<a href="http://kyzylorda-news.kz/">Kyzylorda-news.kz.</a> Елімізді талантты жастарды қолдауға арналған «Елбасы&nbsp; медалі» жобасы басталды. Аталмыш жобаға 14-29 жас аралығындағы жастар қатыса алады. Бұл туралы Өңірлік коммуникациялар қызметінің ақпараттық алаңында өткен баспасөз конференциясында облыстық білім басқармасының басшысы Ақзира Қасымова мәлімдеді.
<blockquote>
 «Елбасы медалі» жобасының басты мақсаты – еліміздің барлық аймақтарынан дарынды ұл-қыздарды іздеу, олардың бойында жауапкершілік, қайсарлық, мақсатқа жету сынды қасиеттерге тәрбиелеу. Сондай-ақ, қатысушыға өзін-өзі дамыту үшін 7 бағыт ұсынылған. Олар: спорт және дене шынықтыру, дарын мен дағды, еріктілік, туристік саяхаттар, кітап оқу, ұлттық мұра және еңбек тәжірибесі. Яғни, әр деңгейде қатысушының жасы бойынша талап орнатылған. Сонымен қатар, қатысам деушілер онлайн платформада тіркеледі, қалаған деңгейін таңдап, табыстың жеті жебесіне сай келетін 7 бағыт бойынша тапсырмаларды орындайды», – деді Ақзира Бақтыбайқызы.
</blockquote>
Бағдарлама үш деңгейден тұрады. Олар қола, күміс және алтын. Қола деңгейі 14 жастан, күміс деңгейі 15 жастан, алтын деңгейі 16 жастан. Бағдарламаға қатысуға ниет білдірушілер me.fpp.kz сайтында 20 маусымға дейін өтінім беру керек.

«Елбасы медалі» жобасы  басталды

<a href="http://kyzylorda-news.kz/">Kyzylorda-news.kz.</a> «Қазгидромет» РМК баспасөз қызметінің мәліметінше, Қазақстанның басым бөлігінде фронттардың әсерінен тұрақсыз ауа райы сақталады. Нөсер жаңбыр жауып, кей жерлерде найзағай жарқылдайды. Бұршақ жаууы ықтимал. Кей жерлерде жел күшейіп, солтүстік және шығыста дауыл тұрады. Солтүстікте тұман түседі.
Ақмола облысының кей жерлерінде желдің күші 15-20 м/с болады. Бұршақ жаууы ықтимал, күндіз кей жерлерде дауылды жел соғады.
Солтүстік Қазақстан облысының кей жерлерінде жел қарқыны – 15-20 м/с. Бұршақ жаууы мүмкін, Түнде кей жерлерде тұман түседі.
Шығыс Қазақстан облысының кей жерлерінде желдің күші – 15-20, екпіні – 25 м/с болады, Дауыл соғып, бұршақ жаууы ықтимал.
Алматы, Павлодар, Қарағанды, түнде Түркістан, күндіз Батыс Қазақстан, Ақтөбе, Қостанай облыстарының кей жерлерінде жел 15-20 м/с күшейеді. Күндіз Батыс Қазақстан облысында бұршақ жаууы ықтимал.
Павлодар облысында, күндіз Жамбыл, Қостанай облыстарының кей жерлерінде жел 15-20 м/с дейін күшейеді.
Солтүстік Қазақстан облысында түнде және таңертең тұман түседі. Күндіз жел екпіні – 15-20 м/с.
Маңғыстау облысының кей жерлерінде жел жылдамдығы 15-20 м/с жетеді. Шаңды дауыл тұрады.
Атырау, Маңғыстау облыстарында аптап ыстық сақталады.
Атырау, Қызылорда облыстарында, Ақтөбе, Қостанай, Солтүстік Қазақстан, Ақмола, Павлодар, Қарағанды, Түркістан, Жамбыл облыстарының басым бөлігінде, Алматы облысының кей жерлерінде, Батыс Қазақстан облысының оңтүстігінде өте жоғары өрт қаупі сақталады.

