<a href="https://kyzylorda-news.kz/">Kyzylorda-news.kz.</a> Қауіпті пандемия бізге дейінгі дәуірлерде де адам өмірін жалмаған. Ұзақ уақытқа созылатын пандемияның бетін қайтаратын дәстүрлі дәрі-дәрмек те табылмады.
Әлбетте адам өмірін құтқару үшін әлем ғалымдары қолдан келгенді істеп бағуда. Аты жаман індет бізге дейінгі дәуірде миллионға жуық адамның ғұмырын құрбан еткен. 
Вирус адамда, жануарда, тіпті өсімдіктерде кездеседі. Оның кетуі де оңайға соқпайтыны анық. Жаңа дәрі-дәрмек пайда болып, кез келген ауруға қауқары жететін медициналық технология дамыған сайын, вирус та адамдарға ауыр соққымен шабуылдайды. Сондай-ақ араға ғасыр салып келген індет “тәж вирусы” деген атауға ие болды.
Вирус пайда болғанда, оның таралуына және өмір сүру ұзақтығына зер салған жөн. Себебі вирус жұқтырған адамды тез арада оқшауламаса, вирус адамның шашы, қолы және демі арқылы басқа адамдарға жұғуы әбден мүмкін. Сондықтан бұл өте қауіпті. Адам оқшауланғанда, басқа адамдарға қауіп төнбейді. Алайда науқас өмірі үшін күресіп баққан дәрігерге вирустың жұғу қаупі басымырақ. Адам ағзасына енген вирус онымен бірге өмір сүреді. Адам өлген кезде бірге өледі. Жер ғаламшарында адам санының тұрақтылығы да осы себептен болуы мүмкін. Яғни вирус араға жүз жыл салып, планетадағы адамдар санын тұрақтандыру үшін пайда болатын індет іспетті. Әр ғасырда жаңа індеттің қандай қауіппен келетінін ғалымдар болжай алмайды. Сондықтан оның шипасы да әлі күнге дейін табылмады.
Вирус қай ғасырда пайда болды? 
Вирустар ғаламшарымызда миллион жыл бұрын пайда болған. Олар адам ағзасында ғана емес, барлық тіршілік иесінде болады. Мысалы, бірнеше миллион жыл бұрын вирус алғаш рет браконид денесінен табылған. Осылайша вирус жәндіктердің иммундық жүйесін нашарлатып, өмір сүру ықтималдығын төмендетеді. Ағзасында вирусы бар жәндік оны басқа жәндіктерге тасымалдайды. Соның салдарынан жәндіктер саны азаяды. Микроағзалардың мөлшері 20-500 нанометр аралығында болады. Сол себепті вирусты арнайы жабдықсыз көру мүмкін емес.
Вирустың бары алғаш рет XIX ғасырдың аяғында дәлелденді. Бұл кездейсоқ болған жағдай еді. Темекі шегуден туындайтын ауруларды зерттейтін Ресей дәрігері патогендік бактерияларды зерттеумен айналысқан. Алайда дәрігер зерттеу жұмысынан жетістікке жете алмады. Оның орнына ғалым микроскоп астындағы кристаллдарды байқаған. Ол кристаллдар бактерия емес, вирустардың жинақталған түрі болып шықты. Әлгі кристаллдарды дәрігер қыздырғанда олар жоқ болып кетті. Нәтижесінде ғалым ауруды кәдімгі микроскопта көрінбейтін тірі микроорганизмдер қоздырды деген қорытындыға келді. Кейіннен сол кристалдар үшін америкалық ғалым Нобель сыйлығын иеленді.
Вирустар көп жағдайда адамның ДНҚ-сына енеді. Нәтижесінде ғалымдар қан арқылы ежелгі аурулар туралы тың мәліметтерді таба алады.
Ежелгі ғалымдар вирусты не үшін қолданды?
«Вирус» латын тілінен аударғанда «у» деген мағынаны білдіреді. Микроағзалар адам мен басқа тіршілік иесі үшін өте қауіпті. Планетамызда барлық тірі ағзаның біріктірілгеніне қарағанда вирустар әлдеқайда көп. Тіпті тұмауға ұқсас 2000-нан астам штамм бар. Вирустарды ғалымдар экожүйені сақтау үшін жиі қолданады. Мысалы, ХІХ ғасырда Аустралия континентінде қояндардың көбеюінен табиғатқа айтарлықтай зиян тиді. Ғалымдар бұл мәселені шешудің тиімді жолдарын қарастырды. Ол үшін қоян санын азайтып, көбею процесін бәсеңдететін арнайы вирус ойлап тапты.
2019 жылдың аяғында Қытайда коронавирус індеті пайда болды. Індеттің басымдығы соншалық, дүниежүзі халқы зардап шегуде. Біреулер “вирус құстан тарады” десе, енді біреуі “қолдан жасалған індет” деп топшылауда. Індеттің неден тарағаны және соңы немен бітетіні әзірге беймәлім.
<a href="https://massaget.kz/layfstayl/bilim/ol-kim-bl-ne/61551/">Massaget.kz</a>

Ежелгі ғалымдар вирусты не үшін қолданды?

