Kyzylorda-news.kz&nbsp;ақпараттық агенттігінің 2 шілдеге арналған жұлдыз-жорамалы.
Тоқты
Айтарлықтай жаңалық жоқ. Дегенмен бұл күнде орын алған оқиғалар сізге ұнай қоймайды. Сондықтан көңіл-күйіңіз болмайды. Ұстамды болыңыз.
Торпақ
Күні бойы қуанышты боласыз. Бүгін сізді қуантатын жайт өте көп. Бірақ қуанышыңызды іште сақтай біліңіз, ешкімге сыр алдырмаңыз. Эоцияға берілмей, ұстамды болғаныңыз жөн.
Егіздер
Түске дейін барлық шаруаңызды бітіріп алыңыз. Бұл уақытта жаңа басамаларды қолға алып, қызықты идеяларыңызды жүзеге асыруға болады.
Шаян
Күннің алғашқы жартысы өте сәтті болмақ. Алайда барлық шаруаға немқұрайлы қарайтын болсаңыз, онда ісіңіз алға баспайды.
Арыстан
Шешім қабылдай біліңіз. Егер табандылық танытсаңыз, онда өзіңізге пайдасы тиіп қалары анық. Бұл күн жаңа істі қолға алуға қолалы болмақ.
Бикеш
Түске дейін күтпеген жағдайлар орын алады. Кездесулер сіз ойлағандай болмай, көңіл-күйіңіз түседі. Серіктестермен тіл табысу қиынға соғады.
Таразы
Алдыңызға мақсат қоя біліңіз. Күнделікті жұмыстан шаршап жүрсіз. Сондықтан бір күнге демалыс алып, тыныштықта демалғаныңыз жөн. Ойыңызды жинақтаңыз.
Сарышаян
Асықпаңыз. Бүгін әр қадамыңызды аңдап басқан жөн. Себебі, бір қателік, алдағы күндерде өз кедергісін келтіретін болады. Сондықтан ешқайда асықпаңыз.
Мерген
Күніңіз қызықты өтеді. Жоспар бойынша әрекет етесіз. Біраз шаруаны атқарып, бір жеңілдеп қаласыз. Мақсатқа жетуге аз қалды.
Тауешкі
Күніңіз керемет өтеді. Тек күні бойы сабыр сақтай біліңіз. Ақыл айтып, жөн сілтейтін жандар көп. Бірақ өз дегеніңізбен жүріңіз. Өз ісіңізде табандылық таныта біліңіз.
Суқұйғыш
Сізді біраз шаруа күтіп тұр. Күндегіден көп жұмыспен айналысатын болғандықтан, жоспар құрып алғаныңыз жөн. Түсініспеушіліктер де орын алуы мүмкін.
Балықтар
Аңқау болмаңыз, ешкімнің алдауына түсіп қалмаңыз. Сабырлы болығаныңыз жөн. Эмоцияға берілмей, өзгелердің «ақылына» құлақ аспаңыз.

Жұлдыздар не дейді?

<a href="https://kyzylorda-news.kz/">Kyzylorda-news.kz.</a> Бұл туралы Мемлекет басшысы Қасым-Жомарт Тоқаев Twitter желісіндегі парақшасында жазды.
<blockquote>
 “Үкімет 5 шілдеден бастап 14 күнге карантин жариялау туралы (ол ұзартылуы да мүмкін) жоспарын ұсынды. Ертең Ведомствоаралық комиссияның отырысынан кейін Денсаулық сақтау министрі түсініктеме береді”, – деп жазды Президент.
</blockquote>

