<a href="https://kyzylorda-news.kz/">Kyzylorda-news.kz</a> ақпарат агенттігінің 28 сәуірге арналған жұлдыз-жорамалы.
Тоқты
Денсаулығыңызға абай болыңыз. Сонымен қатар тәуекелшіл болмаңыз. Барлық кездесулерді кейінге қалдырып, тек үйде демалыңыз. Жағымды хабар күтіп тұр. Ішімдікке көп әуестенбеңіз.
Торпақ
Бүгін көп кикілжіңдер орын алады. Бірақ уайымға салынудың қажеті жоқ. Осы уақытқа дейін қарым-қатынастарыңыз дұрыс болмаған жандармен қайта татуласасыз. Қаржы жағынан аздаған қиындықтар туындауы мүмкін. Бірақ көмектесетін жандар бар.
Егіздер
Өзіңізге қатысты шиеленіскен істі тасада отырып-ақ шеше аласыз. Сіз өз ісіңізге риза боласыз. Бірақ жүйкені жұқыртқан мәселе ең алдымен сіздің денсаулығыңызға зиян келтіріп, көңіл-күйіңізді түсірері анық.
Шаян
Бүгін жақсы көңіл-күйде боласыз. Қонаққа барудан бас тартып, үйде болғаныңыз жөн. Отбасыңызға көңіл бөліңіз. Түстен кейін отбасылық мереке ұйымдастырып, балаларыңызға қуаныш сыйлаңыз.
Арыстан
Күтпеген жаңалық орын алады. Біраз мәселелер туындауы мүмкін. Жаныңыздағыларды өз дегеніңізге көндіру үшін біраз шешендік өнер қажет. Отбасыңызға сіздің қолдауыңыз жетіспейді. Барынша оларды қолдап, қорғап жүріңіз.
Бикеш
Эмоцияңызды сыртқа шығармауға тырысыңыз. Демалысты жақсы көңіл-күйде өткізіңіз. Үй тіршілігін кейінге қалдырғаныңыз жөн. Достарыңыз немесе туыстарыңыз көмек сұраса, қол ұшын беруден қашпаңыз.
Таразы
Жұмыста түсініспеушіліктер орын алуы мүмкін. Мұқият болыңыз. Бұрыс шешім қабылдаудан сақтаныңыз. Әйтпесе, ашуыңызды пайдаланып, аяқтан шалушылар өз ойын іске асыратын болады. Жаныңызға жақын адамдармен бас қосыңыз.
Сарышаян
Бұл күнді үйде, жақындарыңыздың арасында өткізіңіз. Отбасыңызға көңіл бөліңіз. Отбасылық мереке ұйымдастырып, үй ішіндегілерді қуантыңыз. Бүгін жөндеу жұмыстарын бастаудың қажеті жоқ.
Мерген
Жеке өміріңізге қатысты шешілмеген мәселелер көп. Сіз біреуді құлай сүйесіз немесе махаббатыңызбен айырылысасыз. Қайсысы болса да, барлығы жақсы аяқталады.
Тауешкі
Бүгін маңызды жобаларды қолға алмаңыз. Бұл күн сіз үшін жобамен айналысатын күн емес. Бұл орайда сізге өзіңіздің мұқияттылығыңыз өте қажет. Сондықтан әр істе өте абай болыңыз.
Суқұйғыш
Түске дейін ақша жұмсамаңыз. Әйтпесе, көп шығынға ұшырауыңыз мүмкін. Түстен кейін барлық ісіңіз алға басады. Демалыс болса да жұмысқа бір мезгіл көңіл бөліңіз. Достарыңызбен қарым-қатынасыңызды үзіп алмаңыз
Балықтар
Бүгінгі күн құбылмалы болмақ. Ұжымдастармен сөзге келіп қалудан сақтаныңыз. Қаражатыңызға да мығым болғаныңыз жөн. Сыртыңыздан әңгіме тасушылар көп. Тек жақын адамдарыңызға ғана сенім артыңыз.

Жұлдыздар не дейді?

<a href="https://kyzylorda-news.kz/">Kyzylorda-news.kz.</a> ҚР БҒМ Мектепке дейінгі және орта білім комитетінің төрағасы Майра Мелдебекова оқушылар IV тоқсанның жиынтық бағалауын (ТЖБ) қашан тапсыратынын айтты.
<blockquote>
 «Бөлім бойынша жиынтық бағалау (БЖБ) өткізу мерзімі аптасына 2 және одан көп сағатты құрайтын пәндер бойынша 4-11 мамыр аралығында өтеді. Жалпы, біз мұның алдында Білім және ғылым министрлігінің №135 бұйрығында 4-8 мамыр деп белгілеген едік. Қазір мерекелік даталарға сәйкес келуіне байланысты 11 мамырға дейін ұзарттық. Аптасына бір сағатты құрайтын оқу пәндері бойынша 11-15 мамыр аралығында және 1-10 сыныптарда тоқсандық бақылау, сонымен қатар 11-сыныптарда бақылау жұмысы 18-22 мамыр аралығында өтеді. Жалпы, БЖБ және ТЖБ тапсырмаларының барлығын мұғалімдер өздері өткен тақырып бойынша дайындайды», – деді Майра Мелдебекова онлайн-сұхбат барысында.
</blockquote>
Оның айтуынша, оқу пәндері бойынша 1-10 сыныптарда жүргізілетін жиынтық бақылау кестесін әрбір білім беру ұйымы жеке дайындайды.
<blockquote>
 «БЖБ өткізу уақытын 20 минут, ТЖБ уақытын 40 минут деп белгілеп отырмыз. Сонымен қатар 1-4 сынып оқушыларымыз жас ерекшеліктеріне қарай, технологияларды әлі де толық меңгермеуіне байланысты уақыт шектелмейді. Ата-аналарға да, оқушыларға да айтарымыз, қазіргі сабақ барысы, қашықтан оқыту жүйесі қалай өтіп жатса, БЖБ да, ТЖБ да солай өтеді», – деді комитет төрағасы.
</blockquote>

