<a href="https://kyzylorda-news.kz/">Kyzylorda-news.kz</a> Құрылтай сайлауы кезінде «Жедел әрекет ету орталығы» КММ-нің 109 бірыңғай байланыс қызметі 24/7 жұмыс жасауда.4 ауысыммен жұмыс істейтін диспетчерлер сайлауда 327 қоңырауға жауап берді.Бізге келіп жеткен сауалдардың басым бөлігі – азаматтардың өз учаскесін анықтауы және тізімде жоқ азаматтардың дауыс берушілерді уақытша тіркеу мәселелеріне қатысты. Дауыс берушілер тізімінде мүлдем жоқ және тіркелмеген азаматтар үшін 5 онлайн учаске жұмыс істейтінін қаперге саламыз. Себебі кешкі 20.00-ге дейін азаматтар дауыс беруге құқылы.<blockquote>– Біз әрбір қоңырау үшін жауаптымыз. Себебі саяси науқанда әрбір азаматтың дауысы маңызды, – дейді мекеме директоры Бағлан Терлікбаев.</blockquote>

109 сall орталық диспетчерлері 327 қоңырауға жауап берді

<a href="https://kyzylorda-news.kz/">Kyzylorda-news.kz</a> Тамыры терең, тарихы кенен Қазыналы Қазалы &nbsp;қашанда елдік бастамалар мен игі істердің ортасынан табылып келе жатқан қасиетті мекен. Сыр бойындағы сырлы өлкенің өзіндік бренді қалыптасып, бүгінде жұртшылыққа кеңінен танылған өнімдеріміз ауданның абыройын асқақтатып келеді.Қазалының брендіне айналған «Қазалы кәмпиті», «РЗА» сүт өнімдері мен «Мерей» күріші – жергілікті кәсіптің ғана емес, ел еңбегінің, берекелі тіршіліктің көрінісі. Әрқайсысының артында маңдай термен жасалған еңбек, сапаға деген талпыныс және туған жерге деген мақтаныш жатыр.Бұл жолы Қазалы бренді Құрылтай сайлауында да ерекше көрініс тапты. Сайлау учаскесіне аталған танымал өнімдердің бейнесін айшықтайтын арнайы киімдегі аниматорлар келіп, дауыс беріп, көпшілік назарын өздеріне аударды.Саяси маңызды шарада Қазалының төл брендтерінің насихатталуы туған жердің жетістігін танытудың, жергілікті өнімге деген құрметті арттырудың үлгісі.

Қазалы брендтері Құрылтай сайлауында

<a href="https://kyzylorda-news.kz/">Kyzylorda-news.kz</a> Қызылорда облысының Шиелі ауданындағы №278 сайлау учаскесінде Сыр өңірінің даңқты диқаншысы, екі мәрте Социалистік Еңбек Ері Ыбырай Жақаевтың әулетінен тараған 9 келін Құрылтай депутаттарының сайлауына қатысып, өз таңдауларын жасады.Ыбырай Жақаев — саналы ғұмырын елдің ауыл шаруашылығын дамытуға, жердің берекесін арттыруға арнаған еңбек адамы. Атақты диқанның өнегелі өмір жолы мен маңдай термен қалыптасқан еңбек дәстүрі бүгінде ұрпақтарына үлгі болып, кейінгі буынға елге адал қызмет етудің жарқын өнегесін көрсетіп келеді.<blockquote>– «Біз, даңқты диқан Ыбырай Жақаевтың келіндері, ата-бабамыздан қалған еңбек пен адалдық дәстүрін жалғастыруды өзімізге үлкен міндет санаймыз. Диқаншылық ауылдың ғана емес, тұтас елдің ырысын арттыратын қасиетті еңбек. Аталарымыздың маңдай терімен қалыптасқан еңбек жолын кейінгі ұрпаққа насихаттау біздің парызымыз. Бүгін біз де ел болашағына қатысты маңызды саяси науқанға қатысып, өз таңдауымызды жасадық. Өйткені әр азаматтың дауысы елдің ертеңіне қосылған үлес», – деді әулет келіндері.</blockquote>Әулет келіндерінің бірлесіп дауыс беруі — еңбек адамының өнегесін дәріптеу, ұрпақтар сабақтастығын сақтау және ел болашағына ортақ жауапкершілікті сезінудің жарқын көрінісі.

