<a href="https://kyzylorda-news.kz/">Kyzylorda-news.kz.</a> Өздеріңізге белгілі, бүгінде әлем елдері үшін ортақ індетке айналған COVID-19 пандемиясын жұқтырғындар саны өкінішке орай, біздің өңірімізде де күннен күнге артуда. Тұрғындардың қауіпсіздігі мен індеттің алдын алу үшін маңызды шешімдер қабылданып, тиісті шаралар дер кезінде атқарылуда. Осыған сәйкес, қаламызда пандемияның белең алуына орай карантиндік жүйе күшейтілді.&nbsp;
Ардақты жерлестер, өздеріңіздің қауіпсіздіктеріңізді қамтамасыз ету үшін бірқатар шектеулер мен шараларды қабылдауға мәжбүрміз. Өйткені, халықтың саулығы – Мемлекет байлығы. Әрбір қала тұрғынының амандығы үшін сақтық шаралар қолданысқа енді.
Қаламызда короновирус инфекциясының нақтыланған жағдайларының 7 пайызға өсуіне байланысты инфекцияны шоғырландыру және таралуына жол бермеу мақсатында шектеу шаралары эпидемиологиялық жағдай тұрақтанғанға дейін жалғасады.
Дүйім жұртты дүрліктірген дерттің алдын алуға қатысты қатаң ережелерді мақұлдап, шұғыл шараларды жүзеге асыру – баршамызға ортақ міндет.
Дегенмен, тұрғындар тарапынан әлі де бейқамдық байқалады. Жеке бастың қауіпсіздігін сақтап, жақындарыңызға жанашырлық танытудың маңызды екенін ұғынсаңыздар деймін. Қала тұрғындары бірінші байлықтың құндылығын сезінгенгенін қалаймын. Жарқын болашақ пен берекеге толы күндердің куәгері болу үшін де адамға алдымен денсаулық керек. Ол үшін өздеріңіздің қауіпсіздіктеріңізге бүгіннен жауапкершілікпен қарап, айтылған заңдылықтарға бағынуларыңызды сұраймын.
Егер, денсаулықтарыңыздан қандай да бір кінәарат байқасаңыздар дер кезінде медицина қызметкерлерінің көмегіне жүгінгендеріңіз жөн.
Қоғамдық орындар мен көпшілік орталарда жиі төбе көрсетуді азайтып, індеттің таралу ошағы мен қауіпті аймақтарға мүлде жоламау керектігін ұсынамын. Мамандардың кеңесіне құлақ асып, қойылған талаптарды қатаң сақтау да аса маңызды. Санитария нормаларын сақтамау салдырының нәтижесінде карантин режимінің қатаң әдісіне куә болуымыз мүмкін.
Құрметті қызылордалықтар, жақындарыңыздың жанында, жылы ұяңызда болу арқылы сіздер аталмыш індеттің алдын аласыздар. Бірлігіміз бен ынтымағымыздың арқасында қоғам үшін маңызды бұл кезеңді де бірлесіп жеңеміз деген сенімдемін!

