<a href="https://kyzylorda-news.kz/">Kyzylorda-news.kz.</a> Коронавирус індетін жұқтырған тағы 1 адам Павлодар облысында тiркелді, деп хабарлайды <a href="https://www.coronavirus2020.kz/kz/kazakstandagy-koronavirus-boyynsha-27-nauryz-sagat-14-20-zhagday_a3630084">coronavirus2020.kz.</a>
Осы сағатта Нұр-Сұлтан қаласы бойынша 60 адам, Алматы қаласында – 48 адам, Қарағанды қаласында – 4, Жамбыл облысында – 3 адам, Атырау облысы – 3 адам, Шымкент қаласында – 2 адам, Алматы облысында – 1 адам, Ақтөбе облысында – 1 адам, Солтүстік Қазақстан облысында – 1 адам, Ақмола облысында – 1 адам, Павлодар облысында – 1 адам, жалпы 125 науқас тіркелді.

Коронавирус: Павлодар облысында алғашқы оқиға тiркелді

<a href="https://kyzylorda-news.kz/">Kyzylorda-news.kz.</a> Darikz мобильді қосымшасы арқылы дәрілердің министрлік бекіткен бағасын білуге болады. Бұл туралы Денсаулық сақтау вице-министрі Олжас Әбішев мәлімдеді.
<blockquote>
 «2019 жылы тамыз айында Қазақстанда сатылатын дәрілік заттардың бағаларын реттеу туралы бұйрық шықты. Сол бұйрықты орындау мақсатында біз Денсаулық сақтау министрлігі атынан Darikz мобильді қосымшасын іске қостық. Ол арқылы кез келген азамат дәрілер туралы және оның белгіленген бағасы туралы ақпарат біле алады. Бұл бізге дәріханалардағы бағаларды қадағалауға көмектеседі», – деді Олжас Әбішев.
</blockquote>
Оның айтуынша, егер дәріханалардың бағаны қымбаттатқаны анықталса, министрлік олардың жұмысын шектейтін болады.
<blockquote>
 «Егер қандайда бір азамат дәріханадағы бағаның қымбаттағанын байқаған болса, онда ол қосымшадағы батырманы баса отырып, біздің орталыққа мәлімет жібере алады. Сол арқылы біз ол дәріханаға тексеру&nbsp; жұмыстарын жүргіземіз», – деді ол.
</blockquote>
<a href="https://egemen.kz/article/225976-darilerdinh-belgilengen-baghasyn-darikz-qosymshasynan-biluge-bolady-oldgas-abish">Egemen.kz</a>

Дәрілердің белгіленген бағасын қайдан білуге болады?

