<a href="https://kyzylorda-news.kz/">Kyzylorda-news.kz.</a> Алматы қалалық қоғамдық денсаулық сақтау басқармасының басшысы Тілеухан Әбілдаев пен қалалық тауарлар мен қызметтердің сапасы мен қауіпсіздігін бақылау департаменті басшысының орынбасары Әсел Халықова брифинг өткізді.
Тілеухан Әбілдаевтың айтуынша, коронавирус жұқпасы табылған тұлғалардың жағдайы тұрақты.
<blockquote>
 «Бір пациент 9 наурызда Алматыға келген. 1б санаты бойынша үй карантинінде жатқан. Екінші пациент 12 наурыз түнде Германиядан келді. Бұл уақытта бұл ел 1а санатына өткен. Сол үшін келген 12 жолаушы экипажбен бірге И.Жекенова атындағы инфекциялық ауруханада стационарға оқшауланған. Барлығы ДДҰ протоколына сай емделіп жатыр. Қазір барлығы 1 санат бойынша көпрофильді стационарларда 476 адам жатыр. №1 көпбейінді медициналық орталықта – 197, 2 ауруханада – 168 адам, №1 ауруханада – 111 адам карантинде жатыр»,- деді Т.Әбілдаев.
</blockquote>
Басқарма басшысының айтуынша, қалада қажетті дәрі дәрмек пен зарарсыздандыру құралдары жеткілікті.

Қазақстандағы коронавирус жұқтырған адамдардың қазіргі жағдайы туралы не білеміз?

<a href="https://kyzylorda-news.kz/">Kyzylorda-news.kz.</a> Қызылорда облысының әкімі Қуанышбек Ысқақов облыстық «QYZYLORDA» телеарнасының директоры Жағыппар Қарабаланы&nbsp; 60 жасқа толған&nbsp; мерейтойына орай&nbsp; қабылдап, құттықтады.
Жағыппар Аманжолұлы 1960 жылы 5 наурызда Оңтүстік Қазақстан облысы, Мақтаарал ауданында дүниеге келген. С.М.Киров атындағы Қазақ Мемлекеттік, қазіргі Әл-Фараби атындағы Қазақ Ұлттық университетінің журналистика факультетін бітірген. Жоғары оқу орнын тәмамдап, 1982 жылы алғаш еңбек жолын Жезқазған облысында аудандық газеттен бастап, 1991 жылы Жезқазған облыстық «Сарыарқа» газетінің бөлім меңгеруші, 1992-1998 жылдар аралығында Қызылорда облыстық телерадиокомпаниясы түрлі қызметтер атқарып, 2005 жылдан бері «Қазақстан» РТРК» акционерлік қоғамының Қызылорда облыстық филиалының директоры қызметін абыроймен атқарып келеді.
Жағыппар Аманжолұлының БАҚ саласындағы еңбегі мемлекет тарапынан лайықты бағаланып, «Құрмет» ордені, ҚР Ақпарат саласының үздігі, ҚР Президентінің Алғыс хатымен, ҚР Тәуелсіздігіне – 15 жыл, Қазақстан Халқы Ассамблеясына – 20 жыл, ҚР Конституциясына – 20 жыл мерекелік медальдарымен, облыстың «Құрмет грамотасымен» марапатталған.
Облыс әкімі шарада мерейтой иесіне&nbsp; Қазақстан Республикасының Мемлекеттік хатшысы Қырымбек Көшербаев пен Қазақстан Республикасының Мәдениет және спорт министрі Ақтоты Райымқұлованың құттықтау хатын табыстады.
Жағыппар Аманжолұлын мерейтойымен құттықтап, ыстық ықыласын білдіру үшін мемлекет және қоғам қайраткері Әбдіжәлел Бәкір, халықаралық «Қазақ тілі» қоғамы Қызылорда облыстық филиалының төрағасы Сәдуақас Аңсатов пен&nbsp; ақпарат саласының өкілдері қатысты.
Аймақ басшысы Жағыппар Аманжолұлын мерейлі мерекесімен құттықтап, сый-сыяпатын көрсетті.
<blockquote>
 «Сіз іскер де білікті, ұйымдастырушылық қабілетіңізді танытып, абыройлы қызмет атқарып келесіз. Біз облыста журналистика саласының қарыштап дамуын, оның ішінде телевизияның өркендеп өсуін, заман талабына сай болуына әрқашан жан-жақты қолдау жасайтын боламыз. Сізді өзімнің және облыс тұрғындары атынан тағы да мерейтойыңызбен құттықтаймын. Деніңізге саулық, отбасыңызға амандық тілеймін. Тойыңыз тойға ұлассын», – деді облыс әкімі Қ.Ысқақов.
</blockquote>

