<a href="https://kyzylorda-news.kz/">Kyzylorda-news.kz</a> Қызылорда облысы аумағынан өтетін&nbsp;«Самара-Шымкент» автожолында жол таңбалары сызылып және сапасы сыр берген бірнеше учаскесінде орташа жөндеу жұмыстары қарқынды жүріп жатыр.&nbsp;Күре жолда көлік қозғалысы мен жолаушылардың қауіпсіздігі маңызды.&nbsp;Сондықтан, жыл сайын жол белгілері мен жол таңбалары талапқа сай жаңғыртудан өтеді. Әсіресе, түнгі мезгілде белгілер жарық қайтарғыш қасиетке ие болуы тиіс. Осыған орай, «Жол активтері сапасының ұлттық орталығы» ҚОФ мамандары тас жолдағы таңбалар мен белгілерді арнайы ретрорефлектометр құрылғысымен тексеріп, олардың талапқа сай жасалғанын анықтады.&nbsp;Мұнан бөлек,&nbsp;орталық қызметкерлері&nbsp;республикалық маңыздағы автожолдың орташа жөндеу жұмыстары жүріп жатқан учаскесіне барып, құрылыс барысынан бірнеше сынама алды. Жолдың астыңғы қабатына төселетін қиыршық тастардың құрамы әрі қарай зертханалық тексеруден өтеді.<blockquote>&nbsp;–&nbsp;Жалпы «Самара-Шымкент» автожолы аймақтағы көлік ағыны жоғары өңірдегі негізгі күре жол. Күніне шамамен 10-15 мың көлік қатынайды. Сондықтан, орталық мамандары тарапынан тасжолға ұдайы бақылау жүргізіліп, әрбір атқарылған жұмыс жіті тексеріледі. Жол белгілері мен таңбалары талапқа сай жасалған. Бірнеше учаскесінде орташа жөндеу жұмыстары қарқынды жүріп жатыр. Оның да сапасы біздің бақылауымызда болады», – дейді «Жол активтері сапасының ұлттық орталығы» ҚОФ зертхана меңгерушісі Мағжан Қасымхан.</blockquote>

Мамандар «Самара-Шымкент» автожолын тексерді 

<a href="https://kyzylorda-news.kz/">Kyzylorda-news.kz</a> Мемлекет басшысы суды үнемдеу мәдениетін қалыптастыру және суды нормативтен артық пайдаланғандарға жоғары тарифтер енгізу мүмкіндігін қарастыруды ұсынған болатын. Осыған орай, Қызылордада ауыз сумен қамтамасыз ету және сарқынды суды бұру қызметтеріне 2025–2030 жылдарға арналған дифференциалды тариф бекітілді. Тариф мамыр айынан бастап қолданысқа енгізілді. Аталған шаралар «Қызылорда су жүйесі» МКК-ның қызметі аясында жүзеге асып жатыр. Бұл туралы «Қызылорда су жүйесі» мемлекеттік кәсіпорынының басшысы Жасұлан Абатов баяндады.Ауыз су және кәріз жүйелерінің тұрақты әрі сапалы жұмысын қамтамасыз ету мақсатында кәсіпорын өз қаражаты есебінен бірқатар жұмыстар атқарды. Атап айтқанда, ауыз су нысандарына, кәріз жүйесіне тиісті қаржы бөлініп, күрделі жөндеу жұмыстары жүргізілді. Нақты нәтижелерге тоқталсақ. 340 метр су құбырына күрделі жөндеу жасалды, 39 дана тозығы жеткен ысырма мен кері клапан ауыстырылды, 57 насос қондырғысы мен 8 электрқозғалтқышқа күрделі жөндеу жүргізілді,тозған 287 дана шойын қақпақ, сондай-ақ 75 дана темірбетон жабынды жаңасымен алмастырылды, 45 арнайы техника мен автокөлікке жөндеу жұмыстары жасалды. Ауыз су жүйесінде орын алған 604, ал кәріз жүйесінде 1 184 ақау қалпына келтірілді. Ауыз су қызметі бойынша да нақты жұмыстар атқарылды. Жалпы 183,2 метр құбыр жөнделіп, 40 дана өрт сөндіру гидранты сатып алынды.Кәсіпорын тарапынан қолға алынған бұл шаралар қала тұрғындарын сапалы ауыз сумен қамту және кәріз жүйесінің сенімді жұмысын қамтамасыз етуге бағытталған. Дифференциалды тариф жүйесі ресурсты тиімді пайдалануға ынталандырып, су үнемдеу мәдениетін қалыптастыруға сеп болмақ, – деді Жасұлан Уәлиұлы.Фото: Өңірлік коммуникациялар қызметі

