<a href="https://kyzylorda-news.kz/">Kyzylorda-news.kz.</a> &nbsp;2020 жылдың 1 қаңтарындағы мәлімет бойынша, зейнеткерлік жасқа толған 174 мың адам Бірыңғай жинақтаушы зейнетақы қорынан зейнетақы төлемдерін алу үшін өтініш бермеген, деп хабарлайды БЖЗҚ&nbsp;<a href="https://www.enpf.kz/kz/about/press-center/news/?ELEMENT_ID=9211">баспасөз қызметі</a>.
Бірыңғай жинақтаушы зейнетақы қоры зейнетақы төлемдерін дер кезінде рәсімдеу керектігін тұрақты хабарлап тұратындығына қарамастан, 174 235 адам әлі күнге дейін зейнетақы төлемдерін алу үшін өтініш бермеген.
<blockquote>
 «Талап етілмеген зейнетақы жинақтарының жалпы сомасы 10 604 764 131 теңгеге жетті», – делінген хабарламада.
</blockquote>
Сондай-ақ, зейнет жасына толған, алайда төлемдерін әлі алмаған азаматтар үшін қазақ және орыс тілдерінде SMS-хабар, электронды пошталарға хабарламалар, тіпті мекенжайларына хат-хабарлар таратылып жатыр.
<blockquote>
 «Зейнет жасына жеткен азаматтар зейнетақы төлемдерін рәсімдеу үшін жергілікті мекенжай бойынша “Азаматтарға арналған үкімет” мемлекеттік корпорациясының халыққа қызмет көрсету орталығына жүгінуі тиіс. Зейнетақы төлемдерін рәсімдеу үшін жеке басты куәландыратын құжаттың көшірмесі мен салыстыру үшін түпнұсқасы, сондай-ақ банк шоты туралы мәлімет ұсынылады. Банк шотына қор төлемдері мен мемлекеттік зейнетақылар ай сайын бір мезгілде аударылады», – делінген қордың сайтында.
</blockquote>
БЖЗҚ мәліметінше, зейнеткерлік жасқа толған азаматтар (ерлер – 63 жас, әйелдер биыл – 59,5 жас), сондай-ақ бірінші және екінші топтағы мүгедектігі мерзімсіз болып белгіленген адамдар белгіленген кесте бойынша қордағы міндетті және міндетті кәсіптік зейнетақы жарналарынан құралған жинағы есебінен зейнетақы төлемдерін алуға құқылы.
<blockquote>
 «Егер зейнеткер қордан зейнетақы төлемдерін алу үшін мемлекеттік корпорацияға өтініш берген күні, оның шотындағы жинақтарының сомасы ең төменгі зейнетақының 12 еселенген мөлшерінен аспаған жағдайда, бұл сома алушыға бір рет толығымен төленеді. 12 еселенген мөлшер – 463 632 теңге. Егер шоттағы ақшаның көлемі бұл сомадан артық болса, зейнетақы төлемдері тек ай сайын беріледі», – деп нақтылады БЖЗҚ.
</blockquote>

Қазақстанның зейнетақы қоры 174 мың адамды неге іздеп жатыр?

