Еліміздегі төтенше жағдайға және мемлекеттің дағдарысқа қарсы іс-шараларына байланысты Президент Қасым-Жомарт Тоқаевтың халыққа жасаған мәлімдемесі, Әлемдік пандемия жағдайындағы елдің бірлігі мен тұрақтылығын сақтаудағы қажетті қадам.
Тек вирустың қатерлі қауіптері мен оған байланысты шаралардан бөлек, Қасым-Жомарт Кемелұлы елдің жан-жақты орын алған проблемаларына ден қойды. Бұл шаралар президенттің елімен бірге және жанашыры екендігінің тағы бір куәсі.
Мемлекеттің саяси, экономикалық, әлеуметтік жағдайларын, қазіргі қиын сәтте ұйымдастырып, жасау оңай дүние емес. Дүниежүзін жайлаған бұл дерттен сақтанудың бірден-бір жолы, ол біздің бірлігімізде екенін президент нақты айтты. Әрине, хаосқа салынып, елді тек осы вирустан құтқарамын деп жан-жаққа қарамай психикалық күйзеліске түсу, елді тығырыққа тірейтіні белгілі. Мұндай сәтте нақты, тиімді, жоспарланған және талданған шешімдер қажет. Осындай жүйде баяндалған Президент Қасым-Жомарт Тоқаевтың мәлімдемесі, халықты әбігерге салмайтыны анық.
Халықтың әр санатындағы жандарға тиісінше көмек беру, вирустан құтылудың барлық шараларын жасау, ақ халатты абзал жандардың жағдайы, экономикалық мәселерді тиімді шешу, егін науқанын уақытылы өткізу, жұмыссыздық мәселесін шешу, осы жағдайдағы шағын және орта бизнестің зардап шекпеуі және т.б. нақты қажет жасалатын жұмыстар мәлімдемеде көрініс табады.
Мәлімдеме барысында Президент Қасым-Жомарт Тоқаев Тұңғыш Президентіміз – Ел­басы құрған Ұлттық қордың қар­жы­сын ұтымды пайдалануымыз керектігін айтып кетті. Әрине, бұл дұрыс шешім.
Әлемдегі дүрбелеңге салған аты шулы вирус үлкен адамдарға берілген сынақ секілді. Себебі, бұл жағдайда өмірдегі негізгі құндылықтарды қайтадан сүзгіден өткізіп, әрі қарай тіршілік ету үшін тек бірлік пен төзімділік қажет екені расталады.
Коронавирус мини соғыстардың тоқтауына, табиғаттың демалуына, адамдаргершіліктің молайуына, бай мен кедейдің теңелуіне әкеліп соқты. Бұл өз кезегінде Әлемнің қайтадан қалпына келу процесі секілді.
Сәулет САХИЕВ,
Қызылорда облыстық Ақпараттық талдау орталығының директоры

