<a href="https://kyzylorda-news.kz/">Kyzylorda-news.kz.</a> Ұлттық тестілеу орталығы ҰБТ-ның бірінші күні ең жоғары балл жинаған талапкерді атады, деп хабарлайды&nbsp;<a href="https://sputniknews.kz/?_ga=2.119003657.1636367278.1592801705-1066086402.1572145755">Sputnik Қазақстан</a>.
Орталық директорының орынбасары Наужан Дидарбекованың айтуынша, кеше ең жоғары балл жинаған талапкер – Түркістан облысының Ордабасы ауданындағы Теспе орта мектебінің түлегі. Есімі – Абзал Әбдіманап.&nbsp;&nbsp;
<blockquote>
 «Ол 138 балл жинап шықты. Қазір жаңа норма енгізілген. Оған сәйкес, барлық ҰБТ процесі видеоға түсіріледі, кейіннен бейнежазбаға талдау жасалады. Әрине, біз Абзалдың да бейнежазбасын толық қарап шығатын боламыз», – деді Дидарбекова.
</blockquote>
Айта кетейік, 21 маусымда республика бойынша ұлттық бірыңғай тестілеу басталған болатын. Оған 6 186 талапкер қатысты. Оның 4 222-сі шекті балл жинаса, 1 964 талапкер шекті ұпайды жинай алмады. Ал 39 адам 130 балдан жоғары алды. Бұдан бөлек, тәртіп бұзған 164 талапкер анықталды.
<blockquote>
 «Жалпы, ұлттық бірыңғай тестілеудің соңғы нәтижелері тамыз айында нақты болады. Өйткені жаңа норма бойынша ұлттық тестілеу орталығы 25 тамызға дейін арнайы бағдарламаның көмегімен барлық бейнежазбаға талдау жүргізетін болады. Егер тест тапсырушының тыйым салынған заттарды пайдаланғаны анықталса, онда оның нәтижесі жойылады, сәйкесінше гранттың да нәтижесі жойылуы мүмкін», – деп атап көрсетті Дидарбекова.
</blockquote>

ҰБТ-2020: Алғашқы күнде жоғарғы балды ауыл түлегі жинады

<a href="https://kyzylorda-news.kz/">Kyzylorda-news.kz.</a> Қармақшы ауданының әкімі Мұса Қалдарбеков орталықтан қашықта орналасқан шалғай елдімекендерді аралады.
Жұмыс сапары барысын Т.Көмекбаев ауылдындағы «Жұмыспен қамту жол картасы» бағдарламасы аясында жүргізіліп отырған құрылыс барысымен танысудан бастады.
Бүгінгі күні Т.Көмекбаев ауылдық округінде бағдарлама аясында ауылдық аурухана ғимаратын ағымдағы жөндеу жұмыстары жүргізілуде. Қазіргі таңда ғимарат шатырына демонтаж жасалып, төбесі толық жабылды.&nbsp; Ішкі есіктерін жаңадан салу жұмыстары мен ішкі қабырғасының бөлмелері сыланып терезелерін салу жұмыстары жүргізілуде.
Ауылдағы амбулаториялық ғимараттың ағымдағы жөндеу жұмыс барысымен танысқан аудан басшысы нысанды мерзімінде аяқтауды тапсырып, жұмыстың сапалы орындалуына тиісті сала басшыларына тапсырмалар берді.
Сонымен бірге ауылда Абай көшесіне жаяу жүргіншілер жолын орнатуға байланысты 800 метрге бордер қойылып, брусчатка төсеуге дайындық жұмыстары жүргізілуде.&nbsp;
Аудан әкімі келесі елді мекен Қуаңдария ауылдық округінде болып, ауылдық округ тарапынан атқарылып жатқан жұмыстармен танысты.
Биылғы жылы Қуаңдария ауылдық округінде тұрғындар тарапынан 51 гектарға бақша, көкөніс дақылдары орналастырылып, күтімге алынған болатын. Сонымен бірге ауылдық округ аймағында жасыл белдеу қалыптастыру мен абаттандыру мақсатында 400-ге жуық жас ағаш көшеттері отырғызылған.&nbsp;
Аудан әкімі Мұса Қалдарбеков жұмыс сапары барысында Алдашбай Ахун, Дауылкөл, Ақжар, Ақтөбе ауылдық округтерінде болып, «Жұмыспен қамту жол картасы» бағдарламасы аясында&nbsp; басталған жұмыстармен танысып, абаттандыру жұмыстары бағытында атқарылған шараларды арнайы аралап көрді.
Қазіргі таңда «Жұмыспен қамту жол картасы» бағдарламасы аясында Алдашбай ахун ауылдық округінде Майлыөзек көшесін, Ақжар ауылында М. Мәмбетов көшесін, Ақтөбе ауылында А. Иманов көшесін орташа жөндеу мақсатында жерлері тегістеліп, дайындық жұмыстары жүргізілуде.
Аудан басшысы бүгінгі жұмыс сапары аясында ауылдық округ әкімдеріне бағдарлама аясында жүргізілетін жұмыстардың сапалы орындалуын бақылап, елді мекендерді абаттандыруда нақты тапсырмаларды жүктеді.
Аудан көлемінде үстіміздегі жылы «Жұмыспен қамтудың жол картасы» аясында 40 жоба жүзеге асып 800-ден аса жұмыс орны құрылмақ. Тұрғындар әлеуметтік нысандарды жөндеуге, елді мекендерді абаттандыруға, өзге де құрылыс жұмыстарына тартылып жатыр.
Ауданымызда&nbsp; бүгінгі күні жолдар мен әлеуметтік нысандарды ағымдағы жөндеуден өткізу, елді мекендерді абаттандыру жұмыстары басталды.
<img src="https://kyzylorda-news.kz/wp-content/uploads/2020/06/karmakshy1-4.jpg" alt="" />
<img src="https://kyzylorda-news.kz/wp-content/uploads/2020/06/karmakshy2-4.jpg" alt="" />
<img src="https://kyzylorda-news.kz/wp-content/uploads/2020/06/karmakshy3-3.jpg" alt="" />
<img src="https://kyzylorda-news.kz/wp-content/uploads/2020/06/karmakshy4.jpg" alt="" />
<img src="https://kyzylorda-news.kz/wp-content/uploads/2020/06/karmakshy5-1.jpg" alt="" />
<img src="https://kyzylorda-news.kz/wp-content/uploads/2020/06/karmakshy6-1.jpg" alt="" />