Тоқаев: Қазақстанда 5 шілдеден бастап 14 күнге карантин жариялау ұсынылды

<a href="https://kyzylorda-news.kz/">Kyzylorda-news.kz.</a> Жосалы кентіндегі орталық көшелердің бірі Қорқыт Ата көшесінде жаяу жүргіншілер жолы салынуда.
Биылғы жылы кентте абаттандыру, көшелерді орташа жөндеу мен бірнеше әлеуметтік нысандарды ағымдағы жөндеу жұмыстары жүргізілуде.
Былтырғы жылы «Ауыл – ел бесігі» жобасы аясында бірқатар нысандарда ағымдағы және күрделі жөндеу жұмыстары жүргізілгені белгілі. Атап айтқанда, Жосалы кенті бойынша 9 көшені орташа жөңдеу, 2 орта мектеп, 1 колледж ғимараттарын күрделі жөңдеу, «Шипагер» емханасын ағымдағы жөңдеу мен «Жыраулар үйі» ғимаратының шатырын күрделі жөңдеу жұмыстары атқарылды.
Үстіміздегі жылы «Жұмыспен қамтудың жол картасы» бағдарламасы шеңберінде жүзеге асырылатын жобалар тізіміне бірнеше нысандардың қайта жаңғыртылуы мен жөндеу жұмыстары кіріп отыр.
Бағдарлама аясында ауданымызда 8 әлеуметтік нысандардың, елді-мекендердегі 9 көшеге орташа жөндеу жұмыстары, 2 көшеге жаяу жүргіншілер жолын салу, 14 көшеге жарықтандыру жұмыстары, 3 нысанға абаттандыру жұмыстары жүргізіледі.
Қармақшы ауданы бойынша 40 жоба жүзеге асырылып, жалпы 809 жұмыс орны, оның ішінде жұмыспен қамту орталықтары арқылы тіркеуде тұрған 409 адам жұмыспен қамтылатын болады.
Бұдан бөлек, жергілікті бюджеттен Жосалы кентінің паспорттын орнатуға, құқық-бұзушылықтың алдын алу мақсатында көшелерге бейнебақылау камераларын орнатуға тиісті жұмыстар жүргізілуде.
<img src="https://kyzylorda-news.kz/wp-content/uploads/2020/07/fb_img_1593604685807-1.jpg" alt="" />
<img src="https://kyzylorda-news.kz/wp-content/uploads/2020/07/fb_img_1593604688571-1.jpg" alt="" />
<img src="https://kyzylorda-news.kz/wp-content/uploads/2020/07/fb_img_1593604691238-1.jpg" alt="" />

Жосалы кентін абаттандыру басты назарда

<a href="https://kyzylorda-news.kz/">Kyzylorda-news.kz.</a> Олардың қатарында Шиелі ауданына қарасты «Ақмая» шаруа қожалығы да бар.
«Ақмая» шаруа қожалығы өткен жылы 1420 гектарға күріштің «Янтарь», «Лидер», «Сыр сылуы» сорттарын екті. Әр гектарынан орташа есеппен 65 центнерден өнім алып, қамбаны толтырды. Әрине, жер жырту, тегістеу, тұқым себу жұмыстарының барлығы соңғы үлгідегі технологиялармен жүргізілгендігінің нәтижесі.
Дегенмен, шаруашылық өткен жылы егілген 1420 гектар күріш өнімінің 400 гектарына ғана субсидия алған. Шаруашылық үшін үлкен қолдау болғандықтан қиналған қожалық иесі жыл басында өңірімізде жұмыс сапарымен болған «Nur Otan» партиясы Төрағасының Бірінші орынбасары Бауыржан Байбекпен болған кездесуде мәселе етіп көтерген. Партия Төрағасының Бірінші орынбасары Бауыржан Байбек мәселені өз бақылауына алып, бүгінгі күні шешімін тауып отыр. Яғни, 1 ғана «Ақмая» шаруа қожалығы емес, облыстағы 51 шаруа қожалығы 160 млн теңге көлемінде субсидия алатын болады.
<blockquote>
 “Өткен жылы өңірде бізден басқа 50 шаруа қожалығы өткен жылы еккен күріштеріне субсидия алмаған болатын. Берекесінен бейнеті көп кәсіптің нәпақасынан қағылған қожалықтардың барлығының өтінішін мен жыл басында жетекші партияның Бірінші орынбасары Бауыржан Байбек мырзамен кездесуде жеткіздім. Ол кісі өз бақылауына алып, мәселені шешіп беретіндігін айтқан еді. Міне, мәселе шешімін тауып отыр. Біздің шаруа қожалық 14 млн теңгедей субсидия алатын болды. Субсидияның маңыздылығы шаруашылықтың дамып ілгерлеп кетуіне көмегі көп қой. Техника алып жатырмыз, қаншама Клаз, Джондейр, лазерный мара оның барлығы шаруашылыққа керек нәрсе ғой. Барлық шаруашылық өкілдері атынан алғысымызды айтамыз”, – дейді «Ақмая» шаруа қожалығының төрағасы Дәулет Жүнбеков.
</blockquote>
“Өткен жылы Сыр диқандары 88 мың гектарға жуық жерге күріш еккен. Оның 13 мың гектарға жуығы Шиелі ауданының шаруаларына тиесілі. Ауданда сыр салысымен сексеннен астам қожалық айналысады. Соның алтауы мемлекеттік қолдаудан құр қалды. Себеп бөлінген бюджеттің толық игерілуі”, – дейді Шиелі аудандық ауыл шаруашылығы бөлімінің басшысы Мұрат Әшірбеков.
Аудандық ауыл шаруашылығы бөлімі басшысының сөзін мәселені шешуге араласқан партия өкілдері де растап отыр. Өткен жылы облыста 285 шаруа қожалығына 1 миллиард 371 миллион теңге субсидия берілген. Бөлінген қаражат толық игерілуіне байланысты 51 қожалық бұл көмектен құр қалған. Бұл мәселе партия Төрағасының Бірінші орынбасары Бауыржан Қыдырғалиұлы Байбектің тікелей бақылауымен бүгінгі күні оң шешімін тауып отыр.
<blockquote>
 “Шаруаларға субсидияның қаражаты осы шілде айында аударылатын болады”,- деді «Nur Otan» партиясы облыстық филиалының заңгер-кеңесшісі, партиялық бақылау комиссиясының мүшесі Сәбитбек Алшынбеков.
</blockquote>
<img src="https://kyzylorda-news.kz/wp-content/uploads/2020/07/whatsapp-image-2020-07-01-at-17.47.28.jpeg" alt="" />
<img src="https://kyzylorda-news.kz/wp-content/uploads/2020/07/whatsapp-image-2020-07-01-at-17.47.30.jpeg" alt="" />

