<a href="https://kyzylorda-news.kz/">Kyzylorda-news.kz.</a> Қызылорда облысы Шиелі аудандық полиция бөлімінің көші-қон қызметінің бастығы пара алды деген күдікпен ұсталды, деп хабарлайды Антикоррупциялық қызмет баспасөз қызметі.&nbsp;
<blockquote>
 “Сыбайлас жемқорлыққа қарсы қызмет Қызылорда облысы ҰҚКД-мен бірлесіп сыбайлас жемқорлық қылмыс жасады деген күдікпен Қызылорда облысы Шиелі аудандық полиция бөлімінің Көші-қон қызметінің бастығы полиция майоры әшкереледі.&nbsp;Ол Өзбекстан Республикасының 15 азаматына көші-қон карточкасын заңсыз тіркеу және беру үшін жеке кәсіпкерден 75 мың теңге сомасында пара алды деп күдіктеніп отыр”, – делінген хабарламада.&nbsp;
</blockquote>
Күдіктінің кінәсінің дәрежесі туралы түпкілікті шешімді сот шығарады.

Қызылордада көші-қон қызметінің бастығы пара алды деген күдікпен ұсталды (видео)

<a href="https://kyzylorda-news.kz/">Kyzylorda-news.kz.</a> <a href="https://kyzylorda-news.kz/"></a>Табысы 92 мың теңгеден аспайтын азаматтар “5-20-25” бағдарламасы бойынша әкімдіктерден кредиттік баспана ала алады. Бұл туралы үкімет отырысында белгілі болды, деп хабарлайды&nbsp;<a href="https://sputniknews.kz/economy/20191118/12057088/92-myn-tenge.html">Sputnik Қазақстан</a>.
<blockquote>
 “Табысы 3,1 ең төмен күнкөріс деңгейіне дейінгі азаматтарға (92 мың теңге) “5-20-25″ бағдарламасы бойынша әкімдіктердің кредиттік баспанасын алу мүмкіндігі беріледі”, – деді индустрия және инфрақұрылымдық даму министрі Бейбіт Атамқұлов үкімет отырысында.
</blockquote>
Министр елімізде тұрғын үйге қолжетімділік сатысы енгізілетінін атап өтті. Оның басты айқындаушы факторы халықтың табысы болмақ.
<blockquote>
 “Әрбір отбасы мүшесіне шаққанда табысы 1 ең төменгі күнкөріс деңгейінен аспайтын азаматтарға (29,7 мың теңге) сатып алу құқығынсыз жалға берілетін баспана ұсынылады. Олар жетім балалар, 1 және 2-топтағы мүгедектер, зейнеткерлер және тағы басқалары”, – деді ол.
</blockquote>
Ведомство басшысының айтуынша, “Бақытты отбасы” бағдарламасы бұрынғысынша табысы 59 мың теңгеге дейінгі қазақстандықтарға қолжетімді болады. Бағдарламаға көпбалалы, толық емес және мүгедек балалары бар отбасылар қатыса алады.
Ал табысы 92 мың теңгеден асатын азаматтарға “7-20-25” бағдарламасы ұсынылады. Табысы 148,5 мың теңгеден асатын адамдар ұлттық банктің “Баспана-хит”, Қазақстан ипотекалық компаниясының “Орда”, тұрғын үй құрылыс жинақ банкінің “Өз үйім” бағдарламалары арқылы жаңа және қолданыстағы пәтерлерді сатып алу мүмкіндігіне ие болады.
<blockquote>
 “Баспана алудың ашықтығы мен бірыңғай жүйелік есепке алуды қамтамасыз ету үшін кезекте тұрғандардың бірыңғай республикалық базасы енгізіліп жатыр”, – деді Атамқұлов.
</blockquote>
База деректері кезекте тұрғандар арасында баспананың қолжетімділігін анықтау үшін пайдаланылады.
Айта кетсек, бүгін үкімет 2020-2025 жылдарға арналған “Нұрлы жер” тұрғын үй-коммуналдық даму мемлекеттік бағдарламасының жобасын мақұлдады.
Жобаға мынадай бес міндет кірді:
<ul>
<li>бірыңғай тұрғын үй саясатын іске асыру;</li>
<li>халықты сапалы ауыз сумен және су бұру қызметтерімен ұтымды қамтамасыз ету;</li>
<li>тұрғын үй-коммуналдық секторды жаңғырту және дамыту;</li>
<li>тұрғын үй қорын күрделі жөндеу және қайта жаңарту;</li>
<li>сәулет, қала құрылысы және құрылыс қызметін жетілдіру.</li>
</ul>