Аймақта ауыз су мен кәріз қызметіне дифференциалды тариф енгізілді

<a href="https://kyzylorda-news.kz/">Kyzylorda-news.kz</a> Биылғы негізгі Ұлттық бірыңғай тестілеу басталғаннан бері 116 мыңға жуық сынақ өткізілді. Бұл туралы Ғылым және жоғары білім министрлігінің баспасөз қызметі <a href="https://kaz.inform.kz/news/ubt-keznde-142-erezhe-buzushilik-aniktaldi-ministrlk-51d0a8/">хабарлады</a>.Атап айтқанда, 2025 жылғы 16 мамырда басталған негізгі ҰБТ аясында талапкерлердің 72 пайызы тестілеуді қазақ тілінде, 28 пайызы орыс тілінде тапсырса, 114 үміткер сынақты ағылшын тілінде тапсырған.Екінші аптаның қорытындысы бойынша тест тапсырушылардың 66,8 пайызы шекті балл жинаған. Бес пән бойынша орташа көрсеткіш 64 балл болды. Ең жоғары нәтиже – 140 балл Түркістан облысының талапкері Әбілхан Жәнібектің еншісінде.&nbsp;Ол бұл көрсеткішке тестілеудің алғашқы аптасында қол жеткізген.Министрлік мәліметінше, талапкерлер арасында ең көп таңдалған пәндер комбинациясы – «Математика-Физика» (19%), «Шығармашылық емтихан» (15%) және «Биология-Химия» (14%).Ерекше білім беру қажеттіліктері бар талапкерлер үшін жасалған қолайлы жағдайлардың арқасында 384 үміткер ҰБТ-ға қатысқан.ҰБТ-ны өткізудің алғашқы аптасында 142 ереже бұзушылық фактісі тіркелген. 68 талапкер тыйым салынған заттарды – смартфондар мен шпаргалкаларды – аудиторияға алып кірмек болғаны үшін тесттен шеттетілді. Тағы 74 адам тестілеу барысында ереже бұзғаны үшін аудиториядан шығарылып, олардың нәтижелері жойылған. Өзге тұлғаның орнына кіру деректері тіркелмеген.2025 жылғы ҰБТ аяқталғаннан кейін күнтізбелік жылдың 31 қазанына дейін барлық бейнежазбаға талдау жүргізіледі. Егер тестілеу кезінде ереже бұзу немесе тыйым салынған заттарды пайдалану фактілері анықталса, талапкердің нәтижелері жойылады.Айта кетейік, тест тапсырғаннан кейін 30 минут ішінде талапкерлер тест мазмұны бойынша апелляцияға өтініш бере алады. Ал техникалық себептер бойынша өтініштер тестілеу кезінде қабылданады. Апелляция қаралған соң, нәтижелері бар сертификаттар талапкерлердің жеке кабинеттеріне жүктеледі.Фото: Нұрболат Нұржаубай

