<a href="https://kyzylorda-news.kz/">Kyzylorda-news.kz.</a> Мұз айдыны” СК-де “Спорт – нашақорлыққа қарсы” ұранымен баскетболдан балалар-жасөспірімдер спорт мектептерінің оқушылары арасында облыстық біріншілік өтті.
Жарысқа Қызылорда, Байқоңыр қалалары мен аудандардан 8 команда 2003-2004 ж.т. 212 жасөспірім ұлдар мен қыздар қатысты.
Нəтижесінде ұлдар мен қыздар арасында Қызылорда қаласының #2 ОРМБЖМ мектебінің командасы жеңімпаз атанды.
Ұлдар арасында Шиелі – екінші, Байқоңыр қаласы – үшінші орындарды еншіледі.
Қыздар арасында жүлделі орын алған командалардың нəтижесі ұлдармен бірдей болды.
Жеңімпаз жəне жүлдегер командаларды облыстық баскетбол федерациясының президенті Ғалым Əміреев марапаттады.
<img src="https://kyzylorda-news.kz/wp-content/uploads/2020/02/10basketboll2.jpg" alt="" />
<img src="https://kyzylorda-news.kz/wp-content/uploads/2020/02/10basketboll3.jpg" alt="" />
<img src="https://kyzylorda-news.kz/wp-content/uploads/2020/02/10basketboll4.jpg" alt="" />

Қызылордалық баскетболшылар жеңімпаз атанды

<a href="https://kyzylorda-news.kz/">Kyzylorda-news.kz.</a> &nbsp;Қызылорда облысында жыл басынан бері ішімдік ішіп көлік басқарған 71 жүргізуші жауапқа тартылды, деп хабарлайды <a href="https://www.inform.kz/kz/kyzylorda-oblysynda-71-zhurgizushi-rul-ge-mas-kuyde-otyrgan_a3612906">ҚазАқпарат</a>.
Өңірде соңғы екі күнде барлығы 800-ге жуық құқық бұзушылық анықталды. Қауіпсіздік белдігін тақпаған, жалған мемлекеттік белгі таққан жүргізушілер жауапқа тартылып жатыр. Жалпы жыл басынан ішімдік ішіп, көлік басқарған 71 жүргізуші тіркелді.
<blockquote>
 «4 ақпанда таңғы сағат 06:30 шамасында полиция қызметкерлері қала аумағында «Volkswagen Passat» маркалы автокөлігін тоқтатты. Тексеру барысында жүргізушінің көлік құралын алкогольдік масаң күйде басқарғандығы және ағымдағы жылдың 30 қаңтарында сот шешімімен көлік құралын басқару құқығынан айырылғандығы анықталды. Тәртіп бұзған жүргізуші Қызылорда қалалық Полиция басқармасының уақытша ұстау абақтысына қамаққа алынды. Оған қатысты Қазақстан Республикасы Қылмыстық кодексінің 346-бабының 1-бөлігімен, яғни көлік құралын басқару құқығынан айырылған, алкогольдік масаң күйдегі адамның көлік құралын басқаруы дерегі бойынша сотқа дейінгі тергеп-тексеру басталды», – деп мәлім етті Қызылорда облыстық Полиция департаментінің баспасөз қызметінен.
</blockquote>

Қызылорда облысында 71 жүргізуші рөлге мас күйде отырған

<a href="https://kyzylorda-news.kz/">Kyzylorda-news.kz.</a> &nbsp;Қазақстанның бірнеше өңірінде ауа райына байланысты дабылды ескерту жарияланды, деп хабарлайды Қазгидромет.
Ертең Қызылорда облысының кей жерлерінде тұман күтіледі.
Ақмола облысының кей жерлерінде тұман, бұрқасын күтіледі. Оңтүстік-батыстан жел соғады, кей жерлерде күші 15-20 м/с жетеді. Көкшетау қаласында оңтүстік-батыстан жел соғады, желдің екпіні таңертең және күндіз –15 м/с.
11 ақпанда түнде Түркістан облысының кей жерлерінде қатты қар күтіледі. Кей жерлерде тұман, көктайғақ болады. Солтүстік-батыстан солтүстік-шығыс бағытына ауысатын жел соғады, күші 15-20 м/с жетеді. Шымкент қаласында 11 ақпанда түнде қатты қар күтіледі. Кей уақытта тұман, көктайғақ күтіледі. Түркістанда 11 ақпанда түнде тұман, көктайғақ күтіледі.
Солтүстік Қазақстан облысының&nbsp;кей жерлерінде жаяу бұрқасын күтіледі. Оңтүстік-батыстан жел соғады, күндіз кей жерлерде күші 15-20 м/с. Петропавл қаласында 11 ақпанда оңтүстік-батыстан жел соғады, екпіні 15-20 м/с.

