<a href="https://kyzylorda-news.kz/">Kyzylorda-news.kz</a> Қызылорда облысы Кәсіпкерлер палатасында UN Women ұйымының Орталық Азиядағы үйлестіру кеңсесінің басшысы, Қазақстандағы құрылым өкілі доктор Джерен Гювен Гюреш әйел кәсіпкерлермен кездесті.Кездесудің негізгі мақсаты – өңірдегі әйелдердің кәсіпкерлік белсенділігін арттыру, тәжірибе алмасу, экономикалық мүмкіндіктерді кеңейту және гендерлік теңдік бағытындағы ынтымақтастықты нығайту.Басқосуға Палата директоры, мемлекеттік орган өкілдері және кәсіпкерлік саласында табысты еңбек етіп жүрген, өз ісін дөңгелетіп отырған нәзік жандылар қатысты. Кездесу барысында қатысушылар өз тәжірибелерімен бөлісіп, бизнесті дамытудағы өзекті мәселелерді талқылады және алдағы әріптестік мүмкіндіктерді қарастырды.Доктор Джерен Гювен Гюреш өз сөзінде әйелдердің экономикалық дербестігін нығайту тұрақты дамудың маңызды факторы екенін атап өтті. Ол өңірдегі әйел кәсіпкерлердің бастамаларына қолдау көрсетуге дайын екенін жеткізді.Бүгінде өңірде тіркелген кәсіпкерлік субъектілерінің 49,5 %-ын әйелдер құрайды. Аталған көрсеткіш өңірдегі әйелдердің экономикалық белсенділігінің жоғары деңгейде екенін айғақтайды.Кездесу нәтижесінде тараптар өзара ынтымақтастықты жалғастыруға және әйелдер кәсіпкерлігін қолдау бағытындағы бірлескен жобаларды іске асыруға ниетті екендерін білдірді.Фото: Кәсіпкерлік және өнеркәсіп басқармасы

UN WOMEN өкілі қызылордалық кәсіпкер әйелдермен кездесті

<a href="https://kyzylorda-news.kz/">Kyzylorda-news.kz</a> Қызылорда қаласында өңірлік және қалалық жалпыұлттық коалиция өкілдері Әліби Басаров, Берік Шайнуров және Нұрсая Серікбай қала тұрғындарымен тікелей жүздесу мақсатында «Арай Сити Мол» сауда орталығында экспромт форматта кездесу өткізді.Кездесу барысында өкілдер алдағы 15 наурыз күні өтетін референдумның маңыздылығына тоқталып, бұл саяси науқан әрбір азаматтың ел болашағына қатысты ұстанымын білдіруге берілген нақты мүмкіндік екенін атап өтті. Ашық форматта өткен жиында сауда орталығына келген тұрғындар өз сауалдарын қойып, пікір алмасты.Спикерлер референдум – тек саяси шара ғана емес, бұл қоғамның ортақ жауапкершілігін айқындайтын маңызды қадам екенін жеткізді. Әр дауыс – елдің ертеңіне қосылған үлес. Сондықтан тұрғындарды белсенділік танытып, дауыс беру күні учаскелерге барып, өз таңдауларын жасауға шақырды.<img src="https://knadmin.beoblood.kz/uploads/Zhalpy_ltty_koalicziya_t_r_yndamen_kezdesu_2_770ef7c5c1.jpg" alt="Жалпыұлттық коалиция тұрғындамен кездесу 2.jpg">

Қала тұрғындарымен экспромт форматта кездесу өтті

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаев жаңадан салынған техникалық және кәсіптік білім беруді дамытуға арналған құзыреттілік орталығына барды. Қызметі жастардың кәсіби шеберлігін арттыруға бағытталған нысанның құрылысы аяқталып, жақын күндері пайдалануға беріледі деп күтілуде.Жұмысшы мамандар даярланатын орталық ғимараты екі қабатты, 215 орынға арналған. Мұнда түрлі қоғамдық іс-шаралар өткізетін 100 орындық конференц-зал, 20 орындық СІР, көрме залдары қарастырылған.Айта кету керек, аймағымызда жас ұрпақтың сапалы білім алуына барлық жағдай жасалған. Соңғы жылдары бюджет қаржысының басым бөлігі әлеуметтік, оның ішінде білім саласына бағытталуда. Соңғы үш жылда салаға 812 млрд. 245 млн. теңге, биыл 302 млрд. теңге қаралды.Бөлінген қаржының түпкілікті мақсатқа жетуі үшін нақты шаралар қабылданған.<img src="https://knadmin.beoblood.kz/uploads/zyrettilik_ortaly_y_2_a1c3f3332b.jpg" alt="Құзыреттілік орталығы 2.jpg">

