<a href="https://kyzylorda-news.kz/">Kyzylorda-news.kz.</a> Алматы түбіндегі ұшақ апатынан адамдардың қаза табуына ұшып-қону жолағының жанында тұрған үй себеп болды. Бұл туралы “Бек Эйр” компаниясының төрағасы Нұрлан Жұмасұлтанов БАҚ-қа арналған баспасөз конференциясында айтты.
<blockquote>
 “Егер үй болмағанда, ұшақ қирамай, бәрі аман қалушы еді. Тіпті қоршау тұрса да. Ол сырғып барып, сол жағымен үйге соғылып, ішке кіріп кеткен. Сонымен бірге бактерге ауа кірмейтін болып қалған, – деп есептейді Жұмасұлтанов.
</blockquote>
Бұған дейін компанияның шеф-ұшқышы Юрий Саппаров құлаған ұшақ басқа ұшақтың салдарынан апатқа ұшырауы мүмкін деп айтқан болатын.

«Құрылыс салынбағанда, бәрі аман қалушы еді» – «Бек Эйр» ұшақ апаты туралы

<a href="https://kyzylorda-news.kz/">Kyzylorda-news.kz.</a> Ақмола, Түркістан, Қызылорда облыстарында ертең, 31 желтолқсан күні ауа райы қолайсыз болады, деп хабарлайды Қазгидромет.
31 желтоқсанда&nbsp;Қызылорда&nbsp;облысының кей жерлерінде тұман, көктайғақ сақталады.
Ақмола&nbsp;облысында кей жерлерде тұман күтіледі. Күндіз кей жерлерде бұрқасын соғуы мүмкін, солтүстік-батыстан соғатын жел оңтүстік-батысқа ауысады жылдамдығы 15-20 м/с жетеді.
31 желтоқсанда&nbsp;Түркістан&nbsp;облысының кей жерлерінде тұман, көктайғақ күтіледі.
Сол күні Шымкент қаласында кей уақытта тұман түсуі ықтимал. Сол күні Түркістан қаласында кей уақытта тұман күтіледі

Қызылорда облысында ауа райына байланысты ескерту жарияланды

<a href="https://kyzylorda-news.kz/">Kyzylorda-news.kz.</a> Алматы маңында болған ұшақ апатынан опат болған азаматтардың жақындарна&nbsp;34 мың долларға жуық сақтандыру ақысы төленеді, деп хабарлайды&nbsp;&nbsp;<a href="https://khabar.kz/ru/syuzhety-novosti/item/118838-kompensatsii-semyam-pogibshikh-v-krushenii-fokker-100-nachnut-vydavat-cherez-polgoda">Хабар</a>&nbsp;арнасы. &nbsp;
Ал жарақат алған адамдарға жарты миллион теңге тағайындалады. Осыған байланысты сақтандыру ұйымы зардап шеккен жолаушыларға&nbsp;дәріханалардан алынған дәрі-дәрімектер үшін төленген ақшаның фискалды чектерін жоғалтпауын өтінді. Заң бойынша тек тиісті құжаттар болған жағдайда ғана сақтандыру ақысы төленеді екен. Сақтандыру ұйымының өкілі Алексей Магдиннің айтуынша, сақтандыру ақысы жарты жылдан кейін тағайындала бастайды.&nbsp;
<blockquote>
 “Егер дәрілерден бөлек қосымша жабдықтар – балдақтар мен корсеттер және т.б. сатып алынған болса, оның барлығына кеткен шығын өтеледі. Сол себепті біз қазір зиян шеккен азаматтардың барлығымен хабарласып, оларға мәселенің мән-жайын түсіндіретін боламыз. Бақилық азаматтарға келетін болсақ, олардың жақындарына, тіпті олар кәмелеттік жасқа толмаса да сақтандыру ақысы беріледі. дегенмен балалар мұрагерлік жасқа толулары қажет. Заңға сәйкес бұл уақыт жарты жыл болып саналады”, – деді сақтандыру ақысын тағайындайтын бөлім жетекшісі Алексей Магдин.
</blockquote>