Сәулет Сахиев: Елдің жағдайы Мемлекет басшысының назарында екендігі қуантады

<a href="https://kyzylorda-news.kz/">Kyzylorda-news.kz.</a> Елімізде жарияланған төтенше жағдай кезінде Қызылорда облысында оның талаптарын бұзушылар мен коронавирус инфекциясына байланысты жалған ақпарат таратушылар күні бүгінге дейін азаймай отыр. Бұл туралы Өңірлік коммуникациялар қызметінде өткен брифингте облыс прокурорының бірінші орынбасары Талғат Айтбайұлы мәлімдеді.
<blockquote>
 «Төтенше жағдай режимі жарияланған кезеңде қылмыс пен құқықбұзушылыққа жол бермеу жөнінде құқыққорғау және жергілікті атқарушы органдармен тиісті түсіндірме жүргізілгеніне қарамастан жалған ақпарат тарату деректері орын алуда. Атап айтқанда, Қызылорда қаласы, Жаңақорған және Арал аудандарында «COVID-19» диагнозымен емделіп жатқан тұлғалар бар екендігі туралы шындыққа жанаспайтын, көрінеу жалған ақпараттардың «Whats-app» мессенджері арқылы таратылуының 7&nbsp; фактісі анықталды. Бұл 7 факті бойынша полиция органдарымен ҚК-тің 274-бабы 4-бөлігінің 2)-тармағымен (төтенше жағдай кезінде көрінеу жалған ақпарат тарату) сотқа дейінгі тергеп-тексеру ісі басталды», – деді Талғат Айтбайұлы.
</blockquote>
Оның айтуынша, көрінеу жалған ақпарат дегеніміз – толығымен ойдан құрастырылған не шынайы деректерді елеулі өзгеріске ұшыратып жасалған, белгілі бір процесс туралы жалған пікір қалыптастыруға бағытталған, ресми көздермен расталмаған ақпарат. Мұндай әрекет төтенше жағдай кезінде немесе ұрыс жағдайында немесе соғыс уақытында не жария іс-шаралар өткізу кезінде жасалатын болса, ол ауырлатушы мән-жай ретінде қарастырылып, ауыр қылмыс ретінде сараланады.
<blockquote>
 «Аталған қылмысты жасаған тұлғаларға үш жылдан жеті жылға дейінгі мерзімге бас бостандығын шектеу не сол мерзімге бас бостандығынан айыру жазасы тағайындалуы мүмкін», – дейді облыс прокурорының бірінші орынбасары.
</blockquote>
Сонымен қатар, өңірде «COVID-19» диагнозымен ауырған тұлғалар мен олармен байланыста болған адамдардың жеке өміріне қатысты мәліметтерді заңсыз таратудың 2 дерегі анықталған.
Аталған деректер бойынша тиісті органда қылмыстық істер тіркеліп,&nbsp; Қылмыстық кодекстің 147-бабымен (Жеке өмiрге қолсұғылмаушылықты және Қазақстан Республикасының дербес деректер және оларды қорғау туралы заңнамасын бұзу) сотқа дейінгі тергеп-тексеру басталған.
<blockquote>
 «Мұндай әрекет үшін 7 жылға дейін бас бостандығынан айыру жазасы көзделген. Қазақстан Республикасының Президенті төтенше жағдай режимін бұзу жағдайлары бойынша қолданылатын жазаны барынша қатаңдатуды тапсырды. Бұл ретте, төтенше жағдай кезінде белгiленген режимдi бұзу, талаптарды орындамау, көрінеу жалған ақпараттарды тарату жағдайлары бойынша қатаң шаралар қабылданатынын халықтың назарына тағы да жеткіземіз», – дейді ол.
</blockquote>

Коронавирус: Жалған ақпарат таратудан Жаңақорған және Арал аудандары көш бастап тұр

<a href="https://kyzylorda-news.kz/">Kyzylorda-news.kz.</a> Белгілі қазақстандық астролог Ирина Әбдірайымова сәуір айына болжам жасады, деп хабарлайды&nbsp;<a href="https://sputniknews.kz/society/20200401/13476468/Maman-bolzham-zhasady.html">Sputnik Қазақстан</a>.
Дүрбелең күшейеді
Маманның айтуынша, сәуір айының басы – өте күрделі кезең. Әлемде көшбасшылар, жалпы әр адам билеп-төстеуге, үстемдікке ұмтылады.
<blockquote>
 «Адамдардың өз-өзіне сенімі артып, олардың бойынан табандылық, қайсарлық, өктемдік, агрессивтілік байқала бастайды. Дау-жанжал артады, адамдар кедергілерге тап болып, қателіктерге ұрынуы мүмкін. Құдды, бәрі сөз байласып, бірін-бірі әдейі аяқтан шалып жүргендей әсер қалдырады», – дейді Әбдірайымова.
</blockquote>
Астролог ай басында қоғамда жағдай тұрақсызданатынын болжады. Құқықбұзушылық өсіп, теракт, төбелес, билікке қарсы наразылық, заң өкілдерімен қақтығыстар орын алуы ғажап емес.
<blockquote>
 «Сәуірде коронавирусқа байланысты дүрбелең күшейеді. Осы айдан кейін бәсеңдеп, жазға қарай тынышталады», – деді маман.
</blockquote>
Сәуірде кімдердің жолы болады?
<blockquote>
 «Айдың 14, 15, 16 күндері туған Бикеш, Сарышаян, Торпақ, Балықтар үшін жақсы кезең. Қаржылық істерде олжаға кенелуі мүмкін, ірі ұтыс күтіп тұр. Саяси және қоғамдық қызметке қолайлы уақыт», &nbsp;– деп кеңес берді Әбдірайымова.
</blockquote>
Ал Шаян, Таразы және Тоқтылардың жан-дүниесінде трансформация жүреді, тобырдан аулақ болып, өз күшін асыра бағаламаған абзал.
<blockquote>
 «1-2 сәуірде айдың 23 күні туған адамдардың тісі ауыруы мүмкін. Бірақ бұл уақытта тіс жұлуға кеңес бермейміз», – дейді астролог.
</blockquote>
Бұдан бөлек, ол дін тақырыбындағы тартыстардан аулақ болуға шақырды.
3-4 сәуір аралығында ұмытшақтық байқалады, ой сан-саққа жүгіріп, ісіңіз алға баспайды, қателік көп жасайсыз.
Әбдірайымова бұл уақытта адамдар құжаттары мен іскерлік қағаздарын жоғалтып алуы мүмкін екенін ескертті. Сақ болмасаңыз, ұрылар мен алаяқтардан зардап шегуіңіз мүмкін.
<blockquote>
 «Көлік апаты жиілейді, сол себепті ішімдіктен аулақ болыңыз. Әсіресе бұл айдың 9 -10 күндері туған Балық, Бикеш, Егіздер мен Мергендерге қатысты», – дейді ол.
</blockquote>
Есесіне, 4 сәуірде басталған қос ғашықтың қарым-қатынасы ұзақ уақытқа созылып, махаббаты баянды болмақ.
«Ұшаққа отырмаңыз»
<blockquote>
 «7-8 сәуір аралығы – ақыл-ой жұмысы үшін өте жақсы уақыт. Бірақ бұл кезеңде біз ашуға тез берілеміз, апаттар мен жазатайым оқиғалардың саны артады, техника істен шығады, байланыс бұзылады, табиғи апаттар орын алуы мүмкін. Ірі әуе компанияларының банкротқа ұшырағанын естисіз. Сол себепті бұл күндері ұшаққа отырмаңыз, әуе апатына ұшырауыңыз мүмкін», – деп ескертті Әбдірайымова.
</blockquote>
Сонымен қатар, ол от, электр энергиясын, қаруды пайдаланған кезде, абай болуға кеңес берді.
<blockquote>
 «Қоғамдық орындардағы жарылыстардан, тәртіпсіздіктерден, наразылық пен ереуілдерден сақтану керек. 21 сәуірде аздап күйзеліске түсуіміз мүмкін. 24-25 сәуірде дау-жанжалдан аулақ болыңыз. Ал 26 сәуірде саяхатқа, экспедицияға шықпаңыз», – деді қазақстандық маман.
</blockquote>
Астрологтың болжамынша, сәуірдің ортасынан соңына дейінгі аралықта бойдақтар өз теңін табады. Ал іскерлік қарым-қатынас махаббатқа ұласуы мүмкін.
Бұдан бөлек, қосымша табыс табуға, косметологқа баруға қолайлы кезең.

