<a href="https://kyzylorda-news.kz/">Kyzylorda-news.kz</a> Бүгін облыс әкімі Мұрат Ергешбаевтың төрағалығымен мәжіліс өтіп, онда Қызылорда қаласының санитарлық тазалығына қатысты мәселелер талқыланды.Облыс әкімінің тапсырмасымен 24-25 тамыз күндері қала аумағындағы санитарлық тазалыққа, тұрғын үй аулалары мен ойын алаңдарының жай-күйіне, сондай-ақ абаттандыру жұмыстарына зерделеу жүргізіліп, кемшіліктер анықталған.Мұрат Нәлқожаұлы бірқатар ескерту айтып, жауапты сала басшыларына нақты міндеттер жүктеді.<blockquote>«Қала әкімдігі жауапты мекеме басшыларымен бірлесіп, кемшіліктерді тез арада жойып, қалпына келтіруі керек. Тағы бір өзекті мәселе – тұрғындардан «109» бірыңғай байланыс орталығына келіп түсетін шағымдар. Олардың басым бөлігі тазалық пен қауіпсіздікке қатысты. Бұл мәселелерді шешудің нақты жолдарын қарастырыңыздар. Бұған дейін қала аумағының санитарлық тазалығын күнделікті бақылау үшін арнайы секторлық бөлініс жасалып, әр секторға облыс әкімінің және қала әкімінің орынбасарлары жауапты болып бекітілген. Осы бөлініске сәйкес өздеріңізге бекітілген аумақтарды тұрақты аралап, жағдайды қатаң бақылауда ұстаңыздар. Өткен Үкімет отырысынан кейінгі жиында Астана қаласы әкімдігінің қалалық инфрақұрылым және тіршілікті қамтамасыз ету мәселелері жөніндегі бірыңғай байланыс орталығының қызметін зерделеп, бірыңғай алгоритм қалыптастыруды тапсырған болатынмын. Осы тапсырма аясында жүйелі жұмысты қолға алыңыздар», – деді облыс әкімі.</blockquote>

Санитарлық тазалық күнделікті бақылауда болуы керек

<a href="https://kyzylorda-news.kz/">Kyzylorda-news.kz</a> Мемлекет басшысының сотталғандарды қайта әлеуметтендіру жұмыстарын күшейту жөніндегі тапсырмасын іске асыру мақсатында Қызылорда облысы бойынша қылмыстық-атқару жүйесі департаментінің №37 мекемесінде сотталғандарды еңбекке тарту арқылы қоғамға бейімдеуге бағытталған пилоттық жоба жүзеге асырылуда.&nbsp;Жобаның негізгі мақсаты – сотталғандарды жұмыспен қамту арқылы еңбек дағдыларын қалыптастыру, жауапкершілік сезімін арттыру және бостандыққа шыққаннан кейін қоғамға қайта бейімделуіне қажетті жағдай жасау.Осы бағытта мекеме әкімшілігі жеке кәсіпкерлермен және кәсіпкерлік субъектілерімен бірлесіп, сотталғандарды тұрақты жұмыспен қамту бойынша жүйелі жұмыстар жүргізіп келеді. Жоба аясында сотталғандарға жұмыс берушілердің өндірістік нысандарында еңбек етуге мүмкіндік беріліп, олардың тұрмыстық қажеттіліктері де қамтамасыз етілуде. Атап айтқанда, жұмысшылар жатақханамен, үш мезгіл тамақпен, арнайы киіммен және қажетті тұрмыстық жағдайлармен қамтылған.Өндірістік нысандарда құқықтық тәртіп пен белгіленген режим талаптарының сақталуы ҚАЖ қызметкерлерінің тәулік бойғы бақылауында.&nbsp;Қазіргі таңда "Уналбаев" жеке кәсіпкерлігінде 27 сотталған тұрақты еңбек етуде. Олар құм-блок өнімдерін өндірумен және арнайы техникаларды жөндеумен айналысады. "Алимбаев" жеке кәсіпкерлігінде 16 сотталған жұмыс істеп, тұрмыстық заттарды түгендеу және оларды сауда орындарына өткізуге дайындау жұмыстарын атқарады.&nbsp;Сонымен қатар "Dalatex" ЖШС-де 14 сотталған тігін өндірісіне тартылған. Еңбекпен қамту сотталғандардың уақытын тиімді өткізуіне ғана емес, өз еңбегімен табыс табуына, кәсіби тәжірибе жинақтауына және қоғам алдындағы жауапкершілігін сезінуіне мүмкіндік береді.&nbsp;Қызылорда облысы бойынша ҚАЖ департаменті сотталғандарды еңбекпен қамту, кәсіби дағдыларын дамыту және олардың қоғамға қайта бейімделуіне жағдай жасау бағытындағы жұмыстарды алдағы уақытта да жалғастырады.<img src="https://knadmin.beoblood.kz/uploads/Whats_App_Image_2026_08_27_at_11_15_23_5410d4d4af.jpeg" alt="ҚАЖ.jpeg">