Облыс әкімі құзыреттілік орталығына барды

<a href="https://kyzylorda-news.kz/">Kyzylorda-news.kz</a> Сырдария ауданында газ тарату жүйесінің қызметкерлерімен кездесу ұйымдастырылып, жаңа Конституцияға енгізілетін өзгерістердің басты бағыттары, олардың қоғам өміріне және азаматтардың құқықтары мен бостандықтарын қорғаудағы маңызы кеңінен түсіндірілді. Кездесу барысында қызметкерлер Конституциядағы жаңалықтардың әлеуметтік, экономикалық және құқықтық салаларға қалай әсер ететіні туралы ақпарат алды, өз сұрақтарын қойып, пікірлерімен бөлісті.«AMANAT» партиясының Сырдария аудандық филиалының Атқарушы хатшысы Ақтөре Ибрагимұлы өз сөзінде референдумның әрбір азамат үшін маңызды екенін атап, әрбір қатысушының пікірі әділетті және тең қоғам құруға қосатын үлесін ерекше атап өтті. Ол жаңа Конституцияның елдің тұрақты дамуына, азаматтардың құқықтарын қорғауға, әлеуметтік әділеттілікті күшейтуге бағытталғанын жеткізді.Осындай кездесулер арқылы аудан қызметкерлері жаңа Конституцияның мәнін түсініп, өз құқықтары мен міндеттерін білу мүмкіндігіне ие болып, қоғамдағы құқықтық мәдениетті нығайтуға үлес қосатынына сенім білдірді. Ақпараттық түсіндіру жұмыстары азаматтардың құқықтық сауатын арттыруға және әділетті, тең қоғам қалыптастыруға бағытталған маңызды іс-шара болып отыр.<img src="https://knadmin.beoblood.kz/uploads/Whats_App_Image_2026_03_04_at_15_59_04_b05fb833fc.jpeg" alt="WhatsApp Image 2026-03-04 at 15.59.04.jpeg">

Жаңа Конституция бойынша түсіндіру жұмыстарын жүргізді

<a href="https://kyzylorda-news.kz/">Kyzylorda-news.kz</a> Халықаралық әйелдер күні қарсаңында Orda School мектебінде нағыз ертегі орнады. Кәдімгі оқу сыныбы небәрі бір кеште махаббат пен мейірімге толы мерекелік сахнаға айнала кетті. 5-сынып оқушылары бұл кешке бар жанын салды: айналаны шарлармен безендіріп, төбеден нәзік ленталар мен аналарының суреттерін іліп қойды. Әр фотоның астында бала жүрегінен шыққан ең тәтті тілектер мен алғыс сөздері менмұндалап тұрды.Бұл кеш тек көктем мерекесі емес, бала бойындағы адамгершілік пен отбасына деген құрметті оятатын «Адал азамат» бағдарламасының жарқын көрінісі болды. Шығармашылық арқылы бүлдіршіндер ең басты нәрсені — мейірімді болуды және жақындарын бағалай білуді үйренді.Концерттің ең сиқырлы тұсы — ағылшын тіліндегі ертегі-әндер болды. Оқушылар сахнада нағыз актерлердей өнер көрсетті: «Кішкентай ханзаданың» сырлы әлемі, «Қасқыр мен жеті лақ» ертегісіндегі ана туралы нәзік ән, сүйкімді Қызыл Телпек пен Пьероның бейнелері көрерменді баурап алды. Ал финалдағы «Буратино» әні барлық кейіпкердің басын қосып, көңілді аяқталды. Балалардың өз қолдарымен дайындаған костюмдері әр бейнеге ерекше жылулық сыйлады.Кештің ең толқынысты сәті — қорытынды нөмір болды. Сыныпта «Анашым, әрқашан қасымда бол» әні әуелегенде, залдағы аналардың көзіне жас үйірілді. Бұл ән — бала махаббатының ең шынайы үні еді.Мереке соңында балалар аналарына өз қолдарымен жасаған сыйлықтарын — гүл пішінді әдемі магниттерді тарту етті. Гүлдің ортасындағы баланың суреті мен «Анашым, мен сенің гүліңмін» деген жазу әр ананың жүрегін елжіретті. Бұл кішкентай сыйлық енді әр үйдің төрінде үлкен махаббаттың белгісі болып тұрады.Бұл мереке Orda School-да баланың жан-жақты дамуына, оның талантын ұштауға қаншалықты көңіл бөлінетінін тағы бір мәрте көрсетті. Мұнда баланың қанатын қатайтып, биікке ұшуына көмектесетін, өз ісіне ғашық ұстаздар еңбек етеді. Дәл осындай жылы қарым-қатынас пен заманауи тәсілдердің арқасында оқушыларымыз жаңа белестерді бағындырып келеді.Осынау әдемі бағдарламаны дайындап, жүзеге асырған ағылшын тілі пәнінің мұғалімі Қадыр Фариза ЖаңабайқызыФото: Orda School мектебі