Қызылордада ертең тұман күтіледі

<a href="https://kyzylorda-news.kz/">Kyzylorda-news.kz.</a> &nbsp;10 ақпанда Қордай ауданының Ауқатты ауылында ҚР премьер-министрінің орынбасары Бердібек Сапарбаев бастаған Үкімет комиссиясы Қордай ауданының Қаракемер, Масанчи, Ауқатты, Сортөбе, Бұлан батыр ауылдарының ақсақалдарымен кездесу өткізді, деп хабарлайды <a href="https://primeminister.kz/kz/news/sovet-aksakalov-sozdadut-v-kordayskom-rayone">primeminister.kz</a>.&nbsp;&nbsp;
Жиынға облыс әкімі Асқар Мырзахметов, ауыл ақсақалдары, беделді тұрғындар, ардагерлер кеңестерінің төрағалары, орталық мемлекеттік органдардың басшылары, Парламент депутаттары қатысты.
Кездесуде проблемалық мәселелерді шешу жолдары, қоғамда келісім мен бірлікті сақтау талқыланды. Ақсақалдар жастармен рухани тәрбие жұмыстарында кемшіліктер бар деген тоқтамға келді, осының салдарынан тұрмыстық кикілжің барша жұртқа жария болған оқиғаға айналды.&nbsp;
Ақсақалдар аталған елді мекендерді қамтитын бірлескен Ақсақалдар кеңесін құру туралы келісімге келді. Бұл ауылдардағы тұрмыстық проблемаларды ауыл ақсақалдары ортақ кеңесте шешетін болады. Олар жастармен тәрбие жұмыстарын жүргізіп, Қордай ауданында тұратын барлық ұлттардың арасында бірлік рухын нығайту үшін бірлескен мәдени-спорттық сипаттағы ойын-сауық шараларын ұйымдастыру міндеттемелерін алды.&nbsp;
<blockquote>
 «Біз бала кезден доспыз, бірге өстік, бірге жұмыс істедік, қайғыда да, тойда да бірге жүреміз. Жастар бір-бірімен араласуы керек, сонда олар бір-біріне жақындай түседі. Біз 11 ақпанда Сортөбеде бас қосуға келістік. Біз өз ақсақалдарымызды, олар өздерінің ақсақалдарын алып келеді. Алдағы уақытта қайталанбауы үшін туындаған барлық мәселелерді талқылаймыз», – деді қоғам қайраткері, аудандық Ардагерлер кеңесінің төрағасы Әбдібек Сейілханов.&nbsp;&nbsp;
</blockquote>
Масанчи ауылының тұрғыны Луу Исхар да қоғамда бірліктің сақталуына қатысты өз ойын жеткізді.&nbsp;
<blockquote>
 «Үстел басында бас қосып, мәселеге нүкте қою үшін барлық құрметті ақсақалдар жиналады. Арғы күні Масанчиде мешітте бас қосамыз. Неліктен мешітте? Біз барлығымыз мұсылманбыз, достықты нығайтып, Құран оқып, осындай жағдайлар қайталанбауы үшін бата беру үшін мешітте жиналамыз. Жүз қырық жылдай бірге тату өмір сүріп жатырмыз, адамдық қасиеттері жоқтардың кесірінен осындай жағдай орын алды. Бұл біз үшін өте айыпты жағдай болды. Біз бұл мәселелердің барлығын шешуге тырысамыз»,&nbsp;–&nbsp;деді ол.
</blockquote>
Осы ауданнан шыққан кәсіпкерлер туған өлкесін қалпына келтіру және дамыту үшін қаржылай және материалдық көмек көрсетуге ниет білдірді.&nbsp;
<img src="https://kyzylorda-news.kz/wp-content/uploads/2020/02/10sovetaksakalov2.jpg" alt="" />
<img src="https://kyzylorda-news.kz/wp-content/uploads/2020/02/10sovetaksakalov3.jpg" alt="" />
<img src="https://kyzylorda-news.kz/wp-content/uploads/2020/02/10sovetaksakalov4.jpg" alt="" />