Оқушылар IV тоқсанның жиынтық бағалауын қашан тапсырады?

<a href="https://kyzylorda-news.kz/">Kyzylorda-news.kz</a>. Өңірлік әкімдерге аула алаңдары мен саяжай алқаптарының халыққа қолжетімділігін қамтамасыз ету тапсырылды. Бұл туралы ҚР Премьер-Министрі Асқар Маминнің төрағалығымен өткен ҚР Президенті жанындағы Төтенше жағдай режимін қамтамасыз ету жөніндегі мемлекеттік комиссияның кезекті отырысында айтылды.
Облыстардың, сондай-ақ Нұр-Сұлтан, Алматы және Шымкент қалаларының әкімдеріне биылғы 27 сәуірден бастап өңірлік штабтар әзірлеген ережелерге сәйкес аула алаңдары мен саяжай алқаптарының халыққа қолжетімділігін қамтамасыз ету тапсырылды.
<blockquote>
 «Әкімдерге қоғамдық орындарды, өнеркәсіптік аумақтарды, әуежайлар мен балалардың ауладағы ойын алаңдарын сапалы түрде санитарлық өңдеуге, жалпы, санитарлық-эпидемиологиялық талаптарды қатаң сақтап, оған бақылау орнатуға ерекше көңіл бөлуді тапсырамын»,&nbsp;— деді А. Мамин.
</blockquote>
Сонымен қатар, отырысқа қатысушылар қазақстандықтарды шет елдерден елге жеткізу, ХҚКО-лар жұмысының жаңа форматын енгізу және т. б. мәселелерді қарастырды.

Президент тапсырмасы: 27 сәуірден бастап аула алаңдары мен саяжайлар халыққа қолжетімді болады

<a href="https://kyzylorda-news.kz/">Kyzylorda-news.kz.</a> Қызылорда облысы әкімінің орынбасары Бақыт Жаханов аймақ басшысының тапсырмасы бойынша Қармақшы, Жалағаш және Сырдария аудандарына барды. Онда ауыл шаруашылығы құрылымдарының өкілдерімен кездесу ұйымдастырылды. Бұл туралы облыстық ауыл шаруашылығы басқармасы хабарлады.
Сырдария ауданындағы «Жамбыл 2030» серіктестігінің егіс алқабында көктемгі дала жұмыстары қарқынды жүргізілуде. Еңбеккерлермен кездесуде облыс әкімінің орынбасары соңғы кездері дала өртінің жиілегендігін, сондықтан шаруашылық құрылымдары алдын алу шараларына мұқият қарау қажеттігін тапсырды.
Ал аудандағы «Шаған-Жер» серіктестігінің 3000 басқа арналған мал бордақылау алаңы мен ет өңдеу цехы толық қуатта жұмыс істемей тұр. Біріншіден бордақыланатын мал басы жеткіліксіз. Сондықтан өңдеу саласы ілгері баспай келеді. Б.Жаханов аудан басшылығы мен серіктестік директорына шаруашылық жұмысын жандандыру мақсатында жаңа ұсыныстар әзірлеу қажеттігін ескертті.
Сонымен қатар, облыс әкімінің орынбасары Жалағаш ауданындағы «Агрохолдинг Кызылорда» серіктестігінің элеваторына барды. Онда күріш ақтау жұмыстарымен танысты. Компания облыстың күріш егетін 30-дан астам шаруашылығын фьючерстік негізде 618 млн. теңгеге қаржыландырған.
Бұдан бөлек, Б.Жаханов аудандағы жылыжай кешені, «Ер Әлі», «Таң ЛТД» шаруашылықтарына барды.
«Ер Әлі» шаруа қожалығының егіс алқабында дән себу жұмыстары жүргізілуде. Серіктестік жеміс ағаштарын егуді қолға алған. Тамшылатып суару әдісі қолданылатын 5 гектер алма бағы биыл алғашқы өнімін бермек.
«Таң ЛТД» серіктестігі де жаңадан салынған мал сою пункті мен ет консервілеу цехының өндірісін арттырмақ. Күніне 300-ден 500 келіге дейін дайын консервіленген өнім шығаруға мүмкіндігі бар.
Облыс әкімінің орынбасары Қармақшы ауданындағы құс фабрикасының құрылысымен де танысты. Өндіріс жыл соңында іске қосылуы тиіс.
Б.Жаханов сапарын аудандағы «Достық и К» серіктестігінде қорытындылады. Облыстың ауыл шаруашылығы құрылымдарына бар жағдай жасалғанын атап өтті.
Аймақ басшысының тапсырмасы бойынша егіс егу жұмыстарына қажетті дизель отыны және тұқым, тыңайтқыштар жеткізілген.
«Демек, күз айларында қырманды астыққа толтырып, жоспар асыра орындалуы тиіс», – деді облыс әкімінің орынбасары.
<img src="https://kyzylorda-news.kz/wp-content/uploads/2020/04/zhahanov-kaz-1-1.jpg" alt="" />
<img src="https://kyzylorda-news.kz/wp-content/uploads/2020/04/zhahanov-kaz-2-1.jpg" alt="" />
<img src="https://kyzylorda-news.kz/wp-content/uploads/2020/04/zhahanov-kaz-3-1.jpg" alt="" />

