<a href="https://kyzylorda-news.kz/">Kyzylorda-news.kz</a> Бүгін №1 кітапхана қызметкерлерінің ұйымдастыруымен қазақ әдебиетінің негізін қалаушы, ақын І.Жансүгіровтің туғанына 130 жыл толуына орай «Қазақ поэзиясының Құлагері» атты әдеби кеш өтті.Танымдық шараның басты мақсаты – қазақ сөз өнерінің дүлдүлінің өмір жолы мен шығармашылығын жас буынға насихаттап, ұрпақ жалғастығын жаңғырту.«Мен өзім тауда туып, тасында өстім» деп жырлаған ақынымыз Ілияс Жансүгіров – ақын, драмашы, прозашы, оның поэзиясы ұлттық әдебиеттің классикалық байлығының қатарына жатады. Олар қалың оқырманның ойына ой, сезіміне сезім қосады, қиялына қанат бітіреді, эстетикалық ләззат беріп, гуманистік адамгершілік идеяларды толғайды. Әсіресе, поэзияда әдебиеттің алтын қорына айтулы туындыларды дүниеге әкеліп, артына мол көркем мұра қалдырды.Бүгінгі іс-шараға №11 мектеп-лицейінің 8-ші сынып оқушылары қатысты. Кейіпкер туындысынан арнайы кітап көрмесі жасақталып, &nbsp;оларға шолу жасалды.

«Қазақ поэзиясының Құлагері» атты әдеби кеш өтті

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаевтың төрағалығымен өткен актив отырысында Сыбайлас жемқорлыққа қарсы іс-қимыл агенттігі Қызылорда облысы бойынша департаментінің жаңа басшысы таныстырылды. Отырысқа Сыбайлас жемқорлыққа қарсы іс-қимыл агенттігі төрағасының орынбасары Мақсат Жебегенов арнайы қатысты.ҚР Президенті Әкімшілігінің келісімімен, Сыбайлас жемқорлыққа қарсы іс-қимыл агенттігі төрағасының бұйрығымен агенттіктің Қызылорда облысы бойынша департаментінің басшысы болып Ахметқалиев Қуаныш Жұмағалиұлы тағайындалды.Аймақ басшысы сыбайлас жемқорлықпен күрестің маңыздылығын атап өтіп, департаменттің жаңа басшысының жұмысына сәттілік тіледі.<blockquote>«Мемлекет басшысы Қасым-Жомарт Кемелұлы Қазақстан халқына арнаған Жолдауларында мемлекеттік саясаттағы негізгі басымдықтың бірі сыбайлас жемқорлықпен күрес екендігін атап өтті. Президентіміздің тапсырмасымен, агенттіктің бастамасымен «Адалдық алаңы», «Антикор орталығы», «Адал білім» секілді жобалар қолға алынып, қылмыстың алдын алуда, тұрғындардың құқықтық сауатын ашуда оң нәтиже көрсетті. Сыбайлас жемқорлыққа қарсы мониторинг жүргізіп, жемқорлық тәуекелдерін талдап, оған қарсы мәдениет қалыптастыруда, түрлі саладағы құқық бұзушылықты анықтауда құқық қорғау және жергілікті атқарушы органдармен бірлескен жұмыс атқару керек», – деді Нұрлыбек Машбекұлы.</blockquote>Әріптестер атынан облыстық соттың төрағасы Әділхады Шығамбаев, облыстық ардагерлер кеңесінің төрағасы Серік Дүйсенбаев, облыстық полиция департаментінің басшысы Махсудхан Аблазимов Қуаныш Ахметқалиевке игі тілектерін жеткізді.Қуаныш Жұмағалиұлы 1982 жылы Шығыс Қазақстан облысында дүниеге келген. Қазақ гуманитарлық заң университетінен «Құқықтану», Қазақстан-Америка еркін университетінен «Қаржыгер» мамандықтарын алған. «Құқықтану» магистрі.Еңбек жолын 2005 жылы қаржы полициясы анықтау бөлімінің бас инспекторы болып бастаған. 2005-2018 жылдары Астана қаласының қаржы полициясында және Сыбайлас жемқорлыққа қарсы іс-қимыл агенттігі Шығыс Қазақстан, Ақмола, Қостанай облыстық департаменттерінде жауапты қызметтер атқарған. 2018-2019 жылдары Қаржы министрлігі Мемлекеттік кірістер және Қаржы мониторингі комитеттерінде еңбек еткен. 2019-2022 жылдары Сыбайлас жемқорлыққа қарсы іс-қимыл агенттігі орталық аппаратында басшылық лауазымдарда болған. 2022-2023 жылдары агенттіктің Жамбыл облысы бойынша департаменті басшысының орынбасары, 2023 жылдың мамыр айынан бүгінге дейін агенттіктің орталық аппаратының анықтау және алдын алу қызметі басшысының орынбасары лауазымдарын атқарған.<img src="https://knadmin.beoblood.kz/uploads/Antikor_Naznachen_rukovoditel_departamenta_Kyzylordinskoj_oblasti_1_ebf07f2e92.jpg" alt="Антикор Назначен руководитель департамента Кызылординской области 1.jpg">Фото: Қызылорда облысы әкімінің баспасөз қызметі