Аймақ басшысы танымал тележурналист Жағыппар Қарабаланы мерейтойымен құттықтады

<a href="https://kyzylorda-news.kz/">Kyzylorda-news.kz.</a> COVID-2019 коронавирусы&nbsp;ауырып жазылған ерлерде бедеулік тудыруы мүмкін.&nbsp;Мұндай тұжырымға&nbsp;Тунцзи медициналық колледжінің қытайлық репродуктивті медицина орталығының мамандары келді,&nbsp;деп хабарлайды&nbsp;<a href="https://stan.kz/koronaviruspen-auirgan-er-adamdar-bedeulikke-shaldigui-328295/">Stan.kz.</a>
Global Times-тің хабарлауынша, коронавирус тестикулға зақым келтіруге қабілетті.
Осыған байланысты ғалымдар балалы болғысы келетін және жыныстық өмірінің сапасын сақтағысы келетін коронавирусты&nbsp;жұқтырған ер адамдарға арнайы сынақтардан өтуді ұсынады.
Бұл ретте&nbsp;ешқандай зерттеулер жаңа коронавирус еркек сперматогенезіне әсер ететінін растамады.
Еске сала кетейік, Қытайда коронавирус жұқтырған ең алғашқы адам желтоқсанда емес,&nbsp;қарашаның 17-сінде тіркелгені&nbsp;туралы хабарлады.
Ал Дүниежүзілік денсаулық сақтау ұйымы (ДДСҰ) жаңа коронавирустың таралуы&nbsp;пандемия кезеңіне жетті, өйткені көптеген елдер мен барлық континенттер зардап шекті деп мәлімдеді.

Коронавируспен ауырған ер адамдар бедеулікке шалдығуы мүмкін

<a href="https://kyzylorda-news.kz/">Kyzylorda-news.kz.</a> Баласымен үйде отыруға мәжбүр ата-аналарға ақы төленетін еңбек демалысы қалай беріледі? Бұл сұраққа ОКҚ-да өткен баспасөз мәслихатында ҚР Еңбек және халықты әлеуметтік қорғау министрлігі комитетінің төрағасы – ҚР бас мемлекеттік еңбек инспекторы Ербол Нұрғалиев жауап берді.
<blockquote>
 «Президент жұмыс берушілермен бұл мәселені бірлесе жүргізуді тапсырған еді. Қазіргі уақытта біздің министрлік облыс әкімдіктеріне кеңестерді жолдады. Тиісінше қазір жұмыс берушілермен түсіндіру жұмысын жүргізу керек. Бірақ қазіргі қолданыстағы кодекс бойынша ақы төленетін еңбек демалысы кестеге сәйкес немесе тараптардың келісімі бойынша кез келген уақытта беріледі. Еңбек заңнамасы бұған қарсы емес», – деді Ербол Нұрғалиев.
</blockquote>
Еске сала кетсек, Ақордада кеше Мемлекет басшысы Қасым-Жомарт Тоқаевтың қатысуымен <a href="https://kyzylorda-news.kz/kogam/qasym-zhomart-toqaev-shughyl-aereket-etw-shtabynyng-kengesin-oetkizdi-49448/">жедел әрекет ету штабының отырысы</a> өткізілген болатын. Отырыс барысында Президент <a href="https://kyzylorda-news.kz/kogam/memleket-basshysy-balasymen-uejde-otyrwgha-maezhbuer-ata-analardy-aqy-toelenetin-engbek-demalysyna-zhiberwdi-tapsyrdy-49453/">баласымен үйде отыруға мәжбүр ата-аналарды ақы төленетін еңбек демалысына жіберуді тапсырып</a>, жұмыс берушілермен осы тапсырманы іске асыру шеңберінде жұмыс жүргізуді&nbsp;жүктеген болатын.