Сәуір айында қазақстандықтарды не күтіп тұр?

<a href="https://kyzylorda-news.kz/">Kyzylorda-news.kz.</a> Коронавирус індетін жұқтырған тағы 3 адам тiркелдi, Қызылорда облысында – 1 адам, Ақтөбе облысында – 1 адам, Алматы облысында – 1 адам, деп хабарлайды <a href="https://www.coronavirus2020.kz/kz/kazakstandagy-koronavirus-boyynsha-1-sauirdin-16-50-uakytyndagy-epidemiologiyalyk-zhagday_a3632300">www.coronavirus2020.kz.</a>
1 сәуір 16:50-дегі мәлімет бойынша, Нұр-Сұлтан қаласы бойынша 184 адам, Алматы қаласында – 84 адам, Қарағанды облысында – 14 адам, Ақмола облысында – 16 адам, Атырау облысы – 16 адам, Жамбыл облысында -3 адам, Шымкент қаласында – 3 адам, Шығыс Қазақстан облысында – 2 адам, Алматы облысында – 9 адам, Ақтөбе облысында – 4 адам, Солтүстік Қазақстан облысында – 3 адам, Павлодар облысында – 1 адам, Маңғыстау облысында – 1 адам, Қызылорда облысында – 25 адам, Батыс Қазақстан облысында – 2 адам, Түркістан облысында – 5 адам, жалпы 372 науқас тіркелді.

