<a href="https://kyzylorda-news.kz/">Kyzylorda-news.kz.</a> Төтенше жағдай кезеңінде жеке басын куәландыратын құжаттарының мерзімі өткен облыстағы зейнеткерлер мен мүмкіндігі шектеулі азаматтардың үйіне барып, құжаттарын рәсімдеп беру жұмыстары қарқынды жүргізілуде.
<img src="https://kyzylorda-news.kz/wp-content/uploads/2020/05/fb_img_1589516709502.jpg" alt="" />
Облыста 9 мыңнан астам азаматтың куәліктері карантин уақытында мерзімі аяқталған екен. Куәлік мерзімі осы карантин уақытында аяқталған жағдайда 10 шілдеге дейін ауыстыруға мүмкіндік бар. Олардың ешқайсысына ішкі істер органдары айыппұл салмайды.
<img src="https://kyzylorda-news.kz/wp-content/uploads/2020/05/fb_img_1589516700778.jpg" alt="" />
<blockquote>
 “Халыққа қызмет көрсету орталықтары мен миграция полициясы қызметкерлеріне рақмет. Ауылдардағы куәлік мерзімі өткен және кәмелет жасына келіп, жаңадан куәлік алушыларды әкімдіктермен, білім бөлімдерімен бірлесіп, арнайы кестемен рәсімдеу шаралары жүргізілетін болады. Бұл тұрғыда облыстық Қызылорда Облысының Білім Басқармасы басшысы Ақзира Қасымовамен келістік”- дейді «Азаматтарға арналған үкімет» мемлекеттік корпорациясы облыс бойынша филиалының директоры Айдын Қайруллаев.
</blockquote>
<img src="https://kyzylorda-news.kz/wp-content/uploads/2020/05/fb_img_1589516703581.jpg" alt="" />

ХҚКО-ның қызметкерлері қызылордалық зейнеткерлердің үйіне барып қызмет көрсетіп жатыр

<a href="https://kyzylorda-news.kz/">Kyzylorda-news.kz.</a> “Отан отбасынан басталады” деп жатамыз. Жанұяның береке-бірлігі – әр сәбидің, әр баланың болашақ қадамы. Өйткені, ұяда не көрсең, ұшқанда соны ілесің.
Отбасы – ол да бір шағын ғана мемлекет. Отбасы тіршілігінің ежелден қалыптасқан заңы бойынша, оны отағасы, ол болмаса, отанасы, одан қалса, үлкен аға не әпке басқарады, олардың сөзін, ұйғарымын өзгелері жерде қалдырмайды.&nbsp;Әрбір ересек адам өзі бақытты болуы үшін, ең бастысы, өзгелерді, оның ішінде бірінші болып балаларды бақытты ету керек екендіктерін білуі қажет. Бала отбасының жылуын, қолдауын сезінгенде ғана бақытты болып ержететінін білеміз. Мұның бәрін неге қозғап отырмыз? Себебі бүгін – жарық дүниедегі ең жақын жандарыңыздың төл мерекесі екен.
15 мамыр –&nbsp;халықаралық &nbsp;&nbsp;отбасы&nbsp;&nbsp; күні.&nbsp; Атаулы күн&nbsp;&nbsp;1993&nbsp; жылы&nbsp; БҰҰ-ның Бас Ассамблеясымен&nbsp;бекітілген. Бұл күнді белгілеу түрлі мемлекеттерде қоғамның назарын отбасына аудару қажеттігінен туындаған. Отбасы күні алғаш рет 1994 жылы аталып өтті. «Қоғамдық пікір» қорының мәліметтерінше, азаматтардың 56 пайызы отбасыдағы қаржылық қиындықтарды атаған, 22 отбасы баспананың жоқтығын, 10 пайызы денсаулықты, ал 9 пайызы жұмыссыздықты тілге тиек еткен.
Отбасындағы білім алу мәселесі де алдыңғы қатарда орын тепкен. Сұралғандардың 6 пайызы балаларға білім беруге қажетті қаржының тапшылығын айтып, шағымданады.&nbsp;
Отбасы – сүйіспеншіліктің, құрмет пен ынтымақтастықтың ошағы, яғни кез келген зиялы қоғамның діңгегі. Отбасының аман-саулығы әрбір елдің дамуы мен келешегінің өлшемі деп білеміз.