18 маусым күні ауа райы құбылмалы болады

1992 жылы КСРО Түркістан әскери округі таратылды.
2006 жылы Егеменді еліміздің байланыс және хабар таратуға арналған «ҚАЗСАТ» деп аталатын тұңғыш геостационарлық жер серігі жоспарланған таңғы сағат 4.44-те Байқоңыр айлағынан ғарышқа ұшырылды. Тәуелсіз Қазақстанның ғарыштық державалар қатарына қарай аяқ басқан алғашқы қадамының хабаршысындай болған осы жер серігінің ұшырылу сәтін Қазақстан мен Ресей Президенттері Нұрсұлтан Назарбаев пен Владимир Путин арнайы келіп бақылады. «ҚАЗСАТ» жер серігінің техникалық ресурсы – 12 жыл. Бұл еліміздің ең шалғай аудандары мен ауылдарын телекоммуникациялық қызметпен қамтамасыз етуге мүмкіндік береді.
2007 жылы Мемлекет басшысы Нұрсұлтан Назарбаев «Әкімшілік рәсімдерді жетілдіру мәселелері бойынша Қазақстан Республикасының кейбір заңнамалық актілеріне өзгертулер мен толықтырулар енгізу туралы» сапалы мемлекеттік қызмет ұсынуды қамтамасыз етуге бағытталған Заңға қол қойды.
2009 жылы Елбасы Нұрсұлтан Назарбаев «Қазақстан Республикасындағы Мемлекеттік жоспарлау жүйесі туралы» Жарлыққа қол қойды.
2014 жылы қазақстандық ғалымдар туберкулезге қарсы қолданыстағы дәрілерге қарағанда әлдеқайда тиімдірек дәрі ойлап тапты.
2017 жылы елордада алғашқы «Астана» Бүкіләлемдік театр фестивалі ашылды. 
Ол қазақстандық актер, театр және кино режиссері Асанәлі Әшімовтің 80 жылдығына арналды. Шараға Еуропа мен Азияның жетекші театрларының өкілдері, белгілі сыншылар, драматургтер, Қазақстан және ТМД елдерінің мәдениет және өнер қайраткерлері, Асанәлі Әшімов өнерімен тереңнен танысқысы келген жас өнер шеберлері қатысты.

