<a href="https://kyzylorda-news.kz/">Kyzylorda-news.kz</a>&nbsp; Шерзат Болаттың ісінде жәбірленуші тараптың мүддесін қорғаған адвокат Мейірман Шекеев марқұмның зиратына барып, соңғы парызын өтеді, деп хабарлайды <a href="https://politico.kz/kz/article/sherzat-bolattyn-isinde-advokat-bolgan-meyirman-shekeev-songy-paryzyn-otedi?fbclid=IwY2xjawKzkO5leHRuA2FlbQIxMABicmlkETF5bWhKbUgzYjFBcERoYlBFAR7mDipn2Nkn-e4lwyUI6_g3ax4faoAnH12L3IkOktCYDibS7PpGLYytEHqePQ_aem_tlpq0yjiE2-aOf1WX5YEmA">POLITICO.KZ</a> Anyqtime.kz-ке сілтеме жасап.Желіде тараған видеодан Шерзаттың әкесі Қаржаубай, анасы мен апасын көруге болады. Заңгер марқұмның қабірі басында құран бағыштап, ата-анасымен бірге болған сәтін бөлісті.<blockquote>Соңғы парызым – Шерзаттың басына барып, құран бағыштау еді. Әкесін алғаш көргенде жанары сөнген, үміттен айырылған адамды көрдім. Ол кісі: “Аға, Шерзаттың ісі сізге аманат”, – деп ауыр жүкті мойныма жүктеді. Аллаға шүкір, елдің қолдауымен сол аманатты орындап шықтық деп ойлаймын. Қаржаубайдың күлгенін көру – соның белгісі шығар, — деді адвокат.</blockquote>Фото: POLITICO.KZ

Шерзат Болаттың ісінде адвокат болған Мейірман Шекеев соңғы парызын өтеді

<a href="https://kyzylorda-news.kz/">Kyzylorda-news.kz</a> Қазақстан Республикасының Сауда және интеграция министрлігінің Сауда комитетінің төрағасы Әбілдабеков Айдар Ахметбекұлы Қызылорда облысына жұмыс сапарымен келді.Іс-сапар барысында облыс орталығындағы әмбебап және мамандандырылған сауда базарларының жай-күйімен танысты. Бүгінде облыста барлығы 25 сауда базары тіркелген, оның төртеуі әмбебап сауда базары болып табылады.Сонымен қатар, үкіметпен бекітілген жол картасына сәйкес 2025 жылдың соңына дейін барлық әмбебап сауда базарлары жаңғыртылуы тиіс. Алдағы уақытта барлық сауда нүктелеріне толықтай жөндеу жұмыстары жүргізілетін болады.Тапсырмаға сәйкес комитет төрағасы сауда базарлары басшылары, тиісті мемлекеттік орган өкілдерінің қатысуымен жиын өткізіп, сауда базарларын жаңғыртуда сауда инфрақұрылымын заманауи талаптарға сәйкестендіру, санитарлық және өрт қауіпсіздігі нормалары туралы мәселелерді талқылады.Сондай-ақ, кездесу барысында кәсіпкерлер мен қаржы институттарының тарапынан мемлекеттік бағдарлама аясында қаржыландыруды жалғастыру, сауда қызметін реттеу және салық заңнамалары аясында жеңілдіктерді қарастыру жөнінде ұсыныстар берілді.

Сауда комитетінің төрағасы Қызылорда облысына жұмыс сапарымен келді

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаев “Саутс ойл” мұнай компаниясының басшысы Серікжан Сейтжановпен кездесті. Кездесуде бірлесіп атқарылған жұмыстар мен алдағы жоспарлар сөз болды.“Күн сайын жаңарып, жасарған Сыр өңірінің жаңа келбетіне көрік берген музыкалық колледждің жаңа ғимаратын салуға демеушілік жасап, қолдау көрсеткеніңіз үшін барша Сыр жұртшылығының, өзімнің атымнан шынайы ризашылығымды білдіремін.Ел игілігі жолындағы барлық бастамаңызға сәттілік тілеймін. Алдағы уақытта да бірлесіп жұмыс атқарамыз деп сенемін”,- деді Н.Нәлібаев.Сол жағалаудан жаңадан ашылған музыкалық колледждің ғимаратында студенттерге барлық жағдай жасалған. Үлкен концерт, би залдары, хор бөлмесі бар. Кең музыкалық пәндік кабинеттер жаңа заманауи құрал-жабдықтармен қамтылған.Барлық материалдық-техникалық базасы заман талабына сай келетін 200 орындық жатақхана шалғай елді мекендерден келген жас өрендерді қабылдауға дайын.Мемлекет басшысының «Туған жерді бірге түлетейік!» үндеуі аясында кәсіпкер-меценаттар, қоғамдық қорлар бастамаларға белсенді араласып, Сыр өңірін көркейтуге өз үлестерін қосуда.Бүгінде аймағымызда демеушілікпен 55 млрд. теңгеден астам қаржыға жаңа жобалар жүзеге асуда.Фото: Қызылорда облысы әкімінің баспасөз қызметі