Сыбайлас жемқорлыққа қарсы іс-қимыл агенттігінің департамент басшысы тағайындалды

<a href="https://kyzylorda-news.kz/">Kyzylorda-news.kz</a> Бүгін облыс әкімі Нұрлыбек Нәлібаев кезектілік тәртібімен жазылған азаматтарды жеке мәселелері бойынша қабылдады.Қабылдауға келген 9 тұрғынның көтерген мәселесі әр алуан. Олар тұрғын үй алу, жұмысқа орналасу және емге қаржылай көмек көрсету туралы өтініштерін айтты.Жалпы аймақ басшысының жеке қабылдауына жазылған азаматтардың қойған сауалдары, айтқан ұсыныс-пікірлері жан-жақты сарапталады. Бүгінгі көтерілген мәселелерді де мамандар жіті зерттеп, шешімін заң талаптарын негізге алып қарастырады. Келушілерге сауалының жауабын сол жерде беру, шешу жолдарын түсіндіру де жолға қойылған.Мәселен, зейнеткер ана бұрынғы үйі апатты жағдайда болғандықтан, несие алып жаңа баспана салғанын айтты. Жылу маусымы жақын қалды, бірақ үйіне газ кіргізілмеген. Осы түйткілді шешуге көмек сұрай келген тұрғынға аймақ басшысы демеушілер арқылы жәрдем беру мүмкіндігі қарастырылатынын айтты. Сондай-ақ, 6 баласы бар ІІ топ мүгедегіне де газ жүргізуге қолдау көрсетілетін болды.Еске салайық, тұрғындар облыс әкімінің қабылдауына&nbsp;egov.kz порталы, е-otinish бірыңғай базасы немесе әкімдікке келіп жазбаша өтініш тастау арқылы жазыла алады.Фото: Қызылорда облысы әкімінің баспасөз қызметі

