<h4 style="margin-left:0px;"><a href="https://kyzylorda-news.kz/ru">Kyzylorda-news.kz</a>&nbsp; 2025 жылы ел бойынша барлық ірі мектептерде стоматологиялық кабинеттер біртіндеп жұмыс істей бастайды, деп хабарлайды <a href="https://baq.kz/elimizdin-mektepterinde-stomatologiyalyq-kabinetter-ashylady-dsm-342496/">BAQ.KZ.</a></h4>Бұл туралы Денсаулық сақтау министрі Ақмарал Әлназарова мен Оқу-ағарту министрлігінің басшысы Ғани Бейсембаевтың елорда мектептерінің басшыларымен бірлескен отырысында айтты.Министрлер мектеп асханасын аралап, сонымен бірге мекемелердегі тамақты қалай жақсартуға болатынын талқылады.<blockquote>Бүгінде алты облыста стоматологтар қабылдауды жүргізетін 98 кабинет бар. Одан әрі «Сау тіспен болашаққа» жобасы аясында мектеп жасындағы барлық балаларды тіс ауруларының алдын алумен қамтуды кезең-кезеңімен қамтамасыз ету жоспарлануда, – деп толықтырды ведомстводан.</blockquote>Сурет: BAQ.KZ.

Енді мектептерде стоматологиялық кабинеттер ашылады – ДСМ

<a href="https://kyzylorda-news.kz/ru">Kyzylorda-news.kz</a> «Күнделікті киетін киіміміз арқылы ұлттық болмысымызды айшықтауға болады» дейді «Әрекетке берекет» айдарының кезекті кейіпкері Жазира Рамазан.Бүгінде кәсіпкер «QOLONER BREND by Zhazira Ramazan» брендімен түрлі дизайндағы қазақтың ұлттық нақыштағы киімдерін тігуде.Биыл қала тұрғыны «Бастау Бизнес» жобасы шеңберінде 1 476 800 теңге көлемінде мемлекеттік грантқа ие болып, түрлі құрал-жабдықтар сатып алған. Осылайша, ісінің алға басуына серпін берген мемлекеттік бағдарламаның қолдауын сезінді.Шебердің айтуынша түсі, түрі келіскен, сапалы ұлттық киім-кешекке тапсырыс көбіне әлеуметтік желідегі парақшасы арқылы қабылданады. Ұлттық киімді фотосессия жасауға немесе мерекелік іс-шараларға киюге жалға береді.Этностильдегі киімнен бөлек, шүберек сөмке, жастықтардың да түр-түрін тігетін кәсіп иесі болашақта кәсібін үлкейтіп, емдік көрпелер әзірлейтін шеберхана ашқысы келеді. Ол үшін кәсіпкер 5 миллион теңгеге дейін берілетін мемлекеттік грантқа қатысуды жоспарлап отыр.Фото: қала әкімдігі

Қайтарымсыз грант алып кәсібінің аясын кеңейтті

<a href="https://kyzylorda-news.kz/">Kyzylorda-news.kz</a> Қазақстандықтардың күздің екінші айында қанша күн демалатыны белгілі болды. 2024 жылы қазақстандықтар Республика күнін 25 қазанда атап өтетіндіктен, жалпы 9 күн демалыс болмақ,&nbsp; деп хабарлайды&nbsp;<a href="https://egemen.kz/">Egemen.kz</a>.Республика күні мерекесі, яғни 25 қазан жұмаға сәйкес келіп тұр.Бес күндік жұмыс аптасында: 25, 26, 27 қазан демалыс күні.Алты күндік жұмыс аптасымен есептегенде: 25 қазан жұмыс күні демалып, 26 қазан жұмыс күні. 27 қазан қайта демалады.Ел тұрғындары 2024 жылдың қазан айында 9 күн демалады.&nbsp;&nbsp;Фото: qazaqstan.tv

Ел тұрғындары Республика күнінде неше күн демалады?

Фото Видео-скринОблыстық прокуратура сотқа дейінгі тергеу басталғанын хабарлады.&nbsp;<a href="https://nege.kz/amp/kostanayda-ortten-koz-zhumgan-5-balanin-anasinin-ustnen-kilmistik-s-kozgaldi-82ebff">NEGE</a>.&nbsp;Өрт қараусыз қалған пештен шыққан болуы мүмкін.Қаза тапқан балалардың анасы 5 жылдан 10 жылға дейін сотталуы мүмкін.Естеріңізге сала кетейік, бүгін Қостанай облысында&nbsp;жеке тұрғын үйдегі өрт салдарынан 2016, 2018, 2019, 2022, 2023 жылы туған бес бала қайтыс болды.Алдын ала мәлімет бойынша, балалардың анасы кешкісін оларды қараусыз қалдырып, танысының үйіне кетіп қалған. Ал әкесінің түрмеде отырғаны айтылады.

