<a href="https://kyzylorda-news.kz/date/2020/10/19/?doing_wp_cron=1603104039.1417319774627685546875">Kyzylorda-news.kz</a>. Қызылорда облысының балалар мен жасөспірімдерге арналған туберкулезге қарсы санаторийдің бір топ қызметкерлері «Nur Otan» партиясына тамыз айының аяғында көмек сұрап келген болатын.
Медициналық мекеме таратылып, облтубдиспансердің балансына берілуі салдарынан соңғы 5 айдың жалақысын алмаған олар алдымен маңдай тер еңбекақыларын өндіріп беруге сонымен қатар жұмыспен қамту мәселеcін сөз еткен.
Азаматтардың мұң-мұқтажын тыңдаған облыстық партия филиалы төрағасының бірінші орынбасары Ләйлә Төрешова тиісті сала басшысын шақыртып, мәселені ортақ талқыға салды.
Нәтижесімен аталған мәселе «Nur Otan» партиясы облыстық филиалдың Партиялық бақылау комиссиясының бақылауында болып, қыркүйек айының 25–не облыстық денсаулық сақтау басқармасы азаматтардың жалақы бойынша қарыздарды түгелдей есептеп аударды.
Бүгінгі күні шипажай қызметкерлеріне қаладағы емдеу мекемелеріне жұмысқа орналасуға облыстық денсаулық сақтау басқармасы тарапынан барлық мүмкіндіктер қарастырылуда.
<img src="https://kyzylorda-news.kz/wp-content/uploads/2020/10/122110489_1018550071890836_2363786230095929814_o.jpg" alt="" />

Қызылорда: Жұмыссыз қалған қызметкерлерге қандай көмек беріледі?

<a href="https://kyzylorda-news.kz/date/2020/10/19/">Kyzylorda-news.kz.</a> Мәдениет және спорт министрі Ақтоты Райымқұлова қандай жағдайда музей ішіндегі фототүсірілім үшін ақы талап етілетінін айтып берді, деп хабарлайды ҚазАқпарат.
<blockquote>
 «ҚР мәдениеті туралы заңға сәйкес, қай ұйым болса да біздің мәдени құндылықтарымыз бен мұрамызды толық тамашалай алатындай жағдай жасауы керек. Мәдениет туралы заңның 25-бабының 4-тармағына сәйкес, мемлекеттік мұражайлар мен музей-қорықтар өздерінің негізгі қызметінен тыс жұмыстарды жүргізіп, тауарлар мен қызметтерді сатуға құқылы. Яғни, олар жеке және заңды тұлғалармен келісім бойынша міндетінен тыс қызметтер үшін төлем алуға құқылы. Әрине, бүгін де министрлікке ведомстволық бағынышты ұйымдарда бейнежазбалар өзара келісім бойынша немесе келіссөздерге сәйкес жүргізіледі», – деді Ақтоты Райымқұлова ОКҚ брифингінде.
</blockquote>
Министрдің айтуынша фототүсірілім тегін жүргізіледі.
<blockquote>
 «Бұл бағытта біз жергілікті атқарушы органдармен, Қазақстан Республикасының ведомстволық бағынышты ұйымдарымен түсіндіру жұмыстарын жүргізіп жатырмыз. Біздің ұстанымымыз: мәдени мұраларымыз, музейлеріміз, театрларымыз халқымыз үшін толық қол жетімді болуы керек. Әрине, егер ақылы қызметтердің бағалары көрсетілген белгілі бір прейскурант болса, ол міндетті түрде ұсынылуы керек және оны өзара келісім бойынша жүзеге асыруға болады. Бірақ кез-келген жағдайда екіжақты мәміле болуы керектігін ескертеміз», – деді ол.
</blockquote>

