<a href="https://kyzylorda-news.kz/">Kyzylorda-news.kz.</a> Карантин кезінде қабылданған шараларды орындамай, тәртіп бұзғандар әкімшілік жауапқа тартылады, деп хабарлайды <a href="https://24.kz/kz/zha-aly-tar/o-am/item/383175-bas-sanitar-d-rigerdi-b-jry-ymen-auipti-elderdi-sanaty-zgerdi">«Хабар 24».</a>
Тіпті ережені ескермей, аурудың таралуына себепкер болған адамның үстінен қылмыстық іс қозғалуы мүмкін. Бұл туралы еліміздің бас санитар дәрігері Айжан Есмағанбетова мәлімдеді. Оның айтуынша, қазір елде індеттің таралуын тежеу үшін дезинфекциялау жұмыстары жүргізіліп жатыр. Сондай-ақ карантинге жабылған қос қаладағы бақылау-өткізу бекеттерінде санитарлық дәрігерлер жұмыс істейді. Бұдан бөлек, Бас санитар дәрігердің бұйрығымен қауіпті елдердің санатына өзгеріс енгізілген.
<blockquote>
 «Барлық ел екіге яғни 1 «А» және 1 «Б» санатына бөлінді. «А» санатындағы елден жеткізілген азаматтар міндетті түрде 14 күн карантинге жатқызылады. 1 «А» санатына бұған дейін 5 ел кірген еді. Енді тағы алты мемлекет қосылды. Олар: Малайзия, Үндістан, Шри-Ланка, Таиланд, Египет және Біріккен Араб Әмірліктері. Қалған елден келгендер 24 сағат карантинге алынады. Осы аралықта олардан қан сынамасы алынып, тексеріс жүргізіледі. Егер ауру белгілері анықталмаса, үй карантиніне жіберіледі»,- дейді бас санитар.
</blockquote>

Бас санитар дәрігердің бұйрығымен қауіпті елдердің санаты өзгерді

<a href="https://kyzylorda-news.kz/">Kyzylorda-news.kz.</a> Коронавирус ресми түрде алғаш рет 31 желтоқсанда Қытайдың Ухань қаласында тіркелді. Кейін Дүниежүзілік Денсаулық cақтау ұйымы коронавирустың жаңа түрін пандемия деп атады. Бүгінде 170-ке жуық мемлекетте вирус анықталып, 400 мыңнан астам адам жұқтырып үлгерді. Дегенмен барлық жанның көкейінде жүрген кей сұрақ әлі күнге дейін жауапсыз.&nbsp;&nbsp;
Коронавирусты қайта жұқтыру мүмкін бе?
Деректер бойынша, әзірге тек төрт медицина қыметкерінің қайтадан жұқтырғаны белгілі болған. Екінші рет ауырған кезде белгілер аса байқала қоймаған әрі ауру алғашқыға қарағанда жеңіл өткен.&nbsp;Ухань университетінің зерттеушілері олардың қайта жұқтырғаны туралы ақпарат тесттегі қателік болуы мүмкін деп болжаған деседі,&nbsp;– &nbsp;<a href="https://elpais.com/ciencia/2020-03-19/las-preguntas-sin-responder-sobre-el-virus-impiden-saber-lo-que-sucedera-en-los-proximos-meses.html">El Pais</a>&nbsp;испан басылымында. Зерттеушілер шындыққа көз жеткізу үшін тестті бірнеше рет жасап жатыр.
Одан бөлек, ғалымдар жануарларға жасалып жатқан тәжірибе арқылы екінші қайта жұқтыру мүмкіндігін жоққа шығарды.&nbsp; Қытай зерттеушілері коронавирус жұқтырған макакалар толықтай емделгеннен кейін вирусты аймақта жүрсе де, қайта вирус жұқтырмағанын байқаған. Зерттеудің алғашқы нәтижелерін&nbsp;<a href="https://www.biorxiv.org/content/10.1101/2020.03.13.990226v1">BiorXiv</a> серверіне жүктеген.&nbsp;
Күзде пандемия аяқтала ма?
1918 жылы тараған испан тұмауы бір жылға жуық уақыт ішінде миллиондаған адамның өмірін жалмаған болатын. Соның ішінде, басым бөлігі жылдың аяғына таман басталған екінші толқын кезінде қайтыс болған.&nbsp;<a href="https://www.imperial.ac.uk/media/imperial-college/medicine/sph/ide/gida-fellowships/Imperial-College-COVID19-NPI-modelling-16-03-2020.pdf">Лондон Патшалық колледжінің зерттеушілерінің</a>&nbsp;айтуынша, CoVID-19 вирусына байланысты карантинді тоқтатқаннан кейін екінші толқынның болуы әбден мүмкін. Одан бөлек олар карантин шаралары неғұрлым күшті болса, соғұрлым екінші толқын кезінде адам көп зардап шегеді деп жеткізді.&nbsp;
**Коронавирус мутацияға ұшырай ма? 
**Эволюция тұрғысынан “ең сәтті вирустар” қатарына нәтижесінде көп өлімге себеп болған емес, керісінше жылдам тарайтын жұқпалы түрлері жатқан. Көп жағдайда олар уақыт өте мутацияға ұшырап, қауіпсіз түрге айналады да, “иесінің” күнделікті өміріне кедергі келтірмейді. Коронавирусты да сол вирус түріне жатқызғанымен, оның мутацияға оңайлықпен ұшырай қоймайтыны белгілі болған.
Қалай дегенмен, бұның барлығы&nbsp;– бүгінге дейінгі зерттеу нәтижелерінен туған болжам. Әзірге ешкім нақты жауабын білмейді. Сондықтан, бүгін біздің қолымыздан тек өзіміз бен өзгенің денсаулығына жауапкершілікпен қарап, айтылған барлық сақтық шараларын ұстану ғана келеді.
<a href="https://massaget.kz/layfstayl/Zdorove/61413/amp">Massaget.kz</a>

