<a href="https://kyzylorda-news.kz/">Kyzylorda-news.kz.</a> Әнші әрі актриса Айгүл Иманбаева&nbsp;Алматы&nbsp;маңында құлаған «Bek Air» ұшағының бортында өнер жұлдыздары болғанын хабарлады. Ол шоу-бизнестегі әріптестерімен таңертең әуежайда қауышып, кешке елордада концертте кездеспек болғанын <a href="https://www.instagram.com/p/B6j78D6AlSn/">Instagram</a>&nbsp;парақшасында жазған.
Бүгін таңертең басқа әуе компаниясымен Нұр-Сұлтан қаласына ұшып кеткен әнші «Bek Air» ұшағына мінген шоу-бизнес өкілдерімен әуежайда қауышқанын айтады.
Өнер адамдары кешке елордадағы концертте кездесуге уәделескен.
А. Иманбаеваның айтуынша, актриса астанаға ұшу үшін дәл осы рейсті қарастырған. Алайда, бұл ұшаққа билет болмаған.
<blockquote>
 «Бір Алла жар болсын. Ажал айтып келмейді. Барша апатқа ұшыраған жандардың туғандарына қайғырып көңіл айтамын. Алла сабыр берсін. Ішінде біздің өнер адамдары да бар. Жаңа әуежайда кездесіп, кешке концертте кездесеміз деп қоштасып кетіп едік. Бүгін Алматыдан мен де ұштым астанаға. Билет таба алмай осы Бэк Эйрге де қарадым. Билет болмады. Көретін дәм-тұзым бар екен. Еліміз аман болсыншы. Бір-бірімізге жақсы тілек тілейікші. Сіздерді жақсы көремін, достар», – деп жазды Айгүл Иманбаева.
</blockquote>
<a href="https://kyzylorda-news.kz/kogam/almatyda-ushaq-apatqa-ushyrap-9-adam-qaza-tapty-video-38480/">Еске сала кетсек,</a> бұған дейін Алматыдан Нұр-Сұлтанға бағыт алған «Bek Air» әуе компаниясының рейсі&nbsp;апатқа ұшырағаны хабарлаған болатынбыз.

Алматыда апатқа ұшыраған «Bek Air» ұшағында өнер адамдары да болған

Оқушы педагогтың ар-намысын таптап, балағаттаса, ата-анасы 75 мың теңге айыппұл төлейді. Тіпті, түрмеге де қамалуы мүмкін деп хабарлайды&nbsp;&nbsp;<a href="https://www.ktk.kz/kz/news/video/2019/12/26/136502/">КТК телеарнасы</a>.
Мұғалімнің мәртебесін көтеретін жаңа заң жобасы сенатта мақұлданды. Енді президент қол қойған соң, заң күшіне енеді. &nbsp;
<blockquote>
 “Мұғалімді балағаттап, құқын бұзғандарға Әкімшілік кодексте арнайы талап қарастырылған. Мұндай әрекеттерге барғандарға ең төмені 30 айлық есептік көрсеткіш, яғни 75&nbsp;750 теңгеден бастап айыппұл салынады, тіпті әкімшілік қамауға алынады”, – дейді Білім және ғылым министрі Асхат Аймағамбетов.
</blockquote>
Шенеуніктердің пайымынша, мұндай шара талай ата-ананы баласын жөнге алуына түрткі болмақ. Сондай-ақ, педагогтың жұмысына негізсіз араласқан, жөнсіз есеп тапсыртқан білім беру мекемелері де жазасыз қалмайды.
Министрдің сөзінше, бұндай дерек дәлелденсе, кінәлілер 50 мыңнан 250 мың теңгеге дейін айыппұл арқаламақ. Жалпы мұғалім мәртебесі туралы заң жобасы алғаш маусым айында ұсынылған еді. Ал заңды жүзеге асыруға 2024 жылға дейін 5,3 триллион теңге қажет.
<a href="https://kyzylorda-news.kz/bilim/parlament-pedagog-maertebesine-arnalghan-zangdy-qabyldady-38422/">Еске сала кетсек</a>, күні кеше қазақстандық сенаторлар Қылмыстық кодексті, Қылмыстық іс жүргізу кодексін, сондай-ақ жеке тұлғалардың құқықтарын қорғау саласындағы заңнаманы жетілдіруге бағытталған&nbsp;заң жобасын мақұлдаған еді.
Атап айтқанда, түзетулер кез келген жыныстық қылмыс үшін, оның ішінде балаларға қатысты, сондай-ақ браконьерлік, есірткі айналымы, мас күйінде көлік жүргізу және басқаларына енгізіліп, жаза қатаңдатылады. Жалпы алғанда, бұл жоба бес кодекске және он бес заңға түзетулер енгізеді.

