<a href="https://kyzylorda-news.kz/">Kyzylorda-news.kz</a> Биыл Қазалы ауданында тұрғындарды электр энергиясымен қамту бағытында бірқатар жобалар қолға алынып жүзеге асуда. Соның бірі - Қазалы қаласы мен Әйтеке би кентінің аралығындағы жаңадан ашылған кварталдардағы нысандар мен тұрғын үйлерге керекті электр энергиясының қуаттылығын арттыру мақсатында қосалқы стансасының құрылысы.Аудан әкімінің міндетін атқарушы Жалғас Сүйеубаев Әйтеке би кентінің оңтүстік батыс беткейіндегі басталып жатқан қосалқы стансасының құрылыс жұмыстарын көріп, мердігерлермен кездесті. Жалғас Оңғарұлы мердігер мекеме «Энергомера» жауапкершілігі шектеулі серіктестігінің басшысы Бекетай Мұқашовқа аталған жобаның кент пен қала аралығындағы тұрғындарды электр энергиясымен қамтуда маңызы жоғары екенін айтып, жұмыстардың сапалы әрі мерзімінде аяқталуына жұмыс жасау керектігін айтты.Қазіргі таңда қосқалқы стансасының құрылысына тиісті материалдар жеткізілген. Сондай-ақ жер қазу жұмыстары толықтай аяқталып, фундаменттік блоктары орнатылды. Бүгінде құрылыс-монтаж жұмыстарының 40 пайызы орындалды.Айта кетейік, бұдан бөлек биыл аудан тұрғындарын электр энергиясымен қамту бойынша Қазалы қаласы мен Қожабақы ауылының электр желілерін жаңартуға қаржы бөлініп, жұмыс жүргізілуде. Аталған жұмыстар аяқталғаннан кейін аудан бойынша тозығы жеткен желілерді 62,5 пайыздан 58 пайызға төмендетуді жоспарланып отыр.Сонымен қатар биыл ауданға қарасты Түктібаев, Бозкөл, Жалаңтөс батыр, Қ.Пірімов, Жанкент, Абай ауылдарының жеке тұрғын үй секторын электрмен жабдықтау үшін жоба-сметалық құжаттары әзірленіп, сараптаманың оң қорытындысы алынып, қаржы бөлу мақсатында тиісті Министрлікке жолданды.<img src="https://knadmin.beoblood.kz/uploads/Elektr_energiyasy_azaly_f6ecce57bb.jpg" alt="Электр энергиясы Қазалы.jpg">

Электр энергиясының қуаттылығын арттыру мақсатында қосалқы стансасының құрылысы жүруде