CОVID-19: Жауабы беймәлім сұрақтар

<a href="https://kyzylorda-news.kz/">Kyzylorda-news.kz.</a> Коронавирус жұқтырған Ұлыбритания тұрғыны Тара Джейн Лэнгстон Facebook желісі арқылы жанайқайын жеткізді, деп хабарлайды&nbsp;<a href="https://kaz.tengrinews.kz/">Tengrinews.kz</a>.
39 жастағы Лэнгстон 13 наурызда ауруханаға жатқызылған. Интенсивті терапия бөліміндегі науқас қалай ауырғанын айтып, видео түсіріп, желіге жариялады.
<blockquote>
 “Маған қараңыздаршы, мен жансақтау бөлімінде жатырмын. Түтікшесіз демала алмаймын. Маған катетерлар қосылған. Қазір өзімді жақсы сезінемін. Егер сіз темекі шексеңіз, бұл әдетіңізді қазір тастаңыз. Себебі, сізге өкпе керек. Өтініп сұраймын, сақтық шараларын барынша қолға алыңыз. Бұл – ащы шындық. Сіз менің орнымда болуыңыз мүмкін”, – дейді ол.
</blockquote>
Сондай-ақ, Тара Джейн Лэнгстон басылымға берген сұқбатында әрең демалатынын айтқан.
<blockquote>
 “Өкпемде шыны сынықтары бар сияқты. Түсіндіру қиын. Әрбір дем үшін күресуге тура келеді. Бұл – өте қорқынышты. Өмірімде қайта басымнан мұны өткізгім келмейді”, – дейді ұлыбританиялық әйел.
</blockquote>
Айтпақшы, келіншек ауруханаға жатпас бұрын өзін әлсіз сезінгенін жеткізді. Науқастың айтуынша, алдымен дәрігерлер оның өкпесінде инфекция болуы мүмкін екенін айтқан.&nbsp;Мамандар оған&nbsp;антибиотиктер, ибупрофен мен парацетамол ішуге кеңес беріпті.
<blockquote>
 “Мен күніне ибупрофеннің 8 таблеткасын іштім. Енді дәрігерлер осы дәрі ауруды асқындырып жібергенін айтуда”, – дейді ол.
</blockquote>
Естеріңізге сала кетейік, Қазақстанда коронавирус жұқтырғандардың саны <a href="https://kyzylorda-news.kz/kogam/koronavirws-sqo-men-zhambyl-oblysynda-anyqtaldy-51785/">72 адамға жетті.</a>

«Өкпемде шыны сынықтары бар сияқты»: коронавирус жұқтырған әйел жанайқайын жеткізді

