<a href="https://kyzylorda-news.kz/">Kyzylorda-news.kz.</a> Бүгін қала әкімі Нұрлыбек Нәлібаев Ақсуат ауылдық округінде орналасқан жылыжай кешенінің жұмысымен танысты.
Бүгінде Қызылорда қаласы бойынша барлығы 10 жылыжай кешені жұмыс жасауда. Махамбет ауылында орналасқан қияр егумен айналысатын жылыжай ішкі нарықты қамтып отыр. Аумағы 2 гектар болатын «КазАгроМир» ЖШС автоматтандырылған жылыжай кешенінің жалпы құны 1 млрд 129 млн. теңгені құрайды. Жергілікті жұмысшылар күніне орта есеппен 5-6 тонна өнім жинап, қала аумағындағы орналасқан сауда үйлеріне төмен бағада сатуда. Болашақта өндіріс көлемін күніне 10 тоннаға дейін, ал жылына 1000 тоннаға дейін ұлғайтып, қызанақ, болгар бұрышы, баклажан өсіруді жоспарлап отыр. Заманауи Испан технологиясымен жабдықталған жылыжай электр жарығы, сумен қамтылған. Кешенде 40 адам тұрақты жұмыс жасауда. Жылыжай иесі енді мұнда табиғи газ бен кешенге жеткізетін жол мәселесін қарастыруды сұрап отыр.
<blockquote>
 «Өзімізден шығатын өнім ең алдымен өзіміздің нарықты қамти отырып, облыс төңірегіндегі аудандарды да қамтуымыз қажет. Тұрғындар тұтынатын өнімдеріміздің бағасы шарықтамауы керек», деген шаһар басшысы мемлекет тарапынан қандайда қолдау керек болса әрдайым дайын екенін жеткізді.
</blockquote>
Кездесуде кәсіпкердің мәселесін назарға алып, сала басшыларына бірқатар тапсырмалар берді.
Айта кетейік жылыжай кешені өткен жылдың соңында пайдалануға берілген болатын. Жоба мемлекеттің қолдауымен жүзеге асырылды.
Бұдан бөлек қалаға қарасты Қарауылтөбе ауылдық округінде «Натишаева» дара кәсіпкерінің 1 гектарлық кешені жұмыс жасауда. Осындай 8 шағын жылыжай қияр мен қызанақ өсіруде.
Келер жылы «Қарапайым заттар экономикасы» бағдарламасы бойынша тағы 2 гектар аумаққа жылыжай кешені салынбақ. Оңтүстік Корея технологиясы бойынша жүзеге асатын жоба құны 800 млн теңге. Қалаға қарасты «МТС Ас Агро» ЖШС жобаны қаржыландыру мақсатында ауыл шаруашылығы қаржылай қолдау институттары арқылы жұмыстар жүргізілуде.
<img src="https://kyzylorda-news.kz/wp-content/uploads/2020/05/nalibaev-zhylyzhaj-2.jpeg" alt="" />
<img src="https://kyzylorda-news.kz/wp-content/uploads/2020/05/nalibaev-zhylyzhaj-3-1.jpeg" alt="" />
<img src="https://kyzylorda-news.kz/wp-content/uploads/2020/05/nalibaev-zhylyzhaj-4-1.jpeg" alt="" />
<img src="https://kyzylorda-news.kz/wp-content/uploads/2020/05/nalibaev-zhylyzhaj-5.jpeg" alt="" />

Қала әкімі Ақсуат ауылындағы жылыжай кешенімен танысты (ФОТО)

