<a href="https://kyzylorda-news.kz/">Kyzylorda-news.kz.</a> Облыс әкімі Қ.Ысқақовтың төрағалығымен құқық бұзушылық профилактикасы жөніндегі ведомствоаралық комиссия отырысы өтті. Күн тәртібінде “Кәмелетке толмағандар арасындағы құқық бұзушылықтың алдын алу мақсатында 2019 жылы қабылданған және 2020 жылы қабылданатын шаралар” мен “Азаматтардың жеке меншіктегі малдарын ұрлау қылмысының профилактикасы” мәселелері қаралды.
Күн тәртібіндегі бірінші мәселе Кәмелетке толмағандар арасындағы құқық бұзушылықтың алдын алу мақсатында 2019 жылы қабылданған және 2020 жылы қабылданатын шаралар” туралы облыстық білім басқармасы басшысының міндетін атқарушы Бағдат Бердаулетов баяндама жасады.
<blockquote>
 “Облыста кәмелетке толмағандар арасындағы құқық бұзушылықтар саны 2019 жылғы 12 айда алдыңғы жылмен салыстырғанда 28,1%, ал, қылмысқа қатысушылар саны 30,4 пайызға азайған. Дегенмен, мектеп оқушыларының қатысуымен жасалған құқық бұзушылықтар саны 20% көбейген. Осындай жағдайлардың алдын алып, болдырмау мақсатында 2019 жылғы 12 айда дәстүрлі “Түнгі қаладағы балалар” жедел-профилактикалық бірлескен іс-шаралар рейді 1193 рет ұйымдастырылды. Оған 4 339 адам қатысты. Сондай-ақ, отбасылық және рухани тәрбие беру бойынша өткен жылы мектептердің 1-11 сынып оқушыларының 140 мың ата-аналарына «психологиялық көмек» беру мақсатында ата-аналар конференциясы ұйымдастырылып, психологтардың кеңестері берілді”,- деді облыстық білім басқармасы басшысының міндетін атқарушы Бағдат Бердаулетов.
</blockquote>
Жыл басында барлық құқық қорғау органдарының орталық аппараттарында кеӊейтілген алқа отырыстары өткізіліп 2019 жылы атқарылған жұмыстар қорытындыланды.
<blockquote>
 “Өткен жылдың қорытындысымен облыс көлеміндегі қылмыстық құқық бұзушылықтар 19 пайызға азайды. Оның ішінде, кәмелет жасына толмағандармен жасалған қылмыстар 28 пайызға төмендеген. Көрсеткіштің жақсаруына қарамастан, кәмелет жасына толмағандардың арасындағы құқық бұзушылық профилактикасы мәселесі әлі де болса өзекті екенін естен шығармауға тиіспіз”,-деді облыс әкімі Қуанышбек Ысқақов.
</blockquote>
Күн тәртібіндегі екінші мәселе “Азаматтардың жеке меншіктегі малдарын ұрлау қылмысының профилактикасы” бойынша облыстық полиция департаменті бастығының орынбасары Серік Шалқаров баяндады.
<blockquote>
 “2019 жылдың 12 айының қорытындысы бойынша, Қызылорда облысының аумағында барлығы 1165 мал басы ұрланып 401 бас табылды. Көбінесе жайылымдардағы күзетілмеген қораларда қараусыз қалған мал ұрланады. Мал ұрлығының негізгі себептерінің бірі оның бақылаусыз жайылуы, яғни өз малын бірнеше күнге, тіпті айларға қараусыз қалдырған азаматтар тарапынан оның сақталуына жауапсыз қарау салдарынан орын алып отыр. Сонымен қатар, малының жоғалғанын байқаған азаматтар полицияға жүгінбей өз бетінше іздейді, бұл ретте ұрланған мал мен оған қатысты тұлғаларды іздестіруді жеңілдететін маңызды айғақтар мен іздер жоғалып кетеді. 2019 жылдың 12 айында мал ұрлығымен тіркеліп, ұрланып кетті деген малдар далалық жерде табылып, иелеріне қайтаралу жие кездеседі. Бұндай дерек бойынша 131 қылмыстық іс тоқтатылды, бұл ретте ұрланған малды іздеуге жеке құрамның басым күштері мен автомобиль көлігі тартылады. Мал иелірінің жауапсыздығынан өкіметтен қаражатар шығындалуда”,- деді облыстық полиция департаменті бастығының орынбасары Серік Шалқаров.
</blockquote>
Аймақ басшысы облыс бойынша арнайы мал союға арналған 38 пункт бар, дегенмен, бейресми деректерге сәйкес малды үйден сойып, оның етін сату арқылы кәсіп қылып отырған жеке тұлғалардың саны өте көп екені жасырын емес екендігін айтты.
<blockquote>
 “Ұрланған малдарды сою деректері орын алуы әбден мүмкін. 
Себебі, ол-бақылаусыз. Бұнымен қоса, олар өз қызметін санитарлық -эпидемиологиялық талаптарды сақтамай, кәсіпкерлік субъекті ретінде тіркелмей атқаруда. Сонымен қатар, Мемлекет басшысының мал ұрлаған адамдардың қылмыстық жауапкершілігін күшейту, сондай-ақ, осындай қылмыстардың алдын алу және профилактикалық жұмыстарды кешенді түрде жүргізу жөніндегі тапсырмасын орындауымыз үшін кешенді жоспар қажет”,- деді облыс әкімі Қуанышбек Ысқақов.
</blockquote>
Сондай-ақ, аймақ басшысы полиция органдары мал ұрлығына байланысты қылмыстылықпен күресуде ұдайы түрде түнгі мезгілде рейдтік жұмыстарын жүргізіп, жиі қылмыс орын алатын аумақтарға полиция бекеттерін орнату жолдарын қарастырып, мүдделі органдармен бірлесіп, ет өнімдерін сату, сатып алумен және өңдеумен айналысатын орындарды заңнамаларға сәйкес ретке келтіру бойынша ұсыныстар беруді тапсырды.

