<a href="https://kyzylorda-news.kz/">Kyzylorda-news.kz</a> Қазалы ауданындағы Руханият орталығында аудан әкімі Алмасбек Есмахановтың төрағалығымен «Заң мен тәртіп» идеологиясы аясындағы «Қылмыссыз өңір – кемел келешек кепілі» жобасына арналған кеңейтілген мәжіліс өтті.Мәжіліске аудан прокурорының орынбасары Биқожа Жұмаш, аудандық полиция бөлімінің бастығы Нұрлан Ибраев, құқық қорғау органдарының өкілдері, дербес бөлімдер мен мекеме-кәсіпорын басшылары, қала, кент және ауылдық округ әкімдері және аудан кәсіпкерлері қатысты.Жиында аудан әкімі қоғамдық қауіпсіздікті қамтамасыз ету, заң үстемдігін нығайту және құқық бұзушылықтың алдын алу – мемлекеттің басым бағыттарының бірі екенін атап өтіп, «Қылмыссыз өңір – кемел келешек кепілі» жобасы құқық қорғау органдарының ғана емес, барлық мемлекеттік мекемелердің, жергілікті атқарушы органдардың, білім беру ұйымдарының, үкіметтік емес ұйымдардың және жалпы қоғамның ортақ жауапкершілігін көздейтін маңызды бастама екенін жеткізді.Мәжілісте Мемлекет басшысының «Заң бәріне ортақ, тәртіп бәріне міндет» қағидатының мәні, жаңа Конституцияның елдегі заң үстемдігін, азаматтардың құқықтары мен бостандықтарын қорғауды қамтамасыз етудегі маңызы ерекше екені айтылып, аудан аумағындағы криминогендік ахуал жан-жақты талқыланды.&nbsp;Бүгінде аудан көлеміндегі қылмыстылық деңгейі өткен жылдың сәйкес кезеңімен салыстырғанда 10,9 пайызға төмендеген. Дегенмен, тіркелген құқық бұзушылықтардың бірқатары алкогольдік ішімдікке байланысты жасалғандықтан, бұл бағыттағы профилактикалық жұмыстарды күшейту қажеттігі айтылды.Осыған байланысты аудан басшысы «Ішімдіксіз ауыл» жобасының жүзеге асырылу барысына кеңінен тоқталып, бүгінде ауданның 42 елді мекенінің ішінде Ү.Түктібаев ауылымен қатар Ажар және Байқожа елді мекендері ғана «Ішімдіксіз ауыл» мәртебесіне ие екені айтты. Бұл көрсеткішті арттыру бойынша ауылдық округ әкімдері мен тиісті сала басшыларына нақты тапсырмалар берді.Аудан әкімі қала, кент және ауылдық округ әкімдеріне тұрғындар арасында құқықтық мәдениетті қалыптастыру, заң талаптарын түсіндіру және «Ішімдіксіз ауыл» жобасын кеңінен насихаттау бағытындағы жұмыстарды жүйелі түрде ұйымдастыруды тапсырды.Кеңейтілген мәжілісте күн тәртібіндегі екінші мәселе ретінде кәсіпкерлердің инвестициялық жобаларын жүзеге асыру барысында олардың құқықтарын қорғау және инвестициялық ахуалды жақсарту мәселесі қаралды.Жиында прокуратура органдары тарапынан инвестициялық жобаларды прокурорлық сүйемелдеудің бірыңғай тәртібі енгізілгені, бұл инвесторлардың құқықтарын қорғауды күшейтіп, жобаларды іске асыру барысында кездесетін кедергілерді жедел шешуге мүмкіндік беретіні айтылды.Бүгінде Қазалы ауданы бойынша Бірыңғай жалпыұлттық жобалар пулының Ұлттық цифрлық инвестициялық платформасына жалпы құны 8,22 млрд теңгені құрайтын 8 ірі инвестициялық жоба енгізілген.Бұл мәселеге қатысты аудан басшысы аудан көлемінде жүзеге асырылып жатқан инвестициялық жобаларға тұрақты түрде сүйемелдеу жұмыстарын ұйымдастырып, мемлекеттік қолдау шараларының тиімді орындалуын қамтамасыз ету қажет екендігін айтты. Осыған сәйкес жауапты сала басшыларына әрбір жобаның іске асырылу барысын тұрақты бақылауда ұстап, туындайтын мәселелерді жедел шешу бағытында тиісті мекемелермен үйлесімді жұмыс жүргізуді тапсырды.Мәжілісті қорытындылаған аудан әкімі қоғамдық қауіпсіздікті қамтамасыз ету, құқық бұзушылықтың алдын алу, тұрғындардың құқықтық мәдениетін қалыптастыру және инвестициялық жобаларды сапалы әрі уақытылы жүзеге асыру бағытындағы жұмыстарды барлық жауапты мекемелер бірлесе атқаруы қажеттігін атап өтті.Жауапты бөлімдер мен мекеме басшыларына берілген тапсырмалардың сапалы орындалуын қамтамасыз етіп, әрбір көрсеткіш бойынша нақты нәтижеге қол жеткізуді міндеттеді.<img src="https://knadmin.beoblood.kz/uploads/azaly_ke_ejtilgen_m_zhilis_2_6ff08c406a.jpg" alt="Қазалы кеңейтілген мәжіліс 2.jpg">

