<a href="https://kyzylorda-news.kz/">Kyzylorda-news.kz.</a> Облыс әкімі Гүлшара Әбдіқалықованың Арал ауданындағы жұмыс сапары екінші күні жалғасты.
Өңір басшысы апаттық деп танылған «Толқын» балабақшасының жағдайымен танысты. Гүлшара Әбдіқалықова аудан әкіміне бұл мәселенің шешу жолдарын ұсынуды тапсырды.
<img src="https://kyzylorda-news.kz/wp-content/uploads/2020/05/fb_img_1589534765249.jpg" alt="" />
Мұнан кейін, облыс әкімі жазушы Ә.Нұрпейісов атындағы әдебиет үйінде болып, оқушылар үйінің құрылыс және 2018 жылы пайдалануға берілген ауданаралық орталық ауруханасынының (150 орынға лайықталған) жұмыстарымен танысты. 
Сапар барысында облыс әкімінің төрағалығымен ауданның әлеуметтік-экономикалық дамуына арналған мәжіліс өтті. Онда Гүлшара Әбдіқалықова бірқатар көрсеткіштердің төмендегенін айтты.
<img src="https://kyzylorda-news.kz/wp-content/uploads/2020/05/fb_img_1589534768502.jpg" alt="" />
<blockquote>
 “Ауданда өнеркәсіп өндірісі 5,5 пайызға, өңдеуші өнеркәсіп 7,5 пайызға, кәсіпкерлік саласы бойынша көрсеткіш 2 пайызға төмендеген. Тек ауыл шаруашылығындағы өнім өндірісі 2 пайызға, тұрғын үйлерді пайдалануға беру 48,9 пайызға өскен. Бірақ, бұл нәтижелер көңілге қонымды емес, себебі, экономиканың негізгі көрсеткіштері төмен”,- деді облыс әкімі Г.Әбдіқалықова.
</blockquote>
<img src="https://kyzylorda-news.kz/wp-content/uploads/2020/05/fb_img_1589534772442.jpg" alt="" />
Арал ауданында «Жұмыспен қамту жол картасы» бағдарламасы шеңберінде бөлінген қаржыға 16 жоба іске асуда. Оның ішінде Арал қаласының жолдарын орташа жөндеу, аудандық маңызы бар автомобиль жолының құрылысын, Сексеуіл кентіндегі 300 орындық мектеп құрылысын жүргізу, орталық көшелерді абаттандыруға, Арал қаласындағы ауылішілік көшелерге газ құбыры жүйелерін жеткізу секілді ірі жобалар қарастырылған.
<img src="https://kyzylorda-news.kz/wp-content/uploads/2020/05/fb_img_1589534775552.jpg" alt="" />
Өңір басшысы “Жұмыспен қамту жол картасы” бағдарламасы аясында бөлінген қаржыны тиімді жұмсауды тапсырды. 
Мұнан соң облыс әкімі Жақсықылыш кентіндегі «Аралтұз» зауытымен және аталмыш мекеменің кальцилендірілген сода шығару инвестициялық жобасының жүзеге асырылу барысымен, «Батыс Еуропа – Батыс Қытай» халықаралық көлік дәлізі бойындағы «С» және «Д» санатты жол бойы сервис кешені мен Қамбаш ауылындағы олимпиадалар және қосымша білім беру орталығының жұмысымен танысты.
<img src="https://kyzylorda-news.kz/wp-content/uploads/2020/05/fb_img_1589534778834.jpg" alt="" />
Аманөткел ауылы тұрғындарының өзекті мәселелері Хан елді мекені тұсындағы қалқымалы көпірдің қызметі. Гүлшара Әбдіқалықова аудан әкімі М.Оразбаев пен облыстық жолаушылар көлігі және автомобиль жолдары басқармасының басшысы М.Тілеумбетовке өткелдің жұмысын қамтамасыз етуді тапсырды. 
Сондай-ақ, аймақ басшысы Жаңақұрылыс ауылындағы №74 орта мектебіне барды. 
Облыс әкімінің Арал ауданына жұмыс сапары осымен аяқталды. 
Ары қарай аймақ басшысы Гүлшара Әбдіқалықова Қазалы, Қармақшы аудандары мен Байқоңыр қаласына барады деп жоспарлануда.
<img src="https://kyzylorda-news.kz/wp-content/uploads/2020/05/fb_img_1589534782628.jpg" alt="" />