Қ.Ысқақов: Құқық бұзушылық профилактикасы өзекті мәселе екенін естен шығармауға тиіспіз

<a href="https://kyzylorda-news.kz/">Kyzylorda-news.kz.</a> Синоптиктер 4 наурызда Қазақстан аумағында ауа райы қандай болатынын айтты, деп хабарлайды «Қазгидромет» РМК баспасөз қызметі.
Қазақстан аумағының басым бөлігі әлі де антициклон ықпалында, осыған байланысты күн ашық болады. Тек еліміздің солтүстік, шығыс, оңтүстік-шығыс және батыс аймақтарында циклон әсерінен жауын-шашын (жаңбыр, қар) жауады. Шығыста кей жерлерде қалың қар жауады. Республиканың кей жерлерінде тұман түсіп, көктайғақ болады, жел күшейеді, республиканың шығысы мен солтүстік-шығысында жаяу бұрқасын көтеріледі.
Павлодар, Шығыс Қазақстан облыстарының кей жерлерінде тұман түседі, көктайғақ болып, жаяу бұрқасын соғады. Шығыс Қазақстан облысының түнде кей жерлерінде жел қарқыны – 15-20 м/с.
Ақмола, Жамбыл, Қызылорда, Солтүстік Қазақстан, түнде және таңертең Алматы облысының кей жерлерінде тұман түседі, жел екпіні 15-20 м/с дейін күшейеді.
Түркістан облысының кей жерлерінде жел жылдамдығы 15-20 м/с жетеді.
Қостанай, Қарағанды, Атырау, Батыс Қазақстан облыстарының кей жерлерінде тұман түседі. Ақтөбе облысында күндіз көктайғақ болады

Тұман, жел, көктайғақ: 4 наурызға арналған ауа райы болжамы

1997 жылы&nbsp;ҚР Президентінің Жарлығымен және ҚР Үкіметі қаулысымен Мұнай және газ өнеркәсібі министрлігі базасында «Қазақойл» Ұлттық мұнай-газ компаниясы құрылды. Мұнай-газ кешенін басқарудың тиімділігін арттыру мақсатында 2002 жылғы ақпанның 20-ында «Қазақойл» Ұлттық мұнай компаниясы мен «Мұнай және газ көлігі» Ұлттық компаниясы қосылып, «ҚазМұнайГаз» Ұлттық компаниясы құрылды.
1999 жылы&nbsp;Алматы көшелерінің біріне Қазақстанның халық әртісі Ғарифолла Құрманғалиевтің есімі беріліп, ол тұрған үйге ескерткіш тақта орнатылды.
2010 жылы&nbsp;Оңтүстік Кореяның Қазақстандағы елшілігі жанынан Корея мәдениет орталығы салтанатты түрде ашылды.
2014 жылы&nbsp;ҚР Ұлттық банкінің «Қазақстанның игілігі» сериясынан «Байқоңыр» күміс монетасы 2012 жылғы соғылған үздік монета ретінде Виченца (Италия) қаласында өткен «Vicenza Numismatica-2014» монета өнімдері халықаралық байқауының нәтижесі бойынша екінші жүлдені иеленді.
Бұл монетада ғарыш пен «Байқоңыр» ғарыш айлағын зерттеудегі маңызды жетістіктер бейнеленген.
2014 жылы&nbsp;ҚР Президенті Н. Назарбаевтың «Қазақстан жолы – 2050: бір мақсат, бір мүдде, бір болашақ» Жолдауы алғаш рет ишарамен сөйлеу тілінде берілді.
Қазақстанның құлағы нашар еститін азаматтарына Президент Жолдауының негізгі бағыттарын жеткізу үшін мүмкіндігі шектеулі адамдарға арнайы видеожоба әзірленіп, Strategy2050.kz. сайтына орналастырылды. Видео хронометражы – 1 сағат 9 минут.
2016 жылы&nbsp;ҚР Ұлттық банкі айналымға 100 теңгелік «Магиялық символдар» сериясымен «proof» кәдесыйлық күміс монетасын шығарды