Қызылордада коронавирус жұқтырғандар саны 25 адам болды

<a href="https://kyzylorda-news.kz/">Kyzylorda-news.kz.</a> Өздеріңізге белгілі, COVID-19 вирусына орай Қызылорда қаласында 31 наурыздан бастап карантин жарияланды. Осыған орай, қалаға кәсіпкерлер қандай жағдайда блок-бекеттен өте алатыны белгілі болды. Бұл туралы Қызылорда облысы кәсіпкерлер палатасының баспасөз қызметі хабарлады.
Осыған байланысты, 31.03.2020 жылдың 00:00 сағаттан бастап коронавирус инфекциясының таралуын ескере отырып, азық-түлік тауарларын, дәрілік заттарды, медициналық заттарды және басқа да тұрғындардың өмір сүруіне қажетті тауарлар мен қызмет түрлерін, өндірістік және ауылшаруашылығы кәсіпорындарының&nbsp; үздіксіз жұмыс жасауын қамтамасыз етуді қоспағанда, Қызылорда қаласына келесі көліктерге (авто, әуе көліктеріне) 14 тәулікке&nbsp; кіруге және шығуға тыйым салынды.
Жүк және жолаушыларды тасымалдауды есепке алмағанда, 01.04.2020 жылдың 00:00 сағаттан бастап соңғы стансасы Қызылорда қаласы болып табылатын барлық&nbsp; темір жол желісінің қызметіне&nbsp; тыйым салынды. Қызылорда қаласына келетін транзиттік жолаушылар Шиелі және Тереңөзек станцияларында түсіріледі.
Кәсіпкерлер тауарларымен Қызылорда қаласын территориясына кіріп-шығу үшін мынадай талаптарды орындауы қажет.
1. Тауарды алып келе жатқан адамның жеке куәлігі немесе паспорты;
2. Тауарға тауар-көліктік жөнелтпе құжаты (азық-түлік, құрылыс материалдары, медициналық заттар мен темекі бұйымдары). Егер мұндай жөнелтпе құжаты – накладной болмаған жағдайда қосымшада көрсетіліп отырған арнайы форманы толтыру қажет.
3. &nbsp;Жеке санитарлық қорғану құралдары: санитайзер және гигиеналық құралдар (маскалар мен резина қолғаптар, халаттар);
4.&nbsp; Қызылорда қаласына тауарларды жеткізу мерзімі:
– құрылыс материалдары кешкі сағат 18.00-ден таңғы 06.00-ге дейін;
– дәрі-дәрмектер мен азық-түліктер, өзге де тауарлар тәулік бойы.
5. Қала төңірегіне ұзақ мерзімге келген көліктер тіркеуге алынады. Жүк көліктерінің қозғалысы облыстық штабтың келісімінсіз рұқсат етілмейді.
Кәсіпкерлер палатасы директорының орынбасары Пирмұхаммед Сыздықов: «Негізі бұрыннан тауар тасып жүрген ірі компанияларда накладной болады. Ол накладной болса посттан өткізе береді. Арнайы форма – тек накладой толтыра алмайтын жеке кәсіпкерлер мен шаруа қожалықтары ғана. Бұл кәсіпкерлер өз көліктерін осы формаға сәйкес толтырып, Кәсіпкерлер палатасының маманы Алма Пирманованың электронды поштасына жолдаса&nbsp; (<a href="mailto:a.pirmanova@atameken.kz">a.pirmanova@atameken.kz</a>, тел. 8 701 560 1127) біз облыстық штабқа береміз, штаб қаладағы 5 блок-постқа жолдап, көлік кедергісіз өте алады», – дейді.
Накладной болмаған жағдайда, Қызылорда қаласына көлікті кіргізудің формасы
№
Тауарға тауар-көліктік жөнелтпе құжаты (*болған жағдайда)
Кіру күні және уақыты &nbsp;
Шығу күні және уақыты
Көліктің нөмірі
Көлік жүргізушісінің немесе экспедитордың аты-жөні, ЖСН, байланыс телефондары
Тауардың атауы
&nbsp; Тауардың көлемі (тн, л, шт) &nbsp;
Тауарды жіберген жақ
Тауарды қабылдайтын жақ (нақты баратын жерінің мекен-жайы)
1.
№00001 от 22.03.2020 г.
02:00 01.04.2020 &nbsp;
06:00 01.04.2020 &nbsp;
001ААА11
ФИО ИИН 8&nbsp;701 ХХХ ХХ ХХ
Картоп
20 тн
Шиелі кенті
Мысалы, «Сыбаға» базары (…кқшесіндегі)
&nbsp;
&nbsp;
&nbsp;
&nbsp;
&nbsp;
&nbsp;
&nbsp;
&nbsp;
&nbsp;
&nbsp;
Айта кету керек, Қызылорда облысы кәсіпкерлер палатасының тұрақты жұмыс жасайтын «жедел желісі»: 8 /7242/ 40-09-81 немесе 8 777 764 33 11 нөміріндегі call-орталыққа хабарласа алады.
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; Ал «Атамекен» Ұлттық кәсіпкерлер палатасына хабарласуға арналған байланыс құралдары: 1432, 8&nbsp;778&nbsp;870 14 32.
Төтенше жағдай кезінде елімізде кәсіпкерлікке қатысты жасалып жатқан жағдай туралы ақпараттарды мына сілтемеден алуға болады <a href="https://l.facebook.com/l.php?u=https%3A%2F%2Fatameken.kz%2Fru%2Fpages%2F1012-biznesvrezhimechs%3Ffbclid%3DIwAR135JePmASjB2mqTSDepgAZO5s_epmgIg-8PZYXp1d7-LiHJ4D3T1sbKCI&h=AT2NlhA03zQaKdOCNolJ1eBTw3rREOOyp7DVGmeJKarh1MPrUJkKWaaOWrvlKpRm23MlCLWGNI6Qt_2Nf0fiayElOofn9APW0vOIPxvhviU0cr8VcbWTmAVHF8aygMFFRu5KOajXajIkGA8OpzQ1rnyB8-MEhG8I83pz7_xWVhkzIQ">https://atameken.kz/ru/pages/1012-biznesvrezhimechs</a>.
Бот по вопросам Төтенше жағдайдағы форс-мажорға қатысты сауалдар бойынша бот: <a href="https://t.me/atameken_certificate_bot">https://t.me/atameken_certificate_bot</a>
Қаржылық қызметтер бойынша бот: <a href="https://t.me/Atamekencallcentre_bot">https://t.me/Atamekencallcentre_bot</a>

