<a href="https://kyzylorda-news.kz/">Kyzylorda-news.kz.</a> Төтенше жағдай кезінде тартылған әскерилер мен техника өздерінің бөлімдеріне оралады.&nbsp;
<blockquote>
 «Қазақстанда төтенше жағдай режимі ресми түрде аяқталды. Осыған байланысты Қазақстан Қарулы Күштерінің блокбекеттерінде күшейту, елді мекендерді дезинфекциялау және патрульдеу бойынша кезекшілікке тартылған жеке құрамы мен әскери техника өздерінің тұрақты орналасқан пункттеріне оралады. Пункттеріне жеткізу әскери-көлік авиациясының күштерімен, сондай-ақ өз жүрістерімен жүзеге асырылады», – деп хабарлады ҚР Қорғаныс министрлігінің баспасөз қызметі.
</blockquote>
Бұл ретте, арнайы жиындарға шақырылған аумақтық қорғаныс әскерлерінің әскери қызметшілері өз міндеттерін бұрын бекітілген мерзімдерге және жергілікті атқарушы органдардың жоспарларына сәйкес орындауды жалғастырады.
Елде төтенше жағдай енгізілген күннен бастап әскерилерге режимді қамтамасыз ету және вирустармен күресте маңызды міндеттер жүктелді. Әскери қызметшілер аумақтар мен объектілерді өңдеуді жүргізіп, блок-бекеттерде және патрульдерде қызмет атқарды.

Еліміздегі блок-бекеттерде тұрған әскерилердің қызметі аяқталды

<a href="https://kyzylorda-news.kz/">Kyzylorda-news.kz.</a>&nbsp;Қызылорда облысында коронавирустық инфекцияны жұқтырған науқастар саны 231 адамға жетті. Соңғы тәулікте жаңадан анықталған 1 жағдай туралы бүгін облыстық Денсаулық сақтау басқармасының басшысы Жақсылық Абдусаметов Өңірлік коммуникациялар қызметінде өткен брифингте баяндады.
<blockquote>
 «Қазіргі таңда Қызылорда облысында коронавирустық инфекцияны жұқтырған 231 жағдай тіркелді. Соңғы тәулікте жаңадан 1 жағдай анықталды. Аталған науқас – Қызылорда қаласынан. Ол кеше анықталған науқастың отбасы мүшесі, 2 жасар бала. Осылайша, Қызылорда қаласында инфекция жұқтырған науқастар саны 94 тұрғынға жетті», – деді Жақсылық Абдусаметов.
</blockquote>
Оның айтуынша, COVID-19 індетін жұқтырған өңірдегі 231 науқаспен байланыста болғандардың жалпы саны – 3270.&nbsp;Оның ішінде, жақын қарым-қатынаста болғандар саны – 1798, ықтимал байланыста болғандар – 1472 адамды құрап отыр. Бүгінгі таңда барлығы бақылауға алынып, оқшауланған. Барлығының жағдайы қанағаттанарлық.
Сондай-ақ, бүгінгі таңда облысымыздағы жұқпалы аурулар ауруханасында – 71, правизорлық стационарда – 18, карантиндік стационарда – 131 адам бақылауда.
Брифингте Жақсылық Әбілқасымұлы мәлімдегендей, өткен тәулікте облысымызда коронавирустық инфекцияға байланысты 813 тест сынамасы жасалыпты.
<blockquote>
 «Соңғы тәулікте 813 тест сынамасы жасалды. Оның 805 – теріс мәнді болып шықты. Біреуі оң нәтиже берді. Ал, 7 – әлі тексерілу үстінде. Бүгінде облысымызда 4300 тест сынамасының қоры қалды», – деді ол.
</blockquote>
Сондай-ақ, басқарма басшысы облыс тұрғындарын әлеуметтік арақашықтықты сақтауға шақырды.
<blockquote>
 «Өңірде коронавирустық инфекцияның таралуының алдын алу үшін бірнеше сақтық шараларын күнделікті дағдыға айналдыруымыз керек. Соның бірі – әлеуметтік арақашықтық. Бұл дегеніміз – қоғамдық орындарда, көшеде және тағы да басқа жерлерде басқа адамдармен 1 метр арақашықтықты сақтау. Қауіпті індетті жұқтырған адам түшкіргенде, одан жан-жағына майда ауа тамшылары таралады. Осылайша, ауаға инфекция таралады. Ал, жанындағы адам дем алғанда вирус жұқтырып алуы мүмкін», – деді Ж. Әбілқасымұлы.
</blockquote>
Айта кетейік, бүған дейін Қызылорда облысында коронавирустық инфекцияға шалдыққан науқастардың саны&nbsp;<a href="https://kyzylorda-news.kz/densawlyq/qyzylorda-oblysyndaghy-koronovirws-infekcijasyn-229-adam-zhuqtyrdy-61193/">229 адамға жеткенін</a>&nbsp;хабарлаған болатынбыз.

