<a href="https://kyzylorda-news.kz/">Kyzylorda-news.kz.</a> «Бірыңғай жинақтаушы зейнетақы қоры» АҚ 2020 жылдың 1 наурызындағы негізгі көрсеткіштерін жариялады, деп хабарлайды <a href="https://lenta.inform.kz/kz/kazakstandyktardyn-zeynetaky-zhinaktary-11-trillion-tengeden-asty_a3629584">ҚазАқпарат</a>.
Қазақстанның аса маңызды қаржы институттарының бірі «БЖЗҚ» АҚ-ның зейнетақы активтері 2020 жылдың алғашқы екі айында 283 миллиард теңгеге ұлғайды. Осылайша азаматтардың зейнетақы жинақтары 11 триллионнан асып, екі айдағы өсім 3% жетті.
Зейнетақы жинақтарының негізгі сомасы міндетті зейнетақы жарналары (МЗЖ) бойынша қалыптасты және соңғы 12 айда 17%-ға ұлғайып, 10,8 трлн теңгені құрады. Міндетті кәсіптік зейнетақы жарналары (МКЗЖ) бойынша зейнетақы жинақтарының сомасы 257 млрд теңге (өсім 25%), ал ерікті зейнетақы жарналары (ЕЗЖ) бойынша зейнетақы жинақтарының сомасы 2 млрд теңгеге (өсім 6%) жуық.
Айта кетейік, «БЖЗҚ» АҚ жарналарының барлық түрлері бойынша жеке зейнетақы шоттарының жалпы саны – 10 498 852 бірлік болды. Өткен жылдың наурыз айынан бастап өсім 3%. Жеке зейнетақы шоттардың басым бөлігін міндетті зейнетақы жарналары – 9,9 млн (өсім 3%), одан кейін міндетті кәсіптік зейнетақы жарналары – 514 мың шотты (өсім 6%) құрады. Ең үлкен өсім ерікті зейнетақы жарналары бойынша байқалды, 2020 жылдың 1 наурызына БЖЗҚ-да 55 221 шот болды, бұл 2019 жылғы көрсеткіштен 12% жоғары.
Зейнетақы қорының техникалық шарттар бойынша жұмысын атап өту маңызды. Бұған сәйкестендірілмеген салымшылардың (алушылардың) ЖЗШ-лары жатады, мұндай шоттарда жеке сәйкестендіру нөмірі (ЖСН) жоқ, сондай-ақ тегі, аты, әкесінің аты мен туған күні бойынша қате деректемелер көрсетілген (ЖСН жоқ ЖЗШ). 2019 жылғы 1 наурыздан бастап 2020 жылғы 1 наурызға дейін БЖЗҚ қызметкерлері осындай 20 мыңнан астам шоттарды анықтап, олардың жалпы санын 11% қысқартуға қол жеткізілді. Осылайша ағымдағы жылдың 1 наурызына БЖЗҚ-да 186,8 мың техникалық шарт қалып отыр.
Салымшылардың (алушылардың) МЗЖ бойынша жеке зейнетақы шоттарындағы орташа жинақ көлемі (техникалық шарттарды есепке алмағанда) 1,11 млн.теңгеге жетті, бұл өткен жылдың сәйкес кезеңімен салыстырғанда 12% көп.
2020 жылдың алғашқы 2 айында салымшылардың шоттарына жалпы көлемі 175,2 млрд. теңге зейнетақы жарналары түсті, бұл 2019 жылдың алғашқы 2 айындағы көрсеткіштен 20% артық. Төлемдер 32,1 млрд теңгені құрады, олардың басым бөлігі жасына байланысты (12,2 млрд теңге), Қазақстанан кету бойынша (8,4 млрд. теңге), сақтандыру ұйымдарына аударымдар (5,4 млрд теңге), мұрагерлерге (5,2 млрд теңге) берілген төлемдерден тұрады. Салымшылардың шоттарына аударылған таза инвестициялық кіріс 139,9 млрд теңге мөлшерінде есепке алынды.