Баласымен үйде отыруға мәжбүр ата-аналарға ақы төленетін еңбек демалысы қалай беріледі?

<a href="https://kyzylorda-news.kz/">Kyzylorda-news.kz.</a> Қазақстанда тағы екі адамнан коронавирус анықталды, деп хабарлайды ҚР Денсаулық сақтау министрлігінің баспасөз қызметі.
Біреуі – 1958 жылы туған ер адам. Жеке кәсіпкер. Ол Алматыға Мәскеуден 10 наурызда ұшып келген. Қазіргі таңда карантинде жатыр.
Сонымен қатар, елордада тағы бір науқас тіркелді. Әйел адам. Ол Варшава-Нұр-Сұлтан ұшағымен ұшып келген.
Қазіргі уақытта коронавирус жұқтырған қазақстандықтар саны 6-ға жетті. Оның 4-еуі алматыда, 2-еуі Нұр-Сұлтан қаласында.

Коронавирус жұқтырған қазақстандықтар саны 6-ға жетті

<a href="https://kyzylorda-news.kz/">Kyzylorda-news.kz.</a> Қазіргі таңда облыстық тұрақтандыру қорында 1219,9 тонна өнім бар. Сондай-ақ, сауда ұйымдарында, қоймаларда, өңірдегі 26 әлеуметтік маңызы бар дүкендерде азық-түлік тапшылығы болмайды. Бұл туралы Өңірлік коммуникациялар қызметінің ақпарат алаңында өткен баспасөз конференциясында Ауыл шаруашылығы басқармасы басшысының міндетін атқарушы Сейілбек Серғазыұлы мәлімдеді.
<blockquote>
 «Қазіргі уақытта мұнай бағасының өзгеруіне, валюта бағамының тұрақсыздығына және коронавирус індетінің таралуына байланысты азық-түлік тауарларының бағасын тұрақтандыру және қажетті қор жинау мақсатында бюджеттен қаржы қарастырылды.Сондай-ақ, қосымша 3,5 мың тонна өнімді сатып алу шаралары жүргізілуде»,-деді Сейілбек Серғазыұлы.
</blockquote>
Сонымен қатар, басқа да әлеуметтік маңызы бар азық-түлік тауарлары нарық бағасынан төмен бағада сатылуда. Облыс бойынша барлық аудандарда тұрақтандыру қорының өнімдерін автокөлік үстінен сату жұмыстары ұйымдастырылып, жыл басынан бері азық-түлік бағасы бақылауда.
Баспасөз-конференциясында сала мамандары 2000 тонна құрайтын заманауи көкөніс сақтау қоймасының құрылысы аяқталып, пайдалануға берілетінін тілге тиек етті. Мұнан өзге, азық-түлік тауарларын өндіру тоқтатылмайды, ұзақ мерзімге жеткілікті тұрақты қоры бар екендігін айтты.
<img src="https://kyzylorda-news.kz/wp-content/uploads/2020/03/whatsapp-image-2020-03-13-at-18.35.04.jpeg" alt="" />
<img src="https://kyzylorda-news.kz/wp-content/uploads/2020/03/whatsapp-image-2020-03-13-at-18.35.03.jpeg" alt="" />