Қызылорда қаласының әкімі	қала тұрғындарына Үндеу жолдады

<a href="https://kyzylorda-news.kz/">Kyzylorda-news.kz.</a> Коронавирус инфекциясын жұқтырған азаматтар санының күрт артуына байланысты Қазақстанның кей өңірлерінде карантиндік шаралар қайта күшейтілуде. Азық-түлік және басқа да базарлар, жәрмеңкелер, қоғамдық тамақтану объектілерімен қатар ХҚО-лардың да жұмыс уақыты қысқарды.
Сонымен, бас санитарлық дәрігерлердің шешімі бойынша еліміздің 13 аймағында – Қызылорда, Ақмола, Атырау, Ақтөбе, Алматы, Қарағанды, Қостанай, Түркістан, Солтүстік Қазақстан, Батыс Қазақстан, Жамбыл облыстары мен Алматы және Шымкент қалаларындағы ХҚО-лардың жұмыс кестесі қысқартылды. Ал, Шығыс Қазақстан облысында ХҚО-ның жұмыс уақытына өзгеріс тек Семей қаласы бойынша енгізілді.
Қазіргі таңда «Азаматтарға арналған үкімет» мемлекеттік корпорациясының фронт-офис қызметкерлері банк операторлары, дәрігерлер мен полицейлер секілді азаматтармен тікелей байланыста жұмыс жасап жатыр. Бөлімдерде санитарлық-эпидемиологиялық, әлеуметтік қашықтық және бетперде режимдері қатаң сақталған. Алайда, қызмет алушылар өздерін жайсыз сезініп немесе сырқат белгілерін байқаса ХҚО-ға барудан бас тартуға кеңес береміз.
Коронавирустық инфекцияның таралуына жол бермеу мақсатында автокөлік иелерін мамандандырылған ХҚО-ға бармай-ақ, мемлекеттік қызметтерді онлайн алуға шақырамыз. Бүгінде автокөлікті тіркеу және жүргізуші куәлігін ауыстыру онлайн режимде қолжетімді.
Естеріңізге сала кетейік, ХҚО мамыр айында жұмысын қайта бастаған болатын. Пандемия жағдайында Азаматтарға арналған үкімет жұмыстың жаңа форматына көшуге мәжбүр болды.
Атап айтқанда, қазір ХҚО-лар электронды порталда қолжетімсіз «қағаз» &nbsp;түріндегі қызметтерді ғана көрсетеді.&nbsp; Қызмет алушыларды ХҚО-ға келуін алдын-ала egov.kz порталындағы арнайы сервис және и eGovKzBot2.0 телеграм-боты арқылы брондауы қажет.
<img src="https://kyzylorda-news.kz/wp-content/uploads/2020/06/1-6-scaled.jpg" alt="" />

Қызылордада ХҚО-ның жұмыс кестесі қайта қысқарады

<a href="https://kyzylorda-news.kz/">Kyzylorda-news.kz.</a> Қызылордада ауа райына байланысты ескерту жарияланды. «Қазгидромет» РМК Қызылорда облысы бойынша филиалының хабарлауынша, 23 маусымда Қызылорда облысында солтүстік-батыстан, солтүстіктен жел соғады, күші кей жерлерде 15-20 м/с күтіледі. 
Дабылды ескертудің ықтималдылығы 90-100%.

Қызылордада ауа райына байланысты ескерту жарияланды

<a href="https://kyzylorda-news.kz/">Kyzylorda-news.kz.</a> Мемлекет басшысы Премьер-Министр мен әкімдердің есебін тыңдады, деп хабарлайды Ақорданың баспасөз қызметі.
Президент Қасым-Жомарт Тоқаев Премьер-Министр Асқар Маминнің, сондай-ақ, Нұр-Сұлтан, Алматы қалалары мен Ақмола, Ақтөбе, Жамбыл, Қарағанды, Қызылорда, Павлодар облыстары әкімдерінің коронавирустың таралуына қатысты қалыптасқан ахуал, өңірлердің әлеуметтік-экономикалық даму барысы жайындағы есептерін тыңдады.
Мемлекет басшысы Үкіметке және облыс басшыларына пандемияның таралуын тез арада шектеуге қатысты шұғыл әрі тиімді шаралар қабылдауға, коронавирусқа шалдыққан адамдарға нақты көмек көрсетуге, азаматтардан тест сынамасын алудың ауқымын кеңейтуге, дәрігерлерді арнайы қорғаныс құралдарымен, дәрі-дәрмектермен, өкпеге жасанды жолмен дем беретін аппараттармен және өзге де қажетті құрал-жабдықтармен қамтасыз етуді тапсырды.
Президенттің пікірінше, азаматтардың денсаулығын қорғау ісінде алғы шепте жүрген медицина қызметкерлеріне материалдық және моральдік тұрғыдан қолдау көрсетудің мәні зор. Үкімет пен әкімдер халық арасында карантин режимін сақтаудың аса маңызды екенін түсіндіріп, бұл бағыттағы жұмыстарды белсенді жүргізуге тиіс.
Сонымен қатар, Қасым-Жомарт Тоқаев орталық және жергілікті атқарушы билік органдарына экономиканың құлдырауына жол бермеу, өнеркәсіптік және ауыл шаруашылығы өндірісін арттыру, азаматтардың әлеуметтік қажеттіліктерін толық қамтамасыз ету бойынша нақты шаралар қабылдауды тапсырды.