Бақыт Жаханов аудандардағы ауыл шаруашылығы құрылымдарын аралады (ФОТО)

<a href="https://kyzylorda-news.kz/">Kyzylorda-news.kz.</a> Бүгін ел Президенті төтенше жағдайға байланысты халыққа мәлімдеме жасады. Мәлімдемеде халықтың қазіргі психологиялық, материалдық, экономикалық жағдайы сипатталған.
Әрбір жағдайға байланысты толығырақ тоқталып өтіп, шешу жолдары қарастырылуда екенін атап өтті. Бұл мәлімдеме халықтың біраз көкейіндегі сұрақтарға жауап берді. Себебі осы сұрақтармен күнделікті call-орталықтағы жұмыста да кездесіп жататынымыз рас.​
Төтенше жағдай кезінде қаншама мамандардың халықтың амандығы үшін жұмыс жасап жатырған еңбегін де айрықша айтып өтті. Біздің амандығымыз үшін дезинфекцилар жүргізіліп, үйден жұмыс жасауымызға жағдайлар жасалуда, жұмыссыз қалған азаматтарға материалдық, азық түліпен көмектер берілуде. Бұл көмектерді жаңалықтардан, әлеуметтік желілерден көрудеміз.
Президентіміз айтып өткендей адам өмірінен артық ешнәрсе жоқ. Таразының бір жағында өзіміздің, жақындарымыздың өмірі тұрғанда, екінші жағына ешқандай қауіпті қоймай, карантин уақытын аман-есен аяқтап, жақындарымызбен қауышайық!
​Сымбат АБДРАХМАНОВА,
психолог, аудармашы,
«100 жаңа есім» жобасының жеңімпазы