Қазалы: Кеңейтілген мәжілісте бірқатар мәселелер қаралды

<a href="https://kyzylorda-news.kz/">Kyzylorda-news.kz</a> Қызылорда облысының аумақтық сайлау комиссиясы Қазақстан Республикасы Құрылтайы депутаттарының алдағы сайлауына дайындық аясында саяси партиялардың облыстық филиалдарының өкілдеріне арналған оқыту семинарын өткізді.Іс-шараның мақсаты – Қазақстан Республикасының сайлау туралы заңнамасына енгізілген өзгерістерді түсіндіру, Құрылтай депутаттарын сайлауды ұйымдастырудың өзекті мәселелерін талқылау және сайлау науқанын өткізу тәртібіне қатысты заңнамалық нормаларды жан-жақты түсіндіру.Семинарға еліміздегі барлық жеті саяси партияның Қызылорда облыстық филиалдарының төрағалары мен өкілдері қатысты.Жиынды ашқан Қызылорда облысының аумақтық сайлау комиссиясының төрағасы Әділбек Ерсұлтанов алдағы сайлау науқаны заңдылық, ашықтық, жариялылық және алқалалық қағидаттары негізінде ұйымдастырылатынын атап өтті. Сондай-ақ, Құрылтай депутаттарын сайлау барысында сайлау заңнамасының талаптарын қатаң сақтау, саяси партиялардың құқықтары мен мүмкіндіктерінің теңдігін қамтамасыз ету – сайлау комиссиялары жұмысының негізгі басымдықтарының бірі екенін жеткізді.<img src="https://knadmin.beoblood.kz/uploads/vybory_v_kurultaj1_b710bb2c0a.jpg" alt="выборы в курултай1.jpg">Семинар барысында қатысушыларға сайлау науқанының негізгі кезеңдері мен заңнамалық талаптары бойынша үш тақырыптық баяндама ұсынылды.Қызылорда облысының аумақтық сайлау комиссиясының хатшысы Аягөз Сырлыбаева «Қазақстан Республикасы Құрылтайының депутаттарын сайлауының ерекшеліктері» тақырыбында баяндама жасап, сайлаудың құқықтық негіздері, ұйымдастыру тәртібі және заңнамадағы жаңашылдықтарға тоқталды.Комиссия мүшесі Абай Тағыберген «Құрылтай депутаттарын сайлау науқаны кезеңінде саяси партиялардың сенім білдірген адамдары мен байқаушыларының жұмысын ұйымдастыру мәселелері, үгіт жүргізудің тәртібі» тақырыбында сөз сөйлеп, сайлау процесіне қатысушылардың құқықтары мен міндеттері, үгіт жүргізудің заңнамалық талаптары және байқаушылар қызметінің ерекшеліктерін түсіндірді.Ал комиссия мүшесі Берлібек Ахмет «Қазақстан Республикасы Құрылтайының депутаттығына кандидаттарды мемлекеттік және мемлекеттік емес қаржыландыру мәселелері» тақырыбында баяндама жасап, сайлау қорларын қалыптастыру, қаржылық есептілік және қаржыландырудың заңда белгіленген тәртібі жөнінде жан-жақты ақпарат берді. Семинар барысында қатысушылар өздерін қызықтырған сұрақтарын қойып, сайлау процесін ұйымдастырудың практикалық мәселелері бойынша пікір алмасты.Аумақтық сайлау комиссиясы алдағы уақытта да сайлау процесіне қатысушылардың құқықтық сауаттылығын арттыруға бағытталған ақпараттық-түсіндіру жұмыстарын жүйелі түрде жалғастырады.

Құрылтай сайлауына байланысты оқыту семинары өтті

<a href="https://kyzylorda-news.kz/">Kyzylorda-news.kz</a> Биыл 6 айда Қызылорда облысында 35 мың жұмысшының құқығы, оның ішінде 9,5 мың жұмысшының конституциялық құқығы қорғалды.Облыстық прокуратурадан хабарлағандай, қадағалау актісімен 691&nbsp;млн теңге жалақы өндірілді.&nbsp;<blockquote>–&nbsp;«Қызылорда» автобус паркі» серіктестігінің 660 жұмысшысына 249,6&nbsp;млн теңге, «Қызылорда тазалығы» кәсіпорнының 606 жұмысшысына 106,3&nbsp;млн теңге жалақы қарызы төленді. Бұдан бөлек қадағалау актісінің нәтижесінде 483 жұмыс беруші 7613 жұмысшының пайдасына жазатайым оқиғадан сақтандыру шарттарын жасап, олардың құқығы қорғалды,&nbsp;— делінген хабарламада.&nbsp;</blockquote>Жыл басынан бері 266 мың адамның құқығы қорғалды. Оның 11 мыңының конституциялық құқығы қалпына келтірілді. Заңбұзушылыққа жол берген 2 237 адам тәртіптік және әкімшілік жауапқа тартылды. Оның 214-і басшылық лауазымда.Сурет: Нұрболат Нұржаубай

