<a href="https://kyzylorda-news.kz/">Kyzylorda-news.kz</a>. Қызылорда облысында эпидемияға қарсы іс-шараларға тартылған денсаулық сақтау ұйымдары жұмыскерлерін қаржылық қолдау ұйымдастырылды.
Алдымен бірінші тәуекел тобына жататын инфекциялық стационардағы барлығы 33 адамға қосымша 5,1, екінші тәуекел тобына жататын провизорлық стационардағы барлығы 177 адамға қосымша 36,4 млн теңге беріледі.
Ал үшінші тәуекел тобына жататын карантинді стационардағы 156 қызметкер қосымша 12,9 млн теңге алады. Барлығы 366 медициналық қызметкерге 54,3 млн. теңге төленді. Айта кетейік, Қызылорда облысында аталған&nbsp;<a href="https://kyzylorda-news.kz/kogam/zhaqsylyq-abdwsametov-oblysqa-basqa-oengirlerden-keletin-turghyndar-blok-posttardy-ajnalyp-oetwi-muemkin-56073/">диагоноз</a>&nbsp;қойылған 119 науқас бар

Қызылорда облысында 366 медицина қызметкеріне 54,3 млн теңге төленді

<a href="https://kyzylorda-news.kz/">Kyzylorda-news.kz.</a> Елімізде миллиондаған адам жеке кәсіпкерлікті «керек болып қалар» деп жай ашып қойған. Бұл туралы бүгін Орталық коммуникациялар қызметіндегі брифингте ҚР Еңбек және халықты әлеуметтік қорғау министрі Біржан Нұрымбетов айтты, деп хабарлайды <a href="https://lenta.inform.kz/kz/milliondagan-adam-zheke-kasipkerlikti-kerek-bolyp-kalar-dep-ashyp-koygan-ministrlik_a3637371">ҚазАқпарат</a>.
<blockquote>
 «Мыңдаған, миллиондаған адам жеке кәсіпкерлікті «керек болып қалар» деп жай ашып қойған. Олар жұмыс істеп жатқан жоқ. Енді сол жеке кәсіпкерліктің атынан өтініш берейін десе, соңғы 12 айда ештеңе төленбеген, өтпейді. Содан бірыңғай жиынтық төлем төлей салайын дейді. Ол да өтпейді. Себебі бірыңғай жиынтық төлем қарапайымдатылған салық режимі саналады», – деді ол.
</blockquote>
Министрдің айтуынша, жеке кәсіпкерлігін тіркеген адамдарға 42 500 теңге мөлшерінде әлеуметтік төлем алуға құқығы бар екендігі туралы хабарламалар жіберілген.
<blockquote>
 «Басында жеке кәсіпкерлердің барлығынан өтініш алмай төлей салсақ деп ойлаған едік. Бірақ, анықтау үшін смс-хабарлама жібердік. Содан анықталғаны, жеке кәсіпкерлікті жай ғана ашып қойғандар бар екен. Олардың екінші жұмысы бар. Кейбіреулері әлеуметтік желіде «мына кісілер жұмысым бар екендігін білмейді екен» деп кекетіп жазғандары да бар. Солардың барлығын саралай келе, жеке кәсіпкерлер өздері өтініш бермесе, төлемейміз деп шештік. Жеке кәсіпкерлігі бар азаматтар, міндетті түрде өтініш бересіздер», – деді Біржан Нұрымбетов.
</blockquote>

Министр: Елімізде миллиондаған адам жеке кәсіпкерлікті «керек болып қалар» деп ашып қойған