Облыс әкімі азаматтарды жеке мәселелері бойынша қабылдады

<a href="https://kyzylorda-news.kz/">Kyzylorda-news.kz</a> Соңғы жылдары күнделікті цифрландырудың арқасында&nbsp;инвестициямен онлайн айналысатын адамдардың саны қатты өсуде. &nbsp;Ісін жаңадан бастаған инвесторлар &nbsp;әлеуетті инвестициялар туралы ақпарат алу үшін әлеуметтік желілерге және үрдістерге жиі жүгінуде. Алайда әлеуметтік желілер инвесторларға көп басымдық бере алады, сонымен қатар алаяқтар үшін де мүмкінді береді.Қаскүнемдердің қармағына қалай түспеуге болатынын Fingramota.kz-пен бірге қарастырайық.Жедел кірістерге уәде беретін жалған сайттарҚазақстанда алаяқтар ресурс өндіруші кәсіпорындарға инвестициялар тақырыбын жиі қолдана бастады. Қаскүнемдер компаниялардың ресми беттерін көшіретін жалған веб-сайттар жасайды және болашақта компанияның пайдасының бір бөлігін алу үшін-мыс, мысалы, бағалы металдар немесе мұнай өндіруге инвестиция салуды не ірі компаниялардың акцияларын немесе жалған «токендерін» сатып алуды ұсынады. Бағалы қағаздар мен криптовалюталарға инвестициялауға ниет білдіретін адамдарды барынша көптеп тарту мақсатында жалған инвестициялық веб-сайттар жасайды.Алаяқтар танымал әлеуметтік желілер (Facebook, Telegram) арқылы онлайн-жарнаманың көмегімен адамдарды өздеріне тартады, ол жерде танымал адамдардың атынан посттар орналастырады немесе жоғары кірісі бар күдікті құралдарды жарнамалай отырып құзыретті қаржыгерлер ретінде сөз сөйлейді. &nbsp;Бұл платформа туралы посттың астына әдетте өзінің пайдасын ашық көрсете отырып ақшаны осы платформаға салуға шақыратын ауқатты инвесторлардың жалған жазбалары жарияланған.Бір мысал ретінде – KAZ Minerals, Қазақмыс, ҚазМұнайГаз компанияларының бірегей инвестжобалары, бұлар туралы ақпаратты алаяқтар танымал әлеуметтік желілерде таратуда. Алаяқтар пайдаланушыларға «53 мың теңге бастапқы инвестициямен &nbsp;4 аптада 890 мың теңгеге дейін кіріске» уәде бере отырып мұнайгаз және мыс өндіруші компаниялардың командасына қосылуды ұсынады.Бұл схеманың бірінші қадамы — адамның платформада тіркелуін мәжбүрлеу, екінші қадам — виртуалды шотты толтыру, яғни ақша аудару. Бұдан әрі алаяқтар «қаржы сарапшысы» деп аталатын әлеуеттік құрбандыққа тіркеп қояды, анағұрлым табысты бағалы қағаздарға ақша салуға көмектеседі-мыс. Шын мәнінде, жалған сарапшының міндеті — адамды мүмкіндігінше көп ақша салуға сендіру. Қаскүнемдер әлеуетті клиенттерге арнап жасалған &nbsp;есептер мен графиктерді ұсынады, мұнда виртуалды шотта табысты инвестициялардан түсетін кірістер өсе түседі деп сендіреді және ақшаны көбірек салуды ұсынады. Егер адам өз салымдарын алуға тырысса, онда алаяқтар бірден жоғалып кетеді, ал алданған инвесторлар уәде етілген табыссыз ғана емес, сонымен қатар бастапқы капиталсыз қалады.Сондай-ақ, алаяқтықтың кең таралған схемаларының бірі - инвестициялық веб-сайтқа (фишингтік сайтқа) тіркелу үшін пайдаланушылардан белгілі бір пікіртерімнен өтуді сұрайды. Ол үшін өз деректеріңізді енгізу қажет: аты, тегі, электрондық мекенжайы және телефон нөмірі. Алаяқтарға адамның ұзақ уақыт ойланғаны пайдалы емес, сондықтан олар өз жазбаларында платформаға тіркелу жақын арада аяқталады деп хабарлайды. Егер сіз пікіртерімнен өтсеңіз, онда компьютерге немесе смартфонға зиянды бағдарламалық қамтылым автоматты түрде орнатылады, ол сіздің деректеріңізді ұрлап, оны алаяқтарға жібере алады.Кеңес:&nbsp;Инвестициялық шешім қабылдаған кезде атақты адамдардың пікірлеріне немесе айтқанына сенбеңіз. Алаяқтар өз клиенттерін адастыру үшін мемлекеттік дәрежедегі беделді, ықпалды адамдардың, сондай-ақ атақты адамдардың фотосуреттері мен бейнежазбаларын пайдаланады.Сондай-ақ, Қазақстан Республикасының заңнамасы бойынша қарапайым азаматтың қор биржасында бағалы қағаздарды өз бетінше сатып алуға немесе сатуға құқығы жоқ. Ол мұны тек брокер - кәсіби нарық қатысушысы арқылы жасай алады. Брокердің міндетті түрде ҚР Қаржы нарығын реттеу және дамыту агенттігі берген бағалы қағаздар нарығында қызметті жүзеге асыруға лицензиясының болуы және биржаның тікелей мүшесі болуы тиіс.<figure class="image"><img src="https://knadmin.beoblood.kz/uploads/fingramota_59ee25f666.jpg" alt="финграмота.jpg"></figure>Инвестициялық алаяқтықтың құрбаны болмау үшін не істеу керек?Инвестициялық алаяқтар өз мақсаттарына құрбандарының психологиялық ерекшелігіне бейімделген көптеген сендіру әдістерінің көмегімен жетеді. Осы орайда, мынадай күмән тудыратын белгілерге назар аудару қажет:<ul style="list-style-type:square;"><li style="text-align:justify;">Шындыққа жанаспайды. Уәде беріліп отырған кірістілікті белгілі қор индекстерінің ағымдағы кірістілігімен салыстырыңыз. Көп жағдайда мынадай қағида орын алады: ықтимал кірістілік жоғары болған сайын тәуекелдер де соғұрлым жоғары болады, яғни сіз ақшаңызды жоғалтып алуыңыз мүмкін. Бұл инвестициялардың «керемет пайда» әкелетіні, «мықты науқан» болып табылатыны туралы немесе «өсу мүмкіндігі жоғары және ешқандай тәуекел жоқ!» деген мәлімдемелерге сене бермеңіз. Мұндай мәлімдемелер аса жоғары тәуекелдің немесе ашық алаяқтықтың белгісі болып табылады.&nbsp;</li><li style="text-align:justify;">«Кепілдік берілген» пайда болмайды. Әрбір инвестиция белгілі бір тәуекел дәрежесімен қатар жүреді, бұл болжамды кірістіліктен көрінеді. Егер сіздің ақшаңызға ешқандай қауіп төніп тұрмаса, сіз аз пайда табуыңыз мүмкін. Жоғары кірістілік жоғары тәуекелдерге, оның ішінде инвестициялардың толық жоғалуына әкеп соғады. Көптеген алаяқтар инвесторларды өте жоғары кіріске «кепілдік берілетініне» немесе «міндетті түрде пайданың болатынына» сендіруге көп уақыт жұмсайды. Олар сізге байыған уақытта өміріңіздің қандай болатынын түсіндіруге тырысады. Бұған сенбеңіз.</li><li style="text-align:justify;">«Ореол» әсерінен сақ болыңыз.&nbsp;Алаяқ сүйкімді болып көрінсе немесе сенім тудыратын болса, инвесторлар «ореол» әсеріне ұшырауы мүмкін. шынайылықты қолдан жасауға да болады. Нақты біліктілігін тексеріңіз.</li><li style="text-align:justify;">«Барлығы сатып алады». Барлығы инвестиция жасағандықтан, сізге де жасау керек деген презентациялардан сақ болыңыз. Сізге өнім қызықты ма, ойланыңыз. Егер презентация өнімді қанша адамның алғандығына назар аударатын болса, бұл дабыл белгісі болуы мүмкін.&nbsp;</li><li style="text-align:justify;">Ақшаны ДӘЛ ҚАЗІР жібер деп қысым жасау. Алаяқтар мұндай ұсыныстың өмірде бір-ақ рет кездесетінін, ертең кеш болатынын өз құрбандарына жиі айтады. Бірақ жылдам инвестиция жасау үшін өзіңізге қысым көрсетуге жол бермеңіз, ақшаны жібермес бұрын мән-жайды білуге уақыт бөліңіз.&nbsp;</li><li style="text-align:justify;">Өзара іс-қимыл жасау. Алаяқтар оларға жауап ретінде қызмет көрсетіп, олардың өніміне инвестиция жасайды деген пайыммен инвесторларды инвестиция бойынша тегін семинарлардың көмегімен жиі құрығына ілуге тырысады. Ешқашан инвестицияға байланысты дереу шешім қабылдамаңыз. Егер сіз мұндай іс-шараларға баратын болсаңыз, материалды үйге алып келіңіз де барлық «артықшылықтар» мен «кемшіліктерді» таразылап, оны егжей-тегжейлі зерделеңіз. Өнімнің сізге сай екеніне және нені алып жатқаныңызды, оған байланысты алымдардың бар екенін түсінетініңізге көз жеткізіп отырыңыз. Fingramota.kz инвестициялық қызметін тек қана түсінікті және ашық құқықтық салада жүзеге асыратын компаниялармен шарттық қатынастар жасауды ұсынады. Қазақстан Республикасының қаржы нарығында қызмет етуге уәкілетті органның лицензиялары бар компаниялар тізімі ҚР Қаржы нарығын реттеу және дамыту агенттігінің ресми сайтында орналастырылған. &nbsp;</li></ul>Сақ болыңыз, алаяқтардың арандатуына бой алдырмаңыз және пайдалы ақпаратты www.fingramota.kz -тен көбірек біліңіз!&nbsp;Фото: Fingramota.kz