18 маусым: Атаулы күндер мен оқиғалар

<a href="https://kyzylorda-news.kz/">Kyzylorda-news.kz</a> ақпараттық агенттігінің 18 маусымға арналған жұлдыз-жорамалы. 
Тоқты 
Жұмысқа қатысты мәселелерді шешіп, ісіңіз өрге домалайды. Жұмысты бірінші орынға қойған адамдар қызметте өсіп, жаңа лауазымға бекітіледі. Бірақ өте сақ болыңыз.
Торпақ 
Таңертеңгілік аздаған қиындықтар туындауы мүмкін. Барлығы сіз ойлағандай болмайды. Болып жатқан жағдайларға орай тез әрекет етуге, мәселені шешуге тырысасыз.
Егіздер 
Кейбір қиындықтарға қарамастан белсенділігіңізді жоғалтпауға тырысыңыз. Бұл сізге күш-жігер береді. Сонымен қатар осы іс-әрекетіңізге қарап, көмек қолын созатын жандар табылады. Достарыңызды бағалай біліңіз.
Шаян 
Сіз үшін өте қолайлы күн. Қолға алған ісіңіздің барлығы жүзеге асып, жолыңыз болады. Көтеріңкі көңіл-күй өмірдің барлық саласында жетістікке жетуге көмектеседі. Сонымен қатар отбасыңызға көңіл бөліңіз.
Арыстан 
Жақындарыңызбен сөйлескен кезде сын айтпауға тырысыңыз. Бүгін өзіңізбен-өзіңіз болғаныңыз дұрыс. Шығынға батуыңыз мүмкін, сондықтан қымбат заттар алмаңыз. Үнемшіл болыңыз.
Бикеш 
Іскерлік байланыстарды нығайту үшін қолайлы күн. Бұрынғы серіктеріңіз жұмыстарыңызды жандандыруға ұсыныс жасауы мүмкін. Бұл ұсыныстардан бас тартпаңыз. Жаңа іс күш-жігеріңізді арттырады.
Таразы 
Бүгін қаржылық және тұрғын үй мәселелерін шешумен айналысқан дұрыс. Көптен ойға алған ісіңізді тез арада жүзеге асырыңыз. Барлығы өз қолыңызда. Егер сапарға шығуды жоспарлап отырсаңыз, ол сәтті өтеді.
Сарышаян 
Мазасыз, әрі қарбалас күн. Қандай жағдай орын алса да, эмоцияңызды білдірмей, сабырлылық таныта біліңіз. Кикілжіңдерден бойды аулақ ұстағаныңыз жөн. Әсіресе жұмыс барысында ашуға берілмегеніңіз дұрыс.
Мерген 
Жайбарақат күн деп айту қиын. Арандатушылардың жетегіне ермеңіз. Олар сіздің қазіргі күнгі жетістіктеріңізге қызғанышпен қарайды. Сондықтан жақсылыққа жетелемейді.
Тауешкі 
Бастаған істерді аяқтайтын уақыт келді. Бұрынғы шаруаларды қазір аяқтамасаңыз, кейін көп жұмыстың астында қаласыз. Күтпеген жерден жоспарларыңыз бұзылуы мүмкін. Жаңа жоспар бойынша әрекет етіңіз.
Суқұйғыш 
Бүгінгі күн іскерлік келіссөздер жүргізуге, маңызды сұрақтарға жауап табуға қолайлы күн. Әріптестеріңізбен қарым-қатынасыңыз жақсара түседі. Басшылық сіздің қызметіңізді жоғарылатуы мүмкін.
Балықтар 
Бүгін тек белсенді жандардың жолы болады. Сондықтан белсенділік танытып, өмірге құштар болыңыз. Ақша жинауды көздесеңіз, оны банкке салыңыз. Бірақ бұл жұмысты бүгін істемегеніңіз дұрыс. Тек жоспар құрыңыз.

Жұлдыздар не дейді?

**<a href="https://kyzylorda-news.kz/">Kyzylorda-news.kz.</a> Қызылордада ерлермен қатар доп тебуге жаны құштар қыздар да баршылық. 
**
2009 жылдан бастап Қазалы ауданында №17 ОРМБЖМ-де футболдан қыздар үйірмесі ашылды. Аз уақыт ішінде қыздар командасы біршама жетістіктерге қол жеткізді. Атап айтар болсақ, 2011 жəне 2013 жылдары командаҚР чемпионаттарында екі рет қола жүлдені иеленсе, 2014 жылы Қазақстан чемпионы атанды. 
2016 жылы Оренбург қаласында өткен турнирде күміс, 2017 жылы футзалдан ел чемпионатында 3-орынды еншіледі. 
Сонымен қатар өткен жылы Қызылорда қаласында «Қайсар» футбол орталығы жанынан қыздар командасы құрылды. Биыл осы орталықтан екінші топ ашылып, онда 2005-2006, 2007-2009 жылы туған қыздар жаттығады. 
Қазалылық қыздар Құндыз Қожахмет, Жансая Көпжанова жəне Сандуғаш Қожахмет ҚР құрамасында өнер көрсетеді. Сондай ақ Құндыз Қожахмет ұлттық құрама сапында да барн салуда. 
Айта кетейік, Қазалы командасын Əлішер Қауымбай, Қызылорда командасын Берік Сансызбаев жаттықтырады.
<img src="https://kyzylorda-news.kz/wp-content/uploads/2020/06/fw-1.jpg" alt="" />
<img src="https://kyzylorda-news.kz/wp-content/uploads/2020/06/ff-1.jpg" alt="" />
<img src="https://kyzylorda-news.kz/wp-content/uploads/2020/06/fff-1.jpg" alt="" />
<img src="https://kyzylorda-news.kz/wp-content/uploads/2020/06/ffff.jpg" alt="" />

