<a href="https://kyzylorda-news.kz/">Kyzylorda-news.kz.</a> Елімізде коронавирус инфекциясын жұқтырып тіркелген соңғы 4 адамның мәліметтері <a href="https://www.coronavirus2020.kz/ru/o-poslednih-sluchayah-zabolevaniya-koronavirusnoy-infekciey_a3629037">coronavirus2020.kz</a>&nbsp;сайтында жарияланды.
24 наурызда кешкі сағат 21:40-тан бастап елімізде коронавирус жұқтырған 4 адам тіркелді.
Шымкентте алғашқы оқиға тіркелді. 1996 жылғы азамат инфекциялық стационарда жатыр. Ер адам&nbsp;<a href="https://kyzylorda-news.kz/kogam/qazaqstanda-koronavirws-zhuqtyrghandar-sany-70-boldy-shymkentte-1-oqigha-tirkeldi-51776/">Шымкентке</a>&nbsp;Нұр-Сұлтан қаласынан келген.
Қазіргі уақытта ол Шымкент қаласының жұқпалы аурулар ауруханасына оқшауланып, ем-дом қабылдап жатыр. Оның жағдайы бірқалыпты. Онымен байланыста болғандардың барлығы анықталған. Қазір олар оқшаулануға алынуда.
Коронавирус инфекциясының алдын алу үшін Шымкент қаласының жедел штаб мүшелері барлық санитарлық-эпидемиологиялық шараларды жүзеге асыруда. Сонымен қатар, штаб шешімімен барлық бағынысты ведомство органдары қаладағы эпидемиологиялық жағдайды айрықша бақылауға алды.
Екінші жағдай <a href="https://kyzylorda-news.kz/kogam/qazaqstanda-koronavirws-zhuqtyrghandar-sany-70-boldy-shymkentte-1-oqigha-tirkeldi-51776/">Нұр-Сұлтан</a> қаласында тіркелді. 1938 жылғы ер адам стационарда жатыр.
Үшінші оқиға <a href="https://kyzylorda-news.kz/kogam/koronavirws-sqo-men-zhambyl-oblysynda-anyqtaldy-51785/">Жамбыл облысында</a> тіркелді. Бұл 1979 жылғы азамат. Ол Қырғызстаннан келген. Стационарға жатқызылған.
Коронавирус инфекциясына қатысты төртінші жағдай <a href="https://kyzylorda-news.kz/kogam/koronavirws-sqo-men-zhambyl-oblysynda-anyqtaldy-51785/">Солтүстік Қазақстан облысында</a> тіркелген. Ол 1993 жылғы азаматша Ресей Федерациясынан келген. Ол провизорлық стационарда дәрігерлердің бақылауына алынды.
Онымен байланысты болғандардың барлығы анықталды және стационарлық карантинге оқшауланған.

Шымкент, Жамбыл, СҚО: коронавирус жұқтырғандар қайдан келген?

<a href="https://kyzylorda-news.kz/">Kyzylorda-news.kz.</a> Сәрсенбіде елімізде ауа райы ашық болады, тек кей жерлерде тұман түсіп, жел күшейеді, деп хабарлайды “Қазгидромет”.
25 наурызда антициклон ықпалында болатындықтан Қазақстанның басым бөлігінде күн райы ашық болады. Кей жерлерде тұман күтіледі, жел күшейеді. Қызылорда облысында шаңды дауыл соғады.
Қызылорда облысында жел 15-20, кей жерлерінде 23-28 м/с күшейеді, кей жерлерінде шаңды дауыл соғады.

Сәрсенбіге арналған ауа райы: Қызылордада шаңды дауыл соғады

<a href="https://kyzylorda-news.kz/">Kyzylorda-news.kz.</a> Қазақстанда тағы 7 адам коронавирус жұқтырды.
<a href="https://www.coronavirus2020.kz/kz">Coronavirus2020.kz</a>&nbsp;мәліметінше, Қазақстанда 25 наурыз 09:40-қа дейін коронавирус індетін жұқтырған тағы 7 адам бар. Оның екеуі – Алматыда, бесеуі – елордада тіркелген.
Осы сағатта Нұр-Сұлтан қаласы бойынша – 41 адам, Алматы қаласында – 31 адам, Қарағанды қаласында – 2, Алматы облысында – 1 адам, Ақтөбе облысында – 1 адам, Шымкент қаласында – 1 адам, Жамбыл облысында -1 адам, Солтүстік Қазақстан облысында – 1 адам жалпы 79 науқас тіркелді.