Алматыдағы ұшақ апаты: Марқұмдардың жақындарына өтемақы жарты жылдан кейін беріледі

<a href="https://kyzylorda-news.kz/">Kyzylorda-news.kz.</a> Облыс әкімі Қуанышбек Ысқақов Ұлы Отан соғысының ардагері Бөрібай Құлманұлының үйіне барып, Жаңа жыл мерекесімен құттықтады.
<blockquote>
 «Бүгінде үлкейдім деп қарап отырмай, ізіңізден ерген ұрпаққа ақыл-кеңесіңізді айтып, үлгі болып отырсыз. Сізге қарап біз сүйсініп, мақтанамыз. Бірер күннен соң келетін Жаңа 2020 жылы 100 жасқа толатын мерейтойыңызды барша Сыр жұртшылығы бірге атап өтетін боламыз. Жаңа жыл мол несібесімен, берекесімен келсін. Сіздің ғибратқа толы жасыңыз бен жолыңызды жас ұрпаққа берсін дейміз. Ұрпағыңызбен мың жасап, алдымызда ақыл айтар ақсақалымыз, данамыз болып отыра беріңіз, сізді Жаңа жылыңызбен құттықтаймыз», – деді аймақ басшысы.
</blockquote>
Облыс әкімі Қ.Ысқақов Б.Құлмановқа жаңа жыл мересіне арналған мерекелік тәттілер себетін табыстады.
Бөрібай Құлманұлы өзіне көрсетілген құрмет үшін алғысын білдірді.
Айта кетейік, соғыс ардагері Бөрібай Құлманов 1920 жылы туылған. Еңбек жолын қарапайым ауылшаруашылық саласынан бастаған. Ұлы Отан Соғысында Беларусь, Польша, Германия майдандарында болған. Соғыс аяқталған жылы Қытайда және Шығыс Түркістан Республикасында құпия миссия атқарды. Елге оралғаннан кейін облыстық ауылшаруашылығы басқармасында қызметте болды. Зейнеткерлікке шыққаннан кейін де Қызылорда экспериментальды-механикалық жөндеу заводында қызмет атқарды. Осындай ел мүддесі жолындағы еселі еңбектері үшін Құлманов Бөрібай ағамыз «Қызыл жұлдыз», «Отан соғысы» және «Еңбек Қызыл Ту», «Құрмет белгісі», «Құрмет» ордендерінің иегері, Қазақ КСР Жоғары Кеңесінің Құрмет грамоталарымен марапатталған.
<img src="https://kyzylorda-news.kz/wp-content/uploads/2019/12/akimat-boeribaj-qulmanuly-2.jpg" alt="" />

Облыс әкімі Бөрібай Құлманұлын жаңа жыл мерекесімен құттықтады

<a href="https://kyzylorda-news.kz/">Kyzylorda-news.kz.</a> Елбасының «Болашаққа бағдар: Рухани жаңғыру», «Ұлы даланың жеті қыры» бағдарламалық мақаласы және 2019 жыл – Жастар жылы аясында Қармақшы аудандық мәдениет және тілдерді дамыту бөлімінің қолдауымен, Ш.Төлепова атындағы аудандық мәдениет үйінің ұйымдастыруымен «Аймақтар аламаны» атты ауыл өнерпаздарының байқауы өз мәресіне жетті.
Екі ай уақытта Қармақшы ауданына қарасты 14 ауылдық округ өзара бақ сынасып, 8 ауыл жартылай финалда сайыс­ты. Жалпы, өнер фестиваліне 200-ден аса танылмай жүрген талант, ерекше дарын иелері, өнерлі өрендер жарыққа шықты. Жобаның негізгі мақсаты да осы болатын.&nbsp;
Фестивальдің финалына – Төретам кенті, Ақай, Жаңажол және Ақтөбе ауылы өнер­паздарының өнерлерін арнайы жасақталған қазылар алқасы сарапқа салды. Қазылар алқасының шешімімен бірнеше ауылдан келген әжелер ансамбльдері және жеке өнерпаздар «Ұлағат», «Шабыт», «Муза», «Ұлт құндылығы» секілді номинациялармен марапатталды.
Бас жүлдені және 300 мың теңге сыйақыны Жаңажол ауылының өнерпаздары жеңіп алды. І орынды Ақай ауылының өнерпаздары иеленді, ІІ орынды Ақтөбе ауылының, ІІІ орынды Төретам кентінің шығармашылық ұжымы алды.