Қызылордалық футболшы қыздардың алар асуы алда

<a href="https://kyzylorda-news.kz/">Kyzylorda-news.kz.</a> Шекараның жабылуы отандық туризм бизнесін тұралатты. Шабаданын сайлап саяхатқа асыққан жандардың да жоспарын бұзды. 
Туртоптамаға сұраныс төмендеген осы шақта Қызылордадағы 8 агенттіктің біреуі ғана нарыққа қайта оралды. Ал жүздеген сырбойылық демалысқа алдын ала төлеген қаржысын қайтара алмай әуре. 
Айсалбаевтар отбасы Түркияға барып тынығуды екі жылдан бері жоспарлап жүрген. Ағымдағы жылдың қаңтарында алғашқы жарнасын төлеп, жазғытұрым теңіз жағасында қыздырынып жатқандарын елестетіп те қойған. Наурыз айында күшіне енген шектеулерге байланысты құмды жағалаулар, думанды кештер көзден бұл-бұл ұшты. 
<blockquote>
 «Алып ұшып алты ай бұрын тапсырыс беріп қойғанбыз. Туртоптама құнының 30%-ін төлеп жібердік. Жаһанды жайлаған індет отбасылық жоспардың күл-талқанын шығарды. Енді ақшамызды қайтара алмай турфирманың есігін аңдып жүрміз», – дейді қала тұрғыны Қайрат Айсалбаев. 
</blockquote>
Алдын ала броньдауға төленген ақшаның қайтымы қиын. Тұтынушылардың салымын агенттіктер туроператорларға жолдайды. Олар қаржыны әуе компаниялары мен қонақүйлерге аударады. Солай ізі сиырқұйымшақтанып кете береді. Туристік фирма өкілдерінің айтуынша, туроператорлар тұтынушыға балама бағыттар ұсына алмаған жағдайда ғана қаражат қайтарылады. 
<blockquote>
 «Қазір қозғалыс шектелді, саяхатшылар нөпірі жоқ. Сондықтан сапардан бас тартып, ақшасын кері қайтарғысы келетін азаматтардың сұрауын біз өтей алмай отырмыз. Жергілікті туроператор басқа нұсқа ұсына алмайды. Бұл рейс толығымен Қызылордадан алынып тасталады. Дегенмен, төлемді қайтаруға қатысты шаралар қабылдап жатырмыз», – дейді туристік агенттік директоры Перизат Әбілқасымова. 
 «Бұл кезеңде жұмыс қызып, үлгірмей жататынбыз. Түнгі 11-12 ге дейін құжаттар рәсімдейтінбіз. Қалыптасқан жағдайға орай қазір меңіреу тыныштық. Қолдан келері тек күту», – дейді туристік агенттік менеджері Елена Ким. 
</blockquote>
Күрделі жағдайды реттеуге мемлекет араласуы тиіс. Бұл жергілікті турагенттіктердің ұсынысы, жанайқайы десек те болады. Дербес субсидия, жеңілдетілген несие және чартерлік рейстердің бағасын түсіру отандық турбизнеске ауадай қажет.
<a href="https://24.kz/kz/zha-aly-tar/o-am/item/403297-shetelge-sayakhattaudy-zhosparla-an-yzylordaly-tar-a-shasyn-ajtara-almaj-zh-r">«Хабар 24»</a>

