<a href="https://kyzylorda-news.kz/">Kyzylorda-news.kz.</a> Енді қазақстандықтар халыққа қызмет көрсету орталығына бармай-ақ,&nbsp; электронды цифрлық қолтаңбаны (ЭЦҚ) қашықтан ала алады. Мемлекеттік көрсетілетін қызметтердің 80%-ын&nbsp;ЭЦҚ көмегімен алуға болады, деп хабарлайды&nbsp;<a href="https://stan.kz/kazakstanda-endi-eck-ni-onlayn-aluga-boladi-328844/">Stan.kz</a>.&nbsp;
Бұл туралы ҚР Цифрлық даму, инновациялар және аэроғарыш өнеркәсібі министрлігінің баспасөз қызметі мәлімдеді.
Жеке тұлғаға ЭЦҚ-ны&nbsp;қашықтан алуға өтінімді электрондық үкіметтің egov.kz порталында беруге болады.&nbsp;Бұл үшін&nbsp;өтінім&nbsp;берушіге веб-камерасы бар компьютер мен жеке куәліктің немесе паспорттың түпнұсқасы қажет екен.&nbsp;&nbsp;
“Өтінімді жіберу үшін азамат цифрлық ID құрып, сәйкестендіру рәсімінен өтуі керек. Ол үшін ақпараттық жүйе ұялы телефон нөмірін енгізіп, компьютер арқылы&nbsp;селфи&nbsp;жасауды және өзінің жеке куәлігінің немесе төлқұжатының түпнұсқасын суретке түсіріп жіберуін сұрайды. Сіздің жеке басыңызды растаған соң, жүйе сізді ЭЦҚ алу бетіне қайта бағыттайды, ол жерде ЭЦҚ-ны&nbsp;сақтауға арналған жолды көрсету керек”, – делінген ресми хабарламада.&nbsp;
ЭЦҚ алуға&nbsp;өтінім&nbsp;берген азаматтың телефон нөмірі мобильдік азаматтар базасында тіркелмеген жағдайда, ақпараттық жүйе азаматты ХҚКО операторымен байланыстырады. Оператор өз кезегінде, қосымша бірнеше сұрақ (құжат деректері, тіркелген мекенжайы және т.б.) қоя отырып, бейнебайланыс арқылы сәйкестендіреді.&nbsp;&nbsp;
<blockquote>
 “Электрондық цифрлық қолтаңба көмегімен қазақстандықтар&nbsp;egov.kz электрондық үкімет порталы арқылы барлық мемлекеттік қызметтердің 80%-ын&nbsp;ала алады.&nbsp;Сондай-ақ, электрондық қолтаңбаны (ЭЦҚ)&nbsp;смартфонға&nbsp;жүктеп,&nbsp;eGov&nbsp;mobile&nbsp;қосымшасы арқылы мемлекеттік қызметтерді алуға&nbsp;болады.&nbsp;Қосымшадағы&nbsp;ЭЦҚ-ны&nbsp;Touch&nbsp;ID немесе&nbsp;Face&nbsp;ID&nbsp;бағдарламасына байлау қолдануды ыңғайлы ете түспек”, – делінген хабарламада.&nbsp;&nbsp;
</blockquote>
Бұған қоса министрлік өкілдері ЭЦҚ-ны&nbsp;қашықтан&nbsp;алу барысында қиындықтар немесе сұрақтар туындаған жағдайда кеңес алу үшін 1414 байланыс-орталығына хабарласуға болатыны ескертті.

ЭЦҚ-ны онлайн түрде қалай алуға болады?

<a href="https://kyzylorda-news.kz/">Kyzylorda-news.kz.</a> Көптеген аурудың алдын алу үшін қолды дұрыс жуу керегі жайлы барлығы біледі. Ал қазір коронавируспен күресу кезінде ол&nbsp; маңызды шараның бірі болып отыр. Оның маңызын ересектер біледі, ал балаларға қалай түсіндіреміз?
Финляндия тұрғыны Ари Мякийо кішкентай қызына қолды неліктен сабынмен жуу керегін түсіндірудің қарапайым әдісін ойлап тапқан. Бұл мақсатта ол екі ыдысты алады. Біреуіне – қара бұрыш себілген су, ал екіншісіне сұйық сабын құяды.
<blockquote>
 «Қара бұрыш – екеуміз талқылаған вирус деп елестетейік. Саусағыңды суға сал. Енді шығар. «Вирус» қолыңа жабысып қалғанын көрдің бе? Ал енді саусағыңды сабынға салайық. Содан соң «вирус» бар суға қайта салайық. Барлық вирустар қашып кетті. Міне, қолды сабындап жуу маңызды», – деп түсіндіреді фин.
</blockquote>
Кішкентай балаға қолды сабындап жуудың маңыздылығын түсіндіру үшін сіз де осы әдісті қолданып көріңіз.
<a href="https://massaget.kz/okushyilarga/61427/">Massaget.kz</a>