4 наурыз: Ел тарихында орын алған оқиғалар

<a href="https://kyzylorda-news.kz/">Kyzylorda-news.kz</a> ақпараттық агенттігінің 4 наурызға арналған жұлдыз-жорамалы.
Тоқты
Таңертең өте сақ болыңыз. Әсіресе берген уәделеріңізде тұруға тырысыңыз. Әйтпесе, ешкімге ешқандай уәде бермегеніңіз жөн.
Торпақ
Асықпаңыз. Барлық шаруада әбден ойланғаныңыз жөн. Жаңа идеяларды жүзеге асыруға асықпаңыз. Олардың көбі жақсы нәтиже бермейді.
Егіздер
Қандай жағдай болса да, сабыр сақтауға тырысыңыз. Қарбалас күн болады. Алайда ешқандай мәселе орын алмайды.
Шаян
Маңызды шаруаларды кейінге қалдырмаңыз. Оларды қаншалықты ерте қолға алсаңыз, соншалықты тез орындайсыз. Жаңа жобаларды тез игересіз.
Арыстан
Жаңа таныстарыңыздың бірі сіздің кеңпейілдігіңізді өз қызығушылығына немесе өз пайдасына жаратқысы келеді. Сондықтан сақ болыңыз.
Бикеш
Күнделікті тіршілік жалғасын таба береді. Күтпеген тосынсыйлар болуы мүмкін. Кездесулер кейінге қалдырылуы мүмкін.
Таразы
Әр қадамыңызды ойланып басыңыз. Сонда ғана дұрыс шешім қабылдай аласыз. Өздерінің нақты жоспарлары бар жандарға ғана бүгін сәттілік серік болады. &nbsp;
Сарышаян
Маңызды шаруаларды атқаруға және жаңа бастамаларды қолға алуға қолайлы күн. Ештеңені назарыңыздан тыс қалдырғыңыз келмейді.
Мерген
Жаңа іспен айналысқаныңыз жөн. Өз қызығушылығыңызды тауып, сол істі қолға алыңыз. Өзіңізге қажет ілімді тез ұғып, оны өз пайдаңызға жаратасыз.
Тауешкі
Бүгін көп адаммен кездесесіз. Не болмаса жиыналысқа қатысасыз. Ондағы адамдармен тез тіл табысып, алдағы жоспарларыңызбен бөлісетін боласыз.
Суқұйғыш
Бүгін жағымды тосынсыйлар күтіңіз. Барлығы сіз ойлағандай қиын емес, керісінше әлдеқайда оңай. Ол үшін өзгелерден көмек сұраңыз.
Балықтар
Бүгін жұмыс көп, сондықтан күн тәртібі өте тығыз болады. Көздеген мақсатыңызға жету үшін құр қол отыруға болмайтынын жақсы білесіз.

Жұлдыздар не дейді?

<a href="https://kyzylorda-news.kz/">Kyzylorda-news.kz.</a> Қазақстанда табысы аз отбасыларының балалары үшін кепілдік берілген әлеуметтік топтама (КБӘТ) беру жалғасуда. Республиканың 11 өңірінің 85 ауданында алушыларға азық-түлік жиынтығы берілді, деп хабарлайды <a href="http://lenta.inform.kz/kz/kazakstannyn-11-onirinde-tabysy-az-otbasylardyn-balalary-azyk-tulik-zhiyntyktaryn-aldy_a3620983">ҚазАқпарат</a>.
<blockquote>
 «Олардың қатарында Ақмола, Ақтөбе, Атырау, Қарағанды, Қостанай, Қызылорда, Маңғыстау, Шығыс Қазақстан, Батыс Қазақстан облыстары, Алматы және Павлодар қалалары бар. Алушылардың жалпы саны 9,6 мың отбасындағы 17,6 мың баланы құрады. Жалпы, атаулы әлеуметтік көмек (АӘК) алатын табысы аз отбасылардағы 1 жастан 6 жасқа дейінгі 64 мың баланы қамту жоспарлануда», – делінген Еңбек және халықты әлеуметтік қорғау министрлігі мәліметінде.
</blockquote>
Естеріңізге сала кетейік, Мемлекет басшысы Қазақстан халқына Жолдауында АӘК тағайындау тетігін оның ашықтығын, әділдігін және еңбекке деген ынтасын қамтамасыз ету мақсатында түзетуге тапсырма берген болатын. Мемлекеттік көмектің жаңа шаралары 2020 жылғы 1 қаңтардан бастап кешенді түрде жүзеге асырылуда. Оған көпбалалы отбасыларға арналған жаңа мемлекеттік жәрдемақы, атаулы әлеуметтік көмек, табысы аз отбасылардағы балаларға арналған кепілдік берілген әлеуметтік топтама кіреді.
1 жастан 6 жасқа дейінгі балаларға арналған КБӘТ азық-түлік жиынтығын және тұрмыстық химия тауарларының жиынтығын қамтиды. 6 жастан 18 жасқа дейінгі балалар үшін мектептерде ыстық тамақ, оқу құралдары мен мектеп киімдерін беру көзделеді. Сондай-ақ, осы санаттағы балалар үшін мектепке дейінгі жол жүру шығындарын өтейтін болады.
Азық-түлік жиынтығы балалардың жас санатына байланысты өз құрамы бойынша ерекшеленеді: 1 жастан 3 жасқа дейін және 3 жастан 6 жасқа дейін, бірақ әлеуметтік топтаманың құрамы өңірге қарамастан бірдей. Жиын құрамы физиологиялық ерекшеліктерді, азық-түліктің тағамдық және энергетикалық құндылығының арақатынасын және жасына сәйкес оларды пайдалану нормаларын ескере отырып, Денсаулық сақтау министрлігінің ұсынымдары негізінде құрылған. Өнімдер дәруменге бай, бұл өсіп келе жатқан ағзадағы дәрумендердің жетіспеушілігін өтеуге мүмкіндік береді.
1-ден 3 жасқа дейінгі балаларға арналған жиынтық сүт, печенье, ботқа, үлпек және балалар пюресін қамтиды. 3 жастан 6 жасқа дейінгілерге арналған азық-түлік жиынтығы сүттен, макароннан, сұлы үлпектерінен, күнбағыс майынан, гематогеннен, таңғы асқа арналған сүт жастықтарынан, балалар печеньесінен, арпа, қарақұмық жармасынан, бұршақ пен балдан тұрады.
1 жастан 6 жасқа дейінгі балаларға арналған тұрмыстық химия тауарларының жиынтығына тіс пастасы, щетка, крем-сабын, сабын, сусабын, ұнтақ және крем кіреді. Табысы аз отбасының әрбір баласына осы жиынтық тоқсан сайын берілетін болады.

