<a href="https://kyzylorda-news.kz/">Kyzylorda-news.kz.</a>&nbsp;Мыс бұйымның коронавирусты жоятыны анықталды. Бұл туралы <a href="https://egemen.kz/article/230236-mys-buyymnynh-koronavirusty-dgoyatyny-anyqtaldy">“Егемен Қазақстан”</a> газетінде жарияланды.
Тұмау жұқтыратын бактериялар сарыжағал стафилококк немесе коли ыдыстары т.б бұйымдардың сыртына жұққан жағдайда 4-5 тәулік жойылмай тұра алады.
Ал мыс бұйымдар мұндай вирустарды бірнеше минуттың ішінде жойып жібереді. Естеріңізде болса бұрынғы апаларымыз мыс бұйымнан білезік, жүзік тағып, денсаулығын күтетін. Сол сияқты мұсылманшылықтың әдебі бұзылмаған елдерде, барлық дәрет құралдары мыстан жасалынатын болған. Оған қазіргі таңда музейлерде тұрған мыс құмандар мен легендер дәлел болмақ.
Мыстың химиялық қасиетін ұзақ уақыт зерттеумен айналысқан Саутхемптон универстетінің профессоры Билл Кээвил «мыс вирусты дереу жоятындықтан оның мутациялануына жол бермейді, өйткені мыстың сыртындағы ионды қабаты жойғыш қабілетке ие. Сондықтан емханалардағы барлық тұтыну құралын мыстан жасаған дұрыс» дейді.
Бұндай ойды 1983 жылы Питтсбург қаласында орналасқан Хамот зерттеу орталығында тәжірибе жасаған дәрігер Филлис Ж.Күн атты маманда айтқан болатын.
АҚШ қазір таза суды мыс ыдыспен таситын тәртіпке көшті. Мыстың осындай қасиеті коронавирусты да жою қабілетіне ие екен. Бұл ақпарат бір-екі күн бұрын ZGM.mn сайтында жарияланды.

Мыс бұйымның коронавирусты жоятыны анықталды

<a href="https://kyzylorda-news.kz/">Kyzylorda-news.kz</a>. ҚР Индустрия және инфрақұрылымдық даму министрлігі карантинге жабылған өңірлердегі халықтың жекелеген санаттарының коммуналдық шығыны үшін 15 мың теңгеден аударылатынын мәлім етті, деп хабарлайды <a href="https://lenta.inform.kz/kz/karantindegi-onir-turgyndary-kommunaldyk-shygyn-ushin-15-myn-tengeden-alady_a3639710">ҚазАқпарат</a>.
<blockquote>
 «Президент төтенше жағдай мен карантин уақытында тұрғындардың коммуналдық қызметке төлейтін ақысының мөлшерін азайту бойынша жүйелі шараларды әзірлеуді тапсырды. Оны орындау аясында ҚР Индустрия және инфрақұрылымдық даму министрлігі коммуналдық қызметті жеткізушілермен келісімшарты бар тұтынушылар үшін коммуналдық қызметті төлеуді қарастыратын тетік әзірледі», –&nbsp;<a href="https://t.me/miirkz/1985">деді министрліктен.</a>
</blockquote>
Нақтырақ айтқанда, карантин енгізілген өңірлерде әкімдіктер тұтынушылардың дербес (абоненттік) шоттарына 2 ай бойы 15 мың теңгеден аударып отырады. Мемлекеттік органдардың ұсынысы негізінде төлем алушылардың&nbsp;келесі санаттары айқындалған.&nbsp;Олар:
– 1, 2, 3 топ мүгедектері;
– мүгедек балаларды тәрбиелеп отырған отбасылар;
– көпбалалы отбасылар;
– ҰОС мүгедектері мен қатысушылары, ҰОС мүгедектері мен қатысушыларына теңестірілген тұлғалар;
– мемлекеттік немесе қоғамдық міндеттерін, әскери қызметін орындау барысында, ғарыш кеңістігіне ұшуға дайындық барысында немесе ұшу кезінде, адам өмірін құтқару және құқық тәртібін сақтау кезінде қаза тапқан тұлғалардың отбасылары;
– төмен және одан аз зейнетақы алатын зейнеткерлер;
– атаулы әлеуметтік көмек алатын азаматтар, оның ішінде жалғызбасты зейнеткерлер.
<blockquote>
 «Төлемді алу үшін тұтынушы ақпараттық жүйелер немесе call-орталық арқылы жеке сәйкестіндіру нөмірін, әлеуметтік дәрежесін және дербес шот деректерін көрсете отырып, әкімдікке өтінім беруі керек. Әкімдік ұсынылған деректерді тексеріп, мәліметтер рас болған жағдайда коммуналдық қызметтер тұтынушысының дербес (абоненттік) шотына қаржы аударады», – делінген хабарламада.
</blockquote>
Индустрия және инфрақұрылымдық даму министрлігі әкімдіктер тұтынушылардан өтінімдерді қабылдап, олардың растығын тексеруді дұрыстап ұйымдастыруы керектігін еске салып отыр.