Музейде кей жағдайда фототүсірілім үшін ақы талап етілуі мүмкін

<a href="https://kyzylorda-news.kz/">Kyzylorda-news.kz</a>. Қазақстан Республикасының Цифрлық даму, инновациялар және аэроғарыш өнеркәсібі министрлігі мен Қазақстан Республикасының Денсаулық сақтау министрлігі коронавирустық инфекцияның таралуын бақылау және жұқтыру ошақтарын уақтылы оқшаулау мақсатында «Saqbol» мобильді қосымшасын ұсынды.
Қосымша хабарлама функциясын іске қосу арқылы COVID-19 үшін оң нәтиже көрсеткен азаматқа соңғы 14 тәулік бойы екі метрден аз қашықтықта және 15 минуттан астам уақыт ішінде қосымшаның басқа пайдаланушыларымен байланысы туралы жасырын түрде ескертуге мүмкіндік береді.
Басқа құрылғылармен өзара іс-қимыл жазбаларын сақтау үлгісі шифрланған болады.
«Saqbol» қосымшасын қолдануға, біріншіден смартфонға жүктеп, одан кейін шифрланған деректер берілетін Bluetooth функциясын қосу керек. Қосымша IOS және Android-та қолжетімді.
Бағдат Мусиннің айтуынша, қосымша азаматтарды жұқтыру қаупі бар туралы уақтылы хабардар етуге және инфекцияның таралуын едәуір азайтуға мүмкіндік береді.
<blockquote>
 «Барлық қазақстандықтарды осы қосымшаны белсенді түрде пайдалануға, мұқият және жауапты болуға шақырамын. Осылайша, індет ошақтарын барынша оқшаулап, Covid-19-ның таралуына жол бермейміз. Біз халық алдындағы жауапкершілікті түсінеміз және барлық жеке деректер қосымшада барынша шифрланған етіп жасадық. Бұл қосымша пайдаланушылардың басым түрде жасырын болуын қамтамасыз етеді», – деп түсіндірді Қазақстан Республикасының Цифрлық даму, инновациялар және аэроғарыш өнеркәсібі министрі Бағдат Мусин.
 «Қосымшаның жұмысы сол бағдарлама орнатылған басқа құрылғылармен байланыста болған адамдарды жасырын түрде іздеуге бағытталған. Оны пайдалану үшін тіркеу қажет емес. Бағдарлама жеке деректерді немесе орналасқан жер туралы деректерді жинамайды және жібермейді. Хабарландыруды іске қосқан кезде, бағдарлама автоматты және жасырын түрде бұл туралы басқа пайдаланушыларға хабарлайды. Осылайша, осы қосымша азаматтардың сақтығын арттыруға және жұқтырған адамдармен байланысы туралы уақытылы хабардар етуге көмектеседі», – деп толықтырды Қазақстан Республикасының Денсаулық сақтау министрі Алексей Цой.
</blockquote>
Хабарламаны алған пайдаланушылар қосымшада Қазақстан Республикасы Денсаулық сақтау министрлігінің бұдан әрі іс-қимылдары туралы ұсынымдарымен таныса алады.
Бұдан басқа, пайдаланушыларға ыңғайлы болу мақсатында қосымшаға өзін-өзі анықтаудың COVID-19, i-Doctor, i-Teka ресми боттары, сондай-ақ Қазақстан бойынша COVID-19 өзекті статистикасы сияқты сервистер біріктірілген.
«Saqbol» қосымшасын әзірлеуші «Ұлттық ақпараттық технологиялар» АҚ болып табылады.

