<a href="https://kyzylorda-news.kz/">Kyzylorda-news.kz</a> &nbsp; 2026 жылғы 20 қаңтарда Қызылорда қаласында Ұлттық құрылтайдың V отырысы өтті.Ел тағдырына қатысты маңызды мәселелер талқыланған бұл алқалы жиынның дәл осы өңірде ұйымдастырылуы және бір ғасыр бұрын Қазақ елінің астанасы болған қасиетті Қызылорда жерінде өтуі – Сыр өңірі жұртшылығы үшін зор мәртебе әрі тарихи маңызы айрықша оқиға болды. Осындай тарихи және саяси мәні зор құрылтай отырысынан кейін Сыр елінің зиялы қауым өкілдері мен жастары Мемлекет басшысына алғысын білдіріп арнайы хат жолдады.<blockquote>«Аймақ халқы Өзіңіздің ұлттық бірлікті нығайтуға, азаматтардың әл-ауқатын арттыруға бағытталған сындарлы саясатыңызды әрдайым қолдап келеді. Құрылтай барысында Қызылорда облысының соңғы жылдардағы әлеуметтік-экономикалық дамуына жоғары баға беруіңіз Сыр жұртшылығына үлкен сенім мен жігер сыйлады. Бұл – ынтымағы жарасқан өңір халқына көрсетілген лайықты қолдау әрі еңбектің әділ бағасы деп қабылданды.Қызылорда қаласынан Президенттік кітапхана ашу, жаңа драма театр мен 500 орындық емхана және 200 орындық перзентхана салу, «Батыс Қытай – Батыс Еуропа» дәлізінің Қызылорда – Ақтөбе арасын төрт жолақты етіп кеңейту, сондай-ақ биыл «Бейнеу – Сексеуіл» жолының құрылысын бастау және Көкарал бөгеті жобасын жүзеге асыру арқылы кіші Аралдың су көлемін айтарлықтай көбейту бойынша берген тапсырмаңыз өңір тұрғындарын ерекше қуантты.&nbsp; Сізге барша Сыр жұртшылығы атынан шынайы алғысымызды, зор ризашылығымызды білдіреміз.&nbsp;Біз Сіздің әділетті, қуатты, қауіпсіз әрі таза Қазақстанды орнықтыру бағытындағы барлық бастамаларыңызды қолдаймыз! Егемен еліміздің дамуы жолындағы ерен еңбегіңізге табыс, деніңізге саулық пен күш-жігер тілейміз!» - делінген хатта.</blockquote>Сыр халқының алғысын жеткізген хатқа қол қойғандар арасында - Қазақстанның Еңбек Ерлері А.Ералиев, И.Шағыртаев, Қазақстанның еңбек сіңірген қайраткерлері, Еңбек ардагерлері Ж.Шарипов, С.Имандосов, зиялы қауым өкілдері, Қызылорда облысының Ардагерлер кеңесінің төрағасы С.Дүйсенбаев, айтыскер ақындар М.Ниязов, М.Сұлтанхан, облыстық Мәслихат төрағасы мен «AMANAT» партиясының облыстық филиалының төрағасы, Қазақстан халқы Ассамблеясы өкілдері және жастар бар.Фото: Ақорда&nbsp;

Ұлттық құрылтайдың V отырысы Қызылордада өтуі - Сыр өңірі жұртшылығы үшін зор мәртебе

<a href="https://kyzylorda-news.kz/">Kyzylorda-news.kz</a> &nbsp; Қызылорда облыстық Қазақстан халқы Ассамблеясы жанындағы Ақпараттық түсіндіру тобының ұйымдастыруымен К.Қаракөзов атындағы №235 мектеп-гимназиясының 10–11 сынып оқушыларымен кездесу өтті.Кездесуге Ақпараттық түсіндіру тобының жетекшісі, «Қоғамдық келісім» КММ директорының орынбасары, Қорқыт ата атындағы Қызылорда университетінің (phd) докторы Дәулет Омаров, мекеменің бөлім басшысы Ерсұлтан Есов қатысты.Кездесу барысында «Әділетті Қазақстан – Адал азамат» тақырыбы аясында мемлекет дамуының басты құндылықтары, азаматтық жауапкершілік, адалдық пен әділеттіліктің қоғамдағы орны кеңінен түсіндірілді. Сондай-ақ жастардың құқықтық мәдениетін арттыру, білімге ұмтылыс пен белсенді азаматтық ұстаным қалыптастыру мәселелері қозғалды.Оқушылар тарапынан қойылған сұрақтарға нақты жауаптар беріліп, еркін пікір алмасу форматында мазмұнды диалог орнады.