Карантиндегі өңір тұрғындарына коммуналдық шығын үшін берілетін 15 мың теңгені кімдер алады?

<a href="https://kyzylorda-news.kz/">Kyzylorda-news.kz.</a> Арал аудандық «Арал теңізі обаға қарсы күрес станциясы» филиалында жол талғамайтын КАМАЗ автокөлігінің үстіне орналасқан мобильді автолаборатория іске қосылды. Автолабораторияда коронавирус инфекциясын анықтау үшін сынамалар зертханалық тексеруден өткізілуде.
Арал ауданының әкімі Мұхтар Оразбаев аталған лабораторияға барып, зертханалық тексеру жұмыстарының барысымен танысты. Аудан басшысы зертхана қызметкерлерімен кездесіп, алдағы жұмыстарына сәттілік тіледі.
Лабораторияда 3 дәрігер, 2 лаборант кезекшілікпен тәулік бойы жұмыс жасауда. 16 сәуір күні короновирус инфекциясын жұқтырған адамдармен байланыста болған 33 адамның сынамалары алғаш рет зерттеліп, барлығы теріс нәтиже көрсетті.
Сынамаларды зерттеу 3 кезеңнен тұрады. Алдымен сынамалар тіркеліп, қабылданып, сырты залалсыздандырылады. Екінші кезеңінде терезе арқылы лаборатория ішіне беріліп, тексеріледі. Ал үшінші кезеңде полимеразды тізбекті реакциясымен анықтайтын компьютерге қосылған «REALTAIM» ротержим құрал-жабдығы арқылы нәтижесі шығарылады. Сынама нәтижесі 5 сағат ішінде анықталады.
Зертхана барлық талаптарға сай келеді. Ішкі қабырғалары дезинфекциялық ерітінділер әсеріне төзімді пластикалық негіздегі материалдармен қапталған. Желдеткіш системасы арнаулы фильтрлі құрылғымен орналастырылған. 2 бөлмеде кварц жарығы, кондиционер, биологиялық қауіпсіздік шкафтары және жұмыс аяқталғаннан кейін пайдаланатын қолжуғыш пен себізгі бар.
Автокөлікте зертхананы тоқпен қамтамасыз ететін электроқозғалтқыш, су құюға арналған бөшке орналастырылған. 
Аталған мекемеге қарасты дәл осындай автолаборатория қазіргі таңда Шиелі ауданына беріліп, короновирус індетін анықтау үшін зерттеу жұмыстары жүргізілуде.
<img src="https://kyzylorda-news.kz/wp-content/uploads/2020/04/whatsapp-image-2020-04-17-at-20.15.52-1.jpeg" alt="" />
<img src="https://kyzylorda-news.kz/wp-content/uploads/2020/04/whatsapp-image-2020-04-17-at-20.15.52.jpeg" alt="" />
<img src="https://kyzylorda-news.kz/wp-content/uploads/2020/04/whatsapp-image-2020-04-17-at-20.15.51-1.jpeg" alt="" />

Аралда қауіпті індетті анықтайтын автолаборатория іске қосылды (ФОТО)