<a href="https://kyzylorda-news.kz/">Kyzylorda-news.kz.</a> Италияда дәрігер “коронавирус тек қарт адамдар үшін қауіпті және 20-30 жас аралығындағы жастар үшін қауіпті&nbsp;емес” деген пікірді&nbsp;жоққа шығарды. Бұл туралы Дүниежүзілік денсаулық сақтау ұйымы&nbsp;мәлімдеді.
ДДСҰ ақпаратына сәйкес, жастардың коронавирусты жұқтыру қауіпі жоғары, және одан емделу ұзақ уақытты талап етеді, тіпті аурудан көз жұмуы да мүмкін.&nbsp;
Итальяның Ломбардия ауданындағы аурухананың интенсивті терапия бөліміне коронавирус жұқтырған көптеген жас&nbsp;қазірдің өзінде&nbsp;ауыр жағдайда&nbsp;жансақтау бөліміне жатқызылды, деп хабарлаған аурухана&nbsp;бөлім бастығы Антонио Песпенти.
Дәрігердің айтуынша, оның бөлімшесіндегі пациенттердің жартысы 65 жастан асқан қарт адамдар екенін,&nbsp;алайда қалған жартысы осы жастан кіші және олардың арасында 20 және 30 жастағы адамдар бар. Соған қарамастан, Песенти жастардың ауруды жеңіге мүмкіндігі көбірек екенін мойындады.
Басылымның мәліметінше, Италияда коронавирусқа шалдықан&nbsp;28 мың науқастың&nbsp;төрттен бірі 19-50 жас аралығындағы адамдар.

Дәрігер &#8220;коронавирус жастар үшін қауіпті емес&#8221; деген пікірді жоққа шығарды

<a href="https://kyzylorda-news.kz/">Kyzylorda-news.kz.</a> Қызылорда қаласындағы Назарбаев Зияткерлік мектебінің 12-сынып оқушысы Қаламқас Айдарбекова Американың екі бірдей жетекші жоғары оқу орындарынан шақырту алды.
АҚШ академиялық рейтинг жүйесінде алдыңғы топтардан көрінетін танымал Дрексель университеті қызылордалық бітіруші түлекке бакалавриат бағдарламасы бойынша оқуға 100% тегін грант бөлсе, Нью-Йорктегі көпсалалы зерттеу университеті (NYU) Қаламқасқа оқу ақысына 50% жеңілдік жасауға дайын екендіктерін жеткізді.
<blockquote>
 «Мамандық таңдауда оның тілдермен байланысты, әрі динамикалық болу керектігін басты назарға алдым. Бүгінде туризм үздіксіз жаңашылдықтарды қажет ететін қызықты салалардың бірі. Бұл бағыттағы қызмет маған үлкен мүмкіндіктерге жол ашатынына сенімдімін», – дейді Қаламқас Айдарбекова.
</blockquote>
Ағылшын тілін жетік меңгерген білімпаз &nbsp;ару Америка мен Түркияның тағы бірнеше жоғары оқу орындарына құжат тапсырып, бүгінде шешімдерін күтуде. Сондай-ақ, алдағы уақытта еліміздегі Назарбаев Университетінің де сынақтарына қатысуды жоспарлайды. Бұл жетекші білім ордасында Қаламқас лингвистика немесе халықаралық қатынастар мамандығы бойынша оқуын жалғастырғысы келеді.

Қызылордалық оқушыға АҚШ-тың 2 университеті грант ұсынды

<a href="https://kyzylorda-news.kz/">Kyzylorda-news.kz.</a> Сәуір айының ортасына қарай коронавирус инфекциясын жұқтыру деректері төмендей бастауы тиіс. Бұл туралы ҚР Денсаулық сақтау министрі Елжан Біртанов мәлімдеді.
<blockquote>
 «Төтенше жағдай режімін ұзарту эпидемиологиялық жағдайға, коронавирус инфекциясын жұқтыру жағдайына байланысты болады. Біз 15 сәуірге қарай вирусқа шалдығу төмендей бастайды деп үміттенеміз. Мұндай жағдайда шешімді Мемлекет басшысы қабылдайтын болады. Біз мемлекеттік комиссияда күн сайын бұл ахуалды қарастырып отырамыз. Дегенмен, жағдай теріс өрбитін болса, онда төтенше жағдай режімінің ұзартылатындығы сөзсіз», – деді министр ведомствоның Facebook-тегі парақшасында «Денсаулық министрлігі хабарлайды…» деген айдармен жарияланған видеода.
</blockquote>
Оның атап өтуінше, болжамға сәйкес, сәуір айының алғашқы он күнінде коронавирусқа шалдығу дерегі шырқау шегіне жетуі мүмкін.
<blockquote>
 «Дегенмен, қабылданған карантиндік шаралар біздің есептеуімізше аурудың таралуын шамамен 50 пайызға төмендетіп отыр. Сондықтан карантиндік шараларды сақтау барынша маңызды және ол мұнан ары да қатаңдатылуы мүмкін. Оны кеше Президентіміз де айтқан болатын. Бұл инфекцияның таралу жылдамдығын айтарлықтай төмендетуге ықпал етеді», – деді Елжан Біртанов.
</blockquote>