Қызылорда автобус паркі 249,6 млн теңге жалақы қарызын өтеді

<a href="https://kyzylorda-news.kz/">Kyzylorda-news.kz</a> Қызылорда облыстық санитариялық-эпидемиологиялық бақылау департаменті өңірдегі жедел ішек инфекциялары аурушаңдығы бойынша эпидемиологиялық жағдайды бірқалыпты деп бағалап отыр, – деп хабарлайды<a href="https://kaz.inform.kz/news/kizilordada-zhedel-shek-auruin-zhuktiru-sebepter-ataldi-fb97f06b"> Қазақпарат.&nbsp;</a>Жыл басынан бері инфекция жұқтырудың 413 жағдайы тіркелді. Өткен жылдың осы кезеңімен салыстырғанда сырқаттанушылық деңгейі 6,3%-ға төмендеген. Ауруға шалдығу деректерінің басым бөлігі облыс орталығының үлесінде&nbsp;— 96%. Жұқпалы жедел ішек ауруларымен науқастанғандардың 77%-ы&nbsp;— 14 жасқа толмаған балалар.Департамент қызметкерлері аурудың басты таралу себептері ретінде үй жағдайында дайындау технологиясы бұзылған, дұрыс сақталмаған тағамдарды, қайнамаған суды тұтынуды және бала күтімі барысында жеке бас гигиенасын сақтамауды атады.<blockquote>—&nbsp;Сонымен қатар мерзімінен ерте піскен жеміс-жидектерді мөлшерден тыс пайдалану да&nbsp;ауруға шалдығу қаупін арттырады. Аурудың алдын алу үшін жеке бас гигиенасын сақтауды, тек қайнатылған немесе бөтелкедегі тазартылған суды пайдалануды, жеміс пен көкөністі жақсылап жууды, тез бұзылатын тамақ өнімдерін салқын жерде сақтауды, жарамдылық мерзімі өткен азық-түлікті пайдаланбауды ұсынамыз. Сонымен қатар шикі өнімдерді дайын өнімдерден бөлек сақтау, субұрқақтарға суға түспеу, тек арнайы белгіленген орындарда шомылу және асүйді, ауланы таза ұстау керек. Ауру белгілері байқалған жағдайда медициналық көмекке жүгіну қажет,&nbsp;— деді департамент басшысының міндетін атқарушы Ерлан Ұзақбаев.</blockquote><img class="image_resized" style="width:100%;" src="https://knadmin.beoblood.kz/uploads/yzylorda_zhedel_ishek_auruy_2_f475fc7e98.jpg" alt="Қызылорда жедел ішек ауруы 2.jpg">Фото: Pexels

Өңірде эпидемиологиялық жағдай тұрақты 

<a href="https://kyzylorda-news.kz/">Kyzylorda-news.kz</a> Қызылорда облысында ашық жүрекке ота облыстық көпбейінді ауруханада жасалады. Одан бөлек коронарография, коронарлық артерияларды стенттеу, аритмологиялық ота, жүрек ырғағын қалпына келтіретін заманауи құрылғыларды импланттау кеңінен жүргізіліп келеді.<blockquote>- Жыл сайын кардиоорталықта 4 мыңнан астам пациент стационарлық ем алады. Оның 3 мыңға жуығына коронарография жасалады. Ал олардың 1300-ден астамына коронарлық артерияларға стент орнатылады. 400-ге жуық пациентке жүрек-қантамыр жүйесіне күрделілігіне қарай, оның ішінде ашық жүрекке ота жасалады, - деді аурухананың кардиохирургия бөлімінің меңгерушісі, кардиохирург дәрігер Берік Дәуітбаев.</blockquote><img class="image_resized" style="width:100%;" src="https://knadmin.beoblood.kz/uploads/Berik_D_uitbaev_bd8a9c50cf.jpg" alt="Берік Дәуітбаев.jpg">Орталықтың 17 жылдық қызметінде 31 жаңа медициналық технология тәжірибеге енді. Соның ішінде жоғары технологиялық медициналық көмектің бірі – кеуде қуысын кеспей, шағын инвазивті әдіспен ашық жүрекке ота жасау. Бұл әдіс науқастардың тезірек сауығып, көп ұзамай әдеттегі өміріне оралуға мүмкіндік береді.<blockquote>- Бұрын жүрек дертімен ауырған, ашық жүрекке отаны қажет еткен ем алушылар тек Сызғанов атындағы ұлттық хирургия орталығына жүгінетін. Оның өзінде орталықта жыл сайын жасалатын ота саны 700-ден аспайды. Көптеген жерлесіміз кезегін күту барысында қайтыс болып кететін. Бүгінде кардиоорталықта жүректің ишемиялық, туа біткен және жүре пайда болған ақауы, жүрек ырғағының бұзылысы кезінде жоғары технологиялық диагностика мен емдеудің негізгі түрлері көрсетіледі, - деді Берік Дәуітбаев.</blockquote>