Orda School-дағы сахна сиқыры мен аналардың жадыраған күлкісі

<a href="https://kyzylorda-news.kz/">Kyzylorda-news.kz</a> Қызылорда қаласында мемлекет және қоғам қайраткері Нәлқожа Ақбалаұлы Ергешбаевты еске алуға арналған халықаралық-рейтингтік турнир аясында тоғызқұмалақтан тұңғыш рет «Champion» турнирі ұйымдастырылуда. Бұл дода - өңірдегі ұлттық зияткерлік спортын жаңа деңгейде жандандыруға тың серпін бермек.Тартысты турнирдің ерекшелігі – Қырғызстан және еліміздің түкпір-түкпірінен келген ең үздік 30 спортшы тоғызқұмалақтан бақ сынауда. Сонымен қатар, жарыстың тарихи жаңалығы – алғаш рет жасанды интеллект спортшылармен бірге ой сайысына қатысуда. Цифрлық технология мен дәстүрлі зияткерлік ойынның бір арнада тоғысуы - ұлттық спорттың заманауи бағытта дамып келе жатқандығын көрсетеді.&nbsp;Жасанды интеллект пен адам арасындағы бұл тартысты дода - &nbsp;тоғызқұмалақ спортының барлық мүмкіндігін кеңейтіп, оның ғылыми әрі технологиялық қырын тереңдете түсуде.Турнир барысында алдағы халықаралық және республикалық жарыстарға қатысатын үздік спортшылар анықталады. Жарыс қорытындысы 6 наурыз күні белгілі болады.&nbsp;

Алғаш рет жасанды интеллект пен адам тоғызқұмалақтан сайысуда 

<a href="https://kyzylorda-news.kz/">Kyzylorda-news.kz</a> Мемлекет пен қоғамға қызмет ету – әрбір азамат үшін абыройлы іс. Қоғамымыздың гүлденуі мен экономикамыздың дамуы жолында мемлекеттік қызметтің қосар үлесі ерекше.Мемлекеттік қызметшілер жан-жақты, елдік мүддені бірінші орынға қоя отырып, дұрыс шешім қабылдай алуы тиіс. Халқына қызмет етуде білімі мен тәжірибесіне сүйенген, адалдықты ту ететін таза жүректі, ар-намысы мінсіз азаматтар ғана мемлекеттік қызметші деген атаққа лайықты. Яғни, кызметшінің кәсібилік деңгейі мен жоғары моральдық-адамгершілік қасиеттері қатар тұру керек.Осы ретте, мемлекеттік қызметшілердің Әдеп кодексі – жауапкершілік жүгін арттыратын, талаптар ауқымын белгілейтін маңызды қағида болып табылады.Ол мемлекеттік қызметшілердің моральдық-этикалық келбетін ғана емес, сондай-ақ олардың өзін-өзі ұстау мәнерінің базалық стандарттарын бекітеді.Сыбайлас жемқорлыққа қарсы іс-қимыл — мемлекеттік саясаттың басым бағыты және мақсаты сыбайлас жемқорлыққа мүлдем төзбеушілік мәдениетін қалыптастыру және алдын алу болып табылады. Бұл жұмыс құқықтық сауаттылықты арттыруға, жемқорлықтың алдын алуға және мемлекеттік қызметтердің ашықтығын қамтамасыз етуге бағытталған. Сонымен қатар мемлекеттік қызметшілер сыбайлас жемқорлық көріністеріне қарсы тұруға, сыбайлас жемқорлық құқық бұзушылықтарға жол бермеуге тиіс.&nbsp;Осыған орай, мемлекеттік қызметшілер тарапынан күнделікті жұмыста қарапайымдылық, әділдік пен адалдық принциптерін ұстануды қажет етеді.Абзал Ұзақбаев,ҚР Еңбек және халықты әлеуметтік&nbsp;қорғау министрлігі Мемлекеттік еңбек&nbsp;инспекциясы комитетінің&nbsp;Қызылорда облысы бойынша&nbsp;департаментінің Әдеп жөніндегі уәкілі

