<a href="https://kyzylorda-news.kz/">Kyzylorda-news.kz</a> Президент Қасым-Жомарт Тоқаев жуырда АЭС салу бойынша 6 қазан күні референдум өтетінін ресми мәлімдеді. Енді сол референдумда Қазақстан халқы өз таңдауын жасайды. Аталған мәселеге қатысты Үкіметтің басты аргументі «энергия жетіспейді, АЭС сол энергетикалық тапшылықты жоюға көмектеседі» деген месседж болса, ал халықтың ойында елдің экологиялық қауіпсіздігі бірінші орында тұр.Осы ретте физика-математика ғылымдарының докторы Медеу Әбішев АЭС- жоғары технологиялық қондырғы, оны салу көп салаға серпін береді және мемлекеттің өркендеуіне, ғылыми-техникалық, энергетикалық дамуы үшін қажет дейді.<blockquote>–&nbsp;Бізде ядролық физика институты бар. Одан кейін, біздің жетекші университеттер бәрі осы ядролық физика саласында ғылыми зерттеулер жүргізеді және бүкіл дүниежүзінің ядро-физикалық орталықтарымен қатынас орнатып, тәжірибе алмасуға, жас мамандарды тағылымдама алуға жібереміз, – дейді&nbsp;физика-математика ғылымдарының докторы, профессор Медеу Әбішев.</blockquote><img src="https://knadmin.beoblood.kz/uploads/2_fa3d950bb8.jpg" alt="2.jpg">

Атом  энергиясының тәуекелі жоғары және технологиялық жағынан күрделі

<a href="https://kyzylorda-news.kz/">Kyzylorda-news.kz</a>&nbsp; Сәті түскенде қайғылы жағдай болмай, бала қашып үлгерген.Оқиға видеоға түсіп қалған, бір топ бала ұлды ұстап тұрап, "Sezim Qala" тұрғын үй кешенінің бесінші қабатынан лақтыруға тырысқан, деп хабарлайды<a href="http://sn.kz/"> Skifnews.kz </a>ақпарат порталы.&nbsp;Кадрларда балалар күліп, келеке етіп, болған істің барлығын бастан аяқ видеоға түсірген.<blockquote>"Бұл Менің құлдарым, таныс болыңыздар! Нұрәлі, Санжар... Ол оны өлтіргенімізді қалайтынын айтты", - дейді балалардың бірі.</blockquote>Біраз уақыттан кейін оқиғаның барлық қатысушылары 5 қабатқа көтеріліп, балалардың бірін көп қабатты үйдің балконынан тастауға тырысты.Сәті түскенде қайғылы жағдай болмай, бала қашып үлгерген.Фото: Pixabay

Астанада бір ауланың балалары достарын үйдің 12-қабатынан лақтырып жібермек болған

<a href="https://kyzylorda-news.kz/">Kyzylorda-news.kz</a>&nbsp; Бүгінде елімізде жол саласында кәсіби маман тапшы. Көлік министрлігінің есебі бойынша қазіргі таңда үш мыңға жуық кадр жетіспейді. Жастардың жолшы мамандығына қызығушылығын арттыру бағытында “Жол активтерінің ұлттық сапа орталығы” РМК ел бойынша “2 мың мектеп” жобасын өткізуде. Орталық мамандары білім ордаларына барып, жоғары сынып оқушыларына жол-көлік мамандығы туралы кәсіби бағдар беріп келеді.Осы орайда, жергілікті орталықтың тәжірибелі зертханашысы Орынкүл Мырзабаева қаладағы #235, 7 және 187 мектептердің оқушыларымен кездесіп, жолшы мамандығы бойынша білген-түйгенімен бөлісті.<blockquote>– Жалпы жастар жол саласы өте ауыр, далалық жердегі қара жұмыс деп ойлайды. Бірақ, қазір технология дамыды, көп жұмысты автоматтандырылған техника жасайды. Енді соны меңгеретін маман керек. Қазір жолшылардың жалақысы мұнайшылардан кем емес. Қазір ауқымды жол құрылыстарына шет елден мамандар тартылып жатыр. Неге өзіміздің жастардың арасынан білікті маман даярламасқа? Өйткені, қазақтың білімді, талапты жастары жетерлік. Міне, осы бағытта біз мектептерге арнайы келіп, оқушыларды жол-көлік мамандығын таңдауға шақырып жатырмыз, – дейді Орынкүл Мырзабаева.</blockquote>