Қазақстандықтардың зейнетақы жинақтары 11 триллион теңгеден асты

<a href="https://kyzylorda-news.kz/">Kyzylorda-news.kz.</a> 2020 жылдың 27 наурызында жергілікті уақыт сағат 09:00 – 10:00 аралығында Қызылорда облысы Полиция департаментінің бастығы полиция полковнигі Бектөре Сұлтанның халық алдында есептік кездесуі өтеді.
Кездесу барысында Полиция департаментімен 2019 жылы атқарылған жұмыс нәтижелері туралы баяндалады.
Есептік кездесу департаменттің ресми парақшаларында (<a href="https://www.facebook.com/profile.php?id=100016213368982">facebook</a>, <a href="https://www.instagram.com/dp_kzo/?hl=ru">instagram</a>) нлайн режимде өтеді.
Байланыс құралдары: 27-82-98 немесе press- sluzhba-dvd@mail.ru электронды поштасы.

Қызылорда облысы полиция департаментінің бастығы қабылдау өткізеді

<a href="https://kyzylorda-news.kz/">Kyzylorda-news.kz.</a> Коронавирус инфекциясының таралуын болдырмау және оқшаулау шараларын күшейту мақсатында карантин барысында еліміздегі халыққа қызмет көрсету орталықтарының жұмысы уақытша тоқтатылды. Бұл туралы мемлекет басшысы Қасым-Жомарт Тоқаев Қазақстандағы төтенше жағдай жөніндегі мемлекеттік комиссияның отырысында мәлімдеген болатын.
<blockquote>
 «Қазақстандықтарға бүгінгі таңда мемлекеттік қызметтердің 80%-ы электрондық үкімет порталы арқылы қолжетімді, сондай-ақ қажетті анықтамаларды eGov Mobile мобильді қосымшасы және телеграмдағы egovkzbot2.0 боты арқылы алуға болады.&nbsp;ХҚО-ның ең тәжірибелі деген және арнайы оқудан өткен 1800-ден астам қызметкері 1414 байланыс орталығының кеңес берушілерімен бірге азаматтарға мемлекеттік қызметтерді онлайн түрде алу бойынша көмек көрсететін болады», – делінген “Азаматтарға арналған Үкімет” таратқан ақпаратта.
</blockquote>
Бір уақытта байланыс орталығының мамандары мыңнан астам азаматқа кеңес бере алады деп жоспарлануда. Байланыс орталықтары дүйсенбіден сенбіге дейін таңғы 9.00-ден кешкі 20.00-ге дейін жұмыс істейді. Қоңырау шалу тегін.
Бұл ретте, 21 наурызға дейін өтініш беріп үлгерген азаматтар қызметтердің дайын нәтижесін өзі өтініш берген ХҚО-ның құжат беру секторынан алып кете алады. Автомобильді қайта тіркеген немесе жүргізуші куәлігін онлайн түрде ауыстырған автокөлік иелері дайын құжаттар мен нөмірлерді өз қалаларындағы мамандандырылған ХҚО-дан ала алады, онда да дайын құжаттарды беру терезесі жұмыс істейтін болады.
<blockquote>
 «Дайын құжаттарды беру терезелерінің жұмыс тәртібі: дүйсенбі-жұма 9.00-ден 17.00-ге дейін, сенбі сағат 9.00-ден 14.00-ге дейін. 
Азаматтарға арналған үкімет қазақстандықтарға барлық санитарлық талаптарды орындап, үйден шықпауға кеңес береді және керекті мемлекеттік қызметтерді онлайн алуға шақырады.&nbsp;Жақындарыңыз бен өзіңізді қорғаңыз», – делінген хабарламада.
</blockquote>