ҰБТ кезінде 142 ереже бұзушылық анықталды – министрлік

<a href="https://kyzylorda-news.kz/">Kyzylorda-news.kz</a> Әлеуметтік медициналық сақтандыру қоры халық арасында ақпараттық-түсіндіру жұмыстарын жалғастыруда. Екінші деңгейлі банк мамандарымен өткен кездесулерде Қор филиалының сарапшылары міндетті әлеуметтік медициналық сақтандыру жүйесінің артықшылықтары, жарналарды дұрыс төлеу тәртібі және кімдер МӘМС-ке төлемнен босатылғаны туралы түсіндірді.Кездесулер «Halyk Bank», «Kaspibank», «Банк ЦентрКредит», «ForteBank», «Bereke Bank» банктерінің филиалдарында өтті. &nbsp; Сарапшы Алия Убисултанованың айтуынша, жұмыс беруші МӘМС жарналарын есептеу барысында төлем тағайындау кодын (бұдан әрі – ТТК) дұрыс көрсетуі аса маңызды. Атап айтқанда: аударым мөлшері – 3%, ТТК – 121; жарна мөлшері – 2%, ТТК – 122. &nbsp;Сонымен қатар, спикер халықтың белгілі бір әлеуметтік санаттары үшін жұмыс берушілердің МӘМС төлемдерінен босатылғанын мәлімдеді. (толығырақ: https://msqory.kz/kk/naseleniyu/chastye-voprosy/platezhi-i-vozvraty/?sphrase_id=25984)Кездесу барысында МӘМС жүйесіне қатысудың маңыздылығы ерекше атап өтілді. &nbsp;«Сақтандырылған» мәртебесі сапалы медициналық көмекке қол жеткізуге мүмкіндік береді, аурулардың немесе жарақаттардың қаржылық тәуекелдерін азайтады және уақтылы медициналық көмек арқылы қоғамдық денсаулықты сақтауға ықпал етеді.<img src="https://knadmin.beoblood.kz/uploads/banki_daad1f67c0.jpg" alt="банки +.jpg">

Неліктен әрбір азамат МӘМС жүйесінің қатысушысы болуы керек?

<a href="https://kyzylorda-news.kz/">Kyzylorda-news.kz</a> Кеше ҚР Премьер-министрінің бірінші орынбасары Роман Скляр «Байқоңыр» ғарыш айлағы мен қаласының 70 жылдық мерекесіне орай Байқоңырға жұмыс сапарымен келіп, «Роскосмос» МК бас директоры Дмитрий Бакановпен кездесті.Басқосуға облыс әкімі Нұрлыбек Нәлібаев, облыс әкімінің орынбасары, Қазақстан Республикасы Президентінің «Байқоңыр» кешеніндегі арнаулы өкілі Қайрат Нұртай, Байқоңыр қаласы әкімшілігінің басшысы Константин Бусыгин, Ресей Федерациясының Қазақстан Республикасындағы төтенше және өкілетті елшісі Алексей Бородавкин, Ресейден келген делегация, жауапты сала басшылары қатысты.Кездесуде «Бәйтерек» жобасын жүзеге асыру барысы, алдағы жоспар талқыланды. Роман Скляр «Роскосмос» МК бас директорының халықаралық ынтымақтастық жөніндегі орынбасары Сергей Савельевті ІІ дәрежелі «Достық» орденімен марапаттаса, Дмитрий Баканов ҚР Цифрлық даму, инновациялар және аэроғарыш өнеркәсібі министрі Жаслан Мадиевке «Космос без границ» медалін табыстады.Басқосудан кейін қонақтар «Бәйтерек» ғарыш зымыран кешенінің құрылыс жұмыстарымен арнайы барып танысты.Айта кетейік, Қызылорда облысының әкімдігі Байқоңыр қаласының объектілерін тиімді пайдалану үшін нысандарды жалдан шығару бағытында тұрақты жұмыс жүргізуде. Тұрғын үй мәселесін шешу үшін «Нұрлы жер» бағдарламасы аясында 50 пәтерлік бес тұрғын үйдің құрылысын аяқтады. Жаңа 7 «А» шағын ауданы құрылды.Қазіргі уақытта тағы бес тұрғын үйдің құрылысы жүргізілуде.Қаланың сумен жабдықтау және су бұру желілері жалдан шығарылып, облыстық коммуналдық меншікке беріліп, 11,4 шақырым кәріз желілері жөнделді.Мұндақазақстандық 5 мектеп, 5 балабақша,Байқоңыр қаласының әкімшілігіне қарасты 7 мектеп, 10 балабақшабар.<img src="https://knadmin.beoblood.kz/uploads/Baj_o_yr_alasyny_m_seleleri_tal_ylandy_1_bdbbb91560.jpg" alt="Байқоңыр қаласының мәселелері талқыланды 1.jpg"><img src="https://knadmin.beoblood.kz/uploads/Baj_o_yr_alasyny_m_seleleri_tal_ylandy_2_a2f3d9fa6b.jpg" alt="Байқоңыр қаласының мәселелері талқыланды 2.jpg"><img src="https://knadmin.beoblood.kz/uploads/Baj_o_yr_alasyny_m_seleleri_tal_ylandy_3_7de70a678b.jpg" alt="Байқоңыр қаласының мәселелері талқыланды 3.jpg"><img src="https://knadmin.beoblood.kz/uploads/Baj_o_yr_alasyny_m_seleleri_tal_ylandy_4_82e836e3ee.jpg" alt="Байқоңыр қаласының мәселелері талқыланды 4.jpg">Фото: Қызылорда облысы әкімінің баспасөз қызметі