<a href="https://kyzylorda-news.kz/">Kyzylorda-news.kz.</a> Індетке қарсы шараларға қатысқан қызметкерлер барлық салық түрінен босатылғаны жайында ҚР ұлттық экономика вице-министрі Мәди Тақиев ҚР Президенті жанындағы орталық коммуникациялар қызметінде өткен онлай баспасөз конференциясында айтты, деп хабарлайды <a href="https://baq.kz/news/othernews/t-tenshe-zha-day-kezinde-saly-ty-tekseruler-bolmady-vitse-ministr/">Baq.kz.</a>
<blockquote>
 «Эпидемияға қарсы іс-шараларға қатысқан қызметкерлер әлеуметтік төлемдердің барлық салықтарынан босатылды. Шағын және орта бизнес субъектілері үшін салықтық әкімшілік бөлігінде барлық салықты және әлеуметтік жарналарды бюджетке міндетті төлемдерді төлеу мерзімі ұзартылды, сондай-ақ, салықтық және кедендік әлеуметтік төлемдерді мәжбүрлі түрде өндіріп алу жұмыстары 2020 жылдың 1 маусымына қалдырылды», – деді спикер.&nbsp;
</blockquote>
Сонымен қатар, төтенше жағдай кезінде барлық салықтық тексерулер тоқтаған.&nbsp;Брифинг барысында вице-министр былтырғы жылдың міндеттемелері бойынша барлық салық төлеушілерге салық есептілігі қаулысының мерзімі осы жылдың 31 наурызынан&nbsp;31 мамырға ауыстырылғанын айтты. Жоғарыда көрсетілген шаралардың барлығы жеті жүз мың салық төлеушіні қамтыған.

Вице министр: Төтенше жағдай кезінде салықтық тексерулер болмады

<a href="https://kyzylorda-news.kz/">Kyzylorda-news.kz.</a> 1 маусымға дейін ЖОО-лар мен колледждер құжат қабылдауға толық дайын болуы керек. Бұл туралы ҚР Білім және ғылым министрі Асхат Аймағамбетов онлайн конференцияда айтты, деп хабарлайды <a href="https://lenta.inform.kz/kz/biyl-talapkerlerge-zhatakhanalardagy-oryn-avtomatty-turde-beriledi_a3648771">ҚазАқпарат.</a>
<blockquote>
 «Біз қазір қабылдау комиссиясы үшін электронды нұсқада келген өтініштерді қалай өңдеп, келген сұрақтарға қалай бірден жауап беру туралы оқу курстарын өткізіп жатырмыз. Біз 1 маусымға дейін ЖОО мен колледждердің осындай ішкі жұмыстарын толық бітіріп, құжат қабылдауға толық дайын болуымыз керек», – дейді ҚР Білім және ғылым министрі Асхат Аймағамбетов.
</blockquote>
Оның айтуынша, құжаттарды электронды түрде қабылдау кең қолданысқа ие.
<blockquote>
 «Колледждерде тамақтану, жатақханадан орын алу мәселесі бар. Осындай қызмет түрлерінің әрқайсысына бөлек-бөлек өтініш жазып, жекелей құжат жинау керек болатын. Енді абитуриент құжат тапсырғаннан кейін ақпараттық жүйеден оның әлеуметтік мәртебесі, мекен-жайы көрсетіледі және тамақтану қызметі мен жатақханадан орын бірденберіледі», – дейді ол.
</blockquote>

Биыл талапкерлерге жатақханалардағы орын автоматты түрде беріледі

<a href="https://kyzylorda-news.kz/">Kyzylorda-news.kz.</a> ҚР Еңбек және халықты әлеуметтік қорғау министрлігі мүгедектерді қолдау бойынша қосымша шаралар қабылдады.&nbsp;
Ведомстводан хабарлағандай, қайта қарау мерзімі төтенше жағдайдан&nbsp; бір ай бұрын және оның барысында (16 ақпаннан 10 мамырға дейін) орын алған және қайта тексеруден өтпеген мүгедектер үшін мүгедектік мерзімі автоматты түрде бұған дейін белгіленген қайта тексеру күнінен бастап 3 айға ұзартылады. Сонымен бірге қайта тексеру мерзімі ақпан айына келген мүгедектерге ай толық есептеледі.
Бұл шаралар мүгедектерге әлеуметтік қолдау көрсету, сондай-ақ Төтенше жағдай режимі аяқталғаннан кейін карантиндік шараларды сақтау мақсатында қабылданды. Мүгедектікті автоматты түрде ұзарту медициналық-әлеуметтік сараптамаға құжаттарды рәсімдеу кезінде бір жерде топталуын болдырмайды және азаматтардың ауру жұқтыру қаупін азайтады.
Мүгедектерді оңалтудың жеке бағдарламаларын жүзеге асыру мерзімі 3 айға ұзартылды. Бұрын ұсынылған оңалту шаралары, соның ішінде техникалық оңалту құралдарымен қамтамасыз ету күшінде қалады.
Мүгедектерді әлеуметтік қолдаудың барлық әлеуметтік қолдау шаралары мен жеңілдіктері 3 айға ұзартылды. Жәрдемақы бұрын айқындалған мүгедектік тобына, еңбекке жарамсыздық дәрежесіне сәйкес төленеді.
Айта кету керек, денсаулығының жағдайы өзгерген жағдайда, мүмкіндігі шектеулі жандар қайта тексеруден бұған дейін белгіленген мерзімнен бұрын өтуге құқылы.
Естеріңізге сала кетейік, қайта сараптама тағайындалған уақытынан бастап бір ай ішінде жасалуы керек.
Мысалы, егер қайта тексеру мерзімі ағымдағы жылдың 20 наурызында келген болса, онда мерзім автоматты түрде 20 маусымға дейін ұзартылады, ал 20 шілдеге дейін қайта тексеруден өтуі керек.