Енді қазақстандықтар мемқызметтерді тек онлайн алады

<a href="https://kyzylorda-news.kz/">Kyzylorda-news.kz.</a> Еліміздің 6 өңірінде балабақшалар жұмысын тоқтатты. Бұл туралы «Хабар 24» телеарнасының тікелей эфирінен ҚР Ақпарат және қоғамдық даму министрі Дәурен Абаев айтты.
<blockquote>
 «Нұр-Сұлтан, Алматы, Шымкент қалаларында, Түркістан, Ақмола, Алматы облыстарында балабақшалар жұмысын тоқтатты. Қалған өңірлерде балабақшалар штаттық режимде жұмыс жасауда. Алайда балабақшаларға балаларды ата-аналары өз еркімен апаруға мүмкіндігі бар. Апармаған жағдайда балалардың балабақшадағы орны сақталады»,- деді ол.
</blockquote>
Министрдің дерегінше, қазіргі уақытта штаттық режимде жұмыс жасайтын балабақшаларға тек 67 мың бала келуде. Бұл көрсеткіш 11 пайызды құрайды.
<blockquote>
 «Бұл жерде білім басқармаларының басшыларына айтарымыз, жалпы балабақшаларда мүмкіндігінше аз балалар жиналған кезекші топтар жұмыс жасауын қамтамасыз ету қажет», – деді Дәурен Абаев.
</blockquote>

Еліміздің 6 өңірінде балабақшалар жұмысын тоқтатты

<a href="https://kyzylorda-news.kz/">Kyzylorda-news.kz</a> Қызылорда қаласындағы Назарбаев Зияткерлік мектебінің оқушылары мен ата-аналары төтенше жағдай режимі кезінде үйде спортпен шұғылдануға шақырады.
Қызылордалық зияткерлер ата-аналарымен бірге отбасылық эстафеталар, үстел теннисі, тоғызқұмалақ және шахматтан кішігірім турнирлер ұйымдастыру арқылы күнделікті өмірлерін ерекше өткізуге тырысады.
<blockquote>
 «Коронавирустық пандемия кезінде отбасымызбен бірге өз қауіпсіздігіміз үшін үйден шықпауға тырысамыз. Әр күнімізді көңілді әрі пайдалы өткізу мақсатында ең үлкен бөлмені спорт залға арнадық. Өз қолымызбен үстел теннисін құрастырып, бүгінде бұл отбасымыздың барлық мүшелерінің сүйікті ісіне айналып отыр», – дейді ата-аналардың бірі Кенже Ажмолда.
</blockquote>
Мұндай әрекеттерімен мектеп белсенділері барлық қазақстандықтарды спорттық челленджге қолдау көрсетіп, бос уақыттарын тиімді өткізуге шақырады.
Айта укету керек, алғашқы болып жаңа спорттық марафонды мәдениет және спорт министрлігі бастаған болатын. Бүгінде оның ауқымы кеңейіп, үйде бос отырмай, спортпен айналысуды қалайтындар саны артуда.
<img src="https://kyzylorda-news.kz/wp-content/uploads/2020/03/02-50.jpg" alt="" />

Қызылордалық зияткерлер спорттық челленджге қолдау көрсетті

<a href="https://kyzylorda-news.kz/">Kyzylorda-news.kz.</a> Қазақстанда тағы 12 адам коронавирус жұқтырды.
ҚР Денсаулық сақтау министрлігі Тауарлар мен көрсетілетін қызметтердің сапасын және қауіпсіздігін бақылау комитетінің мәліметінше, елімізде коронавирус жұқтырғандар саны 109 адамға жетті.
Нұр-Сұлтан – 61 жағдай,
Алматы – 40 жағдай,
Қарағанды – 2 жағдай,
Алматы облысы – 1 жағдай,
Ақтөбе облысы – 1 жағдай,
Шымкент – 2 жағдай,
Жамбыл облысы – 1 жағдай,
Солтүстік Қазақстан облысы – 1 жағдай.