Қызылордада 51 шаруа қожалығы «Nur Otan» партиясының араласуымен субсидия алатын болды

<a href="https://kyzylorda-news.kz/">Kyzylorda-news.kz</a>. Дүйсенбі күні Мемлекет басшысы коронавирус індетінің таралуына қарсы күрес шаралары жөнінде кеңес өткізгені белгілі. Осы кеңесте әлемді екі өкпесінен қысып тұрған қауіпті аурудың еліміздегі ахуалы сараланып, Президент Қасым-Жомарт Кемелұлы Үкіметтің алдына халықтың денсаулығын қорғау жөнінде нақты тапсырмалар жүктеді.
Қасым-Жомарт Тоқаев өз сөзінде дер кезінде жарияланған қатаң карантин шаралары уақыттан ұтып, эпидемияның қатты өршіп кетпеуіне мүмкіндік бергенін, Өкінішке қарай, Төтенше жағдай режимі тоқтатылғаннан кейін барлық карантин шаралары босаңсып кеткенін, биылғы 11 мамырда шектеулер алынғаннан кейін вирустың таралуы 7 есе өскенін жеткізді.
Кеңесте өңірлердегі ауруханаларда науқастар жататын орынға, медицина кадрларына, дәрі-дәрмекке, медициналық құрал-жабдықтарға тапшылық қатты байқалатынын ашық айтқан Президент ел Үкіметіне осы кемшіліктерді тез арада жоюға тапсырма берді.
“Пандемиямен күрес жөніндегі барлық шешімдерді, оның әлеуметтік және экономикалық теріс әсерлерін жоюды Премьер-Министр басшылық ететін тиісті Мемлекеттік комиссия аясында пысықтауды тапсырамын. Мемлекеттік комиссия ең маңызды деген ресурстардың таралуын бір орталықтан бақылауды қамтамасыз етуі тиіс. Қазіргі эпидемиологиялық ахуалды тұрақтандыру үшін шұғыл шаралар қабылдау мақсатында Мемлекеттік комиссияға екі күннің ішінде биылғы наурыз-мамыр айларындағыдай қатаң карантин режимін енгізу мәселесі бойынша маған ұсыныс әзірлеп, енгізуді тапсырамын”, – деді кеңесте Қазақстан Президенті.
Бұл – өте дұрыс және қазіргі уақытта өте қажетті шешім.
Себебі, күн сайын еліміздегі ахуал, статистикадағы сандар өзгеруде. Яғни, коронавирус жұқтырған адамдардың саны көбейіп жатыр.
Демек, біз қауіпті кезеңде өмір сүріп жатырмыз. Сақтанбасақ біз де бұл індетті жұқтырып алуымыз әбден мүмкін.
Жасыратыны жоқ, соңғы уақытта бейқам жүрген жандардың қатары көбейді. Арамызда көшеде бетпердесіз жүріп, қауіпсіздік шаралары туралы мүлде ұмытқандар бар.
Сондықтан да, елімізде, облыстар мен өңірлерде карантин талаптарын қатаңдатсақ ғана бұл ауруға тосқауыл бола аламыз. Кеселдің таралуын өзгеден көрмей, өзіміз қауіпсіздікті қатаң сақтауға тиіспіз. Сонда ғана бұл індетті алыстатып, жақсы күндерді жақындатамыз.
Бастысы – жақындарымыздың денсаулығы мен амандығы өзіміздің қолымызда екенін естен шығармайық. Оларға жанашыр болайық!