Қостанайда өрттен көз жұмған 5 баланың анасының үстінен қылмыстық іс қозғалды

<a href="https://kyzylorda-news.kz/">Kyzylorda-news.kz</a> Бүгін Өнер орталығында облыс әкімі Нұрлыбек Нәлібаевтың қатысуымен дала еңбеккерлерінің дәстүрлі «Алтын күз – 2024» мерекесі өтті. Биылғы диқандар тойы аймақтың орман шаруашылығы саласының 90 жылдығымен және Қала күнімен тұспа-тұс келіп, молшылық маусымындағы дүбірлі мерекеге ұласты.Салтанатты іс-шараға мемлекет және қоғам қайраткерлері, Парламент Сенаты Кеңесінің мүшелері Қуаныш Сұлтанов, Өмірзақ Озғанбаев, Рашид Әкімов, Бірғаным Әйтімова, Динара Нөкетаева арнайы қатысты. Сонымен қатар, Парламент Сенаты мен Мәжілісінің депутаттары, басқарма басшылары, қала, аудан әкімдері, сала ардагерлері, еңбек озаттары және шаруашылық өкілдері де келді.Аймақ басшысы жиналған қауымды молшылық маусымының берекелі мерекесімен құттықтап, өңірдегі жетістіктерге тоқталды.<blockquote>«Президентіміздің, Үкіметтің қолдауымен Сыр өңірінде мақсатты бастамалар қолға алынып, ауқымды жобалар жүзеге асуда. Екі жыл бұрын облыс бюджеті 364 млрд. теңге болатын, бүгінде 744 млрд. теңгеден асты. Бұл қаражат аймақтағы ең өзекті мәселелерді шешуге, тұрғындардың өмір сүру сапасын арттыруға және инфрақұрылымдық жобаларды жүзеге асыруға бағытталды.Осы жылы 8 млрд. 800 млн. теңгеге 250 ауыл шаруашылығы техникасы алынып, машина-трактор паркі 5 пайызға жаңаланды. Оған қоса 7 млрд. теңгенің 11 инвестициялық жобасы жоспарланып, бүгінде 7 жоба жүзеге асты. Қалған 4 жоба жыл соңына дейін іске қосылады. Осылайша ауыл шаруашылығының жалпы өнім көлемі артып, осы жылы 229 млрд. теңгеге жетеді.Ерте көктемнен қара күзге дейін еткен еңбектің, төккен тердің нәтижесінде мол өнім алған диқандарымызды, аймақ табиғатының көркеюіне өлшеусіз үлес қосқан орманшыларымызды құрметпен марапат төріне шығару – біз үшін үлкен мәртебе.Ақ күріштің атасы, дала академигі Ыбырай Жақаевтың ізбасарлары биыл да ерен еңбектің үлгісін көрсетті. Сыр диқандары 189 мың 400 гектар жерге егін екті. Негізгі дақыл – күріштің көлемі 85 мың 600 гектарды құрап (өткен жылдан 3,4 мың гектарға кем), әр гектардан 58 центнерден өнім алынып, жарты миллион тоннаға жуық күріш жиналды. «Мағжан және Компания», «Ер-Әлі», «Таң ЛТД» ірі шаруашылықтары күріштің әр гектарынан орташа 80 центнерге жуық өнім алғанын атап өтуге болады.Адал еңбегімен төрден орын алған дала еңбеккерлерін, орман саласының қызметкерлерін марапаттап, сый-құрмет көрсету дәстүрін жалғастырамыз. Қамбамыз дәнге, қорамыз малға толып, халқымыздың құт-берекесі арта бергей», – деді Нұрлыбек Нәлібаев.</blockquote>Мерекелік іс-шарада еңбек жолын механик болып бастап, кеңшар директоры, аудан әкімі, басқарма басшысы қызметтерін атқарған Әбибуллаев Ибрагим Сражадинұлына «Қызылорда облысының құрметті азаматы» атағы берілді. Еңбек озаттарына сый-құрмет көрсетілді.Мемлекет басшысының су үнемдеу туралы тапсырмасына сәйкес аймақта су көп қажет ететін дақылдар көлемі оңтайландырылып, үнемдеу технологиясы енгізілді. Биыл жаңа технологияларды пайдалану көлемі 4 мың 400 гектарға жетті. Бұл өткен жылмен салыстырғанда 5 есе артық. Шиелі, Қазалы, Арал аудандарында су үнемдеу технологияларын қолдану арқылы 3 ірі жоба іске асуда.Су шығынын азайтуда егістік жерді лазерлік тегістеудің маңызы зор. Соңғы жылдары диқандар 55 мың гектар күріш егістігін лазерлік тегістеуден өткізді. Нәтижесінде суды үнемдеп, өнімділікті 30 пайызға арттырды.Мемлекет басшысының қолдауымен бастау алған «Кең дала - 2» бағдарламасы диқан қауымына қолайлы болды. Бағдарлама аясында егін егу және жинау жұмыстарына жеңілдетілген пайызбен 10 млрд. теңге несие алды.Одан бөлек, саланы кешенді қолдау арқасында шаруашылық құрылымдары егіске қажетті минералды тыңайтқыштар, сапалы тұқымдар және арзандатылған дизель отынымен толық қамтамасыз етілді.Мемлекет басшысының бастамасымен өткен жылдан бері «Ауыл аманаты» жобасы бастау алды. Ауыл халқының тұрмыс-тіршілігін, әл-ауқатын жақсартуға бағытталған бұл жоба аясында өткен жылы 3 млрд. теңгеге 406 жоба жүзеге асып, 713 жаңа жұмыс орны ашылды. Биыл 4 млрд. 600 млн. теңгеге 575 жоба қолға алынған.Агробизнес өкілдері ауылдарды дамытуда, халықтың тұрмысын жақсартуда бизнестің әлеуметтік жауапкершілігі аясында ауқымды жұмыстар атқаруда. Соңғы жылдары елді мекендерді абаттандыру, инженерлік инфрақұрылымды дамыту және әлеуметтік нысандарды қайта жаңғыртуға ауыл шаруашылығы құрылымдары 7 млрд. теңгеден астам қаржы бағыттады.<img src="https://knadmin.beoblood.kz/uploads/Altyn_kuz_90400f8d7b.jpg" alt="Алтын куз.jpg"><img src="https://knadmin.beoblood.kz/uploads/Altyn_k_z_1_13e3b729a7.jpg" alt="Алтын күз 1.jpg"><img src="https://knadmin.beoblood.kz/uploads/Altyn_k_z_3_b3b00563f0.jpg" alt="Алтын күз 3.jpg"><img src="https://knadmin.beoblood.kz/uploads/Altyn_kuz_1_3fbe52763b.jpg" alt="Алтын куз 1.jpg"><img src="https://knadmin.beoblood.kz/uploads/Altynk_z_83f8c38bcc.jpg" alt="Алтынкүз.jpg"><img src="https://knadmin.beoblood.kz/uploads/Altyn_k_z_2_bc62e0beeb.jpg" alt="Алтын күз 2.jpg"><img src="https://knadmin.beoblood.kz/uploads/Alttyn_kuz_2_ad1e831b10.jpg" alt="Алттын куз 2.jpg"><figure class="media"><div data-oembed-url="https://www.youtube.com/watch?v=XbSeS9LARpI"><div style="position: relative; padding-bottom: 100%; height: 0; padding-bottom: 56.2493%;"><iframe src="https://www.youtube.com/embed/XbSeS9LARpI" style="position: absolute; width: 100%; height: 100%; top: 0; left: 0;" frameborder="0" allow="autoplay; encrypted-media" allowfullscreen=""></iframe></div></div></figure>Фото: Қызылорда облысы әкімінің баспасөз қызметі