«Saqbol» қосымшасы COVID-19 жұқтырғандардың санын азайтады

<a href="https://kyzylorda-news.kz/">Kyzylorda-news.kz.</a> Қашықтан оқытуға байланысты компьютерлік құрылғыларды сатып алуға республикалық бюджеттен 3,4 миллион теңге бөлінді. Қомақты қаржыға 22870 дана компьютерлік құрылғы алынады.
<blockquote>
 “Білім басқармасы мемлекеттік сатып алу заңының арнайы тәртібімен 14362 дана ноутбук пен 4802 дана планшетке және 3706 дана компьютерлерді жеткізуге келісімшартқа отырды. Қыркүйек айында 1000 дана ноутбук және 4802 дана планшет келді. Ал, 14 қазан күні 2700&nbsp;дана ноутбук жеткізілуде. Сонымен қатар, қыркүйек айында 700 дана, қазан айында 276 дана компьютер жеткізілді. Бүгінгі күнге барлығы 9478 дана компьютерлік құрылғы жеткізілді. Бұл 41 пайызды құрайды. Қалған 10662 дана ноутбук пен 2730 дана компьютер қазан айының аяғында дейін жеткізілуі күтілуде. Ерекше айтуға тиіспіз, жеткізілген компьютерлік құрылғылар сот сараптама орталығы мамандарымен тексеріліп, техникалық ерекшелікке сәйкес келмеген құрылғылар жеткізушілермен ауыстырылып берілуде”, – деді облыстық білім басқармасының басшысы Ақзира Қасымова.
</blockquote>
Компьютерлер ең алдымен әлеуметтік аз қамтылған отбасылардың балалары, ерекше жағдайда үйден білім алатын және көпбалалы отбасының балаларына табысталады. Қазіргі күні бұл құрылғылар Қызылорда қаласының мектептеріне таратылуда. Ал, аудандарға кезең-кезеңімен жеткізіледі.

Қашықтан оқыту: Қызылордаға тағы 22870 компьютерлік құрылғы алынады

<a href="https://kyzylorda-news.kz/">Kyzylorda-news.kz.</a> “ҚазТрансГаз Аймақ” АҚ Қызылорда өндірістік филиалы инвестициялық бағдарлама аясында салынған газ құбырын қосып, газбен жабдықтау жүйесін жақсарту мақсатында жұмыс жүргізбек.
Осы орайда 21 қазан күні, сағат 8:00-ден 22:00-ге дейін Қызылорда қаласының КБИ, Коммунизм және Қызылжарма шағын ауданындағы тұрғын үйлер мен коммуналдық-тұрмыстық кәсіпорындардың тұтынушыларына табиғи газ беру тоқтатылатынын&nbsp;хабарлайды.
<blockquote>
 “Газды өшіру кезеңінде газ аспаптары алдындағы крандарды жабуды сұраймыз және филиал қызметкерлерінің газды қайта іске қосуды жүргізу мақсатында 2020 жылы 21 қазан күні, сағат 15.30-дан бастап қол жеткізуін қамтамассыз етуді сұраймыз. 
 Осы инвестициялық жобаны жүзеге асыру газ тарату жүйесінің сенімділік деңгейін арттыруға, газ құбырларындағы газ қысымын тұрақтандыруға мүмкіндік береді. Қызылорда қаласындағы Коммунизм және Саяхат шағын ауданында , барлық тұтынушыларды газбен сапалы әрі тұрақты жабдықтауды қамтамасыз ету, сондай-ақ газ тарату желілеріндегі авариялық жағдайлардың салдарын барынша азайту”, – делінген қала әкімдігінің хабарламасында.
</blockquote>
Газдың иісі шығуы анықталған жағдайда 104 телефонына қоңырау шалыңыз.

Қызылорда қаласында газ беру уақытша тоқтатылады

<a href="https://kyzylorda-news.kz/?doing_wp_cron=1603961880.5587561130523681640625">Kyzylorda-news.kz</a>. 6-18 қазан күндері аралығында Қызылорда қалалық ішкі саясат бөлімі және «Ашық Азаматтық Қоғам» ақпараттық – ресурстық орталығының ұйымдастыруымен Жас отбасы және жастар арасында мотивациялық онлайн эссе байқауы өткізілді.
Байқау Instagram әлеуметтік желісінде онлайн түрде @qogam.kzo парақшасында жүргізілді. 
Байқаудың мақсаты ;еке адамның бойындағы ар-ұятын , ақыл-ойын, адамгершілігін, мәдениеттілігін тәрбиелеуге бағыттау. 
Байқау қорытындысы бойынша 1 орын – Ақгүл Қалжановаға бұйырды. 2 орынды – Айдана Жауғашарова иемденсе, 3 орынды – Асыл Кәдірбай жеңіп алды. Жүлдегерлер қалалық ішкі саясат бөлімі басшысының арнайы диплом, алғыс хаттарымен марапатталып, бағалы сыйлықтар табысталды.