Г.Әбдіқалықова: &#8220;Аудан әкімі балық шаруашылығы мен шағын, орта бизнеске қолдау көрсетуі керек&#8221;

Халықаралық отбасы күні
1993 жылдан бастап, БҰҰ Бас Ассамблеясының қарарына сәйкес жыл сайын атап өтіледі.
Халықаралық климат күні
1992 жылы Халықаралық қауымдастық парникті газдардың ауаға таралуымен байланысты қауіпті мойындай отырып, БҰҰ-ның Климаттың өзгеруі мәселелері жөніндегі конвенциясына қол қою туралы уағдаласты.
1989 жылы&nbsp;Алматыда қазақтың ұлы ғалымы, ағартушы, шығыстанушы, тарихшы, этнолог, географ, фольклортанушы Шоқан Уәлихановтың ескерткіші ашылды. Ескерткіш авторлары – мүсінші Хакімжан Наурызбаев пен сәулетші Шота Уәлиханов.
1992 жылы&nbsp;Президент Нұрсұлтан Назарбаевтың Жарлығымен Қазақстан Республикасының Ұлттық ядролық орталығы мен Атом қуаты жөніндегі агенттігі құрылды.
1999 жылы&nbsp;Қазақстан Республикасы Президенті Н.Ә.Назарбаевтың Жарлығымен Қазақстан Республикасының Мемлекеттік құпияларды қорғау жөніндегі агенттігі құрылды.

15 мамыр: Атаулы күндер мен оқиғалар

<a href="https://kyzylorda-news.kz/">Kyzylorda-news.kz</a> ақпараттық агенттігінің 15 мамырға арналған жұлдыз-жорамалы.
Тоқты
Айналаңызда өзгерістер орын алады. Не исключены перемены в вашем окружении. Ескі таныстармен қарым-қатынасыңыз үзіледі. Кейбір жандар жаңа таныстар немесе туыстарын табады.
Торпақ
Сүйіктіңізге көңіл бөлуге уақытыңыз жоқ. Оған жұмысбастылық немесе оқудың көптігі себеп болуы мүмкін. Бұл жағдай оң әсерін тигізеді деп айтуға болады. Себебі бір-біріңізден алыстау арқылы өз бағаларыңызды арттырасыздар.&nbsp;
Егіздер
Бүгін өз-өзіңізді дамытасыз. Қызықты, әрі табысы мол жұмыс тауып, маңызды іспен немесе шығармашылықпен айналысасыз. Есіңізде болсын, ұсақ шаруаларға уақыт кетірмей, маңызды істі қолға алыңыз.
Шаян
Сіз бүгін жақындарыңызға өте қатал, ал қызметкерлеріңізге өте талапшыл боласыз. бұл мінезіңіз өзіңізге де ұнамауы мүмкін. сондықтан өзіңізге жақын адаммен ашық әңгімелесіп, мәселеңізді шешіп алыңыз.
Арыстан
Сіз бүгін күйзеліске түсуге бейім боласыз. Сондықтан жағымсыз ортадан бойды аулақ ұстаңыз. Сонымен қатар алыс сапарға шықпаңыз. Таза ауада серуендеңіз, әсіресе ұйықтар алдында.
Бикеш
Күнделікті жұмыстан шаршайсыз. Білім көкжиегін кеңейту мақсатында басқа да шаруалармен айналысуды жөн көресіз. Бірақ барлық уақытта да сіздің айтқаныңыз бола бермейді. Арасында жоспарларыңыз өзгеруі мүмкін.
Таразы
Әріптестеріңізбен бірге ауқымды жұмыс жасайсыз. Сізге берілген тапсырманың жүгі ауыр. Оны орындау үшін біраз тер төгуіңізге тура келеді. Жұмысты бұлжытпай орындау үшін өзгелердің аздаған көмегі қажет болады.&nbsp;
Сарышаян
Бүгін шығынға ұшырайсыз. Одан қашып құтылу мүмкін емес. Отбасыңызда әрбір жанға көңіл бөліп, олардың мұқтаждықтарына назар аударыңыз. Кейбір жандар өз-өзімен болып, жалғыз қалуды қалайды. Жұмыс ауыстыруды көздейсіз.
Мерген
Махаббатта жолыңыз болады. Сүйген адамыңызды жолықтырып, басқосуды да қалайсыз. Ойыңызды сүйіктіңізге жеткізіңіз. Сеніңіз, оның да сізге деген сезімі ерекше. Уақытты текке кетірмеңіз.
Тауешкі
Бүгін табысты боласыз. Үйіңізге кіріс кіріп, қаражат жинай бастайсыз. Күннің екінші жартысында көптен күткен арманыңыз орындалып, үмітіңіз қайта оянады. Әрдайым қозғалыста болыңыз, шаруаларыңызды соңына дейін орындаңыз.&nbsp;
Суқұйғыш
Бүгін сіз үшін айтарлықтай жаңалық жоқ. Сондықтан да бұл күн есіңізде қалмайды. Сол секілді өзекті мәселелер де көп емес. Алайда жұмыста немесе жеке өміріңізде аздаған қиындықтар туындап қалуы мүмкін.
Балықтар
Бүгін жұмысты кейінге қалдырасыз. Өз жағдайыңызды ойлап, жан-жағыңызға алаңдайсыз. Сонымен қатар келешекке жоспарлар құрып, жүйкеңізді тыныштандырасыз. Бұл іс-әрекетіңіз дұрыс-ақ!