Бүгін – халықаралық отбасы күні

<a href="https://kyzylorda-news.kz/">Kyzylorda-news.kz.</a> Саналы ғұмырын ішкі істер саласына арнаған Саламатовтар әулеті – бүгінде мәуелі бәйтерек. Ұрпақтары ата жолын қуып, қазіргі таңда ішкі істер саласында абыройлы қызмет атқарып келеді.
Бақберген Саламатов 1965 жылдан бастап Қызылорда облысы Жалағаш аудандық ішкі істер бөліміне қатардағы милиционер болып қабылданып, әр жылдары түрлі жауапты қызметтер атқарған. Саладағы ұзақ жылдық еңбегі үшін “Милицияның үздік төсбелгісімен”, “Ұлы Жеңістің 20 жылдығы” медалімен, КСРО ІІМ-нің І, ІІ, ІІІ дәрежелі “Мінсіз қызметі үшін” медалімен, сонымен бірге “Кеңес милициясына – 50 жыл” және басқа да алғыс хаттармен марапатталған. Әке өнегесін көрген Бекжан Саламатов қиындығына қарамай осы саланы таңдап, 1992 жылдан 2012 жылға дейін ішкі істер саласында жауапты қызметтер атқарып, полиция майоры шенімен құрметті зейнет демалысына шыққан. Қызмет барысында еңбегі еленіп, түрлі марапаттарға ие болған.
<img src="https://kyzylorda-news.kz/wp-content/uploads/2020/05/img-20200515-wa0004.jpg" alt="" />
Атап айтқанда, Ішкі істер органдарының 10, 15, 20 жылдығына орай “Мінсіз қызметі үшін” медалімен, “Кеңестік милицияның 100 жылдығы” медалімен, сондай-ақ, облыс, аудан көлемінде бірқатар марапаттарды иеленген. Бүгінде ұлы Бақберген Абай полиция лейтенанты. 2018 жылдың тамыз айынан бастап Қызылорда облысы Жалағаш аудандық полиция бөлімінде қызмет атқарады. Екінші арнайы тобының инспекторы.
<img src="https://kyzylorda-news.kz/wp-content/uploads/2020/05/img-20200515-wa0007.jpg" alt="" />
Сондай-ақ осы әулеттің ұрпағы Саламат Абылайхан Бақбергенұлы да ішкі істер саласында қызмет атқарады. 2017 жылдың ақпан айында ішкі істер органдарына қабылданып, 2019 жылдың қазан айынан бастап Жалағаш ауданы полиция бөлімінде патрульдік-полиция тобының қызмет инспекторы лауазымында қызмет атқарады. Әкесі мен ұлдары және немерелерінің ішкі істер органдарындағы жалпы еңбек өтілі 60 жылдан астам уақытты құрайды.