Қасым-Жомарт Тоқаев Үкімет басшысы мен әкімдердің есебін тыңдады

<a href="https://kyzylorda-news.kz/">Kyzylorda-news.kz.</a> Қазіргі таңда Арал балықшылары жылына жеті мың тоннадай балық ауласа, оның екі мың тоннасын экспорттайды. Осы мақсаттаауданда жылдық қуаттылығы 19 мың тонна балық өңдеуге қауқарлы 8 балық өңдеу зауыты жұмыс істеп тұр. Міне, сол зауыттардың жұмысы нәтижесінде теңізді өлкенің балығының дәмін тату бақыты тек Қытай мен ТМД елдерінің ғана емес, Еуропа халқына да бұйырып отыр.
Ауданның кәсіпкерлік бағытындағы жұмысына қарқын беріп&nbsp;келе жатқан ата кәсіптің мүмкіндігін молайту мақсатында тағы бір жоба басталды. «Арал теңізі» балықшылар қоғамдық бірлестігінің бастамасымен балық қорын көбейту мақсатында жазылған жоба жемісін беріп, «Ғаламдық экологиялық қордың» қаржылай қолдауымен Ақшатау ауылында көлемі 16х30 метр болатын балық шығаратын инкубациялық цех салынды. Бұл цехқа Ресейден УЗВ аппараттары алынып қондырылды. Жобаның жалпы құны – 21 млн теңгені құрап отыр. «Арал теңізі» балықшылар қоғамдық бірлестігінің төрайымы Айнагүл Баймаханова жобаны жүзеге асыру бағытында 11 млн қайтарымсыз грант ұтты.
Аталған цехтың ашылу салтанатына арнайы қатысқан аудан әкімі Мұхтар Оразбаев аудандағы балық шаруашылығының дамуы жайында айта келе цех жұмысына сәттілік тіледі.
Сондай-ақ, ауданнан шыққан алғашқы балық шаруашылығы министрі, мемлекет және қоғам қайраткері Қ.Саржанов игі тілегін арнады.
Жоба серіктестері «Жамбыл» өндірістік кооперативі, дара кәсіпкер Игіліков Төребек бірлесе атқарылатын жұмысты орындаушы «Қазалы Уазис» қоғамдық бірлестігі болмақ. Алынған дернәсілдер теңіздің Арал және Қазалы аумағындағы айдындарына жіберілетін болады. Биылғы жылы іске қосуды жоспарлап отырған бастама аясында 12-15 млн дана личинкалар өсіп шығады деп күтілуде.
Айта кетейік, «Арал теңізі» балықшылар қоғамдық бірлестігінің төрайымы А.Баймаханованың бастамасымен ұсынылған 5 жоба да қолдауға ие болса, соның 3-еуі балық шаруашылығына қатысты. Өткен жылы шарбақтап балық өсіру жобасы негізінде Қаратерең ауылдық округінде Батырхан Прекеев өз кәсібін кеңейтсе, одан бөлек 200 қыз-келіншек балық өңдеу мамандығы бойынша кәсіби білім берілуде.
<img src="https://kyzylorda-news.kz/wp-content/uploads/2020/06/inkwbacijalyk-ceh1-1.jpg" alt="" />
<img src="https://kyzylorda-news.kz/wp-content/uploads/2020/06/inkwbacijalyk-ceh2-1.jpg" alt="" />
<img src="https://kyzylorda-news.kz/wp-content/uploads/2020/06/inkwbacijalyk-ceh3-1.jpg" alt="" />
<img src="https://kyzylorda-news.kz/wp-content/uploads/2020/06/inkwbacijalyk-ceh4-1.jpg" alt="" />
<img src="https://kyzylorda-news.kz/wp-content/uploads/2020/06/inkwbacijalyk-ceh5-1.jpg" alt="" />
<img src="https://kyzylorda-news.kz/wp-content/uploads/2020/06/inkwbacijalyk-ceh6-1.jpg" alt="" />

