<a href="https://kyzylorda-news.kz/date/2020/11/09/">Kyzylorda-news.kz.</a> Достық үйінде Татар этномәдени бірлестігінің ұйымдастыруымен облыстық Қазақстан халқы Ассамблеясының қолдауымен «Татар этносының мәдени күні» өтті.
Татулық пен бірлікті нығайту мақсатында өткізілген шараны «Қоғамдық келісім» КММ директорының міндетін атқарушы Азамат Мукеев ашты.
<blockquote>
 «Тәуелсіздікпен бірге шаңырақ көтерген орталық аталған жылдар ішінде еліміздің өсіп-өркендеуіне өз үлесін қосып келеді. Олардың белсенділері үнемі бас қосып, мәдени салт-дәстүрді жаңғыртуға атсалысып, бабадан қалған бай мұраларын сақтап қалуға барын салуда. Бастысы, олар бірлік пен бейбіт күндердің қадірін терең ұғынған. Сондықтан да өңірдегі ынтымақтың ұйытқысы болған облыстық Қазақстан халқы Ассамблеясына олардың алғысы шексіз. Пандемия кезеңінде де бірлестіктің мүшелері онлайн режимге көшіп, барлық шараларға, мереке, байқауларға қатысып, өз белсенділіктерін танытты», – дей келе, бірлестіктің мүшелеріне достық пен татулықты берік ету жолында атқарған жұмысы үшін Қазақстан халқы Ассамблеясының 25 жылдық медалін табыстады.
</blockquote>
Татар этномәдени бірлестігінің жетекшісі Галия Гизатуллина «Біздің күнделікті жұмысымыздың басты мазмұны қоғамдағы достық пен келісімді нығайту, жалпы рухани адамгершілік құндылықтарды насихаттау, өскелең ұрпақты патриотизм рухында тәрбиелей отырып, ортақ үйіміздің болашағы үшін жоғары жауапкершілікте болу», – деді.
&nbsp;Сондай-ақ, өңіріміздің дамуына сүбелі үлесін қосқан татар этносының мүшелеріне облыстық Қазақстан халқы Ассамблеясы хатшылығының меңгерушісі Жағыпар Тажмахановтың Алғыс хатын табыстады.
Мәдени күн аясында тыл ардагерлеріне Татарстан Республикасының Президенті Рустам Миннихановтың құттықтау хаттары да табыс етілді.
Шарада&nbsp; әртүрлі жанрларда ән, би, өлеңдер орындалды. «Жасмин» би тобының өнерпаздары әскердегі күндерді еске түсіретін «Көк орамал» биін орындады. «Сарман» вокалдық тобы мен солистер түрлі тілде өлеңдер оқып, ұлы ақын Абай Құнанбаевтың әндерін шырқады.
<img src="https://kyzylorda-news.kz/wp-content/uploads/2020/11/124132509_2784355018550327_8261355559337860514_n.jpg" alt="" />
<img src="https://kyzylorda-news.kz/wp-content/uploads/2020/11/124115262_2784355151883647_810248966022208799_n.jpg" alt="" />
<img src="https://kyzylorda-news.kz/wp-content/uploads/2020/11/124053684_2784355055216990_7442572023324780358_n.jpg" alt="" />
<img src="https://kyzylorda-news.kz/wp-content/uploads/2020/11/123764274_2784354988550330_567360815543201366_n.jpg" alt="" />

