<a href="https://kyzylorda-news.kz/">Kyzylorda-news.kz.</a> «Бала дауысы» ұлттық балалар ән конкурсының бесінші маусымына іріктеу қашықтан өтеді, деп хабарлайды <a href="http://lenta.inform.kz/kz/bala-dauysy-baykauynyn-5-mausymyna-irikteu-bastaldy_a3629871">ҚазАқпарат.</a>
Байқаудың 5-маусымына іріктеу 26 наурыз бен 25 сәуір аралығында ұйымдастырылады. Оған 8-12 жас аралығындағы балалар қатыса алады.
Онлайн-іріктеу турына қатысу үшін өтінімді толтырып, кез келген тілде және кез келген жанрда екі-үш ән үзінділері орындалған видеоны жіберу қажет. Іріктеу турының қорытындысы бойынша 17 финалист анықталады. Олар маусым айының басында Алматы қаласына шақырылатын болады.
«Бала дауысы» – бұл әлеуметтік жоба. Оның барлық кезеңдеріне қатысу тегін, ал жеңімпаздары мен жүлдегерлері еліміздің музыкалық оқу орындарында білім алуға гранттар мен ертегілер әлемі – Диснейлендке жолдама алады.
Байқаудың ұйымдастырушылары – Әлия Назарбаеваның «Жандану әлемі» қоры, ҚР Мәдениет және спорт министрлігі және ҚР Тұңғыш Президенті-Елбасы қоры.
Толық ақпаратты конкурстың ресми www.baladauysy.kz сайтынан білуге болады. Өтінімдер www.notka.kz сайтында 26 наурыздан бастап қабылданады.

«Бала дауысы» байқауының 5-маусымына іріктеу басталды

<a href="https://kyzylorda-news.kz/">Kyzylorda-news.kz.</a> Қазгидрометтің хабарлауынша, 27 наурызда Қазақстан аумағының басым бөлігінде күн райы ашық болады.
Тек республиканың солтүстігі мен орталығында фронталды бөліктердің өтуіне байланысты кей жерлерінде жауын-шашын жауады. Республиканың кей жерлерінде тұман түседі, желдің күшеюі сақталады, солтүстікте кей жерлерінде көктайғақ күтіледі.
Қызылорда облысында жел күшейіп, оның ұйытқу жылдамдығы 15-20 м/с дейін жетеді.

27 наурыз: Қызылорда облысында жел күшейеді

**Халықаралық театр күні 
**1962 жылдан бастап жыл сайын атап өтілетін бұл атаулы күн 1961 жылы ЮНЕСКО жанындағы Халықаралық театр институтының Венада өткен 9-конгресінде бекітілген болатын.
1930 жылы&nbsp;Жетісудың Ақсу аймағы қазақтары Кеңес өкіметінің ұжымдастыру саясатына карсы көтеріліс жасады. Олардың қатары ресми деректерде 1 мың адамға дейін жеткен. Көтерілісті Егеубек Жанбайұлы, Қалдыбай Қылиұлы және Ғали Сатырбайұлы басқарды. 27 наурыз күні көтерілісшілер Ақсу елді мекенін басып алып, мемлекеттік мекемелерді өртеді, телеграф бағаналарын қиратты. Қару-жарағы жеткіліксіз көтерілісшілер өкімет әскерімен қақтығыста ойсырай жеңіліп, Балкаш қаласы маңындағы Жаман Жамал, Күшікжан секілді бұйрат-құм шоғырларын, жыңғылды мекендерді тасалап жүрді. Көтерілісшілердің іздеріне түскен атты әскерлер оларды құм ішінде қырғынға ұшыратты.
1965 жылы&nbsp;Өскемен титанмагний комбинаты пайдаланылуға берілді. Комбинатта кеуекті титан шығарылады. 
1992 жылы&nbsp;«Бөбек» балалар қайырымдылық қоры құрылды. Қорды құрушы және жетекшісі – Сара Алпысқызы Назарбаева. 
1992 жылы&nbsp;Қазақстан Республикасы мен Сирия Араб Республикасы арасындағы дипломатиялық қарым-қатынасты орнату туралы Хаттамаға қол қойылды.
2002 жылы&nbsp;ҚР ІІМ-де Кинология орталығы құрылды.
2007 жылы&nbsp;ғарыш кеңістігін пайдалану саласындағы қызметті жүзеге асыратын Қазақстан Республикасының Ұлттық ғарыш агенттігі құрылды.