 Облыс әкімі «Саутс ойл» компаниясының басшысымен кездесті

<a href="https://kyzylorda-news.kz/">Kyzylorda-news.kz</a> &nbsp;Қорқыт Ата атындағы Қызылорда университеті ҚР жоғары оқу орындары сұранысының тәуелсіз рейтингі–2025 версиясы бойынша ҚР ҮЗДІК-20 ЖОО қатарында.2025 жылғы 2 мамырда Аккредиттеу және рейтингтің тәуелсіз агенттігі (АРТА) өткізетін ҚР жоғары оқу орындары сұранысының тәуелсіз рейтингі – 2025 қорытындысы жарияланды. 2025 жылы бағаланған білім беру бағдарламаларының саны 1650-ге жетті. Рейтинг Қазақстанның үздік жоғары оқу орындары қатарына кірген ҚР ҮЗДІК-20 ЖОО анықтады. Рейтингке көпсалалы, техникалық, гуманитарлық-экономикалық, медициналық және педагогикалық бағыттағы жоғары оқу орындары, сондай-ақ өнер жоғары оқу орындары қатысты. Рейтинг қорытындысы бойынша Қорқыт Ата атындағы Қызылорда университеті 63700 баллмен 7-орынға ие болды.&nbsp;Университеттің 29 білім беру бағдарламасы үздік үштік қатарында:БАКАЛАВРИАТ 1.&nbsp; 6B01404 - Бастапқы әскери дайындық мұғалімдерін даярлау &nbsp;- 3 орын 2.&nbsp; 6B01407 - Музыкалық білім – 2 орын 3.&nbsp; 6B02128 - Дәстүрлі музыка өнері &nbsp;- 1 орын 4.&nbsp; 6B02130 - Хореография &nbsp;- 3 орын 5.&nbsp; 6В02234 - Археология және этнология – 3 орын 6.&nbsp; 6В07261 - Мұнай газ ісі &nbsp;- 2 орын 7.&nbsp; 6B11401 - Әлеуметтік жұмыс – 2 орын 8.&nbsp; 6В07263 - Геология және пайдалы қазба кен орындарын барлау – 3 орын 9.&nbsp; 6В07365 - Құрылыс – 2 орын 10.&nbsp; 6В08171 – Агрономия - 3 орын 11.&nbsp; 6В08674 - Су ресурстары және суды пайдалану – 2 орын 12.&nbsp; 6В11279 - Өміртіршілігінің қауіпсіздігі және қоршаған ортаны қорғау – 3 орын 13.&nbsp; 6В07366 - Құрылыс материалдарын,бұйымдарын және конструкцияларын өндіру – 3 орын 14.&nbsp; 6В07367 - Инженерлік жүйелер мен желілер – 3 орынМАГИСТРАТУРА 1.&nbsp; 7M01104 - Педагогика және психология – 3 орын 2.&nbsp; 7М01303 - Бастауышта оқыту педагогикасы мен әдістемесі – 3 орын 3.&nbsp; 7М01510 - Математика – 3 орын 4.&nbsp; 7М01515 – Химия – 3 орын 5.&nbsp; 7М01619 - Тарих – 3 орын 6.&nbsp; 7М07365 – Құрылыс – 2 орын 7.&nbsp; 7M08674 - Су ресурстары және суды пайдалану – 2 орынДОКТОРАНТУРА 1.&nbsp; 8D01303 - Бастауыш оқыту педагогикасы мен әдістемесі - 2 орын 2.&nbsp; 8D01510 - Математика педагогтерін даярлау &nbsp;- 3 орын&nbsp; 3.&nbsp; 8D01515– Химия &nbsp;- 2 орын 4.&nbsp; 8D01517 - Биология &nbsp;- 2 орын 5.&nbsp; 8D04139 - Мемлекеттік және жергілікті басқару – 1 орын 6.&nbsp; 8D07365 - Құрылыс – 2 орын 7.&nbsp; 8D07366 - Құрылыс материалдарын, бұйымдарын және конструкцияларын өндіру – 3 орын 8.&nbsp; 8D08675 - Жерді мелиорациялау, баптау және қорғау – 2 орын.

Қорқыт Ата университеті Қазақстан Республикасының ТОП-20 университетінің қатарына енді

<a href="https://kyzylorda-news.kz/">Kyzylorda-news.kz</a> 5 маусым күні Ж.Нұрманов атындағы №198 орта мектебінде Қызылорда облыстық “Славяне” этномәдени орталығының ұйымдастыруымен мазмұнды іс-шара өтті. 6 маусым – ақын Александр Сергеевич Пушкиннің туған күнімен қатар, Халықаралық орыс тілі күні ретінде де кеңінен аталып өтуде.Шараның алғы сөзін “Славяне” орталығының төрағасы Галина Щербакова бастап, барлық қатысушыларды айтулы мерекемен құттықтап, орталықтың жұмысына, сондай-ақ Қазақстан халқы Ассамблеясының 30 жылдығы аясында жүзеге асырылған игі істерге тоқталды.Оқушылар үшін арнайы А.С.Пушкиннің ертегілерінен бейнероликтер мен мультфильмдер көрсетіліп, бүлдіршіндердің таным көкжиегін кеңейтетін қызықты әрі тәрбиелік маңызы зор дүниелер ұсынылды.Кеш мазмұны ұлы ақынның шығармашылығындағы неміс мәдениетінің ықпалына арналды. Қатысушылар Пушкин өміріндегі неміс текті тұлғалар жайында тың тарихи деректермен танысты. Сонымен қатар, оқушылар мен кітапхана оқырмандары ақынның өлеңдерін орыс және неміс тілдерінде мәнерлеп оқып, көркем шығармаларынан үзінділер ұсындыШара соңында жазғы лагерді сәтті аяқтаған және әлеуметтік қолдауға мұқтаж отбасылардан шыққан балаларға тәтті балмұздақтар таратылды.<img src="https://knadmin.beoblood.kz/uploads/assambl_190f4ff41e.jpg" alt="ассамбл.jpg">