«Алтын күз – 2024» салтанатты шарасы өтті

<a href="https://kyzylorda-news.kz/">Kyzylorda-news.kz</a> Сотқа дейінгі тергеп-тексеру басталды, өрттің алдын ала себебі – пешті қараусыз қалдыру.Қостанай облысының &nbsp;Жітіқара қаласында кәмелетке толмаған бес баланың қазасы бойынша сотқа дейінгі тергеу басталды, – деп хабарлайды &nbsp;<a href="https://aikyn.kz/274244/zhitik-aradag-y-bes-balanyn--k-azasy--ortke-ne-sebep-bolg-any-belgili-boldy">Aikyn.kz.</a>Бас прокуратураның хабарлауынша, 2024 жылғы 11 қазанда таңғы сағат 05.00 шамасында Жітіқара қаласының ТЖ бөліміне Клубная көшесі, 52 мекенжайы бойынша жеке үйдің өртенгені туралы хабарлама келіп түсті.Өртті сөндіруді ТЖД, “Қостанай минералдары "АҚ, Жітіқара қаласының құтқару бөлімшесі және "Семсер Өрт сөндіруші" ЖШС күштері жүргізді.Барлығы 19 адам және 5 бірлік техника жұмылдырылды.Өкінішке қарай, өрт кезінде 5 кәмелетке толмаған бала қаза тапты."Сотқа дейінгі тергеп-тексеру басталды, өрттің алдын ала себебі – пешті қараусыз қалдыру", – делінген хабарламада.Оқиға орнына облыс прокурорының бірінші орынбасары Б.Бекбосынов барды.Облыс прокуроры қайтыс болған балалардың туыстары мен жақындарына көңіл айтады.Сотқа дейінгі тергеп-тексеру барысы Қазақстан &nbsp;Бас прокурорының бақылауына алынды.Фото: видеодан алынды

