<a href="https://kyzylorda-news.kz/">Kyzylorda-news.kz.</a> Биыл пилоттық негізде Ұлттық бірыңғай тестілеу аудиторияларынан онлайн-трансляция жүргізілетін болады. Бұл туралы «ANTIKOR» орталығы алаңында өткен онлайн-диалог барысында ҚР Білім және ғылым министрлігі Ұлттық тестілеу орталығының директоры Дидар Смағұлов айтты, деп хабарлайды <a href="https://lenta.inform.kz/kz/biyl-ubt-barysyn-kez-kelgen-adam-onlayn-bakylay-alady_a3644335">ҚазАқпарат.</a>
Нақтырақ айтқанда,«Adal Kómek» жобасы аясында ҚР Білім және ғылым министрлігі Ұлттық тестілеу орталығының директоры Дидар Смағұлов академиялық әділдікті нығайту және ҰБТ кезінде қоғамдық бақылауды күшейту мақсатында онлайн-диалогқа қатысты. Мәлім етілгендей,&nbsp;биыл ҰБТ маусым айының соңы мен 5 шілде аралығында өтеді&nbsp;. Биыл шамамен 120 мың түлек және орта арнаулы білімі бар 15-20 мың азамат&nbsp;ҰБТ тапсырады.
Қазіргі Ұлттық тестілеу орталығы құжаттарды қабылдау жұмыстарын атқаруда. Биыл алғаш рет&nbsp;ҰБТ-ға қатысуға өтініштер Ent2020.testcenter.kz сайтында (10 мамырға дейін) онлайн режимде қабылданады.&nbsp;Білім және ғылым министрлігі ҰБТ-ны дәстүрлі форматта&nbsp;қағаз түрінде өткізуді&nbsp;жоспарлап отыр.
Дидар Смағұловтың айтуынша, короновирустың таралуына байланысты қосымша санитарлық шектеу шаралары қабылданады. Мысалы, егер бұрын аудиторияларда 150-ге жуық адам болса, қазір олар әлдеқайда аз болмақ. Олардың арасындағы қашықтық ұзартылып, жеке қорғаныс құралдарын (маскалар, қолғаптар, антисептиктер) пайдалану міндеттеледі. Бұл шаралар білім алушылардың қауіпсіздігі үшін ҚР Денсаулық сақтау министрлігімен бірлесіп қабылданған.
<blockquote>
 «ҰБТ-ға дайындау үшін Ent2020.testcenter.kz сайты&nbsp;әр пән бойынша тегін тестілеудің 70 нұсқасын орналастырды.&nbsp;Орталықтың бастамасымен Сыбайлас жемқорлыққа қарсы іс-қимыл агенттігі Арнайы мониторинг тобының мүшелерімен бірлесе отырып, білім беру ұйымдарының тестілеуге дайындығы мен оны өткізудегі қызметін бақылау, сондай-ақ ұялы телефондармен кіруді болдырмау мақсатында өткен жылдан бастап бақылау жүргізеді», – делінген Сыбайлас жемқорлыққа қарсы іс-қимыл агенттігі Нұр-Сұлтан қаласы бойынша департаменті парасаттылық басқармасы таратқан баспасөз баянында.
</blockquote>
Сонымен қатар спикер тестілеу өтетін барлық аудиториядан онлайн трансляция жүргізу пилоттық жобасы туралы айтты. Осылайша, кез келген адам процесті бақылап, тестілеу кезінде ереже бұзу фактілерін бақылай алады. Ал анықталған жағдайда орталыққа хабарлауға болады. Бұл жүйе автоматты режимде смартфондарды пайдалану фактілерін анықтайды.

Биыл ҰБТ барысын кез келген адам онлайн бақылай алады

<a href="https://kyzylorda-news.kz/">Kyzylorda-news.kz</a>. Қызылорда облысында коронавирустық инфекциядан жазылған науқастардың саны 118 адамға жетті. Індеттен айыққандардың қатарына соңғы қосылған науқастар – Сырдария, Шиелі және Жаңақорған ауданының тұрғындары.
30 сәуір 11:45-тегі&nbsp;ақпарат бойынша Қызылорда облысында тағы 3 адам қауіпті індеттен жазылып шыққан.
Осылайша коронавирустық инфекциядан жазылғандар саны өңірде 118 адамға жетіп отыр.
Аталған науқастардан 2 реттен сынама тест алынып, бәрі теріс мәнді нәтиже көрсеткен.
Олар алдағы 14 күнде дәрігерлердің бақылауында болады.