Қызылордада Пушкин шығармашылығына арналған жиын өтті

<a href="https://kyzylorda-news.kz/">Kyzylorda-news.kz</a> Елордада автобустың жол апатына түсуі салдарынан екі аяғынан айырылған қыздың отбасына әкімдік тарапынан баспана беріледі. Бұл туралы бүгін Астана қаласының әкімі Жеңіс Қасымбек<a href="https://kaz.inform.kz/news/2026-zhildin-1-toksaninda-lrt-resmi-ske-kosiladi-zhens-kasimbek-c46c31"> айтты</a>.<blockquote>- Ол кісіге, қызына, отбасына бірнеше рет менің әріптестерім, оның ішінде орынбасарым барды. Кеше балалар омбудсмені барып қайтты. Бүгін де түске таман орынбасарым сол кісілермен бірге тағы барады. Көмек жағына келер болсақ, сақтандыруы 20 млн теңге шамасында және әкімшілік 10 млн теңге берді. Қосымша 10 млн теңге береміз деп жоспарлап отырмыз. Сонымен қатар баспана мәселесін шешіп береміз. Оны сіздерге ресми түрде айтып отырмыз. Баспана мәселесі шешіледі, - деді қала әкімі Ақордада БАҚ өкілдерінің сауалына орай.</blockquote>Бұған дейін хабарлағанымыздай, 2 маусымда Астанада автобус жүргізушісі рөлге ие бола алмай, жол жиегіндегі бағанға соғылды. Жедел медициналық жәрдем бригадалары қала стационарларына барлығы 15 адамды жеткізді. Олардың үшеуі ауруханаға жатқызылды. Жол апаты кезінде зардап шеккен қыз баланың аяғына ампутация жасалды.Автобус жүргізушісі уақытша ұстау изоляторына қамалды. Тергеу амалдары жүргізіліп жатыр.&nbsp;Фото: Астана әкімдігі

Автобус апатында 2 аяғынан айырылған қыздың отбасына баспана беріледі – Жеңіс Қасымбек   

<a href="https://kyzylorda-news.kz/">Kyzylorda-news.kz</a> Қызылорда облысы – еліміздің негізгі мұнай-газ өндіруші аймақтарының бірі. Халықтың басым бөлігі осы салада еңбек етеді. Сондықтан әрбір қызметкерге міндетті әлеуметтік медициналық сақтандыру (МӘМС) жүйесінің артықшылықтары мен мүмкіндіктерін жеткізу маңызды.Әлеуметтік медициналық сақтандыру қорының Қызылорда&nbsp;облысы бойынша&nbsp;филиалының мамандары өңірдегі жүйелік маңызы бар кәсіпорындардың еңбек ұжымдарымен тұрақты түрде кездесулер өткізіп тұрады. Олардың қатарында «Қазгермұнай», «ПетроҚазақстан Құмкөл Ресорсиз», «Торғай-Петролеум», «Байкен-U», «РУ-6», «Хорасан-U», «Мелиоратор» және басқа ірі компаниялар бар.Филиалдың бас сарапшысы Айгүл Аханованың айтуынша, 2025 жылғы 28 мамырдағы жағдай бойынша облыс тұрғындарының 83,8%-ы немесе 689 510 адам МӘМС жүйесінде сақтандырылған, бұл жалпы халықтың 83,8 пайызын құрайды. Олардың қатарында 15 жеңілдік санатына жататын азаматтар бар. Яғни өңір халқының басым бөлігі медициналық сақтандырумен қамтылған.<blockquote>– «Сақтандырылған» мәртебесін жоғалтпау үшін 12 ай бойы үздіксіз төлемдер қажет. Міндетті медициналық сақтандыру жүйесі барлық төлеушілер үшін тиімді. Азаматтар, жұмыс берушілер және мемлекет денсаулық үшін ортақ жауапкершілікте. МӘМС жүйесі іске қосылғанға дейін пациенттер кейбір медициналық қызметтерді ала алмаса, енді олар сақтандырылған азаматтарға жарна арқылы қолжетімді, – деп атап өтті Айгүл Аханова.</blockquote><img src="https://knadmin.beoblood.kz/uploads/3_too_6439c70ea3.jpg" alt="3 тоо.jpg"><img src="https://knadmin.beoblood.kz/uploads/5_too_a21c0851fa.jpg" alt="5 тоо.jpg"><img src="https://knadmin.beoblood.kz/uploads/2_too_a8d2506eb6.jpg" alt="2 тоо.jpg">