Жұлдыздар не дейді?

<a href="https://kyzylorda-news.kz/">Kyzylorda-news.kz.</a> Денсаулық сақтау министрі Елжан Біртанов Денсаулық сақтау кодексінің жобасын қабылдау туралы, атап айтқанда, балаларды вакцинациялау туралы нормаға түсініктеме берді,&nbsp;&nbsp;деп хабарлайды&nbsp;<a href="https://stan.kz/">Stan.kz</a>.
Парламент мәжілісінің депутаттары «Халық денсаулығы және денсаулық сақтау жүйесі туралы» кодекс жобасын екінші оқылымда мақұлдады. Министрдің айтуынша, денсаулық сақтау саласындағы бірде-бір заң бұрын осындай ашық және ауқымды талқылаудан өткен жоқ: жұмыс тобының 42 отырысы өтті, 1000-нан астам түзетулер, 11 қоғамдық талқылау Нұр-Сұлтан, Алматы және облыстарда өтті.
<blockquote>
 «Вакцинацияға жеке тоқталғым келеді. Соңғы уақытта әлеуметтік желілерде сапасыз вакциналар, теріс пиғылды сатып алулар мен вакциналарды дұрыс тасымалдамау,&nbsp;жоқ медициналық асқынулар және&nbsp;және көптеген бас тартушылар туралы&nbsp;әңгімелерден әсерінен&nbsp;Кодекстің қабылдануына, оның ішінде міндетті вакцинацияға қарсы даулар пайда болды.&nbsp;Бұл қоғамдық сананың ашық манипуляциясы!&nbsp; Қазақстанда вакцинация мәжбүрлі болмаған және болмайды да! Әлемнің кез-келген жеріндегі сияқты, біздің елде де ерікті және міндетті вакциналар болады. Бірақ әрбір жағдайда, ата-аналардың ақпараттандырылған келісімге немесе вакцинациядан бас тартуға құқығы бар және солай қалады! Вакцина салынбаған балалардың құқықтарын шектейтін ережелер жоқ! Ұжымдық иммунитетті, яғни балабақшаға баратын барлық балалардың денсаулығын қорғауды қамтамасыз ететін бір ғана норма бар», – деп жазды министр Facebook-те.
</blockquote>
Оның айтуынша, 2019 жылы Қазақстанда 4,8 миллион бала егілген, ал егуден бас тартқандар саны –&nbsp;6003, яғни тек 0,12 пайыз ғана болған.
<blockquote>
 «2019 жылы тек 143 бала жағымсыз көріністерге ие болды (температура, ісіну, терінің қызаруы), бұл 0,003 пайыз. Сонымен қатар, 2019 жылы Қазақстанда көз жұмған балалардың санын салыстырсақ, вакцинадан – 0! Сандар өздері үшін сөйлеп тұр», – деді Біртанов.
</blockquote>
Ведомство басшысы Қазақстанда әрбір вакцина тиісті өндірістік тәжірибенің (GMP) халықаралық стандарттарына сәйкес келетін қауіпсіздікке, тиімділікке және сапаға көп кезеңді тексеруден өтетінін атап өтті. Зертханалық зерттеулер жүргізіледі,сондай-ақ клиникаға дейінгі және клиникалық зерттеулердің тарихы, вакцинаның эпидемиологиялық тиімділігі тексеріледі.
<blockquote>
 «Тіркелгеннен кейін әкелінетін&nbsp;вакциналардың әр партиясы, сериясы қауіпсіздіктің және сапаның тағы бір сараптамасынан өтеді. Егер вакцинаны халықаралық ұйымдар сатып алса, онда ДДСҰ деңгейінде сапа қауіпсіздігі бағаланады. Бүгінде&nbsp;Ұлттық вакцинация күнтізбесі шеңберінде қолданылатын барлық вакциналар Дүниежүзілік денсаулық сақтау ұйымының біліктілігін арттырудан өтеді. Бұдан бұрын біз қауіпсіздік пен сапаны бағалау процесінің қалай өтіп жатқанын бірнеше рет көрсеттік. Мұны ашық әрі мұқият жалғастырамыз», – деді министр.
</blockquote>