Жітіқарадағы бес баланың қазасы: өртке не себеп болғаны белгілі болды

<a href="https://kyzylorda-news.kz/">Kyzylorda-news.kz</a> Мәжіліс депутаты Дәулет Мұқаев сыраға қатысты жазылған жарнамаға ренішін білдіріп, Өскемен қаласының әкімдігіне үндеу жасады. Бұл туралы&nbsp;<a href="https://stan.kz/sirani-buginimiz-ben-ertenimizdin-zharkin-bolui-ushin-k-407821/">Stan.kz</a>&nbsp;ақпарат агенттігі хабарлайды.&nbsp;Халық қалаулысы сәтсіз жарнаманы сынап, дереу шара қолдануын талап етті.&nbsp;&nbsp;<blockquote>“Өскемендегі сұмдық: “Сыраны бүгініміз бен ертеңіміз үшін жарқын болуы үшін қайнатамыз” деген жарнаманы қараңызшы. Елді дүр сілкіндірген талғардағы 16 жасар Шерзаттың өлімі дәл осы бір шөлмек сырадан болып отырған жоқ па?! Қайдағы жарқын өмір. Бүгініміз қорқынышқа, ертеңіміз белгісіздікке толы болса?!&nbsp;Мәдениет және Ақпарат министрлігі мен&nbsp;Шығыс Қазақстан әкімдігінің назарына!&nbsp;Мынадай жарнамаға жол берілмеуі керек. Қай заманнан бері сыра қайнату бізге жарқын өмір сыйлаған. Керісінше өмірмен қоштасып жатқандар жетерлік. Бұл жарнама Өскемен қаласындағы Өтепов 27-үйінде ілінген. Шұғыл шара қолдануды сұраймын”, – деді депутат.&nbsp;</blockquote>Фото: https://www.instagram.com/daulet_mukayev/

Дәулет Мұқаев: "Қай заманнан бері сыра қайнату бізге жарқын өмір сыйлаған. Керісінше өмірмен қоштасып жатқандар жетерлік"

<a href="https://kyzylorda-news.kz/">Kyzylorda-news.kz</a> Апта басында Жаңажол ауылында азаматтардың қаржылық сауаттылық деңгейін арттыруға бағытталған «Қарызсыз қоғам» жобасының оқыту курсы басталған болатын. Бүгін ауылының тұрғындары апталық оқыту курсын сәтті аяқтады. Ауыл тұрғындарына «AMANAT» партиясының аудандық филиалының қызметкері А.Түлебеков арнайы сертификат тапсырды.Қатысушылар бір апта уақытта жалпы бағдарлама бойынша білімдерін жетілдіріп, мамандардан қолданыстағы қаржы құралдары, бағдарламалар, несиелер мен гранттар туралы кеңес алды. Семинарды қаржы эксперті Балдырған Мәмен өткізді.Курсқа қатысушылар өз қаражатын тиімді басқаруды және қаржыға қатысты мәселелер қалай пайда болатынын, несиелік қарыздар санын азайтудың қандай жолдары барын, алаяқтық әрекеттерді анықтау бойынша білімдерін жетілдірді.&nbsp;Айта кетейік, азаматтардың қаржылық сауатын ашуына мүмкіндік беретін бұл жоба Мемлекет басшысы Қасым-Жомарт Тоқаевтың ерекше қолдауына ие болған.Келесі кезектегі оқу-семинар қазан айының 14-18 аралығында Ақжар ауылында өткізілмек. Қатысуға ниеті бар азаматтарды тегін қаржылық сауаттылығын арттыруға шақырамыз.&nbsp;Жобаға қатысуға ниетті азаматтар 2-22-92, 87079272868 байланыс нөмірлеріне хабарласу арқылы немесе qogamfin.kz сайты арқылы тіркеле алады.