Енді мұғалімнің ар-намысын таптағандар айыппұл төлеп, түрмеге қамалады

<a href="https://kyzylorda-news.kz/">Kyzylorda-news.kz.</a> Алматы қаласы маңында ұшақ апатынан қаза тапқандардың саны 14 адамға жетті. Бұл туралы Орталық коммуникациялар қызметінің ресми өкілі Әлібек Әбділов айтты.
<blockquote>
 «Өкінішке орай қазіргі уақытта қаза тапқандардың саны 14 адамға жетті. Мұндай ақпаратта жедел штаб өкілдері берді», – деді ол.
</blockquote>
Қазіргі таңда Алматыдағы&nbsp;ұшақ құлаған&nbsp;аумаққа арнайы комиссия жұмыс жасап жатыр.
Азаматтық авиация комитеті таратқан ақпараттарға қарағанда, бүгін, 2019 жылғы 27 желтоқсанда сағат 07:22 – де Алматы-Нұр-Сұлтан бағыты бойынша «Бэк Эйр» әуе компаниясының №Z2100 рейсі ұшып көтерілу кезінде биіктіктен айырылып, бетонды қоршауды сындырған.
Ұшақ екі қабатты құрылыс нысанына соғылған. Дереу құтқару жұмыстары басталды, өрт болған жоқ. Жолаушыларды және әуе кемесінің экипажын эвакуациялау жұмыстары жүзеге асырылуда. Қазіргі уақытта қаза болғандардың саны 7 адамды құрайды.
Алматыда құлаған ұшақ ісіна қатысты ҚР Премьер-Министрінің тапсырмасы бойынша үкіметтік комиссия құрылды. Комиссия құрамында ҚР Индустрия және инфрақұрылымдық даму министрі және басқа да мемлекеттік органдардың өкілдері бар.
<img src="https://kyzylorda-news.kz/wp-content/uploads/2019/12/27vyroslo002.jpg" alt="" />

Алматыдағы ұшақ апаты: Қаза болғандардың саны 14 адамға жетті

<a href="https://kyzylorda-news.kz/">Kyzylorda-news.kz.</a> Мемлекет басшысы Қасым-Жомарт Тоқаевтың «Twitter» әлеуметтік желісіндегі жазбасынан кейін Қызылорда облысында жаңа мектеп салуға уәде берілді, деп хабарлайды&nbsp;<a href="https://sn.kz/sn-gylym-bilim/64161-prezidenttin-tvitterdegi-zhazbasynan-keiin-kyzylorda-oblysynda-zhana-mektep-salynatyn-boldy">Skifnews.kz</a>.
<blockquote>
 «2017 жылы 300 орындық жаңа мектеп құрылысы үшін жобалық-сметалық құжаттама әзірлеуге Т16,1 млн бөлінді. Мемлекеттік сараптама қорытындысы алынды. Облыстық әкімдік Білім және ғылым министрлігіне республикалық бюджеттен 300 орындық жаңа мектеп салуға өтінім беріп, ол өтінім қабылданды. 2020 жылы 300 орындық мектеп құрылысы үшін Арал ауданының Сексеуіл ауылына мүмкіндігінше облыстық бюджетті нақтылау барысында қаржы бөлінетін болады», деп хабарлады Қызылорда облыстық білім басқармасының баспасөз қызметі.
</blockquote>
Сондай-ақ, басқармада атап өткендей, балалар қауіпсіздігін сақтау үшін мектеп әкімшілігінен кезекшілік ұйымдастырылған.
Еске сала кетсек, 11 желтоқсанда президент Қасым-Жомарт Тоқаев&nbsp;<a href="https://twitter.com/TokayevKZ/status/1204775721790513152">Twitter</a>-ге Egemen Qazaqstan газетіндегі «Темір жолды жағалап топ бала жүр» атты мақалада Сексеуіл ауылдық округіндегі 360 бала туралы айтылғанын жазған болатын. Олар күн сайын мектепке бару үшін 13 теміржол жолдарын кесіп өтулеріне тура укеледі екен.
<blockquote>
 «Бұл – өзекті мәселе. Оны шешу үшін үкімет нақты шара қабылдауы керек», – деп атап өткен еді сол кезде Президент.
</blockquote>