<a href="https://kyzylorda-news.kz/">Kyzylorda-news.kz.</a> Халық арасында құқықтық түсіндіру жұмыстарын жүргізу мақсатында Қызылорда облысы Полиция департаментімен ағымдағы жылдың ақпан айының 14-15 күндері аралығында «Жолда қабылдау» акциясы өткізіледі.
Облыс тұрғындарымен кездесуде департамент бастығының орынбасарлары, Жергілікті полиция қызметі, Әкімшілік полиция басқармасының басшылары халықты жеке қабылдайды.&nbsp;
Акция барысында халыққа ішкі істер органдары көрсететін мемлекеттік қызметтерді алу кезінде кәсіпкерлер мен тұрғындар үшін шығындарды қысқарту бойынша қабылданып жатқан шаралар туралы, оның ішінде электрондық үкімет порталы арқылы мемлекеттік қызметтерді алу мүмкіндігі туралы, сондай-ақ онлайн режимінде айыппұлды қарау және төлеу, полиция қызметкерлерінің заңсыз әрекеттері мен шешімдеріне шағымдану тәртібі туралы құқықтық кеңестер беріледі.&nbsp;
«Жолда қабылдау» акциясы облыстың барлық аудандарында және облыс орталығында өткізіледі.
Аталмыш шара сағат 09:00-ден сағат 19:00-ге дейін&nbsp; жалғасады. Екі күнде Cаll центр телефон желісі 8-7242-30-45-51 жұмыс жасайтын болады.
Қызылорда қаласы:
<ol>
<li>«Самара 1» стационарлы полиция пункті, мекен-жайы: Әуелбеков – Толыбеков көшелерінің қиылысы.</li>
<li>«Самара 2» стационарлы полиция пункті, мекен-жайы: Орталық алаң Желтоқсан көшесі.</li>
</ol>
Арал ауданы:
<ol>
<li>Арал АПб-нің фронт–офисі, мекен-жайы: Бақтыбай батыр көшесі №29 үй.</li>
</ol>
Қазалы ауданы:
<ol>
<li>Қазалы АПб-нің фронт-офисі, мекен-жайы: Әйтеке би – Пірімов көшелерінің қиылысы.</li>
</ol>
Қармақшы ауданы:
<ol>
<li>Қармақшы аудандық Халыққа қызмет көрсету орталығы, мекен-жайы: Абай көшесі, №100 А үйі.</li>
</ol>
Жалағаш ауданы:
<ol>
<li>Жалағаш аудандық Халыққа қызмет көрсету орталығы, мекен-жайы: Қазыбек би көшесі, №44 үй.</li>
</ol>
Сырдария ауданы:
<ol>
<li>Сырдария АПб-нің фронт-офисі, мекен-жайы: Тереңөзек кенті, Аманкелді көшесі, №47 үй.</li>
</ol>
Шиелі ауданы:
<ol>
<li>№1 УПП, мекен-жайы: Жахаев көшесі №25/13 үй.</li>
</ol>
Жаңақорған ауданы:
<ol>
<li>«Нұр Асыл» сауда үйі, мекен-жайы: А.Иманов көшесі, нөмірсіз үй.</li>
</ol>
Байқоңыр қаласы
<ol>
<li>Стационарлы полиция пункті, мекен-жайы: Ақай кенті, Абай көшесі нөмірсіз үй.</li>
<li>Стационарлы полиция пункті, мекен-жайы: Төретам кенті, Жанқожа батыр көшесі нөмірсіз үй.</li>
</ol>

Қызылордада «Жолда қабылдау» акциясы өтеді

<a href="https://kyzylorda-news.kz/">Kyzylorda-news.kz.</a> Елімізде ет бағасын шолып өтсек. Ең арзан баға Орал мен Петропавлда болып шықты, деп хабарлайды <a href="https://24.kz/kz/zha-aly-tar/ekonomika-zhnalyktary/item/373725-irlerde-et-ba-asy-ansha">«Хабар 24»</a>.
Қостанайда сиыр етінің келісі &nbsp;1800 теңгеден басталады. Петропавлда 1600 бен 2200 теңге аралығында. Көкшетауда &nbsp;1800 теңге болса, Ақтөбеде &nbsp;2200 теңгеге дейін барады. Қызылордада 1800 теңге, ал Түркістанда 1900 теңгеден басталады. Шымкентте 2000 теңге. Ақтауда 1900 теңгеден басталады. Атырауда 1700 бен 2200 теңге аралығында. Оралда 1600-2500 теңге шамасында. Семей мен Өскеменде 1900 бен 2200 теңге аралығында болса, Талдықорғанда 1800-2000 теңге. Ал Қарағандыда – 2400 теңгеге дейін барады.