Қоғамға қызмет ету – әр азаматтың міндеті

<a href="https://kyzylorda-news.kz/">Kyzylorda-news.kz</a> 2026 жылғы 1 қаңтардан бастап Қазақстан Республикасының «Міндетті әлеуметтік медициналық сақтандыру және медициналық қызмет көрсету мәселелері бойынша кейбір заңнамалық актілерге өзгерістер мен толықтырулар енгізу туралы» Заңы күшіне енді. Негізгі жаңашылдықтардың бірі – халық үшін медициналық қызметтердің қолжетімділігін арттыруға және көлемін кеңейтуге бағытталған Бірыңғай медициналық көмек пакетін қалыптастыру болды.Бірыңғай пакет аясында әлеуметтік маңызы бар аурулар бойынша консультативтік-диагностикалық көмектің қалай көрсетілетінін таныстыру мақсатында Әлеуметтік медициналық сақтандыру қорының Қызылорда облысы бойынша филиалы өңірдегі медициналық ұйымдарға баспасөз турын ұйымдастырды.Алғашқы нысан – №3 қалалық емхана. 2025 жылы мұнда құны 79,1 млн теңгені құрайтын AR-Mammo цифрлық маммографы орнатылды. Бұл сүт безі ауруларын жоғары дәлдікпен скринингтен өткізуге және диагностикалауға арналған заманауи модульдік жүйе. Құрылғы кисталар, фиброаденомалар және қатерлі ісіктерді қоса алғанда, патологияларды ерте кезеңде анықтауға мүмкіндік береді. Аппарат жоғары сапалы цифрлық кескіндер алуды қамтамасыз етеді және жаппай скринингтік тексерулерге де, тереңдетілген диагностикаға да қолданылады.Дәрігер-рентгенолог Әлімжан Сағымбайұлы жабдықтың мүмкіндіктері туралы айтып берді:- Бұл аппаратта тексеру жергілікті дәрігердің жолдамасы бойынша тегін медициналық көмектің кепілдендірілген көлемі аясында жүргізіледі. Маммография нәтижелері 5–10 минут ішінде дайын болады. Күн сайын 40-70 жас аралығындағы 30-ға дейін пациент қабылдаймыз. Біздің міндетіміз – онкологиялық ауруға күдіктің бар-жоғын анықтау. Күдікті өзгерістер анықталған жағдайда пациент әрі қарай тексерілу үшін онкологиялық орталыққа жолданады.Бұдан кейін журналистер Орталық қалалық емхананың диагностикалық бөліміне барды. Мұнда құны 146,52 млн теңгені құрайтын сараптамалық деңгейдегі ультрадыбыстық зерттеу (УДЗ) аппараты орнатылған. GE Voluson Signature 18 және Signature 20 жүйелері Core/Unity озық архитектурасымен және жасанды интеллект элементтерімен жабдықталған. Бұл деректерді жоғары жылдамдықпен өңдеуге және 2D/3D/4D форматындағы кескіндерді дәл алуға мүмкіндік береді.