<a href="https://kyzylorda-news.kz/">Kyzylorda-news.kz</a> Сырдария ауданы әкімдігінің қолдауымен «Жетікөл» ауылдық әкімдігінің бастамасымен «Адал адам» мәдени-тәрбие орталығында «Сұхбат ТІМЕ» жобасы аясында «Ауылға барам...» атты кең форматта іс-шара өтті. &nbsp;Бұл шараға Жетікөл ауылының төл перзенті, Сыр бойына белгілі қаламгер, &nbsp;«Қазақстанның Құрметті журналисі», журналист–ақын, «Сыр медиа» ЖШС ардагерлер ұйымының төрағасы Кенжалы Ерімбетов шақырылды.&nbsp;Кешке «Сыр медиа» ЖШС-ның бас директоры Марат Аралбаев, Қызылорда қалалық ГКӘТ және ВКШӘТ ардагерлер қоғамы директорының орынбасары Сексенбай Райымбеков және «Жетікөл» ауылдық округінің әкімі Өмірбек Тоқпамбетов және ауыл тұрғындары қатысты.&nbsp;Аталған іс-шараны «Жетікөл» ауылдық клубы» КМҚК директоры, Сыр бойына танымал жырау Алмат Өтеуов ашып жүргізді. Алғы сөз «Сыр медиа» ЖШС-ның бас директоры Марат Аралбаевқа берілді.<blockquote>– Құрметті ауылдастар мен кешке келген қадірлі қонақтар! Бүгінгі «Жетікөл» ауылында өтіп жатқан іс-шараға біздің әріптесіміз, ардагер журналист, ақын Ерімбетов Кенжалы ағамызды сұхбат алаңына шақырғандарыңызға өз атымнан рахметімді айтамын. Ауыл бұл – дарындылар мен танымал тұлғалардың мекені. Қараңыздаршы, Жетікөлдей шағын ауылда дүниеге келіп, қаншама республикаға танымал тұлғалардың шыққанын өздеріңізден естіп, біліп жатырмыз. Осы кісілерге қарап, бүгінгі ауыл жеткіншектері бой түзеп, өсері анық. Бізде ауылдан шықтық. Сол ауылдағы «өнегелі ағалардай болсақ» деп қызыға қарап өстік, жетілдік. Ұрпағымыз бүгінгідей әлеуметтік желіге телінген заманда, осындай іс-шаралардың жиі өткені дұрыс деп есептеймін. Жасыратыны жоқ, балалардың қалта телефонына ақша салып Тикток қаратып көздерін талдырғанша, Ұлы Абайдың: «Талап, еңбек, терең ой, Қанағат, рахым, ойлап қой, Бес асыл іс, көнсеңіз» деген ұлағатын бүгінгі ұрпақ санасына сіңіре білсек, олардың ішкі сана сезімі жаңарып, өмірге деген көзқарасы жаңаша қалыптасары анық. Міне, сонда адал азаматтардың қатары артып, әділетті қоғам &nbsp;қалыптасады деп ойлаймын, – деді Марат Жайылханұлы.</blockquote>Мұнан соң сахна төрінде Кенжалы Ерімбетовтың өмір жолы жайлы видеоролик көрсетіліп, еркін сұхбатқа жалғасты. Іс-шараға жиналған қауым керемет естеліктермен бөлісті. Көл жағасында тұратын қайықтардың тағдыры баяндалып, бүгінде оның келмеске кеткені жайында терең ой қозғалды. Көл жағасын аппақ сор басқаны жүрекке салмақ түсіретінін ақын өз өлеңінде жеткізе білгендігі айтылды. Кеш кейіпкері бір кездегі соғысқа қатысқан ауыл қарияларын еске алып, олар жайлы сағынышты өлеңін оқыды.&nbsp;<img src="https://knadmin.beoblood.kz/uploads/Auyl_a_baram_6d7a54578f.png" alt="Ауылға барам....png">Сұхбат барысында адамгершілік қасиет, туған жерді сүю, туған ауылды қолдау, ұлттық құндылықтар, парасат пен салауаттылық, отбасылық сыйластық, тәрбие мен тәлім, балаларды сапалы білім алу мен кітап оқуға көңілдерін аудару туралы, &nbsp;иман мен иба жайлы жан-жақты ойлар ортаға салынды.&nbsp;Жарқын «Сұхбат ТІМЕ» жобасында оқушылар ақынның өлеңдерін оқып, туған жерді сүю туралы көзқарастарын айтып, пікір алмасты. Ауыл &nbsp;атынан еңбек ардагерлері Роза Айтмағанбетқызы, Клара Наурызбаева және Дастан Салмұрзаев сөз сөйлеп, бүгінгі сұхбаттың өте мәнді өткенін айтып, кеш &nbsp;қонақтарына алғыстарын білдірді. Мұнан соң ауыл тұрғыны, ардагер ұстаз Гүлсім Жакенова Кенжалы Ерімбетовтың иығына өз атынан шапан жауып құрмет көрсетті.&nbsp;Жылы жүздесу арасын ауыл өнерпаздары әнмен өрнектеп отырды. Алдағы уақытта мұндай іс-шаралар жалғасын табатынын жеткізген ауылдық округ әкімі Сырдария ауданы әкімі Б. Сәрменбаевтың Алғыс хатын табыстап, ақынға шапан жапты. Кездесу соңында ардагер-журналист, ақын Кенжалы Ерімбетов «Сыр медиа» ЖШС ұжымы атынан «Мектепке жол» акциясы аясында мектеп оқушыларына арналған оқу сөмкесі мен құрал-жабдықтарын тарту етті.<img src="https://knadmin.beoblood.kz/uploads/Whats_App_Image_2025_09_02_at_09_57_20_cb60c1c881.jpeg" alt="WhatsApp Image 2025-09-02 at 09.57.20.jpeg">Аружан ЕРАЛЫ