ҚАЖ мекемесінде пилоттық жоба жүзеге асырылып жатыр

<a href="https://kyzylorda-news.kz/">Kyzylorda-news.kz</a> Қазалы ауданының әкімі Алмасбек Есмаханов Қазалы ауданындағы Сол жағалау алабындағы коллекторлар жүйесін реконструкциялау және «Нартай» каналын күрделі жөндеу жұмыстарының барысын көріп, нысандардағы атқарылып жатқан жұмыстармен танысты.Сол жағалау алабындағы 1-ГД, 2-ГД, К-3-2 коллекторлар жүйесін реконструкциялау жобасының жалпы құны – 2 млрд 405,4 млн теңге. Аймақты төрт жылдан астам уақыт басқарған Нұрлыбек Машбекұлының, облыс әкімі Мұрат Нәлқожаұлының қолдауымен биылғы жылға республикалық бюджеттен аталған жобаны жүзеге асыруға 801,8 млн теңге бөлінген.Қазіргі таңда мердігер мекеме «Бақ-Береке» ЖШС тарапынан нысанда геодезиялық нүктелер белгіленіп, 2-ГД-13,7 км, 2ГД-1 – 19,7 км, 2ГД-2 – 16,4 км учаскелерінде және коллектор каналдарын тазалау жұмыстары жүргізілуде. Сонымен қатар, екі сорғы станциясының іргетасы құйылып, свай қағу жұмыстарына дайындық жасалуда. Құрылыс жұмыстары екі ауысымда ұйымдастырылып, оған 9 техника мен 22 жұмысшы жұмылдырылған.Аталған жобаның негізгі мақсаты – қолданыстағы коллекторлар жүйесінің техникалық жағдайын жақсартып, су өткізу қабілетін арттыру және су шаруашылығы нысандарының тиімді жұмыс істеуін қамтамасыз ету.Сондай-ақ аудан әкімі Қызылқұм ауылдық округіндегі «Нартай» каналын күрделі жөндеу жобасының орындалу барысын да бақылап көрді.Жобаның жалпы құны – 179,2 млн теңге. Каналдың 15,2 шақырымына механикалық тазалау және бір гидротехникалық құрылысты күрделі жөндеу жоспарланған. Бүгінгі күнге дейін каналдың 9,3 шақырымында механикалық тазалау, сондай-ақ гидротехникалық құрылыстың құбырларын монтаждау жұмыстары жүргізілді.«Нартай» каналының жөнделуі Қызылқұм ауылдық округіндегі 250 тұрғын үйдің 38 гектар шабындық жерін суармалы сумен қамтамасыз етуге мүмкіндік береді. Сонымен қатар, канал арқылы Жайлауқақ, Көкен, Қазанкеткен және Аққұдық көлдерін суландыруға жағдай жасалып, жайылымдық және шабындық алқаптардың көлемін ұлғайтуға, мал шаруашылығы мен балық шаруашылығын дамытуға оң әсерін тигізеді.Нысандарды аралау барысында аудан әкімі жұмыстардың сапалы әрі белгіленген мерзімде аяқталуын қатаң бақылауда ұстауды тапсырды. Сондай-ақ, жайылымдық және шабындық жерлерді суландыру арқылы халықты мал азығымен, соның ішінде шөппен қамтамасыз ету мәселесінің маңыздылығына тоқталып, бұл бағыттағы жұмыстарды жүйелі түрде жүргізу қажеттігін айтты.Айта кетейік, биыл ауданда су шаруашылығы нысандарын жаңғырту бойынша аталған жобалардан бөлек Алға ауылдық округіндегі «Ішкі» шаруашылық аралық каналын күрделі жөндеу жұмыс жобасы да жүзеге аспақ. Сол жаға арнасынан алатын «Ішкі» шаруашылық аралық каналы Алға, Ақжона ауылдық округтерінің 2100 гектар жайылымдық шабындық жерлерін және Ү.Түктібаев ауылының үй ірегелік, бақшалық жерлерін, көлемі 1500 гектар болатын 4 ауыспалы егістікті суландырады.<img src="https://knadmin.beoblood.kz/uploads/Kanaldar_men_ashyrt_ylardy_tekseru_d17e1f49b7.jpg" alt="Каналдар мен қашыртқыларды тексеру.jpg">