Президент жазбасынан кейін Аралда жаңа мектеп салынатын болды

&nbsp;<a href="https://kyzylorda-news.kz/"></a><a href="https://kyzylorda-news.kz/">Kyzylorda-news.kz.</a> Синоптиктердің болжауынша жұмада еліміздің кей жерлерінде тұман түсіп, жел күшейеді, деп хабарлайды Қазгидромет.
Қазақстан аумағының батыс бөлігіне Қара теңіз аймақтарынан ауысатын циклон әсер етеді, сондықтан батыс пен солтүстік-батыстың кей жерлеріңде жаңбыр, қар жауады. Қалған өңірлерде атмосфералық қысым жоғары болады, сондықтан ауа райы жауын-шашынсыз. Кей жерлерде тұман, көктайғақ, бұрқасын болып, жел күшейеді.
Түркістан, Жамбыл, Қызылорда, Қарағанды облыстарының кей жерлерінде тұман түседі, күндіз желдің жылдамдығы 15-20 м/с жетеді.
Шығыс Қазақстан облысының кей жерлерінде тұман, жаяу бұрқасын болады, желдің жылдамдығы 15-20 м/с.
Ақмола облысының кей жерлерінде жаяу бұрқасын күтіледі, күндіз жел 15-20 м/с күшейеді.
&nbsp;Солтүстік Қазақстан облысының кей жерлерінде жаяу бұрқасын болуы ықтимал, жел тұрып, жылдамдығы 15-20 м/с жетеді.
Ақтөбе облысының кей жерлерінде тұман, көктайғақ күтіледі, Муғалжар ауданында желдің екпіні 18 м/с күшейеді.
Қостанай облысының кей жерлерінде тұман, күндіз бұрқасын, көктайғақ, жел тұрады, жылдамдығы 18 м/с.
&nbsp;Алматы облысының түнде кей жерлерінде тұман күтіледі, Жалаңашкөл ауданында жел 15-20 м/с күшейеді.
Атырау, Маңғыстау, Батыс Қазақстан облыстарының кей жерлерінде тұман түседі, Атырау облысында көктайғақ болады.

Тұман, көктайғақ, екпінді жел: 27 желтоқсан күнгі ауа райы

<a href="https://kyzylorda-news.kz/">Kyzylorda-news.kz.</a>&nbsp; Бүгін таңда Алматыдан Нұр-Сұлтан қаласына ұшып шыққан ұшақ радардан жоғалып кеткен болатын. Артынша радардан жоғалып кеткен «Бек Эйр» әуе компаниясының ұшағы апатқа ұшырағаны мәлім болды,.
«Бек Эйр» әуе компаниясының ұшағы әуежайдың сыртқы аумағына құлады. Тірі қалғандар бар. Оқиға орнында шұғыл қызметтер жұмыс жүргізіп жатыр. Айта кетейік, бұған дейін бортта 95 жолаушы және 5 экипаж мүшесі болғаны туралы хабарлаған болатынбыз. Әуежай штаттық жағдайда жұмыс істеп жатыр, барлық рейстер кесте бойынша орындалуда» деп мәлімдеді Төтенше жағдайлар комитетінің баспасөз қызметі.
«Алдын ала деректерге сәйкес, 9 адам қаза тапты. Жарақат алғандардың саны 9 адам, оның алтауы – бала» делінген хабарламада.
Төтенше жағдайлар комитеті қаза тапқан адамдардың саны артуы мүмкін екендігін жасырмайды.
<img src="https://kyzylorda-news.kz/wp-content/uploads/2019/12/27samolet002.jpg" alt="" />

Алматыда ұшақ апатқа ұшырап, 9 адам қаза тапты (ВИДЕО)

