<a href="https://kyzylorda-news.kz/">Kyzylorda-news.kz.</a> Қазақстан әлемде өз-өзіне қол жұмсаушылар саны бойынша үшінші орында. Соның ішінде, 15-19 жас аралығындағы жасөспірімдердің өзіне қол салуы жиі кездеседі. Басты себебі ретінде баланың ата-анамен қарым қатынасы мен болашаққа деген үміттің болмауы көрсетілген. Ғылымда бұл жас аралығын өтпелі кезең деп аталады. Баланың көңіл-күйі құбылмалы болатыны жасырын емес.
Өтпелі кезең қай жас аралығында өтеді?
Дүниежүзілік денсаулық сақтау ұйымының (ВОЗ) мәліметіне сәйкес өтпелі кезең 10 жастан басталып, 19 жасқа дейін жалғасады. Бұл уақытта баланың жыныстық жетілуі, дене пішінің өзгеріс мен психологиялық дамуы жүреді.&nbsp;
Балалық шақтан ересек өмірге өту үш кезеңге жіктеледі: бастапқы, ортаңғы, соңғы.&nbsp;
Бастапқы кезең: 10–14 жас
Бұл уақытта жыныстық жетіліп, физикалық дамиды. Қыздарда гормонды өзгерістер ер балаларға қараған 1–2 жыл ерте басталып, 3 жылға созылады. Ер балаларда 4 жыл уақытта алады.&nbsp; Бастапқы кезеңде жасөспірім тек бүгінгі күнмен өмір сүреді. Оларды әрекетінің болашаққа қалай әсер ететіні қызықтырмайды. Көңіл-күйлері құбылмалы болатындықтан, күйзеліске ұшырау жиі кездеседі. Олардың ортасы кеңейе бастайды: отбасы мен жақын достарынан бөлек, жаңа адамдармен тілдесуге құштарлығы артады.
Ортаңғы кезең: 15–17 жас
Бұл уақытта жыныстық жетілу тоқтайды. Қыздардың бойының өсуі баяулап, керісінше, ер балалар да жылдамдай түседі. Психологиялық тұрғыдан қиын мәселелерді шешіп қана қоймай, болашаққа жоспар құра алады. Олар отбасыдан алшақтап, еркіндікті қалайды. Соған қарамастан, ата-ананың беретін қамқорлығы мен қолдауы жасөспірімдердің өмірінде маңызды бола түседі.&nbsp;Жасөспірім өзінің құрдастарының ойына тәуелді бола түседі.&nbsp;
Соңғы кезең: 18 жастан кейін
Бұл кезең 21, кейде тіпті 24 жасқа дейін созылады. Соңғы кезеңде жастар саналы шешім қабылдайды, эмоциялық тұрақтылыққа ие болады. Олардың өз бетімен өмір сүруге қабілеті артады.
Өтпелі кезең ерекшеліктері:
Бұл уақытта жасөсіпірім екі жақтан түсетін күшті қатар алып жүруге мәжбүр. Бірінші гормондар ойнаса, екінші жағынан олар психологиялық жетілу кезеңінен өтеді. Өтпелі кезеңде орын алатын өзгерістер мынадай:&nbsp;
• Олар өзге біреудің ықпалымен бұрыс шешім қабылдауға қабілетті.
• Олардың есте сақтау қабілеті нашарлайды. Сондықтан, оқу үлгерімі де нашарлауы әбден мүмкін.
• Жазалау әдісі оларға кері әсірен тигізеді. &nbsp;
• Олар “нағыз” өздерін іздеумен болады. Сондықтан, шашын бояу, тату жасату, ашық киіну секілді нашар қылықтар шығаруы мүмкін.&nbsp;
Жасөспіріммен қалай тілдесу керек?
Өтпелі кезеңнен қашып құтылу мүмкін емес. Егер бала есейген сайын ата-анадан алшақтай бастаса уайымдаудың қажет жоқ. Бұл&nbsp;– қалыпты құбылыс. Сондықтан балаға еркіндік сыйлап, өз бетімен өмір сүруге дайынған дұрыс.&nbsp;
Баланың хоббиіне қызығушылық таныту
Егер жасөсіпірм ата-анасымен қызығушылықтары туралы сөйлессе, қуанған жөн. Демек, гормонды өзгерістерге қарамастан олардың арасында байланыс сақталып қалған. Бұл уақытта ата-ана барынша баланың хоббиі мен таңдауына сыйластық білдіргені дұрыс.&nbsp;
Сынға алмау
Күн сайын өзгеретін баланың “жаңа” денесіне сын айтудан аулақ болу керек. “Иығың үлкен”, “аяғың жалпақ”, “толып кетіпсің” деген сөздер баланың бүгіні мен болашақ өміріне қатты әсер етеді. Олар өзін қабылдай алмайды. Өзгелермен салыстыру арқылы ата-ана баланың сенімін жоғалтып алады.&nbsp;
Сұрақтар және кеңестермен мезі етпеу
Шектен тыс өбектеу, орынсыз кеңестер мен бітпейтін сұрақтар жасөспірімнің шамына тиеді. Егер сұраққа қалай болса, солай жауап берсе, тілдесу әдісін өзгерту керек.
Балаға өз ойын толық жеткізуге мүмкіндік беру арқылы онымен дұрыс қарым-қатынасты сақтап қалуға балады. Жасөспірім шақта онымен ересек адамдарша ақылдасу, сөйлесу болашақта өз жемісін береді. 
<a href="https://massaget.kz/kyizdarga/shayra/60450">Massaget.kz</a>