Инвестициялар саласындағы алаяқтық схемалары: олардың қармағына қалай түспеуге болады

<a href="https://kyzylorda-news.kz/">Kyzylorda-news.kz</a> &nbsp;Қорғаныс министрлігі бейбіт күнде қынадай қырылып жатқан жас жігіттердің өліміне түрлі себептерді атайды: ауру-сырқау, суицид, жол-көлік оқиғасы, тағы басқалар.2020 жылдан бері әскерде қаза тапқан сарбаздардың саны 310 адамға жеткен, – деп хабарлайды <a href="https://aikyn.kz/272557/tort-zhyldyn--ishinde-k-azak---skerinde-310-sarbaz-koz-zhu-mg-an">Aikyn.kz</a>Отан алдындағы борышын өтеуге аттанғандардың өлімі жылдан-жылға артып келе жатқанын айта кеткен жөн. Бас әскери прокурордың бірінші орынбасары Мақсат Қазиев былтыр 2020 жыл мен 2023 жыл аралығында армияда 270 сарбаздың бақилық болғанын мәлімдеген еді.Төрт жылда 310 сарбаздан айырылсақ, жылына 77 жас жігіт қыршынынан қиылады деген сөз, олай болса аптасына бір сарбаз жан тапсырады деп топшылауға болады.Кеше ғана Маңғыстау облысында қатардағы жауынгер Марат Барқұлов кісі қолынан қаза тапты. Оны Оймаша полигонында гвардия лейтенанты тапаншамен атып салған. Жалғыз ұлынан айырылған әке кінәлі адамның әділ жазалануын шырылдап сұрап, құзіретті органдарға видеоөтініш жолдап жүр. Әлеуметтік желіде «баламды әскерге жібермеймін» деген сарындағы пікірлерге көз шалынады. Қазақ ұлдарынан патриотизмді, ел мен жерге деген адалдықты сұрау үшін армияға тәртіп енгізіп, бірізге салуды билік органдары міндетіне алуы тиіс деп санайды халық.Айта кетейік, петициялар сайтында міндетті әскери қызметті жою туралы бастама пайда болған. Петиция 2024 жылдың 21 қыркүйегіне дейін талқыланады. Егер ол 50 мың қол жинаса, Қорғаныс министрлігі өтінішті қарауға міндетті.Фото: Қорғаныс министрлігі