“Иә, бұл – қауіпті ауру. Оны емдейтін вакцина әлі жасалған жоқ. Бірақ оны қауіпті екен деп байбалам салып, үрейге бой алдырмау керек. Сондай-ақ жөнсіз әрекетке барып, дәрігерлерге тіл тигізіп, санитарлық режимді бұзуға жол берілмейді. Ал науқастанып қалғандар сарыуайымға, пессимизмге салынбағаны жөн. Ем алумен қатар, ағзаның күші, адамның көңіл-күйі оның құлантаза айығып кетуіне ықпал етеді. Денсаулық сақтау министрлігі және санитарлық дәрігерлердің ұсынымдары мен талаптарын естен шығармауды сұраймын. Мұның бәрі мемлекеттің ең басты игілігі – сіздердің, Қазақстан Республикасы азаматтарының өмірі мен денсаулығын қорғауға арналған”, – деген Мемлекет басшысының сөздері баршамызды ойлантуы тиіс.
Сондықтан да әрбір қызылордалықты осынау қиын сәтте халқымыздың амандығы үшін барынша сабырлы, ұстамды және қоғам алдында жауапкершілікті болуға шақырамын!
Құрметті жерлестер!
Келеңсіз күндердің көбі кетіп, азы қалды. Халқымызда «Барына қанағат, жоғына сабыр» деген де жақсы сөз бар. Олай болса, бүгінімізге шүкіршілік жасап, сабыр сақтап, егер алда тек жақсы күндер болып, қалыпты өмірге тезірек оралуды ойласақ, карантин талаптарын қатаң сақтап, үйде болайық!
Сыр жұртшылығы осынау сындарлы сәтте ауызбіршілік танытып, аты жаман дертпен күреске өз үлестерін қосады&nbsp; деп сенемін!
Қиындықты еңсеруге, әрине, әрбіріміз де жауаптымыз!
Барынша төзімділік пен сабырлылық танытайық!
Бахытжан САЙЛЫБАЕВ,
Қызылорда облыстық қоғамдық кеңес төрағасы,
М.Мәметова атындағы Қызылорда педагогикалық жоғары колледжі директоры

Бахытжан Сайлыбаев: Жақындарымыздың амандығы өзіміздің қолымызда екенін естен шығармауға тиіспіз

<a href="https://kyzylorda-news.kz/">Kyzylorda-news.kz.</a>Денсаулық сақтау вице-министрі Людмила Бюрабекова елде коронавируспен ауыр және орта дәрежеде ауырып жатқан адамдар ғана ауруханаға жатқызылатынын мәлім етті, деп хабарлайды <a href="https://www.inform.kz/kz/koronavirustyn-zhenil-turine-shaldykkandar-auruhanaga-zhatkyzylmaydy_a3667984">ҚазАқпарат.</a> 
<blockquote>
 «Қазіргі таңда коронавируспен ауыр және орта дәрежеде жатқан науқастар ғана ауруханаға жатқызылады. Сонымен қатар КВИ расталмаған, алайда пневмониямен түскен адамдар да ауруханада емделеді. Ал КВИ-ді жеңіл немесе белгісі жоқ күйде көтеретіндер амбулаториялық жағдайда емделуі тиіс. Себебі онсыз да стационардағы төсек-орын бос емес. Сол себепті КВИ-ді жеңіл немесе белгісі жоқ күйде көтеретін азаматтар үйінде емделіп, уческелік дәрігердің бақылауында болуы тиіс», – деді Людмила Бюрабекова ОКҚ-да өткен баспасөз мәслихатында.
</blockquote>