Қазақстанда коронавирус жұқтырған тағы 12 адам тіркелді

<a href="https://kyzylorda-news.kz/">Kyzylorda-news.kz</a>. ҚР Еңбек және халықты әлеуметтік қорғау министрлігі таныстырған механизмге сәйкес әлеуметтік төлем міндетті әлеуметтік сақтандыру жүйесінің қатысушысы болып табылатын орта, шағын және микробизнес жұмыскерлеріне ғана қарастырылады.
Жұмыс беруші «Электронды үкімет» веб-порталында «Электронды өтінім» сервисі арқылы жұмыспен қамту мәселелері жөніндегі жергілікті органға өтініш жіберуі керек. Өтініштер негізінде халықты жұмыспен қамту мәселелері жөніндегі аудандық (қалалық) штаб жұмыс берушіге әлеуметтік қолдау көрсету туралы шешім қабылдайды, ал «Азаматтарға арналған үкімет» мемлекеттік корпорациясы бөлімдері Мемлекеттік әлеуметтік сақтандыру қоры төлемдер беретін жұмыскерлер тізімін жинақтайды.
Төлемдерді төтенше жағдай кезеңінде еңбекақыны сақтамай демалысқа жіберілген жұмыскерлер ала алады. Осы ретте жұмыскерде Мемлекеттік әлеуметтік сақтандыру қорына төтенше жағдай енгізгенге дейін соңғы 12 айдағы ең кемі 3 ай аударымдары болуы шарт. Жеке кәсіпкер өзінің деректерін өзі береді.
Әлеуметтік төлем мөлшері 1 жұмыскерге айына 1 ең төменгі еңбекақы немесе 42,5 мың теңгені құрайды.
Жұмыстан босатылған жұмыскерлер әлеуметтік төлемдерді жұмысты жоғалтуға қарай 1 айдан 6 айға дейін алады. Төлемдер мөлшері жұмыс ету өтілі және міндетті әлеуметтік сақтандыру жүйесінде&nbsp;қатысуы және соңғы 24 айдағы табысына қарай анықталатын болады. Ол үшін халықты жұмыспен қамту орталығына жұмыссыз ретінде тіркеу және жұмысты жоғалтуға байланысты әлеуметтік төлемді тағайындауға бір өтініш жазу керек.
Әлеуметтік төлемді алу туралы толығырақ ҚР Еңбек және халықты әлеуметтік қорғау министрлігінің Call-орталығы арқылы білуге болады.
Еске салсақ, Мемлекет басшысы Қасым-Жомарт Тоқаев өзінің 23 наурызда сөйлеген сөзінде төтенше жағдай кезеңінде төтенше жағдайды енгізуге байлансты табыстан айырылған азаматтарға айсайынғы төлемдер кепілдендірілгенін айтты. Төлемдердің мөлшері 42,5 мың теңгені құрайды, бұл ең төменгі еңбекақы мөлшеріне тең. Мұндай қолдауды дағдарыс кезінде ең кемі 1,5 млн қазақстандық ала алады.
«Атамекен» ҰКП кәсіпкерлер арасында кадрларды босатуға қатысты сауалнама жүргізді. Сіздер берген деректер проблемаларды егжей-тегжейлі зертетуге мүмкіндік береді, демек, бөлінетін қаражат егер кәсіпорныңыз төтенше жағдай кезінде зардап шексе қызметкерлерге де беріледі.

Жұмыс беруші әлеуметтік төлемді қалай рәсімдей алады?