Аралда балық өсіретін инкубациялық цех іске қосылды

<a href="https://kyzylorda-news.kz/">Kyzylorda-news.kz.</a> Қызылорда облысы Арал ауданында жұмыссыздықпен күрес қарқыны тоқтамайды. Осы жылы «Жұмыспен қамтудың жол картасы» бағдарламасының аясында теңізді өлкеде 604 жаңа жұмыс орнын ашу жоспарлануда. Бұл жұмыс көздері аталған бағдарлама бойынша бекітілген 16 жоба бойынша іске аспақ.
Жобаны ұтқан мердігерлермен арадағы келісімшартқа сәйкес, жұмысшылардың кемінде 50% жұмыспен қамту орталығы арқылы жіберілу қарастырылған.
Биыл Арал қаласында 33 көше жөнделеді. Барлығы 22 шақырымнан асатын көшелердің құрылысына республикалық бюджеттен 660 млн теңгеден астам қаржы бөлінген. Үлкен жобаға «Арал құрылысы» ЖШС мердігер болып танылған. Қазіргі таңда мердігер мекеме аудандық халықты жұмыспен қамту орталығы арқылы аталған жол жөндеу жұмыстарына 43 адамды жұмысқа қабылдап үлгерген.
<blockquote>
 «Бүгінгі күні 5 көшенің астыңғы қабаты тегістеліп жатыр. Құрылыс материалдары дайын. Алдағы аптада асфальт жабындысын төсей бастаймыз. Барлық жұмыстар кезең-кезеңімен әрі уақытында бітеді», – дейді аудандық тұрғын үй-коммуналдық шаруашылық, жолаушылар көлігі және автомобиль жолдары бөлімінің басшысы Амантай Тасқынбаев.
</blockquote>
Бұдан өзге аудандық маңызы бар «Ескіұра елді мекеніне кіреберіс» автожолының құрылысына 99 млн 452 мың теңге қаржы бөлініп, жұмыс басталады.
Тағы қуанатын жаңалық, аудан орталығындағы Абай көшесін абаттандыру жұмысына республикалық бюджеттен 110 млн теңгеден астам қомақты қаржы бөлінген. Бас мердігер – «Наурыз құрылыс» ЖШС. Аталған мердігер аудандық халықты жұмыспен қамту орталығы арқылы 14 адамды жұмысқа қабылдап, абаттандыру ісін бастап кеткен.
Мамыр айында аудан әкімі Мұхтар Оразбаевтың өзі барып іргетасын қалаған қаладағы №2 мөлтек аудан аумағындағы 10 тұрғын үйдің құрылысы қарқынды жүріп жатыр. Мұндағы әр үй 4 пәтерден, бір қабаттан тұрады. Яғни салынатын он үйде 40 пәтер болса, соның жартысы – екі бөлмелі, ал қалғаны – үш бөлмелі пәтерлер.
Үй тұрғызудағы басты мақсат – өз баспанасына қол жеткізгісі келетін аудан тұрғындарының мәселесін шешу. Яғни, аталған жобаның қаржысы «Тұрғын үй құрылыс жинақ банкімен» келісімшарт негізінде облыстық бюджет есебінен бөлінген. Жаңа баспанаға аталған банк арқылы кезекте тұрған салымшылар ғана қол жеткізе алады.
Айта кету керек, жаңа үйлерді салатын бас мердігерлер – жергілікті «Наурыз құрылыс» және «Арал су құрылысы» ЖШС. Қос мердігер кіріскен құрылыс жұмысына аудандық халықты жұмыспен қамту бөлімі арқылы 50-ге жуық тұрғынды тартқан.
Тұрғын үйлер күзге дейін бітіп, 40 отбасы жаңа пәтерде қоныс тойын тойламақ.
<img src="https://kyzylorda-news.kz/wp-content/uploads/2020/06/aral1-12.jpg" alt="" />