Байқоңыр қаласының мәселелері талқыланды

<a href="https://kyzylorda-news.kz/">Kyzylorda-news.kz</a> Қазір елімізде шегіртке шабуылымен күрес шаралары қарқынды жүріп жатыр. Толығырақ Премьер-министрдің орынбасары – Ұлттық экономика министрі Серік Жұманғарин айтып берді. Бұл туралы <a href="https://kaz.inform.kz/news/kizilorda-oblisinda-shegrtke-shabuili-turali-zhalgan-akparat-taratkandar-katan-zhazalanadi-fd73ac/">kaz.inform.kz</a> хабарлады.<blockquote>– Қазір шегірткелер шабуылының соңғы кезеңі өтіп жатыр. Келесі жылы, әрине, мұндай көлемдегі шабуыл болмайды. Таңертең шегірткеге қатысты республикалық жедел штаб отырысын өткіздім. Біріншіден, Қызылорда облысында жалған ақпарат таратқандарға қарсы қатаң шаралар қолданамыз. Өйткені халық арасында дүрбелең туғызады. Бұл өңірде шегірткемен күрес жұмысы аяқталуға жақын. Егістікке ешқандай зиян келмеді. Түркістан және Жамбыл облысында да осы жағдай, - деді Серік Жұманғарин Мәжілісте өткен Үкімет сағатынан кейін.</blockquote>Оның айтуынша, шегірткенің көбеюі 12 жыл сайын қайталанады.&nbsp;Сондай-ақ вице-премьер қазір қауіпті аймақтар ретінде Ақтөбе мен Қостанай облысы және Ресеймен шекараны айтып отыр. Себебі шегіртке Ақмола облысына өтіп кетуі мүмкін.<blockquote>– Ауыл шаруашылығы министрі Ақтөбе облысына ұшып кетті, кейін Қостанай облысына барады. Біз ауқымды жұмысқа кірісіп жатырмыз. Ешқандай кері әсер болмайтынына 100% сенімдімін. Өйткені өткен жылғы тәжірибе бар. Дрондар сатып алдық, 3445 адамды даланы зерттеу жүргізуге шығардық, ресурс жеткілікті, - деп толықтырды Үкімет басшысының орынбасары.</blockquote>Айта кетсек, әлеуметтік желіде Қызылорда облысы Арал ауданының елді мекендерінде шегіртке қаптап кеткені туралы видео тараған еді. Кейін Ауыл шаруашылығы министрлігі түсінік берді.&nbsp;Еске салсақ, биыл Қызылорда облысында шегірткелер жылдағыдан екі апта ерте оянды.&nbsp;Фото: Нұрболат Нұржаубай

Қызылорда облысында шегіртке шабуылы туралы жалған ақпарат таратқандар қатаң жазаланады   

<a href="https://kyzylorda-news.kz/">Kyzylorda-news.kz</a> &nbsp; Байқоңыр қаласының 70 жылдық мерейтойы аясында қалада ерекше тарихи-мәдени нысан – ашық аспан астындағы мұражай ашылды. Бұл – ғарыш саласындағы ұлы жетістіктер мен техникалық дамудың нақты үлгілерін көзбен көріп, тарихпен тірі байланыс орнатуға мүмкіндік беретін бірегей орын.Мұражай экспозициясы кең аумақта орналасқан. Мұнда әр түрлі кезеңдерге тиесілі зымырандар, ғарыштық техника үлгілері, жерүсті басқару кешендерінің бөлшектері, тіпті нақты тарихи миссияларға қатысқан құрылғылар да қойылған. Барлығы – Байқоңырдың бай тарихын жан-жақты көрсетіп, оның әлемдік ғарыш кеңістігіндегі орнын айқындайды.Бұл жай ғана техника көрмесі емес – әр экспонаттың артында адамдардың ерен еңбегі, инженерлік жаңалықтар мен батыл шешімдер жатыр. Музейге келген әрбір қонақ осы атмосфераны сезініп, Байқоңырдың шынайы рухын түйсіне алады.Ашық аспан астындағы мұражай – бұл ғылым мен технологияны дәріптеп қана қоймай, жас ұрпаққа шабыт сыйлайтын, тарих пен болашақтың арасындағы алтын көпір. Ғарышқа ұмтылған адамзат арманын көзбен көруге, жанмен сезінуге мүмкіндік беретін ерекше мәдени кеңістік.Фото: Өңірлік коммуникациялар қызметі