Қызылорда облысында 118 науқас қауіпті індеттен жазылып шықты

<a href="https://kyzylorda-news.kz/">Kyzylorda-news.kz.</a> Қазақстан Республикасы Президентінің «Байқоңыр» кешеніндегі арнаулы өкілі, Қызылорда облысы әкімінің орынбасары Серік Сүлейменов Байқоңыр қаласы мен Төретам кентінде жұмыс сапарымен болып, бірқатар нысандарды аралады.
Сапар барысында аудан әкімі Мұса Қалдарбеков бүгінгі таңда Төретам кенті мен Ақай ауылдық округтерінде атқарылатын жұмыстар туралы баяндады.
<blockquote>
 «Еліміздегі ерекше экономикалық жағдайға байланысты «Жұмыспен қамтудың жол картасы» бағдарламасы жүзеге асуда. Бағдарлама негізінде жаңа жұмыс орындарын құруға, тұрғындардың әлеуметтік мәселелерін шешуге, әл-ауқатын арттыруға бағытталған. «Жұмыспен қамтудың жол картасы» шеңберінде жүзеге асырылатын жобалар тізіміне бірнеше нысандардың қайта жаңғыртылуы мен жөндеу жұмыстары кіріп отыр», – деді аудан әкімі М. Оспанұлы.
</blockquote>
Мәселен, қазіргі таңда Төретам кентіндегі электр желілерінің 80% тозығы жеткен. Үстіміздегі жылы облыстық энергетика басқармасы арқылы Төретам кенті мен Ақай ауылдық округіндегі 6-10/0,4 кВ электр желілерін кеңейту және қайта жаңғырту, Төретам кентіндегі №22 35/10 кВ қосалқы станциясын кеңейту және қайта құрылымдау құрылыс жұмыстары басталады. Төретам кентіне спорттық тренажерлық және стритболдық алаңдарының құрылысы және 4 көшеге орташа жөндеу жұмыстары жүргізілетін болады.
Негізгі қаржы өлкеміздің инженерлік-көліктік инфрақұрылымын жақсартуға бағытталған.
Жұмыс сапарының қорытындысында аймақ басшысының орынбасары Серік Жүсіпұлы жоспарланған жұмыстарға оң қорытындысын беріп, межеленген жоспарларды орындау басты назарда болатынын жеткізді.