Қызылордада ашық жүрекке ота жоғары медициналық технология көмегімен жасалады

<a href="https://kyzylorda-news.kz/">Kyzylorda-news.kz</a> Қармақшы ауданында 2026 жылдың алғашқы жартыжылдығында әлеуметтік-экономикалық даму көрсеткіштері бойынша тұрақты өсім сақталды. Бұл туралы облыстық Өңірлік коммуникациялар қызметінің ақпарат алаңында өткен брифингте аудан әкімі Жандос Еркінбек мәлімдеді.Аудан басшысы өңірде мемлекеттік бағдарламалар мен жоспарланған жобалардың жүйелі жүзеге асырылып жатқанын айтып, барлық негізгі әлеуметтік-экономикалық көрсеткіштердің оң нәтижемен орындалғанын жеткізді.<blockquote>«Ауданның әлеуметтік-экономикалық даму қарқыны жыл сайын артып келеді. Биылғы жылдың алғашқы жартыжылдығында негізгі көрсеткіштердің барлығы бойынша оң нәтижеге қол жеткізілді. Бұл мемлекеттік бағдарламалардың тиімді орындалуы мен атқарылған жұмыстардың нақты нәтижесі», – деді Жандос Еркінбек.</blockquote>Жыл басында бекітілген аудан бюджеті шілде айындағы нақтылау барысында ұлғайтылып, өңірдің даму жобаларын қаржыландыруға қосымша мүмкіндік жасалды. Ал қаңтар-маусым айларының қорытындысында аудан бюджетінің кіріс бөлігі жоспардан асыра орындалып, меншікті кірістер бойынша да жоғары нәтиже тіркелді. Соның нәтижесінде жергілікті бюджетке жоспарланған межеден артық қаражат түсті.<blockquote>«Барлық негізгі әлеуметтік-экономикалық бағыттар бойынша 100 пайыздан жоғары көрсеткіштерге қол жеткіздік. Алдағы уақытта да тұрғындардың әл-ауқатын арттыруға, экономиканың тұрақты дамуын қамтамасыз етуге бағытталған жұмыстар жүйелі түрде жалғасады», – деді аудан әкімі.</blockquote>Брифингте ауданның алдағы даму жоспарлары да таныстырылып, өңірдің экономикалық әлеуетін арттыру, бюджет кірістерін көбейту және халықтың өмір сүру сапасын жақсартуға бағытталған жұмыстардың жалғасатыны айтылды.Қармақшы ауданында жол-көлік инфрақұрылымын дамыту бағытындағы жұмыстар қарқынды жүргізілуде. Биыл аудан бойынша автомобиль жолдарын жаңғырту, көше желілерін жақсарту және тұрғындардың қауіпсіз қозғалысына қолайлы жағдай жасауға бағытталған бірқатар ірі жобалар қолға алынды.Өңірлік коммуникациялар қызметінің ақпарат алаңында аудан әкімі Жандос Еркінбектің айтуынша, 2026 жылы аудан көлеміндегі автомобиль жолдары, көше жарықтандыру желілері мен жаяу жүргіншілер жолдарын күтіп ұстау жұмыстары тұрақты жүргізілуде.Бүгінде жалпы бес көшеге күрделі жөндеу жұмыстары жүзеге асырылуда. Сонымен қатар, облыстық маңызы бар «Жалағаш-Жосалы» автомобиль жолының Қызылтам елді мекені тұсындағы теміржол арқылы өтетін көпірі де күрделі жөндеуден өтуде.<blockquote>– Жол сапасын жақсарту тұрғындардың өмір сүру сапасын арттырудың маңызды көрсеткіштерінің бірі. Сондықтан ауданның көлік инфрақұрылымын жаңғырту жұмыстары кезең-кезеңімен жалғасады. Алдағы жылдары елді мекендердің ішкі көшелерін жөндеу ауқымы кеңейіп, тұрғындардың қауіпсіз әрі жайлы қатынауына барлық мүмкіндік жасалады. Алдағы жылдарға да ауқымды жоспарлар белгіленген. Демеушілердің қолдауымен 38 көшені жөндеудің жобалық-сметалық құжаттары әзірленіп, қаржыландыру мәселесі шешілгеннен кейін жұмыстар 2026-2028 жылдары кезең-кезеңімен жүзеге асырылады, – деді аудан әкімі Жандос Еркінбек.</blockquote>Сондай-ақ, Жосалы кентіндегі Мырзағалиева көшесі тұсынан теміржол өткелін салу жобасы бойынша қажетті құжаттар толық рәсімделіп, уәкілетті мемлекеттік органдардың келісімдері алынған. Қазіргі уақытта жалпы құны 5,5 млрд теңгені құрайтын жобаны қаржыландыру мәселесі қарастырылуда. Жоба жүзеге асқан жағдайда ауданның көлік қатынасы жақсарып, тұрғындардың қауіпсіздігі мен қозғалыс қолайлылығы арта түседі.Қармақшы ауданында тұрғындардың тұрмыс сапасын жақсарту мақсатында инженерлік инфрақұрылымды жаңғырту бағытындағы жұмыстар жүйелі түрде жүзеге асырылып келеді. Табиғи газбен қамту аясын кеңейту мен электр желілерін жаңарту бүгінгі күннің негізгі басымдықтарының бірі. Бұл туралы Өңірлік коммуникациялар қызметінің ақпарат алаңында аудан әкімі Жандос Еркінбек баяндады.Спикердің айтуынша, биыл республикалық бюджеттен бөлінген қаржы есебінен Иіркөл және Төребай би ауылдарына газ тарту жобалары жүзеге асырылуда. Жобалар толық аяқталғаннан кейін аудан халқын табиғи газбен қамту деңгейі қазіргі 74,8 пайыздан 77,3 пайызға дейін өседі.Сонымен қатар, демеушілердің қолдауымен ІІІ Интернационал ауылын газдандыруға арналған жобалық-сметалық құжаттама әзірленуде. Сондай-ақ Ақтөбе мен Ақжар ауылдарын газдандыру бойынша жобалау жұмыстарын бастау мәселесі пысықталуда.<blockquote>– Ауданда электр желілерін жаңарту жұмыстары да жоспарлы түрде жүргізілуде. Соңғы екі жылда төрт ауылдық округте электр беру желілері қайта жаңғыртылса, биыл жалпы құны 1,7 млрд теңгені құрайтын тағы төрт ауылдық округтің электр желілерін жаңғыртуға қаржы бөлініп, құрылыс жұмыстарын бастау көзделген. Жоспарға сәйкес, 2028 жылға дейін аудан аумағындағы тозығы жеткен электр желілерінің 90 пайызы кезең-кезеңімен жаңартылып, елді мекендердің инженерлік инфрақұрылымының сенімділігі мен сапасы едәуір жақсарады. Инженерлік инфрақұрылымды дамыту халықтың өмір сүру сапасын арттырудың маңызды бағыттарының бірі. Сондықтан елді мекендерді табиғи газбен қамтамасыз ету және тозығы жеткен инженерлік желілерді жаңғырту жұмыстары кезең-кезеңімен жалғасады. Бұл тұрғындардың тұрмысын жақсартып қана қоймай, өңірдің инвестициялық тартымдылығын арттыруға да ықпал етеді, – деді аудан әкімі Жандос Еркінбек.</blockquote>