Қармақшы ауданының әкімі шалғай елдімекендерді аралады

<a href="https://kyzylorda-news.kz/">Kyzylorda-news.kz.</a> Жалағаш ауданында коронавирус инфекциясының алдын алу және таратпау мақсатында аудан әкімінің тапсырмасымен адам көп шоғырланатын жерлер мен әлеуметтік нысандарға залалсыздандыру жұмыстары тұрақты жүргізілуде.
Жалағаш ауданының төтенше жағдайлардың алдын алу және жоюға арналған ауданның резерві бюджетінен бөлінген 1 973 400 теңгеге 26 мәрте залалсыздандыру жұмыстары жүргізіледі.
Жалағаш кентіндегі базарлар, автовокзал, аптекалар, банк, қазпошта, аудандық емхана, сауда орталықтары, дүкендер және басқа да әлеуметтік нысандарға 2530 шаршы метрге залалсыздандыру жұмыстары күнделікті жүргізілуде.

Жалағашта залалсыздандыру жұмыстарына 2 млн теңгеге жуық қаржы қарастырылды

<a href="https://kyzylorda-news.kz/">Kyzylorda-news.kz.</a> Ұлттық бірыңғай тестілеудің нақты нәтижесі тамыз айының соңында белгілі болады. Бұл туралы ҚР БҒМ Ұлттық тестілеу орталығы директорының орынбасары Наужан Дидарбекова айтты, деп хабарлайды <a href="https://www.inform.kz/kz/ubt-nyn-nakty-natizhesi-tamyzda-shygady_a3664481">ҚазАқпарат.</a>
<blockquote>
 «ҰБТ-ның бірінші күнгі қорытындысына келер болсақ, шекті балды жинағандардың саны 4 222 адамды құрайды. Бұл тест тапсырушылардың барлығының 68,3 пайызына тең. Ал шекті баллды жинай алмағандар – 1 964 тест тапсырушы, яғни 31,7 пайыз. 130 баллдан жоғары жинағандар – 39 түлек. Қазіргі таңда аппеляцияға өтініштер қабылданып жатыр. Ережеге сәйкес 13:00-ге дейін өтініштер қабылданады», – деді ол Орталық коммуникациялар қызметіндегі брифинг барысында.
</blockquote>
Оның атап өтуінше, жергілікті аппеляциялық комиссия өтініштерді қанағаттандырған жағдайда республикалық аппеляциялық комиссияға нақты шешім қабылдау үшін жолданады. Нәтижесі бүгінгі күннің соңына дейін беріледі.
<blockquote>
 «Жалпы, ҰБТ-ның соңғы нәтижелері тамыз айында нақты болады. Өйткені, биыл норма енгізілді. Сол нормаға сәйкес, 25 тамызға дейін барлық тестілеу барысындағы бейнежазбаларға арнайы бағдарламаның көмегімен талдау жүргізеді. Бұл ретте егер тестілеу барысында тест тапсырушы тыйым салынған заттарды пайдаланғаны анықталған жағдайда олардың нәтижелері жойылады. Соған орай егер ол мемлекеттік білім беру грантының иегері болса, онда грант нәтижесі де жойылуы мүмкін», – деді орталық директорының орынбасары.
</blockquote>
Сонымен қатар, ол биылғы ерекшеліктерге сәйкес, санитарлық-эпидемиологиялық жағдайға байланысты қатаң шаралар қабылданғанын айтты.
