<a href="https://kyzylorda-news.kz/">Kyzylorda-news.kz</a> Қалалық қоғамдық даму бөлімінің «Қала көлемінде діни экстремизм мен терроризмнің алдын алуға бағытталған насихаттық шараларды ұйымдастыру» әлеуметтік жобасы аясында «Жігер» Қызылорда облысы бойынша мүгедектер қоғамдық бірлестігінің қолдауымен, республикалық ақпарттық-түсіндіру тобының мүшесі Сәкен Алдашбаев &nbsp;«Рухани-адамгершілік құндылықтарды, ұлттық дәстүрлер мен мәденитетті насихатау», «Діни экстремизм мен терроризмге қарсы іс-қимыл» тақырыбында ҚАЖ департаментіне қарасты №60 түзек мекемесінде болып, жазасын өтеушілермен топтық кездесу өткізді.&nbsp;Кездесу барысында қазақ салт-дәстүрлерінің шығу тарихы жайында түсіндіріп берді. Мәселен, босағада тұрып керегені керу, тұсау кесу, қойдың омыртқасын немесе тұзды үйге ілу т.с.с дәстүрлердің дінмен еш байланысы жоқ болса, &nbsp;тасаттық беру, бейсенбі-жұма күндері жеті шелпек тарату сияқты дәстүрдің Ислам дінінен бастау алғандығын атап айтты.&nbsp;Кездесу соңында Сәкен Алдашбаев 3 жазасын өтеушіні жеке қабылдап, өздерін толғандырған сұрақтарына жауап берді.&nbsp;

РАТТ мүшесі жазасын өтеушілермен кездесті

<a href="https://kyzylorda-news.kz/">Kyzylorda-news</a> Мемлекет басшысы Қасым-Жомарт Тоқаевтың тапсырмасына сәйкес, ҚР Үкіметінің қаулысымен «Энергетикалық және коммуналдық секторларды жаңғырту» атты ұлттық жоба бекітілді. Ұлттық жобаның мақсаты – халыққа коммуналдық қызметтерді сенімді әрі сапалы көрсетіп, ел экономикасының орнықты дамуын қамтамасыз ету үшін ҚР энергетикалық және коммуналдық инфрақұрылымды жаңғырту болып табылады.&nbsp;<blockquote>– Ұлттық жобаны іске асырудың жоспар-кестесі бекітіліп, біздің облыс бойынша бұл аталған жобаға 3 ірі табиғи монополия субъектілері «Қызылордажылуэлектрорталығы» МКК, «Қызылорда су жүйесі» МКК мен «Қызылорда электр тарату тораптары компаниясы» АҚ қатысады. Қазіргі таңда департаментке 2 субъектіден инвестициялық бағдарламаларына өзгерістер енгізуге өтінімдер ұсынылды. Аталған өтінімдер бюджет қаражат есебінен болғандықтан тарифтің өсуіне әкеп соқпайды. Ұлттық жоба аясында департамент облыстық энергетика басқармасымен бірлесіп өңірдегі ірі табиғи монополия субъектілерінің инвестициялық бағдарламаларына өзгерістер енгізілетін болады, – ҚР Ұлттық экономика министрлігі Табиғи монополияларды реттеу комитетінің Қызылорда облысы бойынша департаменті басшысының орынбасары Зура Сардарбек.</blockquote>

Энергетикалық және коммуналдық секторларды жаңғырту жобасы бекітілді

<a href="https://kyzylorda-news.kz/">Kyzylorda-news.kz</a> Мемлекет басшысы Түркістанда өткен Ұлттық құрылтайда өскелең ұрпақтың тәрбиесі мен біліміне, ұлттық мүддеге сай келетін кітаптар басып шығаруға ерекше назар аударған болатын. Жаһандану заманында тілсіз тәрбиеші саналатын кітаптардың маңыздылығын арттыру - «AMANAT» партияcының да негізгі миссиясы. Партия 2023 жылы Президент бастамасын іске асыруға дәнекер болатын «Кітап-AMANAT» жобасын қолға алып, барлық өңірлерде отандық әдебиет пен баспагерлерді қолдауға бағытталған кітап орталықтарын ашты. &nbsp;Бүгінде орталықтар азаматтардың партияға өз мәселесін шешу үшін ғана емес, рухани баю үшін де келіп, отандық авторлардың ең озық кітаптарымен танысуына, отандық әдебиетке, жалпы кітап оқуға деген қызығушылығын арттыруға ықпал етіп отыр.<img src="https://knadmin.beoblood.kz/uploads/Whats_App_Image_2025_04_23_at_12_55_15_5b54905da8.jpeg" alt="Ұлттық кітап күні.jpeg">Бүгін Қызылордада «AMANAT» партиясының «Кітап AMANAT» орталығында Ұлттық кітап мерекесіне орай жас оқырмандармен кездеу өтіп, ұлттық мерекенің мән маңызы ерекше насихатталды.Жастармен болған кездесуге партияның облыстық филиалының төрағасы Алмасбек Есмаханов, партияның облыстық филиалының &nbsp;атқарушы хатшы Ләйлә Төрешова, облыстық мәслихаттағы фракция мүшесі Гүлшат Мұсаева қатысып, кітаптың адам қабілетіне, оның білім көкжиегін дамытудағы рөлі жөнінде ойларымен бөлісіп пікір алмасты. &nbsp;Мемелкет басшысы Ұлттық құрылтайдың үшінші отырысында сөйлеген сөзінде «Кітапқұмарлық – жақсы қасиет. Көптеген мемлекет Ұлттық кітап күнін атап өтеді. Біз, ең алдымен, жастарды кітап оқуға баулуымыз керек. Сонда жаппай кітап оқитын ұлтқа айналамыз», – деген еді.&nbsp;Алмасбек Есмаханов жастардың ой-санасын жетілдіру үшін, тіл байлығын арттыру үшін, өмірлік көзқарасы мен мәдениеттілігін қалыптастыру үшін кітап – негізгі тәрбие құралы болып табылатындығын атап өтті.<blockquote>«Хәкім Абай «Артық ғылым кітапта, ерінбей оқып көруге» деп, кітап оқудың адам өмірінде алар орнын ерекше айтып өтті. &nbsp;Мәдениетті адам болу үшін рухани байлық - кітапты дәстүрлі оқи отырып, бірнеше тілді игере алатындай болу керек. Қазіргі уақытта кітап оқуға барлық мүмкіндік жасалған. Сондықтан ерінбей кітап оқуды үрдіске айналдыру керексіздер. Бұл Расул Ғамзатов айтқандай «Өзіңді- өзің тану үшін де, өзгені тану үшін де» қажет дүние,- деді Алмасбек Есмаханов.</blockquote>Кездесу барысында жастармен отандық авторлар, олардың шығармалары төңірегінде жасырылған викториналық ойындар ойнатылып, үздік жастарға кітаптар сыйға тартылды. Мәселен өзгелерден оза шапқан жас оқырман Мадияр Зікірияұлына партияның облыстық филиалының төрағасы жұмысшы мамандықтар жылы аясында дәріптеуге тұрарлық &nbsp;Нұрмахан Елтайдың екі мәрте «Еңбек ері», КСРО мемлекеттік сыйлығының лауреаты, даңқты диқан Ыбырай Жақаевтың ғибратты ғұмыры мен ерен еңбегіне арналған «Дала академигі Ыбырай Жақаев» атты кітабын сыйға тартты.&nbsp;Кездесу соңында арнайы bookcrossing ұйымдастырылып, жастар өздерін қызықтырған &nbsp;кітаптарды саралады.<img src="https://knadmin.beoblood.kz/uploads/Whats_App_Image_2025_04_23_at_12_55_17_8427fe30d1.jpeg" alt="Ұлттық кітап күні.jpeg">