Қазақстанда ет бағасы қанша?

<a href="https://kyzylorda-news.kz/">Kyzylorda-news.kz.</a> Қызылордада мектеп асханаларын тексеруде бірқатар кемшілік анықталды, деп хабарлайды <a href="https://www.inform.kz/kz/kyzylordada-mektep-ashanalaryn-tekserude-birkatar-kemshilik-anyktaldy_a3613572">ҚазАқпарат</a>.
Қызылорда облысының Тауарлар мен көрсетілетін қызметтердің сапасы мен қауіпсіздігін бақылау департаментінің бақылауында 296 мектеп бар. Жаңа 2019-2020 оқу жылында тұрмысы төмен отбасынан шыққан 26 880 оқушы жалпы міндетті оқу қоры есебінен толықтай тегін ыстық тамақпен қамтамасыз етілген.
Мектептерде берілетін ас мәзірі, тағамның құнарлығы мен порциясы, тамақтану рационы баланың физиологиялық және жас ерекшелігі нормасын ескере отырып әзірленеді. Мектептерде ыстық тамақпен қамтамасыз ету мәселесі санитарлық қағидаларда белгіленген. Облыс мектептерінде осы санитарық қағидалардың сақталуы, оқушыларды мектепте тамақтандыру мәселесі аталмыш департаменттің бақылауында.
Ведомствоның хабарлауынша, 2019 жылы жеке кәсіпкерлерге жалға берілген 278 мектеп асханасының 239-на ерекше тәртіп бойынша тексеру жүргізілді. Тексеруде кәсіпкердің санитарлық қағида талаптарын бұзғаны анықталды.
Атап айтқанда, санитариялық-эпидемиологиялық қорытындының болмауы, асханаларда су, кәріз, жасанды желдеткіш жүйелерінің істен шығуы, тағам өнімінің қауіпсіздігін растайтын құжатың болмауы анықталды.
<blockquote>
 «Тексеру барысында бактериологиялық зертханаға алынған 4 613 шайындының 450 сынамасынан (10%) ішек таяқшасы тобының бактериялары табылған. Сонымен қатар, 559 тағам үлгісінің 63-нен және 463 ауыз су үлгісінің 59-нан микробиологиялық көрсеткіштер бойынша сәйкессіздік анықталған. Ас құнарлығын анықтау үшін санитарлық-химиялық зертханаға 674 тағам үлгісі алынып, оның 104-і белгіленген санитарлық-гигиеналық нормаларға сәйкес болмай шықты. Залалсыздандыру ерітінділері бойынша 540 сынаманың 109-нда сапалы дезинфекция жасау үшін ерітінді концентрациясының қалыпты нормадан ауытқушылығы анықталған», – деді облыстық Тауарлар мен көрсетілетін қызметтердің сапасы мен қауіпсіздігін бақылау департаментінің бөлім басшысы Алмаш Шуақбаева.
</blockquote>

