыбында келелі жиын өтті.Қоғамдағы кесел туралы кесек ойға кезек беріліп, нақты мысал да келтірілді. Алдымен, Қызылорда облысы бойынша ҚАЖ департаменті бастығының орынбасары әділет полковнигі Наурызбаев Бахыт Абибуллаұлы басқосудың мәні мен мақсатын айтып өтті. Ал, жиынға арнайы қатысқан ҚР Мемлекеттік қызмет істері агенттігінің Қызылорда облысы бойынша департаментінің басшысы Мендалиев Ерлеген Жәрдемұлы құмар ойынға әуестік, жеңіл жолмен табыс табуды көздеу, қызметтік мүмкіндікті жеке пайдаға жарату – мұның бәрі адамды кәсіби жолдан тайдыратынын ескертті.Жең ұшынан жалғастын жемқорлықтың құрдымға жіберері рас. Бұл ретте, Қызылорда облысы бойынша ҚАЖ департаменті Өзіндік қауіпсіздік тобының АМІЖ аға жедел уәкілі әділет подполковнигі Жоламанов Серік Данабекұлы жеке құрамға заңдылықты сақтап, әр әрекетте әділдік пен жауапкершілікті алға қою қажеттігін айтты.

Адал ұстанымға ортақ ұмтылыс

<a href="https://kyzylorda-news.kz/">Kyzylorda-news.kz</a> Облыс әкімі Мұрат Ергешбаев «Достық үйінде» зиялы қауым өкілдерімен кездесті.&nbsp;Кездесуде өңірді дамыту бағытында атқарылған жұмыстар, қолға алынған бастамалар мен алдағы міндеттер талқыланды.<blockquote>«Өздеріңізге белгілі, жақында ғана Премьер-министрдің бірінші орынбасары қызметіне тағайындалған Нұрлыбек Машбекұлы төрт жылдан астам уақыт облысымызды басқарған тұста ауқымды жұмыс атқарылды. Бірлігі бекем жұртымыз тың бастамаларға үнемі қолдау көрсетті. &nbsp;Облыстың негізгі макроэкономикалық көрсеткіштерінің өсімі 107 пайызға жетті. Экономиканы әртараптандыру мақсатында алдағы үш жылда 1 трлн 900 млрд теңгеге бағаланған 48 инвестициялық жоба іске асырылып, 10 мыңнан аса жаңа жұмыс орны ашылады. Биыл 1 трлн теңгеге 14 ірі жобаның құрылысы басталады», - деді Мұрат Нәлқожаұлы.</blockquote>Президенттің, Үкіметтің ерекше қолдауымен өңірде 200-ге жуық әлеуметтік нысан бой көтерді. Сыр жұртшылығының бекем бірлігі мен тату тірлігі барлық жетістікке арқау болды.<img src="https://knadmin.beoblood.kz/uploads/FB_IMG_1778961329672_d777fff93d.jpg" alt="FB_IMG_1778961329672.jpg">Облыс тұрғындары орталықтандырылған сапалы ауыз сумен 100 пайыз, Қызылорда қаласындағы көпқабатты үй тұрғындары ыстық сумен қамтамасыз етілді.Жыл соңына дейін 10 елді мекенді газдандыру, көгілдір отынға қолжетімділік көрсеткішін 85 пайызға арттыру жоспарланған.&nbsp;Тұрғын үй кезегіндегі азаматтарға 8 мыңға жуық пәтер кілті табысталды.Бүгін сол жағалауда бой көтерген үйлердің 600 пәтері иелеріне салтанатты түрде берілді. &nbsp;Облыстағы 141 шақырым автомобиль жолдары, көшелер мен көпір өткелдері жөнделіп, жақсы жағдайдағы жолдар үлесі 96%-ға жеткізілмек.&nbsp;Мемлекет басшысының бастамасымен жүзеге асырылып жатқан «Таза Қазақстан» республикалық экологиялық бағдарламасы аясында &nbsp;Президент саябағы жаңадан салынды.Бүгін саябақ аумағында жыл бойы үздіксіз жұмыс істейтін 300 орындық &nbsp;оқу-сауықтыру орталығы балалар игілігіне айналды.Одан бөлек, осы маңда &nbsp;Ботаникалық білім беру орталығы салынуда. &nbsp;Жыл басында &nbsp;өткен V Ұлттық құрылтайда Мемлекет басшысы берген тапсырмаға сәйкес, Қызылорда қаласында 300 орындық көпбейінді аурухана, 400 және 500 орындық екі емхана, 200 орындық перинаталдық орталық, драма театр мен заманауи &nbsp;кітапхана құрылысы жүріп жатыр.«Батыс Еуропа – Батыс Қытай» халықаралық автодәлізінің Қызылорда – Ақтөбе бағытындағы жолын төрт жолақты етіп кеңейту жобасының бірінші кезеңі қарқын алды.&nbsp;Ал «Бейнеу – Сексеуіл» &nbsp;бағыты бойынша облыс аумағынан өтетін 189 шақырым жолдың құрылысы жақын күндері басталады.Жиында Тұрғанбай Маханов, Бақберген Досманбетов, Айтбай Көшербаев, Өмірбек Шәменов, Шаһизада Әбдікәрімов сөз сөйлеп, алда атқарылатын жұмыстардың жемісті болуына тілек білдірді.<img src="https://knadmin.beoblood.kz/uploads/FB_IMG_1778961352972_10668e8c6e.jpg" alt="FB_IMG_1778961352972.jpg">