Қордай ауданында ақсақалдар кеңесі құрылады

<a href="https://kyzylorda-news.kz/">Kyzylorda-news.kz.</a> Биыл Абай Құнанбайұлының 175 жылдығына орай Қызылорда облысында да мәдени-танымдық шаралар ұйымдастырылады. Жыл бойы өткізілетін іс-шаралар туралы бүгін Өңірлік коммуникациялар орталығында өткен баспасөз конференциясында Қызылорда облыстық мәдениет, мұрағаттар және құжаттама басқармасының басшысы Мира Абуова айтты.
Ұлы ақынның 175 жылдығына орай өткізілетін шаралар тізіміне тоқталсақ.
<ul>
<li>Мен жазбаймын өлеңді ермек үшін» атты Абай өлеңдері мен қара сөздерін мәнерлеп оқу шеберлері мен концерт жүргізушілердің облыстық конкурсы;</li>
<li>«Қанат жайған руханият» атты көрме;</li>
<li>Абайдың «Жидебай-Бөрілі» мемлекеттік қорық-музейінің «Абай – дана, Абай – дара қазақта» атты Қызылорда қаласындағы жылжымалы көрмесінің ашылуы;</li>
<li>«Даналыққа құрмет, ерлікке тағзым» республикалық ақындар айтысы;</li>
<li>Е.Төлеубайдың «Абай» драмасы;</li>
<li>Абай оқулары;</li>
<li>«Абай әлемі» кітап фестивалі;</li>
<li>А.Жұбанов, Л.Хамиди «Абай» операсынан үзінді қою (концерттік нұсқасы);</li>
<li>«Ұлы дала ырғақтары» атты Абай әндеріне қойылған облыстық би байқауы;</li>
<li>«Көзімнің қарасы» атты облыстық вокалистер конкурсы;</li>
<li>«Ұлы халықтың – Ұлы Абайы», «Абай дара, Абай дана қазақта», «Әлемге танылған Абай», «Кемеңгерліктің биік шыңы – Абай», «Асыл сөзді іздесең, Абайды оқы ерінбе» атты кітап көрмелері мен әдеби кештері;</li>
<li>Тұрмағамбет атындағы халық аспаптар оркестрінің «Абайдың ән әлемі» атты концерті өтеді.</li>
</ul>
<img src="https://kyzylorda-news.kz/wp-content/uploads/2020/02/10madenisharalar2.jpg" alt="" />

Абайдың 175 жылдығы: Қызылордада қандай мәдени-танымдық шаралар ұйымдастырылады?