Каналдар мен қашыртқылар жүйесін механикалық тазалау жұмыстарын көрді

<a href="https://kyzylorda-news.kz/">Kyzylorda-news.kz</a> Қызылорда қаласында ҚР Мәдениет саласының үздігі, талантты әнші-композитор Алтын Бекенованың шығармашылығына арналған «Әннен алқа тағайын» атты салтанатты кеш өтті. Өнер мен әуен салтанат құрған рухани шараға ҚР Ұлттық ұланының 5547 әскери бөлімінің жеке құрамы мен жас сарбаздары арнайы қатысып, ерекше әсер алды.Кештің негізгі мақсаты – өнер иесінің көпжылдық шығармашылық еңбегін насихаттап, ұлттық өнерге қосқан үлесін дәріптеу. Шара барысында қала әкімі Н. Ахатовтың құттықтауы мен Алғыс хаты кеш иесіне салтанатты түрде табыс етілді.Концерттік бағдарламада композитордың елге кеңінен танымал «Қазақстаным», «Сыр – Алаштың анасы», «Нұр Астана», «Әкеме» сынды патриоттық әрі сыршыл әндері орындалды.Ел тыныштығы мен қоғамдық тәртіпті қамтамасыз ету жолында қызмет атқарып жүрген 5547 әскери бөлімінің сарбаздары үшін мұндай рухани кештердің маңызы зор. Өйткені «Заң мен тәртіп» қағидаты – тек құқықтық нормаларды сақтау ғана емес, ол қоғамдағы жауапкершілікті, өзара құрметті, отансүйгіштік пен азаматтық парызды терең түсінуден бастау алады.Ұлттық өнер мен рухани құндылықтарды ұлықтаған кеш сарбаздардың патриоттық рухын көтеріп, елге, жерге деген сүйіспеншілігін арттыра түсті. Жауынгерлер үшін бұл шара қызметтік міндетпен қатар рухани-мәдени құндылықтарды дәріптеудің, ұлттық болмысты құрметтеудің жарқын үлгісі болды.Іс-шара соңы барлық өнерпаздардың орындауындағы «Қызылорда қаласынанбыз» әнімен қорытындыланды.<img src="https://knadmin.beoblood.kz/uploads/Whats_App_Image_2026_08_27_at_09_41_07_3d925c2b66.jpeg" alt="Концерт.jpeg">