<a href="https://kyzylorda-news.kz/">Kyzylorda-news.kz.</a> Елімізде қалыптасқан төтенше жағдайға байланысты Қызылорда облысының ауыл шаруашылығы басқармасымен әлеуметтік маңызы бар азық-түлік тауарларының қажетті қорын қалыптастыру шаралары атқарылуда.
Бүгінгі күнге облыс бойынша бөлшек сауда орындары мен базарларды қоспағанда, үлкен сауда орындары мен қоймалардағы әлеуметтік маңызы бар азық-түлік өнімдерінің қоры 10 мың тоннадан асады. 
Оның ішінде «Байқоңыр» ӘКК» АҚ-ның тұрақтандыру қорында 4,3 мың тонна өнім бар, атап айтқанда&nbsp;нақты қоймада 1,7 мың тонна, сауда әріптестері «Мирас» және «Ажар» сауда үйлерінде 2,6 мың тонна өнімдер бар.
Тұрақтандыру қорындағы өнім көлемі мен әлеуметтік дүкендеріндегі бағаларға келер болсақ: 
– ұн 1590,8 тонна (125 тг./кг); 
– күріш 490 тонна (200 тг./кг); 
– қант 326 тонна (230 тг./кг); 
– макарон 270,5 тонна (150 тг./кг) ; 
– картоп 450,0 тонна (83 тг./кг); 
– сәбіз 188 тонна (82 тг./кг); 
– басты пияз 390,0 тонна (55 тг./кг); 
– қырыққабат 120 тонна (120 тг./кг); 
– өсімдік майы 186,3 тонна (340 тг./кг); 
– қарақұмық жармасы 138,0 тонна (310 тг./кг); 
– сиыр еті 124 тонна (1550тг./кг), 
– құс еті, 30,0 тонна (710 тг./кг); 
– сүт 8,0 тонна (240 тг./кг), 
– айран 1,2 тонна (255 тг./кг); 
– сүзбе 0,1 тонна (750 тг./кг); 
– сары май 9 тонна (470 тг./кг); 
– жұмыртқа 12,0 мың дана (28 тг./дана); 
– тұз 18,0 тонна (40 тг./кг) сатылуда. 
Одан бөлек, Қызылорда қаласы мен аудандарда, көтерме сауда орындарында 5,7 тонна өнім бар. 
Қызылордада әлеуметтік дүкендер қай аумақтарда орналасқан?
Қазіргі таңда облыста 26 әлеуметтік дүкен жұмыс жасап тұрса, жыл аяғына дейін қосымша 34 дүкен ашылуы жоспарлануда. 
Барлық әлеуметтік дүкендерде 19 әлеуметтік тауарларымен бірге басқа да күнделікті қажетті өнімдер төмен бағада сатылуда. 
Жыл басынан азық-түлік өнімдерінің қымбаттауына жол бермеу мақсатында, облыс бойынша тұрақтандыру қорының өнімдерін автокөлік үстінен сату жұмыстары ұйымдастырылып келеді.
Қала аумағындағы әлеуметтік дүкендердің мекенжайына да назар аударыңыз.
1)КБИ шағын ауданы, Жаппасбай батыр көшесі 
2)«Универсам» мөлтек ауданы 
3)Ескі базардағы (Пилот дүкені жаны) 
4)Назарбаев көшесі, («S’mall» СҮ қарама қарсы); 
5)Астана шағын ауданы, Қараша көшесі 
6)Арай-2 мөлтек ауданы 
7)3-і іріленген квартал, (Ескі базар (Пилот дүкені жаны) 
8)Тасбөгет кенті, Бозғұлов көшесі, нөмірсіз, (Балалар ауруханасы жаны); 
9)Тасбөгет кенті, Сейтпенбетов көшесі, нөмірсіз (№272 мектеп жаны); 
10)Торайғыров көшесі, (Ақмаржан ауданы); 
11)Мерей мөлтек ауданындағы дүкен (Сырдария сауда үйі жаны) 
12)Төле би көшесіндегі (ГОВД жанында) 
13)Амангелді көшесі, нөмірсіз (Жанар клиникасы жаны); 
14)Жұмабаев көшесі, нөмірсіз («Шанхай» шағын ауданы, 212 мектеп жаны); 
15)Байтерек шағын ауданы 
16)Құлагер шағын ауданы 
17)Саяхат шағын ауданы, А.Айдосов көшесі 
18)Наурыз шағын ауданы Б.Жөнбаев көшесі 
19)Белкөл кенті 
20)Қызылжарма ауылы, Батырбаев көшесі 
21)С.Лапин көшесі, нөмірсіз (Шанхай ауданы) 
22)Абай көшесі, нөмірсіз (Салық басқармасы жаны) 
23)Байтерек шағын ауданы 
24)Қасымхан көшесі нөмірсіз, 264 мектеп жаны 
25)«Универсам» мөлтек ауданы 
26) «Арай» шағын ауданы, А.Муслимов көшесі
<img src="https://kyzylorda-news.kz/wp-content/uploads/2020/03/alewmettik-dwken1.jpg" alt="" />

Қызылордадағы әлеуметтік дүкендерде азық-түлік қаншадан сатылуда?