Қызылордада Татар этносының мәдени күні өтті

қазақстандық БАҚ-қа бірігу қажет екендігін көрсетті
<a href="https://kyzylorda-news.kz/">Kyzylorda-news.kz</a>. Өткен аптаның соңында шырайлы Шымкент шаһарында республикалық «Qalam» қорының ұйымдастыруымен «Qalam» медиа-платформасының Түркістан, Жамбыл, Қызылорда облыстарындағы баспа және электронды БАҚ-тың бас редакторларына арналған кездесу жиыны өтті. Оңтүстік өңірдегі 3 облыстың маңдайалды басылымдарының өкілдері жиналған айтулы басқосуда еліміздегі ақпарат құралдарының бүгінгі беталысы мен көптеген мәселелері сөз болды.
«Қазақстандық БАҚ-қа бірігу қажет»
Жасыратыны жоқ, әлемдік пандемия қазақстандық медиаға да айтарлықтай әсер етті. Осы кезеңде еліміздегі көптеген ақпарат құралдары өздерінің табысынан айрылды. Қаржылық қиындықтарға кезікті. Басылымдардың таралымы шектеліп, кейбір газет-журналдар өздерінің жұмысын тоқтатуға мәжбүр болды. Бірқатар өңірде тілшілердің жалақысы айлап төленбеді.
Ал ақпарат агенттіктері мен медиа-порталдар, интернет сайттардың кейбірі қауіпті індет кезінде мыңдаған оқырман жинаса, кейбіреулері, керісінше, өз аудиторияларынан айрылып қалып жатты.
Міне, осындай қиындықтармен бетпе-бет келген еліміздің көптеген БАҚ өкілдері ортақ мәселелерді шешу үшін бір платформаға бірігуді жөн деп шешкен.
<blockquote>
 – Осылайша осы жылдың көктемінде Алматы қаласында «Qalam» медиа-платформасы құрылды. Біріншіден, еліміздің бұқаралық ақпарат құралдарына өздерінің мәселелерін ашық айтып, кеңесетін ортақ алаң қажет болды. Екіншіден, 2019 жылдың 18 наурызынан кейін еліміздегі жалпы ахуал өзгерді. Қазақстандағы БАҚ-тың аудиториясы екі есеге өсті. Медиа саласына жаңа мүмкіндіктер ашылды. Үшіншіден, пандемия кезіндегі қазақстандық БАҚ өте қатты соққы алды. Кейбір басылымдар өмір сүруін тоқтатты. Осының бәрі қазақстандық БАҚ-қа бірігу қажет екенін көрсетті. Бұл – барлығы болмаса да, еліміздің біраз ақпарат құралдарына ортақ мәселелерді бірігіп шешуге жасалған қадам. Себебі, «жалғыздың үні, жаяудың шаңы шықпайтыны» белгілі, – дейді аталған медиа-платформаның жетекшісі, республикалық сараптамалық «Exclusive.kz» онлайн-журналының бас редакторы Қарлығаш Еженова.
</blockquote>
Бүгінде аталған медиа-платформаға еліміздің 20-дан астам ақпарат құралдары қосылып үлгерген. Шымкент қаласындағы кездесу – өңірлердегі БАҚ өкілдерімен пікірлесудің қорытынды жиыны. Мұндай кездесулер осыған дейін Алматы, Өскемен, Петропавл, Ақтау қалаларында өткен. Қарлығаш Келерқызының айтуынша, аталған өңірлердегі әріптестеріміз бұл жаңалықты қуана қабылдаған көрінеді.
Медиа-платформа не береді?
Бұл – оңтүстіктегі аталған кездесуге жиналған әріптестеріміздің көкейіндегі басты сауал болды.
<blockquote>
 – Медиа-платформаның басты мақсаты – Қазақстанның тәуелсіз медиа саласында тұрақты әрі тиімді алаң қалыптастыру, – дейді Қарлығаш Келерқызы, – Біріншіден, бұл медиа-платформа өңірлердегі ақпарат құралдарының дамуына бағытталған. Екіншіден, платформа ортақ алаңға біріккен басылымдарға құқықтық көмек көрсетеді. Үшіншіден, кез келген тақырыптағы факт-чекинг, контент алмасу, бірігіп алжа жылжу, тәжірибе алмасуды үйлестіреді. Төртіншіден, өңірлердегі ақпарат құралдарының қаржылық сауаттылығын арттыруды көздейді. Бесіншіден, Нұр-Сұлтан және Алматы қалаларындағы түрлі ірі компаниялардың жарнамаларын өңірлердегі БАҚ-тарға орналастыруға қолайлы жағдай жасауға атсалысады. Яғни, ақылы қызмет бойынша бағыт-бағдар береді. Алтыншыдан, біріккен түрлі медиа-акциялар ұйымдастыру, өңірлердегі журналистердің біліктілігін арттыру бойынша жұмыс жасайды. Жетіншіден, өңірлерде кенжелеп қалған түрлі жанрлардың жандануына үлес қосуды қалаймыз. Сегізіншіден, түрлі интернет-ресурстардың төл өнімдерінің көбеюіне, мультимедиалық соны жаңалықтарды меңгеріп, өз контенті мен тұрақты оқырмандарын қалыптастыруға үйретеді.
</blockquote>
Осы уақытқа дейін еліміздің БАҚ саласында түрлі медиа-платформалар мен бірлестіктер құрылып, көбісінің жұмысы орта жолдан тоқтағаны белгілі. «Qalam» қоры директорының орынбасары, журналист-сарапшы Нәзира Жәрімбеттің атап өтуінше, аталған алаң ешқандай жасырын мүддені көздемейді.
<blockquote>