Қарымды қаламгерге құрмет көрсетті

<a href="https://kyzylorda-news.kz/">Kyzylorda-news.kz</a> 1 қыркүйек - жас ұрпақтың жүрегіне үміт отын жағып, арманға қанат бітіретін күн. Бұл күні мектеп аулалары балғын күлкіге толып, жаңа оқу жылының қоңырауы соғылады. Әсіресе, алғаш рет мектеп табалдырығын аттаған бүлдіршіндер үшін бұл - үлкен өмірге жасалған алғашқы қадам.«Президентіміз Қасым-Жомарт Кемелұлы «Баланың бәрі бірдей. Ауыл баласы мен қала баласының білім алу мүмкіндігі де бірдей болуы керек. «Келешек мектептері» жобасының негізгі мақсаты да – осы», деген болатын.«Келешек мектептері» Ұлттық жобасы аясында салынып, жуырда ғана пайдалануға берілген облыс орталығындағы Мырзабек Дүйсенов атындағы №15 мектеп-лицейінде алғашқы қоңырау соғылды.&nbsp;Салтанатты іс-шараға Қызылорда облысы әкімінің орынбасары Мейрамбек Шермағанбет қатысып, құттықтау сөз сөйледі. Ол өз сөзінде Алаш қайраткері Міржақып Дулатовтың: «Ұрпағы білімді халықтың болашағы бұлыңғыр болмайды» деген ұлағатты ойына тоқталып, білімнің ұлт келешегіндегі маңызына ерекше назар аударды.<blockquote>- Ізденіс әлемінде білімге деген құлшыныстарыңыз өшпесін, талпыныстарыңыз тоқтамасын! Жаңа оқу жылында шәкірттерге табыс, ұстаздарға шығармашылық шабыт, ата-аналарға қуаныш тілеймін! Еліміздің көкжиегін кеңейтіп, жаңа биіктерге жетелейтін білім жолы әрдайым жарқын болсын! Білім күні құтты болсын! Еліміз өсіп-өркендей берсін! Бүгін есігін ашқан бұл мектеп - келешекке жасалған үлкен қадам, жастарымыздың сапалы білім алып, елге қызмет етуіне жол ашатын маңызды орталық боларына сенемін, - деді Мейрамбек Зинабдинұлы.</blockquote>Сонымен қатар, Мейрамбек Зинабдинұлы білім ордаларының тек шәкірт тәрбиелейтін орын ғана емес, сонымен қатар қоғамның рухани тірегіне айналуы тиіс екенін атап өтті. «Ұстаздың еңбегі өлшенбейді, ал шәкірттің жетістігі - ұстаз еңбегінің жемісі. Сондықтан біз жастардың бойына біліммен бірге адамгершілік пен ізгілікті сіңіруге күш салуымыз керек», - деген ойымен бөлісті.Сонымен қатар облыс әкімінің орынбасары жаңа мектептің оқу кабинеттерін аралап, заманауи жабдықтарымен танысты. Әсіресе, білім әлеміне алғаш қадам басқан 1-сынып оқушыларымен жүздесіп, оларға сәттілік тілеп, «Әліппе» оқулығын сыйға тартты. Ұстаздармен тілдесіп, олардың еңбегіне алғысын білдірді.Жаңа оқу жылы - жас буын үшін жаңа бастама, жаңа белес. Әр шәкірттің бойындағы білімге деген ынтасы мен алға ұмтылысы еліміздің ертеңін айқындайды. Ұстаздар мен ата-аналардың қолдауымен өсіп келе жатқан өрендеріміздің болашағы жарқын, келешегі кемел боларына сенім мол.<img src="https://knadmin.beoblood.kz/uploads/Bilim_k_ni_2_aa06369472.jpg" alt="Білім күні 2.jpg">