<a href="https://kyzylorda-news.kz/">Kyzylorda-news.kz.</a> Бұл сауалға бүгін Өңірлік коммуникациялар орталығында өткен баспасөз конференцияда Қызылорда облыстық мәдениет, мұрағаттар және құжаттама басқармасының басшысы Мира Абуова жауап берді.
2020 жылғы тарихи оқиғаларға байланысты Алтын Орданың 750 жылдығына, қазақтың ұлы ақыны Абай Құнанбайұлының 175 жылдығына, Ұлы Отан соғысындағы Жеңістің 75&nbsp;жылдығына орай мәдениет ұйымдарында түрлі деңгейде барлығы 816 ауқымды мәдени-көпшілік шаралар&nbsp; ұйымдастырылатын болады.
Жыл көлемінде атқарылатын мәдени шараларды атап өтер болсақ:
– Абай Құнанбайұлының 175 жылдығына арналған шаралар Нартай Бекежанов атындағы Қызылорда облыстық қазақ академиялық музыкалық драма театрында «Абай» спектаклімен басталды. Бұл спектакль биыл ай сайын өткізіледі.
– Ә.Тәжібаев атындағы Қызылорда облыстық әмбебап ғылыми кітапханасында «Кемеңгерліктің биік шыңы – Абай» тақырыбымен кеңейтілген тұрақты көрме ашылды.
– 12 ақпан күні C.Айтбаев атындағы көркемсурет галереясында өтетін «Қанат жайған руханият» атты тақырыптық көрмені тамашалауға шақырамын;
– Сондай-ақ, облыс халқының Абай әлемімен жақын танысуына жағдай жасау, қолжетімділікті қамтамасыз ету мақсатында 21 ақпаннан бастап Семей қаласынан арнайы шақыртумен Абайдың «Жидебай-Бөрілі» мемлекеттік қорық-музейінің «Абай – дана, Абай – дара қазақта» көшпелі көрмесі 10 күн бойы C. Айтбаев атындағы көркемсурет галереясында ұйымдастырылады.
– 27 ақпан күні «Даналыққа құрмет, ерлікке тағзым» атты республикалық ақындар айтысы өткізіледі.
– Сыр елінде алғаш рет Ахмет Жұбанов, Латиф Хамиди «Абай» операсынан үзінді қойылып, «Көзімнің қарасы» атты облыстық вокалистер конкурсы,
– «Ұлы дала ырғақтары» атты Абай әндеріне қойылған облыстық би байқауы;
– «Ұлы халықтың – Ұлы Абайы», «Абай дара, Абай дана қазақта», «Әлемге танылған Абай», «Кемеңгерліктің биік шыңы – Абай», «Асыл сөзді іздесең, Абайды оқы ерінбе» атты кітап көрмелері мен әдеби кештері;
– Тұрмағамбет атындағы халық аспаптар оркестрінің «Абайдың ән әлемі» атты концертін өткізу жоспарланып отыр.
Ұлы ақынның асыл мұрасын насихаттау, шығармашылығы арқылы жеткен ұлттық-танымдық тәрбиені жас ұрпақ бойына сіңіру мақсатында облыстағы барлық мәдениет, өнер және архив мекемелері белсенді атсалысып, түрлі форматтағы іс-шаралар мен жұмыстарды жүзеге асырады.
Сондай-ақ, композитор, Қазақстанның еңбек сіңірген қайраткері Кеңес Дүйсекеев атындағы І халықаралық «Туған жер», әнші-композитор Батырхан Шөкенов атындағы «Отан-Ана» республикалық конкурстары, Ұлттық домбыра күніне орай «Ғасырлар пернесі» атты республикалық күйшілер байқауы және дәртүрлі «Жүрек жылуы» мүмкіндігі шектеулі балалар мен жастардың фестивалі өткізіледі.
<img src="https://kyzylorda-news.kz/wp-content/uploads/2020/02/10madenisharalar2.jpg" alt="" />

Қызылордада биыл қандай мәдени шаралар өтеді?

<a href="https://kyzylorda-news.kz/">Kyzylorda-news.kz.</a> &nbsp;ҚР Ішкі істер министрінің орынбасары Алексей Калайчиди Қордайдағы оқиға бойынша 10 адамның көз жұмғанын айтты, деп хабарлайды <a href="https://lenta.inform.kz/kz/kordaydagy-kantogis-iim-tagy-2-adamnyn-kaytys-bolganyn-rastady_a3612632">ҚазАқпарат</a>.
<blockquote>
 «10 адам көз жұмды. 39 адам ауруханада жатыр. Сонымен біреге зардап шеккендердің ішінде бес полицей бар. Үшеуі қарудан жараланған. Алайда полиция қызметкерлері ешқандай қарудың қолданбағанын айтқым келеді», – деді Алексей Калайчиди ОКҚ-да өткен баспасөз мәслихатында.
</blockquote>
Айта кетсек, кешегі ОКҚ-да өткен баспасөз мәслихатында Ішкі істер министрі Ерлан Тұрғымбаев Қордайдағы оқиға салдарынан 8 адамның қайтыс болғанын мәлім еткен еді.
Еске сала кетейік, 7 ақпанда Жамбыл облысы Қордай ауданындағы Масанчи ауылының тұрғындары арасында жаппай төбелес болды. Көп өтпей Президент Қасым-Жомарт Тоқаев Жамбыл облысы Қордай ауданында болған жаппай төбелеске қатысты пікір білдірген болатын.