Коронавирустың жеңіл түріне шалдыққандар ауруханаға жатқызылмайды

<a href="https://kyzylorda-news.kz/">Kyzylorda-news.kz</a>.Алматының бас санитар дәрігері Жандарбек Бекшин коронавирус жұқтырды. Бұл туралы санитар дәрігердің өзі айтты. Ол қазіргі кезде үйінде оқшауланып, жұмысын қашықтан істеп жатыр.
<blockquote>
 «Ауырып қалдым, жағдайым дұрыс, симптомдар байқалмайды. Бұл COVID-19, бірақ симптомсыз түрі. Қашықтан жұмыс істеп жатырмын, себебі ауыратын уақыт жоқ», – деді Бекшин.
</blockquote>

Жандарбек Бекшин коронавирус жұқтырды

<a href="https://kyzylorda-news.kz/">Kyzylorda-news.kz.</a>Бүгіннен бастап облыстық “Qyzylorda” телеарнасында 20.00-де “Дәрігер сағаты” бағдарламасы болады.
Денсаулық сақтау саласы бойынша сауалдарыңыз болса, 8 (7242) 27-90-20 байланыс телефонына хабарласыңыздар.

Қызылордада &#8220;Дәрігер сағаты&#8221; басталады

<a href="https://kyzylorda-news.kz/">Kyzylorda-news.kz.</a> Мен – қойнауы тарихқа толы Сыр өңірінің тумасымын. Орыс мектебінде оқысам да, ел-жұртпен араласып жүріп-ақ қазақшаны үйреніп алдым. Бұл мақтанғаным емес, дегенмен тіл үйренудің алғашқы әдістердің бірі деп ойлаймын. 
Соның арқасында жоғары оқу орнына түскенде қазақ тобында білім алдым. Қазақтың салт-дәстүрін, әдет-ғұрпын, тәрбиесін бойыма жиып, қазақ ақындарының өлеңдерімен сусындап, тілдік қорымды арттырдым десем артық айтқандық емес. 
2007 жылы Сыр өңіріне Тұңғыш Президентіміз Нұрсұлтан Назарбаев келгенде, бүкіл облыс жастарының атынан сөз сөйлеу мәртебесіне ие болдым. Сол кездегі Елбасының «Жарайсың, Елена, қазақ тілінде кейбір қазақтардан артық сөйлейсің» көрсеткен ілтипаты менің бүкіл тағдырымды өзгертті деуге толық негіз бар. Патриоттық сезімім одан әрі дамып, қазақ тілін жоғары деңгейде меңгеруге құлшынысым оянды. 5 жылдан астам уақыт өңірде белгілі қалалық телеарнада жұмыс жасадым. Халық арасында танымал бола бастадым. Енді міне, Елбасының тікелей бастамасымен ашылған болашақ зиялыларды дайындайтын халықаралық деңгейдегі үш тілде оқытатын Зияткерлік мектебінде 6 жылға жуық уақыт баспасөз хатшысы қызметін атқарып келемін.
Қазақ тілі менің қоғамдағы өз орнымды табуға ғана емес, өмірлік серігімді кездестіруге үлкен септігін тигізді. Жолдасым өзге ұлт болғанымен қазақ тілінде еркін сөйлеп, өз ойын жеткізе алады. Отбасымызда өзара қазақ тілінде тілдесіп отыратын кездер көп. Оның үстіне тұңғышымызды жастайынан қазақша білсін деп, қазақ тілді балабақшаға беруді жөн санадық, осылайша мемлекеттік тілдің қолдану аясын кеңейтуге азда болсада өз үлесімізді отбасымызбен қосып келеміз. 
Бауыржан Момышұлы: «Тілін білмеген – түбін білмейді» дейді. «Еліңді сүйсең ерлік істейсің» дейді дана халқымыз бекер айтпаса керек. Ендеше, барлығымыз Ұлтаралық қатынасымызды қазақ тілінде арттыруымыз қажет деп есептеймін.
Елена РЫБИНА, 
Қызылорда облысындағы ҚХА мүшесі, 
Н.Назарбаев зияткерлік мектебінің Баспасөз хатшысы