Қаржылық сауаттылық арттыру бойынша сертификаттар табысталды

<a href="https://kyzylorda-news.kz/">Kyzylorda-news.kz</a>&nbsp; ҚР Сыбайлас жемқорлыққа қарсы іс-қимыл агенттігі еліміздің әр өңірі бойынша сыбайлас жемқорлық тәуекелдерінің картасын әзірледі. Қызылорда облысының картасына агроөнеркәсіптік кешен, жер, жолдар және инфрақұрылым, әлеуметтік сала, бизнес, сейсмикалық қауіпсіздік салалары енгізілген.<blockquote>«Департаменттің ұсынысы негізінде шартта көрсетілген артық талаптар жойылып, 1500-ден аса кәсіпкерлердің құқықтары қорғалды. &nbsp;Суару сумен қамтамасыз ету саласына келетін болсақ, «Көкарал» бөгеті бойынша бүгінгі күнге дейінгі жұмыстарды қабылдау актілеріне сәйкес, жұмыстар нақты іс жүзінде атқарылмағандығы анықталды. Қабылданған шаралар нәтижесінде мердігермен кемшіліктер жойылды және жетіспейтін құрылыс жабдықтары толықтай жеткізілді. Осылайша жоғарыда көрсетілген қаражат жымқырудың жолы кесілді», - деді Өңірлік коммуникациялар қызметіне берген сұхбатында Қазақстан Республикасы Сыбайлас жемқорлыққа қарсы қызметінің Қызылорда облысы бойынша департаментінің басшысы Қуаныш Ахметқалиев.</blockquote>Антикор өз қызметін басқа да мемлекеттік органдармен, қоғаммен және халықпен бірлесіп жалғастыратын болады.Фото: ardak.kz<img src="https://knadmin.beoblood.kz/uploads/cdb25698_a538_4d89_91bf_7805d898c1c6_827890e834.jpg" alt="cdb25698-a538-4d89-91bf-7805d898c1c6.jpg">

Өңірде сыбайлас жемқорлық тәуекелдері картасы жүзеге асырылуда

<a href="https://kyzylorda-news.kz/">Kyzylorda-news.kz</a> &nbsp;Қызылорда облысы Сырдария ауданына қарасты Бесарық ауылында жақында шағын өндіріс орталығы ашылды. Аумағы 1 мың шаршы шақырымды құрайды. Бүгінде орталықта 13 кәсіпкер кәсібін жүргізуде. Орталықта кәсібін ашқан ауыл тұрғындарының бірі ерлі-зайыпты Жанат мен Мұхит Молдабаевтар.&nbsp;Молдабаевтар отбасы кәсіп жүргізуден хабары бар жандар. Осы уақытқа дейін сауда-саттықпен айналысып келген. Бизнесте жинаған тәжірибесін пайдалана отырып, өнім өндіруге бет бұрады. Сауда-саттықпен айналысу барысында пластик бөтелкелерге сұраныстың жоғары екенін аңғарады. Өңірде бөтелке шығаратын бірлі-жарым кәсіпкер болмаса, нарықтың бос екенін анықтайды. Осылайша пластик бөтелкелер шығару жөнінде шешім қабылдайды.<blockquote>«Біздің негізші тұтынушыларымыз ауылдық елді мекеннің тұрғындары болмақ. Себебі сүт өнімдері мен өзге де түрлі сусындарға қажет пластик бөтелкеге сұраныс жоғары. Қазірдің өзінде тәжірибе үшін шығарып жатқан бөтелкелеріміз өтіп кетіп жатыр», - дейді кәсіпкер Мұхит Молдабаев.</blockquote>Кәсіп иелері өндіріске қажет 12 млн теңгені «Қызылорда» Өңірлік инвестициялық орталығы арқылы мемлекеттік бағдарлама аясында жеңілдетілген пайызбен алған.<blockquote>«Аймақ басшысы Нұрлыбек Машбекұлы өңірде өндірісті дамыту жөнінде алдымызға міндет қойып отыр. Ол үшін жергілікті бюджеттен 1,5 млрд теңге қаржы бөлді. Біздің Өңірлік орталықтың кәсіпкерлік мақсатта берілетін несиелері өте тиімді. 6 пайызбен, 5 жылға беріледі және 1,5 жыл демалыс кезеңі бар. Бесарықтағы өндіріс орталығында жұмысын бастаған 13 кәсіпкердің бесеуінің жобасы біздің орталық арқылы қаржыландырылды», - дейді «Қызылорда» Өңірлік инвестициялық орталығының директоры Талғат Матаев.</blockquote>Өнім шығаруға қажет құрал-жабдықтарды кәсіпкерлер Алматыдан алдырса, шикізатын Шымкентке тапсырыс беруде.<blockquote>«Сағатына 700 данаға дейін бөтелкелер шығаруға болады. Бөтелкелерді жарты, бір және бір жарым литр көлемде шығара аламыз. Өндірістің жұмысын жолға қойғаннан кейін толық қуаттылықта жұмыс істейміз деген үміттеміз», - дейді Жанат Азизова.&nbsp;</blockquote>Жанұялық бизнес иелері кәсіпті әзірге өздері жүргізбек. Тапсырыс көлемі артқан жағдайда жаңа жұмыс орнын ашуды көздеуде.Айта кету керек, «Қызылорда» өңірлік инвестициялық орталығы - &nbsp;микроқаржы ұйымы. 10 жылдан бері аймақта кәсіпкерлік саласындағы жобаларды мемлекеттік бағдарлама аясында қаржыландырып келе жатыр. Бүгінгі күнге дейін орталық жалпы құны 14,6 млрд теңгені құрайтын кәсіпкерлік мақсаттағы 2739 жобаны қаржыландырды. 2953 жаңа жұмыс орны құрылды.<figure class="image"><img src="https://knadmin.beoblood.kz/uploads/kasip_e1c0a9fb5e.jpeg" alt="касип.jpeg"></figure>