Қызылордада мектеп асханаларын тексеруде бірқатар кемшілік анықталды

<a href="https://kyzylorda-news.kz/">Kyzylorda-news.kz.</a> Қызылорда облысының әкімі Қуанышбек Ысқақов қалаға қарасты елді мекендерді аралады. Басты мақсат – тұрғындардың өтініш-тілектерін тыңдап, бірқатар әлеуметтік нысандардың жұмысымен танысу.
Алдымен аймақ басшысы Ақжарма ауылдық округіндегі Баймұрат батыр ауылындағы мемлекеттік-жекеменшік әріптестік аясында салынған 150 орындық мәдениет үйінде болды. Бұл ауылдық округтің елді мекендерінде ауыз су, кәріз жүйелерінің мәселесі толық шешілген, енді «Ауыл – ел бесігі» бағдарламасы аясында Талдыарал ауылына 9 көшеге тас төсеу және электр жабдығын жүргізу жоспарлануда.
Мұнан кейін аймақ басшысы тұрғын саны 6 мыңнан асатын Ақсуат ауылдық округінде болды. «Өңірлерді дамыту бағдарламасы» шеңберінде бұл ауылдық округтегі бірнеше көшеге жөндеу жұмыстары жүргізіліп, жарық бағаналары жаңартылған. Сонымен қатар балабақшаға баратын балалар саны артуына байланысты балабақша мәселесі де толық қарастырылған. Дегенімен, ауыл тұрғындары өңір басшысымен кездесуде табиғи газ тарту мәселесін көтерді. Аймақ басшысы табиғи газға қосылу үшін биылғы жылы да республикалық бюджеттен қаржы қаралғандығын айтты. Алдағы уақытта құрылыс-монтаж жұмыстары басталатын болады.
Өңір басшысының тұрғындармен кездесуі Тасбөгет кентінде жалғасты. Мұндағы мәселелер кенттің жаңадан қалыптасқан аумағына жалпы ұзындығы 17 шақырымды құрайтын электр желісін жүргізу, жаңа емхана мен көшелердегі жолға малта тас төсеу және №5 олимпиадалық резерв спорт мектебіндегі спортшыларға жағдай жасау қажеттігін айтты.
Облыс әкімі ары қарай Белкөл кентінің тұрғындарымен кездесіп, ұсыныс-тілектерін тыңдады. Белкөлдіктер жалпы ұзындығы 7,8 шақырымды құрайтын 10 көшеге орташа жол жөндеу жұмыстарын жүргізу, орталық көшеге жаяу жүргіншілер жолын орналастыру мен К.Әбдіқадыров көшесі тұрғындарына теміржол өткелінен жаяу жүргіншілерге арналған көпір салу мәселесін айтты. Сондай-ақ, «Зеленая» көшесіне түнгі жарық бағаналарын орнату мен «Балапан» балабақшасын күрделі жөндеуден өткізу қажеттігін жеткізді.
Теміржол, аспалы көпір мәсесіне қатысты қала әкімі Нұрлыбек Нәлібаев тиісті министрлікке ұсыныс жолданғанын атап өтті.
Ал, Қарауылтөбе ауылдық округінде ауыз су, жол, көркейту-көгалдандыру бағыты бойынша жұмыстары жолға қойылған. Ауылдық округ тұрғындары өтініш- тілектерін тыңдауға келген аймақ басшысына алғыстарын айтып, жаңа клуб үйі салынса деген тілектерін жеткізді. Сонымен қатар, аймақ басшысы Қосшыңырау, Қызылжарма ауылдық округтерімен Талсуат елді мекенінде де болды.
Мұнан кейін өңір басшысы 3 елді мекенге біріккен, 3500 аса тұрғыны бар Қызылөзек ауылдық округінде болды.Айнакөл, Қараөзек, Жаңаарық елді мекендеріндегі жол мәселесі шешілген. Алайда тұрғындар ауылдық округке қарасты 3 елді мекенді ілеспе газбен қамту мәселесі туралы сауалдарын қойды. Аймақ басшысы 2019 жылы республикалық бюджеттен теңге қаржы бөлінгендігін айтты.
<blockquote>
 «2019 жылға республикалық бюджеттен 2 жобаны аяқтауға және Жосалы, Жалағаш, Тереңөзек аудан орталықтары мен Жақсықылышты газдандыру жобасын бастауға қаржы қарастырылды. Бұдан бөлек, аталған жобаларды қаржыландыру үшін облыстық бюджеттен де қаржы бөлінді. Алдағы уақытта көгілдір отынға барлық аудандар мен қалаға қарасты елді мекендер де қосылатын болады», – деді облыс әкімі Қуанышбек Ысқақов.
</blockquote>
<img src="https://kyzylorda-news.kz/wp-content/uploads/2020/02/12akimat2.jpg" alt="" />
<img src="https://kyzylorda-news.kz/wp-content/uploads/2020/02/12akimat3.jpg" alt="" />
<img src="https://kyzylorda-news.kz/wp-content/uploads/2020/02/12akimat4.jpg" alt="" />
<img src="https://kyzylorda-news.kz/wp-content/uploads/2020/02/12akimat5.jpg" alt="" />
<img src="https://kyzylorda-news.kz/wp-content/uploads/2020/02/12akimat6.jpg" alt="" />