<a href="https://kyzylorda-news.kz/">Kyzylorda-news.kz.</a> Еңбек және халықты әлеуметтік қорғау министрі Біржан Нұрымбетов ведомствоға 42 500 теңгеге қатысты айтылған сынға жауап берді. Ол өзінің Facebook әлеуметтік желісіндегі парақшасында жазба жариялады, – деп хабарлайды&nbsp;<a href="https://kaz.tengrinews.kz/kazakhstan_news/42-500-tengen-kaytaru-enbek-ministr-vedomstvoga-aytyilgan-307511/">Tengrinews.kz.</a>
Жазба 42500 теңге алғаны үшін “соттайды екен” деген ақпарат туралы.
Министрдің айтуынша, біраз заңгер алаяқтық үшін қылмыстық жауапкершілік бар екені туралы мақала, не жазбалар жазып жүр. Барлығының көтерген мәселесі 42500 теңгеге қатысты.
<blockquote>
 “Заңгерлер болған соң заңды бізден артық біледі ғой. Олардікі дұрыс та шығар, бірақ бұл тек алаяқтарға қатысты. Сіз ондай емессіз ғой. Сіз ешкімді алдаған жоқсыз. Мен брифингтерімде, жазбаларымда айтқандай, өздеріңіз үшін – “мен жұмыс, тіршілік жасап (ресми, бейресми), ақша тауып жүр едім, енді төтенше жағдайға қатысты сол табыстан айырылдым” деп шештіңіздер ма? Кейін, мен ескерткендей, өтініш бергенде порталда төмендегі жазбаны тағыда оқып, растап, сөйтіп барып өтінішті жібердіңіз ба? Ондай болса – Сіз айттыңыз, біз сендік. Сіз алдаған жоқсыз. Біз тағайындадық, төледік. Сол үшін кінәлайды деп еш уайымдамаңыздар”, – дейді Біржан Нұрымбетов.
</blockquote>
Ведомство басшысы барлығы дәл ол айтқандай орындалса, үйді аралап ешкім тексермейтінін айтты.
<blockquote>
 “Бұл қайдан шыққан әңгіме дейсіздер ғой. Соңғы брифингте, бір жүрналист маған – мен жұмыс істеп, тұрақты жалақы алып жүрген адам 42500 теңге алғанын білемін, оны қалай өткізіп алдыңыз деп сұрады. Мен оған, біз өтініш беру тәртібін, халықтың сұрауы, талабы бойынша барынша қарапайымдаттық, жұмыс беруші өтінішінде қызметкерлерімді ақысыз демалысқа жібердім деп көрсетті, біз оған сендік. Ал олай болмаса, жұмыс беруші жауап береді, оны біз кейін тексеріп аламыз деп жауап қайтардым. Брифингті көргендер растайтын шығар. Жалпы дұрыс емес пе? Артынша екінші сұраққа, өтініш берген халықты, үйлерін аралап тексермейміз дедім. “Сіз айттыңыз, біз сендік. 42500 алдыңыз ба, жаратыңыз” дедім. 
Солай болады”, – дейді ол.
 “Сондықтан, осы жағдайда, өзіңіз үшін тағыда шешіп алыңыз – мен 42500 теңгені алдап алдым ба, жоқ па деп. Әрине жоқ. Олай болса Сіз ешқандай жауапкершілікке ешқашан тартылмаймыз. Халық 42500-ге өтініштерін еріккеннен беріп отырған жоқ. Төтенше жағдай болмасада басым халықтың табысы аз. Жалақы төмен, зейнетақы, жәрдемақы көп емес. Сондықтан біз қарапайым таза халықты артынша тексеріп жатпаймыз. Аман болыңыздар, өзіңізді, жақындарыңызды мына індеттен сақтаңыздар!”, – деп сөзін аяқтады Біржан Нұрымбетов.
</blockquote>