Мотивациялық байқау: Жастар бақ сынады

<a href="https://kyzylorda-news.kz/date/2020/10/19/">Kyzylorda-news.kz.</a> Жыл сайын шамамен Қызылорда облысында 2 мыңға жуық апаттық жағдай орын алады. Соның барлығында құтқарушылар қызмет етеді. Қызылордалық құтқарушылар жыл басынан бері 200-ге жуық адамның өмірін аман алып қалды.
Азаматтық қорғау органдарының 25 жылдығына орай қызылордалық құтқарушылардың технопаркі екі өрт сөндіру көлігімен толықты. Төтенше жағдайлар департаментіне қарасты құрылымдарда жалпы жүзден астам арнайы техника бар.
<blockquote>
 “Құтқарушылар күн сайын қандай қиындыққа тап келсе де, қауіп пен қатерге бас тігіп, өзгенің өміріне араша түседі. Нағыз батыр, қайсар жандар. Кәсіби мерекелеріңізбен шын жүректен құттықтаймын”, – деді облыстық жұмылдыру дайындығы баскармасы басшысынын орынбасары Бағдат Әлиев.
</blockquote>
Қауіпсіздікті қамтамасыз ететін азаматтық қорғау саласының материалдық-техникалық базасы жыл сайын нығайып келеді. 2018 жылы Арал ауданындағы №3 мамандандырылған өрт сөндіру бөлімі, өткен жылы Қызылорда қаласындағы №7 өрт сөндіру бөлімі жаңадан салынды. Жергілікті атқарушы органдардың мемлекеттік өртке қарсы қызметі бөлімшелері жоқ елді мекендерде 22 өрт сөндіру бекеті ашылды. Алдағы уақытта 10 бекет салынбақ.
<blockquote>
 “Соңғы 3 жылда департаменттің бөлімшелеріне 5 бірлік өрт техникасы, 6 көмекші техника және 119 бірлік құтқару жабдықтары мен жүзу құралдары алынды. Тұрғын үйлердегі өрттің саны – 15 %, су объектілерінде орын алған оқиғалар – 17 % азайды. Ал адамдардың өрттен қаза болуының саны 20 пайызға кеміді. Бұл түсіндірме жұмыстардың нәтижесі”, – деді облыстық ТЖД бастығы Бағдат Данилов.
</blockquote>
<img src="https://kyzylorda-news.kz/wp-content/uploads/2020/10/122138803_1144112135984297_702848409618556974_o.jpg" alt="" />