Елімізде табысы 92 мың теңгеден аспайтындар үшін жағымды жаңалық болады

<a href="https://kyzylorda-news.kz/">Kyzylorda-news.kz.</a> Қызылорда облысында шағын және орта бизнеспен айналысатын кәсіпкерлердің саны 1393-ке көбейді. Жыл басында тіркелген шағын және орта кәсіпкерлік субьектілерінің ішінде жұмыс істеп жүргендерінің үлесі 86,32 пайызға ұлғайды.
Бұл туралы Өңірлік коммуникациялар қызметінің ақпарат алаңында облыстық кәсіпкерлік және туризм басқармасының басшысы Қожабергенов Фердоуси мәлімдеді.
<blockquote>
 «Биыл аймақта жастарды қолдау мақсатында мемлекеттен гранттар беру конкурсын өткізу үшін жиырма бір миллион теңге қаржыландыруға берілді. Конкурсқа қатысуға 473 шағын кәсіпкерлік субьектілері өтінім түсіп, оның 84-і қаржылай қолдау тапты. Соның ішінде 44 жоба жас кәсіпкерлерге тиесілі»,- деді Фердоуси Әбілқасымұлы.
</blockquote>
Сондай-ақ, бүгін “Байқоңыр Star-UP 3” бизнес-идеялар конкурсы өтеді. Шарада аймақ жастары өз бизнес жоспарларын ұсынады.

Қызылордада кәсіпкерлер саны артып келеді

<a href="https://kyzylorda-news.kz/">Kyzylorda-news.kz.</a> Қазақстанның басым бөлігінде бүгін ауа райы құбылмалы болады, деп хабарлайды «Қазгидромет».
Кәсіпорын таратқан мәліметтерге қарағанда, 20 қараша күні республиканың басым бөлігінде ауа райы құбылмалы болады. Кей жерлерде жауын-шашын (көбінесе қар) жауып, жел күшейсе, ендігі бір аумақтарда бұрқасын болып, тұман түседі, көктайғақ болуы ықтимал.
Жамбыл, Қызылорда облыстарының бірқатар аумақтарында көктайғақ болады, тұман түсіп, бұрқасын болады. Желдің жылдамдығы секундына 15-20 метрге жетеді. Қызылорда облысында күндіз желдің екпіні 23 м/с-ке дейін күшейеді.
Түркістан облысының кей жерлерінде жел 15-20 м/с жылдамдықпен ұйтқиды, тұман түсіп, көктайғақ болады.
Ақтөбе облысының кей жерлерінде тұман түсіп, желдің жылдамдығы секундына 15-20 м/с-қа жетеді, түнде – көктайғақ болып, жаяу бұрқасын соғады.
Алматы, Атырау облыстарының бірқатар аумақтарында тұман түсіп, көктайғақ болады, күндіз желдің жалдамдығы секундына 15-20 метрге жетеді. Атырау облысының кей бөліктерінде бұрқасын күтіледі.
Маңғыстау, Қарағанды, Шығыс Қазақстан облыстарының кей жерлерінде тұман түсіп, көктайғақ болады.
Қарағанды, Шығыс Қазақстан облыстарының бірқатар аймақтарында бұрқасын болады.
Ақмола облысының кей жерлерінде жаяу бұрқасын күтіледі.
Батыс Қазақстан, Қостанай, Солтүстік Қазақстан, түнде Павлодар облыстарының кей жерлерінде тұман болуы ықтимал.