Біртанов: Вакцинация мәжбүрлі болмаған және болмайды

<a href="https://kyzylorda-news.kz/">Kyzylorda-news.kz.</a> Қазақстанның жетекші инфекционист дәрігері Динагүл Баешева жаз уақытында коронавирустың қалай таралатынын айтты, деп хабарлайды&nbsp;<a href="https://sputniknews.kz/">Sputnik Қазақстан</a>.
<blockquote>
 «Жазда күн көзі қатты. Ал ультракүлгін сәулелер көптеген патогендік вирус пен бактерияны өлтіреді. Әрине, бұл – жақсы жаңалық. Бірақ маңызды бір мәселені ұмытпауымыз қажет. Бұл вирус тыныс алу жолдарындағы жасушалар арқылы таралады. Ол жерге ультракүлгін сәулелер түспейді. Мәселе сонда», – деді Баешева бүгінгі онлайн брифингте.
</blockquote>
Оның айтуынша, жазда адамдар бір жерде жиналып отырмайды. Көшеге шығып, бір-бірінен алшақ жүреді. Ал үйде отырса, терезе мен есікті жиі ашып, желдетіп жатады. Бұның бәрі вирустың таралуына жол бермейді.
<blockquote>
 «Дегенмен, арақашықтықты сақтау қажет. Адамдар бір-бірінен кем дегенде бір метр алшақ жүруі керек. Негізі талап бойынша 1-2 метр болуы шарт. Біздің негізгі мақсатымыз – вирусты бір-бірімізге таратпау. Ал инфекцияны көбейтпеу үшін оның тізбегін үзу керек. Бұл ретте гигиенаны да ұмытпағанымыз жөн», – деп атап көрсетті Баяешева.
</blockquote>

Күн көзі коронавирусты өлтіре ме?

<a href="https://kyzylorda-news.kz/">Kyzylorda-news.kz.</a> Аймағымызда жалпыұлттық «BIRGEMIZ: BILIM» жобасын жүзеге асыру мақсатында «Nur Otan» партиясы Қызылорда облыстық филиалы жанындағы «Jas Otan» Жастар қанаты «Сана» зияткер жастар мектебі» қоғамдық қорымен меморандумға отырды.
​«BIRGEMIZ: BILIM» жобасының мақсаты – өңіріміздегі ауылдық орта білім беру мекемелерінің жоғары сынып оқушыларына (8-11 сынып) қосымша дайындық сабақтарын ұйымдастыру болып табылады.
Жобаға волонтерлар, қоғамдық ұйымдарының белсенділері, білікті мамандар, кәсіби мұғалімдер және студенттер қатыса алады.
​Жоба аясында ҰБТ-ге арналған дайындық сабақтары, олимпиядаларға және ғылыми-интеллектуалды байқауларға қатысуға арналған қосымша сабақтар, компьтерлік сауаттылық бойынша қосымша сабақтар, құқықтық сауаттылық және ағылшын тілін үйрету бойынша дайындық сабақтары жүргізіледі.
​Қосымша ақпаратты «BIRGEMIZ: BILIM» жобасының орталығы – «Сана» зияткер жастар мектебі» қоғамдық қорынан білесіздер
Байланыс телефоны: +7 747 486 03 04.
<img src="https://kyzylorda-news.kz/wp-content/uploads/2020/05/02-23.jpg" alt="" />