Бүгін &#8211; Құтқарушылар күні

<a href="https://kyzylorda-news.kz/date/2020/10/19/">Kyzylorda-news.kz.</a> Қызылода қаласының әкімдігі пандемияның екінші толқынының алдын-алу мақсатында арнайы үндеу жариялады.
Құрметті қызылордалықтар және қала қонақтары!
Қазіргі таңда пандемияның екінші толқыны болмайды деген қауесетке сенген кейбір қала тұрғындары бетперде тағуды және санитарлық талаптарды қатаң сақтауды мүлдем доғарды. Көңіл көтеретін орындарда жиі бой көрсетуі, той-томалақтар өткізу, сонымен қатар отбасылық шараларды кең көлемде атап өтуі басқа да ырым-жоралғыларға толы кештер мен басқосуларды жиі атап өту көріністері белең алып отыр. Бұл әрине біздің қаламызда санитарлық талаптардың сақталуына және пандемияның екінші толқынының алдын-алу мақсатында ұйымдастырылып жатқан шаралардың өз деңгейінде өткізілуіне кері әсерін тигізуде.
Атап айтқанда той-томалақтарды өткізуші ұйымдастырушы қарапайым халық емес қалталы азаматтар, мемлекеттік қызметшілер, мекеме басшылары осы деңгейдегі азаматтар болып табылады.
Осыған орай Қызылорда қаласының әкімі Нұрлыбек Нәлібаев бүгінгі күннен бастап арнайы шешім қабылдап отыр. Егер де тойларды ұйымдастырған немесе тойларға қатысқан мемлекеттік қызметшілер, бюджеттен қаржыландырылатын мекеме басшылары мен қызметкерлері анықталған жағдайда оларға қатысты арнайы шара қолданылатын болады. &nbsp;Бұл ретте барлық мемлекеттік қызметшілерді аумақтық департаменттің, облыстық басқармалар мен әкімдік құрылымына қарасты мемлекеттік қызметшілерді сонымен қатар бюджеттен қаржыландырылатын барлық деңгейдегі кәсіпорындар мен мекеме басшыларымен қызметшілерін, мектеп директорлары мен балабақша басшылары мен ұжымдарын карантиндік талаптарды қатаң сақтауға және той-томалақтарға, ырым-жоларғыларға, көңіл көтеретін басқа да ойын-сауық кештеріне қатыспауға шақырамыз. &nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;
Егер мониторингтік топтың іс-әрекеттері барысында жоғарыда аталған мемлекеттік қызметшілер мен мекеме қызметшілері қатысқаны анықталған жағдайда тәртіптік шара басқа да шараларды қолдану туралы құзырлы органдарға ұсыныс берілетін болады.
Атап айтқанда облыс әкімдігіне және мемлекеттік қызмет істері жөніндегі агенттікке тиісті ұсыныстар енгізіледі.&nbsp; Осыған орай мемлекеттік және мекеме қызметкерлері, басшылық құрамға&nbsp; өлім-жітім, той-томалақтарға қатысуға және ұйымдастыруға қатаң тыйым салыну қажет.
Әрине өмір болғасын қуаныш пен қайғы қатар жүретінін бәріміз жақсы ұғынуымыз тиіс. Дегенменде өлім-жітім орын алған жағдайда адамды көп шоғырландырмай, санитарлық талаптарды қатаң сақтай отырып ұйымдастыру қажеттегін тағы да қатаң ескертеміз.
Құрметті қала тұрғындары!
Қоғам болып пандемияның екінші толқынымен күресуге шақырамыз!

Нұрлыбек Нәлібаев қала тұрғындарына үндеу жариялады

<a href="https://kyzylorda-news.kz/date/2020/10/19/">Kyzylorda-news.kz.</a> Қызылорда облысының ауылдарында «Жұмыспен қамтудың Жол картасы» бағдарламасы аясында жолдар жөнделіп, көшелер абаттануда. Бұл туралы облыс әкімінің баспасөз қызметі хабарлады.
Сырдария ауданында бағдарлама шеңберінде 19 жоба қолға алынған. Оның ішінде 6 жоба инженерлік-көлікті инфрақұрылым объектілерін іске асыруға бағытталған. Айталық, Тереңөзек кентіндегі 5 көше жөндеуден өтуде. Сонымен бірге, Шаған және Шіркейлі ауылдарының көшелеріне орташа жөндеу жұмыстары жүріп, ауылдың жұмыссыз азаматтары жұмысқа тартылуда. Мұнан бөлек, С.Сейфуллин ауылындағы 5 көше, Айдарлы ауылының Қалымбет көшелері қайта жаңаруда.
Ерекше айту қажет, аудандық маңызы бар «Самара-Шымкент-Жаңадария» автомобиль жолының 10-25 км орташа жөндеу жұмыстары іске асып, 50 маман жұмылдырылған.
Сырдария ауданында елді мекендер де абаттанып келеді. Бұл бағытта 2 жоба қолға алынған. Тарқатып айтқанда, Шаған ауылында Есет би тұйығы мен Ж.Омаров көшесі абаттанып, ауыл өміріне ажар беруде. 
Жалпы ауданда бағдарлама аясында 577 адам жұмыс көзін тапқан. Олардың басым бөлігі жұмыссыз ретінде тіркелген азаматтар. Бағдарлама аясында қызмет тапқан жұмысшылар 85 мың теңге көлемінде жалақы алуда.