Облыс әкімі зиялы қауым өкілдерімен кездесті 

Облыс әкімі Мұрат Ергешбаев, Парламент Сенаты мен Мәжілісінің депутаттары Руслан Рүстемов, Мұрат Әбенов, Мархабат Жайымбетов, мәслихат депутаттары, зиялы қауым өкілдері мен ел ағалары Мемлекет басшысының қолдауымен салынған, жыл бойы үздіксіз қызмет көрсететін «AI-KERIM» оқу-сауықтыру орталығының ашылу рәсіміне қатысты.<img src="https://knadmin.beoblood.kz/uploads/FB_IMG_1778961079531_ea02e6c096.jpg" alt="FB_IMG_1778961079531.jpg">Оқу жылы аяқталуға жақын қалғанда оқушылар демалысын тиімді ұйымдастыру үшін іске қосылған орталық Президент саябағы аумағында орналасқан. Құрылысы былтыр қыркүйек айында сол кездегі аймақ басшысы Нұрлыбек Машбекұлының бастамасымен &nbsp;қолға алынған болатын. Бүгінде өңірде 180 мыңға жуық мектеп оқушысы бар. Олар жазғы демалысын қызықты әрі пайдалы өткізуі үшін кешенді жұмыс жоспарланған. Биыл 170 мыңнан астам жеткіншектынығу лагерьлеріне, 150 мыңға жуығы мектеп жанындағы лагерьлерде демалады. Өңірде 7 лагерь жұмыс істейді. Рәсімде облыс әкімі жаңа орталық жас ұрпақтың жан-жақты дамуына, демалысына және бос уақытын тиімді өткізуіне мүмкіндік беретін маңызды жоба екенін атап өтті.<blockquote>«Бүгін Президент саябағы аумағында Мемлекет басшысының қолдауымен жыл бойы үздіксіз қызмет көрсететін оқу-сауықтыру орталығын ашып отырмыз. 10 млрд теңгеге салынған жаңа нысанның материалдық-техникалық базасы әлемдік озық стандарттарға толық сәйкес келеді. 300 орындық орталық аумағында 5 мың шаршы метрге жуық әкімшілік ғимарат, ауқымды іс-шараларға арналған ивент-аймақ, 4 жайлы жатақхана және қонақүй үлгісіндегі ғимарат бар. Сонымен қатар балалардың демалысын тиімді ұйымдастыру үшін барлық қажетті инфрақұрылым мен заманауи жабдықтар орнатылып, демалыс аймақтары жасақталған. Алдағы уақытта 17 мыңнан астам шаршы метр аумағы толық абаттандырылып, көгалдандырылады. Халықаралық Балаларды қорғау күні қарсаңында ашылып отырған бұл орталық Мемлекет басшысының қолдауымен жас ұрпаққа жасалған тамаша тарту, – деді Мұрат Нәлқожаұлы.</blockquote>Оқу-сауықтыру орталығының басты ерекшелігі – қасында заманауи стандарттарға сай Ботаникалық бақтың болуы. Мұнда балалардың экологиялық білімін жетілдіруге және өсімдіктердің экожүйедегі маңызын түсіндіруге бағытталған оқу-танымдық жұмыстар жүргізіледі. Оңтүстік Африка, Орталық және Оңтүстік Америка, Қытайдан әкелінген өсімдіктер өсіріледі. Президент саябағы аумағы да Қызылордадағы қарқынды құрылыс алаңына айналған. Тұрғын үйлер, әлеуметтік нысандар, демалыс орындары біртіндеп бой көтеріп келеді. Оқу-сауықтыру орталығы – мұндағы іске қосылған алғашқы нысан.&nbsp; Кейінгі жылдары аймақта Мемлекет басшысының және Үкіметтің қолдауымен 200-ге жуық әлеуметтік нысан салынғаны белгілі. Бір ғанабілім беру саласында 43 нысан пайдалануға берілді. Олардың қатарында Президент бастамасымен қолға алынған «Келешек мектептері» ұлттық жобасы аясындағы 10 мектеп,физика-математика бағытындағы «Білім-инновация» лицей-интернаты, музыкалық колледждің жаңа оқу ғимараты мен жатақханасы, «Оқушылар сарайы» және «Сыр жұлдыздары» академиясы бар. Жалағаш, Жаңақорған және Шиелі аудандарындағы «Оқушылар үйі» мен «Өнер мектебі» жас жеткіншектердің шығармашылық және зияткерлік әлеуетін дамытуға қызмет етуде. Рәсімде Мұрат Абдуламитұлы, Руслан Рүстемұлы, мемлекет және қоғам қайраткері Мұрат Бақтиярұлы сөз сөйледі. Білім беру саласының дамуына елеулі үлес қосқан ұстаздар қауымы, жаңа нысан құрылысын мерзімінде аяқтаған мердігер мекеме қызметкерлері облыс әкімінің Алғыс хатымен марапатталды.<img src="https://knadmin.beoblood.kz/uploads/FB_IMG_1778961093861_24c5721747.jpg" alt="FB_IMG_1778961093861.jpg">