Жас оқырмандармен кездесу өтті

<a href="https://kyzylorda-news.kz/">Kyzylorda-news.kz</a> Бүгін ҚР Премьер-министрі Олжас Бектеновтің төрағалығымен Үкімет отырысы өтті. Күн тәртібінде газ саласын дамыту және цифрландыру, ЮНЕСКО-ның қамқорлығымен мәдени мұраны сақтау және насихаттау мәселелері қаралды. Оған облыс әкімі Нұрлыбек Нәлібаев селекторлық режим арқылы қатысты.&nbsp;Үкімет отырысынан соң аймақ басшысының төрағалығымен өткен мәжілісте газдандыру жобаларына, мәдени мұраларды сақтауға қатысты тапсырмалар жүктелді.<blockquote>«Газдандыру жобаларын сапалы әрі мерзімінде аяқтауды қамтамасыз етіңіздер. «ҚазақГаз Аймақ» мекемесінің қолданыстағы инвестициялық бағдарламасының мерзімі аяқталады. Алдағы бесжылдыққа жаңа инвестициялық бағдарлама дайындалуы тиіс. Ескерткіштер аумағына ақпараттық тақтайшалар, жол белгілерін орнатып, ауласына санитарлық тазалық жұмыстарын тұрақты ұйымдастыру керек. «Руханият орталықтарындағы» аудан тарихы музейлерінің экспозицияларын ЮНЕСКО-ның мәдени мұралары тізіміне енген тарихи жәдігерлермен толықтырыңыздар. &nbsp;Президентіміз бен Үкімет тарапынан экологиялық мәдениетті қалыптастыруға, қоршаған ортаны қорғауға баса мән берілуде. Өңірде тұрмыстық қатты қалдықтарды басқару саласында 9 жобаны жүзеге асыру жоспарланған. Өнеркәсіпті дамыту қоры сараптамасының екінші кезеңінен барлық жобаның өтуін қамтамасыз етіңіздер. &nbsp;Мамыр айында елімізде маңызды қоғамдық-саяси шаралар өтеді. 1 мамыр – Қазақстан халқының бірлігі күні, 7 мамыр – Отан қорғаушылар күні, бұдан бөлек, биыл Ұлы Жеңістің 80 жылдығы. Мерекелерді негізгі идеологиялық бағыттар аясында жоғары деңгейде атап өтуіміз қажет. Президент Әкімшілігі бекіткен тұжырымдамаға, көрсетілген ұстанымдарға сәйкес жұмыс жүргізілуі тиіс», – деді Н.Нәлібаев.</blockquote>Айта кету керек, аймақта елді мекендерді газдандыру жұмыстары жоспарлы түрде жүргізілуде. Өңірдегі қалалар мен аудан орталықтары түгелдей, оған қоса 45 ауыл табиғи газға қосылған. Өткен жылы газдандыру жобаларына 30 млрд. 500 млн. теңге бөлініп, 11 елді мекеннің 40 мыңға жуық тұрғыны газ тұтынуға көшті. Жыл басынан бері тағы 5 елді мекен газдандырылып, өңір халқын газбен қамту деңгейі 80,8 пайызға жетті. Биыл газдандыру жобаларына 6 млрд. 100 млн. теңге қаржы бөлінген.&nbsp;Фото: Қызылорда облысы әкімінің баспасөз қызметі

Биыл өңір тұрғындарын газбен қамту деңгейі 82 пайызға жетеді

<a href="https://kyzylorda-news.kz/">Kyzylorda-news.kz</a> Бүкіл әлемде трендке айналған дубай шоколады&nbsp;жаңғақ тапшылығына себеп болды. Тәттінің құрамындағы бұл өнімнің бағасы қымбаттап кеткен. Тіпті кей сауда орындары шоколадты шектеп сатуға мәжбүр болып отыр. Бұл туралы <a href="https://stan.kz/trendke-aynalgan-dubay-shokoladi-zhangak-tapshiligina-s-416904/">Stan.kz</a> ақпарат агенттігі хабарлайды.Financel Times баспасының мәліметінше, Дубай шоколадының құрамындағы жасыл жаңғақты ең көп экспортқа шығаратын АҚШ-тың өзі тығырыққа тірелген. Ал тапшылық бағаға әсер етіп отыр. Мысалы, өнімнің жарты келісі бір жыл ішінде 10 долларға (5 мың теңгеге) дейін қымбаттаған. Ал&nbsp;шоколадқа сұраныс әлі де азаяр емес. Соның салдарынан кей елдердің дүкендерінде бір адамға тек бір ғана тәттіден артық сатпайтын болған.Айта кетейік, Дубай шоколады 2024 жылы блогерлер ең көп жарнамалаған өнімдердің біріне айналған.Фото: thesun.co.uk

