<a href="https://kyzylorda-news.kz/">Kyzylorda-news.kz.</a> Көктемде тасжолдардың конструктивтік элементтерінің жүк көтеру мүмкіндігі төмендейтіндіктен жеке білігіне 8 тоннадан аса жүктеме түсіретін жүк көліктерінің қозғалысына шектеу енгізілді, деп хабарлайды ҚР ИИДМ баспасөз қызметі.
Өңірлердің табиғи-климаттық ерекшеліктеріне байланысты шектеу түрлі уақытта енгізіледі.
Атап айтқанда, 1 наурыз бен 1 сәуір аралығында Алматы, Атырау, Жамбыл, Қызылорда, Маңғыстау және Түркістан облыстарында және Қарағанды облысының Жезқазған өңірінің жолдарында жүк көліктерінің қозғалысына шектеу енгізіледі.
23 наурыз бен 1 мамыр аралығында Шығыс Қазақстан, Ақмола, Ақтөбе, Батыс Қазақстан, Қостанай, Павлодар, Солтүстік Қазақстан және Қарағанды облыстарының жолдары ауыр жүк тасығыш көліктердің қозғалысы үшін жабық болады.
Айта кету керек, көктемде қозғалысты уақытша шектеудің халықаралық келісімдерге сәйкес жүктер мен жолаушыларды халықаралық тасымалдауды жүзеге асыратын, төтенше жағдайлардың алдын алу және жою жөніндегі іс-шараларға қатысатын, зардап шеккендерге гуманитарлық көмек көрсететін, тамақ өнімдерін, жолаушылар мен қолжүгін, сондай-ақ дәрі-дәрмектер тасымалдайтын автокөлік құралдарына қатысы болмайды.

Қызылордада ауыр жүк тасығыш көліктер қозғалысы уақытша шектеледі

<a href="https://kyzylorda-news.kz/">Kyzylorda-news.kz.</a> Бұл туралы «Адал жол» жобасы аясында жүргізіліп жатқан жұмыстар бойынша өткен баспасөз мәслихатында арнайы мониторинг тобының жетекшісі Ләззат Бақтыбаева мәлімдеді.
&nbsp;Баспасөз мәслихатына департамент басшысының бірінші орынбасары Б. Ниязов, Көліктік бақылау инспекциясының орынбасары Г. Пірназарова және «Адал жол» жобасы аясында жұмыс жасайтын Арнайы мониторингтік топ мүшелері, «Номадас» ЖШС, «Марал-Нұр» ЖШС, ««Арлан Транс» ЖШС басшылығы мен жолаушылар көлігіне жауапты басқа да лауазымды тұлғалар қатысты.
Арнайы мониторинг тобының жетекшісі Ләззат Бақтыбаева &nbsp;алдағы уақытта жолаушылар пойызына жауапты тұлғаларды кемшіліктерді болдырмауға, нақты шаралар қабылдауға шақырды.
<blockquote>
 – «Адал жол» жобасы аясында құрылған топ мүшелерінің қатысуымен &nbsp;темір жол көліктеріне 8 рет рейдттік шаралар жүргізілді. Темір жол көлігіне билетсіз мінген 5 жолаушы анықталды. Жолсеріктерге қатысты көліктік бақылау инспекциясының қызметкерлерімен бірлесіп 8 әкімшілік құқық бұзушылық туралы хаттама рәсімделді. &nbsp;Әр-түрлі техникалық 15 кемшіліктер анықталып отыр», – дейді мониторинг топтың жетекшісі.
</blockquote>
Сонымен қатар, департамент басшысының бірінші орынбасары Бақытжан Ниязов жолаушылар тасымалымен айналысатын вагондардың тозығы жеткені, сервистік қызмет көрсету бойынша кемшіліктердің көп екендігіне атап өтті.
Көліктік бақылау инспекециясы басшысының орынбасары Г.Пірназарова, жолаушылар тасымалына байланысты ҚР Әкімшілік құқық бұзушылық туралы кодексіне енгізілген өзгерістердің маңыздылығын түсіндірді.
Брифинг соңында департаменттің бас маманы Н.Жакудаев Сыбайлас жемқорлыққа қарсы іс-қимыл агенттігінің 1424 Call-орталығы тәулік бойы жұмыс істейді, аталған нөмірге қоңырау шалу тегін және сыбайлас жемқорлық сипатындағы кез келген құқық бұзушылық бойынша түскен хабарламалар міндетті түрде қараладығын хабарлады.
<img src="https://kyzylorda-news.kz/wp-content/uploads/2020/03/qyzylordada-zholserikterding-quqyq-buzghany-anyqtaldy-1.jpg" alt="" />
<img src="https://kyzylorda-news.kz/wp-content/uploads/2020/03/qyzylordada-zholserikterding-quqyq-buzghany-anyqtaldy-2.jpg" alt="" />