Қызылордада ауыл тұрғындары пластик бөтелке шығарып жатыр

<a href="https://kyzylorda-news.kz/">Kyzylorda-news.kz</a> &nbsp;Еліміз үшін маңызды саналатын басты дүниенің бірі - еңбек нарығы. Кейінгі жылдары кадр тапшылығы мәселесі жиірек айтылуы бекер емес. Қазақстанның еңбек нарығында келешекте қай мамандар сұраныста болады, болжаммен саны қанша болуы мүмкін?&nbsp;<h2 style="margin-left:0px;text-align:justify;">Дәрігер мен мұғалімнен жұмысшыға дейін…</h2>Жыл сайын әр сала бойынша мыңдаған маман жетіспейтіні жайлы ақпараттар шығып жатады. Мәселен, қазір елімізге 2817 мұғалім, 3,9 мың дәрігерге қажеттілік бар. Дегенмен бұлар халық назарында тұрған салалар болғаны үшін басқалары елеусіз көрінуі мүмкін. Әйтпесе техникалық мамандар мен жұмысшыларға қатысты қажеттілік те еселеп артуда.Биыл “Еңбек ресурстарын дамыту орталығы” АҚ сарапшылары 2024-2030 жылдарға арналған кадр тапшылығы жөніндегі мәселеге зерттеу жүргізіп, болжам құрған. Аталған еңбектің мәтініне үңілер болсақ, көрсетілген кезеңде Қазақстанға жалпы саны 1,8 млн кадр керек болады. Соның ішінде жоғары білімі бар қызметкерлер - 494 мың, техникалық және арнайы білімі бар қызметкерлер - 1 млн (400 мыңы жұмысшы). Ал басшылар және біліктілігі жоқ қызметкерлерге қажеттілік шамамен 300 мың адамды құрайды.Егер салалар бойынша жіктеп қарасақ, білім беру (331 мың), сауда (228 мың), құрылыс (213 мың), денсаулық сақтау (128 мың), әкімшілік және қосалқы қызмет көрсету (119 мың), көлік және қоймалау (116 мың) саласы алға шығады. Бұл қатарға ауыл шаруашылығы (114 мың), өңдеу өнеркәсібін (108 мың) қоса аламыз.Жұмысшылардың жетіспеуі құрылыс саласында (111 мың) көрініс тапқан. Негізінен сылақшы, дәнекерлеуші, тас қалаушы, сырлаушы мен бетон құюшылар табылмайды. Тау-кен өндіру саласының өзіне 32 мың адам қажет. Өзге салаларда 130 мың жұмысшыға сұраныс болмақ.Көлік және қоймалау саласында анағұрлым сұранысқа жүргізушілер, машинистер, слесарьлар мен жөндеушілер, тракторшылар ие болып отыр.Краншылар да, өнеркәсіптік жабдық слесарьлары, электр монтерлері, металл конструкцияларын жасаушылар да аса сұранысқа ие. Мұнай және газ өндіру жөніндегі операторлар, бұрғылау қондырғыларының машинистері, өнеркәсіптік жабдықтардың дәнекерлеушілері мен слесарьлары, мамандандырылған техника операторлары қажеттіліктен түспек емес.Жоғары білімі бар қызметкерлер арасында сол баяғыдай дәрігерлер, құрылысшылар, ақпарат және байланыс, кәсіби ғылыми қызмет, өңдеу өнеркәсібі мамандары қажет болады.Мысалы, денсаулық сақтау саласында терапевт, стоматолог, педиатр, хирург, фармацевт, кардиолог, сәулелік диагностика мен гинеколог мамандарға сұраныс артатыны болжанған.Құрылысқа негізінен сәулетшілер, инженер-электриктер, инженер-технологтар, инженер-механиктер, жобалаушы, талдаушы-зерттеушілер керек.Кәсіби және ғылыми қызмет саласында ветеринар дәрігерлер, экологтар, адвокаттар, өнімді жарнамалаушы, маркетинг және нарықты зерттеу бойынша талдаушылар сұранысқа ие.Қазақстан үшін ауыл шаруашылығы маңызды саналатыны жасырын емес. Мұнда әсіресе жоғары білімі бар агрономдар, инженер-механиктер, биологтар, метеорологтар, ботаниктер, өндірісті ұйымдастыру жөніндегі инженерлер жетпейді.