1924 жылы Семейде Орыс географиялық қоғамы Абайды еске алу үшін арнайы мәжіліс пен қалалық театрда кеш өткізді. Кеште Мұхтар Әуезов Абай шығармашылығы туралы баяндама жасады.
2005 жылы Астанада Елбасы Нұрсұлтан Назарбаевтың қатысуымен Орталық мұз айдынының салтанатты ашылу рәсімі өтті.
2005 жылы Қазақстан Республикасы Президентінің Жарлығымен Қазақстан Республикасы Парламентінің 10 жылдығы құрметіне арналған мерекелік медаль бекітілді. Мерейтойлық медаль қазақстандық парламентаризмнің дамуы мен орнығуына елеулі үлес қосқан Қазақстан Республикасының азаматтарын және шетел азаматтарын көтермелеу, сондай-ақ Қазақстан Республикасы Парламентінің 10 жылдығын атап өту мақсатында белгіленген.
2007 жылы Ақтөбеде КСРО халық әртісі, композитор Ғазиза Жұбанованың (1927-1993) ескерткіші ашылды. Ескерткіш оның есімімен аталатын облыстық филармония ғимаратының алдындағы алаңда орнатылды. Жоба авторлары – мүсіншілер, ҚР Суретшілер одағының мүшелері Жәдігер Кенбай, Марат Ғабдырахманов, Ахмет Құбай. Ескерткіштің биіктігі – 4,5 метр.
2010 жылы ҚР Ұлттық банкі «Еркін күрес». Олимпиада ойындары-2012» шақасын айналымға шығарды. Шақаның бет жағының (аверсі) төменгі бөлігінде стадионның стильдендірілген бейнесімен көмкерілген Қазақстан Республикасының елтаңбасы бейнеленген, монета дайындалған металды, оның сынамасын және массасын білдіретін «Ag 925 31,1g» деген жазу және монетаның соғылған жылын білдіретін «2010» деген сан жазылған. Қыры бедерлі. Шақа 925-ші сынамалы күмістен жасалған, массасы – 31,1 грамм, диаметрі – 38,61мм, «proof» сапасымен дайындалған. Ең көп таралымы – 12 мың дана (3 мың данасы Қазақстанның ішкі нарығы үшін).
2011 жылы ҚР Ұлттық банкі ел Тәуелсіздігінің 20 жылдығына арналған монетаның үздік дизайны бойынша байқауын аяқтады. Үздік идеяларды іздеу және қолдау, ұлттық валюта – теңгенің беделін нығайтуға бағытталған «Менің Қазақстаным» байқауы екі аталым: «Ұлттық тиын» және «Балалар тиыны» тақырыбымен өтті. «Балалар тиыны» аталымында бірінші орынды алматылық Әдемі Хасенова иеленді. Ұлттық банк басшысы Григорий Марченко оған 500 000 теңге көлеміндегі чекты табыстады. «Ұлттық тиын» аталымында байқау комиссиясы бірінші орынды тағайындамау жөнінде шешім қабылдады. Екінші орынды алматылық Қанат Кенжин мен Щучинск қаласынан келген Сабыржан Мақашев өзара бөлісті.