Қызылорда: Блок-бекеттен өту үшін кәсіпкерлер нені білуі керек?

<a href="https://kyzylorda-news.kz/">Kyzylorda-news.kz.</a> Қарағанды ​​облысының денсаулық сақтау басқармасының хабарлауынша, коронавирус инфекциясынан қайтыс болған адам&nbsp;Теміртауда нотариус болып жұмыс істеген.&nbsp;
Ер адам&nbsp;30 наурызда Қарағандыда қалалық&nbsp;ауруханаға түсті,&nbsp;госпитализация кезінде оған екі жақты пневмония және тыныс алу жеткіліксіздігі диагнозы қойылған. Науқас жансақтау бөліміне жатқызылды. Оның жағдайы біртіндеп нашарлаған.&nbsp;Өлім бүгін таңертеңгі 7:00-де тіркелді.
<blockquote>
 «Науқас емханаға түскеннен кейін, коронавирусқа сынақ&nbsp;тапсырды. Коронавирус індеті ер адам қайтыс болғаннан кейін расталды. Оған дейін науқас ауруханаға жүгінбеген», – деді Қарағанды ​​облысы денсаулық сақтау департаментінің қоғамдық денсаулық сақтау бөлімінің меңгерушісі Бибігүл Төлегенова.
</blockquote>
Сапаны бақылау бөлімінің бастығы Қанат Асқаров қазір дәрігерлер коронавирустан қайтыс болған адамдармен байланыс шеңберін құрғандар анықталғанын&nbsp;атап өтті.
Оның айтуынша, 36 адам – ​​жақын байланыста болған, олар қазір анықталды. Ал ықтимал байланысы барлар – 20 адам.
Еске сала кетейік, осы уақытқа дейін елімізде коронавирус инфекциясынан <a href="https://kyzylorda-news.kz/kogam/qaraghandy-oblysynda-koronavirws-indetinen-1-adam-koez-zhumdy-53328/">үшінші науқастын қайтыс болғанын</a> хабарлаған болатынбыз.