Сымбат Абдрахманова: Мемлекет басшысы халыққа дер кезінде үн қатты

<a href="https://kyzylorda-news.kz/">Kyzylorda-news.kz.</a> Қызылордада 20&nbsp;122 шағын және орта кәсіпкерлік субъектісі 6 айға салықтық төлемдерден босатылды. Бұл туралы Кәсіпкерлер палатасының директоры Ғалымбек Жақсылықов айтты.
Президенттің экономиканы тұрақтандыруға қатысты берген тапсырмасына сәйкес 20 сәуірде Үкіметтің қаулысы шықты. Аталмыш қаулы аясында кәсіпкерлік субъектілері бірқатар салық түрлерінен босатылып, мемлекеттік қолдауға ие болды.
Атап айтқанда, микро, шағын және орта кәсіпкерлік субъектілері 29 экономикалық қызмет түрлерінің жалпы жіктеуіші (қазақ тілінде ЭҚЖЖ, орыс тілінде ОКЭД) бойынша 1 сәуірден бастап 1 қазанға дейінгі мерзімге, ал ірі кәсіпкерлік субъектілері 10 ЭҚЖЖ (ОКЭД) бойынша 2020 жылғы 1 сәуірден бастап 1 шілдеге дейінгі мерзімге төлем көзінен ұсталатын жеке табыс салығынан, жеке практикамен айналысатын тұлға дербес төлейтін жеке табыс салығынан, дара кәсіпкердің өзі үшін төлейтіндерін қоспағанда, әлеуметтік салықтың, міндетті зейнетақы жарналарының, міндетті кәсіптік зейнетақы жарналарының, әлеуметтік аударымдардың, міндетті әлеуметтік медициналық сақтандыруға жарналардан босатылды.
Сонымен қатар, 2019 жылғы міндеттемелер бойынша салық есептілігі нысандарын тапсыру мерзімі 2020 жылғы 31 наурыздан 2020 жылғы 31 мамырға ауыстырылды.
Осы ретте, облысымыздың микро, шағын және орта кәсіпкерлік субъектілерінің барлық салықтар мен бюджетке төленетін басқа да міндетті төлемдері, сондай-ақ әлеуметтік төлемдер бойынша төлеу мерзімдері 2020 жылдың 1 маусымына дейін ұзартылды.
Сонымен қатар, облыстық кірістер департаментінің ақпараты бойынша аймақта бүгінгі күнде 20&nbsp;122 шағын және орта кәсіпкерлік субъектісі 2020 жылдың 1 сәуірі мен 1 қазаны аралығында бірқатар салық төлемдерінен босатылды.
Атап өтетін болсақ:
– 501 кәсіпкер мүлік салығынан;
– 47 ауылшаруашылығы өнімін өндірушу кәсіпкер жер салығынан;
– 3&nbsp;745 кәсіпкер әлеуметтік салықтардан;
– 1&nbsp;603 кәсіпкер жалақыдан төленетін жеке табыс салығынан;
– 7&nbsp;171 кәсіпкер міндетті зейнетақы жарнасынан;
– 7&nbsp;055 кәсіпкер әлеуметтік аударымдардан босатылды.
Назарларыңызға 1 сәуірден 1 қазанға дейін салықтан босатылған кәсіпкерлік субъектілерінің тізімін ұсынамыз (29 ЭҚЖЖ/ОКЭД):
45.11.2 – Сауда алаңы 2000 ш.м. кем сауда объектілерінде автомобильдерді және жеңіл автокөлік құралдарын бөлшек саудада сату
45.11.3 – Сауда алаңы 2000 ш.м. астам (2000 ш.м. және одан үлкен) сауда объектілерінде автомобильдерді және жеңіл автокөлік құралдарын бөлшек саудада сату
45.20 – &nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; Автомобильдерге техникалық қызмет көрсету және жөндеу
45.32.1 – Сауда алаңы 2000 ш.м. кем сауда объектілерінде автомобильдерге арналған бөлшектерді, тораптар мен керек- жарақтарды бөлшек саудада сату
45.32.2 – Сауда алаңы 2000 ш.м. астам (2000 ш.м. және одан үлкен) сауда объектілерінде автомобильдерге арналған бөлшектерді, тораптар мен керек-жарақтарды бөлшек саудада сату
47 – Автомобильдер мен мотоциклдер саудасынан басқа, бөлшек сауда (дәріханаларды және азық-түлік өнімдерін, сусындар мен темекі бұйымдарын бөлшек саудада сатуды қоспағанда)
49.4 – Жүк автомобиль көлігінің қызметі және көшу бойынша қызметтер ұсыну
51.10&nbsp; – Әуе жолаушылар көлігінің қызметі
52.23.2 – Әуежайлар қызметі
55.10 – Қонақ үйлердің және тұруға арналған ұқсас орындардың қызметтерін ұсыну
56.10&nbsp; – Мейрамханалар қызметі&nbsp;&nbsp;&nbsp;&nbsp;&nbsp;&nbsp;&nbsp;&nbsp; және&nbsp; тамақ өнімдерін жеткізу жөніндегі қызметтерді ұсыну
58.2 – Бағдарламалық қамтылымды шығару
59.14 – Кинофильмдерді көрсету жөніндегі қызмет
62.01 – Компьютерлік бағдарламалау саласындағы қызмет
68.20&nbsp; – Меншікті немесе жалға алынған жылжымайтын мүлікті жалға беру және басқару (дәріханаларды және азық-түлік өнімдерін, сусындар мен темекі бұйымдарын бөлшек саудада сатуды қоспағанда, сауда желілері мен стационарлық сауда объектілері, меншікті жылжымайтын мүлікті жалға беру және басқару, коммерциялық үй-жайларды (сауда-ойын- сауық орталықтары, сауда объектілері) жалға беру
69.10&nbsp; – Құқық саласындағы қызмет (заң консультанттары, жеке практикамен айналысатын тұлғалар: нотариустар, адвокаттар, жеке сот орындаушылары, медиаторлар, оның ішінде өзі үшін туындаған міндеттемелер бойынша қызметкерлер болмаған жағдайда)
70.22 – Коммерциялық қызмет мәселелері бойынша консультация беру және басқару мәселелері бойынша басқа да консультациялар беру
71.20.1 – Санитариялық-эпидемиологиялық ұйымдардың қызметі
79.1 – Туристік агенттіктер мен операторлардың қызметі
85.10 – Мектепке дейінгі білім беру (жеке меншік мектепке дейінгі (бастауышқа дейінгі) білім беру)
85.20 – Бастауыш білім беру (халықаралық мектептерді қоспағанда, жеке мектептер)
85.30&nbsp; – Орта білім беру (халықаралық мектептерді қоспағанда, жеке мектептер)
86.10 – Аурухана ұйымдарының қызметі (жеке ұйымдар)
86.10.3 – Санаторийлік-курорттық ұйымдардың қызметі
86.2&nbsp;&nbsp;&nbsp; – Дәрігерлік практика және стоматология саласындағы қызмет (жеке ұйымдар)
90.04&nbsp; – Концерттік және театр залдарының қызметі
93.13 – Фитнес-клубтардың қызметі
96.01&nbsp; – Тоқыма және үлбір бұйымдарын жуу және химиялық тазалау
96.02 – Шаштараз және сұлулық салондарының қызмет көрсетуі.
1 сәуірден 1 шілдеге дейін салықтан босатылған кәсіпкерлік субъектілерінің тізімін ұсынамыз (10 ЭҚЖЖ/ОКЭД):
45.11.2 – Сауда алаңы 2000 ш.м. кем сауда объектілерінде автомобильдерді және жеңіл автокөлік құралдарын бөлшек саудада сату
45.11.3 – Сауда алаңы 2000 ш.м. астам (2000 ш.м. және одан үлкен) сауда объектілерінде автомобильдерді және жеңіл автокөлік құралдарын бөлшек саудада сату
45.20.1 – Жол бойындағы белдеулерде орналасқан техникалық қызмет көрсету станциялары көрсететіндерден басқа, автомобильдерді жөндеу және техникалық қызмет көрсету
45.32.1 – Сауда алаңы 2000 ш.м. кем сауда объектілерінде автомобильдерге арналған бөлшектерді, тораптар мен керек- жарақтарды бөлшек саудада сату
45.32.2 – Сауда алаңы 2000 ш.м. астам (2000 ш.м. және одан үлкен) сауда объектілерінде автомобильдерге арналған бөлшектерді, тораптар мен керек-жарақтарды бөлшек саудада сату
47 – Автомобильдер мен мотоциклдер саудасынан басқа, бөлшек сауда (дәріханаларды және азық-түлік өнімдерін, сусындар мен темекі бұйымдарын бөлшек саудада сатуды қоспағанда, ірі сауда желілері және стационарлық сауда объектілері, сауда алаңы 2000 ш.м. астам сауда объектілері болып табылатын мамандандырылмаған дүкендердегі өзге де бөлшек сауда)
51.10&nbsp; – Әуе жолаушылар көлігінің қызметі
55.10&nbsp; – Қонақ үйлердің және тұруға арналған ұқсас орындардың қызметтерін ұсыну
56.10&nbsp; – Мейрамханалардың қызметі және тамақ өнімдерін жеткізу жөніндегі қызметтерді ұсыну
68.20 – Меншікті немесе жалға алынған жылжымайтын мүлікті жалға беру және басқару (дәріханаларды және азық-түлік өнімдерін, сусындар мен темекі бұйымдарын бөлшек саудада сатуды қоспағанда, сауда желілері мен стационарлық сауда объектілері, меншікті жылжымайтын мүлікті жалға беру және басқару, коммерциялық үй-жайларды (сауда-ойын-сауық орталықтары, сауда объектілері) жалға беру.