27 желтоқсан: Ел тарихында орын алған оқиғалар

<a href="https://kyzylorda-news.kz/">Kyzylorda-news.kz</a> ақпараттық агенттігінің 27 желтоқсанға арналған жұлдыз-жорамалы.
Тоқты
Өзіңізге демалыс жариялаңыз. Күш-қуатыңызды арттырып, өткен күндеріңізге есеп беріңіз. Таза ауада көп жүріңіз.
Торпақ
Ақша жұмсауда «жеті рет өлшеп, бір рет кескеніңіз» жөн. Өзіңізге сенімді болыңыз. Туыстарыңыздың сізге деген махаббаты бар жамандықтан қорғайды.
Егіздер
Барлық ісіңіз өз ретімен орындалмай, қарбаласып қалады. Бос әңгімеге, сондай-ақ теледидар қарауға уақыт кетірмеңіз.
Шаян
Бүгін ең алдымен отбасылық мәселені ретке келітіріңіз. Олармен бірге қыдырыңыз. Бірақ біраз шығынға ұшырауыңыз мүмкін.
Арыстан
Ешкімнің ақылына мұқтаж емессіз. Сондықтан ақыл-кеңеске құлақ түрудің қажеті жоқ. Керісінше өз дегеніңізбен жүріңіз.
Бикеш
Жарақат алу қаупі бар. Жүйке жүйеңізді сақтаңыз. Әйтпесе, болып жатқан оқиғалар сіздің жүйкеңізге тиіп, сырқаттанып қалуыңыз мүмкін.
Таразы
Жоспарлаған істі аяқтау үшін өз ойыңыздан қайтпаңыз. Біраз шығынға ұшырауыңыз мүмкін. Дегенмен жұмсаған қаржыңыз текке кетпейді.
Сарышаян
Табысыңыз артып, қаражат мәселесі оң шешімін табады. Дегенмен ақша жұмсауда абай болыңыз. Көп шығындалып қалмаңыз.
Мерген
Қарбалас күн. Барлық мәселе еңсеңізді басып тұрады. Бос әңгімелерге уақыт жоғалтпаңыз. Сондай-ақ жақындарыңызды көңіліне қарап сөйлеңіз.
Тауешкі
Күніңіз сәтті өтеді. Жаңа іс бастайсыз. Өмірге жаңаша көзқараспен қарайсыз. Алға қоған жоспар көп, оларды орындауға ынтаңыз да жоғары.
Суқұйғыш
Жаныңызға жақын іспен айналысқанда жағымсыз бір қасиеттен арылатын боласыз. Бұл бүгінгі күннің басты жеңісі болмақ.
Балықтар
Шығармашылығыңызды шыңдайтын күн. Бойыңызда жасырынып жатқан талантыңызды көпшілікке танытатын кез келді.

Жұлдыздар не дейді?

<a href="https://kyzylorda-news.kz/">Kyzylorda-news.kz.</a> Облыс әкімі Қуанышбек Ысқақов Қазалы ауданына жұмыс сапары барысында Әлсейіт көпірінің ашылуына қатысты.
Әлсейіт учаскесінде Сырдария өзені арқылы өтетін темір-бетон көпірі 2 жолақтан тұрады. Жалпы ұзындығы 219, ал, ені 12 метр. Көпірдің екі жағынан жаяу жүргіншілер жолы қарастырылған.
Бүгінгі күнге дейін елді мекен тұрғындары үшін жол қатынасы, көпір – ең үлкен өзекті мәселенің бірі болған. Міне, сол мәселе өз шешімін тауып, Қазалы ауданының 7 және Арал ауданының 6 ауылындағы 14 мыңнан астам халықтың тілегі орындалып, Әлсейіт көпірі пайдалануға берілді.
Аймақ басшысы жаңа жыл қарсаңында халық игілігі үшін қолданысқа берілгелі отырған көпірдің ашылуына қатысып, аудан тұрғындарын құттықтады.
<blockquote>
 «Дана халқымыз ежелден шөлге құдық қазған, өзенге көпір салған және жолға ағаш егу ең үлкен сауапты іс екенін айтады. Сыр бойында көпір құрылысы өткен ғасырларда да болды. Қараөзек тұсында «Сауранбай көпірі», Жосалы кентінде «Қармақшы өткелі», Қызылорда қаласына қарасты Абай ауылынан жоғары «Оспан көпірі», Қазалыдағы «Нұрқожа көпірі» ел жадында қалған тарихи жәдігерлер. Бүгінде біз ата-бабамыздың көпір салу дәстүрін заманауи үлгіде жаңғыртып, дамытып келеміз. Соның бір дәлелі ретінде Сырдарияның қос жағалауын байланыстырып, жаңа қаланың құрылысына жол ашқан зәулім көпірді айтуға болады. Міне, енді халық көптен күткен Әлсейіт өткеліндегі көпірдің игілігін де көретін боламыз. Қуаныштарыңыз құтты болсын! Жаңа жыл ырыс-несібе, береке-байлық әкелсін! Жақсылықтарымен, жағымды жаңалықтарымен келсін!», – деді облыс әкімі Қ.Ысқақов.
</blockquote>
<img src="https://kyzylorda-news.kz/wp-content/uploads/2019/12/26kazalykopir2.jpg" alt="" />
<img src="https://kyzylorda-news.kz/wp-content/uploads/2019/12/26kazalykopir3.jpg" alt="" />
<img src="https://kyzylorda-news.kz/wp-content/uploads/2019/12/26kazalykopir4.jpg" alt="" />