Қызылорда: Үш буынға жалғасқан полиция әулеті

<a href="https://kyzylorda-news.kz/">Kyzylorda-news.kz.</a> “Nur Otan” партиясы облыстық филиалының Партиялық бақылау комиссиясы мен Сыбайлас жемқорлыққа қарсы іс-қимыл жөніндегі қоғамдық Кеңес мүшелері қалалық прокуратура, қалалық тауарлар мен көрсетілетін қызметтердің сапасы мен қауіпсіздігін бақылау басқармасы және Қызылорда автобус паркінің басшылары мен қызметкерлерінің қатысуымен Қызылорда қаласындағы қоғамдық көліктердің жұмысы мен санитарлық жағдайымен танысып, Қызылорда автобус парк жұмысына мониторинг жүргізді.
Қызылорда облысының Бас мемлекеттік санитариялық дәрігерінің 10.05.2020 жылғы #12 қаулысына сәйкес ағымдағы жылдың 11 мамырдан бастап облыс, аудан орталықтарында күшейтілген санитариялық-дезинфекциялық режиммен қоғамдық көліктердің жұмысына рұқсат етілді. Бірақ, жолаушылар саны көліктегі орындық санынан аспауы тиіс. 
Партиялық мониторинг аясында қоғамдық көліктердегі санитарлық жағдайына, жолаушылар саны көліктегі орындық санынан аспауына, көлік жүргізушілері мен кондукторлардың, жолаушылардың бетперделік режимін сақталуына және қоғамдық көліктердің әрбір рейс алдында заласыздандыру жұмыстарына басты назар аударылды.
Осы орайда, мониторинг барысында бірқатар бұзушылықтар анықталды.
Атап айтқанда, көлік жүргізушілер толық қолғаптармен қамтамасыз етілмеген, қоғамдық көлікте отыруға арналған орын санынан асатын мөлшерде жолаушылардың кіруіне жол берілген, жолаушылардың салонға бетпердесіз кіруі, жолаушылар арасында 1 метр қашықтың сақталмауы және т.б.
<img src="https://kyzylorda-news.kz/wp-content/uploads/2020/05/fb_img_1589515066489.jpg" alt="" />
Сонымен бірге, мобилді топ мүшелерімен жолаушылар тасымалын жүзеге асыратын ұйым жұмысымен танысты. Қызылорда автобус паркі тарапынан санитариялық- эпидемияға қарсы және дезинфекциялау шараларын жүзеге асыру бойынша бірқатар жұмыстардың жүзеге асырылуы байқалды. Алайда, әр ауысумға дейін және одан кейін барлық қызметкерлерді тексеруді қамтамасыз ету үшін медициналық қызметкерлердің тұрақты болуы қамтамасыз етілмеген. Медициналық пункт жабық болуына байланысты қажетті медициналық жабдықтармен танысуға мүмкіндік болған жоқ.
<img src="https://kyzylorda-news.kz/wp-content/uploads/2020/05/fb_img_1589515072410.jpg" alt="" />
Анықталған бұзушылықтарды жою мақсатында Партиялық бақылау комиссиясы мен Сыбайлас жемқорлыққа қарсы іс- қимыл жөніндегі қоғамдық Кеңес мүшелері тарапынан тиісті ұсыныстар беріліп, қоғамдық көлік жүргізушілері мен кондукторларға, Автобус парк басшылығына сақтық шараларын күшейту жөнінде түсіндірме жұмыстары жүргізілді.
Алдағы уақытта партиялық мониторинг жұмыстары жалғасады.

Қызылордадағы қоғамдық көліктердің жұмысы партия бақылауында

<a href="https://kyzylorda-news.kz/">Kyzylorda-news.kz.</a> Қызылорда облысында коронавирус инфекциясын жұқтырғандар саны 237-ні құрап отыр. Бүгінге дейін сауығып шыққандар саны -183. Бұл туралы Өңірлік коммуникациялар қызметінің ақпараттық алаңында облыстық денсаулық сақтау басқармасының басшысы Жақсылық Абдусаметов мәлімдеді.
<blockquote>
 «Жаңадан анықталған 5 жағдай, барлығы да Атыраудан вахталық әдісмен жұмыс жасайтындар. Таратып айтар болсақ, 1-уі қызылорда қаласынан, 1-уі Жаңақорған, 1-уі Шиелі, 1-уі Арал, 1-уі Қазалы аудандарынан. Соңғы тәулікте барлығы 722 зертханалық сынама алынса, оның 462 сынамасы теріс мәнді болды. 5 сынама оң мәнді. Қалдық тест – 3850. Облыс бойынша эпидемиологиялық маусым басталғалы 21 259 сынама алынған», – деді Жақсылық Әбілқасымұлы.
</blockquote>
Сондай-ақ, коронавирус инфекциясын жұқтырғандармен байланыста болған– 3278 азамат анықталды. Оның ішінде, 1806-і жақын қарым-қатынаста, 1472-сі жанама байланыста болған.
Құрметті облыс тұрғындары, облысымызға сырт өңірлерден немесе өзге республикадан келген азаматтар болса, жергілікті емханаларға ескертіп, денсаулығы жөнінде қанда да бір мәліметтер берулерін сұраймыз. Сонымен бірге, тымау немесе суықтау сияқты белгілер болған жағдайда да емхана қызметкерлеріне хабарласауды ұымытпаңыздар. Бұл шаралардың барлығы, инфекциядан алдын ала сақтануға алып келеді.