Қызылордада 20 мың кәсіпкер салықтан босатылды

<a href="https://kyzylorda-news.kz/">Kyzylorda-news.kz</a>. Қызылорда облысында коронавирустық инфекциядан жазылған науқастардың саны 110 адамға жетті. Індеттен айыққандардың қатарына соңғы қосылған науқастар – Сырдария және Шиелі ауданының тұрғындары.
27 сәуір 17:05-тегі&nbsp;ақпарат бойынша Қызылорда облысында тағы 2 адам қауіпті індеттен жазылып шыққан. Олар – Сырдария және Шиелі аудандарынан.
Осылайша коронавирустық инфекциядан жазылғандар саны өңірде 110 адамға жетіп отыр.
Аталған науқастардан 2 реттен сынама тест алынып, бәрі теріс мәнді нәтиже көрсеткен.
Олар алдағы 14 күнде дәрігерлердің бақылауында болады.

Қызылордада қауіпті дерттен жазылған науқастар саны 110-ға жетті

<a href="https://kyzylorda-news.kz/">Kyzylorda-news.kz.</a> Қызылорда облысы Полиция департаментінің Есірткі қылмысына қарсы іс-қимыл басқармасы прокуратура органдарының бастамасымен жедел-іздестіру шараларын жүргізу барысында есірткі заттарын заңсыз сақтап, тасымалдаған Шиелі ауданының тұрғынын ұстады.
Ұсталған 47 жастағы азамат газет қиындысына оралған жасыл түсті өзіне тән ерекше иісі бар ұнтақтарды 2000 теңгеге сатқан. Сараптама қорытындысына сәйкес, газет қиындысына оралған жасыл түсті өзіне тән ерекше иісі бар ұнтақтың жалпы салмағы 3,56 грамм кептірілген «марихуана» &nbsp;екендігі анықталды.
Бұл азаматтың жұмыс орнын тексеру барысында 14 дана газет қиындыларына оралған есірткіге ұқсас заттары бар &nbsp;орамалар табылды.
Сонымен қатар, азаматтың мекен-жайын тінту барысында үйінен &nbsp;12 дана газет қиындыларына оралған есірткіге ұқсас заттар алынып, сараптама қорытындысына сәйкес алынған заттардың жалпы салмағы 99,33 гр. «кептірілген марихуана» екендігі белгілі болды.&nbsp;
<blockquote>
 «Бүгінгі таңда бұл дерек бойынша Қазақстан Республикасы Қылмыстық кодексінің 297-бабының 1 бөлігіне сәйкес (Есірткі, психотроптық заттарды, сол тектестерді өткізу мақсатында заңсыз дайындау, қайта өңдеу, иемдену, сақтау, тасымалдау, оларды жөнелту не өткізу) және 269 бабының 3 бөлігімен (Ірі мөлшердегі есiрткi, психотроптық заттарды, сол тектестерді өткізу мақсатынсыз заңсыз дайындау, қайта өңдеу, иемдену, сақтау, тасымалдау) сотқа дейінгі тергеп-тексеру амалдары жүргізілуде», – деп мәлімдеді облыстық Полиция департаментінің баспасөз қызметі.
</blockquote>
Күдікті уақытша ұстау изоляторына қамауға алынды.