<a href="https://kyzylorda-news.kz/">Kyzylorda-news.kz.</a> Disney компаниясының «Құбыжық пен сұлу» мультфильмі пародиялық нұсқада жарық көрді. Классикалық туынды бүкіл әлемді шарлаған обаға байланысты өзгертілген.
Мұндай қадам жасаудың басты себебі – адамдарды үйде отырып, COVID-19 вирусымен күрес жолында өз үлесін қосуға шақыру. 
Роликте Белль азық-түлік алу үшін қалаға аттанады. Жергілікті халық одан пандемияға қатысты қауіпсіздік шараларына бағынуын өтінеді. Соңында Белль кітап дүкеніне кіріп, Стивен Кингтің бір туындысын таңдайды. Дүкеншіге қызуы көтеріліп тұрғанын айтып шағымданады. Бикештің маскасыз жүруі мен қолын жиі жумайтынын байқаған дүкен иесі тез қош айтысуға тырысады.
<a href="https://massaget.kz/layfstayl/madeniet/kino/61564/">Massaget.kz</a>

«Құбыжық пен сұлу» мультфильмінің карантиндік нұсқасы шықты (ВИДЕО)

<a href="https://kyzylorda-news.kz/">Kyzylorda-news.kz.</a> Бұл қазақтың да ойлап таппайтыны болсашы. Мысалы, екі дүниеде шегірткенің айғырын көрген бар ма екен? Өзін ғой білеміз – «көгалды қуып гөләйттап, ала жаздай ән салатын» шіркінді. Ал енді айғырын ше? Қайдам, мен көрмеппін.
Өзгелер де мен сияқты болар деймін. Сонда бұл сөз қайдан шықты? Етек-жеңін түріп, тілдік қолданысқа қосып жіберген қай соғылған? Әрі кімді мезгегенін де ит біліп пе? Бірақ соның өзі бір ауылдағы айрандай ұйып отырған азаматтардың ту-талақайын шығаруға жетіп артылды ғой, несін айтасың.
Көктемнің жазға ұласар шағындағы ұзын сарының сөлбөксе күні сарылтып барып баюға еңкейген екінті әлеті болатын. Шағын елді мекеннің батыс жақ бетіндегі жатағандау жонға жиналған соқталдай азаматтар, құдды бір қатын-қалаш, бала-шаға сияқтанып, өрістен қайтар азын-аулақ жандықтарының алдын тосып, белгілі шаруасы жоқ еріккен елдің салтымен әрненің басын шалып, қаңқу сөздің көрігі қызып тұрған. Бүгінгі мүшектеуге түсудің кезегі осы ортаға «Қарға бойлы Қапаш» дейтін атпен белгілі, болмыс-бітімі шапаты ғана, алаң көз қатпа қараға келгенде ұқсайды. Оның неден жазып қалғанын бір құдайдың өзі білсін, әйтеуір сөз біткеннің бәрі соның үстінде. Әшейіндегі «аузын буған көк өгіз» – Мәлікзадаға шейін суырылған соң не сорым. Керек десеңіз, бүгінгі әңгіме-кепті бастап береген – соның дәп өзі.
– Әй, Қарағаш, – деген ол, мұның атын «Қарға бойлыдан» шығарып айтатын дағдысымен, – жақында сенің әке-шешең, Күлпаш жеңгең бар, өзіңді ертіп, матайдан қыз айттыра кетті деп естіп ек, соның жайын айтпадың ғой.
– Айтатын несі бар оның. Кемпір-шалдың былықтырып жүргені де. Бұрынырақ бәтуаласып қойған ба, шортым білсін. 
– Содан? 
– Содан не болсын. Бардық. Көрдік. Алатын болдық, – деп, аққа мойын ұсынған кейіптегі Қапаш ежелгі Рим патшаларының бірі айтқан сөзді еріксіз қайталағандай болғанын өзі де байқамай қалды. 
– Әшейін діңкілдеп жетіп отырған добалдай қыз екен деп Күлпаш жеңе¬шең айта алмайды ғой, тегі, – деді осы арада киліге кеткен шақша бас Сәндібек бастырмалатып. 