Адал азамат – әділетті қоғамның негізі

<a href="https://kyzylorda-news.kz/">Kyzylorda-news.kz</a> Қорқыт ата атындағы Қызылорда университетінің Біліктілікті арттыру және қосымша білім беру орталығы мен «Өрлеу» біліктілікті арттыру ұлттық орталығының ұйымдастыруымен қала мектептерінің директорларына арналған үш күндік ауқымды семинар өтті.&nbsp; Жиын барысында Жасанды интеллект институтының директоры Нұрлан Құлмырзаев «MEKTEP 5.0: Жасанды интеллект дәуіріндегі деректерге негізделген басқару (Data-Driven Management)» атты бірегей әдістемелік құралын таныстырды.Ұсынылған «Mektep 5.0» концепциясы дәстүрлі, яғни оқиға болғаннан кейін әрекет ететін реактивті басқару жүйесінен алдын ала болжайтын, стратегиялық басқару үлгісіне көшуді мақсат етеді.&nbsp;Басты мақсат – мектеп басшыларын күнделікті мәселелерді шешумен ғана айналысатын «өрт сөндіруші» рөлінен нақты деректерге сүйенетін стратег деңгейіне көтеру. &nbsp;Бұл тәсіл жасанды интеллект пен үлкен деректер (Big Data) технологиялары арқылы мектептің кадрлық, академиялық және психологиялық ахуалын алдын ала болжауға мүмкіндік береді. Семинарда Нұрлан Құлмырзаев мектеп басшыларының шешім қабылдау процесін автоматтандыратын бірқатар авторлық құралдарды таныстырды.<img src="https://knadmin.beoblood.kz/uploads/Whats_App_Image_2026_01_29_at_10_30_13_1_1fcaffbdfd.jpeg" alt="коркыт ">Атап айтқанда, «HR-Radar» (Кадрлық иммунитет) жүйесі педагогтардың зейнетке шығу мерзімін үш жыл бұрын болжай отырып, кәсіби «жану» қаупін ерте анықтайды; «Predictive Pulse» (Оқу сапасын болжау) құралы оқушылардың үлгерімі мен сабаққа қатысу деректерін талдау арқылы тәуекел тобындағы балаларды ерте анықтауға мүмкіндік береді; «Smart Essay» (Психологиялық қауіпсіздік) модулі оқушылардың жазбаларына семантикалық талдау жүргізіп, суицид, буллинг және тұрмыстық зорлық-зомбылық белгілерін байқайды; ал «Social Sonar» (Ата-аналар үні) ата-аналар чаттарындағы эмоционалды фонды сараптап, мектептегі өзекті мәселелерді жедел анықтауға бағытталған.<img src="https://knadmin.beoblood.kz/uploads/korkyt_2_ce33b8aa8b.jpeg" alt="коркыт 2.jpeg">Жаңа әдістемені енгізу арқылы Қызылорда мектептерінің басшылары кадрлық және оқу процесіне қатысты үш жылдық нақты болжам жасай алады, есеп беру мен жоспарлау жұмыстарын Agentic AI жүйесі арқылы автоматтандырады, сондай-ақ ақпарат іздеушіден деректерге сүйеніп шешім қабылдайтын заманауи көшбасшы деңгейіне көтеріледі.&nbsp;<img src="https://knadmin.beoblood.kz/uploads/korkyt_3_1fdfcd1d95.jpeg" alt="коркыт 3.jpeg"> Бұл бастама өңірдегі білім беру сапасын арттырып қана қоймай, мектеп басқару жүйесін цифрлық дәуір талаптарына сай қайта құруға мүмкіндік бермек.