«Газет қиындысына орап, 2000 теңгеден сатқан»: Қызылордада есірткі затын заңсыз сатқан тұрғын ұсталды

<a href="https://kyzylorda-news.kz/">Kyzylorda-news.kz.</a> Бүгін Мемлекет басшысы Қасым-Жомарт Тоқаевтың мәлімдемесі жарияланды. Онда Президент бүгінде әрбір қазақстандықтың қауіпсіздігі үшін еліміздегі төтенше жағдай режимі 11 мамырға дейін созылатынын жеткізді.
Бұл орын алып отырған қазіргі қиындықтардан туындаған жайт. Өкінішке орай індеттің шарықтау шегі әлі өткен жоқ. Бір сәтте карантиндік шараларды алып тастаған жағдайда осы уақытқа дейін қол жетізген жетістіктеріміздің бәрі, нақты айтқанда вирустың тарау жағдайын бақылауда ұстау зая болады және ауруға шалдығудың жаңа толқынымен бетпе-бет келеміз.
Дегенмен, коронавирустың таралуымен байланысты ахуал бақылауда тұрған облыстарда және қалаларда карантин режимі жеңілдетілуі мүмкін.
Ең алдымен өнеркәсіптік кәсіпорындар, банктер мен халыққа қызмет көрсету орталықтары жаңа жұмыс режиміне көшеді.
Балалардың ойын алаңдарына шығуы, саяжай иелеріне учаскеде көктемгі дала жұмыстарын жүргізуге рұқсат беру және халықтың тұрмыс-тіршілігін ұйымдастырудың өзге де маңызды мәселелері талқыланып жатыр.
Сондықтан ешкім де мемлекеттің назарынан тыс қалмайды. Президенттің тікелей тапсырмасы бойынша азаматтарға қолдау көрсету үшін бюджеттен және Ұлттық қордан қаражат бөлінуде. Мемлекет басшысы осы айтылған мәселелердің оң шешілуін үнемі бақылауда ұстап отыр.
Сондай-ақ, Мемлекет басшысы мектептер мен колледждер, жоғары оқу орындары үшін қашықтықтан оқу режимі сақталатынын айтты. Расымен, біз бірінші кезекте балалардың жағдайын, олардың денсаулығына баса назар аударуымыз қажет. Сонда ғана бұл кеселдің алдын алып, оның одан әрі белең алуына тосқауыл бола аламыз.
Қазіргі таңда «Болашақ» университеті 16 наурыздан бастап қашықтықтан оқыту технологиясы арқылы оқу үдерісін сәтті ұйымдастырып келеді. Келесі аптадан бастап онлайн режимде емтихан сессиялары мен 11 мамырдан бастап мемлекеттік аттестаттау комиссиялары жұмысы басталады. Қазіргі таңда аймақтық «Қоғам ТВ» телеарнасы арқылы «Болашақ» сабақтары айдары да өз жұмысын белсенді жүргізуде.
Мұның барлығы Мемлекет басшысының халық денсаулығын сақтау жолында қойылған міндеттердің бірі де бірегейі.
Біз, жоғары оқу орындары профессор-оқытушылары мен білім алушылары еліміздің амандығы мен қауіпсіздігі үшін шығармашылық қабілетті арттыруда үлкен мәні зор қашықтықтан оқыту технологиясы арқылы оқу үдерісін төтенше жағдай кезінде жүргіземіз.
Мен Мемлекет басшысының бұл шешімін толық қолдаймын.
Қуаныш ДӘУРЕНБЕКОВ,
«Болашақ» университетінің ректоры.