Қызылордада жолсеріктердің құқық бұзғаны анықталды

<a href="https://kyzylorda-news.kz/">Kyzylorda-news.kz.</a> ҚР Мемлекеттік қызмет істері агенттігі саяси қызметшілер мен мемлекеттік органдардың бірінші басшыларының бағынышты қызметшілерінің жемқорлық қылмыстары үшін жауапкершілігі мәселелерін түсіндірді, деп хабарлайды <a href="https://lenta.inform.kz/kz/zhemkor-kyzmetkeri-ushin-kim-zhane-kanday-zhagdayda-otstavkaga-ketedi_a3621341">ҚазАқпарат</a>.
<blockquote>
 «Орталық мемлекеттік органның басшысы (министрлер, агенттіктердің төрағалары, Президентке тікелей бағынатын және есеп беретін мемлекеттік органдардың төрағалары) өзінің орынбасары, өзіне тікелей бағынышты мемлекеттік саяси қызметші, жауапты хатшы, аппарат басшысы не орталық мемлекеттік органның облыстық, республикалық маңызы бар қаланың немесе астананың аумақтық бөлімшесінің басшысы сыбайлас жемқорлық қылмыс жасаған кезде отставкаға береді», – деді ҚР МҚІА Мемлекеттік қызмет саласындағы бақылау департаментінің директоры Ерлан Сапаров.
</blockquote>
Оның айтуынша, орталық мемлекеттік орган басшыларының орынбасарлары өзі жетекшілік ететін ведомствоның, дербес құрылымдық бөлімшенің басшысы сыбайлас жемқорлық қылмыс жасаған кезде жұмыстан шығуға өтініш беретін болады.
Отставкаға кету туралы міндет өткен жылдың 10 желтоқсанынан кейін сыбайлас жемқорлық қылмыс жасаған қызметкерлердің басшыларына және саяси қызметкерлерге қолданылады. Мемлекеттік саяси қызметшілер, егер олар тағайындалған күннен бастап үш ай өткеннен кейін сыбайлас жемқорлық қылмыс жасалған жағдайда отставкаға кетеді.
Саяси қызметшілер соттың айыптау үкімі заңды күшіне енгеннен кейін немесе сот әлде қылмыстық қудалау органы қылмыстық істі Қазақстан Республикасы Қылмыстық іс жүргізу кодексінің 35-бабы бірінші бөлігінің 3), 4), 9), 10), 11) 12) және 12) тармақшаларының немесе 36-бабы негізінде қысқартқан соң 10 күнтізбелік күн ішінде отставкаға береді.
Басшылардың жауапкершілігін қарау кезінде көрсетілген шарттардан басқа, қол астындағыларға жасалған сыбайлас жемқорлық қылмысы мен басшының сыбайлас жемқорлық құқық бұзушылық жасаудың алдын алу жөніндегі лауазымдық міндеттерін орындамаудағы немесе тиісінше орындамаудағы кінәсі арасында байланыстың болуы да маңызды.