Қызылорда облысының әкімі елді мекендерді аралады

<a href="https://kyzylorda-news.kz/">Kyzylorda-news.kz.</a> Сәрсенбі, 12 ақпанда еліміздегі бірқатар өңірде қар жауады, тұман түсіп, көктайғақ болады, деп хабарлайды Қазгидромет.
<blockquote>
 «12 ақпанда еліміздің оңтүстігінде, оңтүстік-батысында атмосфералық ағындардың өтуіне байланысты жауын-шашын (жаңбыр, қар), кей жерлерде қатты жауын-шашын күтіледі. Шығыста және солтүстік-батыста аздаған қар жауады. Солтүстік пен батыста антициклон әсерінен жауын-шашынсыз ауа райы күтіледі. Кей жерлерде көктайғақ, тұман түсіп, бұрқасын соғады, жел күшейеді.
</blockquote>
&nbsp;Жамбыл облысында жел күшейіп, жылдамдығы 30 м/с жетеді тіпті одан да асып кетуі мүмкін», делінген синоптиктердің болжамында. Жамбыл облысының таулы аудандарында күндіз қатты жауын-шашын (жаңбыр, жылбысқы қар) күтіледі, кей жерлерде тұман, көктайғақ, жаяу бұрқасын соғуы мүмкін, жел 15-20, күндіз екпіні 23-28 м/с күшейеді, облыстың оңтүстік-батысында 30 м/с жетеді, тіпті одан да асып кетуі ықтимал.
Түркістан облысының күндіз кей жерлерінде қатты жауын-шашын (жаңбыр, қар) жауады, кей жерлерде тұман, көктайғақ күтіледі, кей жерлерде жел күшейіп, жылдамдығы 15-20 м/с, күндіз 15-20, кей жерлерде екпіні 24-29 м/с жетеді.
Қызылорда облысының кей жерлерінде күндіз қатты жауын-шашын (жаңбыр, қар) түседі, бұрқасын күтіледі, жел 15-20 м/с күшейеді, кей жерлерде тұман, көктайғақ болуы мүмкін.
Шығыс Қазақстан облысының кей жерлерінде түнде тұман күтіледі, күндіз кей жерлерде жаяу бұрқасын соғады, жел 15-20 м/с күшейеді.
&nbsp;Алматы облысының кей жерлерінде тұман, көктайғақ күтіледі, күндіз Жалаңашкөл ауданында жел 15-20 м/с жетеді.
Қостанай облысының кей жерлерінде тұман күтіледі, жел 18 м/с күшейеді. Қарағанды облысының кей жерлерінде тұман күтіледі, күндіз жел 18 м/с жетеді.
Атырау, Батыс Қазақстан, Павлодар облыстарының кей жерлерінде тұман күтіледі.