Білім – болашаққа бастар жарқын жол

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаев қаладағы &nbsp;құрылыс алаңдарын аралап, нысандар мен көпірлердегі жұмыс барысын көріп шықты.Алдымен "Сыр ана" монументі жанындағы Сырдария өзені арқылы өтетін көпір жобасымен танысты. Ұзындығы 312,2 метрлік көпірдің жоба-сметалық құжаттамасы әзірленуде.Ал аспалы көпірді күрделі жөндеуді &nbsp;«Кыран» ЖШС қолға алған. Қазір ұзындығы &nbsp;4,489 шақырым, ені &nbsp;5-13 метрлік нысандағы жөндеу жұмыстары аяқталуға жақын. Алдағы уақытта пайдалануға беріледі деп жоспарлануда. Одан кейін, аймақ басшысы жаңа ЖЭО құрылысының барысымен танысты.Мемлекет басшысының тапсырмасымен салынған жаңа жылу-электр орталығының құрылысы қарқынды жүруде. Инвестор «Акса энерджи» түрік компаниясы орталық құрылысына 137 млрд.теңгеден астам инвестиция құйды. &nbsp;Жоба аясында 2 газ турбиналық қондырғы, 95 МВт-тық бу турбинасы, 2 бу, 4 жылу қазандығы салынады. Бүгінде құрылыстың 70 пайызға жуық жұмысы біткен. Бұдан бөлек, бюджет есебінен 15 млрд.теңгеге орталыққа дейінгі 45 шақырым газ құбыры, автоматтандырылған газ тарату станциясы салынды. Мұнда 1200-ден астам адам және 130 арнайы техника жұмыс жасауда. Жұмысшылардың негізгі бөлігі - жергілікті тұрғындар. Станцияны осы жылдың ІV тоқсанында іске қосу жоспарланған. Бірінші кезекте 1 газотурбиналық қондырғы мен 2 жылу қазандығы, 2026 жылы қалған қондырғылар қосылады. Жаңа станция облыстың электр энергиясына деген қажеттілігін толығымен қамтамасыз етеді.Сонымен қатар, өңірдің энергетикалық әлеуетін едәуір күшейтіп, ұзақ мерзімді тұрақты дамуына негіз қалайды. Аймақ басшысы сол жағалаудағы жаңа облыстық тарихи-өлкетану музейінің алдында сол қатардағы құрылыс жұмыстарын қолға алған мердігер мекемелер басшыларымен кездесті. Құрылыс барысында ең бірінші кезекте сапа мен мерзімнің маңызды екенін, халық күткен жаңа ғимараттар мен нысандардың уақытылы пайдалануға берілуі керектігін ескертті.<img src="https://knadmin.beoblood.kz/uploads/rylys_zh_mystaryn_tekserdi_2_8264ae41b9.jpg" alt="Құрылыс жұмыстарын тексерді 2.jpg">Фото: Қызылорда облысы әкімінің баспасөз қызметі

Аймақ басшысы құрылыс жұмыстарының барысын тексерді

Облыс әкімі Нұрлыбек Нәлібаев «Ardent Plastik және Nigde Plastik» компаниялары &nbsp;директорлар кеңесінің төрағасы Азми Берк Алтунташпен кездесіп, инвестиция тарту мәселесін талқылады.Қызылорда облысы әріптестік пен инвестициялар үшін әлеуетті, даму қарқыны жоғары агро-индустриялық аймақ екенін атап өтті. Компанияның су үнемдеу технологиясы саласындағы тәжірибесіне қызығушылық танытып, бірлесіп жұмыс жасауға шақырды.&nbsp;«Біз әрбір инвесторды қолданыстағы заңнама аясында сүйемелдеуге дайынбыз. Барлық инфрақұрылым желілері қолжетімді, облыс әкімдігі қажетті техникалық шарттарды алуға жан-жақты қолдау көрсетеді», - деді Н.Нәлібаев.Азми Берк Алтунташ инженерлік инфрақұрылыммен жабдықталған «Өндіріс» индустриялық аймағы жұмысымен танысқанын және бірлесіп жұмыс атқаруға дайын екенін жеткізді.Қызылорда облысы әкімінің баспасөз қызметі