<blockquote>
 «Кеше дене қызуы бар 2 адам тестілеуге жіберілмеді. Оларға басқа күні бөлек аудиторияда тест тапсыру мүмкіндігі ұйымдастырылады», – деді Наужан Дидарбекова.
</blockquote>

ҰБТ-ның нақты нәтижесі тамызда шығады

<a href="https://kyzylorda-news.kz/">Kyzylorda-news.kz.</a> Қызылорда облысында бүгінгі күнге коронавирус инфекциясының 560 жағдайы тіркелді. Бұл туралы Қызылорда облыстық денсаулық сақтау басқармасының басшысы Жақсылық Абдусаметов мәлімдеді.
<blockquote>
 «Өткен тәулікте 2 симптомды жағдай тіркелді. Екеуі де Қызылорда қаласынан, екі жағдайда скрининг арқылы анықталған. Сондай-ақ 14 симптомсыз жағдай тіркелді. Олардың барлығы облыс орталығынан, 8-і скрининг арқылы анықталса, 9 қарым-қатынаста болғандардың арасынан анықталып отыр», – дейді басқарма басшысы.
</blockquote>
Аймақта соңғы тәулікте 5 науқас сырқатынан айыққан. Қазіргі таңда емделгендердің саны 489 адамға жетті.

Қызылордада коронавирус инфекциясын жұқтырғандар саны 560 адамға жетті

<a href="https://kyzylorda-news.kz/">Kyzylorda-news.kz.</a> Мемлекеттік қызметтердің басым бөлігі Egov.kz порталы арқылы жүзеге асады. Ал олардың негізгі бөлігін растау мен алу электронды цифрлық қолтаңба (ЭЦҚ) арқылы жүзеге асады.
ЭЦҚ-ны қашықтан қалай алуға болатынын білесіз бе? Егер бұған дейін бұл мәселені нақты білмесеңіз, зер салыңыз. ЭЦҚ-ны қашықтан алу үшін ең алдымен:
<ul>
<li>Egov.kz порталына кіріңіз;</li>
<li>Басты беттегі ЭЦҚ-ны қашықтан алу батырмасына басыңыз да, қызметке онлайн тапсырыс беріңіз;</li>
<li>Порталға бейнекамераны қосуға рұқсат етіңіз;</li>
<li>ЭЦҚ түрін таңдаңыз да ЖСН нөміріңізді теріп, қызметке тапсырыс беріңіз;</li>
<li>Жеке басыңызды растайтын құжат түрін таңдаңыз;</li>
<li>Телефоныңыздың нөмірі мен SMS кодты теріңіз;</li>
<li>Бейне сәйкестендіру сілтемесіне өтіңіз де, камераға қараңыз;</li>
<li>Жеке кабинетіңізге жасырын сөз ойлап тауып, құжаттар батырмасына өтіңіз;</li>
<li>Жеке басыңызды растайтын құжатты «файлды жүктеу» немесе «суретке түсіру» арқылы порталға енгізіңіз;</li>
<li>Құжат жүтелген соң, жеке кабинетіңіз үшін енгізген жасырын сөзді теріп, оған кіріңіз;</li>
<li>Өтініштің электронды нұсқасына электронды мекен-жайыңызды қосыңыз;</li>
<li>Кілтті сақтау орнын таңдап, оның орналасқан жолын көрсетіп өтінішті жіберіңіз;</li>
<li>Соңғы беттен өтініштің статусын көре аласыз;</li>
<li>Кілт дайын болған кезде оған құпия сөз ойлап тауып енгізіңіз;</li>
<li>Сертификатты жүктеңіз.</li>
</ul>

ЭЦҚ-ны қашықтан қалай алуға болады?