Жасанды интеллект дәуіріндегі мектеп басқаруы: «Mektep 5.0» жобасы Қызылордада іске асуда

<a href="https://kyzylorda-news.kz/">Kyzylorda-news.kz</a> Кішкентай цехтың есігі ашылған сәттен-ақ тәтті иіс сезіледі. Бұл иіс&nbsp;– тек кондитерлік өнімнің емес, маңдай термен келген табыстың белгісіндей. Арал қаласында ашылған кондитерлік цех осылайша ауыл тіршілігіне жаңа тыныс әкелді. Күн сайын мұнда тәтті өнімдер дайындалып, тұрғындардың дастарқанына жол тартады. Бұл кәсіп&nbsp;– «Ауыл аманаты» жобасының нақты нәтижесі.Жоба аясында жеңілдетілген несие алған кәсіпкер Аңсаған Мұхиядинқызы&nbsp;кондитерлік цех ашып,&nbsp;өз ісін бастады. Бүгінде бірнеше адамды тұрақты жұмыспен қамтып отыр. Ол 7 млн 130 мың теңге көлемінде төмен пайыздық несие алған. Цехта дайындалатын торттар мен шағын десерттер аудан орталығы мен жақын ауылдарға жеткізіледі. Өнімге деген сұраныс та күн санап артуда.Кәсіпорын заманауи құрал-жабдықтармен қамтамасыз етілген. Италияда жасалған пештер сапалы әрі дәмді өнім дайындауға мүмкіндік беруде. Қазіргі таңда цехта 7 адам еңбек етеді.Кәсіпкердің айтуынша, мемлекет қолдауы өз ісін бастауға үлкен серпін берген. Алдағы уақытта өндіріс көлемін ұлғайтып, нан өнімдерін шығаруды жоспарлаған.<blockquote>&nbsp; – Қыз-келіншектер көбіне тәтті пісіруге қызығушылық танытып жатады. Менде&nbsp;«қолымнан қандай іс келеді, қандай жұмысты көп алып кете аламын»? - деп көп ойланып, өз-өзіме сұрақ қойдым. Осылайша кондитерлік цех ашуды жоспарладым. Мемлекет тарапынан жасалған мүмкіндіктер кәсіпті енді бастағандарға демеу болды. Сондықтанда берілген мүмкіндікті пайдаланған жөн деп шешім қабылдадым. Қазіргі таңда 7 адамды жұмыспен қамтуға мүмкіндік болды. Болашақта өзге кәсіпкерлер секілді кәсібімді дөңгелетіп, жұмыссыз адамдар санын азайтуға септігімді тигізсем деген ниеттемін,&nbsp;– дейді жас кәсіпкер.&nbsp;</blockquote>Бұл – бір адамның&nbsp;еңбегі ғана емес, бұл&nbsp;– ауыл кәсіпкерлігінің дамуына бағытталған нақты қадам. «Ауыл аманаты» жобасы еңбекке сенген жандарға жол ашып келеді.Мерей ЖалғасбекҚорқыт ата атындағы Қызылорда университетінің 4 курс студенті