Шетелге саяхатты жоспарлаған қызылордалықтар ақшасын қайтара алмай жүр

<a href="https://kyzylorda-news.kz/">Kyzylorda-news.kz.</a> Қазақстан Республикасының Қаржы нарығын реттеу және дамыту агенттігінің басшысы 2020 жылдың 15 маусымында шағын және орта кәсіпкерлік субъектілеріне қолдау көрсету, қаржылық жағдайды қалпына келтіру жөніндегі жоспарларды іске асыру және банктік қарыз және микрокредит шарттары бойынша мерзімі өткен берешектің туындау жағдайларының алдын алу мақсатында «Шағын және орта кәсіпкерлік субъектілеріне қолдау шараларын көрсету тәртібін» бекітті. 
Агенттік төрағасы бұйрықта қаржы ұйымдарының әдіснамасы және реттеу департаменті осы бұйрықты Қазақстан Республикасы Қаржы нарығын реттеу және дамыту агенттігінің мүдделі бөлімшелеріне, екінші деңгейдегі банктерге, банк операцияларының жекелеген түрлерін жүзеге асыратын ұйымдарға, микроқаржылық қызметті жүзеге асыратын ұйымдарға, оның ішінде бұрын көрсетілген ұйымдар болып табылған заңды тұлғаларға жіберілуін тапсырды. 
Аталмыш құжаттың кәсіпкерлер үшін маңыздылығын ескере отырып, толық мәтінін жариялаймыз. 
«Шағын және орта кәсіпкерлік субъектілеріне қолдау шараларын көрсету тәртібі:
<ol>
<li>Осы Тәртіп төтенше жағдай және (немесе) карантин кезеңінде қаржылық жағдайы нашарлаған кәсіпкерлік субъектілеріне бизнеске қолдау көрсету, қаржылық жағдайды қалпына келтіру жөніндегі жоспарларды іске асыру және кәсіпкерлік мақсаттарға берілген банктік қарыз және микрокредит шарттары бойынша мерзімі өткен берешектің туындау жағдайларының алдын алу үшін қосымша қолдау шараларын көрсету мақсатында әзірленді.</li>
<li>Қолдау шағын және орта кәсіпкерлік субъектісінің еркін нысанда жасалған өтініші негізінде көрсетіледі. 
Шағын және орта кәсіпкерлік субъектісі қажетті құжаттармен қоса екінші деңгейдегі банкке, банк операцияларының жекелеген түрлерін жүзеге асыратын ұйымға, микроқаржылық қызметті жүзеге асыратын ұйымға, оның ішінде бұрын көрсетілген ұйымдар болып табылған заңды тұлғаға (бұдан әрі – кредиттік ұйым) электрондық пошта, «банк-клиент» онлайн-жүйесі, интернет- ресурс, мобильдік қосымша немесе басқа байланыс құралдары арқылы өтініш бере алады.</li>
<li>Кредиттік ұйым қарыздарды және (немесе) микрокредиттерді қайта құрылымдау тәсілдерін, қарыз алушыларға қойылатын талаптар мен шарттарды, қарыз алушымен өзара іс-қимыл жасау рәсімдерін, қайта құрылымдауды жүргізу үшін қажетті құжаттар тізбесін қамтитын ішкі тәртіпті қолданады.</li>
<li>Шағын және орта кәсіпкерлік субъектісі өтініш берген жағдайда кредиттік ұйым жеке тәртіппен оның қаржылық жағдайын, төтенше жағдайдың және (немесе) карантиннің өтініш берушінің кәсіпкерлік қызметіне әсерін және қаржылық жағдайының қалпына келу перспективаларын бағалайды. Қаржылық жағдайды бағалау өтініш берушінің нақты кірістерін талдауды және төтенше жағдай және (немесе) карантин кезеңінде енгізілген шектеу шараларының өтініш берушінің кәсіпкерлік қызметіне, оның ішінде өтініш берушінің тауарларына, жұмыстарына және (немесе) көрсететін қызметтеріне тұтынушылық сұраныстың төмендеуіне, тауарларды және (немесе) көрсетілетін қызметтерді жеткізу тізбегінің бұзылуына, тауарлардың, жұмыстардың және (немесе) көрсетілетін қызметтердің ақысын төлеу мерзімдерінің бұзылуына әсерін көздейді.</li>