Орынкүл Мырзабаева: Болашақ жолшылар мектептен шығады

<a href="https://kyzylorda-news.kz/">Kyzylorda-news.kz</a>&nbsp; Қызылорда облыстық Жастар ресурстық орталығында «Адал азамат – белсенді қоғам» азаматтық қоғамды дамыту ұлттық орталығының қызметін ұйымдастыру» жобасының аясында жастарға тегін заң көмегін көрсетуге арналған «Ашық есік күні» өтті.Бірнеше білім ұйымдарының студенттері адвокат, заң орындаушы мен нотариустерінің құқықтық кеңестерін алды.Жобаның жергілікті үйлестірушісі – Қызылорда облысының үкіметтік емес ұйымдарының Альянсы Ассоциациясы.Қазақстан Республикасының Конституциясында бекітілген әр азаматтың білікті заң көмегін алу құқығын іске асыруды қамтамасыз ететін жоба өңірімізде Қызылорда облысының Әділет департаменті және Қызылорда облысының Қоғамдық Даму басқармасының қолдауымен жүргізіледі. Жоба аясында Қазақстан Азаматтық Альянсының барлық аймақтық офистерінің базаларында орталықтар ашылып, кеңесшілері тұрғындарға кеңес береді.Заңгерлер жастардың жұмысқа орналасу, жоғары оқу орындарындағы кредиттік жүйе туралы нақты ақпарат алу, колледжден кейін жоғары оқу орнына түсу үшін қарастырылған квоталар, тұрғын үй проблемалары, коллекторлардың міндеттері мен құқықтары жөнінде, тағы басқа сұрақтар бойынша кеңес алғандарын мәлімдеді.

Ашық есік күні өткізілді

<a href="https://kyzylorda-news.kz/">Kyzylorda-news.kz</a> Қызылорда облысы бойынша Қылмыстық-атқару жүйесі департаментіне қарасты №68 мемлекеттік мекемесінің жедел бөлім қызметкерлері жыл басынан бері жүйелі жұмыс жүргізіп келеді.«Допинг» тақырыбында Қызылорда облыстық полиция департаментінің Есірткі қылмысына қарсы іс-қимыл басқармасымен және Қызылорда желілік полиция бөлімі Есірткі қылмысына қарсы іс-қимыл тобының мамандары мен кинолог мамандар бірлесіп, арнайы аумақта тінту шараларын жүргізді. Нәтижесінде есірткі табылған жоқ.Алайда заңсыз қару бойынша жедел ақпарат түскен жағдайлар кездесті.&nbsp; Жедел бөлім қызметкерлері оқиға орнына жедел тергеу тобымен бірге барып, қарумен бірге оқтар тапқан. Айғақ заттар Шымкент-Самара тас жолында, нақтыласақ, Белкөл кентіне қарасты Әзербайжан көпірінің сол жақ төңірегінен анықталды. Жедел ақпаратты тексеру барысында талдың&nbsp; арасынан ақ матаға оралған ұңғысы кесілген 16 калибрлі аңшы мылтығы&nbsp; және үш оқ шықты. Бұл дерек бойынша тергеп-тексеру амалдары жүргізіліп, тиісті шаралар қолданылды. Сонымен бірге мекемеге келетін сәлем-сауқатты тексеру барысында жедел бөлім қызметкерлерінің жедел ақпаратына&nbsp; сәйкес жаңғақ ішіне жасырылған 8,59 гр өткір иісті марихуана белгілі болды.Аталмыш бөлім қызметкерлері – өз ісінің білікті мамандары. Олар өз қызметтерін тыңғылықты атқарғандықтан, рұқсат етілмеген заттардың анықталуы азайған. Қылмысты ашуда, қылмыстық жауапқа тартуда тергеу іс-әрекеттерімен қатар, жедел-іздестіру әрекеттерінің де рөлі аз емес.№68 мекеменің Жедел бөлім қызметкерлері өз міндеттерін мүлтіксіз атқарғаны үшін марапатталып, еңбектері бағаланды.Мөлдір ЖолдасбекқызыҚызылорда облысы бойынша ҚАЖД