Аралда 604 жаңа жұмыс орны ашылады

<a href="https://kyzylorda-news.kz/">Kyzylorda-news.kz.</a> Сыбайлас жемқорлыққа қарсы іс-қимыл агенттігімен бірлесіп, «Адалдық алаңы» жобасы шеңберінде «Сапалы жол – Адалдық алаңы» жобалық кеңсесі құрылды.
Жобалық кеңсенің мақсаты – халықаралық сыбайлас жемқорлыққа қарсы менеджмент жүйелеріне сәйкес келетін орталық қызметінде парасаттылық қағидаттарын және комплаенс саясатын енгізу болып табылады.
Жобалық кеңсенің негізгі тұжырымдамасы автомобиль жолдарын салу, қайта жаңарту және жөндеу кезінде жұмыстар мен материалдардың сапасын сараптау кезеңінде азаматтық қоғаммен тығыз өзара байланыста ашық бақылауды қамтамасыз етуге бағытталған.
Жобалық кеңсенің қызметінің бағыттары:
1) қоғамдық бақылауды қамтамасыз ету;
2) қазіргі заманғы сандық технологиялар мен сыбайлас жемқорлықтың алдын алу құралдарын енгізу;
3) парасаттылық, адалдық және сыбайлас жемқорлыққа төзбеушілік қағидаттарын енгізу;
4) бизнес-процестерді жетілдіру және оңтайландыру.
Сондай-ақ, Ел басының тапсырмасымен жергілікті жолдар желісін ұлғайту және одан әрі дамыту мақсатында “Нұрлы жол” инфрақұрылымды дамытудың 2020 – 2025 жылдарға арналған мемлекеттік бағдарламасы әзірленген. Онда 2025 жылға қарай облыстық және аудандық маңызы бар автомобиль жолдарының жақсы және қанағаттанарлық жағдайын барынша көтеру.
2020 жылы аталған бағдарлама бойынша жол желісін дамытуға республикалық бюджеттен – 11 794,0 млн. теңге облыстық бюджеттен 9 551,0 млн теңге барлығы&nbsp; 21 346,0 млн теңге бөлініп,&nbsp; ұзындығы 488 км автомобиль жолдары мен көшелер және көпір өткелдерін жөндеуден өткізу жоспарланған.
Сонымен қатар, «Сапалы жол – Адалдық алаңы» жобасы аясында Департаменттің, «Ұлттық жол активтері сапасы орталығы» РМК Қызылорда облысы бойынша филиалының қызметкерлері, «Ақмешіт-адалдық алаңы» жобалық кеңсесінің, облыс бойынша арнайы мониторингтік топтың мүшелері және БАҚ өкілдерімен бірлесіп жергілікті маңызы бар автомобиль жолдарының проблемалық учаскелеріне, жолдың қыс мезгіліндегі жай-күйіне, автомобиль жолдарын салу, реконструкциялау, жөндеу және күтіп-ұстауыжылжымалы зертханамен зерделенуде.
Жылжымалы зертханамен шығу барысында жалпы 21 ақаулар анықталып, берілген ұсыныстар нәтижесінде 17 жойылды, 4 ақаулар бойынша жұмыстар жүргізілуде.
Сондай-ақ, ағымдағы жылдың 17 маусымында облыс әкімдігінің ғимаратында «Сапалы жол» жобасының жұмысын жандандыру, оның ішінде автомобиль жолдары, материалдары мен жұмыстарының сапасына сараптама жүргізуді қамтамасыз ету тақырыбында мәжіліс ұйымдастырылды.
Мәжілісте жол саласына жауапты облыс әкімінің орынбасары Серік Сүлейменов, Департамент басшысының бірінші орынбасары Бақытжан&nbsp; Ниязов, Қызылорда облысының жолаушылар көлігі және автомобиль жолдары басқармасының басшысы Мұрат Тілеумбетов, «Ұлттық жол активтері» сапасы орталығы РМК Қызылорда облысы бойынша филиалының директоры Ж.Керімқұлов тақырыпқа сәйкес баяндама жасады және бейнеконференцбайланыс арқылы қала, барлық аудан әкімдері мен жол саласына жауапты әкім орынбасарлары қатысты.
Сондай-ақ, мәжіліс қорытындысымен, «Сапалы жол – Адалдық алаңы» жобасы&nbsp; аясында жұмысты одан әрі жандандыру,&nbsp; автомобиль жолдарын салу, реконструкциялау, жөндеу және күтіп-ұстау кезінде жұмыстар мен материалдардың сапасына сараптама жүргізу мақсатында жергілікті атқарушы органдарға Орталықтың филиалдарымен шарттарға қол қоюды жеделдетуге байланысты ұсынымдар қабылданды.