Қызылордада әлеуметтік маңызы бар азық-түлік бағасы бақылауда

<a href="https://kyzylorda-news.kz/">Kyzylorda-news.kz.</a> Білім және ғылым министрі Асхат Аймағамбетов мұғалімдер өз үйінде қашықтан жұмыс істей алатынын мәлімдеді.
<blockquote>
 «Жалпы, елімізде 7300 мектеп бар. Сол мектептерде балаларды каникулға ертерек шығардық. 16 наурыздан 5 сәуірге дейін каникул жалғасады. Каникул кезінде мұғалімдердің мәселесі бар. Мұғалімдерге үйлерінде болып, қашықтан жұмыс істеуіне болады. Біз осыны ұсынып, барлық білім беру бөлімдеріне және мектеп директорларына осы ақпаратты жеткіздік», -деді министр ОКҚ-да өткен баспасөз мәслихатында.
</blockquote>

Қазақстанда мұғалімдер қашықтықтан жұмыс істейтін болды

<a href="https://kyzylorda-news.kz/">Kyzylorda-news.kz.</a> ҚР Еңбек және халықты әлеуметтік қорғау министрлігі комитетінің төрағасы – ҚР бас мемлекеттік еңбек инспекторы Ербол Нұрғалиев баласымен үйде отыруға мәжбүр ата-аналар ақы төленетін еңбек демалысына қалай жіберілетінін түсіндіріп берді.
<blockquote>
 «ҚР Бас мемлекеттік санитарлық дәрігерінің қаулысына сәйкес, барлық медициналық мекемеге немесе үйге карантинге алынған қызметкерлерге еңбекке уақытша жарамсыздық парағы беріледі. Еңбекке уақытша жарамсыздық бойынша жәрдемақы төлеу тәртібі Денсаулық сақтау және Әлеуметтік даму (бұрынғы ) министрлігінің бекіткен ережесінде толығымен көрсетілген. Көп сұрақ түсіп жатқан тағы бір мәселе: өндірісті тоқтата тұру кезіндегі қызметкерлердің еңбекақысын төлеу мәселесі. Осы жылдың 13 наурызынан бастап сауда-ойын сауық кешендері, кинотеатрлар мен балалар ойын алаңдары жабылуда. Көпшілікпен шараларды өткізуге тыйым салынды. Осыған байланысты кейбір кәсіпорындар мен кәсіпкерлер өз жұмысын тоқтата тұруға мәжбүр болып отыр», – деді Ербол Нұрғалиев ОКҚ-да өткен баспасөз мәслихатында.
</blockquote>
Оның айтуынша Еңбек кодексінің 112-бабына сәйкес, жұмыс берушіге және жұмыскерге байланысты емес себептер бойынша бос тұрып қалу уақытын рәсімдеу тәртібі және бос тұрып қалу уақыты үшін ақы төлеу – жалақының ең төменгі мөлшерінен кем болмайтын көлемде белгіленген.
<blockquote>
 «Егер еңбек немесе ұжымдық шарттарда бұл мәселе қарастырылса одан да жоғары төлеуге мүмкіндік бар. Келесі мәселе: қашықтан жұмыс істеу тәртібі жайлы. Бұл да еңбек кодексінің 138-бабында толық көрсетілген. Мұндай да мүмкіндік бар. Тек бұл жерде барлық жұмыс уақытын есептеп, жалақы төлеу жөнінде жұмыс берушінің бұйрығында белгіленеді», – деді ол.
</blockquote>

Коронавирус: Өндіріс тоқтаған және қашықтықтан жұмыс істеу кезінде еңбекақы төлене ме?