COVID-19: Қызылордада 2 жастағы сәбиден коронавирус анықталды

<a href="https://kyzylorda-news.kz/">Kyzylorda-news.kz.</a> ҚР Премьер-Министрінің бірінші орынбасары Ералы Тоғжанов карантин режиміндегі балабақшалардың жұмыс тәртібін түсіндірді.
<blockquote>
 «Балабақшаларға тыйым болғанымен, бүгін біраз азаматтарға жұмыс істеуге мүмкіндік бердік. Бүгін қаншама өндіріс орындарында, қызмет көрсету саласында жұмысқа шығуға рұқсат берілді. Бірақ, жұмыс істеуге мүмкіндік берілгенімен, көптеген азаматтардың сәбиі бар. Онда да қарастырып отырмыз», – деді Е. Тоғжанов Үкіметте өткен онлайн брифингте.
</blockquote>
Оның айтуынша, жұмысқа шығатын ата-аналар баласын балалабақшаға апара алады. Бірақ, бала санына арнайы шектеулер қойылады.
<blockquote>
 «Орта есеппен бір топта 25-30 бала болса, қазіргі шектеулерді ескере отырып, әр топта 15 баладан аспайтындай деңгейге жеткізуіміз керек. Сондықтан, әрбір жұмыс істейтін ата-ана балаларын балабақшаға бере алады. Әрі қарай да бұл бағытта жағдай жасауға тырысамыз», – деді Ералы Тоғжанов.
</blockquote>

Карантин: Қазақстанда балабақшалар қандай тәртіппен жұмыс істейді?

<a href="https://kyzylorda-news.kz/">Kyzylorda-news.kz.</a> Бүгін Қызылорда облыстарында ауа райына байланысты ескерту жарияланды, деп хабарлайды Қазгидромет.
12 мамырда таңертең және күндіз Қызылорда облысының кей жерлерінде найзағай жарқылдайды.
Солтүстік-батыстан, солтүстіктен жел соғады.
Таңертең және күндіз желдің күші кей жерлерде 15-20 м/с жетуі мүмкін.

Ауа райы: Қызылорда облысында ескерту жарияланды

Халықаралық медбикелер күні.&nbsp;
Қырым соғысы кезінде (1853-1856) санитарлар жасақтарын ұйымдастырып, оларға басшылық еткен ағылшын медбикесі – Флоренс Найтингейлдің туған күні құрметіне орай атап өтіледі. Әр екі жыл сайын Халықаралық Қызыл Крест және Қызыл Жарты Ай қозғалысы ең үздік 50 медбикеге Флоренс Найтингейл атындағы медальдарды тапсырады.
Дүниежүзілік құстар күні&nbsp;
Әр жылы мамырдың сенбі, жексенбісі атап өтіледі. Бұған 1906 жылғы Құстарды қорғау халықаралық конвенциясына қол қою себеп болды.
1995 жылы&nbsp;Корея Республикасында Қазақстан Республикасының елшілігі ашылды.
2000 жылы&nbsp;Қазақстан Республикасы Президенті Н.Ә.Назарбаев Астанадағы резиденциясында Нобель сыйлығының лауреаттарын қабылдады.
2005 жылы&nbsp;Өзбекстанда Әндіжан оқиғасы орын алды.
2014 жылы&nbsp;Қазақстанда футболдан Ұлттық студенттік лига құрылды. Жоба аясында ынтымақтастық туралы тиісті меморандумға Қазақстан Білім министрлігі мен ҚР Футбол федерациясы қол қойды. Жасалған меморандумға сәйкес тараптар бірлесіп Қазақстандағы білім беру ұйымдарының арасында өңірлік және республикалық турнирлер өткізеді. Сондай-ақ құжат ҚР-да студенттер мен оқушыларды спорттың осы түріне тарту арқылы бұқаралық футболдың дамуын көздейді.