Қызылорда облысында табысы аз отбасылардың балалары азық-түлік жиынтықтарын алды

<a href="https://kyzylorda-news.kz/">Kyzylorda-news.kz.</a> 2020 жылдың 26 ақпанынан бастап сату және сатып алу келісімшарты бұрынғыдай нотариуста емес, ХҚКО-да рәсімделді. Бұл өзгеріс нотариус өкілдеріне қалай әсер етеді? Келісімшартты ХҚКО-да жасату үшін нені&nbsp;білу керек?
Нотариус&nbsp;Гүлзира Жақсылық сатып алу және сату келісімін ХҚКО-да рәсімдеу тиімсіз екенін айтады.
<blockquote>
 “ХҚКО-да жасалған келісімшартқа сенім жоқ. Ол жақта ешкім жауапкершілігіне алмайды. Құжаттардың жоғалып кету қаупі жоғары. Ал бізде 20-25 жылдан бері сақталған құжаттар мен келісімшарттар бар. Біз көзіміздің қарашығындй сақтап, қайда көшсек сонда арқалап алып барамыз. Ал жұмысымызды тоқтататын болсақ, архивті толықтай мемлекет мүлкіне өткіземіз. ХҚКО-да бүгін бір адам отырса, ертең басқа адам отырады. Ал бізде клиент өз қолындағы құжатты жоғалтып алса,&nbsp;көшірмесін жасауға мүмкіндігі бар. Нотариалды палатаға барып өткіземіз. Бізде келісімшарт 32 000 теңгеге жасалатын болса, ол жақта 8000 теңге болады. Көбі арзандығына қызығып барады. Бірақ ХҚКО таңдаған адамдар соңынан өкініп қалуы мүмкін.&nbsp;Ал&nbsp;келісімшарттың қауіпсіздігін ойлаған адам, қанша ақша болса да бізде жасатқан тиімді екенін біледі”, – дейді Гүлзира Жақсылық.
</blockquote>
Сондай-ақ бұл өзгерістің нотариусқа тигізер зияны бар екен жасырмайды. Клиенттердің азайғаны нотариалды контораларға да керек емес. Бірақ нотариустың жұмысы сапалы екені&nbsp;уақыт өте келе көрінеді дейді маман.&nbsp;
Сатып алу-сату келісімі туралы толық ақпарат egov.kz сайтында берілген. Төмендегі мәліметтерден келісімге отырмай тұрып, сіз білуіңіз керек ақпарат жазылған.&nbsp;
Сатып алу-сату келісімін рәсімдеу процесін бастамастан бұрын, cіз сатып алатын үйдің заңдылығына және сатып алғаннан кейін ешқандай проблеманың туындамайтындығына көз жеткізіп алуыңыз қажет. Сондықтан, сатушыдан мынадай құжаттарды көрсетуін талап етіңіз:
Жылжымайтын мүліктің кепілге қойылмағандығы туралы анықтама
Бұл анықтама үйдің кепілдікке қойылмағандығы, үйді сатуға тыйым салынбағандығы, осылайша меншік иесі өзіне тиесілі мүлікке иелік етуге толық құқының бар екендігі туралы деректі растайды.
Пәтерге құқықорнатушы құжаттар&nbsp;(сатып алу-сату, айырбастау, сыйлау, жекешелдендіру келісімі; мирас етуге құқық туралы куәлік; меншік құқы туралы куәлік; жария саудалардан сатып алу туралы акт; меншік құқын растаушы, соттың күшіне енген шешімінің көшірмесі; тіркеу куәлігі.&nbsp;Тіркеу куәлігін Мемлекеттік корпорация бермейді. Бұрын бұл құжатты техникалық түгендеу бюросы берілетін. 
Электрондық тіркеуді қоспағанда, құжатта тіркеуші органның мөртабаны тұрғанына міндетті түрде көз жеткізіңіз. &nbsp;Мәмілені, мұраға құқық туралы куәлікті, меншік құқығы туралы куәлікті нотариалды куәландырғаннан кейін жылжымайтын мүлікке құқықтарды мемлекеттік тіркеу бірыңғай нотариаттық ақпараттық жүйеден құқықтық кадастрдың ақпараттық жүйесіне автоматты түрде түсетін құқық белгілейтін құжаттың электрондық көшірмесі негізінде жүзеге асырылады. Электрондық тіркеу кезінде құжатқа мөртабан қойылмайды.
Пәтерге техникалық жоспар
Нақты жоспарлау осы жоспарда көрсетілген жоспарлаумен дәл келуі тиіс. Өйтпегенде cіз қайта жоспарлауды заңдастырмай пәтерге мүлікке құқықты тіркей алмайсыз.
Осыдан кейін келісімді рәсімдеуге кірісуге болады. Егер де барлық соманы бірден төлеуге шамаңыз жетпесе, кепілақы туралы келісім жасалады.
Жылжымайтын мүлікпен байланысты&nbsp;келісімнің шамамен 90%-ы нотариалдық кеңселер арқылы жасалады. Алайда заң бойынша мұны жасау міндетті емес, келісімнің жазбаша үлгісінің өзі жеткілікті. Келісім жасалғаннан кейін сатушы мен сатып алушы өз арасында есеп айырысады. Есеп айырысқанда банктердің көмегіне жүгінген дұрыс, онда қолма-қол немесе есеп шотқа аудару арқылы есептесуге болады.
Келісімшартты ХҚКО-да жасату үшін нені&nbsp;білу керек?&nbsp;ХҚКО-ның қызметкерінің өзінен сұрап көрдік.&nbsp;
<blockquote>
 “Мекемеге келген соң өзіңіз туралы және сатып алатын адам туралы, сататын мүлкіңіз туралы барлық&nbsp;мәліметті жазасыз. ХҚКО-ның кеңсесі мәлімметтерді және қолды тексерген соң базаға өтеді. Содан кейін сатып алатын адам жылжымайтын мүлікті өз атына тіркейді. Осы қызметке төленетін комиссия көлемі сіздің не сататыныңызға байланысты. Пәтер сататын болсаңыз 1 073 теңге 07 тиын. Келісімшартты рәсімдеу&nbsp;үшін екіжақта өтінішіті&nbsp;беру керек”, – дейді ХҚКО қызметкері.&nbsp;
</blockquote>
<a href="https://stan.kz/hkko-327792/">Stan.kz</a>