МӘМС – денсаулық үшін ортақ жауапкершілік

<a href="https://kyzylorda-news.kz/">Kyzylorda-news.kz</a> А.С.Пушкин атындағы кітапханада Халықаралық орыс тілі күніне орай «А.С.Пушкиннің өміріндегі неміс ойшылдары» атты әдеби-танымдық кеш өтті. Іс-шара Славяне және Неміс этномәдени орталықтарымен бірлесіп ұйымдастырылды және Қазақстан халқы Ассамблеясының 30 жылдығына арналған мерекелік онкүндік аясында өткізілді.Бағдарлама А.С.Пушкиннің портретіне гүл шоқтарын қоюмен басталды. Кештің ашылуында Славяне орталығының төрағасы Галина Щербакова сөз сөйлеп, Пушкиннің орыс әдеби тілінің қалыптасуына қосқан өлшеусіз үлесі мен орыс тілінің қазіргі әлемдегі орны туралы баяндады.Шара барысында Неміс этномәдени бірлестігінің төрағасы Ирина Шек құттықтау сөз сөйлеп, мәдени әртүрлілік пен халық достығын дәріптейтін мұндай жобалардың маңыздылығына ерекше тоқталды.Кеш мазмұны ұлы ақынның шығармашылығындағы неміс мәдениетінің ықпалына арналды. Қатысушылар Пушкин өміріндегі неміс текті тұлғалар жайында тың тарихи деректермен танысты. Сонымен қатар, оқушылар мен кітапхана оқырмандары ақынның өлеңдерін орыс және неміс тілдерінде мәнерлеп оқып, көркем шығармаларынан үзінділер ұсынды. Музыкалық бөлімде скрипкада классикалық туындылар шырқалып, “Сударушки” вокалдық тобының орындауындағы әсем ән кеш қонақтарына ерекше әсер қалдырды.Кеш соңында «Қоғамдық келісім» КММ директорының орынбасары Руслан Құрманов сөз алып, көпэтносты қоғамдағы мәдениетаралық үнқатысу мен рухани сабақтастықты нығайтудың маңыздылығына тоқталды. Ол кешке қатысқан барлық этномәдени бірлестіктерге ризашылығын білдіріп, Пушкиннің шығармашылығы түрлі этностар арасындағы рухани байланысқа дәнекер бола алатынын атап өтті.Сондай-ақ, кеш барысында әр этномәдени бірлестіктің төрағалары мен белсенді мүшелері А.С.Пушкиннің өлеңдерін оқып, ақын мұрасына деген құрметтерін білдірді.<img src="https://knadmin.beoblood.kz/uploads/assam_82cfe818dd.jpg" alt="ассам.jpg">

 Кітапханада әдеби-танымдық кеш өтті

<a href="https://kyzylorda-news.kz/">Kyzylorda-news.kz</a> Танымал әнші Сәкен Майғазиев ұлының үйлену тойын көргісі келетіндерге үндеу жасады. Бұл туралы <a href="https://stan.kz/category/madeniet-jane-show-biznes/">Stan.kz</a> ақпарат агенттігі хабарлайды.&nbsp;Әнші өзінің әлеуметтік желідегі парақшасында өзі уәде еткендей онлайн тойға тіркелуге болатын<a href="https://vaqum.digital/?fbclid=PAQ0xDSwKylWdleHRuA2FlbQIxMQABp4Pj3JnijCLEAqHkzM044vwQMOmkdyI61pTmcyKsTjm0-CY7jBNAqP9-ogMj_aem__gFUS367acwjEawlm2plgw">&nbsp;сілтемені&nbsp;</a>жүктеді.&nbsp;<blockquote>"Әділет пен Әдияның тойына онлайн қонақ болу үшін тіркеу басталды", – деп жазды Майғазиев.</blockquote>Одан кейін ұйымдастырушылар қандай арнаға тіркелу керегін егжей-тегжейлі түсіндірді.&nbsp;<blockquote>“Майғазиевтер отбасында үлкен қуаныш. Әділет пен Әдияның үйлену тойының онлайн трансляциясы. Біз жабық Telegram арнасын аштық. Ол жерде тойдағы ең қызық әрі жарқын сәттерді тамашалауға болады. Осы ерекше күнді бізбен бірге атап өтетініңізге қуаныштымыз”, – деп жазды той ұйымдастырушылары.</blockquote>Айта кетейік,&nbsp;онлайн тойдың бағасы да жарияланған. Қалтаңызда 1380 теңге болса тойға қатыса аласыз.Фото: Видеодан скриншот

"Құны – 1380 теңге": Сәкен Майғазиев ұлының тойының онлайн трансляциясын сатып жатыр