<a href="https://kyzylorda-news.kz/">Kyzylorda-news.kz</a>.&nbsp; Коронавирус инфекциясының (COVID-19) таралуына жол бермей, халықтың денсаулығын сақтау мақсатында Қызылорда қаласының ішінде әр мөлтек аудандар бойынша 11 патрульдік бекеттер қойылды.
Бұл енгізілген сақтық шаралары ең алдымен қала тұрғындарының қауіпсіздігін қамтамасыз ету үшін қажет! Сіздерді түсіністікпен қарауға шақырамыз!
Сіздің қауіпсіздігіңіз – Елдің қауіпсіздігі!
Патрульдік блок бекеттердің орналасуы:
№1 «Ақмешіт» және «Гагарин» мөлек аудандарын байланыстыратын айналма жолына 3 патрульдік бекет:
1.1. патрульдік бекет: Шымбай көшесінен көпірге көтерілетін тұсы;
1.2. патрульдік бекет: Хон-Бен-До көшесінен көпірге көтерілетін тұсы.
1.3. патрульдік бекет: Саламатов көшесінен көпірге көтерілетін тұсы.
№2 Қала орталығымен «Коммунизм», «КБИ», «Шанхай» м/а байланыстыратын Қорқыт Ата көшесінің аспалы темір жол көпірі аумағына 2 патрульік бекет:
2.1. патрульдік бекет: Қорқыт Ата – Жаппасбай батыр көшесінің қиылысы;
2.2. патрульдік бекет: Қорқыт Ата – Яссауи көшесінің қиылысы;
№3. Қызылорда-Жезқазған-Ақтөбе бағыттары қиылысында орналасқан айналмалы жолына 4 патрульдік бекет:
3.1. патрульдік бекет: Жаппасбай батыр көшесінен көпірге көтерілетін тұсы;
3.2. патрульдік бекет: «Қызылорда-Павлодар» тасжолынан көпірге көтерілетін тұсы;
3.3. патрульдік бекет: Белкөл кентінен көпірге көтерілетін тұсы;
3.4. патрульдік бекет: С.Бейбарыс көшесінен көпірге көтерілетін тұсы;
№4. «Тасбөгет» кентіне 2 патрульдік бекет:
4.1. патрульдік бекет: М.Есенов – Амангелді көшелері қиылысындағы көпірге көтерілетін тұсы;
4.2. патрульдік бекет: М.Шоқай көшесі – «Тұран Газ» мекемесінің жанындағы көпірге көтерілетін тұсы.
<img src="https://kyzylorda-news.kz/wp-content/uploads/2020/04/kyzylorda-kalasy-02.jpg" alt="" />
<img src="https://kyzylorda-news.kz/wp-content/uploads/2020/04/kyzylorda-kalasy-03.jpg" alt="" />
<img src="https://kyzylorda-news.kz/wp-content/uploads/2020/04/kyzylorda-kalasy-04.jpg" alt="" />
<img src="https://kyzylorda-news.kz/wp-content/uploads/2020/04/kyzylorda-kalasy-05.jpg" alt="" />
<img src="https://kyzylorda-news.kz/wp-content/uploads/2020/04/kyzylorda-kalasy-06-1.jpg" alt="" />
<img src="https://kyzylorda-news.kz/wp-content/uploads/2020/04/kyzylorda-kalasy-07.jpg" alt="" />