Жемқор қызметкері үшін кім және қандай жағдайда отставкаға кетеді?

<a href="https://kyzylorda-news.kz/">Kyzylorda-news.kz.</a> Короновирус инфекциясына байланысты елордалық ЖОО-лар қашықтан оқытуға көшіріле ме? Бұл сұраққа бүгін қала әкімдігінде өткен брифингте жауап берілді, деп хабарлайды <a href="https://lenta.inform.kz/kz/koronaviruska-baylanysty-zhoo-lar-distanciyalyk-okuga-koshirile-me_a3621319">ҚазАқпарат.</a>
<blockquote>
 «ҚР Денсаулық сақтау министрлігі күн сайын қазіргі жағдайға байланысты әлем бойынша мониторинг жүргізеді және ол туралы үкімет деңгейінде баяндалады. Басқа мемлекеттерден елімізге келіп жатқан адамдардан коронавирус анықталған жағдайда студенттердің оқуына қатысты қандайда бір өзгеріс болуы мүмкін. Бірақ дәл қазіргі уақытта бұған қатысты ешқандай шешім қабылданған жоқ және ешқандай құжатқа қол қойған жоқпыз», – дейді Нұр-Сұлтан қаласы Қоғамдық денсаулық сақтау басқармасының басшысы Сәуле Қисықова.
</blockquote>
Бұған дейін әлеуметтік желілерде, оның ішінде WhatsApp мессенджерінде әлемде коронавирус инфекциясының өршуіне байланысты жоғары оқу орнының студенттері сабақты қашықтан оқитыны туралы ақпарат тараған болатын.

Коронавирусқа байланысты ЖОО-лар дистанциялық оқуға көшіріле ме?

<a href="https://kyzylorda-news.kz/">Kyzylorda-news.kz.</a>Қазақстанда бір адамға 10 данадан артық медициналық маска сатылмауы мүмкін, деп хабарлайды <a href="https://www.inform.kz/kz/medicinalyk-maska-tapshylygy-bir-adamga-10-maska-gana-satyluy-mumkin_a3621426">ҚазАқпарат</a>.
Бұл туралы ҚР ДСМ «Дəрілік заттар мен медициналық бұйымдарды сараптау ұлттық орталығының» бас директоры Арнұр Нұртаев айтып берді.
<blockquote>
 «Коронавируске байланысты дүрлігу салдарынан дәріханалық ұйымдар қауымдастығымен бірлесіп, бір адамға 10 дана маска ғана сатуды ұсынамыз. Бұл адамдардың мыңдаған, он мыңдаған маска алуына жол бермеу үшін жасалуда. Кей адамдар дәріханадан мүмкіндігінше мың дана маска алған. Денсаулық сақтау министрлігі көп маска сатуға тыйым сала алмайды. Біз тек дәріханалар желісіне ұсыным жасай аламыз. Олар да дүрлігу мәселесін шешуге тырысып жатыр», – деді Арнұр Нұртаев.
</blockquote>
Бұған дейін Арнұр Нұртаев елімізде 1 млн дана медициналық маска қалғанын және сұраныстың 30 млн данаға дейін өскенін айтқан еді.
Оның айтуынша, отандық медициналық бетперде өндірушілер бір айда 6 миллионнан астам немесе күніне 180-200 мыңға жуық маска шығарады. Бұл бұйымдар ең алдымен мемлекеттік медициналық мекемелерге жіберіледі.
Сонымен бірге, ведомствоаралық комиссия отандық кәсіпорындар өндірген маскаларды ел аумағынан шығаруға тыйым салған. Бұл тыйым әлі де өз күшінде.