Инвестиция тарту мәселесі талқыланды 

Облыс әкімі Нұрлыбек Нәлібаев «Петро Қазақстан Құмкөл Ресорсиз» компаниясының басшысы Ян Миньюймен кездесіп, мұнай-газ саласын дамыту бойынша екіжақты қатынастар орнатудағы кейбір мәселелерді талқылады.«Петро Қазақстан» - өңірдегі ірі мұнай өндіруші компаниялардың бірі &nbsp;және Оңтүстік Торғай ойпатының бірнеше кен орнын &nbsp;игеруде. Қазіргі уақытта &nbsp;кен орындарының басым бөлігі өндірудің соңғы кезеңінде және қалдығы қиын өндірілетін қор ретінде сипатталады. Ұңғымалардың көпшілігінің сулануы 95%-ға дейін жеткен. Соның салдарынан кен орындарының жабылу және жұмыс орындарының қысқару қаупі бар.Құрметті Ян Миньюй мырза, тек қолданыстағы келісімшарттық аумақтарда ғана емес, &nbsp;болашағы зор жаңа учаскелерде де барлау және игеру жұмыстарын бастау қажет. «Петро Қазақстан» әлеуметтік бағытталған компания ретінде өзін жақсы танытты және өңір тұрғындарына бірнеше мәрте көмек көрсетті. Алдағы уақытта да өңірдің әлеуметтік мәселелерін шешуге қолдау білдіретініне сенімім мол»», - деді Н.Нәлібаев.Кездесуде еңбек жағдайын жақсарту, «ТұзкөлМұнайГаз Оперейтинг» компаниясы газ құбырының құрылысын мүмкіндігінше қысқа мерзімде аяқтау мәселелері сөз болды. Ян Миньюй мырза әрі қарай да бірлесіп жұмыс атқаруға дайын екенін жеткізді.Қызылорда облысы әкімінің баспасөз қызметі

Кездесуде екіжақты қатынас орнату мәселесі қаралды 

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаев «Power International Holding» компаниясының&nbsp;Қазақстан бойынша атқарушы директоры Амер Махасенмен кездесті.Аймақ басшысы атқарылған жұмыстар, алдағы жоспарлар туралы айтты. «Сыр өңіріне қош келдіңіздер! Президентіміз Қасым-Жомарт Кемелұлы &nbsp;мен Қатар мемлекетінің Әмірі шейх Тәмим бен Хамад Әл Тәни арасында қол қойылған келісімдер ынтымақтастықты одан әрі нығайтуға берік негіз болды.Энергетика және газ саласындағы жобаларды іске асыру туралы келісімдер аясында «Power International Holding» компаниясы Қызылорда облысында қуаттылығы 1 100 мегаватт болатын газ-электр станциясын салуды жоспарлауда.Еліміздің оңтүстік өңірлерінде электр қуатының тапшылығы айқын сезіледі. Жаңа бу-газ станциясы тек біздің облыс үшін ғана емес, тұтас еліміздің энергетикалық тұрақтылығы мен экономикалық дамуы үшін үлкен маңызға ие.Аталған жоба жаңа өнеркәсіптік және әлеуметтік нысандардың іске қосылуына серпін беріп, халықтың өмір сапасын арттыруға ықпал ететініне сенімдіміз.Қазіргі таңда &nbsp;облыс әкімдігі жобаны орналастыру үшін 250 гектар жер телімін беріп, тиісті келісімдер жүргізілуде.<blockquote>Құрметті Амер Махасен мырза! Қызылорда облысының инвестициялық әлеуеті зор. Өңірдің басты артықшылықтарының бірі - минералды-шикізат ресурстарының мол қоры.&nbsp;Облыс аумағында қара және түсті металдардың, пайдалы қазбалардың және сирек кездесетін жер элементтерінің қоры бар. Еліміздің ванадий қорының 66%-ы, мырыштың 16%-ы, қорғасынның 11% және уранның 15%-ы Қызылорда облысында орналасқан. Мұнай қорының жыл сайынғы төмендеуін ескеріп, өңдеу өнеркәсібінде бірлескен жобаларды іске асыру үшін қолда бар ресурстарды тиімді пайдалануға &nbsp;мүдделіміз. Атап айқанда, құрылыс индустриясы, ауыл шаруашылығы өнімдерін терең өңдеу, тамақ, химия, тау-кен өнеркәсіптері. Аймағымыздағы әлеуеті зор, құны 2,2 млрд. АҚШ долларын құрайтын 61 инвестициялық жобаның тизерлерін қарастыруды ұсынамын. Жаңа жобаларды орналастыруға арнайы экономикалық аймақ және инженерлік-коммуникациялық инфрақұрылыммен қамтамасыз етілген индустриялық аймақ бар», - деді Н.Нәлібаев.</blockquote>Кездесуде Амер Махасен өңірдің инвестициялық әлеуеті жоғары екенін атап өтіп, алдағы уақытта бірлескен жобаларды жүзеге асыру мүмкіндіктері қарастырылатынын жеткізді.Айта кетейік, Мемлекет басшысының тікелей қолдауымен Қызылорда қаласында &nbsp;«Акса Энерджи» компаниясымен бірлескен, қуаты 240 МВт болатын жаңа жылу-электр орталығының құрылысы жүргізілуде. Бұл жоба электр энергиясының жүктемесін тұрақтандыруға әрі энергетикалық қауіпсіздікті нығайтуға елеулі үлес қосады.Фото: Қызылорда облысы әкімінің баспасөз қызметі