Министр Қазақстанда коронавирус қашан төмендейтінін айтты

<a href="https://kyzylorda-news.kz/">Kyzylorda-news.kz.</a> Қазалыда еліміздегі төтенше жағдайға байланысты аудан әкімінің тапсырмасымен мобильдік топ құрылып, 18 наурыздан бастап күнделікті рейд жұмыстарын жүргізуде. Рейд барысында көңіл көтеру орындары, мейрамханалар, дәмханалар және өзге де қоғамдық тамақтану орындары қамтылуда.
Мобильдік топ мүшелері рейд кезінде төтенше жағдай режимін бұзған 2 кәсіпкерге әкімшілік хаттама толтырылып, сотқа жолданды.
Кеше Қазалы аудандық сотында «TrueConf» мобильді байланыс жүйесін қолдану арқылы аталған азаматтарға қатысты ҚР «Әкімшілік құқық бұзушылық туралы» Кодексінің 476-бабымен қозғалған әкімшілік істер қаралды.
Сот қаулысымен азамат М.-ға 7 тәулікке әкімшілік қамаққа алу, ал азаматша А.-ның тәрбиесінде 14 жасқа толмаған, яғни кәмелетке толмаған баласының болуына байланысты 26 510 теңге айыппұл салу жазасы тағайындалды.

Қазалыда төтенше жағдай режимін бұзған кәсіпкер 7 тәулікке қамалды

<a href="https://kyzylorda-news.kz/">Kyzylorda-news.kz.</a> Жамбылдық азамат коронавирусты Қырғыз елінен жұқтырып келген. Бұл туралы «Хабар 24» телеарнасының тікелей эфирінен Жамбыл облыстық денсаулық сақтау басқармасының басшысы Марат Жұманқұлов айтты.
«Жамбыл облысында коронавирус індетін жұқтырған бір азамат анықталып отыр. Ол – Жамбыл облысы Шу ауданының тұрғыны. Ол Қырғызстан Республикасынан облысымызға келген. 24 наурыз күні облыстық карантиндік стационарға жатқызылып, бекітілген алгоритмге сәйкес сынама алынды. Сынама қорытындысы бойынша оң нәтиже көрсетілді. Дегенмен, сараптамаларын нақтылай түсу үшін Алматы қаласындағы вирусологиялық зертханаға қосымша жіберілді», – деді басқарма басшысы.
Марат Жұманқұловтың айтуынша, індет жұқтырған пациентпен тығыз қарым-қатынаста болған адамдар түгел анықталды. Олардың барлығы медициналық бақылауда, 13 адам стационарлық карантинге жатқызылды.
«Пациенттің тұрғылықты жеріне залалсыздандыру жұмысы жүргізілді. Белгіленген алгоритм бойынша шаралар жүзеге асырылды. Бүгінгі таңда науқастың жағдайы бірқалыпты. Денсаулығына ешқандай шағым жоқ. Дене қызуы көтерілмеді. Науқас облыстық жұқпалы аурулар ауруханасында жатыр. Мамандарымыздың бақылауында, бекітілген емдеу хаттамасына сәйкес ем алуда»,- деді ол.