Баспананы сатып алу-сатуды бұдан былай ХҚКО-да жүзеге асыруға болады: Мұның қандай артықшылық-кемшілігі бар?

<a href="https://kyzylorda-news.kz/">Kyzylorda-news.kz.</a> Қызылордада құс және ет өнімдерінен ішек таяқшалары тобының бактериялары табылды. Бұл туралы облыстық тауарлар және көрсетілетін қызметтердің сапасы мен қауіпсіздігін бақылау департаментінен хабарлады.
Олардың қатарында ресейлік «УСА», беларусьтік «Серволюкс Агро», отандық «Алатау құс» компанияларының құс еттері, еліміздегі «Алменов» және «Аманат» ЖК-нің ет өнімдері бар. Талапқа сәйкес келмеуіне байланысты кәсіпкерлерге заңбұзушылықты жою туралы ұйғарымдар берілді. Ұлттық сараптама орталығы облыстық филиалының зертханасында жүргізілген сараптама нәтижесінде жыл басынан бері сатып алынған барлық өнімнің 37 үлгісі техникалық регламент талабына сай келмеген.
<blockquote>
 «Ішек таяқшалары тобындағы бактериялардың табылуы – тағамнан уланудың негізгі &nbsp;себептерінің бірі. Олар көбіне асқазан-ішек жолдарына түседі. Сөйтіп, асқазан-ішек жолдарының ауруларын, сондай-ақ улану симптоматикасымен жүретін ішек инфекцияларын тудырады» – деп ескертеді мамандар.
</blockquote>