Қызылордада Ыбырай Жақаев әулетінің келіндері бірге дауыс берді

<a href="https://kyzylorda-news.kz/">Kyzylorda-news.kz</a> &nbsp;Арал ауданындағы Кемаловтар отбасы Арал қаласындағы №55 сайлау учаскесінде Құрылтай депутаттарының сайлауына қатысып, өз азаматтық таңдауын жасады.Кемаловтар әулеті ұзақ жылдар бойы медицина саласында еңбек етіп келеді. Әулеттің үлкені көп жылдар бойы травматолог дәрігер болып қызмет атқарып, медицина саласына өз үлесін қосты. Бүгінде отбасының өзге мүшелері де осы саланы жалғастырып келеді.Отбасы мүшелері сайлауға қатысып, ел болашағына қатысты өз таңдауын білдірді. Әрбір таңдау – ел болашағына қосылған үлес!

Аралдық Кемаловтар отбасы Құрылтай сайлауында таңдау жасады

<a href="https://kyzylorda-news.kz/">Kyzylorda-news.kz</a> Ел болашағы – жастардың қолында. Қоғамдық өмірге белсене араласып, елдің дамуына өз үлесін қосып жүрген жастардың азаматтық ұстанымы – мемлекеттің жарқын келешегінің кепілі.Осы бағытта «Жасыл ел» еңбек жасақтарының жастары да қоғамдық-саяси өмірден шет қалмай, маңызды шараларға белсенді қатысып келеді.Құрылтай сайлауында еңбек жасақтарының жастары өз таңдауын жасап, дауыс беріп, азаматтық белсенділіктерін танытты. Жастар үшін дауыс беру – тек сайлау учаскесіне барып, таңдау жасау ғана емес, елдің ертеңіне деген жауапкершілікті сезіну.Өз таңдауы арқылы олар қоғамның дамуына қатысты көзқарасын білдіріп, ел болашағына бейжай қарамайтынын көрсетті.

«Жасыл ел» еңбек жасағы құрылтай сайлауында белсенділік танытты

<a href="https://kyzylorda-news.kz/">Kyzylorda-news.kz</a> Қазалы ауданында Құрылтай депутаттарының сайлауында алғаш рет дауыс беріп отырған 18 жасқа толған жас сайлаушылар өз таңдауын жасады.Биыл аудан бойынша 18 жасқа толған 1413 жас алғаш рет сайлау учаскесіне келіп, азаматтық құқықтарын пайдаланып, ел болашағына қатысты өз таңдауын білдіруге құқылы.Алғашқы рет дауыс беру – жас азаматтардың қоғамдық-саяси өмірге араласуындағы маңызды қадам. Бұл – азаматтық жауапкершіліктің бастауын айқындайтын ерекше сәт.Айта кетейік, Қазалы ауданында Құрылтай депутаттарының сайлауында 47 515 азаматтың дауыс беруге құқығы бар. Аудан бойынша 39 сайлау учаскесі жұмыс істеуде.&nbsp;Жастардың сайлауға белсенді қатысуы – олардың ел болашағына деген жауапкершілігінің айқын көрінісі.<img src="https://knadmin.beoblood.kz/uploads/azaly_zhastary_2_c43386abab.jpg" alt="Қазалы жастары 2.jpg">

Қазалы ауданында 18 жасқа толған жас сайлаушылар алғаш рет дауыс берді

<a href="https://kyzylorda-news.kz/">Kyzylorda-news.kz</a> Құрылтай депутаттарын сайлауында дауыс берушілер тізіміне енгізілген 6 696 002 адам таңдау жасады. Бұл туралы Орталық сайлау комиссиясының хатшысы Шавхат Өтемісов айтты.&nbsp;Оның мәліметінше, астананың, облыстардың, республикалық маңызы бар қалалардың аумақтық сайлау комиссиялары ұсынған деректерге сәйкес, сағат 14:00–дегі жағдай бойынша өңірлерде сайлаушылардың дауыс беруге қатысуы мынадай:1. Астана қаласы бойынша — 40,92%.2. Абай облысы бойынша&nbsp;— 63,07%.3. Ақмола облысы бойынша&nbsp;— 61,15%.4. Ақтөбе облысы бойынша&nbsp;— 60,87%.5. Алматы облысы бойынша&nbsp;— 54,57%.6. Атырау облысы бойынша&nbsp;— 54,49%.7. Батыс Қазақстан облысы бойынша&nbsp;— 50,21%.8. Жамбыл облысы бойынша&nbsp;— 50,58%.9. Жетісу облысы бойынша&nbsp;— 62,89%.10. Қарағанды облысы бойынша&nbsp;— 62,79%.11. Қостанай облысы бойынша&nbsp;— 55,86%.12. Қызылорда облысы бойынша&nbsp;— 64,22%.13. Маңғыстау облысы бойынша&nbsp;— 50,65%.14. Павлодар облысы бойынша&nbsp;— 54,01%.15. Солтүстік Қазақстан облысы бойынша&nbsp;— 58,63%.16. Түркістан облысы бойынша&nbsp;— 57,72%.17. Ұлытау облысы бойынша&nbsp;— 53,31%.18. Шығыс Қазақстан облысы бойынша&nbsp;— 61,10%.19. Алматы қаласы бойынша&nbsp;— 30,36%.20. Шымкент қаласы бойынша&nbsp;— 55,32%.<blockquote>— Жалпы, еліміз бойынша сағат 14:00–де 6 696 002 сайлаушы бюллетень алды. Ол тізімге енгізілген азаматтардың 53,12 пайызын құрайды. Сайлаушылардың дауыс беруге қатысуы туралы келесі ақпарат сағат 16:00–де беріледі, — деді ол.</blockquote>Шавкат Өтемісовтің айтуынша, азаматтардың уақытша болу орындарындағы 305 учаскеде дауыс беру аяқталды.Сурет: ChatGPT