Қазақстанда мүгедектік мерзімі 3 айға ұзартылды

<a href="https://kyzylorda-news.kz/">Kyzylorda-news.kz</a>. Қызылорда облысында коронавирустық инфекциядан жазылған науқастардың саны 172 адамға жетті. Індеттен айыққандардың қатарына соңғы қосылған науқастар – Қызылорда қаласы мен Шиелі ауданының тұрғындары.
12 мамыр 17:10-дағы&nbsp;мәлімет бойынша Қызылорда облысында тағы 3 адам қауіпті індеттен жазылып шыққан.
Ерекше атап өтерлігі – Шиелі ауданында осы індетке шалдыққан 66 науқастың барлығы жазылып шықты.
Осылайша коронавирустық инфекциядан жазылғандар саны өңірде 172 адамға жетіп отыр.
Аталған науқастан 2 реттен сынама тест алынып, бәрі теріс мәнді нәтиже көрсеткен.
Олар алдағы 14 күнде дәрігерлердің бақылауында болады.

COVID-19: Шиелі ауданындағы барлық науқас айықты, облыста жазылғандар саны 172-ге жетті

<a href="https://kyzylorda-news.kz/">Kyzylorda-news.kz.</a> Қазақстанның бас мемлекеттік санитар дәрігері Айжан Есмағамбетова отбасылық шараларға рұқсат беруге қатысты пікір білдірді, деп хабарлайды&nbsp;<a href="https://sputniknews.kz/">Sputnik Қазақстан</a>.
<blockquote>
 «Осы сұрақты жиі қояды. Өкінішке қарай, әзірше ондай шараларға рұқсат жоқ. Себебі коронавирус тез жұғады. Мысалы, кеше ғана осы мәселені талқылағанда аймақтарда болған бірнеше жағдайды еске алдық. Ол жақта шектеуге қарамастан, ауызашар жасалған. Сонда болған адамдардан коронавирус табылған», – деді Есмағамбетов бүгінгі онлайн брифингте.
</blockquote>
Оның айтуынша, әзірше қонақ шақыру және қонаққа баруға шектеу қала береді. Алайда науқастардың саны азайғанда оны да алып тастайды.&nbsp;
<blockquote>
 «Ол уақыт келеді. Науқастардың күнделікті өсу қарқыны 2 проценттен төмен болғанда, сосын сырттан келетіндерді санамағанда елдің ішінде науқастардың тіркелуі тоқтаса, отбасылық шараларға рұқсат беріледі», – деп атап көрсетті Есмағамбетова.
</blockquote>