<a href="https://kyzylorda-news.kz/">Kyzylorda-news.kz</a> Жыл сайын қаржы пирамидаларын ұйымдастырушылар халықты алдаудың жаңа тәсілдерін ойлап табуда. Олар заманауи технологияларды белсенді пайдаланып, өздерін әлеуметтік желілер мен мессенджерлер арқылы жарнамалаудан жалықпай, инвестициялық жобалардың, стартаптардың, тіпті жабық қоғамдардың атын бүркемеленіп ойларын іске асырып бағуда. &nbsp;Заманауи схемалардың қандай болатыны және олардың құрбаны болмас үшін не істеу керектігі жөнінде Fingramota.kz-пен қарастырып көрелік.&nbsp;Трейлерлер көру жөніндегі компаниялар &nbsp;Қаржы пирамидаларын ұйымдастырушылардың соңғы ойлап шығарған схемаларының бірі ағымдағы жылдың сәуір айында Алматы қаласында анықталды. Қаржы мониторингі агенттігінің мәліметі бойынша, Warner Bros, Roborock және NET+TRX деп аталатын компаниялар салымшыларды «трейлер көруден жоғары пайда аласың» деген сылтаумен жобаларға инвестиция салуға шақырды.Жоба тоғыз деңгейден тұрды, салымның орташа сомасы - 225 мың теңге, төлем тек USDT криптовалютасында қабылданған. Warner Bros компаниясында салымшылар арнайы қосымшаға тіркеліп, криптовалюта үшін трейлерлер көруге мүмкіндік алады және трейлерлерді көргені үшін, сондай-ақ жаңа салымшыларды шақырғаны үшін есептелетін сыйақы алды-мыс. Алайда, іс жүзінде олар ақшаларынан айырылып қалған. Қазір тергеу жұмыстары жүріп жатыр, сол себепті зардап шеккендер саны мен шығынның мөлшері жөнінде нақты деректер жоқ, бірақ соттың санкциясымен 3,8 миллион USDT крипто активтеріне тыйым салынғаны белгілі.Криптовалюталық пирамидалар&nbsp;Қазақстандықтардың басым көпшілігі үшін криптовалюта - әлі күнге дейін жеткілікті зерттелмеген қаржы құралы, ол планетаның Илон Маск сияқты ең бай адамдары пайдаланатын «сиқырлы валюта» болып көрінеді. Бұл жөнінде сауаттың жетіспеуін қаржы пирамидаларын ұйымдастырушылар белсенді қолданады.Алаяқтар өз құрбандарына жаңа криптовалюталарға инвестиция құюдан жоғары табысқа кенелуге уәде береді немесе «бірегей» майнинг фермаларын ұсынады. Ең бастысы салымшыларды құрықтарына бір іліп алып, алғашқы уақытта олардың сенімдеріне кіру, жаңа қаражат алу және аңғал азаматтарды жаңа инвесторлар әкелуге көндіру үшін оларға аз мөлшерде ақша төлеп отырады. Іс жүзінде ешқандай криптовалюта немесе ферма атымен жоқ: алаяқтар валютаның қозғалысы мен пайданың өсуін көрсететін жалған анимациялық сайттар жасайды, ал шын мәнінде ақша әлдеқашан алаяқтардың қалтасына кеткен.Мысалы, Қазақстанда 2019-2021 жылдар аралығында Finiko қаржы пирамидасы белсенді жұмыс істеді. Ол инвестициялық өнімдер ұсынып, айына 20-30% кіріске уәде берді. Бұл ретте салымшылар компанияның ішкі валютасын биткоиндер немесе Tether токендері үшін сатып алуға тиіс болған. Тергеу көрсеткендей, Finiko -ның 12 салымшысы 42 млн теңгеден айырылды.«Жасыл» инвестициялық пирамидалар&nbsp;Қазіргі уақытта өзекті болып отырған экожобалардың және халықтың қоршаған орта жағдайына алаңдаушылығы күн тәртібінен түспей тұрғанда алаяқтар «жасыл» немесе «экологиялық» қаржы пирамидаларын құра бастады. Әдетте, қаскүнемдер ақшаны күн панельдері, қоқыстарды қайта өңдеу, отынның жаңа түрлері сияқты «экологиялық жобаларға» салуды ұсынады. Экологияға жанашырлық үрдісін пайдаланып, олар жобаларды заңды және маңызды етіп көрсетеді, ал іс жүзінде олар қаржы пирамидасының классикаға айналған &nbsp;схемасы арқылы іс-әрекет жасайды: &nbsp;сол баяғыша жоғары кіріске уәде беру, жаңа қатысушыларды тартуды талап ету және соңында дивидендтер төлеуді тоқтату.&nbsp;Мысалы, екі жыл бұрын Қазақстанда «жасыл экономикамен» айналысқан компанияның әлеуетті инвесторларына жылдық 3 000% уәде берген алаяқтар әрекет еткен. Ұйымдастырушылар компания күн электр станцияларында электр энергиясын өндіреді деп сендірді. Жәбірленушілерге әрбір жаңа салымшымен қалаған кірісін алу мүмкіндігі артады деп уәде етілді. Нәтижесінде, алаяқтар 259 млн теңгеге 3 000 қазақстандық азаматты алдады.Жабық инвестициялық қоғамдастықтар&nbsp;Элиталық және қолжетімді емес қоғамға тиесілі болу, әдетте, қарапайым адамдарды қызықтырады, сондықтан алаяқтар алаяқтықтың тағы бір түрін – жабық «инвестициялық клубтарды» немесе «бизнес-қоғамдастықтарды» сәтті игерді. Бірақ олар стандартты пирамида схемасы бойынша жұмыс істейді, тек маркетинг қана өзгереді.