Жамбылдық тұрғын коронавирусты Қырғызстаннан жұқтырған

<a href="https://kyzylorda-news.kz/">Kyzylorda-news.kz.</a> Қорқыт Ата атындағы&nbsp;Қызылорда мемлекеттік университетінің ғалымдары вирустар мен бактерияларға қарсы әсері жоғары антисептик ойлап тапты.
Бұл сұйықтықтың артықшылығы қолданылғаннан кейін ұзақ уақыт бойы күшін жоймайды. Химия ғылымдарының кандидаты, профессор, Нұрбол Аппазов өнертабысын жақын күндері патенттеп, өндіріске ұсынуды жоспарлап отыр. Әзірге ол өз шәкірттерімен бірге университет зертханасында залалсыздандыру сұйықтығының күніне 20 литрін әзірлеп, оқу орны қызметкерлерін қамтамасыз етуде.
<blockquote>
 «Дәріханаларда антисептиктердің жетіспеушілігі және кейбірінің сапасының төмендігін анықтағаннан кейін химиялық білімімізді пайдалы іске жаратуға ниеттендік», – дейді ғалым.
</blockquote>
Осылайша олар коронавируспен күрес шараларына үлес қосуды көздеген.
<blockquote>
 “Біз әзірлеп шыққан сұйықтық сол мезетте микроағзаларды жойып, әрі қарай оның күші бірнеше сағатқа дейін созылады. Бірақ біз ең кемі бір сағатқа дейін созылатын қасиетін айтып отырмыз. Сондай-ақ қолды құрғатпай, ылғалдандырып, терінің қасиеттерін де сақтайтын мүмкіндіктері бар”, – дейді Қорқыт ата атындағы ҚМУ химиялық зерттеу және технологиялар институтының директоры Нұрбол Аппазов.
</blockquote>

Қызылорда ғалымдары әсері жоғары антисептик ойлап тапты

<a href="https://kyzylorda-news.kz/">Kyzylorda-news.kz.</a> Осы аптаның соңында коронавирустан емделген қазақстандықтар ауруханадан шығарылуы мүмкін. Бұл туралы ҚР Денсаулық сақтау министрі Елжан Біртанов мәлімдеді.
<blockquote>
 «Белгіленген алгоритмге сәйкес, науқастарға 14 күн бақылау жасаймыз. Ауырған адамдардан сол 14 күннің ішінде бірнеше рет қан сынамасын алып, емдейміз. Кейбір азаматтар жеңіл жағдаймен жатыр, ешқандай симптомдары жоқ. Оларды бақылап, жағдайлары дұрыс болса осы аптаның соңына қарай ауруханадан шығарып, үйлеріне жібереміз. Құдай қаласа емделді, дені сау, жағдайы жақсы деп шығарамыз»,- деді министр ведомствоның Facebook-тегі парақшасында «Денсаулық министрлігі хабарлайды…» деген айдармен жарияланған видеода.
</blockquote>

Коронавирустан емделген бірінші қазақстандық ауруханадан қашан шығады?

<a href="https://kyzylorda-news.kz/">Kyzylorda-news.kz.</a> Елімізде коронавирус инфекциясын жұқтырып тіркелген соңғы 4 адамның мәліметтері <a href="https://www.coronavirus2020.kz/ru/o-poslednih-sluchayah-zabolevaniya-koronavirusnoy-infekciey_a3629037">coronavirus2020.kz</a>&nbsp;сайтында жарияланды.
24 наурызда кешкі сағат 21:40-тан бастап елімізде коронавирус жұқтырған 4 адам тіркелді.
Шымкентте алғашқы оқиға тіркелді. 1996 жылғы азамат инфекциялық стационарда жатыр. Ер адам&nbsp;<a href="https://kyzylorda-news.kz/kogam/qazaqstanda-koronavirws-zhuqtyrghandar-sany-70-boldy-shymkentte-1-oqigha-tirkeldi-51776/">Шымкентке</a>&nbsp;Нұр-Сұлтан қаласынан келген.
Қазіргі уақытта ол Шымкент қаласының жұқпалы аурулар ауруханасына оқшауланып, ем-дом қабылдап жатыр. Оның жағдайы бірқалыпты. Онымен байланыста болғандардың барлығы анықталған. Қазір олар оқшаулануға алынуда.
Коронавирус инфекциясының алдын алу үшін Шымкент қаласының жедел штаб мүшелері барлық санитарлық-эпидемиологиялық шараларды жүзеге асыруда. Сонымен қатар, штаб шешімімен барлық бағынысты ведомство органдары қаладағы эпидемиологиялық жағдайды айрықша бақылауға алды.
Екінші жағдай <a href="https://kyzylorda-news.kz/kogam/qazaqstanda-koronavirws-zhuqtyrghandar-sany-70-boldy-shymkentte-1-oqigha-tirkeldi-51776/">Нұр-Сұлтан</a> қаласында тіркелді. 1938 жылғы ер адам стационарда жатыр.
Үшінші оқиға <a href="https://kyzylorda-news.kz/kogam/koronavirws-sqo-men-zhambyl-oblysynda-anyqtaldy-51785/">Жамбыл облысында</a> тіркелді. Бұл 1979 жылғы азамат. Ол Қырғызстаннан келген. Стационарға жатқызылған.
Коронавирус инфекциясына қатысты төртінші жағдай <a href="https://kyzylorda-news.kz/kogam/koronavirws-sqo-men-zhambyl-oblysynda-anyqtaldy-51785/">Солтүстік Қазақстан облысында</a> тіркелген. Ол 1993 жылғы азаматша Ресей Федерациясынан келген. Ол провизорлық стационарда дәрігерлердің бақылауына алынды.
Онымен байланысты болғандардың барлығы анықталды және стационарлық карантинге оқшауланған.