Медициналық маска тапшылығы: Бір адамға 10 маска ғана сатылуы мүмкін

<a href="https://kyzylorda-news.kz/">Kyzylorda-news.kz.</a> «Egov mobile» қосымшасында 24 қызметі түрі болса, ақпан айынан бастап қызметтер саны 59-ға көбейді. Бұл туралы Өңірлік коммуникациялар қызметінің ақпарат алаңында өткен баспасөз конференциясында «Азаматтарға арналған үкімет» мемлекеттік корпорациясы» КЕ АҚ Қызылорда облысы бойынша филиалының директоры Айдын Қайруллаев мәлімдеді.
<blockquote>
 «Қызылордалықтар көлік құралдарын онлайн форматта тіркеу және жүргізуші куәліктерін электронды порталда ауыстыру қызметін кеңінен қолдана бастады. Есепті кезеңде өңірде 85 840 көлік тіркеліп, оның 167-і электрондық портал арқылы рәсімдеген»,-деді Айдын Бөкенбайұлы.
</blockquote>
Өз сөзінде филиал директоры жаңадан 17 проактивті қызмет іске қосылатынын тілге тиек етті. Болашақта проактивті форматта мүгедектік бойынша әлеуметтік жәрдемақылар, жұмыс істеу қабілетінен айырылу және асыраушысынан айырылу жағдайларына байланысты төлемдер тағайындалады. Яғни “Алтын алқа”, “Күміс алқа” белгілері бар көпбалалы аналарға ешқандай өтінішсіз жәрдемақылар берілетін болады.
Бұған қоса, жеке куәліксіз құжаттарыңызды саусақ іздері арқылы ала аласыз. Яғни, халыққа қызмет көрсету орталығына барып, мәліметтеріңізді енгізесіздер. Сосын кез келген жерде отырып смартфонның көмегімен Egov.kz,Telegram-Bot арқылы қызмет алуға болады.
Айта кетейік, «Азаматтарға арналған үкімет» мемлекеттік корпорациясында республикалық «Халыққа жақын бол!» акциясы бастау алды. Онда тұрғындар ұсыныс-пікірірлерін айтып, өзекті мәселелерін шешуге мүмкіндіктері бар.
<img src="https://kyzylorda-news.kz/wp-content/uploads/2020/03/brifing-kajrwllaev-2.jpg" alt="" />

Қызылорда халқының цифрлық сауаты артқан

<a href="https://kyzylorda-news.kz/">Kyzylorda-news.kz.</a> Мемлекеттік қызмет істері агенттігі мемлекеттік қызметшілердің мерекедегі демалыс күндерін қысқарту туралы түсініктеме берді.
Мемлекеттік қызмет департаменті директорының орынбасары Думан Әбілевтің айтуынша, қазіргі кезде құзіретті мемлекеттік органдар президенттің тапсырмасын пысықтауға кіріскен.
<blockquote>
 «Бүгінде мерекелер туралы заң барлығына ортақ. Онда мемлекеттік қызметшілер бөлек қарастырылмайды. Сондықтан тиісті жұмыс басталды. Дәл қазір біздің қызметкерлеріміз премьер-министр кеңсесінде жиналып, құзырлы мемлекеттік органдармен осы тапсырманың қалай іске асырылатынын талқылап жатыр», – деді Әбілев елордада өткен баспасөз мәслихатында.
</blockquote>
Оның сөзіне қарағанда, қазақстандықтар 9 наурызда демалады. Себебі оған дейін заңға өзгеріс енгізіп үлгермейді. Сондықтан жексенбіге түсетін 8 наурыздан кейін дүйсенбі күні барлық мемлекеттік қызметшілер демалады. Тапсырмасы аясында нақты қай мемлекеттік қызметшілердің демалыс күндері қысқаратынын да анықтау қажет.
<blockquote>
 «Құқық қорғаушылар бар, арнайы мемлекеттік органдар бар, олардың барлығы – мемлекеттік қызметшілер. Мысалы, біз – әкімшілік қызметкеріміз. Бұдан бөлек, саяси қызметшілер бар. Сонда тапсырма қай қызметкерлерге қатысты? Осыны анықтау қажет. Бұл ретте тек құқық қорғау органдарына ғана қолданыла ма? Себебі қоғамдық тәртіпті сақтау керек. Бұның барлығы пысықталып, алдағы уақытта тиісті шешім қабылданады. Өзгеріс бәріне қатысты бола ма, жоқ па әзірге белгісіз», – деп атап көрсетті Әбілев.
</blockquote>
Айта кетейік, бұған дейін Мемлекет басшысы Қасым-Жомарт Тоқаев <a href="https://kyzylorda-news.kz/kogam/q-toqaev-mereke-kuenderine-qatysty-tapsyrma-berdi-duejsenbi-kuenderi-demalys-bolmawy-muemkin-47877/">мереке күндеріне қатысты</a> <a href="https://kyzylorda-news.kz/kogam/q-toqaev-mereke-kuenderine-qatysty-tapsyrma-berdi-duejsenbi-kuenderi-demalys-bolmawy-muemkin-47877/"></a>қолданыстағы тәртіпті қайта қарауды тапсырған болатын.