Қазгидромет: Қарашаның 20-ы күнгі ауа райы болжамы

Дүниежүзілік балалар күні
1954 жылы БҰҰ-ның Бас Ассамблеясы «Дүниежүзілік балалар күнін» барлық елдерде мерекелеуді ұсынды. 1959 жылы осы күні Балалар құқығы декларациясы, ал 1989 жылы Балалар құқығы конвенциясы қабылданды.
1923 жылы&nbsp;«Советская степь» газеті жарыққа шықты. Газет күн сайын шығып тұратын. Бас редакторы Л.Хейфец болды. 1932 жылы атауы «Казахстанская правда» болып өзгертілді. 
1998 жылы&nbsp;Байқоңыр ғарыш айлағынан халықаралық ғарыш стансасының алғашқы модулі ұшырылды.
2013 жылы&nbsp;Лондонда Қазақстан елшілігінің жаңа ғимараты ашылды.
2014 жылы&nbsp;Қазақстан Республикасы Сан-Томе және Принсипи Демократиялық Республикасымен дипломатиялық қатынастар орнатты. Бірлескен коммюникеге Қазақстан мен Сан-Томе және Принсипидің БҰҰ жанындағы тұрақты өкілдері – Қайрат Әбдірахманов және Карлос Филомено Агостиньо дас Ниевес қол қойды. Сан-Томе және Принсипи – Батыс Африкада орналасқан арал мемлекет. Халқы 200 мыңнан астам. Жоғарғы заң шығарушы органы – бір палаталы Ұлттық жиналыс. Басқару формасы – президенттік республика.

20 қараша: Атаулы күндер мен оқиғалар

<a href="https://kyzylorda-news.kz/">Kyzylorda-news.kz</a> ақпараттық агенттігінің 20 қарашаға арналған жұлдыз-жорамалы.
Тоқты 
Өз-өзіңізді қинамаңыз. «Қажет емес» деген сөзді дәл бүгін пайдаланбағаныңыз жөн.
Торпақ 
Өз міндеттеріңізбен қатар жаныңыздағы адамдарға да әлденені үйретуге тура келеді. Тек сабырлы болыңыз.
Егіздер 
Бүгін отбасыңызбен үстел басына жиналып, әркім өз жаңалықтарымен бөлісіп, қызықты идеяларын ортаға салсын.
Шаян 
Жеке өміріңізде айтарлықтай жаңалық жоқ. Ал жұмыста шаруа бастан асады. Тапсырманы уақытында орындағаныңыз жөн.
Арыстан 
Біреу сізге арамдық ойлап жүр. Іштей оның кім екенін де біліп жүресіз. Бірақ оған бұл туралы ашық айтудың қажеті жоқ.
Бикеш 
Бүгін көңіл-күйіңіз жоқ. Сырқаттанып қалғанға ұқсайсыз. Алайда дәрі-дәрмек қабылдаудың қажеті жоқ.
Таразы 
Бүгін жақындарыңызға өз жоспарларыңыз туралы айтудың қажеті жоқ. Олар сіздің ойыңызды түсініп, қолдау көрсететін болады.
Сарышаян 
Бүгін жұмыстан ерте кетудің қажеті жоқ. Себебі бүгін жұмыс аяғында сізді тосынсый күтіп тұр.
Мерген 
Бүгін жалғыз қалмауға тырысыңыз. Көпшіліктің ортасында, көңілді кештерден табылғаныңыз жөн.
Тауешкі 
Бүгін дәрі-дәрмек, ем-дом қабылдамағаныңыз жөн. Себебі олар денсаулығыңызға кері әсерін тигізетін болады.
Суқұйғыш 
Бүгін өз жұмысыңызға деген ынтаңыз артып, тапсырмаларды орындауға бар күш-жігеріңізді саласыз.
Балықтар 
Бүгін сіздің күніңіз. Сүйіктіңіз сіздің айтқаныңызды екі етпейтін болады. Ал басыңыз бос болса, жақын арады екінші жартыңызды жолықтырасыз.

Жұлдыздар не дейді?