Трендке айналған дубай шоколады жаңғақ тапшылығына себеп болды

<a href="https://kyzylorda-news.kz/">Kyzylorda-news.kz</a> Жануарлар дүниесін қорғау және ұтымды пайдалану – мемлекеттің экологиялық саясатының негізгі бағыттарының бірі. Алайда бұл салада сыбайлас жемқорлық көріністерінің орын алуы биологиялық әртүрліліктің азаюына, заңсыз аңшылық пен балық аулаудың көбеюіне, табиғи ресурстардың тозуына әкеп соғады. Сондықтан жануарлар дүниесі саласындағы сыбайлас жемқорлыққа қарсы күрес ерекше маңызға ие.Жануарлар дүниесі саласындағы сыбайлас жемқорлық көбінесе заңсыз аң аулауға көз жұму, рұқсат құжаттарын заңсыз беру, тексеру барысында заң бұзушылықтарды жасыру сияқты әрекеттер арқылы көрініс табады.&nbsp;Мұндай жағдайлар табиғатқа орны толмас зиян келтіріп қана қоймай, қоғамның мемлекеттік органдарға деген сенімін төмендетеді.Қазақстан Республикасында сыбайлас жемқорлыққа қарсы күрес «Сыбайлас жемқорлыққа қарсы іс-қимыл туралы» заңға және салалық нормативтік-құқықтық актілерге сәйкес жүзеге асырылады. Жануарлар дүниесін қорғау саласында қызмет атқаратын мемлекеттік қызметшілерге адалдық, ашықтық және заңдылық қағидаттарын сақтау міндеттелген.Мемлекеттік бақылау мен қадағалау тетіктерін жетілдіру, рұқсат беру рәсімдерін цифрландыру, есептіліктің ашықтығын арттыру – сыбайлас жемқорлық тәуекелдерін төмендетудің тиімді жолдары.Сыбайлас жемқорлықпен күресте алдын алу шаралары басты рөл атқарады. Бұл бағытта:қызметкерлер арасында сыбайлас жемқорлыққа қарсы мәдениетті қалыптастыру; тұрақты түсіндіру және оқыту жұмыстарын жүргізу; қоғам мен үкіметтік емес ұйымдардың бақылауға қатысуын қамтамасыз ету маңызды.Сонымен қатар азаматтардың заңсыз әрекеттер туралы хабарлауына жағдай жасау және олардың құқықтарын қорғау да тиімді нәтижеге қол жеткізуге мүмкіндік береді.Жануарлар дүниесі саласындағы сыбайлас жемқорлыққа қарсы күрес – тек мемлекеттік органдардың ғана емес, бүкіл қоғамның ортақ міндеті.&nbsp;Адалдық пен жауапкершілік қағидаттарын сақтау арқылы ғана табиғи байлығымызды қорғап, келешек ұрпаққа аман жеткізе аламыз.

Жануарлар дүниесі саласындағы сыбайлас жемқорлыққа қарсы күрес – табиғатты қорғаудың маңызды бағыты