Елбасымен кездесу қазақ тіліне құлшынысымды арттырды

<a href="https://kyzylorda-news.kz/">Kyzylorda-news.kz.</a> Ағымдағы жылы “Еңбек” мемлекеттік бағдарламасының екінші бағыты аясында шағын несиелеуді жүзеге асыруға Қызылорда облысы үшін республикалық бюджеттен 3 353,1 млн теңге қарастырылды.
Оның ішінде 3 103,1 млн теңгесі ауылдық елді мекендерде және шағын қалаларда шағын несие беруге бағытталса, ал Қызылорда қаласында несиелендіру үшін 250 млн теңге бөлінді. 
Жыл басында ауылдық елді мекендер мен шағын қалалар үшін қарастырылған қаражаттың бөлігі “Аграрлық несие корпорациясы” АҚ және “Ауыл шаруашылығын қаржылай қолдау қоры” АҚ орналастырылған болатын. Қазіргі таңда шағын кәсіпкерлік субъектілерінің 127 жобасына жеңілдетілген шағын несиелер берілді. 
Қаржыландыру жоспарына сәйкес Қызылорда қаласында шағын несиелер беру ағымдағы жылдың шілде айынан басталды. Бүгінгі күні қарастырылған қаражат “Ауыл шаруашылығын қаржылай қолдау қоры” АҚ-на аударылды. 
Бағдарлама аясында шағын несиелер кәсіпкерлерге 6,5 мың АЕК 
(18 057 000 теңге) дейін жылдық 6 пайызбен беріледі. Бұл ретте аталған сыйақы мөлшерлемесі көп балалы және аз қамтылған отбасылар үшін жылына 4%-ға дейін төмендетілген.

Қызылорда: «Еңбек» бағдарламасы аясында шағын несиелер алуға болады

<a href="https://kyzylorda-news.kz/">Kyzylorda-news.kz.</a> Сырдария ауданының әкімі Руслан Рүстемов С.Сейфуллин ауылында болып, «Жұмыспен қамту жол картасы» бағдарламасы аясында жүргізіліп жатқан жол жөндеу жұмыстарының барысымен танысты.
Құрылыс басында аудандық мәслихат дептутаты Б.Есназар да болды. 
Өз кезегінде аудан әкімі жыл басында өткен есепті кездесулерде бірнеше ауылдарда жол мәселесі көтерілгенін, тұрғындар мен мектеп оқушыларына жауын-шашын күндері жол қатынасы қиындық туғызып келгенін айта келе, биыл ауылда көптің тілегі шешімін тауып, жалпы құны – 105,1 млн теңгені құрайтын 6 көше орташа жөндеуден өтетіндігін жеткізді. Сонымен бірге салалық бөлім басшысы мен мердігер мекеме өкіліне ең бастысы жолдың сапасына көңіл бөлу қажеттігін қатаң ескертті. 
Ауылдың ішкі көшелеріне орташа жөндеуді «Дарен Строй Сервис» ЖШС жүргізуде. Жұмысқа 26 адам (оның ішінде, 13 адам халықты жұмыспен қамту орталығы арқылы), 10 техника жұмылдырылған. Мердігер мекеменің директоры Д.Мұхамедияров аудан әкіміне жөндеу жұмыстары барлық технологиялық шарттар мен кестеге сәйкес жүргізіліп жатқандығын және жұмыс белгіленген мерзімде аяқталатындығы туралы баяндап өтсе, сол жерде мердігер мекеменің демеушілігі есебінен ауылдың Шортанбай би көшесінің соңғы 400 метр бөлігін жөндеу жұмыстары қолдау тапты. 
Айта кету керек, биыл аудан бойынша «Жұмыспен қамту 2020 жол картасы» бағдарламасы аясында автомобиль жолдарын жөндеу жұмыстарына барлығы 919,0 млн теңге бөлінді. Оның ішінде, аудандық маңызы бар «Самара-Шымкент-Жаңадария» автомобиль жолының 10-25 шақырым аралығын орташа жөндеуге 389,9 млн теңге, Тереңөзек кентінде 5 көшені, Шіркейлі ауылында 6 көшені, Айдарлы және Шаған ауылдарында 1 көшеден орташа жөндеуге 529,1 млн теңге бөлінді. Бүгінгі күнге барлық жобалар бойынша мердігер мекемелер анықталып, құрылыс-монтаж жұмыстары басталып кетті. Аталған жобалар шеңберінде халықты жұмыспен қамту орталығы арқылы барлығы 88 азаматты жұмыспен қамту көзделген.
<img src="https://kyzylorda-news.kz/wp-content/uploads/2020/07/fb_img_1593592201456-1.jpg" alt="" />
<img src="https://kyzylorda-news.kz/wp-content/uploads/2020/07/fb_img_1593592207074-1.jpg" alt="" />