<a href="https://kyzylorda-news.kz/">Kyzylorda-news.kz.</a> Қызылорда облысында заңсыз көші-қонды ұйымдастырған шетелдік азамат бас бостандығынан айырылды.
Қызылордада биыл 24 мың шетел азаматы уақытша тіркелген. Олардың дені, яғни 94 пайызы өзбекстандықтар. Дегенмен олардың 10 мыңнан астамы жұмыс істеуге рұқсат алмаған, еңбекші мигрант ретінде тіркелмеген.
Былтыр жүргізілген тексеру нәтижесінде шетел еңбек мигранттарының полиция органдарына ұсынған 1 400 медициналық анықтаманың медицина ұйымдары тарапынан берілмегені анықталды. Олардың арасында Жаңақорғанда 500, Қазалыда 334, Қармақшыда 187, Жалағашта 84, Сырдарияда 71, Аралда 37, Шиеліде 36, Қызылорда 137 осындай жағдай орын алған.
<blockquote>
 «Сондай-ақ, Ұлттық қауіпсіздік комитетінің Қызылорда облысы және Байқоңыр қаласы бойынша департаментімен жүргізілген жедел-іздестіру шаралары барысында заңсыз көші қонды ұйымдастырған 2 шетелдік азамат ұсталған. Сот үкімімен олар бас бостандығынан айырылды. Сонымен қатар жалған дипломмен жұмыс істеген шетелдік белгілі болды. Прокурорлық қадағалау актісімен олардың рұқсаты кері қайтарылып, республика аумағынан шығарылды. Осыған орай, көші-қон және шетелдік жұмыс күшін тарту заңнамаларының сақталу жағдайы заңдылықты, құқықтық тәртіпті және қылмысқа қарсы күресті қамтамасыз ету жөніндегі облыстық үйлестіру кеңесінің отырысында қаралып, осы бағыттағы ортақ міндеттер мен іс-шаралар айқындалды», – деп мәлім етті Қызылорда облысы прокуратурасының баспасөз хатшысы Ғабит Ұзақбай.
</blockquote>

Қызылордада заңсыз көші-қонды ұйымдастырған 2 шетелдік азамат сотталды

<a href="https://kyzylorda-news.kz/">Kyzylorda-news.kz.</a> Қараша айының 9-16 күндері аралығында Қызылорда қалалық Полиция басқармасы қызметкерлерімен&nbsp; облыс орталығында «Қайыршы» жедел-профилактикалық іс-шарасы өткізілді. Бұл туралы облыстық полиция департаментінің баспасөз қызметі хабарлады.
Аталған іс-шараға көші-қон қызметі, патрульдік полиция және учаскелік полиция инспекторлары жұмылдырылды.
Іс-шараның&nbsp; барысында&nbsp; полиция органдарына әр түрлі әкімшілік құқық бұзушылық жасаған&nbsp; 266 тұлға жеткізіліп, баланы тәрбиелеу және оқыту бойынша міндеттерін орындамаған 24 ата-ана ҚР ӘҚБтК-нің 127-бабы бойынша жауапкершілікке тартылды. Сонымен қатар қоғамдық орындарда тиісу, қайыршылық&nbsp; жасаған 99&nbsp; азамат&nbsp; -ҚР ӘҚБтК-нің 449-бабын, 79 – ӘҚБтК-нің 517-бабы 1-бөлігімен (ҚР тіркеусіз болу, мерзімінің аяқталуынан кейін 3 тәулікке дейінгі мерзімде ІІО-на келу), 26 – ҚР ӘҚБтК-нің 517-бабы 2-бөлігімен (тіркеу кезінде көрсетілген мекен-жай бойынша тұрмау, транзит қағидаларын сақтамау),&nbsp; 38 – ҚР ӘҚБтК-нің 517-бабы 5-бөлігімен (жүзеге асыратын қызметі визада және тіркеу кезінде көші-қон карточкасында көрсетілген мақсаттарға сәйкес болмауы).
&nbsp;Сондай ақ, іс-шара аясында облыстық кәмелетке толмағандарды бейімдеу орталығына 10 бала жеткізілді. Оның біреуі қайыршылықпен айналысқан,&nbsp; 9-ы заңды өкілдерінің еріп жүруінсіз түнгі уақытта&nbsp; тұрғын жайдан тыс жерде болғаны үшін орналастырылды. Жасөспірімдердің ата-аналары әкімшілік жауапкершілікке тартылып, олармен профилактикалық әңгімелер жүргізілді.
<img src="https://kyzylorda-news.kz/wp-content/uploads/2019/11/19ataana2.jpg" alt="" />