Төрт жылдың ішінде қазақ әскерінде 310 сарбаз көз жұмған

<a href="https://kyzylorda-news.kz/">Kyzylorda-news.kz</a> &nbsp;Қорқыт ата атындағы Қызылорда университетінде Жолдауда көрсетілген тапсырмаларды талқылау мақсатында кездесу өтті. Жиында Жолдауды жүзеге асыру жолдары мен атом электр станциясының маңыздылығы айтылды.Кездесуге әлеуметтік және тәрбие жұмыстары жөніндегі проректор Жандос Нұртайұлы, Кәсіпкерлер палатасының директоры&nbsp;Пірмұхаммед Сыздықов, комплаенс-офицер Әлібек Жаппасбаев, университеттің кәсіпкерлік орталығының жетекшісі Жанарыс Түбекбаев, Экономика және құқық институтының директоры Гүлшат Дүзелбаева мен білім алушылар &nbsp;қатысты.Спикерлер Жолдауда көрсетілген білім беру, экономика, әлеуметтік саясат және цифрландыру бағыттарына кеңінен тоқталды. Сондай-ақ, Жолдау мазмұнын терең түсіндіріп, оны жүзеге асыруда жастардың рөлінің маңыздылығын атап өтті.Айта кетейік, еркін форматтағы кездесу жастардың азаматтық белсенділігін арттыруға &nbsp;бағытталған маңызды қадам болды.

Жастар Президент Жолдауында көрсетілген тапсырмаларды талқылады

<a href="https://kyzylorda-news.kz/">Kyzylorda-news.kz</a> &nbsp;Қорқыт ата атындағы Қызылорда университетінде атом электр станциясы туралы қоғамдық талқылау жұмыстары жалғасын тапты. &nbsp;Штаб мүшелері Студенттер сарайында Жаратылыстану институтының білім алушыларымен кездесіп, АЭС құрылысы туралы түсіндірді.&nbsp;Кездесуде Л.Н. Гумилев атындағы Еуразия ұлттық университетінің доценті, PhD ғалым Нұрлан Амангелді және Ғылыми жұмыстар және халықаралық байланыстар жөніндегі проректор Майнұр Әбілтайқызы баяндама жасады. Спикерлердің айтуынша, атом электр станциясы экономиканың, өнеркәсіптің, білімнің, ғылымның дамуына тың серпін беретін аса маңызды жоба болмақ.Сондай-ақ, шетелдерде салынып жатқан атом электр станциялары жайлы ақпарат беріліп, елімізде де осындай жобаны жүзеге асыру туралы ақпарат талқыланды.Еліміздегі АЭС құрылысына қызығушылық танытқан төрт шетелдік компания: “Rosatom”, “EDF”, “KHNP”,және “CNNC”-тің жобаны жүзеге асыруға қатысу мүмкіндігі сөз болды.&nbsp;Қатысушылар өз ойларын айтып, белсенділік танытты. Айта кетейік, 6 қазан күні елімізде жалпыұлттық референдум өтеді. Онда халықтың дауыс беруі арқылы АЭС салу мәселесі толық шешімін табады деп күтілуде.