Тоқаев тапсырмасы: қазақстандықтар 9 наурыз күні демала ма?

<a href="https://kyzylorda-news.kz/">Kyzylorda-news.kz.</a> Парламент Сенаты Экономикалық саясат, инновациялық даму және кәсіпкерлік комитетінің кеңейтілген отырысында «ҚР Үкіметі мен РФ Үкіметі арасындағы «Байқоңыр» кешенін газбен жабдықтау туралы келісімді ратификациялау туралы» заң жобасы талқыланды, деп хабарлайды <a href="https://lenta.inform.kz/kz/senatorlar-baykonyr-turgyndarynyn-shygyndaryn-tomendetuge-negizdelgen-kuzhatty-talkylady_a3620835">ҚазАқпарат</a>.
«Байқоңыр» кешенін газбен жабдықтау туралы келісім 2019 жылғы сәуірде жасалды.
<blockquote>
 «Келісім тұтынушыларды сұйытылған мұнай газынан табиғи газға көшіруді көздейді. Келісімге сәйкес, табиғи газға қала аумағында және «Байқоңыр» ғарыш айлағында ресейлік салық органдарына тіркелместен өткізу құқығы «ҚазТрансГаз Аймақ» АҚ-ға беріледі. Бұл қосарлы салық салуға жол бермейді. «ҚазТрансГаз Аймақ» пен «Байқоңыр» қаласы тұтынушылары арасындағы газды бөлшек саудада сату шарттары Қазақстан заңнамасына сәйкес жасалатын болады. Бұл аталған шарттарды жасасу кезінде заңнаманы қазақстандық немесе ресейлік қолдануға қатысты даулы мәселелерді болдырмауға мүмкіндік береді», – деді Энергетика вице-министрі Әсет Мағауов.
</blockquote>
Оның сөзіне қарағанда, келісімде Байқоңыр қаласының аумағында табиғи газды бөлшек саудада өткізу бағасы Қызылорда облысының газ тұтынушылары үшін Қазақстанның монополияға қарсы органы белгілейтін бағаға сәйкес келуі тиіс деп бекітілген.
<blockquote>
 «Бүгінде Байқоңыр қаласында 328 көппәтерлі тұрғын үй, 45 жеке тұрғын үй газға қосылды, сондай-ақ үш балабақша, бес жалпы білім беретін мектеп және көп салалы аурухана табиғи газ жүйесімен қамтылған», – деді вице-министр.
</blockquote>
Айта кетейік, Байқоңыр қаласында бір айда ас әзірлеу үшін бір пәтер орташа есеппен сұйытылған газ үшін 2856 теңге сомасында төлеген. Бүгінде табиғи газды пайдалану кезінде осындай мөлшердегі газ үшін тұрғындар 186 теңге төлеуде. Бұл сұйытылған мұнай газынан 15 есе төмен.
Осы келісім тұрғындар үшін коммуналдық қызмет шығындарын азайтуға мүмкіндік береді. Себебі сұйытылған газға қарағанда, табиғи газдың құны айтарлықтай арзан.