Өнер ұлтты ұйыстырады, тәртіп елді бекемдейді

<a href="https://kyzylorda-news.kz/">Kyzylorda-news.kz</a> Мемлекет басшысы Қасым-Жомарт Тоқаев Тамыз конференциясының пленарлық отырысына қатысып, жиынға еліміздің барлық аймағынан келген ұлағатты ұстаздарды құттықтады. Оқу-ағарту саласындағы кадр тапшылығын жойып, ұстаздардың біліктілігін көтеруге, аймақтар арасындағы білім сапасына қатысты алшақтықты жоюға, жасанды интеллектіні орта білім беру жүйесіне енгізуге, балаларды қорғау және олардың жан-жақты дамуы үшін қолайлы жағдай жасауға, тәрбиеге баса мән беруге арнайы тоқталды.Президент аймақтар арасындағы білім сапасына қатысты алшақтық жайлы сөз қозғағанда, Ұлттық бірыңғай тестілеудің биылғы нәтижелерін атап өтті.<blockquote>– Мәселен, Қызылорда, Солтүстік Қазақстан, Павлодар, Қостанай облыстарының, сондай-ақ, Астана және Алматы қалаларының түлектері жоғары көрсеткішке қол жеткізді. Президент Әкімшілігіне Үкіметпен бірлесіп, төмен нәтиже көрсеткен облыстарға нақты көмек көрсетуді, мысалы, арнайы талдау жүргізуді тапсырамын. Ал Үкімет білім жүйесінің тиімділігін арттыра түсетін жан-жақты зерттелген шешімдер ұсынуға тиіс. Бұл мәселеде жетістікке ие болған мектептер мен даму институттарының мүмкіндіктерін кеңінен пайдаланған жөн, – деді Мемлекет басшысы.</blockquote>Айта кетейік, Қызылорда облысы үшінші жыл қатарынан Ұлттық бірыңғай тестілеудің орташа балы жөнінен республикада бірінші орынды иеленді. Мектеп бітіруші 10 340 түлектің 10 140-ы немесе 99,55 пайызы ҰБТ-ға қатысты. Орташа балл – 74,90, 100 және одан жоғары балл жинағандар саны – 1 616 немесе 16 пайыз.Кейінгі төрт жылда сол кездегі облыс әкімі Нұрлыбек Машбекұлының бастамасымен білім саласына аймақ бюджетінің 45 пайызы бағытталды. Саланың инфрақұрылымы қарқынды дамып, осы уақытта жаңадан бой көтерген білім беру, қосымша білім беру мекемелерінің саны 46-ға жеткен. Олардың қатарында мектептер, балабақшалар, Оқушылар сарайлары, Өнер мектептері, «Сыр жұлдыздары» шығармашылық-инновациялық, &nbsp;«Ai-kerim» оқу-сауықтыру орталықтары, Ботаникалық бақ сияқты нысандар бар.Сурет: gov.kz

Қызылорда облысының түлектері ҰБТ қорытындысы бойынша үш жыл қатарынан көш бастап келеді

<a href="https://kyzylorda-news.kz/">Kyzylorda-news.kz</a> Қызылорда облысында құқық бұзушылықтардың алдын алу бағытында рейдтік іс-шаралар тұрақты түрде өтуде.Оған прокуратура мен полиция органдарының қызметкерлері бірлесіп қатысуда. Рейд барысында көңіл көтеру орындарындағы құқықтық тәртіптің сақталуы, оның ішінде алкоголь өнімдерін заңсыз сату фактілеріне және кәмелетке толмағандардың болмауына ерекше назар аударылады.Аталған іс-шаралар «Заң мен Тәртіп» идеологемасы аясында жүргізілуде. Құқық бұзушылықтардың алдын алу және қоғамдық қауіпсіздікті қамтамасыз ету бағытындағы жұмыстар алдағы уақытта да жалғасын табады.Қызылорда облысының прокуратурасы өңіріміздің тұрғындарын қоғамдық тәртіпті сақтауға және құқық бұзушылықтарға жол бермеуге шақырады.<img src="https://knadmin.beoblood.kz/uploads/Whats_App_Image_2026_08_26_at_17_14_37_50a895799a.jpeg" alt="Құқықбұзушылықтың алдын алу шаралары.jpeg">