Сәрсенбіге арналған ауа райы болжамы

Халықаралық Қауіпсіз интернет күні
Жылдың екінші айының екінші аптасының екінші күні аталып өтеді. Мереке 2004 жылы Еуропа комиссиясының «Қауіпсіз интернет» бағдарламасы аясында бекітілді. Оның мақсаты – онлайн технологияларды қауіпсіз әрі сауатты қолдануды насихаттау.
Халықаралық Ғылым және гуманизм күні (Дарвин күні)
Ағылшынның белгілі натуралист ғалымы Чарльз Дарвиннің туған күніне орай жыл сайын тойланады. Ғалымның табиғи сұрыпталу теориясы, эволюциялық теориясы көзі тірісінде-ақ ғылыми төңкеріс жасады деп бағаланды.
1955 жылы&nbsp;Қызылорда облысында Байқоңыр ғарыш айлағын салу туралы шешім қабылданды. 6717 шаршы шақырым аумақты алып жатыр. Осы ғарыш айлағынан алғашқы жасанды спутник және тұңғыш ғарышкер Юрий Гагарин ұшырылды.
1992 жылы&nbsp;Алматыда Қазақстан Республикасы мен Ауғанстан Республикасы арасында дипломатиялық қарым-қатынас орнату туралы хаттамаға қол қойылды.
1992 жылы&nbsp;Қазақстан мен Германия мемлекеттері арасында дипломатиялық қатынастарды орнату бойынша нота алмасу шарасы өтті.
1994 жылы&nbsp;Норвегияның Лилехаммер қаласында өткен ХVII қысқы ойындарға тәуелсіз Қазақстан құрамасы алғаш рет қатысты.

12 ақпан: Атаулы күндер мен оқиғалар

<a href="https://kyzylorda-news.kz/">Kyzylorda-news.kz</a> ақпараттық агенттігінің 12 ақпанға арналған жұлдыз-жорамалы.
Тоқты
Бүгін шаршайсыз. Бір уақытта бірнеше жұмыс істеуіңізге тура келеді. Бірақ бұған еш ренжімейсіз. Бірақ назарыңызды бір жұмысқа аударғанды жөн көресіз.
Торпақ
Таңертең барлық жұмысыңызды бітіруге тырысыңыз. Бұл уақытта маңызды мәселелерді бітіріп, жұмыстарыңызды ретке келтіруге қолайлы болмақ.
Егіздер
Түстен кейін барынша сабыр сақтай біліңіз. Егер шыдамсыздық танытсаңыз, көп қателік жіберуіңіз мүмкін. Ал ол қателіктерді түзету қиынға соғады.
Шаян
Бұрын қолыңыздан келмеген шаруаларды бүгін соңына дейін жеткізетін боласыз. Іскерлік және жеке қарым-қатынастарды қалыпқа келтіре аласыз.
Арыстан
Барлық шаруаны орындау, мақсатқа жету оңайға соқпайды. Бірақ сіз еш берілмейсіз. Табандылығыңыздың арқасында біраз жетістікке жетесіз.
Бикеш
Керемет күн. Бүгін сәттілік серігіңіз болады. Соңғы уақытта сызат түскен қарым-қатынастарды қайта қалыпқа келтіресіз. Ескі қателіктерді де жөндейсіз.
Таразы
Бүгін ештеңеге алаңдамаңыз. Көп күш жұмсамастан біраз жетістікке жетуге мүмкіндік бар. Сіз барлық мүмкіндіктерді көре аласыз.
Сарышаян
Ойланыңыз. Егер алдағы күндерге жоспар құрсаңыз барлық жұмысыңыз алға басады. Өз мүмкіндігіңізді пайдаланып, барлық жұмысты дөңгелетесіз.
Мерген
Таңертеңгілік айналаңыздағы адамдармен тіл табысу қиынға соғады. Тіпті жақын адамдарыңыздың өзі сізді дұрыс түсінбеуі мүмкін.
Тауешкі
Түске дейін барынша сабырлы болуға тырысыңыз. Кейде айналаңыздағы адамдар сізді әдейі ашуландыратын секілді. Сондықтан арандатушыларға ермеңіз.
Суқұйғыш
Қандай мәселе орын алса да, өз ақылыңызды жоғалтпайсыз. Сонымен қатар бүгін қаржылық мәселені бірыңғайлайсыз. Бүгін сізге ақша түседі.
Балықтар Қиын күн. Егер асығыстық танытпасаңыз, ешқандай қателікке бой алдырмайсыз. Сонымен қатар барлық мәселеде өзіңіз шешім қабылдағаныңыз жөн.

Жұлдыздар не дейді?