Балаға қол жууды үйретудің бір әдісі (ВИДЕО)

<a href="https://kyzylorda-news.kz/">Kyzylorda-news.kz.</a> Бүгін ҚР Президенті Қасым-Жомарт Тоқаевтың Жарлығымен Гүлшара Наушақызы Әбдіқалықова Қызылорда облысының әкімі болып тағайындалды. Ол – Қазақстанда тұңғыш рет облыс әкімі болып тағайындалған әйел.
<blockquote>
 «Гүлшара Наушақызы Әбдіқалықова Қызылорда облысының әкімі болып тағайындалсын» – делінген Жарлық мәтінінде.
</blockquote>
<a href="https://kyzylorda-news.kz/kogam/qyzylorda-oblysynyng-aekimi-taghajyndaldy-52537/">Айта кетейік,</a> Гүлшара Әбдіқалықова 1965 жылы 15 мамырда Қызылорда облысы Сырдария ауданы Сұлу-Төбе ауылында дүниеге келген.

Гүлшара Әбдіқалықова – Қазақстандағы облыс басқарған тұңғыш әйел әкім

<a href="https://kyzylorda-news.kz/">Kyzylorda-news.kz.</a> ҚР Президенті Қасым-Жомарт Тоқаевтың Жарлығымен Қызылорда облысының әкімі болып Әбдіқалықова Гүлшара Наушақызы тағайындалды.
Әбдіқалықова Гүлшара Наушақызы 1965 жылы 15 мамырда Қызылорда облысы Сырдария ауданы Сұлу-Төбе ауылында дүниеге келген.
1987 жылы Жамбыл жеңіл және тамақ өнеркәсібі технологиялық институтын бітірді, экономика ғылымдарының кандидаты.
1987 жылдан 1994 жылға дейін Қызылорда облыстық әлеуметтік қамсыздандыру басқармасының Әлеуметтік қамсыздандыру бөлімінің бас инспекторы, бухгалтерлік есеп және бақылау бөлімінің бастығы, тексеру комиссиясы бөлімінің бастығы.
1994-1995 жылдары-Қазақстан Республикасы Жоғарғы Кеңесінің Халықты әлеуметтік қорғау жөніндегі комитетінің консультанты.
1995-2003 жылдары Қазақстан Республикасының Еңбек және халықты әлеуметтік қорғау министрлігінде басқарма бастығының орынбасары, зейнетақымен қамтамасыз ету басқармасының бастығы, әлеуметтік қамтамасыз ету департаменті директорының орынбасары, әлеуметтік қамтамасыз ету департаментінің директоры, халықты зейнетақымен қамтамасыз ету және кірістерді реттеу департаментінің директоры лауазымдарында қызмет атқарды.
2003 жылдың наурыз айынан 2005 жылдың желтоқсанына дейін- Қазақстан Республикасының Еңбек және халықты әлеуметтік қорғау вице-министрі
2005 жылдың желтоқсан айынан 2006 жылдың қазан айына дейін-“Өмірді сақтандыру компаниясы” АҚ Басқарма төрағасы.
2006 жылдың қазаннан 2007 жылдың қазанына дейін-Қазақстан Республикасының Еңбек және халықты әлеуметтік қорғау вице-министрі.
2007 жылдың қазаннан 2008 жылдың қаңтарына дейін-Қазақстан Республикасы Еңбек және халықты әлеуметтік қорғау министрлігінің Жауапты хатшысы.
2008 жылдың қаңтарынан 2009 жылдың наурызына дейін – Қазақстан Республикасы Президентінің кеңесшісі, Қазақстан Республикасы Президенті жанындағы Әйелдер істері және отбасылық-демографиялық саясат жөніндегі ұлттық комиссияның төрағасы.
2009 жылдың наурызынан 2012 жылдың қыркүйек айына дейін-Қазақстан Республикасы Еңбек және халықты әлеуметтік қорғау министрі, Қазақстан Республикасы Президенті жанындағы Әйелдер істері және отбасылық-демографиялық саясат жөніндегі ұлттық комиссияның төрағасы.
2012 жылдың қыркүйегінен 2013 жылдың қарашасына дейін – Қазақстан Республикасы Президентінің кеңесшісі, Қазақстан Республикасы Президенті жанындағы Әйелдер істері және отбасылық-демографиялық саясат жөніндегі ұлттық комиссияның төрағасы.
2013 жылдың қараша айынан 2014 жылдың қараша айына дейін-Қазақстан Республикасы Премьер-Министрінің Орынбасары, Қазақстан Республикасы Президенті жанындағы Әйелдер істері және отбасылық-демографиялық саясат жөніндегі ұлттық комиссияның төрағасы.
2014 жылдың қарашасынан 2019 жылдың ақпанына дейін-Қазақстан Республикасының Мемлекеттік хатшысы, Қазақстан Республикасы Президенті жанындағы Әйелдер істері және отбасылық-демографиялық саясат жөніндегі ұлттық комиссияның төрағасы.
2019 жылдың ақпаннан бастап 2019 жылдың тамызына дейін – Қазақстан Республикасы Премьер-Министрінің Орынбасары, Қазақстан Республикасы Президенті жанындағы Әйелдер істері және отбасылық-демографиялық саясат жөніндегі ұлттық комиссияның төрағасы.
2019 жылдың тамызынан бастап-VI сайланған Қазақстан Республикасы Парламенті Мәжілісінің депутаты, Әлеуметтік-мәдени даму комитетінің төрағасы.
Мемлекеттік наградалары: 
“Астана” медалі / 1998 ж./
“Ерен еңбегі үшін” медалі / 2001/
“Қазақстан Республикасының Конституциясына 10 жыл” мерейтойлық медалі» / 2005 ж./
“Астананың 10 жылдығы” мерейтойлық медалі / 2008 ж./
“Парасат” ордені / 2009 ж . /
“Қазақстан халқы Ассамблеясына 20 жыл” медалі / 2015 ж ./
“Қазақстан Конституциясына 20 жыл” мерейтойлық медалі / 2015 ж ./
“Қазақстан Республикасының Тәуелсіздігіне 25 жыл” мерейтойлық медалі”» / 2016 ж./
“Астана 20 жыл” мерекелік медалі / 2018 ж./
<img src="https://kyzylorda-news.kz/wp-content/uploads/2020/03/gulshara.jpg" alt="" />