<a href="https://kyzylorda-news.kz/">Kyzylorda-news.kz.</a> Қызылорда облысының тауарлар мен көрсетілетін қызметтердің сапасы мен қауіпсіздігін бақылау департаменті Қызылордада COVID-19 коронавирус инфекциясы тіркелмегендігін хабарлайды.
Коронавирус бойынша қолайсыз аймақтардан келген барлық тұлғаларға күшейтілген бақылау жүргізілуде, күнделікті мониторинг жұмыстары жалғасуда.
26 наурыз күнгі жағдай бойынша барлығы 70 адам мониторингтік қадағалауда. Оның ішінде 16 адам провизорлық стационарда медициналық бақылауда жатыр.
Мониторингтік бақылаудағы 34 азамат І «а» санатты елдерден, яғни Германия, Индия, Тайланд, БАӘ, Египет, 36 адам І «б» санатты елдерден, яғни Оңтүстік Корея, Латвия, Венгрия, Иордания, Белоруссия, Ұлыбритания келген.
Қазіргі таңда аймақта эпидемиологиялық ахуал тұрақты.

Қызылорда облысында эпидемиологиялық ахуал тұрақты

<a href="https://kyzylorda-news.kz/">Kyzylorda-news.kz.</a> Шымкент қаласының аумағына автокөлік мен азаматтардың кіруіне және шығуына шектеу қойылды. Бұл туралы шұғыл түрде мәлімдеме таратқан қала әкімі Мұрат Әйтенов айтып өтті, деп хабарлайды <a href="https://lenta.inform.kz/kz/shymkent-aumagyna-kolik-pen-azamattardyn-kirip-shyguyna-shekteu-koyyldy_a3629858">ҚазАқпарат.</a>
Шаһар басшысының хабарлауынша, Шымкент қаласының екі тұрғыны қауіпті індетті жұқтырғаны қатты алаңдаушылық туғызып отыр. Қазір науқастар қалалық инфекциялық ауруханада емделуде, денсаулықтары бірқалыпты. Ал, қауіпті індеттің таралып кетпеуі үшін олар тұрған елді мекен оқшауланады.
<blockquote>
 «Ол адамдармен байланыста болған 26 адам карантинге жатқызылып, тест сараптамасы алынды. Қазіргі таңда нәтижесі күтілуде. Осы екі адамның тұрғылықты жайы қалаға қарасты Абай ауданы, «Тәуелсіздікке 20 жыл» тұрғыналабы болғандықтан, осы елді мекен 14 күнге карантинге жабылды. Сонымен қатар, қаладағы автовокзал мен автобекеттердің және балабақшалардың жұмысы уақытша тоқтатылды», – деді Мұрат Әйтенов.
</blockquote>