Өтпелі кезең ерекшеліктері қандай?

Әпенде (әңгіме)

<a href="https://kyzylorda-news.kz/">Kyzylorda-news.kz.</a> Табиғатта «магнит өрісі», «магнит дауылы» дер аталатын құбылыстардың болып тұратыны, олардың адам ағзасына белгілі бір дәрежеде әсер ететіні белгілі. Әсіресе магнит дауылын әркім әрқалай көтереді. Жас, денсаулығы қалыпты адамдар бұл дауылдың әсерін аса сезе қоймайды, ал жасы егде тартқан және сезімтал адамдар бұл дауылдың әсерін қатты сезінеді. Көпшілікке таныс бұл құбылыс кезінде ағзадағы жайсыздықтан қалай арылуға болады? Ендеше сіздерге сол жайында айтпақпыз.
«Магнит дауылы» ғылыми тілде геомагниттік толқын деп аталады. Ол – жердің магнит өрісінің күшті ұйытқуы. Магниттік дауыл бірнеше сағаттан бірнеше тәулікке дейін созылады, әрі ол жер бетінің барлық нүктесінде бір мезгілде өтеді. Мамандар бұл күндері қан қысымы жоғары және&nbsp;жүрек-қан тамырларының жұмысы&nbsp;әлсіз адамдар өзіне сақ болуы керек екенін айтады.
• «Магнит желі» тұрған кезде қанда холестерин мөлшері артады. Сол себепті бұл күндері майлы, әрі тәтті, тұзды тағамдардан бойды аулақ ұстаған жөн. Созылмалы жүрек ауруынан зардап шегетіндер қажетті дәрі-дәрмектерін үнемі жанында ұстағаны дұрыс. Егер адам осыған дейін қандай да бір себеппен түрлі қабынуларға қарсы дәрі-дәрмектер қолданған болса, онда оларды ішуді қайта жалғастырғаны дұрыс (емді дәл осы күндері жаңадан бастауға болмайды, тек бұрын емделгендер ғана оны жалғастыра алады, осыны ұмытпаңыз).
•&nbsp;Денсаулығыңызға қатты кері әсері болмаса, аспирин қолдануға болады. Сонымен қатар бұл күні түрлі шөп тұнбаларын (эвкалипт майы, тағы да басқа) әзірленген жақпа майларды компресске пайдалануға болады. Мысалы, белгілі бір кептірілген емдік шөптің ұнтағына 2 ас қасық алып, 50 гр вазелинге теңдей дәрежеде араластырады. Жақпаны дәкеге әбден сіңіп кеткенше ысқылап жағады.
•&nbsp;«Магнит желі» тұрғанда алкогольді ішімдіктерден бас тартқан жөн. Сонымен қатар ағзаға артық салмақ, күш түспегені дұрыс.
•&nbsp;Жасы үлкен адамдар «магнит дауылын» қиналмай көтеруі үшін ағзаның тінаралық зат алмасуын реттеп отыруға пайдасы бар емдік шөп тұнбаларын қолдануға болады. Мәселен, алоэ тұнбасы. Ол үшін алоэның төменгі жағындағы жапырақтарының бірін кесіп алады да, оны қайнатылған суда мұқият жуады. Содан соң ұсақтап турап, дәкеге орайды да, сөлін сығып алады. Осы сөлді тамақтан 20 минут бұрын ішеді. Мұндай кезде күніне 3 рет, 15 тамшыдан эвкалипт майын да қолданған дұрыс.
•&nbsp;«Магнит желі» кезінде жүйкесі сыр беріп, жөнсіз ашуланатындар, мазасы кететіндер, ұйқысы қашып, үрейге берілетіндер бұл кезеңде валериан(валерьянка) мен пион тұнбасын қолдануға болады. Олар тез тыныштандырады. Сонымен қатар жеңіл дене жаттығуларын жасап, жылы-салқын душты алма-кезек қабылдаса да жақсы көмегі тиеді. Себебі магнит толқынының әсерін азайтуда қарапайым судың пайдасы зор.
Есіңізде болсын, «магнит желін» адамдар әрқалай сезеді. Кейбіреулері жел басталардан 2-3 күн бұрын мазасыздана бастаса, енді біреулері өзінің кенеттен көңіл-күйі бұзылып, себебін таба алмай жатады. Ал ендігі біреулері магнит желінің әсерін ол өтіп кеткен соң барып сезеді. Мұның бәрі де ағзаның жай-күйіне байланысты. Сондықтан кімде-кім өз ағзасының ахуалын қадағалап, ақпарат құралдарында ескертілетін ауа-райы болжамдарына назар сала жүрген артықтық етпейді. Себебі бұл «магнит желі» мезгілдің белгілі бір күндері ғана болады.
<a href="https://massaget.kz/layfstayl/Zdorove/60954/">Massaget.kz</a>