Құрылтай-2026: Сайлаушылардың 53,12 пайызы дауыс берді

<a href="https://kyzylorda-news.kz/">Kyzylorda-news.kz</a> Құрылтай сайлауы күні дауыс беруші азаматтар үшін бірнеше платформалар іске қосылған. Соның бірі – тізімде мүлдем жоқ азаматтарды уақытша тіркеу.&nbsp;Қызылорда қаласында 5 арнайы учаске жабдықталған. Мұнда Халыққа қызмет көрсету орталығының мамандары жұмыс жасауда. Яғни дауыс берушілер тізімінде жоқ азаматтарды уақытша тіркеп, оларға дауыс беруге жағдай жасап отыр.<blockquote>– Біздің №264 сайлау учаскесінде онлайн сервис арқылы &nbsp;азаматтар уақытша тіркеліп, олар дауыс берді. Әрине, жеке куәлігін көрсету арқылы мүлдем тіркеуде болмаған азаматтар онлайн сервис көмегімен уақытша тіркелуде, – деді комиссия төрағасы.</blockquote>

Тізімде жоқ азаматтар онлайн сервистер арқылы тіркелуде

<a href="https://kyzylorda-news.kz/">Kyzylorda-news.kz</a> Жалағаш кентіндегі №133 сайлау учаскесінде дауыс беру үдерісі Қазақстан Республикасының қолданыстағы сайлау заңнамасының талаптарына толық сәйкес ұйымдастырылған. Учаскеде азаматтардың өз таңдауын еркін білдіруіне барлық қажетті жағдай жасалып, дауыс беру процесі ашықтық пен айқындық қағидаттары негізінде жүргізілуде.Атап айтқанда, учаскеде мүмкіндігі шектеулі азаматтарға қолжетімді орта қалыптастырылып, санитарлық және техникалық талаптар сақталған.Сонымен қатар, қоғамдық тәртіптің қамтамасыз етілуі, дауыс берудің заң талаптарына сай өтуі және азаматтардың құқықтарының бұзылмауы тұрақты бақылауда. Учаскеде бақылаушылар мен комиссия мүшелері өз міндеттерін жауапкершілікпен атқарып, дауыс беру барысының заң талаптарына сай жүргізілуіне ерекше назар аударуда.Жалағаш кентіндегі №133 сайлау учаскесінің комиссия мүшесі Гүлнар Мырзалиеваның &nbsp;айтуынша, учаскеде барлық рәсімдер заң аясында, белгіленген тәртіппен ұйымдастырылған.<blockquote>«Біздің учаскеде дауыс беру процесінің ашық әрі заң талаптарына сай өтуіне ерекше көңіл бөлінген. Әсіресе, заң талаптарының қатаң сақталып, құқық бұзушылықтың алдын алу және болдырмау мақсатында барлық жұмыстар атқарылуда», – дейді комиссия мүшесі Гүлнар Мырзалиева.</blockquote>Жалпы, №133 сайлау учаскесінде әрбір азаматтың конституциялық құқығын жүзеге асыруына толық мүмкіндік жасалып, дауыс беру процесінің әділ, ашық және қолжетімді жағдайда өтуі қамтамасыз етілген.Сурет: pixabay.com