Ауыл аманаты – адал еңбекке ашылған жол

<a href="https://kyzylorda-news.kz/">Kyzylorda-news.kz</a> Қызылордада студенттермен "Құқық қорғау қызметіне – білікті кадрлар" тақырыбында кездесу өтті, - деп хабарлайды <a href="https://polisia.kz/qyzylordada-studenttermen-quqyq-qorghau-qyzmeti-turaly-kezdesu-ujymdastyryldy/">Polisia.kz.</a>&nbsp;Қызылорда облысы полиция департаментінің криминалистикалық полигоны базасында "Заң мен тәртіп" идеологиясы аясында облыстық прокуратура мен полиция департаментінің бірлесуімен студенттерге арналған танымдық кездесу ұйымдастырылды.&nbsp;Іс-шараға "Қорқыт Ата атындағы Қызылорда университеті" мен "Болашақ" университетінің студенттері қатысты. Кездесу барысында прокуратура мен тергеу органдарының қызметкерлері студенттерді белсенді түрде қатыстыра отырып, арнайы дәлелдемелерді анықтау және бекіту, сондай-ақ қылмыстық процестегі қатысушылардың рөлін айқындау мәселелері бойынша мастер-класс өткізді.&nbsp;Полиция қызметкерлері қылмыстарды ашу барысында қолданылатын криминалистикалық технологиялардың заманауи үлгілеріне, олардың мүмкіндіктері мен қолданылу аясına, сондай-ақ қылмыспен күрестегі криминалистикалық техникалық құралдардың маңызына тоқталды. Сонымен қатар кинологиялық қызмет өкілдері қызметтік иттердің есірткі заттары мен жарылғыш заттарды анықтау барысын тәжірибе жүзінде көрсетті. Ал арнайы жасақ қызметкерлері жарылғыш құрылғыларды залалсыздандыру кезінде пайдаланылатын заманауи техниканың жұмысымен және қауіпсіздік талаптарымен таныстырды.&nbsp;Мұндай тәжірибелік сабақтар болашақ мамандарды даярлау ісінде ерекше маңызға ие. Теориялық білім мен практиканы ұштастыру студенттердің құқық қорғау органдарындағы қызметтің ерекшеліктерін тереңірек түсінуіне, кәсіби қызығушылығын арттыруына және білімін жетілдіруіне мүмкіндік береді.Фото: &nbsp;Polisia.kz

Қызылордада студенттермен құқық қорғау қызметі туралы кездесу ұйымдастырылды  

<a href="https://kyzylorda-news.kz/">Kyzylorda-news.kz</a>&nbsp; Шиелі ауданының әкімі Айтбай Жандарбеков «AMANAT» партиясының аудандық филиалының қоғамдық қабылдау кестесіне сәйкес аудан тұрғындарын жеке мәселелері бойынша қабылдап, кезектілік тәртібімен азаматтардың өтініш-тілектеріне назар аударды. Қабылдау барысында тұрғындар тұрғын үй, жер мәселесі, тұрақты жұмысқа орналасу секілді түрлі әлеуметтік сипаттағы өтініштерін жеткізді.Аудан басшысы әрбір тұрғынның мәселесін мұқият тыңдап, заң аясында нақты түсініктеме беріп, шешу жолдарын қарастыруды тапсырды. Жұмыс сұраған азаматтарға аудандағы кәсіпкерлік нысандар мен мекемелердегі бос жұмыс орындары ұсынылды. Сонымен қатар, қоғамдық жұмысқа орналастыру мүмкіндіктері қарастырылып, жауапты бөлімдерге нақты тапсырмалар жүктелді.Тұрғын үй мәселесі бойынша тиісті санаттарға сәйкес кезекпен қамту жұмыстары жүйелі түрде жүргізіліп жатқаны түсіндірілді. Қабылдауда көтерілген мәселелердің шешілуі үшін сараптамалық зерттеулер жүргізіліп, заң талаптарына сәйкес нақты шешімдер қабылданатын болады.Аудан әкімінің жеке қабылдауына egov.kz порталы, e-otinish базасы арқылы немесе әкімдікке келіп, жазбаша түрде өтініш беру арқылы жазылуға болады.

Шиелі ауданының әкімі жеке қабылдау өткізді

<a href="https://kyzylorda-news.kz/">Kyzylorda-news.kz</a>&nbsp; Танымал әнші Жігер Ауыпбаев пен өзінен 15 жас кіші сүйіктісінің видеосы желіде қызу талқыға түсті, деп хабарлайды&nbsp;<a href="http://sn.kz/">Sn.kz&nbsp;</a>ақпарат порталы.Кадрда қыздың жігітке «Мен тарақан болсам да жақсы көресіз бе?» деп сұрақ қойған сәті көрсетіледі.Олардың сөйлесу мәнері мен қылықтары көпшіліктің наразылығын тудырды.Желі қолданушылар түрлі пікір қалдырып, жұпты сынап тастады.Олар Жігердің әрекетін түсінбейтіндіктерін жазуда.<blockquote>«Дап-дардай еркектің істеп отырғанын қара», «Мынау садик сияқты», «Ұят емес пе?», «Әлі сана кірмеген бөпе ғой», «Мынаумен өспек түгіл скоро өшесіңғой. Ой-өрісі осы жерде тоқтап қалған», «Баламен алысып жүр», «Қуады екеуі де», – деп жазды оқырмандар.</blockquote>Коллаж: Sn.kz