Қызылорда облысының әкімі тағайындалды

<a href="https://kyzylorda-news.kz/">Kyzylorda-news.kz.</a>&nbsp; 28наурыз сағат 10:00 жағдай бойынша, коронавирус індетін жұқтырған тағы 41 адам тіркелді, Нұр-Сұлтан қаласында – 32 адам, Шығыс Қазақстан облысында – 2 адам, Алматы қаласында – 2 адам, Ақмола облысында – 2 адам, Алматы облысында – 1 адам, Қызылорда облысында – 1 адам, Атырау облысында -1 адам. Бұл туралы&nbsp;<a href="https://www.coronavirus2020.kz/kz/kazakstandagy-koronavirus-boyynsha-28-nauryz-sagat-10-00-zhagday_a3630387">coronavirus2020.kz</a>&nbsp;сайты хабарлады.
Осы сағатта Нұр-Сұлтан қаласы бойынша 107 адам, Алматы қаласында – 57 адам, Қарағанды қаласында – 4, Жамбыл облысында -3 адам, Атырау облысы – 4 адам, Ақмола облысында – 5 адам,
Шымкент қаласында – 2 адам, Шығыс Қазақстан облысында – 2 адам, 
Алматы облысында – 2 адам, Ақтөбе облысында – 1 адам, Солтүстік Қазақстан облысында – 1 адам, Павлодар облысында – 1 адам, Маңғыстау облысында – 1 адам, Қызылорда облысында – 1 адам, жалпы 191 науқас тіркелді.