Серік Сүлейменов Қармақшы ауданында болды

<a href="https://kyzylorda-news.kz/">Kyzylorda-news.kz.</a> 4 мамырдан бастап облыстардан қатынай бастайтын ұшақтардың ұшу кестесі жариялады, деп хабарлайды ИИДМ.
Айта кетсек ТЖ режимін қамтамасыз ету жөніндегі мемлекеттік комиссия Денсаулық сақтау министрлігінің ұстанымын ескере отырып, 4 мамырдан бастап Нұр-Сұлтан және Алматы қалаларынан Қызылорда, Өскемен, Семей және Петропавлға әуе қатынастарын қайта жандандыру туралы шешім қабылдаған&nbsp;болатын.&nbsp;Әуе компаниялары рейстерді келесі кестеге сәйкес орындауды жоспарлап отыр. Төменде әуе компанияларының ұшу кестесі, апталық рейстер саны мен әуе кемесінің типі/сыйымдылығы көрсетілген.
«Эйр Астана»
1. Алматы (13:55) – Қызылорда (14:40);
Қызылорда (15:40) – Алматы (18:10);
Алматы (12:10) – Қызылорда (13:40);
Қызылорда (14:40) – Алматы (17:10).
Embraer 190 (108 орын) және А320 (148 орын).
2. Алматы (12:15) – Өскемен (13:45);
Өскемен (14:45) – Алматы (16:20).
3. Нұр-Сұлтан (14:50) – Өскемен (16:15);
Өскемен (17:15) – Нұр-Сұлтан (18:45);
Нұр-Сұлтан (15:10) – Өскемен (16:35);
Өскемен (17:35) – Нұр-Сұлтан (19:00);
Нұр-Сұлтан (15:20) – Өскемен (16:45);
Өскемен (17:45) – Нұр-Сұлтан (19:10).
«SCAT»
1. Нұр-Сұлтан (15:40) – Өскемен (17:10);
Өскемен (18:10) – Нұр-Сұлтан (19:35);
Нұр-Сұлтан (15:50) – Өскемен (17:10);
Өскемен (22:30) – Нұр-Сұлтан (23:59) 7 CRJ-200/50 орын.
2. Алматы (09:20) – Өскемен (10:30);
Өскемен (11:30) – Алматы (12:45) 7 Б 737/144 орын.
3. Алматы (07:00) – Петропавл (09:20);
Петропавл (10:10) – Алматы (12:20);
Алматы (07:00) – Петропавл (09:20);
Петропавл (16:30) – Алматы (18:50) 3 CRJ-200/50 орын
«Qazaq Air»
1. Нұр-Сұлтан (13:40) – Өскемен (15:20);
Өскемен (16:00) – Нұр-Сұлтан (17:45).
Bombardier Q400/76-86 орын
2. Нұр-Сұлтан (08:30) – Петропавл (09:40);
Петропавл (10:10) – Нұр-Сұлтан (11:25);
Нұр-Сұлтан (10:05) – Петропавл (11:15);
Петропавл (11:55) – Нұр-Сұлтан (13:05).
3. Нұр-Сұлтан (14:30) – Қызылорда (15:20);
Қызылорда (16:00) – Нұр-Сұлтан (18:50);
Нұр-Сұлтан (15:30) – Қызылорда (16:20);
Қызылорда (17:00) – Нұр-Сұлтан (19:50).
4. Нұр-Сұлтан (15:00) – Семей (16:35);
Семей (17:05) – Нұр-Сұлтан (18:40).
Ұшу кестесін әуе компаниялары реттей алады. Ұшу сапарлары ҚР Денсаулық сақтау министрлігінің Көліктегі бас санитарлық дәрігері бекіткен санитарлық талаптардың күшейтілген нормаларын сақтай отырып, жүзеге асырылады.