<a href="https://kyzylorda-news.kz/">Kyzylorda-news.kz.</a> Жыл басынан бері Қазақстанда көпбалалы отбасыларға арналған жеке жәрдемақыны 400 мыңға жуық отбасы алды, деп хабарлайды «Еңбек ресурстарын дамыту орталығы» АҚ баспасөз қызметі. 
2020 жылғы 1 қаңтардан бастап Қазақстанда көпбалалы отбасыларға арналған жеке жәрдемақы енгізілді. Аталмыш жәрдемақы – төрт және одан да көп кәмелетке толмаған немесе 23 жасқа дейінгі күндізгі бөлімде оқитын студент балалары бар отбасыларға арналған. Мемлекеттен берілетін көмектің мөлшері бала санына байланысты. Мәселен, төрт және жеті баласы бар отбасылар 44 448 теңгеден 77 784 теңгеге дейін ала алады. Бұл жәрдемақы елімізде 392 мың отбасына төленді. 
Алайда, қолданыстағы ережелер жәрдемақы алушылардың белгілі бір санатының мүдделеріне нұқсан келтірді. Себебі, 16 баласы бар отбасы 7 баласы бар отбасы сияқты жердемақы мөлшерін алатын. 
<blockquote>
 «Аталмыш олқылықты жою үшін Мемлекет басшысы ағымдағы жылдың 13 мамырында 8 және одан да көп баласы бар отбасыларға арнайы жәрдемақы мөлшерін белгілеген заңға қол қойды. Сонымен, 8 балалы отбасы үшін жәрдемақы – 88 896 теңге, 9 балаға – 100 008 теңге, 10 балаға – 111 120 теңге, 11 балаға – 122 232 теңге, 12 балаға – 133 344 теңге, 13 балаға – 144 456 теңге, 14 балаға – 155 568 теңге, 15 балаға – 166 680 теңге, 16 балаға – 177 792 теңге мөлшерінде белгіленген», – делінген хабарламада. 
</blockquote>
Бүгінде ҚР ЕХӘҚМ Еңбек, әлеуметтік қорғау және көші-қон комитетінің аумақтық департаменттерінің шемімімен жәрдемақы мөлшерін ұлғайту бойынша 1092 істі бекітті. 
Бала санының өзгеруіне байланысты, оның ішінде жалпы орта, техникалық және кәсіптік, орта білімнен кейінгі жоғары және (немесе) жоғары оқу орнынан кейінгі білім нысанының күндізгі бөлімінде оқитын (23 жасқа дейін) балаларды есепке ала отыра жәрдемақы мөлшері қайта есептеледі. 
2020 жылғы 1 шілдеден бастап көпбалалы отбасылар мөлшері өзгертілген жәрдемақыны ала бастайды.

Көпбалалы отбасыларға берілетін жәрдемақы мөлшері өзгерді

<a href="https://kyzylorda-news.kz/">Kyzylorda-news.kz.</a> Сыр бойы, Сыр жері, Сыр халқы – мен үшін ең ыстық ұғымдар. Өйткені осы жерде кіндік қаным тамды, осы жерде азамат болып қалыптастым, осы жерде ең қимас достар таптым, осы жерде ғана барлық қиыншылықтарға шыдамдылықпен, төзімділікпен, сабырлылықпен қарайтын, қазақшылықтың қаймағы бұзылмаған Сыр халқы тұрады. Ал Сыр бойында қиыншылықтар бастан асады. Байқоңыр, Арал, Сырдария. Осы үшеуінде де адамзат қолымен жасалған, орнын толтыру өте қиынға түсетін проблемалар.
Жалпы, Байқоңыр қаласы Қазақстанның құзыретіне өту керек. Қаланың инфрақұрылымы қазіргі таңда соңғы отыз жыл жөндеу жұмыстарын көрмегендіктен тозған. Ресей оған бір тиын да салмайды. Екіншіден, космодромнан түсіп жатқан жал қаржысының елу пайызы (60 млн доллар) жергілікті жердің мұқтажы үшін берілу қажет. Осы мәселені былтыр үкімет басшысына кіргенімде де, депутаттық сауалда да көтерген едік. Саяси шешімге тіреліп тұрған сияқты. Арал мен Сырдарияға қатысты да көп мәселелер Орталық Азия мемлекеттері басшыларының ерік-жігерлеріне байланысты. Бір сөзбен айтқанда, ежелгі және орта ғасырларда өркениеттің орталығы болған, қазақ хандықтарының Астаналары орналасқан Сыр бойындағы Арал мен Сырдария өзені мемлекет көмегіне зәру.
Мұрат БАҚТИЯРҰЛЫ, 
ҚР Парламенті Сенатының депутаты