Қызылордада «Сапалы жол – Адалдық алаңы» жобасы аясында                    кеңейтілген мәжіліс өткізілді

<a href="https://kyzylorda-news.kz/">Kyzylorda-news.kz.</a> Ұлттық тестілеу орталығы ҰБТ-ның бірінші күні ең жоғары балл жинаған талапкерді атады, деп хабарлайды&nbsp;<a href="https://sputniknews.kz/?_ga=2.119003657.1636367278.1592801705-1066086402.1572145755">Sputnik Қазақстан</a>.
Орталық директорының орынбасары Наужан Дидарбекованың айтуынша, кеше ең жоғары балл жинаған талапкер – Түркістан облысының Ордабасы ауданындағы Теспе орта мектебінің түлегі. Есімі – Абзал Әбдіманап.&nbsp;&nbsp;
<blockquote>
 «Ол 138 балл жинап шықты. Қазір жаңа норма енгізілген. Оған сәйкес, барлық ҰБТ процесі видеоға түсіріледі, кейіннен бейнежазбаға талдау жасалады. Әрине, біз Абзалдың да бейнежазбасын толық қарап шығатын боламыз», – деді Дидарбекова.
</blockquote>
Айта кетейік, 21 маусымда республика бойынша ұлттық бірыңғай тестілеу басталған болатын. Оған 6 186 талапкер қатысты. Оның 4 222-сі шекті балл жинаса, 1 964 талапкер шекті ұпайды жинай алмады. Ал 39 адам 130 балдан жоғары алды. Бұдан бөлек, тәртіп бұзған 164 талапкер анықталды.
<blockquote>
 «Жалпы, ұлттық бірыңғай тестілеудің соңғы нәтижелері тамыз айында нақты болады. Өйткені жаңа норма бойынша ұлттық тестілеу орталығы 25 тамызға дейін арнайы бағдарламаның көмегімен барлық бейнежазбаға талдау жүргізетін болады. Егер тест тапсырушының тыйым салынған заттарды пайдаланғаны анықталса, онда оның нәтижесі жойылады, сәйкесінше гранттың да нәтижесі жойылуы мүмкін», – деп атап көрсетті Дидарбекова.
</blockquote>