<a href="https://kyzylorda-news.kz/">Kyzylorda-news.kz</a> Ұстаз – ұлағатты есім. Шәкірттерін білім нәрімен сусындатып, тәлім-тәрбие беру, жақсы қасиеттерді бойына дарытып, адамгершілік рухта бағыт-бағдар беруде ұстаздың еңбегі зор. Сондықтан да ол әрдайым қасиетті ұлы тұлға ретінде ерекшеленеді. Ұстаздық – қасиет, яғни, ұстаз болу – адам бойындағы ұлы қасиеттердің бірі. Ендеше, осынау үлкен ұғымдағы ұстаздық қасиетке барынша адалдық танытып, бар саналы ғұмырын осы салаға арнаған ұстазға қандай мақтау, мадақ айтсақ та артық етпейді. Мен үшін &nbsp;мәңгілік жадымда сақталатын қасиетті ұлы тұлға Арықбай Нүсіпәліұлы орны ерекше.Әл–Фараби атындағы Қазақ Ұлттық университетінің профессоры, қылмыстық құқық және криминология саласының ірі тұлғасы, заң ғылымдарының докторы, профессор, Қазақстан Республикасының еңбек сіңірген қайраткері Арықбай Ағыбаевтың орны шәкірттері үшін ерекше. &nbsp;Арықбай Нүсіпәліұлы 1941 жылдың 15 маусымында Алматы &nbsp;облысы, Жамбыл ауданы, Талап селолық кеңесі, Қастек ауылында дүниеге келді. &nbsp;Арғы атасы Нарбота бидің әділ шешімдері жас баланы әділдік жолын іздеуде үлкен септігін тигізді. 1967 жылы әл-Фараби атындағы Қазақ мемлекеттік университетінің заң факультетін үздік тәмәмдаған Арықбай Ағыбаев ғылыми кеңестің шешімімен КСРО Ғылымдар Академиясының Мемлекет және құқық институтының аспирантурасын сәтті аяқтаған.&nbsp;1970 жылдың қарашасынан 1973 жылдың наурызына дейін әйгілі ғалым, ұлағатты ұстаз П.Ромашкиннің жетекшілігімен осы аталған Академияның диссертациялық кеңесінде «Билікке және қызмет бабына қиянат жасағаны үшін қылмыстық жауаптылық» (Қазақ ССР материалдары негізінде) деген тақырыпта кандидаттық диссертациясын ойдағыдай &nbsp;қорғады. Лауазымды тұлғалардың қатысуымен жасалатын &nbsp;қылмыспен күрес жолдарын &nbsp;жан-жақты талдай отырып, қылмыстық жауаптылықтың да қырларын анық аша түсті. Міне, лауазымды тұлғаның қылмыстық жауаптылығындағы ерекше құқықтық құбылысты қоғам назарына алып шығып паш еткен де Арықбай Нүсіпәліұлы болатын. Әрбір жасаған іс-әрекеттері үшін адамның жауапкершілікті сезіне білуі, оның ішінде лауазымды адамдардың іс-әрекеттерінің қоғамға тигізетін әсері ерекеше екенін атап өтуге болады.1973-1978 жылдар аралығында Алматы облысы сотында қызмет атқарды, ал 1978 жылдан бастап 1981 жылдарға дейін Қарағанды Мемлекеттік Университетінде аға оқытушылық қызметін бастады. Халықтың құқықтық сауатын ашу мақсатында 1981-1990 жылдары Қазақ теледидарында «Адам, қоғам және заң» телехабарының қоғамдық негіздегі жүргізушісі болды. Адамның қоғамға қарсы, құқыққа қайшы іс әрекеттері үшін жауап беруге міндеттейді. Туып өскен киелі жері Алматы қаласына қайта оралып, қазіргі Қазақ мемлекеттік қыздар педагогикалық университетінде қызметін жалғастырды.Ұстаз – ол шәкіртін өмірге бағыттаушы, оған өмірлік азық боларлық пайдалы білім мен жанына ізгіліктің нәрін егуші, жақсы мен жаманды, обал мен сауапты үйретіп, адамгершілік қасиеттерді сіңіруші, өзінің тәжірибесімен бөлісетін жанашыры әрі ақылшысы. Бір сөзбен айтқанда, өз уақытын аямай, өзгелерге көмек қолын созып тұруға дайын тұратын Арықпай ағамыз деп білем.Арықпай Ағыбаев – қылмыстық құқық &nbsp;және &nbsp;криминология кафедрасында доцент, профессор, кафедра меңгеруші қызметтерін үлкен аброймен атқарды. Ол қылмыстық құқық ғылымы саласындағы ірі тұлғалардың бірі. Қазақстан Республикасының жаңа Қылмыстық Кодексінің жобасын жасауға белсенді қатысты және заң саласындағы көптеген ғылыми еңбектердің авторы.1998-2010 жылдар аралығындағы әл-Фараби атындағы Қазақ ұлттық университетінің докторлық диссертация қорғау жөніндегі Диссертациялық кенесінің мүшесі ретінде қазақ ғылымының қатарын жас дарынды ғалымдармен толықтыруға себепші болды. Қылмыстық заңның адамға &nbsp;қоғам және мемлекет алдындағы жасаған қылмысының ауырлығы мен салмағын, сол жасаған қылмыстық құқықбұзушылығы үшін жаза өтеу қарызын сезіну және өмір сүрудің құндылығын бағалауда қажет екендігін ескертті. Тарих пен құқық, әдебиет тақырыптарына да көптеген еңбектер жазды. Қарасай батыр, Сүйінбай, Жамбыл, Сұраншы, Сүттібай мен Нарбота би жөнінде жазған бірнеше тарихи очерктері үшін &nbsp;оған халықаралық Жамбыл Жабаев атындағы сыйлық, Жамбыл ауданының «Құрметті азаматы» атағы берілді.&nbsp;Ғылымдағы еңбегі еленіп, профессор &nbsp;Арықпай Ағыбаев 2003 жылдың 8 желтоқсанындағы &nbsp;«Қазақстанның еңбек сіңірген қайраткері» атағын алды.Ұстаз бейнесі – шәкірт үшін адамгершіліктің ең жоғары үлгісі. Ұстаздың лаулаған жалыны – әр жүрекке жылу сеуіп, нұр құятын қуаттың, өмірдің қайнар көзі. Біздің ұстазымыз жанға қуат беруші және алға қойған барлық мақсаттарын көздей алатын негізгі қажеттіліктерді қамтамасыз етуші ұстаз.Құралай Жұмабаева,&nbsp;Алматы технологиялық университетінің&nbsp;әлеуметтік гуманитарлық пәндер кафедрасының&nbsp;ассистент профессоры, з.ғ.к.&nbsp;