Қызылордада құс және ет өнімдерінен ішек таяқшалары табылды

<a href="https://kyzylorda-news.kz/">Kyzylorda-news.kz.</a> Мемлекеттік қызмет істері агенттігінде 2020 жылдағы Әдеп жөніндегі комиссияның бірінші отырысы өтті.
Әдеп жөніндегі комиссиясының құрамына МҚІА төрағасының орынбасары Дархан Жазықбаев, ҚР Парламентінің депутаттары Нұртөре Жүсіп және Снежанна Имашева, Сыбайлас жемқорлыққа қарсы іс-қимыл агенттігі төрағасының орынбасары Олжас Бектенов, Қазақстан халқы ассамблеясы төрағасының орынбасары Юсуп Келигов, Мемлекеттік қызметкерлердің салалық кәсіподағының төрағасы Мирболат Жақыпов, блогерлер Олжас Беркінбаев және Яков Федоров, ҚазГЗУ доценті Бибігүл Нұрашева, қоғам қайраткері, «Ұлы дала қырандары» республикалық қоғамдық мәдени-әлеуметтік қозғалысының төрағасы Сәдібек Түгел кіреді.
Отырысқа ұлттық экономика, еңбек және халықты әлеуметтік қорғау, қаржы, цифрлық даму, инновациялар мен аэроғарыш өнеркәсібі, индустрия және инфрақұрылымды дамыту министрліктерінің жауапты хатшылары мен кадр қызметінің басшылары қатысты.
Күн тәртібіне сәйкес Индустрия және инфрақұрылымды дамыту министрлігі Көлік комитетінің конкурстық комиссиясының мүшелеріне қатысты тәртіптік істер қаралды, бірқатар министрліктер қызметкерлерінің үстеме жұмыс жасау, демалыс және мейрам күндері жұмысқа шығу бойынша тіркелген деректер туралы ақпарат тыңдалды.
Мемлекеттік қызмет істері агенттігі Еңбек және халықты әлеуметтік қорғау министрлігімен бірлесіп мемлекеттік қызметшілердің үстеме жұмысқа тарту деректерін қысқартуға бағытталған шаралар қабылдады. Аталған шаралар үстеме жұмысты жалпы 2,7 есеге қысқартуға мүмкіндік берді (2018 жылғы мәліметтермен салыстырғанда).
«Президент Әкімшілігі және Премьер-Министр Кеңсесімен үстеме жұмыстарға жол бермеу және мемлекеттік қызметте икемді жұмыс кестесін енгізудің мақсаттылығын қарастыру бойынша пәрменді шаралар қабылдау тапсырылды. Біз отырысқа мемлекеттік органдардың жауапты тұлғаларын шақырдық және бірлескен күш&nbsp; жігермен тапсырманы сапалы орындау үшін жүйелі шаралар қабылдай аламыз, оң нәтижелерге қол жеткіземіз және оны ұзақ уақытқа бекітеміз деп үміттенеміз», – деп атап өтті МҚІА төрағасының орынбасары Дархан Жазықбаев.
Әдеп жөніндегі комиссияның отырысында Агенттіктің Әдептік құқық бұзушылықтың профилактикасы басқармасының бас консультанты Айнұр Еңсегенова мемлекеттік органдардың жұмысын талдау мемлекеттік органдарда мемлекеттік қызметшілердің жұмыстан кейін негізсіз қалуы, сондай-ақ демалыс және мереке күндері жұмыс істеуіне алып келетін жүйелі проблемаларды көрсеткенін атап өтті.
Бұл қызметшінің жұмысына қарай жүктемені бөлу, уақытты тиімсіз пайдалануы және басшылардың орындалу мерзімі негізсіз қысқа тапсырмалардың болу мәселелері. Сонымен бірге, мемлекеттік органдардың ішінде кадрларды кейіннен ауыстыра отырып жиі қайта ұйымдастыру мәселелері мемлекеттік органдардың құрылымдық бөлімшелері арасында жүктемені тиімді бөлуге теріс әсер етеді.
Отырыста мемлекеттік қызметтегі ішкі процестерді жетілдірмей және қағазбастылықты жоймай қызметшілердің үстеме жұмыс жасауын қысқарту бойынша техникалық шаралар қабылдау артық жұмыс жасауды жоюды күрделендіретіндігін аталып өтті.
Агенттік Әдеп жөніндегі уәкілдермен бірлесе отырып, СКУД мәліметтеріне талдау және мемлекеттік қызметшілерге анонимдік сауалнама жүргізу, сондай-ақ икемді жұмыс кестесін енгізу барысын жоспарлап отыр. Мониторинг және талдау бойынша жүргізілген жұмыстың нәтижелері жүйелі негізде Әдеп жөніндегі комиссия алаңында қаралатын болады.
«Әкімшілік құқық бұзушылық туралы» Кодексте үстеме жұмысқа, мереке және демалыс күндеріндегі жұмысқа ақы төлеу, сондай-ақ түнгі уақыттағы еңбекке ақы төлеу жөніндегі еңбек заңнамасының талаптарын бұзғаны үшін айыппұл түрінде лауазымды тұлғалардың жауапкершілігі қарастырылғанын атап өткен жөн.
Отырыс соңында комиссия мүшелері министрліктердің басшылығына мемлекеттік қызметшілерді жұмыс уақытын тиімді бөлудің негіздеріне және прогрессивті тәжірибелеріне оқыту қажеттілігі, мемлекеттік органдардың қызметіне функционалдық талдау жүргізу және осы талдау негізінде мемлекеттік қызметтегі процестерді оңтайландыру, соның ішінде осы процестерді автоматтандыруды, тапсырмалардың көлемі мен сипатын, оның ішінде 1-3 күндік орындалу мерзімі бар тапсырмаларды талдауды, сондай-ақ «икемді жұмыс кестесі» режимін енгізу жөнінде ұсынымдар әзірледі.
Отырыста Ұлттық экономика министрлігі Бәсекелестікті қорғау және дамыту комитетінің Әдеп жөніндегі уәкілінің ақпараты тыңдалды.
Әдеп жөніндегі уәкілді тыңдауға жоғарыда аталған комитетте жоспардан тыс тексеру қорытындысы бойынша анықталған мемлекеттік қызмет саласындағы заңнама нормаларының бұзылуы негіз болды.
Комитеттің қызметкері – көп балалы ана үстеме жұмысқа заңсыз тартылғаны анықталды. Өз балаларының жиі ауыруына байланысты мемлекеттік қызметші үш жасқа дейінгі балаларды күту демалысына өтініш жазуға мәжбүр болды. Алайда, оған әлеуметтік демалыс беру туралы бұйрықпен танысудан&nbsp; бас тартылды.
Осы жағдайлар көп балалы ананы Қазақстан Республикасы Президентінің Әкімшілігіне өтініш жазуға мәжбүр етті.
Қазіргі уақытта Мемлекеттік қызмет істері агенттігі қажетті шаралар қабылдады және мемлекеттік қызметшінің құқықтары толық қалпына келтірілді.
<img src="https://kyzylorda-news.kz/wp-content/uploads/2020/03/memlekettik-qyzmettegi-uesteme-zhumystardy-zhoju-2.jpeg" alt="" />