Шымкент, Жамбыл, СҚО: коронавирус жұқтырғандар қайдан келген?

<a href="https://kyzylorda-news.kz/">Kyzylorda-news.kz.</a> Сәрсенбіде елімізде ауа райы ашық болады, тек кей жерлерде тұман түсіп, жел күшейеді, деп хабарлайды “Қазгидромет”.
25 наурызда антициклон ықпалында болатындықтан Қазақстанның басым бөлігінде күн райы ашық болады. Кей жерлерде тұман күтіледі, жел күшейеді. Қызылорда облысында шаңды дауыл соғады.
Қызылорда облысында жел 15-20, кей жерлерінде 23-28 м/с күшейеді, кей жерлерінде шаңды дауыл соғады.

Қазақстан және Қызылорда облысының жаңалықтары

Бас санитар дәрігердің бұйрығымен қауіпті елдердің санаты өзгерді

CОVID-19: Жауабы беймәлім сұрақтар

«Өкпемде шыны сынықтары бар сияқты»: коронавирус жұқтырған әйел жанайқайын жеткізді

Дәрігер “коронавирус жастар үшін қауіпті емес” деген пікірді жоққа шығарды

Қызылордалық оқушыға АҚШ-тың 2 университеті грант ұсынды

Министр Қазақстанда коронавирус қашан төмендейтінін айтты

Қазалыда төтенше жағдай режимін бұзған кәсіпкер 7 тәулікке қамалды

Жамбылдық тұрғын коронавирусты Қырғызстаннан жұқтырған

Қызылорда ғалымдары әсері жоғары антисептик ойлап тапты

Коронавирустан емделген бірінші қазақстандық ауруханадан қашан шығады?

Шымкент, Жамбыл, СҚО: коронавирус жұқтырғандар қайдан келген?

Сәрсенбіге арналған ауа райы: Қызылордада шаңды дауыл соғады

Қазақстан және Қызылорда облысының жаңалықтары

Бас санитар дәрігердің бұйрығымен қауіпті елдердің санаты өзгерді

CОVID-19: Жауабы беймәлім сұрақтар

«Өкпемде шыны сынықтары бар сияқты»: коронавирус жұқтырған әйел жанайқайын жеткізді

Дәрігер &#8220;коронавирус жастар үшін қауіпті емес&#8221; деген пікірді жоққа шығарды

Қызылордалық оқушыға АҚШ-тың 2 университеті грант ұсынды

Министр Қазақстанда коронавирус қашан төмендейтінін айтты

Қазалыда төтенше жағдай режимін бұзған кәсіпкер 7 тәулікке қамалды

Жамбылдық тұрғын коронавирусты Қырғызстаннан жұқтырған

Қызылорда ғалымдары әсері жоғары антисептик ойлап тапты

Коронавирустан емделген бірінші қазақстандық ауруханадан қашан шығады?

Шымкент, Жамбыл, СҚО: коронавирус жұқтырғандар қайдан келген?

Сәрсенбіге арналған ауа райы: Қызылордада шаңды дауыл соғады

Дәрігер “коронавирус жастар үшін қауіпті емес” деген пікірді жоққа шығарды