Бас санитар дәрігер отбасылық отырысқа қай кезде рұқсат берілетінін айтты

<a href="https://kyzylorda-news.kz/">Kyzylorda-news.kz.</a> Еңбек және әлеуметтік қорғау министрлігі еліміздегі төтенше жағдай кезінде төленген 42500 теңгелік жәрдемақы мәселесі бойынша қайда шағымдануға болатынын мәлім етті, деп хабарлайды <a href="https://stan.kz/42-500-tengege-baylanisti-shagimdi-kayda-zholdauga-bola-331115/">Stan.kz.</a>
Бұған дейін WhatsApp месенджерінде 11 мамыр күні төлемге өтініш беру тоқталғаны және егер сізге 42 500 теңге төленбесе, электронды түрде шағым беру керектігі айтылған хабарлама таралыпты.&nbsp;
Осыған орай министрлік өкілдері бұл ақпарат жайлы пікір білдірді.&nbsp;
<blockquote>
 «Табысынана айырылғандардың 42 500 теңгеге өтініш беруі Қазақстандағы ТЖ режимі аяқталғаннан кейін 11 мамыр күні сағат 18:00-де тоқтатылды. Осы уақытқа дейін өтінім жолдап үлгергендердің жағдайы қарастырылатын болады. Егер еңбек министрлігі қажет деп тапса, жәрдемақы беріледі», – деді министрліктің өкілдері.&nbsp;
</blockquote>
Бұған қоса министрліктегілер 16 сәуірге дейін өтініш жолдағандар тағы бір қайтара 42 500 теңгені ала алатындарын алға тартты. Ал одан кейін бергендер тек бір рет төлемді ала алады.&nbsp;
<blockquote>
 «Өтініштің қаралуын&nbsp;42500.enbek.kz&nbsp;сайтынан кіріп бақылауға болады. Егер белгілі жағдайларға байланысты өтінімді қайта қарау керек болса,&nbsp;42500@enbek.kz,&nbsp; &nbsp;42500@gfss.kz&nbsp;мына электронды поштаға хат жолдай алады», – деп қосты министрліктегілер.
</blockquote>
Еске салайық, бұған дейін елімізде Төтенше жағдай аяқталғанына байланысты елімізде 42500 теңгеге&nbsp;өтініш беру <a href="https://kyzylorda-news.kz/kogam/42-500-tenggelik-toelemge-qatysty-oetinish-qabyldaw-toqtatyldy-61357/">тоқтатылғанын хабаралған</a> едік.

42500 теңгеге байланысты шағымды қайда жолдауға болады

<a href="https://kyzylorda-news.kz/">Kyzylorda-news.kz.</a> Маусым айынан бастап барлық ЖОО-лар құжаттарды электронды түрде қабылдай бастайды. Бұл туралы ҚР Білім және ғылым министрі Асхат Аймағамбетов&nbsp;онлайн конференцияда&nbsp;айтты.
<blockquote>
 «Цифрландыру мәселесі өте өзекті болып тұр. Біз биыл бірінші рет цифрлық режимде ҰБТ тапсыруға құжаттарды қабылдадық. Алдыңғы жылмен салыстырғанда құжаттардың саны біраз көбейді. Цифрландыру мәселесі ары қарай да біздің басты назарымызда болады», – дейді ҚР Білім және ғылым министрі Асхат Аймағамбетов.
</blockquote>
Оның айтуынша, енді ЖОО мен колледждерге құжат қабылдау науқаны басталады. Бұл мәселені де қазіргі жағдайға сәйкес дұрыс жолға қойып, тиімді іске асыру керек.
<blockquote>
 «Жыл сайын 300 мыңнан астам түлек колледж бен ЖОО-ға құжаттар тапсырады. Құжаттар пакеті фотосурет, көшірме, куәліктен және басқа да 6 құжаттан тұрады. Бұл құжаттарды жинау үшін шамамен 4 мың теңге кетеді. Жыл сайын осындай құжаттарды тапсыруға 1 мрлд теңге жұмсалады. Сонымен қатар құжаттарды барып тапсыру, кезекке тұру керек. Мұндай қажетсіз кезекке тұруды болдырмау үшін құжаттарды қабылдауды автоматтандыру керек. Биыл барлық білім беру ұйымдарына қабылдау Электрондық үкімет порталы арқылы жүзеге асырылады. Порталда кішкене апаттық жағдай орын алғандықтан, оның қалай жүзеге асырылатынын қазір көрсете алмаймыз. Маусым айынан бастап барлық ЖОО-лар құжаттарды электронды түрде қабылдайды», – дейді Білім және ғылым вице-министрі Рүстем Биғары.
</blockquote>