Құқық бұзушылықтардың алдын алу бағытында рейдтік іс-шаралар өтуде

<a href="https://kyzylorda-news.kz/">Kyzylorda-news.kz</a> Облыс әкімі Мұрат Ергешбаев қала аумағындағы құрылысы жүріп жатқан нысандарды аралады.Алдымен «Еңбек» саяжайы аумағына салынатын тоғыз қабатты 22 тұрғын үйдің құрылыс алаңына барды. Мұнда 1 936 пәтері бар заманауи тұрғын үй кешені бой көтереді. Жобаны жүзеге асыруға 44 млрд. 718 млн теңгеден астам қаржы бөлінген. Бүгінде мердігер мекемелер анықталды.«Мелиоратор» ЖШС Президент саябағы аумағындағы 8,2 гектарға тоғыз қабатты 15 тұрғын үй кешенін, жайлы әрі сапалы баспана салуда. Жақын арада 945 пәтер пайдалануға беріледі.Аймақ басшысы осы аумақтағы Президенттік кітапхана мен драма театрдың құрылысын көрді. Кітапхана құрылысына инвестор қаражаты есебінен 20 млрд теңге бөлінген. Жалпы аумағы 13 мың шаршы метр болатын ғимаратта электронды оқу және конференция залдары, архив, баспахана, бағдарламалау және жасанды интеллектіні дамытуға арналған медиазертхана, подкаст студиясы және оқырмандарға қызмет көрсету бөлімдері орналасады.<img src="https://knadmin.beoblood.kz/uploads/FB_IMG_1787803226717_0e6304891a.jpg" alt="FB_IMG_1787803226717.jpg">Ал драма театрдың жалпы аумағы 18 мың шаршы метрден асады. Онда репетициялық залдар, студиялар, шығармашылық кеңістіктер мен әкімшілік кабинеттер қарастырылған. Заманауи сахналық техника, қуатты дыбыс жүйесі және соңғы үлгідегі жабдықтармен жарақталады.Одан кейін аймақ басшысы «Қызылорда Арена» көпфункционалды спорт кешенінің құрылысымен танысты. Өткен жылдың шілде айында басталған нысанның жалпы аумағы 26 мың шаршы метр, 50 метрлік жүзу бассейні, халықаралық жарыстар өткізуге арналған 2 500 орындық зал, форумдар мен түрлі жиындарға арналған 300 орындық конференция залы болады. Қазір құрылыстың 85 пайызы аяқталған.Қызылордада бірнеше медициналық нысан құрылысы &nbsp;салынып жатқаны белгілі. Соның бірі – сол жағалаудағы 100 келушіге арналған емханасы және онкологиялық бөлімшесі бар 300 төсектік көпбейінді аурухана. Пайдалануға берілген соң тұрғындарға мамандандырылған медициналық көмек көрсету ісі жүйелене түседі.Аймақ басшысы Титов шағын ауданында салынып жатқан бір ауысымда 400 келушіні қабылдайтын №5 қалалық емхананың құрылысын да көрді. Бүгінде үшінші қабаттың монолитті бағандары бетондалуда. Бірінші қабаттың аралық қабырғалары қаланып, ішкі инженерлік желілер тартылып жатыр. Жертөле қабатының аралық қабырғалары қаланып біткен.Жанқожа батыр көшесі арқылы өтетін теміржол өткелінің құрылысы аясында екі жолақты өткел, көпір, тіреу қабырғалары, жаяу жүргіншілер жолы және жол жабыны салынады. Бүгінде айналма теміржол жүргізіліп, электр, байланыс, жарық бағаналары, ауызсу, инженерлік желілер көшірілген.Құрылыс алаңдарындағы жұмысты көріп шыққан соң облыс әкімі жауапты сала басшыларына нақты тапсырмалар берді.<img src="https://knadmin.beoblood.kz/uploads/FB_IMG_1787803223752_ad8c903e8f.jpg" alt="FB_IMG_1787803223752.jpg">