Коронавирустан көз жұмған үшінші қазақстандық 62 жаста болған

<a href="https://kyzylorda-news.kz/">Kyzylorda-news.kz.</a> Бүгіннен бастап Қазақстанның бірнеше облысында карантиндік шаралар күшейеді. Нұр-Сұлтан мен Алматы әуежайлары халықаралық жолаушылар рейстерін тоқтатады. Ал коронавируспен күресіп жүрген медицина қызметкерлеріне ай сайын 1 миллион теңгеге дейін үстемеақы беріле бастайды.&nbsp;<a href="https://sputniknews.kz/society/20200401/13476321/Qazaqstan-1-sauir-ozgeris.html">Sputnik Қазақстан</a>&nbsp;осы айда болатын негізгі өзгерістерге шолу жасайды.
Қозғалысқа шектеу енгізіледі
1 сәуірден бастап Павлодар облысының айналасында бақылау-өткізу бекеттері орнатылып, көлік пен адам қозғалысына шектеу қойылады. Теміржол және көлік қатынасымен жолаушыларды тасымалдауға тыйым салынады. Алайда емделуге және қызметтік іссапармен жүретіндерге шығуға рұқсат бар. Облыстың ішінде де жолаушылар тасымалына шектеу енгізіледі. Аймақ тұрғындарына сағат 22:00-ден бастап 6:00-ге дейін далаға (азық-түлік, дәрі-дәрмек, жұмыс пен медициналық көмекті санамағанда) себепсіз шығуға болмайды.
Қоғамдық жерлерде отбасы мүшелерін қоспағанда үш адамнан артық жиналуға болмайды. Ал қоғамдық тамақтану орындарында 50 адамнан артық отыруға болмайды.
Балабақшалар жұмыс істей береді, алайда жергілікті билік ата-аналарға балаларды үйден шығармауға кеңес беріп отыр.
Ал Петропавл қаласында барлық балабақша жабылады. Қалада адам мен көлік қозғалысы барынша шектеледі.
Екі қалада шектеудің өзгеше түрі қолданылады
Шығыс Қазақстанда 2 сәуірде сағат 00.00-ден бастап Өскемен мен Семей қалаларына кіріп-шығу шектеледі. Қаланың ішінде күндіз көлік қозғалысы шектелсе, түнде толығымен тоқтайды. Тек қызметтік көліктерге ғана жүруге рұқсат беріледі.
6 сәуірден бастап жеке көліктердің қозғалысы арнайы кестемен шектеледі. Атап айтқанда, жұп күндері мемлекеттік тіркеу нөмірі нөлді қосқанда, тек жұп санына аяқталатын көліктер жүрсе, тақ күндері көлік нөмірі тақ санына аяқталатын автомобильдер ғана қатынайды.
Бұдан бөлек, Өскемен мен Семей тұрғындары рұқсат қағазымен ғана жүре алады. Онымен аптасына үш рет азық-түлік пен дәрі-дәрмек алуға, сондай-ақ, банк пен емханаға баруға болады. Рұқсат қағазының екі түсі болады. Жасыл түсімен жұп күндері, ал ақ түсімен тек тақ күндері шығуға мүмкіндік беріледі.
Азық-түлік бөлімдерінен басқа, ірі сауда нысандарының қызметі тоқтайды. Мейрамханалар, дәмханалар, асханалар онлайн түрде тапсырыс алу, жеткізу режиміне көшеді.
Бұған дейін Ақтөбе, Қостанай, Жамбыл, Ақмола, Алматы мен Қызылорда облыстары өз шекарасын жапқан болатын.
Нұр-Сұлтан мен Алматы әуе рейстерін қабылдауды тоқтатады
1 сәуірде сағат 00.00-ден бастап Нұр-Сұлтан мен Алматының әуежайлары барлық халықаралық және эвакуациялық әуе рейсін қабылдауды тоқтатады. Ондай рейстер Қазақстанның басқа әуежайларына жіберіледі.
Айта кеткен жөн, бұған дейін 22 наурыздан бастап Нұр-Сұлтан мен Алматыда карантин енгізілуіне байланысты жолаушылар рейстерін қабылдау тоқтатылған болатын. Қазақстан азаматтарын елге қайтаратын әуе рейстері мен жүк лайнерлеріне ғана кіруге рұқсат берілген.
Бензин импортына тыйым салынады
1 сәуірден бастап Қазақстан теміржол тасымалы арқылы Ресей Федерациясынан бензин, дизельді отын мен керосинді импорттауға уақытша тыйым салады. Себебі төтенше жағдайдың енгізілуіне байланысты ішкі нарықта мұнай өнімдерін тұтыну көлемі төмендеп кеткен.
Кредит беруге қатысты жаңа талаптар енгізіледі
1 сәуірден бастап екінші деңгейлі банктер арқылы кредит берудің жаңа талаптары күшіне енеді. Енді банк қызметкерлері ақшаны қарызға алатын адамға кредит рәсімдеуден бұрын бекітілген формамен жадынаманы беруге міндетті.
Жадынамада кредиттің шарттары мен қарыз алушының міндеттері көрсетілуі керек. Қазақстандықтар осындай жадынамаларды бірнеше банктен алып, кредиттің шарттарын салыстыра алады. Сөйтіп, тиімді кредитті таңдауға мүмкіндік бар.
Медицина қызметкерлеріне үстемеақы беріледі
1 сәуірден бастап коронавирус эпидемиясына қарсы іс-шараларға тартылған барлық медицина қызметкері жалақысына қоса ай сайынғы үстемеақы алады. Төлемдер коронавирусты жұқтыру қаупіне қарай үшке бөлінеді.&nbsp;
<ul>
<li>“Қауіптілігі аса жоғары” — жансақтау бөлімшелерін қоса алғанда, инфекциялық стационарлардың дәрігерлері, орта және кіші медицина қызметкерлері. Үстемеақы 20 ең төменгі жалақы – 850 мың теңге:</li>
<li>“Қауіптілігі жоғары” – провизорлық стационарлар мен жедел жәрдем дәрігерлері, орта және кіші медицина қызметкерлері. Үстемеақы 10 ең төменгі жалақы – 425 мың теңге;</li>
<li>“Қауіптілігі орташа” – карантиндік стационарлардағы дәрігерлер, орта және кіші медицина қызметкерлері, санитарлық дәрігерлер (мемлекеттік қызметкерлер), жедел жәрдем жүргізушілері және т. б. Үстемеақы 5 ең төменгі жалақы – 212,5 мың теңгені құрайды.</li>
</ul>
Бұдан бөлек, медицина қызметкеріне коронавирус инфекциясымен ауырған жағдайда мемлекеттік әлеуметтік сақтандыру қорынан 2 миллион теңге бір реттік әлеуметтік төлем, ал көз жұмған жағдайда 10 миллион теңге бөлу қарастырылған.
Медициналық көмек бұрынғыдай қолжетімді болады&nbsp;
Бұған дейін 1 сәуірден бастап сақтандырылмаған науқастарға тегін медициналық қызметтің кепілдендірілген көлемі аясында ғана қызмет көрсетілетіні, ал оған кірмейтін қызметтердің бәрі ақылы болатыны хабарланған еді. Алайда кеше мемлекет басшысы Қасым-Жомарт&nbsp; Тоқаев елде төтенше жағдай жариялануына байланысты медициналық әлеуметтік сақтандыру жүйесі бойынша сақтандырылмаған азаматтардың көмек алу құқығы 1 сәуірден 1 шілдеге дейін ұзартылғанын мәлімдеді. Оның айтуынша, медициналық көмек азаматтарға бұрынғыдай қолжетімді болып қала береді.
Әрбір адам медициналық сақтандыру жүйесіндегі өз мәртебесін бірнеше жолмен біле алады. Олар: электронды үкімет порталы, медициналық сақтандыру қорының сайты және Telegram-бот Saqtandyry.&nbsp;
Қашықтан оқыту басталады
1 сәуірде республика бойынша қашықтан оқыту жүйесі сынақтан өткізіледі. Осы кезде мұғалімдер онлайн сабақтар өткізіп, оқушылармен бірге техникалық мәселелерді реттей алады. Ал білім министрлігі 300 мың оқушыны қажетті техникамен қамтамасыз етуді жоспарлап отыр.
Төтенше жағдайға байланысты оқушылар 16 наурыздан 5 сәуірге дейін демалысқа шықты. Төртінші тоқсан алтыншы сәуірден басталады. Оқушылар қашықтан оқыту режиміне көшеді.
Карантин жағдайында қашықтан оқыту “Ел арна”, “Балапан” телеарналары, “Qazaq radiosy”, интернет-ресурстар мен пошта арқылы жүргізіледі.
Қашықтан оқыту кезінде мұғалімдердің жалақысы да, студенттердің шәкіртақысы да сақталады.