Қызылордада «AI-KERIM» оқу-сауықтыру кешені пайдалануға берілді 

Фото: Қызылорда облысы әкімінің баспасөз қызметі Бүгін облыс әкімі Мұрат Ергешбаевтың, ҚР Парламенті Сенаты мен Мәжілісінің депутаттары Руслан Рүстемов, Мұрат Әбенов, Мархабат Жайымбетовтің, мәслихат депутаттары, зиялы қауым өкілдері, ел ағаларының қатысуымен сол жағалаудағы 10 тұрғын үй кешенінің 600 пәтерін иелеріне табыстау рәсімі өтті.Қызылорда қаласындағы Сырдария өзенінің сол жағалауы – кейінгі жылдары ерекше қарқынмен дамыған аумақ. Мұнда әлеуметтік нысандар мен тұрғын үй саны жыл өткен сайын артып келеді. Осы аумақта заманауи урбанистикалық шешімдер негізінде жайлы әрі қолайлы инфрақұрылым қалыптасып үлгерді. Бүгінде сол жағалауда 169 нысан бар, 136 көпқабатты тұрғын үй пайдалануға беріліп, мыңдаған отбасы баспаналы болды. Халыққа қолайлы орта қалыптастыру мақсатында 20 әлеуметтік және 13 бизнес нысаны жұмыс істейдіҚазіргі уақытта мұнда 47 құрылыс салынып жатыр. Оның 25-і –көпқабатты тұрғын үй, 20-сы –кәсіпкерлік нысан, бір аурухана және бір емхана. Тұрғындардың қауіпсіз жол қозғалысын ұйымдастыру мақсатында Иса Тоқтыбаев көшесінен сол жағалауға өтетін төрт жолақты жаңа автомобиль көпірін салу жоспарланған.Жаңа шағын аудан тұрғындарының саны 25 мыңнан асты, мектеп, балабақша, сауда орындары халық сұранысына сай қызмет көрсетеді. Қоғамдық көлік үздіксіз қатынайды. Бүгін кілті тапсырылған жаңа үйлердің тұрғындары да сол жағалаулықтар қатарын толықтырды. Салтанатты рәсімде сөз сөйлеген аймақ басшысы кейінгі жылдардағы халықтың тұрмыс сапасын арттыруға бағытталған ауқымды жобаларды атап өтті. «Мемлекет басшысы Қасым-Жомарт Кемелұлы «Қолжетімді баспана – арман емес, біздің азаматтарымыздың алдындағы міндетіміз» деген болатын. Бүгін тұрғын үй кезегінде тұрған жерлестерімізге жалпы аумағы 33 мың шаршы метрден асатын 600 пәтердің кілтін табыстап отырмыз. Тұрғын үй кешенінің аумағында екі футбол, төрт спорт және ойын алаңы, тынығу аймағы, 250 орындық автотұрақ және үш коммерциялық нысан орналасқан. Алдағы уақытта да шаһар келбетіне сән беретін заманауи тұрғын үйлер бой көтереді. Меншікті баспана – тұрақтылық пен ертеңгі күнге деген сенімнің кепілі. Жаңа қоныстарыңыз құтты болсын! Әр шаңыраққа бақ-береке, ырыс пен ынтымақ тілеймін», – деді Мұрат Ергешбаев.