COVID-19: Бүгін Қызылордада 5 жағдай тіркелді

<a href="https://kyzylorda-news.kz/">Kyzylorda-news.kz.</a> Бүгін облыс әкімі Гүлшара Әбдіқалықованың жұмыс сапары Қазалы ауданында жалғасуда.
Аймақ басшысы алдымен Сырдария өзені бойындағы Әлсейіт көпірінің құрылысымен және әлеуметтік-экономикалық, мәдени маңызы бар нысандарды аралап көрді.
Жұмыс сапары барысында Гүлшара Әбдіқалықова “Ауыл-ел бесігі” жобасы, “Жұмыспен қамту жол картасы” бағдарламасы аясында ауданда атқарылып жатқан жұмыстармен танысады деп жоспарлануда. Мұнан соң өңір басшысы Қармақшы ауданымен Байқоңыр қаласында болады.

Облыс әкімі жұмыс сапарымен Қазалы ауданына барды

<a href="https://kyzylorda-news.kz/">Kyzylorda-news.kz.</a> Қызылорда облысының әкімі Гүлшара Әбдіқалықова халықаралық отбасы күнімен құттықтады.
Қымбатты жерлестер!
Бүгін – халықаралық Отбасы күні! 
Атаулы күн 1993 жылы БҰҰ-ның Бас Ассамблеясымен бекітілген. Бұл күнді белгілеу әлемдік қауымдастықтың қазіргі замандағы отбасы жағдайына алаңдаушылығынан және қоғамның негізгі институттарының бірі ретінде отбасының маңызын арттыру мақсатында туындаған еді. Отбасы күні алғаш рет 1994 жылы аталып өтті. 
Халқымыз үшін отбасы ұғымы қашан да қасиетті де қастерлі.
Әке, Ана, Бала – осы үштағанның үйлесімді дамуы мемлекет іргетасының берік болуына, тәуелсіздігіміздің сақталуына қызмет етеді.
Дана халқымыз «Отан – отбасынан басталады» десе, қаһарман батырымыз Бауыржан Момышұлы «Отбасының өнегесі – Отанның өнегесі» деп қадап айтқан еді. Отанды сүюге тәрбиелейтін бірден-бір орта ол – отбасы.
Отбасы құндылығы қай кезеңде де, қай мемлекетте де саясаттың ең маңызды бөлігі болып келеді.
Сондықтан, отбасындағы тәрбиенің маңызы аса зор.
Отбасың – өзіңнің қолыңмен көтерген шаңырағың. Әрбір отбасында қуаныш, береке, сүйіспеншілік, мейірім болса, ол шаңырақтың керегесі кең болып, түтіні түзу ұшады. Біз үлкені сөйлесе, кішісі қоштап, туыстық қарым-қатынастығын берік ұстап, түп қазығынан ажырамаған, ауызбіршілігі жарасқан халықпыз.
Отбасының негізгі міндеті – балаларды өсіру, оларға лайықты білім беру және өз орнын табуға көмектесу. Бала үшін әкесі мен анасының мейірімінен асқан ештеңе жоқ. Бала отбасының жылуын, қолдауын сезінгенде ғана бақытты болып ержететінін білеміз. Сол үшін отбасы берік және сенімді тірек болуы тиіс деген ұғым қалыптасқан.
Халықаралық отбасы күнін өткізу отбасы мәртебесін көтеруге, маӊызды мәселелерді және қажеттіліктерді түсінуді жақсартуға мүмкіндік береді. 
Отбасының аман-саулығы – әрбір елдің дамуы мен келешегінің өлшемі.
Әрдайым отбасымыз аман, бауырымыз бүтін, болашағымыз жарқын болсын. 
Халықаралық Отбасы күні құтты болсын!