Ұстаз - ұлы тұлға

<a href="https://kyzylorda-news.kz/">Kyzylorda-news.kz</a> Мемлекет басшысының бастамасымен биыл (2025 ж.) Қазақстанда алғаш рет Ұлттық кітап күні аталып өтіледі. 2024 жылы Ұлттық құрылтай отырысында жарияланған бұл шешім –жеке тұлғаның дамуындағы кітаптың рөліне қоғамның назарын бұруға, сондай-ақ жоғары оқу мәдениетін қалыптастыруға бағытталған.Мерекелік күнге дайындық аясында 2025 жылғы 14-18 сәуір аралығында EGOV mobile платформасында азаматтар арасында сауалнама жүргізілді.Анықтама: сауалнамаға еліміздің барлық өңірінен 46 190 адам қатысты. Оның ішінде 50.7% әйел және 49.3% ер; 70% қазақ, 18% орыс және 12% басқа этностар; 21% (18-29 жас), 50% (30-45 жас), 22% (46-60 жас), 5% (61 жастан жоғары).Сауалнаманың мақсаты – халықтың кітапқа қатысты қызығушылығын зерттеу, кітап оқуға деген жалпы көзқарасты анықтау.Алынған нәтижелер өзекті тенденцияларды көрсетеді және кітап оқитын ұлтты қалыптастыру әлеуетін жаңа көзқараспен бағамдауға мүмкіндік береді.Қазақстандықтардың басым бөлігі (57,3%) тұрақты негізде кітап оқиды.Социологиялық деректер қазақстандықтар кітап оқуды негізінен – білім және ақпарат алу үшін пайдаланатынын көрсетеді.&nbsp;Респонденттердің 31% жылына 1-3 кітап, 26.3% 3 кітаптан артық оқиды. Бұл көрсеткіш – халықтың едәуір бөлігінде оқуға деген қызығушылықтың сақталғанын көрсетеді.Бұл ретте кітапқұмар нәзік жандылардың саны (58.7%) ер-азаматтарға (55%) қарағанда көбірек екені байқалады.&nbsp;Оқуға деген қызығушылық жас санатына байланысты да құбылатынын көрсетті: кітап оқуға деген қызығушылық негізінен 18-29 жас аралығындағылар мен аға буын (61 жастан асқан) адамдар арасында &nbsp;басым. Ал 30-45 жас аралығындағы адамдар салыстырмалы түрде аз оқиды.Алайда, сұралғандардың үштен бір бөлігі (30.6%) уақыттың жоқтығынан мүлдем кітап оқымайтынын мойындады.Ал жалпы сұралғандардың тек 6.2% кітап оқуға ешқандай қызығушылық жоқ деп көрсеткен. Бұл егер мүмкіндік жасаса қоғамның кітапқа қызығушылық әлеуетінің жоғары екендігін көрсетедіТарихи мазмұндағы кітаптар – таңдаулы жанрлар рейтингінің көшбасшысы (26.4%)Қазақстандық оқырмандар кітап жанрлары арасында тарих, тарихи романдар, өмірбаяндар және публицистикалық кітаптарға басымдық береді (20.5%).Әрбір алтыншы таңдау – шытырман оқиғалар, махаббат романдары, детективтер (16.3%).Әрі қарай оқырмандарды қызықтыратын жанрлардың арасында:Психология, өзін-өзі дамыту кітаптары (15.4%);&nbsp;Оқулықтар, ғылыми және кәсіби әдебиеттер (8.2%)Классикалық әдебиет (7.7%);Ерлер мен әйелдер өздері үшін әртүрлі жанрларды таңдайды.&nbsp;Ер-азаматтар көбіне – тарихи кітаптар, сонымен қатар ғылыми және кәсіби әдебиеттерді дұрыс көреді.Ал нәзік жандылар – шытырман оқиғалар, махаббат туралы романдар, детективтер, сонымен қатар психология, өзін-өзі дамыту туралы кітаптарды ұнатады.&nbsp;Жалпы, қазақстандықтардың жанр бойынша қалаулары, сондай-ақ мазмұнды әдебиетке деген тұрақты қызығушылықтары – интелектуалды даму мен қоғамның өзін-өзі жетілдіруге деген ұмтылысын айғақтайды.Сауалнамаға қатысқандардың 50.8% - кітаптарды дәстүрлі қағаз форматында, 28% - смартфондар арқылы, 5.3% - электронды планшеттер арқылы оқиды.Сауалнама деректері цифрлы форматың кең таралуына қарамастан, қағаз баспадан шыққан кітаптардың танымалдылығы қазақстандықтар арасында әлі де жоғары екендігін көрсетеді. Сұралғандардың жартысына жуығы (50.8%) кітапты дәл осы форматта оқитынын айтқан.&nbsp;Одан кейін смартфондар – сұралғандардың үштен бірі телефонның экранынан оқиды (28%). Қазақстандықтар кітап оқу үшін пайдаланатын басқа да цифрлық тасымалдаушылар қатарында – электрондық планшеттер (5.3%) және компьютерлер (3.8%) саналады.Оқудың балама әдісі – кітаптарды принтерлерден басып шығару екен. Мұндай әдісті сауалнамаға қатысқандардың 1.25% көрсетті.Смартфондар, планшеттер және компьютерлер арқылы электронды форматта кітап оқу тәжірибесі жас қазақстандықтар арасында&nbsp; (18-29 жас аралығындағы) жиі кездеседі.&nbsp;Белсенді еңбекке қабілетті жастағылар (46 жастан 60 жасқа дейін) және аға буын (61 жастан асқан) кітапты дәстүрлі баспа форматында көбірек оқиды.Айта кету керек, әдетте респонденттер бір емес, бірден бірнеше ыңғайлы оқу форматтарын қалайды. Ең жиі кездесетіні – «қағаз кітап пен смартфон» нұсқасы, бұл әсіресе жастар мен орта жастағы адамдар арасында танымал.&nbsp;Жүргізілген талдау цифрлық құрылғылар Қазақстандықтардың оқу тәжірибесінен қағаз құрылғыларды толығымен ығыстырады деп айтуға әлі негіз жоқ екенін көрсетеді.Әрбір бесінші қазақстандық М.Әуезовтің «Абай жолы» және Абайдың «Қара сөздерін» оқыған.&nbsp;Танымал әдеби шығармалар ішінде «Көшпенділер» (І.Есенберлин); «Қан мен тер» (Әбдіжәміл Нұрпейісов); «Ақ Орда», «Қазақ хандығының тарихы» (Радик Темірғалиев); Бауыржан Момышұлының кітаптар жинағы ерекше көзге түседі.Шығармалар тізіміндегі абсолютті көшбасшылар – М. Әуезовтің «Абай жолы» және Абайдың «Қара сөздері». Бұл ұлы ойшыл Абай идеяларының қазіргі қоғам үшін жоғары өзектілігін тағы да көрсетеді.&nbsp;Ең танымал әдеби шығармалар шоғырында – белгілі қазақ классиктерінің шығармалары.Фото:&nbsp;ҚР Оқу-ағарту министрлігі

Қазақстандықтардың басым бөлігі кітап оқиды

<a href="https://kyzylorda-news.kz/">Kyzylorda-news.kz</a> Президент Қасым-Жомарт Тоқаев қазақстандықтарды 23 сәуір&nbsp;— Ұлттық кітап күнімен құттықтады.Бұл туралы ҚР Президентінің кеңесшісі&nbsp;— Баспасөз хатшысы Руслан Желдібай мәлімдеді.<blockquote>—&nbsp;Былтыр Атырауда өткен Ұлттық құрылтайда Мемлекет басшысы Ұлттық кітап күнін белгілеу жөнінде тапсырма берген болатын. Соған сәйкес, биылдан бастап 23 сәуір&nbsp;— Ұлттық кітап күні болып белгіленді. Атаулы күнге орай Президент Қасым-Жомарт Тоқаев қазақстандықтарды құттықтады,&nbsp;— деді Руслан Желдібай.</blockquote>Мемлекет басшысы өз құттықтауында Ұлттық кітап күні — білімпаздық, ізденімпаздық, кітапқұмарлық сияқты игі қасиеттерді дәріптейтін күн екенін атап өтті.<blockquote>—&nbsp;Биыл алғаш рет аталып жатқан Ұлттық кітап күні құтты болсын! Бұл&nbsp;— білімпаздық, ізденімпаздық, кітапқұмарлық сияқты игі қасиеттерді дәріптейтін күн. Кітап оқыған ұрпақ озық ойлы болады. Сапалы ұлт осындай құндылықтар арқылы қалыптасады,&nbsp;— делінген құттықтауда.</blockquote>Фото: Ақорда