42 500 теңге үшін соттау: Еңбек министрі ведомствоға айтылған сынға жауап берді

<a href="https://kyzylorda-news.kz/">Kyzylorda-news.kz.</a>&nbsp;Қызылорда облысының әкімі Гүлшара Әбдіхалықова&nbsp;<a href="https://m.facebook.com/story.php?story_fbid=121730589488095&id=108364210824733">Facebook</a>&nbsp;парақшасында коронавирустық инфекциямен күні-түні күресіп жатқан аймақ дәрігерлеріне алғыс айтты.
<blockquote>
 “Адамзат баласына қиын сынақ әкелген “COVID-19” вирусымен күн-түн демей күресіп жүрген бейбіт күннің батырлары, медицина қызметкерлерінің хал-жағдайы қалай? Көзге көрінбейтін жаумен арпалыста қандай қиындықтармен кезігіп жүр? Осы жайт көпшілігімізді алаңдатады. Себебі, ақ халаттылар бүгінгі қоғамның ең негізгі қорғанына айналып отыр.
 Бұл жолы мен медицина қызметкерлеріне қолдан келген көмегін көрсетіп, қолдауын аямай келе жатқан кәсіпкерлердің еңбегін ерекше атап өткім келеді. Бүгін ғана вируспен күресте алдыңғы шепте жүрген 20 маман “Достық” қонақүйіне тегін орналастырылды. Тынығып, демалуларына жайлы жағдай жасалды. Бұған қоса, өңірдегі «KAZPETROL GROUP» жауапкершілігі шектеулі серіктестігі жеке қаражаты есебінен 12 млн.теңге бөліп, 120 медицина қызметкеріне 100 мың теңгеден материалдық көмек көрсетті.
 Өздеріңізге белгілі, таяуда мен медицина қызметкерлерімен телефон арқылы сөйлестім. Әңгіме өңірдегі коронавируске қатысты ахуал жайында өрбіді. Халық саулығын қорып жүргендердің сенімділігі қуантты. Қызылорда облыстық жұқпалы аурулар ауруханасының қызметкерлері Жадыра Зинабдинова, Жарқынай Әліби, Шиелі аудандық ауруханасының дәрігері Ақжан Дәрібаева және Қызылорда облыстық фтизиопульмонология орталығының дәрігері Алма Асқаровалар бірауыздан вирусты міндетті түрде жеңіп шығатындарын айтты. Өздеріне тұрақты қолдау көрсетіп келе жатқан кәсіпкерлерге алғыстарын да жеткізді. Қонақүйде тынығып, ыстық тамақпен қамтылып, жайлы жағдай жасалып жатқанына ризашылық білдірді.
 Ендеше, мен де өз атымнан қандай қиындық болса да мойымай, вирусқа қасқая қарсы тұрған дәрігер, мейіргер, мейірбикелерге, күреске жұмылдырылған барлық сала өкілдеріне алғысымды айтамын. Біз қашанда біргеміз!”, – делінген облыс әкімінің аталған жазбасында.
</blockquote>

Гүлшара Әбдіқалықова аймақ дәрігерлеріне алғыс айтты

<a href="https://kyzylorda-news.kz/">Kyzylorda-news.kz.</a> Сенбі күні еліміздің басым бөлігінде күн райы ашық болады, тек батыс пен солтүстік-батыста жаңбыр жауады, деп хабарлайды Қазгидромет.
18 сәуірде еліміздің басым бөлігінде антициклон әсерінен жауын-шашынсыз ауа райы күтіледі. Тек батысы мен солтүстік-батысы Атлант мұхитынан келетін циклон ықпалында болады, соған байланысты кей жерлерде жаңбыр жауады. Кей жерлерде тұман түседі, жел күшейіп, батыста найзағай, бұршақ күтіледі.

18 сәуірге арналған ауа райы болжамы

Халықаралық ескерткіштер мен тарихи орындар күні
Бұл мереке алғаш рет 1984 жылы атап өтілді. 1983 жылы ЮНЕСКО жанынан құрылған Халықаралық ескерткіштер мен көрнекті орындарды қорғау мәселелері жөніндегі кеңес ассамблеясы бекіткен. Бүгінгі таңда осы ұйымның қатарында әлемнің 175 мемлекеті бар. Дүниежүзінің 122 еліндегі 754 тарихи құндылық ЮНЕСКО тізіміне енгізілген. 2003 жылы осы тізімге еліміздегі «Әзірет Сұлтан» тарихи-архитектуралық кешені, Алматыға таяу Тамғалы тас шатқалындағы жартастарға қашалған суреттер топтамасы кірді. Қазақстанда ұлттық құндылық болып табылатын 25 мыңнан астам тарихи-мәдени ескерткіш бар.
1995 жылы&nbsp;Қазақстан Республикасы Президенті Н.Ә.Назарбаевтың «Қазақстан мен Түркіменстан арасындағы достық қарым-қатынасты нығайту туралы» және «Ресей Федерациясы мен Қазақстан Республикасы арасында «Байқоңыр» ғарыш айлағын жалға беру туралы» Жарлығы баспасөз бетінде жарық көрді.
2012 жылы&nbsp;Қазақстан Президенті Нұрсұлтан Назарбаев Малайзиядағы «Limkokwing University of Creative Technology» университетінің Құрметті докторы атағына ие болды. Нұрсұлтан Назарбаев – бұл дәреже берілген төртінші мемлекет қайраткері. Бұған дейін университеттің Құрметті доктор атағына Нельсон Мандела, Махатхир Мохаммад және Малайзияның қазіргі Премьер-министрі Наджиб Тун Разак ие болған.
2016 жылы&nbsp;Ресей Батыры, РФ ІІМ ішкі әскерлерінің полковнигі Серік Сұлтанғабиевті Қазақстан Республикасының қоғамдық бірлестігінің өкілдері Бауыржан Момышұлының орденімен марапаттады. ҚР Ардагерлер ұйымының қоғамдық наградасы Мәскеудің белгілі қорғаушысы, панфиловшы батыр, Кеңес Одағының батыры, полковник Бауыржан Момышұлының есімімен аталады. Бұл орденмен әскери ұрыстарда ерекше көзге түскендер және әскери борышын орындаған кезінде ерлік танытқан әскерилер, сонымен қатар Қазақстан Республикасы ардагерлер қозғалысына қомақты үлес қосқан тұлғалар марапатталады. 
2016 жылы&nbsp;ҚХР СІМ Дипломатиялық академиясының екінші курс студенті қазақстандық А.Қоңырбаева қытайлық тайцзицюань жауынерлік өнері бойынша үздік үштікке ілікті.
2016 жылы&nbsp;Қазақстанда киіз үйді құрастыруға мүмкіндік беретін – бүкіл әлемге танымал «LEGO» ойыншығы сатылымға шықты.