Ал жұмысшы ретінде тракторшылар, көкөніс, егіс дақылдарын өсіру, жем-шөп дайындау, комбайн жабдықтарының операторлары қажет.Осы тұста келешекте елімізде сұраныста болатын топ-5 жұмысшы мамандар тізімін ұсынамыз.<h2 style="margin-left:0px;text-align:justify;">АЭС те сұранысты арттырмақ</h2>Биыл елімізде өткен АЭС құрылысы бойынша референдумның нәтижесінде халықтың басым бөлігі оны салуға келісім берді. Енді көп ұзамай құрылыс басталуға тиіс. Қуаты шамамен 1,2 ГВт болатын атом электр станциясының болжамды құрылысы кезінде 3 мыңнан 5 мыңға дейін жұмыс орнын ашу көзделіп отыр. Ал құрылыс бітіп, пайдалануға берілген уақытта тұрақты түрде 1-1,5 мыңға жуық маман керек болады.Халықаралық тәжірибе бойынша, әсіресе инженер-құрылысшылар, электротехникалық инженерлер, механикалық инженерлер, ядролық технология жөніндегі инженерлер, сапаны бақылау жөніндегі инспекторлар, инженер-экологтар, геологтар, геодезистер сұраныстан түспейді.Бұған реактор операторларын, радиациялық қорғау жөніндегі мамандарды, техник-диспетчерлерді, механиктерді, қауіпсіздік жөніндегі қызметкерлерді, химиктерді, техникалық персоналды қосамыз. Оның үстіне қауіпсіздікті қамтамасыз ету үшін 400-700 шамасында қызметкер жалдауға тура келеді.Бұл тұста Еңбек ресурстарын дамыту орталығы қазір Қазақстанда ядролық технологиялар бойынша мамандар даярлау жүзеге асырылмай жатқанын атап өткен екен. Осыған байланысты бiлiм беру жүйесiне оқытушыларды алдын ала iрiктеп, жаңа бiлiм беру бағдарламасын әзірлеу керек болады.<h2 style="margin-left:0px;text-align:justify;">Технофобия еңбек нарығына әсер етіп жатыр ма?</h2>Кейінгі жылдары адамдар жаңа технологияларды меңгеріп, мықты маман атанбаса, жұмыссыздар қатары көбейе беретіні айтылып жүр. Себебі адам істейтін жұмысты автоматтандыру арқылы жүзеге асыра беруге болатыны көрінді. Жаңа технологиялар адамзатты жұмыссыз қалдыратындай технофобия пайда болды. Қазақстанда бұл үрдіс қатты байқалмаған еді, алайда жасанды интеллект дамыған сайын ақырындап қорқыныш күшейіп келе жатқаны білінеді.Қазір әлемдегі алпауыт компаниялар өндіріске автоматицазияны енгізіп үлгерді. Егер осылай жалғаса берсе, «адамдар жұмыссыз қалуы мүмкін» деген ой айтылады. Қазақстанда да кейбір алпауыт кәсіпорындар бұрын бірнеше адам атқаратын жұмысты автоматтандыру арқылы оңай жүзеге асыра бастағанын естіп жатамыз. Яғни, келешекте Қазақстанның еңбек нарығы құбылуы мүмкін. Бірақ Бристоль университетінің түлегі, робототехника маманы Ғизат Махановтың айтуынша, технофобия көбінде негізсіз үрей саналады.<blockquote>– Жаңа технологиялар адамзатқа ылғи үрей тудырады. ХХ ғасырдың басында, Екінші дүниежүзілік соғыстан кейін осындай үрей болды. Жасанды интеллект, роботизация басталғаннан кейін адамдар тағы да «жұмыссыздық болады» деп алаңдап жүр. Мәселеге пессимистік көзқараспен қарасақ, кемшілік бар. Бірақ жұмыссыздық пен технологияға келгенде еш болжам дәл орындалмаған. Ал реалистік тұрғыдан қарар болсақ, автоматизация, роботизация жұмыссыздық тудырмайды. Еңбек нарығы және экономика өте күрделі. Еңбек