Қызылордада қайыршылықпен айналысқан балалардың ата-аналары жауапкершілікке тартылды

<a href="https://kyzylorda-news.kz/">Kyzylorda-news.kz.</a> Қазақстандағы көне ірі қалалардың біріне жататын – Сығанақ қаласы кезінде қазақ халқының басын құраған Ақ орданың астанасы болған. Сыр бойының мәдениетті, сәулетті де көрікті әрі саудасы мен қол өнер кәсібі дамыған 15 мұнаралы қорғаны болған қала&nbsp; Ұлы Жібек керуен жолының бойында&nbsp; жатқан басты қалалардың бірі.
Бүгінде Сығанақ қалашығы «ЮНЕСКО-ның алдын-ала тізіміне және «Қазақстанның киелі жерлерінің географиясы» жобасы аясында Республикамыздың «Жалпыұлттық қасиетті нысандар» тізіміне енген.
Қызылорда облыстық тарихи-өлкетану музейінің “Өлке тарихы” ғылыми-зерттеу бөлімі&nbsp; Тұңғыш Президент-Елбасы Н.Ә.Назарбаевтың “Рухани жаңғыру” және “Ұлы даланың жеті қыры бағдарламалық мақалалары және Жастар жылы аясында жас ұрпақты рухани мәдениетке тарту және тарихи-мәдени мұраны насихаттау мақсатында «Сығанақ – Алтын орда төрі» тарихи-танымдық экспедициясын ұйымдастырды. Шараға “Рухани жаңғыру” орталығының қызметкерлері, “Жас Ұлан” ББЖ ұйымының мүшелері, тарихшылар мен музей қызметкерлері және БАҚ өкілдері қатысты.
<blockquote>
 «Сығынақ қыр даланың іргесінде әдемілеп салынған шаһар. Ескі дәуірлерде ол өте гүлденіп тұрған үлкен қаланың бірі болған. Бұл шаһардың халқы да көп болған. Қаланың базарында күн сайын 500 түйеге тартылған тауар 500 түйе етінен жасалған кәуап 1000 қой еті, 1500 сиыр&nbsp; еті сатылып кетіп отырған деп жазған Әлекей Марғұланның «Ежелгі жыр аңыздар» атты еңбегінде. Сығанақ қыпшақ хандарының&nbsp; құрылтай өткізіп, ақылдасатын ордасына айналған. Ұлы Жібек Керуен жолының бойында жатқан сәулетті де сәнді Сығанақ шаһары Қыпшақ даласының қақпасы атанған. Бұл қаланың қаншама жаудың шапқыншылығын көрседе дамып отырғаның көрсетті. 1219 жылы Сығанақ қаласы манғол шапқыншылығына ұшырайды. Қала халқы 7 күн бойы&nbsp; берілмей қарсыласып бағады. Бірақ күші басым Жошы қаланы басып алып халқын қырып жойып, қалашықтың күл талқанын шығарады. ХІІІ ғасырда Сығанақ қаласы қайтадан жанданады, көркейеді. Сыр бойындағы саяси және экономикалық орталыққа айналады. Сығанақ қаласы жан–жақтан басып алушылардың аласапыран оқиғаларын басынан