– Жеткен-жетпегенін қайдам, әйтеуір бірталай сойы бары рас. Алдағы қыркүйекте той болмақшы, сонда көресіңдер ғой өздерің. 
– Құдай тас төбеңнен ұрсын, Қапаш, енді біттім десеңші! 
– Нағып? 
– Өй, түрің бар болсын, түрің бар болғыр! «Нәгіп» дейді ғой тағы. Әлқуат пен Әнипа аз боп жүр ме еді сендерге?! 
Сәндібектің бұлай айтатын жөні бар. Осы Қапаштарға жамағайын Әл¬қуат дейтін ағамыз да, аты дардай демесең, шағын, қол¬тоқ¬пақтай ғана кісі. Ал әйелі Әнипа апайтөс әрі қарулы. Оны өзі «менің жүк көлігім» деп атайды. Сондағы «жүгі» – өзі, өйткені ауылдағы той-томалақ атаулыда Әлекең «сілтеңкіреп» жіберіп, алабөтен қылжиып қалса, жеңгей ешбір қиналмастан, «құдай қосқан қосағын» қолтығына қыстырып, өзі-ақ көтеріп жүре береді. Сонысы үшін бұлар жұрттың екі сөзінің бір мысалына айналғалы қашан. «Әнипа мен Әлқуат құсап» деп келеді әңгімелері. Құдды бір Қыз Жібек пен Төлеген сияқты. Ал сөйткен Әлқуатыңыз ілуде бір «ақ сайтаны» ұстағанда, Қанипаны қан қақсатып, үйінен айдап шығатыны бар деп естиміз (Өтірік айтқанның іші кепсін). 
Бірақ Сәндібектің бұл уайымына бола Қапаш мәу деген жоқ. 
– О жағын көрерсіңдер әлі, – деді де қойды. 
Бағанадан бері әукесі салбырап, әр сөзге бола емініп, ұшып кете жаздап отырған қалқан құлақ, құл бөтеге Болатжан: 
– Бұл Қарға бойлың есесін жіберер ме, шегірткенің айғыры құсап, – демесе әңгіме сен көр, мен көр аяқталар ма еді, кім білсін, әттең тек тау қозғалса қозғала қоймайтын Мәлікзада осы арада тағы қоздасын. 
– Дәл айттың-ей! тура бар ма, соның өзі шегіркенің айғыры! – деп, туғалы шегіртке бағып келе жатқан адамша кеңк-кеңк күлді Мәлікзада. 
Кейде бір шатақ шығайын десе шамалыдан ақ тұтанып, өртше қаулап жүріп беретіні бар емес пе, әйтпесе, тегі, мұндай сөздің небір қағындысын да көңіліне кіп алып, пішту ғұрлы көрмейтін Қапаш дәп осыған келгенде талағы тарс кетуі кәне. Қалай сап ете түскенін байқамай да қалдық, бір қарасақ – Қапаштың көсеудей қолы өзі ағасындай сыйлайтын Мәлікзаданың жағасында жүр! 
Екі көзі шатынап: 
– Не дейсің-ей, собал?! Қайталап айтшы: кім шегірткенің айғыры?! – деп, өмірі тобығын жауып көрмеген қысқа балағы балтырына жетіп, шолтаң-шолтаң еткенде былайғы еріккен қауым жан-жақтан қаумалап, кеу-кеулей жөнелсін. Онысы ойыны емес екеніне енді көзі жеткен Мәлікзада апырақтап: 
– Оу, жұрт, қой десеңдерші мынаған! – деп, қызараң-қызараң етеді. Біздің желігімізді одан сайын құтыртқан әсіресе осы болды. 
– Енді бұл тоқтамайды. 
– Тоқтайды деген қайда! Дәп қазір Мәлікзаданы тәубасына келтірмесе қара да тұр! 
– «Осы мен қандаймын» деген талайдың екі аяғын бір етікке тыққан зәндем емес пе бұл Қапаң! – дестік. 