ҚАЖ департаменті есірткіге қарсы шара өткізді

<a href="https://kyzylorda-news.kz/">Kyzylorda-news.kz</a> &nbsp;Президент Жарлығына сәйкес, елімізде 6 қазан күні Республикалық референдум өткізіледі.Азаматтар «Сіз Қазақстанда атом электр станциясын салуға келісесіз бе?» деген сауалы бар бюллетень алып, дауыс береді.ҚР Орталық референдум комиссиясы «Республикалық референдумды өткізу және ұйымдастыру» мәселелеріне арналған Күнтізбелік жоспарды бекітті.Қазіргі таңда референдумды ұйымдастыру мәселелеріне қатысты дайындық жұмыстары жүргізілуде.- Референдум күні Қызылорда өңірінде380 референдум учаскесіжұмыс жасайды. Оның 126-ы Қызылорда қаласында, қалғандары аудандарда.Облыс бойынша 2652 учаскелік референдум комиссиясының мүшесі қызмет атқарады.Қазіргі таңда учаскелерді жабдықтау жұмыстары жүргізілуде. Дауыс беру кабиналары арнайы ширмамен жабдықталып, мүгедектігі бар азаматтарға қолайлы жағдайлар жасалады. Бұл ретте жергілікті әкімдіктермен бірлескен жұмыс бар.Аймақта 497 950дауыс беруші азамат тізімге енгізілген.Тұрғындардың тізімі 15 қыркүйекке дейін өзектендіріліп, тиісті учаскелерге ұсыналады. Әрі қарай учаскелер дауыс беруші азаматтар тізімімен жұмыс жүргізеді,-деді Қызылорда облысының аумақтық референдум комиссиясының төрағасы Әділбек Ерсұлтанов.Комиссия мүшелерінің біліктілігін арттыру бағытында оқыту жұмыстары жүргізіледі. Көшпелі оқытуға қала және аудандағы аумақтық сайлау комиссиясының 56 мүшесі мен учаскелердегі 1692 комиссия мүшесі қамтылады. Қалған комиссия мүшелері каскад әдісімен оқытылады.Бүгінгі күні Қызылорда облысында24 қоғамдық бірлестік аккредиттациядан өткізілді. Олар Референдум процесі кезінде бақылау жұмыстарын жүргізе алады.Дауыс беруші азаматтарға референдум болатын күн және учаскелер туралы ақпарат қамтамасыз ету үшін арнайы плакаттар мен билбордтар ілінуде.Орталық референдум комиссиясы арқылы 380 учаскелік референдум комиссиясына және&nbsp;көшелерге ілінетін 620 билборд басылып, таратылуда.Сондай-ақ, ҚР Орталық референдум комиссиясымен дайындалған бейнероликтер халық көп шоғырланатын орындардағы ЛЕД экрандарда және жергілікті телеарналарданнасихатталуда.Жергілікті әкімдіктің қолдауымен сайлау науқанында азаматтардың дауыс беру учаскесін нақтылау үшін «Өзіңді сайлаушылар тізімінен тексер»&nbsp;сервисі іске қосылды. Әрбір тұрғын үшін referendum.orda.gov.kz сайты қолжетімді. Мұнда азаматтар ЖСН теру арқылы өз учаскесін анықтай алады. Сондай-ақ, 109 call-орталығы өз жұмысын бастады.