&nbsp;Бастапқыда әлеуетті салымшыларға олардың төлемдері толығымен шақырылған достар мен таныстардың санына байланысты екенін айтады, кейіннен бәрібір компанияның элиталық екенін баса айтады. Салымшыларды ынталандыру үшін ұйымдастырушылар «қоғамдастыққа», «командаға», «миссияға» бағытталған тренингтер, шеберлік кластарын және кездесулер өткізеді, бірақ қатысушылардың салымдары қандай өнімге жұмсалатынын нақты айтпайды.&nbsp;Мысалы, Көкшетауда «Миллионерлер клубы» қаржы пирамидасы жұмыс істеді, оның мүшелік жарнасы 100 мың теңгені құрады. Ұйымдастырушылар бір айдан кейін салымшылар бірнеше есе көп алады деп уәде берді, бірақ олардың ешқайсысы ешқашан байыған жоқ. Тергеу кезінде фирманың шоттарында 3000-нан астам зардап шеккен салымшылардан 41 млн теңге табылды. Ал тергеушілер айтқандай, жалпы шығын 600 млн теңгені құрады.Букмекерлік пирамидалар және жасырын онлайн-казиноЗаманауи қаржы пирамидалары букмекерлік кеңселер ретінде жасырынып, клиенттерді кепілдендірілген ұтыстар туралы уәделермен белсенді түрде қызықтырады. Лицензиясы бар және әр ставка бойынша кассалық немесе электронды чектер мен купондар беретін ресми букмекерлерден айырмашылығы, алаяқтық схемалар лицензиясыз жұмыс істейді және көп жағдайда мессенджерлер арқылы жалған чектер жібереді.&nbsp;Сонымен қатар, мұндай «букмекерлік» пирамидаларды ұйымдастырушылар «серіктестік бағдарламалар» деп аталатын бағдарламаларды белсенді түрде енгізуде. Қатысушыларға кіріс ставкаларды ұтып алудан емес, жаңа клиенттерді тартудан уәде етіледі. Қатысу үшін белгілі бір соманы салып, кем дегенде екі жаңа клиентті әкелу керек. Тартылған әрбір қатысушы үшін дивидендтер уәде етіледі, бұл іс жүзінде жаңа салымдар арқылы қаржы пирамидасын дамытудың классикалық схемасы болып табылады.Сондай-ақ, букмекерлік кеңселер алаңында заңсыз онлайн-казинолар жиі жұмыс істейді – бұл «Ойын бизнесі туралы» заңды тікелей бұзу екенін атап өткен жөн. Қазақстанда электронды казино мен интернет-казино қызметіне тыйым салынады. Осыған қарамастан, Алматыда Parimatch, Triumph, «Фаворит» және PROFITBetting букмекерлік кеңселерінің басшылары заңды бизнеспен қатар өз мекемелерінің қабырғаларында жасырын онлайн-казино ұйымдастырды.Қаржы пирамидаларының құрбаны болмаудың жолдары&nbsp;Лицензияларды және алаяқтық белгілерінің болуын тексеріңіз – мұны үш жолмен жасауға болады:Қаржы нарығын реттеу және дамыту агенттігінің ресми сайтында -&gt; «Жосықсыз қызмет белгілері бар ұйымдардың тізімі»;Қаржылық мониторинг агенттігінің ресми сайтында -&gt; «Қызметі қаржы пирамидасы ретінде күдікті деп танылған, сондай-ақ сот үкімдері шығарылған ұйымдардың кеңейтілген тізбесі»;ҚМА Baiqa, piramida жеделхат-ботының көмегімен.&nbsp;Құр уәдеге сенбеңіз: егер олар «кепілдікпен жоғары (айына 20-30%) және қандай да бір тәуекелсіз кірісті уәде етсе – бұл пирамиданың айқын белгісі. Нақты инвестицияларда кіріс әрқашан тәуекелмен байланысты және жауапты компаниялар бұл туралы үнемі ескертіп отырады.Табыс моделін талдаңыз – нақты және жауапты бизнес ауадан немесе басқа қатысушылардың салымдарынан емес, тауарларды немесе көрсетілетін қызметтерді сатудан пайда табады. Егер сізге тек жаңа мүшелерді тартқаныңыз үшін ақша төленсе, бұл – пирамида.Компанияның беделін зерделеңіз:&nbsp;тәуелсіз пікірлерді іздеңіз, БАҚ-тағы, мемлекеттік органдардың сайттарындағы және кәсіби қауымдастықтардағы ақпаратты тексеріңіз.Ешқашан жоғалтуға дайын емес ақшаны инвестицияламаңыз.&nbsp;Сондықтан да инвестициялық схемаларға қатысу үшін мүлік кепілінен немесе кредиттен аулақ болыңыз.Мессенджерлер арқылы «жылдам тіркеуден» аулақ болыңыз, себебі шынайы инвестициялық компаниялар чаттар мен бейресми топтар емес, қорғалған платформалар арқылы жұмыс істейді.Шартты мұқият зерделеуді ұмытпаңыз: онда шарт талаптары, кірістер, форс-мажор жағдайлары және т.б. нақты жазылуы керек. Қауіпсіздігіңізге және қаражатыңыздың қорғалуына толық сенімді болу үшін заңгер тартыңыз. Әдетте, алаяқтар ауызша келісімдер немесе бейресми келісімдер жасағанды жөн көреді.«Жаңа қатысушылар үшін жеңілдік бір күнге ғана жарамды», «Орындар қалмай барады» және т.б. сияқты сөздерге сенбеңіз.&nbsp;Сізге жасалған қандай да бір қысым күдік туындатуы керек – жауапты компаниялар мұны ешқашан жасамайды және шешім қабылдау үшін ойлануға және тәуекелдерді саралауға уақыт береді.Есіңізде болсын, кез-келген қаржы пирамидасының күні санаулы және уәде етілген жоғары кірістің орнына бүкіл инвестицияңызды бірден жоғалтасыз.Фото: fingramota.kz