Байқоңырда ашық аспан астындағы ғарыш мұражайы ашылды

<a href="https://kyzylorda-news.kz/">Kyzylorda-news.kz</a> Ауылшаруашылығы санағы – бұл елдегі ауылшаруашылық саласының жағдайын, өндіріс көлемін, ресурстарын және құрылымын жан-жақты зерделейтін ауқымды статистикалық зерттеу. Бұл санақ ауыл шаруашылығына қатысты нақты ақпарат жинауға, мемлекетке тиімді аграрлық саясат жүргізуге, ауыл еңбеккерлерін қолдауға тағы сол секілді жағдаяттарды орындауға негіз болады.Негізгі санақ кезеңдері басталғанға дейін 2025 жылғы 1-30 маусым аралығында Арал, Қазалы, Байқоңыр қалаларында жеке қосалқы шаруашылықтарын алдын ала аралау жүргізілетін болады. Санақтың негізгі кезеңі 1 тамыз бен 20 қазан аралығын қамтиды. Бұл туралы ҚР Стратегиялық жоспарлау және реформалар агенттігі Ұлттық статистика бюросының Қызылорда облысы бойынша департаментінің басшысы Қайрат Әбсұлтанов айтты.<blockquote>– Санаққа дайындық жұмыстары 1,5 жыл бұрын басталған. Үкімет деңгейінде арнайы комиссия құрылды. Осы уақыт ішінде қажетті нормативтік-құқықтық актілер бекітілді. Жергілікті атқарушы және орталық мемлекеттік органдар жұмылдырылды. Қазақстан Республикасының Стратегиялық жоспарлау және реформалар агенттігі Ұлттық статистика бюросы Латвия, АҚШ, Польша, Ресей, Өзбекстан, Ұлыбритания және Грузия сияқты елдердің статистика қызметтері мен Біріккен Ұлттар Ұйымының азық-түлік және ауыл шаруашылық ұйымымен консультациялық жұмыс кездесулер өткізді. Санақтың негізгі кезеңі 1 тамыз бен 20 қазан аралығын қамтиды. Ішінде ол онлайн және офлайн кезеңдерге бөлінеді. Алдымен 1-31 тамыз аралығында <a href="https://l.facebook.com/l.php?u=http%3A%2F%2Fsanaq.gov.kz%2F%3Ffbclid%3DIwZXh0bgNhZW0CMTAAYnJpZBExa1VocFZxY0VFbFdPYlNFbQEeMU4QMjHrXrK7TRIUai48309TxcY1T7OnVLZ6xgzufZ74djDySqTVEIRQPwI_aem_-N8Kxof3QG0xfow_5wvBxQ&amp;h=AT2fstQSZwY7vtUYcyNoN5sjAQLjc9p87tMcEDI80iUdkkfoE3AVdQFfpcPWz0S99h15nmqI89wqZoIGEM6BJyuLzlqhtkhc56V8_H1oJIZ_nDE7W9mz9oxVB_qPP2FtqJ4cYlEjz1UYBr0-&amp;__tn__=-UK-R&amp;c%5b0%5d=AT2L8Vrxc_IyvJKDFNMYOB0dDBWaaRbxNzoyr5y38jcnLJ12sFwtDkr_63w2NsGbq9h2NVQYENFK3QwuqJyqmw39zhf-WZO5opJQVb5nK5SbHPA8Nh-L3n5HpQqSZ_o_FWJGsDpu7LsfJDz6udpNCwQCiwBI5u1SQnM_Oh0O-nLUuup4hiLnCz9AI9CtdgHZ7nQQyUyQ3lxmgMrWcViExOlE8uSb">sanaq.gov.kz</a> сайтында онлайн-сауалнама жүргізіледі. Бұл әдіс өте ыңғайлы, сонымен қатар деректерді жинаудың тиімділігі мен сапасын арттыруға мүмкіндік береді. Екінші кезең – интервьюерлердің үй шаруашылықтарын жеке – жеке аралауы, ол 2025 жылдың 20 қыркүйегі мен 20 қазаны аралығында өтеді. Неліктен араға 20 күн қалдырып отырмыз, себебі бізге сауалнаманы өз бетінше аяқтағандарды ескере отырып, үй шаруашылықтарының тізімдерін қалыптастыру үшін қосымша уақыт қажет. Барлық кезең аяқталғаннан кейін біз 2025 жылғы желтоқсанда санақтың алдын-ала нәтижелерін жариялаймыз, – деді Қайрат Байғабылұлы.</blockquote>Фото: Өңірлік коммуникациялар қызметі