<a href="https://kyzylorda-news.kz/">Kyzylorda-news.kz.</a> Қазақстанда ақбөкендерді атуға тыйым салу мораторийі үш жылға созылды.
Бұл туралы Экология, геология және табиғи ресурстар министрлігінің Орман шаруашылығы және жыртқыштар дүниесі комитеті баспасөз қызметінің өкілі Сәкен Ділдахмет айтты.
<blockquote>
 “Ақбөкендер санын сақтау және көбейту мақсатында орман шаруашылығы және жануарлар дүниесі комитетінің бұйрығымен ақбөкендерді, олардың бөліктері (мүйізі) мен дериваттарын (бағалы затын) Қазақстанның барлық аумағында 2023 жылға дейін ғылыми мақсатта қолданудан басқа пайдалануға тыйым салынды”, – деді ол Facebook желісіндегі парақшасында жазды.&nbsp;
</blockquote>
Ол сондай-ақ, бұйрық 10 ақпанда тіркеліп, жарияланған сәттен бастап 10 күнтізбелік күннен кейін қолданысқа енгізілгенін айтты.
<blockquote>
 “Қазіргі уақытта Қазақстанның түрлі аймақтарында ақбөкендердің жағдайы бірдей емес. Үстірт популяциясының саны тым нашар – 5,9 мың дана. Бетпақдала популяциясының саны 111,5 мың дана, ол 2015 жылы жаппай қырылудан кейін қалпына келу сатысында (сол кезде 150 мыңнан аса дана қырылған еді). Сондай-ақ, Орал популяциясының саны қалпына келу сатысында және 217 мың дана”, – деп жазды ол.
</blockquote>

Қазақстанда ақбөкендерді атуға тыйым салу мораторийі үш жылға созылды

<a href="https://kyzylorda-news.kz/">Kyzylorda-news.kz.</a> Қорқыт ата атындағы Қызылорда мемлекеттік университетінің ғылыми-техникалық кітапханасы кезекті пруст сауалнамасын өткізді.
Бұл жолғы сауалнама Қорқыт ата атындағы Қызылорда мемлекеттік университетінің көрнекті ғалымы, педагог, ҚР Білім беру ісінің үздігі, «Ы.Алтынсарин» атындағы төсбелгінің, халықаралық «Менделеев» және «Үздік оқытушысы» медалінің иегері, екінші мәрте ҚР Білім және ғылым министрлігінің «Жоғары оқу орнының үздік оқытушысы» атты ЖОО оқытушыларына берілетін Мемлекеттік грант иегері Күлбарам Сәдуақасқызының ғибратты өмір жолына арналды.
Іс-шараға университет студенттері және елімізге белгілі қайраткерлер: ақын Махмұтбай Әміреев, «Құрмет» орденінің иегері ұстаз – ақын Ділдахан Торғаева, университет профессоры Әнипа Сейдалықызы және қала мектептерінің директорлары қатысты.
Жиында «Жаратылыстану» институтының директоры Самалбек Оразбайұлы Қосанов ғалым-педагогтың өмір жолына тоқталып, қызықты деректермен бөлісті.
Сондай-ақ өз кезегімен сөз алған әрбір қатысушы Күлбарам Сәдуақасқызының бойындағы адами қасиеттер хакім Абай жырлаған «Бес асыл істің» толығынан табылатындығын зор ықыласпен жеткізді. Оның еңбексүйгіштігі мен ізденімпаздығы, білуге құштарлығы арқасында жеткен жеңісі кез-келген жанға үлгі боларлық.
Өзі химик болса да, лирик атанған ғалым-ұстаз Күлбарам Сәдуақасқызының ғылыми – әдістемелік еңбектерінен басқа жарыққа шыққан «Жүрек жырлары» атты өлеңдер жинағын студент жастар мәнерлеп оқыса, озат студенттер ұстазға арнап жүрекжарды лебізін өлеңмен жеткізді.
<img src="https://kyzylorda-news.kz/wp-content/uploads/2020/02/11ustazben2.jpg" alt="" />
<img src="https://kyzylorda-news.kz/wp-content/uploads/2020/02/11ustazben3.jpg" alt="" />