Гүлшара Әбдіқалықова халықаралық отбасы күнімен құттықтады

<a href="https://kyzylorda-news.kz/">Kyzylorda-news.kz.</a> Қазгидромет 15 мамырға арналған ауа райы болжамын ұсынады.
Қазақстанның басым бөлігінде әлі де құбылмалы ауа райы сақталады.
Республика бойынша жаңбыр жауады. Кей жерлерде найзағай, желдің күшеюі, тұман күтіледі, бұршақ жаууы ықтимал, дауыл күтіледі.
Ақмола облысының кей жерлерінде дауыл күтіледі, бұршақ жаууы ықтимал, түнде жел кей жерлерде 15-20 м/с, күндіз басым бөлігінде 15-20, екпіні 23 м/с күшейеді.
Алматы, Түркістан, Солтүстік Қазақстан облыстарының кей жерлерінде жел 15-22 м/с күшейеді, дауыл күтіледі, бұршақ жаууы ықтимал.
Түнде Жамбыл облысының кей жерлерінде тұман түсіп, жел 15-20 м/с күшейеді, бұршақ жаууы ықтимал.
Қарағанды, күндіз Батыс Қазақстан, Қызылорда, Шығыс Қазақстан, Павлодар облыстарының кей жерлерінде жел 15-23 м/с күшейеді.
Қостанай облысының кей жерлерінде дауыл, тұман күтіледі, басым бөлігінде жел 15-20 м/с күшейеді, бұршақ жауады.
Шығыс Қазақстан облысының кей жерлерінде өте жоғары өрт қаупі сақталады.

15 мамырға арналған ауа райы болжамы

<a href="https://kyzylorda-news.kz/">Kyzylorda-news.kz.</a> Облыс әкімі Гүлшара Әбдіқалықованың Арал ауданындағы жұмыс сапары екінші күні жалғасты.
Өңір басшысы апаттық деп танылған «Толқын» балабақшасының жағдайымен танысты. Гүлшара Әбдіқалықова аудан әкіміне бұл мәселенің шешу жолдарын ұсынуды тапсырды.
<img src="https://kyzylorda-news.kz/wp-content/uploads/2020/05/fb_img_1589534765249.jpg" alt="" />
Мұнан кейін, облыс әкімі жазушы Ә.Нұрпейісов атындағы әдебиет үйінде болып, оқушылар үйінің құрылыс және 2018 жылы пайдалануға берілген ауданаралық орталық ауруханасынының (150 орынға лайықталған) жұмыстарымен танысты. 
Сапар барысында облыс әкімінің төрағалығымен ауданның әлеуметтік-экономикалық дамуына арналған мәжіліс өтті. Онда Гүлшара Әбдіқалықова бірқатар көрсеткіштердің төмендегенін айтты.
<img src="https://kyzylorda-news.kz/wp-content/uploads/2020/05/fb_img_1589534768502.jpg" alt="" />
<blockquote>
 “Ауданда өнеркәсіп өндірісі 5,5 пайызға, өңдеуші өнеркәсіп 7,5 пайызға, кәсіпкерлік саласы бойынша көрсеткіш 2 пайызға төмендеген. Тек ауыл шаруашылығындағы өнім өндірісі 2 пайызға, тұрғын үйлерді пайдалануға беру 48,9 пайызға өскен. Бірақ, бұл нәтижелер көңілге қонымды емес, себебі, экономиканың негізгі көрсеткіштері төмен”,- деді облыс әкімі Г.Әбдіқалықова.
</blockquote>
<img src="https://kyzylorda-news.kz/wp-content/uploads/2020/05/fb_img_1589534772442.jpg" alt="" />
Арал ауданында «Жұмыспен қамту жол картасы» бағдарламасы шеңберінде бөлінген қаржыға 16 жоба іске асуда. Оның ішінде Арал қаласының жолдарын орташа жөндеу, аудандық маңызы бар автомобиль жолының құрылысын, Сексеуіл кентіндегі 300 орындық мектеп құрылысын жүргізу, орталық көшелерді абаттандыруға, Арал қаласындағы ауылішілік көшелерге газ құбыры жүйелерін жеткізу секілді ірі жобалар қарастырылған.
<img src="https://kyzylorda-news.kz/wp-content/uploads/2020/05/fb_img_1589534775552.jpg" alt="" />
Өңір басшысы “Жұмыспен қамту жол картасы” бағдарламасы аясында бөлінген қаржыны тиімді жұмсауды тапсырды. 
Мұнан соң облыс әкімі Жақсықылыш кентіндегі «Аралтұз» зауытымен және аталмыш мекеменің кальцилендірілген сода шығару инвестициялық жобасының жүзеге асырылу барысымен, «Батыс Еуропа – Батыс Қытай» халықаралық көлік дәлізі бойындағы «С» және «Д» санатты жол бойы сервис кешені мен Қамбаш ауылындағы олимпиадалар және қосымша білім беру орталығының жұмысымен танысты.
<img src="https://kyzylorda-news.kz/wp-content/uploads/2020/05/fb_img_1589534778834.jpg" alt="" />
Аманөткел ауылы тұрғындарының өзекті мәселелері Хан елді мекені тұсындағы қалқымалы көпірдің қызметі. Гүлшара Әбдіқалықова аудан әкімі М.Оразбаев пен облыстық жолаушылар көлігі және автомобиль жолдары басқармасының басшысы М.Тілеумбетовке өткелдің жұмысын қамтамасыз етуді тапсырды. 
Сондай-ақ, аймақ басшысы Жаңақұрылыс ауылындағы №74 орта мектебіне барды. 
Облыс әкімінің Арал ауданына жұмыс сапары осымен аяқталды. 
Ары қарай аймақ басшысы Гүлшара Әбдіқалықова Қазалы, Қармақшы аудандары мен Байқоңыр қаласына барады деп жоспарлануда.
<img src="https://kyzylorda-news.kz/wp-content/uploads/2020/05/fb_img_1589534782628.jpg" alt="" />