Сенаторлар Байқоңыр тұрғындарының шығындарын төмендетуге негізделген құжатты талқылады

<a href="https://kyzylorda-news.kz/">Kyzylorda-news.kz.</a> 2020 жылдың 3 наурызынан бастап «Қазақстанның авиациялық әкімшілігі» АҚ базасында коронавирусқа қатысты жағдайды бақылауға бағытталған Ахуалдық орталық жұмыс істей бастады. Орталықта Қазақстанға тұрақты және тұрақты емес әуе қатынастары бар елдерде инфекция жұқтырған адамдардың статистикасына бақылау жүргізіледі, деп хабарлайды ҚР ИИДМ Азаматтық авиация комитетінің баспасөз қызметі.
<blockquote>
 «Үкімет коронавирустың Қазақстан аумағына таралуына жол бермеу үшін шаралар қабылдауда. 2020 жылдың 1 наурызынан бастап карантиндік іс-шаралар қолданылатын елдердің тізбесінің кеңеюіне байланысты сол елдерден келген жолаушыларға 4-ші күшейту кезеңі енгізілді», – деп хабарлайды&nbsp;комитеттен.
</blockquote>
Ведомство Қазақстан мен Қытай арасындағы барлық тұрақты рейс (аптасына 34 рейс) 2020 жылдың 3 ақпанынан бастап тоқтатылғанын еске салды. Сондай-ақ 2020 жылдың 1 наурызынан бастап Нұр-Сұлтан – Сеул және Алматы – Сеул бағыттары бойынша тұрақты рейстердің саны аптасына 9-дан 3 рейске дейін қысқартылған. «Эйр Астана» әуе компаниясының Нұр-Сұлтан – Сеул бағыты аптасына 2-ден 1 рейске дейін, Алматы – Сеул бағыты бойынша аптасына 5-тен 1 рейске дейін және «Asiana Airlines» әуе компаниясының рейсі 2-ден 1 рейске дейін шектелген.
<blockquote>
 ««Mahan Air» әуе компаниясының Алматы – Тегеран бағыты бойынша рейстер 1 наурыздан бастап (аптасына 1 рейс) тоқтатылды. Сондай-ақ, 5 наурыздан бастап Нұр-Cұлтан – Баку бағыты тоқтатылады. Алматы-Баку рейсі 5-тен 1 рейске дейін («Эйр Астана» 3-тен рейске 1 дейін, «Azerbaijan Airlines» 2-ден 1 рейске дейін), Ақтау — Баку рейсі 7-ден 1 рейске дейін (SCAT) шектеледі. «SCAT» әуе компаниясының Нұр-Сұлтан – Токио бағыты 2-ден 1 рейске дейін қысқарды», – деп хабарлайды комитеттен.
</blockquote>
Аталған рейстердің тоқтатылуына байланысты, 1 наурыздан бастап жоғарыда көрсетілген рейстерге билеттері бар жолаушылар әуе билеттерді сатып алу орны бойынша айыппұлсыз және толық көлемде қайтара алады.
Жолаушылар әуе билеттерді қайтару мәселесі бойынша кеңес алу үшін «Қазақстанның авиациялық әкімшілігі» АҚ-ға – 8 (7172) 64 58 41 нөміріне хабарласа алады. Желі жұмыс күндері сағат 9.00-дан 18.00-ге дейін қызмет көрсетеді.

Қазақстан коронавирусқа байланысты қандай әуе рейстерін тоқтатты?