<a href="https://kyzylorda-news.kz/">Kyzylorda-news.kz.</a> Әлемде таралған коронавирус індеті бойынша енгізілген төтенше жағдайға байланысты 15 наурызынан бастап Қызылорда қаласы әкімінің орынбасары, қалалық прокуратура және &nbsp;Жергілікті полиция қызметі басқармасының қызметкерлері бірлесе отырып рейдтік жұмыстар ұйымдастырылуда.
Рейдтік шаралар барысында төтенше жағдай кезінде белгіленген заң талаптарын бұзғандары үшін облыс бойынша жалпы 29 дәмхана мен мейрамханалар, букмекерлік кеңсе және компьютерлік клуб иелері анықталды.
<blockquote>
 «Қазіргі уақытта бұл деректер бойынша Қазақстан Республикасының Әкімшілік құқық бұзушылық туралы кодексінің 476-бабы бойынша 17 әкімшілік іс сот құзырымен онлайн режимінде қаралып, оның ішінде 13 адамға 10 АЕК көлемінде айыппұл салынса, 4 азаматқа сот шешімімен&nbsp; әкімшілік қамауға алу түріндегі бұлтартпау шарасы шығарылды. Бүгінгі таңда төтенше жағдай режимі кезіндегі талаптардың сақталуын қадағалау қатаң бақылауда және осы бағыттағы жұмыстар жалғасуда», – делінген полиция департаментінің баспасөз қызметі таратқан хабарламасында.
</blockquote>

Қызылордада төтенше жағдай режимін бұзған 29 факті анықталды

<a href="https://kyzylorda-news.kz/">Kyzylorda-news.kz</a>. Қызылорда облыс әкімінің өкімімен Сәрсенбаев Қайратбек Әубәкірұлы Қызылорда облысының жұмылдыру дайындығы басқармасының басшысы лауазымына тағайындалды.
Қайратбек Әубәкірұлы 1961 жылы дүниеге келген. Жамбыл гидромелиоративтік-құрылыс институтын «инженер-гидротехник» және Қорқыт Ата атындағы Қызылорда мемлекеттік университетін «экономист-бухгалтер» мамандықтары бойынша бітірген.
Еңбек жолын 1983 жылы Сырдария суару жүйелері басқармасының инженері ретінде бастаған.
&nbsp;1999-2012 жылдары Сырдария аудандық экономика және қаржы бөлімінің меңгерушісі, Сырдария аудандық қаржы бөлімінің меңгерушісі, Сырдария ауданы әкімінің орынбасары қызметтерін атқарған.
2012-2017 жылдары – Қызылорда облысының қаржы басқармасының басшысы, Шиелі ауданының әкімі.
2017 жылдың қазан айынан бастап осы кезге дейін Жалағаш ауданының әкімі қызметін атқарып келді.
<img src="https://kyzylorda-news.kz/wp-content/uploads/2020/03/akimat-tagajyndaw.jpg" alt="" />

Қызылорда облысының жұмылдыру дайындығы басқармасының басшысы тағайындалды

<a href="https://kyzylorda-news.kz/">Kyzylorda-news.kz.</a> Қазақстандықтар коронавирусты анықтау тестін ақылы тапсыра алады. Бұл туралы ҚР ДСМ Тауарлар мен қызметтердің сапасын және қауіпсіздігін бақылау комитетінің төрағасы Людмила Бюрабекова айтты, деп хабарлайды <a href="http://lenta.inform.kz/kz/kazakstandyktar-koronavirusty-anyktau-testin-akyly-tapsyra-alady_a3629457">ҚазАқпарат.</a>
<blockquote>
 «Жалпы, бізде елімізге мұндай экспресс-тесттерді жеткізетін бірнеше демеуші бар. Қазіргі уақытта бірнеше компанияға бір рет әкелуге рұқсат беріп те қойдық. Бірінші топтамасы осы аптада жеткізіледі. Экспресс-тестілеу «Олимп» зертханасының базасында жүргізіледі. Бұл жедел-тесттер иммуноферментті сараптама әдісіне негізделген. Пациенттің қанында антиденені анықтайтын болады. Яғни, ауруып жүргендерде немесе жеңіл түрімен ауырып, жазылғандарды анықтайды», – деді комитет төрағасы министрліктің Facebook-тегі парақшасында «Денсаулық министрлігі хабарлайды…» деген айдармен жарияланған&nbsp;видеода.
</blockquote>
Оның атап өтуінше, ҚР ДСМ коронавирусты анықтау үшін тестілеуден әлеуметтік әлсіз топқа кіретін пациенттерді өткізеді. Оларға ең алдымен дәрігерлердің есебінде тұрған тыныс алу органдарында созылмалы аурулары бар адамдар, вирус жұқтыру тәуекелі тобына кіретін адамдар, қарттар және 18 жасқа дейінгі балалар кіреді. Дегенмен, бұл санаттағы адамдардың нақты қайсысы тесттен өтетіндігі қазіргі уақытта нақтыланып жатыр.
«Олимп» жекеменшік зертханасы мұндай тестілеуді ақылы түрде де өткізетіні белгілі болды.
<blockquote>
 «Ал біз тестті полимеразды тізбекті реакция-диагностикасы әдісімен нақты ауру жұқтыруы мүмкін науқастарға тегін жүргіземіз», – деді Л.Бюрабекова.
</blockquote>