Қармақшыдағы 14 ауыл жарысқан байқау немен аяқталды?

<a href="https://kyzylorda-news.kz/">Kyzylorda-news.kz.</a> Облысымызда жыл басынан бері сыбайлас жемқорлықтың алдын алу мақсатында 18 салаға мониторинг жүргізілді. Сондай-ақ&nbsp; атқарылған жұмыстардың нәтижесінде 32 ұсыныс беріліп, оның 28-і орындалды. Бұл туралы Өңірлік коммуникациялар қызметінің ақпарат алаңында өткен баспасөз конференциясында Облыстық арнайы мониторингтік топтың жетекшісі Наталья Мишукова мәлімдеді.
<blockquote>
 «Сапалы жол – Адалдық алаңы» жобасы аясында агенттік департаментінің қызметкерлерімен бірге автомобиль жолдарының проблемалық учаскелеріне 10 мониторинг жүргізілді. Нәтижесінде 4 учаскеге жөндеу жұмыстары қайта жүргізілуде. Ал, 1 учаскеге жөндеу жұмысы келесі жылы жүргізілетін болады», – деді Наталья Валентиновна.
</blockquote>
Сондай-ақ, автомобиль жолдарының сапасын арттыру бойынша жолтөсемінің жай-күйіне әсер ететін маңызды факторлардың бірі – ауыр салмақты үлкен жүкті тасымалдау. Осыған орай, бақылау инспекциясымен бірлесіп 14-рет рейдттік шаралар жүргізілді. Нәтижесінде 86 жүк көлігіне әкімшілік хаттама рәсімделіп, айыппұл салынды.
<img src="https://kyzylorda-news.kz/wp-content/uploads/2019/12/brifing-monitoring-1.jpg" alt="" />

Қызылордада автомобиль жолдарының 4 учаскесі қайта жөнделіп жатыр

<a href="https://kyzylorda-news.kz/">Kyzylorda-news.kz.</a> Алматы әуежайында орын алған ұшақ апатында қаза болған ұшқыш Марат Мұратбаев Қызылорда облысында дүниеге келген. Қайғылы қазаны жерлестері ауыр күрсініспен еске алады, деп хабарлайды <a href="http://lenta.inform.kz/kz/ushak-apaty-zherlesteri-ushkysh-marat-muratbaev-zhayynda-zhyly-lebiz-bildirdi_a3599429">ҚазАқпарат.</a>
Марат Мұратбаев Тасбөгет кентіндегі №176 орта мектепті тәмамдағаннан кейін Ақтөбе қаласындағы жоғары ұшқыштар училищесінде білімін толықтырды. Еңбек жолын 1982 жылы туған жерінде бастап, өз қызметінде мол тәжірибе жинақтады. Әуеде 20 мың шақырымнан астам қашықтықты бағындырды.
<blockquote>
 «Мол тәжірибесі арқасында ұшақ апатында қаншама адамның өмірін сақтап қалды. Ол қас-қағым сәтте жылдам шешім қабылдай білді. Ұшақтың мұндай жағдайда өртеніп кетуі де мүмкін еді. Өз өмірін қиғанына қарамастан Марат оған жол берген жоқ. Ол ақкөңіл, жарқын жүзді жігіт еді», – деді әріптесі Рысбай Шәріпов.
</blockquote>
Марат Мұратбаев отбасында төрт ағайындының үлкені болатын. Туыстары оның әрдайым кішіге қамқорлық, үлкенге ізет көрсететін жан болғанын айтады.
<blockquote>
 Марат өзінің барлық жетістігіне маңдай терімен жетті. Өз мамандығын жақсы көре білді. Өз кәсібінің қыр-сырын меңгеруге көңіл бөліп жүретін», – деді апасы Күләш Алдабергенова.
</blockquote>