<a href="https://kyzylorda-news.kz/">Kyzylorda-news.kz.</a> Коронавирустың таралу қаупіне байланысты қоғам белсендісі Мұрат Телібеков қазақстандық имамдарды жұмада намазды уақытша ашық аспан астында өткізуге шақырды.
<blockquote>
 «Адамдардың жабық жерде көп шоғырлануы денсаулыққа айтарлықтай қауіпті және инфекцияның таралуына ықпал етеді. Мешіт ғимаратында жұма намазын оқудан уақытша бас тартып, жамағатқа сыртта намаз оқуды ұсыну керек», – дейді өзінің ұсынысында Мұрат Телібеков.
</blockquote>
Сонымен қатар ол өзінің ұсынысын Қазақстан мұсылмандары діни басқармасының басшылығын қолдауға және оны еліміздегі барлық мешіттерге таратуға шақырды.
Қоғам белсендісінің бұл ұсынысына орай Премьер-Министрдің орынбасары Ералы Тоғжанов өз пікірін білдірді.
<blockquote>
 «Үкімет отырысында мешіттер, сауда орталықтары сынды көп адам жиналатын жерлерде коронавирустан алдын алу шараларын, тазалық сақтау, дезинфекция мәселелерін қолға алу туралы нақты тапсырмалар берілді. Мешіттерге айтылған ұсыныс бойынша бас имамдардың өздері шешім қабылдауы керек. Ашығын айтқанда, Алланың алдында ниет қылу мешіттерде ғана емес, әрбір азамат үйінде де немесе өзіңіз айтқандай ашық аспан астында да ниет қыла алады. Бұл – әрбір азаматтың өз құқығы. Дегенмен, адам көп жиналатын жерлерде бұл мәселені ескеруіміз керек. Оңтүстік Кореядағы коронавирустың тарауына діни орындар да ықпал етті. Соны да ескеруіміз қажет және азаматтарды сақтандыруға тиіспіз», – деп жауап берді Е. Тоғжанов Үкімет үйіндегі брифингте журналист сауалына.
</blockquote>
Ал, қоғам белсендісінің ұсынысы мен Премьер-Министрдің орынбасары Е. Тоғжановтың бұл пікіріне орай Қазақстан Мұсылмандары Діни Басқармасы әлі жауап берген жоқ.

Коронавирус: Қазақстандағы мешіттерде намаз далада оқылатын болды ма?

<a href="https://kyzylorda-news.kz/">Kyzylorda-news.kz.</a> Таяу Шығыс елдері күллі әлемге таралып үлгерген короновирусқа байланысты түрлі қоғамдық әрі мәдени, т.б. шараларға шектеу шараларын енгізіп жатыр, деп хабарлайды <a href="http://islam.kz/kk/news/alem/koronovirusqa-bailanysty-juma-namazyna-uaqytsha-tyiym-salyndy-13257/#gsc.tab=0">Islam.kz</a>.
Дүниежүзілік денсаулық сақтау ұйымы ресми COVID-19 атауын берген індеттің одан ары таралуының алдын алу үшін Иран билігі Теһран мен өзге де қалаларында жұма намазын өткізуге уақытша тыйым салды. Аталған аймақта індет ең көп таралған Иран аумағында бұл вирусты 254 адам жұқтырып, 26 адам көз жұмған (ақпан айының 27-і күнгі мәлімет бойынша).
Иранға көрші Түркия, Ирак, Ауғанстан шекарасын жауып тастады. Ирак билігі Иранмен арадағы шекараны жауып қоймай, Қытай, Иран, Жапония, Оңтүстік Корея, Таиланд, Италия, Сигнапур, Бахрейн, Кувейт елдерінен келетін туристерге виза беруді тоқтатты.
Бұдан бөлек, наурыз айының 7-не дейін мектептер мен жоғарғы оқу орындарын да жауып тастады. Жалпы алғанда Таяу Шығыста 350-ден аса адамның осы уақытқа дейін вирус жұқтырғаны анықталып отыр.