С.Сейфуллин ауылында 6 көше жөнделеді

<a href="https://kyzylorda-news.kz/">Kyzylorda-news.kz.</a> Түнде қала аумағына зиянды зат шашады деген ақпарат жалған. Еліміздің Денсаулық сақтау министрлігі осылай деп мәлімдеді.
Қазіргі уақытта желіде түнгі сағат 2:00 шамасында далада адам денсаулығына зиянды зат шашылды деген хабарлама тарап жүр.
Министрліктің ресми мәлімдемесіне сай, бұл ақпарат шындыққа жанаспайды. Осы орайда, Денсаулық сақтау министрлігі қазақстандықтарды әлеуметтік желідегі жалған ақпаратқа емес, тек ресми дереккөздерге сенуге шақырады. Жалған ақпарат таратқан азаматтар ҚР Қылмыстық Кодексінің 274-ші бабына сай жауапкершілікке тартылуы мүмкін екенін еске саламыз.
<a href="https://24.kz/kz/zha-aly-tar/o-i-a/item/406244-t-nde-ala-auma-yna-ziyandy-zat-shashatyn-bolady-dsm-a-parat-a-zhauap-berdi">24.kz</a>

Қазақстан және Қызылорда облысының жаңалықтары

Жұлдыздар не дейді?

Тоқаев: Қазақстанда 5 шілдеден бастап 14 күнге карантин жариялау ұсынылды

Жосалы кентін абаттандыру басты назарда

Қызылордада 51 шаруа қожалығы «Nur Otan» партиясының араласуымен субсидия алатын болды

Бахытжан Сайлыбаев: Жақындарымыздың амандығы өзіміздің қолымызда екенін естен шығармауға тиіспіз

Коронавирустың жеңіл түріне шалдыққандар ауруханаға жатқызылмайды

Жандарбек Бекшин коронавирус жұқтырды

Қызылордада “Дәрігер сағаты” басталады

Елбасымен кездесу қазақ тіліне құлшынысымды арттырды

Қызылорда: «Еңбек» бағдарламасы аясында шағын несиелер алуға болады

С.Сейфуллин ауылында 6 көше жөнделеді

Түнде қала аумағына зиянды зат себетін болады – ДСМ ақпаратқа жауап берді

Қазақстан және Қызылорда облысының жаңалықтары

Жұлдыздар не дейді?

Тоқаев: Қазақстанда 5 шілдеден бастап 14 күнге карантин жариялау ұсынылды

Жосалы кентін абаттандыру басты назарда

Қызылордада 51 шаруа қожалығы «Nur Otan» партиясының араласуымен субсидия алатын болды

Бахытжан Сайлыбаев: Жақындарымыздың амандығы өзіміздің қолымызда екенін естен шығармауға тиіспіз

Коронавирустың жеңіл түріне шалдыққандар ауруханаға жатқызылмайды

Жандарбек Бекшин коронавирус жұқтырды

Қызылордада &#8220;Дәрігер сағаты&#8221; басталады

Елбасымен кездесу қазақ тіліне құлшынысымды арттырды

Қызылорда: «Еңбек» бағдарламасы аясында шағын несиелер алуға болады

С.Сейфуллин ауылында 6 көше жөнделеді

Түнде қала аумағына зиянды зат себетін болады – ДСМ ақпаратқа жауап берді

Қызылордада “Дәрігер сағаты” басталады