Магнит дауылының денсаулыққа әсері

<a href="https://kyzylorda-news.kz/">Kyzylorda-news.kz.</a> Қызылорда облысында «Гарант 24 Ломбард» ЖШС-нің қаржылық пирамиданы құрғаны және басшылық еткені анықталып, қылмыстық іс қозғалды. Бұл туралы Өңірлік коммуникациялар қызметінің ақпарат алаңында өткен баспасөз конференциясында Қызылорда облысы полиция департаменті бастығының міндетін атқарушы Шамшидин Амитов мәлімдеді.
«Қазақстан Республикасының Қылмыстық кодексінің 217-бабының 2-бөлігімен қаржылық пирамиданы құру дерегі бойынша қылмыстық іс тергелуде. Қазіргі таңда 70-тен астам тұрғын полицияға шағымданды. Сондай-ақ, бұл мәселеге байланысты сотқа дейінгі тергеп-тексеру жұмыстары жүргізіліп, материалдық шығын есептеледі»,-деді Шамшидин Егенбердіұлы.
Сонымен қатар, «Гарант 24 Ломбард» ЖШС-гі қылмыстық әрекеттерімен шығын келтірген болса, Қызылорда облысының Полиция департаментіне келулеріңізді немесе 29-50-46, 29-50-25, 29-75-20 телефон нөмірлеріне хабарласуларыңызды сұраймыз. Мекен-жайы: Қызылорда қаласы, Қорқыт ата көшесі №18.
<img src="https://kyzylorda-news.kz/wp-content/uploads/2020/02/87300694_958177594577753_1320839822343929856_o.jpg" alt="" />