Адам баласы жұмысы жоқтықтан азады дегенді Абай жарықтық бекер айтты деймісің, анталаған осы топтағының қай-қайсысы да соңғы бірер жылда екі қолға бір жұмыс таппай, басты тауға да, тасқа да соғып, талай сандалысты көрген ғой. «Қайран ғана сәбет өкіметі-ай, өзге түгіл бірен-саран еңбектен жалтарған жанбақпастарды да арамтамақ деп заңға жығып, қолдарына кетпен-күрек ұстаушы-еді-ау!» десіп, өткен күнді аңсаған азын-аулақ ересектер де болды, несін жасырайық. Сонда да нәті жуас қой бұ жұрттың – шеңбер бұзып, қоғам тыныштығының тұнығын шайқаған ешкімі болған емес, тек осылай ерігіп бір кетісті бір кебіске кигізіп отыратындары болмаса. Заманның беті түзу болса, бәрі шаруа бағып, бір-бір үйдің берекесін кіргізіп отыратын-ақ азаматтар, ал істеген кәсіптерінің сықпытына қараңыз. 
Әу баста дағдылы қылжаққа балап, май үстіне май құйып отты өршіткен басымыз, істің шындап насырға шауып бара жатқанын байқаған соң, үлкен-кішіміз түгел шұрқырасып, пәруана болып, екеуінің арасына түстік. Білген ақылымызды айттық. Былжырамай, екеуің де қойыңдар дестік. Бірақ сөзге құлақ асады деген қайда. Маңайлатпайды. Мәлікзада ғой белгілі тоңмойын. Оның үстіне, өзі бірде «Қарға бойлым» деп, тағы бірде «Қарғашым» деп еркелететін інісі әй-шәй жоқ, шұрай топтың алдында жағасына жармасқан соң, не қайыр – енді оның екі дүниеде жіби қоюы неғайбыл. Ал мына Қапашы түскір… 
Қиынның қиыны осы болды. Өзі белгілі шақар әрі басынан сөз асырмайтын бойлауық неме болса қайтерсің – алдына келгенді тістеп, артына келгенді теуіп дегендей, сақ-сақ етеді әшейін. 
Өрістен мал қайтты – біздің қайтатын түріміз жоқ. Екі тақыстың бетін бері қарата алмай бая-шаямыз. Мәлікзада жаңа әлгідегі қыңырайған қалпымен дөңбек ағашқа атша мініп алыпты: қиыс қараған күйі өңкиіп, мәу дейтін емес. 
– Көрсетем мен оған шегіркенің айғырын! Өзге болмаса да осы күні заң бар, зәкүн бар! – дегенде, Қапаштың көзі шарасынан шығып кете жаздайды. 
– Ей, саппасым-ау, сонша бүліне¬тін¬дей, бұда тұрған не бар? Шегірткесі де құрсын, айғыры да құрсын! Қойшы енді, қазақтың бір былжыраған сөзіне бола… – деп басу айта берем деген Болатжанға шап ете қалды: 
– Былжыраған болса неге айтасың? Сен ғой осыны бастаған!… 
Қойшы, әйтеуір мәмілеге келе алмай тарастық. 
Содан бері тоң-торыспыз. Әрі ауыл шетіндегі өзіміз ту тіккен жатаған жонда не боп жатқанынан да бейхабармыз. Әйтеуір ертелі-кеш қатын-қалаш, бала-шаға жиналатынын білеміз. Өзгеден бұрын соларды жақауратып, біреу-міреуіміз бара қалсақ, дәп бір қалғанымызға сатқындық жасайтындай қуыстанатының жаман екен. 
Естуімізше, Қапашы түскір Алматыға ма, әлде тіпті Астанаға ма жол жүргелі шала бүлініп жатса керек. Сондағы Тіл білімі дейтін институтқа ма, «Ана тілі» газетіне ме арнайы барып, әлгі сөздің төркінін ашып қайтпақшы білем. «Ине-сабақ жібіме дейін осының жолына жұмсасам да ақ-қарасын анықтап, Мәлікзаданың аяғын көктен келтірмесем қара да тұр!» деп сілкінеді дейді. Сондағы көздегені не кәпірдің?… 
Астапыралла! Нейбетке заң-зәкүн деп таусылғанына қарағанда, елде жоқ, емілде жоқ бір сойқанды бастап, досқа күлкі, дұшпанға таба қылмаса жарара еді…
Бекболат ӘДЕТОВ
<a href="http://anatili.kazgazeta.kz/?p=39350">Ана тілі</a>