Кітап оқыған ұрпақ озық ойлы болады — Президент

<a href="https://kyzylorda-news.kz/">Kyzylorda-news.kz</a> Үкімет отырысында QazaqGaz басқарма төрағасы Санжар Жаркешов тек оң нәтижелерді баяндаған соң, Премьер-министр Олжас Бектенов одан проблемалық мәселелерді ашық айтуын талап етті, деп хабарлайды <a href="https://baq.kz/tek-on-natizheni-aytasyzdar-bektenov-qazaqgaz-basshysyna-eskertu-zhasady-200012235/">BAQ.KZ</a> тілшісі.Үкімет отырысында QazaqGaz ұлттық компаниясының басқарма төрағасы Санжар Жаркешов баяндама жасады. Кейін Үкімет басшысы Олжас Бектенов компания басшысына ескерту жасады.Жұмыстарыңызда ешқандай мәселе жоқ па сонда? Тек қана жұмыстың оң нәтижелерін көрсеттіңіз. Проблемалық мәселелерді көбірек айту қажет. Жарыққа шығарып, талқылау қажет. Бар ма мұндай мәселе?, — деп сұрады Премьер-министр.Жаркешов Қашаған зауытындағы баяу жұмыс туралы айтты.<blockquote>Қашағандағы өңдеу зауытының мәселелері болды. Оның құрылыс жұмыстары баяу жүрген еді. Қазіргі таңда басқа мердігер келгелі бері құрылыс мәселе шешіліп, 100 пайыз жабдықтар Қытайдан келді. Құрылыс ұлғайтылды. Қазір белгіленген мерзімде құрылысты аяқтауды жоспарлап отырмыз, — деді Санжар Жаркешов.</blockquote>Фото: Үкіметтің баспасөз қызметі