Биыл талапкерлер ЖОО-ға құжатты электронды түрде тапсырады

<a href="https://kyzylorda-news.kz/">Kyzylorda-news.kz.</a> Қазақстан Республикасы Мәдениет және спорт министрі Ақтоты Райымқұлова Қызылорда қаласы «Мұз айдыны» спорт кешенінің директоры қызметіне тағайындалған ауыр атлет, 4 дүркін әлем чемпионы Илья Ильинді құттықтады.
<blockquote>
 «Құрметті Илья Александрович!
 Сізді Қызылорданың «Мұз айдыны» спорт кешенінің директоры қызметіне тағайындалуыңызбен шын жүректен құттықтаймын!
 Сіз жоғары спорттық бабыңыз бен еңбекқорлығыңыздың арқасында Егемен Елімізді әлемдік деңгейде мойындатқан шыңдалған шеберсіз. Тау көтерген толағайдай талай додада мерейіңіз үстем түсіп, байрақты бәсекелдерден жүлдесіз қайтпай келесіз. Сіз бағындырған спорттық биік белестер мен табыстар ізіңізден еріп келе жатқан жас зілтеміршілер үшін үлгі.
 Алдағы уақытта да Сыр өңірінің спорт саласын дамыту жолында қолға алған бастамаларыңызға сәттілік серік болсын. Жаңа қызметте ел абыройын асқақтатар жас дарынды атлеттер шоғырын қалыптастыруға үлес қоса беріңіз!
 Осынау орайлы сәтті пайдалана отырып, Сізге ұзақ ғұмыр, зор денсаулық, қажымас қайрат, қызметте табыс, отбасыңызға амандық пен ортаймас несібе-дәулет тілеймін!», – делінген Мәдениет және спорт министрінің аталған құттықтау хатында.
</blockquote>
Айта кетейік, кеше Илья Ильин Қызылорда қаласы «Мұз айдыны» спорт кешенінің директоры қызметіне тағайындалған болатын.

Министр Ақтоты Райымқұлова Илья Ильинді құттықтады

<a href="https://kyzylorda-news.kz/">Kyzylorda-news.kz.</a> Қызылорда қаласында екі жастағы сәби үшінші қабаттағы терезеден құлап кетті, деп хабарлайды <a href="https://lenta.inform.kz/kz/kyzylordada-eki-zhastagy-sabi-ushinshi-kabattan-kulap-ketti_a3648803">ҚазАқпарат.</a>
Оқиға кезінде сәбидің ата-анасы үйде болған. Анасы екі жастағы қыз баланың терезеден құлап кеткенін байқамай қалған.
<blockquote>
 «Сәбидің терезеден құлап қалғаны жөнінде ауладағы балалар келіп айтқан. Қазір бүлдіршіннің жағдайы орташа, облыстық балалар ауруханасының жансақтау бөлімінен палатаға шығарылды», – деп мәлім етті Қызылорда облыстық төтенше жағдайлар департаменті Өрт сөндіру және апаттық-құтқару жұмыстары қызметінің баспасөз хатшысы Әлия Ережепова.
</blockquote>
Соңғы жылдарда Қызылорда қаласында мұндай жағдайлар жиі тіркеліп отыр. 2018 жылы 4 бала көп қабатты үйдің терезесінен құлады. Ал, 2019 жылы 7 бала осындай жағдай болып, оның ішінде 1 бала оқиға орнында қаза тапқан. Зардап шеккендердің негізгі бөлігін 1 мен 6 жас аралығындағы балалар құрайды.