 – «Qalam» медиа-платформасы – коммерциялық жоба емес. Мемлекеттен болмаса басқа да ұйымдардан грант ұтып алып, соны жүзеге асыру үшін құрылмаған. Бұл алаңның ешқандай саяси астары жоқ, белгілі бір топтың мүддесіне жұмыс жасамайды. Күнделікті жұмыс барысында кездесіп отырған мәселелерді бірігіп шешсек, бірімізде туындаған мәселе екіншімізге сабақ болса, содан қорытынды шығара алсақ деген оймен ақылдасуға жиналып отырмыз. Атап өтерлігі, қаржылық сауаттылықты айтпағанда, өңірлердегі көптеген бұқаралық ақпарат құралдарына құқықтық көмек керек екендігіне күн сайын көз жеткізіп келеміз. Бір ғана авторлық құқық мәселесінде қаншама шешілмеген түйткілді мәселелер бар. Платформа осындай мәселелердің оң шешілуіне бағыт-бағдар беріп, жан-жақты қолдау көрсетпек, – дейді сарапшы Нәзира Жәрімбет.
 – Маған бүгін басымызды қосып отырған медиа-платформаның бірнеше артықшылығы ұнап отыр. Біріншіден, өңірлердегі БАҚ-тың дамуына үлкен көмек болмақ. Екіншіден, сол ақпарат құралдарына кездескен қиындықтарды шешуге жәрдемдесіп, құқықтық сүйемелдеу жасамақ. Жасыратыны жоқ, қазір кейбір басылымдар өз құқығын қорғау үшін адвокат жалдауға қаржы таппайды. Ал, бұл алаң өзіміздің зеңгерлеріміз арқылы көмектесеміз дейді. Қазақстандық БАҚ ортақ мәселелерді шешу үшін біріге алса, еліміздің медиа саласында үлкен өзгерістер болар еді, – деді жиында қызылордалық танымал журналист Шәкизада Әбдікәрімов.
</blockquote>
«Ортақ алаң тілге бөлінбеуі керек»
Оңтүстік шаһардағы жиынға журналистерден бөлек, саясаттанушылар да қатысты. Олар да қазақстандық БАҚ-тың бүгінгі беталысын бағамдап, өз пікірлерімен бөлісті.
<blockquote>
 – Бүгінгі жиын, ең алдымен, журналистер үшін орны бөлек кездесу болды десем артық айтқандық емес. Себебі, қиындықпен жалғыз арпалысқаннан гөрі көп болып күрескен пайдалы. Қазақта «Көп түкірсе – көл» деген сөз бар. «Досы көпті жау алмайды» деп жатамыз. Міне, осы тұрғыдан келгенде қазақстандық БАҚ бүгінгі өздері атап өткен ортақ мақсат, бір мүдде жолында біріге алса, үлкен жеңісі болар еді. Өздеріңіздің ардақ тұтар ақсақалдарыңыз, қазақ журналистикасының майталманы Намазалы Омашевтің: «Ұлттық мүддені, мемлекеттік мүддені көздеген үлкен бір мәселе көтеріле қалса, біздегі БАҚ-тардың сөзі бір жерден шықпай, әрқайсысы әр түрлі тақырыптарды қозғап кететіні бар. Отандық журналистикадағы алауыздықтың бірінші себебі, отандық БАҚ-тың екі тілге жарылуында. Қазақ газеттері шуылдап айтқан мәселеге орыс газеттері көз жұма қарауы біздің елде қалыпты нәрсе. Ұлттық идеяға, құндылықтарға байланысты тақырыптарда орыс газеттері көп жағдайда қалыс қалады. Ал орыстілді БАҚ көбіне-көп әлеуметтік жағдайларды, мәселен төтенше жағдайларды, әлеуметтік проблемаларды құлпыртып, ушықтырып жазуға келгенде алдына жан салмайды. Екіншіден, қазақ тілді басылымдардың сөзі де үнемі бір жерден шыға бермейді. Оның да өз себебі бар. Кейбір газеттер үнсіз қалған мәселелерді өзге басылымдар құр жібермей, белсене кірісіп жатады. Дегенмен, өз басым, отандық БАҚ-тағы алауыздық бірінші кезекте орыс және қазақ тілді БАҚ-тардың арасында деп есептеймін» деп айтқаны бар. Сондықтан, қазақстандық БАҚ бір платформада бас қосамыз десе, алдымен тілге бөлінбеуі керек, – дейді қызылордалық саясаттанушы, философия ғылымдарының PhD магистрі Нұршайық Әбдуәли.
</blockquote>
Оның айтуынша, кейбір басылымдар қоғамның іргетасын шайқалтуы мүмкін екенін өзі де білмей қалады. «Көзге көрінетіннің бәрі жазылуға және айтылуға тиіс» деген қағиданың ықпалында кетеді. Бұл – бекер нәрсе, ешбір мемлекет өзінде болып жатқан оқиғалардың бәрін емін-еркін жариялай бермейді. Алдымен қоғамға кері немесе тиімді әсерлерін екшеп алып, содан кейін өз мүддесіне ыңғайлап береді.
<blockquote>
 – Демократияның отаны саналатын АҚШ-та журналистер мемлекеттің мүддесі мен жеке бастың мәселесін шатастырмайды. Біздің журналистердің бір сүрінетін жері – осы. Себебі БАҚ туралы заңды жетік біле бермейді, тәжірибелері де кемшін болуы мүмкін, – дейді Н. Кәменұлы.
</blockquote>
P.S: «Qalam» медиа-платформасы кеңінен таныстырылған Шымкенттегі жиын соңында 3 облыстан келген БАҚ өкілдері кеңінен пікірлесіп, өз ойларын ортаға салды. «Ортақ алаңда бірігуден бас тартпаймыз» деген олар жыл соңына дейін Алматы қаласында республикалық масштабта бас қосатын болып тарқасты.
Нұрсұлтан МЫҚТЫБАЙ,
журналист,
ҚЫЗЫЛОРДА – ШЫМКЕНТ – ҚЫЗЫЛОРДА