Қызылорда қаласында сақтық шаралары күшейтілді

<a href="https://kyzylorda-news.kz/">Kyzylorda-news.kz.</a> ҚР ДСМ Тауарлар мен көрсетілетін қызметтердің сапасы мен қауіпсіздігін бақылау комитетінің төрағасы Людмила Бюрабекова COVID-2019 ауруының пациенттерін емдемейтін дәрігерлердің арасында коронавирусты жұқтыру фактісі артып бара жатқанын мәлім етті, деп хабарлайды <a href="https://lenta.inform.kz/kz/kazakstanda-bir-kunde-82-dariger-koronavirus-zhuktyrdy_a3637481">ҚазАқпарат.</a>
<blockquote>
 «COVID-2019 ауруымен жатқан пациенттерді емдеуге, күтуге тартылмаған денсаулық сақтау ұйымдарының медициналық қызметкерлерінің арасында коронавирус инфекциясын жұқтырған азаматтардың саны да тез өсіп келе жатқанын атап өту керек. Сонымен қатар аталған контингент маңызды эпидемологиялық бөлім саналады. Яғни бұл санат инфекцияны ары қарай өршітуі мүмкін ошаққа айналу қаупі бар», – деді Людмила Бюрабекова ОКҚ-да онлайн режимде өткен баспасөз мәслихатында.
</blockquote>
Комитет төрағасы бүгін ғана COVID-2019 ауруымен жатқан пациенттерді емдеу және күту шараларымен айналыспайтын 82 адамның вирус жұқтырғанын айтып өтті.
<blockquote>
 «Жұқтырудың жоғары деңгейі Нұр-Сұлтан (36), Алматы (33) қалаларында, сонымен қатар Атырау (6), Ақмола (3) облыстары және Қарағанды, Қызылорда, Солтүстік Қазақстан облыстарында, сондай-ақ ІІМ ведомствоаралық қызметінде тіркелді», – деді ол.
</blockquote>
Людмила Бюрабекова Нұр-Сұлтанда Ұлттық ғылыми кардиологиялық орталықтан 8 адам, Ұлттық онкология және трансплантология орталығынан 16 адам, «Мейірім» медициналық орталығынан 7 адамның коронавиус жұқтырғанын мәлім етті.

Қызылордада коронавируспен ауырған адамдарды емдемейтін дәрігерлер індет жұқтырған

Қызылорда қаласында қоғамдық көліктер қызметі уақытша тоқтайды

<a href="https://kyzylorda-news.kz/">Kyzylorda-news.kz</a>. Қазалы ауданында шектеу шараларына қарамастан төтенше жағдай режимін бұзғандар саны азаймауда.
<blockquote>
 «Бүгінгі күнге дейін ауданда карантин талаптарын орындамаған 42 азамат анықталып отыр. Төтенше жағдай кезінде 6 аудан тұрғыны ұжымдық, жанұялық жиындар өткізуге жол берсе, 4 кафе мен тойхана, 3 азық-түлік дүкенінің иесі карантин талаптарын орындамаған. Ал, 6 тұрғын негізсіз автокөлікпен жүрсе, 6 азамат үйінен ешқандай себепсіз шыққан. 9 аудан тұрғыны төтенше жағдайға байланысты қойылған блок посттарды айналып өтекші болған. Оған қоғамдық орындарда медициналық маска тақпай жүрген 6 адамды қосыңыз. Барлығына да аудандық полиция қызметкерлері әкімшілік хаттама толтырып, материалдары аудандық сотқа жолдануда», – деп хабарлады Қазалы ауданы әкімінің баспасөз қызметі.
</blockquote>
Құқық бұзушылықтарды анықтауда аудандық полиция қызметкерлерімен қатар, арнайы құрылған мобильдік топтың мүшелері де көп үлес қосуда. Олар учаскелік полиция инспекторларымен бірге азық-түлік дүкендерінің белгіленген уақытта жабылуын қадағалап, күнделікті рейдтік тексерулер жасап жатыр.