Ішкі істер министрлігі Қордайда тағы 2 адамның қайтыс болғанын растады

<a href="https://kyzylorda-news.kz/">Kyzylorda-news.kz.</a> Қызылорда қаласындағы “Евразия” спорт кешенінде ауыр атлетикадан ерлер мен əйелдер арасында ҚР-ның жекелей жəне командалық чемпионаты мен кубогы өтуде.
Жарысқа Нұр-Сұлтан, Алматы, Шымкент қалаларынан жəне облыс орталықтарынан 14 команда, 186 спортшы 20 салмақ дəрежесінде қатысуда. Оның 73-і əйел, 113-і ерлер.
Жарыстың салтанатты ашылуына Қызылорда облыс əкімінің орынбасары Наурызбай Байқадамов қатысып, спортшыларға сəттілік тіледі.
Жарыс қорытындысы бойынша сәуір айында Нұр-Сұлтан қаласында өтетін Азия чемпионатына қатысатын құрама команда жасақталатын болады.
Айта кетейік, Ташкентте ауыр атлетикадан өтіп жатқан халықаралық бірлік чемпионатына жерлесіміз Илья Ильин қатысуда. Сондай-ақ, 13-20 ақпан аралығында Ташкентте жасөспірімдер мен жастар арасында өтетін Азия чемпионатына облыстан Əлем чемпиондары Рахат Бекболат пен Сəпи Есенкелді жəне күміс жүлдегер Айсамал Сансызбаева Қазақстан атынан өнер көрсетеді.
Ел чемпионаты мен кубогы күнде сағат 11.00-17.00 аралығында өтеді. Жалпыкомандалық есеп бойынша нәтиже 14 ақпан күні белгілі болады.
<img src="https://kyzylorda-news.kz/wp-content/uploads/2020/02/10auratletika2.jpg" alt="" />

Қызылордада ауыр атлетикадан ел чемпионаты мен кубогы өтуде

<a href="https://kyzylorda-news.kz/">Kyzylorda-news.kz.</a> Түрікменстанның Лебапский велаятында Қытайдан эвакуацияланған адамдарға және қытай компаниясының қызметкерлеріне арналған лагерьде коронавирустан бір адам көз жұмды, деп хабарлады <a href="https://sputniknews.kz/Asia/20200210/12791573/Turikmenstan-koronavirus.html">Sputnik Қазақстан</a>.
Қайтыс болған адам туралы ақпарат барынша құпия сақталған. Оның Қытайдың жоғары оқу орнында білім алған студент екені ғана белгілі.
Орта жастағы тағы бір адамда вирустық инфекция белгілері бар. Ол карантин лагерінде, жағдайы ауыр.
Қытайдағы коронавирус
2019 жылдың 31 желтоқсанында Қытай билігі Дүниежүзілік денсаулық сақтау ұйымына Ухань қаласында белгісіз пневмонияның таралып жатқаны туралы хабарлады. Сарапшылар аурудың қоздырғышын анықтады – ол жаңа типтегі 2019-nCoV коронавирусы.
Қаңтардың соңында Дүниежүзілік денсаулық сақтау ұйымы Қытайдағы жаңа коронавирус індетін халықаралық маңызы бар төтенше жағдай деп жариялады.

Түрікменстанда коронавирустан бір адам көз жұмды

<a href="https://kyzylorda-news.kz/">Kyzylorda-news.kz.</a> &nbsp;ҚР Үкімет басшысының орынбасары Бердібек Сапарбаев Қырғызстанмен шекарада болып, қордайлықтармен кездесті, деп хабарлайды <a href="https://lenta.inform.kz/kz/kordaydagy-okigadan-son-kyrgyzstanga-ketken-turgyndar-uylerine-kaytyp-zhatyr_a3612627">ҚазАқпарат</a>.
Қордай ауылындағы қазақ-қырғыз шекарасына келген Бердібек Сапарбаев шекарадан өтейін деп тұрған адамдарға үйлеріне қайтуды ұсынды.
<blockquote>
 «Кешеден бері осында жұмыс істеп жатырмыз. Президенттің берген тапсырмасы бар, ол – осында тәртіп пен тыныштық орнату. Түні бойы осында болдық, бәрі тыныш. Сондықтан үйлеріңізге қайтқандарыңыз жөн. Енді бәрі дұрыс болады. Біз бүгін де, ертең де осында жұмыс істейміз. Полиция да осында. Бәрін қалпына келтіреміз. Кім кінәлі екенін анықтап, оларды жауапқа тартамыз. Сол үшін үйлеріңізге қайтыңыздар, балалар сабағынан қалмасын. Осында тіршілікті әрі қарай жалғастыра бересіздер. Келген шығын есептеліп, өтеледі, қираған үйлер қалпына келтіріледі», – деді ҚР Премьер-министрінің орынбасары шекарада тұрған көпшілікке.
</blockquote>
Оның айтуынша, Қордай ауылдарындағы тіршілік қайтадан бұрынғы қалпына түседі, сондай-ақ, қауіпсіздік үшін де алаңдамауға болады.
Еске сала кетейік, бұған дейін Жамбыл облысының Қордай ауданындағы Масанчи ауылының тұрғындары арасында&nbsp;<a href="https://kyzylorda-news.kz/oqigalar/qordajdaghy-zhanzhalda-8-adam-mert-bolyp-40-tan-astamy-zharaqattanghan-44000/">жаппай төбелес болып</a>, одан&nbsp;<a href="https://kyzylorda-news.kz/oqigalar/qordajdaghy-zhanzhalda-8-adam-mert-bolyp-40-tan-astamy-zharaqattanghan-44000/">8 адамның қайтыс болғанын</a>, қазіргі таңда осы оқиғаға қатысты&nbsp;<a href="https://kyzylorda-news.kz/oqigalar/iim-qordajdaghy-oqigha-bojynsha-47-adam-ustaldy-44008/">47 адамның ұсталғанын</a>&nbsp;хабарлаған болатынбыз.