ӘЛЕМДІК ПАНДЕМИЯ

<a href="https://kyzylorda-news.kz/date/2020/11/09/">Kyzylorda-news.kz.</a> Қызылорда жері де 150 мың ұлы мен қызын Ұлы Отан соғысы майданына аттандырды. 30 мыңнан астам қызылордалықтар майдан даласында ерлікпен қаза тапты.
Соғыстың алғашқы күндерінен бастап Қазақстан аумағында әскери бөлімдер мен бөлімшелерді қалыптастыру басталды. 12 атқыштар, 4 кавалериялық дивизия, 7 атқыштар бригадасы, түрлі әскери құрылымдардың 50-ге жуық жеке полкі мен батальоны құрылды.
Олардың қатарында Мәскеу мен Сталинград түбінде ерлікпен шайқасқан Қазалы 35-ші атқыштар теңіз бригадасы бар. Қызылорда облысында әскерге шақырылушылардан ақтөбелік 101-ші атқыштар бригадасы құрылды. Олар Ржев, Великие Лукиде шайқасты.
Алматыдағы жаяу әскер әскери училищесінде оқыған 250 қызылордалық Ленинград блокадасының жарылуына қатысты. 
Қызылорда жері 22 Кеңес Одағының Батырын, 1 Даңқ орденінің толық кавалерін шығарды, 20 мыңнан астам қызылордалық орден және медальдармен марапатталды.
Өкінішке қарай, соғыс ардагерлерінің саны күн сайын азайып келеді. 2020 жылдың мамыр айында Қызылорда облысында олардың саны 16-ға жетті, бүгінде олардың тек 11-і ғана қалды. 
Әйелдер, қарттар, балалар күн сайын тылда еңбек етіп, соғыстағы сарбаздардың ерлігінен еш кем түспейтін өшпес ерліккөрсетті. Осы сұрапыл жылдары облыстың астық алқаптарында 14 мыңнан астам әйел еңбек етті, 266 ұжымшар, 359 өндірістік кәсіпорын, облысымыздың мекемелері мен ұйымдары ұрыс алаңында соғысқан жауынгерлерді қолдауға белсенді қатысты.
Мереке қарсаңында өңірдің 16 соғыс ардагеріне 1 млн. 111 теңгеден төлеу туралы шешім қабылданды. Ұлы Отан соғысының қатысушыларына теңестірілген 4 319 азаматқа жалпы сомасы 437 млн.теңгеге бір жолғы материалдық көмек көрсетілді.
Елімізде енгізілген төтенше жағдайға байланысты Ұлы Отан соғысының 753қатысушысы мен мүгедектеріне, оларға теңестірілген тұлғаларға Елбасы Н. Назарбаевтың бастамасымен құрылған “Birgemiz” қоғамдық қорынан 50 мың теңгеден біржолғы төлем жүргізілді.
Біздің парызымыз – қаза тапқан бірде-бір сарбазды естен шығармай, арамыздағы Ұлы Отан соғысындағы, еңбек майданы мен соғыс ардагерлеріне көрсеткен ерліктері үшін алғысымызды айтып отыру.