Жабдық акушерлік және гинекологияда, құрсақ қуысы ағзаларын зерттеуде, педиатрия мен неонатологияда, қалқанша және сүт бездері ауруларын диагностикалауда, урология, кардиология салаларында, сондай-ақ тірек-қимыл аппаратына зерттеу жүргізуде қолданылады. Орта есеппен аппарат күніне 25-ке жуық пациентке қызмет көрсетеді. Тексеруден қала тұрғыны Зухра Сермағанбетова да өтті.- Емханамнан жүктілік бойынша пренаталдық скринингтің бірінші кезеңі аясында тексерілуге жолдама алдым, – деді ол. – Диагностикалық орталықта заманауи аппарат бар екенін естігенмін. Тексеру дәл осы құрылғыда жүргізілгеніне қуаныштымын. Енді сәбиімнің дамуы жүктілік мерзіміне сәйкес екеніне сенімдімін.Ультрадыбыстық диагностика дәрігері Қайрат Жұмағұловтың айтуынша, бұл жабдық жүктіліктің ерте кезеңінде-ақ ұрықтың сүйек жүйесін, аяқ-қолдарын, жүрегін және басқа да ағзаларын бағалауға мүмкіндік береді. Бұл туа біткен патологияларды уақытылы анықтап, әрі қарайғы медициналық шешімдерді қабылдауға ықпал етеді. Сонымен қатар аппарат ішкі ағзалар ауруларын диагностикалауда, соның ішінде бүйрек пен өт қабындағы тастарды, кисталар мен жаңа түзілімдерді анықтауда қолданылады. Осындай аппарат перинаталдық орталықта да орнатылған.Филиалдың бас сарапшысы Айгүл Аханованың айтуынша, Бірыңғай пакет аясында әлеуметтік маңызы бар сегіз ауруға күдік болған жағдайда консультативтік-диагностикалық көмек тегін көрсетіледі. Олардың қатарында туберкулез, АИТВ-инфекциясы, созылмалы вирустық гепатиттер мен бауыр циррозы, қатерлі ісіктер, психикалық және мінез-құлықтық бұзылыстар, орфандық (сирек) аурулар, жедел миокард инфаркті және инсульт бар. Бұған дейін тегін консультативтік-диагностикалық көмек тек АИТВ-инфекциясы мен туберкулезге күдік болған жағдайда ғана көрсетілетін.Осылайша, Бірыңғай медициналық көмек пакетінің енгізілуі заманауи диагностиканың қолжетімділігін арттыруға және әлеуметтік маңызы бар ауруларды дер кезінде анықтауға тең мүмкіндіктер қамтамасыз етуге бағытталған маңызды қадам болды.