«Балабақша ғой мынау»: Жігер Ауыпбаевтың кішкентай сүйіктісі көптің сынына ұшырады

<a href="https://kyzylorda-news.kz/">Kyzylorda-news.kz</a> «AMANAT» партиясы облыстық филиалының төрағасы Жандос Базартайдың қабылдауында Қызылорда қаласы, КБИ мөлтек ауданы, Қорқыт ата 2 көшесінің тұрғындары көшені асфальттау мәселесін көтеріп, қолдау көрсетуді сұраған болатын.Партияның облыстық филиалының төрағасы аталған көшеге арнайы барып, жолдың жай-күйімен танысты. Жауапты сала мамандарын шақырып, тұрғындармен бірге мәселенің мән-жайын жан-жақты зерделеді.Тұрғындардың айтуынша, осы аумақтағы өзге көшелердің барлығы асфальтталған, тек Қорқыт ата 2 көшесі мен оған іргелес бір көше жөндеусіз қалып отыр.Пікірлесу барысында 2024 жылы көшеге уақытша тас төселгені және өткен жылы арнайы тегістеу жұмыстары жүргізілгені анықталды. Алайда бұл шаралар тұрғындар үшін түбегейлі шешім болмай отыр.Қалалық тұрғын үй-коммуналдық шаруашылығы бөлімінің мамандарының айтуынша қазіргі таңда аталған көшені жөндеуге қатысты жоба әзірленіп, 2026 жылға бюджеттен қаржы бөлу үшін ұсыныс енгізілген. Қажетті қаражат бөлінген жағдайда құрылыс жұмыстары кезең-кезеңімен жүргізілетін болады.Кездесуде тұрғындар көшені жарықтандыру, жаяу жүргіншілер жолдарын (тротуар) қарастыру бойынша ұсыныстарын да білдірді.Партияның облыстық филиалының төрағасы Жандос Базартай тұрғындардың өтініші назардан тыс қалмайтынын атап өтіп, көшені толық жөндеу мәселесі аяқталған соң аталған ұсыныстарды шешу бойынша жүйелі жұмыстар жүргізілетінін жеткізді.Партиялық бақылау комиссиясының мүшесі Дәулет Ізбасар аталған мәселенің партиялық бақылауда болатынын мәлімдеді.