4 мамырдан бастап өңірлерде қатынайтын ұшақтардың ұшу кестесі жарияланды

<a href="https://kyzylorda-news.kz/">Kyzylorda-news.kz.</a> Сұрапыл соғыс жылдарында Рейхстагқа жеңіс туын тіккен Рақымжан Қошқарбаевтың ерлігі көп жылдар бойы еленбей келгені, тек тәуелсіздік алғаннан кейін ғана Қазақстанның Халық қаһарманы атағы берілгені мәлім. Батырдың ерлігі жылдар бойы ресми Мәскеу тарапынан көпе-көрнеу ескерілмеді.
Өзге ұлт өкілі болғандықтан кемсітушілікке ұшырап, ерлігі жоққа шығарылып келді. Әйтсе де Рақымжан Қошқарбаевтың дос-жарандары, майдандас бауырлары мен тілегі бір замандастары 30 сәуірді оның тағдырындағы ең ерекше күн деп есептеп, оған қоңырау шала құттықтап, тіпті екінші рет дүниеге келген күні ретінде атап өтуді біразға дейін дәстүрге айналдырса керек. Өйткені бұл күн – Қошқарбаевтың Рейхстагқа ту тіккен күні болатын.
Рақымжан Қошқарбаев Ақмола облысының Целиноград ауданында туған. 1942 жылы әскерге алынған. Деректерге қарағанда, 1944 жылы қазан айынан бастап 1-Беларусь майданындағы Идрицк атқыштар дивизиясы құрамында 150-ші взвод басқарып, Польша және Германия жерлеріндегі ұрыстарға қатысқан. 1945 жылы 30 сәуірде лейтенант Рақымжан Қошқарбаев жауынгер Григорий Булатов екеуі Совет әскері арасынан Берлиндегі Рейхстагқа бірінші болып Жеңіс туын тікті.
Айта кетерлігі, қазақ батырының осынау ерлігін алғаш болып әлемге әйгілеген мемлекет қайраткері, жазушы Кәкімжан Қазыбаев еді. Ол Бауыржан Момышұлының тапсырмасы бойынша Рақымжан Қошқарбаевтың ерлігі лайықты бағасын алуы үшін көп еңбектеніп, көп ізденді. Қазақ жауынгерінің дәл сол сәттегі әрекетін дәлелдейтін жүзден астам құжатты тауып, көтеріп, шетелдік басылымдарда да жариялануына түрткі болды. Баукеңнің осы тапсырмасы туралы жазушы өзінің «Найзағайдай жарқылдап» атты кітабында былай деп еске алады:
« – Мен сені неге шақырдым?-деді.
– Білмедім, Бәуке!
– Білмесең, жаңа осында маған сәлем бере бір жігіт келді. Аты – Рахымжан. Фамилиясы қошқар ма, ісек пе, азбан ба, әйтеуір қойдың бір түрі, оны өзің анықтап алғайсың. Міне, сол жігіт… Міне, сол жігіт Рейхстагқа ту тіккен. Понимаешь?! Сен ұғып тұрсың ба, өзің?-деді.
– Ұғып тұрмын, Бәуке!
– Өтірік айтасың! Ұқсаңдар, неге жазбайсыңдар? Соғыс біткелі он үш жыл. Ана Рахымжанды көрмей жүрген неғылған журналиссіңдер?! Журналистке диплом емес, сезім, жүрек, көргіш көз керек. Жоқ, сол сендерде жоқ. Знаешь, ты кто такой Рахымжан? Мен де оны бүгін бірінші рет көрдім. Білесің бе, кімнің сәлем бере келгенін? Это исторический человек! Мен де соғысқа қатыстым. Дивизияны басқардым. Москва түбіндегі шайқасты көрдім. Төрт жыл бойғы сұрапыл соғыстың небір сұмдық қияметтері көз алдымда. Бірақ Берлинді алардағы, Рейхстагқа ту тігердегі қырғын – ол нағыз жойқын қырғын! Как воин, как командир я представляю что это такое, это было невероятно! Рахымжан сол тозақтың ішінде болған, сол тозақтан аман шыққан! Жеңіс жалауын тіккен. Кім үшін?! Мына сені мен мен үшін! Бүгінгі шолжаң қағып тірі жүргендердің бақыты үшін! Сол бір тозақта оның өзінің тірі қалуы ̶ это чудо! Жеңіс деген бақыт ̶ сол анау Рахымжан, Рахымжандар! Сен оны тап!».
Кәкімжан Қазыбаев батыр Баукенің тапсырмасын бұлжыртпай, тіпті артығымен орындады. Әйтсе де сол дәуірдің солақай саясаты, советтік режимнің өзімшілдігі Рақымжан Қошқарбаевтың қаһармандығын мойындауға міз бақпаған еді.
Тек Тәуелсіздік алғаннан кейін, 1999 жылы мамырдың 7-сінде Президент Н. Назарбаевтың Жарлығы бойынша Рахымжан Қошқарбаевқа Халық Қаһарманы атағы беріледі.
Еске сала кетсек, Ресейдің Әскери тарих институты 1-і Беларус майданындағы 150-і атқыштар дивизиясының лейтенанты Рақымжан Қошқарбаевтың 1945 жылдың 30 сәуірінде Рейхстагқа ту тіккені туралы&nbsp;тарихи оқиғаны&nbsp;2007 жылдың 7 мамырында ресми түрде растады.
<a href="https://lenta.inform.kz/kz/bugin-rakymzhan-koshkarbaevtyn-reyhstagka-tu-tikken-kuni_a3644497">ҚазАқпарат</a>