27 наурыз: Атаулы күндер мен оқиғалар

<a href="https://kyzylorda-news.kz/">Kyzylorda-news.kz</a> ақпараттық агенттігінің 27 наурызға арналған жұлдыз-жорамалы.
Тоқты
Күніңіз сәтті басталмайды. Түске дейін жұмыста аздаған мәселе туындайды. Басшылықпен және әріптестермен кикілжіңге келесіз.
Торпақ
«Асыққан шайтанның ісі» дегенді естен шығармаңыз. Өз ісіңізге баға беріп, оқиғаларды бағамдай біліңіз. Сонда ғана дұрыс жолды таңдайсыз.
Егіздер
Түске дейінгі уақытыңыз сәтті өтеді. Жоспарларыңызды жүзеге асыруға асығыңыз. Шешім қабылдай білсеңіз, ісіңіз алға басады.
Шаян
Өте сақ болыңыз. Бұл уақытта қателікке бой алдыру оңай. Ұсақ-түйектің өзінен мәселе ушығып кетуі мүмкін.
Арыстан
Күніңіз қызыққа толы болмақ. Бала күнгі достарыңызбен кездесіп, бұрынғы шақтарды еске аласыз. Қаржылық жағдайыңыз жақсара түседі.
Бикеш
Табысқа жету үшін шыдамдылық пен өз-өзіңізді бақылау&nbsp; қажет. Барлығы сіз ойлағаннан әлдеқайда қиын болады.
Таразы
Сабырлы бола біліңіз. Нақты нәтижеге қол жеткізу үшін еңбек етуіңізге тура келеді. Өте сақ болыңыз.
Сарышаян
Ешқайда асығудың қажеті жоқ. Сондай-ақ ақылыңызды ашуға жеңдірмеңіз. Шыдымдылық сақтағаныңыз жөн.
Мерген
Жұмысқа қатысты мәселе туындауы мүмкін. Сондықтан күніңіз қарбаласқа толы болмақ. Әріптестермен және басшылықпен кикілжің орын алады.
Тауешкі
Жай күндердің бірі емес. Жан-дүниеңізді түсіне алмай әуре боласыз. Кейде ешкімді көргіңіз келмейтіні бар.
Суқұйғыш
Жұмыс жасауға қолайлы күн. Жетістікке жету оңай болады. Қызықты іспен айналысып, біліміңізді жетілдіресіз.
Балықтар
Маңызды шаруаларды бірінші кезекке қойыңыз. Түске дейінгі уақыт жемісті болмақ. Бүгін жиған тәжірибеңіз алдағы уақытта да қажет болады.

Жұлдыздар не дейді?

<a href="https://kyzylorda-news.kz/">Kyzylorda-news.kz.</a> Қазақстанда коронавирусқа шалдыққан тағы 7 адам анықталды, деп хабарлайды coronavirus2020.kz.
<blockquote>
 «27 наурыз сағат 07.50-дегі жағдай бойынша, к оронавирус індетін жұқтырған тағы 7 адам Алматы қаласында тiркелді. Осы сағатта Нұр-Сұлтан қаласында – 60 адам, Алматы қаласында – 47, Қарағанды облысында – 4, Шымкент қаласында – 2, Алматы облысында – 1, Ақтөбе облысында – 1, Жамбыл облысында – 3, Солтүстік Қазақстан облысында – 1, Ақмола облысында – 1 адам, жалпы 120 науқас тіркелді», – делінген ақпаратта.
</blockquote>