Аймақ басшысы «Power International Holding» компаниясының Қазақстан бойынша атқарушы директорымен кездесті

Бүгін Сыр өңірінің тұрғындары үшін әдеттегі жексенбі емес. Себебі демалыс таңы сайлау науқанымен басталды. Жергілікті жұрт жаңадан 3 әкімді сайлайды.&nbsp; Атап айтқанда Қызылорда қаласындағы Қарауылтөбе ауылдық округі, Жалағаш ауданындағы Мәдениет ауылдық округі мен Сырдария ауданындағы Шаған ауылдық округі. Учаскелік комиссия мүшелері таңғы сағат 07.00-де жұмысын бастап, тізімге енген сайлаушыларға бюллетень беруде.&nbsp; Ауылдық округ әкімдеріне дауыс беруге ниетті сайлаушылардың қатарында науқанға отбасымен бірге келгендердің үлесі басым. Олар учаскелік сайлау комиссиясында дауыс беріп болғаннан кейін пазл бейнесіндегі болашақтың фотомозайкасында естелік суретке түсті.&nbsp; - Әрбір ата-ана балалары үшін өмір сүреді. Ал, балалар - келешегіміз. Осы ауылды көркейтемін деп талаптанған адамға дұрыс таңдау жасау - біздің міндетіміз деп есептеймін. Сондықтан осы ауылдың тұрғыны ретінде дұрыс таңдау жасадым деп ойлаймын,-дейді сайлаушы.&nbsp; Айта кетейік, 3 округте 50 сайлаушы үйден дауыс беруге өтініш қалдырды.<img src="https://knadmin.beoblood.kz/uploads/IMG_20250831_WA_0013_21471a9f2a.jpg" alt="IMG-20250831-WA0013.jpg"><img src="https://knadmin.beoblood.kz/uploads/IMG_20250831_WA_0014_97156ad90c.jpg" alt="IMG-20250831-WA0014.jpg">

Қызылордада 3 ауылдың әкімі сайланады

<a href="https://kyzylorda-news.kz/">Kyzylorda-news.kz</a> 1 қыркүйектен бастап Қазақстанда әкімшілік жаза түрінің жаңа формасы – қоғамдық жұмыстар енгізіледі.&nbsp;Бұл туралы&nbsp;<a href="https://stan.kz/kazakstanda-kirkuyekten-bastap-ayippyldar-kogamdik-zhym-422695/">Stan.kz</a>&nbsp;ақпарат агенттігі хабарлайды.Түзетулерге сәйкес, қоғамдық жұмыстар Әкімшілік құқық бұзушылық туралы кодекстің 9-бабына&nbsp;сәйкес тағайындалуы мүмкін. Олардың қатарында:Отбасындағы құқыққа қайшы әрекеттер (73-бап);Ұсақ бұзақылық (434-бап);Қоғамдық орындарды ластау (434-2-бап);Әдейі жалған түрде жедел қызметтерді шақыру (438-бап, 2-бөлік);Қоғамдық орындарда ішімдік ішу және мас күйінде жүру (440-бап, 3-бөлік);Полиция қызметкерлерінің заңды талаптарына бағынбау (443-бап, 2-бөлік);Қоғамдық орындарда тиісу (449-бап, 2-бөлік);Арнайы көлікке жол бермеу (598-бап, 2-бөлік);Жаяу жүргіншілердің жол жүру ережесін жүйелі түрде бұзуы (615-бап, 4-бөлік).Жазаның&nbsp;орындалуын жергілікті атқарушы органдар бақылайды. Ал тағайындалған жұмыстардан жалтарғандар&nbsp;Әкімшілік құқық бұзушылық туралы кодекстің 669-бабына сәйкес, бөлек жауапкершілікке тартылады.Билік өкілдерінің айтуынша, қоғамдық жұмыстарды енгізу құқық бұзушылық деңгейін төмендетуге, азаматтардың тәртібін арттыруға және қоғамдық тәртіп пен экологияға жауапкершілікті көзқарас қалыптастыруға бағытталған.Фото: Ru.freepik.com