Бүгін Рақымжан Қошқарбаевтың Рейхстагқа ту тіккен күні

<a href="https://kyzylorda-news.kz/">Kyzylorda-news.kz.</a> Қазақстанда мамырдың бірінші жартысында үш маңызды мереке тойланады. Қазіргі уақытта елде төтенше жағдай режимі жұмыс істеп жатқанына және кейбір азаматтардың демалыста жүргеніне қарамастан, жұмыс істейтін қазақстандықтар мереке күндері қосымша демала алады.
Электрондық үкімет сайтында қазақстандықтардың дәстүрлі түрде мамыр айында үш маңызды мерекені – Қазақстан халқының бірлігі күнін, Отан қорғаушылар күні мен Жеңіс күнін атап өтетіні жазылған.
Биыл 1 мамыр жұма күніне түседі, демек, жұмыс аптасы 5 күнге созылатын ел тұрғындары 2 және 3 мамырда да демалады.
7 мамыр бейсенбіге түсіп тұр, ал 9 мамыр – сенбіге тура келеді.
Елдің заңнамасына сәйкес, егер мереке демалыс (сенбі немесе жексенбі) күндеріне сәйкес келсе, онда демалыс бір күнге ұзартылады.
Алайда, 9 мамыр сенбі болғандықтан, Жеңіс күні мерекесі биыл 8 мамырға ауыстырылды, соған байланысты Қазақстан тұрғындары 7, 8, 9 және 10 мамырда демалады.

Карантин: Қазақстандықтар мамыр айында қанша күн демалады?

<a href="https://kyzylorda-news.kz/">Kyzylorda-news.kz.</a>&nbsp;&nbsp;Өздеріңізге белгілі, Төтенше жағдайлардың алдын алу және оларды жою жөніндегі облыстық комиссия Қызылорда облысы бойынша төтенше жағдай кезінде кезең-кезеңмен жұмыс жасауға рұқсат берілетін салалардың және ұйымдардың тізімін бекітті.
Аталмыш тізімге сай, 29 сәуірден бастап жұмыс жасайтын кәсіпкерлік субъектілері «Сергек» базасына тіркелу керек. Ал тіркеу жұмыстары төмендегіше жүргізіледі.
Құрылыс материалдарын шығаратын кәсіпорындарды базаға енгізуді облыстық индустриялық-инновациялық даму басқармасы жүргізеді. Байланыс құралдары: 60-54-12, 8&nbsp;775&nbsp;127 25 25, 8&nbsp;777&nbsp;499 27 19, <a href="mailto:prom11@orda.gov.kz">prom11@orda.gov.kz</a>
Сақтандыру, нотариалдық, жеке медициналық қызмет көрсету (ЛОР, стоматология, офтальмология, ультрадыбысты зерттеулер, МРТ, КТ, зертханалар, гинекология, урология), «тұтынушыға дейін жеткізу» қағидаты бойынша электроника және тұрмыстық техника сататын сауда үйлерінің қызметі және оларды жөндеу cаласындағы Қызылорда қаласындағы кәсіпкерлерді Кәсіпкерлер палатасы тіркейді. Байланыс құралдары: 8&nbsp;777&nbsp;764 33 11, 8 771 479 75 82, <a href="mailto:atameken@orda.gov.kz">atameken@orda.gov.kz</a>
Автокөлікті техникалық тексеру мен қызмет көрсету станциялары, көлік жуу, желімдеу, шаштараз, аяқ киім жөндеу, «тұтынушыға дейін жеткізу» қағидаты бойынша курьерлік қызметтерге қатысты Қызылорда қаласындағы кәсіпкерлерді қалалық кәсіпкерлік, өнеркәсіп және туризм бөлімі енгізеді. Байланыс құралдары: 8&nbsp;701&nbsp;817 37 07, 8&nbsp;777&nbsp;153 12 66, 8&nbsp;777&nbsp;334 09 27, 8&nbsp;777&nbsp;778 01 01, <a href="mailto:gopit@orda.gov.kz">gopit@orda.gov.kz</a>
Сақтандыру, нотариалдық, жеке медициналық қызмет көрсету (ЛОР, стоматология, офтальмология, ультрадыбысты зерттеулер, МРТ, КТ, зертханалар, гинекология, урология), автокөлікті техникалық тексеру мен қызмет көрсету станциялары, көлік жуу, желімдеу, шаштараз, аяқ киім жөндеу, «тұтынушыға дейін жеткізу» қағидаты бойынша электроника және тұрмыстық техника сататын сауда үйлерінің қызметі және оларды жөндеу, курьерлік қызметтермен айналысатын аудандардағы кәсіпкерлерді облыстық кәсіпкерлік және туризм басқармасы тіркейді. Байланыс құралдары: 40-10-59, 8&nbsp;702&nbsp;378 97 94, 8&nbsp;705&nbsp;442 47 42, <a href="mailto:401059@orda.gov.kz">401059@orda.gov.kz</a>
Ауыл шаруашылығы техникасы мен оған қосалқы бөлшектерін сататын жеке және заңды тұлғалар, ауылшаруашылығы техникасына сервистік қызмет көрсететін ұйымдарды облыстық ауыл шаруашылығы басқармасы енгізеді. Байланыс құралдары: 8&nbsp;700&nbsp;727 76 67, 8&nbsp;771&nbsp;340 67 77, <a href="mailto:605442@orda.gov.kz">605442@orda.gov.kz</a>
Мемлекеттік бюджет қаражаты есебінен жүргізілетін нысандардың құрылысын жүргізетін мердігер, сондай-ақ авторлық және техникалық қадағалау ұйымдарын облыстық құрылыс, сәулет және қала құрылысы басқармасы (60-53-53, 8&nbsp;708&nbsp;871 06 87, 8&nbsp;747&nbsp;740 91 46, <a href="mailto:605353@orda.gov.kz">605353@orda.gov.kz</a> ), облыстық энергетика және тұрғын үй коммуналдық шаруашылық басқармасы (60-53-97, 8&nbsp;705&nbsp;953 00 47, <a href="mailto:605397@orda.gov.kz">605397@orda.gov.kz</a> ), облыстық жолаушылар көлігі және автомобиль жолдары басқармасы (60-54-77, 8&nbsp;777&nbsp;306 17 44, 8&nbsp;775&nbsp;429 94 37, <a href="mailto:605477@orda.gov.kz">605477@orda.gov.kz</a> ) тіркейді.
<img src="https://kyzylorda-news.kz/wp-content/uploads/2020/04/bazaga-tirkew-kaz-ishine-1.jpg" alt="" />