Қазақстанда коронавирус жұқтырғандар саны 120-ға жетті

<a href="https://kyzylorda-news.kz/">Kyzylorda-news.kz.</a> Қазақстанда коронавирус жұқтырғандар саны 111 болды.
ҚР Денсаулық сақтау министрлігі Тауарлар мен көрсетілетін қызметтердің сапасын және қауіпсіздігін бақылау комитетінің мәліметінше, Қарағанды қаласынан тағы екі адамның вирус жұқтырғаны анықталды.
Министрліктің 26 наурыз сағат 21-00-дегі жағдай бойынша таратқан ақпаратына қарағанда елімізде коронавирус жұқтырғандар саны: Нұр-Сұлтан – 61 жағдай, Алматы – 40 жағдай, Қарағанды – 4 жағдай, Алматыоблысы – 1 жағдай, Ақтөбе облысы – жағдай, Шымкент – 2 жағдай, Жамбыл облыы – 1 жағдай, Солтүстік Қазақстан обысы – 1 жағдай.
Осыған дейін елімізде коронавируспен науқастанған <a href="https://kyzylorda-news.kz/kogam/qazaqstanda-koronavirwsten-bir-aejel-koez-zhumdy-52193/">бір әйелдің қайтыс болғаны</a> хабарланды.

Қарағандыда тағы 2 адам коронавирус жұқтырды: елімізде 111 науқас болды

<a href="https://kyzylorda-news.kz/">Kyzylorda-news.kz.</a> Қазақстанда коронавирус инфекциясынан бір әйел қайтыс болды. Бұл туралы ҚР Ақпарат және қоғамдық даму министрі Дәурен Абаев мәлімдеді.
<blockquote>
 «Өкінішке қарай бүгін коронавируспен науқас бір әйел қайтыс болды. Бұл орны толмас ауыр қаза. Марқұмның жақындарына көңіл айтамыз», – деді Дәурен Абаев «Хабар 24» арнасында онлайн режимде өткен баспаөсз мәслихатында.
</blockquote>

Қазақстанда коронавирустен бір әйел көз жұмды

<a href="https://kyzylorda-news.kz/">Kyzylorda-news.kz.</a> Бүгін қала кәсіпкерлері тарапынан базарлар мен сауда орындарына келушілерге тегін медициналық бетперделер таратылды.
«Қызылорда оптомаркет» сауда үйі тарапынан тұтынушыларға 3000 бетперделер үлестірілсе, «Мирас» сауда үйі 1000 данасын таратты. Сондай-ақ, бұған дейін «Ажар сити» сауда орталығы да өз тұтынушыларына 500 тегін медициналық бетперделер үлестірді.
<blockquote>
 «Алдағы уақытта да кәсіпкерлер тарапынан келген тұтынушыларға тегін бетперде тарату акциясы Қызылорда қаласы аумағында халыққа қызмет көрсететін 80-ге жуық сауда үйі мен 12 базарда жалғасын табатын болады»,-деді қала әкімінің орынбасары Бектас Нұридинов.
</blockquote>
Баршаңызға белгілі, ҚР Президенті Қ.К.Тоқаевтың 15.03.2020 жылғы «Қазақстан Республикасында төтенше жағдай енгізу туралы» №285 Жарлығына сәйкес, қала әкімі Н.Нәлібаевтың тапсырмасымен жедел штаб жұмысы ағымдағы жылдың 16 наурызынан бастап, қала көлемінде кәсіпкерлік, әлеуметтік нысандарда және тұрғындар мен халық көп шоғырланатын орындарда түсіндірме жұмыстарын жүргізіп келеді.
<img src="https://kyzylorda-news.kz/wp-content/uploads/2020/03/tegin-maska-2.jpg" alt="" />
<img src="https://kyzylorda-news.kz/wp-content/uploads/2020/03/tegin-maska-2-1.jpg" alt="" />

Қызылорда қаласының сауда орындарында тегін бетперделер таратылды

<a href="https://kyzylorda-news.kz/">Kyzylorda-news.kz.</a> «Олимп» клиникалық-диагностикалық орталығы елімізде коронавирусты анықтауға арналған жедел-тест бағасы қанша болатындығын жария етті, деп хабарлайды <a href="https://lenta.inform.kz/kz/kazakstanda-koronavirusty-anyktauga-arnalgan-zhedel-test-bagasy-kansha-bolady_a3629683">ҚазАқпарат.</a>
<blockquote>
 «Сәби» қорының қайырымдылық көмегі аясында ең алдымен тәуекел тобына кіретін пациенттерге тегін жедел-тест жүргізу жоспарланып отыр. Ол үшін таяу уақытта адресі белгілі болатын сайтта арнайы сауалнаманы толтыру қажет. Эпидемиологтар сауалнамаларды өңдеп болғаннан кейін тәуекел факторы бар пациенттер тесттен өтуге шақырылады», – деп атап өтеді аталған зертханадан.
</blockquote>
Таратылған ақпаратта жедел-тестілердің алғашқы топтамасы Қазақстанға жеткізіліп, Нұр-Сұлтан мен Алматы қалаларына 50 мыңнан беріледі. Тегін тестілеу жасалып болғаннан кейін Қазақстанның барлық қалаларында ақылы түрде жедел-тестілеу жүргізіледі. Оның болжамды құны 4 мыңнан 5 мың теңгеге дейін болады. Ақылы тестілеудің қашан басталатындығы қосымша хабарланбақ.