Қазақстанда қыркүйектен бастап айыппұлдар қоғамдық жұмыстармен алмастырылады

<a href="https://kyzylorda-news.kz/">Kyzylorda-news.kz</a> Мәжіліс депутаты Асхат Аймағамбетов мектеп асханасындағы қауіпсіздікті қамтамасыз етудің жаңа форматын <a href="https://kaz.inform.kz/news/end-mektep-ashanasin-eskertusz-tekseru-mumkn-284bae/">ұсынды.&nbsp;</a>— Мектептерді тексеру- жазалау ма, әлде шынайы бақылау ма? Санэпид қызметкерлері мектепке, балабақшаға келгенде не болады? Асхана жабыла ма, директорға айыппұл салына ма? Қауіпсіздік қалай? Бұл сұрақтар көптеген ата-ананы, мұғалімді, тіпті кәсіпкерлерді де мазалайды. Жылдар бойы қалыптасқан жүйе нақты бақылаудан гөрі формалдылыққа айналып кеткендей еді. Бірақ біз мұны өзгертпекпіз, — деп жазды Асхат Аймағамбетов Telegram парақшасында.&nbsp;Одан әрі халық қалаулысы жылдар бойы қордаланған проблемаларды атады:&nbsp;— Тексеріс туралы алдын ала ескерту қажет; —&nbsp;Қызметкерлер өзімен бірге рұқсат қағазын жинауы тиіс; —&nbsp;Айыппұл мектеп директорына салынады, оның заң бұзушылыққа тікелей қатысы болмаса да; —&nbsp;Шынайы бақылау мүмкін емес.Депутат нені өзгертпек?&nbsp;— Бақылау «күтпеген» форматқа көшеді, енді алдын ала ескерту болмайды; —&nbsp;Бастапқы тексеруде айыппұл салынбайды, алдымен ескерту, кеңес, ұсыныс беріледі; —&nbsp;Мектептер мен лагерьлерде жыл сайын оқу жылы алдында жоспарлы тексеріс жүргізіледі; —&nbsp;Қаржылық шығынды талап ететін заң бұзушылықтар үшін директор емес, әкімдік жауапты болады; —&nbsp;Балалардың өміріне қауіп төнген жағдайда, жедел шара қолданылады, яғни уақытша жабу, қызметкерді шеттету және т.&nbsp;б.; —&nbsp;Мектеп асханасы жеткізушілерінің тізімі жасақталады, қызметіне адал емес жеткізушілерге тосқауыл қойылады;<blockquote>— Балалардың қауіпсіздігі — ата-ананың ғана емес, бүкіл қоғамның жауапкершілігі. Санэпидбақылау — жай тексеру емес, ел болашағын — балаларымызды қорғаудың маңызды құралы, — дейді Асхат Аймағамбетов.&nbsp;</blockquote>Фото: &nbsp;pixabay.com