Қызылорда өңірінде 380 учаскелік референдум комиссиясы жұмыс жасайды

<a href="https://kyzylorda-news.kz/">Kyzylorda-news.kz</a> Қазалы ауданында кәсіпкерлер саны жыл сайын артып келеді. Бүгінде онда 5 797 шағын және орта кәсіпкер тіркелген. Ал, жыл басынан бері ауданда жаңадан 17 кәсіпкерлік нысан бой көтеріп, 56 адам тұрақты жұмысқа орналасқан. Бұл туралы облыстың бас ақпарат алаңында Қазалы ауданының әкімі Мейрамбек Шермағанбет мәлімдеді.<blockquote>– Кәсіпкерлікті қолдау мақсатында ауданда мемлекеттік бағдарламалар аясында қаржы ұйымдары тарапынан 166 жоба бойынша кәсіпкерлерге 3,0 млрд теңге несие, грант қаражаты берілді. Бөлшек сауда айналымы 7,1 млрд теңге болып, 4,1 пайызға көбейді. Сонымен қатар, биыл аудан бойынша барлығы 17 029 гектар жерге ауыл шаруашылығы дақылдары орналастырылды. Сырдария өзеніндегі су тапшылығына байланысты былтыр аудан көлеміндегі егістікті сумен қамтамасыз етуде қиыншылықтар болғаны рас. Осыған сәйкес, биыл күріш егісінің көлемі өткен жылмен салыстырғанда 250 гектарға азайтылды. Оның орнына әртараптандыру бағытында суды аз қажет ететін басқа дақылдардың көлемін арттырып отырмыз. Атап айтқанда, жаздық бидай 81 гектар, жаңа жоңышқа 126 гектар, ескі жоңышқа 122 гектарға артық орналасты. Сондай-ақ, азық-түлік қауіпсіздігін қамтамасыз ету мақсатында картоп, көкөніс, бақша дақылдарын қосымша егу үшін барлығы 281 адам бірігіп 146 гектар жерге дақылдарды орналастырылды,- деді Мейрамбек Зинабдинұлы.</blockquote>Фото: Қызылорда облысының Өңірлік коммуникациялар қызметі

Қазалы ауданында 5 797 кәсіпкер тіркелген

<a href="https://kyzylorda-news.kz/">Kyzylorda-news.kz</a>&nbsp; &nbsp;Биыл Қазалы құрылысында татымды тірлік көп. “Руханият жылы” аясында бой көтеретін Руханият орталығының құрылыс-монтаж жұмыстары бастау алып, орталықтың іргетасын құю жұмыстары жүргізіліп жатыр. Ел Президенті Қасым-Жомарт Тоқаевтың бастамасымен қолға алынған «Жайлы мектеп» ұлттық жобасы аясында Жанқожа батыр ауылынан 300 орындық мектеп ғимаратының да құрылысы жүйелі. Тұрғын үйлер де бой көтеріп, аудан ажарын айшықтап жатыр. Құрылыс саласындағы қарымды істерді Қазалы ауданының әкімі Мейрамбек Шермағанбет Өңірлік коммуникациялар қызметінің ақпарат алаңында баяндап берді.<blockquote>– Биыл аймақ басшысы Нұрлыбек Машбекұлының бастамасымен, 2024 жыл Сыр өңірінде «Руханият» жылы болып жарияланды. Жыл аясында барлық аудандарда «Руханият» орталықтарының құрылысы басталуда. Жуық арада ауданда аталмыш нысанның іргетасы қаланбақ. «Жайлы мектеп» ұлттық жобасы аясында Жанқожа батыр ауылынан 300 орындық мектеп ғимараты құрылысы қарқынды жүргізілуде. Қазіргі таңда мектеп ғимаратының кірпіш қалау жұмыстары аяқталып, төбе жабындысын жабу жұмыстары жүргізілуде. Сонымен қатар аталмыш жоба аясында биыл Әйтеке би кенті мен Қазалы қаласының аралығынан жоспарланған 600 орындық мектептің құрылысы басталады. 2024 жылға «Ауыл – ел бесігі» бағдарламасы аясында 3 спорт кешені және 1 ауылдық клуб нысаны құрылысын бастауға тиісті қаржы бөлініп, мердігерлері анықталып, құрылыс жұмыстары басталды. Өткен жылы ауданымыздағы халықтың әлеуметтік осал топтары үшін 52 отбасыға баспана тапсырылған болатын. Биыл да үлгілі үрдіс жалғасып, жалға берілетін тұрғын жай сатып алуға қаржы бөлініп, барлығы 2 пәтерлі 75 тұрғын үйдің құрылысы басталды. Бүгінгі таңда бастапқы 123 тұрғын жай сатып алуға тиісті қаржы бөлінді. Дәл қазіргі уақытта тұрғын үйлердің құрылыс жұмыстары қарқынды жүргізілуде, – деді Мейрамбек Зинабдинұлы.</blockquote>