Қызылордада жоғары сынып оқушыларына тегін қосымша сабақтар ұйымдастырылмақ

<a href="https://kyzylorda-news.kz/">Kyzylorda-news.kz.</a> Өмірге келу, балалық шақтың бал дәуренін өткеру, жастық шақта арманның биік асқарына ұмтылу – бәрі де өмірдің өзіндік қызығы. Десек те, адамзат баласының өмірлік жарын табумен толыға түсетін отбасы бақытының орны бір бөлек.
Дана халқымыз өскелең ұрпақты дәстүрлі құндылықтарымен сусындыра отырып, анасы қызын «Барған жеріңе тастай батып, судай сің», «Ерге жаққан, елге де жағады», ал бозбаланы «Жақсы әйел теңі жоқ жолдас, түбі жоқ сырлас» деп тәрбиелеген.
Бірақ бүгінде біз осы тәрбиеден алшақтап, ұлттық құндылықтарды ұмыт қыла бастағандаймыз. Олай дейтініміз, өткен 2019 жылғы мәліметке сүйенсек, Қазақстанда әрбір екінші неке ажырасумен аяқталған. Ал, 400&nbsp;мың ана балаларын жалғыз тәрбиелеп отырса, 60&nbsp;мың жалғызбасты әке отбасынан алыстаған. Қазақстанның солтүстік өңірлерінде – әрбір екінші отбасының шаңырағы шайқалады. Отбасының бұзылуына баланың болмауы негізгі себеп дейін десек, ажырасқандардың 83 пайызының ортақ балалары бар. Британдық «The Economist» басылымының әлемдік рейтингінде Қазақстан ажырасу саны бойынша 10-орында тұр деп кемшілігімізді бетке басыпты.
Елімізде жыл сайын жас отбасылардың отау құруы қуантарлық жайт. Алайда, неке бұзылуының саны да қатарласып артуы қоғамның бір дертіне айналуда. Бүгінгі күні отбасылардың ажырасуына жол беретін түрлі себептерді байқап жатамыз. Көп жағдайда ерлі-зайыптылардың өз міндеттерін толық орындамау себебінен шаңырақтары шайқалып жатады. Әсіресе дін тұрғысында бірқатар жанұя діни ұстанымдарына байланысты «талақ» мәселесін негіз етеді. Ислам атын жамылған «псевдосалафизм», «уахабизм» және «такфиризм» ағымдарын ұстанушылар ажырасу шарттарын бұрмалап, түрлі сылтауларды алға тартады. Әйелі намаз оқымайтын болса оны намазға жығылуға мәжбүрлеп, көнбегендеріне талақ айтып шыға келеді. Жарының намаз оқымайтын туыстарын да кәпірге балап, олармен туыстық қарым-қатынасына шектеу қояды. Осының салдарынан ерлі-зайыптылардың арасында дау шығып, ақыр соңы отбасының ойрандауына алып келеді. Бұдан бөлек деструктивті діни ағымды ұстанушылар арасында заңды түрде некелеспей, «шариғаттың жолымен» деген желеумен жанұя құратындар көп. Мұндай отбасында жауапкершілік болмағандықтан, ері әйелінен жалыға қалса «талақ» айтып, келесі үйленетін адамын іздеп кете береді. Ал, шындығында ислам діні жастардың шаңырақ көтеріп, сол отбасының бұзылмауына ерекше мән береді. Жанұя құру мәселесіне жауапкершілікпен қарауға шақырады.
Жазушы Ғабиден Мұстафиннің «Ата-ананың міндеті – тәрбиелеу және жақсылықты үйрету» дегендей бала тәрбиесінде және оның тұлға болып қалыптасуына ата-ана мен отбасының маңызы зор. Отбасында берілген тәрбие бала өмірінде маңызды рөл атқарады. Мәселен, шектен тыс әлпештеніп, айтқаны екі етілмеген балалар ата-анасын басынып, ашушаң мінезді болып өседі. Өзімшілдік қасиетке ие болады. Жақсы тәрбие беру, қоғамға пайдалы тұлға жетілдіру үшін ақша мен байлық болуы шарт емес.
Халқымызда «Әке – асқар тау, ана – мөлдір бұлақ, бала – жағасындағы құрақ» деген даналық сөз ұлттық тәрбиенің отбасылық өмірде атқарар рөлін айқындап тұрғандай. Әрбір азамат атаның қанымен, ананың сүтімен келетін ізгі қасиеттерді, отбасылық, ұлттық және рухани құндылықтарды жанұяда ата-ананың тәрбиесімен бойына сіңірсе, келешек ұрпақтың ертеңге нық қадам басуының негізі болмақ.
Ақерке САҚТАҒАНОВА,
Қызылорда облыстық ішкі саясат басқармасының
Дін мәселелерін зерттеу орталығы «Діни, психологиялық кеңес беру және оңалту» бөлімінің теолог маманы