12 мамыр: Атаулы күндер мен оқиғалар

<a href="https://kyzylorda-news.kz/">Kyzylorda-news.kz</a> ақпарат агенттігінің 12 мамырға арналған жұлдыз-жорамалы.
Тоқты
Тағдырға қарсы келемін деп әуре болмаңыз. Бүгін жолыңыз болмағанымен, келер күні барлығы сәтімен болар. Қарапайым қалпыңызды сақтаңыз. Әріптестеріңіздің қызғанышын тудырудан аулақ болыңыз.
Торпақ
Сырт келбетіңізге мән беріңіз. Мақсатқа жету үшін біраз қадамдарға барасыз. Бірақ ойларыңызбен, жоспарларыңызды құпияда ұстаңыз. Әсіресе, әріптестер мен достарға тіс жармаған дұрыс.
Егіздер
Айналаңыздағылардың барлығы бірдей сіздің талғамыңызбен жүруі міндетті емес. Өзгелердің таңдауына түсіністікпен қараңыз. Әйтпесе, жаныңыздағыларды жоғалтып алуыңыз мүмкін немесе сізден көбісі теріс айналады.
Шаян
Өз көзқарасыңызды, өзгелер туралы пікіріңізді өзгертпеңіз. Жақын адамыңызбен қарым-қатынасыңыз алшақтап, түсініспеушіліктер орын алуы мүмкін. Қиялға ерік беріп, біраз уақытыңызды жоғалтып аласыз.
Арыстан
Көлік алуға, жағымды жаңалық жасау немесе белсенділік танытатын күн. Көтеріңкі көңіл-күй мен белсенділігіңіздің арқасында аяқталмаған біраз шаруаны тындырасыз.
Бикеш
Істеріңіздің барлығы алға басады. Бұл қарсыластарыңыздың қызғанышын тудырады. Үлкен кісілермен және лауазымды тұлғалармен сөйлескенде абай болыңыз. Аңдамай сөйлеп олардың көңіл-күйін түсіріп алмаңыз.
Таразы
Ұнатқан жанға сөз салып, жүрегіңіздің иесін табатын күн. Шаңырақ құруды жоспарлап жүрсеңіз нағыз сөз байласатын уақыт. Бүгінгі күн қандай істі болмасын бастауға өте қолайлы сәт. Көптен бері ойға алған ісіңізді жүзеге асырасыз.
Сарышаян
Серіктестермен қарым-қатынаста абай болыңыз. Туындаған мәселелердің барлығын тез арада шешіп отырыңыз. Бастысы шешімді дұрыс шығара біліңіз. Еңбегіңіз ескерусіз қалмайды.
Мерген
Сізді бүгін тосынсыйлар мен сый-сияпаттар күтіп тұр. Есесіне өзіңіз де мол қаражатты жұмсап жібересіз. Бірақ алаңдамаңыз, жұмсалған ақша текке кетпейді. Келіссөз жүргізуде өзіңіздің қулығыңызды асырасыз.
Тауешкі
Ойламаған жерден мол табысқа ие боласыз. Жылжымайтын мүлік немесе көлік аламын деп жүрсеңіз бүгін сол ойыңызды жүзеге асырыңыз. Денсаулығыңызға көп көңіл бөліңіз. Өзіңізден жасы үлкен әріптестеріңіздің арқасында қызметте жоғарылауыңызда ғажап емес.
Суқұйғыш
Жетістікке жетуге деген талпынысыңыз оң нәтижесін береді. Мықты маман ретінде сұранысқа ие боласыз. Достарыңызбен және сүйіктіңізбен қарым-қатынасыңыз жақсара түспек. Орын алып жатқан жағдайлар сізді көп алаңдатпайды.
Балықтар
Өте керемет күн. Сауда жасауға да қолайлы. Демалыс күніңізді жақсы өткізесіз. Бұл күні көбісі сізге қызыға қарайды. Әсіресе ерлер нәзікжандарға, ал нәзікжандар ер адамдарға жақсы көзқараста болады.

Жұлдыздар не дейді?

<a href="https://kyzylorda-news.kz/">Kyzylorda-news.kz.</a> ҚР премьер-министрінің бірінші орынбасары Ералы Тоғжанов Қазақстан қаларындағы карантинге қойылған блок-бекеттерден кімдер өте алатыны жайлы айтты.&nbsp;
<blockquote>
 «Төтенше жағдай режимі аяқталғанына қарамастан блок-бекеттердің жұмысы жалғасады. Десек те қаланың сыртында тұрып, қалада жұмыс істейтіндер мен керісінше, үйі қалада болғанымен, облыс аумағында қызметі барлар блок-бекеттерден өте алады. Олардың қолында жергілікті әкімдіктер бекіткен рұқсат қағаздары болуы керек», – деді ол.
</blockquote>