Қазақстанда коронавирус жұқтырғандардың саны 191 болды

<a href="https://kyzylorda-news.kz/">Kyzylorda-news.kz.</a>&nbsp;Қызылорда облысының тұрғынынан коронавирус анықталды.&nbsp;Бұл туралы&nbsp;<a href="https://www.coronavirus2020.kz/kz/kazakstandagy-koronavirus-boyynsha-28-nauryz-sagat-10-00-zhagday_a3630387">coronavirus2020.kz</a>&nbsp;сайты хабарлады.
Осы сағатта Нұр-Сұлтан қаласы бойынша 107 адам, Алматы қаласында – 57 адам, Қарағанды қаласында – 4, Жамбыл облысында -3 адам, Атырау облысы – 4 адам, Ақмола облысында – 5 адам,
Шымкент қаласында – 2 адам, Шығыс Қазақстан облысында – 2 адам, Алматы облысында – 2 адам, Ақтөбе облысында – 1 адам, Солтүстік Қазақстан облысында – 1 адам, Павлодар облысында – 1 адам, Маңғыстау облысында – 1 адам, Қызылорда облысында – 1 адам, жалпы 191 науқас тіркелді.

Қызылорда облысының тұрғыны коронавирус жұқтырды

1920 жылы&nbsp;Семей қаласында Шығыс Қазақстан облысының жаңа тарихының құжаттама орталығы құрылды.
1994 жылы&nbsp;Қазақстан Республикасының Президенті Н.Назарбаев Мәскеуге алғаш рет ресми сапармен барды. Кремльде Қазақстан-Ресей келіссөзінің қорытындысы бойынша саяси, экономикалық, әскери және гуманитарлық салалардағы ынтымақтастыққа қатысты 23 құжатқа қол қойылды.
2000 жылы&nbsp;Шәкен Айманов атындағы Қазақ кинофабрикасы, ҚР Ұлттық продюсерлік орталығы, Қазкинопрокат және Мемлекеттік фильмдер қоры Шәкен Айманов атындағы «Қазақфильм» Ұлттық компаниясы» РМҚК-на біріктірілу жолымен қайта құрылды.
2017 жылы&nbsp;Лондондағы қазақстандық студенттер Орталық Азия елдерінің «Наурыз» фестивалі аясында Қазақстан мәдениетін көрсетті.
Шараға Қазақстан, Әзербайжан, Түрікменстан, Қырғызстан, Ауғанстан, Тәжікстан, Иран, Түркия, Қытай, Татарстан, Өзбекстан өкілдері қатысты.

28 наурыз: Ел тарихында орын алған оқиғалар

<a href="https://kyzylorda-news.kz/">Kyzylorda-news.kz</a> ақпараттық агенттігінің 28 наурызға арналған жұлдыз-жорамалы.
Тоқты
Бүгін барлық мәселені ақылға салып шешіңіз. Дәл қазіргі сәт кемелдене түсуге ұмтылатын уақыт. Берілген тапсырмаларды мұқият орындайсыз.
Торпақ
«Сабыр түбі – сары алтын» демекші, сабыр сақтай білсеңіз, барлығы оңынан болмақ. Аз уақытқа жалғыз қалғаныңыз өзіңізге жақсы.
Егіздер
Денсаулығыңыз оңалады. Сонымен қатар достарыңызбен қарым-қатынасыңызда жақсарып, өміріңізге жаңа өзгерістер енгізуге құштарлығыңыз артады.
Шаян
Жақындарыңызбен сөзіңіз жараспайды. Олар сіздің қолдауыңыздан бас тартады. Сондықтан өз-өзіңізбен болып, шығармашылықпен белсенді түрде айналысыңыз.
Арыстан
Сұқ көздерден сақ болып, көпшіліктің көзіне түспеуге тырысыңыз. Сіздің қолыңыздан барлығы келеді. Сондықтан өзіңізге сеніңіз.
Бикеш
Сіздің мейірімділігіңіз өзгелерге күн нұрындай шашылады. Өзіңіз де жаныңызға жылу сыйлайтын жанмен жолығасыз.
Таразы
Орындалмас армандарды шетке ысырыңыз. Осы орайда жақындарыңыздың пікірін де ескергеніңіз жөн. Сіздің ақшаңызға бола дос болып жүргендерді орнына қойыңыз.
Сарышаян
Қоғамдағы беделіңіз артады. Сондай-ақ бүгін беделді тұлғалармен танысасыз. Ата-анаңыздың қолдауына ие болып, қаржылай қиындықтардан құтыласыз.
Мерген
Дәл қазіргі сәт нағыз достар табуға таптырмас уақыт. Егер сіз &nbsp;отбасылы болсаңыз, жолдасыңыздың мінезі өзгергенін байқайсыз.
Тауешкі
Өзіңізді кәсіби маман ретінде таныту қиын. Кейбір достарыңызбен сөзіңіз жараспай қиналасыз. Есесіне жақсы адамдармен танысасыз.
Суқұйғыш
Жұлдыздар сақ болуға кеңес береді. Себебі, қаржылай қиындыққа тап болып, дене жарақатын алуыңыз мүмкін. Таңғажайып романтикалық оқиғаны бастан өткізесіз.
Балықтар
Өзіңізге осыған дейін қолдау көрсетіп жүрген туысқандарыңызға толықтай сенім артуыңызға болады. Егер басыңыз бос болса, бүгін өмірлік жарыңызды жолықтырасыз.