Әсіредіншілдер ажырасуға бейім

<a href="https://kyzylorda-news.kz/">Kyzylorda-news.kz.</a> 18 мамырдан бастап қазақстандықтарға мешітке кіруге рұқсат беріледі. Алайда мұсылмандарға Қадыр түнін үйде қарсы алу ұсынылды.
18 мамырдан бастап елдегі мешіттер барлық санитарлық норманы сақтай отырып <a href="https://kyzylorda-news.kz/kogam/18-mamyrdan-bastap-meshitter-ashylady-qandaj-talaptardy-saqtaw-kerek-61802/">ашылады</a>. Жалпы алаңның 30%-ін толтыруға рұқсат берілген.
<blockquote>
 «Біздің имамдар күшейтілген жұмыс режиміне көшеді. Келушілерді кезең-кезеңмен кіргіземіз. Мысалы, Құран оқуға арналған бөлмеде бір мезгілде оннан артық адам болмауы керек. Жалпы залға имамдар адамдарды топ-тобымен кіргізетін болады», – деп хабарлады Қазақстан мұсылмандары діни басқармасы&nbsp;<a href="https://sputniknews.kz/">Sputnik Қазақстан</a>&nbsp;тілшісіне.
</blockquote>
Мешіттердің есігі жеке дұға жасау үшін, Құран оқу және діни неке рәсімін өткізу үшін ашылады.
<blockquote>
 «Жыл сайын Қадір түнінде мешітте адам көп жиналады. Ал биыл Қадір түнін үйде өткізуді ұсынамыз», – деді ҚМДБ.
</blockquote>
Қадір түні мамырдың 19-нан 20-сына қараған түні кіреді.
<blockquote>
 «Жамағат намазы: бес уақыт намаз, жұма намазы, тарауих намазы әзірге мешітте оқылмайды», деп нақтылады діни басқарма.
</blockquote>
Мешіттегі неке қию рәсіміне шариғатқа сәйкес, жас жұбайлармен бірге куәгерлері ғана қатыса алады.

ҚМДБ жауап берді: Қазақстанда Қадір түнін мешітте қарсы алуға бола ма?