Қордайдағы оқиғадан соң Қырғызстанға кеткен тұрғындар үйлеріне қайтып жатыр

<a href="https://kyzylorda-news.kz/">Kyzylorda-news.kz.</a> &nbsp;Арал ауданы аумағында ағымдағы жылғы ақпан айының бірінші он күндігінде ауа райы күрт жылынды. Қыс мезгілінде толассыз жауған қардың шамадан көп болуына байланысты Арал қаласының кейбір ішкі көшелері бойында еріген қар суының жиналу жағдайлары қалыптасты.
Табиғаттың тылсым құбылысының салдарынан орын алып отырған мәселелер аудан әкімдігінің қатаң бақылауына алынып, көше бойында жиналған қар үйінділері мен суларды тарту, тазалау жұмыстары тәулік бойы үздіксіз жүргізілуде.
Бүгінгі күнге дейін 1221 м3 қар үйінділері және 1950 м3 жиналған қар сулары қала сыртына шығарылса, қажеттіліктерге байланысты арнайы техникалармен (погрузчик, камаз) топырақпен қомдау, тұрғындардың қауіпсіздігін қамтамасыз ету шаралары қолға алынды.
Аталмыш жұмыстарға 15-ке жуық арнайы техникалар тартылып, 60-тан аса жауапты жұмысшылар жұмылдырылды.
<a href="https://kyzylorda-news.kz/oqigalar/aral-qalasynda-turghyn-uejlerdi-sw-basty-44163/">Еске сала кетейік</a>, бұған дейін Арал қаласындағы Мархабаев көшесінің төменгі беткейінде орналасқан тұрғын үйлерді су басқанын хабарлаған болатынбыз.
<img src="https://kyzylorda-news.kz/wp-content/uploads/2020/02/10aralsu2.jpg" alt="" />
<img src="https://kyzylorda-news.kz/wp-content/uploads/2020/02/10aralsu3.jpg" alt="" />
<img src="https://kyzylorda-news.kz/wp-content/uploads/2020/02/10aralsu4.jpg" alt="" />
<img src="https://kyzylorda-news.kz/wp-content/uploads/2020/02/10aralsu5.jpg" alt="" />
<img src="https://kyzylorda-news.kz/wp-content/uploads/2020/02/10aralsu6.jpg" alt="" />

Аралда көшені қар суынан тазарту жұмыстары жүріп жатыр

<a href="https://kyzylorda-news.kz/">Kyzylorda-news.kz.</a> Мемлекет басшысы бірқатар лауазымды тұлғаларды жауапкершілікке тарту туралы шешім қабылдады, деп хабарлайды Ақорданың баспасөз қызметі.
ҚР Президенті Қасым-Жомарт Тоқаев Жамбыл облысының әкімі А.Мырзахметовке Жамбыл облысы, Қордай ауданында кісі өліміне, тұрғын үйлердің қирап, азаматтардың дүние-мүліктерінің бүлінуіне әкеп соқтырған оқиғаға байланысты облыс әкімінің әлеуметтік мәселелер жөніндегі орынбасары С.Құрманбекованы және Қордай ауданының әкімі Б.Байтөлені жұмыстарына салғырт қарағаны үшін қызметінен босатуды тапсырды. &nbsp;
Сонымен қатар Мемлекет басшысы ҚР Ішкі істер министрі Е.Тұрғымбаевқа Жамбыл облысы Полиция департаментінің бастығы А.Оразалиевті және Қордай аудандық полиция бөлімінің бастығы А.Айқымбековті қызметінен алуды тапсырды.

Қазақстан және Қызылорда облысының жаңалықтары