Қазалыда төтенше жағдай тәртібін бұзған 42 адам жазаланды

<a href="https://kyzylorda-news.kz/">Kyzylorda-news.kz.</a> Қызылорда облысының тұрғындары арасында қауіпсіздік шараларын күшейту мақсатында сәуірдің 12-не қараған түні сағат 00:00-ден бастап тұрғындар мен көлік қозғалысына қатаң шектеулер қойылды.
Облыс тұрғындары қаулыда көрсетілген талаптарды орындамай 100 автокөлік иесі көліктердің қозғалысына тыйым салынса да көшеде жүргендері анықталып, автокөліктер айыппұл алаңына қойылды. Атап айтқанда, Қызылордада – 61, Арал – 1, Қазалы – 12, Қармақшы – 5, Жалағаш – 2, Шиелі – 3, Жаңақорған – 1, Байқоңыр Өкілдігі – 5.
Сонымен қатар карантин кезінде көшеде бетпердесіз 25 адам жүрген.
Ал, 1 азамат үй карантин режімін бұзып, көшеге шыққан.
<blockquote>
 «Жоғарыда көрсетілген құқық бұзушылықтар бойынша ҚР ӘҚБтК-нің 476-бабымен (төтенше жағдай режимін бұзу) әкімшілік хаттамалар толтырылып, тиісті шара қолдану үшін жинақталған құжаттар сотқа жолданды. Бүгінде полиция қызметкерлерімен облыс бойынша 421 құқық бұзушылық анықталып, сот шешімімен 99 кафе иелерімен жеке үй тұрғындары 5 және 7 тәулікке дейін әкімшілік қамаққа алынса, 77-не 10 АЕК (10.04.2020 жылдан бастап 1 АЕК 2778 көбеюіне байланысты) 27780 теңге мөлшерінде айыппұл салынды, 1-не ескерту берілді», – деп мәлімдеді Қызылорда облысы Полиция департаментінің баспасөз қызметі.
</blockquote>

Төтенше жағдай: Қызылордада бетпердесіз жүрген 25 азамат жауапқа тартылды

<a href="https://kyzylorda-news.kz/">Kyzylorda-news.kz.</a> Қызылордалық полицейлер аса ірі мөлшерде есірткі тасымалдаған Жамбыл облысының тұрғынын ұстады.
36 жастағы жігіттің көлігінен 21 келіден астам марихуана мен 1 келіден көп гашиш табылды. Бұл қылмыс 10 сәуір күні белгілі болды.
<blockquote>
 «ҚР ІІМ және Қызылорда облысы Полиция департаментінің Есірткі қылмысына қарсы іс-қимыл басқармасының қызметкерлерімен өткен бірлескен жедел-профилактикалық іс-шаралары кезінде «Батыс Еуропа – Батыс Қытай» тас жолының бойында Арал ауданының Шижаға елдімекені тұсында автокөлік тоқтатылды. Көлікті тексеру кезінде артқы жүк салғыштағы бензин багынан бірнеше пластик бөтелкелер шықты. 2 литрлік 8 дана, 1 литрлік 26 дана, 1,5 литрлік 1 дана ыдыстарға есірткі типтес жасыл түсті, иісті заттар салынған. Сараптама қорытындысы олардың кептірілген марихуана мен гашиш екенін анықтады», – делінген ведомство хабарламасында.
</blockquote>
Көлік иесі Арал ауданындағы полиция бөлімінің уақытша ұстау изолияторына қамауға алынды. Қазір оның үстінен ҚР ҚК 297-бабы, 3-бөлігінің 3-тармағымен (Есірткі, психотроптық заттарды, сол тектестерді өткізу мақсатында заңсыз дайындау, қайта өңдеу, иемдену, сақтау, тасымалдау, жөнелту не өткізу) сотқа дейінгі тергеу амалдары жүріп жатыр.

Қызылордада Жамбыл облысының тұрғынынан 20 келіден астам марихуана тәркіленді

<a href="https://kyzylorda-news.kz/">Kyzylorda-news.kz.</a> Бүгін өңірдегі жазылып шыққан алғашқы науқас – Қызылорда қаласының тұрғыны. Ол 1 наурызда Оңтүстік Кореядан келіп, 14 күндік карантиндік бақылауда болған.
Карантин кезінде ешқандай өзгерістер болмағандықтан, үй жағдайындағы бақылауға алынады.
Кейіннен, 2020 жылдың 26 наурызында аймақтық емханаға дене қызуымен шағымданып, тексеру барысында аталған инфекция белгілерінің болуына байланысты, облыстық жұқпалы аурулар ауруханасына жатқызылған.
Науқастан COVID-19 вирусының зертханалық талдамасы расталып, клиникалық хаттамаға сәйкес ем жүргізілді.
Бүгін, 13 сәуірде науқастан екі рет қайталама зертханалық талдамалары алынып, теріс мәнді және жалпы жағдайының қанағаттанарлық болуына байланысты, үй жағдайына шығарылып жатыр.
Науқас алдағы уақытта да 14 күн аймақтық емхананың бақылауында болады.