Қазалы ауданында Әлсейіт көпірі пайдалануға берілді (ФОТО)

<a href="https://kyzylorda-news.kz/">Kyzylorda-news.kz.</a> Қызылорда облысының әкімі Қуанышбек Ысқақов Арал ауданында жұмыс сапарымен болды. “Aral” қонақ үйінің ашылу рәсіміне қатысып, аудандық оқушылар үйінің құрылыс жұмыстарының барысымен, “Sulpak” сауда орталығының және ЖК “Жалғасбеков Талғаттың” жол бойғы қызмет көрсету кешенінің де жұмысын көрді.
“Aral” қонақ үйі 540 млн. теңгеге «Бизнестің жол картасы – 2020» бағдарламасы аясында салынған. Қонақ үйде 33 жатын бөлме, кафе, мәжіліс зал, шағын кездесу бөлмесі қарастырылған. Аталмыш нысан жеке кәсіпкердің қаржысына салынған. Сол арқылы 40 адамды тұрақты жұмыспен қамтып отыр.
Аймақ басшысы жаңа нысанның ашылуында аудан экономикасының дамуына, сәулетіне үлес қосып отырған жоба басшылығына алғысын айтты.
<blockquote>
 “Аймағымызда құрылыс жұмыстары жылдан-жылға қарқынды дамып, кәсіпкерлеріміз халықтың қажеттілігін қамтамасыз ететін орындарды көптеп ашып, соның нәтижесінде жаңа жұмыс орындары да құрылуда. 2018-2020 жылдар өңірімізде жаппай кәсіпкерлікті қолдау жылы болып жарияланғаны белгілі. Соның екі жылында шағын және орта бизнес өкілдері көптеген ғимараттар салып, жаңа жұмыс орындарын ашып, облыстың көркеюіне үлес қосып келеді. Бүгін, міне, сондай игі істердің бірі – күрделі жөндеуден өткен, заманауи үлгідегі “Aral” қонақ үйі пайдалануға беріліп отыр. Қала тұрғындары мен қонақтарына сапалы қызмет көрсетуді мақсат етіп, қолайлы әрі жайлы жағдайлар жасалған осындай нысандарды көбейтудің маңызы зор”,- деді облыс әкімі Қ.Ысқақов.
</blockquote>
Аймақ басшысы Қуанышбек Досмайылұлы “Aral” қонақ үйінің ашылуынан кейін аудандағы бірқатар нысандарды аралады.
Аудандық оқушылар үйі 1940 жылы салынған ескі ғимаратта жұмыс істеп келген. “Қызылорда облысының құрылыс, сәулет және қала құрылысы басқармасы” ММ тапсырмасымен жаңа аудандық оқушылар үйінің құрылысы басталған. Орталық 250 адамға лайықталған.
Наурыз айында Арал ауданынан тұрмыстық техника сататын ” Sulpak ” дүкені ашылған болатын. 30 аса адамды жұмыспен қамтып отырған сауда орталығының құны 110 млн. теңге.Облыс әкімі кәсіп ашып, халықты жұмыспен қамтуға , өңір экономикасын дамытуға үлес қосқысы келетін барша кәсіп иелеріне жергілікті билік тарапынан қолдау көрсетілетіндігін айтты.
«Батыс Еуропа – Батыс Қытай» халықаралық көлік дәлізі бойындағы «С» және «Д» санатты жол бойы сервистік қызмет көрсету кешенінің құрылыс жұмысы наурыз айында басталған. Жеке кәсіпкер қаражатына салынған аталмыш кешеннің аумағы 600 шаршы метр. Жобаға сәйкес май құю бекеті, қонақ үй, сауда дүкенінің құрылыстары жүргізілуде.
<img src="https://kyzylorda-news.kz/wp-content/uploads/2019/12/26akimataral2.jpg" alt="" />
<img src="https://kyzylorda-news.kz/wp-content/uploads/2019/12/26akimataral3.jpg" alt="" />

Арал ауданында кәсіпкерлік нысандар пайдалануға берілді (ФОТО)