<a href="https://kyzylorda-news.kz/">Kyzylorda-news.kz.</a> ҚР Экология, геология және табиғи ресурстар министрі Мағзұм Мырзағалиев Қызылорда облысына сапары туралы жазба жариялады.
<blockquote>
 «Еліміздің оңтүстік өңірінде жұмыс сапарымен жүрмін. Кеше Қызылорда облысының әкімі Г.Әбдіқалықовамен Кіші Аралға барып қайттым. Солтүстік Аралдағы ахуалды жақсартуда Көкарал бөгетінің құрылысы үлкен рөл атқарды және бүгінде ол жақтағы су көлемі 27 текше шақырымға жетті. Өңірдің экологиясы жақсарып, балық шаруашылығы қарқынды даму үстінде. Су қоймасында тіршілік ететін балықтың 20-дан астам түрі бар», – деп жазды министр&nbsp;<a href="https://twitter.com/MirzagalievKZ?ref_src=twsrc%5Egoogle%7Ctwcamp%5Eserp%7Ctwgr%5Eauthor">Twitter</a>&nbsp;парақшасында.
</blockquote>
Оның атап өтуінше, бөгеттің стратегиялық маңызы бар және оның жай-күйін бақылауға алып, үнемі күтіп ұстау қажет.
<blockquote>
 «Осы мақсатта бөгетті нығайту жұмыстарын жүргізу жоспарланған, жобалық-сметалық құжаттамасы әзірленіп жатыр. Жоба таяу келешекте жүзеге асырылатын болады және нысанды жаңғырту барысында жұмыс орындарын ашуға мүмкіндік береді», – деді Мағзұм Мырзағалиев.
</blockquote>

ҚР Экология министрі: Кіші Аралдың экологиясы жақсарып келеді

<a href="https://kyzylorda-news.kz/">Kyzylorda-news.kz.</a> Бүгін Қызылорда облысында көлік ішінде ұйықтап жатқан полицейлердің видеосы әлеуметтік желілерде таралып, қызу талқыланған болатын. Артынша Қызылорда облыстық Полиция департаментінің баспасөз қызметі олардың жұмыстан шығарылғанын мәлімдеді.
Аталған департаменттің баспасөз қызметінің хабарлауынша, 14 мамыр күні «Whatsapp» арқылы тараған қызметтік автокөлік ішінде ұйықтап жатқан екі полиция қызметкері туралы бейнежазба бойынша Қызылорда облысы Полиция департаментінің Өзіндік қауіпсіздік басқармасымен тексеру жұмыстары жүргізілген.
<blockquote>
 «Жедел түрде Департаменттің Тәртіптік Кеңесінде Әдеп кодексінің талаптарын бұзған екі қызметкердің және оларға тікелей жетекшілік жасайтын басшыларының жауапкершілігі қаралды. Тәртіптік Кеңес шешімімен Қызылорда қалалық Полиция басқармасының Жергілікті полиция қызметі бөлімінің патрульдік полиция батальонының қызмет инспекторлары ішкі істер органдарынан шығарылды. Сонымен қатар, қызметкерлердің тікелей басшыларына қатаң тәртіптік жаза қолданылды», – деп хабарлады облыстық Полиция департаментінің баспасөз қызметі.
</blockquote>

Қызылордада көлік ішінде ұйықтап жатқан полицейлер жұмыстан қуылды (видео)

<a href="https://kyzylorda-news.kz/">Kyzylorda-news.kz.</a> Көліктегі бас мемлекеттік санитар дәрігер Сәдуақас Байғабылов пойыздарда негізгі санитарлық-карантиндік шараларды белгілейтін қаулыға қол қойды.
Қаулы тасымалдаушылар жұмысына ғана қатысты емес. Құжатты вокзал әкімшілігі, тасымалдау саласындағы кәсіпорындар мен көлікке қызмет көрсету ұйымдары басшылыққа алады.
Вокзал ғимаратына тек билеті бар жолаушылар кіргізіледі. Жолаушылар маска тағуға, ал жолсеріктер бетпердемен қоса қолғап киюге міндетті.
Шығарып салушылар вокзал ғимаратына кіре алмайды, туысқандарымен сыртта қоштасуы тиіс. Вокзалдың өзіндік қауіпсіздік қызметі кіре берісте барлық адамның дене қызуын тексереді.
«Вокзал ішінде, пойызға отырарда және одан түсерде жолаушылар арасында әлеуметтік ара қашықтық сақталуы тиіс. Вагондар арасында жолаушылардың қозғалысы шектеледі», – деп мәлімдеді Сәдуақас Байғабылов.
Пойыз жүргеннен кейін жолсеріктер жолаушыларға анкета таратады.
Жылжымалы құрам вагондарында кондициялау, желдеткіш жүйелері мен желдеткіш сүзгісін ауыстыруға ревизия жүргізіледі.
Вокзал мен пойыздарда жұмыс істейтін қызметкерлер әр ауысым алдында медициналық тексерістен өтеді.
Егер жағдай тұрақталса, бұл шаралар кезең-кезеңмен жеңілдетіледі.
Бұған дейін жолаушылар пойыздары 1 маусымнан бастап жүретінін&nbsp;хабарлаған болатынбыз.