Қызылорда жерінен 150 мың жауынгер Ұлы Отан соғысының майданына аттанды

<a href="https://kyzylorda-news.kz/date/2020/11/09/">Kyzylorda-news.kz.</a> Қызылорда облысында “Рухани жаңғыру” мемлекеттік бағдарламасының негізгі міндеттерін жүзеге асыруға ерекше мән берілген.
Арал өңірінің бірегей мәдени құндылықтары әлемдік өркениет қазынасына енді. Ата-бабамыздың баға жетпес тарихи-мәдени мұрасын егжей-тегжейлі зерделеп, сақтап, ұрпаққа жеткізу – маңызды міндет. Осы мақсатта 2020 жылы алты ежелгі тарихи ескерткішке – Бәбіш мола, Сортөбе, Жанкент, Сығанақ, Қышқала және Асанас қалаларына археологиялық зерттеулер жүргізілді.
Соңғы жылдары бұл қалаларда археологиялық зерттеулермен қатар олардың инфрақұрылымын дамытуға ерекше көңіл бөлінді. Қазба жұмыстары барысында республикалық маңызы бар Жанкент және Сығанақ ескерткіштерінің қорғау аймақтары анықталып, стелалар орнатылды. Археологтар қалашықтардың қорғаныс қабырғалары мен мұнараларын, тұрғын үй-жайларды және басқа да құрылыс құпияларын ашты. Бастысы тарихи орындардың маңызды нысандары сақталды. Қазба жұмыстары барысында ерекше құнды мәдени кешен табылды. Орта ғасырларға жататын алтын әшекейлер, моншақтар, қыш ыдыстар, монеталар, сүйектен жасалған бұйымдар және басқалары археологтардың зор табысы болды.
Арал өңірі аумағындағы қазба жұмыстары кезінде табылған барлық экспонаттар облыс мұражайларының қорларында мұқият сақталды.

Қызылорда облысында &#8220;Рухани жаңғыру&#8221; мемлекеттік бағдарламасы қарқынды жүзеге асырылып жатыр

<a href="https://kyzylorda-news.kz/date/2020/11/09/">Kyzylorda-news.kz.</a> Белгілі астролог Ирина Әбдірайымова қараша айына болжам жасады.
<blockquote>
 “Қараша айында әлеуметтік белсенділік күшейіп, әлем елдерінде тұмау желеуімен жаңа шектеулер енгізілуі мүмкін. Бұл экономикалық жағдайдың нашарлауына, биліктің күшеюіне әкеп соғады. Басқа валюталардың долларға шаққандағы бағамы өсіп, қор нарығында индекстер төмендеуі мүмкін”, – дейді Әбдірайымова.
</blockquote>
Сол себепті айдың басында, оның болжамынша, Жер планетасына пессимизм энергиясы ықпал етіп, енжарлық басады.
Жалпы, астрологтың айтуынша, қараша айы сенімсіздік, ақпараттың кешігуі немесе жоқтығы, қолда бар мәліметке сенбеу, байланыстағы ақаулар, шаршаңқылық, әңгімелесуден қашу, өзімшілдік, жаман көңіл-күй әкеледі. &nbsp;
Бұл кезеңде ақыл-ой жұмысымен айналысу көпшілігіне қиынға соғады. Десе де, маман мұның бәрі ұзаққа созылмайтынын айтты.
Астрологтың болжамынша, 8 қарашадан бастап адамдардың ізденімпаздығы, бір нәрсені білуге деген құмарлығы, ақиқатқа көз жеткізуге құлшынысы біртіндеп оянады. Бірақ ақпаратқа сенбеушілік айдың соңына дейін сақталады.
<blockquote>
 “Бұл кезеңде белсенділік, атаққұмарлық пен билікқұмарлық артады. Қарашаның ортасы саяси аренада да, жеке өмірде де оқиғаларға толы. Әсіресе, 6 қарашадан 16 қарашаға дейінгі уақыт философиялық сұрақтарға жауап іздейтін кезең. Көпшілігі бұл уақытта рухани өсіп, өмірге көзқарасын өзгертеді”, – деді маман.
</blockquote>
Айтуынша, бұл аспектінің әсерін, әсіресе, айдың 13-і мен 18-і аралығында туған Тауешкі, Тоқты, Таразы, Шаян, Бикеш, Сарышаян, Балықтар мен Торпақтар өте қатты сезінеді.
Әбдірайымова осы айда физикалық, рухани және эмоционалды күшті көп жұмсайтын адамдардың денсаулығы сыр беруі мүмкін екенін ескертті. Бірақ, Бикеш, Сарышаян, Балықтар мен Торпақтар үшін бұл айтарлықтай қолайлы кезең.
“11 мен 17 қараша аралығында жоспарланбаған шығындар өседі. Мәселен, бизнеспен айналысатындар үшін шикізат немесе тауар бағасы, тасымалдау құны көтерілуі ықтимал. Ақша кеш түсіп қалуы ғажап емес. Сол себепті бұл кезеңде ақшаны оңды-солды шашпай, инвестиция салмаған абзал”, – деп кеңес берді астролог.
Сонымен қатар, айтуынша, күздің үшінші айы – сары уайымның, төзімсіздік пен өкпе-наз уақыты.
<blockquote>
 “Сезімталдық, сексуалдық белсенділік, қызғаныш күшейеді. Адамдардың шыдамы таусылады. Өзін ренжіткен адамның жазаланғанын қалайды. Өз проблемасын жақындарына, достары мен әріптесіне айтып, олардан көмек күтеді. Алайда, мұның пайдасы аз болуы мүмкін”, – дейді ол.
</blockquote>
18 мен 19 қараша &nbsp;– сенімсіздік, жаман көңіл-күй, күйзеліс уақыты. Серігіңізбен қарым-қатынасқа бей-жай қарап, сүйіктіңіздің көңілі мен махаббатына зәру болуыңыз мүмкін.
Астрологтың айтуынша, 26–27 қарашада мұның бәрі қарым-қатынастың үзілуіне әкеп соғады.
<a href="https://sputnik.kz/society/20201101/15352330/Maman-qarasha-boljam.html">Sputnik Қазақстан</a>