Қармақшы ауданында әлеуметтік-экономикалық даму қарқыны артып келеді

<a href="https://kyzylorda-news.kz/">Kyzylorda-news.kz</a> 2026 жылдың 12 шілдесінен бастап Халыққа қызмет көрсету орталықтарында жер учаскесіне мемлекеттік акт беру қызметі көрсетілмейді. Бұл туралы <a href="https://stan.kz/endi-xalyqqa-qyzmet-korsetu-ortalygy-zer-ucaskesine-memlekettik-akti-b-436941/">Stan.kz</a> ақпарат агенттігі хабарлайды.Енді жер учаскесіне мемлекеттік акт алу үшін өтінішті тек eGov.kz порталы арқылы беруге болады. Бұл өзгерістер Қазақстан Республикасы Ауыл шаруашылығы министрлігінің бұйрығына сәйкес күшіне енді."Ұлттық ақпараттық технологиялар" АҚ мәліметінше, қызметті алу үшін пайдаланушы eGov.kz порталында авторизациядан өтіп, жер учаскесіне мемлекеттік акт беру қызметін таңдауы, қажетті мәліметтерді толтыруы және өтінішке қолжетімді электрондық сәйкестендіру тәсілдерінің бірі арқылы қол қоюы қажет.Өтініш қаралғаннан кейін оның нәтижесін пайдаланушының Жеке кабинетінен көруге болады. Мемлекеттік қызметті алу тәртібі туралы толық ақпарат eGov.kz порталындағы қызмет паспортында жарияланған.Қазақстанның Жасанды интеллект және цифрлық даму министрлігінің бірінші вице-министрі Ростислав Коняшкиннің айтуынша, бұған дейін жер учаскесіне мемлекеттік акт алу үшін азаматтар ХҚКО-ға жеке баруға мәжбүр еді.<blockquote>"Қазір мұндай қажеттілік жоқ. Себебі өтініштердің 96%-ы онлайн форматта беріледі. Ал 12 шілдеден бастап бұл қызмет толықтай цифрлық форматқа көшірілді", – деді ол.</blockquote>Сонымен қатар егер азаматтың қызметті онлайн алуға мүмкіндігі болмаса, ол ХҚКО-дағы өзіне-өзі қызмет көрсету аймағын пайдаланып, мемлекеттік қызметті өз бетінше рәсімдей алады.Сурет: gov4c.kz