Мұрат Бақтиярұлы:  Арал мен Сырдария өзені мемлекет көмегіне зәру

<a href="https://kyzylorda-news.kz/">Kyzylorda-news.kz.</a> Мемлекет басшысы Қасым-Жомарт Тоқаевтың Жарлығымен бір топ медицина қызметкерлері мемлекеттік орден-медальдармен марапатталды. 
Бұл туралы ҚР Президентінің Баспасөз хатшысы Берік Уәли “Facebook” әлеуметтік желідегі парақшасында хабарлады. 
<blockquote>
 «Мемлекет басшысы Қасым-Жомарт Кемелұлы Тоқаевтың Жарлығымен азаматтардың денсаулығын сақтау үшін жанкешті еңбек етіп, тынымсыз жұмыс істеген медицина қызметкерлерінің бір тобы мемлекеттік орден-медальдармен марапатталды», – деп жазды Берік Уәли.
</blockquote>

Президент бір топ медицина қызметкерлерін марапаттады

**<a href="https://kyzylorda-news.kz/">Kyzylorda-news.kz.</a> Ұлттық бірыңғай тестілеудің алғашқы күнінде 160 талапкер ереже бұзды, деп хабарлайды <a href="https://www.inform.kz/kz/ubt-nyn-algashky-kuni-160-adam-okuga-tusu-mumkindiginen-ayyryldy_a3664359">ҚазАқпарат.</a> 
**
ҚР Білім және ғылым министрлігінің мәліметінше, биыл ҰБТ тапсыруда бақылау күшейтілді. Әр аудитория видеокамералармен жабдықталған. 
<blockquote>
 «Қатысушылар металл іздегіштен өтпес бұрын ережелерді ұстану туралы міндеттемелермен танысып, тыйым салынған заттардың жоқтығы туралы құжатқа қол қояды. Тыйым салынған заттарды қолдануға жасалған кез келген әрекет тест нәтижелерін жарамсыз етеді, қатысушы аудиториядан шығарылады және осы жылы ҰБТ-ны қайта тапсыра алмайды. Алғашқы күні тыйым салынған заттарды алып өтуге тырысқан 73 және тест тапсыру барысында ҰБТ ережелерін бұзған 87 талапкер, яғни 160 адам тест тапсыру мүмкіндігінен айырылды. Олардың басым көпшілігі Түркістан облысы мен Шымкент қаласында тіркелген», – деп хабарлады ҚР БҒМ баспасөз қызметінен. 
</blockquote>
25 тамызға дейін әр аудиториядан алынған бейнежазбаны мамандар зерделейді. Егер бейнематериалдарды талдау кезінде ережелерді бұзу фактілері анықталса, талапкердің тест нәтижелері жойылады. Егер қатысушыға грант тағайындалған болса, ол қайтарылады. 
Айта кетейік, биыл 21 маусым мен 5 шілде аралығында еліміздің барлық өңірінде Ұлттық бірыңғай тестілеу өтеді. 
ҰБТ-ның бірінші күні 6 512 адам тестілеуден өтуді жоспарлаған. Бірақ 144 талапкер ҰБТ өткізу пунктеріне келмеді. 
Тестілеуге кіргізу барысында 2 талапкерде жоғары температура анықталды, олар ҰБТ-ны басқа күні, сауыққан соң тапсыра алады. Сәйкесінше бүгін 6 206 адам ҰБТ нәтижелерін алады. Қатысушыларға электронды сертификат беріледі.