Мемлекеттік қызметтегі үстеме жұмыстарды жою мәселелері талқыланды

Оқыған: Фариза ОМАРОВА
Көкірек толған қайғы кісінің өзіне де билетпейді, бойды шымырлатып, буынды құртып, я көзден жас болып ағады, я тілден сөз болып ағады. Қазақтар: «Ә, құдай, жас баладай қайғысыз қыла гөр!» деп тілек тілегенін өзім көрдім. Онысы – жас баладан гөрі өзі есті кісі болып, ескермес нәрсесі жоқсып, қайғылы кісі болғансығаны. Қайғысы не десең, мақалдарынан танырсың: әуелі – «Түстік өмірің болса, күндік мал жи», «Өзіңде жоқ болса, әкең де жат», «Мал – адамның бауыр еті», «Малдының беті – жарық, малсыздың беті – шарық», «Ер азығы мен бөрі азығы жолда», «Ердің малы елде, еріккенде қолда», «Берген перде бұзар», «Алаған қолым – береген», «Мал тапқан ердің жазығы жоқ», «Байдан үмітсіз – құдайдан үмітсіз», «Қарның ашса, қаралы үйге шап», «Қайраны жоқ көлден без, қайыры жоқ елден без» деген осындай сөздері көп, есепсіз толып жатыр.
Бұл мақалдардан не шықты? Мағлұм болды: қазақ тыныштық үшін, ғылым үшін, білім үшін, әділет үшін қам жемейді екен, мал үшін қам жейді екен, бірақ ол малды қалайша табуды білмейді екен, бар білгені малдыларды алдап алмақ яки мақтап алмақ екен, бермесе оныменен жауласпақ екен. Малды болса, әкесін жаулауды да ұят көрмейді екен. Әйтеуір ұрлық, қулық-сұмдық, тіленшілік, соған ұқсаған қылықтың қайсысын болса да қылып жүріп, мал тапса, жазалы демесек керек екен.
Бұлардың жас баланың ақылынан несі артық? Бірақ, жас бала қызыл ошақтан&nbsp;қорқушы еді, бұлар тозақтан да қорықпайды екен. Жас бала ұялса, жерге ене жаздаушы еді, бұлар неден болса да ұялмайды екен. Сол ма артылғаны? Қолымыздағыны үлестіріп талатпасақ, біз де өзіндей болмасақ, безеді екен. Іздеген еліміз сол ма?
1891

Абай Құнанбайұлының бесінші қара сөзі (АУДИО)

<a href="https://kyzylorda-news.kz/">Kyzylorda-news.kz.</a> Қызылордада жергілікті туристік фирмалардың өкілдерімен кездесу өтті.
Қызылорда облысының кәсіпкерлік және туризм басқармасы «Орда тур», «Оазис» туристік фирмалардың өкілдерімен облыс аумағында және Байқоңыр қаласында ішкі туризмді дамыту мәселелері бойынша кездесу өтті. Кездесуге Байқоңыр қаласы әкімшілігі басшысының орынбасары Н.Адасев пен Байқоңыр қалалық мәдениет, жастар саясаты, туризм және спорт басқармасының басшысы Е.Гертер қатысты.
Кездесудің негізгі мақсаты өңірімізде ішкі&nbsp;туризмді дамыту, ішкі туристік маршурттарды жандандыру және осы бағыттар бойынша негізгі мәселелер талқыланып, нақты міндеттер мен шаралар анықталды.
Шара аясында туристік фирма өкілдеріне «Қорқыт Сазы және Байқоңыр қаласы» туристік маршруты арқылы ақпараттық-тур ұйымдастырылды.
<img src="https://kyzylorda-news.kz/wp-content/uploads/2020/03/02-2.jpg" alt="" />