Тұрғындар көтерген мәселе партиялық бақылауға алынды

Жалған ақпаратқа қарсы іс-қимыл орталығы Қазақстан Республикасының жаңа Конституциясы жобасының мәтінінде шетелдіктерге жер сатуға тыйым салу алынып тасталды деген жалған ақпараттың таралуын тіркеп отыр.Орталық аталған ақпараттың шындыққа сәйкес келмейтінін және фактілерді бұрмалау болып табылатынын мәлімдейді. Қазақстан Республикасының қолданыстағы <a href="https://adilet.zan.kz/kaz/docs/K950001000_">Конституциясының</a> 6-бабы 3-тармағына сәйкес «жер жəне оның қойнауы, су көздері, өсімдіктер мен жануарлар дүниесі, басқа да табиғи ресурстар» жөніндегі тұжырым <a href="https://www.gov.kz/memleket/entities/ksrk/press/news/details/1152063?lang=kk">жаңа Қазақстан Республикасының Конституциясы жобасындағы</a> тұжырыммен бірдей болып табылады және қандай да бір өзгерістерге ұшыраған жоқ. Қосымша атап өтеміз, Конституциялық реформа жөніндегі комиссия аталған нормалар өзгеріссіз қалуға тиіс екенін растады. Бұдан бөлек, егер бұрын мемлекеттің тұтастығы мен унитарлығы мәселелеріне қатысты ережелер қорытынды және өтпелі қағидаларда қамтылған болса, жаңа Конституция жобасында олар конституциялық құрылыстың негіздері ретінде бастапқы тарауларда бекітілген. Бұл мемлекеттің аумақтық тұтастығы мен базалық қағидаттарының өзгермейтіндігіне берілетін құқықтық кепілдіктерді едәуір күшейтеді. 2026 жылғы 30 қаңтардағы Қазақстан Республикасының жаңа Конституциясы жобасының 2-бабы: &nbsp;<blockquote>2-т. Қазақстан Республикасының Егемендігі оның бүкіл аумағын қамтиды. Мемлекет өз аумағының тұтастығын, бөлінбеуін, оған қол сұғылмауын қамтамасыз етеді. 6-т. Қазақстан Республикасының Егемендігі, Тәуелсіздігі, унитарлығы, аумақтық тұтастығы мен басқару үлгісі өзгермейді.</blockquote>Осылайша, шетелдіктерге жер сатуға тыйым салудың күшін жою туралы мәлімдемелердің құқықтық негізі жоқ және азаматтарды жаңылыстырады. ‼️ Жалған ақпаратқа қарсы іс-қимыл орталығы фактілерді әдейі бұрмалау және манипуляциялық ақпаратты тарату құқықтық салдарға әкелуі мүмкін екенін еске салады және азаматтар мен медиа қауымдастық өкілдерін мәліметтерді ресми дереккөздерден тексеруге, сондай-ақ деструктивті және манипуляциялық түсіндірмелердің таралуына жол бермеуге шақырады.<img src="https://knadmin.beoblood.kz/uploads/Screenshot_20260131_201407_Telegram_7fb2b42a66.jpg" alt="Screenshot_20260131_201407_Telegram.jpg">Фото: elbasylibrary.gov.kz

ҚР Жаңа Конституциясы жобасы аясында жалған ақпарат таратылуда 

Қазақстан Республикасындағы Адам құқықтары жөніндегі Уәкілдің Қызылорда облысы бойынша өкілі Берікбол Байхожаев Қылмыстық-атқару жүйесі комитетіне қарасты мекемеге әйелдердің құқықтарының сақталуын бақылау және қамтамасыз ету мақсатында арнайы барды. Сапар барысында әйелдердің заңмен кепілдендірілген құқықтарының орындалуы, олардың қауіпсіздігі мен әлеуметтік қорғалуы, сондай-ақ мекеме жағдайындағы тұрмыстық және медициналық қамтамасыз ету мәселелері назарға алынды. Әйелдердің бейбітшілік пен қоғамдық тұрақтылықты нығайтудағы, қоғамдағы қауіпсіздікті қамтамасыз етудегі рөлі ерекше маңызға ие екені атап өтілді. Осы бағытта мекеме тарапынан заң талаптарының сақталуы, адам құқықтары жөніндегі уәкіл институтының ұсынымдарын орындау қажеттігі ескертілді. Әйелдердің құқықтарын қорғау, олардың ар-намысы мен қадір-қасиетін сақтау, сондай-ақ құқық бұзушылықтардың алдын алу бағытындағы жұмыстарды одан әрі жалғастырудың маңыздылығы атап өтілді. Бұл бағыттағы бақылау шаралары алдағы уақытта да тұрақты түрде жүзеге асырылатыны жеткізілді.

Мекемеде әйелдердің құқықтары сақталу деңгейіне ерекше назар аударылды

Жаңа Конституция жобасы - бұл жай ғана құқықтық құжат емес, ол қоғамның соңғы жылдары іште жинақтаған үміті мен талабына берілген жауап деп қабылдауға болады.Ұсынылып отырған өзгерістерден мемлекеттің өз азаматымен ашық диалогқа баруға, халықтың үнін естуге ұмтылысы анық байқалады. Бұл кез келген өркениетті қоғам үшін маңызды бетбұрыс.Ең құнды тұсы - адамның құқықтары мен қадір-қасиетінің алдыңғы қатарға шығуы. Мемлекеттің басты міндеті - билікті күшейту емес, азаматтың еркіндігі мен қауіпсіздігін қамтамасыз ету екені айқын көрсетілген. Бұл қағида қағаз жүзінде қалмай, нақты өмірде жүзеге асса, қоғамдағы әділетке деген сенім де арта түсері сөзсіз.Әрине, кез келген заң уақытпен бірге сыналады. Конституцияның да өміршеңдігі оның орындалуымен өлшенеді. Дегенмен, бүгін ұсынылып отырған бағыт - дұрыс бағыт. Ол халық пен билік арасындағы жауапкершілікті күшейтіп, сенімге негізделген жаңа қатынастың іргесін қалайды. Заңға құрмет бар жерде тәртіп бар, ал тәртіп бар елде даму болады. Сондықтан бұл құжатты талқылау - әр азаматтың азаматтық ұстанымын білдіретін маңызды кезең деп білемін.Жарылқасын Шарипов