Қызылордада 29 сәуірден бастап жұмыс жасайтын мекемелер базаға қалай тіркеледі?

<a href="https://kyzylorda-news.kz/">Kyzylorda-news.kz.</a> Шиелі ауданының әкімі Қамбарбек Мүбәраков аудандағы жылыжайларды аралап, ондағы қызанақ пен қиярдың өнімділігін байқады.
Атап айтқанда, ЖК «Жексікбаев» жылыжайы 2019 жылдан бастап жұмыс жасауда. Жылыжайдың жалпы аумағы – 0,23798 гектар. Жылыжайда жылда қызанақ, қияр және сарымсақ өсіріледі. Биылғы жылы наурыздың екінші жартысынан бастап қияр егіліп, өз өнімдерін ауданның орталық базарына өткізуде.
ДК «Бауыржан» жылыжайы 2016 жылы іске қосылған. Жалпы аумағы – 0,0456 гектар. 2017 жылы жылыжайда қияр мен қызанақ егіліп, қиярдан 5,200 тонна, қызанақтан 3,600 тонна өнім алынды. Бүгінгі күні жылыжайда көкөніс дақылдарын егіп, өз өнімдерін алуда.
ЖК «Ата-Бас»&nbsp; жылыжайы 2016 жылдан бастап жұмыс жасап келеді. 2018 жылы ауданды көгалдандыру жұмыстары бойынша жылыжайда гүл көшеттері мен жасыл алаң (газон) отырғызылды. Биылғы жылы 0,08682 гектарға наурыз айының ортасында қияр мен гүл көшеттерін егіп, өз өнімдерін алуда.
Сонымен қатар, Шиелі кентінің шығыс бөлігінде 2 гектар жерге 20 жылыжай салынған болатын. Одан ағымдағы жылдың қараша айында 600 тонна өнім алу жоспарлануда . Аталған жобаны жүзеге асыру бағытында бекітілген кестеге сәйкес жобаға қатысатын тұлғаларды біріктіріп, жүзеге асыратын топ құрылған. Осы жобаға қатысатын кәсіпкерлердің бірігуімен жылыжай бағытында көкөніс өндіретін кооператив құрылып, тиісті жер телімдері табысталды. Жобаның нәтижесінде 20 кәсіпкердің бірігуімен 20 жылыжай құрылысы іске асырылып, тұрақты 40 жаңа жұмыс орны ашылды.
Өндірілетін өнімнің көлемі 600 тонна болғанда, жылдық табысты 150 млн. теңгеге жеткізу көзделуде.
Аудан басшысы атқарылып жатқан жылыжай жұмыстарын бақылап, жылыжайда еңбек ететін жұмысшылармен танысты. Сондай-ақ, жергілікті тұрғындарды қысқы мерзімде қажетті өнімдермен арзан бағада қамтамасыз ету үшін жоғары технологиялы жылыжай шаруашылығын әлде де белсенді дамыту керектігін айтып өтті.
<img src="https://kyzylorda-news.kz/wp-content/uploads/2020/04/shieli-zhylyzhaj-kaz-2.jpeg" alt="" />
<img src="https://kyzylorda-news.kz/wp-content/uploads/2020/04/shieli-zhylyzhaj-kaz-3-1.jpeg" alt="" />
<img src="https://kyzylorda-news.kz/wp-content/uploads/2020/04/shieli-zhylyzhaj-kaz-4.jpeg" alt="" />

Шиеліде жылыжай шаруашылығы қарқынды дамуда