Құрылыс нысандарының жай-күйін тексерді 

<a href="https://kyzylorda-news.kz/">Kyzylorda-news.kz</a> Шиелі ауданының әкімі Айтбай Жандарбеков аудан тұрғындарын жеке мәселелері бойынша қабылдады.Қабылдау барысында тұрғындар тұрғын үй алу, тұрақты жұмысқа орналасу және өзге де әлеуметтік мәселелерін көтерді. Аудан басшысы әрбір азаматтың өтінішін мұқият тыңдап, заң аясында түсіндірулер беріп, шешу жолдарын қарастырды.Жұмыс сұраған азаматтарға аудандағы мекемелер мен кәсіпкерлік нысандардағы бос жұмыс орындары ұсынылды. Қоғамдық жұмыстар мен қайта даярлау курстарына қатысу мүмкіндіктері қарастырылды.Тұрғын үй мәселесі бойынша тиісті санаттарға сәйкес кезекпен қамту жұмыстары жүйелі түрде жүргізіліп жатқаны түсіндірілді. Қабылдауда көтерілген мәселелердің шешілуі үшін сараптамалық зерттеулер жүргізіліп, заң талаптарына сәйкес нақты шешімдер қабылданатын болады.Айта кетейік, аудан әкімінің жеке қабылдауына egov.kz порталы, e-otinish базасы арқылы немесе әкімдікке келіп, жазбаша түрде өтініш беру арқылы жазылуға болады.<img src="https://knadmin.beoblood.kz/uploads/Shieli_audany_kimi_abyldau_2_742771e74c.jpg" alt="Шиелі ауданы әкімі қабылдау 2.jpg">

Шиелі ауданының тұрғындарын жеке мәселелері бойынша қабылдады

<a href="https://kyzylorda-news.kz/">Kyzylorda-news.kz</a> Өңірде алдағы жылу беру маусымына дайындық жұмыстары кезең-кезеңімен жүргізілуде. Қыс мезгілінде төтенше жағдайлардың алдын алу, тұрғындардың қауіпсіздігін қамтамасыз ету және өрт қаупін азайту бағытында тиісті шаралар атқарылуда.Осыған байланысты бүгін Өңірлік коммуникациялар қызметінің ақпарат алаңында жылу беру маусымына дайындық барысы, коммуналдық инфрақұрылымның әзірлігі және өрт қауіпсіздігі талаптарының сақталуы жөнінде сала мамандарының қатысуымен баспасөз конференциясы өтті.Облыстық Төтенше жағдайлар департаменті Мемлекеттік өрт бақылау басқармасының бастығы Бейбітхан Спановтың айтуынша, жылу беру маусымы қарсаңында өрт қауіпсіздігін қамтамасыз ету бойынша профилактикалық жұмыстар күшейтілген.<blockquote>«Қазіргі таңда әлеуметтік осал топқа жататын азаматтардың 5 864 тұрғын үйін аралау жұмыстары жүргізіліп, өрт қауіпсіздігі талаптарын сақтау бойынша түсіндіру жұмыстары ұйымдастырылуда. Сонымен қатар, апаттық деп танылған 69 көппәтерлі тұрғын үй бойынша қауіпсіздікті қамтамасыз ету шаралары қарастырылып, жылыту пештері мен электр жүйелерін жөндеу мәселелері пысықталуда», – деді Бейбітхан Оразайұлы.</blockquote>Өткен жылу беру маусымында жергілікті бюджет есебінен тұрғын үйлерге 484 табиғи газ және 100 көмірқышқыл газын анықтайтын датчик орнатылған.Алдағы кезеңде тұрғын үйлердің жылыту түрлері бойынша нақты тізімді жаңарту, әлеуметтік осал отбасылардың үйлеріне газ датчиктерін орнату, елді мекендерде өрт қауіпсіздігі жөніндегі ақпараттық материалдарды орналастыру жоспарлануда.Сондай-ақ тұрғындарға қауіпсіздік талаптарын түсіндіру жұмыстары бұқаралық ақпарат құралдары, әлеуметтік желілер мен LED-экрандар арқылы тұрақты түрде жүргізілмек.<img src="https://knadmin.beoblood.kz/uploads/Zhylu_mausysy_auipsizdik_sharalary_c49ef397c3.jpg" alt="Жылу маусысы қауіпсіздік шаралары.jpg">Сурет: Нұрболат Нұржаубай