<a href="https://kyzylorda-news.kz/">Kyzylorda-news.kz.</a> Ауызын дұрыс шайып, дұрыс тіс жумағандардың 25 пайызы жүрек пен қан тамыры ауруларына шалдығуы мүмкін. Әсіресе, инфаркт не инсульт алғандардың жағдайы қиындау. Тісті дұрыс тазаламаудың кесірінен адам обыр дертіне де шалдығуы мүмкін.
Тісті дұрыс жумаған соң, оған тісжегі (кариес) мен қанжел (пародонтит) пайда болады да, оның ішіне зиянды бактерия – стрептококки жинала бастайды. Ол қабынған тістің тамыры арқылы қанға түсіп, тромбоциттердің ұюына әкеледі. Бір-біріне жабысып қалған тромбоциттер қан тамырын бітеп, жүрек пен миға баратын қан жолын тығындап тастайды. Содан жүрекке қан жетпей, жүрек-қан тамыры аурулары пайда болуы мүмкін. Мұның соңы инфаркт пен инсультқа әкеледі.
<blockquote>
 «Егер тісті дұрыс не жиі жумаса, тісжегі көбейіп, тістің қабынуына, оның қан тамыры мен ауыз қабатын бөліп тұрған ұлпаны – эпителияны өлтіріп, қанға өтіп кетеді. Ал эпителияның жұқарғанын тіс жуған кезде қан аққанынан білеміз. Қорғаныш ұлпа жұқарса, зиянды бактериямен бірге қанға көбіктенген жасушалар та түсіп кетеді. Ал оның құрамында холестерин көп болғандықтан, түскен күйі қан тамырына барып ол да жабысып қалады. Содан қанның ішінде қан ұйып, соңы &nbsp;атеросклероз сынды ауруларға әкеледі», – дейді Сечен университетінің Е.В.Боровский атындағы стоматология институтының директоры Ирина Макеева.
</blockquote>
Миға шабуы мүмкін
Ауыздағы бактериялардың зияны бұл ғана емес. Америка ғалымдары ауызға түскен Porphyromonas gingivalis бактериясы қанға араласып кетсе, миға шауып, адамды Альцгеймер ауруына шалдықтыруы мүмкін дейді.
Миға өтіп кеткен бұл бактерия ақуыз бен амин қышқылы арасындағы байланысты бұзып, ақуыздың тұрақтылығына ақау келтіреді. Содан ми жасушыларындағы тұрақтандыру қызметі бұзылып, адам психологиялық ауруға душар болады.
Тіс пен рак
Америка мен италья ғалымдары периодонтитпен ауыратын не тісі жиі түсетін адамдардың ұйқы безі рагына шалдығуы мүмкін десе, британ ғалымдары тісі ауыратындардың бауыр, ұйқы безі, өт рагына шалдығу қауіпі жоғары екендігін айтады.
<blockquote>
 «Тісі жиі қабынатындардың шырышты қабығында обыр өсіп шығуы мүмкін екендігі ғылыми түрде дәлелденген. Сондықтан тіс пен ауызды дұрыс жуып жүрудің маңызы зор. Тазалық – көп аурудың емі», – дейді профессор Ирина Макеева.
</blockquote>
Мәселен, Тайвань ғалымдары тісті жиі жуып жүрудің қандай маңызды екендігін ескерткеннен бері, елде обырмен ауыратындардың саны әжептәуір азайған. Тайваньнің 40 мыңға жуық тұрғыны тісін емдеген екен.
Ауырмаудың амалы
Кәріс ғалымдары күніне үш рет тіс тазалаған адамдардың жүрек пен аритмия ауруына шалдықпайтынын айтады. 40 пен 79 жас аралығындағы 160 мың адамға зерттеу жасаған ғалымдар осындай тұжырымға келген. Өйткені күнде тіс жуып жүрген адамның ауызында бактерия аз болады да, ол тіске де, қанға да түсіп кетпейді.
<blockquote>
 «Ауызды шуып-жаю аурудан сақтанудың басты амалы. Тісті таза болса, қанға артық бактерия түспейді. Содан адамның қант диабеті, артрит, псориаз, көз ауруы сынды ауруларға шалдығуы төмендейді. Тісті күніне бір рет емес, таңертең және кешке жуған жөн. Әрі бір минут емес, 3-4 минут жуған жақсы. Тісін таза ұстаған адамда тісжегі де, қабыну да болмайды», – дейді Ирина Макеева.&nbsp;
</blockquote>
<a href="https://massaget.kz/layfstayl/Zdorove/61242/">Massaget.kz</a>