Қала әкімі сонымен қатар инфекцияның таралуына жол бермеу үшін, 28 наурызда түнгі сағат 00:00-ден бастап шаһарда біратар шектеу шаралары енгізіледі. Бұл шаралар Қазақстан Республикасы Президенті жанындағы Төтенше жағдай режімін қамтамасыз ету жөніндегі Мемлекеттік комиссияның келісіміне сәйкес жүргізіледі.
<blockquote>
 «Біріншіден, Шымкент қаласы әуежайының, теміржол вокзалының жұмыстары, авиа және теміржол қатынастары толық тоқтатылады. Сонымен қатар, автокөлік базарлары, азық-түлік жәрмеңкелері, мобильді телефон сататын дүкендердің жұмысы тоқтатылады. Бұл ретте, қала тұрғындары мен қонақтарына, коммерциялық және коммерциялық емес ұйымдарға меншік түріне қарамастан барлық жайларда, тұрғын үйлерде және аумақтарда, діни нысандарда жеке, отбасылық, еске алу іс-шараларын және басқа да салтанаттар, жиындар өткізуге қатаң тыйым салынады. Барлық сауда нысандарына өз тауарлары мен қызметтерін сатуда онлайн режәмге көшуді ұсынамын»,- деді қала әкімі Мұрат Әйтенов.
</blockquote>
Екіншіден, бұған дейін қызметіне шектеу енгізілген барлық сауда және басқа да нысандарда, келушілер мен сатушылар үшін медициналық бетперделерді киюді талап ететін санитарлық және дезинфекциялық шаралар күшейтіледі. Сонымен қатар, мал базарлары тек жексенбі күні сағат 11:00-ден 17:00-ге дейін жұмыс істейтін болады.
<blockquote>
 «Үшіншіден, қоғамдық тамақтану орындарының (кафе, мейрамхана және тағы басқалар) қызметіне күндізгі сағат 10:00-ден 18.00-ге дейін шектеу енгізіледі. Ал, сағат 18-ден 22-ге дейін қоғамдық тамақтану орындарының жұмысын «тағамдарды үйге жеткізу және өзімен алып кету» режімінде жүзеге асырылады. Сондай-ақ, тамақтану орындары кіреберісте клиенттердің температурасын бақылауға және қолдарын санитарлық өңдеуге міндетті. Клиенттерді «келушілер арасында бір бос үстел қашықтығы» форматы бойынша, залда 50 адамнан аспай отырғызуға міндетті. Төртіншіден, Шымкент қаласының аумағына сағат кешкі 21.00-ден таңғы сағат 07:00-ге дейін автокөліктер мен азаматтардың кіруіне және шығуына тыйым салынады. Бұл шектеулердің транзиттік көліктер мен азық-түлік тасымалдайтын көліктерге қатысы жоқ. Бесіншіден, қаладағы қоғамдық көліктердің жұмысы таңғы сағат 06:00-ден 21:00-ге дейін шектеледі»,- деді қала әкімі Мұрат Әйтенов.
</blockquote>