Жұлдыздар не дейді?

Алматыда тағы 5 адам коронавирус жұқтырды.
Coronavirus2020.kz мәліметінше, 27 наурыз түнгі 23:15-тегі жағдай бойынша Алматыда 5 адам қауіпті індетке шалдыққан.
Осылайша Қазақстанда коронавирус жұқтырғандар саны 150 болды.
Осы сағатта Нұр-Сұлтан қаласы бойынша – 75 адам, Алматы қаласында – 55 адам, Қарағанды қаласында – 4, Жамбыл облысында – 3 адам, Атырау облысы – 3 адам, Ақмола облысында – 3 адам, Шымкент қаласында – 2 адам, Алматы облысында – 1 адам, Ақтөбе облысында – 1 адам, Солтүстік Қазақстан облысында – 1 адам, Павлодар облысында – 1 адам, Маңғыстау облысында – 1 адам, жалпы 150 науқас тіркелді.

Қазақстанда коронавирус жұқтырғандар саны 150 болды

Коронавирус індетін жұқтырған тағы 8 адам тiркелді, Нұр-Сұлтан қаласында 6 адам, Ақмола облысында – 2 адам, деп хабарлайды <a href="https://www.coronavirus2020.kz/kz/kazakstandagy-koronavirus-boyynsha-27-nauryz-sagat-22-20-zhagday_a3630317">coronavirus2020.kz.</a>
Осы сағатта Нұр-Сұлтан қаласы бойынша 75 адам, Алматы қаласында – 50 адам, Қарағанды қаласында – 4, Жамбыл облысында -3 адам, Атырау облысы – 3 адам, Ақмола облысында – 3 адам, Шымкент қаласында – 2 адам, Алматы облысында – 1 адам, Ақтөбе облысында – 1 адам, Солтүстік Қазақстан облысында – 1 адам, Павлодар облысында – 1 адам, Маңғыстау облысында – 1 адам, жалпы 145 науқас тіркелді.

Қазақстанда коронавирус жұқтырғандар саны 145-ке жетті

<a href="https://kyzylorda-news.kz/">Kyzylorda-news.kz.</a> Мемлекет басшысы «Қазақстан Республикасының Үкіметі мен Ресей Федерациясының Үкіметі арасындағы «Байқоңыр» кешенін газбен жабдықтау туралы келісімді ратификациялау туралы» Қазақстан Республикасының Заңына қол қойды.
Бұл туралы Ақорданың&nbsp;<a href="http://www.akorda.kz/kz/legal_acts/laws/memleket-basshysy-kazakstan-respublikasynyn-ukimeti-men-resei-federaciyasynyn-ukimeti-arasyndagy-baikonyr-keshenin-gazben-zhabdyktau-turaly-">баспасөз қызметі</a>&nbsp;хабарлады. Заңның мәтіні баспасөзде жарияланады

ҚР Президенті «Байқоңыр» кешенін газбен жабдықтауға қатысты заңға қол қойды

<a href="https://kyzylorda-news.kz/">Kyzylorda-news.kz.</a> Нұр-Сұлтан қаласында тағы 9 адамнан коронавирус анықталды, деп хабарлайды <a href="https://www.coronavirus2020.kz/kz">coronavirus2020.kz.</a>
Осы сағатта Нұр-Сұлтан қаласы бойынша 69 адам, Алматы қаласында – 48 адам, Қарағанды қаласында – 4, Жамбыл облысында – 3 адам, Атырау облысы – 3 адам, Шымкент қаласында – 2 адам, Алматы облысында – 1 адам, Ақтөбе облысында – 1 адам, Солтүстік Қазақстан облысында – 1 адам, Ақмола облысында – 1 адам, Павлодар облысында – 1 адам, Маңғыстау облысында – 1 адам, жалпы 135 науқас тіркелді.

Қазақстан және Қызылорда облысының жаңалықтары