<a href="https://kyzylorda-news.kz/">Kyzylorda-news.kz.</a>&nbsp;Қызылорда облысында коронавирустық инфекцияны жұқтырған науқастар саны 198 адамға жетті. Соңғы тәулікте жаңадан анықталған 11 жағдай туралы бүгін облыстық Денсаулық сақтау басқармасының басшысы Жақсылық Абдусаметов Өңірлік коммуникациялар қызметінде өткен брифингте баяндады.
<blockquote>
 «Қазіргі таңда Қызылорда облысында коронавирустық инфекцияны жұқтырған 198 жағдай тіркелді. Соңғы тәулікте жаңадан 11 жағдай анықталды. Науқастардың барлығы – Қызылорда қаласынан. Оның төртеуі – күні кеше пневмонияға байланысты емханаға көрініп, скринингтік тексеру барысында індет жұқтырғаны белгілі болған науқастың отбасы мүшелері. Қалған жетеуі – алдында анықталған науқастармен қарым-қатынаста болып, 14 күн карантинге алынғандардың арасынан анықталды», – деді Жақсылық Абдусаметов.
</blockquote>
Оның айтуынша, COVID-19 індетін жұқтырған өңірдегі 198 науқаспен байланыста болғандардың жалпы саны – 2941.&nbsp;Оның ішінде, жақын қарым-қатынаста болғандар саны – 1560, потенциалды байланыста болғандар – 1381 адамды құрап отыр. Бүгінгі таңда барлығы бақылауға алынып, оқшауланған. Барлығының жағдайы қанағаттанарлық.
Сондай-ақ, бүгінгі таңда облысымыздағы жұқпалы аурулар ауруханасында – 83, правизорлық стационарда – 44, карантиндік стационарда – 387 адам бақылауда.
Брифингте Жақсылық Әбілқасымұлы мәлімдегендей, өткен тәулікте облысымызда коронавирустық инфекцияға байланысты 625 тест сынамасы жасалыпты.
<blockquote>
 «Соңғы тәулікте 625 тест сынамасы жасалды. Оның 547 – теріс мәнді болып шықты. 11 оң нәтиже берді. Ал, 67 – әлі тексерілу үстінде. Бүгінде облысымызда 6002 тест сынамасының қоры қалды», – деді ол.
</blockquote>
Сондай-ақ, басқарма басшысы соңғы тәулікте анықталған науқастардың қауіпті індетті қайдан жұқтырғанын да мәлімдеді.
<blockquote>
 «Соңғы тәулікте анықталған жағдайларға келсек, коронавирустық инфекцияны отбасында және жұмыс орнында жұқтыру көрсеткіштері басым екендігін көреміз. Бірақ, жұмыс орнында жұқтыру мәселесі карантин енгізілгенге дейін анықталған. Осыған орай, карантин талаптарын қатаң сақтап, инфекцияның отбасы мүшелері арасында таралуына жол бермеу қажет. Бұл – карантиннің жеңілдетілген кезінде ерекше мән беретін нәрсе», – деді Ж. Әбілқасымұлы.
</blockquote>
Айта кетейік, кеше Қызылорда облысында коронавирустық инфекцияға шалдыққан науқастардың саны&nbsp;<a href="https://kyzylorda-news.kz/densawlyq/qyzylorda-oblysynda-qawipti-indet-zhuqtyrghandar-sany-198-boldy-59491/">198 адамға жеткенін</a>&nbsp;хабарлаған болатынбыз.