Шымкент аумағына көлік пен азаматтардың кіріп-шығуына тыйым салынды

<a href="https://kyzylorda-news.kz/">Kyzylorda-news.kz.</a> 27 наурыз сағат 12:00 жағдай бойынша Қазақстанда коронавирус жұқтырудың тағы 3 оқиғасы тіркелді. Бұл туралы <a href="https://www.coronavirus2020.kz/kz/kazakstandagy-koronavirus-boyynsha-27-nauryz-sagat-12-00-zhagday_a3629999">coronavirus2020.kz</a>&nbsp;сайты хабарлады.
Коронавирус індетін жұқтырған тағы 3 адам Атырау облысында тiркелді.
Осы сағатта Нұр-Сұлтан қаласы бойынша 60 адам, Алматы қаласында – 48 адам, Қарағанды қаласында – 4, Жамбыл облысында -3 адам, Атырау облысы – 3 адам, Шымкент қаласында – 2 адам, Алматы облысында – 1 адам, Ақтөбе облысында – 1 адам, Солтүстік Қазақстан облысында – 1 адам, Ақмола облысында – 1 адам, жалпы 124 науқас тіркелді.

Атырау облысында коронавирусқа шалдыққан 3 адам анықталды

<a href="https://kyzylorda-news.kz/">Kyzylorda-news.kz.</a> Ағымдағы жылдың сәуір айынан бастап қазақстандықтар төтенше жағдай кезінде мемлекеттік органдармен байланыссыз атаулы әлеуметтік көмекті ала бастайды. Бұл туралы Еңбек және халықты әлеуметтік қорғау министрлігінің баспасөз қызметі хабарлады.
Әлеуметтік көмекті қайта тағайындау үшін мемлекеттік органдардың ақпараттық базалары арқылы деректерді тексеру жүргізіледі, атап айтқанда тұрғылықты жері бойынша тіркеу, жылжымайтын мүліктің бар-жоғы, кірістер және т.б. Егер отбасы құрамы өзгермеген жағдайда, тағайындауға өтініш қолда бар деректер негізінде қалыптастырылатын болады. Бұл үшін халықты жұмыспен қамту орталықтарының қызметкерлері 1-тоқсанда АӘК алған азаматтар үшін өз бетінше өтініш жасайды және АӘК тағайындау өлшемдеріне сәйкестігін тексереді.
Барлық ақпарат, сондай-ақ хабарламалар электрондық пошта немесе мессенджерлер арқылы жіберілетін болады.
1-тоқсанда атаулы әлеуметтік көмек алмаған азаматтарға АӘК тағайындау үшін egov.kz порталы арқылы өтініш жіберу қажет. Әрі қарай жұмыспен қамту орталықтарының қызметкерлері құжаттарды мемлекеттік органдардың мәліметтер базасында тексеріп, нәтижесін электрондық пошта немесе мессенджерлер арқылы хабарлайды.
Бұл ретте учаскелік комиссиялар көшпелі тексерулер жүргізбейді. Барлық қажетті құжаттарды азаматтардан электрондық пошта арқылы немесе мессенджерлер арқылы сұрататын болады.
Естеріңізге сала кетейік, ағымдағы жылдың басынан бері АӘК алушылар 102,4 мың отбасы немесе 527,6 мың адам болды. АӘК алушылардың 41,5 %-ын көпбалалы отбасылар құрайды.

Қазақстандықтар АӘК-ті мемлекеттік мекемелерге жүгінбей ала алады

<a href="https://kyzylorda-news.kz/">Kyzylorda-news.kz.</a> Қызылорда, Түркістан облысы мен Шымкент қаласы арасындағы облысаралық автобус қатынасы уақытша тоқтады, деп хабарлайды <a href="https://24.kz/kz/zha-aly-tar/o-am/item/383648-t-rkistan-oblysy-men-shymkent-zh-ne-yzylorda-arasynda-avtobustar-to-tatyldy">«Хабар 24»</a>.
Сондай-ақ Түркістан облысындағы бірнеше автовокзалдың жұмысына шектеу қойылды. Коронавирустық инфекцияның таралуына жол бермеу, тұрғындардың қауіпсіздігін қамтамасыз ету мақсатында ауданаралық тұрақты бағыттардағы рейстердің 50%-ы қысқартылды. Облыс аумағында 6 автовокзал, 26 автотұрақ, 4 жолаушыларға қызмет көрсету пункті бар. Бұған дейін облыс аумағынан жүретін халықаралық автобус бағыттарына шектеу қойылғандығы туралы айтқан болатынбыз. Мамандар өңірде коронавирус инфекциясының таралуын болдырмау мақсатында өңір тұрғындарына сақтық шараларына барынша мұқият болуды ескертеді. Гигиеналық талаптарды сақтап, карантиндік режим аяқталғанша қоғамдық көлікпен сапарға шықпауға кеңес береді.
<blockquote>
 «Бүгін ауданаралық бағыттардың 61 кестесінің 50 пайызын тоқтаттық. 31 кестеменен қазір ауданаралық қатынастар болып жатыр. Күнделікті зарарсыздандыру жұмыстарын жүргізу мәселесі қарастырылған. Таңертең шыға берісте және кешке жұмыстан қайтқан кезде автобустарды дизенфекция жасау. Ол бойынша күнделікті біз облыстағы ситуациялық орталыққа ақпар беріп, бақылауда ұстап отырмыз», – облыстық жолаушылар көлігі және автомобиль жолдары басқармасы басшысының орынбасары Мақсат Мырзабаев.
</blockquote>