Шегірткенің айғыры (Әңгіме)

<a href="https://kyzylorda-news.kz/">Kyzylorda-news.kz.</a> Қорғаныс министрлігінде Қарулы Күштердің аумақтық әскерлерін жасақтау үшін әскери міндеттілерді арнайы жиындарға шақыру мәселелері жөніндегі Call-орталық іске қосылды.
Қазақстан Республикасының азаматтары әскери міндеттілерді шақыруға қатысты мәселелер бойынша ақпараттық және консультациялық көмекті 8 (7172) 72-15-11 нөмірі арқылы ала алады.
Call-орталық жұмыс күндері сағат таңғы 9.00-ден кешкі 18.00-ге дейін жұмыс істейді.

Әскери міндеттілерді арнайы жиынға шақыру бойынша сall-орталық іске қосылды

<a href="https://kyzylorda-news.kz/">Kyzylorda-news.kz.</a> Қызылорда облысында интернеті және ұялы байланысы жоқ елді мекендердің саны 25-ті құрайды. Ондағы мектептерде 2 696 оқушы білім алады. Бұл туралы бүгін Өңірлік коммуникациялар қызметінде өткен брифингте облыс әкімінің орынбасары Наурызбай Байқадамов мәлімдеді.
<blockquote>
 «6 сәуірден бастап оқушылар 4-ші тоқсанды қашықтан оқыту форматында бастайды. Бұл бағытта өңірде тиісті дайындық жұмыстары жүргізілді. Облыс бойынша 293 мектепте 161&nbsp;779 оқушы білім алады. Мектептердің 78% ауылда орналасқан. Барлық педагог саны – 21&nbsp;705 мұғалім. Оқушылардың электронды құрылғылармен (компьютер, ноутбук, планшет, смартфон) қамтамасыз етілуіне және интернетке (ұялы байланыс операторлары арқылы мобильді интернет) қосылуларына мониторинг жүргізілді. Бірінші, электронды құрылғылар, атап айтқанда, компьютер, ноутбук, смартфон, планшет. Электронды құрылғылары жетіспейтн отбасыларына мектеп балансындағы компьютерлер уақытша пайдалануға берілді. Екінші, интернет немесе ұялы байланыс операторларына қосылған мобильді интернетке қол жетімділігі», – деді облыс әкімінің орынбасары.
</blockquote>
Оның айтуынша, облысымызда қашықтан оқыту Білім және ғылым министрлігінің Нұсқаулығына сәйкес 4 тәсіл арқылы ұйымдастырылатын болады.
Атап айтқанда, бірінші тәсіл – «Бапапан» және «Еларна» телеарналары арқылы қазақ және орыс тілдерінде оқытылады.
<blockquote>
 «Бүгінгі күні білім министрлігі бейне сабақтар түсіріп дайындауда. Жалпы 3000 мыңнан аса сабақ көрсетіледі. Әр сабақтың ұзақтығы 10 минут. Арнайы сабақ кестесі әлеуметтік желілер мен бұқаралық ақпарат беттеріне жарияланады. Телеарналар арқылы оқыту форматына облыстағы 73&nbsp;847 оқушы қамтылады. Бұл ретте айтып кетуіміз керек бейне сабақтарды барлық облыс оқушылары қосымша пайдалуға болады. Министрлік тарапынан телесабақтар интернетке жүктелетін болады», – деді Н. Сейітқалиұлы.
</blockquote>
Ал, екінші тәсіл – «Қазақ» радиосы арқылы оқыту. Бұл бағытта бейне сабақтардың аудио нұсқалары таратылатын болады. Мұнда да балалар қосымша тыңдап, мағлұмат алады.
Үшінші тәсіл – интернет арқылы оқу. Бұл ретте мұғалім өзіне ыңғайлы интернет платформаларды пайдаланады.
<blockquote>
 «Мысалы, «Электронды күнделік»,«Дарын Онлайн», «Білімлэнд» интернет ресурстарында оқушылардың білім алуына қажетті контенттер жеткілікті. Онда бейне сабақтар, тестілеулер, әдістемелік нұсқамалар жүктелген. Пайдалану тегін. Бұл жерде мына мәселеге назар аударсақ, қашықтан оқыту дегенді онлайн оқыту деп шаттастырмауыз қажет», – деді спикер.
</blockquote>
Облыс әкімінің орынбасары атап өткендей, қашықтан оқытуда мұғалім кері байланысты электронды почта, электронды күнделік, уатсап мессендежерін пайдаланады. Электронды күнделік журналын пайдалануға мүмкіндік болмаған жағдайда әр мұғалім қағаз түріндегі журналды қолданады.
Интернеті және ұялы байланысы жоқ елді мекендерде кері байланыс алдын ала дайындалған тапсырмалар үйлеріне санитарлық қауіпсіздік талаптары сақтала отырып жеткізілетін болады.
Облыста мұндай елді мекендер саны 25-ті құрайды. Ондағы мектептерде 2 696 оқушы білім алады екен.
<blockquote>
 «Қашықтан оқуды тиімді ұйымдастыру үшін оқушылар бекітілген кестеге қарап, телевизиядағы бейнесабақтарды уақытылы, мұқият тыңдап, тапсырмаларды орындауы қажет. Түсінбеген сұрақтарды Whats App арқылы немесе қоңырау шалу арқылы мұғалімнен сұрау керек. Ал, мұғалімдер оқушылардың уақытылы сабақты меңгеруі, телевизиядағы сабақты көре алуы, интернет-платформаға емін-еркін тіркеле алғанын бақылауы керек. Үй тапсырмасын орындауы, жаңа сабақты меңгергенін «Күнделік» жүйесімен, WhatsApp желісімен кері байланыс арқылы реттеп отыруы тиіс», – деп атап өтті брифингте Н. Байқадамов.
</blockquote>
Оның айтуынша, ал, ата-налар баласының уақытылы сабақты орындауы, телевизиядағы сабақты кестеге сәйкес көргенін және интернетпен жұмыс істеуін бақылауға алса, мұғаліммен үнемі байланыста болса оқыту әлдеқайда жеңіл болады.
<blockquote>
 «Бұл ата-аналарды міндеттеу емес, баласы үшін осы жауапты сәтте ұстаздарға көмек беру деп түсінген дұрыс. Бұл кезең – өтпелі кезең. Қашықтан оқыту форматы елімізде бірінші рет қолданылып отыр. Әрине, түрлі ақаулар, түсінбеушіліктер болуы мүмкін. Қазірдің өзінде әлеуметтік желілерде сан түрлі пікірлер қалыптасуда. Қиындықтарға қарамастан біз үшін әр баланың білім алуы өте маңызды. Барлық ата-аналарды ұстаздармен бірлікте жұмыс жасауға қолдау көрсетуге шақырамын», – деді облыс әкімінің орынбасары.
</blockquote>
Айта кетейік, кеше еліміздің Білім және ғылым министрі Асхат Аймағамбетов бірнеше себептерге байланысты Қазақстанда <a href="https://kyzylorda-news.kz/bilim/elimizde-onlajn-sabaq-zhuergizilmejtin-boldy-54047/">онлайн сабақ жүргізілмейтінін</a> мәлімдеген болатын.

Қашықтан оқыту: Қызылорда облысында интернеті және ұялы байланысы жоқ 25 елді мекен бар