Төтенше жағдай аяқталғанымен, блок-посттар алынбайды

<a href="https://kyzylorda-news.kz/">Kyzylorda-news.kz.</a> ҚР Премьер-Министрінің бірінші орынбасары Ералы Тоғжанов ойын-сауық орталықтарының қашан ашылатынын түсіндірді.
<blockquote>
 «Бүгін Президент Қасым-Жомарт Тоқаев 2 мың шаршы метрге дейінгі азық-түліктен бөлек дүкендердің, сұлулық салондарының және балаларды дамыту орталықтарының ашылатынын мәлімдеді. Тұрғындардың саябақтар мен скверлерде серуендеуіне рұқсат беріледі. Парк жанындағы көңіл көтеру жұмыстарына шектеу қойылады», – деп түсіндірді Е. Тоғжанов Үкіметте өткен онлайн брифингте.
</blockquote>
Сонымен бірге, Е. Тоғжанов ойын-сауық орталықтарының жұмысын жандандыру бойынша көп сұрақ келіп түскенін айтты.
<blockquote>
 «Бұл кезеңде ойын-сауық орталықтарының, мейрамханалар мен қонақ үйлердің жұмысы іске қосылмайтынын мәлімдеймін. Бұл мәселе сәл кейінірек өңірлердегі санитарлық-эпидемиологиялық жағдайды ескере отырып, қарастырылады», – деді Е. Тоғжанов.
</blockquote>
Оның айтуынша, елдегі КВИ жұқтырғандар үлесін 2 пайызға дейін азайтқанда ғана, ойын-сауық орталықтарын ашуға мүмкіндік бар.

Вице-премьер: Ойын-сауық орталықтары мен мейрамханалар әлі ашылмайды

<a href="https://kyzylorda-news.kz/">Kyzylorda-news.kz.</a> ҚМДБ төрағасы, Бас мүфти Наурызбай қажы Тағанұлы бастаған «Жүрек жылуы» республикалық акциясы аясында діни басқарманың Сыр өңіріндегі өкілдігінің ұйымдастыруымен өткен «Ауызашар қоржыны» қайырымдылық шарасы кезекті 600 отбасыға қуаныш сыйлады.
Рамазан айының алғашқы апталығында облыс бойынша 850 отбасыға азық-түлік өнімдері салынған «Рамазан қоржындары» тарту етілсе, мамыр айының 1-11 күндері аралығындағы есеп бойынша жалпы облыс көлемінде 600 отбасыға азық-түлік үлестірілді. Оның ішінде облыс орталығында тұратын 100 отбасыға өңірдің Бас имамы Болатбек Ұласқанұлы бастаған қала мешіттерінің имамдары мен ерікті жамағаттары қоржын таратса, қалған 500 отбасыға аймаққа қарасты жеті аудан және Байқоңыр қаласы мешіттерінің қызметкерлері мен белсенді жамағаттары көмек көрсетті.
Айта кетейік, Бас имам Болатбек Ұласқанұлы Рамазан алдындағы баспасөз мәслихатында төтенше жағдайға байланысты мешіттерде ауызашар берілмейтіндіктен, ауызашар дастарқанына қажетті азық-түлікпен қамтасыз ету мақсатында облыс көлемінде «Ауызашар қоржыны» атты қайырымдылық акциясы өтетінін хабарлаған болатын. Аталмыш акция әлі де жалғасын тауып, бір ай бойы жүзеге асыралатын болады.
<img src="https://kyzylorda-news.kz/wp-content/uploads/2020/05/awyzashar-korzhyny-kaz-2-1.jpeg" alt="" />
<img src="https://kyzylorda-news.kz/wp-content/uploads/2020/05/awyzashar-korzhyny-kaz-3-1.jpeg" alt="" />