Г.Әбдіқалықова: &#8220;Аудан әкімі балық шаруашылығы мен шағын, орта бизнеске қолдау көрсетуі керек&#8221;

Халықаралық отбасы күні
1993 жылдан бастап, БҰҰ Бас Ассамблеясының қарарына сәйкес жыл сайын атап өтіледі.
Халықаралық климат күні
1992 жылы Халықаралық қауымдастық парникті газдардың ауаға таралуымен байланысты қауіпті мойындай отырып, БҰҰ-ның Климаттың өзгеруі мәселелері жөніндегі конвенциясына қол қою туралы уағдаласты.
1989 жылы&nbsp;Алматыда қазақтың ұлы ғалымы, ағартушы, шығыстанушы, тарихшы, этнолог, географ, фольклортанушы Шоқан Уәлихановтың ескерткіші ашылды. Ескерткіш авторлары – мүсінші Хакімжан Наурызбаев пен сәулетші Шота Уәлиханов.
1992 жылы&nbsp;Президент Нұрсұлтан Назарбаевтың Жарлығымен Қазақстан Республикасының Ұлттық ядролық орталығы мен Атом қуаты жөніндегі агенттігі құрылды.
1999 жылы&nbsp;Қазақстан Республикасы Президенті Н.Ә.Назарбаевтың Жарлығымен Қазақстан Республикасының Мемлекеттік құпияларды қорғау жөніндегі агенттігі құрылды.