Халыққа қызмет көрсету орталығы тағы бір қызмет бойынша өтінішті онлайн қабылдайды

<a href="https://kyzylorda-news.kz/">Kyzylorda-news.kz</a> 2026 жылғы қаңтар-сәуір айларының қорытындысы бойынша Қазақстанда сары май мен күнбағыс майы өндірісінің тұрақты өсімі байқалды. Сыртқы сауда көрсеткіштері де оң динамика көрсетті: өнімнің екі санаты бойынша экспорт көлемі ұлғайып, бұл отандық қайта өңдеу өнеркәсібінің әлеуетінің артып келе жатқанын айғақтайды.Есепті кезеңде республикада майлылығы 85% аспайтын 13,8 мың тонна сары май өндірілді. Бұл 2025 жылдың сәйкес кезеңімен салыстырғанда 47,4% артық.Сары май экспорты 40,4% өсті. 2026 жылғы қаңтар–сәуір аралығында шетелге 394,1 тонна өнім экспортталды. Бұл өткен жылдың осы кезеңіндегі 280,7 тоннамен салыстырғанда айтарлықтай жоғары. Негізгі экспорттық нарықтар – Ресей, Моңғолия, Қырғызстан және Беларусь.Сары май импорты 2 242,2 тоннаны құрады. Ішкі нарықтағы импорттық өнімнің үлесі 13,9% болды. Негізгі жеткізушілер – Беларусь пен Иран.Төрт айдың қорытындысы бойынша ішкі нарықта 15,7 мың тонна сары май өткізілді.Күнбағыс майы өндірісінде де оң өсім сақталуда. 2026 жылғы қаңтар–сәуір айларында отандық кәсіпорындар 335,5 мың тонна тазартылған және тазартылмаған күнбағыс майын өндірді. Бұл өткен жылдың сәйкес кезеңімен салыстырғанда 13,2% көп.Күнбағыс майының экспорты 49,6% артты. 2026 жылғы қаңтар–сәуір айларында экспорттық жеткізілімдердің көлемі 353,8 мың тоннаны құрады, ал өткен жылдың осы кезеңінде 236,4 мың тонна өнім экспортталған. Негізгі экспорт бағыттары: Өзбекстанға – 153,2 мың тонна, Қытайға – 127,2 мың тонна, Ауғанстанға – 38,6 мың тонна, Тәжікстанға – 27 мың тонна, Иранға – 4,9 мың тонна және басқа да елдер.Күнбағыс майының импорты 47,9 мың тоннаны құрады. Бұл ретте ішкі нарықтағы импорттық өнімнің үлесі төмен деңгейде қалып, 12,5% құрады. 2026 жылғы қаңтар–сәуір айларында Қазақстанның ішкі нарығында 29,7 мың тонна күнбағыс майы өткізілді.Сурет иллюстрациясы: OpenAI

Елімізде сары май мен күнбағыс майының өндірісі ұлғайды

<a href="https://kyzylorda-news.kz/">Kyzylorda-news.kz</a> Қызылорда облысы әкімінің орынбасары Нұриддин Аманқұл Корея Республикасының Алматы қаласындағы Бас консулы Ха Тэ Укпен кездесті.Кездесу барысында тараптар Қазақстан мен Корея Республикасы арасындағы стратегиялық әріптестікті одан әрі дамыту, инвестициялық, ғылыми-білім беру және мәдени-гуманитарлық салалардағы ынтымақтастықты кеңейту мәселелерін талқылады.Нұриддин Аманқұл Қазақстан мен Корея Республикасы арасындағы өзара сенім мен достыққа негізделген қарым-қатынастың табысты дамып келе жатқанын атап өтіп, Бас консулға екі ел арасындағы ынтымақтастықты нығайтуға қосқан үлесі үшін алғыс білдірді.Кездесуде Хон Бом До музейінің қызметін толық іске қосу мәселесі де қаралды. Бас консул қажетті рұқсат құжаттарын рәсімдеу жұмыстарын жеделдетуге қолдау көрсетуді сұрады. Өз кезегінде облыс әкімінің орынбасары бұл бағыттағы барлық рәсімдерді жедел аяқтауға жан-жақты қолдау көрсетілетінін жеткізді.Сондай-ақ Қызылорда облысының инвестициялық әлеуеті таныстырылып, корей инвестицияларын тарту және бірлескен жобаларды іске асыру мүмкіндіктері талқыланды. Білім және ғылым саласындағы ынтымақтастық аясында Қорқыт ата атындағы Қызылорда университетінде жұмыс істейтін Жасанды интеллект мектебінің қызметі атап өтілді.Бас консул өңірде корей тілін оқыту орталықтарын ашу мүмкіндігін қарастыруды ұсынып, бұл бастаманың мәдени-гуманитарлық байланыстарды нығайтуға және білікті мамандар даярлауға ықпал ететінін айтты.Кездесу қорытындысында тараптар инвестициялық, ғылыми-білім беру және мәдени-гуманитарлық салалардағы өзара ынтымақтастықты одан әрі дамытуға дайын екендіктерін білдіріп, Қазақстан мен Корея Республикасы арасындағы стратегиялық әріптестіктің жаңа бірлескен жобалармен нығая беретініне сенім білдірді.