Қуаныш Дәуренбеков: Бізді толғандырған сауалдарға толыққанды жауап берді

<a href="https://kyzylorda-news.kz/">Kyzylorda-news.kz.</a> Шағын және орта бизнестің субъектілері 2020 жылдың 1 сәуірінен 1 қазанына дейін, ал ірі бизнестің кейбір субъектілері 2020 жылдың 1 шілдесіне дейін міндетті әлеуметтік медициналық сақтандыру төлемдерінен босатылды. Мұндай шараларды мемлекет төтенше жағдай кезінде кәсіпкерлерге қолдау көрсету үшін қабылдады.
<blockquote>
 «Яғни, олар жұмыс беруші ретінде 2% мөлшерінде аударымдарды төлемейді, сондай-ақ өз қызметкерлерінің жалақысынан 1% жарналарды ұстамайды. Осылайша, 1 миллионға жуық азамат МӘМС ақы төлеуден босатылды – бұл осы салалардағы қызметкерлердің жалпы саны. Алайда, олардың барлығы қажетті медициналық көмекті толық көлемде алуы тиіс, олар үшің Қор төлейді», – деп хабарлады «Әлеуметтік медициналық сақтандыру қоры» КЕАҚ Қызылорда облысы бойынша филиалының директоры Бақыт Исмаханбетов.
</blockquote>
Салықтар мен әлеуметтік төлемдерге «нөлдік» мөлшерлемені қолданатын субъектілердің тізімі бекітілді. Бұл сауда, көлік және техникалық қызметтер, білім беру, медицина, туризм, мейрамхана және қонақ үй бизнесі, ойын-сауық, бағдарламалық қамтамасыз ету және фитнес субъектілері.
Қаулыда көрсетілген санаттарға кірмеген бизнестің субъектілеріне МӘМС жарналар мен аударымдарды төлеу мерзімі 2020 жылдың 1 маусымына дейін шегерілді.
Жеке кәсіпкерлер де жеңілдік алды. Оларға 2020 жылдың 1 қазанына дейін өз қызметкерлері үшін аударымдарды төлеудің және жалақыларынан жарналарды ұстаудың қажеті жоқ. Алайда, өзі үшін төлеу керек – төлеу мерзімі 2020 жылдың 1 маусымынан кейінге ұзартылған.
«Заң жарналар мен аударымдардан бас тартуға мүмкіндік бермейді. Сондықтан 1 қазанға дейін бизнестің субъектілерінде төленбеген кезең бойынша қарыз пайда болады. Осыған байланысты «босатылған» кызметкерлерге қарызды есептемейтін заңды нормасын енгізу туралы ұсыныстарға Қор бастамашылық болып отыр. Осы қиын кезеңде осылайша Қор азаматтарға қолдау көрсеткісі келеді. Қазір бұл өзгертулердің өңдеу жұмыстары жүргізілуде, оларды үкімет қарайды», – деп түсіндірді Қор филиалының басшысы.
Сонымен қатар, Қор БЖТ төлеушілер санының өсуін атап өтті, өйткені оны төлеу өзін-өзі жұмыспен қамтығандар үшін 42 500 теңге мөлшерінде әлеуметтік жәрдемақы алу шарты болып табылады.
<blockquote>
 «Табыссыз қалған және ресми түрде жұмыс істемейтін азаматтар қала тұрғындары үшін 2 651 теңге және ауыл тұрғындары үшін 1 325 теңге көлемінде бірыңғай жиынтық төлемді жасап, жәрдемақы алу үшін өтінім беріп, әлеуметтік медициналық сақтандыру жүйесінің мүшесі бола алады. Осыған байланысты БЖТ төлеушілердің саны 85 мыңнан (1 сәуірге дейін төлегендер) 1,8 миллион азаматқа дейін ұлғайды. Алайда, міндетті медициналық сақтандыру жүйесінде медициналық көмек алу үшін төлемдерді үнемі жасап тұру керек (сақтандырылушының мәртебесін алу үшін кемінде 3 ай)», – деп қосты Б.Исмаханбетов.
</blockquote>
Айта кетейік, қазір Қазақстанда сақтандырылмағандардың үлесі шамамен халықтың 15% құрайды. Алайда, 2020 жылдың 1 шілдесіне дейін мүлдем барлық азаматтар шартты сақтандырылған болып саналады және медициналық көмекті толық көлемінде алуы тиіс.
<blockquote>
 «Әлеуметтік медициналық сақтандыру қоры» КЕАҚ Қызылорда облысы бойынша филиалдың халықты ақпараттандыру және өтініштерді қарау жөніндегі бөлімі
</blockquote>

МӘМС жүйесінде «салықтық демалыстар» кімдерге көзделген?