Тіс жуу – инфарк пен рактан сақтанудың жақсы жолы

<a href="https://kyzylorda-news.kz/">Kyzylorda-news.kz.</a> Білім және ғылым министрі Асхат Аймағамбетов еліміздегі балабақшалар әзірге жұмысын тоқтатпайтынын мәлімдеді.
<blockquote>
 «Білім және ғылым салаларында алдын алу шаралары қабылданды. БҒМ тиісті бұйрығы шығып, оны барлық білім беру ұйымы мен облыстардың білім басқармаларына жеткіздік. Сол бұйрықта ең басты тапсырмалар берілді. Ең біріншіден, балабақшаларға тоқталар болсақ, алдын ала ақпарат бергендей, балабақшалар әзірге жұмысын тоқтатпайды. Бірақ біз ата-аналардың мүмкіндіктеріне қарай, балабақшаға бармауды (апармауды – авт.) ұсынамыз. Мұның алдында бұйрыққа сәйкес бала бірнеше күн бойы балабақшаға келмесе, шығарылатыны туралы норма бар еді. Біз қазір ол норманы алып тастадық», – деді Асхат Аймағамбетов.
</blockquote>
Білім және ғылым министрі қазіргі уақытта баланы балабақшаға әкелмесе де орны сақталатынын жеткізді.

Министр: Балабақшалар әзірге жұмысын тоқтатпайды

<a href="https://kyzylorda-news.kz/">Kyzylorda-news.kz.</a> 2020 жылдың 18 наурызына белгіленген «Nur Otan» партиясы Саяси кеңесінің отырысы өтпейтін болды. Бұл туралы Бауыржан Байбек <a href="https://twitter.com/BauyrzhanBaibek/status/1238689698236837888">Twitter-дегі</a> парақшасында жазды.
<blockquote>
 «Коронавирус инфекциясы тарау қаупіне байланысты енгізілген шектеу шараларына орай 2020 жылдың 18 наурызына белгіленген «Nur Otan» партиясы Саяси кеңесінің отырысы өтпейтін болды» делінген хабарламада.
</blockquote>