Университет жастары ұлағатты ұстазбен кездесті

<a href="https://kyzylorda-news.kz/">Kyzylorda-news.kz.</a> &nbsp;ҚР Премьер-Министрі Асқар Мамин жайылым тапшылығы мәселесін шешуге қатысты Үкімет жоспарымен бөлісті, деп хабарлайды <a href="https://www.inform.kz/kz/kazakstanda-zhayylym-tapshylygy-maselesi-kalay-sheshiledi_a3613438">ҚазАқпарат</a>.
<blockquote>
 «Жайылым жерлермен қамтамасыз ету мәселесі бойынша сараптама жүргізілді. Оған сәйкес, республикадағы жекелеген ауылдық округтер жайылым жерге мұқтаж болып отыр. Бұл оңтүстік өңірлерде ерекше байқалады. Ауылдық округтердің жайылым жерге қажеттілігін «Жайылымдар туралы» Заңға сәйкес әзірленген жоспар аясында жайылым жерлерді қайта бөлу есебінен толықтыру көзделеді», – деді Үкімет басшысы депутаттардың сауалына берген жауабында.
</blockquote>
Оның атап өтуінше, жүргізілген сараптама жергілікті атқарушы органдардың жоспарларды қабылдау және бекіту жұмысындағы кемшіліктерді көрсетіп берген.
<blockquote>
 «Атап айтқанда, ауылдық округтер шегінде жоспарлар әзірленіп, бекітілмеген, заңнама талаптары бұзылған. Соған байланысты 65 лауазымды тұлға, оның ішінде министрлік қызметкерлері жауапқа тартылды. Жоспарларды әзірлеу барысындағы кемшіліктерді жою мақсатында министрлік Парламент Мәжілісінің аграрлық комитетімен бірлесіп, Ақмола облысының Шортанды ауданына қарасты Дамса ауылдық округы бойынша жоспар жобасын әзірледі. Ол облыстардың барлық әкімдіктеріне үлгі ретінде жіберілді», – деді Асқар Мамин.
</blockquote>
Премьер-Министрдің айтуынша, осы жылдың 1-тоқсанында жергілікті аққарушы органдар Дамса ауылдық округі жоспар жобасына сәйкес 2020-2021 жылдарға арналған жоспарларын әзірлеп, бекітуді көздеп отыр.

Қазақстанда жайылым тапшылығы мәселесі қалай шешіледі?

<a href="https://kyzylorda-news.kz/">Kyzylorda-news.kz.</a>&nbsp;Қаңтарда жылдық инфляция 5,6% құрады. Азғантай өсім реттелетін қызметтер мен бензин бағасы тарапынан көрсетілген қысымның салдары болды, деп хабарлайды <a href="https://sputniknews.kz/economy/20200211/12808843/Kazakhstan-benzin-kymbat.html">Sputnik Қазақстан</a>.
<blockquote>
 “Азық-түліктік емес жылдық инфляция 5,2% құрады (өткен айда 5% болған). Бұл акциздердің артуына байланысты бензиннің қымбаттауы есебінен болды. Көлік қызметтері және электр қуаты бағасының өсімі ақылы қызметтер инфляциясының ұлғаюына ықпал етті (инфляция 2019 жылдың желтоқсанындағы 0,7%-тен 1,4%-ке дейін артты)”, – деді Қазақстан Республикасы ұлттық банкі төрағасының орынбасары Ақылжан Баймағамбетов.
</blockquote>
Ал азық-түліктік инфляция қаңтарда баяулады. Бұған жеміс-жидек, көкөніс, ет, ет өнімдері, нан-тоқаш өнімдері, жарма, балық, май бағасы өсімі қарқынының төмендеуі әсер етті. Осылайша, 2020 жылы азық-түліктік инфляция баяулай түседі деп болжанып отыр.

Қазақстан және Қызылорда облысының жаңалықтары