АЭС: ғылымның дамуына серпін беретін тың жоба болмақ

<a href="https://kyzylorda-news.kz/">Kyzylorda-news.kz</a> Астанада бір тұрғын үйге тіркеуге болатын&nbsp;адамдар санын шектеу ұсынылды. Бұл туралы <a href="https://stan.kz/astanada-bir-uyge-tirkeuge-bolatindar-adamdar-sanina-sh-406136/">Stan.kz </a>ақпарат агенттігі хабарлайды.Мәжілісте "Қазақстан Республикасы астанасының мәртебесі туралы" заң жобасы таныстырылып, оған сәйкес бір тұрғын үйге тіркелетін азаматтардың санын шектеу&nbsp;ұсынылды.<blockquote>“Қазір халық ірі қалаларда тұруға ұмтылады, бұл "резеңке пәтерлер" деп аталатын мәселенің туындауына әкеледі. Тәжірибе көрсеткендей, баспана иелері тұрғылықты жері жоқ азаматтарды белгілі бір ақыға өз үйіне тіркеу арқылы көші-қон заңнамасын жиі бұзады. Мәселен, Астанадағы пәтерлердің біріне 800-ден астам адам тіркелгені анықталды", –&nbsp;деді ұлттық экономика вице-министрі Бауыржан Омарбеков.</blockquote>Заң жобасында министрлік мына өзгерісті&nbsp;енгізуді ұсынады:Астанада тұрғылықты жері және уақытша болатын жері бойынша тіркеу стандарттарын бекіту бойынша мәслихаттың құзыретін кеңейту; Астанадағы баспаларға белгіленген нормалардан тыс азаматтарды тіркеуге тыйым салу.Бауыржан Омарбеков мәслихаттың бір үйге&nbsp;тіркеуге болатын азаматтардың шектік&nbsp;санын қалай анықтайтынын түсіндірді.&nbsp;Сондай-ақ вице-министр&nbsp;тұрғын үй иесі жұбайы мен жақын туыстарын тіркеген кезде тіркеу стандарттары қолданылмайтынын атап өтті.<blockquote>"Қазір тұрғын үй құрылысында бір адамға 15-18 шаршы метр болатын&nbsp;норма бар. Мәслихат осы нормаға сүйенуі немесе басқа да тармақтарды қарастыруы мүмкін. Қалалық мәслихат әкімдікпен бірлесіп, бір адамға қанша шаршыдан келетінін анықтайды. Бұл жерде ең бастысы, аталмыш ережелер үй иесінің туыстары мен оның қамқорлығындағы адамдарға қолданылмайды", –&nbsp;деді вице-министр.</blockquote>Фото:&nbsp;pixabay.com

Астанада бір үйге тіркеуге болатын адамдар санына шектеу енгізілмек

<a href="https://kyzylorda-news.kz/">Kyzylorda-news.kz</a> Бүгін аймақтық және қалалық Халықтық штаб өкілдері Тасбөгет кентінің тұрғындарымен кездесіп, Мемлекет басшысының Қазақстан халқына Жолдауынан туындаған маңызды мақсат-міндеттерді түсіндірді.Ел Президенті халыққа Жолдауында маңызды 9 мәселені атап өтіп, нақты тапсырмалар берген болатын. Соның ішінде ең өзекті мәселенің бірі – жасыл энергия көзіне көшу.Кездесуде аймақтық Халықтық штаб мүшесі Нұридин Амитов еліміздің қай сала болмасын өзгелерге тәуілсіз болғаны аса мыңызды екенін тілге тиек етті.<blockquote>«Бүгінде еліміздегі электр тапшылығы салдарынан көрші мемлекеттерден электр қуатын сатып алып отырмыз. Сондықтан, қай салада болсын тәуелсіз болғанымыз барлығымызға тиімді. Жаһанның озық елдері бүгінде атом энергиясын кеңінен пайдаланып отыр. Ғалымдар атом станцияларының соңғы «3+» нұсқасын ойлап тапты. Бұл нұсқа экологиялық таза, қауіпсіз болып саналады», – деді ол.</blockquote>Ал штаб мүшесі Аида Абибуллаева: «Жарық өшсе көпшілігіміз алаңдап қаламыз. Қазірде тұрмыста қолданылатын заттардың барлығы электр қуатымен жұмыс жасайды. Сондықтан, электр қуатын экологиялық таза, жасыл энергия жолымен өндірсек өз қажеттіліктерімізді өтейміз»,-деді.Расында, жаһан мемлекеттері үшін маңызды мәселеге айналған электр тапшылығы біздің елде де сезілуде. Бүгінде жылу, көмір станцияларынан келетін улы газдардың үлесі 80 пайыздан асады. Бұл қоршаған ортаның экологиялық ахуалын үдетуде. Осы орайда өзімізде бар шикізатты пайдаланып, озық технология көмегімен энергия өндіру құптарлық жағдай», – деді өз кезегінде сөз алған қалалық штаб мүшесі Ақманат Төлегенова.Жиында кент тұрғындары АЭС бойынша өздерін толғандырған сауалдарын жолдап, штаб мүшелерімен пікір алмасты.<img src="https://knadmin.beoblood.kz/uploads/5_d5099f8ef5.jpg" alt="5.jpg"><img src="https://knadmin.beoblood.kz/uploads/6_e0b709e8e9.jpg" alt="6.jpg">