Қазақстандықтарды қараша айында не күтіп тұр?

<a href="https://kyzylorda-news.kz/date/2020/11/09/">Kyzylorda-news.kz</a>. Коронавирус инфекциясының таралуына жол бермеу мақсатында Солтүстік Қазақстан, Ақмола, Қостанай және Павлодар облыстарында теміржолда бірқатар шектеу енгізілді, деп хабарлады “Жолаушылар тасымалы” АҚ баспасөз қызметі. &nbsp;&nbsp;
9 қарашадан бастап №705/706 “Алматы-Петропавл” жолаушылар пойызының жүру жиілігі күн сайынғыдан күнараға ауыстырылады, ал №31/32&nbsp; “Павлодар – Алматы” жолаушылар пойызы белгіленген күндер бойынша қатынайды.
Төменде аталған облыстарда барлық стансаға&nbsp;билет сатуға және жолаушыларды отырғызуға/түсіруге уақытша тыйым салынады:
<ul>
<li>Ақмола облысында Атбасар, Ерейментау, Аршалы, Бурабай, Есіл, Макинка, Ақкөл, Жалтыр және Көкшетау курорттарын&nbsp;қоспағанда;</li>
<li>Павлодар облысында Павлодар, Екібастұз, Ақсу-2 және Бозшакөл стансаларын&nbsp;қоспағанда;</li>
<li>Қостанай облысында Қостанай, Тобыл, Құсмұрын, Есіл, Арқалық және Железорудная стансаларын&nbsp;қоспағанда;</li>
<li>Солтүстік Қазақстан облысында барлық станса арқылы жолаушыларды отырғызуға/түсіруге транзиттік жолаушылар пойыздарының қозғалысына тыйым салынады.</li>
</ul>
№ 68/67 “Нұр-Сұлтан Нұрлы жол – Өскемен-1” жолаушылар пойызының жол жүру мерзімділігін аптасына бір ретке және&nbsp;№ 351/352 “Алматы-2 – Өскемен-1” жолаушылар пойызының&nbsp;жол жүру мерзімділігін күнараға дейін уақытша қысқарту шарасы жыл соңына дейін ұзартылды.&nbsp; &nbsp;
Петропавл стансасынан пойызбен шығу үшін жолаушыларға міндетті түрде COVID-19-ға ПТР тестілеуден өткені туралы анықтама (мерзімі 3 тәуліктен аспаған) алу қажет.
Сондай-ақ теміржол вокзалдарына күтіп алушылар мен шығарып салушыларға кіруге тыйым салынады.
Жол жүру құжатын (билет) тоқтатылған пойыздар мен тыйым салынған тұрақтарға ресімдеген, сондай-ақ COVID-19-ға ПТР тестілеуден өткені не оның жарамсыздығы туралы анықтамасы болмаған жолаушылар жол жүру құжатын қайтарып, ақшасын толық көлемде алады. Ол үшін билетті пойыз стансадан жөнелтілген сәттен бастап 1 сағаттан кешіктірмей қайтару керек.
Жолаушылар пойыздарының қозғалыс кестесі бойынша барлық анықтамалық ақпаратты “105” нөмірі арқылы білуге болады.

Қазақстанда жолаушылар пойызының жұмысы қайта шектеледі

<a href="https://kyzylorda-news.kz/">Kyzylorda-news.kz</a>. Дүйсенбі күні ауа райы құбылмалы болады, деп хабарлайды «Қазгидромет».
Қазақстан территориясының басым бөлігінде ауа райы әлі де Мурманск аймағынан келетін циклонға байланысты болады. Жауын-шашын (жаңбыр, қар) жауады.
Қызылорда облысының кей жерлерінде жел қарқыны 15-25 м/с жетеді. Күндіз Қызылорда облысында шаңды дауыл соғады.