18 сәуір: Атаулы күндер мен оқиғалар

<a href="https://kyzylorda-news.kz/">Kyzylorda-news.kz</a> ақпарат агенттігінің 18 сәуірге арналған жұлдыз-жорамалы.
Тоқты
Ұстамды болсаңыз, бүгінгі күн сәтті өтеді. Бұл тек қана сөздеріңіз бен мінез-құлқыңызға қатысты емес. Түр-әлпетіңізге де мән беріңіз. Көзге түсетін киім кимеңіз. Классикалық киім үлгісін таңдасаңыз дұрыс болады.
Торпақ
Бүгін адамдармен қарым-қатынас жасағанда ашуға бой алдырмаңыз, өзімшілдікке салынбаңыз. Дауға араласпаған жөн. Оңаша қалсаңыз жақсы болады, сонда көптеген қиындықтардан құтыласыз.
Егіздер
Бүгінгі күннің қалай өтетіні таңның қалай басталғанына байланысты. Оң аяғыңыздан тұрсаңыз, күніңіз сәтті өтеді. Сондықтан тұра салып, сүйікті музыкаңызды қосып, жақсы нәрсе ойлап, күнді сәтті өткізуді мақсат етіңіз.
Шаян
Бүгін бейтаныс істерде сенімсіздік танытасыз. Бір жағынан бұл сізді қателерден қорғайды, дегенмен қорқақтық танытуға да болмайды. Жарты жолда тоқтаудың қажеті жоқ, жай ғана маңызды қадам жасамас бұрын жақсылап ойланып алыңыз.
Арыстан
Бүгін көп нәрсені жақтырмайсыз. Өзіңізге демалуға мүмкіндік беріңіз. Ең болмаса маңызды және жауапкершілікті талап ететін жұмысты бастамаңыз, оны кейінге қалдырыңыз.
Бикеш
Бүгінгі күн тыныш өтеді, өзгерістер болмайды. Тәуекелге бару керек болса да, ондай қадамға дайын болмайсыз. Сондықтан мүмкіндікті жіберіп алуыңыз мүмкін, бірақ қате де жасамайсыз.
Таразы
Бүгін күш-жігеріңіз тасиды. Таза ауада уақыт өткізсеңіз, сізге өте жақсы әсер етеді. Барлық істі бүгін аяқтауға тырыспаңыз, ертеңге біраз істі қалдырсаңыз дұрыс болады.
Сарышаян
Бүгін ерекше ештеңе болмайды. Сондықтан сізге тіпті зеріктіретін күн болып көрінуі мүмкін. Кешке достарыңызбен уақыт өткізіңіз.
Мерген
Бүгін ешқандай өзгерістерге дайын емессіз. Тіпті біреумен танысу да сіз үшін қиынға соғады. Бірақ өзіңізді біраз сергіту үшін біраз өзгерістер енгізуге тура келеді.
Тауешкі
Бүгін кез келген нәрсені бастамас бұрын жақсылап ойланатын боласыз. Сізді асықтырса да, сіз баяу әрекет етесіз. Бәлкім, соның салдарынан жұмыстарыңыздың көбі аяқсыз қалады, бірақ сан емес, сапа маңызды ғой.
Суқұйғыш
Өзгерістерге қарсы болып, жаңа нәрселерді қабылдамайсыз. Жаңа таныстардың өздері ашуыңызға тиетін болады. Әрине, қоғамнан оқшаулана алмайсыз, бірақ ұнамайтын нәрсені істеуге міндетті емессіз. Тек дөрекілікке бой алдырмаңыз.
**Балықтар 
**Бүгін кез келген істі мінсіз істегіңіз келетін болады. Ұсақ-түйек істерге барлық уақытыңызды сарп етпеу үшін, алдымен маңызды шаруалардан бастаңыз.