Қазақстанда 1 сәуірден бастап не өзгереді?

<a href="https://kyzylorda-news.kz/">Kyzylorda-news.kz</a>. Еліміздің бас санитарлық дәрігері Айжан Есмағамбетова Қазақстанда коронавирустан қайтыс болған адамдарды жерлеу тәртібі бекітілген жарлыққа қол қойды, деп хабарлайды <a href="https://kaz.nur.kz/1848215-dene-tuystaryna-berilmejdi-kazakstanda-koronavirus-krbandaryn-kalaj-zerlejdi.html?utm_source=article-fragment&utm_medium=clipboard">NUR.KZ</a>.
Жарлыққа сәйкес, коронавирустан көз жұмған адамның денесі оның туыстарына берілмейді және сойылмайды.
Егер қайтыс болған адамға COVID-19 диагнозы қойылмаса, бірақ вирусқа байланысты күмән болса, денені оның туыстарына бермес бұрын инфекцияға сараптама жасалады.
Сараптама нәтижесі белгілі болғаннан кейін ғана денені туыстарына беру-бермеу жөнінде шешім қабылданады.
Сондай-ақ марқұмның денесі тоңазытқыш камерада алдын ала дезинфекциялық ерітіндімен жуылып, төсек жаймаға оралып сақталуы тиіс.
Қазақтар дәстүр бойынша денені табытқа салмайды. Бұл жағдайда коронавирустан көз жұмған адамның денесін дезинфекциялық ерітінді сіңірілген төсек жаймаға орап, сыртынан полиэтиленді пленкамен қаптайды. Артынан қайтадан тығыз матамен орайды.
Дене жерленетін жерге металл немесе ағаш табытқа салынып жеткізілуі тиіс. Марқұмның денесі жерлеу рәсімі кезінде де табытта болуы қажет.
Жерлеу рәсіміне тек марқұмның туыстары ғана қатыстырылады. Денені молаға жеткізетін және жерлеу әрекетін жүргізетін 5-7 адамнан тұратын топты санэпидемиялық қызмет мамандары ертіп жүреді.
Жерлеу рәсіміне қатысқан адамдардың барлығы екі апта бойы дәрігерлердің бақылауында болады.