<a href="https://kyzylorda-news.kz/">Kyzylorda-news.kz.</a> Коронавирус аяқталғаннан кейін Қытай тұрғындары қайтадан жарқанаттарды жеуге оралды, деп хабарлайды <a href="https://stan.kz/epidemiya-ayaktalgannan-keyin-kitayliktar-koronavirus-t-329276/">Stan.kz</a>.
Жарқанаттар, шаяндар базарларда дәстүрлі дәрі ретінде сатылады. 
Қытайдың оңтүстік-батысындағы Гуйлин қаласындағы үлкен ішкі нарыққа мыңдаған тұтынушылардың ағып жатқанын бірнеше күн бұрын байқалады. Үй жануарлары бар тат басқан торлар, еденде қан шашылып, кесілген қаңқалар жатыр. Базардағы басты тағамдардың бірі – иттер мен мысықтардың жаңа етінен дайындалған дәстүрлі «жылыну» қысқы тағамы.
<blockquote>
 «Мұнда барлығы індет аяқталды деп сенеді және алаңдайтын ештеңе жоқ деп ойлайды. Олар үшін індет енді басқалардың мәселесі», – дейді жағдайды көрген журналист.
</blockquote>
Қытайдың оңтүстігінде Дунгуанда осындай базардың ашылуы туралы да белгілі болды. Қаңтардағы жағдайдан бірден-бір айырмашылығы – базарларда қауіпсіздіктің пайда болуы, бұл сатушылардың жұмысын жоймайтындығын қамтамасыз етеді.
Ғалымдардың қабылдаған нұсқасы бойынша, коронавирус алғаш рет адамдарға Қытайдың Ухань провинциясындағы ет базарындағы жарқанат етінен берілген. Бұл жарқанаттардың күшті иммундық жүйесінің арқасында бір уақытта адамдар үшін қауіпті ондаған вирустарды тасымалдауға қабілетті. 
Әлемде Джонс Хопкинс университетінің соңғы мәліметтері бойынша, 937 мың вирус жұқтырғандар тіркелген. Коронавирустан 47,2 мыңнан астам науқас қайтыс болды, 193,7 мың адам қалпына келе алды.

Эпидемия аяқталғаннан кейін қытайлықтар коронавирус тасымалдаушыларын жеуге қайта оралды

<a href="https://kyzylorda-news.kz/">Kyzylorda-news.kz.</a>&nbsp;Қызылорда облысында коронавирустық инфекцияның 15 ошағы тіркелген. Бұл туралы облыстық Денсаулық сақтау басқармасының басшысы Жақсылық Абдусаметов Өңірлік коммуникациялар қызметінде өткен брифингте мәлімдеді.
<blockquote>
 «Қазіргі таңда Қызылорда облысында коронавирустық инфекцияны жұқтырған 28 науқас бар. Бүгінгі, яғни, 4 сәуір, 11:15 сағаттағы жағдай бойынша өңірде инфекция жұқтырудың жаңа жағдайы тіркелген жоқ. Осы Covid-19 індетін жұқтырған 28 науқаспен байланыста болғандардың саны – 715. Жақын қарым-қатынаста болғандар саны – 246, потенциалды байланыста болғандар – 469 адамды құрап отыр. Бүгінгі таңда осы байланыста болғандардан 35 адам правизорлық стационарға, 205 адам карантинге оқушауланды», – деді Жақсылық Абдусаметов.
</blockquote>
Басқарма басшысының айтуынша, Қызылорда облысына қауіптілік деңгейі 1 (А) елдерінен барлығы 18 адам келген. Оның екеуі – стационарға, 16 – үй карантиніне жатқызылған.
Сондай-ақ, өңірге қауіптілік деңгейі 1 (Б) елдерінен барлығы 151 адам келген. Оның алтауы – стационарға оқшауланса, 145 – үй карантиніне алынған.
Жалпы, өңірде коронавирустық инфекцияны жұқтырған науқас алғашқы тіркелген күннен бастап тура 1 апта өтті. Осы 7 күнде өңірде коронавирустық инфекцияның 15 ошағы анықталған.
<blockquote>
 “Осы 1 аптаның ішінде аймақта коронавирустық инфекцияның 15 ошағы тіркелді. Атап айтқанда, Қармақшы және Шиелі аудандарында – 3 ошақтан, Жаңақорған ауданында – 4 ошақ, Қызылорда қаласында – 5 ошақ. Бұл ошақтардың барлығына дезинфекция жұмыстары жүргізіліп, бақылауға алынды. Ошақтардағы жағдай қанағаттанарлық”, – деді басқарма басшысы.
</blockquote>
Оның айтуынша, Қызылорда қаласындағы ошақтар “Мерей”, “Ақмешіт” мөлтек аударында және Достық, Сүтемген көшелерінде анықталған.
<blockquote>
 “Ағымдағы жылдың 28 ақпанынан бастап біздің облысқа қауіпті аймақтардан барлығы 386 адам келген. Олардың барлығы толық бақылауға алынды. Оның ішінде 70 адам – стационарда, 147 – үй карантиніне орналастырылды”, – деді ол.
</blockquote>
Бұдан бөлек, қауіпті аймақтардан өңірге 5000-нан аса студент келген. Олардың барлығы да бақылауға алынып, карантинге жатқызылған.
Басқарма басшысының айтуынша, осы студенттердің карантинде болу уақыты аяқталуына байланысты көбісі бақылаудан алынған.
Айта кетейік, бұған дейін Қызылорда облысында Covid-2019 инфекциясын жұқтырғандар саны&nbsp;<a href="https://kyzylorda-news.kz/kogam/qyzylordada-koronavirws-zhuqtyrghandar-sany-28-adamgha-zhetti-53893/">28 адамға жеткенін</a>&nbsp;хабарлаған болатынбыз.