Қызылордада бір күнде 600 отбасы баспаналы болды

<a href="https://kyzylorda-news.kz/">Kyzylorda-news.kz</a> Қызылорда облысының Жаңақорған кентіндегі А.Абдуллаев атындағы зияткерлік мектеп-интернатында Ғазиз Байтасов атындағы «Жас сақшы» полиция сыныбының салтанатты ашылу рәсімі өтті.Іс-шараға Қызылорда облысы Полиция департаментінің Ардагерлер кеңесінің төрағасы Шаймағамбетов Әмірбек Бердібекұлы және Жеке құраммен жұмыс жөніндегі басқармасының бастығы Асқар Балқожаев қатысып, жас сақшыларға сәттілік тіледі.<img src="https://knadmin.beoblood.kz/uploads/policziya_fabaeed390.jpeg" alt="полиция.jpeg">Салтанатты жиын барысында «Жас сақшы» полиция сыныбының негізгі мақсат-міндеттері таныстырылды. Атап айтқанда, жас ұрпақты отансүйгіштікке тәрбиелеу, құқықтық мәдениетті қалыптастыру, тәртіп пен жауапкершілікке баулу, сондай-ақ полиция қызметінің беделін арттыру бағытындағы жұмыстар кеңінен айтылды.Шара аясында ант қабылдау рәсімі өткізіліп, сынып құрамына қабылданған 15 оқушыға арнайы куәліктер табысталды.Ғазиз Байтасов – ел тыныштығы мен қоғамдық қауіпсіздікті қорғау жолында ерлікпен қаза тапқан батыр сақшы. Ол 1971 жылы Жамбыл облысында дүниеге келген. Ішкі істер органдарындағы қызметінде кәсібилігімен, батылдығымен және адамгершілік қасиеттерімен ерекшеленіп, әріптестерінің зор құрметіне ие болды.<img src="https://knadmin.beoblood.kz/uploads/policziya_1910e7bcd5.jpeg" alt="полиция.jpeg">2011 жылғы 12 қарашада Тараз қаласында орын алған лаңкестік оқиға кезінде полиция капитаны Ғазиз Байтасов аса қауіпті қылмыскерді тоқтату барысында ерекше ерлік көрсетті. Қылмыскерді құрықтау кезінде ол өз өмірін қатерге тігіп, бейбіт тұрғындардың қауіпсіздігі үшін жан аямай күресті. Қарулы лаңкес өзін-өзі жарып жіберген сәтте батыр сақшы ауыр жарақат алып, ерлікпен қаза тапты.Көрсеткен жанқиярлығы мен антына адалдығы үшін Ғазиз Байтасов Қазақстан Республикасы Президентінің Жарлығымен «Халық қаһарманы» атағына ие болды. Оның ерлігі мен жарқын бейнесі ел жадында мәңгі сақталады.<img src="https://knadmin.beoblood.kz/uploads/policziya_2aab5d3687.jpeg" alt="полиция.jpeg">Шара барысында қатысушылар батыр сақшының рухына тағзым етіп, оның өнегелі өмір жолы мен ерлігі кейінгі жас буын үшін әрдайым үлгі екенін атап өтті.<blockquote>– «Ер есімі – ел есінде. Батыр полицейдің өмір жолы мен ерлігі жас ұрпақты отансүйгіштікке, батылдыққа және адалдыққа тәрбиелейді. Осындай “Жас сақшы” сыныптарының ашылуы – келешек ұрпаққа тағылым беретін маңызды бастама», – деді полиция подполковнигі Асқар Балқожаев.</blockquote>Салтанатты шара соңында оқушылар мен қонақтар ел тыныштығы жолында қызмет етудің маңыздылығын ерекше атап өтті. Ғазиз Байтасовтың ерлігі мен антына адалдығы жас ұрпақ жадында мәңгі сақталары сөзсіз.