Енді мектеп асханасын ескертусіз тексеруі мүмкін  

<a href="https://kyzylorda-news.kz/">Kyzylorda-news.kz</a> 2025 жылы Халықты әлеуметтік қорғау саласындағы реттеу және бақылау комитетінің Қызылорда облысы бойынша департаменті халықты зейнетақымен және әлеуметтік қамсыздандыруда, медициналық – әлеуметтік сараптама жүргізуде, мүгедектігі бар адамдарды әлеуметтік қорғау және арнаулы әлеуметтік қызметтер туралы заңнаманың сақталуын бақылауда бірқатар жұмыстардың басында жүрді.Тағайындалған зейнетақы мен жәрдемақылардың 30 251 жаңадан рәсімделді. Сонымен қатар, «Мүгедектігі бар адамдардың орталықтандырылған деректер банкі» автоматтандырылған ақпараттық жүйеде облыс аумағында 34 768 мүгедектігі бар адамдар тіркелген. Департаменттің медициналық-әлеуметтік сараптама бөлімдерімен соңғы 6 айда 6 536 қызмет алушыларға мүгедектік тағайындауға қатысты мемлекеттік қызмет көрсетілген. Аталған кезеңде 1 321 қызмет алушыға алғаш рет мүгедектік тобы тағайындалған. Бұл туралы ҚР Еңбек және халықты әлеуметтік қорғау министрлігі Халықты әлеуметтік қорғау саласындағы реттеу және бақылау комитетінің Қызылорда облысы бойынша департаментінің басшысы Бекболат Шәріпбеков мәлімдеді.<blockquote>- Облыс аумағында 1 қаңтардан бастап 269,5 мыңнан астам зейнетақы мен жәрдемақы алушылардың төлем мөлшері қайта есептелінді. Есепті мерзімде Республикалық бюджеттен төленетін зейнетақы және әлеуметтік жәрдемақы тағайындауға қатысты 16 мемлекеттік қызмет түрі бойынша 55 639 қызмет алушыға мемлекеттік қызмет көрсетілді. Сондай-ақ, 25 388 іс-макеті қайта қаралды. Өткен жылдың 6 айында бұл көрсеткіш 25 203 болған еді. Яғни қайта қаралған макеттер саны 0,7 пайызға көбейген. 1 616 іс-макеттері бойынша зейнетақы және жәрдемақы тағайындаудан бас тарту туралы шешім қабылданды. Тағайындаудан бас тартуға 1 493 іс бойынша зейнетақы жинақтарының сомасы инфляция деңгейі ескерілген міндетті зейнетақы жарналарының сомасынан артық болуы себеп болған. Қалғандарына 123 іс құжаттарының толық болмауынан бас тартылған. Кері қайтарылған макеттердің басым бөлігі зейнетақы төлемдері мен көпбалалы отбасыларға берілетін жәрдемақылар. Есепті мерзімде 10 мың адамға шаққандағы алғашқы мүгедектіктің қарқынды көрсеткіші 15,6 пайызды құраған. 18 жасқа дейінгі балалар арасында мүгедектікке 455 бала шыққан, былтырғы 6 айда бұл көрсеткіш 509 болған, яғни есепті кезеңде 54 балаға немесе 11,8 пайызға азайған,- деді Бекболат Жүнісәліұлы.</blockquote>Фото: Қызылорда облысының Өңірлік коммуникациялар қызметі

Зейнетақы мен жәрдемақылардың 30 251 жаңадан рәсімделді

<a href="https://kyzylorda-news.kz/">Kyzylorda-news.kz</a> "Қайрат – Реал Мадрид" ойынының тізгінін кім ұстайтыны белгілі болды. Бұл туралы Stan.kz ақпарат агенттігі хабарлайды.Айта кетейік, матчтардың нақты кестесі 30 тамызда белгілі болады. Чемпиондар лигасы жалпы кезеңінің ойындары 16 қыркүйектен 28 қаңтарға дейін өтеді деп жоспарланған. Жеребе бойынша “Қайраттың” қарсыластары – мадридтік “Реал Мадрид”, белгиялық “Брюгге”, грециялық "Олимпиакос" және кипрлық "Пафос" командалары Қазақстанға келеді.Сонымен қатар "Қайрат" миландық "Интер", лондондық "Арсенал" және лиссабондық "Спортинг", даниялық “Копенгаген” футбол клубтарымен қонақта ойнайды.Танымал спорт блогері, желіде archibaaalt атымен белгілі Артур Асқарұлы "Қайрат – Реал Мадрид" футбол матчының комментаторы болатынын жазып, қуанышын қойнына сыйдыра алмады. Тіпті, көз жасына ерік берді.<blockquote>“Арманым орындалды. Матчты мен жүргізетін болдым”, – деп жылады блогер.</blockquote>Фото:&nbsp;https://www.instagram.com/archibaaalt

Қазақстан және Қызылорда облысының жаңалықтары