Сырдария ауданында жолдар жөнделіп, көшелер абаттануда

<a href="https://kyzylorda-news.kz/date/2020/10/19/">Kyzylorda-news.kz.</a> Қармақшы ауданында қайырымдылық шарасы кезінде 3 тұрғын үйдің кілті табысталды.
Мұсылман қауымының қасиетті мерекесі Мәуліт айының басталуымен «Қармақшы Ата» мешітінде және ҚМДБ-ның Сыр өңірі бойынша Бас имамы Болатбек Ұласқанұлы бастаған дін қызметкерлері мен мешіттердің жамағаты бірлесіп қайырымдылық шарасын өткізді.
Шарада әлеуметтік қолдауды қажет ететін 3 отбасына 3 тұрғын үйдің кілті табысталды. «Ел үлесі пәтерге» жобасы аясында «Зекет» корпаративтік қорының Қызылорда облысы бойынша өкілі Оңталап Жидебаевтың және «Жосалының 100 жомарты жігіті» акциясы аясында жүзеге асты.
Шара барысында Қармақшы аудандық “Қармақшы Ата” мешітінің Бас имамы Жақсыбек қажы Әбиұлы Мәуліт мейрамы жиналғандарды құттықтап, «Көшпелі қайырымдылық керуені» 30 жылдығы аясында 30 отбасына азық-түлік таратты. Шараға қатысушылар “Аңсаған” мүмкіндігі шектеулі балалар қоғамдық бірлестігінде болып, жұмыстарымен танысты. Сондай-ақ қолөнер шеберлеріне кілем сыйға тартты.
<img src="https://kyzylorda-news.kz/wp-content/uploads/2020/10/122121242_1634300510074182_7935438720636250891_o.jpg" alt="" />
<img src="https://kyzylorda-news.kz/wp-content/uploads/2020/10/122079352_1634300513407515_1316696049564438978_o.jpg" alt="" />

Қармақшыда 3 отбасыға баспана кілті табысталды

<a href="https://kyzylorda-news.kz/date/2020/10/19/">Kyzylorda-news.kz.</a> Қызылорда облысы көлемінде заңсыз атыс қаруымен жасалатын және қару ұрлығы қылмыстарының алдын алу, болдырмау мақсатында &nbsp;қазан айының 16-21 күндері аралығында «Қару» жедел профилактикалық іс-шарасы ұйымдастырылған.
Іс-шараның 1 күнінде облыс көлемінде 2485 қару иелері тексеріліп, 37 құқық бұзушылық анықталды. Заңсыз айналымнан 11 дана қару тәркіленді.
<blockquote>
 “Қазақстан Республикасы Әкімшілік құқық бұзушылық туралы Кодексінің 484-бабына сәйкес (Азаматтық, қызметтік, марапаттық, коллекциялық қаруды, оның патрондарын иелену, беру, есепке алу, сақтау, пайдалану, тасымалдау, Қазақстан Республикасының аумағына әкелу, Қазақстан Республикасының аумағынан әкету және Қазақстан Республикасының аумағы арқылы транзитпен өткізу тәртібін бұзу) 14 азаматқа, 486-бабына сәйкес (Азаматтық, қызметтiк, марапаттық, коллекциялық қаруды тiркеу (қайта тiркеу) не оны есепке қою тәртібін бұзу) 14 азаматқа әкімшілік шара көрілді”, – делінген полиция департаментінің хабарламасында.
</blockquote>
Қаруды қауіпсіз ұстау қағидаларын білуін тексеру үшін 69 қару иесі емтихан тапсыруға жолданды.
<img src="https://kyzylorda-news.kz/wp-content/uploads/2020/10/121969123_756070944943344_1024552956724228923_n.jpg" alt="" />