<a href="https://kyzylorda-news.kz/">Kyzylorda-news.kz.</a> Қызылорда облысының әкімі Қуанышбек Ысқақов Қазалы ауданы, Әйтеке би кентінің тұрғындарына 18 пәтерлік 6 көпқабатты тұрғын үйдің кілтін табыстады.Пайдалануға берілген бұл үйлерде барлығы 108 пәтер бар.
Аймақ басшысы өтіп бара жатқан жыл еліміз үшін де, аймақ үшін де табысты да, берекелі жыл болғанын айтты. Соның ішінде, құрылыс саласы өзінің соңғы алты жылдан бергі қарқынын тоқтатқан жоқ. Өңірдің бас шаһарындағы құрылыс жұмыстарының көлемі артты. Облыста атқарылған құрылыс жұмыстарының үштен бірі қаланың үлесіне тиесілі екендігін атап өтті.
<blockquote>
 «Тұрғындарымыздың игілігі үшін әлеуметтік, мәдени ошақтар, мектеп, балабақша, аурухана, емхана, тұрмыстық қызмет көрсету, қабылдау орындары, спорттық ғимараттар, балалар алаңдары салынуда. Бұл дегеніміз күн өткен сайын ел тұрмысының түзеліп, әл-ауқатының артқандығын көрсетеді. Десек те, аймақта мемлекеттік бағдарлама аясында тұрғын үйге сұраныс білдіруші тұрғындар саны жыл сайын еселеп өсуде. Бұл өңір – халқы санының көбейіп келе жатқанының белгісі. Халықтың сұранысын қанағаттандыру мақсатында облыс орталығында ғана емес, аудандарда да тұрғын үй құрылысы көптеп жүргізілуде. Бүгін міне, Жаңа жыл мерекесі қарсаңында Қазалыда тұрғын үйлер пайдалануға берілуде. Баспаналы болған барша қазалылықтарды қоныс тойларымен құттықтаймын»,- деді облыс әкімі Қ.Ысқақов.
</blockquote>
Сонымен қатар, аймақ басшысы Қазалы аудандық мекемелер үйі ғимаратының құрылысымен танысты. Ғимарат 3 блоктан тұрады. Құрылыс салуға бөлінген жер учаскесі 2 гектар. Мекемелер үйі ғимаратында аудан әкімдігі мен мәслихат аппараты және 9 дербес бөлім орналасатын болады.
<img src="https://kyzylorda-news.kz/wp-content/uploads/2019/12/26akimatkazaly2.jpg" alt="" />
<img src="https://kyzylorda-news.kz/wp-content/uploads/2019/12/26akimatkazaly3.jpg" alt="" />
<img src="https://kyzylorda-news.kz/wp-content/uploads/2019/12/26akimatkazaly4.jpg" alt="" />

Қазалы ауданында 108 отбасы баспаналы болды (ФОТО)

<a href="https://kyzylorda-news.kz/">Kyzylorda-news.kz.</a> Қызылорда облысында браконьерлерден 1 тонна балық тәркіленді. Бұл туралы Экология, геология және табиғи ресурстар министрлігінің Орман шаруашылығы және жануарлар әлемі комитетінің баспасөз хатшысы Сәкен Ділдахмет <a href="https://www.facebook.com/photo.php?fbid=1471989412952605&set=pcb.1471989869619226&type=3&theater">«Facebook»</a> парақшасында жариялады.
<blockquote>
 «2019 жылдың 25 желтоқсанында рейд барысында Қызылорда облысының орман шаруашылығы және жануарлар әлемі аумақтық инспекциясының инспекторлары қармақшы ауданының аумағында УАЗ маркалы көлікті тоқтатып, оның ішінде адамдардың 1 тонна 153 келі балықтың заңсыз әкетіп бара жатқанын анықтады», – деп жазады Сәкен Ділдахмет.
</blockquote>
Табиғат қорғаушылар браконьерлер Қармақшы ауданының полиция бөліміне жеткізілді.&nbsp;
Қазіргі уақытта аталмыш факт бойынша ҚР Қылмыстық кодексінің 335-бабы 3-бөлігі бойынша сотқа дейінгі тергеу амалдары жүргізіліп жатыр.

Қазақстан және Қызылорда облысының жаңалықтары