Түркістан облысы мен Шымкент және Қызылорда арасында автобустар тоқтатылды

<a href="https://kyzylorda-news.kz/">Kyzylorda-news.kz.</a> Бұл туралы Кәсіпкерлер палатасының директоры Ғалымбек Жақсылықов айтты. Елімізде пандемияға орай жарияланған төтенше жағдай, оның үстіне теңгенің еркін айналымға енуі кәсіпкерлер үшін «сынаққа» айналды.
Палата басшысы төтенше жағдай енгізілгеннен кейінгі алғашқы 3 күнде мейрамхана бизнесімен айналысатын кәсіпкерлерден сауалдардың көптеп түскенін айтады.
<blockquote>
 «Елімізде төтенше жағдай жарияланған сәттен «Атамекен» ҰКП Басқарма Төрағасы Абылай Мырзахметовтің шешімімен қызметкерлердің басым бөлігі дистанциондық жұмыс жасау режиміне көшірілді.Дегенмен, төтенше жағдай жарияланғаннан кейін туындаған мәселелерге қатысты кәсіпкерлермен ұдайы байланыстамыз. Ең бірінші кезекте, жауапты мамандардың байланыс құралдары БАҚ, әлеуметтік желі арқылы таратылды. Мұнан өзге, құрамында кәсіпкерлер, мемлекеттік органдар мен Палатаның жауапты мамандарынан тұратын 4 жұмысшы топ құрылды. Аталмыш жұмысшы топтары кәсіпкерлердің салық, несие, форс-мажор жағдайы мен мәжбүрлі қызметкерлерін жұмыстан босату секілді мәселелерін анықтап, дер кезінде құқықтық кеңес беруде. Күрделі мәселелерді Орталық аппаратқа ұсынып жатырмыз. Қазірдің өзінде Палата мамандарынан кеңес алғандарды қоспағанда, мәселесін айтып 99 кәсіпкер хабарласты. Біздің деңгейімізде шешілетін мәселелерді дер кезінде шешіп отырмыз. Мәселен, төтенше жағдай енгізілген алғашқы күндері экспортқа тауар шығаратын кәсіп иелері шығар, шықпастарын білмей жатты. Біз шекаралас аумақтағы әріптестерімізбен байланыса отырып жедел ақпаратпен қамтып отырдық», – дейді Ғалымбек Жақсылықов.
</blockquote>
Түскен сауалдардың 22 пайызы несиені төлеу мерзіміне, 20 пайызы несие алуға, 33 пайызы салық, шикізат, тауар жетіспеушілігі, жұмысшыларды ақысыз демалысқа немесе қысқартуға жіберуге қатысты т.б. Қалған сұрақтар бағаның көтерілуі, шет елге тауар шығару, ғимаратты жалға алу және өзге де салаларды қамтиды.
Айта кету керек, аймақ кәсіпкерлері қызметіне қатысты қиындықтарға тап болған жағдайда Қызылорда облысы кәсіпкерлер палатасына 8 /7242/ 40-09-81 немесе +7 777 764 33 11 нөміріндегі call-орталыққа хабарласа алады.
Ал «Атамекен» Ұлттық кәсіпкерлер палатасына хабарласуға арналған байланыс құралдары: 1432, 8&nbsp;778&nbsp;870 14 32.