Коронавирус: Қызылорда облысына қауіпті аймақтардан 5000-нан аса студент келген

<a href="https://kyzylorda-news.kz/">Kyzylorda-news.kz.</a> Карантин кезінде адамдарды дүкен сөрелерінде тұрған азық-түліктің қаншалықты таза екені жайлы сұрақ мазалайды. Әрине, себебі ешкім вирус жұқтырып алғысы келмейді.
Сондықтан дүкеннен үйге әкелген немесе тапсырыспен алдыртқан азық-түліктің қаптамасын дезинфекциялауға аса мән беру керек. Ең алдымен дүкеннен әкелген барлық пакет пен сөмкені бірден асүйге апармай, кіре беріске қою керек. 
Ең дұрысы, дүкенге кенеп матадан тігілген сөмкемен барған жөн. Сол кезде оны дүкеннен келген соң өте ыстық суға жуып, жақсылап кептіріп аласыз. Аузы жақсы жабылған барлық азық-түліктің сыртын ағып тұрған судың астында жуып алыңыз.
Жеміс пен көкөністі дезинфекциялау 
Жеміс пен көкөністі ағып тұрған судың астында бірнеше рет жуу керек. Оларды, тіпті, сабынмен де жууға болады. Содан соң көкөніс пен жемісті дуршлагқа салып, үстінен қайнаған су құйып шығу қажет. Одан кейін бірден салқын судың астына шайыңыз. Көкөніс пен жемісті осы әдіспен жуса, олардың іші зақымдалмайды. Бастысы, оларды жылдам жуыңыз. Оларды ыстық не салқын суға салып қоюдың қажеті жоқ.
Нан өнімдерін дезинфекциялау 
Қазіргі уақытта ең дұрысы – нанды үйден пісіру. Ал егер дүкеннен сатып алсаңыз, оның сыртында қаптамасы бар түрін алыңыз. Егер қаптамасы жоқ түрін алсаңыз, үйге келген соң нанды термиялық өңдеу керек. Ол үшін нанды аздап қуырыңыз немесе қызып тұрған газға салып алыңыз.
Жұмыртқаны дезинфекциялау 
Жұмыртқаны бактериядан тазарту оңай. Ол үшін үйде ас содасы болса жеткілікті. Әр жұмыртқаны сода ерітіндісіне жуып, содан соң ағып тұрған судың астына шайып аласыз.
<a href="https://massaget.kz/kyizdarga/kulinariya/61560/">Massaget.kz</a>

Дүкеннен әкелген азық-түлікті қалай дезинфекциялаймыз?

<a href="https://kyzylorda-news.kz/">Kyzylorda-news.kz.</a> Бүгін коронавирус анықталған науқас Ақтауға Қызылордадан іссапармен келген, деп хабарлайды Маңғыстау облыстық жедел штабының баспасөз қызметі.
Қазір 50 жастағы науқас уақытша тұрған үйдің бір подъезі (Ақтау қаласы, 11-шағын ауданы, 10 үй) карантинге жабылды. Онымен тікелей байланыста болған тұлғалар бірден оқшауланып, ауруханаға жатқызылды.
Науқаспен қарым-қатынаста болған басқа да азаматтар анықталып жатқан көрінеді.

Ақтауда коронавирус анықталған адам Қызылордадан барған

<a href="https://kyzylorda-news.kz/">Kyzylorda-news.kz</a>. <a href="https://l.facebook.com/l.php?u=http%3A%2F%2Figgamecenter.com%2F%3Ffbclid%3DIwAR0s8QK53U9rABqtfSBbYgxaSASsB5QFiv8RcaTW28kixW6Xx1pkPVSOWjY&h=AT1wmIEeExpW4E3z1SgU58vZpHVvubRPxwEk0ZfgZDvwYrNDt0htEUmyKudJuIKqtggHU4yGQJepP_qdZPjFJLd0T6cdjs4cqkeM4TT1sQ4btjZDhTf5Gt1L4U8UQOBM1HOj&__tn__=-UK-R&c[0]=AT3e2l___RPJnqCXLX_Lkdg2av4NT5hL5hRvuGGjG88KAyDn3Jn3LXKQH5I1mBGwSHtDhzCrgEti9SxcrDfR7AtnhzWcZ8jF5AqD407-IRIJLSd7KaS5aWICdVakOaqafLw0JJpAhJV7ObMa1EcU">iggamecenter.com</a>&nbsp;сайтында онлайн жүйеде тоғызқұмалақтан ересектер арасында Қызылорда облысының жекелей чемпионаты өтті. Жарысқа Қызылорда қаласы мен аудандардан 106 тоғызқұмалақшы қатысып, үздіктер анықталды.
Жекелей чемпионат рапид түрі бойынша 9 турда өткізілді.
<img src="https://kyzylorda-news.kz/wp-content/uploads/2020/04/fb_img_1585823249956.jpg" alt="" />
Нəтижесі бойынша:
Ерлер:
1-орын Ерұлан Амангелді (Жалағаш);
2-орын Бексұлтан Бостандықов (Қызылорда);
3-орын Ермұхамед Әләйдар (Жаңақорған);
3-орын Рауан Ыбрай (Қызылорда).
Əйелдер:
1-орын Бекзат Əмір (Қызылорда);
2-орын Ұлдана Маханбетамин (Қазалы);
3-орын Мадина Әлібек (Жалағаш);
3-орын Қызғалдақ Әскербекқызы (Сырдария).
Жарыстың «Үздік ойыншылары» номинациясына Дидар Ади (Жалағаш), Құлмұхаммед Қашқынбай (Қызылорда), Аяна Ұлықпан (Қызылорда) ие болса, Серік Еркебаев (Қазалы) «Тарлан ойыншы» атанды.
<img src="https://kyzylorda-news.kz/wp-content/uploads/2020/04/fb_img_1585823252623.jpg" alt="" />
<img src="https://kyzylorda-news.kz/wp-content/uploads/2020/04/fb_img_1585823241904.jpg" alt="" />