ҰБТ-ның алғашқы күні: 160 адам оқуға түсу мүмкіндігінен айырылды

<a href="https://kyzylorda-news.kz/">Kyzylorda-news.kz.</a> Қазақстанның басым аумағында атмосфералық фронталды бөліктердің өтуімен 22 маусым күні құбылмалы күн райы сақталады, деп хабарлайды Қазгидромет. 
Жекелеген өңірлерде жаңбыр, найзағай күтіледі. Солтүстікте бұршақ жаууы ықтимал. Кей жерлерде желдің күшеюі сақталады. 
Солтүстік пен шығыста түнде және таңертең тұман болжанады. 
Солтүстік Қазақстан, Ақмола облыстарының кей жерлерінде найзағай, бұршақ, түнде және таңертең тұман күтіледі. 
Қостанай, Батыс Қазақстан, Атырау облыстарының кей жерлерінде найзағай, 15-20 м/с екпіндегі жел болжанады. 
Шығыс Қазақстан облысының кей жерлерін түнде және таңертең тұман басады. 
Жамбыл, күндіз Павлодар, Ақтөбе облыстарының кей жерлерінде жел 15-20 м/с күшейеді. 
Күндіз Атырау облысында қатты ыстық сақталады. Сондай-ақ қатты ыстық Жамбыл, Түркістан облыстарында күтіледі. 
Атырау, Қызылорда облыстарында, Ақтөбе, Қостанай, Ақмола, Қарағанды, Түркістан, Жамбыл, Алматы облыстарының басым бөлігінде, Батыс Қазақстан облысының оңтүстік-шығысында өте жоғары өрт қаупі сақталады.

Жаңбыр, бұршақ, найзағай: 22 маусым күнгі ауа райы болжамы

1948 жылы КСРО және ҚР суретшілер одағының мүшесі, Украина суретшілер одағының және Еуропалық өнер орталығының құрметті мүшесі Амангүл Иханова дүниеге келді.
Ол Қызылорда облысында туған. Н.В.Гоголь атындағы Алматы көрсемсурет училищесін, Абай атындағы Қазақ педагогикалық институтын бітірген. Теріден картина салудың жаңа әдісін патенттеген автор. Жұмыстары әртүрлі елдердің көптеген мұражайлары мен жеке коллекциясында, Ұлыбритания патшайымы Елизаветаның коллекциясында сақтаулы тұр, суретшінің ертеректегі шығармаларының бірі Нью-Йорк қаласындағы Орталық ғимараттың холлын безендіріп тұр. «Бәйтерек» жұмысы авторларының бірі. Еуропалық суретшілер одағы сыйлығының лауреаты, АҚШ Президенті Дж.Картердің, испан королі Хуан IV, Майндағы Франкфурт мэриясының, Ұлыбритания патшайымы Елизаветаның, БҰҰ-ның және т.б. Алғыс хаттарымен марапатталған. Қазақстанның еңбек сіңірген қайраткері.
1992 жылы Қазақстан мен Қытай арасында темір жол магистралі ашылып, «Жібек жолы» халықаралық жолаушылар пойызы Алматыдан Үрімжіге сапар шекті.
1993 жылы Қызылордада орысша-қазақша сөздік шығарылды. Онда дене шынықтыру және спорт саласындағы 2500 сөз бен термин болды.
2005 жылы Елбасы «Қазақстан Республикасының Үкiметi мен Жапония Үкiметi арасындағы Техникалық ынтымақтастық туралы келiсiмдi бекiту туралы» Заңға қол қойды.
2006 жылы Елбасы Нұрсұлтан Назарбаев «Қазақстан Республикасының кейбір заңнамалық актілеріне атқарушылық іс жүргізу мәселелері бойынша өзгерістер мен толықтырулар енгізу туралы» Заңға қол қойды. Заң атқарушылық іс жүргізуді жетілдіруге бағытталған.
2012 жылы Нұр-Сұлтан қаласының әкімдігі «Қазақтың 1000 күйі» жинағын шығарды.
2014 жылы Ұлы Жібек жолы ЮНЕСКО-ның Бүкіләлемдік мұрасы нысанына айналды.
Қазақстан, Қытай және Қырғызстан мемлекеттерінің Жібек жолын Бүкіләлемдік мұра тізіміне енгізу туралы бірлескен өтініші Дохада (Катар) өткен Біріккен Ұлттар Ұйымы комитетінің білім, ғылым және мәдениет мәселелері бойынша 38-інші сессиясында мақұлданды. Өтінішке Жібек жолында орналасқан 33 тарихи ескерткіш енгізілді, соның 22-сі Қытайда, 8-і Қазақстанда және үшеуі Қырғызстанда орналасқан.

Қазақстан және Қызылорда облысының жаңалықтары