Қызылордада Кәсіпкерлер палатасына бизнес өкілдерінен 100-ге жуық өтініш түскен

<a href="https://kyzylorda-news.kz/">Kyzylorda-news.kz.</a> Төтенше жағдай кезінде Еңбек және халықты әлеуметтік қорғау министрлігі медициналық-әлеуметтік сараптама бөліміне бармай, «Мүгедектікті немесе еңбек ету қабілетінен айрылу дәрежесін белгілеу және қажетті әлеуметтік қорғау шараларын айқындау» мемлекеттік қызметін сырттай форматта алу тетігін әзірледі. Бұл туралы Еңбек және халықты әлеуметтік қорғау министрлігінің баспасөз қызметі хабарлады.
Қызмет «Электрондық үкімет» порталында «Электрондық өтініш» сервисі арқылы берілген электрондық өтініш негізінде ұсынылады.
Мемлекеттік қызметті алу үшін азамат қажетті құжаттардың сканерленген нұсқасымен қоса тиісті стандартқа сәйкес өтінішті толтыруы тиіс. Өтінішке электрондық цифрлық қолтаңбамен қол қою қажет.
Бұдан әрі өтініш көрсетілетін қызметті алушының тұрғылықты жері бойынша Еңбек, әлеуметтік қорғау және көші-қон комитетінің аумақтық департаментіне жіберіледі.
Медициналық-әлеуметтік сараптама жүргізілгеннен кейін оның нәтижелері көрсетілетін қызметті алушыға sms-хабарлама арқылы, «Электрондық үкімет» порталындағы жеке кабинетке немесе «Электрондық өтініш» сервисі арқылы келіп түскен өтінішке жауап түрінде жіберіледі.
Айта кету керек, төтенше жағдай кезеңінде медициналық-әлеуметтік сараптама бөліміне қайта куәландыруға келмеген азаматтарға өткізіп алған кезеңіне 2020 жылғы 16 ақпаннан бастап мерзім белгіленетін болады.
Естеріңізге сала кетейік, жыл сайын «Мүгедектікті және/немесе еңбек ету қабілетінен айырылу дәрежесін белгілеу және/немесе қажетті әлеуметтік қорғау шараларын айқындау» мемлекеттік қызметі 250 мыңнан астам азаматқа оның ішінде алғаш рет 57 мыңға жуық азаматқа көрсетіледі, 2019 жылы 252 мың адам қызметті алды.
Бүгінгі күні Қазақстанда мүгедектігі бар 700 мыңға жуық адам тұрады.

Мүгедектікті белгілеу медициналық-әлеуметтік сараптама бөлімдеріне бармай-ақ жүзеге асырылады

<a href="https://kyzylorda-news.kz/">Kyzylorda-news.kz.</a> Қызылордада бас бостандығынан айрылғандар медициналық маска тігуде. Қазіргі таңда олар 30 мың дана бетпердеге тапсырыс қабылдады.
Қызылорда қаласындағы ЗК-169/5 мекемесінің аумағындағы «Тігін цехында» тігін тігумен айналысатын&nbsp; сотталғандар қолдан бетперде тігуді қолға алды.&nbsp; Бүгінгі күнге барлығы 7450 дана&nbsp; бетперде тігілді. Тігіліп жатқан бетперделер ҚАЖ мекемелерінің қажеттілігін, яғни сотталғандар мен қызметкерлер толықтай қамтамасыз етті.
«Бас бостандығынан айырылғандар Қызылорда облысы Полиция департаментіне 5000 дана бетперде беріліп, барлығы 30 мың данаға тапсырыстар қабылданды.&nbsp; Алдағы уақытта басқа да мекемелерге тапсырыстар қабылдануы көзделуде», – делінген хабарламада.
<img src="https://kyzylorda-news.kz/wp-content/uploads/2020/03/30-myn-maska-2-scaled.jpg" alt="" />