Қызылордада тоғызқұмалақтан облыстық чемпионат онлайн түрде өтті

<a href="https://kyzylorda-news.kz/">Kyzylorda-news.kz.</a> Аймақ басшысы Гүлшара Әбдіқалықова облыстық “Жастар ресурстық орталығы” КММ-нің директоры Бауыржан Мастеков, “Абзал и К” компаниясының директоры Мағжан Ералиев және “Jas otan” Жастар қанаты Қызылорда облыстық филиалының төрағасы Талғат Тілесті қабылдады.
Кездесуде жастардың қоғамдағы рөлі мен игі бастамалары талқыланды. “Абзал и К” компаниясының директоры Мағжан Ерәлиев “Smart box” жобасын таныстырды.
<blockquote>
 “Жастарға өзіндік орта қалыптастыратын “Smart box” жобасының мақсаты – жан-жақты дамуға жол ашу, аз қамтылған отбасы балаларына демеу болу. Мұндай орталықтар қаланың шет аймақтарында орналасады. Қауіпсіздік мақсатында полиция пункттерінің жанына қойылады. Жобаны толықтай өзім қаржыландырамын”,-деді жас кәсіпкер.
</blockquote>
Орталық келушілері тренингтерге қатысып, бизнес-семинарларда біліктіліктерін арттыра алады. Жоба жетекшісі балабақша, мектептермен әріптестік орнатып, уақытты тиімді өткізу жолдарын айқындауды жоспарлап отыр. “Сол арқылы кіші буынның бейәдеп қылықтармен айналысуына жол бермейміз”,-дейді жоба жетекшісі. Ал “Жастар ресурстық орталығы” мекемесінің директоры Бауыржан Мастеков волонтерлар қозғалысының жұмысына тоқталды.
<blockquote>
 «Облыстың волонтерлік ұйымдарында 10 мыңға жуық жас тіркелген. Қазіргідей қиын кезеңде олар да қоғамға пайдасын тигізіп келеді. Осы күнге дейін 28 936 бетперде, 10 мың үнпарақ таратылды”,-деді Б. Мастеков.
</blockquote>
Айта кетейік, “Jas otan” Жастар қанаты Қызылорда облыстық филиалы да игі бастамалардан сырт қалған емес. Олар осы уақытқа дейін 1 478 отбасыға атаулы көмек көрсеткен.
Гүлшара Әбдіқалықова жастардың ісіне береке тілеп, волонтерлар жылында биік белестерді бағындыруға шақырды. Алдағы уақытта кең ауқымда кездесу өткізілетінін айтты.
Қазіргі таңда облыста 188 790 жас бар. 41,4 проценті қалада, 58,6 проценті ауылдық жерлерде тұрады.
<img src="https://kyzylorda-news.kz/wp-content/uploads/2020/04/fb_img_1585927411425.jpg" alt="" />
<img src="https://kyzylorda-news.kz/wp-content/uploads/2020/04/fb_img_1585927406151.jpg" alt="" />

Қызылорда облысының әкімі жастармен кездесті

Веб-шебер күні
Веб-шеберлер мейрамын атап өту үшін осы күннің таңдалуы тегін емес. Нақтылап қараса 4.04 цифрлары 404 санын (интернет-парақша табылмады деген жазу) еске түсіреді. Веб-мастер немесе сайттың «басқарушысы» веб-сайт және интернеттегі корпоративтік қосымшаны жасаумен айналысады.
1861 жылы&nbsp;Кереку (Коряков) станицасы Павлодар деп аталып, қала мәртебесіне ие болды.
1992 жылы&nbsp;Алматыда ТМД елдерінің мемлекеттік қауіпсіздік және барлау органдарының арасындағы ынтымақтастықтың негізгі принциптері туралы келісімге қол қойылды.
1994 жылы&nbsp;«Қазақстан телеарнасы және радиосы» республикалық корпорациясы құрылды.
1994 жылы&nbsp;Корей Халық Демократиялық Республикасында «Сәуір көктемі» атты халықаралық фестиваль өтті. Онда «Отырар сазы» ансамблі (жетекшісі – Нұрғиса Тілендиев) бірінші орын алды.
1996 жылы&nbsp;алғашқы Балқаш алтын құймасы алынды.

Қазақстан және Қызылорда облысының жаңалықтары