Жылу беру маусымына қауіпсіздік шаралары күшейтілді

<a href="https://kyzylorda-news.kz/">Kyzylorda-news.kz</a> Жаңа оқу жылы – мыңдаған баланың білімге, жаңа ортаға және жаңа мүмкіндіктерге қадам басатын маңызды кезең. Қазіргі таңда Қызылорда облысында 302 мемлекеттік мектепте 190 мыңнан астам оқушы білім алса, олардың 17 700-ге жуығы мектеп табалдырығын алғаш рет аттайды. Осыған байланысты балалардың қауіпсіздігін қамтамасыз ету, жол-көлік оқиғалары мен құқық бұзушылықтардың алдын алу бағытындағы жұмыстарға ерекше басымдық берілуде. Бұл туралы бүгін Өңірлік коммуникациялар қызметінің ақпарат алаңында Қызылорда облысының Полиция департаменті Қоғамдық қауіпсіздік басқармасының бастығы Ердәулет Жаукеев баяндады.<blockquote>- Білім күніне орай облыста арнайы іс-шаралар жоспары әзірленді. Қоғамдық тәртіп пен жол қауіпсіздігін қамтамасыз етуге 522 полиция қызметкері мен 107 қызметтік автокөлік жұмылдырылады. Олар білім беру ұйымдарында және оған іргелес аумақтарда қауіпсіздікті қамтамасыз етіп, таңғы жиындар барысында оқушыларға, ата-аналар мен ұстаздарға қажетті түсіндіру жұмыстарын жүргізеді. Сонымен қатар, қала және аудан орталықтарындағы қоғамдық орындарда, көшелерде, саябақтарда, скверлер мен орталық алаңдарда тәулік бойы қосымша полиция жасақтары қызмет атқарады. Жаңа оқу жылы басталғаннан бастап мектеп алдындағы жаяу жүргіншілер өткелдерінде таңертең, түскі және кешкі уақытта ювеналды және патрульдік полиция инспекторлары кезекшілік етеді. Балалардың жол қауіпсіздігіне ерекше назар аударылуда. 15 тамыз бен 30 қыркүйек аралығында республика көлемінде «Назар аударыңыз, балалар!» жедел-профилактикалық іс-шарасы өтуде. Оның аясында мектептер мен балабақшаларға іргелес аумақтардың жағдайы тексеріліп, жол инфрақұрылымын қауіпсіздік талаптарына сәйкестендіру, абаттандыру және білім беру ұйымдарындағы бейнебақылау жүйелерін Жедел басқару орталығына сапалы қосу бойынша жұмыстар жүргізілуде. Одан бөлек, жыл басынан бері кәмелетке толмағандар мен жастар арасында құқық бұзушылықтың алдын алуға бағытталған «Жасөспірім», «Көктемгі демалыс», «Балалар түнгі қалада», «Құқықтық тәртіп» сияқты жедел-профилактикалық іс-шаралар ұйымдастырылды ,- деді Ердәулет Баянбайұлы.</blockquote>