Қазақстанда коронавирусты анықтауға арналған жедел-тест бағасы қанша болады

<a href="https://kyzylorda-news.kz/">Kyzylorda-news.kz.</a> Аудан әкімі Қамбарбек Мүбараков бірқатар шаруа қожалықтарды аралап, көктемгі егіс науқанына дайындықтарын пысықтады.
Күздік бидай егістігін аралап, оған қоса, егін егу жұмыстарына қажетті каналдарды тазалау барысын бақылады.
Биылғы жылы жүргізілетін жаңа зерттеулер және дәнді дақылдың жаңа түрлерін өсіру жайлы ойларымен бөлісті.
«Ақмая» шаруа қожалығына өткен күзде клейковинасы жоғары бидайдың қатты сорты егілген болатын. Осыған орай, тәжірибе жақсы нәтиже көрсетіп, сапалы өнім алынған жағдайда аймақ тұрғындарына жеткілікті ұн өнімдерімен біртіндеп қамтамасыз етуге жол ашылмақ.
<img src="https://kyzylorda-news.kz/wp-content/uploads/2020/03/02-52.jpg" alt="" />

Шиелі ауданында көктемгі егіс науқанына дайындық жүріп жатыр

Kyzylorda-news.kz. Елімізде мектеп оқушыларына арналған 200-ге жуық телевизиялық сабақ дайын.
<blockquote>
 «Негізгі контент ретінде телевизиялық сабақтар, дайын цифрлық ресурстар ұсынылады. Телевизияға 2 мыңнан астам сабақ түсіріледі. Қазіргі таңда 200-ге жуығы дайын. Бұл ресурстардың барлығы педагогке қосымша ақпарат болып табылады. Негізгі қашықтан оқыту процесі әр мектепте жасалған сабақ кестесіне сәйкес&nbsp;өтеді. Сабақтың өткізу ұзақтығы – 30 минут. Оқушы, мұғалім, ата-ана кері байланысты Kundelik, Bilimal, Mektep жүйелері арқылы орнатады. Барлық методикалық нұсқаулықтар дайын», – деді ақпарат және қоғамдық даму министрі Дәурен Абаев.
</blockquote>
Айта кетсек, 6 сәуірден бастап оқушылар үшін EL ARNA және Balapan телеарналарынан видеосабақтар көрсетіледі.
<a href="https://24.kz/kz/zha-aly-tar/bilim-zh-ne-ylym/item/383480-o-ushy-men-m-alim-keri-bajlanysty-kundelik-bilimal-mektep-zh-jeleri-ar-yly-ornatady">«Хабар 24»</a>

Оқушы мен мұғалім кері байланысты Kundelik, Bilimal, Mektep жүйелері арқылы орнатады

<a href="https://kyzylorda-news.kz/">Kyzylorda-news.kz.</a> Нұр-Сұлтанда коронавирус жұқтырған ер адамның жағдайы ауыр. Бұл туралы қалалық Қоғамдық денсаулық сақтау басқармасының баспасөз қызметі хабарлады.
<blockquote>
 «Жағдайы ауыр. Науқасқа барлық қажет медициналық көмек көрсетіліп жатыр», – делінген хабарламада.
</blockquote>
Айта кетейік, 22 наурызда да ер адамның жағдайы ауыр екені хабарланған болатын. Ер адамға екі жақты пневмония мен бірінші деңгейдегі тыныс алу жеткіліксіздігі диагнозы қойылған болатын.

Қазақстан және Қызылорда облысының жаңалықтары