Мейрамбек Шермағанбет: 600 орындық мектептің құрылысы басталады

<a href="https://kyzylorda-news.kz/">Kyzylorda-news.kz</a>&nbsp; Бүгін облыс әкімі Нұрлыбек Нәлібаев Қызылорда қаласының құрылыс нысандарындағы жұмыс барысын бақылады.Алдымен Тәуелсіздік даңғылындағы жөндеу жұмыстарын көрді.Еске салсақ, өткен жылы өңірде 38 млрд теңгеге 671 шақырым жол жөнделіп, жақсы жағдайдағы жолдар үлесі 87,5 пайызға жеткен еді. Осы жылдың қорытындысымен бұл көрсеткішті 92 пайызға жеткізу жоспарлануда. Жергілікті жол инфрақұрылымын дамыту бағытында ұсынылған 61 млрд теңге бюджеттік өтінімнің 30 млрд теңгесі қолдау тапты, 215 шақырым автомобиль жолдары, көпір өткелдері және көшелер жөнделмек. Жыл соңына дейін қаржыландыру көлемі тағы да ұлғайтылады. Қызылорда қаласының жол-көлік инфрақұрылымын дамытуға республикалық және облыстық бюджеттерге 28,3 млрд теңгеге бюджеттік өтінім беріліп, оның 12 млрд теңгесі қолдау тапты. Айта кету керек, өткен жылы Қызылорда қаласында 11 млрд теңгеге 82 шақырым болатын 267 көше жөндеуден өтті.Әрі қарай Нұрлыбек Машбекұлы "Жан-Арай" өндірістік кешеніндегі жеміс-жидек сақтау қоймасының құрылысын көрді.Кешенде күріш жармасы халықаралық стандарттарға сай өңделіп, түйіршіктелген құрама жем өндіріледі. Қазіргі таңда зауытта 1500 тонна жеміс сақтау қоймасы салынуда, оның тоңазытқышының сыйымдылығы - 1120 тонна. Жобаның құны - 1 млрд. теңге.Қоймаға температуралық режимді қамтамасыз ететін тоңазытқыш агрегаттарының 8 жиынтығы орнатылған. Жабдық өндіруші түріктің "Gantek" компаниясы.Қызылордадағы заманауи үлгідегі жаңа жылу-электр орталығы қуат тапшылығын азайтуға мүмкіндік беретін жоба екені белгілі. Жоспарға сәйкес 2025 жылы ел игілігіне беріледі. Қазіргі уақытта жұмыс қарқынды жүруде.Орталықтан кейін облыс әкімі сол жағалаудағы жайлы мектеп құрылысын да көрді. Өткен жылы басталған білім ошағы биыл пайдалануға беріледі."Білімді қолдау қоры» есебінен қолға алынған физика-математика мектеп-интернаты да аймақ басшысының назарынан тыс қалған жоқ.Мұнан бөлек, сол жағалаудағы жеті қабатты үйлердің құрылыс алаңына да аялдады.Өткен жылы тұрғын үй құрылысын дамыту мақсатында өңірімізде алғаш рет жеті қабатты 6 тұрғын үй салына бастаған болатын. Бүгінгі күні абаттандыру, сыртқы және ішкі әрлеу жұмыстары жүргізілуде.Өңірде соңғы екі жылда 4 мыңға жуық пәтер табысталып, 17 мың тұрғынның баспана мәселесі шешілді. Биыл тұрғын үй құрылысына және дайын пәтерлер сатып алуға 34,1 млрд теңге бөлінген. Бұл арқылы 2,5 мыңнан астам пәтерді пайдалануға беруге мүмкіндік жасалмақ.Облыс орталығының құрылыс нысандарын аралап шыққан аймақ басшысы жұмыс сапасын күнделікті бақылауды тапсырды.<img src="https://knadmin.beoblood.kz/uploads/2_4a28399369.jpg" alt="2.jpg"><img src="https://knadmin.beoblood.kz/uploads/3_6b993f6f7c.jpg" alt="3.jpg"><img src="https://knadmin.beoblood.kz/uploads/4_65c2671fbc.jpg" alt="4.jpg"><img src="https://knadmin.beoblood.kz/uploads/5_7de7a5bf56.jpg" alt="5.jpg">Фото: Қызылорда облысы әкімінің баспасөз қызметі