<li>Шағын және орта кәсіпкерлік субъектісі қаржылық жағдайының төтенше жағдай және (немесе) карантин кезеңінде нашарлауының объективті себептері және оның кәсіпкерлік қызметін қалыпқа келтіру мүмкіндігі болған кезде кредиттік ұйым шағын және орта кәсіпкерлік субъектісіне: 
1) егер кредиттік ұйым мемлекеттік бағдарламаларды іске асыруға қатысқан жағдайда не қарыздарды және (немесе) микрокредиттерді қайта құрылымдаудың ішкі тәртібі бойынша кәсіпкерлік субъектілерін қолдаудың мемлекеттік бағдарламалары шеңберінде жеңілдік берілген талаптармен банктік қарызды және (немесе) микрокредитті қайта қаржыландыруды ұсынады. 
Банктік қарыздарды және (немесе) микрокредиттерді жеңілдік берілген талаптармен қайта қаржыландыру жеңілдік берілген мөлшерлемелерді және мемлекет тарапынан кепілдіктер алу мүмкіндігін көздейтін шағын және орта кәсіпкерлік субъектілерін айналым қаражатын толықтыруға жеңілдікпен кредиттеу бағдарламасы, «Бизнестің жол картасы – 2025» бағдарламасы, шағын және микробизнеске қолдау көрсетудің жаңа нысаналы бағдарламасы бойынша да жүзеге асырылуы мүмкін. 
Мемлекеттік бағдарламалар бойынша қайта қаржыландыру шағын және орта кәсіпкерлік субъектісі мемлекеттік бағдарламаларда белгіленген өлшемшарттар мен талаптарға сәйкес келген жағдайда жүзеге асырылады; 
2) банктік қарыз және (немесе) микрокредит шарттары бойынша төлемдерді шағын және орта кәсіпкерлік субъектісінің қаржылық жағдайын және төлемге қабілеттілігін қалпына келтіру үшін жеткілікті кезеңге кейінге қалдыруды ұсынады. Төлемдерді кейінге қалдыру кезеңі, егер шағын және орта кәсіпкерлік субъектісінің өтінішінде өзге мерзімдер көрсетілмесе, кемінде күнтізбелік 90 (тоқсан) күнді құрайды. 
Егер төлемдердің өзге кестесі банктік қарыз және (немесе) микрокредит шартында көзделмесе не шағын және орта кәсіпкерлік субъектісінің өтінішінде көрсетілмесе, төлемдерді кейінге қалдыру қарыз мерзімінің соңына дейін бұрын кейінге қалдырылған төлемдерді бөлу түрінде төлемдердің жаңа кестесін белгілеу не қарыз мерзімін ұлғайту арқылы беріледі.</li>
<li>Кредиттік ұйым қарыз алушының өтініші және 2020 жылғы 16 маусымнан бастап 2020 жылғы 15 қыркүйек аралығында кредиттік ұйымға берілген қаржылық жағдайының нашарлағанын растайтын құжаттар негізінде шағын және орта кәсіпкерлік субъектілерінің банктік қарыз және (немесе) микрокредит шарттары бойынша төлемдерді қайта қаржыландыру не кейінге қалдыру туралы шешім қабылдайды.</li>
<li>Кредиттік ұйым шағын және орта кәсіпкерлік субъектісінің өтінішін өтінішті және қарыздарды және (немесе) микрокредиттерді қайта құрылымдаудың ішкі тәртібінде көзделген құжаттардың толық тізбесін алған күннен бастап 20 (жиырма) жұмыс күнінен аспайтын мерзімде қарайды».</li>
</ol>