Бірыңғай медициналық көмек пакеті: кеңейтілген диагностикалық көмек

<a href="https://kyzylorda-news.kz/">Kyzylorda-news.kz</a> Жуырда ғана есту қабілетінің бұзылуы көбіне егде жастағы адамдарға тән мәселе деп есептелетін. Алайда соңғы жылдары есту қабілетінің төмендеуі жасөспірімдер мен жастар арасында жиі анықталып жүр. Осыған байланысты Дүниежүзілік денсаулық сақтау ұйымы 2026 жылы жасөспірімдер ортасында есту қабілетін жоғалтудың алдын алуға ерекше назар аударып келеді. Мамандардың мәліметінше, Қазақстанда есту мүшелерінің аурулары халықтың шамамен 5-7%-ында кездеседі.Қармақшы ауданының тұрғыны Назым Қалмырзаева бұл мәселенің қаншалықты күрделі болатынын жақсы біледі. Ол есту мүшелеріне бірнеше рет ота жасатқан. Көп бейінді облыстық ауруханаға қатты ауырсыну шағымымен түскен. Дәрігерлер созылмалы отиттің асқынуын және ортаңғы құлақ қуысында қатерсіз түзілісті анықтады. Науқасқа полипотомия ота сәтті жасалды.<img class="image_resized" style="width:100%;" src="https://knadmin.beoblood.kz/uploads/image_e76b95d64c.png" alt="осмс лор врач "><blockquote>- Мектеп кезінен құлағым ауыратын. Алғашқы ота облыстық ауруханада жасалды. Екі-үш жылдан кейін Ақcай республикалық балалар клиникалық ауруханасында емделдім. Алты жылдан соң тағы да ота қажет болып, оны көп бейінді облыстық ауруханада жасады. Қазір дәрігерлердің бақылауындамын. Мамандарға алғысым шексіз, денсаулығым жақсарды. Колледж студенті болғандықтан, емді тегін алып жүрмін, - дейді Назым.</blockquote>Мамандар еске салады: есту қабілеті бұзылған жағдайда медициналық қызметтердің толық көлемін алу үшін міндетті әлеуметтік медициналық сақтандыру (МӘМС) жүйесінде сақтандырылған болу қажет. Пациент ең алдымен жергілікті дәрігерге қаралады, қажет болған жағдайда оториноларингологқа жолданады. Кеңес пен тексерулерден кейін көрсетілімдер болса, жоспарлы ота тағайындалады.<blockquote>- Алдымен отоскопия – құлақты қарау, сондай-ақ мұрын мен тамақты тексеру жүргізіледі. Қажет болған жағдайда қосымша диагностикалық зерттеулерге: есту қабілетін бағалау үшін аудиометрияға, тимпанометрияға, компьютерлік және магниттік-резонанстық томографияға жолдаймыз, - дейді көп бейінді облыстық аурухананың оториноларинголог дәрігері Елжас Өтеген.</blockquote>Дәрігерлердің айтуынша, уақытылы медициналық көмекке жүгіну және профилактикалық тексерулерден өту ауыр асқынулардың алдын алып, есту қабілетін ұзақ жылдар бойы сақтауға мүмкіндік береді.

МӘМС аясында құлақ ауруларын емдеу мүмкіндігі бар

<a href="https://kyzylorda-news.kz/">Kyzylorda-news.kz</a> Өңірлік коалиция өкілдері қаладағы ірі сауда орындарының бірі – Қызылорда сауда орталығында экспромт кездесу өткізді. Іс-шара барысында сауда үйіне келуші тұрғындар мен кәсіпкерлерге Конституцияның негізгі баптары мен ұсынылған өзгерістер туралы ақпарат берілді. Сонымен қатар олардың құқықтық және институционалдық ықпалы жөнінде түсіндіру жұмыстары жүргізілді.Кездесу кезінде азаматтардың құқықтарын қорғау, мемлекеттік басқару жүйесінің ашықтығы және әлеуметтік саясатқа қатысты нормалар сөз болды.<img src="https://knadmin.beoblood.kz/uploads/whatsapp_image_2026_03_04_at_14_11_43_9b35406dd9.webp" alt="касипкерлік ">Ұйымдастырушылардың мәліметінше, ұсынылған жоба аясында шағын және орта бизнесті дамытуға бағытталған бірқатар ережелер қарастырылған. Атап айтқанда, адал бәсекелестікті қорғау, инвестициялық ахуалды жақсарту, кәсіпкерлік қызметтің құқықтық кепілдіктерін нақтылау мәселелері қамтылған.<img src="https://knadmin.beoblood.kz/uploads/whatsapp_image_2026_03_04_at_14_11_40_5bb964aed0.webp" alt="касипкерлік ">Өңірлік коалиция мүшесі Дәурен Сейтжановтың айтуынша, құжат жобасында кәсіпкерлікті қолдау, экономикалық еркіндік және жеке бастаманы қорғау қағидаттары көрініс тапқан. Сондай-ақ технологиялық жаңғырту, цифрландыру және бизнесті қолдау бағдарламаларын кеңейтуге құқықтық негіз қалыптастыру көзделеді.Кездесу барысында тұрғындар өз сұрақтарын қойып, пікір алмасты. Сауда орталығына келген азаматтарға ақпараттық материалдар таратылды. Ұйымдастырушылар 15 наурызға жоспарланған дауыс беру күні туралы ақпарат берді.<img src="https://knadmin.beoblood.kz/uploads/whatsapp_image_2026_03_04_at_14_11_42_1_6fe7a42a2d.webp" alt="касипкерлік ">