Аймақ басшысы құрылыс нысандарындағы жұмыс барысын көрді 

<a href="https://kyzylorda-news.kz/">Kyzylorda-news.kz</a>&nbsp; Аймақ басшысы Нұрлыбек Нәлібаев «Жайлы мектеп» ұлттық жобасы аясында Қызылорда қаласында салынған білім ордасына барып, жұмыс барысымен танысты. Құрылыс алаңына облыстық мәслихат хатшысы Мұрат Тілеуімбетов, облыс әкімінің орынбасарлары, жауапты басқарма басшылары, қала әкімі барды.Қазір мектеп құрылысы аяқталуға жақын, таяуда ел игілігіне табысталмақ. Сол жағалаудағы заманауи ғимарат 900 орынға арналған.Ұлттық жобамен Қызылорда облысында 2025 жылға дейін 15 100 орынға арналған, құны 100 млрд теңгеден асатын 21 мектеп бой көтереді деп жоспарланған. Жайлы мектеп ауыл-аймақтар мен қалаларда бірыңғай стандартпен салынады. Басты ерекшелігі, бастауыш пен жоғары сынып оқушылары екі бөлек блокта білім алады. Балалардың қауіпсіздігі үшін әр блокта бейнебақылау, дыбыстық хабарлау сынды күшейтілген қауіпсіздік құрылғылары орнатылмақ. Сондай-ақ, оқушылардың оқу құралын, ауыстыратын киімін қоюға арналған шкафтармен жарақталады. Бос уақытты тиімді өткізуге, шығармашылығын шыңдауға да лайықты жағдай жасалады. Бұл білім ошақтарында физика, химия, биология және робототехника сыныбы заманауи құралдармен жабдықталады. Жоғары жылдамдықтағы интернетке қосылып, сыныптарға touch-экрандар қойылады. Бұдан бөлек, ерекше балалардың білім алуына да бар мүмкіндік жасалады. Оқушылар мектеп қабырғасында спортпен еркін айналыса алады. Жайлы мектептің жобалық қуатына сәйкес бірнеше спорт залы болады. Мұндай мектепте тек оқушыларға ғана емес, мұғалімдерге де жайлы жағдай жасалады. Білім ошағына қатынайтын қоғамдық көліктен, жаяу жүргіншілер жолынан, жарық бағаналарынан мәселе туындамайды.Аймақта салынатын жайлы мектептердегі құрылыс барысы облыс әкімінің ұдайы назарында. Нұрлыбек Машбекұлы құрылысты мерзімінде аяқтаудың әрі сапалы етіп салудың өте маңызды екенін тағы да қатаң ескертіп, жауапты тұлғаларға бірқатар тапсырма берді.<img src="https://knadmin.beoblood.kz/uploads/1_afc06777f2.jpg" alt="1.jpg"><img src="https://knadmin.beoblood.kz/uploads/3_e2128f63a4.jpg" alt="3.jpg">Фото: Қызылорда облысы әкімінің баспасөз қызметі