Қызылордада шаңды дауыл соғады

<a href="https://kyzylorda-news.kz/date/2020/11/10/?doing_wp_cron=1604987071.8866970539093017578125">Kyzylorda-news.kz.</a> Қазіргі уақытта есірткі айналымына барлық елдерде шектеу қойылған. Біздің елімізде де есірткіні пайдалануға қатаң түрде тиым салынған.
Қазақстан Республикасы Үкіметінің 1998 жылғы 9 наурыздағы №1886 қаулысымен бекітілген тізіміне медициналық мақсатта пайдалануға тиым салынған есірткі заттардың 72 атауы көрсетілген.
Мектебімізде үнемі нашқорлыққа қарсы сауалнамалар, акциялар, сайыстар жүргізіліп отырады. Жыл сайын психолог-педагогтеріміз оқушылардан нарко сауалнамасын алады.
Нашақорлық – ата-анамыздың көз жасы.
Нашақорлық – қылмыскер атануыңа апаратын тіке жол!
Біз – өз өміріміздің суретшісіміз.
Өмір қас-қағым сәт, кірпік қағумен тең. Сондықтан өз өмірімізді есірткісіз-ақ гүлдендіріп, денсаулығымызды күтіп, бақытты да мәнді өткізу өзіміздің қолымызда. Есірткісіз өмір ғажайып, мен өмірді сүйемін.
Адамның мәнді де, ұзақ өмір сүруінің басты көзі-оның денсаулығы. Адам баласы өмірге бір-ақ рет келеді, сондықтан өз өмірімізді бағалай білуіміз қажет.
Қазіргі қоғамда басты тақырып – нашақорлық орын алып жатыр. Ол адамға кері әсерін тигізіп, адамның бойын ластайтын улы тамшы. Әлемді жайлаған нашақорлық дерті тамырын кеңге жайып, «жұқпалы ауруға» айналып барады. Бұл ауруға Қазақстан халқының шалдыққаны да байқалады.
Негізінен, есірткіні қолданушылардың басым бөлігі мектеп оқушылары (жасөспірімдер). Себебі олар аса еліктегіш келеді. Бір рет қолданып көрсем ештеңе етпейді ғой деген оймен оған соңында қалай тәуелді болып қалғанын сезбей де қалады. Міне осылайша есірткіге тәуелді болып қалады.
Ақбота МҰРАТБЕКОВА,
Қызылорда облысы,
Сырдария ауданы,
Ә.Тәжібаев атындағы №36 мектеп-лицейінің 10 «Б» сынып оқушысы

Есірткісіз өмір ғажайып

Kyzylorda-news.kz. Қысқы универсиада ойындары 2021 жылдың қаңтарынан желтоқсан айына ауыстырылды, деп хабарлайды ҚазАқпарат.
Бұл жөнінде Халықаралық университеттік спорт федерациясы (FISU) мәлім етті.
Универсиада өтетін нақты мерзім анықталды. Ол 2021 жылдың 11 және 21 желтоқсан күндеріне белгіленді.
Универсиада ойындары 1959 жылдан бастап тұрақты түрде өткізіліп келеді. 2017 жылы қысқы универсиада Қазақстанның Алматы қаласында ұйымдастырылды.

Қысқы универсиаданың қашан өтетіні белгілі болды

Kyzylorda-news.kz. Дүниежүзілік денсаулық сақтау ұйымы барлық мемлекеттерді жаңа пандемияға дайын болуға шақырды.
Бұл тақырып дүйсенбіде басталатын дүниежүзілік денсаулық сақтау ассамблеясының 73-сессиясында талқылауға арналған негізгі тақырыптардың бірі ретінде қарастырылады.
<blockquote>
 “Біз келесі пандемияға дайын болу үшін қазірден бастап әрекет етуіміз керек. Өткен жылы біз төтенше жағдайға дайындығы мықты елдер SARS-CoV-20 вирусының таралуын тоқтату және бақылау бойынша жедел шаралар қолдана алғанын көрдік”, – делінген ДДСҰ сайтында жарияланған хабарламада.
</blockquote>
ДДСҰ денсаулық сақтау саласындағы халықаралық ережелерді қатаң сақтау арқылы мүше мемлекеттердің денсаулық жағдайындағы төтенше жағдайларға, мысалы, COVID-19 дайындығын жақсарту жөніндегі қаулы жобасын қарастырады.
&nbsp;<a href="https://stan.kz/">Stan.kz</a>