Қызылордада туристік фирма өкілдерімен кездесу өтті

<a href="https://kyzylorda-news.kz/">Kyzylorda-news.kz.</a> Бүгін Сырдария ауданының орталығында «Ақмешіт – адалдық алаңы» жобалық кеңсесі аясында кездесу өтті.
Кездесуге Сырдария ауданы әкімінің орынбасары Димаш Байдушев, «Ақмешіт – адалдық алаңы» жобалық кеңсесінің жетекшісі Жандос Тұсмағамбетов, Сыбайлас жемқорлыққа қарсы іс-қимыл агенттігінің Қызылорда облысы бойынша департаменті жанындағы ақпараттық-ағартушылық штабының мүшелері Мақсұт Баекеев пен Ыбрайхан Мұсабаев, құқық қорғау органдарының өкілдері, кент және ауыл әкімдері мен мамандары, дербес бөлім басшылары мен мектеп директорлары қатысты.
Жиынды ашқан Димаш Байдушаев сыбайлас жемқорлыққа қарсы мәдениетті қалыптастыру мақсатында облыс әкімдігімен Сыбайлас жемқорлыққа қарсы іс-қимыл агенттігінің Қызылорда облысы бойынша департаменті бірлескен «Ақмешіт-адалдық алаңы» жобалық кеңсесі аясында сыбайлас жемқорлыққа қарсы іс-шараларды ұйымдастыру кестесі бекітілгенін айтып өтіп, әкімдік пен агенттіктің ұстанымы – сыбайлас жемқорлықпен күресті күшейту және оның алдын алу тиімділігін арттыру болып табылатынын жеткізді.
Кездесу жиынында «Ақмешіт – адалдық алаңы» жобалық кеңсесінің жетекшісі Жандос Тұсмағамбетов хабарлама жасап, жоба аясында атқарылған жұмыстар жөнінде кеңінен мағлұмат беріп, күнделікті жұмыста сыбайлас жемқорлықтың алдын алу бағытындағы шараларға тоқталды.
Сонымен бірге ақпараттық-ағартушылық штабының мүшелері – Мақсұт Баекеев пен Ыбрайхан Мұсабаевтар өз кезегінде тұрмыстық сыбайлас жемқорлықты жоюға қатысты ойларымен бөлісті.
Айта кетейік, «Ақмешіт – адалдық алаңы» жобалық кеңсесі Қазақстан Республикасы Мемлекеттік қызмет істері және сыбайлас жемқорлыққа қарсы іс-қимыл агенттігінің бастамасы негізінде Қызылорда облысы әкімдігінің қолдауымен ашылған. 
Жобаның мақсаты – сыбайлас жемқорлық деңгейін төмендету, сыбайлас жемқорлыққа қарсы төзбеушілікті қалыптастыру және мемлекеттік билік институттарына азаматтардың сенімін арттыру болып табылады.
<img src="https://kyzylorda-news.kz/wp-content/uploads/2020/03/syrdarija1.jpg" alt="" />

Сырдария ауданында «Ақмешіт- адалдық алаңы» жобасы аясында кездесу өткізілді

<a href="https://kyzylorda-news.kz/">Kyzylorda-news.kz.</a> «Қазпошта» АҚ атқарушы директоры Дәурен Тұрысбеков дронмен жүк тасымалдау бағытын дамыту жөнінде түсінік берді, деп хабарлайды <a href="https://www.inform.kz/kz/kazakstanda-poshtany-dronmen-tasymaldaudyn-damu-karkyny-kanday_a3620909">ҚазАқпарат</a>.
<blockquote>
 «Үш жыл бұрын біз шалғай елді мекендерге поштаны дронмен жеткізуді бастадық. Аталған жобаны іске асыру жалғасуда. Дегенмен бұл жоба көктем мен күз аралығын іске асырылады. Қалған кезеңде (қыс мезгілінде көлікпен) күнделікті логистикалық бағдармен жеткізіледі», – деді Дәурен Тұрысбеков.
</blockquote>
Оның сөзіне қарағанда, аталған қызметті аутсорсингтік компания атқарады. «Қазпошта» компаниясымен олар шартқа отырғаннан кейін, тиісті қызметті жүзеге асырады. Негізінен, бұл қызмет Жамбыл, Қызылорда және Түркістан облыстарында көрсетіліп келеді.
<blockquote>
 «Дрон хаттар мен газеттерді тасымалдайды. Аталған қызметті көрсету жалғаса береді, себебі жоба айтарлықтай жақсы қарқынмен іске асырылуда. Бізге шалғай елді мекендерге поштаны дрон арқылы тасымалдау тиімдірек. Сондықтан қызметтің осы түрі кеңейтіледі», – деді «Қазпошта» өкілі.
</blockquote>

Қазақстан және Қызылорда облысының жаңалықтары