ҰБТ-2020: Алғашқы күнде жоғарғы балды ауыл түлегі жинады

<a href="https://kyzylorda-news.kz/">Kyzylorda-news.kz.</a> Қармақшы ауданының әкімі Мұса Қалдарбеков орталықтан қашықта орналасқан шалғай елдімекендерді аралады.
Жұмыс сапары барысын Т.Көмекбаев ауылдындағы «Жұмыспен қамту жол картасы» бағдарламасы аясында жүргізіліп отырған құрылыс барысымен танысудан бастады.
Бүгінгі күні Т.Көмекбаев ауылдық округінде бағдарлама аясында ауылдық аурухана ғимаратын ағымдағы жөндеу жұмыстары жүргізілуде. Қазіргі таңда ғимарат шатырына демонтаж жасалып, төбесі толық жабылды.&nbsp; Ішкі есіктерін жаңадан салу жұмыстары мен ішкі қабырғасының бөлмелері сыланып терезелерін салу жұмыстары жүргізілуде.
Ауылдағы амбулаториялық ғимараттың ағымдағы жөндеу жұмыс барысымен танысқан аудан басшысы нысанды мерзімінде аяқтауды тапсырып, жұмыстың сапалы орындалуына тиісті сала басшыларына тапсырмалар берді.
Сонымен бірге ауылда Абай көшесіне жаяу жүргіншілер жолын орнатуға байланысты 800 метрге бордер қойылып, брусчатка төсеуге дайындық жұмыстары жүргізілуде.&nbsp;
Аудан әкімі келесі елді мекен Қуаңдария ауылдық округінде болып, ауылдық округ тарапынан атқарылып жатқан жұмыстармен танысты.
Биылғы жылы Қуаңдария ауылдық округінде тұрғындар тарапынан 51 гектарға бақша, көкөніс дақылдары орналастырылып, күтімге алынған болатын. Сонымен бірге ауылдық округ аймағында жасыл белдеу қалыптастыру мен абаттандыру мақсатында 400-ге жуық жас ағаш көшеттері отырғызылған.&nbsp;
Аудан әкімі Мұса Қалдарбеков жұмыс сапары барысында Алдашбай Ахун, Дауылкөл, Ақжар, Ақтөбе ауылдық округтерінде болып, «Жұмыспен қамту жол картасы» бағдарламасы аясында&nbsp; басталған жұмыстармен танысып, абаттандыру жұмыстары бағытында атқарылған шараларды арнайы аралап көрді.
Қазіргі таңда «Жұмыспен қамту жол картасы» бағдарламасы аясында Алдашбай ахун ауылдық округінде Майлыөзек көшесін, Ақжар ауылында М. Мәмбетов көшесін, Ақтөбе ауылында А. Иманов көшесін орташа жөндеу мақсатында жерлері тегістеліп, дайындық жұмыстары жүргізілуде.
Аудан басшысы бүгінгі жұмыс сапары аясында ауылдық округ әкімдеріне бағдарлама аясында жүргізілетін жұмыстардың сапалы орындалуын бақылап, елді мекендерді абаттандыруда нақты тапсырмаларды жүктеді.
Аудан көлемінде үстіміздегі жылы «Жұмыспен қамтудың жол картасы» аясында 40 жоба жүзеге асып 800-ден аса жұмыс орны құрылмақ. Тұрғындар әлеуметтік нысандарды жөндеуге, елді мекендерді абаттандыруға, өзге де құрылыс жұмыстарына тартылып жатыр.
Ауданымызда&nbsp; бүгінгі күні жолдар мен әлеуметтік нысандарды ағымдағы жөндеуден өткізу, елді мекендерді абаттандыру жұмыстары басталды.
<img src="https://kyzylorda-news.kz/wp-content/uploads/2020/06/karmakshy1-4.jpg" alt="" />
<img src="https://kyzylorda-news.kz/wp-content/uploads/2020/06/karmakshy2-4.jpg" alt="" />
<img src="https://kyzylorda-news.kz/wp-content/uploads/2020/06/karmakshy3-3.jpg" alt="" />
<img src="https://kyzylorda-news.kz/wp-content/uploads/2020/06/karmakshy4.jpg" alt="" />
<img src="https://kyzylorda-news.kz/wp-content/uploads/2020/06/karmakshy5-1.jpg" alt="" />
<img src="https://kyzylorda-news.kz/wp-content/uploads/2020/06/karmakshy6-1.jpg" alt="" />

Қармақшы ауданының әкімі шалғай елдімекендерді аралады

<a href="https://kyzylorda-news.kz/">Kyzylorda-news.kz.</a> Жалағаш ауданында коронавирус инфекциясының алдын алу және таратпау мақсатында аудан әкімінің тапсырмасымен адам көп шоғырланатын жерлер мен әлеуметтік нысандарға залалсыздандыру жұмыстары тұрақты жүргізілуде.
Жалағаш ауданының төтенше жағдайлардың алдын алу және жоюға арналған ауданның резерві бюджетінен бөлінген 1 973 400 теңгеге 26 мәрте залалсыздандыру жұмыстары жүргізіледі.
Жалағаш кентіндегі базарлар, автовокзал, аптекалар, банк, қазпошта, аудандық емхана, сауда орталықтары, дүкендер және басқа да әлеуметтік нысандарға 2530 шаршы метрге залалсыздандыру жұмыстары күнделікті жүргізілуде.