Жұлдыздар не дейді?

Қызылорда облысында әлеуметтік маңызы бар өнімдердің 10 мың тоннадан астам қоры бар

Биыл Қызылорда облысында 183,1 мың гектар жерге ауыл шаруашылығы дақылдары егіледі

<a href="https://kyzylorda-news.kz/">Kyzylorda-news.kz</a>. Қазақстанда төтенше жағдайға байланысты ХҚО жұмысы уақытша тоқтатылғалы бері 10 мыңнан астам әйел жүктілік және босануына байланысты табысынан айырылу төлемін, 20 мың отбасы баланың туылуына және оның бір жасқа дейінгі күтіміне берілетін жәрдемақыны онлайн рәсімдеген.
«Азаматтарға арналған үкімет» мемлекеттік корпорациясы бұрын тек ХҚО арқылы көрсетілген қызметтер, оның ішінде жүктілікке байланысты жәрдемақы бойынша өтініштерді порталдағы «Электронды өтініштер» сервисі арқылы қабылдау мүмкіндігін жасады.
Декрет демалысына шыққан жүкті әйелдер egov.kz порталында авторизациядан өтіп, <a href="https://egov.kz/cms/kk/services/citizen_and_the_government/e_app">«Электронды өтініштер»</a> сервисін таңдап, жеке құжаты мен жұмыс істеу қабілетінен айырылу парағының скан көшірмесін және төлем аударылуы тиіс банк шотын қоса жолдауы тиіс.
Енді ғана балалы болған отбасылар үшін <a href="https://egov.kz/cms/kk/services/child/pass156_mtszn">egov.kz</a> порталының «Отбасы» – «Бала» бөлімінде баланың туылуына және оның күтіміне байланысты жәрдемақыларды рәсімдеу мүмкіндігі бар.
Айта кетейік, порталды пайдалану үшін ЭЦҚ болуы шарт. Электронды цифрлық қолтаңбаны бүгінде порталда қашықтан рәсімдеуге болады.
Сондай-ақ, Мобильді азаматтар базасында тіркеуі бар жас аналар проактив қызметін пайдалана алады. Ол арқылы баланың тууын тіркеп, тиісті жәрдемақыны рәсімдеп, сәбиді балабақша кезегіне қоюға болады.

Карантин кезінде баланың туылуына байланысты 30 мың жәрдемақы онлайн рәсімделген

<a href="https://kyzylorda-news.kz/">Kyzylorda-news.kz</a>. Қазақстанда карантин біртіндеп алынып тасталады, деп мәлімдеді елдің бас санитарлық дәрігері Айжан Есмағамбетова брифингіде.
Ол тіркелген оқиғалардың санына байланысты карантиндік шараларды жою кезең-кезеңімен жүргізілетінін түсіндірді.
Бүгінгі таңда кейбір талаптар қайта бекітілді.
1 кезең – Науқастар санының&nbsp;өсуі кем дегенде бір апта ішінде 5% -дан аспаған жағдайда.
2-кезең – карантин шаралары одан да әлсіреп, 2% өскен жағдайда.
<blockquote>
 «Карантин толығымен алынып тасталады. Біздің&nbsp;елде тұрақты тұратындар мен байланыс жасағандар арасында науқастардың&nbsp;тіркелуі&nbsp;мүлдем тоқтатқан кезде, біз күнделікті өмірге ораламыз», – деді Есмағамбетова.
</blockquote>

Қазақстан және Қызылорда облысының жаңалықтары