15 мамыр: Атаулы күндер мен оқиғалар

<a href="https://kyzylorda-news.kz/">Kyzylorda-news.kz</a> ақпараттық агенттігінің 15 мамырға арналған жұлдыз-жорамалы.
Тоқты
Айналаңызда өзгерістер орын алады. Не исключены перемены в вашем окружении. Ескі таныстармен қарым-қатынасыңыз үзіледі. Кейбір жандар жаңа таныстар немесе туыстарын табады.
Торпақ
Сүйіктіңізге көңіл бөлуге уақытыңыз жоқ. Оған жұмысбастылық немесе оқудың көптігі себеп болуы мүмкін. Бұл жағдай оң әсерін тигізеді деп айтуға болады. Себебі бір-біріңізден алыстау арқылы өз бағаларыңызды арттырасыздар.&nbsp;
Егіздер
Бүгін өз-өзіңізді дамытасыз. Қызықты, әрі табысы мол жұмыс тауып, маңызды іспен немесе шығармашылықпен айналысасыз. Есіңізде болсын, ұсақ шаруаларға уақыт кетірмей, маңызды істі қолға алыңыз.
Шаян
Сіз бүгін жақындарыңызға өте қатал, ал қызметкерлеріңізге өте талапшыл боласыз. бұл мінезіңіз өзіңізге де ұнамауы мүмкін. сондықтан өзіңізге жақын адаммен ашық әңгімелесіп, мәселеңізді шешіп алыңыз.
Арыстан
Сіз бүгін күйзеліске түсуге бейім боласыз. Сондықтан жағымсыз ортадан бойды аулақ ұстаңыз. Сонымен қатар алыс сапарға шықпаңыз. Таза ауада серуендеңіз, әсіресе ұйықтар алдында.
Бикеш
Күнделікті жұмыстан шаршайсыз. Білім көкжиегін кеңейту мақсатында басқа да шаруалармен айналысуды жөн көресіз. Бірақ барлық уақытта да сіздің айтқаныңыз бола бермейді. Арасында жоспарларыңыз өзгеруі мүмкін.
Таразы
Әріптестеріңізбен бірге ауқымды жұмыс жасайсыз. Сізге берілген тапсырманың жүгі ауыр. Оны орындау үшін біраз тер төгуіңізге тура келеді. Жұмысты бұлжытпай орындау үшін өзгелердің аздаған көмегі қажет болады.&nbsp;
Сарышаян
Бүгін шығынға ұшырайсыз. Одан қашып құтылу мүмкін емес. Отбасыңызда әрбір жанға көңіл бөліп, олардың мұқтаждықтарына назар аударыңыз. Кейбір жандар өз-өзімен болып, жалғыз қалуды қалайды. Жұмыс ауыстыруды көздейсіз.
Мерген
Махаббатта жолыңыз болады. Сүйген адамыңызды жолықтырып, басқосуды да қалайсыз. Ойыңызды сүйіктіңізге жеткізіңіз. Сеніңіз, оның да сізге деген сезімі ерекше. Уақытты текке кетірмеңіз.
Тауешкі
Бүгін табысты боласыз. Үйіңізге кіріс кіріп, қаражат жинай бастайсыз. Күннің екінші жартысында көптен күткен арманыңыз орындалып, үмітіңіз қайта оянады. Әрдайым қозғалыста болыңыз, шаруаларыңызды соңына дейін орындаңыз.&nbsp;
Суқұйғыш
Бүгін сіз үшін айтарлықтай жаңалық жоқ. Сондықтан да бұл күн есіңізде қалмайды. Сол секілді өзекті мәселелер де көп емес. Алайда жұмыста немесе жеке өміріңізде аздаған қиындықтар туындап қалуы мүмкін.
Балықтар
Бүгін жұмысты кейінге қалдырасыз. Өз жағдайыңызды ойлап, жан-жағыңызға алаңдайсыз. Сонымен қатар келешекке жоспарлар құрып, жүйкеңізді тыныштандырасыз. Бұл іс-әрекетіңіз дұрыс-ақ!

Жұлдыздар не дейді?