№133 сайлау учаскесінде дауыс беру белсенді ұйымдастырылуда

<a href="https://kyzylorda-news.kz/">Kyzylorda-news.kz</a> Сырдария ауданындағы №156 сайлау учаскесінде дауыс беру күні учаскелік сайлау комиссиясының жұмысы белгіленген тәртіпке сәйкес ұйымдастырылуда.Сайлау учаскесінде азаматтарды қабылдау, олардың дауыс беру құқығын қамтамасыз ету және қажетті рәсімдерді жүргізу жұмыстары талаптарға сай жүзеге асырылуда. Комиссия мүшелері сайлаушыларға түсіндірме жұмыстарын жүргізіп, дауыс беру барысын ұйымдастыруға жауапкершілікпен атсалысуда.Сайлау учаскесінде қоғамдық тәртіп пен қауіпсіздік шаралары да назарда. Дауыс беру процесі ашық әрі ұйымдасқан түрде өтіп, азаматтардың өз таңдауын еркін білдіруіне барлық жағдай жасалған.Учаскелік комиссия мүшелері дауыс беру процесінің белгіленген талаптарға сәйкес өтуін қамтамасыз етіп, сайлаушылардың белсенді қатысуына жағдай жасауда.Фото: ҚР ОСК &nbsp;

Дауыс беру күні учаскелік комиссиялардың жұмысы белгіленген тәртіппен өтуде

<a href="https://kyzylorda-news.kz/">Kyzylorda-news.kz</a> Бүгін еліміздің қоғамдық-саяси өміріндегі маңызды күндердің бірі. Тарихта алғаш рет өтіп жатқан Құрылтай сайлауына халықтың белсенділігі айрықша байқалуда. Ел болашағына бейжай қарамайтын азаматтар сайлау учаскелеріне келіп, өз таңдауын жасап, азаматтық ұстанымдарын білдіруде.Сайлау учаскелеріне келіп, белсенділік танытқандар қатарында Қазалы ауданының спортшылары да бар. Аудан спортшыларының айтуынша, елдің ертеңі әр азаматтың таңдауынан басталады.<blockquote>«Сайлауға қатысып, өз таңдауымды жасау мен үшін азаматтық міндет. Спортта жеңіске жету үшін қалай мақсат қойып, аянбай еңбек етсек, елдің болашағы үшін де әр азамат өз жауапкершілігін сезінуі керек. Бүгінгі таңдауымыз ертеңгі күнге деген сеніміміздің көрінісі. Елімізде тұрақтылық пен бірлік нығайып, жастарға спортпен айналысуға, білім алып, өз қабілетін дамытуға мол мүмкіндік жасала берсе екен», – дейді спортшы.</blockquote>Ал тағы бір спортшы елдегі оң өзгерістердің жалғасуына әр азаматтың өзіндік үлесі бар екенін атап өтті.<blockquote>«Спортшы ретінде туған жерімнің намысын қорғау мен үшін үлкен мәртебе. Ал азамат ретінде ел өміріндегі маңызды саяси үдеріске қатысу үлкен жауапкершілік. Бүгін біз өз таңдауымызды жасап қана қоймай, жастарға ел болашағына бейжай қарамаудың үлгісін көрсетіп отырмыз. Мемлекетіміздің мерейі үстем, келешегіміз кемел болсын», – дейді ол.</blockquote>Сайлауға белсенді қатысқан спортшылар осылайша елдік мәселеге бейжай қарамайтынын танытты.&nbsp;

Қазалылық спортшылар сайлауда белсенділік танытты

<a href="https://kyzylorda-news.kz/">Kyzylorda-news.kz</a> Қармақшы ауданы, Жаңажол ауылы, №105 сайлау учаскесі Жаңажол ауылындағы №105 сайлау учаскесінде көпшілікке ерекше әсер қалдырған отбасылық көрініс орын алды. Бір шаңырақ астында 60 жыл ғұмыр кешкен Тортаевтар отбасы сайлау учаскесіне ұлттық киімдерін киіп, бірге келіп, өз таңдауларын жасады.Алты онжылдықты бірге өткерген ерлі-зайыптылардың өмір жолы – кейінгі ұрпаққа үлгі боларлық өнеге. Олар талай қуанышты бірге қарсы алып, қиындықтарды да бірге еңсеріп, шаңырақтың берекесін сақтап келеді.Тортаевтар отбасының бұл қадамы жастарға үлкенді сыйлау, отбасын қадірлеу және бірге өмір сүрудің мәнін көрсеткендей.

Қазақстан және Қызылорда облысының жаңалықтары