Қызылордада жаңа оқу жылына қауіпсіздік шаралары күшейтілді

<a href="https://kyzylorda-news.kz/">Kyzylorda-news.kz</a> Бүгін облыс әкімі Мұрат Ергешбаев азаматтарды кезектілік тәртібімен жеке қабылдады.Келушілердің басым бөлігі тұрақты жұмысқа орналасу, денсаулық сақтау, тұрғын үй және қосымша білім беру мәселелерін көтерді.Қызылорда қаласының тұрғыны «Бірінші және екінші топтағы мүгедектігі бар адамдар» санаты бойынша үй кезегіне тұрғанына, баспана мәселесіне тоқталды. Оған тұрғын үй мұқтаж адамдарға кезектілік тәртібімен, заң аясында берілетіні түсіндірілді.&nbsp;Сонымен қатар, жақындарын тұрақты жұмысқа орналастыруды сұраған қала тұрғындарының өтініштері де қаралды. Жұмыс іздеушілерге заң талаптарына сәйкес тұрақты жұмыс орындары ұсынылады.&nbsp;Қала тұрғыны қабылдауға баласының мүгедектік тобын қайта қарау мәселесімен келген. Бұл бойынша медициналық мекемеге жүгінген. Қазіргі уақытта &nbsp;2-топ мүгедектігі бар азамат медициналық көмекпен, тиісті құралдармен қамтамасыз етілген. Сондай-ақ биыл санаторий-курорттық мекемеде ем алған. Мамандар мүгедектік тобын өзгертуге негіз жоқ екенін айтты.Сырдария ауданы Жетікөл ауылының тұрғыны үй кезегін қайта қалпына келтіруді сұрады. Ол 2016 жылдың тамыз айында «Жалғызбасты» санатымен Қызылорда қаласының тұрғын үй кезегіне тұрған.&nbsp;Кейін ауылға қоныс аударуына байланысты кезектен шығарылған. Қазіргі таңда &nbsp;ауданда тұрғын үй &nbsp;кезегінде тұр. Өтініш иесіне кезектілікке қатысты заң талаптары түсіндірілді.Қабылдауда көтерілген әрбір мәселе жан-жақты қаралып, тұрғындардың өтініштері бойынша жауапты сала басшыларына нақты тапсырмалар жүктелді.&nbsp;Айта кетейік, облыс әкімінің жеке қабылдауына жазылу үшін тұрғындар eGov порталы, e-Otinish бірыңғай платформасында немесе әкімдікке жазбаша өтініш қалдыра алады.<img src="https://knadmin.beoblood.kz/uploads/Oblys_kimi_zheke_abyldau_2_cd0c693ef1.jpg" alt="Облыс әкімі жеке қабылдау 2.jpg">

Жеке қабылдауда тұрғындардың жеке мәселелерін тыңдады

Мемлекет басшысы ұстаздар қауымын дәстүрлі Тамыз конференциясының ашылуымен құттықтады.<blockquote>&nbsp;«Бүгінгі жиынға Қазақстанның барлық аймағынан ұлағатты ұстаздар арнайы келіп отыр. Мықты мұғалім – сапалы ұлттың тірегі, бұл – нағыз ақиқат. Бүгін өте ұтымды, мазмұнды баяндамаларды тыңдадық, тиімді пікірлер мен ұсыныстар айтылды. Сөз сөйлеген ұстаздарға, бүкіл мұғалімдер қауымына ризашылығымды, ілтипатымды білдіремін. Тиісті министрлік, жалпы Үкімет айтылған мәселелерді үнемі назарда ұстауы керек. Бұл жұмысты аса маңызды стратегиялық міндет деп түсіну қажет. Ұстазды ұлықтаған елдің келешегі жарқын болары айдан анық. Ұлы Абай 38-ші қара сөзінде адамның адамдығы жақсы ұстаздан болатынын айтқан. Сіздер жас буынға терең білім беріп, саналы, озық ойлы және отаншыл ұрпақ тәрбиелеуге зор еңбек сіңіріп жүрсіздер. Осылайша, бәсекеге қабілетті ұлт қалыптастыруға атсалысып келесіздер».</blockquote>

Қазақстан және Қызылорда облысының жаңалықтары