Қазақстанда коронавирус жұқтырғандар саны 79 болды

Халықаралық құлдық құрбандарын және трансатлантикалық құл саудасын еске алу күні.
Құлдықта және құлдықтан азат ету үшін күресте қаза болғандарды құрметпен еске алу мақсатында – БҰҰ Бас Ассамблеясы 2006 жылғы қарашада 2007 жылғы наурыздың 25-інде трансатлантикалық құл саудасын жоюдың 200 жылдығын мерекелеудің Халықаралық күні ретінде атап өту туралы қаулы қабылдады. 2007 жылдың соңында БҰҰ Бас Ассамблеясы қарар қабылдап, мемлекеттерді жыл сайын наурыздың 25-ін Халықаралық құлдық құрбандарын және трансатлантикалық құл саудасын еске алу күні тұрғысында атап өтуге шақырды.
1930 жылы&nbsp;Балқаш көліне іргелес Бәрібаев, қазіргі Балқаш ауданына қарасты Бақалы жерінде Бәрібаев шаруалар көтерілісі болды. Кеңес өкіметінің ұжымдастыру, жаппай қуғын-сүргін саясаты мен ашаршылық қаупіне шыдамаған жергілікті шаруалар ұйымдасқан қарсылыққа шықты. Бақалы ауыл тұрғындары Құсмади Ахметжанов, Құрамыс Ибрагимов, Жақыпбай Сауқымбаев 100-ден астам адамды ұйымдастырып, көрші ауылдарға үгітшілер жіберді. Көтерілісшілер отрядқа бірігіп, Бақалы коммунасын басып алды, ауылдық кеңесті таратып жіберді. Елден күшпен жиналған 100 пұт астықты, 100 бас жылқыны, басқа да мал мен мүлікті жұртқа таратып берді. Алматы мен Семейден әскер күшін шақыртпау үшін көтерілісшілердің арнайы тобы Балқаш жағындағы телефон байланысының сымдарын үзіп, темір жол табанының алты буынын босатып, алып тастады. Мыңқұм деген жердегі 10 ауылды басып алды. Көтеріліс басшысы Құсмади Ахметжанов Қытай шекарасынан өтіп кеткен босқындармен, Ақсу көтерілісшілерімен байланыс жасап, бірлесе қимылдауға тырысты. Бірақ әскер күштері алдын-ала шекараны нығайтып, оған жол бермеді. Шекарашылар Қытай жағынан көмекке келмек болған қазақ отрядын қолға түсірді. Бәрібаев ауданындағы көтерілісшілер ОГПУ-дің 50 адамдық қарулы жедел әскери отрядының күшімен басылып, 29 адам ату жазасына кесілді.
1992 жылы&nbsp;Қазақстан Республикасы мен Филиппины Республикасы арасында дипломатиялық қарым-қатынастар орнатылғаны туралы нота алмасу рәсімі өтті. Филиппины Қазақстан тәуелсіздігін 1992 жылғы 22 қаңтарда мойындады.
1993 жылы&nbsp;Қазақстан Республикасы Еуропа қайта құру және даму банкінің мүшелігіне қабылданды.
2010 жылы&nbsp;Қазақстанның Ұлттық банкі «Барыс» монетасын айналымға шығарды.