1 маусымнан бастап вокзалға тек билетпен кіргізеді: пойыз жолаушылары нені білуі тиіс?

<a href="https://kyzylorda-news.kz/">Kyzylorda-news.kz.</a> Биылғы оқу жылы 25 мамырда аяқталады. Бітіруші түлектер үшін «Аттестат тапсыру» және «Соңғы қоңырау» шаралары 3-4 маусым күндері өтеді.
Биылғы ерекшелік – мемлекеттік емтихандар өткізілмейді. Аттестатқа қорытынды баға жылдық бағалар негізінде қойылады. Облыс бойынша «Алтын белгіге» 573 оқушы үмкіткер.
Салтанатты шаралар мектептің сыртқы ауласында ұйымдастырылады. Санитарлық сақтық шаралары қатаң сақталатын болады. Жиынға бітірушілер мектеп формасымен қатысады.
Сондай-ақ, үйлерде, кафе, ресторандар да отырыстар өткізу және картежге шығуына қатаң тыйым салынды.
Жалпы оқу жылын аяқтау шараларын ұйымдастыруға, мектептерге сыйлық алуға оқушылар мен ата-аналардан, педагогтардан ақша жинауға рұқсат берілмейді.р

Қазақстан және Қызылорда облысының жаңалықтары

Г.Әбдіқалықова: “Аудан әкімі балық шаруашылығы мен шағын, орта бизнеске қолдау көрсетуі керек”

15 мамыр: Атаулы күндер мен оқиғалар

Жұлдыздар не дейді?

Біртанов: Вакцинация мәжбүрлі болмаған және болмайды

Күн көзі коронавирусты өлтіре ме?

Қызылордада жоғары сынып оқушыларына тегін қосымша сабақтар ұйымдастырылмақ

Әсіредіншілдер ажырасуға бейім

ҚМДБ жауап берді: Қазақстанда Қадір түнін мешітте қарсы алуға бола ма?

ҚР Экология министрі: Кіші Аралдың экологиясы жақсарып келеді

Қызылордада көлік ішінде ұйықтап жатқан полицейлер жұмыстан қуылды (видео)

1 маусымнан бастап вокзалға тек билетпен кіргізеді: пойыз жолаушылары нені білуі тиіс?

Биыл Қызылорда облысында 573 оқушы «Алтын белгіге» үміткер

Қазақстан және Қызылорда облысының жаңалықтары

Г.Әбдіқалықова: &#8220;Аудан әкімі балық шаруашылығы мен шағын, орта бизнеске қолдау көрсетуі керек&#8221;

15 мамыр: Атаулы күндер мен оқиғалар

Жұлдыздар не дейді?

Біртанов: Вакцинация мәжбүрлі болмаған және болмайды

Күн көзі коронавирусты өлтіре ме?

Қызылордада жоғары сынып оқушыларына тегін қосымша сабақтар ұйымдастырылмақ

Әсіредіншілдер ажырасуға бейім

ҚМДБ жауап берді: Қазақстанда Қадір түнін мешітте қарсы алуға бола ма?

ҚР Экология министрі: Кіші Аралдың экологиясы жақсарып келеді

Қызылордада көлік ішінде ұйықтап жатқан полицейлер жұмыстан қуылды (видео)

1 маусымнан бастап вокзалға тек билетпен кіргізеді: пойыз жолаушылары нені білуі тиіс?

Биыл Қызылорда облысында 573 оқушы «Алтын белгіге» үміткер

Г.Әбдіқалықова: “Аудан әкімі балық шаруашылығы мен шағын, орта бизнеске қолдау көрсетуі керек”