<a href="https://kyzylorda-news.kz/">Kyzylorda-news.kz.</a> Қызылорда қаласының әкімі Нұрлыбек Нәлібаев қалаға қарасты Ақжара ауылдық округінің «Мағжан и К» ЖШС егіс алқабында алғашқы дән сеуіп, диханшыларға сәттілік тілеп, күріш егу науқанын бастады.
Көктемгі егіс науқанының жүргізілу барысы туралы қалалық ауылшаруашылық бөлімінің басшысы Даулетбек Әбдірасулов қала бойынша көктемде ерте егілетін бидай, арпа, жоңышқа, т.б. егілгендігін, сонымен бірге егіске қажетті тыңайтқыштардың, жанар-жағар маймен қамтамасыз етілуі, көктемгі дала жұмыстарының қажетті техникалары егін егу жұмыстарына толық дайын екенін жеткізді.
<blockquote>
 «Абзал и К» толық серіктестігінің директоры Мағжан Ералиев көктемгі егін науқанының жұмыстары талапқа сай жүргізіліп жатқанын, жылдық өнім 60-65 центнер/га, яғни жалпы ауданы 748 га болатын, оның ішінде 120 га бидай, 158 га ескі жоңышқа егілсе, 470 га алқабына күріш егілетіндігін жеткізді.
 «Өткен аптада облыс әкімі Гүлшара Наушақызы Сырдария ауданының егіс алқабында алғашқы дән сеуіп, жаппай күріш егу науқанын бастаған болатын. Биылғы жылдан бастап күріш дақылы егісін тұрақтандырып, басқа да дақылдардың көлемін ұлғайтуымыз қажет деген», – шаһар басшысы Нұрлыбек Нәлібаев бірқатар мәселелерді қазірден бастап шешу керектігін сала мамандарына ескертті.
</blockquote>
Бірінші кезекте, жұмыстың агротехникалық талаптарға сай жүргізілуін, Үкімет тарапынан беріліп жатқан жеңілдіктерді тиімді пайдалану қажеттігін жеткізе отырып, диқандармен пікірлесті. Қазіргі уақытта Сырдария өзеніндегі жағдай тұрақты. Дегенмен, биылғы жылы су қоймаларында жиналған су көлемін ұдайы бақылауда ұстау керектігін айтты.
Алғашқы күріш егу науқанында еңбек ардагері Серік Сейтназаров шаруаларға ақ батасын берді.
<blockquote>
 Жалпы биыл, көктемгі дала жұмыстарына дайындық жұмыстары белгіленген жоспарға сәйкес жүргізілуде. Қала бойынша 7395 гектар жерге ауыл шаруашылық дақылдарын орналастыру межеленген.
 Қазіргі таңда төтенше жағдайға қарамастан шаруашылықтар бойынша ерте көктемде егілетін жаздық бидай 292 га, жаздық арпа 20 га, сұлы 5 га, мақсары 40 га, жаңа жоңышқалар 356 га мен сорга 80 га дақылы егілді. Барлығы: 793 гектар құрап отыр. Кестеге сәйкес негізгі күріш 3033 га дақылын егу жұмыстарын 27 сәуірден бастап, 30 мамырға дейін аяқтау жоспарлануда. Сонымен қатар, 600 гектар картоп, 1086 гектар көкөніс, 877 гектар бақша дақылдары егіледі. Егін егу науқанына қажетті барлығы 705 тонна дизель отыны бағасы литрі 162 теңге Үкіметтің қолдауымен ауылшаруашылық тауарын өндірушілеріне арзандатылған бағада жеткізілуде. Наурыз айына бөлінген 185 тонна жеңілдетілген дизель отыны ауыл шаруашылығы құрылымдарына толығымен жеткізілді. Бүгінгі күнге дейін су шаруашылығы нысандарын дайындау, су жүйелерін тазарту жұмыстары толығымен 100 пайызға орындалды.
</blockquote>
<img src="https://kyzylorda-news.kz/wp-content/uploads/2020/04/02-39.jpg" alt="" />
<img src="https://kyzylorda-news.kz/wp-content/uploads/2020/04/03-38.jpg" alt="" />
<img src="https://kyzylorda-news.kz/wp-content/uploads/2020/04/04-24.jpg" alt="" />
<img src="https://kyzylorda-news.kz/wp-content/uploads/2020/04/05-13.jpg" alt="" />
<img src="https://kyzylorda-news.kz/wp-content/uploads/2020/04/06-12.jpg" alt="" />

Қала әкімі диханшыларға сәттілік тіледі (ФОТО)

<a href="https://kyzylorda-news.kz/">Kyzylorda-news.kz.</a> Мемлекет басшысы Қасым-Жомарт Тоқаевтың бүгінгі мәлімдемесі көптің көкейіндегі сауалдарға жауап берді. Қазіргідей күрделі кезең ешкімге де оңай соғып тұрған жоқ.
Соған қарамастан елімізде халықтың жағдайы үшін барлық шаралар қабылданып, оң шешімдер жүзеге асуда. Президент өз мәлімдемесінде мұндай шаралардың әлі де жалғасын табатынын айтты.
Мәселен, осы уақытқа дейін 4 миллион 250 мың азаматқа қаржылай көмек көрсетілсе, 570 мыңнан астам адамға азық-түлік таратылған. Сәуір-мамыр айларында 1,6 миллионнан астам адамға коммуналдық төлем үшін көмек көрсетілетіндігін жеткізді. Сондай-ақ, індетпен күрестің алдыңғы шебінде жүрген дәрігерлерге қаржылай қолдаудың көрсетілуі, 11,5 мың шағын және орта бизнес өкілі несиелерін кейін төлеуге мүмкіндік алуы, 700 мыңнан астам компания мен жеке кәсіпкерге салықтық жеңілдіктердің жасалуы елге көрсетілген үлкен қолдау.
Себебі, қазіргі күні барлық салада жұмыс тоқтап тұр. Қалыпты жағдайға көше бастағанда, қаржылық дағдарысқа байланысты оларда жұмысшы санының қысқару жағдайы орын алуы мүмкін. Алайда, мемлекет осы мәселенің алдын-алуға бар күш жігерін салып жатыр. Бұл – халықтың алдағы күнге деген сенімін тудыруда.
Ендігі жерде бізде еліміздің аяққа тұрып кетуі үшін бар күш жігерімізді салып, қолдау көрсетуіміз керек. Біздің қолдау – карантин шараларын сақтау. Мұны халық түсіністікпен қабылдайды деп білемін. Бұл ретте біз халықпен біргеміз.
Елена КИМ,
Қызылорда облыстық «Қазақстан кәрістер ассоциациясы» қоғамдық бірлестігінің жетекшісі.

Қазақстан және Қызылорда облысының жаңалықтары