COVID-19: Соңғы тәулікте тіркелген науқастар індетті отбасы мен жұмыс орнында жұқтырған

<a href="https://kyzylorda-news.kz/">Kyzylorda-news.kz.</a> А. Тоқмағамбетов атындағы мәдениет үйінде елімізде төтенше жағдай жариялануына байланысты жалғызбасты аналарға, көп балалы отбасыларға, мүмкіндігі шектеулі балаларын тәрбиелеп отырған отбасыларға көмек көрсетілді.
Осындай қиын уақытта көмек қолын созу мақсатында қалалық мәдениет және тілдерді дамыту бөлімінің ұйымдастыруымен бөлімге қарасты «Қалалық мәдениет үйлері, клубтар және халықтық ұжымдар» МКҚК, «Қалалық тарихи музейі» КММ, «Қалалық орталықтандырылған кітапханалар жүйесі» ММ және бөлім қызметкерлерінің өз қаражаттары есебінен 50 (елу) әлеуметтік жағдайы төмен отбасыларға көмек қолын созған қайырымдылық шарасы өтті.
Бұл игі бастамаға ақын, режиссер, сценарист, Қызылорда қаласының құрметті азаматы Оңталап Нұрмаханов арнайы қатысып, сәттілік тіледі.
Жиналған азық-түлікті мәдениет үйі жанынан құрылған «Бірлік» еріктілер тобы әлеуметтік жағдайы төмен отбасылардың мекен-жайларына жеткізіп берді.

Қызылордада мәдениет саласының өкілдері 50 отбасыға көмек көрсетті

<a href="https://kyzylorda-news.kz/">Kyzylorda-news.kz.</a> Синоптиктер 30 сәуір – 2 мамыр аралығында ауа райы қандай болатынын айтты, деп хабарлайды «Қазгидромет» РМК баспасөз қызметі.
Мереке күндері Қазақстан аумағындағы ауа райын тез өзгеретін атмосфералық процестер анықтайды. Еліміздің солтүстік және оңтүстік өңірлеріне циклон әсер етеді, салдарынан кей жерлерде найзағай ойнап, жаңбыр жауады.
Бірақ республиканың батыс бөлігіне Қара теңізден келетін антициклон әсер ете бастайды. Ол шығысқа қарай ығысып, жауын-шашынның тоқтауына және республиканың басым бөлігінде ауа температурасының төмендеуіне әкеледі.

Мереке күндері елімізде ауа райы қандай болады?

<a href="https://kyzylorda-news.kz/">Kyzylorda-news.kz.</a>&nbsp;Қызылорда облысында коронавирустық инфекция жұқтырған тағы 11 науқас тіркелді.
30 сәуір 08:40-тағы&nbsp;мәлімет бойынша қауіпті індетке шалдыққан 11 науқастың барлығы – Қызылорда қаласынан.
Айта кетейік, осымен облыс бойынша коронавирустық инфекция жұқтырған науқастардың жалпы саны 198 адамға жетті.

Қазақстан және Қызылорда облысының жаңалықтары