25 наурыз: Атаулы күндер мен оқиғалар

<a href="https://kyzylorda-news.kz/">Kyzylorda-news.kz</a>&nbsp;ақпараттық агенттігінің 25 наурызға арналған жұлдыз-жорамалы.
Тоқты
Бүгін өзіңізді төреші ретінде сезінесіз. Жақындар мен әріптестердің бірі сізді жанжалдың ортасына түсіруі ғажап емес. Басыңыз бәлеге қалмас үшін біреудің жанжалына араласпаған жөн.
Торпақ
Бүгін жетістіктеріңіз бен сәтсіздіктеріңізді талдау керек. Өзіңізге адал баға берген жөн. Біреудің пікіріне құлақ аспаңыз, басқа адамның не көздейтінін білмейсіз.
Егіздер
Бүгін негізгі жұмыстан басқаның бәріне көңіл бөлесіздер. Дегенмен өзіңізді дер кезінде қолға алып, тікелей міндетіңізді атқарып, үй шаруасымен айналысыңыз.
Шаян
Таңертеңнен бастап іске кірісесіз. Оймен талай істі аяқтап тастайсыз. Ойыңызды тезірек жүзеге асырыңыз, &nbsp;өзіңізді шектемеңіз. Түстен кейін белсенділігіңіз артады.
Арыстан
Бүгін ішкі наразылығыңыз артады. Бұған ерекше мән бергеніңіз дұрыс. Не нәрсеге көңіліңіз толмайтынын анықтасаңыз, жағдайды өзгертудің мүмкіндігі пайда болады.
Бикеш
Бүгінгі күн сіз үшін сәтті болады. Түстен кейін әрекеттеріңізді бақылауда ұстаңыз. Әрбір қадамыңызды ойланып барып жасаңыз. Өмірлік қуатыңыз қазір тасып тұрғанымен, оны бос қиял мен жанжалға жұмсаудың қажеті жоқ.
Таразы
Бүгін ерекше әсерлер көп болады. Жаңа табыс көзін табуыңыз ықтимал. Бірақ табыс өздігімен табылмайды, алдымен тер төгу керек екенін ұмытпаңыз.
Сарышаян
Бүгін шабытыңызға ерік беріңіз. Шығармашылығыңыздың жемісіне басқалардың көңілі толмаса да, өзіңіз риза боласыз.
Мерген
Бүгін адамдармен көп араласпаған дұрыс. Біріншіден, энергияңыз сарқылады. Екіншіден, сіз жайында көп сын айтылуы мүмкін.
Тауешкі
Басқа адамдарға қатысты жоспарлар мен тапсырмаларда шектен шықпаған жөн. Қаншалықты шындықты айтқыңыз келсе де, өзіңізді тежеген дұрыс. Себебі шындықты айтамын деп жақындарыңызды ренжітіп алуыңыз мүмкін.
Суқұйғыш
Бүгін қажет емес нәрсеге көңіл бөлмеуге тырысыңыз. Әрине, жұмыс ешқайда қашпайды, бірақ өздігімен де істелмейді. Сондықтан уақытты бос сөзбен өткізбей, жұмысыңызды істеңіз.
Балықтар
Бүгін сізді басқалар бақылауда ұстағысы келеді. Ақыл-кеңес беретіндер көбейіп кетеді. Ондай адамдарға қарсылық көрсетіңіз, ашуға бой алдырмаңыз.

Жұлдыздар не дейді?

<a href="https://kyzylorda-news.kz/">Kyzylorda-news.kz.</a> 24 наурызда сағат 23:20-дегі жағдай бойынша Қазақстанда коронавирус індетін жұқтырған тағы 2 адам тіркелді. Науқастар СҚО және Жамбыл облыстарында анықталған, деп хабарлайды <a href="https://www.coronavirus2020.kz/kz/kazakstandagy-koronavirus-boyynsha-24-nauryzdagy-23-20-sag-zhagday_a3628993">coronavirus2020.kz</a>.
<blockquote>
 «Осы сағатта Нұр-Сұлтан қаласы бойынша 36 адам, Алматы қаласында – 29 адам, Қарағанды қаласында – 2, Алматы облысында – 1 адам, Ақтөбе облысында – 1 адам, Шымкент қаласында – 1 адам, Жамбыл облысында -1 адам, Солтүстік Қазақстан облысында – 1 адам жалпы 72 науқас тіркелді», делінген хабарламада
</blockquote>

Коронавирус СҚО мен Жамбыл облысында анықталды

<a href="https://kyzylorda-news.kz/">Kyzylorda-news.kz.</a> Шымкент қаласында коронавирус індетін жұқтырған 1 адам тіркелді.
Артынша коронавирус індетін жұқтырған тағы 1 адам Нұр-Сұлтан қаласында тіркелгені анықталды. Осылайша елімізде қауіпті індетке шалдыққандардың саны 70-ке жетті.
«Осы сағатта (Астана уақыты бойынша 22:20 – ред) Нұр-Сұлтан қаласы бойынша 36 адам, Алматы қаласында – 29 адам, Қарағанды қаласында – 2, Алматы облысында – 1 адам, Ақтөбе облысында – 1 адам, Шымкент қаласында – 1 адам жалпы 70 науқас тіркелді», делінген хабарламада.