өткізігендіктен,құлдырады. Дегенмен, Сығанақ қаласы кезінде мәдениеті өркендеп өнері дамып білім ордасына айналған, үлкен кітапханасы болған ғұламалар шыққан қала. Мәселен, бұл қалашықта ХІІ ғасырдың орта тұсында Хисамеддин Сығанақи дүниеге келген. Оның толық аты–Хусам ад Дин Әл Хусейн бин Әли ас Сығанақи. Мұнда Әли әкесінің аты болса Сығанақ осы қаладан екені белгілі. Осы кіші күмбез сарайда Әл–Сығанақи ақын жерленген&nbsp; жергілікті жұрт ақынды әулие тұтып, басына құрбандық шалған садаққа берген, бертін келле ол әулиені Сунақата деп атап кеткен», – Жаңақорған&nbsp; аудандық&nbsp; тарихи-өлкетану&nbsp; музейі филиалының экскурсоводы Бақдаулет Хайруллаұлы. &nbsp;
</blockquote>
Шара барысында “Жас Ұлан” ББЖ ұйымының мүшелері сала мамандарынан көптеген мәліметтер алып, өз ойларын ортаға салды. Оқушылардың тарихқа деген қызығушылықтарын байқаған тарихшылар да ХІ ғасырда Қыпшақ мемлекетінің саяси әрі мәдени орталығына айналған қала тұрғындары суармалы егіншілікпен айналысқанын және ауыз су жер асты құбырлары арқылы Сырдария өзенінен келіп тұрғаны жайында тілге тиек етті.&nbsp; Сондай-ақ, қалашық орнынынан табылған&nbsp; жер асты құбырлары (лас суларды айдайтын) сол заманда өмір сүрген адамдардың өркениетке ұмтылғандықтарын білдірді.
Республикалық маңызы бар, мемлекет қорғауына алынған тарихи-мәдени мұрамызға 2003 жылдан бастап Қожа Ахмет Яссауи атындағы Халықаралық қазақ-түрік университеті (ХҚТУ) «Археология және этнология» кафедрасының меңгерушісі тарих ғылымының докторы, профессор С.Жолдасбаевтың жетекшілігімен ғылыми-зерттеу жұмыстары жүргізіліп келеді. &nbsp;2004 жылы қаланың шығыс қақпасының алдынан ғалым, ислам дінінің көрнекті өкілі Хиссамидин&nbsp; (XIV ғасыр) салғызған мешіт-медресе табылып, 2005-2006 жылдары археологиялық қазба жұмыстары жасалды. 2007 жылы Мешіт-медресе топырақтан тазартылып, «Мәдени мұра» бағдарламасы аясында қайта қалпына келтірілген болатын.
<img src="https://kyzylorda-news.kz/wp-content/uploads/2019/11/19syganak2.jpg" alt="" />
<img src="https://kyzylorda-news.kz/wp-content/uploads/2019/11/19syganak3.jpg" alt="" />
<img src="https://kyzylorda-news.kz/wp-content/uploads/2019/11/19syganak4.jpg" alt="" />
<img src="https://kyzylorda-news.kz/wp-content/uploads/2019/11/19syganak5.jpg" alt="" />