Ата заң – ұлттың  ар-ұжданы

Конституциялық реформалар жөніндегі комиссия Қазақстан Республикасының жаңа Ата Заңының жобасын жариялады. Бұл жаңалықты жай ғана кезекті құжат ретінде қабылдау дұрыс болмас еді. Өйткені бұл қоғамның көптен бері айтып жүрген ойы мен үмітінің қағазға түскен нұсқасы. “Халық қаласа, хан да көнеді” деген сөз бар. Осы жолы билік халықтың сөзін естіуге ниет танытып отыр.Соңғы алты ай бойы бұл мәселе тек сарапшылардың немесе саясаткерлердің арасында ғана емес, қарапайым азаматтардың арасында да талқыланды. Біреу ұсыныс айтты, біреу күмәнін білдірді, енді бірі үнсіз қалмай, өз көзқарасын жеткізді. eGov пен e-Otinish арқылы екі мыңнан астам ұсыныстың түсуі – елдің болашағына бейжай қарамайтын, “ертең не болады?” деп ойлайтын азаматтар бар екенін көрсетеді. “Көптің ақылы – көл” демекші, осы пікірлердің барлығы бір арнаға тоғысып отыр.Жаңа Конституцияның ең басты жаңалығы – адамға бет бұруы. Бұл жолы мемлекет өзін бірінші орынға қойған жоқ, азаматты алға шығарды. Адамның өмірі, қадір-қасиеті, құқығы мен бостандығы ең жоғары құндылық ретінде айқын белгіленді. “Адам – мемлекеттің қазығы” десек, сол қазықтың енді мықтап қағылғанын көріп отырмыз. Бұл қағидат жекелеген баптарда ғана емес, бүкіл Конституцияның рухынан сезіледі.Қоғамда әділет туралы сөз көп айтылады. Бірақ әділет сөзбен емес, заңмен орнығады. Ұсынылып отырған жаңа Ата Заң осыны түсінгендей. Заң мен тәртіп, жауапкершілік пен адалдық енді ұран емес, нақты қағида ретінде бекітіліп отыр. “Тура биде туған жоқ” дегендей, мемлекет те азаматқа бірдей қарауға ұмтылуы тиіс.Бұл Конституция мінсіз деп айту қиын шығар. Бірақ оның бағыты анық. Ол қоғамның сұранысына жауап беруге талпынып отыр. Ол билікті емес, халықты ойлауға жақындап келеді. “Ел болам десең, бесігіңді түзе” дейді дана халқымыз. Ал, Конституция - сол бесіктің ең берік тұғыры. Бұл құжат бүгін үшін ғана емес, ертең үшін жазылып отыр. Ертеңгі ұрпақ қандай елде өмір сүреді, қандай заңға сүйенеді - осы сұрақтың жауабы дәл осы жерде жатыр. Сондықтан, жаңа Ата Заңды талқылау – міндет емес, ортақ парыз. Себебі “Заңды құрметтеген елдің өзі де құрметті болады”.Жаңа Конституция – мемлекет пен қоғам арасындағы жаңа келісім. Ол сенімге, әділетке және жауапкершілікке негізделуі тиіс. Егер осы қағидаттар іс жүзінде орындалса, бұл құжат ел дамуының жаңа парағын ашатыны сөзсіз.Имамзада &nbsp;Шағыртаев,Қазақстанның Еңбек Ері

Қазақстан және Қызылорда облысының жаңалықтары