Қызылорда облысында Ғазиз Байтасов атындағы «Жас сақшы» полиция сыныбы ашылды

<a href="https://kyzylorda-news.kz/">Kyzylorda-news.kz</a> Мемлекет басшысы Қасым-Жомарт Кемелұлының Арал теңізінің құрғаған ұлтанындағы 1 млн. 100 мың гектар жерге бес жыл ішінде сексеуіл егу тапсырмасы жоспарға сәйкес орындалуда.Бүгінде өңірде сексеуіл көшеттерін дайындау үшін орман шаруашылығы мекемелерінде уақытша тұқымбақ ұйымдастырылған. Одан бөлек, Дүниежүзілік банктің қаржыландыруымен 2024 жылы Қазалы ауданында 441 млн. теңгеге аумағы 33,5 гектар тұқымбақ салынып, пайдалануға берілген болатын.ҚР Экология және табиғи ресурстар министрлігінің Орман шаруашылығы және жануарлар дүниесі комитеті төрағасының орынбасары Мақсат Елемесов Арал теңізінің құрғаған ұлтанында жүргізіліп жатқан орман-мелиорациялық шаралардың жүзеге асу барысын көру және сексеуіл көшеттерін егу жұмыстарымен танысу мақсатында өңірге жұмыс сапарымен келді.Мақсат Мұратұлы өңірге жасаған жұмыс сапарын Қазалы ауданындағы сексеуіл көшеттерін егумен айналысатын тұқымбақтардың жұмысымен танысуымен бастады.Ауданға келген жұмысшы топ өкілдері аудан әкімі Алмасбек Есмахановпен бірге алдымен Қазалы қаласындағы «Республикалық орман селекциялық тұқым өсіру орталығы» РМҚК Оңтүстік-батыс аймақ филиалының және Қазалы орман мекемесінің тұрақты тұқымбақтарының жұмысымен танысты.«Республикалық орман селекциялық тұқым өсіру орталығы» РМҚК Оңтүстік-батыс аймақ филиалы 2011 жылы пайдалануға берілген. Мұнда таулы аймақтарда өсетін айлант, катальпа, туя секілді сәндік 10 түрлі ағаш көшеттері жерсіндірілсе, ал жеміс ағаштарынан 5 түрлі ағаш көшеттері өсірілуде. Арал теңізінің құрғаған табанына отырғызылатын сексеуіл көшеттері де осы жерде дайындалады. Мәселен, өткен жылдың күзінде 3,33 гектар аумаққа сексеуіл тұқымы себілген. Қазіргі таңда сексеуілдің шығымдылығы жақсы. 3,33 гектар жерден 1 миллионнан астам дана сексеуіл өсіп тұр. Биыл күзде тұқымбақта 5 гектар жерге сексеуіл көшетін егу жоспарланып отыр.Қазалы ауданында 2024 жылы Дүниежүзілік банк қаржысы есебінен 33,5 гектар аумаққа жаңа тұқымбақ салынды. Жобаның жалпы құны 440,7 млн теңгені құраса, арнайы техникалар сатып алуға қосымша 179 млн теңге бөлінген. Мұнда сексеуіл және өзге де ағаш көшеттері өсіріліп, Арал теңізінің құрғаған ұлтанындағы орман-мелиорациялық жұмыстарға пайдаланылуда. Көшеттерді суаруда арнайы технологиялар қолданылуда.Тұқымбақ аумағындағы 10 гектар жерге күз айларында сексеуіл тұқымы себіліп, көктемде 3 миллион дана сексеуіл көшеттері жиналып, Арал теңізінің құрғаған ұлтанына отырғызылады. Сондай-ақ мұнда сәндік ағаштар мен жеміс ағаштары жыл сайын тұрақты егіліп отырады. Қазіргі таңда аталған тұқымбақта жергілікті жерден 45 адам жұмыспен қамтылған.Ауданға келген арнайы топтың жұмыс сапары кезінде Қызылорда облысының табиғи ресурстар және табиғат пайдалануды реттеу басқармасының басшысы Ғалымжан Еркебай, Қызылорда облыстық орман шаруашылығы және жануарлар дүниесі аумақтық инспекциясының басшысы Марат Нұрмағамбетов, «Республикалық орман селекциялық тұқым өсіру орталығы» РМҚК бас директоры Әліби Ғазиз және Ә.Н. Бөкейхан атындағы Қазақ орман шаруашылығы және агроорманмелиорация ғылыми-зерттеу институты облыстық филиалының директоры Самалбек Қосанов бірге жүрді.

Қазақстан және Қызылорда облысының жаңалықтары