Ұшақ апаты: Жерлестері қызылордалық ұшқыш Марат Мұратбаев жайында жылы лебіз білдірді

<a href="https://kyzylorda-news.kz/">Kyzylorda-news.kz.</a> Жаңа жыл мерекесі қарсаңында Қызылорда облысының әкімі Қуанышбек Ысқақов «Нұрлы-Жер» бағдарламасы аясында Сырдария өзенінің сол жағалауында бой көтерген арендалық тұрғын үйдің пәтер кілттерін табыстады.
Қызылорда қаласында соңғы 6 жылда 15 жаңа шағын аудан бой көтеріп, 7 мыңнан аса тұрғын баспаналы болды. Биыл да бұл жұмыстар жоғары деңгейде жүргізіліп, құрылыс жұмыстарының көлемі өткен жылдың тиісті кезеңімен салыстырғанда 164,7 пайызға артты. Жалпы өңірде жүзеге асқан құрылыс жұмыстарының 31,4 пайызы облыс орталығының үлесінде.
Аймақ басшысы құрылыс саласындағы бірқатар жетістіктерге тоқталып, жаңа пәтер иелерін қоныс тойларымен құттықтады.
<blockquote>
 &nbsp;«Аймақта құрылыс саласындағы жұмыстардың ең ауқымдысы Сырдария өзенінің сол жағалауындағы жаңа қалаға тиесілі. Республикалық, облыстық бюджеттерден 820 пәтерлік 16 көпқабатты арендалық тұрғын үй мен 830 пәтерлік 17 көпқабатты кредиттік тұрғын үйдің құрылыстары жүргізілуде. Қаржыландырудың барлық көздері есебінен есепті мерзімде жалпы ауданы 381 мың 308 шаршы метр тұрғын үй пайдалануға берілді. Жаңа жыл қарсаңында жаңа пәтердің кілтін алған жерлестермізге жаңа қоныстары жайлы болсын, іші балалардың күміс күлкісіне толсын деп тілейміз. Жаңа жыл шаңырақтарыңызға береке, еңбектеріңізге табыс, отбастарыңызға амандық әкелсін!», – деді облыс әкімі Қ.Ысқақов.
</blockquote>
Айта кету керек, бүгінгі жаңа пәтер иелерінің басым бөлігі көп балалы аналар мен әлеуметтік осал топтағы азаматтар.
Пайдалануға берген тұрғын үйлердің жалпы ауданы 14 мың 260 шаршы метр, құны шамамен 2,3 млрд. теңгені құрайды.
<img src="https://kyzylorda-news.kz/wp-content/uploads/2019/12/30uilevbereg2.jpg" alt="" />
<img src="https://kyzylorda-news.kz/wp-content/uploads/2019/12/30uilevbereg3.jpg" alt="" />

Қызылордада көпқабатты 5 тұрғын үй пайдалануға берілді (ФОТО)