ДДСҰ жаңа пандемияға дайындалу керек екенін айтты

Kyzylorda-news.kz. Арал ауданында жаңа фильмнің түсірілім жұмыстары басталды, деп хабарлайды ҚазАқпарат.
Бұл жайында «Қазақфильм» киностудиясының баспасөз қызметі мәлімет таратты.
<blockquote>
 «Режиссер Виктор Вильковский бастаған «Теңіздің оралуы» ғылыми-танымдық фильмінің түсірілім тобы Арал ауданында түсірілімді бастады. Арал теңізінің экологиялық апатының себебі – теңізді қоректендіретін Сырдария мен Амудария өзендерін мақта, күріш және басқа дақылдарды суаратын арналарға бұру болғаны көпшілікке белгілі. Ғылыми және мемлекеттік мекемелер, кәсіпорындар, халықаралық ұйымдар мен қорлар көп жылдар бойы Арал теңізінің тартылу мәселесін шешумен айналысып келеді. Режиссер дәл осы маңызды жұмысты қамтуды жоспарлап отыр» деп хабарлайды киностудиядан.
</blockquote>
Фильм көрерменге Аралдың өткені, бүгіні мен болашағы туралы әңгімелейді және әрқайсымыздың қоршаған ортаның экологиялық жағдайын жақсартуға қосқан үлесіміз туралы ойға қалдырады.

Аралда «Теңіздің оралуы» атты ғылыми-танымдық фильм түсіріліп жатыр

<a href="https://kyzylorda-news.kz/">Kyzylorda-news.kz.</a> Табиғаттан алыс қалаларда, сондай-ақ таза пәтерлерде өсіп келе жатқан балалардың иммундық жүйесі төмен, өйткені олардың денелері көп шаң, тозаң және басқа да тітіркендіргіш факторларға ұшырамаған. Мұндай тұжырымды Хельсинки университетінің ғалымдары жасады, олар зерттеулерінің нәтижелерін америкалық Science Advances ғылыми журналында жариялады, деп хабарлайды <a href="https://stan.kz/">Stan.kz</a> ақпарат агенттігі.
Зерттеушілер бір ай бойы ойын алаңдарында ойнаған балалардың екі тобын бақылап отырды. Алаңдардың бірі орманнан әкелінген жас ағаштармен бірге шым жамылғысымен жасалды. Эксперимент нәтижелері ғалымдарды таң қалдырды.
Екінші топтағы балаларда (шым жамылған ойын алаңы) тері микробиомасының көрсеткіштері (терінің пайдалы және патологиялық микрофлорасының арақатынасы) әдеттегі алаңдағы балаларға қарағанда үш есе жоғары екені анықталды.
Сонымен қатар, зерттеушілер иммунитетті нығайтудың алғышарттарын атап өтті. Мамандар демікпе, экзема, бірінші типті қант диабеті сияқты аутоиммунды аурулар ағзаны қатайтатын тітіркендіргіш факторлардың болмауынан дамиды деген қорытындыға келді.
Ғалымдар “орман терапиясы” егжей-тегжейлі зерттеу мен ол туралы ақпаратты таратуды қажет ететінін атап өтті.

Қазақстан және Қызылорда облысының жаңалықтары

Қызылордада Татар этносының мәдени күні өтті

ӘЛЕМДІК ПАНДЕМИЯ

Қызылорда жерінен 150 мың жауынгер Ұлы Отан соғысының майданына аттанды

Қызылорда облысында “Рухани жаңғыру” мемлекеттік бағдарламасы қарқынды жүзеге асырылып жатыр

Қазақстандықтарды қараша айында не күтіп тұр?

Қазақстанда жолаушылар пойызының жұмысы қайта шектеледі

Қызылордада шаңды дауыл соғады

Есірткісіз өмір ғажайып

Қысқы универсиаданың қашан өтетіні белгілі болды

ДДСҰ жаңа пандемияға дайындалу керек екенін айтты

Аралда «Теңіздің оралуы» атты ғылыми-танымдық фильм түсіріліп жатыр

Балалардың иммунитетін дәрісіз нығайтудың жолы қандай?

Қазақстан және Қызылорда облысының жаңалықтары

Қызылордада Татар этносының мәдени күні өтті

ӘЛЕМДІК ПАНДЕМИЯ

Қызылорда жерінен 150 мың жауынгер Ұлы Отан соғысының майданына аттанды

Қызылорда облысында &#8220;Рухани жаңғыру&#8221; мемлекеттік бағдарламасы қарқынды жүзеге асырылып жатыр

Қазақстандықтарды қараша айында не күтіп тұр?

Қазақстанда жолаушылар пойызының жұмысы қайта шектеледі

Қызылордада шаңды дауыл соғады

Есірткісіз өмір ғажайып

Қысқы универсиаданың қашан өтетіні белгілі болды

ДДСҰ жаңа пандемияға дайындалу керек екенін айтты

Аралда «Теңіздің оралуы» атты ғылыми-танымдық фильм түсіріліп жатыр

Балалардың иммунитетін дәрісіз нығайтудың жолы қандай?

Қызылорда облысында “Рухани жаңғыру” мемлекеттік бағдарламасы қарқынды жүзеге асырылып жатыр