Қызылордада 1 күнде заңсыз айналымнан 11 дана қару тәркіленді

<a href="https://kyzylorda-news.kz/date/2020/10/19/">Kyzylorda-news.kz.</a> “Тегін таратылып жатқан маскалар есірткіге малынған, абайлаңыз” жазбасымен әлеуметтік желілерде тараған ақпарат шындыққа жанаспайды. Бұл туралы ҚР Ішкі істер министрлігінің ресми өкілі Нұрділдә Ораз онлайн-брифинг барысында мәлімдеді.
<blockquote>
 “Әлеуметтік желілер арқылы жалған ақпарат таратылған. Ақпарат бойынша әлеуметтік қызметкерлер есірткіге малынған&nbsp;маскалар таратқан. Артынша адамдарды ұйқтатып тастап, ұрлық жасаған. Ресми түрде бұл ақпараттың шындыққа жанаспайтыны туралы айтқым келеді. Бұл фейк ақпарат”, – дейді Нұрділдә Ораз.&nbsp;
</blockquote>
<img src="https://kyzylorda-news.kz/wp-content/uploads/2020/10/whatsapp-image-2020-10-17-at-15.59.23.jpeg" alt="" />
Айта кетейік, бұған дейін желіде өздерін еріктілерміз деп таныстырып, маска таратып, үй иесін ұйықтатып кететін адамдар туралы ақпарат тараған болатын. Бұл ақпарат шындыққа жанаспайды. Мұндай жағдай тіркелмеген.

Қазақстан және Қызылорда облысының жаңалықтары

Қызылорда: Жұмыссыз қалған қызметкерлерге қандай көмек беріледі?

Музейде кей жағдайда фототүсірілім үшін ақы талап етілуі мүмкін

«Saqbol» қосымшасы COVID-19 жұқтырғандардың санын азайтады

Қашықтан оқыту: Қызылордаға тағы 22870 компьютерлік құрылғы алынады

Қызылорда қаласында газ беру уақытша тоқтатылады

Мотивациялық байқау: Жастар бақ сынады

Бүгін – Құтқарушылар күні

Нұрлыбек Нәлібаев қала тұрғындарына үндеу жариялады

Сырдария ауданында жолдар жөнделіп, көшелер абаттануда

Қармақшыда 3 отбасыға баспана кілті табысталды

Қызылордада 1 күнде заңсыз айналымнан 11 дана қару тәркіленді

“Маскалар есірткіге малынған, абайлаңыз” – министрлік түсініктеме берді

Қазақстан және Қызылорда облысының жаңалықтары

Қызылорда: Жұмыссыз қалған қызметкерлерге қандай көмек беріледі?

Музейде кей жағдайда фототүсірілім үшін ақы талап етілуі мүмкін

«Saqbol» қосымшасы COVID-19 жұқтырғандардың санын азайтады

Қашықтан оқыту: Қызылордаға тағы 22870 компьютерлік құрылғы алынады

Қызылорда қаласында газ беру уақытша тоқтатылады

Мотивациялық байқау: Жастар бақ сынады

Бүгін &#8211; Құтқарушылар күні

Нұрлыбек Нәлібаев қала тұрғындарына үндеу жариялады

Сырдария ауданында жолдар жөнделіп, көшелер абаттануда

Қармақшыда 3 отбасыға баспана кілті табысталды

Қызылордада 1 күнде заңсыз айналымнан 11 дана қару тәркіленді

&#8220;Маскалар есірткіге малынған, абайлаңыз&#8221; &#8211; министрлік түсініктеме берді

Бүгін – Құтқарушылар күні

“Маскалар есірткіге малынған, абайлаңыз” – министрлік түсініктеме берді