“Тек оң нәтижені айтасыздар”. Бектенов QazaqGaz басшысына ескерту жасады

<a href="https://kyzylorda-news.kz/">Kyzylorda-news.kz</a> Ежелден «асық ойнаған азар, доп ойнаған тозар» деген бабалы сөз бар. Мағынасына мән берсеңіз қой баққан, яғни еңбек еткен азаматтың асығы алшысынан түсіп, замандастарынан оза шабатынын өсиет ретінде қалдырған. Расында, еңбектің наны тәтті. Алайда жастардың пікірінше, қазіргі уақытта бұл мақалдың мәні кетпесе де, жасөспірімдердің санасына әсер етпейді дейді. Себебі, заман талабы өзгерген. Асық атқан азаматымыз шетел асса, ал халық доп қуғандардың қалтасын санап әлек... Бұдан бөлек, ғаламтордың қарыштаған уақытында еңбектеген сәбидің өзіне «жұлдыз» болуға мүмкіндік берілген. Бұған отбасын асырап, «Желі жұлдыздары» атанған оқушылар дәлел... Ал енді бірі, күнін ұйқымен, түнін компьютерлік ойындарда өткізетін жастарды сынға алса, ал жастардың пікірі керісінше. Заман талабына сай жаңа технологиялар мен цифрлық әлемді меңгеріп, осы салада табыс табуды мақсат етеміз дейді.Жұмыс бар, жұмысшы жоқ...Сараласаңыз, әкімшіліктің табалдырығын ата-аналар тоздырған. Балаларына тұрақты жұмыс іздеген шешенің жан-айқайы мен баланың мақсаты мүлдем жанаспайды. Мәселен, Қызылорда өңірінің өзінде тоқсан сайын «Мүмкіндіктер керуені» атты ауқымды шара ұйымдастырылады. Облыстық жастар ресурстық орталығының ұйымдастыруымен өтетін бұл шараға 1000-ға жуық жас қамтылады. Бірі кәсіптік бағытта кеңес алуға келсе, келесі бірі жұмыс іздеп келеді дейді «NEET» санатындағы жастармен жұмыс жасау бөлімінің басшысы Динара Жылқышиева.Жастардың еңбек нарығына бейімделуіне, кәсіпкерлікке қадам басуына және өз әлеуетін дамытуға ықпал жасауы, сондай-ақ жастар саласында жүзеге асырылып жатқан жобалар мен бағдарламалар туралы кеңінен кеңес беру мақсатында «Мансап» орталығымен бірлесіп, жұмыссыз жастарға, оқу орындарын бітіруші түлектерге арналған «Адал еңбек – адал табыс!», «Жұмысшы мамандықтарға - Жаңа мүмкіндік» тақырыптарында 4 мәрте «Мүмкіндіктер керуені» іс-шарасы, бос жұмыс орындары жәрмеңкесі және «Жұмысшы мамандықтар жылына» орай мектеп бітіруші түлектерге кәсіби бағдар беруге арналған «Ашық есік күні» іс-шаралары ұйымдастырылды.Аталған іс-шараға Қызылорда қаласы бойынша 3000-ға жуық жас қамтылып, 70-ке жуық жұмыс беруші мекемелерден 604 бос жұмыс орындары және өзге өңірдегі 67 мекемеден 800-ге жуық вакансия ұсынылды. Нәтижесінде 74 жасқа тұрақты жұмысқа орналасуға жолдама берілді, – дейді ол.Осы негізде редакциялық құрам «Жұмыс керек» атты қала жастарының арасында әлеуметтік сауалнама жүргізген болатын. Нәтижесінде 80 пайыз жастар мемлекеттік мекемелерден бас тартқан. Тұрақты жұмыс істеп, басшының қарамағында қатаң тәртіпке бағынғысы келмейді. Ал жанына жақын жұмысты іздеп, уақыт жоғалтқан азаматтар табыс көзінің жаңаша бір бағытын зерттеп жүр.Арманы бөлек, талғамы басқа...Жасы 20-дан асып, жұмыссыз ретінде танылған жас бүгінде тұрақты жұмысқа орналасқысы келмейді. Себебі оның, арманы бөлек, талғамы басқа. Заман талабын сараптаған 16 жастағы жастар желінің толық мүмкіндігін пайдаланғысы келеді. Қазірдің өзінде ЖИ-мен жұмыс істеп, табыс көзіне айналғандырғандар бар. Соның бірі - Рашид Мырзахмет. Ол мектеп жасынан саланың 70 пайызын меңгеріп, қазірдің өзінде аутсорсинг компаниялармен келісім-шарт негізінде жұмыс жасайды.Менің қызығушылық танытқаныма көп уақыт болмады.16 жасқа толған уақытта ата-анам сыйлаған ноутбуктың нәтижесінде осы салаға қызуғушылық артты. Қазір айналысып жүргеміне 1 жылға жуықтады. 3 компаниямен жұмыс жасаймын. Бастапқыда суреттерді өңдеп, сыныптастарыма сатқан болатынмын. Бүгінде мен жұмыс жасайтын ЖИ үлкен табыстың көзіне айналды. Алайда әкем дәрігер болғанымды қалайды. Бірақ менің мақсатым бөлек. Мүмкін алдағы уақытта медицина саласында ЖИ-дың мүмкіндерін пайдаланатын күшке ие болармын, – дейді болашақ ғалым.Ойнап жүріп, табыс табатындардың тізімі артқан...Ойлаңызшы, өзіңіз ойын ойнайсыз және бұл уақытыңызға ақша төлейді. Бірақ ойналанып ойнауың қажет. Бұл саланы бір сөзбен айтқанда – Киберспорт деп атайды. Сіз уақытыңызды арнап ойын клубтарына барып, одан қалды, ойнағаныңыз үшін ақша төлеп жүрсеңіз, ал геймерлер бұл саладан табыс көзін іздейді. Өзін спортшы ретінде санайтын ойыншылар виртуалды әлемге ене кетіп, стратегиялық тактикаларды пайдалана отырып, қарсыласының осал тұсын аңдиды.Бүгінде бұл саланың арнайы федерациясы бар. Басшылық құрамы, әр өңірден іріктелген ойыншылары және ұйымдастырушы мамандары да қамтылған. Киберспортқа мемлекет тарапынан нақты қаржы көзі қарастырылмаған. Қазіргі министрлік құрамына кіруді көздейтін федерация түрлі амалдарды қолдануда. Бұл туралы Киберспорт &nbsp;федерациясының жобалық менеджері Бибарыс Серіковпен хабарлады.– Киберспорт – қазіргі жастарға таңсық емес. Себебі, әр өңірде тұрақты түрде арнайы жарыстар өтеді. Басты мақсатымыз – спорт министрлігінің құрамына кіріп, ресми чемпионаттарды ұйымдастырып, спортшыларымызға арнайы атақ беру. Бүгінде федерацияның құрамында әр өңірден жасақталған 60 аса спортшы бар. Ең жасы 13-те болса, үлкені 40-қа таяды. Бұл спортышылар ішкі турнирлерде топ жарып, өздерін дәлелдеген ойыншылар. Алайда бұл азаматтарға арнайы жалақы қарастырылмаған. Киберспортшылар турнир барысында ұтысқа тігілген жүлдеге таласады. Федерация «Xuaweі» сынды ірі компаниялармен жұмыс істеп, демеушілер тартса, букмекерлер тарапынан федерацияға ұсыныс жиі түседі, - дейді.Ресми мәліметтерге сүйенсек, Қазақстан құрамасы «Dota»«CSGo»«Pubg Mobile» сынды ойындарда әлем үздіктерінің қатарынан көрінеді. Мәселен, «Авангард» командасы туралы естіген боларсыз. Халықаралық турнирлерде топ жарып, Қазақстан құрамасының абыройын асқақтатқан мықты команданың бірі. Қазіргі таңда команда тарап, спортшылар әлемнің фоварит клубтарына келісім-шарт негізінде ауысқан. Есесіне, ел мерейін «Новак» командасы әлемдік ареналарда үстемдетіп келеді.Байқағаныңыздай, біздің елде ойын индустриясына қатысты ресми қолдау аз. Ал басқа мемлекеттерде бұл сала жоғары деңгейде дамып келеді. Мысалы, Корея, АҚШ, Қытай және көптеген еуропалық елдердің ойын индустриясыназер салып көрейік.Оңтүстік Корея — бұл ел «еSports»-пен ойын индустриясының алдыңғы қатарында тұр. Кореяда ойындар кәсіби спорт ретінде қабылданады. Тіпті көптеген жоғары оқу орындары мен мемлекеттік мекемелер осы саланы дамытуға арналған бағдарламалар құрады. Бұл елде үлкен халықаралық турнирлер өткізіліп, ойыншылар мен стримерлер үлкен қолдауға ие.АҚШ — мұнда ойын индустриясы кинематограф пен музыка өнерімен бірге үлкен экономикалық күшке айналды. Америкада көптеп жұмыс істейтін ойын студиялары, миллиондаған жанкүйерлері бар кәсіби ойыншылар және үлкен ауқымды турнирлер бар. Сондай-ақ, АҚШ-тың кейбір университеттерінде ойындар бойынша арнайы мамандықтар қарастырылған.Қытай – Қытайдың киберспорты тек ішкі нарықта ғана емес, халықаралық деңгейде де үлкен көлемге ие. Қытай үкіметі ойындарға қатысты түрлі шараларды қолдап, жанкүйерлер мен ойыншылардың санын арттыруға күш салуда. Сонымен қатар, Қытайда «eSports»-қа арналған арнайы арналар мен ауқымды чемпионаттар ұйымдастырылады.Спорт десе ішкен асын жерге қоятын – Еуропаның халі қалай? Германия, Франция, Ұлыбритания сияқты елдерде де ойын индустриясы қарқыны бәсеңсіген емес. Олар тек ойындардың өзін, сонымен қатар ойын стримингін, киберспортты және ойындар арқылы білім беру саласын дамытуды да қолдайды.Сондай-ақ, бұл бағыт бойынша да арнайы мамандармен жұмыс жасап, стратегиялық бағытын айқындауда.Егер еліміз ойын индустриясын жоғарыда мысал келтірген мемлекеттер секілді дамытса, ол жастарды ынталандырып, экономикаға да оң әсерін тигізер еді. Қазіргі уақытта әлемде ойын индустриясы жыл сайын миллиардтаған доллар табыс әкеліп, көптеген елдердің экономикасына елеулі үлес қосып отыр. Ендеше, біздің елде де осы саланы дамытуға үлкен мүмкіндік бар.Осылайша, өзге елдердің тәжірибесіне сүйене отырып, Қазақстанның ойын индустриясын дамыту қажеттілігін көрсетуге болады. Нәтижесінде, мықты киберспортшылар жасақталып, әлемнің алпаут елдерінің алдында мемлекеттің мәртебесі көтерілетіне сенім мол.Айдос МЫРЗАЛЫФото: freepik.com