Қызылорда: Қаржы пирамидасына қатысты іс қозғалды

<a href="https://kyzylorda-news.kz/">Kyzylorda-news.kz.</a> Қазгидрометтің хабарлауынша, Қазақстанның басым бөлігінде наурызда ауа райы жылы болады.
Қазақстанның солтүстігінде наурыздың бірінші онкүндігінде қарлы болады, боран тұрып, мұзтайғақ болып, тұман түсуі мүмкін. Күндіз ауа температурасы минус бес пен плюс бес арасында құбылады, түнде он градусқа дейін аяз болады.
Қазақстанның оңтүстігінде көктемгі айдың алғашқы күндері жаңбырлы болады, кей жерлерде қар жауады. Күндіз ауа температурасы 18 градусқа дейін, түнде – нөлден плюс сегізге дейін қызады.
<blockquote>
 “Алайда, кейбір күндері еліміздің солтүстігінде, орталығында және шығысында сынап бағанасы түнде 17-ге дейін суытуды, оңтүстігінде және батысында 10 градусқа дейін төмендеуді көрсетуі мүмкін”, – деп ескертеді “Қазгидрометтегілер”.
</blockquote>
Жалпы наурыз жылы болады деп күтіліп отыр: республиканың басым бөлігінде ауа температурасы нормадан бір градусқа жоғары болады. Мамандардың айтуынша, мұнда ауа температурасы климаттық нормаға жуық болады.

Наурызда ауа райы қандай болады?

<a href="https://kyzylorda-news.kz/">Kyzylorda-news.kz.</a> Британдық ғалымдар ғаламдық жылынумен күресу үшін ұшақтардың ұшу биіктігін өзгертуді ұсынды, деп хабарлады <a href="https://24.kz/kz/zha-aly-tar/lemde/item/375052-alymdar-sha-tardy-shu-biiktigin-zgertudi-syndy">«Хабар 24»</a>.
Олардың айтуынша, мұндай өзгеріс авиацияның климатқа зиянды әсерін 56%-ға төмендетеді. Ұшақтар атмосферада мұз кристалдарының инверсиялық ізін қалдырады. Олар бірнеше сағат бойы таралмай тұрады және түнде Жерге жылуды қайта бөледі.

Ғалымдар ұшақтардың ұшу биіктігін өзгертуді ұсынды

<a href="https://kyzylorda-news.kz/">Kyzylorda-news.kz.</a> Ауыл-аймақтардың тұрғындары жергілікті телефон қызметтерінен қала тұрғындарына қарағанда қарқынды түрде бас тартуда, деп хабарлады&nbsp;<a href="https://kyzylorda-news.kz/">«Хабар 24»</a>.
Қаңтар айы бойынша жергілікті телефон байланысы 3 млрд теңгені құрады. Бұл көрсеткіш бір жыл ішінде 5,5%-ға кеміген. Оның ішінде 864,1 млн теңгені ауылдық жерлердегі телефон байланысы құрайды, ол алдыңғы жылмен салыстырғанда 12,5%-ға аз.
Қызметтердің жалпы көлемінің 21,8%-ы Алматыға тиесілі, ол 655,3 млн теңгені құрайды.
Сондай-ақ жергілікті телефон байланысын көп қолданатын жетекші үштікке Қарағанды ​​(10,6%) және Шығыс Қазақстан (7,8%) облыстары кіреді.
Жалпы үй телефондары қызметтері 2014 жылдан бастап құлдырай бастады.

Қазақстанның қай өңірлерінде үй телефондары әлі де көп қолданылады?