Қызылордадағы Сығанақ қалашығында танымдық экспедициясы өтті (ФОТО)

<a href="https://kyzylorda-news.kz/">Kyzylorda-news.kz.</a> «Fly Arystan» әуе компаниясы 2020 жылдан бастап «Алматы–Қызылорда-Алматы», «Нұр-Сұлтан-Қызылорда-Нұр-Сұлтан» бағытында тұрақты рейсін енгізді. Билет құны 5 999 теңгеден басталады. Бұл туралы облыстық жолаушылар көлігі басқармасы хабарлады.
<blockquote>
 «Қызылорда қаласының тұрғындары мен қала қонақтары, келер 2020 жылдың наурыз айынан бастап «Fly Arystan» әуе компаниясының рейстері ашылады», – делінген хабарламада.
</blockquote>
Айта кетейік, рейс жиелігі аптасына 7 рет. Билеттер қаңтар айынан бастап сатылымда болады.

Қызылордада «Fly Arystan» әуе компаниясының тұрақты рейсі ашылды

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> Қызылордалық нұротандықтар Тұңғыш Президент күні мерекесіне орай «Партия паркін бірге қалыптастырамыз» атты акция өткізіп, қала шетінен арнайы партия алеясын жасақтады.
Бір қызығы «Nur Otan» партиясы облыстық филиалының бастамасымен ұйымдастырылған акция Арал ауданын басталып челендж арқылы өзге аудандарда да жүзеге асқан. Бүгін аталмыш челленджі облыстық партия филиалының аппараты, Қызылорда қалалық және Тұран, Теміржол филиалдары мен бірге Жалағаш аудандық партия филиалынан қабылдап, қорытындылап отыр.
Акция аясында аудандық партия филиалдары 500 ағаш отырғызса бүгінгі акцияға барлық бастауыш партия ұйымдарының төрағалары, партия ардагерлерлері, мәслихаттардағы фракция мүшелері мен аудандық партия филиалдары төрағаларының бірінші орынбасарлары, жасотандықтар қатысып, 500 түп терек, 30 туя ағашын отырғызды. «Нан бар жерде, ән бар» деген ниетпен шара барысында «Бауырсақ пати» ұйымдастырылып, тал егушілер бір-біріне ыстық бауырсақ үйлестірді.
<blockquote>
 «Акцияның негізгі мақсаты туған жерді гүлдендіру, жасыл желекке айналдырып, экологиялық акцияға үлес қосу және «Тұңғыш Президент» күні мерекесі қарасаңында Елбасы, Төрағалық ететін «Nur Otan» партиясының жасыл алеясын қалыптастыру болып табылады, деді облыстық партия филиалы төрағасының бірінші орынбасары Ақмарал Әлназарова.
</blockquote>
Халықымызда «Мың жылдығын ойлаған ағаш егеді. Атадан мал қалғанша – тал қалсын. Бір тал кесең- он тал ек» – деген даналы сөздер бар. Тағлымы мол акцияны жалғастыруды қызылордалық нұротандықтар барша жерлестерімен қатар өзге өңірлердегі партияластарына жолдады.
<img src="https://kyzylorda-news.kz/wp-content/uploads/2019/11/19partiyapark2.jpg" alt="" />
<img src="https://kyzylorda-news.kz/wp-content/uploads/2019/11/19partiyapark3.jpg" alt="" />
<img src="https://kyzylorda-news.kz/wp-content/uploads/2019/11/19partiyapark4.jpg" alt="" />

Қызылордада «Партия паркін бірге қалыптастырамыз» акциясы өтті (ФОТО)

<a href="https://kyzylorda-news.kz/">Kyzylorda-news.kz.</a> <a href="https://kyzylorda-news.kz/"></a>Қызылорда қаласындағы Е.Әуелбеков атындағы дарынды балаларға арналған №4 облыстық мектеп-интернатында «Парасатты отбасы» байқауының облыстық кезеңі қорытындыланды. &nbsp;
Байқауды Қызылорда облысының білім басқармасы мен ҚР Сыбайлас жемқорлыққа қарсы іс-қимыл агентігінің Қызылорда облысы бойынша департаменті ұйымдастырды.
Байқау шарты бойынша қатысушыладың балалары қоғамдық іс-шараларға белсене қатысатын, спорт немесе өнермен шұғылданатын, ата-ана тәрбиесін қоғамдық өмірде көрсете алатын, көптеген әдеби-публицистикалық әдебиеттерден хабардар болуы тиіс болды.
«Парасатты отбасы» бейнеролик байқауы «Адалдық алаңы» республикалық жобалық кеңсесі аясында парасатты отбасы құндылықтарын насихаттау, отбасындағы бауырмалдық, қайырымдылық, достық қарым-қатынасты қалыптастыру, парасатты тұлғаны дамыту, қайырымды оқушыны анықтау мақсатында өткізілді.
Сайыстың облыстық кезеңінде қатысушылар «Менің отбасым» тақырыбында бейнероликтер әзірледі. Бейнесюжеттер арқылы сайыскер отбасылардың еңбектегі, оқудағы жетістіктер мен отбасылардың әдет-ғұрып, жөн-жоралғыларға қаншалықты мән беріп, бос уақыттарын қалай өткізетіндігі жайында пайдалы да өнегелі мәліметтерді ұсынды. Қатысушылар «Менің отбасым» тақырыбында бейнероликтер әзірледі.
Байқау талабына сай Арал ауданы Жандәулетовтер отбасы І орынды иеленді. Ал ІІ орынды қазалылық Жарылқасыновтар қанжығаға байласа, Жаңақорған ауданынан келген Салыбековтер отбасы ІІІ орынға жайғасты.
Айта кетейік, ағымдағы жылдың 30 қазанына дейін бейнероликтер байқауының аудандық, қалалық кезеңдері өткізіліп, үздік деп танылған бейнеролик облыстық кезеңге жіберілді.
<img src="https://kyzylorda-news.kz/wp-content/uploads/2019/11/19parasattyotbasy2.jpg" alt="" />

Қазақстан және Қызылорда облысының жаңалықтары