нарығында жұмыс шектеулі емес. Мысалы, 100 жұмыс орны бар, оның 50-ін робот алып қойса, қалған 50 адам жұмыссыз қалмайды. Керісінше, 50 немесе 100 жұмыс орны пайда болады. Неге? Бір зауыт роботты өндіріс процесіне енгізсе, сол зауыттан шыққан өнім нарықта арзан бағамен сатылады. Бұл қаржы жағынан халыққа тиімді. Артылған ақшасын ел басқа қызметке жұмсайды. Мәселен, біреудің қалтасында 15 мың теңге артылса, ол оны баласын оқытуға жұмсауы мүмкін. Демек, келесі жағынан педагогтерге сұраныс артады, – дейді маман.</blockquote>Махановтың айтуынша, жаңа техноло­гиялардан еңбек нарығына байланысты қорқыныш болмауға тиіс. АҚШ-та жасанды интеллект пен роботицазия өзге елдермен салыстырғанда аз да болса көш ілгері. Бірақ соның өзінде процесс әлсіз. Бірақ Жапония мен Оңтүстік Кореяда роботизация керемет дамыды. Роботтар барлық саланы жайлаған. Дегенмен жұмыс орындары керісінше көбейіп, мамандарға сұраныс артқан. Мысал ретінде ондаған мың қазақстандық жоғарыда аты аталған Оңтүстік Кореяда жұмыс істеп жүргенін айтсақ болады. Роботизация дамыған елде жұмыс күшіне сұраныс көп. Демек, роботизациядан қорқу – пайдасыз нәрсе.<blockquote>– Ал Қазақстанда роботизация өте қымбат. Оны жасау, енгізу, күрделі бизнес процестерінде қолдану қиын әрі шығыны мол. Ірі өнеркәсіптер болмаса, жаңа технологияға орта және кіші кәсіптің тісі батпайды. Сондықтан елімізде бүгін-ертең салалар мен мамандықтарға байланысты өзгерістер болатынына сенбеймін. Оның үстіне, пандемия кезінде әлем елдеріндегі бизнес жаңа инвестицияларды кідіртіп қойды. Жаңа жобаларға ақша құю азайды. Ал роботизация – сондай жобаның бірі. Бизнестер тек барын сақтап қалып, шығын шығармауға тырысып жүр. Бірақ әр адам, әр маман өзгерістерге дайын болуы қажет. Егер роботизация үдерісі белең алса, адамдарды жаңа бір салаға бейімдеу мемлекет пен компанияларға артылады. Жалпы, бұл - жеке бастың мәселесі емес, – дейді Ғизат Маханов.</blockquote>Қорытындылар болсақ, еліміздің еңбек нарығында сұраныс азаймайды. Тек халық нарық талабына қарай уақытында бейімделе алғаны жөн. Ал роботицазия бәлкім 30 немесе 40 жылдан кейін күн тәртібіне шығатын мәселе болуы мүмкін.&nbsp;Источник:<a href="https://kaz.inform.kz/">Kazinform</a> Фото:inkaraganda.kz

Қазақстанға қандай мамандар керек?

<a href="https://kyzylorda-news.kz/">Kyzylorda-news.kz</a> Қызылорда облыстық Көпбейінді облыстық ауруханада бір күнде екі науқасқа бүйрек трансплантациясы жасалды.Бірінші науқас 1986ж. туған. Ол 2016 жылдан бері Гломерулонефритпен «Д» есепте тұрады. Науқас Корея мемлекетінде бірнеше рет тексеріліп, ем алған. Дегенімен бүйрек жетіспеушілігі дамып, 2023 жылдан бері диализ қабылдаған. Оған туған ағасы донор болды.Екінші трансплантация 1998 жылы туған науқасқа жасалды. 2022 жылдан бері созылмалы бүйрек жетіспеушілігімен «Д» есепте тұрады. Сол кезден бері диализ қабылдайды. Науқасқа апасы донор болып бүйрек трансплантациясы жасалды.Ота сәтті өтті. Науқастардың жағдайы орташа ауырлықта тиесілі ем қабылдап жатыр.Бұл биыл жасалған алтыншы трансплантация.Фото: облыстық аурухана

Қазақстан және Қызылорда облысының жаңалықтары