Қызылордада сотталғандар 30 мың маскаға тапсырыс қабылдады

<a href="https://kyzylorda-news.kz/">Kyzylorda-news.kz.</a> Тұрғын үй құрылыс жинақ банкі клиенттерге төлемді кейінге шегеруді автоматты түрде қосымша құжаттарды талап етпей жүзеге асырады.
Тұрғын үй құрылыс жинақ банкі&nbsp;уақытша қаржылық қиындыққа ұшыраған клиенттеріне 2020 жылғы 16 наурыздан кейін өтелуі тиіс төлемді 90 күнге шегеруге мүмкіндік береді. Шегерілген төлемге негізгі қарыз да, несие сыйақысы да кіреді. Бұл клиент жазған өтініштің негізінде жүзеге асырылады. Өтініште кейінге шегерудің не себепті қажет болғанын көрсету керек, бірақ банк қосымша растау құжаттарын талап етпейді. Төлемді кейінге шегеру мүмкіндігі автоматты түрде беріледі. Бұл шара коронавирус таралуының алдын-алу мақсатында елде төтенше жағдайдың енгізілуіне және Нұр-Сұлтан мен Алматы қалаларында карантин жарияланғанына байланысты орын алған деп қаржы институтының баспасөз қызметі хабарлайды.
<blockquote>
 «Төлемді шегеру туралы өтініш 2020 жылғы 15 сәуірден бастап интернет-банкинг арқылы қабылданады. Барлық өтініш мақұлданады. Шегеруді 2020 жылғы 16&nbsp;наурыздан кейін өтелуі тиіс төлемдерге қатысты қолдануға болады. Онлайн-өтініш&nbsp;беру кезінде 2020 жылдың 16 наурызындағы жағдай бойынша уақтылы өтелмеген&nbsp;несие төлемі болмауы керек», – деп банктің Басқарма төрайымы Ляззат Ибрагимова ескертті.
</blockquote>
Банк басшысы&nbsp;барлық азаматты төтенше жағдайды ескере отырып, оқшаулану ережелерін сақтауға және банк бөлімшелеріне бармауға шақырды. Төлемді кейінге шегеру несие мерзімін 3 айға ұзарту арқылы жүреді. Бұл&nbsp;клиенттерге ай сайынғы төлем көлемін қалыпты деңгейде ұстап қалуға көмектеседі.
Банк алдын-ала және аралық заем алушыларды олардың тұрғын үй заемына өту мерзімі шегеру уақытына ұзартылатынына назар аударуын өтінді.
2020 жылғы 16 наурыз бен 16 маусым аралығында уақтылы өтелмеген төлемдер бойынша айыппұл және өсімпұл алынбайды. Осы үш ай ішінде клиент негізгі қарыз бен сыйақыны өзіне ыңғайлы уақыт пен күні толық өтесе, төлемдерді кейінге шегеру туралы өтінішті бермей-ақ, қолайлы несие өтеу кестесін таңдап, айдың кез келген күнінде қарызды өтей алады. Мұны үйден шықпай-ақ онлайн жасауға болады.
2020 жылғы 30 наурыздан бастап карантин аяқталғанша Қазақстан аумағындағы барлық филиалда Тұрғын үй құрылыс жинақ банкі клиенттерге қызмет көрсетудің жаңа нұсқасына өтеді. Бөлімшелерде несие өтініштерін қабылдау, посткредит және постдепозит операцияларды өткізу уақытша тоқтатылады. Бұл кезде клиент банкке келіп, тек екі операцияны қолдана алады: депозитті бөлу/тоқтату арқылы ақшасын алу, сондай-ақ заемның бір бөлігін жабу немесе оны толықтай өтеу.
Бұл операцияларды пайдалану үшін банк сайтындағы онлайн-брондау арқылы алдын-ала жазылу керек. Басқа жағдайларда банк коронавирусты таратпау мақсатында клиенттерге қызмет көрсетуден бас тартуға мәжбүр болады.
Нотариустардың жұмысына тыйым салынбаса, 27 наурыз 18.00-ге дейін берілген және мақұлданған барлық несие өтініші клиентті телефонмен жеке хабарласып шақыру арқылы берілетін болады. Қазір банк 1000 шамасындағы несие өтінішін қарастырып жатыр, 200 өтініш берілу кезеңінде.
Банк карантин аяқталғанша сатып алу-сату мәмілесін жасаспауға шақырады.&nbsp;Несие өтеу және депозит толықтыру ыңғайлы болуы үшін қаладағы карантин режимінде ашық тұрған орындарда орналасқан төлем терминалдары істейді.
Алайда банк сауда-ойын орталығы мен базар іздеп қалада жүрмей, төлемді ЖССБ 24 интернет-банкингі арқылы жүргізуге шақырады. Мұнда кез келген банктің&nbsp;төлем картасын қолдануға болады.
<a href="https://baq.kz/news/othernews/t-zhb-t-lemderin-shegeru-shin-ne-isteu-kerek/">Baq.kz</a>

Қазақстан және Қызылорда облысының жаңалықтары