Қызылордада екі жастағы сәби үшінші қабаттан құлап кетті

<a href="https://kyzylorda-news.kz/">Kyzylorda-news.kz.</a> Мемлекет басшысы Қасым-Жомарт Тоқаев Қазақстанда келесі жылдан бастап микроқаржылық ұйымдарды лицензиялау жүйесі енгізілетінін мәлім етті.
<blockquote>
 «Халықтың табысы азайып бара жатқан уақытта тұтынушылық несие нарығының жағдайына мониторинг жүргізудің маңызы зор. Азаматтардың қарыз бойынша жүктемесінің көбейіп кетуіне жол бермеу керек. Қаржы нарығын реттеу бойынша агенттік проблемалық қарызы бар қарыз алушылардың оңалту мүмкіндіктерін қарастыруы керек. Сонымен қатар қарыз алушы мен өнімнің типіне қарай сыйақы ставкасын есептеу амалдарын қайта қарастырған абзал», – деді Президент төтенше жағдайды қамтамасыз ету бойынша мемлекеттік комиссия отырысында.
</blockquote>
Мемлекет басшысы, сонымен қатар, азаматтардың мүддесін қорғау үшін банктік емес, несиелік ұйымдарды бақылау жұмысы күшейетінін мәлім етті. Ал келесі жылдан бастап микроқаржылық ұйымдарды лицензиялау жүйесі енгізілмек.

Президент банкте проблемалық қарызы бар азаматтардың мәселесін шешуді тапсырды

<a href="https://kyzylorda-news.kz/">Kyzylorda-news.kz.</a> Ел аумағында төтенше жағдай режимі аяқталғанмен де, аймағымызда дерттің таралуы бәсеңдемеуде. Өңіріміздегі карантиндік шектеулерге байланысты Халыққа қызмет көрсету орталықтары 18 мамырдан бастап жаңа форматта өз жұмысын бастайтын болады.
Қағаз түріндегі қызметтер алдын ала брондау арқылы көрсетіледі. Электронды қызметтер, яғни egov.kz порталында қолжетімді онлайн қызметтер көрсетілмейді.
Осыған орай қазір облыс, қала әкімдігінің қолдауымен қаламыздың бірнеше нысандарында egov.kz бұрыштары, яғни өз-өзіне қызмет көрсету секторлары ашылды. Енді тұрғындар онлайн қызметтерді egov.kz электрондық үкімет порталы арқылы осы жерден ала алады. Алғашқы бір күннің ішінде-ақ қызмет көрсету бұрышының көмегін 100-ден аса тұрғын пайдаланып үлгерді.
<blockquote>
 «Бұл өзіне-өзі қызмет көрсету секторлары азаматтардың Халыққа қызмет көрсету орталықтары ашылғанға дейін ыңғайлы қызмет алуы үшін ашылды, олар мұнда электрондық-цифрлық қолтаңба (ЭЦҚ) немесе мобильдік азаматтар базасында тіркелген жағдайда, түрлі анытамалар мен электронды қызметтерді алады», – дейді «Азаматтарға арналған үкімет» мемлекеттік корпорациясы» КЕ АҚ облыстық филиал директоры Айдын Қайруллаев.
</blockquote>
Қазіргі таңда қала бойынша бірнеше нысандарда ашылған өзіне-өзі қызмет көрсету секторлары арқылы 100-ге жуық кеңес беріліп, 18 тұрғын электронды цифрлы қолтаңба ЭЦҚ алып, 1 жүргізуші куәлігі мен 2 көлік құралы тіркеліп, рәсімделді.
Қызылорда қаласында өзіне-өзі қызмет көрсету секторлары мына мекен-жайларда орналасқан:
1. Қалаға қарасты барлық ауылдық округ әкімдігінің ғимараты;
2. Ә.Тәжібаев атынадғы облыстық кітапхана;
3. Сол жағлауда орналасқан облыстық жастар ресурстық орталығы;
4. «Бақытты отбасы» орталығы;
5. Қаламыздағы автосалондар ғимараты;
6. «Энергосервис» мекемесі;
7. Барлық пәтер иелері кооперативтері ғимараты;
8. Тұрғын үй жинақ банкі ғимараты.
<img src="https://kyzylorda-news.kz/wp-content/uploads/2020/05/02-18.jpg" alt="" />
<img src="https://kyzylorda-news.kz/wp-content/uploads/2020/05/03-11.jpg" alt="" />
<img src="https://kyzylorda-news.kz/wp-content/uploads/2020/05/04-3.jpg" alt="" />
<img src="https://kyzylorda-news.kz/wp-content/uploads/2020/05/05-2.jpg" alt="" />

Қазақстан және Қызылорда облысының жаңалықтары