18 наурызда «Nur Otan» партиясы Саяси кеңесінің отырысы өтпейтін болды

<a href="https://kyzylorda-news.kz/">Kyzylorda-news.kz.</a> Қазақстан коронавирус инфекциясының таралуын болдырмау үшін бірқатар шаралар қабылдады, деп хабарлайды ҚР СІМ&nbsp;<a href="http://www.mfa.kz/kz/content-view/-3503">баспасөз&nbsp;қызметі</a>.
Қазақстан Республикасының аумағында коронавирус инфекциясының таралуын болдырмау үшін қабылданған шаралар
1 «А» санатындағы елдер үшін&nbsp;(Иран, Италия, Қытай, Корея) келесі шектеулер енгізіледі:
аталған елдердің азаматтарына және соңғы 30 күн ішінде осы елдерге барған адамдарға визаларды беру және ҚР аумағына кіру уақытша тоқтатылды.
Анықтама:&nbsp;1 санаттағы елдердің аумағында тұрмайтын және осы мемлекеттерге соңғы 30 күн ішінде келмеген тұлғалар үшін визаларды ресімдеуге және ҚР-ға келуге шектеулер қолданылмайды.
1 «А» санатындағы елдерден қайтып оралған ҚР аумағында тұратын шетелдік азаматтар тұруға ықтиярхаттың негізінде және азаматтығы жоқ адамдар Қазақстанға кіре алады және бұл жағдайда жергілікті органдармен белгіленген үй-жайларда оқшауланып, 14 күн мерзімге карантинге орналастырылады.
тұрақты авиарейстер, жаяу өтпе жолдар, Қытаймен темір жол/автомобиль жолаушылар тасымалы тоқтатылды. Иранмен әуе қатынасы тоқтатылды.
Анықтама:&nbsp;Кореядан «Алматы-Сеул-Алматы» бағыты бойынша аптасына 2 рет «Эйр-Астана» және «Азиана-Эйрлайнз» әуекомпаниялары ұшады, ал «Нұр-Сұлтан-Сеул-Нұр-Сұлтан» бағыты бойынша аптасына 1 рет «Эйр-Астана» әуекомпаниясы ұшады. «Эйр-Астана» әуекомпаниясы тек ҚР азаматтарын тасымалдайды.
ресми және үкіметтік делегацияларды, сондай-ақ қызметтік және дипломатиялық төлқұжаттардың иелерін, авиакомпаниялардың ұшқыштары мен экипаж, локомотив бригадаларының мүшелерін, теміржол көлігінде тасымалдау қызметімен айналысатын адамдарды және жүктерді автомобильмен халықаралық тасымалдауды жүзеге асыратын жүргізушілерді қоспағанда, 1 «А» санатындағы елдерден келген, сол елдерде соңғы болған сәтінен бастап 14 күн өтпеген адамдар жергілікті органдар белгілеген үй-жайларда оқшаулана отырып, 14 күн мерзімге карантинге орналастырылады.
1 «Б» санатындағы елдер үшін&nbsp;(Германия, Испания, Франция):
аталған елдердің азаматтарына және соңғы 30 күн ішінде осы елдерге барған адамдарға визаларды беру және Қазақстан аумағына кіру уақытша тоқтатылды.
Анықтама:&nbsp;1 санаттағы елдердің аумағында тұрмайтын және осы мемлекеттерге соңғы 30 күн ішінде келмеген тұлғалар үшін визаларды ресімдеуге және ҚР-ға келуге шектеулер қолданылмайды.
1 «Б» санатындағы елдерден келген ҚР аумағында тұратын шетелдік азаматтар тұруға ықтиярхаттың негізінде және азаматтығы жоқ адамдар Қазақстан Республикасына кіре алады және бұл жағдайда үйде оқшаулауға орналастырылады.
ресми және үкіметтік делегацияларды, сондай-ақ қызметтік және дипломатиялық төлқұжаттардың иелерін, авиакомпаниялардың ұшқыштары мен экипаж, локомотив бригадаларының мүшелерін, теміржол көлігінде тасымалдау қызметімен айналысатын адамдарды және жүктерді автомобильмен халықаралық тасымалдауды жүзеге асыратын жүргізушілерді қоспағанда, 1 «Б» санатындағы елдерден келген, сол елдерде соңғы болған сәтінен бастап 14 күн өтпеген адамдар үйде оқшаулауға орналастырылады&nbsp;(ҚР ДСМ талаптарына, соның ішінде халық көп жиналатын орындарға бармай, үй карантинде болу). Үйде оқшаулау ережелерінің сақталуын бақылау және кеңес беруді ҚР ДСМ қызметкерлері қоңырау шалу арқылы жүргізеді. Үйде оқшаулау үшін мүмкіндік болмаған жағдайда ауруханаға жатқызылады.
Ресми және үкіметтік делегациялардың мүшелері, қызметтік және дипломатиялық төлқұжаттардың иелері, авиакомпаниялардың ұшқыштары мен экипаж, локомотив бригадаларының мүшелері, теміржол көлігінде тасымалдау қызметімен айналысатын адамдар және 1а) және 1б) санатындағы елдерден жүктерді автомобильмен халықаралық тасымалдауды жүзеге асыратын жүргізушілер 2-санаттағы секілід қоңырау шалу арқылы тұрғылықты (келген) жері бойынша медициналық бақылауға алынады;
2 санаттағы елдер үшін&nbsp;(Ұлыбритания, Нидерланды, Швейцария):2 санаттағы елдерден келген адамдарды ҚР шекарасынан өткен күннен бастап 14 күн бойы қоңырау шалу арқылы тұрғылықты жері бойынша Медициналық-санитариялық алғашқы көмек көрсету (МСАК) медицина қызметкерінің бақылауында болады.
3 санаттағы елдер үшін&nbsp;(Бельгия, Үндістан, Ирак, Норвегия, АҚШ, Филиппин, Швеция):
ҚР Денсаулық сақтау министрлігі коронавирустық инфекцияның таралуы бойынша 3 санаттағы елдердегі эпидемиологиялық жағдайға мониторинг жүргізеді.
Анықтама:&nbsp;3 санаттағы елдердің аумағынан келген адамдар арнайы есепке алынып, елде еркін жүре береді.

Қазақстан және Қызылорда облысының жаңалықтары