 Нұридин Амитов: Қай сала болсын тәуелсіз болғанымыз маңызды

<a href="https://kyzylorda-news.kz/">Kyzylorda-news.kz</a>&nbsp; Бүгін Арал ауданының тұрғындары Қамбаш көлінің жағалауы мен теңіз табанына тазалық жұмыстарын жүргізді. Бұл іске мемлекеттік қызметшілер, еріктілер қатарындағы жастар, жергілікті тұрғындар өз үлестерін қосты.Олар көлдің жағалауы мен түбін тұрмыстық қоқыстардан, құрғақ бұтақтардан және арамшөптерден тазартып, нәтижесінде бес тоннадан астам қоқыс шығарды.Санитарлық тазарту іс-шараларына белсенді қатысқан ауыл тұрғыны Жомарт Бекетов қоғамда экологиялық мәдениет пен табиғатқа ұқыпты қарауды қалыптастырудың өзектілігін атап өтті.<blockquote>– Әркімнің міндеті-өз қаласын немесе ауылын таза және тәртіпті ұстау. «Таза Қазақстан» акциясы осы дәстүрдің қалыптасуына негіз болды. Біздің аудан да осы маңызды істен тыс қалған жоқ. Ауыл тұрғындары өз аулаларын ретке келтіріп қана қоймай, қоғамдық орындарды тазалауға өз үлестерін қосуда. Бүгін біз көл жағалауын тазалауға қатысамыз, әркім өзінен кейін мал мен мүлікті емес, ағашты қалдыруы керек деген халық даналығын жүзеге асырамыз, – деді Ж. Бекетов.</blockquote>Жалпы республикалық акцияға қатыса отырып, аудан тұрғындары туған өлкенің экологиясын сақтауға көмектеседі. Акция аясында аумақтарды санитарлық тазалау және абаттандыру жұмыстарына 26 бірлік техника тартылды, 1630 тоннадан астам қоқыс шығарылды, 4000-ға жуық ағаш көшеттері отырғызылды.Жастар ресурстық орталығының директоры Берік Сұлтаниязов атап өткендей, экологиялық акция тұрғындарды туған өлкесін таза және абаттандыруға бағытталған бірыңғай міндет төңірегінде біріктіретін маңызды іс-шара болып табылады.<blockquote>– «Таза Қазақстан» акциясына қатыса отырып, біз салауатты қоршаған ортаны сақтауға өз үлесімізді қосамыз. Бүгінгі таңда маңызды акция аясында қоғамдық орындар, саябақтар, аллеялар мен скверлер, су қоймалары мен өзендер, мекемелер мен ұйымдардың аумақтары тазартылып, абаттандырылды.Ел президенті Қасым-Жомарт Тоқаев «Таза Қазақстан» акциясының маңыздылығын атап өтіп, бұл уақытша жоба емес, ол жыл бойы жалғасуы тиіс екенін атап өтті. Қоршаған ортаның тазалығына қамқорлық жасау әобір азамат үшін күнделікті міндетке айналуы керек. Осындай акцияларға қатыса отырып, біз қоғам үшін пайдалы іспен айналысамыз және өз еліміздің өркендеуіне үлес қосамыз деп санаймын, – деді Б.Сұлтаниязов.</blockquote>Сонымен қатар, Қармақшы ауданында «Руханият пен тазалық» мерекесі өтті. «Таза Қазақстан» экологиялық акциясы аясында «Қорқыт ата» мемориалдық кешеніне санитарлық тазалау жұмыстары жүргізілді. Бұл кешен бүкіл түркі әлемі үшін ерекше маңызға ие. Оны таза ұстау, сақтау және баға жетпес мұраны болашақ ұрпаққа беру – біздің міндетіміз. Аудандық мәслихаттың, ардагерлер кеңесінің, Қоғамдық кеңестің және аналар кеңесінің төрағалары бүгінгі іс-шараның экологияны сақтау үшін ерекше маңызын атап өтіп, тұрғындарды қоршаған ортаны қорғауға шақырды.Шарада республикалық акцияға үлес қосқан бірқатар ауыл тұрғындары марапатталды. Одан әрі «Қорқыт ата» кешенінде V Дүниежүзілік көшпенділер ойындарын қолдау мақсатында мәдени және спорттық іс-шаралар ұйымдастырылды.<img src="https://knadmin.beoblood.kz/uploads/2_887f82e94c.jpeg" alt="2.jpeg"><img src="https://knadmin.beoblood.kz/uploads/3_1a8628189e.jpeg" alt="3.jpeg"><img src="https://knadmin.beoblood.kz/uploads/4_bc8e153d75.jpeg" alt="4.jpeg">

Қызылорда облысында ауыл тұрғындары «Таза Қазақстан» экологиялық акциясында ерекше белсенділік танытуда