Қазақстанда коронавирус жұқтырғандар саны 70 болды: Шымкентте 1 оқиға тіркелді

<a href="https://kyzylorda-news.kz/">Kyzylorda-news.kz.</a> Қызылорда облысының әкімі Қуанышбек Ысқақов өңірдегі дәріхана иелері және жеңіл өнеркәсіп саласындағы кәсіпкерлермен кездесті.
Қазіргі таңда бетперде және антисептик сынды медициналық бұйымдар тұрғындар тарапынан үлкен сұранысқа ие. Тапшылықты болдырмау мақсатында облыс әкімі ертеңнен бастап кәсіпкерлерге арзан бағада бетперде тігіп, оны дәріханалар арқылы халыққа ұсыну қажеттігін тапсырды.
Бүгінде облыстағы “Dalatex” тігін фабрикасы №50 дәріханамен келісім-шартқа отырып, күніне 10 мың данадан аса бетперде жеткізіп келеді.
Сондай-ақ белгілі кәсіпкер Аида Керімқұлова күніне 1000-1500 дана тауарды “Аңсар” дәріханалар желісіне жеткізеді.
Ал Қорқыт ата атындағы Қызылорда мемлекеттік университетінің оқытушылары антисептиктердің тапшылығын ескеріп, арнайы құтыға құйылған залалсыздандыратын сұйықтық әзірлеуде.
Кездесуде аймақ басшысына антисептик шығаратын кәсіпкерлер өңірде этил спиртінің тапшылығы туындап отырғанын жеткізді. Осыған байланысты Қуанышбек Ысқақов жауапты сала жетекшілеріне өнімді 2 күн ішінде өзге аймақтардан жеткізіп беруді міндеттеді. Тек сатылымға шығарылатын тауар халыққа қолайлы бағада ұсынылуы тиістігін ескертті.
<blockquote>
 “Осындай төтенше жағдай кезінде біз бірігуіміз қажет. Халық үшін бірге жұмыс істеуіміз керек. Маска мен антисептиктердің бағасын шарықтатып пайда көру деген болмасын. Індет, дағдарыс дегеніміз – уақытша, өтпелі құбылыс. Біздің алдымызда тұрған мақсат – мүмкіндікті барынша пайдалану, осы дағдарыстан аман-есен шығып, одан да мықты болу. Оған біздің толық мүмкіншілігіміз бар. Әрқайсымыз өз міндетімізді жауапкершілікпен орындасақ, бұл қиындықтан тезірек шығамыз”, – деді облыс әкімі Қуанышбек Ысқақов.
</blockquote>
<img src="https://kyzylorda-news.kz/wp-content/uploads/2020/03/whatsapp-image-2020-03-24-at-03.33.24.jpeg" alt="" />
<img src="https://kyzylorda-news.kz/wp-content/uploads/2020/03/whatsapp-image-2020-03-24-at-03.33.26.jpeg" alt="" />
<img src="https://kyzylorda-news.kz/wp-content/uploads/2020/03/whatsapp-image-2020-03-24-at-03.33.26-1.jpeg" alt="" />
<img src="https://kyzylorda-news.kz/wp-content/uploads/2020/03/whatsapp-image-2020-03-24-at-03.33.25-1.jpeg" alt="" />

Қызылордада бетперде және антисептик тапшылығының шешімі табылған

<a href="https://kyzylorda-news.kz/">Kyzylorda-news.kz.</a> Төтенше жағдай кезінде жұмыс істеген дәрігерлерден бөлек, полиция қызметкерлеріне де үстемеақы төленеді. Бұл туралы мемлекет басшысы Қасым-Жомарт Тоқаев мәлімдеді.
<blockquote>
 “Үкімет пен әкімдіктерге коронавирусқа қарсы шараларға жұмылдырылған дәрігерлерге, полицейлерге және басқа да мамандарға бір жолғы қызметтік жалақысы көлемінде үстемеақыны қамтамасыз етуді және қосымша қаржы қарастыруды тапсырамын”, – дейді президент төтенше жағдай жөніндегі мемлекеттік комиссияның отырысында.
</blockquote>
Еске салайық, бұған дейін қауіпті індетпен күресіп жатқан <a href="https://kyzylorda-news.kz/densawlyq/toetenshe-zhaghdaj-medicina-mamandarynyng-zhalaqysy-koebejdi-51321/">дәрігерлерге сыйақы</a> төленетінін хабарлаған болатынбыз.