<a href="https://kyzylorda-news.kz/">Kyzylorda-news.kz.</a> Қызылорда облысының әкімі Қуанышбек Ысқақов қаладағы бірқатар нысандарды аралап, Жаңа жыл мерекесімен құттықтады. Сонымен қатар, аймақ басшысы «Атамекен» балалар ауылының екі тәрбиеленушісі Мариям Ауезханова мен Любовь Нежелованың тұрғын үй алу кезегі келуіне орай жаңа пәтер кілттерін табыстады.
Аймақ басшысы Қуанышбек Досмайылұлы балаларға арналған әлеуметтік қызметтер көрсету орталығының жұмысымен танысып, бүлдіршіндерге арналған ертеңгілікке қатысты. Сондай-ақ, «Атамекен» отбасы үлгісіндегі балалар ауылының тәрбиеленушілерімен кездесті. Балалар ауылында «Робототехника», «Медиа клуб», «Шағын тігін шеберханасы», «Балалар және қолөнер бөлмесі» және «Арт студиясы» кабинеттері ашылған. Мақсаты балалардың бос уақытын тиімді өткізу. Сонымен бірге, спортпен тұрақты шұғылдану үшін «Мұз айдыны», «Евразия», «Тарлан» спорт кешендері мен «Оқушылар сарайындағы» үйірмелерге тегін қатысуға жолдамалар қарастырылған.
Балалармен кездесуде өңір басшысы Қ.Ысқақов «Атамекен» отбасы үлгісіндегі балалар ауылы тұрғындарының бірқатар жетістіктеріне тоқталды.
<blockquote>
 «1 маусым – Халықаралық балалар күніне орай Сабанкулова Рано мен Нышанова Нұршат Президент Қасым-Жомарт Кемелұлы Тоқаевтың қабылдауында болып, батасын алып қайтты. Бұл – Сіздер үшін де, бәріміз үшін де үлкен құрмет деп білемін. Жақында ғана Ступновский Роман облыс әкімінің «Сыр үміті» жастар сыйлығын алды. Тағы бір достарыңыз Тастыбай Ерхан республикалық «Робототехника» сайысынан бірінші орын иеленді. Осындай жетістіктеріңізге біз де қуанамыз және Сыр өңірін өркендетуге қосып отырған үлестеріңіз деп білеміз. Әрқашан биіктерден көрініп, білімді ұрпақ болып өсіңіздер деп тілеймін»,- деді аймақ басшысы.
</blockquote>
Мұнан соң, Жаңа жыл қарсаңында облыс әкімі қарттар үйіндегі ардагерлермен кездесіп, мерекемен құттықтады. 2020 жылы Орталыққа «Газель» автокөлігін алуға қаржы бөлінгендігін жеткізді.
<blockquote>
 «2020 жылы да сіздердің ақ баталарыңызбен, алғаусыз тілектеріңізбен ойға алған жоспарларымызды жүзеге асырып, жетістіктерімізді еселей түсеміз деп сенемін. Сіздер әрқашан мемлекет назарынан тыс қалмайсыздар. Әрдайым жағдайларыңыз жақсы болуы барлығын жасайтын боламыз», – Қ.Ысқақов.
</blockquote>
<img src="https://kyzylorda-news.kz/wp-content/uploads/2019/12/30kalaaralau2.jpg" alt="" />
<img src="https://kyzylorda-news.kz/wp-content/uploads/2019/12/30kalaaralau3.jpg" alt="" />
<img src="https://kyzylorda-news.kz/wp-content/uploads/2019/12/30kalaaralau4.jpg" alt="" />
<img src="https://kyzylorda-news.kz/wp-content/uploads/2019/12/30kalaaralau5.jpg" alt="" />
<img src="https://kyzylorda-news.kz/wp-content/uploads/2019/12/30kalaaralau6.jpg" alt="" />
<img src="https://kyzylorda-news.kz/wp-content/uploads/2019/12/30kalaaralau7.jpg" alt="" />

Облыс әкімі қаладағы бірқатар әлеуметтік нысандарда болды (ФОТО)

<a href="https://kyzylorda-news.kz/">Kyzylorda-news.kz.</a> Деструктивті діни ағымды ұстанушы Байқоңыр қаласының тұрғыны әлеуметтік желілерде діни алауыздықты қоздыруға бағытталған уағыздар таратқан. Бұл туралы облыстық Полиция департаментінің баспасөз қызметі хабарлады.
<blockquote>
 «Аталған дерек бойынша Қазақстан Республикасы Қылмыстық кодексінің 174-бабының 1-бөлігімен сотқа дейінгі тергеп-тексеру амалдары жүргізіліп, оның кінәсі толығымен дәлелденді», – делінген хабарламада.
</blockquote>
Байқоңыр қалалық сотының үкімімен оған 3 жыл 5 ай мерзімге бас бостандығынан шектеу жазасы тағайындалды.