Жалағашта залалсыздандыру жұмыстарына 2 млн теңгеге жуық қаржы қарастырылды

<a href="https://kyzylorda-news.kz/">Kyzylorda-news.kz.</a> Ұлттық бірыңғай тестілеудің нақты нәтижесі тамыз айының соңында белгілі болады. Бұл туралы ҚР БҒМ Ұлттық тестілеу орталығы директорының орынбасары Наужан Дидарбекова айтты, деп хабарлайды <a href="https://www.inform.kz/kz/ubt-nyn-nakty-natizhesi-tamyzda-shygady_a3664481">ҚазАқпарат.</a>
<blockquote>
 «ҰБТ-ның бірінші күнгі қорытындысына келер болсақ, шекті балды жинағандардың саны 4 222 адамды құрайды. Бұл тест тапсырушылардың барлығының 68,3 пайызына тең. Ал шекті баллды жинай алмағандар – 1 964 тест тапсырушы, яғни 31,7 пайыз. 130 баллдан жоғары жинағандар – 39 түлек. Қазіргі таңда аппеляцияға өтініштер қабылданып жатыр. Ережеге сәйкес 13:00-ге дейін өтініштер қабылданады», – деді ол Орталық коммуникациялар қызметіндегі брифинг барысында.
</blockquote>
Оның атап өтуінше, жергілікті аппеляциялық комиссия өтініштерді қанағаттандырған жағдайда республикалық аппеляциялық комиссияға нақты шешім қабылдау үшін жолданады. Нәтижесі бүгінгі күннің соңына дейін беріледі.
<blockquote>
 «Жалпы, ҰБТ-ның соңғы нәтижелері тамыз айында нақты болады. Өйткені, биыл норма енгізілді. Сол нормаға сәйкес, 25 тамызға дейін барлық тестілеу барысындағы бейнежазбаларға арнайы бағдарламаның көмегімен талдау жүргізеді. Бұл ретте егер тестілеу барысында тест тапсырушы тыйым салынған заттарды пайдаланғаны анықталған жағдайда олардың нәтижелері жойылады. Соған орай егер ол мемлекеттік білім беру грантының иегері болса, онда грант нәтижесі де жойылуы мүмкін», – деді орталық директорының орынбасары.
</blockquote>
Сонымен қатар, ол биылғы ерекшеліктерге сәйкес, санитарлық-эпидемиологиялық жағдайға байланысты қатаң шаралар қабылданғанын айтты.
<blockquote>
 «Кеше дене қызуы бар 2 адам тестілеуге жіберілмеді. Оларға басқа күні бөлек аудиторияда тест тапсыру мүмкіндігі ұйымдастырылады», – деді Наужан Дидарбекова.
</blockquote>

ҰБТ-ның нақты нәтижесі тамызда шығады

<a href="https://kyzylorda-news.kz/">Kyzylorda-news.kz.</a> Қызылорда облысында бүгінгі күнге коронавирус инфекциясының 560 жағдайы тіркелді. Бұл туралы Қызылорда облыстық денсаулық сақтау басқармасының басшысы Жақсылық Абдусаметов мәлімдеді.
<blockquote>
 «Өткен тәулікте 2 симптомды жағдай тіркелді. Екеуі де Қызылорда қаласынан, екі жағдайда скрининг арқылы анықталған. Сондай-ақ 14 симптомсыз жағдай тіркелді. Олардың барлығы облыс орталығынан, 8-і скрининг арқылы анықталса, 9 қарым-қатынаста болғандардың арасынан анықталып отыр», – дейді басқарма басшысы.
</blockquote>
Аймақта соңғы тәулікте 5 науқас сырқатынан айыққан. Қазіргі таңда емделгендердің саны 489 адамға жетті.

Қазақстан және Қызылорда облысының жаңалықтары

Қызылорда қаласының әкімі қала тұрғындарына Үндеу жолдады