Дене туыстарына берілмейді: Қазақстанда коронавирус құрбандарын қалай жерлейді

<a href="https://kyzylorda-news.kz/">Kyzylorda-news.kz.</a> Түркіменстан үкіметі «коронавирус» сөзін қолдануға тыйым салды.
Түркіменстан пандемияға байланысты БАҚ-тағы жаңалықтардың барлығында «коронавирус» сөзін қолдануға шектеу қойды. Сондай-ақ бұл сөз елдің денсаулық сақтау министрлігінің індет жайлы түсіндірме кітапшалардан да толығымен алынып тасталды. Аталмыш кітапшалар ем қабылдау орталықтары мен білім беру мекемелеріне таратылған.&nbsp;
Сонымен қатар мемлекетте көшеде маска тағып, әлемедегі эпидемияның таралуы жайлы әңгіме айтып бара жатқан тұрғындар қамауға алынуы мүмкін көрінеді.

Түркіменстан «коронавирус» сөзін пайдалануға тыйым салды

<a href="https://kyzylorda-news.kz/">Kyzylorda-news.kz.</a> Дүниежүзілік денсаулық сақтау ұйымы коронавирус ауа арқылы берілмейді деген қорытындыға келді, деп хабарлайды&nbsp;<a href="https://stan.kz/ddy-koronavirus-aue-arkili-berilmeydi-329171/">Stan.kz</a>.
<blockquote>
 «Коронавирус жұқтырған адам жөтелгенде, түшкіргенде немесе сөйлегенде пайда болатын тамшылар арқылы өтеді», – делінген ДДҰ-ның ресми твиттерінде.
</blockquote>
Осылайша, ДДСҰ мәліметі бойынша, вирус ауада өмір сүрмейді. Сондықтан өзіңізді қорғау үшін бір-бірінен бір метр қашықтықты сақтау керек, үнемі беттерді зарарсыздандыру, қолды жуу, көзге, мұрынға және ауызға қол тигізбеу керек.

ДДҰ: Коронавирус ауа арқылы берілмейді

<a href="https://kyzylorda-news.kz/">Kyzylorda-news.kz.</a> Қызылорда облысының әкімі Гүлшара Әбдіқалықова қаладағы блок-бекеттің жұмысымен танысты.
Аймақ басшысы «Шиелі-Қызылорда» тас жолына қойылған тосқауыл бекетіне барды. Карантин жағдайында жүргізіліп жатқан жұмыстармен танысты.
Қала әкімі Нұрлыбек Нәлібаев пен облыстық жұмылдыру дайындығы басқармасының басшысы облыс әкіміне қаладағы ахуал туралы есеп берді.
<blockquote>
 «Қазіргі таңда қала бойынша 6 тосқауыл бекеті қойылды. Әр бекетке әскери бөлімнің 14 қызметкері бекітілген. 10 адамдық шатыр тігілген. 1 арнайы техника мен адам тасуға арналған көлік те қарастырылған», – деді басқарма басшысы.
</blockquote>
Бүгінгі таңда тосқауыл бекеттерінің жұмыс істеу тәртібі бекітілген. Облыстық полиция департаменті мен денсаулық сақтау бақармасының мамандары тәулік бойы қызмет атқаруда.
Облыс әкімі Гүлшара Әбдіқалықова карантин талаптарын қатаң сақтауды міндеттеді. Тосқауыл бекеттеріндегі қызметкерлердің ыстық тамақпен қамтамасыз етілуін де басты назарда ұстау қажеттігін тапсырды.
<img src="https://kyzylorda-news.kz/wp-content/uploads/2020/04/gwlshara-kaz-2.jpeg" alt="" />
<img src="https://kyzylorda-news.kz/wp-content/uploads/2020/04/gwlshara-kaz-3.jpeg" alt="" />
<img src="https://kyzylorda-news.kz/wp-content/uploads/2020/04/gwlshara-kaz-4.jpeg" alt="" />

Гүлшара Әбдіқалықова блок-бекеттің жұмысымен танысты

<a href="https://kyzylorda-news.kz/">Kyzylorda-news.kz.</a> Қарағанды облысында коронавирус індетінен 1 адам көз жұмды, деп хабарлайды&nbsp;<a href="https://www.coronavirus2020.kz/kz">coronavirus2020.kz</a>.
Осылайша Қазақстан бойынша үшінші адам коронавирус инфекциясынан қайтыс болды.

Қазақстан және Қызылорда облысының жаңалықтары