Теріс ағымды уағыздап, діни алауыздықты қоздырған байқоңырлық тұрғын сотталды

<a href="https://kyzylorda-news.kz/">Kyzylorda-news.kz.</a> 31 желтоқсан мен 2020 жылғы 5 қаңтар аралығына арналған ауа райы болжамы жарияланды.
Жаңа жыл түнінде солтүстік, орталық және шығыс өңірлерде ауа температурасы жоғарылап, күндіз көптеген аймақтарда 0-8 градус аяз, оңтүстікте 0-10 градус жылы болады», деп хабарлайды&nbsp; Қазгидромет.
Атлантикадан және Жерорта теңізінен ығысатын атмосфералық фронттармен қар, бұрқасын, екпінді батыс желі, сонымен қатар республикамыздың оңтүстік облыстарында көктайғақ күтілсе, ауа температурасының төмендеуі күтілмейді.

Алдағы мерекелік демалыс күндері ауа райы қандай болады?

<a href="https://kyzylorda-news.kz/">Kyzylorda-news.kz.</a> «Сарыарқа» магистральдық газ құбырының құрылысы аяқталып, пайдалануға берілді, деп хабарлайды ҚР Энергетика министрлігінің баспасөз қызметі.
Қызылорда облысынан бастау алған «Сарыарқа» газ құбыры еліміздің елордасын, орталық және солтүстік өңірлерін отандық көгілдір отынмен қамтамасыз етуге мүмкіндік береді.
<blockquote>
 «Нұр-Сұлтан, Қарағанды, Теміртау, Жезқазған қалаларының және газ құбыры трассасының бойына жақын орналасқан 171 елді мекеннің шамамен 2,7 млн тұрғыны табиғи газға қол жеткізеді. Аталған газ құбырын салу ҚР Тұңғыш Президенті – Елбасы Н. Ә. Назарбаевтың «Бес әлеуметтік бастама» атты Қазақстан халқына жолдауының аясында және «Сарыарқа магистральдық газ құбыры құрылысын уақтылы аяқтау туралы Мемлекет басшысы Қ.К. Тоқаевтың «Игілік баршаға! Сабақтастық. Әділдік. Өрлеу» сайлауалды бағдарламасы аясында жүзеге асырылды. 2018 жылдың желтоқсан айында Елбасының қатысуымен өткен Телекөпір барысында газ құбырының құрылысын бастау рәсімі өтті. Биылғы қаңтарда техника мен адамдарды жұмылдыру, наурыз айында газ құбырын дәнекерлеу жұмыстары басталды. Құрылыс барысында 1 мыңнан астам техника және шамамен 2 мың адам жұмысқа тартылды», – делінген министрлік мәліметінде.
</blockquote>
Сонымен қатар, құрылыс барысында отандық өндірушілер барынша жұмылдырылды. Бас мердігер – отандық «ҚазҚұрылысСервис» компаниясы. Ілмекті арматура және кран тораптарымен жергілікті өндіруші «Бемер Арматурен Қазақстан» компаниясы, ал автоматтандырылған газ тарату станцияларымен «Батыс Мұнай Газ жабдықтары» компаниялары қамтамасыз етті.
<blockquote>
 «Нормативті мерзіммен салыстырғанда айтарлықтай қысқа мерзімде 1061,3 километр газ құбыры, 5 бірлік қуатты автоматтандырылған газ тарату станциясы, сондай-ақ газ өлшеу стансасы салынды. Бұл жұмыстың үйлесімділігін және біздің мамандарымыздың жоғары кәсіби даярлығын, құрылыс барысында пайдаланылған технологиялардың инновациялығын көрсетеді», – делінген хабарламада.
</blockquote>
Тұтастай алғанда, жобаны іске асыру мультипликативті әсер әкелетінін, шағын және орта бизнестің дамуына, жаңа жұмыс орындарының пайда болуына, сондай-ақ газ құбыры бойындағы өңірлер инфрақұрылымының дамуына серпін беретінін атап өткен жөн.

Қазақстан және Қызылорда облысының жаңалықтары