<a href="https://kyzylorda-news.kz/">Kyzylorda-news.kz.</a> Қан қысымы жоғары адамдар дәрі-дәрмектің көмегінсіз аз уақыт ішінде оны өздігінен қалпына келтіре алады.
Солтүстік Каролина (АҚШ) университетінің ғалымдары зерттеу жүргізіп, нәтижесінде осындай тұжырымға келді.
Олардың эксперименті 16 апта ішінде қажетті талаптарды орындап қан қысымының көрсеткішін жақсартуға болатынын көрсетті.
Жүрек-қан тамырлары ауруларының алдын алудың ең тиімді әдісі – салауатты өмір салтының негізгі қағидаларын сақтау, дұрыс тамақтану және физикалық белсенділік. Бұл формула семіздік пен артериалды гипертензиямен ауыратын 40 жастан 80 жасқа дейінгі 129 адамның қатысуымен жүргізілген тәжірибенің нәтижесі болды.
Тәжірибеге қатысқан еріктілер үш топқа бөлінді. Бірінші топтағы қатысушыларға тек дұрыс тамақтанумен бірге физикалық белсенділікті арттыру керек болды. Олар атап айтқанда, қызыл ет, тұз және көмірсуларды тұтынуды азайтып, көкөніс, жемістерді және майлылығы төмен сүт өнімдерін көбірек тұтынды және жүйелі түрде дене жаттығуларын жасады. Екінші топтағылар тек тамақтану үрдісіне өзгерістер енгізді. Ал үшінші топтың қатысушылары әдеттегі өмір салтын ұстануды жалғастыра берді. Тәжірибе барысында қатысушылар ешқандай дәрі-дәрмек қолданбаған.
Бұл тәжірибелердің нәтижесі бойынша, бірінші топтағы адамдар 16 аптадан кейін салмақ тастаумен қатар, олардың қан қысымы орташа есеппен 10-16 пунктке төмендеген. Екінші топтағы еріктілер де оң өзгерістерге қол жеткізді, ал үшінші топтағы адамдардан ешқандай өзгеріс байқалмаған.
<a href="https://24.kz/kz/zha-aly-tar/bylu-manyzdy/item/375128-d-ri-d-rmekti-k-meginsiz-an-ysymyn-alaj-t-mendetuge-bolady">«Хабар 24»</a>

Дәрі-дәрмектің көмегінсіз қан қысымын қалай төмендетуге болады?

<a href="https://kyzylorda-news.kz/">Kyzylorda-news.kz.</a> Сиыр және қой еті бір жылдың ішінде 16-17%-ға қымбаттады, деп хабарлады <a href="https://24.kz/kz/zha-aly-tar/o-am/item/375500-elimizde-et-ymbattady">«Хабар 24»</a>.
Бір жыл ішінде ет және ет өнімдерінің экспорты 26 мың тоннаны, ал импорт 252 мың тоннаны құрады.
Ет және ет өнімдерінің бағасы бірден 13%-ға, ал құс етінің бағасы 14,7%-ға өсті. Сиыр еті 16,5%, қой еті 16,2%, ал жылқы еті 14,5% қымбаттады.
Сонымен бірге ет өндірісі де қарқынды дамуда. 2020 жылдың қаңтарында Қазақстанда 21,1 млрд теңгеге ет және ет өнімдері өндірілді.

Елімізде ет қымбаттады

Халықаралық қылмыс құрбандарына қолдау көрсету күні
1990 жылғы ақпанның 22-інде Англияның үкіметі «Қылмыс құрбандарының хартиясын» жариялады. 1985 жылы қыркүйекте БҰҰ-ның жетінші конгресі қылмыс құрбандары мен билікті пайдаланғандар үшін Әділеттіліктің маңызды қағидалары декларациясын бекітті. Осы жылдың 29 қарашасында БҰҰ-ның Бас Ассамблеясы бұл Декларацияны қабылдады. Жыл сайын атап өтіледі.
1944 жылы Жақыпбек Махамбетовке Днепр өзенінен өтудегі шайқаста ерлік көрсеткені үшін КеңесОдағының Батыры атағы берілді.
1989 жылы Қызылорда облыстық архитектуралық кеңес құрылды.
2005 жылы&nbsp;Қазақстанда жаңа аймақтық қоғамдық бірлестік – Мұнай-газ кешені қызметкерлерінің кәсіптік одағы құрылды. Одақты құру туралы шешім ақпанның 22-сінде Атырауда өткен кәсіподақтық конференцияда қабылданды. Жаңа кәсіподақ «ҚазМұнайГаз» ұлттық компаниясымен және мұнай саласында жұмыс істейтін басқа да республикалық шаруашылық құрылымдармен, атқарушы өкімет органдарымен өзара іс-қимылды басымдықты мәселе ретінде қарастырып, олармен тарифтік келісім жасады. Жаңа бірлестіктің қызметі Атырау, Ақтөбе, Батыс Қазақстан, Маңғыстау және Қазақстанның басқа да облыстарындағы мұнай-газ кәсіпорындарының кәсіподақ ұйымдарын қамтиды.
2006 жылы&nbsp;Қазақстан Республикасы Президентінің жанындағы Отбасы және әйелдер істері жөніндегі ұлттық комиссия құрылды.
2018 жылы&nbsp;Астанада Әйелдер күресі академиясы ашылды. Спорттық кешеннің ашылуына Спорттық жекпе-жек және күш қолданылатын спорт түрлері конфедерациясы, ҚР Грек-рим, еркін және әйелдер күресі федерациясы мұрындық болған.