Қазақстан–Корея ынтымақтастығының жаңа бағыттары талқыланды

<a href="https://kyzylorda-news.kz/">Kyzylorda-news.kz</a> 2026 жылдан бастап Қазақстан тұрғындары 30 тамызда Конституция күнін тойламайды. Десе де биыл тамызда қазақстандықтарды барлығы он күн демалыс күтіп тұр, деп хабарлайды <a href="https://kaz.nur.kz/society/2398610-konstitutsiia-kuni-endi-nauryzda-toilanady-qazaqstandyqtar-tamyzda-qansha-kun-demalady/">KAZ.NUR.KZ.</a>Естеріңізге сала кетейік, 15 наурызда өткен республикалық референдумда қабылданған жаңа Конституция Қазақстанда 1 шілдеде күшіне енді. Нәтижесінде Конституция күнін ресми түрде атап өту күні де өзгерді.15 наурыз енді мемлекеттік мереке болып саналады. Бұл норма жаңа Конституцияның 94-бабы 2-тармағында бекітілген. Осылайша, 15 наурыз қазақстандықтар үшін жаңа демалыс күніне айналып отыр.eGov веб-сайтында жарияланған мерекелік және демалыс күндерінің күнтізбесіне сәйкес, ел тұрғындары биыл тамызда 10 күн демалады. 2026 жылы тамызда бірден 10 күн сенбі мен жексенбі күндеріне түсіп тұр. Осылайша, аптасына бес күн жұмыс істейтін қазақстандықтар он күн, ал алты күн жұмыс істейтіндер бес күн демалады.&nbsp;Сурет: pexels.webp

Конституция күні енді наурызда тойланады: қазақстандықтар тамызда қанша күн демалады?

<a href="https://kyzylorda-news.kz/">Kyzylorda-news.kz</a> Мемлекет басшысы Премьер-министр Олжас Бектеновті қабылдады. Бұл туралы Ақорданың баспасөз қызметі хабарлады.Премьер-министр бірінші жартыжылдық қорытындысы бойынша ішкі жалпы өнім көлемі 4,1 пайызға өскенін баяндады.Экономика құрылымындағы өңдеу өнеркәсібінің үлесі – 9,8 пайызға, көлік саласы – 7,1 пайызға, құрылыс 15,2 пайызға артты.Сондай-ақ сауда-саттықта – 5,7 пайыз, ауыл шаруашылығында – 4,4 пайыз және байланыс қызметінде 4,3 пайыз өсім тіркелді.Негізгі капиталға тартылған инвестиция көлемі 9,5 триллион теңгені құрады, соның ішінде жеке инвестиция 21,4 пайызға ұлғайды.Биыл өңдеу секторында 1,7 триллион теңгеге 200 инвестициялық жоба іске қосылып, 17 мың жұмыс орны ашылады.Пайдалануға берілетін тұрғын үй көлемі 20 миллион шаршы метрге жетпек.Ауыл шаруашылығындағы өндіріс көрсеткіші 15 триллион теңгені құрап, егістік алқаптары 23,8 миллион гектарға дейін ұлғайды.Шаруаларды қолдауға 1 триллион теңге бөлінді. Бұл ретте бюджеттің әр теңгесі 6,5 теңге жеке инвестиция тартуға септігін тигізді.Мемлекет басшысына Халықтың табысын арттыру жөніндегі кешенді жоспардың іске асырылуы және инфляцияны төмендету шаралары туралы ақпарат берілді.Маусым айында жылдық инфляция деңгейі 10,3 пайызды құрады.Президентке әлеуметтік және көші-қон саясатын жетілдіру нәтижелері туралы баяндалды, сондай-ақ жұмысқа орналасуға ынталандыру арқылы әлеуметтік қолдау тетіктерінің тиімділігін арттыру тәсілдері таныстырылды.Кейбір әлеуметтік төлемдерді оңтайландыру нәтижесінде жылына 800 миллиард теңгеден аса қаржы үнемделеді.Кездесуде жылыту маусымына дайындық мәселесіне айрықша назар аударылды.Өткен маусымның қорытындысы бойынша бес жылу электр орталығы аса жоғары тәуекелдің «қызыл» аймағынан шығарылып, үш ЖЭО «жасыл» аймаққа ауыстырылды.Биылғы жөндеу жұмыстары 9 энергия блогын, 55 қазандықты және 51 турбинаны қамтиды. Аталған мақсатқа 384 миллиард теңге бөлінген.«Энергетикалық және коммуналдық секторларды жаңғырту» ұлттық жобасы аясында жыл соңына дейін 12 мың шақырым инженерлік желі жөнделеді.Шетелден тартылған инвестиция көлемі 10 миллиард доллардан асты.Алматы тау кластерін дамыту туризм саласының ІЖӨ құрылымындағы үлесін арттырады.Almaty SuperSki жобасының құрылысы жандана түсті: 60 шақырым трасса құрылысы аяқталғанда тәулігіне 10 мың адамға дейін қызмет көрсетуге мүмкіндік туады.Нысанды пайдалануға беру 2028 жылдың желтоқсан айына жоспарланған.Еліміз «Болашақ ойындары-2026» жарыстарын өткізуге дайын.Мемлекет басшысы жаңа Конституцияға сай қабылданып жатқан шаралар туралы хабардар болды.Заңнаманы Ата заңға сәйкестендіру, «Әділетті Қазақстан» және «Заң мен тәртіп» қағидаттарын нығайту, әлеуметтік саясатты жетілдіру, Алатау қаласын қарқынды дамыту үшін құқықтық негіз қалыптастыру, сондай-ақ «Таза Қазақстан» бастамасын ілгерілету бойынша жұмыстар жүргізілуде.Кездесу соңында Қасым-Жомарт Тоқаев елімізді өркендету бағытындағы жүйелі қадамдарды жалғастыруды тапсырды.Үкіметке әлеуметтік және инфрақұрылымдық нысандар салуға арналған ауқымды бағдарламаны қолға алу міндеті жүктелді. Бұл бастама ел азаматтарының тұрмыс сапасын айтарлықтай жақсартуға тиіс.Сурет: Ақорда