<a href="https://kyzylorda-news.kz/">Kyzylorda-news.kz.</a> Денсаулық сақтау министрі Елжан Біртанов Денсаулық сақтау кодексінің жобасын қабылдау туралы, атап айтқанда, балаларды вакцинациялау туралы нормаға түсініктеме берді,&nbsp;&nbsp;деп хабарлайды&nbsp;<a href="https://stan.kz/">Stan.kz</a>.
Парламент мәжілісінің депутаттары «Халық денсаулығы және денсаулық сақтау жүйесі туралы» кодекс жобасын екінші оқылымда мақұлдады. Министрдің айтуынша, денсаулық сақтау саласындағы бірде-бір заң бұрын осындай ашық және ауқымды талқылаудан өткен жоқ: жұмыс тобының 42 отырысы өтті, 1000-нан астам түзетулер, 11 қоғамдық талқылау Нұр-Сұлтан, Алматы және облыстарда өтті.
<blockquote>
 «Вакцинацияға жеке тоқталғым келеді. Соңғы уақытта әлеуметтік желілерде сапасыз вакциналар, теріс пиғылды сатып алулар мен вакциналарды дұрыс тасымалдамау,&nbsp;жоқ медициналық асқынулар және&nbsp;және көптеген бас тартушылар туралы&nbsp;әңгімелерден әсерінен&nbsp;Кодекстің қабылдануына, оның ішінде міндетті вакцинацияға қарсы даулар пайда болды.&nbsp;Бұл қоғамдық сананың ашық манипуляциясы!&nbsp; Қазақстанда вакцинация мәжбүрлі болмаған және болмайды да! Әлемнің кез-келген жеріндегі сияқты, біздің елде де ерікті және міндетті вакциналар болады. Бірақ әрбір жағдайда, ата-аналардың ақпараттандырылған келісімге немесе вакцинациядан бас тартуға құқығы бар және солай қалады! Вакцина салынбаған балалардың құқықтарын шектейтін ережелер жоқ! Ұжымдық иммунитетті, яғни балабақшаға баратын барлық балалардың денсаулығын қорғауды қамтамасыз ететін бір ғана норма бар», – деп жазды министр Facebook-те.
</blockquote>
Оның айтуынша, 2019 жылы Қазақстанда 4,8 миллион бала егілген, ал егуден бас тартқандар саны –&nbsp;6003, яғни тек 0,12 пайыз ғана болған.
<blockquote>
 «2019 жылы тек 143 бала жағымсыз көріністерге ие болды (температура, ісіну, терінің қызаруы), бұл 0,003 пайыз. Сонымен қатар, 2019 жылы Қазақстанда көз жұмған балалардың санын салыстырсақ, вакцинадан – 0! Сандар өздері үшін сөйлеп тұр», – деді Біртанов.
</blockquote>
Ведомство басшысы Қазақстанда әрбір вакцина тиісті өндірістік тәжірибенің (GMP) халықаралық стандарттарына сәйкес келетін қауіпсіздікке, тиімділікке және сапаға көп кезеңді тексеруден өтетінін атап өтті. Зертханалық зерттеулер жүргізіледі,сондай-ақ клиникаға дейінгі және клиникалық зерттеулердің тарихы, вакцинаның эпидемиологиялық тиімділігі тексеріледі.
<blockquote>
 «Тіркелгеннен кейін әкелінетін&nbsp;вакциналардың әр партиясы, сериясы қауіпсіздіктің және сапаның тағы бір сараптамасынан өтеді. Егер вакцинаны халықаралық ұйымдар сатып алса, онда ДДСҰ деңгейінде сапа қауіпсіздігі бағаланады. Бүгінде&nbsp;Ұлттық вакцинация күнтізбесі шеңберінде қолданылатын барлық вакциналар Дүниежүзілік денсаулық сақтау ұйымының біліктілігін арттырудан өтеді. Бұдан бұрын біз қауіпсіздік пен сапаны бағалау процесінің қалай өтіп жатқанын бірнеше рет көрсеттік. Мұны ашық әрі мұқият жалғастырамыз», – деді министр.
</blockquote>

Қазақстан және Қызылорда облысының жаңалықтары

ХҚКО-ның қызметкерлері қызылордалық зейнеткерлердің үйіне барып қызмет көрсетіп жатыр

Бүгін – халықаралық отбасы күні

Қызылорда: Үш буынға жалғасқан полиция әулеті

Қызылордадағы қоғамдық көліктердің жұмысы партия бақылауында

COVID-19: Бүгін Қызылордада 5 жағдай тіркелді

Облыс әкімі жұмыс сапарымен Қазалы ауданына барды

Гүлшара Әбдіқалықова халықаралық отбасы күнімен құттықтады

15 мамырға арналған ауа райы болжамы

Г.Әбдіқалықова: “Аудан әкімі балық шаруашылығы мен шағын, орта бизнеске қолдау көрсетуі керек”

15 мамыр: Атаулы күндер мен оқиғалар

Жұлдыздар не дейді?

Біртанов: Вакцинация мәжбүрлі болмаған және болмайды

Қазақстан және Қызылорда облысының жаңалықтары

ХҚКО-ның қызметкерлері қызылордалық зейнеткерлердің үйіне барып қызмет көрсетіп жатыр

Бүгін – халықаралық отбасы күні

Қызылорда: Үш буынға жалғасқан полиция әулеті

Қызылордадағы қоғамдық көліктердің жұмысы партия бақылауында

COVID-19: Бүгін Қызылордада 5 жағдай тіркелді

Облыс әкімі жұмыс сапарымен Қазалы ауданына барды

Гүлшара Әбдіқалықова халықаралық отбасы күнімен құттықтады

15 мамырға арналған ауа райы болжамы

Г.Әбдіқалықова: &#8220;Аудан әкімі балық шаруашылығы мен шағын, орта бизнеске қолдау көрсетуі керек&#8221;

15 мамыр: Атаулы күндер мен оқиғалар

Жұлдыздар не дейді?

Біртанов: Вакцинация мәжбүрлі болмаған және болмайды

Г.Әбдіқалықова: “Аудан әкімі балық шаруашылығы мен шағын, орта бизнеске қолдау көрсетуі керек”