Төтенше жағдай: полицейлерге де сыйақы төленеді

<a href="https://kyzylorda-news.kz/">Kyzylorda-news.kz.</a> 13 адам Қазақстанда жүріп қауіпті вирусты жұқтырған, 29 адам сырттан жеткізсе, 26-сы солармен ұшақта қарым- қатынаста болғандар.&nbsp;Бұл туралы ҚР ақпарат және қоғамдық даму министрі Дәурен Абаев брифинг барысында айтты.
Оның айтуынша, коронавирус жұқтырғандардың 80 пайызында ауру симптомдары білінбеген немесе аздап жөтелу белгісі ғана болған.&nbsp;
<blockquote>
 “13 адам Қазақстанда жүріп қауіпті вирусты жұқтырған, 29 адам сырттан жеткізсе, 26-сы солармен ұшақта қарым-қатынаста болғандар”, –деді министр журналистер жолдаған сұраққа жауап бере отырып.&nbsp;
</blockquote>
Сонымен қатар, ол шетелде коронавирус жұқтырған Қазақстан азматтарының жағдайын баяндады.
<blockquote>
 “Германияда коронавирус жұқтырған Қазақстан азаматының жағдайы жақсарды. Ол ауруханадан шығарылды. Қазір неміс дәрігерлерінің бақылауында карантинде жатыр. Венгриядағы азаматымыздың жағдайы қанағаттанарлық. Ауруханада ем қабылдап жүр. Біздің дипломаттар онымен және дәрігерлерімен байланысып тұрады”, – деді Дәурен Абаев.
</blockquote>

Коронавирус: 13 адам Қазақстанда жүріп жұқтырған

<a href="https://kyzylorda-news.kz/">Kyzylorda-news.kz.</a> 2019 жылдың көктемде шақырылған азаматтарды әскери қызметтен босату тоқтатылады. Бұл туралы «Хабар 24» телеарнасының тікелей эфирінен ҚР Ақпарат және қоғамдық даму министрі Дәурен Абаев мәлімдеді.
<blockquote>
 «Қорғаныс министрлігінің жаңалығын ерекше атап өткім келеді. Төтенше жағдайдың енгізілуіне байланысты 2019 жылы көктемде шақырылған азаматтарды әскери қызметтен босату тоқтатылады. Сол сияқты әскерге шақыру да уақытша тоқтатылады», – деді Дәурен Абаев.
</blockquote>

Биыл әскерге шақыру уақытша тоқтатылады

<a href="https://kyzylorda-news.kz/">Kyzylorda-news.kz.</a> Төтенше жағдай кезінде қазақстандықтар үшін кредитті төлеу мерзімі кейінге шегеріледі. Бұл туралы Қазақстан президенті Қасым-Жомарт Тоқаев мәлімдеді.
<blockquote>
 “Төтенше жағдай кезінде айыппұлдар мен өсімпұлдарды салмау жөніндегі шектеуге қарамастан негізгі қарызды төлеу және займдар бойынша сыйақы беруді тоқтату қажет”, – деді ол Төтенше жағдай жөніндегі мемлекеттік комиссияның отырысында.
</blockquote>
Сонымен қатар президент көптеген қазақстандық жағдайдың қиындығына байланысты ломбард, онлайн кредит, микроқаржылық ұйымдарға барып жатқанын атап өтті. Оның пікірінше, бұл саладағы жағдайды бақылауда ұстау қажет.
<blockquote>
 “Сондықтан бұл саланы тәртіпке келтіру маңызды. Қаржылық нарықты реттеу мен дамыту агенттігі, бас прокуратура, ақпарат және қоғамдық даму министрлігіне заң сақталуы үшін ауқымды акция жүргізіп, заң бұзушыларды жауап тартуды тапсырамын. Бұл БАҚ-та және әлеуметтік желіде жариялануы қажет. Қиын жағдайда қазақстандықтар құқығының мемлекет қорғайтынын білуі маңызды”, – деді мемлекет басшысы.
</blockquote>

Қазақстан және Қызылорда облысының жаңалықтары