1 тамызда Ұлттық ауыл шаруашылығы санағының негізгі кезеңі басталады

<a href="https://kyzylorda-news.kz/">Kyzylorda-news.kz</a> Жетісу облысының қылмыстық істер жөніндегі мамандандырылған ауданаралық сотында 16 жастағы Шерзат Полаттың өліміне байланысты сот отырысында жарыссөз өтіп жатыр. Бұл туралы <a href="https://kaz.inform.kz/news/sottalushinin-advokati-sherzattin-akesne-katisti-s-kozgaudi-suradi-3e744e/">kaz.inform.kz</a> хабарлады.&nbsp;Дархан Әскентайдың қорғаушысы, Жетісу облысының адвокаттар алқасының адвокаты Маулен Ержанов іс бойынша жәбірленуші Қаржаубай Нұрымовқа қатысты іс қозғауды сұрады.<blockquote>- Құрметті сот, жәбірленушілердің берген жауаптары бір-біріне қарама-қайшы. Жауаптары жалған екені көрініп тұр және дәлелін таппады. Осыған байланысты Дархан Әскентайды бетінен ұрды деп жауап берген Қ.Нұрымовқа қатысты ҚР Қылмыстық кодексінің 420-бабымен (жалған айғақ беру) қылмыстық іс қозғау туралы жеке қаулы шығаруыңызды сұраймын, - деді ол.</blockquote>Еске салайық, Шерзат сотында жарыссөз басталды.Прокурор сотталушыларға 1,5-23 жыл арасында жаза сұрады.Одан кейін прокурор куәгер қыздардың іс-әрекетін қайта тексеруді сұрады.Фото: Жоғарғы сот

Сотталушының адвокаты Шерзаттың әкесіне қатысты іс қозғауды сұрады   

<a href="https://kyzylorda-news.kz/">Kyzylorda-news.kz</a> Премьер-министрдің&nbsp;орынбасары – ұлттық экономика министрі Серік Жұманғарин мәжілісте өткен брифингте журналистердің сұрақтарына жауап беріп, қазіргі ең төменгі жалақы – 85 мың теңгеге күн көре алмайтынын мойындады. Бұл туралы <a href="https://stan.kz/85-min-tengege-kun-kore-almas-edim-zhymangarin-418751/">Stan.kz</a> ақпарат агенттігі хабарлады.Журналистер Жұманғаринге азық-түлік бағасы күрт өсіп кеткенін айтып, "Ең төменгі күнкөріс деңгейін&nbsp;және ең төменгі жалақыны қайта қарайтын кез келген жоқ па?"&nbsp;деп сұрады.<blockquote>"Бізде бұл екі түсінік үнемі қаралып отырады. Атап айтқанда, ең төменгі жалақы деңгейін айтып отырмын. Сондықтан бұл –&nbsp;үкіметтің үнемі&nbsp;жүргізіп жатқан жұмысы. Баға шынымен өсіп кетті. Бұл жағынан сіздермен толық келісемін", –&nbsp;деді Жұманғарин.</blockquote>БАҚ өкілдерінің "Ең төменгі жалақы мөлшері қаншалықты әділ белгіленген және бұл ақшаға өзіңіз күн көре алар ма едіңіз?" деген сұрағына премьер-министрдің орынбасары күн көре алмайтынын айтты.<blockquote>"Менің ойымша, ол ақшаға күн көре алмайтын едім. Алайда ең төменгі жалақы –&nbsp;есептік көрсеткіш. Мұны айқын түсінулеріңіз керек, яғни одан төмен жалақы төленбеуі керек. Бұл дегеніміз –&nbsp;біреу ең төменгі жалақы төлеуі керек деген сөз емес", –&nbsp;деді ол.</blockquote>Дегенмен Жұманғарин "Ең төменгі жалақы мөлшері әділ белгіленген бе?"&nbsp;деген сұраққа жауап бере алмады.Фото:&nbsp;t.me/KZgovernment