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаевтың төрағалығымен өткен мәжілісте балалар мен жасөспірімдердің шығармашылық және спорттық үйірмелерін жан басына қаржыландыру бағдарламасы аясында мемлекеттік тапсырысты орындау мәселелері қаралды.Аймақ басшысы мемлекет қаражатын тиімді жұмсауды ескертіп, облыстық деңгейде арнайы мониторингтік топ құрылғанын атап өтті.«2021-2024 жылдары балалар мен жасөспірімдердің шығармашылық және спорттық үйірмелерін жан басына қаржыландыру бағдарламасына облыстық бюджеттен 19,2 млрд.теңге бөлінді. Аталған бағдарламаға 2023 жылы 7,1 млрд. теңге жоспарланып, мониторинг жүргізілген соң 3,8 млрд. теңгесі бюджетке қайтарылды.Бюджет қаражатын талан-таражға салуға жол берілмейді, ол үшін мониторинг ұдайы жүргізілуі тиіс. Осы мақсатта адамның бет-әлпеті арқылы жеке басын анықтайтын биометриялық технологияны, яғни Face ID мобильді қосымшасын жедел орнатуды тапсырғанмын. Алайда, әлі күнге дейін нақты нәтиже жоқ! Кәсіп иелерімен келісім толық жасалмады. Бұл мәселе бойынша менің тапсырмаммен облыстық деңгейде арнайы мобильді мониторингтік топ құрылды. Топ жедел әрекет етуі үшін Қызылорда қаласы мен аудан әкімдері де тиісті сала мамандарын оның құрамына енгізіп, жұмыс ауқымын кеңейтуі керек. Құрамына СЭС, полиция, салық, төтенше жағдай мамандарын, мәслихат депутаттарын, қала және аудандардағы білім, мәдениет, спорт бөлімдерінің басшыларын, қоғам белсенділерін, үкіметтік емес ұйымдарды, бала құқықтары бойынша уәкілді, тағы басқа қызметкерлерді кеңінен тарту қажет. Топ ертең толық жасақталып, жұмысқа кіріссін», – деді Нұрлыбек Машбекұлы.Мониторингтік топ сабақ өткізетін үй-жайда ыстық және суық су, дәретхана, кәріз жүйесі болуын, санитариялық талаптардың сақталуын, балалардың жеке гигиена құралдарымен қамтылуын қадағалайды. Топтағы бала санының рұқсат етілген шегінен кем болмауын, жеке шкафтармен жабдықталуын, бейнемұрағаты кемінде 30 күн сақталатын бейнебақылау камерасымен, өрт қауіпсіздігі жүйесімен қамтамасыз етілуін тексеретін болады. Барлық мониторингтік жұмыс осы айдың соңында аяқталуы тиіс.Мониторингтік топ жұмысын бақылау облыс әкімінің орынбасары Шахмардан Баймановқа тапсырылды.<img src="https://knadmin.beoblood.kz/uploads/Monitoring_uchebnyh_kabinetov_provedut_v_Kyzylorde_1_a9a6e8da7c.jpg" alt="Мониторинг учебных кабинетов проведут в Кызылорде 1.jpg"><img src="https://knadmin.beoblood.kz/uploads/Monitoring_uchebnyh_kabinetov_provedut_v_Kyzylorde_13ad5eacd6.jpg" alt="Мониторинг учебных кабинетов проведут в Кызылорде.jpg">Фото: Қызылорда облысы әкімінің баспасөз қызметі

Оқу кабинеттеріне мониторинг жүргізілмек

Полиция мұғалімге қатысты "ұрып-соғу" баба бойынша қылмыстық іс қозғады.Алматы облысында желіде тараған видеодан кейін&nbsp;мектеп мұғаліміне қатысты қылмыстық іс қозғалды, деп хабарлайды <a href="http://sn.kz/">Skifnews.kz</a> ақпарат порталы.&nbsp;Әлеуметтік желіде ер адамның жасөспірімге дауыс көтеріп, күш қолданған сәті түсірілген&nbsp;видео пайда болды. Кейіннен видео кейіпкерлерінің&nbsp;Алматы облысы Іле ауданы&nbsp;Көктерек ауылындағы №21 орта мектептің тарих пәнінің мұғалімі мен 8-сынып оқушысы екені анықталды.&nbsp;Облыс әкімдігі мұғалімнің&nbsp;жұмыстан шығарылғанын мәлімдеді. Әкімдіктің хабарлауынша, ұстаздың&nbsp;әрекеті педагогикалық этиканы бұзу және лауазымдық өкілеттіктерді асыра пайдалану ретінде қарастырылған.Полиция мұғалімге қатысты "ұрып-соғу" баба бойынша қылмыстық іс қозғады.<blockquote>"Кәмелетке толмаған баланы соққыға жығу фактісі бойынша қылмыстық іс қозғалды. Тергеу жүргізілуде", –&nbsp;делінген Алматы облыстық полиция департаментінің хабарламасында.&nbsp;</blockquote>Егер мұғалімнің кінәсі дәлелденсе, күдіктіге 100-ден 200 АЕК мөлшерінде айыппұл салу, не сол мөлшерде түзеу жұмыстарына, не 100-ден 200 сағатқа дейінгі мерзімге қоғамдық жұмыстарға тарту немесе&nbsp;30-дан 50 тәулікке дейін қамауға алу жазасы қарастырылған.Фото: pravorub.ru

Қазақстан және Қызылорда облысының жаңалықтары