Киберспорт: Жастардың жаңа мүмкіндігі

<a href="https://kyzylorda-news.kz/">Kyzylorda-news.kz</a> Арал ауданының әкімі Аманжол Оңғарбаев қалада құрылысы жүріп жатқан бірқатар әлеуметтік нысандарды аралап, жұмыс барысымен танысты.Алдымен қызу құрылыс алаңына айналған аспалы көпірдің құрылыс жұмыстарына қанықты. Аралдықтардың ұзақ жылдар бойы арманына айналған ауқымды жұмыстың аяқталар күні де алыс емес. Қазіргі таңда көпірдің екі жанындағы жаяу жүргіншілер жолы салыну үстінде. Аспалы көпірдің астыңғы бөлігі қиыршық тастармен нығайтылып, асфальт жабындысына дайындалуда. Мамандар алдағы бірер күндікте асфальт төсеу жұмыстары басталатынын жеткізді. Шығыс беті Жылқаман батыр көшесі арқылы Абай даңғылына тіреліп, батыс бөлігі Бақтыбай батыр көшесімен ұштасатын үлкен жоба аудан орталығындағы көлік кептелісіндегі кедергілерді біржола жоймақ. Ел игілігіне айналатын ауқымды құрылыс мамыр айында толық аяқталып, пайдалануға беріледі деп күтілуде.<img src="https://knadmin.beoblood.kz/uploads/Aral_rylys_nysandaryn_aralau_720e3220d5.jpg" alt="Арал құрылыс нысандарын аралау.jpg">Аудан әкімі құрылыс нысанының басында жауапты тұлғалармен тілдесіп, істеліп жатқан жұмыстарға байланысты бірқатар мәселелерді пысықтады.<blockquote>– Жігіттер, жылдар бойы жыр болған аспалы көпірдің ақырғы жұмыстарына да таяп қалдық. Халқымызда «біткен іске сыншы көп» деген сөз бар. Ең бірінші сапаға жұмыс істеу маңызды. Бұл көпірдің үстімен сағат сайын жүздеген көлік жүйткійтіндіктен істелген істің сыр бермегені маңызды. Сондықтан әрбір іске мұқият болған жөн. Жол жиегіндегі бордюрлер мен қоршауларды орналастырғанда беріктігіне мұқият болу керек. Орнатылатын жарық шамдарының сапалы болуы да маңызды. Жер бетінен биіктікте болатын қозғалыста қауіпсіздік шаралары қатаң сақталуы керек. Сол себепті әрбір жұмыстың тез бітуіне ұмтылмай, сапалы әрі тиянақты бітіру керек. Бұл жердегі жұмыстар бітемін дегенше бақылау бір сәтке болсын босаңсымайды, – деді аудан әкімі Аманжол Сақыпұлы.</blockquote><img src="https://knadmin.beoblood.kz/uploads/Aral_rylys_nysandaryn_aralau_3_baa12fae5d.jpg" alt="Арал құрылыс нысандарын аралау 3.jpg">Мұнан соң қаладағы тарихы жағынан ең көне әрі ауқымды тарихи нысан саналатын Арал теңізі станциясының темір жол вокзалына барды.Өткен жылы облыс әкімі Н.Нәлібаевтың тапсырмасына сәйкес облыстағы, оның ішінде Арал ауданы бойынша қаладағы және Сексеуіл кентіндегі темір жол вокзалдарын күрделі жөндеу жұмыстарына жоба сметалық құжаттарын әзірлеуге тапсырма берілген болатын.Бүгінгі күні темір жол вокзалдарын күрделі жөндеуден өткізу мақсатында жоба-сметалық құжаттама әзірленді. Аталған жоба бойынша вокзалдардың қаспеттері, шатыры алмастырылып, кіре беріс пандус, брусчаткалары, су және электр жүйесі жаңаланатын болады.<img src="https://knadmin.beoblood.kz/uploads/Aral_rylys_nysandaryn_aralau_2_0ac67c26d1.jpg" alt="Арал құрылыс нысандарын аралау 2.jpg">Мұнда жүргізіліп жатқан құрылыс жұмыстары жөнінде вокзал бастығы Ж.Мамбеталиев таныстырды.Қазіргі таңда тарихи нысанның күту залы, билет кассасымен өзге де кеңсе қабырғалары күрделі жөндеуден өтуде. Бұдан бөлек вокзал әжетханасы да қайта жөнделіп, күту аймағы толықтай жаңартылатын болады.Аудан әкімі ғимаратқа толықтай күрделі жөндеу жасалғанмен оның тарихи мәні, кейбір кескіндемелік көрнекілігі жоғалмауы тиіс екенін айтып, құрылыс жұмыстарын сапалы әрі ұқыпты жүргізу керектігін жеткізді.

Қазақстан және Қызылорда облысының жаңалықтары