Шағын және орта кәсіпкерлік субъектілеріне қолдау шараларын көрсету тәртібі бекітілді

**<a href="https://kyzylorda-news.kz/">Kyzylorda-news.kz.</a> Ағымдағы жылдың 15-18 маусым күндері аралығында Арал ауданында ҚР Ішкі істер министрлігінің жоспарына сәйкес «Отбасындағы зорлық-зомбылыққа жол жоқ» атты акция өткізілуде. 
**
Акция барысында Арал аудандық полиция бөлімінің ювеналды полиция тобының инспекторлары, учаскелік полиция инспекторлары және білім бөлімі қызметкерлерімен бірлескен рейдтік іс-шаралар жүргізілуде. 
Соның ішінде, Арал ауданының полиция бөлімінің профилактикалық есебінде тұратын азаматтармен жеке-жеке сұхбаттасулар жүргізіле отырып, аудандағы сауда орталықтары, денсаулық сақтау орындарында отбасы, тұрмыстық қарым-қатынастар саласында қылмыстар мен құқық бұзушылықтарды болдырмау, алдын-алу мақсатында арнайы жадынамалар таратылып, адамдар шоғырланатын орындарға плакаттар ілінді. 
Алдағы уақытта бұл бағыттағы жұмыстар тұрақты түрде бақылауға алынып, тиісті шаралар қабылданатын болады.
<img src="https://kyzylorda-news.kz/wp-content/uploads/2020/06/104080279_2684142458580790_687074389939348729_n-1.jpg" alt="" />
<img src="https://kyzylorda-news.kz/wp-content/uploads/2020/06/104298783_2684142781914091_687711180298461132_n-1.jpg" alt="" />
<img src="https://kyzylorda-news.kz/wp-content/uploads/2020/06/104417603_2684142591914110_239233543280279121_n-1.jpg" alt="" />
<img src="https://kyzylorda-news.kz/wp-content/uploads/2020/06/104492949_2684142401914129_4286334912479397982_n-1.jpg" alt="" />

Аралда «Отбасындағы зорлық-зомбылыққа жол жоқ» атты акциясы өтуде

<a href="https://kyzylorda-news.kz/">Kyzylorda-news.kz</a>. Нұр-Сұлтан қалалық қоғамдық денсаулық сақтау басқармасының басшысы Сәуле Қисықова коронавирус инфекциясын жұқтырған адамдар бірінші кезекте не істеу керектігін түсіндірді, деп хабарлайды <a href="https://www.inform.kz/kz/koranavirus-maman-katan-dietadan-tartynuga-kenes-berdi_a3662811">ҚазАқпарат.</a> 
Онлайн баспасөз мәслихатында «диета ұстану – коронавирус инфекциясына байланысты иммунитетті әлсіретуі мүмкін бе?» деген сұрақ қойылды. 
<blockquote>
 «Коронавирус инфекциясына байланысты жағдайдың күрделі екенін ескеріп, бұл кезеңде өмірдің қалыпты режимі мен ырғағын ұстанған жөн», – деді Сәуле Қисықова. 
</blockquote>
Осы орайда ол тамақтанудың қалыпты режимін сақтауға кеңес берді. 
<blockquote>
 «Тамақтану тәртібін күрт төмендетуге болмайды. Калориясы төмен тағамдар бар, яғни оны адамдар өздері таңдауы керек. Әрине, адамдар қандай диета керектігін өздері біледі. Алайда, біз ашығуға кеңес бермейміз», – деді Сәуле Қисықова.
</blockquote>

Коронавирус: маман қатаң диетадан тартынуға кеңес берді

<a href="https://kyzylorda-news.kz/">Kyzylorda-news.kz.</a> ҚР ЭМ Атомдық және энергетикалық қадағалау мен бақылау комитетінің Қызылорда облысы бойынша аумақтық департаментіоблыстұрғындарынсапасыз және сенімсіз электрмен жабдықтау фактілері туралы хабарлауды сұрайды.
Қазақстан Республикасы Энергетика министрінің 2017 жылғы 23 қазандағы №356 «Электрмен жабдықтаудың үлгілік шарттарын бекіту туралы» бұйрығының 9-тармағының 3-тармақшасына сәйкес тұтынушы жасалған шарттың талаптарына сәйкес энергия өндіруші, энергия беруші және энергиямен жабдықтаушы ұйымдардан электр энергиясын жеткіліксіз жеткізуден немесе сапасыз жеткізуден келтірілген нақты залалды өтеуді талап етуге құқылы және 12-тармаққа сәйкес сатушы тұтынушыға келтірілген нақты залалды толық көлемде өтеуге міндетті.
Электр энергетикасы туралы заңнамасына сәйкес мемлекеттік энергетикалық қадағалау және бақылау жөніндегі орган электр энергетикасы саласындағы заңнама талаптарының сақталуын бақылауды жүзеге асырады. Осыған байланысты, бұзушылық фактілері болған жағдайда, ҚР ЭМ Атомдық және энергетикалық қадағалау мен бақылау комитетінің Қызылорда облысы бойынша аумақтық департаментіне мына мекен-жай бойынша Қызылорда қаласы, Қызылжар тұйығы 3, 18 құрылыс, тел. 8(7242) 701484, немеса <a href="mailto:kyzylorda.kaenk@energo.gov.kz">kyzylorda.kaenk@energo.gov.kz</a>электрондық поштасына хабарласуыңызға болады.