Кәсіпкерлікке қатысты нормалар түсіндірілді

<a href="https://kyzylorda-news.kz/">Kyzylorda-news.kz</a> Аумақтық коалицияның ақпараттық-түсіндіру жұмыстары Жанқожа батыр ауылында жалғасты. Кездесуге ауыл тұрғындары мен коалиция мүшелері қатысты. Басқосу барысында коалиция өкілдері ұсынылып отырған жаңа Ата Заң жобасының елдің әлеуметтік-экономикалық дамуына тың серпін беріп, әлеуметтік әділдік қағидаттарын күшейтуге және азаматтардың құқықтарын қорғауға бағытталғанын жан-жақты баяндады.Жиын барысында алдымен жаңа Конституция жобасының әзірлену кезеңдері кеңінен түсіндірілді. Мемлекет басшысының 2026 жылғы 15 наурызда республикалық референдум өткізу туралы Жарлығынан кейін жаңа Конституция жобасы ресми түрде көпшілікке ұсынылды. Құжатты дайындау үдерісіне алты ай бойы депутаттар, сарапшылар, қоғам және ғылыми қауымдастық өкілдері белсенді түрде атсалысты. Конституциялық реформа жөніндегі комиссия жүйелі жұмыс атқарды.Азаматтардан түскен ұсыныстар e-Otinish және eGov порталдары арқылы қабылданып, нәтижесінде жан-жақты әрі теңгерімді жоба қалыптасты. Бірқатар маңызды бағыттар бойынша түбегейлі өзгерістер енгізілді, – деді аумақтық коалиция жетекшісі Ғазиз Әліш.Сондай-ақ спикерлер аталған конституциялық өзгерістер азаматтардың қоғамдық-саяси өмірге белсенді араласуына, елдің тұрақты дамуына және мемлекеттік институттарға деген сенімді арттыруға ықпал ететінін атап өтті.Кездесу барысында алдағы референдумға тұрғындардың белсенді қатысуының маңызына ерекше назар аударылып, бұл қадам әлеуметтік әділдіктің нығаюына, адам құқықтарының тиімді қорғалуына және мемлекеттік жүйенің тұрақтылығына тікелей әсер ететіні айтылды.Жиын соңында жергілікті тұрғындар өздерін толғандырған сауалдарын қойып, конституциялық реформаларға қолдау білдірді.<img src="https://knadmin.beoblood.kz/uploads/Konstitucziya_zhinalys_2_e8beb0467c.jpg" alt="Конституция жиналыс 2.jpg">

Ел болашағы үшін  әр азаматтың үлесі  маңызды

<a href="https://kyzylorda-news.kz/">Kyzylorda-news.kz</a> Сырдария ауданы әкімі Берік Сәрменбаевтың төрағалығымен мәжіліс өтті. Жиында автожол саласын дамыту және Үкімет отырысынан кейін облыс әкімі тарапынан берілген тапсырмаларды аудан көлемінде сапалы әрі мерзімінде орындау бойынша нақты тапсырмалар берілді.<blockquote>– Мемлекет басшысының, Үкімет басшысының және облыс әкімінің қолдауымен аудан аумағында жол құрылысы қарқынды жүргізіліп, елді мекендердің ішкі көшелері орташа және күрделі жөндеуден өткен болатын. Өткен жылы аудан бойынша жол саласына 9 жобаға 1,3 млрд теңге қаржы бөлініп, 12 көшеге күрделі жөндеу жұмыстары жүргізілді, 17 көшеге қиыршық тас төселіп, 10,2 шақырым аудандық маңызы бар жолға орташа жөндеу жұмыстары атқарылды. Қазіргі кезде жолдардың жақсы және қанағаттанарлық жағдайдағы үлесі 99 пайызға жетті. Автомобиль жолдары мен көшелерді салу, жөндеу жұмыстарының сапасын қатаң бақылауға алып, жобаларды мерзімінде әрі талапқа сай аяқтау бағытындағы жұмыстар алдағы уақытта да жалғасын табатын болады,- деді Берік Әбдіғаппарұлы.</blockquote>Жиын қорытындысы бойынша күн тәртібінде қаралған мәселелерге сәйкес жауапты сала басшылары мен кент және ауылдық округ әкімдеріне нақты міндеттер жүктелді.Фото: Сырдария ауданы әкімінің баспасөз қызметі

Қазақстан және Қызылорда облысының жаңалықтары