Қазақстандықтар коронавирусты анықтау тестін ақылы тапсыра алады

<a href="https://kyzylorda-news.kz/">Kyzylorda-news.kz.</a> Қызылорда қаласында Желтоқсан және Ергешбаев көшелерінің тұрғындары жарықсыз қалды.
Мемлекеттік нөмірі NB 7919 AQ «Subaru» автокөлігі кернеуі 10/0,4 кВ әуе желісінің №6 темір-бетон тірегіне соққан. Салдарынан 622 жеке және 146 заңды тұлға электр энергиясынан ажыратылды.&nbsp;
<blockquote>
 «Үзілген тіректен сымдар алынып, бұл ретте ТП-10/0,4 кВ трансформаторлық қосалқы станциялардың жүктемелері осы желіден басқа желілерге ауыстырылды. “Қызылорда ЭТТК” АҚ электр желілерінің иесі электр энергиясын тұтынушылардың құқықтарын, бостандықтары мен заңды мүдделерін, олардың денсаулығы мен санитарлық-эпидемиологиялық салауаттылығын қорғау, өз меншігі мен қауіпсіздігін қорғау мақсатында Атомдық және энергетикалық қадағалау мен бақылау комитетінің Қызылорда облысы бойынша департаментіне әкімшілік жауапкершілікке тарту үшін электр желілерін қорғау ережелерін бұзу жөніндегі материалдарды тапсырды», – делінген департаменттің таратқан хабарламасында.
</blockquote>

Қызылордадағы орталық көшелер жарықсыз қалды

<a href="https://kyzylorda-news.kz/">Kyzylorda-news.kz</a>. Токиода өтетін жазғы Олимпиада ойындары бір жылғa, 2021 жылға ауыстырылды. Бұл туралы бүгін Халықаралық Олимпиада комитеті мәлімдеді, деп хабарлайды&nbsp;<a href="https://olympic.kz/kk/article/11945">Қазақстан Олимпиада комитеті.</a>
Aталған шешім бүгін, 24 наурызда қабылданды. Жапония премьер-министрі Синдзо Aбэ мен Халықаралық Олимпиада комитетінің президенті Томaс Бах бірлесе осындай шешімге келді. &nbsp;
Қоңырау-конференц кезінде коронавирус індетінің жылдам таралуының салдарынан әлемде жағдайдың ушыққанын тілге тиек етті. &nbsp;
Осы жағдайды ескере отырып, ХОК президенті мен Жапония премьер-министрі Олимпиада ойындары 2020 жылдан 2021 жылдың жазынан кейінге қалдырмай өткізу туралы шешімге келді. &nbsp;
<blockquote>
 “Токиодағы Олимпиада ойындары осындай қиын кезде әлемге үміт сыйлауы мүмкін. Олимпиада алауының сәулесі шуағын шашып тұрады. Сондықтан, Олимпиада алауы Жапонияда қалады деген шешім қабылданды”, – делінген хатта.
</blockquote>
Айта кетерлігі, XXXII жазғы Олимпиада ойындары Токиода 2020 жылдың 24 шілдесі мен 9 тамызы арасында өтуі тиіс еді.

Қазақстан және Қызылорда облысының жаңалықтары