Президент әлеуметтік және инфрақұрылымдық нысандардың құрылысын жеделдетуді тапсырды

<a href="https://kyzylorda-news.kz/">Kyzylorda-news.kz</a> Бүгін «Достық үйінде» облыс әкімі Мұрат Ергешбаев, зиялы қауым өкілдері, өңірдегі үкіметтік емес ұйымдар жетекшілері, басқарма және департамент басшылары, жастар ұйымдары, азаматтық қоғам белсенділерінің қатысуымен «Конституция – азаматтық қоғамды дамытудың құқықтық іргетасы» тақырыбында облыстық азаматтық форум өтті.Форумда жаңа Конституция аясында азаматтық қоғам институттарының рөлін арттыру, мемлекет пен қоғам арасындағы сындарлы әріптестікті нығайту және қоғамдық диалог мәдениетін дамыту мәселелері талқыланды.<img src="https://knadmin.beoblood.kz/uploads/Oblysty_forum_2_22efcfb7e5.jpg" alt="Облыстық форум 2.jpg">«Халықты ортақ мақсатқа жұмылдырып, үкіметтік емес ұйымдарды қоғамдық маңызы бар бастамаларға кеңінен тарту – мемлекеттік басқарудың тиімділігін арттыратын әрі қоғам мен билік арасындағы өзара сенімді нығайтатын озық тәжірибе. Президентіміз Қасым-Жомарт Кемелұлы халыққа арнаған Жолдауында: «Азаматтық қоғамға қолдау көрсетіп, оның әлеуетін нығайта түсу керек. Сондай-ақ, аса маңызды жалпы мемлекеттік міндеттерді шешу үшін талқылау жұмыстарына азаматтық қоғамның мүмкіндіктерін кеңінен қолдану қажет» деп атап өткен болатын. Өңіріміздегі азаматтық қоғам институттары мемлекеттік бастамаларды іске асыруға белсенді атсалысып, халықтың мүддесін қорғауға, өзекті әлеуметтік мәселелерді шешуге нақты үлес қосып келеді», – деді Мұрат Нәлқожаұлы.Аймақта мыңға жуық қоғамдық ұйым тіркелген, 2023-2026 жылдары мемлекеттік әлеуметтік тапсырыс аясында 555 әлеуметтік жоба жүзеге асты. Облыстық, аудандық әкімдіктер жанындағы кеңестер мен комиссиялар құрамында 200-ден астам үкіметтік емес ұйым өкілі бар.Форумда «Самұрық» инновациялық идеяларды дамыту орталығы» қоғамдық қорының директоры Жандос Тұсмағамбетов, «Ақ босаға» әйелдер қоғамдық бірлестігінің төрағасы Зейнар Тәжиева, «Ел-Арай» қоғамдық қорының төрағасы Асхат Байдәулетов және «Жас толқын» еріктілер жасағының жетекшісі Әнуар Тоқтамысов баяндама жасап, үкіметтік емес ұйымдардың әлеуетін арттыруға қатысты ұсыныстарын ортаға салды.Сондай-ақ азаматтық қоғамның дамуына елеулі үлес қосқан азаматтарға Конституцияның жаңа редакциядағы арнайы басылымы табысталды. Өңірдегі белсенді үкіметтік емес ұйымдардың жетекшілері облыс әкімінің Алғыс хатымен және арнайы қаржылай сыйақы сертификатымен марапатталды.<img src="https://knadmin.beoblood.kz/uploads/Oblysty_forum_3_58fac58d82.jpg" alt="Облыстық форум 3.jpg">

Қазақстан және Қызылорда облысының жаңалықтары