22 ақпан: Атаулы күндер мен оқиғалар

<a href="https://kyzylorda-news.kz/">Kyzylorda-news.kz</a> ақпараттық агенттігінің 22 ақпанға арналған жұлдыз-жорамалы.
Тоқты
Бүгін қабылдаған әрбір шешім дұрысынан болмақ. Жұлдыздар ненің дұрыс, ненің бұрыс екенін сілтеп отыратын болады. Жасаған әрбір ісіңіз алға басып, жұмысыңыз жандана түспек. Әрбір күніңіз өзіңізге сабақ болады.
Торпақ
Жұмысқа қатысты келіссөздер жүргізуге ыңғайлы күн. Бүгін сіз кез келген адаммен тіл табысып, оларды өз дегеніңізге көндіре аласыз. Танымдық экскурсияға шығып, айналаңыздағылардан мол ақпарат алуға болады.
Егіздер
Сіз үшін өте сәтті күн. Бүгін жолыңыз болғалы тұр. Сізді бүгін сыйлыққа кенелесіз. Ұтысқа немесе мол мұраға ие боласыз. Жалпы бүгінгі күн өте табысты болмақ. Айтпақшы қолда бар мүлкіңізді сақтандырып қоюды ұмыт қалдырмаңыз.
Шаян
Ата-анаңыздың немесе үлкендердің көмегін аласыз. Олар өздерінің тәжірибесімен бөлісіп, көмек көрсетеді. Жұмыста ұсақ-түйекке мән беріңіз. Құжаттарды ретке келтіріңіз.
Арыстан
Бүгінгі күн іскерлік басқосуларға ғана емес, сонымен бірге достық кездесулерге, романтикалық кештерге де өте қолайлы. Өз-өзіңізге сенімді болыңыз. Сіздің сұлулығыңызға тең келер ешкім жоқ.
Бикеш
Бүгінгі күн жағымды әсерлерімен есте қалмақ. Жаңа таныстықтар жақсы қарым-қатынасқа ұласады. Ішімдік пен сапасыз азық-түлік пайдаланудан сақтаныңыз. Өйткені сіздің жақсы көңіл-күйіңізді осылар ғана түсіре алады.
Таразы
Бүгін көп адамдармен сөйлесіп, мол ақпаратқа ие боласыз. Бірақ шынайы ақпаратты ғана алуды ойлаңыз. Бүгін жүрген ортаңыз өтірікке толы. Осыған орай сіз де өз тарапыңыздан өтірік айтуға жол бересіз.
Сарышаян
Сіздің тапқырлығыңызға қызыға қарайтындар болады. Ішкі түйсігіңіз алдамайды. Сондықтан оған толық сенім артуға болады. Бүгін өзіңізге қажет емес заттарды сатып, пайда табыңыз. Ол үшін тауарыңызға жақсы жарнама жасай біліңіз.
Мерген
Барлық қарым-қатынаста өте сәтті күн. Отбасыңызға көңіл бөліңіз. Оларға өз қолыңызбен мерекелік дастархан әзірлеңіз. Сонымен қатар бүгін сумен ем қабылдасаңыз денсаулығыңызды жақсартасыз.
Тауешкі
Бүгінгі күн үй ішін ретке келтіріп, жаңа заттар алуға өте ыңғайлы. Әйел адамдар өздерінің сырт келбеттеріне мән беріп, косметикалық ем-домдар жасау қажет. Бүгінгі күн бала тәрбиесімен айналысуға өте қолайлы.
Суқұйғыш
Бүгін өз ұстанымыңыздан таймаңыз. Сонда ғана барлығы жақсы болады. &nbsp;Өзгелердің сізге деген көзқарасы өзгеріп кетуінен сақтаныңыз. Олармен жақын қарым-қатынасты үзбеңіз.
Балықтар
Айлық жалақыңыздың өседі деп немесе қызметіңіз жоғарылайды деп ойлап жүрсіз. Бірақ бұл ойыңыз іске аспауы мүмкін. Сондықтан өз ойыңызға алданып, соңынан жүйкеңізді шаршатып алып жүрмеңіз.