COVID-19: Қызылордада жазылып шыққан алғашқы науқас Оңтүстік Кореядан келген

<a href="https://kyzylorda-news.kz/">Kyzylorda-news.kz.</a> Облыстық жұқпалы аурулар ауруханасының орта буын қызметкері Сәуле Тәуекелова жұмыс орнында қалғанына 17 тәулік болған.
Біз бүгін Сәуле Әділбекқызымен телефон арқылы тілдескен едік.
<blockquote>
 «28 наурыз күні жұмыс орныма кезекшілікке келген болатынмын. Сол күні COVID-19 вирусы анықталған алғашқы науқас түсті. Посттағы барлық медицина қызметкерлері күшейтілген жұмыс түріне көшіріліп, ауруханада қалып жұмыс жасауды ұйғардық. Себебі, бізге ең алдымен халықтың, соның ішінде айналадағы азаматтардың денсаулығы бірінші орынға шыққан еді. Бүгін 17-ші тәулікте алғашқы өңірде науқас та жазылып отбасына оралды», – дейді ол бізбен әңгімесінде.
</blockquote>
Сондай-ақ, ол қиын кезеңде еңбектері еленіп, үстемақы алып жатқандарына облыстағы бүкіл медицина мамандары дән риза екендігін жеткізді.
<blockquote>
 «Ал, біздің тағы бір жаңалығымыз наурыз айының да жалақысы қолымызға тиді. Маған 250 мыңнан артық қаржы түскендігі туралы хабарлама келді. Әрине, біз бұл қаржыны отасымыздың игілігі үшін жұмсайтын боламыз. Ең бастысы – індеттің ошағын өшіріп, науқастарымыз құлан таза айығуын тілейміз»,– дейді Сәуле Әділбекқызы.
</blockquote>
Айта кетейік, Сәуле Әділбекқызының 32 жылдың еңбек өтілі бар. Үш баланың, 5 немеренің әжесі.

Сәуле Тәуекелова: Қиын кезеңдегі еңбегіміз еленгеніне қуаныштымыз

<a href="https://kyzylorda-news.kz/">Kyzylorda-news.kz.</a> Қызылорда облысында 1 адам қауіпті індеттен жазылып шықты, деп хабарлайды <a href="https://www.coronavirus2020.kz/kz/kazakstanda-10-adam-koronavirus-indetinen-emdelip-shykty_a3637365">www.coronavirus2020.kz.</a>
<blockquote>
 13 сәуір сағат 13:45-тегі мәлімет бойынша елімізде 10 адам коронавирус індетінен емделіп шықты. Нұр-Сұлтан қаласында – 5 адам, Атырау облысында – 3 адам, Қызылорда облысында – 1 адам, Маңғыстау облысында – 1 адам, – делінген аталған хабарламада.
</blockquote>

Қызылордада 1 адам қауіпті індеттен жазылып шықты

<a href="https://kyzylorda-news.kz">Kyzylorda-news.kz</a>. Қазгидромет 14-16 сәуірге арналған ауа райы болжамын жариялады.&nbsp;&nbsp;&nbsp;&nbsp;&nbsp;
Қара теңізден келетін антициклон біртіндеп Қазақстан аумағына жылжи бастайды. Осыған байланысты ауа райы көбінесе жауын-шашынсыз болады деп күтіледі. Түнде ауа температурасы кейбір облыстарда төмендейді, күндіз кей жерлерде ауа температурасы плюс 15…26°С дейін көтеріледі. Республиканың кей жерлерінде тұман, желдің күшеюі күтіледі.

Қазақстан және Қызылорда облысының жаңалықтары