«Пирамида құрушылардың» жаңа схемалары: шынайы кейстер

<a href="https://kyzylorda-news.kz/">Kyzylorda-news.kz</a> Жаз мезгілі басталысымен балалардың қауіпсіздігі басты назарда болуы тиіс. Өткен жылы балалардың терезеден құлауының 16 жағдайы тіркеліп, 17 бала түрлі жарақаттар алған. Балалардың терезеден құлау фактісінің басты себебі ата-аналардың балаларды бақылаусыз қалдыруы, терезеде уақытша бекіткіш торлардың болмауы, балалардың терезе алдында ойнауынан болып отыр,- дейді мамандар. Осыған орай аймақта “Терезе” жедел алдын-алу шарасы өз жұмысын бастады. Бұл туралы ТЖД төтенше жағдайларды алдын-алу басқармасының бастығы Бейбітхан Спанов пен көпбейінді облыстық балалар ауруханасының травматолог дәрігері Жеңісбек Карбозов айтты.<blockquote>– Қызылорда облысы бойынша балалардың көпқабатты тұрғын үйлердің терезелерінен құлап зардап шегуін немесе қаза болуын болдырмау мақсатында үгіттеу-түсіндіру жұмыстарын жүргізілуде. Сонымен қатар қала аумағында орналасқан көпқабатты тұрғын үйлердің және мини-маркет, сауда орындарының кіре беріс есіктерінің тұсына түсіндірме парақтары ілініп, тұрғын үй ауласында ескерту, түсіндіру іс-шаралары жүргізілуде. Осындай жағдайларды болдырмау бағытында “Терезе” жедел алдын-алу шарасы жолға қойылды. Мақсат біреу. Балардың денсаулығы бәрінен де маңызды. Оған бәріміз де жауапкершілікпен қарауымыз керек. Әсіресе, тұрмысы төмен отбасыларда тұратын балалардың қауіпсіздігіне баса мән беріліп отыр. Біз мұндай отбасылардың тұрғын үйлеріндегі терезелерге қорғаныш құрылғыларын орнатуды жоспарлап отырмыз. Профилактикалық жұмыс жүйелі түрде жалғасын табады,- деді Бейбітхан Оразайұлы.</blockquote>&nbsp;2025 жылдың алғашқы бес айында қайғылы жағдайлар тіркелген жоқ.&nbsp;<blockquote>– Бұл балалар қауіпсіздігі бағытындағы алдын алу шараларының тиімді жүргізіліп жатқанын көрсетеді. Алайда, осы кезеңде 1415 бала түрлі себептермен стационарлық ем қабылдады. Осындай жағдайлардың орын алуы сыртқы ортаның қолайсыздығы мен ересектер тарапынан бала қауіпсіздігіне немқұрайлы қарауынан болуда. Әрбір ата-ана мен ересек адам баланың өмірі мен денсаулығына жауапты екенін ұмытпауы керек. Жарақат алу қаупі бар жағдайларды дер кезінде анықтап, жою біздің ортақ міндетіміз. Балаларға қауіпсіздік ережелерін түсіндіру, оларға үнемі бағыт-бағдар беріп отыру ең алдымен ата-ананың құзырындағы жауапкершілік,- деді Жеңісбек Карбозов.</blockquote>