Жұлдыздар не дейді?

<a href="https://kyzylorda-news.kz/">Kyzylorda-news.kz.</a> Қызылорда қаласындағы Назарбаев Зияткерлік мектебінің оқушылары өңірдегі Ұлы Отан соғысының ардагері Любовь Колесникпен кездесіп, зерттеу жұмысына қажетті ақпарат жинақтады.&nbsp;
Любовь Колесник небәрі 19 жасында майданға аттанған еді. Кеңес Одағының маршалы Георгий Жуковтың қолбасшылығымен Беларусь майданына жақын жерде орналасқан әскери госпитальде медбике ретінде қызмет етті.&nbsp; Соғыстың ізімен өткен Любовь әжей Берлинде Жеңісті қарсы алды.
<blockquote>
 «Госпитальге жеңіл және ауыр жағдайдағы жараланған көптеген әскерилер келіп, оларға алғашқы медициналық көмек көрсетті, қажетті ем-домдарын жасады.&nbsp; Анамның айтуынша кей кездері солдаттарды аман алып қалу үшін оталарды ашық аспан астында жасауға тура келді», &nbsp;– деп бөлісті анасының естеліктерімен ардагердің қызы Татьяна Червоненко.
</blockquote>
Жеңіс күнін жариялағаннан кейін бірнеше ай емделушілерге көмек көрсетуге госпитальде жұмыс жасады. Үйге 1945 жылдың тамыз айында оралып, зейнет жасқа дейін медицина саласында еңбек атқарды.
Кездесу барысында оқушылар сұрапыл соғыстың қиын кезеңдері туралы көптеген құнды ақпарат алды. Алдағы уақытта жас зияткерлер майдан даласында болған батырлар туралы Уикипедияға мазмұнды мақалалар жазып, олардың ерліктерін дәріптеу арқылы өскелең ұрпақтың білімдерін байытуды мақсат етеді.&nbsp;&nbsp;
<blockquote>
 «Әлемде ешқашан соғыс болмасың. Елімізге бейбітшілік пен тыныштық тілеймін», – деп тілегін жеткізген Любовь Сергеевна оқушыларға оқуда сәттілік тіледі. &nbsp;
</blockquote>
Биыл 95 жасқа толатын қарт ана балалардың қамқорлығы мен немере-шөберелердің махаббаты оған күш пен денсаулық беретінін айтады.
Жылдан жылға шежіренің бұл батырлық-қайғылы парақшасы алыс тарих болып барады. Бірақ&nbsp; сол ауыр жылдарды ұмытпау және майдан даласының батырларын ерліктерін естен шығармау біздің ардагерлер алдындағы борышымыз. &nbsp;
<img src="https://kyzylorda-news.kz/wp-content/uploads/2020/02/21veteran2.jpg" alt="" />
<img src="https://kyzylorda-news.kz/wp-content/uploads/2020/02/21veteran3.jpg" alt="" />

Қазақстан және Қызылорда облысының жаңалықтары