85 мың теңгеге күн көре алмас едім – Вице-премьер Жұманғарин

<a href="https://kyzylorda-news.kz/">Kyzylorda-news.kz</a> «Заң және тәртіп» қағидатын нығайту аясында Еңбек және әлеуметтік қорғау комитетінің Қызылорда облысы бойынша департаментінің ұжымы үшін кездесу өткізді.Шараға Қазақстан Республикасы Еңбек және халықты әлеуметтік қорғау министрлігінің Әдеп жөніндегі уәкілі Ө.Алшынбаева, Сыбайлас жемқорлыққа қарсы қызмет департаментінің бас маманы Ж.Қозбағарова, ҚР Мемлекеттік қызмет істері агенттігінің Қызылорда облысы бойынша департаменті басшысының орынбасары М.Бибітова қатысты.Шара барысында қызметтік міндеттерді орындау процесінде заңнаманы сақтау, сыбайлас жемқорлық құқық бұзушылықтардың алдын алудың маңыздылығы және оларға қарсы күрес әдістері сияқты негізгі мәселелер талқыланды.Сондай-ақ, азаматтардың мемлекеттік органдарға деген сенімін нығайтуға және мемлекеттік құрылымдардың жұмысында ашықтықты қолдаудың маңыздылығына қатысты мәселелерге назар аударылды.Мұндай іс-шаралар мемлекеттік қызметшілер арасында құқықтық мәдениетті арттыруда шешуші рөл атқарады және халықпен өзара іс-қимылды жақсартуға ықпал етеді.Кездесу соңында қатысушыларға қоғамда сыбайлас жемқорлыққа қарсы мәдениет пен парасаттылықты қалыптастыруға бағытталған әлеуметтік бейнероликтер көрсетілді.

Сыбайлас жемқорлықтың алдын алу мәселесі талқыланды

<a href="https://kyzylorda-news.kz/">Kyzylorda-news.kz</a> Халықаралық балаларды қорғау күні мерекесінде «Қамбаш» олимпиадалар және қосымша білім беру орталығындағы балаларға арналған жазғы тынығу лагерінің ашылуы өтті.<blockquote>Салтанатты шараға аудан әкімінің орынбасары Н. Бохаев қатысып: «Сіздерді 1 маусым – Халықаралық балаларды қорғау күнімен шын жүректен құттықтаймын! Міне, тағы бір оқу жылы аяқталып, асыға күткен жайдары жаз мезгілі де келіп жетті. Жадыраған жазғы демалыс – барлық балалардың сағына күтетін айрықша сәті. Жазғы демалыстарыңыздың әрбір күнінің естен кетпестей қызықты сәттерге толы болуына тілектеспін. Тынығу лагерінде жаңа достар тауып, ауызбіршілік пен ынтымақтың ұйытқысы бола біліңіздер. Дендерің сау, оқуда озат болыңыздыр!», – деп жылы лебізін жеткізді.</blockquote>Сонымен бірге, аудандық аудандық мәслихат төрағасы Б. Төреахметов пен аудандық білім бөлімінің басшысы С. Жанназарова қатысып, балалардың қызықты демалыс өткізуіне тілектестік білдірді.Салтанатты кеште орталық тәрбиеленушілері өз өнерлерін ортаға салып, мыңбұрылған бишілер мен жезтаңдай әншілер көрермендер көзайымына айналды.Шарада лагердің алғашқы легіне келген тынығушылар кешкілік алау отын тұтандырып, естеліктерімен бөлісті. Мерекенің соңы әсерлі от шашумен аяқталды.Атап өтейік, «Қамбаш» жазғы тынығу лагері биылғы жылы 7 ауысым бойынша 1000-нан астам баланы жазғы демалыспен қамтиды. Ал бүгінгі тынығу лагерінің алғашқы ауысымына 130 бала қабылданды.Фото: Арал ауданы

Қазақстан және Қызылорда облысының жаңалықтары