Бала өмірі - біздің жауапкершілік

<a href="https://kyzylorda-news.kz/">Kyzylorda-news.kz</a> Қазалы ауданында 5 маусым – Дүниежүзілік қоршаған ортаны қорғау және Экологтар күні аясында Қазалы мәдени-демалыс кешеніндегі Отбасылық демалыс саябағы ашылды. Жалпы аумағы 20 гектарды құрайтын абаттандыру және құрылыс жұмыстары жүргізілген бұл кешенге жергілікті бюджеттен қаржы бөлінумен қатар, аудан кәсіпкерлері тарапынан демеушілік жасалды.Отбасылық демалыс саябағының ашылу рәсіміне аудан әкімі Мейрамбек Шермағанбет пен зиялы қауым өкілдері, ардагерлер, ел ағалары және аудан тұрғындары мен қонақтар қатысты. Шараға қатысушы қонақтар алдымен салтанатты түрде саябақтың лентасын қию рәсіміне қатысып, мәдени-демалыс кешенді аралады.Мәдени-демалыс кешен «Жеңіс» саябағы және Отбасылық демалыс саябағы сынды екі бөліктен тұрады. Онда «Даңқ», «Тағзым», «Киелі қазақ елі», «Ғашықтар» аллеялары және тамақтану орындары, спорт және балалар ойын алаңдары, аттракциондар, аквапарк, жасанды көлшік сынды нысандар жұмыс жасауда. Кешендегі «Тағзым» аллеясында қазақ халқының тарихын, батыр бабаларымыздың жүріп өткен ерлік жолын бүгінгі ұрпаққа үлгі ету, дәріптеу мақсатында тарихи-мемориялдық ескерткіштер орналастырылған.Сонымен қатар кешенге көгалдандыру және экологиялық жағдайды жақсарту мақсатында түрлі жеміс ағашатарымен қатар қарағай, аққайың, туя, үйеңкі, катальпа, сыр талы сынды 20 мыңға жуық ағаш көшеттері отырғызылды.Саябақты аралаудан кейін аудан басшысы мерекелік шарада жиналған қауымды абаттандыру және құрылыс жұмыстары жүргізіліп, пайдалануға беріліп жатқан саябақтың ашылуымен құттықтады.<blockquote>– Бүгінде Қазалы ауданында Мемлекет басшысының бастамасымен қолға алынған «Таза Қазақстан» тұжырымдамасын іске асыру аясында жасыл желектерді көбейту, аудан орталығының озық сәулеттік үлгісін қалыптастыру, заманауи келбетін айшықтау мақсатында көшелердің бойын, көпқабатты тұрғын үйлердің аулаларын, қас беттерін және саябақтар мен мәдени демалыс орындарын абаттандырудамыз. Ауданымыздың сәулеттік келбеті күн сайын жаңарып келеді. Баршаңызды бүгінгі аудан орталығындағы 40 жылдық тарихы бар саябақтың қайта жаңғырып, керемет мәдени-кешен, отбасылық демалыс саябағының ашылуымен құттықтаймын! Заманауи талаптарға сай жабдықталған саябақ ендігі аудан тұрғындарымен қонақтарының салауатты өмір салтын ұстануына, отбасы мүшелерімен бірге тиімді уақыт өткізуіне мүмкіндік береді. Жаңа әсем, заманауи кешеннің құрылысын сапалы жүргізіп, мерзімінде ел игілігіне пайдалануға берген – «Каз Элит Строй Сервис» жауапкершілігі шектеулі серіктестігі мекемесі ұжымына және саябақтың абаттандыру және құрылыс жұмыстарына атсалысқан барша азаматтарға аудан жұртшылығының, Өзімнің атымнан шынайы алғысымды білдіремін, - деді аудан әкімі.</blockquote>Мұнан соң саябақтың абаттандыру және құрылыс жұмыстарына атсалысқан бірқатар азаматтарға аудан әкімінің «Алғыс хаты» табысталды.Мерекелік шарада аудандық ардагерлер кеңесінің төрағасы Оразғали Бекпанов пен Қазалы ауданының Құрметті азаматы Қасқырбай Әлімбай сөз сөйлеп, аудан орталығында осындай керемет демалыс орнының ашылуына үлес қосқан барша азаматтарға шынайы алғыстарын жеткізді.Мерекелік құттықтаулардан кейін, саябақтың жаңаша келбетін кіргізіп тұрған ең үлкен аттракцион іске қосылды. Сондай-ақ саябақтың ашылуына жиналған жұртшылық аудан өнерпаздарының концерттік бағдарламасын тамашалады.<img src="https://knadmin.beoblood.kz/uploads/Park_semejnogo_otdyha_v_Kazalinskom_rajone_3_1482632e15.jpg" alt="Парк семейного отдыха в Казалинском районе 3.jpg"><img src="https://knadmin.beoblood.kz/uploads/Park_semejnogo_otdyha_v_Kazalinskom_rajone_8a5084b612.jpg" alt="Парк семейного отдыха в Казалинском районе.jpg"><img src="https://knadmin.beoblood.kz/uploads/Park_semejnogo_otdyha_v_Kazalinskom_rajone_1_86bc401622.jpg" alt="Парк семейного отдыха в Казалинском районе 1.jpg"><img src="https://knadmin.beoblood.kz/uploads/Park_semejnogo_otdyha_v_Kazalinskom_rajone_2_f42acdc469.jpg" alt="Парк семейного отдыха в Казалинском районе 2.jpg"><img src="https://knadmin.beoblood.kz/uploads/Park_semejnogo_otdyha_v_Kazalinskom_rajone_4_870e3e7e3c.jpg" alt="Парк семейного отдыха в Казалинском районе 4.jpg">

Қазақстан және Қызылорда облысының жаңалықтары