 Сыр өңіріндегі алғашқы "Жайлы мектеп" жақын күндері ашылады

<a href="https://kyzylorda-news.kz/">Kyzylorda-news.kz</a>&nbsp; Мемлекеттік бағдарлама аясында грант иегері атанған ІІІ топтағы мүгедектігі бар қала тұрғыны – Марат Есетов. Ол 2022 жылы «Бастау Бизнес» жобасы аясында кәсіпкерлік негіздерін оқыту курсынан өтіп, биыл 1 476 800 теңге көлемінде қайтарымсыз грант алған болатын.Қазіргі таңда кәсіпкер грант қаражатына өндіріске қажетті құрал-жабдықтарды алып, кәсіпкерлік саласының дамуына үлесін қосып отыр.Кәсіп иесі 10 жылға жуық цехта жұмыс істей жүріп, мол тәжірибе жинақтаған. Тәжірибенің арқасында тұрғындардың талғамы мен сұранысына сай сапалы есік-терезелерді шығаруда. Шағын цехта 3 адам жұмыс істейді. Пластикті кесу, бұрыштама жасау, үтіктеу сынды жұмыстар заманауи аппараттар арқылы жасалынады.<blockquote>«Мемлекеттік бағдарламаның шапағаты мұқтаж жандарға тиіп жатқаны қуантарлық. Ең бастысы, еңбек пен ниет керек. Алдағы уақытта осы салада өнім өндіретін цехтың көлемін ұлғайтуды жоспарлап отырмын», - деді «D&amp;M Plast» ЖК иесі Марат Амантайұлы.</blockquote>

«Бастау Бизнес»: Бағдарламаның илігін көрген кәсіпкер

<a href="https://kyzylorda-news.kz/">Kyzylorda-news.kz</a>&nbsp; &nbsp;Маңғыстау облысы Бесшоқы ауылында уланған оқушылардың саны 300-ге жетті.&nbsp;Бұл туралы&nbsp;<a href="https://stan.kz/mangistauda-ulangan-okushilardin-sani-300-ge-zhetti-405955/">Stan.kz</a>&nbsp;ақпарат агенттігі хабарлайды.Қазір 222 бала үйде ем алып жатыр, 67 бала ауруханада, оның екеуі жансақтау бөлімінде жатыр.1-4-сынып оқушыларының мектап асханасынан&nbsp;не жегені&nbsp;анықталып жатыр.Шенеуніктердің мәлімдеуінше, мектепте мәзір күнделікті жаңарып отырады. Мектепке тамақ беретін компания әзірге белгісіз. Зерттеу нәтижесі үш-бес күнде дайын болады.Облыс әкімі жағдайды жеке бақылауына алды.Еске салайық,&nbsp;Маңғыстау облысында Бесшоқы ауылындағы №8 мектепте оқушылар&nbsp;жаппай тамақтан уланып қалғаны туралы&nbsp;хабарлаған едік.&nbsp;Деректерге сүйенсек,&nbsp;мектеп асханасына барған 1-4-сынып оқушылары зардап шекті.&nbsp;Фото: Freepik.com

Қазақстан және Қызылорда облысының жаңалықтары

Атом энергиясының тәуекелі жоғары және технологиялық жағынан күрделі