Короновирусқа байланысты жұма намазына уақытша тыйым салынды

<a href="https://kyzylorda-news.kz/">Kyzylorda-news.kz.</a> ҚР Мемлекеттік қызмет істері агенттігінің Қызылорда облысы бойынша департаменті жанындағы мемлекеттік қызмет көрсету мәселелері жөніндегі ведомствоаралық жұмыс тобының 2020 жылғы алғашқы отырысында 3 мәселе қаралды.
Жұмыс тобының отырысында бірінші болып Қызылорда қаласының жер қатынастары бөлімінің басшысы Жақсылық Ержанов хабарлама жасады. Оның айтуынша 2019 жылы бөлім тарапынан 5968 мемлекеттік қызмет көрсетілген, бөлімге жеке және заңды тұлғалардан 11861 өтініш түсіп, бөлімге тікелей түскен 5893 өтінішке жауап берілген.
Дегенмен, өткен жылы ҚР МҚІА Қызылорда облысы бойынша департаментіне жер қатынастары саласына қатысты 10 шағым түскен. Басым бөлігінде жер учаскелерінің қабаттасуы, қала әкімдігінің қаулысының кеш шығуы, және т.б. мәселелер арыздануға себеп болған.
<blockquote>
 “2018 жылы қалалық жер қатынастары бөлімінде мемлекеттік қызметтерді көрсету барысында 7 бұзушылық орын алса, 2019 жылы 107 өрескел бұзушылықтар орын алған. Оның ішінде, 6 рет – стандартта көрсетілген қызмет көрсету мерзімдері сақтамалмаса, 84 рет – стандарт талабында көзделмеген артық құжаттар сұратылған, 17 рет – толық емес құжаттар бола тұра қызмет көрсетілген. Яғни, кейбір азаматтардан артық құжаттар сұратылса, енді бір азаматтардың құжаттары жетіспесе де қызметтерді толық көрсеткенсіздер. Бөлімнің қызметінде ашықтықты, мемлекеттік қызметті көрсету процесінде сапа пен қолжетімділікті қамтамасыз ету қажет”, – деді ведомствоаралық жұмыс тобының төрағасы Нұрман Талқанбаев.
</blockquote>
Аталған мәселені жан-жақты талқылаған Ведомствоаралық жұмыс тобының мүшелері ағымдағы жылдың ІІ-ші жартыжылдығында қалалық жер қатынастары бөлімінің есебін қайта тыңдау жөнінде шешім қабылдады.
<blockquote>
 Келесі кезекте, «Әлеуметтік медициналық сақтандыру қоры» АҚ-ның Қызылорда облысы бойынша филиалының директоры Бақыт Исмаханбетов, филиалмен 2019 жылы мемлекеттік көрсетілетін қызметтер бойынша атқарылған жұмыстарды баяндады.
</blockquote>
Күн тәртібіне сәйкес, департаменттің басқарма басшысы Ғалымжан Ілкібаев 2019 жылы мемлекеттік қызметтер көрсету сапасына жүргізілген республикалық қоғамдық мониторинг нәтижелерімен таныстырды.
<blockquote>
 “Қоғамдық мониторинг қызмет алушылардың мемлекеттік қызмет көрсету сапасына, қолжетімділігіне жəне рəсімдеріне қанағаттанушылық деңгейін анықтау, сондай-ақ мемлекеттік қызмет көрсету кезіндегі проблемалық мəселелерді анықтау мақсатында жүргізілген. Ең маңыздысы, зерттеулерге қатысқан азаматтардан алынған ұсыныстар мен ескертпелер негізінде әкімшілік кедергілерді жою, мемлекеттік қызметтерді көрсету процестерін оңтайландыру және автоматтандыру бойынша қорытындылар мен ұсынымдар әзірленеді”, – деді Ғ.Ілкібаев.
</blockquote>

Қазақстан және Қызылорда облысының жаңалықтары