Қызылорда: «Ауызашар қоржыны» кезекті 600 отбасыны қуантты

<a href="https://kyzylorda-news.kz/">Kyzylorda-news.kz.</a> Шектеу шаралары әр облыстың эпидемиологиялық жағдайына байланысты кезең-кезеңмен алынып тасталады.&nbsp;Қазақстанда карантинді жеңілдету&nbsp;жоспары жасалды. Бұл туралы вице-премьер Ералы Тоғжанов мәлімдеді.&nbsp;
Оның айтуынша, режим маусымның соңына дейін жұмыс істейді.
Карантинді жеңілдету жоспары жасалды. Бұл маусым айына да қатысты.&nbsp;Сонымен қатар, бүгін үкімет 159 пунктен тұратын кешенді жоспарды қарастырды. Олар карантиндік режим мен төтенше жағдай кезінде алған экономикалық компонентімізді қалпына келтіруге бағытталған. Бұл күрделі сұрақтар. Олар күн тәртібінде тұр. Әр сұрақта жұмыс орындарының мәселесі айтылады.&nbsp;
Премьер-министрдің орынбасары елде төтенше жағдайдың аяқталғанына қарамастан, қауіптің әлі де барын атап өтті. Қатерлі тәуекелдерге барудың керегі жоқ.&nbsp;
<blockquote>
 «Осы себепті карантин режимі жалғасуда. Шектеу шаралары әр аймақтың эпидемиологиялық жағдайына байланысты кезең-кезеңмен алынып тасталады. 20 сәуірден бастап карантиндік шараларды жеңілдей бастады. Осы кезеңде шамамен 1,1 миллион адам жұмысқа оралды. Қасым-Жомарт Кемелұлына бүгіннен бастап 2 мың шаршы метрге дейінгі азық-түлік емес дүкендер, сұлулық салондары, балаларды дамыту орталықтары жұмыс істей бастайтындығын мәлімдеді. Саябақтар мен алаңдар азаматтардың серуеніне қол жетімді болады. Саябақтардағы ойын-сауықтық қызмет көрсету орындарына шектеу әлі алынбайды», – деді вице-премьер.
</blockquote>
Сонымен қатар, ол спорттық жаттығулар, мәдениет саласының қызметкерлеріне жаттығулар өткізуге рұқсат етілгенін айтты. Жұмыс істейтін ата-аналар үшін санитарлық нормаларға сәйкес балабақшаларда кезекші топтар құрылады.
<blockquote>
 «Сауда және ойын-сауық орталықтарының, мейрамханалар мен қонақ үйлердің жұмысын жандандыру үшін кәсіпкерлер мен қоғамнан көптеген сұрақтар туындады. Олардың осы кезеңдегі қызметі қайта басталмайтынын атап өткім келеді. Бұл мәселе аймақтардағы санитарлық-эпидемиологиялық жағдайды ескере отырып, біраз уақыттан кейін қаралады. Адам көп жиналатын іс-шараларға тыйым алынып тасталған жоқ. Сондай-ақ, ел ішінде жүру мүмкіндігі кеңейіп келеді», – деп қорытындылады Ералы&nbsp;Тоғжанов.
</blockquote>

Қазақстанда карантиндік шаралар маусым айының соңына дейін жалғасады

<a href="https://kyzylorda-news.kz/">Kyzylorda-news.kz.</a> 3-4 маусым күндері Қазақстан мектептерінде соңғы қоңырау шарасы өтеді.
Бұл туралы ҚР Премьер-Министрінің бірінші орынбасары Ералы Тоғжанов онлайн брифингте мәлімдеді.
<blockquote>
 «Мектептерде аттестат табыстау мен соңғы қоңырау шарасы 3-4 маусым күндері ашық аспан астында өтеді. Онда адам саны шектеліп, санитарлық нормалар қатаң сақталуы тиіс», – деді Е. Тоғжанов Үкімет үйінде өткен онлайн брифингте.
</blockquote>
Оның айтуынша, 3,3 млн оқушы және колледждер мен ЖОО-лардың 1 млн студенті үшін оқу жылының соңына дейін қашықтан оқыту режимі сақталады.
Ұлттық бірыңғай тестілеу жоспарлы түрде өтеді.

Қазақстан мектептерінде соңғы қоңырау маусым айында өтетіні рас па?

<a href="https://kyzylorda-news.kz/">Kyzylorda-news.kz.</a> Қазақстанда теміржол көлігінің қозғалысы әлі ашылмайды. Бұл туралы ҚР Премьер-Министрінің бірінші орынбасары Ералы Тоғжанов мәлімдеді.
<blockquote>
 «Бұл кезеңде теміржол көлігіндегі қозғалыс мүлдем қарастырылмайды. Төтенше жағдай режимінің тоқтағанына қарамастан блокпосттар әлі де сақталады. Бірақ, қала маңында тұратын, қалада жұмыс істейтін қызметкерлер әкімдіктер бекіткен тізім бойынша еркін кіріп-шыға алады», – деп түсіндірді Е. Тоғжанов Үкіметте өткен онлайн брифингте.
</blockquote>
Айта кетейік, Мемлекет басшысы Қасым-Жомарт Тоқаев бүгін Қазақстандағы <a href="https://kyzylorda-news.kz/kogam/prezident-elimizde-toetenshe-zhaghdaj-rezhimi-ajaqtaldy-biraq-karantindik-shektewler-birtindep-alynady-61321/">төтенше жағдай режимі&nbsp;тоқтағанын</a>&nbsp;хабарлаған еді. Бірақ, елімізде карантин режимі әлі де сақталады.

Қазақстан және Қызылорда облысының жаңалықтары