Қызылорда: Жарықты заңсыз сөндірсе, қайда хабарласу керек?

<a href="https://kyzylorda-news.kz/">Kyzylorda-news.kz.</a> Жалағаш ауданында коронавирус инфекциясының алдын алу, таратпау мақсатында аудан әкімінің тапсырмасымен адам көп шоғырланатын жерлер мен әлеуметтік нысандарға залалсыздандыру жұмыстары тұрақты жүргізілуде.
Бүгін Жалағаш кентіндегі орталық базар, “Бибігүл ана”, “Ақниет” сауда дүкендерінің маңына, дәріханаларға т.б. бірқатар әлеуметтік маңызы бар нысандарға, тұрғындар жиі жүретін орындарға дезинфекциялау жұмыстары жүргізілді. Мамандар ғимараттардың айналасын арнайы ерітіндімен залалсыздандырды.
<img src="https://kyzylorda-news.kz/wp-content/uploads/2020/06/fb_img_1592387340612.jpg" alt="" />
<img src="https://kyzylorda-news.kz/wp-content/uploads/2020/06/fb_img_1592387345769-1.jpg" alt="" />
<img src="https://kyzylorda-news.kz/wp-content/uploads/2020/06/fb_img_1592387349227-1.jpg" alt="" />
<img src="https://kyzylorda-news.kz/wp-content/uploads/2020/06/fb_img_1592387352824-1.jpg" alt="" />
<img src="https://kyzylorda-news.kz/wp-content/uploads/2020/06/fb_img_1592387355645.jpg" alt="" />
<img src="https://kyzylorda-news.kz/wp-content/uploads/2020/06/fb_img_1592387358773-1.jpg" alt="" />

Жалағашта залалсыздандыру жұмыстары тұрақты жүргізілуде

<a href="https://kyzylorda-news.kz/">Kyzylorda-news.kz.</a> Қызылорда облысының сыр маржаны шетелдер де сұранысқа ие. «Абзал және Компания» Толық Серіктестігінің «Элита» бренді Ресей, Қырғызстан, Әзербайжан, Түркменстан, Монғолия, Ауғанстан, Украина, Тәжікстан және ТМД өзге елдеріне экспортталады. Кәсіпорын «күріш сапасы» стандарты бойынша ақталған және ұсақ күріш өндіреді. 
Аймақта сыр маржанын өндейтін ірі зауыттардың бірі — Қызылорда қаласында орналасқан «Абай Дәулет» ЖШС. Заманауи корей технолгиясымен жабдықталған кәсіпорынның қуаттылығы сағатына 7-10 тонна. Шығарылған өнімнің 60% экспортқа жіберіледі. 
Бүгінгі күні барлық кәсіпорындардың жылдық қуаттылығы 408,5 мың тонна. Өңірде ауыл шаруашылығы саласы бойынша өнім өндіру осы жылдың өткен кезеңімен салыстырғанда екі есеге өскен. Экспорт көлемі 31% ұлғайған.
<a href="https://newtimes.kz/kaztimes/112118-syr-onirinin-kurishine-shetelderde-suranys-zhogary">newtimes.kz</a>

Қазақстан және Қызылорда облысының жаңалықтары

«Елбасы медалі» жобасы басталды